المبروكه الفصل الخامس حتى الفصل العاشر بقلم رشا منصور حصريه وجديده
 |
مرات عمي....
والله يا نهي مش عارفه اقول ايه ولا اعمل ايه أنا من زمان وقولت اجوز سعيد ل سمر حتى لما سعيد ابني جاب تقدير عالي وسافر يعمل دراسات عليا بره وبنت أختى سقطت في الدبلوم ورفضت تكمل تعليمها
قولت لها وماله يا سمر وابني مكنش عاوزها وطول عمره بيقول أنها زى اخته وبعد كل ده أختى تقول ع ابني معقد وأنها هى اللى غصبت ع بنتها توافق عليه
نهي....
غصبت ع بنتها ده ايه
ليه هو سعيد ماله ده زين الشباب ومؤدب ومتعلم ده ألف من تتمني تتجوزه وع فكره يا مرات عمي متزعليش منى انتى اللى رخصتي من ابنك وأنا لو منك كنتى رديتي عليها وقولى لها أنا مش عاوزة بنتك ل ابني ومش بس كدا ده أنتى لازم تخطبي ل سعيد كمان علشان تتأكد أن في بنات كتير تتمناه خليها تندم وتحس بقيمته
مرات عمي....
والله يا نهي أنا كنت بفكر في كدا بس خايفه بعد ما اخطب له اخسر أختى محتارة يا نهي مش عارفه اعمل ايه وعمك مش طايق يسمع إسم سمر وبردو لو فكرت أخطب له تفتكري اختار له مين
نهي.....
من رأيي تسيبي سعيد هو اللى يختار مش يمكن يكون في واحدة زميلته في الشغل معجب بها ما أنتى قولتي أن مكنش عاوز سمر يبقي اكيد في واحدة تانيه شغله تفكيره
مرات عمي....
تصدقي ممكن فعلاً أهو ع الأقل تبقي خريجه جامعه بدل اللى مخدتش حتى دبلوم
نهي....
طب يلا قومى وفرفشي كدا وقولى ل عمي انك خلاص مش هتجوزى سعيد ل سمر علشان ميفضلش زعلان معاكي ويلا بقي أنا جايبه معايا فطار علشان نفطر كلنا سوى أنا هروح اجهز الأكل
ولما خرجت من المطبخ لقيت سعيد بيقولى محدش بقي طايق سمر أنا هنتهز الفرصة دى واقولهم أنى عاوز اخطبك
قولت له لأ روح قول ل عمي الأول وقوله أنى معرفش حاجه وانك هتبقي تكلم مرات عمي بعد كدا بس مش انهاردة واوعى حد يحس أنى عارفه حاجه علشان لو رفضوا ميبقاش فيها احراج ولا ليا ولا لهم
سعيد.....
حاضر يا نهي متخافيش أنا لا يمكن اتجوز غيرك حتى لو رفضوا مع أنى واثق أن ابويا هيوافق
نهي....
لسه هتكلم لقيت مرات عمي خرجت من الاوضة وشافتني واقفه مع سعيد بصيت لها وقولت اهي القمر طلع اهو سعيد كان لسه بيسألني عليكي يلا أنا هجهز الفطار بسرعه يلا يا عمي
مرات عمي... .
كنت بتقول ايه ل نهي يا سعيد شيفاك واقف منسجم معاها ده أيام ما كانت عايشه معنا هنا عمري ما شوفتك وقفت معاها كدا
سعيد..... وفيها ايه لما اكلمها مش بنت عمي
مرات عمي.....
فيها أنى عاوزة اجوزك وافرح بك ومدام مش عاوز سمر اهو نهي موجودة ومتعلمه وخريجه جامعه ومش محتاجين نسأل عليها ولا أنت حاطط عينك على واحدة من الشغل بص يابني أنا رأيي بنت عمك أولى بك
نهي.....
كنت عارفه كل اللى بيتقال كأنى واقفه معاهم وفرحانه أوى وخايفه الفرحه تبان في عنيا وطبعاً مش محتاجين تسألوا عرفت إزاى البركه في القرين 🧟🧟
خرجت ومعايا الاطباق بعد ما سعيد قال ل مرات عمي لو انتى شايفه كدا يا امى خلاص أنا هكلم ابويا انهاردة بس بعد ما نخلص فطار واشوف رأيه ايه
وعليت صوتى وأنا خارجه وقولت الفطار العسل للناس العسل بألف هنا يلا يا عمي احسن والله ازعل منك ومجيش عندكم تاني
عمي....
أنا جيت يا لمضه وببص لقيت مراتي بتضحك ايه ده اخيرا ده أنتى قلباها نكد بقالك كام يوم ولا علشان نهي هنا لو ع كدا بقي بنت يا نهي مافيش خروج من البيت تاني ههههه وفضلنا نضحك ونهرج
نهي.....
خلصت ترويق البيت عند عمي وجهزت الغداء كمان وقولت ل مرات عمي معلشي هدخل الاوضة عندك اغير هدومى علشان اروح عندى درس عاوزة الحقوا وطبعاً وافقت وقفلت الباب عليا وكنت مجهزة عمل محبه المره دي وقلبت المرتبه ورشيتها كلها وعدلتها وظبطت الملايه من تاني وغيرت ملابسي وظبط حالي وخرجت وسلمت عليهم وجايه امشي سعيد بصلي وبص ع موبيله فهمت
أنه عاوزنى اتصل عليه أول ما اوصل البيت
ومشيت وأنا الفرحه مش سيعاني ياااااه أخيرا سعيد هيبقي ملكي ووصلت البيت وطبعاً اتصلت على سعيد
وبعد كدا أخدت العيال اللي جابتهم ليا خالتي أم سيد ودفعتهم فلوس رمزيه منها مساعده لهم ولاهلهم زى ما أنا مفهمه خالتي أم سيد
ومنها يبقي قدام الناس كلها أن أنا بدي دروس ويبقي محدش يقدر يقولى من أين لكي هذا
وحتى لو رجعت في يوم متأخر الناس هتقول رجعه من الدروس كدا أنا ظبطت نفسي قصاد الناس وقصاد الحكو'مه وقصاد سعيد
وتانى يوم اتصلت على عمي وقولت له أنا عاوزة اكلم مرات عمي اسألها ع حاجه ولما كلمتني حصل الآتي
مرات عمي....
المبروكه (٦)
وتانى يوم اتصلت على عمي وقولت له أنا عاوزة اكلم مرات عمي اسألها ع حاجه ولما كلمتني حصل الآتي
مرات عمي....
ايوة يا نهي يابت تبقي خدى رقمي المرة الجاية
نهي....
حاضر بقولك يا مرات عمي في واحدة ست بتبيع ملايات كنت عاوزة اجيب ليا بس أنا مبفهمش فيهم وفي بنات زمايلي قالولى اطلعي ع اسواق الجمله هاتي منهم أحسن واوفر انتى ايه رايك
مرات عمي....
سوق الجملة احسن وبيبقي في محلات كتير وتختاري اللى يعجبك
نهي... معلشي يعني ممكن تكونى معايا انتى عارفه أنا ماليش حد غيرك لو مفيهاش تعب عليكي
مرات عمي....
يابت أنا أمك تعب ايه اللى بتقولى عليه شوفي أنتى عاوزة تروحي امتى وأنا معاكي في أى وقت
نهي....
ربنا يخليكي ليا يارب خلاص أن شاء الله الاسبوع الجاى بعد ما اوضبلك البيت نروح سوي
مرات عمي....
ولا توضبي ولا تعملي أى حاجة أنتى تعالى هنفطر كلنا ونروح وناخد معانا سعيد اهو يشيل معانا يلا ظبطي حالك أنتى اهم حاجه سلام يا بنتي وقفلت
عمي....
ايه الحنيه دى كلها ربنا يهديكي يارب أنتى بتراضي بنت يتيمه وملهاش حد غيرنا
مرات عمي....
بيني وبينك أنا فكرت كويس ولقيت أن نهي خريجه جامعه أحسن من سمر و لقيتك أنت كمان مش طايق سمر ولا أختى وكمان الواد سعيد ميال لها وعاوز يتجوزها ومكسوف يكلمك قولت ايه
عمي....
ده يوم المني أنا كنت عوزها ل سعيد من زمان بس كنت ساكت لما لقيتك مصممه ع بنت اختك الفاشله دى وكنت خايف اعترض احسن يكون سعيد بيحبها لكن مدام الواد بيحب نهي ع خيرة الله بس قولى له يفتح معاها هى الكلام أحسن تتحرج منى
واهو بالمره ياخدوا ع بعض شويه ولا انتى شايفه ايه
مرات عمي....
هى دى تفوتنى ما أنا علشان كده قولت لها هجيب سعيد يشيل معانا قولت اهو يتكلموا سوى بعيد عن البيت
وأنت هتيجي معانا علشان نمشي أنا وأنت سوي ونسيب البنت مع الواد سوي
عمي.... طول عمرك ناصحه 😂😂😂
نهي....
كنت عارفه كل الحوار اللى بيدور بين عمي ومرات عمي وكنت فرحانه بنفسي أوى كدا الخطه ماشيه زى ما أنا عاوزة بالظبط وسيبت الأحداث تمشي زى ما مرات عمي مخططه بالظبط وخرجنا كلنا وكنت بتعمد مكلمش مع سعيد ويكون كلامي مع مرات عمي علشان تحاول هى تخلي سعيد يكلمنى ونكون مع بعض وبعد ما اشترينا حاجات كتير وروحنا مرات عمي خدتنى ع جنب
وقالت ليا هو انتى زعلانه من سعيد قولت لها لأ خالص ليه بتقولى كدا قالتلي
طول ما إحنا بره وتكونى معاه الاقيكي سيباه وماشيه معايا أنا وعمك هو قال حاجه تضايقك عرفيني أنا زى أمك يا حبيبتي
قولت لها خالص بالعكس سعيد دمه خفيف ومحترم جدا بس أنا عارفه أنه اكيد مالوش في المفروشات علشان كده كنت بسيبه واجيلك اخد رأيك
مرات عمي....
ريحتي قلبي أصل بصراحه كدا مخابيش عليكي وانتوا الاتنين ماشين مع بعض كنتوا لايقين ع بعض أوى وفجأة كدا تخيلتكوا مع بعض في الكوشه علشان كده قولت لما اسألك وأعرف رأيك ايه لو سعيد عجبك أنا هجوزهولك
نهى....
اتجوز سعيد بس مش يمكن هو بيحب واحده تانيه
مرات عمي....
أنا بسألك أنتى رأيك ايه جوبيني
نهي....
رأيي ايه هو ده كلام يا مرات عمي هو في أحسن من سعيد ده كفايه أخلاقه وكمان هو أنا أطول تبقي أنتى حماتي بس بصراحه أخاف يكون هو مش عاوزنى
مرات عمي.....
لا متخافيش أنا سألت سعيد الأسبوع اللى فات وقالي أنه موافق وعمك كمان موافق وكلهم كانوا منتظرين رأيك
نهي..... عملت نفسي مكسوف وسكت
مرات عمي......
لووووولوووولى 😘😘😘 ألف مبروك يا مرات ابني
نهي.....
لقيت عمي وسعيد دخلوا علينا وبيقولوا ما تفرحونا معاكوا ردت مرات عمي وقالت إن شاء الله هنعمل خطوبه سعيد ونهى الاسبوع الجاى ايه رايك يا أبو سعيد
عمي.....
ده يوم المني أفرح بولادى الاتنين ع خيرة الله من بكره ننزل نجيب الشبكه وانتى يا أم سعيد تروحى مع نهي وتجيبوا أحلي فستان ل عروستنا
سعيد.... تسمحلي يا بابا أنا اللى هجيب مع نهي الفستان
عمي....
ومالوا يابني خلي بالك منها واوعي تزعلها
نهي.....
كنت مبسوطه أوى وبالذات لما مرات عمي اتصلت ب أختها قدامى وقالت لها إحنا اخوات ومينفعشي نزعل من بعض وأنا بكلمك علشان اعزمك ع خطوبه ابني الاسبوع الجاى ع بنت زى القمر خريجه جامعه ومؤدبه وبنت أصول والله يا أختى أنتى أول واحدة اعزمها لازم تيجي ما سعيد زى ابنك بردو وقفلت
كنت عارفه أنها قاصدة تكيدها ضحكت وقولت لها ضر'به معلم هههههههههههه
المبروكه (٧)
ويوم الخطوبه كنت زى القمر ولبسه فستان أوف وايت سعيد هو اللى اختاره ليا بصراحه
ولقيت سمر وامها جت وعرفت من قرينها أنهم راحو عند مشعوذه وقالت لها بنتك معمول لها سحر وأنها هتقدر تفكه لها وكمان تعرف مين اللى عمله بس مش مهم أنا هتصرف مش هسيب حاجه تعكر فرحتي بخطوبتي
وتمت الخطوبه وكان لازم اخد حظري لأن سعيد بقي أوقات يوصلني الصبح المدرسة اللى اشتغلت فيها وأوقات كان بيجي عند البيت وبيشوف الاولاد اللى بديهم دروس كان بيقولى بحب صراحتك معايا
واوقات بيجي البيت ويكون حد من الزباين عندى كنت اخدوا ع جنب واقوله دى ستات عاوزة تتعلم القراءة والكتابة علشان تعرف تربي عيالها وتعليمهم
وكان بيكون مبسوط وفخور بيا أوى
وانتهزتها فرصه لما يكون في شغل هعمله بره اقوله أن في واحدة هروح لها البيت اديها درس هى وبناتها
بس قبل كل ده لازم اخطط ل سمر وأمها قبل ما انكشف أنا مش هسمح بحد يخسرني سعيد علشان كده قررت ونفذت وتانى يوم اتصلت على سعيد وقولت له الست اللى بدري عيالها درس خالتها تعبانه وهتروح تعيش عندها علشان كده هديهم درس هناك
وبالفعل روحت عند الست لواحظ ومافيش ساعه ولقيت الباب بيخط ولما اتفتح الباب اتفاجأت ب سعيد وخالتوا ومرات عمي داخلين عليا وفضلت خالتوا تغلط فيا وتقول انتى اللى عملتي العمل ل بنتي وضربتني وأنا بصيت ل سعيد وقولت له هو في ايه
أنا مش فاهمه حاجه انتوا بتعملوا ايه هنا
خالتوا.... مش فاهمه يا سحاره يا خطافه الرجاله انتى عملتي عمل ل بنتي علشان تخطفي سعيد وتتجوزيه
نهي....
أنا مش هسمحلك تغلطي فيا أنا عامله حساب ل مرات عمي ول سعيد وكمان ل بيت الناس اللى إحنا فيه
سعيد.....
انتي بتعملي ايه هنا يا نهي بالظبط
نهي ..... أنت دخلت لقيت ايه قاعدة ومعايا أطفال وبشرح لهم هو أنا مش قايله لك أن مكان الدرس اتغير وعرفتك العنوان ايه اللى حصل علشان خالتك تغلط فيا
خالتوا....
أنا بنتي اتعمل لها سحر والست اللى هنا الكل عارف أنها بتاعه أعمال
نهي....
انتي بتقولي ايه سحر ايه وأعمال ايه وهنا ردت مها بنت أخت الست لواحظ وقالت لها هى مين دى يا ست يا خرفانه' انتى اللى بتاعه سحر وأعمال انتى داخله تتهجمي' علينا في بيتنا وكمان تتبلي علينا أنا هبلغ عنك البوليس يعلمك الأدب مش بعيد تطلعوا شويه حراميه. وعملين الفيلم ده علشان تسر'قونا ياااا ناس الحقونا حراميه' بيتهجمو'ا علينا ياااااالهوى
سعيد.... اهدي اهدي حراميه' ايه يا ست انتى الكارنيه بتاعي أهو أنا محامي وأستاذ في الجامعه والأستاذة نهي تبقي خطيبتي كل اللى أنا عاوز اعرفه هى بتعمل ايه هنا
مها بنت أخت الست لواحظ.....
أنا خالتي تعبانه ومش بتتحرك وجايبه لها جليسه وبقيت كل يوم اقعد طول النهار واروح بالليل والجليسه بتبات معاها وبتمشي الصبح طلبت من الاستاة نهي ننقل مكان الدرس وتدى اولادى هنا وحضرتك دخلت وشوفتها بنفسك ايه بقي اللي حصل علشان الست دى تتبلي علينا وتقول أننا بتوع سحر واعمال هو ينفع تتهجمو'ا ع الناس بالشكل ده
سعيد.... أنا اسف جدا ل حضرتك بس آخر طلب ممكن اشوف خالتك حتى اعتذر لها بنفسي
وفعلاً دخلت لقيت ست كبيرة في السن نايمه ع السرير وفي ادويه كتير ع التربيزة جنبها بصيت ل قريبتها قولت لها أنا آسف وخدت امى وخالتي ونهي وروحنا
وفضلت نهي تعيط وأول ما وصلنا البيت قالت
نهي.....
فضلت ابكي طول الطريق ومش بكلم ولا برد على حد وأول ما وصلت بيت عمي قولت لهم أنا سيبت كل واحد يتكلم براحته لكن دلوقتي أنا اللى هتكلم هو مش أنتى يا مرات عمي اللى طلبتي ايدي من سعيد هو أنا كنت اعرف أى حاجة قالت لأ الشهاده لله انتى طول عمرك بتعتبري سعيد زى اخوكى
بصيت ل سعيد قولت له هو أنا مش كلمتك وعرفتك اللى حصل وأن الدرس اتنقل وعرفتك العنوان قالي اة حصل بس
قولت له مافيش بس أنت صدقت عندى كلام بطال وافتري وسيبت خالتك تشتم فيا وتضر'بني وأنت مدفعتش عندى وانتى يا مرات عمي ياللي بتقولى أنى زى بنتك ترضي ع بنتك تتهان بالشكل ده
وكل ده ليه علشان سعيد مرضيش يتجوز بنتك تروحي ترمي عليا تهمه علشان تفشكلي الجوازة
وفري ع نفسك التعب أنا اللى مش هقبل اتجوز واحد شاف مراته المستقبلية تتهان قدامه وميدفعش عنها اتفضل شبكتك اهي ومشيت فضل عمي ينادى عليا جريت وروحت البيت وأول ما وصلت فضلت اضحك بصراحه انفع ممثله
ايه مستغربين استنوا هفهمكم اللى حصل
أنا عرفت من قرين خالت سعيد كل حاجه وعرفت أنها بتراقبني روحت اتصلت على الست لواحظ وفهمتها كل حاجه وهى كلمه بنت أختها وجابت معاها عيال من الشارع عندها وعملوا انهم ولادها والست لواحظ عملت أنها تعبانه وقصدت اعرف العنوان ل سعيد علشان وقت الجد احسسه بالذنب انه ظالمني مش بس كدا أنا فكيت العمل ل سمر أول ما روحت البيت بس بعد ما اقنعت قرينها أنها لازم تروح المستشفى وهناك الدكتور قالها بنتك سليمه هى بس نفسيتها كانت تعبانه شويه وده أداها إحساس بالوهم أنها تعبانه لكن هى سليمه
مامتها قالت للدكتور ده في واحدة قالت ليا أن بنتك مسحوورة الدكتور رد عليها وقال دى ست دجاله ضحكت عليكي علشان تاخد فلوسك
وهنا خليت القرين لعب في دماغها وراحت ع بيت عمي وقالت لهم كلام الدكتور واعتذرت لهم وقالت لو مش مصدقين تعالوا معايا عند الست الدجاله واسمعوا بنفسكم هتقول ايه
مرات عمي....
ايه عوزانا نروح هناك علشان تعملي سحر ل ابني حرام عليكي كسرتي فرحته عاوزة مننا ايه تاني
سعيد....
أنا عمري ما كنت اتخيل أن الحقد يوصل بكي أنك تد'مري فرحتى وتفرقي بيني وبين الانسانه الوحيدة اللى حبتها روحى منك لله أنا لو هعيش طول عمري عازب استحاله اتجوز بنتك ولا ادخل لكم بيت وسبتها ومشيت
عمي....
اتفضلي اطلعي بره وانسي أن لكي أخت ربنا يكفينا شرك
كنت عارفه بكل اللى بيحصل وقاعدة اضحك ما أنا مش هبله للدرجه أن اخلي واحدة زيها تكشفني
المبروكه (٨)
كنت عارفه بكل اللى بيحصل وقاعدة اضحك ما أنا مش هبله للدرجه أن اخلي واحدة زيها تكشفني
وكمان تخسرني حبيبي وفضل سعيد يتصل عليا قفلت الموبيل ولما جالى البيت مرضتش أفتح الباب فضل يخبط ويعتذر كان صعبان عليا أوى ده حبي الوحيد
بس كان لازم اتصرف بالعقل ما اللى يمشي وراء عقله دايما كسبان وفضلت قاعدة في البيت وفتحت الفون واخدت إجازة من المدرسة اسبوع وقفلت الفون تانى
وطول الاسبوع قعدت في البيت اقرء واتعلم من كتب السحر اللى خدتها من الست لواحظ
اصلي قررت اتعلم السحر'الأسود بس عرفت أن لازم يكون ليا خدام وغير أن لازم أقعد في مكان مهجور 21يوم
وأول اسبوع اكون من غير ملابس طب إزاى ده يحصل بصراحه خوفت اعمل كدا حد يشوفني وينكشف أمري
علشان كده باعت قريني برساله للست لواحظ وكان ردها
تعالى ليا البيت خليت القرناء اللى تحت ايدي يعرفونى كل واحد بيعمل ايه
سعيد ....قافل ع نفسه الاوضه وبيبص ع صور الخطوبه وعيونه مليانه دموع
عمي.... قاعد في البلكونه سرحان وشكله باين عليه الزعل
مرات عمي....
قاعدة ع السرير تبكي وتتحسبن ع أختها وبنتها وتدعي عليهم
كدا بقي اخرج وأنا مطمنه أن محدش هيشوفني ووصيت القرناء أى حد يخرج من البيت يعرفونى وطبعاً مش محتاجه اسأل عن خالتوا اصلي نسيت اقولكم اني عملت لها سحر وخليتها تضرب نفسها في الحيط وتكلم نفسها وتشوف خيالات قدامها وجوزها ضر'بها قالها تستاهلي أكيد الدجاله اللى روحتى لها هى اللى سحرتلك ادى جزاء اللى يمشي وراء الدجل خسرتي أختك وخليتي يطلع على بنتك سمعه وحشه كأنها عانس ومش لقيه عريس
وسمر قاعدة تندب حظها وقالت أنا الغلطانه لو كنت اتجوزت سعيد مكنش كل ده حصل أنا اللى سمعت كلام زمايلي فضلوا يقولوا ليا ده أكبر منك ومعقد منهم لله
نهي.....
وصلت عند الست لواحظ ولقيتها قاعدة في الاوضه بتاعتها وقالت ليا تعالي يا قادرة
استغربت كلمتها قولت لها قادرة على ايه مش فاهمه
الست لواحظ.....
قادرة ع قلبك اسمعي يا نهي مافيش حاجه ممكن تلغي عقل البني آدم إلا قلبه بقلم رشا منصور وطول ما أنتى عارفه إزاى تسيطري ع قلبك وتنفذي اللى أنتى عوزاه بعقلك هتفضلي قويه ومالكيش نقطه ضعف حد يستغلك بها
انا نقطه ضعفي كانت بنت أختى لانى اتحرمت من الخلفه وموت جوزى ايوة قtلته
مستغربه ليه كان حب عمري كان شغال سواق
وشكله حلو وأنا كنت صغيره ولسه هبله رغم أنى كنت ابتديت في سكه السحر واتجوزنا وحملت لكن مكنش بيكمل وقالي عادى أنتى عندى بالدنيا وما فيها صدقته لحد ما في يوم بستخدم الكرة بتاعتي علشان اعرف مكانه ما هو زمان مكنتش في موبايلات شوفته مع واحدة ع السرير مع بعض مكنتش قادره اتخيل أنه بيخونى فضلت باصه وأنا مش مستوعبه لحد ما سمعتها بتقوله أنت هتفضل تجيلي في السر لحد امتى ما مراتك لازم تعرف انك متجوز عليها راح قالها انتى اتهبلتي أحنا عايشين من خيرها أنا يعتبر مبشتغلش وبصرف من فلوسها
يعني يوم ما تعرف هنتحرم من كل الخير ده وكمان كل طلباتك بتتنفذ وبينا اتفاق هاتيلي عيال ولكي عليا اظبط حالى واحط حساب في البنك وبعدين اطلقها
قالت له ماشي بس اخبط منها مبلغ كبير يقضينا
ساعتها قررت اخلص منهم ده بس مش بيخونى ده كمان بيسر'قني وقررت أعمل له سحر أسود بالموت
واستنيته لما رجع وكنت مجهزة القماشية وعليها الطلسم وفيها اسمه واسم امه وصورته وقصدت أنى اكسر كوبايه ازاز واخليه يجي يلم الازاز وعورته عن قصد ومسحت د.مه بقماشه اللي عليها الطلسم وعقمت له ايده وجهزت الأكل وع بالليل قولت له هنزل اجيب شويه طلبات لزوم الشغل وروحت المقابر وملقتش جثة طازة
روحت ق..تلت كلب وحطيت القماشة في بطنه ودفنته في الأرض جوه المقابر وأول ما الكلب ما يبدء يتحلل هو هيفضل يتعب لحد ما ينتهي أمره ووصيت واحد يمشي وراه وجابلي عنوان مراته واسمها كمان وعملت سحر مرشوش وروحت هناك ومن غير ما حد يشوفني رشيت قدام عتابتها
وفضلت وراها لحد ما حصلته هى كمان
ومن وقتها قررت متجوزش عن حب تانى وخوفت اعلم بنت اختى السحر تخسر حياتها زيي بس أنا خليت معاها جن حارس بيبلغني بأى حاجه تزعلها أو تحصل معاها
نهي.....
استغربت الكلام اللى بسمعه وبعدين قولت لها أنتى عملتي الصح ده خاااين ويستحق المو.ت
الست لواحظ.....
انتى عاوزة تتعلمي السحر الاسود ليه لو في حاجه عاوزة تعمليها قولي وأنا اعملهالك
نهي.....
لا أنا عاوزة اتعلمه لنفسي مضمنش الحياة مخبيه ايه اهو يبقي سلاااااااح معايا لو فكر حد يفتري عليا
الست لواحظ.....
انتى هتقدري تنفذي الشروط ولا صعبه عليكي
نهي.....
لا صعبه جدا وخصوصاً حكايه اقعد عريانه دى افرضي لو حد شافني كدا ده مش بعيد يخطفني' ولا يعمل فيا حاجه شوفي ليا الحل يخلينى اتعلم من غير ما اعمل الشروط دى
الست لواحظ....
عندى الحل ويخليكي تملكي عشيرة كامله من الجن بس بشرط
نهي.... استغربت كلامها شرط ايه هو
المبروكه (٩)
نهي.... استغربت كلامها شرط ايه هو
الست لواحظ ...
توافقي تنفذي طلبي وتعملي عهد الد.م والجان شاهد علينا لو اخليتي بالعهد يبقي يتم الانتقام منك قولتي ايه موافقة ولا رجعتي في كلامك
نهي... اوافق على حاجه أنا مش عرفاها
فهميني الأول ايه هو المطلوب مني
الست لواحظ ....
انتى عارفه انى معنديش ولاد وماليش غير بنت أختى اللى بعتبرها بنتي وصممت أنى ابعدها عن السحر كنت خايفه عليها ونفسي تعيش سعيدة مع جوزها واولادها علشان كده كلفت جن دايما يبلغني لو أى حد ضايقها أو حاجه حصلت لها وساعتها بقوله يعمل ايه ع طول
لكن لما أموت مش هيبقي لها حمايه علشان كده عوزاكى تعهديني أنك تحميها وفضليها حتى ع نفسك
انا وفقت من أول لحظه أنى اعملك علشان خاطر اليوم ده ولو نفذتي كلامي كل ما املك من الجان هيكون ملكك ووقتها هتكون معاكي قوة القرين وقوة أبناء ابليس وتقدري تعملي أى حاجة تخطر في بالك
وحتى لو في سحر مش عارفه تعمليه هما هيعرفوكى ويعلموكى كل حاجه قولتي ايه
بس خلي بالك وجودهم معاكي مشروط يعني لو اتأخرتي عن حماية بنت أختى الجن اللى هيخدمك هيصبح عدوك وهينتقم منك وبعد ذلك سيكون حر طليق
قولتي ايه
نهي....
موافقه طبعاً وكفايه أنها السبب من البداية أنى احب السحر وتخليني عاوزة أعرفك من صغري إزاى يتم العهد
لقيت ظهر جن شكله مخيف وفي ايده حاجه كده زى برديه من بتوع الفراعنه والكلام فيها عبارة عن حروف وفي وسطهم ارقام وكل ده مكتوب ع رسمه شكلها غريب وفى نصها عين مفتوحه 👁️
واخدت الست لواحظ ايدي وشكت صوباعي بدبوس وضغطت عليه ونزلت نقط د-م في بؤرة العين وبعد كدا شكت نفسها ونزلت دمها ع نفس البؤرة بعدها لقيت العين اتقفلت واختفت البؤرة
ولقيت الجن أخد البرديه وأختفي والست لواحظ قالت ليا لقد تم العهد ودلوقتي تعالي أعرفك ع خدامك من الجن
وقدراتهم ايه
وحسيت أن الاوضة بتاعتها بتوسع وفي ظلال كتير بدأت تظهر أحجامها مختلفه كبير وصغير وكل ما الاوضة توسع كل ما عدد الظلال يزيد وحسيت بسخونه جامدة أوى كأني وافقه قدام فرن كبير في عز الصيف وفي ريحة شياط أو بمعنى أوضح ريحه شبه البلاستيك لما بيتحر'ق
انا بتخنق مش قادره اتنفس وابتديت اكح
الست لواحظ .....
اهدى يا نهي مع الوقت هتاخدى ع الريحه استحملي زى ما هما كمان مستحملين ريحيتنا
اعرفك ع
"صرماط" وعشيرته من الجن الطيار
ولقيت اشكالهم ظهرت ولهم جناحات طويلة وثلاث عيون والعين الثلاثه في نص الرأس وحجمها أكبر من العيون التانيه
اعرفك ع
"شرحام "وعشيرته من الجن الأرضي
ولقيتهم اقزام وأطول واحد فيهم مش مكمل 90سم
ورجليهم شبه رجول الماعز ولهم قرون شبه الخرفان
اعرفك ع
" هولام "وعشيرته من الجن الناري
ولقيتهم طوال أوى وجسمهم ضخم ولهم قرون طويلة وكل واحد له ديل بأحجام مختلفة ولونهم قريب من جمرة النار عامل زى لون الفحم المتوهج
وقالت لهم اعرفكم ع نهي وانتوا من الآن ملك لها زى ما أنتم ملكي وبعد موتى تصبحوا ملكا لها فقط بحق عهد الد-م اللي تم بيني وبينكم
والان اختفوا في الحال ولا تظهروا إلا في حال استدعائكم
نهي .....
ولقيت كلهم اختفوا والاوضه ابتدت تصغر وترجع ل حجمها الطبيعي وحسيت أنى ابتديت اتنفس تاني وبصيت ع الست لواحظ قولت لها ايه كل ده
بقي كل دول معاكي وقاعدة في الحارة دى
انا لو منك اقعد في قصر ويبقي ل خدام وامتع حياتي واسافر كل يوم بلد شكل
الست لواحظ.....
ضحكت ع كلام نهي قولت لها مين قالك إني مسافرتش أنا كنت بطير ل أى بلد تخطر على بالي ودخلت اكبر القصور وعيشت فيها بس بعدها كرهت كل ده وقعدت هنا وسط الحارة اللى طول عمري عايشه فيها
يا نهي أوعى تنبهري باللي معاكي كل حاجه ولها تمنها
وانا دفعت الثمن وعيشت وحيدة واتحرمت من العيال
اتحرمت أن اكون زى أى ست لها زوج وعيال انكتب عليا أن كل ما اتجوزت راجل يتم موته بعد ثلاث أيام كنت اصحي الاقي رأسه مفصوله أو متعلق ع الحيطه ومرة لقيت واحد متشال جلد جسمه كله وكانوا بيتاخدوا قربان
الجن مش بينفذلك طلباتك ببلاش
ولو كنت اعترضت كنت خسرتهم وخسرت حياتي في الحال علشان كده مش عوزاكى تنبهري وعوزاكى تستخدمى عقلك قبل ما تلجئ لهم فاهمه يا نهي
نهي.....
كلام الست لواحظ خوفني أنا صحيح بقيت املك سلاح قوى لكن السلاح ده ممكن يموتني أنا كمان
الست لواحظ.....
من اللحظه دى هما حواليكي لما تحتاجي لحد منهم انطقي إسم اميرهم هيجيلك في الحال
ولكل عشيرة منهم وظيفه هتفيدك في شغلك واخطرهم
هو الجن الناري ده هينفعك لما تحبي تصيبي حد بالمس العاشق و ممكن كمان يساعدك في الكشف عن الكنوز
والجن الطيار هيفيدك في السحر المرشوش والمس الشيطاني
والجن الأرضي هينفعك في السحر الأسود وهيعرفك ويعلمك حاجات كتير
المبروكه (١٠)
ومن دلوقتي هما معاكي وممكن مجرد ما تفكري في حاجه استدعيهم في عقلك وقولى طلبك هيتنفذ في الحال حتى لو كنتى في وسط مليون شخص استحاله حد يشك فيكي ويلا دلوقتي بالسلامه علشان تلحقي وقتك
نهي .....
خرجت من عند الست لواحظ وأنا حاسه اني مش لوحدى وكأن معايا بودى جارد ولما لقيت زحمه كتير ومش عارفه اعدى الطريق من كتر العربيات اللي في الشارع
قولت يووووه ما تقفوا بقي عاوزة اعدى لقيت العربيات وقفت مرة واحدة والطريق بقي فاضي وعديت وبعدها ببص لقيت الناس نزلت مسكت في خناق بعض لأن العربيات لما وقفت فجأة حصل تصادم كتير بينهم
فضلت اضحك وأنا ماشيه وحسيت أد ايه أنا قويه
ومعايا حراسة ومن انهاردة استحاله حد يزعلني أو يقف في طريقي تاني بعدها سمعت صوت قريني بيقولى سعيد وصل لأول الشارع بتاع البيت طب وبعدين اتصرف ازاي دلوقتي سمعت الجن بيقولى تحبي نخلصك منه
قولت لاااااا إلا ده اركنوا انتوا ع جنب أنا هتصرف ودخلت صيدليه وجبت مهدئات كتير ومشيت ببطئ وباصه في الأرض لحد ما قربت من بوابه البيت سمعت صوت سعيد بيقولى
سعيد..... نهي سلامتك فيكي ايه كل دى ادويه إزاى متقوليش ليا أنك تعبانه
نهي.... كنت طول الطريق بستعد للبكاء وأول ما بصيت له دموعى نزلت قولت له ايه اللى جابك في حد تانى قالك انى عملت له سحر
سعيد....
يا نهي أنا مصدقتش كلام خالتي أنا لما جيت كنت عاوز اثبت لها أنها كدابه أنا عمري ما شكيت فيكي وكمان هى جت البيت وقالت إن الدكتور قالها أن سمر كانت تعبانه عندها هبوط وخلاص بقت كويسه وأن الست الدجاله دى طلعت نصابه
نهي.....
مبروك بقي علشان خالتك قالت كدا أنت جيت بقي ليا وأنا المفروض اطير من الفرحه
عارف يا سعيد يمكن ربنا عمل كدا علشان يعرفني أن لو حصل ليا أى حاجة مافيش حد هيقف سند وضهر ليا وبصيت ل قرين أم سيد جارتنا
ام سيد.....
سلامتك يا نهي يا بنتي أنا لما لقيتك مش بتخرجي من البيت بقالك اسبوع افتكرتك عند عمك اتاري يابنتي أنتى تعبانه إزاى متقوليش ليا أنتى زى بنتي واخدمك ب عنيا
نهي.....
تسلمي يا خالتي أن شاء الله فترة وتعدى
سعيد......
انتى لازم يا نهي تيجي معايا ترجعي تعيشي في بيت عمك ع الأقل لحد ما تستردى صحتك
نهي.....
بيت عمي 😔..... ع أذنك يا أبن عمي وسيبته ودخلت البيت
وسمعت الجن بيقولى استاذه ورئيسة قسم دماغك حلوة وشكل الشغل معاكي هيبقي ممتع
ضحكت وقولت له تشكر يا ذوق ووصيت القرناء اللى معايا يبلغونى اللى بيحصل في بيت عمي وكل تحركات سعيد أنا واثقة أن سعيد مش هيسكت
وفعلا بلغونى أن سعيد اتصل ع أمه وفضل يدعي ع خالتوا وقالها نهي تعبانه وفضلت في البيت لوحدها لو حصل حاجه ل نهي أنا مش هسامح نفسي ومش هعيش في البلد دى تانى ثانيه واحدة
مرات عمي.....
يا حبيبي يابني متعملش في نفسك كدا أنا هاجي لها واحايلها وأن شاء الله تعملي خاطر وترجعوا لبعض ده أنا محلتيش غيرك يا ضنايا
وبعد ما قفلت مع ابني سعيد اتصلت على جوزى وقولت له الحق نهي بقالها اسبوع تعبانه في البيت سيب الشغل وعدى عليا نروح نجيبها هنا نخلي بالنا منها يلا يا راجل ابنك هيموت نفسه علشانها
نهي.....
ده كدا احلوت أوى روحت طلعت الادويه وفضيت شرايط منها ع أساس أنى بقالي فتره باخد منها وسيبت علب تانيه سليمه كأن ده العلاج الجديد اللى لسه جيباه وضلمت الشقه وحطيت مخده ع الكنبه وجبيت علب مناديل جنبي وطبعاً حطيت منها في الباسكت ع أساس أنى مقضياها عياط أومال ايه الأهم من الشغل ظبط الشغل 😂😂😂
وقولت للجن خليكوا ع استعداد
وابتديت أنام ع الكنبه علشان آثار المخده يبان في وشي وهوب الباب خبط بيعلن عن وصول عمي ومرات عمي وعرفت أن سعيد منتظر في العربيه بره فتحت وعملت نفسي انصدمت لما شوفتهم ولقيت مرات عمي خدتنى بالحضن طبعاً كنت مرخيه نفسي خالص كأنى داخيه وتعبانه سندتنى ودخلت قعدتنى ع الكنبه
وعمي شغل النور وشاف كميه الأدوية وقال إيه كل ده وبيقرأ لقي كلها ادويه مهدئات بص ليا وقال اتاريكي مش قادره تقفي وطبعاً مش بتأكلي
فضلت ساكته وركزت وقولت في بالي عاوزة جسمي يتلج واعرق جامد وفي لحظه كانت مرات عمي بتصو'ت
وبتقول ل عمي الحق البنت بتروح مننا شيل قصادى بسرعه نطلع على أى مستشفى عمي اتصل ع سعيد
ادخل يابني بسرعه نهي اغمي عليها طلبت من الجن يخليني جميلة في عينه
واول ما شافني راح شالني وطلع بيا وعمي ومرات عمي قفلوا الشقه وسعيد فضل يقول حبيبتي يا نهي علشان خاطري فوقي أنا بحبك ونفسي أكمل حياتي معاكي
كنت سامعه كل كلامه بس عامله نفسي غايبه عن الوعي وروحنا المستشفي وكنت خايفة انكشف طلبت من الجن أن الدكتور يقولهم أن عندى هبوط شديد نتيجة قلة الأكل ولازم تفضل في المستشفى كام يوم
عمي وسعيد خرجوا راحوا الحسابات ومرات عمي فضلت في الاوضه معايا وفضلت تدعي ليا وتقول يارب دى يتيمه ملهاش حد غيرنا يارب اشفيها
طب أقول ايه ل أمها في يوم القيامة أنى مقدرتش احافظ على بنتها أنى السبب في كسرة فرحتها بسبب أختى يارب اشفيها مش علشاني ولا علشان خاطر ابني علشان خاطر تفرح بشبابها دى لسه متجوزش
كنت سامعه كل كلامها ومن جوايا مبسوطه أوى قولت للجن أنا جعانه ومينفعشي أقوم وأكل قدامهم أعمل إيه
الجن....
تحبي تأكلي ايه ومتخافيش إحنا هنعمي عيونهم عنك
نهي .....
لأ مش واثقه بس ع العموم أنا عاوزة مكرونه بالبشاميل 😋 وفجأة لقيت طعم المكرونه في بوقي وحسيت أنى ابتديت اشبع إزاى ده
فتحت عيني بسيط لقيت نفسي نايمه ع السرير ومرات عمي قاعدة ع الكراسي ومكملة دعاء
تدعيلي شويه وتدعي ع اختها شويه .....
ولما حسيت اني حد داخل الاوضة خوفت يكون الدكتور عملت نفسي أنى بفوق
اة أنا فين آآآآآه......
مرات عمي ...
بنتي حبيبتي حمدالله على السلامه يا بنتي ألف حمد وشكر لك يارب
عمي ....
حمدالله على السلامه يابنتي كدا تخضينا عليكي
سعيد....
فضلت واقف ساكت مش عارف اقولها ايه
يتبع
ادخلوا بسرعه من هنا 👇👇👇
وكمان اروع الروايات هنا 👇
