جميع الروايات كامله

 همسات ليله حكايات آخر الليل اغتصاب بيّن بقلم زهرة عصام الفصل السادس حصريه وجديده على مدونة النجم المتوهج للروايات والمعلومات

همسات ليله حكايات آخر الليل اغتصاب بيّن بقلم زهرة عصام الفصل السادس حصريه وجديده على مدونة النجم المتوهج للروايات والمعلومات

هتقـ ـتل هدير 

- ينهار أبوكي اسود مش هدير دي مرات أخوكي اللي فبركتي ليها الصور ؟ 

بصي يا سمكة يا صغننه أنا يا حبيبي افبرك صور ماشي ، اخطف و اهدد و أخد فدية اوكي ، أعمل أي حاجه قذر ة تيجي في دماغك لكن قتـ ـل دا إثم كبير يا روحي أنا مش قده ، اية عوزاني أدخل النار راكب طيارة ولا اية ؟ 

أسماء بسخرية وتريقة :- 

لا وإنت أعمالك في الحياة تدخلك الجنه بصاروخ يا حبيبي ، ما تنشف كدا ياض و اهدي و قول هديت عشان ارسيك على الزتونة 

ضحك بصوته كله و قال:- 

زتوتة برضوا ولا دا كيد حريم و عاوزة تخلصي منها عشان كيداكي ، تعالي معايا دغري افيدك و اقولك مين يخلصلك المصلحة دي !! لكن أنا محطش ايدي في الد م خالث بيموع نفسي يا سمكتي

أسماء بحده:- 

يا غبي افهم هدير دلوقتي بقت خطر علينا

صقف بايده مقاطعا إياها من استكمال حديثها و قال:- 

كااااات هايل يا فنانه!! خطر عليكي انتي يا حبيبتي مش علينا ، إحنا مش مضرورين في حاجة ، و خصوصاً أنا

أنا كل اللي عملته إني اخت الصور ليكي بأوضاع مش ألطف حاجة و بدلت وشك بوشها على شوية لعب في الصور و تفنين أصل الفن عندي حاجه كبيرة أوي 

أسماء جزت على سنانها و قالت:- 

اه يا علي عملت كدا !! 

مهو مش هستني تروح تفضحني و تقول كل حاجة لأخويا بعد ما كشفتني و عرفت إني على علاقة باكتر من حد 

كان لازم اتغدي بيها قبل ما تتعشي بيا ، و اديك شوفت إني كُنت صح 

شوف هادي بيعمل فيها اية دلوقتي ؟ كنت عاوزني ابقي مكانها

و كله كوم و يوم ما جت تتكلم معايا كوم تاني مفكرالي نفسها ستنا الشيخة اللي بتتكلم بالقرآن

غاظتني و هي بتقولي :- 

نصيحة من أخت لأختها في الله ابعدي عن اللي انتي بتعمله دا مش هينفعك في اخرتك صدقيني

اديني أهو وقعتها في شر أعملها

علي بإنبهار مصطنع:-:

بجد شابو برافو عليكي يا فنانه

يعني عملتي كل دا و مش مكفيكي ؟ جاية عاوزة تقتـ ـليها كمان ؟ 

أسماء بشرود :- 

هقتلـ ـها مهو مش هسيبها كدا حاطه صُباعي تحت درسها

......

قفلت الخط مع اللي كانت بتكلمه و هي بتمسح دموعها و تقول:- 

خلاص يا هادي فاضل على الحلو تكه و صدقني هندمك ندم عُمرك 

قبل ما تخلص كلامها لقت الباب بينفتح عليها بعصبية و بيقول:- 

كنتي بتكلمي مين ؟ عشيقك صح ؟ اية مقدرتيش تبعدي عن الوسا خة دي كام يوم راحه يوم اللي المفروض صبحيتك ؟ 

هدير وقفت قصاده بتحدي و قالت:- 

بكلم اللي هينصرني و هيجيب حقي منك !! بكلم اللي هيجيب دليل برائتي وأنا قاعدة هنا و حاطة رجل على رجل يا هادي 

بكلم اللي هيقوم بواجبك تجاهي أنه يصدقني و يدافع عني حتي لو العالم كله كان ضدي

روح يا هادي روح شوف حياتك بعيد عني لأني استحالة هرجعلك من تاني 

هادي بسخرية لازعة:- 

لا وأنا اللي ميت في دباديبك يا بت و هموت عليكي أنا مستني أشوف اخرت اللعبة اللي عملاها دي اية بس 

أخرت كلمه مظلومة و قال الله و قال الرسول و متمشيخة و خلاص وانتي أصلا واحدة ولا بلاش

هدير ضحكت بوجع و قالت:- 

عمرك ما هتتغير يا هادي و قريب أوي الحقيقة هتبان بس محتاجة منك وعد

إني لو طلعت مظلومة تطلقني

هادي بشماتة:- 

هو أنا اتجوزتك أصلا عشان اطلقك 

هدير بإصرار:- 

تطلقني صوري زي ما اتجوزتني صوري لأن بالنسبة ليا اتحسبت عليا جوازة 

بصلها كتير و قال:- 

اوعدك لو طلعتي مظلومة هطلقك زي ما انتي عاوزة 

......

بعد كام يوم 

ها يا صاحبي عملت اية 

ابتسم وهو بيقول :- 

لقيت الحل و اللي هيكشف الحقيقة كلها

بس قولي إنت لسة بتحبها و عاوزها يا مؤيد ؟ 

 الفصل الجاي الأخير و بعدها هنكمل خطأ في آلة الزمن و باذن الله جرعة الكوميديا اللي فيها تعجبكم 🌝

و هستني رأيكم في الكومنتات 

Zährä Ęssäm 

يتبع.....

بداية الروايه من هنا

الصفحه الرئيسيه لجميع روايات المدونه من هنا

روايات كامله وحصريه من هنا

تعديل المقال