تزوجت أختي الفصل الاول والتاني والتالت بقلم جمانه السعيدي حصريه وجديده على مدونة النجم المتوهج للروايات والمعلومات
 |
البارت_الأول
اني حازم مواليد ٨٧ اني اسمر وعيوني كبار
جسمي حلووو وطويل
احنا من احدي محافظات الجنوب
من وعيت للدنيا واني وحيد اهلي
والمدلل بلبيت
اهلي حالتهم الماديه كلش زينه
ابوي عندا املاك خير من الله
بيتنا جبير وحلوووو وماثثث احسن اثاث
عندي عمام ثنيين وعمه وحده
عمي الجبير اسمه ابو طالب عندا ولد ثنيين وبنيه ازغر مني
بسنه اسمها سجى
وعمي الثاني عندا اربع ولد
اما عمتي عدها ولد ثنيين احمد وامجد احمد اكبر مني باربع سنيين
وامجد اكبر مني بسنتين
وعده بنيه ازغر مني بسنتين اسمها بنيين
عمتي مزوجه ابن عمها
يعني ابن عم ابوي مو غريب
جمانه السعيدي
بيت عمتي بصف بيتنا واكو باب بينا وبينهم
واحنا شبه عايشين سويه
لو همه عدنا لو احنا عدهم
اني كل النهار بيت عمتي لان اللعب ويه ولدهم
عمتي حيل تحبني
وتعاملني مثل اولادها
بس ما اعرف ليش عمامي احسهم يكرهوني
ودائما نتعارك اني وولدهم
تبدي أحداث قصتي من جان عمري خمس سنوات
ابيوم من الايام
امي حيل اتخربطت وماتكدر تاكل ولاتشرب بس تتقئ
بقت يوم كامل نايمه بلفراش
ابوي تخبل عليها طبعا ابوي مزوجه عن حب
ابوي اسمر اني اشبها حيل
بس امي كلش حلوووه
بيضه وعيونها كبار وجسمها مثير صاحبت ص،در وخلف،يه
ابوي يموت عليها
ولا اذكر شفتهم يوم تعاركووو
لو صار خلاف بينهم
امي شتطلب ابوي ما يقصر وياها ابد
وهي هم تحبه ومدللته
نرجع السالفتنا امي تمرضت حيل وابوي تخبل عليها
دز على عمتي تأخذها دكتوره نسائيه
اخذتها عمتي للعياده
واني وابوي بقينا بلبيت
بس شني ابوي كاعد على نار
بقه واكف بلباب مثل الطفل
ينتظرها يمته ترجع
يمكن لو ما عياده نسائيه جان راح وياها
من رجعت عمتي بيومها هي وامي جانت فرحانه
وبس دخلت للبيت كامت تهلهل
اسمعها تصيح مبروك مبروك ام حازم حامل
ابوي ما مصدك والفرحه شكبرها
ما مصدك وكل شويه يحلف عمتي
صحيح انعام حامل
عمتي طلعت التحليل وانطته الابوي
ابوي التفت عليه وكال انت وجه الخير
راح اسميك ابو الخير
ثاني يوم ابوي راح جاب خروف وذبحه ووزعه على الفقراء
بهاي المناسبه السعيده
طول فترت الحمل ابوي جان معتني بامي
ومداريها وما يقبل تشيل شي
منا لمن تمت اشهر الحمل على خير
وجابت بنيه تخبل تشبه امي كلش
جمانه السعيدي
ابوي قرر يسميها هبه لا ن كال هاي هبه من رب العالمين
شكد ابوي جان فرحان بيها
بس ما غير معاملته وياي ابد
دائما احسه يحبني اكثر من هبه
حتى امي تفضلني عليها
من وصلت المرحلة المتوسطه جنت احس نفسي معجب بت عمتي بنيبن
هي حلوه سمره وجسمها حلووو وشعرها طويل
يمكن هذا الاحساس اجاني لان اني عدهم كل النهار
واذا دزتها امها للخياطة ادزني وياها
ونبقى نسولف ونضحك طول الطريق
واذا واحد من اخوانها ضوجها تجي تشكيلي منه
مره تعاركت هي واحمد اخوها واجت ختلت وراي
واحمد عافها
كاللها الخاطر حازم مره ثانيه ما يحميج حازم مني ابد
الصبح اتعمد امر عليهم قبل لا اطلع للمدرسه
لان مدرسة البنات بطريقنا
حتى اوصل بنيين المدرستها بطريقي
عمتي توصيني عليها وتكلي لمن تدخل للمدرسه
يله تعوفها
عمتي جانت حيل تحبها يمكن لان ازغر وحده
ويجوز لان البنيه الوحيده بلبيت
النضرات بينا بريئه كلش
بعمري ما حاولت أقرب عليها
حبنا كان طاهر وابيض
لان هي عرضي واني مستحيل ااذيها ابد
خلصت متوسطه ودرجات كلها عاليه
ابوي جان دائما يشجعني ويكول انت تصير محامي
حتى تحافظ على حلالنا
شديت حيلي بلاعداديه وجنت من المتفوقين
وصلت للسادس وابوي دخلني دورات
ووعدني يشتريلي سياره حديثه اذا نحجت وطلعت معدل عالي
شديت حيلي ونجحت ودرجات عاليه كلش
وانقبلت محاما
وفعلا ابوي وفه بوعده وياي واشترالي سياره حديثه
ودخلني دوره تعلم سياقه
جمانه السعيدي
بسرعه تعلمت وصرت سايق محترف
انقبلت كليه بغداد
عمامي كل يوم جايين شنو تشتريله سياره
بعدا زغير ووينه ووين السياره
هسه يدعمها وحرامات فلوسها هواي
ليش هيج مدلله
بس ابوي ما كان ينطيهم مجال ابد
ويكول حازم لو يطلب عيوني ياخذهن
مو بس سياره
شنو السياره نمونه
كبرت هبه وصارت تخبل جمالها ماله مثيل
وعمي ابو طالب يفتر عليها
يريدها الابنه
بس ابوي دائما يرفض ويكول اريدها تكمل تعليمها
حاول عمي بكل الطرق وابوي رفض
عمي مو حبا بيها
بس يعرف راح تورث ورث قوي
ويخاف خاف هاي الفلوس تطلع للغريب
رغم ابنه لاتعليم ولا شخصيه وراعي مشاكل
شكد حاول واجانا بكل الطرق بس ابوي دائما يرفض لان يعرف نواياهم
ابوي صمم ياجرلي شقه بغداد اكعد بيها
ما يقبل اكعد قسم داخلي
بديت احضر ملابسي واشتري النواقص الي احتاجهن
واجت قبل سفري بيومين بت عمي ابو طالب سجى
طبعا اني حيل اضوج منها
عدها حركات وشغلات سخيفه
من تجينا اضل تستعرض بجسمها كدامي
تجي لابسه ضيك والمكياج تشمر العبايه وضل تفر بجسمها
كدامي
ولله اكرها اتخبل منها
ووين ما اروح تجي وراي
وتضل تلغي وتسولف بدون توقف
ادوخ من كلامها
وضل تتفيك عود شوفني
اني كلبي مابي غير بنيين وبس
طبعا بنيين عكسها تماما
ثكيله ومودبه ومحترمه نفسها
قبل سفري بيوم بليل عبرت على عمتي أودعها
واودع احمد وامجد
لكيت بنيين تبجي
حازم ليش تبجين شصار واحد من الولد اذاج
بنيين لا
حازم ليش تبجين
...انت من راح تروح كليه راح تشوف هواي بنات وتنساني
حازم ههههه ههههه هههه
االله عليج تبجين علمود هاي الشغله
وللج اني احبج وما احب وحده غيرج
لو يخلون كل البنات كدامي كلبي مايريد وحده غيرج
بنيين كول ولله ما اباوع للبنات
حازم يعني شلون اخيط عيوني
..هااا شفت
...اروح اجيب ابوي واخطبج هسه حتى تتطمنيين
...لا مولهاي الدرجه بس اوعدني ما تتغير عليه ابد
...بعمري مراح اتغير عليج ابد
دخلت ودعت عمتي وولدها لان الصبح راح انطلق البغداد
للحكايه بقيه احبكمممممم
تفاعل حلو مثلكم
#قصصmyhopes
تزوجت اختي
البارت الثاني
جمانه السعيدي
الصبح كعدنا تريكنا وابوي صمم يروح وياي البغداد يطمن عليه
سيارتي عفته بلبيت واجرنا سياره تكسي
واخذت غراضي والاكل
ماتتخيلون ست الحبايب شطابختلي
عبالك راح ابقى سنه
ودعت امي حتى هبه كعدت تودعني
امي وهبه كلش ضايجات لان هاي اول مره افاركهم
وصلنا الشقه كلش قريبه على الكليه
وهي اصلا مؤثثه
بس اثاث بسيط
ابوي صمم يروح يجيب النواقص الي محتاجهن
خليت غراضي بلشقه ونزلنا اني ويااا
رحنا للمطعم اتريكنا
وشترينا النواقص ورجعنا
جمانه السعيدي
بديت اداوم أجواء الكليه جديده عليه
ما انكر جان عندي شوية خوف وارتباك بلبدايه
بس شويه شويه تعودت
تعرفت على ولد اسمه مهند من نفس محافضتي
بس من غير مكان
نطلع ونسولف سويه
اني كلش حبيته مرح وروحه حلوه
جان دائما يشكي من القسم الداخلي
الطلاب ما يقرون وهواي يتعاركووون
والاكل لان جماعي ما يكفي ابد
حتى الملابس يتبادلون وهو يضوج ينطي ملابسه
بس يحرجونه
اني اقترحت علي يجي يسكن وياي بلشقه
حتى يرد عليه الوحشه
وهو هم يلكه سكن مريح يناسبه
بدون ما بدفع اي شي طبعا
كلش فرح من كتله وكال ولله تسوي فضل عليه
راح جاب أغراضه من القسم واجا سكن وياي
حتى اني ارتاحيت نفسيا
اني متعلم على اللمه وما اعرف اعيش وحدي ابد
بقيت اسبوعين وطك كلبي على اهلي
رغم الشقه بيها تليفون ارضي واخبارهم كل يوم
بس ما اكدر اتحمل بعد
اريد اروح اشوفهم
وهم عيد ميلاد بنيين باجر اشتاقيتلها موت
اشتريتها هديه
نزلت بس وصلت للبيت وشفت اهلي واني دموعي نزلن
امي تبجي وحاضنتني
ابوي يبوس بيه
هبه كمزت عليه وحضنتني
مو عبالك مفاركهم اسبوعين عبالك سنتين
عبرت البيت عمتي والولد كيفو بيه
عمتي حضنتني وتبوس بيه
وعيون بنيين يلمعن من الفرحه
بيومها الكل لازك بيه اريد فرصه احجي ويه بنيبن ماكووو
وانطيها الهديه الي جبتها الها
ماكو مجال ابد
لليل عبرت عليهم وكعدت شويه اسولف ويه الولد
بعدبن كتلهم اني تعبان اريد اروح انام من رخصتكم
واشرتله تلحكني
اجت وراي للترك
طلعت الهديه كلاده فضه اية الكرسي
فرحت حيل بيها
ردت البسها بس ما قبلت خافت اهلها يشوفونها عليها ويسئلونه
ضمتها
حازم....كل عام وانتي بالف الف خير وسلامه
...شكرا حبيبي الله يحفظك اليه
جمانه السعيدي
قربت عليها وبستها بخده هاي كانت أول بوسه بينا
شعور حلووو ما ينوصف
هي خجلت ودنكت
بنيين اوعدني ما تتغير عليه ابد
...حبيبتي محد يملي عيني غيرج
....الله عليك البنات بلكليه حلوات
...اكيد مو بجمالج
...حبيبي حبيبي اموت عليك
...اني اكثر
سمعنا صوت اني عبرت على اهلي وهي دخلت بيتهم
كملت السنه والحمد لله ونجحت
ابوي قرر يسوي عزيمه ويعزم عمامي بمناسبة نجاحي
ودزني اعزمهم
بلاول رحت البيت عمي ابو طالب
دكيت الباب طلعتلي سجى
بس شافتني فرحت
لان اني كلش قليل اروح عليهم
ما اعرف ليش ما احبهم
كلهم ما احبهم
سجى ادخل
حازم لا مستعجل اريد اروح
سجى من الباب وتروح امي تريد تسلم عليك ليش مستعجل
اصلا عيب توصل هنا وماتسلم على امي
صار شكد ما شايفينك
امي تريد تباركلك على النجاح تفضل
دخلت جوا دخلتني للا ستقبال وقفلت الباب وكعدت بصفي
حازم كمت غيرت مكاني وكتله وين عمتي خل اسلم واطلع
اريد اروح اشتري كم حاجه ابوي وصاني عليهن
امي بلحمام هسه تجي
كعدت بصفي ورفعت ثوبها وطلعت رجليها
بعدين رفعت ثوبها فوك الركبه
وكالت شبيك ما تشوف
هذا الجمال كله اللك وتحت امرك
حازم طفرت من مكاني وكتله انت موصوجج صوج الي يسمع كلامج
شنو هاي السخافه
موعيب افتحي الباب بسرعه
سجى واذا ما فتحته شسوي
حازم اكسره بس اكسر راسج بلاول واذا عدتي هاي الشغله مره ثانيه
صدكي اكل العمي والولد عليج
صحت عليها بصوت عالي واني منزل حواجبي
افتحي الباب بسرعه
راسا طلعت المفتاح وفتحت الباب
جمانه السعيدي
واني راسا كبل للشارع
بس ابقه شويه بعد تلبسني مصيبه
عبالكم من هاي وتابت لا ولله كل العطله عدنا
وما بطلت تتحرش بيه
بس اني لابسها
نجحت هبه الرابع اعدادي وصارت تخبل
جمالها مو طبيعي
ورجع عمي ابو طالب خطبها
وابوي رفض
هلمره عمي هدد اذا ما ياخذها طالب
راح ينهى عليه
ابوي كاله شتريد تسوي سوي هبه ماتاخذ طالب اله اني جوه الكاع
اريدها تكمل مدرسه تشوف مستقبلها
انت شنووو لازك بيها
اذا مستعجل زوج ابنك اني بنتي مو للزواج ابد
رجعت للدوام وكملت اتلث مراحل وباقيلي سنه واكمل
وبنيين كملت معهد تمريض
اهلها صمم تدخل معهد تمريض لان التعيين مركزي
ولان همه حالتهم ماتساعدنا
يردوها تساعدهم بلمصرف
جمانه السعيدي
بلعطله من خلصت مرحله ثالثه
جنت ناوي بس اخلص كليه اخطبها ونزوج
بس اتفاجئت اجو عليها ناس خطابه
اجت عمتي تستشير ابوي كدامي
عمه اكلك ابو حازم بيت ابو وليد اجو على بنيين
الولد خوش ولد خريج ويشتغل
وحالتهم الماديه كلش زينه
خوش قسمه شتكول
اني وابوها مقتنعين انت شتكول
ابو حازم ولله والنعم منهم خوش ناس ووليد خوش ولد
اتوكلي على الله
المن بعد باقيه اتخرجت والحمد لله خليها تشوف مستقبلها
حازم اني كاعد على نار انخبلت اريد عمتي تطلع حتى اكل الابوي لا اني اربدها
ومحد ياخذها غيري
طلعت برا ماكدرت اسمع باقي الكلام نار وشبت بصدري
عبرت لكيته حزينه ووجها ينطي اللوان
بس شافتني كالت شلون حازم
اهلي كلهم موافقين واني ما عندي عذر حتى ارفض
فدوووه ساعدني
حازم لا تخافين اني أليوم افتح هذا الموضوع ويه ابوي
وبليل نجيكم خطابه
محد ياخذج غيري فهمتي لو لا
بنيين اي فدوه لاتعوفني
حازم شلون اعوفج وانتي روحي اكو واحد يعوف روحه
بليل بعد العشى
حازم بابا اريد احجي وياك بموضوع مهم
....اي كووول شتريد اني حاضر
حازم اني اريد بنيين
...شلون يعني
...اريد اخطبها اني احبها من زمان وجنت منتضر اتخرج وازوجها
بس هسه اهلها يردون يزوجوها واني ما اريد واحد ياخذها غيري
اريدك تروح تخطبها اليه
والزواج بعد التخرج انشاء الله
للحكايه بقيه احبكمممممم
بارتين بليوم فقط لأن ما اكدر اكتب اكثر
#قصصmyhopes
تزوجت اختي
البارت الثالث
جمانه السعيدي
امي اجت جايبه الجاي وكعدت يمنا
اني مستمر بلكلام
حازم هااا يابه شكلت هسه بس خطبه والزواج بعد التخرج
ام حازم شالت الاستكان تنطي الابو حازم خطبة منووو
حازم اني اريد اخطب بنيبن
راسا وكع الجاي من ايدها
وعاطت امي بصوت عالي شلون
ابوي بعدا ساكت وما حجه ولاحجايه وحده
اني طفرت شبيج يمه خوما احتركتي
راسا ابوي وكف على حيله ووكع من طوله
اني حرت بين امي الي وكع عليها الجاي لو ابوي الي ما اعرف شبي
عفت امي ورحت الابوي كتله الله الله يابه شبيك
ابوي ما حجه اي حجايه
امي ولك حازم اركض جيب المضمد يمكن ابوك صعد صغطه
اجت امي كعدت يم ابوي واني رحت جبت المضمد
بس قاس الضغط كال
ضغطه حيل صاعد انطا حبايه مدرر
وكال بسرعه عصير ليمون وخل يشرب ماي هواي
رحت للمطبخ بسرعه هبه عصير ليمون
هبه بابا شبي وهي خايفه
حازم لزمته من ايدها وكتلها لاتخافين ضغطه صاعد هسه يصير زين
حازم ابد ماكان ابالي ان ابوي صعد ضغطه ووكع من اني كتله اخطب بنيين
ما اجت ابالي هاي السالفه
جنت متوقع
اتعارض بسرعه وضغطه صعد
بقه يومين ابوي ماله خلك وما يقدر يحجي ابد
وعمامي كل شويه جايين
وبيت عمتي كلهم كاعدين عدنا
جمانه السعيدي
كلش خفت علي وقلقت اني كلش متعلق بي واحبه
ابد ما عفته حتى بليل انام يمه
رابع يوم صار شويه احسن
والناس دزووو يريدون يجون مشيه على مود بنيين
وعمتي ااجلت الموضوع اسبوع حتى تتحسن حالة ابوي
بنيبن اجت كعدت شويه يمنا واشرتلي
رحت وراها
بنيين الناس دزو علينا وامي كالتهم موافقين بس خل حالة ابو حازم تتحسن
حازم اليوم ابوي حالته شويه احسن بليل احجي ويااا
وارجعلج خبر
لاتخافين محد ياخذج واني موجود
رجعت الامي
حازم يمه انتي شنو رائيج احجي ويه ابوي اليوم
اريده بس يحجي ويه عمي ابو احمد
حجايه يعني بخصوص خطبتي من بنيين
ام حازم اسكت لاتفتح هذا الموضوع بعد افتهمت
حازم استغربت من كلامها ليش
ام حازم بنيين ماتصير الك ابد هذا الموضوع سده افتهمت
حازم اي غير اعرف ليش
ام حازم هيج بدون سبب
حازم ما يصير بدون سبب
ام حازم يمه من ابوك يصير زين هو يفهمك
حازم على شنو يفهمني
ام حازم لاتعبني يمه فدوووه
حازم خاف انتم ابالكم نيه ثانيه اني غير بنيين ما ازوج
حتلو اخذها وانهزم
بنيين اليه وما تاخذ غيري
ام حازم شني تنهزم مو عيب تكول هيج هاي الاخلاق الي احنا علمناك عليها
حازم وانتم ليش ماتقبلون بنيين بت عمتي واني اشوفها انسب وحده اليه
واني احبها من زمان
هسه انتم جايين ترفضون بدون سبب
خل يكون بعلمج اني اخذها واشرد اذا ما قبلتووو بهاي الزواجه
جمانه السعيدي
عفت امي وطلعت واني اريد سبب واحد يخليهم يرفضون هاي الزواجه ما اعرف ليش رافضين
اني لازم احجي ويه ابويه وافاتحه بلموضوع مره ثانيه
ام حازم فدوه ابو حازم هذا شراح يقنعه مصصم على بنيين
ويكول اذا ما تقبلون اخذها وانهزم
ابو حازم الضاهر السر الي ضمينا اثنيين وعشرين سنه لازم ينكشف
اني بس يجي لازم احجي وياااا
وماكو غير رب العالمين يحلها من يمه
حازم رجعت بليل واني كلش ضايج
كعدنا نتعشى واني ما حجيت ولا كلمه
امبين عليه الزعل
اعرف همه ما يتحملون زعلي وما كان عندي غير هاي الورقه اضغط عليهم بيها
كنت متوقع سبب رفضهم ان بيت عمتي مستواهم المادي مو شي
او يجوز يردون يزوجوني وحده من عائله واصله
بس ابد ما خطر ابالي اي سبب اخر
ابو حازم حازم بابا تعال اريد احجي وياك بموضوع مهم
حازم اي يابه جاي
دخلنا الغرفه وسدينا الباب
ابو حازم اليوم اريد احجيلك سر ضميته عليك ٢٢ سنه
بس قبل لا احجي اي شي اريدك تعرف اني شكد احبك
واعزك اكثرمن روحي
واي ردت فعل منك اني مستقبلها وراضي بيها
بس ما اريدك تعوفني ابد
حازم شكووو يابه خوفتني شصاير
اني من ازوجت امك بقينا خمس سنوات بدون اطفال
ماخلينا مكان مارحنا
كل الدكاتره أكدو اني وياها مابينا شي يمنع ان يصير عدنا اطفال
رضينا بقسمة الله وحمدنا وشكرنا
كان كلام الناس بنزل مثل السم علينا
ومحد كال هذا رزق رب العالمين
وهو بكيفه يوزع هذا الرزق
بيوم اجيت امشي بلسوك وشفت تنزيلات قرطاسيه
ودنكة اخذ الولد عمتك
جان واحد اعرفه وكف بصفي وكال
انت مو ماعندك اطفال شسوي بلقرطاسيه
ساعته حسيت سجينه ونغرزت بكلبي
ليش الناس ما ترحم
جمانه السعيدي
رجعت للبيت واني ضايج وادعي ياربي اني بعمري ما اذيت احد ليش الناس اتاذيني
ليش الناس تحاربني برزقك
وصلت للبيت لكيت عمتك ابيتنا كاعده وتبجي وامك تواسي بيها
ابو حازم شكوووشصاير
ام حازم هيج شغلة نسوان
ابو حازم لازم اعرف ليش تبجي
ام احمد خويه ولله عيشتنا صعبه وانت تدري بلحال
وعدنا ثنيين ولد خير من الله
وانت ما مقصر ويانه
الله الشاهد ما نجازيك ابد
مامقصر ويانه لا بمسواك ولا بمصرف ابد
واني هسه طلعت حامل اني ما اريده هذا الطفل
اريد اروح انزله
ابو حازم كولي يالله الطفل يجي ويجي رزقه ويااا
عمتي ما اريده وهسه رحت الوحده ممرضه تنزله
وطلبت عليه هواي فلوس واني ماعندي هذا المبلغ ابد
شسوي هسه حايره
ابو حازم لاتنزيلنه اني اريده
...شلووووون
...اي كملي الحمل واني اريده اني ماعندي طفل اربي
ويصير ابني
واي مصاريف للحمل عليه
ومصاريف الولاده عليه
بعد شتريدين
...تحجي صدك
..طبعا صدك اتشاقه وياج
...الله يحفظك ويطول عمرك همزين راح اطلع من خطيته
يكولون اذا نزلتي كانما قاتله شخص جبير
اني وامك بقينا ننتضر اليوم الي تجي بي بفارغ الصبر
ونعد الايام يوم يوم
امك جهزت كلشي وبقينا ننتضر جيتك
بيوم ولادتها رحنا اني وامك وياها وعمك ابو احمد
بس انت اتولدت
ما قبلت تخليك بحضنها
كالت هذا ابن انعام
ومن رجعنا للبيت ما قبلت ادخلك بيتهم
كالت هذا ابنكم انتم سمو وبلعافيه عليكم
اني سميتك حازم
للحكايه بقيه احبكمممممم
وين التفاعل
ادخلوا بسرعه من هنا 👇👇👇
وكمان اروع الروايات هنا 👇
