رواية كيندرا الفصل السابع والثامن بقلم حليمه عدادي حصريه وجديده على مدونة النجم المتوهج للروايات والمعلومات
 |
الفصل 7
-مر يومين وما فقتش ريم من الغيبوبة الدكتور قالهم انها بخير لكن حالتها النفسيه مش سامحه انها تفوق... وفي الوقت ده وافق خالد على طلب جاد كانت سعادة جاد ما تتوصفش و لكن كان حزين بسبب اللى حصل لأخته.
جاد :: حسام ماما قلقانه انا قولتلها انه مجرد جرح بسيط و ان ريم معاك لأنها محتاجة لراحة لكن هي حاسه ان مخبى عنها حاجه..انا مش عاوزها تعرف انت عارف انها تعبانه ومش هتتحمل الخبر.
حسام :: متقلهاش حاجه لحد ما ريم تستعيد وعيها و بعدين نبقى نقولها كل حاجه.
جاد :: عم خالد وافق على طلبي ايد بنته...هروح النهارده بيته و اخد كيندرا معايا اشترلها فستان لكتب الكتاب و اتمشى معاها شويه واتعرف عليها اكتر..
حسام :: الف مبروك يا حبيبي.. بس انت هتكتب كتابك عليها قبل ما ريم تفوق.
جاد :: لازم كل حاجه تتم النهارده عشان هاخد كيندرا للدكتور علشان تبدأ العلاج في القصر و لما تخف..هعملها فرح ملوكى..
حسام :: ان شاء الله يا حبيبي... انا كان نفسي والله اكون معاك... بس مقدرش اسيب ريم لوحدها.
جاد :: أنا هاخد ماما و الولاد معايا.. وانت متقلقش ريم انشاء الله هتبقى كويسه جدا..
خرج جاد و هو حاسس بالسعادة لأنه هيقابل اللى سرقت قلبه اخيرا...
دخل حسام عند ريم قعد جمبها حزين وهو شايف حالتها..
حسام :: انا اسف كل ده بسببى.. انا عارف إنك بتغيرى عليا اوى بس والله عينى ما بتشوف واحده غيرك..
سند راسه على ايدها و نزلت دموعه غصب عنه.
**************************************
نزل جاد من عربيته و فى ايده بوكيه ورد وهو مبسوط.. خبط عالباب و اتفتح.
خالد :: اهلا يا جاد بيه نورتنا.
جاد :: بنورك يا عم خالد..
( دخل قعد وهو عمال يدور عنها بعنيه لقاها قاعده فى ركن بعيد.. باصه قدامها بشرود كالعادة..
جاد :: عم خالد انا جيت عشان اخد كيندرا معايا هشتريلها شويه حاجات وبعدين ارجع عشان نكتب الكتاب عشان اخدها معايا القصر علشان تبدأ العلاج و اول ما تخف هعملها فرح كبير جدا يليق بيها.
خالد :: اعمل اللي انت شايفه صح يا جاد بيه انا ميهمنيش غير ان بنتى تخف و ترجع زى الاول.
جاد :: تمام.. انا هخدها دلوقتي و هرجع بليل لما امى توصل.
مسك خالد ايد بنته وخرج هو وجاد.
خالد :: خلى بالك منها كويس لو تاهت منك مش هتلاقيها تانى.
(مسك ايدها لاول مرة حس برعشة في جسمه و فتح لها باب العربيه و ساعدها تقعد جوا العربيه وطلع على طول لحد ما وصل قدام محل من محلات الملابس الفخمه.. مسك ايدها ودخل بصلها بحزن و اتمنى لو كانت صحتها كويسه و تختار بنفسها اللى يعجبها.
جاد :: المرة دي هتلبسى على زوقى بس المرة الجاية هتبقى على زوقك انتى..
مالك :: اهلا يا جاد بيه اؤمرنى طلباتك ايه.
جاد :: عاوز فستان يناسب خطيبتى ويكون للمحجبات.
مالك :: تمام يا جاد بيه لحظه وراجعلك.
رجع بعد شويه ومعاه مجموعة من الفساتين بيعرضها عليه.
وقع نظر جاد على فستان طويل وردي باكمام شيفون وردي بمشبك من عند الوسط بلون الوردي مع الاسود بحجاب اسود
جاد :: ده هيبقى جميل لما تلبسه الاميرة بتاعتى.
مالك :: تمام يا جاد بيه خليها تدخل البروفه تقيسه.
( نادى مالك على واحده من البنات خدتها للبروفه وقعد هو يتخيل شكل اميرته بالحجاب هيبقى ايه...
سمع خطواتها بصلها وانبهر من جمالها و الحجاب اللي زادها جمال قرب منها و رفع راسها و باس جبهتها بحب
جاد:: الفستان جميل و انتي خلتيه اجمل.
بص للبنت وقالها..
جاد:: احنا هناخد الفستان ده.. خديها و جهزى الفستان و انا هروح احاسب و ارجعلك.
(لما رجع لقاها قاعده وجمبها الحاجات اللي اشتراها عشانها.. خدها وشال الحاجه و خرج.
جاد :: انا هخدك لاجمل مطعم دلوقتي يا حبيبتى.
(بصلها بحزن لقاها مخدتش بالها من كلامه اصلا.
دخل لافخم مطعم و هو ماسك ايدها كأنها بنته قعد و طلب الاكل و استنى انها تاكل بس مكلتش ففتكر كلام ابوها انها مش بتاكل لوحدها... فمسك الاكل و بدأ يأكلها بايده و هو مبسوط..
************************************************
خالد :: جاد بيه بيحبها ومش هيغير رأيه فيها... وحتى لو غيره انا بنتى هتكون معايا.
زين:: هو جاد بيه هياخد اختى معاه ومش هعرف اشوفها تانى..
خالد ::لا يا حبيبي اكيد هتشوفها هى بس هتروح عشان تتعالج..يلا يا زينب جهزى كل حاجه عشان كتب الكتاب.
زينب :: كل حاجه جاهزة.
(خبط الباب فتح خالد لقى جاد دخل و ساعدها انها تقعد..
جاد :: انا هروح عشان اجيب امى و المأذون.. انا اشترتلها كل حاجه هتحتاجها ومتنسوش الحجاب..
خالد :: تمام يا جاد بيه احنا مستنينك..
************************************************
سام :: جدتي خالو جاد مجاش لسه انا قلقان اوى على ماما.. وحشتنى اوى.
(جه صوت جاد من وراهم بيقول.
جاد :: هى كويسه اوى الحمدلله مفيش داعى للقلق.
(طلعوا يجروا عليه قالهم:: وانتوا كمان وحشتونى..
وسيم :: انت وحشتنا اوى.. ماما عامله ايه دلوقتي.
جاد :: كويسه اوى و راجعه قريب.
سناء :: ريم كويسه ولا انت مخبى عنى حاجه.
جاد :: هى كويسه اوى يا ماما انا اللى عاوزك في حاجه مهمه.
سناء:: خير يا ابنى انا سمعاك..
جاد ::هقولك علي كل حاجه.
( بدأ يحكلها ازاى شاف كيندرا و ازاى حبها وحكالها موضوع كتب لكتاب
سناء :: وانا اخر من يعلم برغم انك عارف انا استنيت اليوم ده اد ايه.
جاد :: يا ماما ده مجرد كتب كتاب.. لما تخف هعملها اجمل فرح..
سناء:: انت عارف انا مرفضتش ليه... عشان دى اول مره اشوف الفرحه دى كلها على وشك. بس.....
جاد :: بس ايه يا ماما.. لا يكون عندك اعتراض عشان هى مريضه ولا حاجه.
سناء :: لا يا ابنى ابدا.. بس هيحصل ايه لو اتعالجت وخفت وبعدين سابتك.. انت سنك بقى اربعين سنه وهى لسه صغيره.. ممكن ترفض تفضل معاك وقتها.
جاد :: من هنا لحد ما يجي اليوم ده يكون حلها الف حلال..يلا اجهزى عشان نمشى.
سناء :: طيب يا ابنى خلينا نقول لعمك سعد عشان يجى معانا.
جاد :: كلامك صح و عشان كمان نسيب سام و وسيم عندهم.
************************************************
في المستشفى
قعد حسام جمب ريم و دموعه على وشه
حسام:: لو انتى عاوزة تعاقبينى يبقى بلاش الطريقه دي.. افتحى عنيكى وقومى وبعدين اعملي فيا اللى انتى عوزاه.
بصلها وملقاش منها اى رد وقتها نزلت دموعه اكتر.
***********************************************
سعد :: اهلا بابن الغالي نورتنا
جاد :: بنورك يا عمي
سناء:: معندناش وقت.. بص يا سعد انت فى مقام ابو جاد.. النهارده كتب كتابه و عاوزينك تيجى معانا.
سعد :: ومقولتليش لحد النهارده... جاى تقولي على كتب الكتاب.
جاد :: الموضوع جه بسرعه عشان كده مكنش في وقت اقولك.
سعد :: سامحتك عشان شايف انت مبسوط اد ايه النهارده...مين بقى البنت الل.سرقت قلب جاد المالكى.
جاد :: بنت عم خالد المزارع اللى كان شغال مع ابويا.. انت عارفوا.
سعد بصدمة :: بس هو معندوش غير بنت واحده و مريضه.
جاد :: هي دى اللى هتجوزها و هكمل علاجها فى القصر.
وقف سعد بصدمة و اتغير لون وشه.
سعد :: مش ممكن...
الفصل 8
سعد :: مش ممكن ازاى عاوز تجوزها وهى فى الحاله دى.
جاد :: ازاى مش ممكن يا عمى انا بحبها ومش عاوز غيرها.. وهى هتخف انشاء الله.
سعد :: انت جاد المالكي كل البنات مستنين منك نظرة واحدة.. يبقى ليه تقبل واحده مريضه.
جاد :: عمي انا مش عاوز اكمل حياتى مع اى واحده انا عاوز كيندرا وبس..
سعد :: يا ابنى انا عايز مصلحتك.. هيبقى ايه الوضع لو خفت و حبت غيرك عشان انت اكبر منها
لما سمع كلمة تحب غيره دى كور ايده بغضب شديد وقال..
جاد :: لما تبقى تخف نبقى نتكلم في الموضوع ده.. يلا عشان اتاخرنا..
سعد :: انا اسف يا ابني عندى شغل مهم ومش هقدر اجى معاكوا.
جاد :: ماشي يا عمى
خرج جاد و أمه وجرى سعد على مكتبه بسرعة و اتصل وانتظر الرد
₩::: اهلا سعد خير فى حاجه ولا ايه.
سعد :: فى مشكله ولازم نحلها قبل فوات الأوان.
₩:: مشكلة ايه دى يا سعد
سعد :: جاد هيتجوز النهارده.
₩ :: ايه المشكله يعني فى جواز جاد
سعد :: اسمعني كويس جاد هيتجوز بنت خالد الفلاح و هيعالجها.
₩ :: سعد لازم تمنع الجواز ده بأى تمن انت فاهم
سعد :: للاسف اتاخرنا هو دلوقتي راح يكتب الكتاب.
₩ :: حتى لو اتجوزوا امنع اى دكتور يحاول انه يساعد فى علاجها.
سعد :: تمام ماشي.
************************
وقفت زينب تعدل لكيندرا حجابها بعدما لبستها الفستان و حطتلها ملمع لشفيفها و كحل بسيط اللى وضح جمال عينيها
زينب :: ما شاء الله يا بنتي زى القمر كان نفسى تكونى كويسه وبخير فى يوم زى ده.
دخل خالد و باس راسها و دموع في عينيه
خالد ؛:: كنت عاوز اشوفك احلى عروسه لكن مش بالحالة دى اتمنى إن حياتك تكون كلها سعادة
سناء :: هتخف انشاء الله وتبقى أجمل عروسه.
مسك خالد ايدها و خرجوا من اوضتها خلاها تقعد على كنبه فى جمب خبط الباب فتحلهم خالد بكل فرح
خالد :: نورتنا اتفضلوا اهلا بيكم
جاد :: بنورك يا عم خالد
بصلها وهو بيتامل جمالها اللى كل يوم بياخد عقله اكتر.. وبعدين قعدوا وجابت زينب الضيافه عصير وحلويات و قعدت.
جاد :: عم خالد خلينا نبدأ خير البر عاجله.
خالد :: بسم الله.. خلينا نبدأ يا ابنى.
وقف جاد من مكانه وقعد جنبها بعد شويه انتهى كتب الكتاب خرج المأذون و الشهود قرب منها و ضمها لحضنه باشتياق و هو بيشم ريحتها اللى بيعشقها... ملقاش منها اى استجابه بصلها بحزن مسك وشها بين ايديه
جاد :: وعد مني هتتعالجي و تبقي بخير و اجمل واحده فى الدنيا هعمل كل اللي اقدر عليه.
سناء :: متقلقوش جاد هيشلها فى عنيه.
زينب بدموع:: فراقها صعب مش هقدر عليه...دى نور عيني.
جاد :: امي متزعليش انا هاخدك ليها كل ما توحشك متقلقيش.
سناء:: احنا هنمشى دلوقتى مع السلامه.
ودعوا كيندرا بدموع وسط عياط زينب مسك ايدها و ساعدها عشان تطلع العربيه... كانت فرحته ما تتوصفش لأنها هتكون معاه من النهارده.
وصلوا البيت شلها بين ايديه و دخل بيها البيت.
جاد :: نورتي القصر يا اميرة قلبى انت ملكة في القصر ده.
سناء :: انا هاخد الولاد و امشى خلى بالك منها كويس.
جاد :: بتوصيني عليها دى نور عيني و روح قلبي كمان.. خليكى معانا النهارده يا ماما
سناء :: مقدرش يا حبيبي من اليوم اللى ابوك خرج من القصر ده حلفت عمرى ما ادخله تانى.
جاد :: زى ما تحبى يا ماما.. خلى بالك من نفسك.
دخل بها اوضته كانت اوضه جميلة جدا و مترتبه كويس.
جاد :: دى اوضتنا يا حبيبتى.. بس انشاء الله لما تخفى تقدرى تختارى الاوضه اللي تعجبك.
راح فتح الدولاب اللي ملاه بأغلى انواع الملابس علشانها... اختارلها هدوم مريحه ومسك ايدها و خلاها تقعد جنبه... قلعها حجابها وبعدين ساعدها في لبس الهدوم الخفيفه
وشالها و خلاها تقعد قدام المرايه و بدأ يسرح شعرها كأنها بنته خلصلها تسريح وباس راسها وقال..
جاد :دلوقتي بقى يا ستى هنروح المطبخ عشان اطبخ احلى اكل لاحلى كيندرا.
بصلها لقاها بصه قدامها بردوا فقال فى عقله.. قريب كل ده هيزول.
اخذها المطبخ قعدها على الكرسي و بدأ يطبخلها
**************************
في المستشفى
زى كل يوم حسام قاعد جنبها و بيبكى لحد ما وشه دبل
حسام :: انا استنيت كتير... كفايه عقاب كده.. افتحى عنيكى بقى مش عشانى عالاقل عشان سام و وسيم..
بصلها بفرحه لما حس بايدها بتتحرك و صرخ باعلى صوته لحد ما جه الدكاترة.
حسام :: ايه اللى حصل يا دكتور... هى حركت ايدها انا متأكد
الدكتور ::ايوه حركت ايدها..سمعت كلام هى عاوزة تسمعه و بتحاول تفوف.. لان فى حاجه هى عاوزة تشوفها.
حسام:: انا اتكلمت عن ولادنا وهى حركت ايدها.
الدكتور :: طيب كويس.. روح هاتهم يمكن تستعيد وعيها لما تشوفهم.
حسام :: حالا هجبهم واجى بسرعه..
خرج يجري بسرعة و ركب عربيته ومشى.
***************************
بعد ما خلص الطبيخ قعد ياكلها بكل حب وسعادة.
جاد :: هيجى يوم وابقى انا اللى قاعد كده وانتى اللى بتطبخى و اولادنا بيلعبوا بره... اد ايه بتمنى اليوم ده..
خدها فى حضنه وباس رأسها وقال.
جاد: دلوقتي هطلعك ترتاحى شويه و انا هروح للدكتور عشان يبدا فى علاجك على طول.
شالها وطلع بيها الاوضه و حطها فى السرير و غطاها كويس وباس راسها وقالها...
جاد ::هرجعلك تانى ياقلبي.. استنينى.
نزل من عندها خد مفاتيح عربيته و نزل لقى الحارس قدامه
جاد :: قول لمراتك تيجى تكمل شغلها و عرفها ان مراتى جوا خليها تخلى بالها منها كويس لحد ما ارجع.
الحارس :: متقلقش يا بيه انا هخليها تيجى حالا
*************************
نزل حسام جرى من عربيته خبط الباب فتحتله سناء اتصدمت من شكله و دقنه اللي كبرت و وزنه اللي خسره
سناء :: حسام يا ابنى ايه اللى حصل مالك و مال شكلك عامل كده ليه..
حسام :: ماما ريم محتجاكى ومحتاجه الاولاد اوى خلينا نروحلها يلا..
سناء :: أنا مش فاهمه حاجه ابدا.. قولى ايه اللى حصل.
حكالها كل حاجه من ساعة الحادثه لحد دلوقتي.
شهقت سناء بصدمه وحطت ايدها على بؤها وقالت...
سناء:: كل ده حصل لبنتى وانا معنديش علم بيه.
خرج سام وسيم على صوتها و جروا على حضن ابوهم بفرحه وقالوا.
سام :: بابا وحشتنى اوى انت وماما.. هى كويسه..
حسام :: هى كويسه يا حبيبى يلا خلينا نروحلها.
ركبوا مع بعض العربيه و اتجهوا للمستشفى.
****************************
في عيادة الدكتور عند جاد...
الدكتور :: على حسب اللى انت حكتهولى حالتها دى لازم تتعالج فى المستشفى... بس أنا هجلها القصر عشان خاطرك..
جاد :: شكرا ليك يا دكتور احنا هنستناك بكره انشاء الله.
دكتور :: متقلقش يا جاد بيه هنعمل كل اللى نقدر عليه..
(خرج من العيادة و اتجه للقصر حس بخوف عليها و صل القصر نزل من عربيته
جاد :: الست مريم جتلها.
الحارس:: ايوه يا بيه دى هنا من زمان.
جاد :: شكرا ليك.
دخل و هو حاسس بإشتياق ليها
دخل الاوضه... بس ملقهاش دور في القصر كله بردوا ملقهاش حس كأن قلبه وقف عن النبض
جاد ::: كيندرااااااا كيييييندرااااااا
*************************
دخل إلى المستشفى و سناء وراه بتعيط و الاولاد معاها لقى كل الدكاترة واقفين قدام غرفة ريم
حسام:: فى ايه يا دكتور ريم كويسه مش كده.
محدش رد عليه فدخل عليها الاوضه و اتصدم من اللى شافوا..
تابعووووني
الصفحه الرئيسيه للرويات من هنااا
