القائمة الرئيسية

الصفحات

نوفيلا(لغز جوازة) بقلم هبه الحزء الاول والثاني والثالث حصريه وجديده على مدونة النجم المتوهج للروايات والمعلومات

 نوفيلا(لغز جوازة) بقلم  هبه الحزء الاول والثاني والثالث حصريه وجديده على مدونة النجم المتوهج للروايات والمعلومات

نوفيلا(لغز جوازة) بقلم  هبه الحزء الاول والثاني والثالث حصريه وجديده على مدونة النجم المتوهج للروايات والمعلومات


كان اسعد يوم فى حياتى وفجاءه قلب اسوء يوم فى عمرى كله والضحك الى كنت بضحكه قلب عياط 


والفرحه إلى كنت فيها قلبت هم وغم ونكد مش عليه انا بس ده على البيت كله 


 لما الباب خبط ورحت فتحت واتفاجاءت بواحد بيقولى انتى مدام سميه 


قلتله معلش مدام مين انا انسه سميه انا لسه مااجوزتش فلقيت الراجل بصلى من فوق لتحت باستغراب كده وقلى حضرتك بتمضى ولا بتبصمى


 قلتله بمضى بس ده عشان اى


 قلي طاب اتفضلى امضيلى هنا جوزك طالبك فى بيت الطاعه ضحكت انا بصوت عالى قوى 


وقلتله وانا مش قادره اسيطر على روحى من الضحك  جوز مين الى طالب مين فى بيت مين 


فقلى جوز حضرتك السيد خالد


 قلتله اسفه كتير حضرتك اكيد غلطت فى العنوان


 اولا انا انسه سميه مش مدام سميه


 ثانيا انا مش متزوجه لا من الى اسمه خالد ولا غيره عشان يطلبنى فى بيت الطاعه


 فلقيت الراجل بص على الافته إلى على باب الشقه وقلى مش دى شقه 6 عماره 13 


قلتله ايوه بس حضرتك اكيد تقصد وحده غيرى مش انا إلى تقصدها اسفه كتير منك ولسه هقفل الباب فى وشه 


فقلى استنى مش انتى سميه عبد السلام محمد 


قلته اه ده اسمى لكن مش انا سميه الى تقصدها 


قلى لا الاسم مظبوط والعنوان كمان يبقى انا ماغلطش حضرتك اتفضلى أمضى ماتعطلنيش 


قلتله مش همضى على حاجه وندهت على امى باعلا صوتى فجت امى تجرى وهى بتقلى بتزعقى ليه فقلتلها تعالى شوفى الراجل ده بيقلى اى مدام وأمضى وبيت طاعه ومش فاهمه منه حاجه ولما طلبت امى من الراجل أنه يفهمها وحده وحده قلها السيد خالد طالب بنتك فى بيت الطاعه ومديها مهله لحد بكره الصبح تروحله فى العنوان الى مكتوب فى الورقه دى إلى بنت حضرتك رافضه تمضى عليها وتستلمها 


ad

أمى ماقدرتش تنطق بكلمه وبصتلى وقبل ماتتكلم قلتها وربنا مااعرف حاجه عن الكلام الى بيقوله الراجل ده اكيد فى حاجه غلط 


ولقيت امى هى التانيه ندهت على ابويا يمكن يقدر يفهم الموضوع اى بالضبط


 ابويا اجه مسك حكم المحكمه فى أيده ووشه جاب ألوان وقال الحكم ده سليم والاسم كمان سليم ومفهش حاجه غلط ولقيته بصلى بغضب وقلى بالراحه كده ومن غير شوشره أمضى


 ولسه هقله همضى على اى يابابا لقيته زعق فيه وقلى مااسمعش صوتك أمضى وليه كلام تانى معاكى بس بعد الراجل مايمشى


 ومضيت وانا مش فاهمه اى حاجه وبعد الراجل مامشى ابويا ضربنى على وشى بالقلم  ومسكنى من شعرى وقعد يقلى اتجوزتى من ورايا وكمان جوزك طالبك فى بيت الطاعه ياجبروتك ياشيخه عشان كده فسختى الخطوبه وكنتى هتموتى وتعملى كده والواد الغلبان يقول والله ياعمى ماعملتلها حاجه عايزه تسبنى ليه وتقليلى اصل انا زهقت منه يابابا مبحبوش ولما رفضت انك تفسخى الخطوبه جبتيلى مصيبه لحد باب البيت واجبرتينى انى ارجع للواد شبكته غصبن عنى وطلعتينى عيل قدام الكل  عملت فيكى اى عشان تعملى فيه ده كله مدلعك وكل طلباتك اوامر واقول دى البنت الوحيده عندى ماازعلهاش لكن انتى طلعتى جزمه ولا تسوى تجوزى من ورايا وتكسرينى انا وأخواتك كده 


ابويا كان بيضربنى ويشتمنى وانا اعيط واقول والله مااجوزت ولا عملت اى حاجه ايوه انا كنت عايزه افسخ الخطوبه عشان مبحبوش مش عشان أن متجوزه من وراكم والله مااجوزت 


ايوه انا متهوره ومتسرعه لكن مش ممكن يوصل تهورى وجنانى انى اعمل كده 


وابويا برضو يضرب فيه ويقلى مش مصدقك من ساعة العمله السوده الى انتى عملتيها وانتى نزلتى من نظرى واتوقع انك تعملى اى حاجه 


ابويا كان نازل فيه ضرب وامى ماسكه فيه وبتحاول تخلصنى من ايده وتقله حرام عليكى ياعبدو سيب البنت هتموت فى ايدك وابويا يقلها ياريتها تموت وتريحنى ده اخرت دلعك ودلعى فيها وانا بعيط واصرخ وانا مش فاهمه اى حاجه  


 اخويا كان فى الشارع وسمع صوت الهرج بتاعنا اجه يجرى وخلصنى من ايده بالعافيه كان قرب خلاص يموتنى وشويه وابويا حط أيده على قلبه ووقع فى الارض وامى زعقت ولطمت ولمت العماره علينا واخويا قاعد جنبه بيحاول يفوقه وانا واقفه مكانى مش عارفه اعمل اى ولا اقول اى وشويه والناس فوقت ابويا واول مابصى لقانى قدامه ود وشه الناحيه التانيه وقال بعدوها عنى مش عايز اشوفها تانى


 جريت انا على اوطى وانا مش فاهمه اى الى بيحصل وقعدت اعيط لحد مانمت فى مكانى وشويه واجه اخويا صحانى وقالى بهدوء كده عايز افهم منك الحكايه اى بالضبط وماتخفيش انا مش هعملك حاجه بس قولى الحقيقه لطمت انا على وشى وقلتله والله انا مااعرف الحكايه اى جواز مين وبيت طاعة مين انا اصلا مااعرفش حد اسمه خالد فى حياتى كلها ماعرفت حد بالاسم ده اكيد فى حاجه غلط اكيد فى حاجه غلط كنت خلاص قربت اتجنن كل اخويا مايسالنى على حاجه اقله مااعرفش مااعرفش مااعرفش لحد هو كمان ماكان قرب يتجنن وهو بيقول اومال مين الى يعرف واسال مين ولقيت نفسى فى اللحظه دى بصرخ وانا بقله روح للى اسمه خالد ده واعرف منه كل حاجه اكيد هو عند الاجابه لكل اسءلتك اكيد فى لبس فى الموضوع اكيد فى تشابه فى الأسماء اكيد فى تشابه فى العنوان اكيد فى تشابه فى اى حاجه لكن مستحيل اكون انا سميحه الى جوزها طالبها فى بيت الطاعه مستحيل اكون انا مجوزه الى اسمه خالد ده انا لو كنت اجوزت كنت قلت واعترفت بكل حاجه لكن ماحصلش


ad

 اخويا لما شاف حالتى كده صعبة عليه وخدنى فى حضنه وقلى خلاص ماتعيطيش هروح لخالد ده وافهم منه الحكايه اى اكيد زى ماانتى قلتى فى لبس فى الموضوع وخالد ده هيفهمنا كل حاجه وشويه وقلى خلاص اقلك البسى بسرعه وتعالى معايا نشوف الى اسمه خالد ده يفهمنا هو اى الى بيحصل بالضبط ولبست ومااعرفش لبست ازاى فى دقيقه كنت مخلصه اخويا اول ماشافنى قعد يبصلى من فوق لتحت ويقلى معقوله البرنسيسه سميه لبست بالسرعه دى اومال فين الطرحه إلى بتحطيها فى ساعه والميكب إلى فى ساعتين والاكسسوارات الى بتلبسينا فى نص ساعه والبرفان إلى بترشيه وريحته بتجيب اخر الشارع كل ده راح فين


 قلتله انا مش فايقه دلوقتى للكلام ده لما اشوف المصيبه إلى انا فيها الاول وبعدين ابقى اعمل كل ده ورحنا لخالد وياريتنى مارحت ولا شفت وشه عشان صدمنى 


الثاني والثالث


خالد اول ماشافنى بصلى وضحك وقال مش معقوله مدام سميه قدامى فى بيتى المتواضع حطيت انا ايدى على بقى وقلبى دق بسرعه رهيبه وقلتله وانا الخوف سيطر عليه معلش هو انت تعرفنى


 فقلى هو فى حد مايعرفش مراته إلى مجوزها على سنة الله ورسوله ياشيخه عيب عليكى


 قلتله وانا خلاص كنت قربت اعيط مرات مين حضرتك قلى مراتى انا سمسمه حبيبة قلبى 


 اخويا بصلى وقلى كنتى بتكدبى عليه صرخت وقلتله لا والله ماكنت بكدب والله مااعرفه انا مش فاهمه حاجه ماتصدقوش ده كداب او مجنون اكيد فى حاجه غلط 


 وشويه واخويا قرب من خالد وقاله لو سمحت فهمنى كده بالراحه انت تعرف اختى ومجوزها فعلا


  فخالد قاله اه اومال بناءا عليه انا رفعت قضيه وطالبها فى بيت الطاعه بهزر معاكو يعنى 


 اخويا مسك ايدى وقربنى من وشه وهو بيقله طاب بصلها كده كويس انت متاكد هى دى سميه مراتك إلى بتتكلم عنها 


خالد قله ايوه دى سميه عبد السلام محمد مراتى إلى مكتوبه فى قسيمة الجواز هى بعينها إلى واقفه قدامى دلوقتى


 اخويا قله ماشى فهمنى بقى اجوزتها امتى وتعرفها منين وفين قسيمة الجواز دى 


 فقله اجوزتها من حوالى اسبوعين واعرفها عن طريق وحده صحبتها اسمها امل وقسيمة الجواز ثوانى واجبهالك خالد دخل جوه يجيب قسيمة الجواز وانا واقفه مش على بعضى متوتره  وعماله اكل فى ضوافر ايدى واخويا بيبيصلى ويقلى أهدى شويه لحد مانشوف القسيمه الى بيقول عليها اكيد فى حاجه هتطلع غلط 


واول ماخالد اجه واخويا مسكت القسيمه فى أيده كان قلبى قرب يقف اخويا مشى ناحيتى ورفع القسيمه  قدام عنيه وقلى هى دى امضتك بصيت انا واتصدمت وقلته بصوت كله خوف ايوه بس انا مامضتش على اى قسيمه ولا اتجوزته ولا اعرفه اول مره في حياتى اشوفه النهارده فاخويا قالى طاب ازاى دى قسيمه سليمه ومش مزوره صورتك عليه وامضتك كمان طاب بصى كويس دى بصمتك قلتله مااعرفش بس الامضى امضتى لكن البصمه مااعرفش انا مش خبيرة بصمات فلقيت 


ad

اخويا بيقله حضرتك ازاى اجوزتها وهى بتقول اول مره فى حياتها تشوفك 


فقله كدابه اجوزتها برضاها وبموافقتها والقسيمه سليمه والامضى سليم والبصمه بصمت أيدها ولو مش مصدق اعرض القسيمه على طبيب شريعى وهو يحدد امضتها وبصمتها ولا انا بكدب عليك


 اخويا كان واقف يفكر ومش عارف يقول اى ولا يعمل اى يصدقنى انا الى برفضو صلتى بيه وانى مااتجوزتوش ولا عمرى فى حياتى شفته ولا يصدق القسيمه الى شافها وكلامه أنه بيقول انى كدابه اخويا وقف محتار مش عارف يتصرف وانا واقفه جنبه كانى فى حلم او فى كابوس مش فاهمه منه اى حاجه عقلى حسيت أنه اتشل عن التفكير مش عارفه اى الى بيحصل حواليه ومش قادره ادافع عن نفسى ومش عارفه اتكلم كلمتين على بعض المفاجاءه كانت شديده عليه وخلتنى واقفه زى مااكون تايهه 


وشويه وخالد مشى ناحيتى وميل عليه وباسلوب كله تريقه 


قلى طاب يامدام سميه انا كنت عاملك هتيجى بكره مش النهارده معلش مقدرتش انضف البيت نضفيه انتى بقى ابقى نضفى براحتك ده خلاص هيبقى بيتك من النهارده 


بصتله انا بقرف من فوق لتحت وبلهجه حاده قلتله بيت مين وانضف اى انتى اكيد مجنون هو انت مين اصلا إلى بتقلى نضفى وبتتامر عليه تعرفنى منين انت واى مدام سميه دى انا انسه سميه أو استاذه سميه غصبن عنك والزم حدودك معايا لعرفك مقامك 


فلقيته ميل عليه تانى وبيهددنى وهو بيقلى منخيرك دى هكسرها هذلك وهخليكى خدامه عندى من غير فلوس انتى مراتى غصبن عنك وغصبن عن الكل سواء برضاكى أو غصبن عنك 


 اخويا اول ما سمع كلام خالد ده مسك فى خناقه  وكان عايز يضربه وهو بيقله هو فى اى بالظبط تذل مين وتكسر مين اصحى وفوق كده ده انا ادفنك فى مكانك لو عينك اتقامت فى اختى


 فضحك خالد وقله اختك دى تبقى مراتى ومعايا حكم محكمه أنها تيجى تعيش معايا هنا ولو مانفذتوش هتدخل السجن وساعتها السجن بقى هو إلى يذلها وراح ماسك ايد اخويا من عليه ومنزلها بغضب وقله اطلع بره وسبلى مراتى امشيها على مزاجى اعلمها الادب إلى ماقدرتش تعلمهولها انتو 


 اخويا اتهور فى اللحظه دى. ومسك خالد ضربه جامد قوى بس الغريبه أن خالد ماكنش بيقاوم اخويا وكان مستسلم لضربه وكأنه كان عايز اخويا يضربه بكل قوه لحاجه عرفتها بعدين خالد اول ما شاف دمه على الارض صرخ ولم الناس علينا وطلب منهم يمسكو اخويا ومايسبوه وبعدها هو طلع يجرى وقدم بلاغ وهو بيطلب إثبات حاله وتحويله إلى المستشفى إلى كتبتله على علاج اكتر من واحد وعشرين يوم وبالتالى تم القبض على اخويا وتحويله إلى الجنايات وهناك خالد اتهمه بأنه كان عايز يقتله وبسرعه بقيت قضيه ومحدش فاهم حاجه فى اى حاجه وانا واقفه اتفرج بس ومش عارفه اعمل حاجه ولاول مره احس انى وحيده محدش جنبى انا الى الكل كان ديما معايا ويتمنولى الرضا ارضى اجه اليوم إلى شفت نفسى وحيده ومحدش جنبى ولا معايا 


ad

ابويا نايم فى البيت مش قادر يتكلم مع حد ومحدش راضى يجبله اى سيره عن قضية اخويا 


امى غضبانه عليه وبتقلى خربتى البيت بدلعك المايع ده 


اخواتى الاولاد مقطعنى ومحدش فيهم راضى يكلمنى 


اخويا مرمى فى السجن ومستقبله بيضيع والمحامى بيقول موقفه صعب لازم خالد يتصالح معاه ويتنازل عن القضيه والا هيتحبس 


خالد بيقلى هجيبك راكعه تحت رجليه والادب الى مااتعلمتهوش من ابوكى وامك انا هعلمهولك


 وظلمك للناس واتهامك ليهم بالباطل هدوقهولك


 وخراب البيوت هدفعك تمنه غالى قوى عشان انتى تستاهلى كده 


كل ده بيحصل حواليه وانا مش فاهمه هو ليه كل ده بيحصل معايا عملت اى انا عشان يتعمل فيه كل ده 


ولقيت نفسي مره تانى بروح لخالد واترجاه أنه يرحم اخويا ويتصالح معاه مستقبله بيضيع وأنه يقول الحقيقه كلها لابويا وامى الى مقاطعنى واخواتى كمان الى مكسوفين منى قدام الناس وانى مستعده اعمل اى حاجه ترضيه 


فلقيته بيقلى إلى يرضينى انك تيجى تعيشى معايا هنا تخدمينى وتخدمى امى وابويا والى اقلك عليه تنفذيه من غير اى كلام


 قلتله بس انت متاكد انى مااجوزتكش قلى مايهمش انا اصل مايشرفنيش اجوز وحده زيك انا بس عايزك خدامه عندنا والكل يعرف كده


بكيت انا واترجينه هيستفاد اى لما يعمل فيه كل ده عملت انا فيه اى عشان ينتقم منى الانتقام ده 


ولقيته بيقلى ده الكلام الى عندى ولو مش عاجبك خلاص حلال عليكى السجن بقى وبدل مااخوكى وحده يبقى رد سجون تبقو انتو الاتنين تونسو بعض 


قلتله هطعن بالتزوير فى قسيمة الجواز دى وساعتها انا الى هدخلك السن واخويا هيطلع براءه 


لقيته بيضحك بسخريه قوى ويقلى اشتكى ومش هتوصلى لحاجه لأن القسيمه سليمه والامضى سليمه والبصمه كمان سليمه يعنى انتى شرعا وقانونا مراتى انا مش مزور حاجه انا مش عبيط للدرجه دى انا واثق فى كل كلمه بقولها انا كل ورقى سليم


  كنت واقفه انا اعيط واضرب نفسى واقول عملت اى عشان يحصل فيه كل ده ماعملتش حاجه 


ولقيت خالد فاجاءه خرج ودخل وهو بيقلى لسه هاتعملى استلمى فرفعت وشى ابص عليه فلقيته 


ولقيت خالد فاجاءه خرج ودخل وهو بيقلى لسه هاتعملى استلمى فرفعت وشى ابص عليه فلقيته شايل عيله صغيره على ايده وماسك فى أيده التانيه ولد وبنت سنهم قريب من بعض وقرب ناحيتى وقلى خدى شيلى استلمى مهمتك اكليهم وشربيهم ولبسيهم وخدى بالك منهم كويس قوى خدى بالك منهم لحد ربنا مايرجع امهم بالسلامه تنور بيتها


ad

 بصتله انا وانا مش فاهمه منه حاجه فقلى ماتبصليش كده خدى شيلى دول قدرك وانا بقى مش هخليكى تهربى منهم 


اخدت البنت شلتها وكانت بتاكل فى أيدها ووقفو العيلين  التانيين جنبى لا أنا ولا هما كنا فاهمين حاجه 


وشويه وخالد صرخ فيه وقلى قومى غيريلهم هدومهم واكليهم ونيميهم وبعدين نضفى البيت كله ولا ابعت اجبلك خدامه تخدمك وانتى قاعده 


 كنت عايزه اصرخ فيه واقله مش هعمل كده انا عمرى فى حياتى ماعملت حاجه لاى حد اى الى يخلينى اعمل دلوقتى لعيال مااعرفهاش لكن منظر العيال خلاهم صعبو عليه ومااعرفش ليه حنية عليهم وسكت وقلت خلاص استحمل اليومين دول بالطول والعرض لحد اخويا مايطلع من سجنه واخلص من خالد ده العمر كله واستسلمت للوضع إلى بقيت فيه


كنت شايله البنت وانا مش عارفه اعمل معاها اى هى ولا اخواتها


 انا رغم انى انسه كبيره الى فى سنى اتجوزو ومعاهم بدل العيل اتنين وتلاته لكن عمرى مااتحطيت فى الموقف ده انا كنت بنت على تلات اولاد يعنى الدلع كله مااعرفش حتى ادخل المطبخ كل حاجتى كنت اصح من نومى الاقيها جاهزه من اول هدومى لحد اكلى وشربى وطلباتى وكانى عيله مش عارفه اعتمد على نفسى فى اى حاجه كنت بدلع على الكل والكل كان راضى بدلعى لكن دلوقتى مفيش دلع فى عقاب وكان الايام الى عشتها مرتاحه هتخلص منى اليومين الجايين مع خالد وولاده 


إلى فعلا أصبحت ليهم ام بديله اغيرلهم هدومهم واكلهم واشربهم وانيمهم  لكن البنت الصغيره ماكنتش عارفه اعمل معاها حاجه كانت صغيره قوى وكنت بحسها ديما محتاجه لحضن امها إلى حاولت على قد مااقدر اعوضها عن غيابها وكنت ديما بطلب المساعده من خالد الى كل مايسمعنى اقول كده يقلى خليكى حنينه عليها حسسيها بحنانك وهى تحبك وتنام معاكى وتسمع كلامك البنت محتاج حنان امها إلى اتحرمت منها والبركه فيكى


 وكل ما اقله ليه هو أنا عملت فى امها حاجه هو انا اعرفها اصلا


 يقلى عملك اسود ومنيل ماكنتيش تعرفيها واذتيها اومال لو كنتى تعرفيها شخصيا كنتى عملتى فيها اى 


وكل شويه كان بيهددنى ويخوفنى ويقلى هدفعك التمن غالى عشان تحرمى تعملى اى حاجه زى كده تانى مع اى حد سواء تعرفيه أو ماتعرفهوش 


كان كلامه ديما ليه لؤم واتهام انى انا السبب بس فى اى مقدرتش اعرف بيتهمنى ديما إن دمرت حياة ناس بدلعى واستهتراى بس مين الناس دول ولا انا عملت اى دماغى كانت واقفه عن التفكير كنت ناسيه حتى امبارح أكلة اى كل إلى حصلى من يوم ماشفت خالد وقلى انى اجوزتك خلى دماغى مشلوله فى تفكيرى حتى مش قادره افتكر امتى مضيت أو بصمت على ورقة الجواز إلى بيقول عليها 


ad

قعدت ايام كتيره  احاول افتكر عملت اى بالضبط ماعرفتش فوجودى فى بيت خالد ومع ولاده وجوازى منه إلى مااعرفش حصل ازاى خلانى كنت قربت اتجنن وانا بحاول افتكر اى حاجه توصلنى لكن فشلت 


وعشت فى بيت خالد ومع ولاده حوالى اسبوع وكل مااقله روح أتنازل عن المحضر الى مقدمه فى اخويا 


يقلى بكره بكره 


اقله اناعملت الى قلتلى عليه وعشت معاك خدامه انت وولادك عايز اى منى تانى


 يقلى عايز ازلك وادوقك الظلم عشان تحرمى تظلمى حد 


 وانا اصرخ واقله طاب فهمنى انت بتعمل معايا ليه كده قلى ظلمت مين وغلطت مع مين وانا اصلحه على طول  يقلى اسالى نفسك عملتى اى


 اقله مش.فاكره


 يضحك ويقلى ياسلام تظلمى ناس وتتهميهم ظلم وتخربى بيوتهم وتقولى بكل بساطه مش فاكره انا بقى هفكرك وحده وحده على مهلك انا مش مستعجل هخليكى تفتكرى لما تعيشى فى البيت عندى خدامه وتكفرى عن ذنبك الى عملتيه


 وبعد فين وفين خالد راح أتنازل عن المحضر واخويا خرج ورجع البيت بس انا مازلت عايشه فى بيته ومع ولاده خدامه ومن غير اجره وكل مااقله سيبنى ارجع البيت وتعالا قول الحقيقه لابويا وامى واخواتى بقى انا تعبت يقلى هو انتى لسه تعبتى التعب جاى جاى ماتستعجليش عشت ايام سوده فى بيته كان بيصحينى الساعه سبعه اقلع والبس وااكل واشرب الواد والبنت الكبار وبعدها ياخدهم هو يوديهم الحضانه وادخل اغسل هدومهم واروق اوضتهم واطلع اروق اوضة خالد واغسل هدومه وقبل ماادخل المطبخ البنت الصغيره تكون صحية اغيرلها وااكلها واشيلها على أيدى ادخل بيها المطبخ اعمل الغداء بعد الظهر خالد يرجع بالعيال ادخل اغيرلهم وااكلهم وانيمهم وبعد كده أخرج احضر الغداء لخالد واخد هدومه اغسلها واروق المكان كله وادخل المطبخ انضفه وأحضر الرضعه للبنت الصغيره الى كانت ديما تنام بعد الظهر فى حضن خالد وتنامى فى حضنى انا بالليل بس رغم التعب الى كنت بتعبه الا انى حسيت انى بقيت وحده تانى اتغيرت واتحملت المسؤوليه وبطلت اطلب من خالد أنه يرجعنى بيتنا لكنى بدأت اتعود على حياتى الجديده كنت ديما بقارن حياتى فى الاول وحياتى دلوقتى 


فى الاول كنت اصحى على صوت امى وهى بتقلى سميه قومى الفطار جاهز


 لكن دلوقتى بصحى على صوت البنت الصغيره وهى مش عارفه تنطق وتقلى ماما وتلعب فى وشى


 كنت فى الاول بقعد اكل وأقوم حتى مااكلف نفسى اشيل باقى الاكل


لكن دلوقتى بحضر الاكل بنفسى وبشيله وبنضف مكانه كمان


 فى الاول امى كانت تحطلى هدومى مطبقه فى دولابى وتروقلى اوضتى وتدينى الفلوس إلى كنت بطلبها 


لكن دلوقتى انا الى بغسل واطبق وادى المصروف كمان


 فى الاول كنت عايشه مدلعه ومستهتره ومش شايله هم لبكره 


لكن دلوقتى شايله هم بكره وبعدو وبعدو مع العيال دى فى الاول كنت بخرج وادخل براحتى ومحدش يسالنى رايحه فين ولا جايه منين


 لكن دلوقتى مااقدرش اخطى بره خطوه وحده لان بقى فى تلات عيال فى رقبتى ملزمين منى 


عشت فى بيت خالد انى اعمل كل ده فى الاول كان بالغصب لكن دلوقتى بقى بالرضى بعمل كل حاجه برضايا وماادهش فرصه أنه يتآمر عليه ويقلى اعملى كذا واعملى كذا كنت بعمل من نفسى وكانى فعلا متزوجه خالد وولاده دول ولادى انا وانى امهم الحقيقيه لحد فى يوم ماخالد جه وطلب منى


🌹🌹🌹🌹🌹🌹🌹🌹🌹🌹🌹



الجزء الرابع والخامس من هنا



اكتبوا في بحث جوحل( مدونة النجم المتوهج للروايات والمعلومات) تظهر القصص كامله


القراء والمتابعين الغاليييييييين عليا إللي يدخل عندنا ميخرجش كل إللي محتاجينه هتلاقوه من غير تعب ومن غير لف في الجروبات والصفحات موجود في اللينكات بالاسفل 👇👇👇



أروع الروايات الكامله من هنا



اللي يخلص قراءه ميسبناش ويمشي أنا بحبكم أدخلوا انضموا معايا علي تليجرام واستمتعوا بقراءه الروايات من اللينكات بالاسفل 👇💙👇❤️👇



انضموا معنا على تليجرام عشان كل متنزل روايه يصلكم اشعار فور نزولها من هناااااا




اعملوا متابعه لصفحتي عليها جميع الروايات إللي عوزينها من هناااااااا




الروايات الحديثه من هنا




جميع الروايات الكامله من هنا




وكمان روايات كامله من هنا




🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات

التنقل السريع
    CLOSE ADS
    CLOSE ADS