القائمة الرئيسية

الصفحات

آخر الأخبار

رواية خادمة قلبي بقلم زهره عصام الفصل الثاني عشر والثالث عشر والرابع عشر حصريه وجديده على مدونة النجم المتوهج للروايات والمعلومات ١٢و١٣و١٤

 رواية خادمة قلبي بقلم زهره عصام الفصل الثاني عشر والثالث عشر والرابع عشر حصريه وجديده على مدونة النجم المتوهج للروايات والمعلومات 

رواية خادمة قلبي بقلم زهره عصام الفصل الثاني عشر والثالث عشر والرابع عشر حصريه وجديده على مدونة النجم المتوهج للروايات والمعلومات 


خادمة قلبي ١٢🦦

وليد : قوم يا حازم شغل التلفزيون كدا عاوز اشوف نتيجة ماتش امبارح

حازم كان لسه هيقوم لقي ملك بتبرق ليه و بتقول : أنا مش مالية عينك وإلا ايه يا سعادة البيه كريم شانتيه و بصت لوليد و قالت: الكوره حرام يا سعادة البيه كنافة بالمنجة عاوز تتفرج اتفرج على قنات الرقص قصدي الغناء يووووه اتفرج على المشايخ اللي زي حلاتي كدا 

وليد لمالك بغيظ: لازم يعني تتنيل على عينك دي متخلفة يا ابني راجع نفسك

ملك : قضي الأمر قوم يا سعادة البيه كريم شانتيه شغل قناه المجد للقرآن الكريم

حازم بص على السفرة بحسرة و قال: بقولك ايه يا جميلة هو أية الفطار دا السفرة قبل كدا كانت بتبقي مليانة عن كدا

ملك شهقت و حطت اديها على صدرها بحركة شعبية و قالت: أنت عاوزني أخد وزر يا سعادة البيه كريم شانتيه طب يرضيك أنت يا سعادة البيه الحليوة أخد وزر المبذرين الأكل دا هنتحاسب عليه لازم اعيشكم حياه الفقراء عشان تحسوا بيهم و لو حتى يوم في الأسبوع

وليد بشماتة: قابل يا معلم واحد بتفطرنا عيش و حلاوة فكرانا في زنزانة هنا يا بنتي إنتي صنف ملتك ايه أفهم حاسس ان إحنا اللي شغلين عندك مش انتي 

ملك : خسئت يا سعادة البيه كنافة بالمنجة ايه شغالة عندكم دي لا يا مكنتش أتوقع منك كدا بعد كل الخناق بتاعنا دا و تقولي شغالة عندكم انا هنا الكل في الكل انا هنا مدبرة المنزل و كملت في نفسها و زوجت سعادة البيه الحليوة اللي خطف قلبي مسقبلياً 

وليد بعند: برضوا خدامة و شغالة عندنا اها

مالك بصرامة: وليد 

ملك : سيبة يا سعادة البيه الحليوة و بصت لـ وليد و قالت بتكتبر تسمع المثل اللي بيقول خادم القوم سيدهم

وليد : أيوه يعني ايه برضوا

ملك بصرامة: يعني أنا هنا يتقالي يا هانم 

وليد بصلها بغيظ و حازم قال: ماشي يا جميلة هانم أبوس إيدك متشغليش دماغك تاني و تعملي أكل من اللي إحنا كلنا عارفين الماضي بتاعة بس بنتناسي

ملك بفخر: متقلقش يا سعادة البيه كريم شانتيه دا انا ناوية النهارده اطبخاكم طبخة مصرية أصيلة معتش مستورد خلاص

مالك بصلها بحب و قال : عشان خاطري انا يا جميلة اعملي أكل حلو النهارده معدتنا تعبت من الاكل التاني دا 

ملك بهيام هزت راسها و قالت: انت تؤمر أمر كدا يا سعادة البيه الحليوة

حازم تنح لما لقاهم بيبصوا لبعض و الوقت سارقهم و وليد لاحظ كدا ضرب مالك من رجله و قال: هنتاخر يا سعادة البيه الحليوة و هتبقي اول مره تحصل في تاريخ الشركة

ملك : استعفر الله سامحني يارب كانت نظره بريئه و بصت لـ وليد و قالت: فضلاً محدش يقوله سعادة البيه الحليوة غيري معلش أنا احتكرت الإسم ليا 

وليد : احتكرتي الإسم طيب و لسه ياما هنشوف قام وقف و قال: يلا بينا يا حازم لحسن الموضوع افور الصراحة و كمل بخبث: أصل إحنا عارفين كل حاجه واخدة بالك انتي يا جميلة

ملك : ما اللي يعرف يعرف هو انا كنت ضربتكم على اديكم إلا أخدت منكم فلوس بلا واكسة دا طالع عيني معاكم بعلمكم تركي و برضوا مش نافع

وليد بغيظ: إنتي إيه كل كلمة و ليها رد مينفعش تسكتي ابدا

ملك حطت السبحة و قالت مبدهاش بقي : قامت وقفت قدام وليد و حطت ايد في وسطها و الايد التانية على دماغها و قالت: هنا قاموس يا سعادة البيه كنافة بالمنجة قاموس ردح تلاقي ترجمة تلاقي خطط تلاقي و مش بس كدا بعد الظهر ببقي جميلة المغربية لحلب الحبيب و تطفيـ.ـش الرجالة من مراتتها تحب تجرب أنا لحد دلوقتي طيبة معاك انا بقولك اهو

حازم بفرح : بجد يا جميلة بتعرفي تجلبي الحبيب طب بصي يا ستي أنا عاوزك تخلي البنت أحلام تحبني أصلها تقيلة أوي يا جميلة

ملك بسخرية: تقيلة أوي يا جميلة قولها تعمل رجيم يخويا و لو مش عارفه طريقه عندها اليوتيوب أنت اتهبلت يا سعادة البيه كريم شانتيه وإلا ايه قال خلي أحلام تحبني قال يا أخي تباً لك و لأحلام فين سبحتي

مالك مد ايده بالسبحة و هو هيموت و يضحك على منظهرها

ملك مشيت و سابتهم و هي بتبرطم: هو في حد هجيب اجلي غيرهم و خصوصاً اللي إسمه حازم دا تبا للجميع و تبا لأحلام تبا ليا أنا شخصياً استغر الله يا رب سامحني دا هما اللي خرجوني عن شعوري

------- 

مالك و وليد و حازم راحوا الشركة و كل واحد دخل على مكتبة

وليد قعد و سرح إزاي عرف إن جميلة هي ملك و المشكلة اللي كان هيعملها ليها بس لما شاف لمعت الحب في عيون أخوه سكت

فلاش باك

مالك : دا كدا احلوت أوي تزوير في أوراق رسمية يا ملك بس إنتي فعلاً ملاك

وليد دخل على أخوه مره واحده و قال بتعمل ايه 

مالك: بكتشف مصايب جميلة تعال شوف

وليد بصدمة: يخربيت دماغها ايه دا بس تزوير بطاقة دا انا هوديها في داهية عشان تبقي تتحداني تاني

مالك : لا يا وليد مش هتعمل كدا 

وليد: هو إيه اللي مش هعمل كدا انت وقعت وإلا ايه يا بوب 

مالك : مش عارف بس انا مش هستحمل حد ياذيها

وليد بسخرية: اطمن يخويا وقعت ولا حدش سم عليك

------ 

ملك : هتعملي إيه يا ملك في المصيبة اللي حلت على دماغك دي وليد شكله مش سهل و كمان عرفني  و مالك كمان شاكة أنه عارفني مهو أصل النحنحة اللي هو فيها دي من فراغ لكن صبراً كل شئ باوانة أحسن و قريب أوي هظهر ليهم بملك مش جميلة هستني بس اللحظة المناسبة


----- 

وليد راح لمالك المكتب و قاله و اخرتها يا مالك 

مالك : هنعمل ايه يعني سيبقي الوضع كما هو عليه 

وليد : تفتكر فهمت أننا عارفين 

مالك : عرفت و مش هاممها عشان عارفه إننا مش هنعمل ليها حاجة هي مش غبية يا وليد بالعكس دي ذكية جدا 

وليد : ربنا يستر من اللي جاي

---+ 

ملك قاعدة تسرح شعرها و شايلة الميكب لقت مالك داخل عليها و بيقول: انتي مين

ملك : أنا جميلة يا سعادة البيه الحليوة

مالك انتي فعلاً جميلة أوي

ملك بخجل بصت في الأرض و مرديتش

مالك قرب منها و رفع رأسها و باسها

ملك بصت في عيون و قالت: عيونك دول بغرق فيهم كدا 

مالك لسه هيرد عليها ملك وقعت من على الكرسي و قال: احية بجد بقي كل شويه تخيولان امتي هتبقي حقيقة و البوسة اتباسها الله يخربيت الظولم بقي. و قامت تعمل الغدا


رواية خادمة قلبي بقلم زهره عصام الفصل الثاني عشر والثالث عشر والرابع عشر حصريه وجديده على مدونة النجم المتوهج للروايات والمعلومات 



الشباب داخلة الفيلا شاموا ريحة مشموهاش من زمان 

وليد : تفتكر وإلا حد من الجيران

مالك : افتكر و نص دي دماغها مهلبية

حازم دخل جوه و هو بيقول جميلااااااه    يتبع....


خادمة قلبي١٣

بقلم زهرة عصام 


وليد : تفتكر وإلا حد من الجيران

مالك : افتكر و نص دي دماغها مهلبية

حازم دخل جوه و هو بيقول جميلااااااه

ملك جت جري و هي بتقول: نعم يا سعادة البيه كريم شانتيه تؤمر بحاجة

وليد بحذر: إنتي عاملة أكل إيه يا جميلة أنا شامم ريحة كدا و بكدب نفسي من الصبح

ملك فردت نفسها و رفعت رأسها لفوق و قالت: لا هو اللي في بالك يا سعادة البيه كنافة بالمنجة رينجة و سردين و الحلو كيكة بالكريم شانتية و عليها شوية مانجة كدا و الكثير من الحلويات قالتها و هي بتبص لمالك اللي كتم ضحكته و تصنع الصرامة

مالك : هو انا مش قولتلك يا جميلة إني عاوز اكل أكل حلو معملتيش ليه 

ملك : إن شالله اتص في نظر سعادة البيه كريم شانتيه عملت 

حازم بتزمر : الله و أنا مالي يا لمبي

مالك بابتسامة ساحره: و عملتي لينا أكل إيه بقي 

ملك : بص ليهم و قالت بشماتة: هما هياكلوا الرينجة و السردين و كملت بهيام لكن انت يا سعادة البيه الحليوة عملتلك حلة محشي مشكل تستاهل بوقك على فرخة محمرة كدا انت بتتعب و تشقي ولازم تروم عظمك 

وليد : هو لوحدة اللي بيشقي ما إحنا معاه في نفس المخروبة

ملك حطت اديها في وسطها و قالت: بس هو البنك بوش يعني كبير المخروبة

حازم : قصدك البيج بوص

ملك شاورت باديها و قالت: وات ايفر يعني المهم فهمت المعني تعال بقي يا سعادة البيه الحليوة اقعد على السفرة و قولي ايه رأيك في المحشي بتاعي

وليد : أنا هاكل من المحشي دا على فكرة

ملك بصوت عالي: نعم يا عمر دا عند ام لواحظ عارفها

وليد: لا معرفهاش تعرفيها انتي 

ملك : اومال دي عشرة عمر بقي محدش يعرف ام لواحظ اللي معدتش بتلاحظ

حازم : بصي بقى يا جميلة من الآخر كدا كلنا هناكل محشي عاوزه تاكلي انتي رينجة براحتك لكن احنا مش هناكل الأكل دا 

ملك : لا اسكوز مي بقي يا سعادة البيه كريم شانتيه المحشي بتاعي أنا و سعادة البيه الحليوة و محدش هيحط صوباع في بوقة

مالك : بحنية: جميلة

ملك بلين : كل واحد صوباع بس 

مالك بحنية اكتر: جميلة

ملك بدموع وهمية: بس لو مكنتش تحلف خدو المحشي كله أنا أصلاً عاملة رجيم 

وليد بصدمة: رجيم ايه حضرتك اومال مين اللي واكل خمس ترغفة على الفطار

ملك خمست في وشه و هي بتقول: الله أكبر الله أكبر خمسة في عينك عاوز تحسدني و أنا أقول مالي هفتانه اليومين دول مباكلش مصدقت النهارده اليوم الفيري بتاعي 

حازم : يوم فيري طب ما تكلينا أحسن

ملك : اسكتوا فكرتوني انا زعلانة أوي طب يرضيك كدا يا سعادة البيه كريم شانتيه

حازم ببلاهه: يرضيني ايه ؟ 

ملك : كان عندنا خمس كتاكيت و شاورت باديها في وش حازم و بص لـ وليد و كملت : تعرف حصلهم ايه يا سعادة البيه كنافة بالمنجة

وليد : حصلهم ايه يا فيلسوفت عصرك و زمانك 

ملك: الله يسامحك انا مش هرد عليك لاجل عيون سعادة البيه الحليوة بس المهم يوم الخميس و خمست في وشه الساعة خمسة و خمست تاني إلا خمس دقائق و خمست تالت

وليد : أبيه يا ست في ايه صوابعك دول شوية و هيلبسوا في وشي مالهم كتاكيتك

ملك بتأثر مصطنع: ماتم 

حازم بشهقة: بجد البقاء لله

ملك بتجارية: يلا محدش لياخد اكتر من نصيبه ولا اكتر من عمره

مالك زهق منهم فقال بملل : ها يا مسكرة هناكل امتي 

ملك بصت لحازم و قالت: اقرصني يا سعادة البيه كريم شانتيه دا قالي يا مسكرة هتجيب المأذون امتي

حازم ضحك عليها و قرصها فعلاً

ملك بوجع : اااه الله يخربيت الغباء ينفع كدا يعني

حازم : انتي اللي قولتي الله

ملك مشيت و هي بتبرطم و بتقول: والله ما شوفت اغبي منه في حياتي يا أخي هتجيب أجلي في يوم من الايام الله شاهد الله شاهد شكوتك إلي الله يا سعادة البيه كريم شانتيه اها

مالك : هي مالها دي أول مرة يعني

وليد : البت دي عقلها خف والله

--------- 

بعد الغداء

وليد بخبث : تيجوا نلعب لعبة

حازم: لعبة ايه دي ؟ 

وليد: جراءة و صراحة

حازم : دا انت شكلك ناوي على نية سوده بس اشطا يلا تلعبي معانا يا جميلة

ملك : لا عندي مواعين

وليد : والله ابدا دا انا حتى بحبك لله في لله لازم تلعبي معانا

ملك بخبث : بس بشرط محدش يزعل من اللي هيحصل

وليد بنفس الخبث: اشطا يا بشا بس تطلعي قد كلامك ها 

ملك بخبث : أنا عاوزة اعرف انت عاوز توصل لاية و هنولك الشرف دا تحت سطار اللعبة

و ميلت على ودنه و قالت: كان هيبقي أفضل لو طلبتها يا سعادة البيه كنافة بالمنجة

مالك بغيرة: بتقوليلة ايه 

ملك بحاجب مرفوع: كلمة سر 

مالك اتعصب و شدها من اديها و دخل اوضتة بيها و رزع الباب 

ملك : آية انت ساحب جاموسة وراك 

وليد : بقرة حلوب عليا الطلاق بس جامده ياض يا مالك 

حازم : أنا مش فاهم حاجة خالص 

وليد ضربة على قفاه و قال: عشان غبي ربنا ما يحرمك منه يسطا

حازم زق ايده و قال: طب جهز اللعبة يا خفيف عبال ما أخوك ينتقم من برعي اللي جوه دا 

ملك : سمعاك يا سعادة البيه كريم شانتيه و هنتحاسب على برعي دا 

حازم بصوت منخفض: هو انا كان صوتي عالي كدا سمعت ازاي

ملك : سايبة عفاريتي عندك 

-----++ 

ملك بصت لمالك بغيظ و قالت: ينفع اللي أنت عملته دا يا سعادة البيه الحليوة معندكش أخوات بنات على كدا يا جدع منظري ايه قدام الجوز اللي بره دول برستيجي طب يعني هو ينفع قطع كلامها بوسة خليتها ترجع لورا

مالك من كتر غيرته مش قادر يسيطر على نفسة و ملك بترغي كتير

مالك بعد عنها و قال: لوك لوك لوك اسكتي شوية بقي ينفع كدا و كمل بهمس جمب ودنها مش عاوزك تتكلمي مع حد من الجوز اللي بره دول تاني سامعة

ملك بدون وعي: أجل يا سيدي

مالك بصلها لقاها متنحة و فاتحة بقوها و سرحانة

مالك: فوقي بقي يا قمر براحتك و حصليني على بره و باس خدها و خرج

ملك حطت ايديها على شفايفها و قالت: البوسة دي بجد وإلا هزار

فعلها ابن سلطع ملطع و بقت تضحك شوية بشوية لحد ما بقت ضحكتها من الودن للودن قالت : قد فعلها يا فوزية أخيراً البوسة اللي بحلم بيها بقت حقيقة بس مبقاش قرة عيني لسة الله يخربيت الوقاحة ماشي يا مالك ماشييي

و دبدبت برجلها في الأرض و خرجت لقيتهم قاعدين على الأرض و الازازة في النص 

ملك قعدت بهدوء: و مالك لف الازازة جت ملك تسال وليد 

ملك بخبث : صراحة وإلا جراءة

وليد بتسرع: جراءة طبعا

ملك : قوم أغسل المواعين

حازم أول ما سمعها مقدرش يمسك نفسه من كتر الضحك و بص لوليد و قال: البس يا معلم

وليد بغيظ: طيييب ماشي و لف الازازة جت أنه يسالها

وليد بخبث : صراحه وإلا جراءة

ملك بخبث : مش هنولهالك يا سعادة البيه كنافة بالمنجة صراحه

وليد بغيظ : ما تخليكي جرئيه أحسن 

ملك ببرود : تؤ أنا يا عم واحدة جبانة اخلص

وليد بخبث : مالك كان بيقولك ايه جوه

مالك كان بيشرب شرق و بقي يكح جامد 

ملك بخبث : اممم كان بيقولي كان بيقول ابقي اكليهم السردين بكره بدل ما يترمي خسارة

وليد بصدمة بصلها و قال بغيظ: 

يتبع .....     بقلم زهرة عصام


خادمة قلبي ١٤

بقلم زهرة عصام 


وليد بخبث : مالك كان بيقولك ايه جوه

مالك كان بيشرب شرق و بقي يكح جامد 

ملك بخبث : اممم كان بيقولي كان بيقول ابقي اكليهم السردين بكره بدل ما يترمي خسارة

وليد بصدمة بصلها و قال بغيظ: كل دا بيقولك اكليهم سردين و بص لمالك اللي ضحك على كلمها و قال: دا انت متوصي بينا أوي و كمل بخبث بس برضوا مش هيخيل عليا الجو دا كان ييقولك ايه جوه اعترفي يا بت 

ملك بجراءة قالت: انا هقولك كان بيقولي إيه يا سعادة البيه كنافة بالمنجة و كملت بعمرة كان بيحطلي قطرة في عيني أصلها وجعاني أوي و عبال يا رب ما القطرة تنزل على قلبي بقي 

مالك بصلها بصدمة مكنش متوقع تطلع بالجراءة دي 

وليد بصدمة بص لـ مالك و قال بشرود: شقطها يا مالك و بقيت بتحط قطرة دا أنت مبتسبش فرض يا راجل

ملك : اهي اهي شوفت يا سعادة البيه كنافة بالمنجة يرضيك كدا يا سعادة البيه كريم شانتيه أنا هشهدكم شهادة حق اروح لـ أهلي في البلد اقولهم كان بيحطلي قطرة و يجوا هما يقولوا التار و لا العار

حازم بغباء: أنا مش فاهم حاجة هيقولوا كدا ليه طلما إنتي مريضة و هو بيساعدك

وليد : هي وصلت لكدا و بص لـ مالك و قال: البس يا معلم

ملك : يلبس ايه هو واقف عر'يان قدامك مهو اصمالله عليه ملوي هدومه اهو 

وليد: اسكتي انتي انا بكلم أخويا تتدخلي انتي ليه 

ملك بكبرياء : مهو انا قرة عينه مسقبلياً فلازم ادخل

ملك فتح بقه و قال بصدمة: مين دا 

وليد بسخرية و استفذاذ: بقي مالك هيتجوزك انتي يا بتاعه انتي دا ماليكات جمال العالم بيجروا وراه و هو اللي مطنش ليهم يجي هو و يتجوز سيد قشطه

ملك بغيظ: ماليكات جمال العالم اللي معصعصين و مش باين وشهم من قفاهم و بصت لـ مالك بغمزة و قالت: خليك في المربربة دا البلدي يكسب يا سيدي.

حازم : هو انا ليه حاسس إني مش فاهم اي بتنجان

مالك : احم عملت اية في التدريب النهارده يا حازم

حازم: هعمل ايه يعني اكيد زي كل يوم كوسة

ملك : اعملهم في حله واحد ههههه

بصت ملقتش حد بيضحك فقالت: إيه وحشه 

وليد بغيظ: لا بالعكس من كتر جمالها مش قادر ابطل ضحك اضحك يا حازم انت مبتضحكش ليه          *بقلم يويو محمد*

حازم : هههههههههههه مش قادر لا ههه هههه

ملك : أهبل دا وإلا ايه انت بتضحك على إيه يا سعادة البيه كريم شانتيه

حازم : هو مش قال اضحك بضحك 

ملك : عالم تافهه تفكيرها ميوصلش ليا و لسه هتكمل لقت جرس الباب بيرن 

ملك راحت تفتح الباب أول ما فتحت شهقت بخضة و قالت في نفسها: ينهار ملحوث يولاد صاروخ ارض جو 

ملك : تحت أمرك يا فندم

البنت بصتلها أول ما شافتها صرخت و قالت: سلاما قوما من رب الرحيم انتي مين انتي مين يا مالك الحقني

ملك في سرها: مالك لا دا إحنا شكلنا داخلين على شغل عالي اوي صبراً أيتها الصاروخ صبرا 

مالك جه من وراها لقاها ماسكة الباب بايد و سانده بايدها التانية على الحيطة بحيث تمنعها تدخل 

ملك : مهو إنتي لو تقوليلي عاوزه سعادة البيه الحليوة في إيه كنت دخلتك لكن انتي اللي مش بتسمعي الكلام خليكي واقفة بقي لحد ما يبان ليكي صاحب

البنت : هو مين دا اللي سعادة البيه الحليوة انتِ واقفة كدا ليه دخليني بس ابعدي خالص عن الباب

ملك لسه هتتكلم مالك جه من وراها و همس في ودنها: كلتيها وإلا لسه يا قادره

ملك : هشش انت شوية يا سعادة البيه الحليوة قدامي طالعة هخلصها و اجيلك دي بتقولي ابعدي خالص كأني جرثومة قدامها بنت الوا'رمة

مالك كتم ضحكته و قال: دخليها يا جميلة يلا يا بابا عشان خاطري

ملك بصتله بهيام و قالت: انت رأيك كدا يا سعادة البيه الحليوة

مالك هز راسة و هو بيكتم ضحكته

ملك : انت تؤمر أمر كدا و أنا عليا السمع و الطاعة يا سعادة البيه الحليوة يا اللي جامع كل حلويات المصانع كلها و قلبت مره واحده و قالت بصرامة: بس هتتعوج هربيهالك من أول وجديد و دا مش تهديد تؤتؤ دي معلومة على الطاير كدا 

مالك ابتسم ليها و هز رأسه برفض و قال: متخافيش هو حد يقدر يعمل حاجة و أنا موجود

ملك : بطل عليا الطلاق بطل حياتي

بصت للبنت اللي واقفة مش فاهمة حاجة من فوق لتحت و دخلت و هي بتبرطم

ملك : صاروخ عليا الطلاق طاروخ أرض جو يكش بس متشقطش حد من اللي جوه دول لحس دا انا بعاني على ما ارجع أخلاقهم من تاني وقفت جمب حازم و هي هتفرقع من جواها

حازم ميل على ودنها و سألها : مالك يا جميلة هتفرقعي كدا ليه 

ملك : اسكت يا سعادة البيه كريم شانتيه سعادة البيه الحليوة هيتشقط عليا النعمه لـ يتشقط بص أنا هقف هنا و أنت متتحركش من جمبي لحس ارتكب جناية النهارده

مالك دخل و البنت دخلت وراه و معاها شنطة هدومها

مالك : أحب اعرفكم ريا 

ملك قاطعتة : رِ اية يا عنيا

مالك بصلها بتحذير و ملك قالت في نفسها: قطيعة تاخد ريا بحرف الراء بتاعها دي في ساعة واحدة

مالك كمل كلامة : ريا ضيفة عندنا هنا في مصر عايشة في أوروبا و جاية تعمل سياحية و هتقعد معانا هنا 

ملك شهقت و حطت ايديها في وسطها و قالت: هَـ أية اااه ماشي ماشي 

حازم بص لـ ريا بهيام و قال: دي شكلها هتبقي إجازة عسل و بص لـ مالك و قال: انا إجازة بكرة جميلة عاوزاني في شغل 

مالك يصلهم و رفع حاجبة و بص لوليد اللي بيبص لـ ملك و بيكتم الضحكة على غيظها

ملك : طلعها يخويا يحسن تكبس على نفسك و تروح فيها 

ريا بصت لـ مالك و قالت: مش هتعرفنا يا مالك 

مالك : احم اه طبعاً طبعاً دا و شاور على وليد و قال: وليد و دا و شاور على حازم و قال: حازم أخواتي أما بقي دي 

ملك قاطعتة و هي بتقول : انا سيدة القبيلة

حازم و وليد ضحك و مالك اللي مقدرش يمنع ابتسامته على تلقائيتها

ريا بحاجب مرفوع: اه يعني ايه سيدة القبيلة انتي من البدو

ملك : بدو يا تنين مهاجر بدو لع يا تنين مهاجر إني من الصعيد و ميعجبنيش الحال المايل انا بحذر من دلوقتي اهو 

حازم ميل عليها و قال: اهدي يا وحش مش دي اللي تعمل فيك كدا 

ملك : انت مش شايفها يا سعادة البيه كريم شانتيه دي صاروخ أرض جو و كملت ببكاء مصطنع ينغع وبعدها عن سعادة البيه الحليوة وإلا والله اجبلها جمايكة هنا 

حازم أول ما سمعها بتقول جمايكة قال بصوت عالي: حي خلي الكل يبص عليهم 

مالك بغيظ : بتقولوا ايه ؟ 

ملك : سابتهم و دخلت و هي بتبرطم

ملك : كانت ناقصة اهلك هي يعني أقوم اجبها من شعرها التنين المهاجر دي وإلا اعمل ايه لا بس البت بطل من الآخر مفهاش غلطة مش زي مليانة بصل و شبه البومة صبراً عليا يا تنين مهاجر صبراً

ريا : بجد أنا مبسوطه أوي معاكم هنا و كويس إن الكائن دا و شاورت على ملك دخلت جوه أصلها بيئة أوي الصراحة

مالك كان هيتكلم بس وليد سبقة و اتكلم بحد : لا من أولها جميلة زيها زي أي حد هنا وإلا يدوس ليها على طرف كأنه زعلنا كلنا و خصوصاً مالك 

ريا بلعت ريقها و قالت: مش قصدي والله و قربت من مالك حضنتة و قالت: سوري ملحقتش أرحب بيك 

ملك : لا مهو مش هسيب التنين المهاجر دي معاهم بره لوحدها و خرجت لقتها حاضنة مالك 

وليد في سره : البس شكلنا دخلين على أيام عنب 

حازم بصدمة: بيح احيييية هتجيب أحدب و تيجي 

ملك : اه يا بنت الصر'مة ورحمت أبويا لوريكي 


يتبع ... وصلو الفصل  دا ٢٠٠ تعليق وانزل اللي بعده علقو عشر تعليقات❤️👇


تابعوا صفحتي وتابعو المدونه ليصلكم اشعار بالروايات فور نزولها



تكملة الرواية من هنا



بداية الروايه من هنا



انضموا معنا على تليجرام ليصلكم اشعار بالروايات فور نزولها من هناااااا



الروايات الحديثه من هنا



روايات كامله من هنا



جميع الروايات الكامله من هنا



تعليقات

CLOSE ADS
CLOSE ADS
close