رواية خادمة قلبي بقلم زهره عصام الفصل الخامس عشر والسادس عشر والسابع عشر حصريه وجديده على مدونة النجم المتوهج للروايات والمعلومات
 |
رواية خادمة قلبي بقلم زهره عصام الفصل الخامس عشر والسادس عشر والسابع عشر حصريه وجديده على مدونة النجم المتوهج للروايات والمعلومات
خادمة قلبي ١٥
حازم بصدمة: بيح احيييية هتجيب أحدب و تيجي
ملك : اه يا بنت الصر'مة ورحمت أبويا لوريكي و دخلت على المطبخ جري
مالك اتفاجئ من حركتها بس مرضيش يكسفها
ريا بتبتسم بانتصار لمجرد أنه حاوطها بدراعاته
حازم ميل على ودن وليد و قال: انا مش متفائل يا وليد جميلة هتجيب جمايكة و أحدب و تيجي
لسه هيرد عليه لقي ملك جاية جري و هي في ايديها كوباية حاجة سقعة بصت عليهم بخبث و مشيت لحد ما وقفت ورا ريا و عملت نفسها اتكعبلت و دلقت عليها العصير بغل لدرجة أنه جه على شعرها
ريا بخضة : اي دا انتي إزاي تعملي كدا انتي اتهبلتي
ملك كانت مغمضة عينيها قامت لطشاها بالقلم و قالت: ما تبطل بقي يا ابن الصر'مة محن هتخليك متنح للبت كدا كتير
مالك اتغاظ منها جداً هو مقدر غيريتها بس متوصلش أنها تهين ضيفته كان هيتكلم لكن اتفاجئ بريا بتبص ليها بغيظ و هتردلها القلم و يدوب رفعت اديها كانت ملك مسكتها و تنيتها ورا ظهرها و هي بتقول: جامده الحركة دي يا سقا يا جامد
حازم و وليد بصوا لبعض و الابتسامة بقت توسع على بوقهم
حازم : يا جامد انت يا باشا كمل وانا في ظهرك
ملك سمعته و كتمت ضحكتها زقت ريا وقعتها على الأرض و بعدين مشيت و هي مغمضة لحد ما خبطت في حيطة خبطه خامدة فبصت ليهم و عنيها بتزوغ و قالت: دا باينة هيبقي مرار طافح ههه و أغمي عليها
حازم و وليد اتخضوا و راحوا ناحيتها و مالك اللي جري عليها أول ما وقعت و شالها حطها على الكنبة
ريا اللي بتحاول تقوم و كل ما تيجي تقوم تتزحلق في العصير اللي واقع على الأرض و تقع تاني و محدش مهتم يساعدها أصلا
مالك : جميلة فوقي الله يخربيتك ايه اللي بتعملية في نفسك دا بس
ملك بتوهان: سعادة البيه كنافة بالمنجة هتغسل المواعين يعني هتغسلها
وليد بغيظ: تصدقي حلال فيكي اللي حصلك أحسن تستاهلي
ملك بغيظ: اه يا تنين مهاجر يا اللي مش لقينلك مكان يلمك طب صبرك عليا
مالك كاتم ضحكته و في نفس الوقت ضهرت ابتسامه هادية على وشة و قرب من ودانها و قال: انتي هتفوقي وإلا اروح احضنها تاني
ملك بهمس و توهان من أثر الخبطة: فكر بس يا سعادة البيه الحليوة و المره الجاية هتجبها بالمستشفى
ملك بدأت تفوق لقت الكل متجمع حوليها فابتسمت ببلاهه و قالت: سالخير عليكم يا شباب المستقبل
ريا يغيظ : مالك البنت دي لازم تمشي من هنا أنت مش شايف عملت فيا أية
حازم بحاجب مرفوع: معلش بكره تتعودي و بص لملك و قال بغمزة: اعملي حسابها في السردين بتاع بكره
ملك اتعدلت و سقفت باديها بس لسه مقامتش و قالت: الله على الدماغ دي شكلك فاهمني و هنعمل أحلي شغل
حازم بهيام مصنتع: مع إن خسارة فيها اللي هيحصل بس تستاهل
ملك اتغاظت منه فضر'بته في ركبتة قعدته على الأرض
ملك بغيظ : أنا هنا الهانم انا اية
وليد و حازم في صوت واحد: الهانم سيدة القبيلة
ريا: شكراً يا مالك أنا هاخد شنطتي و امشي من هنا هقعد في فندق طلما مش عارف تجبلي حقي
ملك بانشكاح: ليه متخليكي قاعدة شوية نضايفك بحاجة
مالك بصلها بتحذير و قال: اعتذري يا جميلة لانك غلطي جامد اوي و حسابك معايا بعدين
ملك بشهقة: هي الحالة جاتلي تاني و أنا معرفش
ريا باستفهام: حالة اية
ملك : أصل بعيد عنك بمشي وانا نايمة حقك عليا يا ست هانم تنين مهاجر
ريا : مين دي تنين مهاجر اسمي ريا
ملك : حد الله ما بيني و ما بين الربا انت تقبله يا سعادة البيه كريم شانتيه
حازم بضحكة مكتومة: ابدا يا جميلة حد الله طبعاً
ملك باستفزاز: اهو شوفتي
مالك : جميلة اعتذري عدل بقولك
ملك بغيظ: ماشي يا سعادة البيه الحليوة ماشييي
قامت وقفت قدام ريا و قالت: إن شالله اتص في نظرك ما كان قصدي قولوا آمين
حازم رفع ايده و قال: آمين
ملك : و ادي راسك ابوسها مسكت وشها بين لديها و ميلتها عليها و ضربيتها على قفاها و طلعت تجري
ملك : لاموخذة بقي يا سعادة البيه الحليوة دي تنين مهاجر يعني مؤذية للعين و النفسية جداً و يا ريت تشوفلك صرفه فيها
وليد بصوت عالي: الله علييك يا حبيب والديك جدع يا ابني بايدة ماشي بالقفا ماشي على الأرض ماشي حقيقي اهلك فاخورين بيكي يا بنتي
ملك : طب متنساش بس المواعين وإلا هتغسلهم بكره كمان بدل سعادة البيه كريم شانتيه
حازم: الله و أنا مالي يا لمبي
ريا دخلت الاوضة بغيظ و هي بتستحلف ليها
-----
ملك : صبراً عليا يا تنين مهاجر يا عصاية المقشة ما قولنا البلدي يكسب
رواية خادمة قلبي بقلم زهره عصام الفصل الخامس عشر والسادس عشر والسابع عشر حصريه وجديده على مدونة النجم المتوهج للروايات والمعلومات
تاني يوم الصبح كلهم صحيوا على صوت دوشة بره كان أول واحد خارج هو حازم بصلها ببلاهه و قال: انتي بتعملي ايه و دا وقته
كلهم خرجوا و ريا خرجت بعدهم و كلهم بصلوها و تنحوا
ملك : ينهار ملحوث دا انتي يوم أمك اسود معايا و كملت بحسرة طلاق تلاتة ما شافت بربع جنيه تربية و أنا اللي هربيها
يتبع...
خادمة قلبي ١٦
بقلم زهرة عصام
تاني يوم الصبح كلهم صحيوا على صوت دوشة بره كان أول واحد خارج هو حازم بصلها ببلاهه و قال: انتي بتعملي ايه و دا وقته
ملك : ايه بنضف منضفش و تقولوا مش شايفه شغلها و بعدين التنضيف بدري رياضة
وليد: رياضة يا قادرة رياضة الساعة أربعة الفجر جميلة الله يرضي عنك نامي دلوقتي عندنا شغل الصبح
ملك : افهم بس يا سعادة البيه الحليوة و كانت لسه هتكمل كلمها شهقت لما لقت ريا خارجة و يتقول بعصبية: في اية هنا
مالك و وليد و حازم تنحوا و ملك فتحت عنيها قوي و قالت في نفسها:- تنين مهاجر اية بس دي بطل كل حاجة فيها بطل نهار ملحوث دي وسطها قد كف ايدي بصت لنفسها بحسرة و قالت: ليك حق يا سعادة البيه كنافة بالمنجة تقول عليا سيد قشطه
بصت عليهم لقتهم متنحين فركزت و قالت:- ينهار منيل قميص نوم يا قادره و مع تلت عجول محرومة من اللحمة يخربيتك هيغتصبو'كي و ربنا
وبصت على مالك لقيته متنح أوي فتعصبت و قالت: اية يا شويخ المستقبل أنا علمتكم كدا غضوا البصر فين سبحتي فين سجاتي فين ايد المقشة انفض بيها
ملك قدرت تنبهم بصوتها و ريا اللي قربت عليها بقميص النوم
ريا: انتي إيه متخلفة يعني هتبقي مبسوطه لما أمد ايدي عليكي
ملك ببلاهه بص لـ مالك و قالت: عاوزة تتحمرش بيا يا سعادة البيه الحليوة
حازم كتم ضحكته و قال: لا و انتي الصادقة دي عاوزة ترنك علقة تنيمك شهر في السرير
ملك ودانها طلعت دخان و قالت: فكرك كدا يا سعادة البيه كريم شانتيه
وليد هز راسة و قالت: لا و مش بس كدا دي بتخطط تخلي مالك يحطلها قطرة في عنيها
ملك بصت لمالك بغيظ و قالت: جبتها علينا من أنهي داهية دي و مسكت ريا من اديها جامد
حازم بمرح: اتهوري و قليعها القميص خلي الشعب يفرح يا جميلة
ملك بصتله بغضب و قالت: و الشعب هيفرح أوي لما اجيبلة أحدب و اجي يا سعادة البيه كريم شانتيه علي اوضتك حالا وإلا
حازم جري على اوضتة بخوف مصطنع و هو بيقول: هو فيها وإلا
ريا : سيبي ايدي بتوجعيني انتي إزاي تتجري تمسكيني كدا أنا هخلي مالك يكرشك
ملك بصت لوليد بحدة: غض البصر و على اوضتك يا سعادة البيه كنافة بالمنجة وإلا صف المواعين اللي جوه و ترويق المعجنة دي عليك و ما حد هيساعدك
وليد لسه هيتكلم مالك بصله بتحذير بص على السجاد اللي محطوط علي الأرض و قال و هو ماشي : مش عارف مكتوب علينا نشوف سيد قشطه صبح و ليل و لما نصطبح بكوكتيل يتنكد على اللي خلفونا يا اخونا ارحموا اللي جبونا بقي عاوزين تتفرج
ملك بصت لـ مالك بشراسة و قالت و هي بتشاور عليه : و انت تدخل تستناني في اوضتك انت و عضلات السكس باكس بتاعتك دي
مالك بصدمة: جميلة
ملك : بلا جميلة بلا بتنجان هتتعصب عليا و الموضوع كله كوسة أصلا
حازم من على باب اوضتة:- اعمليهم في حلة واحدة اية مبتضحكش شوفتي بتزعل إزاي
ملك جزت على سنانها و داست على ايد ريا اكتر اللي صرخت و هي بتقول: انتي يا متخلفة ايدي هتتكسر
ملك : حلو غلطت و انا كنت مستنيها تغلط و بصت لـ مالك و قالت بشخطة : ادخل جوه بعضلاتك دي و انتي يا تنين مهاجر تعاليلي يا روح خالتك مسكتها من شعرها و دخليتها اوضيتها و قفلت الباب عليها بالمفتاح من بره
ملك : استري نفسك يا بنت سلطح ملطح مش هندبس فيكي في قضية اغتصا'ب عشان واحدة مشافتش بربع جنيه رباية بصيلي و اتعلمي مني دا حتي لبسي موضة
وليد من على باب اوضتة: قادرة والله العظيم قادره متسمعيش كلامها و فرجينا على القشطة يا قشطة
ملك بصتلهم بعيون تطق شرار فدخلوا اوضيتهم جت تتحرك مالك مسك اديها و قال برقة: جميلة
جميلة في نفسها لا مش هضعف لازم أوقف التنين المهاجر دي عند حدها دا كان بيزعقلي عشانها
مالك سحبها من اديها و دخل اوضتة و قفل الباب و قال برقة: جميلة بصيلي
ملك في نفسها: ابصلك ليه كدا هقولك ارزعني بوسة مشبك زي بتاع امبارح
مالك بحنان: مش عاوزه تبصيلي يا جميلة
ملك : لا يا سعادة البيه الحليوة أنا زعلانة منك من امبارح و اوعي كدا بقي عشان هنام يعنى و أقوم أكمل تنضيف
مالك : زعلانة مني اخص عليا و انا ميخصنيش زعلك حط ايدة تحت دقنها و رفعة و قرب لحد ما باسها
مالك : جميلة
ملك بتوهان: ها جميلة مين
مالك: لسة زعلانة
ملك هزت راسها نافية و قالت: زعلانة من اية
مالك : اعملي حسابك مفيش زعل مني تاني ابدا وإلا هصالحك كدا و انتي حره و ممكن الامور تتطور اكتر مين عارف
ملك بخجل : انت قيل الأدب أوي يا سعادة البيه الحليوة
مالك بضحكة: أنا محترم مع كل الناس إلا معاكي انتي يا بسبوسه بالقشطه
ملك بصت لية بتوهان: اشمعني أنا
مالك سرح في عيونها و قال: لسه مش عارفه يا ملك
ملك بتبريقة: انت عارف
مالك : من أول يوم دخلتي هنا عاوز اقولك اني بحـ..
وليد : اصحي بقي الله يخربيت اللي يزعلك يا شيخه مش كفاية حابسة البت بقالك سعتاين و متبتة في المفتاح مش راضية تسبية
ملك بتفوق: هو اية اللى حصل يا سعادة البيه كنافة بالمنجة
وليد : ابدا كنتي راحة لمالك دختي و قعدتي على الكنبة و أغمي عليكي بنفوقك من ساعتها و انتي ولا هنا
ملك بصت لـ مالك بعتاب و هو فهمها من غير ما تتكلم أدت المفتاح لـ وليد و قالت: قبل ما تفتح ليها اتاخد أنها مش هتخرج بقميص النوم و سابتهم و دخلت اوضيتها تستريح
ملك : شكل الخبطة بتاع امبارح ماثرة الله يسامحك يا سعادة البيه كنافة بالمنجة كان لسه هيقول بحبك في الحلم يعني لا هيبقي حلم ولا حقيقة دا الغلب دا بس يا ربي
مالك باصص عليها و اتحرك وراها لحقها قبل ما تدخل اوضيتها
مسك اديها و قال: جميلة بصيلي
ملك بصت ليه و هو بص في عنيها و قال: بحبها
ملك : هي ايه
مالك: عيونك هي لونها الحقيقي إيه
ملك : ها لونها أزرق
مالك كويس انك خبتيها بـ لينسيز
ملك : ليه
مالك : كنت هغيرك عليكي من أي حد يبصلها
ملك لسه هترد لقت مالك بيهز في دراعها و هو بيقول:يا بنتي صحصحي بقي
ملك بصتله بصدمة و سابته و دخلت و هي يتقول: الله يخربيت أحلام اليقظة بقي يعني لا في بوسة ولا في غزل الله يخربيت الظولم ها و قفلت الباب في وشة
مالك : اه يا بنت الصر'مة بتقفلي الباب في وشي و كمل بغيظ طيب يا ملك أما علمتك الأدب مبقاش أنا مالك و بص على اوضة ريا و قال: يا ريا يا حبيبت قلبي دا إحنا داخلين على شغل عالي اوي استعنا على الشقا بالله
يتبع بقلم زهرة عصام
خادمة قلبي ١٧
بقلم زهرة عصام
مالك قاعد على كنبة و على يمينه ملك و على شمالة ريا و قدامة وليد و حازم اللي بيكتموا الضحكة بالعافية
مالك بصرامة مصطنعة و من جواه هيموت و يضحك على منظر ملك : إحنا هنعمل معاهدة سلام بينا عشان نعرف نعيش الكام يوم الجايين دول في سلام
ملك قاعدة ضاربة بوز و بتربطم : يعني كان لازم يشيلني من عليها كان في كام شعراية صفر كنت خلاص على وشك اشليلهم ليها بس الله في سماه لشيلهم برضوا صبرك عليا يا بت الدزمة
مالك بص لـ ريا و كمل : يعني لا جميلة خدامة هنا ولا انتي ضيفة هنا كلنا هنا أخوات في بعضينا و بص لـ ملك و قال: يعني نحترم بعض و منقفش لبعض على الواحدة
ملك قامت مره واحده و قالت: اسكوز مي بقي يا سعادة البيه الحليوة أنا اللي يدوسلي على طرف اجيبه من قفاه اه معلش إحنا بنتكلم مهو مش هتحرق دمي و اسبهالكم و أمو'ت انا مفروسة
مالك شد اديها قعدها و قال : مهو معاهدة السلام دي مش هتخليكي تمو'تي مفروسة اقعدي و اسمعي الكلام للآخر بقي
ملك وقفت تاني و قالت: اسكوز مي معلش كمان مره انت يا سعادة البيه الحليوة مقعدنا في حصة تاريخ جمبك و سايبة مطبخي و السجاجيد اللي هتتغسل اية معاهدة سلام معاهدة سلام إسمها قعدة صلح
مالك نفخ بغيظ و قال : طب نكمل القعدة بقي يا جميلة ممكن
ملك مدت اديها ليه و قالت: بوس
مالك فنجل عينة بحركة مضحكة و قال: افندم
ملك ببلاهه و تراجع: خلاص متبوسش هقعد بس لو الكلام معجبنيش و حيات أبوك يا شيخ في كام شعرة كدا صفر عاوزين نخلص منهم
حازم مقدرش يقاوم اكتر من كدا و وقع على الأرض من كتر الضحك
مالك شد ملك قعدها تاني و قال : اهدي بقي خلينا نخلص ورانا مصالح
ملك يتريقة: اهو حطيت جذمة قديمة في بوقي و سكت اهو ربنا على الظالم المفتري و بصت في السقف و قالت: أهم يا رب أهم و شاورت على اللي قاعد كله و كملت اهم اللي جايين عليا اكمني وحدانية اسخطهم قرود و أنا هرضي بالأمر الواقع و هقول قضاء و قدر
مالك بصلها بصه خلتها تقول تحط ايد على بوقها و الايد التانية تشاور ليه بيها بمعني خلاص
مالك: نرجع تاني معاهدة السلام دي مش بين جميلة و ريا بس لا دي مبين الكل
حازم : إني أعترض
مالك بسخرية و غيظ: بتعترض على اية إن شاء الله إحنا لسه قولنا حاجة يا زفت
حازم : معرفش بس طلما اجتماع بيقي لازم أعترض فيه اية يقولوا عليا مش فاهم
مالك حط ايدة على وشه لما شاف ملك بتشجعة و يتقول: برافوا عليك يا سعادة البيه كريم شانتيه أصلا محدش بيفهم هنا غيرك و رفعت اديها و قالت أنا بايد اعتراض سعادة البيه كريم شانتيه مهو مش هيبقي لوحدة اللي بيعترض لازم كلنا نعترض إية هنسيبه يعترض لوحدة
مالك اتعصب مره واحده و قال وقف مسك شبشبة و هو بيقول: طب يلا يا ولاد الكـ'ـلب من هنا بقي أنا عمال ادادي و احايل عشان منكترش مشاكل و انتوا مش راضين تسكتوا
كلهم أول ما شافوه كدا طلعوا يجروا حازم شد ريا و قال: تعالي انتي مش حمل شبشب تاني كفاية عليكي جميلة
ملك : اخص بتتحالف مع الأعداء بس ابقي خليك فاكر
حازم ساب ايد ريا و طلع يجري على اوضته و هو بيقول: سوري بس العمر مش بعذقة و دي شرانية
وليد كان وصل لاوضتة و بيضحك على منظرهم
مالك ماسك الشبشب و بيجري وراهم بص لقي اللي بتستخبي تحت ورا الكنبة بخوف
مالك بيتسحب علشان متحسش بيه لحد ما قعد على الكنبة
ملك طلعت رأسها تبص تشوفة فين لقيته في وشها ضحكت ببلاهه و قالت: أحلي مسا عليك يا ريس
مالك خلع الحزام و لفة لفتين على ايدة ملك شافته كدا جريت و هو جري وراها ضر'ب ضر'بة بالحزام يدوب جت حاجة بسيطة عليها
ملك : عااااا اهدي يا سعادة البيه الحليوة اهدي يخويا هتعمل عقلك بعقل عيلة طلاق تلاتة عيلة
مالك بغيظ : بقي انا مقعدكم في حصة تاريخ مش كدا تعاليلي بقي يا حلوة لحسن دا انتي غلاوتك عندي فوق ما تتخيلي
ملك بتجري لمحته هيضر'ب نطت و هي يتقول: أركب الهوا وقفت على ناحية من السفرة و هو وقف الناحية التانية بصتله ببلاهه و قالت: و مالها حصة التاريخ جميلة حصة التاريخ ظل أنا أصلاً بدأت افهمه منك كنت بجيب فيه كحك في المدرسة
مالك بغيظ : انا بقي ظالم و هتتربي النهارده يا جميلة
ملك : الله يخربيت جميلة علي اللي جابوها في ساعة واحدة حطت ايديها في وسطها و قالت: هو أنت يا سعادة البيه الحليوة جاي تتشطر عليا انا طب ما تشوف اللي جريوا يستخبوا في اوضهم دول وإلا عشان أنا الدعييفة اللي فيهم ملحقتش اجري
مالك : دعييفة انا يا ستي ظالم
مالك كان قريب من اوضة ريا اللي واقفة تتفرج عليهم و مبسوطة أوي و قالت : أيوة كدا يا مالك ربيها و خدلي حقي من حتت الخدامة اللي محدش عارف يشكومها دي
ملك : اسكتي بدل ما اجي أشيل الشعرتين اللي فاضلين كانت بتكلمها و هي مركزه مع مالك اللي ضر'ب ريا حزام على رجلها و قال بزعيق: ادخلي جوه
ريا صوتت من الوجع و قفلت في وشهم الباب و هي بتبرطم
مالك رجع بص لـ ملك اللي بتضحك و مش واخدة بالها و في حركة سريعة كان قدمها و ضر'بها بالحزام ضر'بة على رجلها
ملك : جريت على طرف السفرة التاني و هي بتصوت و بتقول:- عااا بتوجع يا سعادة البيه الحليوة بتوعج والله
مالك : هتسمعي الكلام وتقصري الشر وإلا لا
ملك بعند و هي حاطة اديها على رجلها مكان الضر'بة : الله و أنا مالي يا لمبي دا نسمة هوا تعدي في وقت حر دا انا محدش بيسمع صوتي ولا بيحس بحركتي دا انا الدنيا جاية عليا أوي
مالك : جري وراها و هي طلعت على السفرة و جريت لاخرها عملت اديها على شكل مايك و قالت: واحد اتنين تلاتة هبا بصت على مالك و قالت: سلام كبير أوي لـ أبو رحاب اللي مشرفنا في المنطقة
وليد و حازم جم من وراها و قالوا: هااااااا
ملك لعبت حواجبها لـ مالك وقالت: و سمعني سلام لو مكنتش انتي تدلعني مين هيدلعني
مالك حط ايدة على وشه بقلة حيلة و ضحك عليها و على خفة دمها اللي كفيلة تخرجوا من أي مود
مالك : ربنا يهديكي يا بنتي
ملك بغمزة: يا رب يا بابي
ملك جت في دماغها فكرة و حلفت لتعملها بصت لـ حازم و وليد و عينها لمعت بخبث
مالك عدل لبسة و قال: أنا رايح الشركة و انتوا خلوا بالكم من ريا لحسن ريا وسكينه دي تاكلها
ملك : متخافش عليها يا سعادة البيه الحليوة هحطها في عنيا و غنت و حياة عنيك و فداها عنيا أنا بحبك قد عنيا و بقت تهز كتافها
مالك هز راسة بقلة حيلة و خرج ملك نزلت جري من على السفرة و قالت: بعد ما اخلص ترويق و عمايل أكل عوزاكم في مهمة قومية و بلاش جبن و تسبوني قدام سعادة البيه الحليوة لوحدي ها
وليد : فيه في دماغك اية أعرف بس شكلك ناوية على خراب الديار يا عبلة
ملك : لو مجبتش الـ ١٠٠ ناقة الحمر مفيش جواز يا عنتر
حازم : لاااا بد من أن تاني بيها يا عنترة عبلة ملكت ديار بني عبس
ملك : بس يا شيبوب انت و تعالوا ساعدوني
ريا قاعدة في الاوضة بغيظ و قالت: اللي إسمها جميلة دي مبوظة عليا كل مخططتاتي كدا مش نافع لازم أخلص مهمتي في أقرب وقت
ملك قاعدة بتغسل السجاد و حازم بيحول ليها ماية من الحمام
وليد كان بينفض و يروق على الرغم من اعتراضة في الأول بس اندمج معاهم
ملك بصت بضحكة شغلت السماعات على اغنية : يا مدلع يا مدلع يا سايبني في نار قلبي مولع
وليد بص على منظرهم اللي خالي من أي دلع و نزل ضحك و ملك اللي كل شويه ترفع اديها على رأسها و تضحك و تغني و تهز كتفها بترقص بشكل مضحك مسكت جردل الماية و زقلته على حازم اللي شهق و قال بنبرة انوثية: ينفع كدا تبلي هدومي كدا استهوي اه يا جميلة يا قاسية و قضوا اليوم كله في الترويق لحد ما قعدوا بتعب
وليد : كنتي بتفكرني في اية بقي يا جميلة اتحفينا
ملك بخبث : سعادة البيه الحليوة لو عرف اعتبرنا في المقابر يا سعادة البيه كنافة بالمنجة
حازم بفضول: ليه هنعمل اية
ملك بخبث : هنفتح مدرسة رقص
تابعوا صفحتي وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
