رواية خادمة قلبي الفصل التاسع والعاشر والحادي عشر بقلم زهوره عصام حصريه وجديده على مدونة النجم المتوهج للروايات والمعلومات
 |
رواية خادمة قلبي الفصل التاسع والعاشر والحادي عشر بقلم زهوره عصام حصريه وجديده على مدونة النجم المتوهج للروايات والمعلومات
خادمة قلبي ٩
في نص الليل
وليد صحي و هو بيقول: ااااااه
و قام جري على الحمام اللي في اوضته
أول ما خرج شتم ملك في سره و قال: أكيد من الكوارع بتاع الهانم
نام تاني مكملش ربع ساعة و صحي جري على الحمام
وليد: مش شغلانة هي بقي
----- اذكروا الله ------
ملك قاعدة في اوضيتها بتضحك جامد على وليد اللي كل شويه يفتح النور و يطفيه و قالت: و لسه انت شوفت حاجة دا انا متوصية بيك في بودره الصراصير يا سعادة البيه كنافة بالمنجة والله يا وليد بحق بهدله اليوم لتوصي بيك صبرك عليا بس
و نامت على السرير و هي فرحانة بانجازها الصغير اللي عملته و انتقا'مها من وليد
----- اذكروا الله ----
وليد طول الليل في الحمام فين و فين على ما معدته هديت
وليد : بقي انا تعملي فيا كدا يا سيد قشطة صبرك عليا يا معفنة انتي قال جميلة قال صبرك عليا هخلصه على جتتك و نام من كتر التعب
----------------اذكر الله------------
تاني يوم الصبح حازم صحي على صوت خبط في المطبخ لقي ملك بتحضر الفطار و هي بتبرطم
حازم : مالك يا جميلة زعلانة من ايه
ملك بزعل مصطنع: اسكت يا سعادة البيه كريم شانتيه انا زعلانة أوي اه والله
حازم بطيبه: ليه بس كدا يا جميلة هو حد مننا زعلك في حاجة
ملك : يا ريت يا سعادة البيه كريم شانتيه كنت استحملت لكن و وطت صوتها انا حلمت حلم وحش أوي و الصراحة انا خايفه عليك أوي انت اكتر واحد
حازم بخوف: ليه يا جميلة ايه اللي هيحصل همو.ت وإلا ايه
ملك : بعيد الشر عليك يا سعادة البيه كريم شانتيه إن شالله اللي يكرهك يا أخويا اقعد كدا و استهدي بالله و انا هفهمك كل حاجه و انا بطبخ
حازم قعد على كرسي في المطبخ و ملك بدأت تتكلم
ملك : خير اللهم اجعله خير يا سعادة البيه كريم شانتيه حلمت إن في في بيتكم عفاريت كتير أوي
و في عفريته منهم لازقة فيك و بتطفش من حواليك البنات
حازم بصدمة و زهول: ايوه فعلاً البنات بتطفش من حوليا و يعدين يا جميلة كملي
ملك بخبث: دي عفريته عاشقة ليك يا سعادة البيه كريم شانتيه
لا و يا خراشي بقي على سعادة البيه كنافة بالمنجة حواليه بدل الواحد عشرة
حازم : لا يا جميلة في وليد بالذات مينفعش وسعت منك دي
ملك : اسكت ما انت مش فاهم دا حواليه عفاريت فاسقة بتخليه يقول خمر و نساء
حازم بزهول: صح صح يا جميلة وليد بيعمل كدا علطول
ملك : و كل شويه يقولك اليوم خمر و غدا شغل و بليل في نفس اليوم رقص و قله حيا انا ليا ربنا على اللي شوفته في الحلم دا
حازم : فعلاً فعلا و الحل يا جميلة البنات هتطفش مني اكتر من كدا ايه
ملك : و إلا سعادة البيه الحليوة يختاااي عليه ملازمة عفريب معقد نفسياً مبيضحكش خالص بزمتك انت شوفتة بيضحك
حازم بتفكير و خوف: لا مشفتوش بيضحك من زمن
ملك : أهو عفريت سعادة البيه الحليوة قالي في الحلم أنه هيخليه معقد اكتر من كدا و هيخرج عقده عليك يا سعادة البيه كريم شانتيه و هيفرمك في الشغل
حازم بخوف: طب و الحل يا جميلة هنعمل ايه خلصينا من العفاريت دي عنك حل
ملك بخبث : عيب عليك يا سعادة البيه كريم شانتيه ميكونش اسمي جميلة غير و انا مخرجلكم العفاريت دي من البيت بس أنت طبعاً هتساعدني
حازم : طبعاً يا جميلة شوفي انتي عاوزه ايه و انا هعمله
-------- اذكروا الله -----
مالك صحي من النوم و سند ظهره على السرير و باصص في الموبايل على صورة جميلة قال في نفسه: جميلة و برئيه كدا تحس نفسك عاوز تاكلها حتت بسبوسه بالقشطه
رواية خادمة قلبي الفصل التاسع والعاشر والحادي عشر بقلم زهوره عصام حصريه وجديده على مدونة النجم المتوهج للروايات والمعلومات
وقف فجأة و خرج ليهم بلبس النوم راح على المطبخ علطول لقي ملك بتتكلم مع حازم عادي فغار من جواه وقال: حازم يلا اجهز علشان الشغل
حازم بخضة و لسه كلام ملك مأثر فيه : حاضر يا مالك بس بص انا هروح النهارده بدري عندي شوية حاجات هخلصها
مالك: تمام و بص لملك و عيونه لمعت
مالك: عاملة ايه دلوقتي يا جميلة
ملك : بخير يا سعادة البيه الحليوة ان شالله تسلم يخويا انا بقول مفيش غيره سعادة البيه الحليوة هو اللي جابر بخاطري
مالك بابتسامة: يا رب دايما بخير يا جميلة و سابها و مشي بعد ما أتأكد إن حازم مشي
ملك حطت اديها على قلبها و هي بتقول: بتدق ليه دلوقتي يا غبي مينفعش اللي أنت عاوزه بس ابتسامته دوختني ابن اللظينة ما بالك بقي بضحكته هتعمل في اللي جابوني ايه
نفضت ذهنها من كل حاجه و قالت بخبث: انا هسبني من الكلام دا دلوقتي و اخليني في اللي هعمله فيهم التلاتة النهارده و يا رب قدرني على فعل الخير و استرها من عندك عشان شكلي هنكرش النهارده
------ اذكروا الله -----
وليد صحي من النوم مقريف مش قادر يقوم أصلا و في نفس الوقت مش عاوز يقعد مع ملك في البيت لوحدهم عشان مش ضامن رد فعله معاها مش بعيد يقتلهـ.ـا و يخلص البشرية منها لبس و جهز حاجته لقاهم كلهم قاعدين على السفرة بص على الأكل و اتصدم
وليد: ايه دا معلش ؟!
ملك: صباح الخير يا سعادة البيه كنافة بالمنجة أقعد أقعد حماتك بتحبك
وليد قعد على الكرسي بإهمال و قال: فول و طعية يا قادره بصي انا أصلا مش قادر اتخانق معاكي هاتيلي حاجة أكلها غير دي بصي هاتيلي جبنه
ملك : ماله الفول و الطعمية بقي يا سعادة البيه كنافة بالمنجة بقالك قد ايه مكالتوش افهم بقي كل كل دا أكل الشعب كله كدا و كله بيدوب في الفول دا دوب
وليد: مش عاوزه منك حاجه انا هسبقم على الشركة
وليد خرج و مالك ميل عليها و قال بهمس: خفي عليهم شوية كدا هيفلسعوا بدري
ملك بنفس الهمس: متخافش عليهم يا سعادة البيه الحليوة دا انا نويت و النية لله إن يكون مو'تي على ايدهم
مالك : يبقي الله يرحمك بقي
خرجوا على الشركة و ملك غمزت لـ حازم اللي هزلها راسة و مالك اللي هيفرقع من كتر الغيرة
------
ملك بتجهز اللي هتعملوا ليهم و خلصت الغدا و هي بتقول يلا حلال عليكم الكرشة أحسن حاجة اقولهم عليها اكله يابنية هما اليابان بيحبوا الأكل اللي مش مفهوم دا
و بقت تجهز الحاجات على ما حازم يجي
بعد نص ساعة حازم جه و معاه كيسه كبيرة و دخل الاوضة غير و لبس جلبية بيضة و حط على راسة طقية و ملك اللي لبست جلبية بيضة برضوا و ربطت رأسها بطرحة و شعرها رفعاه لفوق زي الاريل بقي منظرها مضحك للغاية
حازم مسك مبخره من بتاع زمان و ملك كمان و استنوا لحد ما مالك و وليد رجعوا و شغلوا الطبلة و ملك بقت تقول كلام مش مفهوم و ترش بخور و حازم ماشي يفقر وراها و ماسك المبخره كل شويه يحط بخور فيها
وليد بصدمة: قلبت البيت مازار يا مالك
مالك بصدمة: اخوك يا وليد الواد جراله ايه
ملك بصتلهم و برقت وليد رجع خطوه لورا من منظرها و قال....
يتبع بقلم زهرة عصام
خادمة قلبي ١٠
بقلم زهرة عصام
وليد بصدمة: قلبت البيت مازار يا مالك
مالك بصدمة: اخوك يا وليد الواد جراله ايه
ملك بصتلهم و برقت وليد رجع خطوه لورا من منظرها و قال : أعوذ بالله من الخبث و الخبائث انصرف انصرف
ملك برقت ليهم و مالك مستغرب اللي بيحصل بص على حازم لقاه بيلف حولين الترابيزة و بيفقر و بيقول: حي حي
ملك حطت المبخره في ايد مالك و مسكت و ليد و مالك كل واحد من ايد و راحت تلف ورا حازم
مالك بقي ماشي وراها و بيبص عليها و هي بتفقر زي حازم و سرح فيها و بقي يبتسم و سرحان في شكلها
وليد بقي بيشد ايده منها بس هي متبته فيه و بتقول : سبوهم سبوهم مش هيزعلوكم تاني العفريب اللي على سعادة البيه الحليوة انصرف انصرف
العافرييييت اللي محاولة سعادة البيه كنافة بالمنجة انصرفوا بقي و خلوه في حالة دا سعادة البيه كنافة بالمنجة صالح من المسجد للبيت و من البيت للمسجد
اللي صعبان عليا في الموضوع كله سعادة البيه كريم شانتيه انصرف من عليه بقي و سيبوا الواد يحب و بتحب
كل دا و هي شادة وليد و مالك و بتفقر و بتقول: حي وحدووووه
وليد خلاص جاب أخره بيحاول يشد ايده منها بس هي مش راضية اخر ما زهق طلع مسدسه و صوبه عليها
ملك : يلهوي اعقل يا سعادة البيه كنافة بالمنجة انا آسفة والله ما هعمل كدا تاني
مالك شاف وليد كدا جري عليه و بيحاول يهدية و حاضنة مش راضي يخليه يروح ناحيتها
حازم شافه كدا و الشر بيطير من عينه جري على اوضتة و قفل عليه بالمفتاح
ملك اللي استغلت إن مالك مشتته نزلت تحت الترابيزة
ملك من تحت الترابيزة: هدي أعضائك يا سعادة البيه كنافة بالمنجة دا انا كنت بعملكم تحصينات إن حق عليا خايفة عليكم من العين
وليد : ورحمت أبوك سيبني عليها أنا جبت أخري منها خلاص يا مالك
ملك : عاوز تقـ'ـتلني مين هيسمحلك تعمل كدا أكيد سعادة البيه كريم شانتيه هيدافع عني مش كدا يا سعادة البيه كريم شانتيه
محدش رد عليها خرجت رأسها من تحت الترابيزة و بتدور عليه ملقتوش دخلت تاني و قالت: كلاكيت تاني مره
أنت عاوز تقتـ.ـلني اكيد مين هيسمحلك تعمل كدا أكيد سعادة البيه الحليوة هيدافع عني مش كدا يا سعادة البيه الحليوة
مالك: اسكتي يا جميلة أنا حايشة عندك بالعافية انتي اخرك معاه رصاصة أصلا
ملك : تشكر يا زوق انا هحك لساني في بوقي و هتخرس اهو
وليد: متحاولش يا مالك مش هيحصل والله لاعجنها و اخبزها في ايدي عشان تحرم
ملك خرجت رأسها و قالت: ليه يا سعادة البيه كنافة بالمنجة كنت شايفني ماكنة هتنزل فيها العجين و بعدين انتوا أصلا مش مقدرين قيمتي انا و التركي بتاعي
وليد : تاني هتقولي تركي
ملك : اسكت يا سعادة البيه كنافة بالمنجة انت متعرفش أنه طلع هندي كمان دا انا زعلانة أوي البطل هيـ'ـموت خلاص
وليد لسه هيتكلم مالك زعق للكل و كان صوته عالي جدا لدرجة إن ملك اتخضت و اتخبطت في الترابيزة
مالك: كله يجمع هنا في ثانية تقفوا جمب بعض طابور حالا
حازم خرج جري من الاوضة و وقف جمب وليد و ملك اللي كل ما تيجي تطلع تتخبط لحد ما طلعت أخيراً و وقفت جمب حازم
ملك بصوت واطي: إحنا هنتشلوع يا مجدي
حازم : اسكتي كله منك كان عقلي فيه بس و انا بسمع كلامك
ملك بهمس : بس بزمتك مش أفكاري تودي العباسية
حازم :من الناحية دي فهي
قطع كلامهم مالك و هو بيقول بصرامة: ولا كلمة مش عاوزه اسمع نفس
ملك : هي هتقلب وإلا ايه
مالك : أول حاجة تطفوا الزفت دا
ملك لسه هترد الاغنية بتاع الطبل اللي كانت مشغلاه خلصت و جت مكانها أغنية حكيم.
رقصوني يا أبا فرحوني يا أبا ملك بصتلهم و بقت تهز كتافها و ترقص بهبل مع الأغنية
ملك: لا مش قادره دا حكيم معلش بقى يا سعادة البيه الحليوة بقت تعمل باديها حركات هبلة لا تنتمي للرقص شئ حازم شاف مالك مصدوم و على وشك أنه يضحك بقي يهبل زيها
ملك : أعمل أي بتنحان يا سعادة البيه كريم شانتيه المهم نفلسع منهم و هات معاك سعادة البيه كنافة بالمنجة
حازم راح مسك ايد وليد اللي هيفرقع بس لما شاف فرحة حازم و ابتسامه مالك اللي بيحاول يخبيها ضحك و بقي يرقص مع حازم و يضحك من قلبه
حازم راح على مالك و اخده يرقص معاهم و بقوا التلاتة بيرقصوا مع بعض و بيضحكوا جامد
ملك بعدت عنهم خطوتين و بصتلهم بسعادة و قالت في نفسها: أخيراً فكرتوا في فرحة بعض شكلكم حلو أوي و انتوا مع بعض عنيها دمعت و كانت هتمشي بس وليد لمحها بطرف عينه قلبه وجعه عليها هو أي نعم مش بيطيقها بس مش هينكر أنه بيفرح لما هي تناكف فيه و أنها دخلت السعادة على حياتهم وليد خد مالك برقص بسرعة و وقفوا قدامها و ليد بخبث زق ملك بكتفه وقعت على مالك اللي حضنها و بقي يبص في عنيها
ملك بصت في عنيه و تنحت
مالك بهمس : شكراً على اللي بتعمليه عشانا
ملك بتوهان: سعادة البيه الحليوة
مالك : نعم
ملك : يخربيت حلاوة امك يا شيخ
مالك بصلها و قال: رومانسيه أوي إنتي يا جميلة
ملك اتنبهت لنفسها فوقفت و قالت: هحضر الغدا
ملك حطت الأكل
وليد بحذر : ايه اللي انتي عملاه دا
ملك بفخر: متقلقش يا سعادة البيه كنافة بالمنجة كل و هتحلي بالمانجة
كلهم بيكلوا بحذر و بصوا لبعض و ضحكوا و كملوا أكل
حازم : الحمد لله إسمها إيه الأكلة دي يا جميلة أنا بشوف معاكي العجب
ملك : كرشة بس عليها توابل كتير و نزلت تحت السفرة
حازم جري يرجع و هو بيقول: انتي متدخليش المطبخ تاني
وليد بص لمالك اللي هز كتافة بمعني لا فائدة
وليد مسك المسدس و قال: و رحمت امي لا.موتك النهارده اطلعيلي بقولك
يتبع
ا بقلم زهرة عصام
خادمة قلبي ١١
بقلم زهرة عصام
وليد مسك المسدس و قال: و رحمت امي لا.موتك النهارده اطلعيلي بقولك
ملك : استهدي بالله بس يا سعادة البيه كنافة بالمنجة آخر مره بكره هعملكم أكل حلو صدقني
وليد: لا سمعتها كتير دي اطلعيلي كدا و اقفيلي راجل لراجل
ملك : لا أنا مش راجل
وليد : متحاوليش تقنعيني إنك ست إنتي لا تنتمي لفضيلة الإناث أصلا
ملك : أهو أنت اللي بتغلط الأول أهو شاهد يا سعادة البيه الحليوة عشان لما أخد حقي ميبقاش يتكلم
مالك : يختي اتوكسي إنتي في ايه وإلا في ايه دا انا حايشة عنك بالعافية
حازم جه بعد ما رجع اللي أكله كله جه و نزل بص على ملك تحت التربيزة و كان لسه هيعاتبها على اللي بتعمله فيهم بس اتصدم لما لقاها بتاكل جاتوه
حازم بصدمة: والله يعني بعد دا كله حضرتك مستخبية تحت السفرة وإلا بتحبي
وليد بانتباه: بتعمل ايه قولي تاني كدا
حازم : مبتعملش حاجة دا
وليد مستناش نزل بص عليها لقي الجاتوه على بقها زي العيال الصغيرة
وليد : يعني انتي سيباني شايط و بتاكل جاتوه
ملك : انا بس بتذوق يا سعادة البيه كنافة بالمنجة قبل ما أقدمها ليكم مش يمكن مسمومة
وليد وقف و بص لمالك اللي ضحك و مقدرش يكتم ضحكته زي كل مره
وليد : اخفوها من قدامي بدل ما ارتكب جناية بجد الهانم سيباني أكل في نفسي و خلاص كنت هقتـ ' ـلها و قاعدة بتاكل جاتوه تحت السفرة
ملك من تحت السفرة: عشان العين .. دا العين فلقت الحجر و انت عينك يا سعادة البيه كنافة بالمنجة مدوره كدا أخاف على نفسي اتحسد جهز البخور يا سعادة البيه كريم شانتيه لازم نعمل مازار تاني عشان الحسد
مالك : خلاص بقي يا جميلة اطلعي و بطلي غلبة
وليد : متقلهاش جميلة دي تسموها عبد الصمد أصلا
ملك : اغلط كمان اغلط بس انا مش هرد عليك أقوال خليها أفعال أحسن
وليد : شوف شوف عشان متبقاش تتكلم معايا تاني بقي
مالك ميل عليه و قال: خليك جدع و خد أخوك و امشي من هنا
وليد بغمزة: يا راجل مش عارف كتله الاستفزاز دي عجباك في إيه
مالك : ملكش دعوة متنكرش إنك أصلا بدأت تتعود عليها
وليد : هاخده و امشي و غمز ليه عشان يخلالك الجو مع الجو يا سعادة البيه الحليوة
مالك : تصدق يلا إنك عيل مستفز
وليد : عارف و بص لحازم و قال: يلا يا حازم عندنا شغل بكره بدري يلا يخويا
حازم مش فاهم حاجة و مالك نزل براسة تحت السفرة لقي ملك لسه بتاكل في الجاتوه
مالك : اطلعي بقي يا جميلة خلاص مشيوا
ملك بصت يمين و شمال و قالت بهمس : متأكد يا سعادة البيه الحليوة يمكن مستخبي كدا وإلا كدا
مالك بابتسامة دخلت قلب ملك : لا متخافيش انا متأكد اخرجي يلا
ملك : طب ما تنزل أنت أحسن
مالك : ايه
ملك : بقولك خد ايدي لو مفهوش إساءة أدب يعني
مالك مد ايده ليها بحركة رومانسيه اديته الطبق اللي كانت بتاكل فيه
مالك بصدمة: دا اللي هو ايه بقي إن شاء الله
ملك : أخرج الطبق الأول و بعدين أخرج
مالك : الطبق الأول ؟
حط ايده على وشه من غبائها و بيحاول يهدي نفسه خد نفس عميق و مسك منها الطبق حطه على السفرة و مد ايده مسكها
ملك بصت في عينه و سرحت و مالك كمان سرح في عيونها
مالك بتوهان : مهلكة
ملك بتوهان : هي ايه
مالك : عيونك
مالك بقي يقرب منها لحد ما بقاش في فاصل بينهم كبير
مالك : انتي مين
ملك : الخدامة يا سعادة البيه الحليوة
مالك : لا انتي مش خدامة البيت انتي خادمة قلبي
ملك فاقت و بعدت خطوه و قالت: ايه أحم حضرتك محتاج حاجه
مالك : هتنامي
ملك بلغبطة: مش عارفه ممكن اه و ممكن لا
ملك بضحكة: طب روحي لو معرفتيش تنامي تعالي خبطي عليا أقعد معاكي شوية أنا سهران
ملك هزت راسها و جريت من قدامة كانها مسجون و أخد فرصة هرب ايه دخلت الاوضة و قفلت الباب و سندت ظهرها علية
حطت ايديها على قلبها و قالت: بطل تدق بقي
راحت على السرير و نامت عليه و قالت شكلي و قعت و محدش سمي عليا.. مكتوب عليك يا قلبي العذاب.
بعد شويه ملك مجاش ليها نوم فخرجت راحت لمالك الاوضة خبطت و مالك فتح ليه كان لابس لبس نوم تشيرت ضيق بارز عضلاتة و بنطلون لنص ركبته
ملك بخجل : انا مش جايلي نوم
مالك : هششش و سحبها من اديها و قعدها على كنبة في الصالون
مالك : انتي جميلة اوى يا جميلة
ملك : يسترك ما يفضحك يا سعادة البيه الحليوة بس أنا عارفة اللي فيها
مالك : الجمال مش جمال الوجه شاور على قلبها و قال الجمال جمال القلب جمال الروح و انتي جميلة أوي من جوه يا جميلتي
ملك خدت بالها من ياء الملكية بس مبينتش و قالت: إن شالله يخليك يا سعادة البيه الحليوة
مالك: اسمي مالك
ملك : سعادة البيه الحليوة
مالك بقي يقرب منها و هو بيقول مالك
ملك بترجع ورا لحد ما وصلت لآخر الكنبة و هي بتقول سعادة البيه الحليوة
مالك : عجبك الجاتوه يا جميلة
ملك : جميل أوي يا سعادة البيه الحليوة
مالك و انا كمان عاوز ادوقه و قرب منها و باسها من جمب شفايفها و هو بيقول جميل أوي و باسها بوسه توهت ملك اكتر
مالك : انتي مش بس جميلة الجاتوه من عليكي جميل أوي
ملك لسه هترد وقعت من على السرير و صحيت
ملك بعد ما فاقت : يعني ايه يعني كل دا حلم و كملت بتزمر يعني مدقش الجاتوه و لا باسني الله يخربيت الظولم بقي
ملك وقفت و شالت الغطا حطيته على السرير و قالت: اصبحنا و اصطبح الملك لله ادور على اي مصيبة أعملها النهارده بقي و اطلع عين وليد اللي بيقول عليا عبد الصمد و انت بقي يا ملوكة لازم هتبوسني بس لما تبقي حلالي و قره عيني يووووه امتي هيجي اليوم دا
ملك صلت و خرجت جهزت الفطار و نطت في دماغها فكره دخلت اوضيتها بسرعة لبست جلبية رجالي بيضة و حطت طرحة على وشها و مسكت سبحة و خرجت
خبطت على اوضة حازم و هي بتقول: أخي في الله سعادة البيه كريم شانتيه لقد انتهيت للتو من تجهيز الفطار و الآن أخرج لكي تتناوله و لكن لا تنسي عليك أن تغض بصرك عني لأن هذا محرم محرم محرم و سابته و راحت لاوضة وليد
حازم فتح الباب من صدمتة و هو لابس التيشيرت بالشقلوب
حازم : جميلة بقت من المشايخ مدد يا جميلة مدد
و خرج على السفرة يستني رد فعل الباقي
ملك راحت على اوضة وليد و خبطت و قالت: أخي في الله سعادة البيه كنافة بالمنجة أخرج لتنازل الفطار و ثم اترك ذالك المسدس اللعين جانباً و غض بصرك عني إذا تكرمت
و سابته و مشيت
وليد فتح الاوضة و حازم أول ما شافه ضحك جامد وليد كان رابط الجرافتة في رجله و الجزمة رابط الفرديتين في بعض و حطيطها على رقابة
وليد : لا كدا كتير عبد الصمد بقي من أولياء الله الصالحين
ملك خبطت على مالك و هي بتقول في نفسها: زوجي و قرة عيني الكريم كراميل حبي احم و كملت بصوت عالي أخي في الله سعادة البيه الحليوة أخرج لتنازل الفطور لكي تذهب إلى عملك مبكراً
مالك كان خلص لبسه و خارج قال في سره : هي قلبت دبلجة امتي
كلهم قعدوا على السفرة و هما مستغربين
وليد : قوم يا حازم شغل التلفزيون كدا عاوز اشوف نتيجة ماتش امبارح
حازم كان لسه هيقوم لقي ملك بتبرق ليه و بتقول ....
يتبع اول ما الفصل دا يوصل ٢٠٠ كومنت هنزل اللي بعده😍😍😍😍😍😍😍
تابعوا صفحتي وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
تعليقات
إرسال تعليق