رواية صدفه مجنونه الفصل الرابع والخامس بقلم زهرة الربيع حصريه وجديده على مدونة النجم المتوهج للروايات والمعلومات

رواية صدفه مجنونه الفصل الرابع والخامس بقلم زهرة الربيع حصريه وجديده على مدونة النجم المتوهج للروايات والمعلومات

رواية صدفه مجنونه الفصل الرابع والخامس بقلم زهرة الربيع حصريه وجديده على مدونة النجم المتوهج للروايات والمعلومات

 رواية صدفه مجنونه الفصل الرابع والخامس بقلم زهرة الربيع حصريه وجديده على مدونة النجم المتوهج للروايات والمعلومات 

رواية صدفه مجنونه الفصل الرابع والخامس بقلم زهرة الربيع حصريه وجديده على مدونة النجم المتوهج للروايات والمعلومات 


 قلعت فستانها في نص المكان قدام الرجاله وبقو

 يتخانقو عليها وكل واحد عايز يا خدها معاه ..لحد ما عمار باشا اخدها  منهم وروحها معاه 


عرفه اتحولت ملامحو لعضب رهيب ومسك الجرسون بشده وقال..تعرف عنوانو


الجرسون قال بخوف..طبعا..حد ميعرفش قصر المنزلاوي... هديك العنوان 


عند صدفه قالت بردح... نعم يا الدلعادي قولت ايه يا اخويا..تخبيني في اوضتك يعني ايه..لا اسمع مش معني اني عكيت شويه تفتكرني بنت شمال لا يا حبيبي انسي وشوفلك شوفه تانيه


عمار كان بيسمعها بزهق وقال..خلصتي..ممكن تسمعيني بقى..اولا يا انسه صدفه ده لوكنتي انسه اصلا..انا مش بفكر انك شمال لاانا متأكد انك شمال اصلا


صدفه قالت بغضب..انت مش متربي ..وانا مش هفضل هنا ثانيه واحده ..لسه هتمشي


 عمار قال....انا عايز اقدملك خدمه قصاد خدمه ..يعني اتفاق مش اكتر ..انا هخبيكي عندي ..وانتي في المقابل هتعملي مراتي قدام عيلتي ..بس كده قولتي ايه


صدفه قالت بغضب..قولت يفتح الله ..انا هعرف اخبي نفسي بنفسي ومش محتجالك


عمار حط اديه في جيوبو وقال بثقه....١٠ تلاف جنيه على كل يوم هتقعديه معايا شوفي لو قعدتي شهر هتطلعي بكام


صدفه وقفت مكانها  وقالت بسرعه ...عايزني انهارده ولا بكره

عمار ابتسم بسخريه وقال انهارده..هتمثلي انك مراتي واننا متجوزين قدام اهلي خصوصا جدي ده راجل تعبان ومش عايز ازعلو تمام


صدفه قالت بسرعه... لا يا غالي ..مش تمثيل انت تتكتب عليا مهو انا مدخلش بيتك وافضل معاك في اوضه واحده   كده من غير جواز


عمار قال بغضب..نعم..طب ما انا لو عايز اتجوز كنت اكيد هلاقي انضف من كده ولا ايه


صدفه قالت بضيق..من غير تلقيح بالكلام لو كان عاجبك ..وبعدين اول ما لعبتك تخلص طلقني عادي مش هتخسر حاجه... وده اولا


عمار قال بضيق..موافق وثانيا


صدفه بصت الناحيه التانيه وقالت..ثانيا جوازنا ورقه وبس..يعني انت فاهم من غير ما تلمسني


عمار ضحك وقال..اممممم طيب دي سهله قوي اصلا متدخليش مزاجي ..تحبي ننزل دلوقتي 


صدفه قالت يلا بينا وطلعو سوا وعمار وقف وقال..طب بطاقتك


صدفه قالت..معايا  متخافش..بحطها دايما في جراب التليفون يلا بينا وطلعو   على المأذون وكتبو كتابهم  وركبو العربيه هيطلعو على القصر على الطريق عمار قال بتحزير..اوعي لسانك يفلت بكلمه قدام جدي زي ما حفظتك احنا متجوزين  واوعي تغلطي بحاجه


صدفه قالت..يا سيدي روشتني خلاص فهمنا

عمار اتنهد وقال... ربنا يستر وحاولي تعدلي من كلامك شويه


صدفه قالت بضيق..ليه مالوكلامي بقى ان شاء الله

عمار قال ..ممالهوش بس يعني في بعض الكلمات مش مفهومه


صدفه قالت بضيق..امممم طيب..نعدلو..بقولك ايه هو انت حقيقي ظابط زي ما قولت في الخماره


عمار قال بزعيق..اهي خماره دي كمان تبطليها ايه خماره دي..قولي نايت كلب او بار حتى ايه ده..وبعدين انا مش ظابط انا كنت بخوفهم بس


صدفه قالت باستغراب..امال الكرنيه و


عمار قال بمقاطعه..دي رخصه السواقه والسلاح بتاعي بس هما كانو سكرانين محسوش المهم انا بشتغل رجل اعمال بدير شركات العيله ..خدي بالك تمام.... يلا وصلنا


صدفه نزلت واتجمدت مكانها وهيه بتبص للمكان بانبهار القصر والعربيات والحرس حجات مكانتش تشوفها حتي في احلامها


عمار قال..ايه سرحتي في ايه يلا 


صدفه قالت..هو انت ساكن هنا ولا بتسرح بيا


بقلمي...زهرة الربيع

عمار قال بضيق..اسرح بيكي..بعد ما ليه ساعه اقولك عدلي كلامك تقوليلي اسرح بيكي..يلا ادخلي هتجلطيني يلا 


عمار دخل مع صدفه وكانو عيلتو في الصالون عمار سلم على جده وباس ايده وقال..عامل ايه دلوقتي ياجدي 


جاد قال بجمود..انا تمام..خير جاي يومين ورا بعض من امتى بتفتكر جدك


عمار اتنهد وقال..ايه لزمه الكلام ده يا جدي انت عارف انك اغلى حد عندي وبعد بابا الله يرحمو مش باقيلي غيرك


جاد بصلو بدموع وحضنو وقال..وانت روحي..متزعلش مني انا بس كنت شايل منك حبتين


عمار قال ..انا عارف وعلشان كده قررت اراضيك ..وبص لصدفه وقا..تعالي يا صدفه..سلمي على جدي


صدفه قربت وسلمت عليه وقالت..ربنا يديك الصحه يا حج

جاد ابتسم وقال..مين دي يا عمار

عمار بص بطرف عينه لمرات عمه وقال..دي صدفه..مراتي


سوزان شهقت بزهول ووداد شرقت وبقت تكح اما جاد غبصلو باستغراب وقال...مراتك..انت اتجوزت من ورايا..لا واضح اني غالي عندك


عمار ابتسم وقال..انت مش المهم عندك اني اتجوز واستقر..وانا نفذت طلبك واتجوزت وهعيش معاك كمان..وبعدين انت وعدتني ..اني لو وافقت على مبدأ الجواز..يبقى اختار انا العروسه


جاد اتنهد وقال ايوه بس

عمار قال بسرعه..من غير بس..انا اتجوزت صدفه علشان ارضيك انت كمان متضغطش عليا


جاد باس جبينه وقال..انا المهم عندي اشوفك قدامي مستقر واشوف اولادك قبل ما اموت


عمار لسه هيرد صدفه قالت بسرعه..بعيد الشر ان شالله عدوينك ده انت لسه بدر منور وهنشوفلك عروسه كمان يا حج


عمار بصلها بغضب وجاد ضحك جامد وقال..بابت يا بكاشه..تعالي اقعدي جمب جدك خليني ادردش معاكي شويه


صدفه قعدت جمبو وسوزان جريت على اوضتها بغضب..وامها طلعت وراها


عمار ابتسم بسخريه وفضل باصص لطيفهم بغضب بس فاق على صوت جده بيضحك جامد 


عمار قال بابتسامه ..متضحكونا معاكم


جاد قال بضحك..دي مراتك دي بلوه..والله بلوه لو شوفتها وهيه بتقلدك والله شبهك اقويييي ههههه


عمار بصلها بغيظ مكبوت وقال..بتقلدني ..طب وريني كده

صدفه بلعت ريقها بخوف وقالت..ههه لا ده..ده جدو بيبالغ شويه انت احلى طبعا..اه ..انا.. انا هطلع انام شويه وهشوفك تاني يا جدو عن اذنك


جاد قال ..اذنك معاكي يا حببتي


صدفه طلعت وعمار هيطلع راها جاد قال..عمار استني


عند سوزان كانت قاعده في الاوضه بتبكي جامد وجات امها وبقت تخبط عل  الباب وقالت..افتحي يا سوزان..افتحي الباب


سوزان قالت ببكا..لا لا مش هفتح..وهموت نفسي.انا مش عايزه اعيش اتجوز..اتجوز يا ما ما


وداد قالت ..يا حببتي افتحي وهنتفاهم كل حاجه لها حل


سوزان قالت ببكا..حل ايه تاني انتي لسه بتضحكي عليا ..خلاص عمار اتجوز وجابها قدامي كمان


صدفه كانت عماله تدور وتقول يا ترى اي واحده اوضتو..ازاي قصر طويل كده ومفيش حد اسألو وشافت وداد بتخبط على بنتها اتقدمت عليها وقالت..لو سمحتي يا خالتي متعرفيش اي واحده اوضه عمار


وداد بصت لها بقرف وقالت..خالتك..ههههههههه...والله عمار الفتره دي زوقو بقى غريب وبيئه قوي


صدفه قالت بضيق ...ليه بس الغلط ده


وداد قالت بغيظ وعصبيه....انا اغلط براحتي انتي  هتاخدي وتدي معايا لا فوقي لنفسك يا زباله انتي انا مصتنضفش تخدميني حتى اوعي  تفتكري علشان اتجوزتي عمار  وجابك هنا هتبقى ست بيت لا يا ماما انتي حتت حشره هنا سامعه


بقلمي..زهرة الربيع

صدفه بصت لهابغضب وقالت بردح...نعم ..يا امي...متظبطي الكلام يا وليه..بدال ما امسح بكرامه اهلك القصر كلو 


وداد قالت بزهول..وليه..انا يتقالي وليه 


صدفه لسه هترد جيه شاب جميل في العشرينات وقال بزهق ..ايه يا ماما فيه ايه بتتخانقي مع مين على الصبح


وداد قالت بدموع ..تعالى يا ذياد تعالى با حبيبي شوف امك بتتبهدل على اخر الزمن ومن مين من اشكال زباله


صدفه قالت بردح...اسم الله على شكلك وانتي شبهه صراصير البلاعات 


ذياد بصلها من فوق لتحت وصفر بوقاحه وقال...ايه الجمال ده...مين دي يا ماما


عند عمار كان هيطلع بس جدو وقفو قال... نعم با جدي فيه حاجه


جاد قال ..فيه حجات..اول حاجه اتعرفت على مراتك دي ازاي ومن فين اوعى ياولا تكون مش متجوز وبتضحك عليا


عمار ضحك وطلع ورقه وقال..القسيمه لسه مطلعتش بس دي ورقع ادهالنا المأذون على ما تطلع 


جاد قرى الورقه وقال ..طب يعني شوفتها فين وايه الي خلاك تختارها يعني


عمار ارتبك وقال...احم..قبلتها فين..اه ا شتغلت عندي في الشركه ..ولقتها طيبه وكده وتجوزتها بس كده


جاد بصلو بشك وقال...بقى العيله دي اشتغلت في شركتنا..ماشي..هعمل مصدقك..المهم انك اتجوزت يلا بقى شد حيلك وفرحني وشيلني ابنك او بنتك قبل ما اموت


عمار قال..احم ربنا يديك طوله العمر يا جدي عن اذنك هطلع اريح


عمار لسه هيطلع سمعو دوشه جامده من الجنينه ودخل عرفه وكان  معاه رجاله كتير اشتبكو مع الحرس وهو  دخل القصر


عمار بصلو بغضب وقال..فيه ايه ..انت مين ..وازاي تدخل كده


عرفه بصلو بغضب رهيب وقال..انت عمار المنزلاوي


عمار قال باستغراب..ايوه انا ....انت مين


عرفه قال بغضب..انا عرفه الصباغ جوز صدفه..مراتي فين ..مش متحرك الا لما اخد مراتي معايا ووووووو

البارات ال  5

طلع مراتي الي انت مخبيها انا روحت البار وعرفت انك سكرتها واخدتها معاك من امبارح انا لو مراتي مخرجتش ههد الدنيا على دماغك فاهم


عماراتجمد مكانو لما قال كده قدام جده ولسه هيتكلم جاد قرب منهم وقال...اهدى يا ابني وفهمني..في ايه..مراتك مين قصدك صدفه...صدفه... تبقى مراتك


عرفه قال بغضب ..ايوع مراتي والافندي ده خاطفها ..خليه يقولي مراتي فين والا هطربقها على دماغ الكل


جاد بص لعمار بغضب وقال...صحيح الكلام ده يا عمار


لا مش صحيح ..ده واحد كداب قالتها صدفه وهيه نازله من على السلم بعد ما سمعت صوتهم سابت وداد ونزلت جري


الكل كان باصص لها وهيه نزلت ووقفت قدام عرفه وقالت بغضب...نعم...عايز ايه


عرفه بصلها بغضب وقال...وليكي عين كمان تقفي قدامي يا فاجره وضربها قلم وقعها على الارض


عمار اتقدم عليه بغضب ومسكو من قميصه بعصبيه ودالو بالدماغ وقعو على الارض ونزل فيه ضرب وهو بيقول بعصبيه..انت قد الحركه دي يلاااا بتضربها قدامي وفي بيتي يا حيواااااا،ن يا زبا،اااله


صدفه جريت عليه وبقت تقول..سيبو..سيبو يا عمار هتموتو ..سيبو بقولك سيبو


صدفه كانت خايفه عليه جدا وجاد خد بالو وقال بغضب..سيبو يا عمار... كفايه


عمار بعد عنو بغضب لما جدو قال كده وقال..غور من هنا..ولو لمحتك قريب منها بس هقتلك ومش بهدد هخلص عليك وانا قد كلامي


عرفه وقف بالعافيه وقال بتعب..مش همشي الا لما اخد مراتي معايا


عمار لسه هيرد صدفه مسكت ايده وقالت...بسس انا اتحوزت يا عرفه..انا وعمار اتجوزنا وتقدر تسأل ..اتفضل  امشي ومتبوظش منظرك اكتر من كده


بقلمي..زهرة الربيع

عرفه بصلها بغضب وصدمه وقال..اتجوزتي..علشان كده هربتي مني ..علشان كده


صدفه قالت ..اه علشان كده...مبحبكش..وانا حره


عرفه ضحك جامد بدموع وقال تمام..تمام با بنت خالي...بشوقك..انا همشي..ومسير الوشوش تتقابل


عرفه خرج بغضب رهيب وجاد بصلهم وقال بعصبيه..مين فيكم هيفهمني ايه الي حصل ده


عمار لسه هيتكلم صدقه قالت..انا يا جدي لو تسمحلي وبصت على وداد وابنها الي كانو واقفين بيتفرجو وقالت..ممكن نتكلم انا وانت لوحدنا


جاد قال..تعالي معايا ودخل بيها المكتب وعمار راح وراهم بس جاد قال..انت خليك بره  وقفل الباب


عمار فضل رايح جاي خايف ..ومش عارف هتقولو  ايه ومرعوب لتعك او ميقتنعش وفضل في خوفو لحد ما طلع جاد وقال بحزم...من انهارده صدفه بنتي مش بس مرات حفيدي وكرامتها من كرامتي والكلام للكل


عمار استغرب هو بيقول كده ليه ووداد بصتلهم بغضب وطلعت على اوضتها بغيظ


جاد قال..خد مراتك واطلعو ريحو يا عمار


عمار كان مش فاهم حاجه بس قال..اه..تمام تمام يا جدي عن اذنك يلا يا صدفه


صدفه قالت شكرا با جدي...وطلعت مع عمار


اول مادخلو الوضه عمار زقها على الحيط وقفل الباب وحاوطها باديه وقال...ها ..بقينا لوحدنا...يلا بقى زي الشاطره تفهميني كل حاجه..قولتي ايه لجدي يا صدفه انطقي


صدفه بصتلو بابتسامه مستفزه وقالت..مش سامع جدي لما قال صدفه بنتي.. واحده وابوها انت دخلك ايه.. ولسه هتمشي مسكها من درعاتها وقال بغضب..بقولك تنطقي احسنلك ... قولتيلو  ايه


صدفه خافت منو وقالت..طيب طيب اهدى..هقولك..يعني انا اكيد هقولك انت مضايق ليه..بقى يا سيدي ..صلي على النبي الاول


عمار قال..اللهم صلي عليك يا نبي ها انجزي


صدفه قالت ..كمان وحد الله

عمار قال بغضب..لا الاه الا الله

صدفه قالت ..وحد الله من قلبك يا جدع


عمار قال بغضب ..صدفه

صدفه قالت بابتسامه مستفزه..يا قلب صدفه


عمار قال بغضب..يا بت انطقي..اخلصي نشفتي ريقي


صدفه قالت ..خلاص خلاص متزوقش..بقى يا سيدي كل الحكايه..اني قولتلو ان عرفه ابن خالي..واهلي عايزيني اتجوزو غصب عني..فانا يوم الفرح هربت لاني بحبك


عمار قال بزهول...لانك ايه يا اختي


صدفه قالت ...لاني بحبك با عموور..وجدك ما صدق ان فيه واحده ممكن تحبك  زي ما يكون شايفك عزرائيل قدامو


عمار قال بضيق..اممم بقى جدي مصدق ان انتي حبتيني

صدفه قالت..اه وحياتك


عمارقال..وصدقك.. يعني  مسألكش عرفتيني من فين


صدفه قالت ..سألني..وقولتلو الكدبه بتاعتك اني اشتغلت عندك في ااشركه..وقلتلو اني صغيره بس انت شغلتني علشان انا حلوه..وانت ديما تشغل البنات الحلوين..ومش مهم عندك مصلحه الشركه المهم الموزه تكون جميله قصدي الموظفه تكون جميله  ومدوره كده زي ..بس ظبطتك يعني


عمار قال بابتسامه ضيق.. ظبطتيني..اممم..صدفه

صدفه قالت نعم


عمار قال  ..الله...يخرب..بيتك


صدفه قالت ..حبيبي  والله تسلم 


عمار بصلها بغيظ وقال..بعني اعمل فيكي يعني فهمتيه اننا بنحبب بعض..وفهمتيه انك هربانه من اهلك علشاني...هو اي عك وخلاص ..بعد مايتحسن واقلو عايزين نطلق هقولو ايه ..بطلقك كده من غير سبب


صدفه قالت ..ساعتها هلاقيلك الف حجه متقلقش ..وبعدين انت بتسبق الامور ليه مش يمكن ربنا ياخدك وترتاح من كل ده 


عمار اتسعت عنيه بزهول وقال..يارت يا خدك انتي وهرتاح برضو ..انا الي جبتو لنفسي اصلا


صدفه قالت انا مش عارفه انت زعلان ليه  هو انا قولت حاجه غلط مهو لازم اقولو حاجه يقتنع بيها وطبيعي اي اتنين متجوزين بيحبو بعض..وانا يعلم ربنا من ساعت ما شوفتك وانا مش طيقاك لله في لله كده من غير سبب ولا تعب ..انا هدخل اخد دش لاني مستحمتش من امبارح عن اذنك


صدفه  دخلت الحمام وسابتو مش فاهم الهزار من الجد ولا الي اتقال من الي متقالش حط اديه على دماغو وقعد يفكر بتعب


عند وداد دخلت عند بنتها وهيه هتموت من الغيظ بعد الكلام الي جاد قالو بقت تقول بغضب...بنتو..قال بنتو..على اخر الزمن جايبين لنا واحده من الشارع شرشوحه وبينططوها على كتافنا..انا هطق


سوزان قالت ...وانا كمان يا ماما هموت بقى حتت العيله دي تاخد عمار مني هتجنن


ذياد قعد بلا مبالاه وقال..انا مش عارف انتو مزعلين  نفسكم ليه هو من امتي عمار ليه في الجواز اصلا يومين ويزهق ويسبها


سوزان بصتلو بغضب وقالت...خليك انت قاعد كده زي ابوك الي مسفرينو ومش بنشوفو بالشهور والشغل كلو عليه وفي الاخر كل حاجه يتمشي باسم عمار وهو الي هيقش كا حاجه  وانت وابوك هتطلعو من مولد بلا حمص وكمان عايزني اسيب الجربوعه دي تاخد راحتها وتلهف العز ده كلو  واختك كمان تطلع بلوشي


سوزان وقفت وقالت برجاء...لا وانبي يا ماما انامش هقدر اسيب عمار انا بحبو..انا عامله حسابي اني هتجوزو... انا كل صحابي فاكرينا مخطوبين


وداد اتنهدت وقالت..متقلقيش يا روح مامي ..عمار ليكي ...وبعدت وقالت بغضب رهيب..انا هتصرف مستحيل اخلي البت الشوارعيه دي تاخد الجمل بما حمل


عند عرفه دخل عند صباح بغضب وقال بزعيق...بنت اختك نوت على موتها..مش كفايه هربت..كمان راحت اتجوزت..لو اخر يوم في عمري هندمها....ومش هتشوف يوم واحد راحه هتدفع التمن هيه والحيوا،ن الي اتجوزتو ...وبلغيها


صباح قالت بخوف وصدمه....اتجوزت..اتجوزت مين انت بتقول ايه مش فاهمه حاجه


عرفه قال بغضب... كلميها وهتفهمك... وبلغيها ان مش عرفه الصباغ الي يتختم على قفاه وهردهالها قريب


قال كده وخرج بغضب وصباح قعدت وقالت بصدمه وخوف..عماتي ايه يا بنت عنيات...عماتي ايه يا موكووووسه يا خرااابي ..هتودينا كلنا في داهيه


عند عمار كان مستني صدفه  وجات واحده من الخدم وقالت..سيف بيه مستني حضرتك تحت يا عمار بيه


عمار قال..تمام انا نازل حالا ونزل وكان سيف مستنيه قال...اهلا يابو الصحاب معلش سبتك انهارده بس حصلت كذا حاجه وملحقتش


سيف قال..يا سيدي ولا يهمك اصلا الشغل كلو تمام بس سيبك من الشغل ايه حكايه جوازك من البنت بتاعه امبارح ..هو انتو حصل بينكم حاجه ولا 


عمار قال بضحك...وهو انا كل الي بتحصل بيني وبينها حاجه بتجوزها ..ده انت طيب قوي ..كل الحكايه اني  اتجوزتها علشان جدي يعني جواز اتفاق..بس خلي الكلام ده في سرك


سيف اتنهد براحع وقال..الحمد لله


عمار قال باستغراب...ليه يعني ..فيه حاجه ولا ابه


سيف اتنهد وقال..شوف يا عمار انا عملت زي ما قولتلي وجمعت معلومات  عن البنت زي ما قولتلي


بقلمي..زهرة الربيع

عمار قال  ..طيب ها قول


سيف قال...هيه عندها ١٨ سنه وعايشه في شارع محمد على  ..امها وابوها اتوفو في حادث وعايشه مع خالتها وجوز خالتها كانت مخطوبه لابن خالها عن حب اكتر من٣ سنين ولاسباب غير معروفه هربت قبل كتب الكتاب ..بس


عمار قال ..بس ايه كمل..انا كل الحجات دي شبه عارفها حاسس فيه حاجه عايز تقولها اتكلم ميهمكش


سيف قال..احم الصراحه..هيه  اصلها..هيه وخالتها شغالين في مكان كده بيقولو عليه خماره..يعني الناس بتروح هناك بتشرب وتسكر..وو احيانا بيباتو


عمار قال بدهشه...بيباتو...بيباتو ازاي شقه مفروشه ولا دعاره واا ايه


سيف قال..معرفش هو كلو على كلو يعني زي كباريه كده رقص وغنا وشرب وبعد كده الي بيحب يبات في كام اوضه في المكان وطبعا بياخدو من البنات الي شغاله من المكان


عمار اتسعت عنيه بزهول وقال...يعني هيه ...كانت...


سيف هز راسو بحرج وقال..احم..انا معرفش ..اذا كانت بتعمل كده اولا بس بتشتغل في المكان واكيد زيها زي غيرها..سامحني يا صاحبي بس كان لازم اقولك


عمار اتصدم بشده وحاول ميبينش مع ان ملامحو فضحاه وقال..احم..ولا يهمك..انا..انا زي ماقولتلك..مفيش بيني وبنها حاجه..يعني كل الحكايه علشان جدي..هظبط معاه وهطلقها...شكرا يا سيف


سيف اتنهد وقاا...تمام ..عن اذنك فيه كام حاجه لازم اعملهم

سيف خرج وعمار فضل يفكر بغضب...ازاي مقالتلوش على حاجه زي دي قبل ما يكتب علبها..وافتكر لما شرطت انو ميلمسهاش وقال..طبعا خايفه المستور يتكشف...انا هوريكي 


عمار طلع بغضب على الاوضه وفتح الباب بغضب بس اتجمد مكانو من منظرها كانت خارجه من الحمام لابسه البرنس بتاعو ووووو

بارتين اهوه يا جماعه تعويضا عن بارات امبارح بسبب حالة الوفاه اللي كانت عندي



الفصل السادس من هنا




بداية الروايه من هنا




اعملوا متابعه لصفحتي عليها جميع الروايات إللي عوزينها من هناااااااا





انضموا معنا على تليجرام ليصلكم اشعار بالروايات فور نزولها من هنااااااااا



الروايات الحديثه من هنا



جميع الروايات الكامله من هنا



🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

إقرأ أيضا :

تعليقات

  1. لإدخال كود <i rel="pre">ضع الكود هنا</i>
  2. لإدخال مقولة <b rel="quote">ضع المقولة هنا</b>
  3. لإدخال صورة <i rel="image">رابط الصورة هنا</i>
اترك تعليقا حسب موضوع الكتابة ، كل تعليق مع ارتباط نشط لن يظهر.
يحتفظ مسيري ومدراء المدونة بالحق في عرض, أو إزالة أي تعليق
close
 
CLOSE ADS
CLOSE ADS