رواية وراء كبرياءه عاشق الفصل الخامس عشر والسادس عشر بقلم دودو محمد حصريه وجديده على مدونة النجم المتوهج للروايات

 رواية وراء كبرياءه عاشق الفصل الخامس عشر والسادس عشر بقلم دودو محمد حصريه وجديده على مدونة النجم المتوهج للروايات 

الفصل الخامس عشر 

اشرقت شمس يوم جديد بنورها الساطع فى سماء الاسكندريه لتداعب بخيوطها الصفراء العيون البندقيه لتستيقظ حبيبه بكل نشاط وهما وتقوم من على سريرها وتدخل حمامها وتاخد شاورها وتتوضأ وتخرج من الحمام وتلبس هدومها واداة فرضها وخرجت من اوضتها دخلت المطبخ عملت قهوتها وشربته وفتحت باب الشقه وخرجت على اول الشارع ووقفت تاكسى وركبته ومشى بيها 

……………………………………………………

فى قصر عزالدين 

استيقظ سيف من نومه وقام من على سريره دخل حمامه واخد شاوره وطلع لبس هدومه وخرج من اوضه ونزل السلم وفى الوقت ده جرس الباب رن وفتحت سعديه الباب 

سعديه :- بفرحه ست ديمه يانهار ابيض يا ناس لولولولو الف حمدالله على سلمتك 

ديمه :- ميرسى يا داده امال فين اخواتى وبابا 

سعديه :- سى عز يا حبة عينى من يوم ما اخدوكى وهو محجوز فى المستشفى وقاعد معاه أدهم بيه والباشمهندس سيف اهو نازل من على السلم 

ديمه :- دخلت تجرى عليه وكانت لسه هتحضنه وقالت ظهرت برائتى يا ابيه 

سيف :- منعها تحضنه وقال من هنا ورايح انسى ان ليكى اخ اسمه سيف زى ما هعتبرك موتى فاهمه 

ديمه :- بدموع بس انا مقتلتهوش وظهرت برائتى

سيف :- بس قتلتى شرفنا ودفنتى راسنا فى الارض لما سلمتى نفسك للراجل وحملتى منه مفكرتيش فينا لو لحظه انتى احمدى ربنا ان انا سايبك عايشه على الارض ومقتلتكيش ودفنتك بأيديه دول ومشى وسابها 

ديمه :- بدموع سا محنى يا ابيه بس كان سيف مشى 

سعديه :- اصبرى يا بنتى وبكره الايام تنسيه ويصفه ليكى من تانى 

ديمه :- اترمت فى حضن سعديه وقالت بدموع مش هقدر اعيش وهو زعلان منى ده انا مش بعتبره اخويه انا بعتبره ابويه التانى 

سعديه :- اصبرى يا حبيبتى ان الله مع الصابرين 

ديمه :- طلعت من حضن سعديه ومسحت دموعها وقالت متعرفيش المستشفى اللى بابا فيها اسمها ايه 

سعديه :- اه اسمها (………)

ديمه :- ماشى يا داده انا هخش اخد شاور والبس هدومى وانزل اروح لبابا المستشفى 

سعديه :- طب احضرك لقمه تاكليها الاول 

ديمه :- لالالا مليش نفس 

سعديه :- يا حبيبتى وشك بقى اصفر زى الليمونه وجسمك خاسس وضعيف اوى 

ديمه :- معلش يا داده مش وقته عن اذنك وطلعت ديمه اوضتها ودخلت اخدت شاور وطلعت لبست هدومها وخرجت من اوضتها ونزلت وقالت 

داده انا ماشيه عايزه حاجه 

سعديه :- لا يا بنتى ربنا يستر طريقك ويكفيكى شر ولاد الحرام يارب 

ديمه :- بآبتسامة انكسار ربنا يخليكى يا داده عن أذنك 

……………………………………………………

فى بيت حسن جادالله

عمر :- خلاص يا بابا انا خلصت كله يلا بينا 

حسن :- بص للمكان كله وقال هنا عيشت احلى الذكريات معاكم لعبكم ضحككم هزاركم عياطكم عركم مع بعض كل ركن فى المكان ده بيفكرنى بذكره حلو عشناها سوا

عمر :- انا اسف يا بابا مش بأيدى والله ابعدك عن مكان انت بتحبه بس مقدرش اسيبك لوحدك مش هبقى مطمن عليك 

حسن :- لله الامر من قبل ومن بعد يا عالم هرجع اعيش فيها تانى ولا مش هلحق ارجعلها واموت 

عمر :- ربنا يطول فى عمرك ويعطيك الصحه يارب 

حسن :- يا ابنى مش هعيش قد ما عشت يلا يابنا علشان منتأخرش 

عمر :- يلا يابابا وقفل الانوار وقفل الباب ومشى هو ابوه على مكان استلام شغله الجديد 

……………………………………………………ّ

فى شركة عز 

وصلت حبيبه بالتاكسى ودخلت الشركه وطلعت عند السكرتير 

حبيبه :- صباح الخير 

السكرتير :- صباح النور فينك امبارح مجديش يعنى 

حبيبه :- كنت تعبانه شويه المهم الرجل الالى جه 

السكرتير :- ده مين ده 

حبيبه :- هههههههه استاذ سيف عزالدين بلافخر 

السكرتير :- ههههههههه مسمعكيش كان ولع فيكى 

حبيبه :- اللهم اجعل كلامنا خفيف عليه احسن ده بيجى على السيره 

السكرتير :- احم احم 

حبيبه :- انت الكلام وقف فى زورك ولا ايه من مجرد اسم بس امال بتعمل ايه لما بيكون قدامك 

السكرتير :- احم احم احم 

حبيبه :- الله يكون فى عونك بتستحمله ازاى ده واتكلمت بصوت سيف وقالت انت يا بنأدم مش شركة اهلك علشان تقعد تتكلم وتتساير مع الانسه هنا فى نظام ههههههههه وشغل وبس مفيش مسخره 

السكرتير :- ابلعى ريق شويه الله يخربيتك 

حبيبه :- متخفش مفيش كاميرات مراقبه قول يا اخويه اللى فى نفسك واشتم فيه براحتك طلع اللى جواك متتكسفش ده انا زى اختك 

السكرتير :- ماهو انتى لو مسكتيش هنطلع انا وانتى بره الشركه مطرودين 

حبيبه :- ليه بتقول كده هو ممنوع الكلام كمان ولا ايه وبتلف بضهرها اتفاجئة بسيف واقف حاطط ايده فى جيب البنطلون وبيبصلها 

حبيبه :- بلعت رقها بالعافيه وقالت استاذ سيف لسه كنت بشكر فيك وبصت على السكرتير وقالت شفت مش لسه بقولك عليه ابن حلال بيجى على السيره وانت عامل ايه بقى 😂😂

سيف :- ورايا يا هانم 

حبيبه :- اتفضل حضرتك وهتلاقينى فى ديلك علطول 

سيف :- نعم 

حبيبه :- قصدى فى ضهرك 

ودخل سيف للمكتب وحبيبه بصت للسكرتير وقالت مش تنبهنى بدل ما خربت الدنيا كده 

السكرتير :- وانا اعملك ايه انتى راديو واتفتح وانا عماله ابصلك وانبهك علشان تسكتى وانتى ولا هنا 

سيف :- يا انسه حبيبه 

حبيبه :- جايه اهو ربنا يستر بقى 

ودخلت حبيبه المكتب عند سيف 

وقالت امر حضرتك 

سيف :- ايه رجعك تانى مش قولتى انك مش نازله الشركه تانى 

حبيبه :- اعتبره كلام عيال ايوه حضرتك انا عيله بقول الكلمه وبرجع فيها 

سيف :- واحنا مش تحت امر العيال

حبيبه :- خلاص بقى يااستاذ سيف المسامح كريم 

سيف :- انا هسمحك المرادى بس لو فكرتى تعمليها تانى ومتنزليش الشغل انا هحبسك فهمتى 

حبيبه :- لنفسها اللهى يتحبس نفسك فى مية البانيو ياشيخ وقالت ليه حاضر 

سيف :- وبلاش تقفى تتكلمى عليه مع الموظفين 

حبيبه :- احم حاضر 

سيف :- عملتى ايه فى التصميم اللى كنت طالبه منك 

حبيبه :- اممممم هو لسه معاده بكره 

سيف :- ايوه

حبيبه:- يبقى هيكون عندك الصبح 

سيف :- لما نشوف 

حبيبه :- لنفسها اللهى تتعمى وما تعرف تشوف بيها تانى يا بيعيد 

سيف :- بتقولى حاجه 

حبيبه :- بدعى لحضرتك عن اذنك

وخرجت حبيبه وهى هطق من طريقة سيف ليها 

…………………………………………………… 

فى المستشفى عند عزالدين 

كان عزالدين قاعد على السرير وقاعد قصاده ادهم 

ودخلت عليهم ديمه 

ديمه :- جريت على ابوها واترمت فى حضنه وقعدة تعيط وتقول انا اسفه يابابا انا اسفه كل اللى انت فيه ده بسببى 

عزالدين :- مسح دموعها وقال متقوليش كده يا حبيبتى ده قضاء ربنا وانا الحمدالله بقيت كويس لما شفتك انتى طلعتى ازاى 

ديمه :- مسكوه القاتل الحقيقى وطلعت انا برأه 

عزالدين :- الف حمد والف شكر انك رجعتى تانى لحضنى 

ديمه :- بصت فى الارض وقالت بابا انا اسفه 

عزالدين :- ده درس يعلمك هو قاسى شويه بس المهم يقويكى مش يكسرك وارجعى بصى لمستقبلك وحققى احلامك والضربه اللى متموتش تقوى 

ديمه :- حاضر يابابا وبصت وراها علشان تكلم أدهم بس ملاقتهوش 

عزالدين :- معلش يا بنتى هى صعبه عليهم شويه استحمليهم ومسير الايام تداوى الجرح اللى فى قلبهم ليك 

ديمه :- عن اذنك اطلع اشوفه 

عزالدين :- روحى يا بنتى ربنا يحنن قلبهم عليكى 

وخرجت ديمه ودورت على أدهم وشافته وقف لوحده راحت عنده وقالت

ديمه :- أدهم انا اسفه بجد انا عارفه انا مهما اعتزرت ليك مش هرجع ثقتك فيا تانى 

أدهم :- انسى ان ليك اخ اسمه ادهم انا شلتك من حياتى واعتبرتك موتى خلاص 

ديمه:- لا كداب لو كنت كده بجد مكنتش جيت ليا المستشفى 

أدهم :- انا مروحتش لحد فى المستشفى 

ديمه :- امال مين اللى جه ليا وانا فى المستشفى 

أدهم :- تلاقيه اخوكى سيف هو اللى كان وقف جمبك 

ديمه :- ابيه طب ليه قلى الكلام ده 

أدهم :- معرفش وعن أذنك 

ديمه :- أدهم 

أدهم :- وقف وضهرو ليها ومنطقش ولا كلمه

ديمه :- بدموع سامحنى يا دومى ده انا برضه ديمو اختك حبيبتك اللى مهما كانت بتغلط كنت بتخدها فى حضنك وطبطب عليها ومتسكتش غير لما تمسح دموعى وتخلينى اضحك انا ديمو نصك التانى فى الضحكه انا ديمو  اللى القعده مكانتش بتكتمل غير لما نكون مع بعضينا اهون عليك دلوقتى تشوف دموعى ومتمسحهاش وتخدنى فى حضنك 

أدهم :- كان بيسمعها ودموعه نزله منه وبعد كده مسحها وبصلها وقال اختى دى ماتت من يوم ما فرضت فى شرفها ومفكرتش فينا  لو كنتى حبيتى حد وجيتى حكتيلى كنت هقف جمبك وهنصحك ومكنتش همانع ان انتى تحبى وتتحبى مدام حب قصده شريف 

لكن انتى خبيتى عليه ورحتى عرفتى واحد وسلمتيه نفسك بكل سهوله ولا فكرتى فيه ولا فى اخوكى ولا ابوكى انتى المفروض تعيشى طول عمرك لوحدك ومتوريش حد وشك وتتكسفى تبصى فى وشنا وياريت ما تحوليش تتكلمى معايه خالص ومشى وسابها 

قعدة ديمه على الكرسى وقعدة تعيط وتقول انا اسفه بجد انا عارفه ان انا جرحتكم وخزلتكم بس مقدرش اعيش من غيركم ومسحت دموعها وراحت لاوضة ابوها والدكتور كتب لعزالدين خروج والكل راح على القصر 

……………………………………………………

فى شركة عز اتصل أدهم على تليفون سيف وبلغه بخروجهم وسيف قام من على مكتبه ولسه بيفتح الباب ويخرج فى دخلت حبيبه وخبطت فيه 

حبيبه :- اااااااااه 

سيف :- مش تفتحى وانتى ماشيه 

حبيبه :- ده على اساس ان هى وجعتك ده انت متهزتش الله اكبر لكن انا مش بعيد يكون جالى ارتجاج فى الجمجمه 

سيف :- وهو بيحاول يكتم ضحكته انتى جايه عندك ارتجاج لوحدك وصواميل مخك مفوته 

حبيبه :- تبسم والنبي لتتبسم يا شيخ 

سيف :- احم انتى مش ملاحظه انك اخدى عليه ووقفه تتكلمى معايه وناسيه نفسك 

حبيبه :- لنفسها ايه القلبه دى احم انا اسفه 

سيف :- كنتى جايه عايزه ايه 

حبيبه :- كنت جايه استأذن من حضرتك علشان اروح اشتغل على التصميم اللى حضرتك هتستلمه بكره 

سيف :- لا مش تحت امرك احنا تيجى وقت ما تيجى وتمشى وقت ما تمشى عندك طول الليل ابقى اشتغلى فيه براحتك وسبها ومشى 

حبيبه :- العن ابو شكلك يا شيخ 

برميل رخامه ماشى على الارض 

فى رجعت سيف 

سيف :- بتقولى حاجه 

حبيبه :- ها انت رجعت تانى 

سيف :- اه عندك اعتراض 

حبيبه :- لا عن أذنك 

سيف :- احم لو عايزه تمشى اتفضلى امشى 

حبيبه :- ها انت قولت ايه هواللى انت قولته ده بجد ولا تهيؤات

سيف :- لو مش عايزه انا ممكن ارجع فى كلامى 

حبيبه :- لا ترجع فى كلامك ايه ده انا مش مصدقه نفسى ربنا يخليك يا رب وطلعت تجرى 

سيف :- ابتسم ابتسامه خفيفه وكان ناسى ملف فى مكتبه دخل اخده ونزل ركب عربيته وراح على القصر 

……………………………………………………

فى قصر عزالدين 

وصل الكل ودخل عزالدين اوضه وأدهم دخل اوضه ياخد شاور وديمه دخلت اوضتها ومسكت تليفونها ومسكت الورقه اللى ادها عمر ليه وطلبت الرقم وانتظرت الرد 

عمر :- السلام عليكم 

ديمه :- وعليكم السلام 

عمر :- ايوه حضرتك مين 

ديمه :- احم انا ديمه اللى كنت محبوسه فى قضية القتل 

عمر :- اه اذيك يا انسه 

ديمه :- الحمدالله انا طلعت برأه 

عمر :- اه ما انا عارف انا اللى طلعتك 

ديمه :- بصدمه انت طب ازاى 

عمر :- ههههه ده شغلى بقى ومبروك على البرأه 

ديمه :- الله يبارك فى حضرتك بس لازم ابيه يعرف علشان ميخليش قرار النقل يمشى 

عمر :- خلاص يا انسه انا روحت وفى الطريق 

ديمه :- بزعل يعنى انت خلاص مشيت 

عمر :- اه 

ديمه :- انا اسفه بجد انا السبب فى اللى انت فيه وانا هحاول اخلى ابيه يرجعك تانى 

عمر :- لا يا انسه متعودش اخلى حد يساعدنى فى شغلى 

ديمه :- بس هو اللى نقلك 

عمر :- عادى انا شغلى بيبقى فى نقل فى اى وقت وزى ما عرفت اعمل اسم فى اسكندريه هقدر اشتغل واجتهد واعمل اسم فى السلوم 

ديمه :- انا مش عارفه بجد اقولك ايه ساعدنى وانا فى السجن وساعدنى وخرجتنى منه وقصاد كده اتأذيت فى شغلك واتنقلت من مكانك 

عمر :- يا انسه الحمدالله ربنا مش بيجيب حاجه وحشه لحد 

ديمه :- ونعمه بالله لو مكنش يضيقك هبقى اتصل بيك كل فتره اسال عليك 

عمر:- اتصلى بيا فى اى وقت انا تحت امرك انتى زى اختى بالظبط 

ديمه :- شكرآ ليك مع السلامه 

عمر :- سلام 

وقفلت مع عمر ونزلت من اوضتها وكان الكل متجمع على سفرة الاكل واول ما شفها سيف وأدهم قامو من على السفره 

عزالدين :- محدش فيكم هيقوم من على الاكل اقعد منك ليه وبص لديمه وقال تعالى يا حبيبتى هنا جمبى 

وقعدة ديمه جمب ابوها ودموعها نزلت من عنيها 

عزالدين :- مسح دموعها وقال متعيطيش يا حبيبتى دموعك دى غاليه عليا اوى وبص لسيف وأدهم وقال انتو ايه قلوبكم حجر مش صعبانه عليكم غلطت مقولناش حاجه بس مين فينا مبيغلطش محدش فينا معصوم من الغلط احنا بشر مش ملايكه واختكم لسه صغيره واضحك عليها زى بنات كتير بينضحك عليهم فى السن ده والعيب مننا احنا محدش فينا وعها وعرفها ان فى نوعيه تانيه اسمها من البشر بس قلوبهم من اليشطان محدش عرفها ان فى ذئاب بشريه بتخدع اللى زيها تحت مسمه الحب وده كله محدش فينا نبها عليه ده واجب كل اسره عندها بنت يعرفوها ويفهموها كل حاجه علشان محدش منهم يقع زى اختكم ومسيركم ربنا هيكرمكم بخلفت البنات وتعرفو معنى كلامى ده 

سيف :- قام وقال عن أذنك يا بابا اناشبعت 

أدهم :- وانا كمان عن أذنك 

عزالدين :- بص عليهم وقال ربنا يهديكم ويحنن قلوبكم على اختكم 

……………………………………………………

فى الشقه عند حبيبه كانت قعده وشغاله فى التصميم وجه فى بالها سيف وحطت القلم تحت سننها وابتسامة وقالت 

حبيبه :- والله مطلعش وحش زى ما كنت شايفه من جوه شكله طيب بس الظروف اللى عاشها مع طلقته هى اللى خلقت منه بنأدم قاسى من بره بس شكل قلبه لسه طيب من جوه وبعدين سكتت شويه وقالت ايه يا حبيبه هتفكرى فى راجل تانى مكفكيش اللى حصلك والشحطته اللى انتى فيها من وراه راجل برضه وسكتت شويه وقالت بس سيف شكله مش منهم شكله راجل بجد وعلطول هو منقذى فى اى مشكله بتقعى فيها وبعدين سكتت شويه وقالت والنبى اتنيلى ما انتى كنتى بتقولى على مصطفى كده وطلع ندل وواطى بس بقى وشفى اللى وراكى بدل ما يجى بكره يسمعك كلام زى الزفت

……………………………………………………

فى الصعيد كانت حوريه قعده مع امها وسمعو خبط على الباب فتحت حوريه الباب ولاقته اشرف 

اشرف :- افرحى يا مرات عمى عرفت مكانها 

حوريه :- بجد عرفت مكان مقصوفت الرقبه 

اشرف :- اه والله يا مرات عمى بنتك شغاله فى شركة بتاعة بناء وتعمير 

حوريه :- اسمها ايه الشركه دى يا اشرف 

اشرف :- بيقولو باين اسمها عز 

حوريه :- ايه بتقول ايه يا نهار اسود ومنيل 

اشرف :- ليه يا مرات عمى بتقولى كده 

حوريه :- ها م.م.مفيش ا.ا.اصل الشركه دى اللى كان شغال فيها عمك انت مين قلك انها شغاله هناك 

اشرف :- واحد من بلدينا شفها وسال عليها وعرف ان هى وجه وقلى 

حوريه :- وناوى تجبها هنا امته 

أشرف :- بكره هتكون فى قبرها 

حوريه :- ربنا معاك يا ابنى هاتها فى اسرع وقت 

……………………………………………………

«وراء كبرياءه عاشق»

الفصل السادس عشر 

اشرق النهار فى سماء الاسكندريه لتبدء 

العصافير بالتغريد لتستيقظ حبيبه من نومها وقامت من على سريرها ودخلت حمامها غسلت وشها وتوضت وخرجت ادة فرضها ولبست هدومها وطرحتها ومسكت التصميم فى ايديها وخرجت من باب الشقه وراحت على اول الشارع وقفت تاكسى وراحت على الشركه 

……………………………………………………

فى قصر عزالدين 

استيقظ سيف من نومه قام دخل حمامه اخد شاور وطلع لبس هدومه وبص فى المرايا وسرح شعره بس جه صورت حبيبه ليه فى المرايا وهى بتضحك ابتسم ابتسامه تلقائيه ومره واحده قطع الضحكه وقال 

سيف :- ايه محرمتش من اللى حصلك 

عقله :- بتفكر فيها ليه 

قلبه :- مش كل الستات صفاء 

عقله :- بس نوع الحريم واحد مفيش واحده مش خاينه 

قلبه :- بس حبيبه مش كده مش من النوع اللى يخون ولا يخدع 

عقله :- انت نسيت زمان كنت بتقول كده برضه على صفاء 

قلبه :- بس انا لما بشفها بفرح من قلبى وبحس بأحساس محستهوش مع حد ولا حتى مع صفاء 

عقله :- بلاش عواطفك الزياده دى طول عمرهم بنات حوا سبب فى مصايب الراجل حتى حوا نفسها كانت سبب خروج أدم من الجنه ونزوله على الارض وجى تقول مشاعر واحاسيس 

قلبه :- …………………………

عقله :- سكت يعنى شوفت ان انا عندى حق البعد عن بنات حوا ارحم بكتير من القرب منهم 

سيف :- بس بقى خلاص تعبت مش قادر انا نفسى اقدر انسا صفاء واعيش حياه طبيعيه وبص بصه اخيره على نفسه فى المرايا وخرج من اوضه نزل السلم وكان ابوه قاعد على سفرة الفطار 

سيف :- صباح الخير يا بابا 

عزالدين :- صباح النور 

فى نزلة أدهم 

أدهم :- صباح الخير عليكم 

عز وسيف :- صباح النور والكل قعد يفطر وشويه ونزلت ديمه 

ديمه :- صباح الخير 

سيف وأدهم محدش فيهم رد 

عزالدين :- صباح النور يا حبيبتى تعالى اقعدى وقعدة ديمه والكل فطر ووقف سيف ولسه هيمشى ندهت عليه ديمه 

ديمه :- ابيه سيف ممكن توصلنى الجامعه معاك 

سيف :- من غير ما يبصلها عندك العربيه بالسواق خليه يوصلك ومشى وسبها 

أدهم :- وقف ولسه هيمشى 

ديمه :- طب وصلنى انت يا أدهم 

أدهم :- مشى من غير ما يرد عليها 

عزالدين :- تعالى يا حبيبتى انا هوصلك معايه فى السكه 

ديمه :- بدموع يلا يا بابا 

ومشى عزالدين ومعاه ديمه وركبو العربيه ووصلها الجامعه ومشى على الشركه 

……………………………………………………

فى شركة عز 

وصلت حبيبه وطلعت عند مكتب السكرتير 

حبيبه :- صباح الخير 

السكرتير مجدى :- صباح النور 

حبيبه :- استاذ سيف جه وبصوت واطى الرجل الغامض 

مجدى :- هههههه لا لسه 

حبيبه :- اخدت نفس وقالت الحمدالله

مجدى :- اهم حاجه خلصت التصميم 

حبيبه :- اه ده انا سهرت عليه لصبح 

مجدى :- ربنا معاكى ده استاذ سيف بيعزك اوى حطك فى اختيار صعب مع اكفاء مهندسين فى الشركه يعنى انتى اللى بتدرسى مستحيل هتكونى بخبرة المهندسين اللى متخرجين وبقلهم فتره كبيره فى المهنه دى 

حبيبه :- متتغرش بالمظاهر يا مجدى انا لسه بدرس بس عندى مخ سابقنى بسنين يعنى انا واثقه ان التصميم بتاعى هيكون من احسن التصاميم 

مجدى :- ربنا معاكى انتى عارفه صاحب الكمبوند ده من ارزل العمله عندنا فى الشركه واخر مره كان استاذ سيف هيطروده من الشركه 

حبيبه :- الله يطمنك ليه بقى 

مجدى :- مش بيعجبه اى تصميم ولازم يطلع عيب فى كل تصميم يشوفه حتى بتاع استاذ سيف انتقده وطلع فى عيب 

حبيبه :- الله يبشرك بالخير يا اخويه 

فى الوقت ده دخل أدهم 

أدهم :- ايه ده بيبه انتى نزلتى الشغل تانى 

حبيبه :- اه مش واخده على القعده وبصراحه مش مستعده اروح ادور على شغل تانى 

أدهم :- جدعه يابت طلعه ليا بالظبط 

حبيبه :- بتحب الشغل 

أدهم :- ولا بطيقه 

حبيبه :- هههههههههههههه 

أدهم :- اعتبر نزولك للشغل رد بالموافقه على الموضوع اللى قولتلك عليه 

حبيبه :- لا انا لسه مخدش قرار فيه ده موضوع مش سهل وانا حكتلك شفت قد ايه فى حياتى مش عايزه اقرر نفس الغلطه 

أدهم :- انا هسيبك تفكرى براحتك ووقت ما تخدى قرار تيجى ترد عليه 

وفى الوقت ده جت السكرتيره سمر 

سمر :- ترد عليك فى ايه يا استاذ أدهم ومين دى اصلا 

أدهم :- حاجه متخصكيش واتفضلى روحى شوفى شغلك 

سمر :- لا انا عايزاك فى موضوع 

أدهم :- مش وقته وروحى على مكتبك 

سمر :- بصت ليه بغيظ ومشيت 

حبيبه :- بغمزه 😉😉 هى ايه الحكايه 

آدهم :- ها م.م.مفيش حكايه 

حبيبه :- ياراجل ده شكلها وقعه من الدور المليون دى غيرانه عليك منى 

أدهم :- امشى ابت العن ابو شكلك 

ومشى وسبها 

حبيبه :- خد هنا بس هقولك حاجه وهى ماشيه خبطت فى سيف 

سيف :- ايه مش ناويه تفتحى كل مره تمشى وانتى عاميه كده 

حبيبه :- عندك حق والله لا كده كتير بالشكل ده هخش المستشفى قريب 

سيف :- مستشفى 

حبيبه :- اه مره ارتجاج مره تكسير عطام كده يعنى 

سيف :- المهم خلصتى التصميم 

حبيبه :- طبعآ خلص 

سيف :- انا مش مخوفنى غير ثقتك الزياده دى 

حبيبه :- الحمدالله انا واثقه فى نفسى وعارفه مقدرتى ايه 

سيف :- طب ماشى روحى على مكتبك 

حبيبه :- بأستغراب مكتبى انا لقيطه هنا معنديش مكتب 

سيف :- ازاى معندكيش مكتب امال بتقعدى فين 

حبيبه :- اهو بلقط عيشى فى كل حته شويه شويه عند مجدى شويه فى الاستقبال شويه عندك واهو ماشيه 

سيف :- ابتسم ابتسامه خفيفه وقال انتى بتهزرى 

حبيبه :- اعمل لحضرتك ايه ما انت عارف ان معنديش مكتب 

سيف :- اوكيه تقدرى تقعدى فى مكتبى لحد ما اخلى مجدى يجيبلك مكتب 

حبيبه :- اقعد مع مين مع حضرتك فى المكتب لا انا بقول خلينى كده احسن  

مرتاحه وانا بقعد فى كل حته شويه اهو تغير علشان مزهقش 

سيف :- انا قولت كلمه هتقعدى فى مكتبى وانتى اصلا شغاله معايه يعنى حتى مكتبك هيتحط معايه فى الاوضه 

حبيبه :- حمرا 

سيف :- ايه 

حبيبه :- ايامنا هتبقى احمر من بطن البطيخ 

سيف :- انتى بتجيبى الكلام ده منين 

حبيبه :- من لسانى وربنا 

سيف :- اللهم يطولك يا روح تعالى ورايا 

حبيبه :- لنفسها يطولك ايه ده انت اطول من الزرافه 

ومشيت وراه ودخلت معاه المكتب 

وكان كريم وأدهم بيرقبوهم 

أدهم :- مش انا قولتلك ادهم بدء يتشد لحبيبه وبدء يتغير وطلبو منها تقعد معاه فى المكتب ده اول تغير ووقفت معاها الوقت ده كله من غير ما يحس ان هو وقف فى نص الشركه ده تانى تغير ومناقشته معاها دى تالت تغير والاهم من ده كله ادهم بقى يبتسم والضحكه دى مطلعتش من يوم صفاء غير مع حبيبه 

كريم :- بس ربنا يستر وميحصلش حاجه تبوظ كل اللى بنعملوه 

أدهم :- يارب ودخل كل واحد مكتبه 

……………………………………………………

فى بيت حسن جادالله الجديد 

حسن :- اختك واحشانى اوى يا عمر 

عمر :- مش عارف راحت فين زى ما تكون فص ملح وداب 

حسن :- انا قلبى واكلنى عليها اوى وخايف لاشرف يوصل ليها ويأذيها 

عمر :- متخفش يا بابا اذا كان احنا الحكومه ومش عارفه توصلها يبقى هو هيوصلها ازاى 

حسن :- عمك ايده واصله وعنده ناس كتير وابنك عمك هيستغل الناس دى علشان توصل لاختك 

عمر :- متخفش يابابا انشالله قبل ما يوصلها اشرف هنكون وصلنه احنا ليها 

حسن :- ربنا يحميها ويحرسها ويوقف ليها ولاد الحلال 

……………………………………………………

فى شركة عز

اتجمع المهندسين التلاته منهم حبيبه 

وكل واحد قدم تصميمه لسيف وكان كريم قاعد معاه وبدء سيف بمعينة اول تصميم وقال 

سيف :- امممم التصميم ده فيه حاجه نقصه مقلل فى مساحة البيوت علشان تكبر الجنينه ليه الناس هتنام فى الجنينه 

المهندس الاول :- يا استاذ سيف اكيد الناس دى معاهم اطفال ومحتاجين مساحه لاولدهم يلعبو فيها علشان كده كبرت مساحة الجنينه 

سيف :- وبالنسبه للبيت اللى مساحته  تاخد شخصين بالعافيه وسكت شويه وقال التصميم ده مش مقبول 

وفتح التصميم التانى وقال مش بطال بس فى ملحوظه صغيره انت ليه مش مهتم ببيوت العباده 

مهندس اتنين :- ازاى يافندم مش فاهم 

سيف :- يعنى مش عامل ليه جامع وكنيسه يعنى انت عملت كله ومفتكرتش دول 

مهندس اتنين :- انا اسف يا فندم نسيت الموضوع ده 

سيف :- مفروض انك مهندس خبره وفاهم النظام ده 

مهندس اتنين :- اسف يا فندم 

وفتح التصميم التالت وانبهر بدقة التفاصيل وقال احم مش بطال ممكن تشرحى تفاصيل التصميم 

حبيبه :- 😴😴😴😴

سيف :- يا انسه حبيبه 

حبيبه :- ممممممم

سيف :- ايه 

حبيبه :- محرم بيه 

سيف :- مين 

حبيبه :- العطارين 

الكل ضحك عليها 

سيف :- مش عايز اسمع نفس 

وبص لحبيبه وقال انتى يا انسه انتى جايه تنامى هنا 

حبيبه :- 😴😴😴😴

سيف :- مسك كوباية الميه ورمها فى وشها 

حبيبه :- ععععععععا فى ايه 

سيف :- انتى جايه تنامى فى الشغل 

حبيبه :- ا.ا.اسفه والله بس سهرت طول الليل ارسم التصاميم دى 

سيف :- والله مش ذنبى انك سهرتى طول الليل انا ليا تكونى مصحصحه فى  الشغل 

حبيبه :- حاضر انا اسفه 

سيف :- اتفضلى اشرحى تصميمك 

حبيبه :- حاضر ومسكت التصميم وقالت هنا هنعمل 3 اوض متوسطه ورسيبشن كبير علشان لو عيله متكونه من اربع افراد وهنا هنعمل جنينه فيها حمام سباحه صغير علشان الاطفال وفى المكان ده هنبنى ركنه صغيره للاطفال علشان يتعلمو الصلاه فى الجامع من صغرهم وكده وفرنا ليهم الترفيه والعباده ام المرافق والترفيه للكبار فا انا عملت هنا سينما صغيره وفى الحته دى عملة مول فيه كل المستلزمات وهنا مستشفى صغيره فيها جميع التخصصات وهنا عملت سوبر ماركت وهنا عملت نادى للترفيه اما هنا عملت جامع وفى ضهره كنيسه علشان العباده وهنا بناية مدرسه تبدء من الكى جى لحد مرحلة الاعداديه وبكده انا استخدمة الارض بمساحات متوسطه ووفرت كل حاجه لسكان الكمبوند وخلتها ليهم مدينه متكمله 

سيف :- كان مبسوط اوى منها ومن ذكائها وعجبه جدآ التصميم وقال مش بطال كان ممكن يبقى فى احسن من كده 

حبيبه :- بغيظ شكرآ حضرتك وقعدة 

سيف :- دلوقتى انا هقول النتيجه بالنسبه للتصميم تبع المهندس الاول مرفوض نهائى وحاول تشتغل على نفسك اكتر من كده 

مهندس اول :- حاضر يا فندم عن اذن حضرتك 

سيف :- اما بالنسبه للتصميم الخاص بالمهندس التانى هو مش بطال وفى حجات نقصه بس انا هوريه للعميل علشان تصميم البيوت مش وحش 

مهندس اتنين :- شكرآ لحضرتك وهحاول اكمل الناقص فيه 

سيف :- اما التصميم الخاص بالانسه حبيبه برضه مش بطال وهنوريه للعميل وهو هيختار ما بين بتاعك وبتاع الباش مهندس واللى هو هيختاره هيستلم هو المشروع اتفقنا 

حبيبه :- وهو امته هيختار العميل التصميم 

سيف :- كمان يومين 

حبيبه :- شكرآ لحضرتك 

سيف :- تقدر يا باش مهندس تروح مكتبك 

المهندس :- عن اذن حضرتك 

حبيبه :- عن أذن حضرتك هعمل ليا قهوه علشان افوق شويه 

سيف :- واعملى ليا واحد معاكى 

حبيبه :- زى المره الفاتت برضه ومتشربهوش 

سيف :- هههه لا هشربه المرادى 

حبيبه :- ها ا.ا.انت ضحكت 

سيف :- يلا يا انسه شوفى هتعملى ايه 

حبيبه :- ايه القفله السوده دى وقالت ليه حاضر يا فندم عن أذنك 

وخرجت حبيبه من المكتب 

كريم :- انت ليه ما اخترتش التصميم بتاع حبيبه مع ان احسن تصميم شوفته 

سيف :- علشان تجتهد اكتر وتشتغل على نفسها وطلع اقصى ما عندها انا متآكد لسه عندها كتير 

كريم :- امممممم وليه بتعمل كده معاها وبتشجعها 

سيف :- عادى يعنى هى مش شغاله فى اى مكان دى شغاله فى شركة عز ولازم تكون قد المستوى 

كريم :- والله 

سيف :- اه طبعآ امال هيكون ليه يعنى 

كريم :- طيب جايز 

سيف :- كريم روح لمكتبك 

كريم :- ماشى ماشى بس متزقش 

وخرج كريم لمكتبه وشويه وجت حبيبه 

حبيبه :- اتفضل يا فندم 

سيف :- حطيها عندك على المكتب 

حبيبه :- حاضر وحطت القهوه على المكتب وقعدة على الكنبه اللى موجوده فى المكتب وقعد سيف على المكتب يشوف شغله وشرب القهوه وهو شغال وبيبص على حبيبه لاقها نايمه وهى قعده على الكنبه قام من على مكتبه وقعد جمب حبيبه وقعد يبص عليها وهى نايمه وقال 

سيف :- قد ايه انتى جميله اوى وانتى نايمه ووشك بريئ جدآ شبه الاطفال ومد ايده ولمس خصلة من شعرها كانت طالعه من الطرحه ولسه هيمشى صوابعه على بشرة وشها اتراجع وقال ايه اللى انت بتعمله ده ياسيف فوق بقى انت حتى متعرفش هى مين ولا بنت مين وفاجئه وقعت حبيبه على كتفه 

سيف :- اتفاجئ وحس بنفس الشعور اللى بيجى ليه وقعد يبصلها وهى نايمه وفى الوقت ده دخل أدهم 

أدهم :- سيف مش م وسكت فاجئه وقال ايه ده 

سيف :- احم ا.ا.الانسه نامت وكنت بصحيها وبص لحبيبه وهى نايمه على كتفه وقال يا انسه اصحى يا انسه حبيبه

حبيبه :- امممم واتعدلت ونامت فى  حضن سيف 

سيف :- اتكسف وقال احم يا انسه حبيبه 

آدهم :- بيتفرج وهو بيكتم فى ضحكته

سيف :- يا انسه مينفعش كده اصحى بقى وفى الوقت ده دخل كريم 

كريم :- اول ما شاف المنظر اتصدم وقال هو فيه ايه 

سيف :- اهى كملت 

آدهم :- وهو بيكتم فى ضحكته تعالى معايه واتفرج 

كريم :- طب انا مشفتش الفيلم من اوله احكيلى  

سيف :- فيلم ليه يا اخويه حد قالك انك داخل سينما وبص لادهم وانت يا اخويه عمال تكتم فى ضحكتك ليه شيفنى قدامك اراجوز 

أدهم :- ههههههههههههههههههههه😂😂 شكلك تحفه وانت مكسوف كده هههههههههههههه😂😂 ده هى مش بتتكسف زيك كده 

كريم :- هههههههههههههه😂😂 الصراحه انت فى موقف لاتحسد عليه هههههههههههه😂😂

سيف :- ادهم خد كريم واطلعو بره بدل ما اموت حد فيكم 

كريم وادهم  :- هههههههه ههههههههههههه😂😂

سيف :- اطلعو بررررررررررره 

أدهم :- خلاص خلاص يلا يا كيمو خليهم براحتهم هههههههههه 

سيف :- اه يا ابن ال ولسه هيقوم يجرى وراه حبيبه مسكت فيه اكتر 

كريم :- دى كلبشت فيك يا معلم وحلفت ما تسيبك هههههههههههه

سيف :- طب وربنا لما اقوم ليكم انتو الاتنين ما انا سايبكم 

آدهم :- بس الاول ربنا يفك كلبشتك على خير ههههههههههه

سيف :- بررررررررررره 

وخرج كريم وادهم وهما مش قادرين يمسكو نفسهم من الضحك 

سيف :- بص لحبيبه وقال الله يخربيتك انتى كمان انتى ايه ميته مش نايمه 

وخبط على وشها وقال يا انسه اصحى بقى 

حبيبه :- امممممممم

سيف :- اممم ايه اصحى بقى بدل ما حد تانى يجى يشوفنا فى الوضع ده 

حبيبه :- فتحت عنيها واتفاجئة بنفسها نايمه فى حضن سيف بعدت عنه وقالت ايه ده ه.ه.هو ايه جابنى هنا وازاى نمت كده 

سيف :- وانتى كده كنتى نايمه ده انتى كنتى ميته يا بنتى 

حبيبه :- ا.ا.انا اسفه بس منمتش غير ساعتين الصبح علشان كده نمت محستش بنفسى 

سيف :- حصل خير يلا اوصلك فى سكتى 

حبيبه :- لا لا شكرآ 

سيف :- براحتك 

حبيبه :- ها هو انت معندكش انك تصمم على حد وتمسك فيه 

سيف :- لا انا احب اقول الكلمه مره واحده اه او لا انتى حره 

حبيبه :- اه قولتلى طب عن اذنك 

سيف :- انسه حبيبه 

حبيبه :- بصتله وقالت نعم 

سيف :- احم ممكن تعدلى الطرحه علشان مش مظبوطه وشعرك باين منها 

حبيبه :- ها ش.ش.شكرآ وعدلت طرحتها وخرجت وهى مستغربه من تغير سيف معها 

……………………………………………………

طلعت حبيبه من مكتب سيف ومسكت شنطة ايديها وخرجت من الشركه واتصدمة لما شافت اشرف قدمها وقالت 

حبيبه :- ا.ا.انت 

اشرف :- ايه يا بنت عمى كنتى مفكرانى 

مش هعرف الاقيكى ولا ايه 

حبيبه :- عايز ايه منى ملكش دعوه بى 

أشرف :- ههههههههههه مليش دعوه بمين ده انتى النهارده هتدفنى حايه ياروح الروح بقى تهربى منى انا 

حبيبه :- انت مصدق نفسك انك كنت عايز تتجوزنى علشان بتحبنى انت كانت عايز تتجوزنى علشان الارض 

أشرف :- انتى عرفتى 

حبيبه :- اه سمعتكم انت وابوك بتتكلمو 

أشرف :- بس انتى بتاعتى انا ومدام مش هتبقى ليا يبقى هتموتى ومش هتبقى لحد تانى 

حبيبه :- وانا مش هبقى ليك والموت اهون ليا 

أشرف :- متستعجليش النهارده هتكونى فى قبرك وراح مسكها من درعها وقعد يشد فيها 

حبيبه:- اوعى كده سبنى وقعدة تشد درعها من ايد اشرف 

وفى الوقت ده جه سيف وشاف حبيبه وواحد بيشدها 

سيف :- انت يا اخينا واخدها كده ورايح فين 

أشرف :- وانت مالك 

سيف :- شد حبيبه من ايده وقال سيب الانسه كده واتكلم معايه راجل لراجل 

أشرف :- اما غريبه دى واحد وبنت عمه ايه دخلك انت فى النص 

حبيبه :- لالا اوعى تسيبوه ياخدنى ده عايز يقتلنى 

أشرف :- امشى انجرى قدامى وحاول يشدها من ورا سيف 

سيف :- ضربه فى وشه وقال لما تكون معايه ما تمدش ايدك عليها 

أشرف : - وهو حاطط ايده مكان الضربه وانت مالك واحد وبنت عمه اللى هربانه من بيت اهلها انت ايه دخلك بتدخل بصفتك ايه 

سيف :- بصفتى جوزها 

وفى الوقت ده جه أدهم وكريم واتفاجئو بكلام سيف 

حبيبه :- بصدمه جوز مين حضرتك 

سيف :- داس على رجليها 

حبيبه :- اه صح ك.ك.كنت ناسيه 

أشرف :- وانا ايه يثبت الكلام اللى بتقوله ده مش يمكن غلطت معاك وانت بتقول كده 

سيف :- اللى يثبت ليك ورقة المؤذون تعالى باليل فى العنوان (………) ده

وانا هورهالك 

حبيبه :- وكمان طلعت ورقة المؤذون 

سيف :- ضربها بكوعه فى بطنها 

حبيبه :- اااااااه صح الواحد بقى ينسا كتير كده ليه 

أشرف:- ماشى هشوف الورقه ولو كده هاخد بنت عمى البلد وتيجى تطلبها مننا قصاد البلد كلها 

أدهم وكريم :- بصو لبعضيهم 

سيف :- ماشى بس حبيبه مش هتمشى من هنا غير رجلى على رجليها وترجع معايه 

أشرف :- ماشى وبص لحبيبه بتوعد وقال سلام يا بنت عمى 

وبعد ما مشى اشرف 

حبيبه :- بعصبيه فهمنى بقى ايه اللى انت عملته ده 

سيف :- شد حبيبه من أيديها وركبها العربيه معاه 

أدهم :- بص لكريم وقال ايه رأيك فى الكلام ده 

كريم :- اممممم اخوك واقع على الاخر 

أدهم :- بس مش كفايه عايزين يعترف بحبه ليها 

كريم :- نشوف بس هيعمل ايه فى موضوع ابن عمها ده وبعدين نبقى نشوف خطه نخليه يعترف 

أدهم :- ههههههههه على اخر الزمن هنشتغل خاطبه لسى سيف 

كريم :- هههههههههه اه يا اختشى 

……………………………………………………

فى العربيه عند سيف وحبيبه كان كل واحد منهم ساكت ومشى بعربيته وراح ووقف بيها فى حته هاديه 

حبيبه :- باصت ليه وقالت ممكن بقى تفهمنى ايه اللى انت عملته ده

سيف :- ساكت وبيبص على الشارع 

حبيبه :- متعصبنيش ورد عليه 

سيف :- ممكن تسكتى شويه 

حبيبه :- حاضر سكت اهو اتفضل اتكلم 

سيف :- انتى ليه محسسانى ان انا هموت واتجوزك بس انا فى وقتها ملاقتش حل غير كده ولو مكنتش قولت كده كان هيخدك ويقتلك ومن شكله باين عليه ان هو صعيدى ودول مش بيتفاهمو وشكلك عامله نصيبه كبيره ودول عندهم كل الا الشرف وانا عملت كده كمساعده مش اكتر ولو مش حابه مساعدتى احنا فيها روحى ليهم وايكش يولعه فيكى وهو ده الكلام اللى عندى والقرار ليكى 

حبيبه :- ازاى يعنى بعض ما قولت انك جوزى 

سيف :- عادى محدش كان موجود غيره وممكن تكدبيه 

حبيبه :- وانت هتجيب ورقة المؤذون ازاى 

سيف :- مش شغلك 

حبيبه :- وانت ناوى تيجى تطلب ايدى بجد من أهلى 

سيف :- مضطر 

حبيبه :- بس انا مكنتش عايزه اتجوز دلوقتى 

سيف :- ماهو مش هيبقى جواز بجد 

حبيبه :- ازاى مش فاهمه 

سيف :- يعنى هما عارفين ان انا رايح اطلب ايدك وانا جوزك اصلا وابن عمك هيشوف ورقة الجواز المزيفه يعنى انا هطلب ايدك وهيعملو ليكى فرح وبعدين هنيجى هنا وكل واحد يروح لحاله 

حبيبه :- طب لما حد يسألنى عنك بعد كده 

سيف :- قولى ان احنا حصل مشاكل ما بنا وطلقتك 

حبيبه :- وانت كده هتستفاد ايه 

سيف :- ما انا قولتلك دى مساعده مش اكتر ولو موافقه هستناكى تيجى القصر بليل ولو مش موافقه مفيش اى مشكله انا مش خسران حاجه 

حبيبه :- ماشى عن اذنك 

سيف :- رايحه فين 

حبيبه :- هنزل اركب تاكسى واروح بيتى 

سيف :- شغل العربيه وقال قولى عنوان شقتك 

حبيبه :- فى (………)

ومشى سيف بعربيته وصل حبيبه وراح على القصر 

……………………………………………………

فى البلد كانت قاعده حوريه وبتشرب كوباية الشاى وتليفونها رن بتبص لاقته رقم اشرف 

حوريه :- ها يا اشرف سبع ولا ضبع

أشرف :- بنتك اتجوزت يا مرات عمى  

حوريه :- ايه اللى انت بتقوله ده 

أشرف :- انا شوفتها وكنت خلاص هجبها ونخلص منها بس جوزها وقفنى ومنعنى 

حوريه :- وانت أتأكد من الكلام ده 

أشرف :- رايح بليل قصر عزالدين هيورينى ورقة الجواز بس من طريقة كلامه ان هو صح مش كدب 

حوريه :- انت قولت قصر مين 

أشرف :- عزالدين واللى هو صاحب شركة عز 

حوريه :- هكون عندك قبل ما تروح وهروح معاك 

أشرف :- لا خليكى يا مرات عمى 

حوريه :- لا يا اشرف جه وقت فتح دفاتر الماضى والكل يعرفه انا جايه ليك سلام

أشرف :- سلام 

…………………………………………………

تابعووووني للروايات الكامله والحصريه

تكملة الرواية من هنا

بداية الروايه من هنا