رواية وراء كبرياءه عاشق الفصل الثالث عشر والرابع عشر بقلم دودو محمد حصريه وجديده على مدونة النجم المتوهج للروايات والمعلومات
 |
فى الشركة عز
كان قاعد سيف وشغال هو حبيبه وجه ليه اتصال بيبلغه باللى حصل لاخته
سيف :- ده نهارهم اسود اعرف مين اللى عمل كده وانا رايح على المستشفى حالا
وقفل وقام وقف
حبيبه :- خير يا استاذ سيف فى حاجه
سيف :- وانتى مالك ايه دخلك
حبيبه :- انا اسفه
سيف :- اهو ده نتيجة اللى يجيب واحده و****شبهك تشتغل فى الشركه من يوم ما دخلتيها والمشاكل جت على دمغنا
حبيبه :- حضرتك اللى جبتنى ولو انت شايف ان وشى فقر عليكم ممكن امشى ومتشفش وشى تانى
سيف :- انا مش فايق لواحده زيك انا ماشى وعلى الله اسمع انك مجتيش الشركه ودينى لاحبسكم انتى وتامر وانا حظرتك ومشى وسبها
حبيبه :- ربنا على المفترى منك لله يا شيخ على الكلام اللى بتسسمم بيه جسمى كل شويه
……………………………………………………
وصل سيف المستشفى وكانت الصحافه متجمعه واول ما شفوه طلعو يجرو عليه
صحفى :- استاذ سيف حقيقة القبض على شقيقة حضرتك
صحفى اخر :- وهل صحيح اخت حضرتك كان فى علاقه مابينها وبين القتيل
صحفى اخر :- هل صحيح اخت حضرتك كانت حامل من علاقه غير شرعيه
صحفى اخر :- هل اخت حضرتك تعرضت للاعتداء داخل السجن ام هى محاولة انتحار منها
سيف :- بزعيق وعصبيه مش عايز اسمع ولا نص كلمه تانى وزق الصحفين ودخل المستشفى وسال على اوضة ديمه والاستقبال وصفها ليه
وراح عند اوضة اخته وكان فى اتنين عساكر وقفين على الباب
العسكرى :- ممنوع يا حضرت
سيف :- اوعى يا بابا انت ميتقليش ممنوع انا اخش فى اى وقت
العسكرى :- لا مش هتخش للمتهمه علشان ممنوع واللى عندك اعمله
سيف :- بقى انت تقف قصادى انا
العسكرى :- والله دى اوامر احنا ملناش دعوه يا حضرة روح اعمل اذن دخول من عمر باشا
سيف :- وفين سى عمر ده
العسكرى :- مش عارفين والله
سيف :- اللهم يطولك ياروح وراح يدور على عمر وشافه وهو طالع من عند الدكتور
سيف :- انت ده انا هخلى يومك اسود انا نبهتك ان محدش يمد ايده على اختى ومع ذلك سلط عليها المساجين يضربوها
عمر :- انا مسلطش حد على اختك وانا مش بحب اسلوب العنف واللى عملو كده اتحسبو وخلاص وبعد كده لما تتكلم معايه تتكلم بأدبك بدل ما اعملك قضية سب لسلطات اثناء تأديد عملهم انت حر
سيف :- بقى انت بتهددنى انا ده انا هوديك ورا الشمس وهعرفك مين سيف عزالدين
عمر :- اللى عندك اعمله وانا مبخفش من اللى زى امثالك مفكره نفسه ملك الدنيا ومحدش قدك بس فى اللى احسن منك واقوى فى ربنا واللى معاه ربنا عمره ما هيخاف من العبد عن أذنك
سيف :- انا هعرفك مين سيف عزالدين واتصل على رتبه كبيره فى البلد وقال
سيف :- سعد باشا اذى اخبارك
سعد :- تمام الحمدالله وقلبى معاك فى اللى حصل
سيف :- تسلم يارب انا كنت عايز منك خدمه
سعد :- طبعآ اوامر يا سيف باشا
سيف :- فى واحد كده مضيقنى وشايف نفسه علينا اسمه عمر وماسك قضية اختى
سعد :- اه عارفه ده شاب مجتهد وممتاز والناس كلها بتحبه
سيف :- بس مقدرش يحافظ على اختى وكنت عايز ليه قرصة ودن كده
سعد :- مع ان الولد ممتاز بس اللى تأمر بيه ياسيف باشا
سيف :- عايزه يتنقل فى مكان منفى علشان يعرف يتعامل مع اسياده عدل
سعد :- من بكره قرار نقله هيطلع
سيف :- تشكر يا باشا واخدمك فى الفرح يارب
وقفل مع سعد السكه وقال بأنتصار متخلقش لسه اللى يقف قصادى
وراح عند اوضة اخته وكان عمر وقف وقال
سيف :- وسع كده من سكتى
عمر :- رايح فين
سيف :- هخش ابص على اختى
عمر :- مش وكاله من غير بواب هى ممنوع الزياره
وفى الوقت ده جه ليه تليفون من سعد
عمر :- سعد باشا امر سيدك
سعد :- سلم ورق القضيه وروح القضيه مبقدش معاك دلوقتى
عمر :- ازاى سيدك انا اللى متابع القضيه من اولها
سعد :- انت هتناقشنى الكلام انتهى القضيه اتسحبت منك خلاص سلام وقفل السكه فى وش عمر
سيف :- بص لعمر بصت أنتصار وقال دى قرصة ودن علشان بعد كده تعرف تقف قصاد اسيادك
عمر :- يعنى انت وراه الموضوع
سيف :- وكان ممكن ارفضك من شغلك خالص بس انا اكتفيت بنقلك بس
عمر :- متفرحش عمر الظلم ما بيدوم ساعة الظلم قصيره جدآ وفى ربك الحق بيجيب حق المظلوم ولو بعد حين ومسرنا هنتقابل وسعتها هيكون ربنا جابلى حقى منك
سيف :- خلصت اتفضل بقى من غير مطرود وبص للعساكر وقال اوعى منك ليه
العسكرى :- بخوف اتفضل يا باشا
ودخل سيف الاوضه وقفل الباب فى وش عمر
عمر :- لنفسه متفرحش اوى كده بالظلم علشان عمره ما هيدوم
ومشى عمر من المستشفى وراح على البيت
……………………………………………………
فى شركة عز
حبيبه راحت للسكرتير وطلبت منه رقم أدهم
السكرتير :- ممنوع والله يا انسه
حبيبه :- انشالله يخليك ادهونى ومش هقول ان انا جبته منك هقول جبته من اى حد تانى
السكرتير :- لو استاذ سيف عرف هيودينى وراه الشمس
حبيبه :- مش هيعرف حاجه يلا بقى خليك حلو
السكرتير :- انا هعمل معاكى واجب بس اوعى تقولى لحد
حبيبه :- ربنا يجبر بخاطرك قادر يا كريم
السكرتير :- كتب ليها الرقم وقال خدى ربنا يستر بقى
حبيبه :- اخدت رقم التليفون واتصلت على ادهم وانتظرت الرد
أدهم :- الو مين معايه
حبيبه :- انا حبيبه يا أستاذ أ دهم
أدهم :- اه خير يا حبيبه
حبيبه :- خير انشالله انا قولت اطمن على حضرتك لتكون تعبان ولا حاجه علشان مجدش النهارده
أدهم :- ربنا يخليكى يا حبيبه انا كويس بس بابا هو اللى تعبان وفى المستشفى
حبيبه :- الف سلامه عليه طب اسم المستشفى ايه
أدهم :- اسمها مستشفى (………)
حبيبه :- خلاص انا جايلك
أدهم :- متتعبيش نفسك يا حبيبه وتيجى
حبيبه :- احنا مش اتفقنا نكون أصحاب واخوات ومن واجب الاخت تقف مع اخوها فى المصايب صح ولا لا
أدهم :- بحسره انتى احسن من أختى كمان ياريت اختى تكون ربعك بس
حبيبه :- نص ساعه واكون عندك
وقفلت حبيبه مع أدهم ومسكت شنطة أيديها ونزلت من الشركه ووقفت تاكسى وادته عنوان المستشفى وراحت عليها
……………………………………………………
فى المستشفى عند ديمه
كانت نايمه والمحلول فى ايديها ومش حاسه بحاجه خالص
سيف :- قعد على الكرسى اللى قصاد السرير وقال ليه عملتى كده وحطيتى رسنا فى الطين وكسرتى ضهرنا ليه عمرى ما اعتبرتك اختى تملى كنت بعتبرك بنتى المسؤاله منى كنت بخاف عليكى من الهوا الطاير لما ماما ماتت وانتى صغيره كنت بخدك فى حضنى وادلعك كنت بحاول اعوضك ولو جزء صغير من فقدانك حنان ماما ولما شفتك كبيرتى وبقيتى انسه بدءة اشد عليكى قولت علشان تخافى منى ومتفكريش تعملى الغلط وتخافى من عقابى وبدءة اشد واشد لحد ما بعدنا عن بعد خالص ومبقاش ما بنا غير الخوف والجفاء بس انا عارف اللى حصل ليكى ده نتيجة قلة خبرتك فى الحياه وذنب بنات كتير اخوكى أدهم ظلمهم وكسرهم زيك بالظبط بس برضه عمرى ما هقدر اسمحك ومن هنا ورايح انا اختى ماتت وحتى لما تقومى بالسلامه وتخرجى من مصيبتك وتعيشى معانا فى البيت هتحرمى عليه طول العمر ولا عمر لسانى هيخاطب لسانك مد الحياه وهعتبرك واحده غريبه عايشه فى وسطنا وبص عليها بصه اخيره وطلع من باب الاوضه وخرج من المستشفى وراح المستشفى اللى فيها ابوه
……………………………………………………
فى المستشفى عند أدهم
كان قاعد وحاطت ايده على راسه وفى الوقت ده وصلت حبيبه
حبيبه :- استاذ عز عامل ايه دلوقتى
أدهم :- لسه والله السعات اللى جايه فيها خطر عليه ادعيله والنبى يا حبيبه
حبيبه :- انشالله هيقوم بالسلامه بس انت اجمد كده علشان خاطره
أدهم :- مش قادر يا حبيبه بابا بالنسبه ليا كل حاجه فى الدنيا ومقدرش اعيش من غيره فى الحياه رغم ان انا راجل بس بحس ان انا من غيره عيل تايه
حبيبه :- بإذن الله هتعدى عليه مرحلة الخطر وهيبقى زى الفل وهيعيش لحد ما يجوزك ويشوف عيالك وعيال عيالك كمان
أدهم :- شكرآ بجد ليكى ووقفتك جمبى دى عمرى ما هنسهالك بجد كنت محتاج حد جمبى فى الفتره دى
حبيبه :- متقولش كده رغم ان احنا مش بقلنا كتير عرفين بعضينا واول مقبله مابنا مكنتش لطيفه بس بحس فيك شبه كبير من أخويه عمر وبرتاح معاك اوى زى ما كنت برتاح مع عمر فى الكلام وحاسه انك حد قريب منى مش غريب يعنى حاسه ان دمنا واحد
أدهم :- بأبتسامة أنكسار ياريتنى كنت عرفتك من زمان يمكن كانت حجات كتير اتغيرت
حبيبه :- انت عندك أخوات تانى غير استاذ سيف
أدهم :- كان عندى اخت وماتت
حبيبه:- ربنا يرحمها
وفى الوقت ده جه عليهم سيف
سيف :- انتى !انتى بتعملى ايه هنا
أدهم :- كتر خيرها عرفت بخبر تعب بابا جت تسأل عليه
سيف :- انا مش حذرتك وقولتلك ابعدى عن أدهم انتى ايه مش بتفهمى وعايزه اى راجل تبيعى نفسك ليه
حبيبه :- بصتله وعيطت ومردتش عليه
أدهم :- ايه اللى انت بتقوله ده ياسيف البنت مغلطتش دى جت تعمل الواجب
سيف :- انت تخرس خالص مش كفايه كل اللى احنا فيه ده بسبب نجستك ووسختك مع البنات ياما قولتلك بلاش بس انت كنت مصمم تعيش حياتك بالطريقه القذره دى واخرتها احنا كلنا اللى بندفع التمن وانت ولا همك وعايش حياتك زى ما هى ومخلى حتة بنت بتلعب بالبيضه والحجر تضحك عليك فوق بقى يااخى وانضف شويه
وبص لحبيبه وقال وانتى مشفش وشك هنا تانى ولو شفتك فى الشركه بتكلمى اخويه تانى هوريكى الوش التانى اللى مش هتحبى تشوفيه خالص سمعتى اطلعى بره يا زباله
حبيبه :- انا مش زباله الزباله هما اللى زى امثالك واحد متكبر ومغرور وشايف نفسك على ايه ده انت واحد معقد وانا احسن منك الف مره يمكن معنديش الفلوس اللى عندك بس عندى اللى احسن من الفلوس عندى كرامتى وعزة نفسى اللى مش هقبل حد يجى عليهم ويدوس عليهم ام الشرف فأنا مش هقولك غير انت كده ارتكبت اكبر غلط فى حياتك وهو قذف المحصنات وده عقوبته عند ربنا كبير وهو قادر يجيب ليا حقى منك
سيف :- معرفش يرد عليها
حبيبه :- وشركتك انا مش شغاله فيها تانى واللى عندك اعمله علشان انا ميشرفنيش اشتغل مع واحد زيك
وبصت لادهم وقالت
وانت يا ادهم زى اخويه ومش هبطل اسأل عليك وياريت انت كمان تسأل عليه ومدام احنا مش بنعمل حاجه غلط يبقى منخفش من حد واللى مش عجبه يخبط راسه فى الحيط الا لو انت عايز تسمع كلامه
أدهم :- زى ما احنا يا حبيبه وانا معاكى وجمبك علطول ولو احتاجتى اى حاجه اتصلى بى علطول وانا هتصل اطمن عليكى كل يوم
حبيبه :- ماشى يا أدهم ربنا يديم المعروف اللى بينا سلام وبصت لسيف من فوق لتحت وقالت وانت من غير سلام ومشيت حبيبه روحت على بيتها
أدهم :- فوق انت بقى مش كل البنات صفاء مش كلهم خاينين شبها مش كلهم يا سيف
سيف :- ادهم متجبش سيرتها قدامى ولا يا ادهم كلهم خاينين كلهم بتوع فلوس وبس كلهم يقدرو يمثلو عليك ويوقعك فى شبكهم كلهم بيحبو يشوفه الراجل مذلول ليهم
أدهم :- بس حبيبه مش كده حبيبه بجد محترمه حبيبه اول بنت تمد ايديها عليه علشان حولت اضيقها واعكسها انت عارف انا بتمنا ان حبيبه هى اللى تكون اختى كانت بجد هتقدر تصون شرفها وتحافظ على شرف واسم العيله
سيف :- انت ليه محسسنى انك تعرفها من زمان انت مش بقالك غير يومين
أدهم :- علشان حبيبه قدرت تغيرنى فى اليومين دول قدرت تورينى النوع التانى من البنات النوع المحترم عرفتنى انا لسه فى بنات بجد بتخاف على سمعتها وعلى شرفها عرفتنى انا فى بنات لا يمكن تبيع نفسها علشان الفلوس بجد كنت اتمنى ان اتعرف عليها من زمان كان زمان حجات كتير اتغيرت فى حياتى ولعلمك انا شرف ليا ان اتعرفت عليها وهفضل محافظ عليها وهقف جمبها مهما حصل وسابه ومشى
سيف :- قعد على الكرسى وحط ايده على دماغه وقعد يفكر فى الكلام اللى قاله أدهم
……………………………………………………
عند حبيبه خرجت من باب المستشفى ووقفت تاكسى ووصلها للعنوان شقتها ودخلت وقفلت الباب وراها وقعدة تعيط
حبيبه :- انا تعبت والله العظيم تعبت من البشر كلهم هما ليه بقت الناس وحشه وبقى كل همهم المظاهر والفلوس وبس واحد حب جسمى ومحبنيش والتانى حب الفلوس والارض ومحبنيش وواحد شايفنى من بنات الليل وبتاعة رجاله وبسبب عمى بعد عن ابويه وأخويه وعشت فى شقه لوحدى وكل اللى انا فيه ده من جشع البشر مع انى عمرى ما اتمنيت حاجه وحشه لحد انا عارفه ياربى ان ده اختبار بتختبر بى قوى ايمانى وصبرى
ومش بعترض بس اتلطف بى براحمتك وابعد عنى ولاد الحرام
……………………………………………………
فى بيت حسن جادالله
وصل عمر البيت وهو حزين وقبله حسن
حسن :- مالك يا ابنى
عمر :- مفيش يا بابا
حسن :- بخضه اختك جررها حاجه
عمر :- لالالا يا بابا متخفش دى مشكله معايه فى الشغل
حسن :- مشكلة ايه
عمر :- حكا لابوه اللى حصل بس طبعآ مقلش الاسامى
حسن :- يا ابنى متزعلش محدش يعرف لو كنت كملت فى القضيه كان ايه هيحصل ليك ربنا مش بيجيب حاجه وحشه لحد
عمر :- ونعمه بالله يابابا انا مش زعلان على كده انا كل زعلى على البنأدمين اللى الفلوس عمة عنيهم وقوة قلبهم وخلتهم بقو شبه الذئاب غدرين وبيستقوه على الغلابه
حسن :- يا حبيبى القويه فى الاقوى منه وفى ربك اقوى من الكل وبصير على عباده ولو ساب القوى يفرح بنفسه شويه على الفقير بيجى يوم وربك بيبتليه وبتتقلب الايه والفقير اللى كان القوى بيتحكم فيه بيجى يوم عليه والفقير ده هو اللى بيتحكم فى القوى
وربك القويه منتقم من كل عزيزآ جبار
عمر :- ونعمه بالله يا بابا وانا متأكد ان هيجى يوم وربى هينصرنى على اللى ظلمنى
حسن :- بإذن الله يا ابنى
عمر :- المهم يا بابا انا لو انتقلت هتيجى معايه
حسن :- طب واختك يا ابنى تعيش هنا وحيده
عمر :- ومين قالك كده انا هخلى زميله يتابعو البحث عليها لحد ما يوصله ليها وهاخدها تعيش معانا
حسن :- خلاص هعيش هنا لحد ما يلاقوها ونيجى احنا الاتنين مع بعض
عمر :- مش هينفع والله يا بابا اسيبك هنا لوحدك تعال معايه وقريب قوى نلاقى حبيبه وتيجى تعيش معانا
حسن :- مش هاين عليه يا ابنى ابعد عن المكان اللى فيه ذكرياتى مع اختك
عمر :- وانشالله هترجع حبيبه ونعيش مع بعض احلا مستقبل
حسن :- انشالله
……………………………………………………
«وراء كبرياءه عاشق»
الفصل الرابع عشر
اشرقت شمس صباح يوم جديد بنورها الساطع فى سماء الاسكندريه لتبدء ديمه بالاستيقاظ من نومها لتنظر حواليها
ديمه :- بتعب اممممم انا فين
الممرضه :- انتى فى المستشفى يا حبيبتى
ديمه :- تعبانه اوووى عندى مغص جامد فى بطنى من تحت
الممرضه :- معلش ياحبيبتى الاجهاض مش سهل بيتعب شويه
ديمه :- بحركه لا ارديه حطت أيديها على بطنها ودموعها نزلت وقالت هو البيبى نزل
الممرضه :- ربنا يعوض عليكى
ديمه :- بدموع اهو راح زى ابوه وبعدين سألت الممرضه هو محدش جه من أهلى
الممرضه :- واحد بس جه دخل قعد شويه وبعدين مشى
ديمه :- يبقى أكيد أدهم أخويه بس ليه ابيه سيف وبابا مجوش
الممرضه :- مش عارفه والله يا حبيبتى عن أذنك هبلغ الدكتور انك انتى فوقتى علشان يجى يكشف عليكى
وراحت الممرضه بلغت الدكتور وجه كشف عليها وأمر برجوعها تانى للقسم
……………………………………………………
عند سيف وأدهم فى المستشفى
جه الدكتور وكشف على عزالدين وخرج من الاوضه
سيف :- طمنا يا دكتور بابا عامل ايه
الدكتور :- الحمدالله الخطر راح بس هو لسه تعبان شويه
أدهم :- نقدر نخش ليه دلوقتى
الدكتور :- ماشى بس ياريت مطولوش علشان المريض يستريح
أدهم :- ماشى يا دكتور
ودخل سيف وأدهم فى اوضة عز
سيف :- حمدالله على سلامتك يابابا
عزالدين :- بتعب الله يسلمك يا ابنى
أدهم :- ايه بس يا ابو سيف انت بتشوف غلاوتك عندنا ولا ايه ده احنا كنا هنموت علشانك ومسك ايد ابوه وبسها
عزالدين :- بعد الشر عليكم من الموت ربنا يخليكم ويحرسكم لشبابكم
سيف :- يلا بقى يا بابا قوم علشان الشغل كله متعطل عليك
أدهم :- تصدق انك معندكش دم الراجل لسه تعبان وتقوله الشغل مايولع الشغل المهم صحة بابا
عزالدين :- هو ليه مفيش حد منكم مع اختكم
سيف :- بابا انا مش ساكت وهطلعها من الحجز فى اقرب وقت
عزالدين :- اوعى حد منكم يقسى عليها اختكم اضحك عليها هى لسه صغيره وطايشه ومكنش فى حد مننا فاضى ليها ومن الطبيعى يجى واحد ويستغل ده
أدهم :- لا يا بابا انا كنت تملى مصحبها وكنت علطول بقعد معاها وبسمعها ومتحولش تخلق ليها مبرر للحصل بنتك غلطت وغلطه كبيره انا عن نفسى مستحيل اسامحها
سيف :- وانا يا بابا بالنسبه ليا معنديش اخت انا اعتبرتها ماتت
عزالدين :- بص لادهم وقال المفروض انت اكتر واحد تحاوط على اختك علشان اللى اتعمل فى اختك ده بسببك وسبب مشيك الغلط وزى ما كنت بتعمل فى بنات الناس اتعمل فى اختك يبقى متحولش تحملها ذنب مش ذنبها وبص لسيف وقال وانت برضه كنت علطول بتظن فى اى واحده تقبلها ظن وحش وتاخدها بذنب اللى كنت بتحبها زمان وبسبب ظنك فى بنات الناس المحترمه ربنا ابتلاك فى اختك يعنى اختكم ضحيه بسببكم انتو الاتنين وكمان فوق كل ده عايزين تعقبوها طب عقبو نفسكم الاول قبل ما تعقبوها
……………………………………………………
عند حبيبه فى الشقه
استيقظت من نومها وقامت من على سريرها دخلت حمامها واتوضت وطلعت اداة فرضها ودخلت المطبخ حضرة ليها سندوتش وعملة قهوه وقعدة على الكنبه ومسكت تليفونها واتصلت على رشا
رشا :- صباح الخير يا جميل
حبيبه :- صباح النور يا قلبى
رشا :- انتى منزلتيش الشغل النهارده ولا ايه
حبيبه :- ولا النهارده ولا بكره قعد خالص من الشغل
رشا :- يا نهارك اسود هو انتى لحقتى تشتغلى
حبيبه :- سبته يغور من وش صحبه
رشا :- الواد المز اللى انتى حكتيلى عليه
حبيبه :- اللهى يعلقوه فى شجره كلها قرود البعيد
رشا :- ههههههه عملك ايه بس
حبيبه :- ابن اللذينه حطتني فى دماغه معرفش ليه تقوليش مرات ابوه
رشا :- يمكن انتى بتردى عليه ولا حاجه
حبيبه :- بلعكس ده انا على حاضر ونعم
رشا :- يا بت ده انا حفظاكى سعات العرق الصعيدى بيطلع وتقولى كلام زى الدبش
حبيبه :- بطريقه كوميديه وربنا ما انا دى اختى منى ههههههه😂😂
رشا :- ههههههههههههه 😂😂
……………………………………………………
عند عمر فى القسم دخل العسكرى واداه التحيه العسكريه وحط ظرف على المكتب وخرج
عمر :- فتح الظرف لاقه جواب نقله لسلوم قال ههههه السلوم حلوه مش بطاله ونده على العسكرى وامره يجيب ديمه
وجاب العسكرى ديمه ودخلها المكتب وخرج وقفل الباب وراه
عمر :- اتفضلى اقعدى
ديمه :- شكرآ وقعدة
عمر :- عامله ايه دلوقتى
ديمه :- الحمدالله بقيت كويسه
عمر :- انا كنت عايز اقولك انى طلع قرار بنقلى من هنا بس قبل ما امشى كنت عايز اعرف الحقيقه وايه اللى حصل بالظبط يوم الجريمه
ديمه :- بدموع هحكيلك وحكت ليه من اول يوم اتعرفت على عصام وازاى بقى يستغلها فى الفلوس وازاى كانت بتتعامل معاه على الفيديو وازاى ضحك عليها واغتصبها وايه حصل معاها يوم الجريمه
عمر :- بصى انا حاسس انك بجد مظلومه وان انتى ملكيش يد فى قتله وكان نفسى اساعدك بس اخوكى عمل بكل ما فى وسعه علشان يبعدنى عن القضيه وعرف يبعدنى وينقلنى من هنا وكتب ليها رقمه وقال ده رقمى لما ربنا يظهر الحقيقه وتطلعى من هنا لو احتاجتينى فى حاجه اتصلى بى علطول
ديمه :- اخدت منه الرقم وقالت بس اخويه هيعمل معاك كده ليه
عمر :- علشان مسمعتش كلامه وقفت قصاده
ديمه :- انا اسفه بجد اكيد كل اللى حصلك بسببى وهتبعد عن اهلك بسببى
عمر :- لا عادى شغلى معرض فى اى وقت اتنقل فى كل مكان شويه
ديمه :- وانا سعيده بجد انك مصدقنى وشكرآ ليك على وقفتك جمبى وانك طلبت من العسكرى ان ميخليش حد يجى جمبى
عمر :- انا عندى اخت وزى ما بطلب من ربنا يوقف ليها ولاد الحلال اعمل انا بيها واقف جمبك لو محتاجه مساعده
ديمه :- وقفت وقالت شكرآ ليك وربنا يخليكم لبعض ويبعد عنها ولاد الحرام
عمر :- اللهم امين هى وانتى وبنات امة محمد كلهم واشوف وشك بخير ومتنسيش رقمى معاكى لو احتاجتى حاجه اتصلى عليا علطول ونده على العسكرى اخدها نزلها الحجز تانى
وعمر حضر حاجته واخدها ومشى من المكتب وراح على البيت
……………………………………………………
عند سيف مشى من المستشفى وراح للشركه ودخل مكتب كريم
كريم :- عم عز عامل ايه دلوقتى
سيف :- الحمدالله بقى احسن وعدت مرحلة الخطر
كريم :- حمدالله على سلامته انا روحت المستشفى امبارح بس لاقتك انت وأدهم والانسه حبيبه وقفين مع بعض مرضتش ادخل فى الكلام
سيف :- عادى كنت جيت وادخلت وايه المشكله واحنا من امته بنخبى عنك حاجه
كريم :- لا يا سيف بقيت تخبى من يوم موضوع البنت اللى انت جبتها تشتغل معاك ايه حكيتها معاك يا سيف
سيف :- مفيش حكايه يا كريم عادى يعنى جبت واحده تساعدنى فى الشغل ايه المشكله فى كده
كريم :- المشكله ان احنا كلنا عارفين انك حرمت عليك صنف الحريم نهائى من يوم ما خانتك صفاء وجرحتك ومكنتش بتقبل تتعامل معهم ايه بقى الجديد اللى يخليك تروح تجيب واحده ولسه بتدرس وتشغلها معاك
سيف :- قعد على الكرسى وقال تصدق يا كريم انا نفسى معرفش ليه دى بالذات اللى جبتها وشغلتها معايه انت عارف دى مين دى اللى حكتلك عليها كانت هتتخطف وانا انقذتها من يومها جالى احساس غريب وقلت تعاطف او حاجه وقولت يعنى انا هشفها فين تانى
ورجعت وشفتها تانى ونفس الشعور ده جانى وبرضه معرفتش ايه هو وكل مره اشفها فيها بيجى ليا نفس الاحساس ده وبحاول اداريه واهنها واجرحها بالكلام علشان ميبنش الاحساس ده عليا
كريم :- انت بتحبها ياسيف وبتكابر
سيف :- احبها ده انت طيب اوى احب تانى احب واحده تضحك عليا وتستغلنى وتاخد الفلوس منى وتروح تصرفها على عشقها احب واحده تانى عايزه تكسرنى وتذلنى احب واحده تانى علشان اضعف وابقى مجرد عاشق واحده حطاه زى الخاتم فى صبعها
كريم :- بس كلهم مش زى بعض
سيف :- كلهم نوع واحد صنف نمرود مهمها تعمل ايه معاهم مش بيقدرو ولا بيحسو
كريم :- بس بجد باين على حبيبه انها محترمه ومش وحشه
سيف :- كريم قفل على الموضوع ده خلاص
كريم :- حاضر هقفل بس الاول هقولك كلمتين انت بتحب حبيبه وده باين عليك اوى بس انت خايف تخش فى علاقه من اول وجديد وده طبيعى بعد اللى شفته من صفاء بس بجد البنت دى هتغيرك للاحسن وهترجع لينا سيف ابو قلب ابيض اللى كان ضحكته مش بتفارق وشه وهترجعك تحب الحياه فكر فى كلامى ياسيف ومش هقول كلام تانى فى الموضوع ده
سيف :- بصله ومشى وراح على مكتبه
……………………………………………………
عند ديمه كانت قعده فى الحبس وعماله تعيط وكانت حزينه على عدم اهتمام حد من اهلها بيها وقالت
ديمه :- انا عارفه ان انا غلط بس انا فى الاخر ضحيه زى اى واحده بيضحك عليها بس عقاب اهلى صعب اوى ان الكل يتخلى عنى حتى بابا يارب انا مليش غيرك اقف جمبى وخرجنى من هنا انت اعلم باللى حصل فى شقة عصام وانت مطلع على كل شئ
……………………………………………………
فى شقة حبيبه
كانت قعده وزهقانه وقالت
حبيبه :- يووووووه بقى ايه الملل ده
ومسكت تليفونها واتصلت على أدهم
أدهم :- بيبه عامله ايه
حبيبه :- الحمدالله كويسه المهم استاذ عز عامل ايه دلوقتى
أدهم :- الحمدالله عده مرحلة الخطر وبقى كويس
حبيبه :- حمدالله على سلامته
أدهم :- الله يسلمك بتعملى ايه
حبيبه :- زهقانه وهطق من جنابى
أدهم :- ليه كده
حبيبه :- مفيش حاجه اعملها وقعده فاضيه والجو ممل جدآ
أدهم :- طب معندكيش اخوات يمشوكى شويه
حبيبه :- انا قعده لوحدى يا أدهم
أدهم :- وليه مش قعده مع اهلك فى الشقه
حبيبه :- لا ده موضوع كبيرررر اوى ابقى احكى ليك لما تكون فاضى
أدهم :- وانا برضه محتاجك فى موضوع وعايز اشوفك
حبيبه :- خلاص اوكيه شوف نتقابل فين واجيلك
أدهم :- فى كافيه (………)
حبيبه :- اه عارفه نص ساعه واكون فيه
وقفلت مع أدهم ودخلت تحضر نفسها
……………………………………………………
فى بيت حسن جادالله
وصل عمر ومعا حاجته ودخل الشقه وحط الحاجه على التربيزه وقعد على الكنبه
حسن :- كان قاعد وبيقراه فى المصحف اول ما شاف عمر صدق بالله العظيم وقفل المصحف وحطه جمبه وقال ايه الحاجه اللى معاك دى
عمر :- بحزن نقلونى السلوم
حسن :- معلش يا ابنى اصبر على ابتلاء الله
عمر :- ونعمه بالله يا بابا المهم دلوقتى هحضر الشنطه بتاعتك وانا هحضر شنطتى علشان ورايا كذا حاجه بكره هخلصها ونمشى علطول
حسن :- بحزن مش هاين عليه امشى انا وانت واسيب اختك هنا لوحدها
عمر :- غصب عنى والله يابابا من لله اللى كان السبب فى الشحطته دى
حسن :- معلش يا ابنى اناهخش انام شويه
عمر :- ماشى يابابا
……………………………………………………
عند حبيبه وصلت الكافيه اللى قال عليه أدهم ودخلت ومكنش لسه جه آدهم قعدة على الطربيزه تستنا لحد مايجى وشويه وجه أدهم
أدهم :- سورى يا بيبه اتأخرت عليكى غصب عنى والله
حبيبه :- لا ولا يهمك انا لسه جايه من شويه صغيرين
أدهم :- قعد وحط تليفونه ومفاتيح عربيته على الطربيزه وقال ها اخبار الجميل ايه
حبيبه :- زفت 😞😞
أدهم :- ها احكيلى بقا مش قعده مع أهلك ليه
حبيبه :- لا ده موضوع طويل مش هينفع دلوقتى
أدهم :- لا انا فاضيلك بابا واكل واخد العلاج ونام ومعاه الممرضه ها احكى بقى
حبيبه :- حكت ليه كل حاجه عن مصطفى وعن اشرف وعن عمها
أدهم :- بس انتى غلطانه كنتى حكيتى لاخوكى وكان هيقف جمبك احسن وهيقدر يحميكى
حبيبه :- لا يا ادهم عمى وابنه ناس شرانيه وانا اخاف على اخويه منهم
أدهم :- ومش خايفه على نفسك منهم ممكن يقتلوكى فى اى وقت
حبيبه :- انا مش بخاف لو مكتوب اموت على أيديهم هموت ولو مش مكتوب يبقى مهما يحصل محدش هيقدر يعملى حاجه كل شئ مكتوب عند ربنا
أدهم :- اهو شجعتك دى هى اللى هتخلينى افتحك فى الموضوع اللى جاى ليكى فيه
حبيبه :- موضوع ايه
أدهم :- من اللى عرفته منك انك مش مرتبطه بحد ولا بتحبى حد فى الفتره دى وانا الصراحه انبهرت بيكى لما قدرتى تقفى قصاد اخويه سيف وده فى حد ذاته انجاز محدش يقدر يعمله وانتى اول بنت تقف قصاده بالشكل ده فانا هطلب منك طلب كأخ وبتمنا منك تحققيه ليا
حبيبه :- ايه هو الطلب
آدهم :- قربى من اخويه سيف وغيريه للاحسن ورجعى تانى للحياه خليه يحبك ويرجع يثق فيكم تانى
حبيبه :- بصدمه انا اقرب من المغرور ده ده واحد متكبر ومعندهوش دم ولا ذوق
أدهم :- يا حبيبه اخويه سيف مكنش كده سيف كان بيحب الحياه وكان يحب الهزار والخروج لحد ماجت صفاء منها لله
حبيبه :- مين صفاء
أدهم :- صفاء دى اوسخ واحده بتمشى على الارض دى يا ستى طليقت سيف
حبيبه :- بصدمه هو سيف كان متجوز
أدهم :- كان كاتب كتابه عن حب سنتين
حبيبه :- لالالا احكيلى من اول الموضوع
أدهم :- حاضر يا ستى سيف فى الجامعه اتعرف عليها وكانت لابسه وش العفاف والاحترام وعرفت ترسم عليه الدور حلو اوى وكان كل ما يجى يكلمها تقوله لا انا مش بكلم رجاله انا من عيله محافظه طبعآ كل ما هى تمتنع عنه وتصده فى الكلام كل ما هو يتعلق بيها اكتر ومره مع مره بدءت تتكلم معاه وكده وفى يوم جه وكلم بابا وقله ان هو عايز يخطب واحده معا فى الجامعه
طبعآ وافق علطول وكان فرحان جدآ بالموضوع وراح بابا وخطبها ليه وكان كل ما يجى يديها فلوس ترفض وتقوله لا انا مش باخد فلوس من حد مش حقى وطبعآ كان بيتشد ليها اكتر سيف وفى يوم طلب من بابا يكتب الكتاب طبعآ بابا طلب منه يستنا شويه وميتسرعش علشان بابا مرتحش ليها ولاهلها طبعآ سيف قلب الدنيا وصمم ان هو يكتب الكتاب وبالفعل اتكتب الكتاب وبدءة تظهر على حقيقتها وكل شويه تطلب منه فلوس وتطلب منه هدايا وطبعآ هو الحب كان عاميه وكان بيديها من غير حتى يفكر يسألها ليه ولما حد فينا يكلمه يقول ده حقها مش هى مراتى ومسؤاله منى وكانت خروج وسهر لوش الصبح وفى يوم كريم سمعها بتتكلم مع واحد بيتفقو ان هما يتقابلو فى شقه واتصل بى كريم ورحنا وراها انا وكريم وسألنا البواب قلنا ده هما علطول بيجو مع بعض هنا
اتصدمنا انا وكريم ومبقاش عارفين نعمل ايه ونقول ازاى الموضوع ده لسيف واتفقنا انا كريم يتصنت عليها ويعرف امته هتروح معاه الشقه وناخد سيف ونروح ليها علشان طبعآ لو كنا قولنا ليه كان مستحيل يصدق وهى كانت هتقدر تخليه يصدقها ويكدبنا احنا وبالفعل عرفنا هى هتروح امته واتفقنا مع سيف على اساس ان احنا رايحين خطوبة واحد صاحبه واخدنا وطلعنا على الدور اللى فى الشقه وخبطنا على الباب فتح لينا شاب وطلع سيف كان يعرفه علشان هو ابن خالتها
واتصدم اول ما شاف سيف شدنا انا وكريم ودخلنا وكانت صفاء قعده بقميص نوم وكان المنظر بشع طبعآ اتجن سيف وكان هيقتل ابن خالتها بس المشكله من كتر ما هو كان بيحبها قعد يعيط فى الارض قدمها وهى ولا هممها منظره وكان كل اللى نازل عليه ليه عملتي فيه كده وهى ردت عليه بكل برود وقالت عملت فيك ايه وقعدة تضحك وبعدين قالت ليه واحد مغفل وعلى قلبه فلوس قد كده ابقى عبيطه لو مكنتش اتمتعت انا وحبيبى بيها وبعدين مش انت الراجل اللى بحلم بيه ده انت خيخه خالص معندكش شخصيه نهائى ده انا كل ما اقولك حاجه تقولى حاضر ونعم كأن انا اللى الراجل وانت الست طبعآ سيف مكنش بيرد وعمال يعيط وكنت انا ناوى اموتها بس كريم مسكنى ومنعنى عنها كنت ناوى اقطعها بسنانى ورفعنا سيف من على الارض بالعافيه وروحنا القصر وقعد حابس نفسه فى الاوضه بتاعته فتره طويله ومره شفنا خارج وبعد شويه رجع وقلنا ان هو طلق صفاء ومن يومها سيف وهو بالطريقه دى مش بيضحك ولا بيتكلم مع حد وعلطول بيشك فى اى واحده وبقه من البيت للشغل ومن الشغل للبيت وحتى فى الشغل رافض يشغل اى واحده معاه وانتى الوحيده اللى سيف جبها تشتغل معاه علشان كده كلنا استغربنا الموضوع ده وبرضه اللى اناشفته بعينه مايتصدقش ان سيف مردش عليكى فى المستشفى وسابك اتكلمتى براحتك ومقطعكيش وانا حاسس ان تغير اخويه سيف هيكون على ايديكى انتى
حبيبه :- 😢😢😢😢
أدهم :- انتى بتعيطى يا حبيبه
حبيبه :- هو فى كده فى الدنيا ازاى ترضها على نفسها تخون راجل حبها بالطريقه دى وازاى هان عليها تكسره وتجرحو بالطريقه دى دى مش بنأدمه معندهاش ريحة الدم وهو كتر خيره اللى شافه مش هين على اى حد صدمه كبيره ليه انا مكنتش اتوقع انا سيف عنده قلب ويعرف يحب بالطريقه دى انا تملى كنت اقول عليه متكبر ومغرور
أدهم :- يا حبيبه سيف اخويه ده وراء كبرياءه ده عاشق كبير بس مع اللى تقدر ترجعه الحياه تانى
حبيبه :- بس صعب يثق فيه بسهوله ده محتاج مجهود كبير وفى الاخر مضمنش هقدر اخرجه من اللى هو فيه ولا لا
آدهم :- احنا نعمل اللى علينا والباقى على ربنا
حبيبه :- طب سبنى افكر وارد عليك
أدهم :- بس ياريت متتأخريش عليه فى الرد
حبيبه :- انشالله وقامت وقفت ووصلها أدهم بعربيته وراح هو على المستشفى عند ابوه
……………………………………………………
فى بيت حسن جادالله
كان عمر قاعد فى اوضه وافتكر دموع ديمه وقال
عمر :- مش عارف ليه دموعها دى وجعانى اوى ومخليانى عايز اساعدها واخرجها من المكان اللى هى فيه
وبعدين افتكر حاجه قام لبس هدومه ونزل من البيت بسرعه وركب تاكسى وراح على مكان الحادث ودخل دور فى المكان على تليفونه وبالفعل لاقه وفتحه وجاب الارقام كلها وشاف أخر مكلمه وارده وصادره وشاف رقم من غير اسم اخد التليفون وراح على شركه اتصالات مشهورا ودخل لواحد صاحبه وادلو الرقم وعمل بحث عليه وطلعت ليه المعلومات على الشاشه وكان بأسم
ميريهان حسين بنت راجل الاعمال المشهور
عمر :- مش بيبقى المكلمه مسجله عندكم
صاحبه :- اه يا عمر بس ده لازم امر من المحكمه ما انت عارف
عمر :- معلش انا محتاج اسمعه ضرورى
صاحبه :- ماشى ثوانى وشغل المكلمه وكان مضمونها
ميريهان :- عصام انت بتلعب بالنار بلاش التهديد معايه علشان متعرفش ممكن اعمل ايه معاك
عصام :- ههههههههه ولا تقدرى تعملى حاجه طول ما الفيديوهات معايه يا جميل ده انتى مكسب كبير واعملى حسابك الفلوس تكون عندى بكره الصبح
ميريهان :- والله لادفعك تمن اللى انت بتعمله كتير اوى
عصام :- يا شيخه اتنيلى كنتى عرفتى تعملى حاجه لما مصطفى رماكى رامية الكلاب وفضل عليكى بنت جربوعه
ميريهان :- لا حبيبه دى لسه ليها دور معايه وهعرفها مقمها بس الاول لما اشوفك انت
عصام :- امممممم لو عايزانى اسكت ومنزلش الفيديوهات على النت الفلوس تكون عندى بكره الصبح
ميريهان :- ماشى يا عصام هكون عندك الصبح
وقفلت معاه الخط
عمر :- بس هى دى اللى قتلته علشان الفيديوهات كلها موجوده الا الفيديوهات بتعتها
صاحبه :- بس خلى بالك دى بنت رجل اعمال كبير يعنى لازم تكون متأكد من كلامك ميه فى الميه
عمر :- انا هطلع اذن ليك علشان تطلعلى التسجيل ده علشان نوجها بيه
صاحبه :- ماشى وانا جاهز فى اى وقت
ومشى عمر راح للقسم وطلب من اللى ماسك القضيه يطلع اذن بالقبض على ميريهان واذن بتسجيل المكالمات
وجابه ميريهان وبدء التحقيق معاها
وقعد عمر هو اللى يستجوبها
عمر :- اسمك وسنك ومحل أقامتك
ميريهان :- اسمى ميريهان حسين الدمنهورى
السن. 22
محل الاقامه الاسكندريه
عمر :- المهنه
ميريهان :- طالبه فى كلية الهندسه
عمر :- ايه علاقتك بالقتيل عصام عبدالفتاح
ميريهان :- انا معرفش حد بالاسم ده خالص
عمر :- لا بلاش اللف والدوران وتعالى معايه دغورى
ميريهان :- انت تتكلم معايه عدل انت مش عارف بتتكلم مع بنت مين
عمر :- لا انتى اللى تتكلمى عدل معايه بدل ما اخلى المخبرين يعملو عليكى حفله انطقى يابت ايه علاقتك بالقتيل
ميريهان :- انت ليه مصمم ان انا اعرفه
عمر :- ماشى هريحك وسمعها المكلمه
وقال ها لسه برضه مصممه انك متعرفهوش
ميريهان :- ا ا.انا معملتش حاجه
عمر :- اعترفى انتى قتلتيه لما حاول يهدديك بتنزيل الفيديوهات على النت
ميريهان :- لا مقتلتهوش
عمر :- لا قتلتيه الادله كلها بتقول انتى اللى ضربتيه بالسكينه
ميريهان :- اه قتلته ولو رجع بيا الوقت هقتله مره واتنين وتلاته علشان ده واحد ندل وجبان كان بستغل البنات وياخد منها فلوس وفى الاخر ياخد
شرفهم وبعدين يرميهم رميت الكلاب ويبدء يهددهم بالفيديوهات اللى بيبقى مصورها ليهم وهو نايم معاهم
عمر :- طب اقعدى واحكيلى اقتلتيه ازاى
ميريهان :- لما طلب منى فلوس اودهالو رحت ليه بالنهار ولسه هخبط سمعت صوت شجار مع واحده تانيه واتفاجئة بيه بيفتح الباب طلعت بسرعه استخبيت على السلم فوق وببص لاقته ماسك واحده ورمها قدام الباب وقفل الباب وهى نزلت تجرى رحت ليه وخبط الباب فتح ليا الباب ودخلت وقعد على الكنبه وهو سألنى على الفلوس ادته الفلوس طلبت منه كاسين بيره وهو راح يجبهم وجبهم طلبت من يجيب شوية فاكهه وراح يجيب هو الفاكهه وانا كان معايه منوم فى الشنطه حطيت ليه المنوم فى الكاس بتاعه وهو جه وشربه واول ما المنوم عمل مفعول مسكت السكينه اللى كانت وقعه على الارض بمنديل وقعد اضرب فيه بالسكينه ودخلت دورت على الفيديوهات بتاعتى واخدها ومسحت بصماتى اللى فى المكان ونزلت روحت على القصر بتعنا وكانت منهاره وهى بتحكى
عمر :- طب خدى امضى هنا ومضت ميريهان على اقولها ودخلت السجن وطلع اذن بخروج ديمه من السجن وتم برأة ديمه من التهمه المنسوبه ليها
تابعووووني للروايات الكامله والحصريه
تعليقات
إرسال تعليق