روايه اسير قلبها البارت الثامن والتاسع بقلم ايه هاني حصريه علي مدونه النجم المتوهج للرويات والمعلومات
_ ممكن نتكلم شويه يا ملك..
ملك بإبتسامة "اكيد اتفضل"..
قعد مالك ع الكرسي قصاد ملك ف البلكونه..
_ انتي ف سنه كام..
= تالته ثانوي.. وانت
_ ربنا يوفقك يارب انا يا ستي ف أولي كلية يعني أكبر منك ب سنه..
= كلية اي..
_ هندسة..
= ما شاء الله ربناا معاك يارب..
_ يارب + فيه حاجه صعبه عليكي ف المواد..
= لا الحمد لله كله تمام..
_ يعني ولا فيزيا ولا كيميا ولا أحياء.
ملك ضحكت" لا يسيدي ولا فيزيا ولا كيميا "..فارس سمع صوتها من برا بقاا هيتجنن يا تراا بتضحك ليه ومين ضحكهاا..خرج براا الصالون..وبيبص لقاها قاعدة ف البلكونه هي ومالك وقاعدين بيضحكواا..راح لهم بس هما مكنوش واخدين بالهم وواقف يسمعهم بيقولوا اي..
= علي فكره ضحكتك حلوة يا ملك..
ملك اتكسفت" شكرا يا مالك "..
فارس بعصبيه شديدة" اجبلكوا اتنين لمون انت وهي "..
ملك بخوف وقامت وقفت "فارس!!"..
_ اتفضلي انزلي اسبقيني ع العربية تحت..
مالك وقف قدام ملك" فيه اي يا فارس قاعدين بنتكلم سوا شوية "..
= بصفتك اي إن شاء الله من النهارده ملكش كلام معاهاا ولا كإنك تعرفها ساامع..
_ مش فاهم انت اي مشكلتك وبخصوص بصفتي اي ف قريب هيبقاا لياا كلام معاها وبصفتي خطيبها إن شاء الله..
عند السيرة دي راح ضاربه والليلة اتقلبت خناقة وصفيت علي كل واحد روح بيته و ملك طول الطريق بتعيط..
.
.
.
_ اطلعي يا أبله قدامييي..
= براحه يا فارس عليهاا..
_ محدش له دعوووه كل واحد ف حاله..
مراد بعصبية" فارس انت عارف انت بتقول اي "..
= اه يا بابا بعد اذنكم هصفي حسابها معاهاا..
ملك طلعت اوضتها بسرعه وقفلت الباب بالمفتاح وفضلت تعيط..
فارس طلع وراها وفضل يخبط ع الباب..
_ افتحي يا ملك الباب..
ملك بصوت باكي" لا مش فاتحه "..
فارس بصوت جهوري أفزع جميع من ف البيت..
= بقولك افتحييي الباااب يا ملللك..
ملك خافت اوي من نبرة صوته وراحت فتحت الباب بسرعه وجريت ناحيه البلكونه..
فارس دخل وقفل الباب بالمفتاح" تعالي هنااا"..
ملك بخوف وبتلعثم "لاااا.. مش هااجي و.. لو قربت مني ه.. هنط م البلكونه"..
_ هتيجي ولا اجيلك اناا..
ملك فضلت ترجع ورا وبقت قريبة من سور البلكونه..
فارس خاف عليها وحاول يهدي نفسه لحد ما تبعد من ع السور.." تعالي يا ملك متخافيش "..
ملك اتطمنت من نبرة صوته" مش هتعمل ليا حاجه "..
_ لا تعالي قدامي يلا..
= حاضر وقربت له و ف لمح البصر اتمحاا كل الهدوء اللي كان فيه ورجع لعصبيته..
_ قاعده بقا انتي وهو وبتهزروا وتضحكواا صح..
ملك" هو.. هو كان بيتكلم معاايا شوية عادي يا فارس "..
= لا مش عادي يا ملك.. مش عاااادي لما تقعدوا تضحكواا وتتكلمواا...ودلوقتي هعاقبك علي اللي عملتيه انا سكتت المرة الأولي إنما التانية مش هسكت يا ملك علشان متكرريهاش تاني..
_ فارس والله مش هتكرر تاني وبعدين انا معملتش حاجه غلط علي فكره..
= لما اقول غلط يبقاا غلط سااامعه..
_ سامعه سامعه..وغمضت عيونها وفضلت تعيط..
فارس بصلها بحب وهدي تماماً وراح حاضنهاا" بس يا حبيبتي كفاية عياط "..
ملك بدون وعي حضنته اوي وفضلت تعيط بصوت عالي..
_ لو مبطلتيش عياط مش هجبلك حاجه حلوة..
=...
_ حقك عليا والله بس لما بشوفك مع حد تاني بتعصب متعرفيش غيرتي عليكي اد اي يا ملك والله..
ملك خرجت من حضنه" انت بتغير عليا "..
= جدا..
_ طب ليه انت بتحبني يا فارس..
= اكيد يا حبيبتي انتي زي اختي رغد بالظبط ولازم اغير عليكي صح ولا لا..(مش هقول ليكوا علي شعور ملك وقتها بس اكيد عارفين شعورها اي دلوقتي)..
ملك بجمود عكس اللي جواها" اه صح طبعاً "..
_ طيب يبقا دلوقتي تمسحي دموعك دي ويلاا ننزل تحت شوية..
= لا انا هنام علشان اصحاا الفجر اذاكر..
_ ربنا معاكي يا ملوكتي لو صحيت الفجر هبقاا اجي اخبط عليكي الباب لحد ما تصحي..
= ماشي..
خرج فارس وهي غسلت وشهاا ونامت (طبعآ مستغربين ملك دلوقتي)..
...
.
.
_ سامر..
= ايوا يا بابا..
_ انت بتتاجر ف المخدرات يا سامر..
= ااه يا بابا بتاجر ف المخدرات فيه عندك مانع.
أبوه سكت شوية وقرر يهدي ويشوف هيعمل اي" لا معنديش مانع طبعاً "..
_ كويس..وخرج وسابه..
= هتعمل معاه اي يا عبدالرحمن..
_ مش عارف يا نعمه مش عارف بس إن شاء الله هلاقي حل...
بعد تلات اسابيع جه يوم الشبكة بتاعت فارس وشاهيناز..
_ ملك.
= ايوا يا فارس..
_ اجهزي يلا علشان هنروح نجيب شاهيناز م الكوافير..وحابب انبهك علي حاجه لو شوفتك واقفة مع مالك دا تاني اوعدك هتشوفي مني اللي عمرك ما شوفتيه ولا تحبي تشوفيه يا ملك والبسي فستان واسع والخمار تظبطيه كدا..
"فارس دا غريب اوي 🙂"..
_ طيب يا فارس.. بعد شوية جهزت وخرجت معاه..
ف الكوافير..
_ يلا يا شاهيناز..
= يلا يا حبيبي..
ملك قلبها بيتقطع كانت تتمنا انها تكون مكان شاهيناز..
مالك جه وقف جمب ملك" حاولي تحبي يا ملك وتنسي فارس"..
فارس عيونه بتراقب ملك و أول ما مالك وقف جمبها بصلها بنظرة لا توحي بالخير 🙂😂😂..
_ هحاول يا مالك عن اذنك انا بقاا وراحت ركبت العربية مستنيه فارس وشاهيناز يركبوا..
وركبوا العربية ووصلوا القاعه..ونزلت ملك م العربية وهي داخله القاعه خبطت ف حد واتصدمت م اللي شافته..
نزلت ملك م العربية وهي داخله القاعه خبطت ف حد..
_ آسفه جداا..
عبدالرحمن بإبتسامة " ولا يهمك يا قمر"..
ملك وطت تجيب المحفظة اللي وقعت منه وشافت صورة لها وهي صغيرة..
_ انت تعرف البنت دي..
عبدالرحمن بحزن واضح عليه " دي ملك بنت اخويا من يوم وفاة جدتها واللي هي تبقا أمي واحنا مش لاقينها ملك واقفة بتسمع الكلام وبتعيط وأخيراً لقت عمهاا...
= انتي بتعيطي ليه..
ملك حضنته "انا ملك يا عمي"..
عبدالرحمن مبقاش مصدق" ملك بنت أخويا!!"..
_ ايوا يا عمي..
عبدالرحمن ضمها له اكتر وفضل يعيط "يا حبيبتي يا بنتي وحشتيني يا ملك والله وحشتيني يا بنت أخويا والله"..
= وانت كمان يا عمي والله..جه من وراهم هند مامت شاهيناز..
_ اي دا ملك!؟ انتي تعرفي عبدالرحمن منين...وحاضنين بعض كدا ليه..
عبدالرحمن خرج ملك من حضنه " دي ملك يا هند بنت اخوكي "..
= اي!! انت بتقول اي!!؟..
_ دي ملك يا هند بنت اخوكي..
هند عيطت وحضنتها وملك اتصدمت أكتر يعني شاهيناز تبقا بنت عمتهاا..( جماعه انتوا اتصدمتوا صح 🙂😂 تعيشوا وتاخدوا غيرهااا)..
طبعا شاهيناز وفارس باصين للي بيحصل وعلامات الإستغراب علي وشوشهم..
_ عايز افهم اللي بيحصل..
عبدالرحمن بإبتسامة فرحه" اكيد مستغربين دلوقتي م اللي شوفتوه "..
= جدا ..فيه اي يا ملك..
_ أخيراً يا فارس لقيت عيلتي..
فارس اتصدم معقولة عبدالرحمن يبقا عمهاا وفكر شوية..
_ يعني عمي عبدالرحمن اصلا اخو طنط هند يعني طنط هند تبقاا عمة ملك وشاهيناز ومالك يقربوا ل ملك..
= بالظبط كداا..
_ اي داا انا اتصدمت بجد ...وبعد شوية لقاا سامر جاي ودا جاي يكمل صدمتهم..
أول ما ملك شافته"فارس خد بالك من سامر انا خايفة يأذيك"..
عبدالرحمن واقف مستغرب هما يعرفوه منين" انتوا عارفين سامر منين "..
ملك بإندفاع" دا انسان وقح جدا يا عمي تخيل خطفني علشان يهدد فارس بياا علشان يخلي فارس يوافق ان يهرب مخدرات"..
عبدالرحمن واقف ونفسه الأرض تنشق وتبلعه مكسوف م اللي ابنه عمله"سامر يبقا ابني يا ملك يعني يبقا ابن عمك"..
ملك وفارس هيتجننوا "اي"..
_ ازيكوا يا جماعه..اي داا ابو الفوارس هنا اه صح انت العريس انا نسيت"..
_سلم علي بنت عمك يا سامر..
سامر بإستغراب وبيتلفت حواليه"هي فين يا بابا".
_ قداامك اهي ملك بنت عمك يا سامر..
سامر اتصدم..
_ انا عارف إنك مصدوم اصلا النهارده يبقا يوم الصدمه..
سامر بعد عنهم مصدوم اكتر انه خطف بنت عمه وعمل فيها كداا..
عدا الفرح بسلام بس ملك الفرح مكنش بيعدي عليها بسلام نهائي..
....
.
.
_ يلا يا ملك اركبي..
عبدالرحمن بفرحه" تركب فين يا جدع انت عايز تاخدها مني..
فارس اتضايق "مين اللي بياخدها م التاني حضرتك عايز تاخدها وهي مفروض انها عايشة معايا اصلا..
_ هي كانت عايشة معاك علشان مكنتش تعرف فين اهلها انما دلوقتي بقا ليها أهل..
فارس"بس انا اتعودت علي وجودها معايا ف البيت يا عمي"..
= هتعيش معايا بعد كدا..
_ لاا هتعيش معايا انا..
= هسيبهاا ليك النهارده تحضر هدومها وكل حاجه ليهاا وهااجي اخدها بكراا..
فارس مستحيل يخلي ملك تبعد عنه بس هز راسه بالموافقة علشان يفضي الموضوع..
.
.
.
_ ملك..
= نعم يا فارس..
_ اي دا انتي بتعيطي يا ملك..
=....
_ طيب فيه اي..
= مفيش يا فارس اناا بس فرحانه إني لقيت أهلي..
_ اه بمناسبة الموضوع داا هتقعدي معايا يا ملك ولا هتعيشي عند عمك..
ملك بصتله وخلص البارت و ياتري ملك هتعيش معاه ولا مع عمهاا (القرار صعب عليها الصراحه من رأيكوا هتعيش مع مين)...
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
جميع الروايات الكامله من هنا
