expr:class='data:blog.languageDirection' expr:data-id='data:blog.blogId'>

رواية أحببتها بعد عذابها البارت الثالث عشر والرابع عشر بقلم منار رمضان حصريه وجديده علي مدونة النجم المتوهج للروايات والمعلومات

رواية أحببتها بعد عذابها البارت الثالث عشر والرابع عشر بقلم منار رمضان حصريه وجديده علي مدونة النجم المتوهج للروايات والمعلومات 


 💔 البارت_الثالث_عشر 💔

….. مبروك يا صقر 

صقر بصدمة وتوتر: ااااا انتى 

…. اه انا 

صقر مسك دماغه : لا لا لا دمااااااااغى 

وقع اغمى عليه 

حور قامت اتنفضت : صقررررر مراااد الحقنى 

مراد والكل مصدوم من اللى بيحصل والست اللى ظهرت فى يوم ووقت محدش متوقعه ابدا المعازيم بدأت تنسحب ومراد والحراس شالوا صقر ونقله للمستشفى 

رحمة بخضة : صقر ابنى مالك 

احلام : ابنك من امتى صقر ولينا ولادى انا مش ولادك انتى  وبعدين انتى ايه اللى جابك بعد كل السنين دى جيتى بوظتى فرحتنا حرام عليكي

رحمة : انا جيت فرح ابنى جيت عشان اكون معاه فى يوم زى ده اكيد محتاجنى 


احلام : محتاجك بإمارة ايه محتاجك إذا كان فى وقت ما هو فعلا كان محتاجلك مكنش بيلاقيكى وطول الوقت انا اللى جانبه واحسنلك تمشى من هنا قبل صقر ما يفوق وأقسم بالله صقر ابنى لو حصلها حاجه لقتلك بايدى وانسى انك اختى فعلا انا لحد دلوقتي عاملة احترام لبابا وماما الله يرحمهم غير كده مش عايزة اشوف وشك هنا 

رحمة بعياط : وانا مش همشى غير لما اطمن على صقر 

احلام : وانا قولتلك 

الدكتور طلع من عند صقر من العناية المركزة

حور بدموع : يا دكتور صقر كويس 

الدكتور بزعل : للاسف صقر بيه دخل فى غيبوبة اثر صدمة أتعرض ليها ودى مش زى كل مرة بيجى هنا الغيبوبة بتفضل ساعتين تلاتة يوم بالكتير لكن المرة دى شديدة عليه ياريت تدعوله 

حور وقعت على الأرض من كتر العياط وأمها وسارة وام سارة بيهدوها ولينا قاعدة بتعيط وجسمها بيترعش بسكوت وأحلام اللى الكلام نزل عليها زى الصاعقه حست بخنقة ومراد اللى زعل جامد على صاحبه وابوه وأخوه صقر كل حاجه بالنسبة لمراد الاب والاخ والصديق 

رحمة راحت للينا : لينا حبيبتي أهدى 

لينا باندفاع وعصبية : اوعى تنطقى أسمى على لسانك انتى فاهمة انا مش حبيبتك ولا انا ولا اخويا فى يوم كنا حبايبك ايه اللى رجعك رجعتى عشان توجعينا تانى زى زمان بس انتى زمان اخدتى مننا بابا لكن دلوقتي لو صقر مافقش من الغيبوبة دى انا بجد هرتكب جناية فيكى 

رحمة بدموع تماسيح : انتوا ليه ظالمنى ليه 

لينا : ظالمينك يا شيخة قولى كلام غير كده اطلعى بررررة اطلعى من حياتنا بقا احنا مرتاحين من غيرك احنا احسن من غيرك راجعة تدمرينا تانى ليييييييه انتى شيطانة 

احلام حضنت لينا : أهدى يا لينا أهدى يا حبيبتي 

لينا بعياط : خليها تغووور من هنا انا بكرها بكرها اوى يا خالتو 

احلام بصت لرحمة بغضب وقرف منها : امشى بقا غورى

رحمة سابتهم وطلعت من المستشفى

طبعا سارة وحور ومحمد وام حور وام سارة مش فاهمين حاجه خالص كل اللى فهموه أن دى امهم بس ايه اللى حصل محدش عارف حاجه 

حور بعياط : مراد 

مراد بزعل : نعم يا حور 

حور : عايزة اشوف صقر 

مراد : مش هينفع يا حور 

حور برجاء : مراد علشان خاطر صقر عندك تدخلنى ليه دقيقه واحدة وهطلع على طول

مراد : يا حور صدقينى مش هينفع 

حور قامت وقفت : لو انت مش عايز تدخلنى وخائف من حد هنا انا هدخل لوحدى 

مراد : أهدى يا حور اخاف من مين هنا المستشفى دى بتاعتى انا وصقر طيب استنى هسال الدكتور

مراد ناده الدكتور 

الدكتور : هى دقيقة بس يا مدام حور 

حاضر : حاضر والله بس اشوفه 

حور دخلت عند صقر لقته نايم على السرير والأجهزة متواصلة فى جسمه مش سامعة اى صوت غير صوت الأجهزة 

حور بدموع مسكت أيده وقعدت على الكرسى جابنه 

حور : صقر حبيبي قوم عشان خاطري انا قوم صقر انا مش متعودة عليك كده انا متعودة عليك وانت عصبى وبتزعق وزعلان وكمان وانت بتضحك وبتفرح صقر قوم مش صقر الشناوى الضخم الكبير صاحب العضلات القوية نايم كده من غير حركة عايزة اسمع صوتك يا حبيبي صوتك واحشنى مش كنت عايزنى اقولك حبيبي تانى قوم يا حبيبي واوعدك انى هفضل طول عمرى هقولهالك عايزة اسمع صوتك انت ياصقر مش صوت الأجهزة دى وباست أيده ورأسه وطلعت بعد ما الدكتور أمرها بكده 

الدكتور : مدام حور بعد اذنك صقر بيه لازم يستريح وانتى لازم تخرجى برة دلوقتي 

حور : برجاء للدكتور هيبقى كويس 

الدكتور : أن شاء الله هيبقى كويس بس حضرتك تدعيله يقوم بالسلامه

حور بصت على صقر : أن شاء الله ربنا هيرجعك ليا بالسلامه يا حبيبي


 

حور طلعت برة ولينا بصتلها وحضنتها وعيطوا فى حضن بعض 

مراد : يلا يا جماعه لازم تروحوا 

حور : لا انا مش هروح واسيب صقر 

احلام : وانا كمان مش هروح واسيب ابنى مرمى هنا لوحده 

الدكتور : يا جماعه استاذ مراد بيتكلم صح وجودكم هنا مش هيفيد بحاجة روحوا وتعالوا بكرة أن شاء الله وكمان متنسوش أنه محتاج دعواتكم

مراد : حور انتى اكتر واحدة فينا محتاجه صقر محتاجه لحبيبك يرجع روحى اتوضى وصلى وادعى ربنا أنه يشفيه ويرجعه لينا بالسلامه ومتخافيش انا هبات معاه 

احلام : مراد عنده حق وكمان انت امشى انت عريس يا بنى 

مراد : انا مش راجع البيت غير وصقر فى ايدى باذن الله يلا عشان اوصلكوا وارجع لصقر 

كلهم مشيوا مع مراد ومراد خلى الحراس واقفة على باب اوضة صقر

مراد فى قصره بعد ما وصل أهل صقر 

مراد :. سارة 

سارة بدموع : نعم 

مراد حضنها : حبيبتي انا اسف انا مش هينفع اكون هنا 

سارة : حبيبي انا فاهماك وعارفة صقر ايه بالنسبالك ومتقلقش انا مش زعلانة

مراد : حبيبتي اومال ليه الدموع دى 

سارة : زعلانه على حور حور منهارة يا مراد وخايفة يحصلها حاجه

مراد : متخافيش أن شاء الله مش هيحصل حاجه وانتى اول ما تقومى من النوم كلمينى هخلى السواق والحرس يوصلوكى عند حور.  تمام 

سارة : ربنا يديمك فى حياتى يا حبيبي

مراد : ويديمك ليا يا عمرى يلا تانى انتى وانا هروح لصقر عايزة حاجة

سارة : سلامتك خلى بالك من نفسك

مراد بابتسامة: وانتى كمان 

فى قصر صقر

احلام ولينا وحور وامها دخلوا القصر 

احلام : انتى ايه اللى جابك هنا

رحمة : اومال هروح فين مش ده بيت ابنى 

احلام : هو انتى مش بتفهمى انتى ملكيش ولاد دول ولادى اطلعى برررة

رحمة : انا هفضل هنا ومحدش هيقدر يخرجنى انا عايزة اشوف صقر 


 

حور : صقر فى غيبوبة بسببك روحى شوفيه وهو متوصله الأجهزة  


 

رحمة بقرف : بس يا بتاعة انتى انا مش عارفه انتى عملتى ايه لصقر عشان يتجوزك بقا صقر الشناوى يتجوز حتة الشحاتة دى 

لينا : انتى تخرصى خالص الشحاتة اللى انتى بتقولى عليها دى اشرف منك ومن مليون واحدة زيك مش 

احلام : خلاص يا لينا أهدى وانتى اتفضلى غورى من هنا غورى من حياتنا بقا كفاية 

رحمة : وانا قولت مش هخرج 

احلام يبقى جبتيه بنفسك 

احلام ندت عادل رئيس الحرس بتاع صقر وامراه أنه يطلع رحمة برة القصر ومتدخلش جوة تانى 

رحمة : انتى بتجبيلى شوية الزبالة دول عشان يطلعونى من بيتى 

عادل : اتفضلى من غير صوت حضرتك 

وشالوها الحرس وطلعوها برة القصر وقفلوا البوابة فى وشها

رحمة بغل : بقا كده يا احلام ماشى والله لاوريكم كلكم وبالذات انتى يا مصيبة راسى حور 

حور طلعت اوضتها اتوضت وصلت كان الفجر إذن وفضلت تدعى ربنا أنه يقوملها حبيبها بالسلامه ويرجع تانى ليها وفضلت تدعى وتعيط كتير لحد ما قامت فى غرفة الملابس الداخليه جابت تيشيرت من بتوع صقر ورشت عليه برفان صقر المميز ولبسته وحاولت انها تنام بس بعد تعب كتير قدرت أنها تنام 

فى المستشفى 

مراد بعد ما رجع من القصر بتاعه بليل 

مراد لنفسه : والله يا صقر انا مش عارف انت هتواجه المصيبة دى ازاى وخايف من اللى جاى وخايف عليك يا صاحبي من شرها ومش عارف اصلا انت لما تفوق هتبقى عامل ازاى بعد الغيبوبة دى المهم ربنا يرجعك لنا بالسلامة يا صاحبي وتعدى المصيبة دى على خير 


&&&&&&&&&&&&&&&&&&



💔 #البارت_الرابع_عشر 💔

البوست ده هيحدد اذا كنت هكمل نشر ولا لا لكل الاعضاء قسما بالله التفاعل لو ماوصل الف سوف اتوقف عن النشر وسبب تاخري في نزول الاجزاء هو عدم تفاعلكم وتقدير مجهودي والبارت ده لو التفاعل مش وصل فيه الف مش هكمل نشر وشكرا لكل حد بيتفاعل وسامحوني لو توقفت عن النشر 

تانى يوم حور قامت بدرى وجهزت نفسها ونزلت تحت

احلام : حور انتى رايحة فين دلوقتي لسة بدرى اوى 

حور : رايحة لصقر مش هقدر استنى اكتر من كده 

احلام : طيب افطرى بعد كده اطلعى 

حور : لا يا خالتوا مليش نفس اكل اى حاجه انا ماشية

احلام طيب هدى معاكى السواق والحرس

حور : حاضر 

حور ادام البوابه لقت عربية بتدخل القصر وكانت سارة 

سارة : هتروح دلوقتي

حور : مش قادرة استنى يا سارة اكتر من كده حاسة انى هموت 

سارة : بعد الشر عليكي يا حبيبتي يلا بينا 

حور : يلا 

فى المستشفى 

مراد : ها يا طارق صقر عامل ايه

دكتور طارق : والله يا مراد لسه زى ما هو ايه اللى رجعها تانى يا مراد 

مراد : مش عارف يا طارق احنا ما صدقنا أن صقر يعدى المحنة اللى كان فيها من وهو صغير وبدأ يفتح قلبه ويحب ويوم ما يتجوز ترجع تهد كل حاجه من اول وجديد 


 

طارق : انا خايف على صقر صقر لو فاق وعدى المحنة دى هيدوس على اى حد وهينتقم منها بجد فعلا مش زى ما كان بيقول زمان ويطنش المرة دى بجد 


 

مراد : انا كمان حاسس بكده بالذات أن تقريبا كده رحمة مش مرتاحة لحور مرآة صقر 

طارق : ده اكيد دى رحمة هانم ازاى هترضى أن حور تبقى مرآة صقر لازم واحدة من نفس الطبقة والمستوى الاجتماعي والكلام الفارغ ده

مراد : رحمة لو فكرت أنها تاذى حور صقر هينسى خالص فعلا وهيقنلها كله الا حور 

طارق : ربنا يستر يا مراد 

مراد : سارة حور انت ا جيتوا ليه دلوقتي

سارة : حور قلقانة ولازم تيجى 

حور : ايه اللى حصل

طارق: أهدى حضرتك صقر حالته زى ما هى مفيش جديد بس ربنا موجود و

قع كلامها صوت الأجهزة المتوصلة بجسم صقر لتعلن أن فى خطر 

طارق جرى على صقر وحور عيطت وخافت وحاولت تدخل منعوها مراد قلبه وجع من الرعب سارة كانت زعلانة على صقر عشان جوزها وصاحبتها اللى هتموت نفسها 

طارق جوة مع صقر صقر جسمه كله بيتنفض جامد وجسمه بيترعش وفى علامات ضيق على وشه ظاهرة جامد طارق فهم أنه بيشوف كابوس مزعج ومش حابه خالص ضربات قلبه بدأت تضعف وانتفاض جسمه بيزيد ضربات القلب وقفت تماما ارق قدر أنه يسعفها ويرجعها تانى وصقر رجع جسمه يترعش ويتنفض 

صقر بيشوف نار ادامه عالية جدا وصوت ضحك امه بيعلى وصوتها وهى بتقول خلاص كده انا عملت اللى انا عايزاه وبتضحك بصوت عالي والنار بتزيد وصقر فى حلمه بيصرخ بعلو صوته وحاسس أن صوته حتى مش طالع

صقر هدى لما سمع : صقر حبيبي أهدى انا جانبك 

صقر بدأ يستوعب أنه حلم وبدأ جسمه يهدى ويرتاح 

حور دخلت لما طارق قالها 

Flash back

طارق بخوف: حور تعالى معايا 

حور بخضة وخوف : صقر ماله 

طارق : تعالى دلوقتى بس حاولى انك تحسسيه بالامان وانك معاه وجانبه هو محتاج ده دلوقتي 

حور بعياط : حاضر حاضر بس ايه اللى حصل

طارق وهو بيدخلها : صقر بيشوف كابوس مزعج وخائف من الكابوس ده انتى طمنيه 

Back

صقر ارتاح اكتر لما حس بمسكة ايديها 

حور بدموع بتحاول تخفيها : حبيبي قوم يلا عشانى انا بحبك يا صقر حبيبي متخافش انا جانبك ومعاك اوعى تخاف من اى حاجه طول ما انا جانبك  وفضلت تدعى ربنا بدموع

وصقر فعلا خس براحة وامان لما عرف أنه كابوس وان حبيبته معاه مش سيباه وحاسس بمسكة ايديها ونفسه لو يفتح عيونه بس هو فى عالم تانى  حور فضلت مع صقر اكتر من ساعة لحد ما طارق شاف أن حالة صقر استقرت كتير عن الاول 

طارق : حور ممكن نخرج برة عشان صقر يرتاح اكتر 

حور : لا خلينى معاه 

طارق : مش هينفع اوعدك أن كل يوم هخليكى تدخلى شوية لأن حالة صقر واضح كده أن ملهاش علاج غيرك وأنه هيتحسن معاكى 

حور : حاضر بس هدخل كل يوم 

طارق : اكيد طبعا

حور قامت باست راس صقر

حور : حبيبي انا هطلع بره دلوقتي عشان ترتاح اكتر بس متقلقش انا هفضل هنا جانبك واوعدك انى اجيلك تانى يا عمرى وباست أيده وخرجت 

صقر زعل أن حور هتمشى هو محتاجها بس حس براحة لما عرف انها هتفضل جانبه وواقفة برة وقريبة منه 

رحمة : يعنى ايه مش هدخل انت مجنون 

الحارس : والله يا مدام احنا عندنا اوامر بكده ومستحيل انك تدخلى المستشفى طول ما صقر بيه موجود هنا 

رحمة : أوامر ايه وزفت ايه ومين اللى اداك الأوامر دى 

مراد : انا 

رحمة : مراد انت ازاى تعمل كده 

مراد : بعمل ايه انا بحمى صاحبى 

رحمة : بتخمى صاحبك من أمه 

مراد مسكها من دراعها وبعد عن الحراس 

مراد : مين امه دى هااا من امتى وانتى امه وبتخافى عليه 

رحمة : وانت بقى اللى هتعرفنى امتى اخاف على ابنى وامتى لا 


 

مراد بعصبية : انتى لسه بتقولى ابنك انتى ايه شيطانة انتى تعرفى ايه عن الأمومة هااا عمرك ما كنتى ام ليهم حتى وانتى عايشة معاهم واذتيهم وبعدتى ودمرتى حياتهم ودلوقتي بعد 20 سنة جاية وتقولى ابنى ابنك اللى كل ما بيفتكرك بيدها فى غيبوبة ابنك اللى اتعالج عند دكتور نفسي عشر سنين بسببك ومن اللى حصل فى اليوم إياه بسببك وانتى 

رحمة : وانا ايه يا استاذ مراد 

مراد بعصبية وقرف منها : اقسم بالله لولا انك تبقى امه وانا مينفعش اعمل حاجه من ورا صقر لكنت زمانى قاتلك ودافنك من زمان عشان متاذيش صقر ولينا تانى اوعى تفكرى أن لينا كمان متاثرتش لا لينا كمان اتعالجت خمس سنين كفاية وامشى من هنا 

رحمة : مش انت اللى هتقولى اعمل ايه ومعملش ايه

مراد : ماشى براحتك بس متزعليش من اللى هيحصل بعد كده 

رحمة : انت بتهددنى 

مراد : انا بحذرك بس عشان تبقى واخدة بالك

وسابها ومشى راح عند الحراس

مراد للحارس : زى ما انتم مش عايز دبانة تدخل وفتحوا عينيكم كويس مش عايز أشوفها جوة خالص

الحراس : تحت امرك يا مراد بيه 

سارة : مراد كنت فين 

مراد : ابدا يا سارة كنت بعمل حاجه

سارة : طيب هو صقر بردوا محدش عارف هيفوق امتى 

مراد بص لحور اللى سرحانة وباصة من الباب الزجاجي على صقر اللى نايم ومش حاسس بحاجة

مراد بزعل على حالهم : قولى يا رب هو بس اللى عالم صقر هيفوق امتى 

لينا : يلا يا خالتو انا جاهزة 

احلام : يلا 

ام حور : ممكن اجى معاكم 

احلام : خليكى انتى ارتاحى متتعبيش نفسك 

ام حور : ارتاح ايه وتعب ايه هو صقر ده مش زى ابنى وكمان جوز بنتى والله ربنا يعلم انا زعلانة عليه اد ايه وبدعى ربنا يقومك بالسلامه

احلام : يارب ادعى بالله عليكى ادعيله 

ام حور : ربنا يزيح عننا الغمة دى يارب 

احلام : يارب ويلا لو عايزه تيجى معانا 

ام حور: عايزة طبعا يلا 

كلهم راحوا المستشفى وام سارة ومحمد كمان راحوا يطمنوا على صقر ومراد صمم أنهم يمشوا عشان الجو اتاخر وحور صممت أنها تفضل 

مراد : حور بما انك مش عايزة تروحى روحى الاوضة دى ارتاحى فيها شوية 

حور : لا انا مرتاحة كده وانا بصاله حتى لو من بعيد 

مراد : حور اسمعيني لو فضلتى كده لحد الصبح مش هتفدرى تقفى على رجلك طول النهار 

حور : ميهمنيش 

مراد : طيب لو فى اى وقت طارق قالك ادخلى وان صقر محتاجك جوة نقوله ايه معلش اصل حور تعبانة ومش قادرة تدخل 

حور : لا طبعا أنا معاه فى اى وقت 

مراد : طيب روحى ارتاحى وكمان طارق ممكن يعدى فى اى وقت يدخلك لصقر شوية 

حور : طيب ممكن اطلب منك طلب 

مراد : طبعا يا حور انا زى اخوكى 

حور : اكيد طبعا عايزة ادخل بس والله دقيقة وهطلع تانى معلش

مراد : حور صقر فى العناية المركزة يعنى مش اوضة عادية تدخلى فى اى وقت

حور : معلش والله دقيقة واوعدك انى هدخل ارتاح بعدها 

مراد : ها يا طارق هدخلها 

طارق : والله يا مدام حور مش هينفع تدخلى كل شوية 

حور : والله دقيقة واحد بس

طارق ومراد حاسين بالنار اللى جواها وبتطلع على هيئة دموع لأنها مخبية 

طارق : طيب هى دقيقة

حور بابتسامة : حاضر والله

حور دخلت لصقر اللى لسه زى ما هو مفيش جديد عليه 

حور : حبيبي انا هنام هنا النهارده وهفضل جانبك بس فى الاوضة اللى جانبك على طول متخافش هاخد بالى من نفسى وانت كمان خلى بالك من نفسك وارجعلى انت وحشتني اوى يا صقر ارجعلى انا تعبت من غيرك انا من غيرك مش عارفه اعيش ولا اكل ولا اشرب ولا حتى انام ارجعلى بقا انا تعبت 

طارق بيكلم مراد واللى اتفاجأوا بصوت حور وهى بتصرخ 


&&&&&&&&&&&&&&&&&




تكملة الرواية من هنا



بداية الروايه من هنا



🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺

الصفحه الرئيسيه للمدونه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹



اللي عاوز باقي الروايه يعمل متابعه لصفحتي من هنا 👇👇


ملك الروايات



لعيونكم متابعيني ادخلوا بسرعه


👇👇👇👇👇


جميع الروايات الكامله من هنا


تعليقات



CLOSE ADS
CLOSE ADS
close