رواية أحببتها بعد عذابها البارت الحادي عشر والثاني عشر بقلم منار رمضان حصريه وجديده علي مدونة النجم المتوهج للروايات والمعلومات
البارت_الحادى_عشر
لينا عند حور فى الاوضة : حور يلا عشان ننزل تحت بقا
حور : حاضر حاضر بس الطرحة كده مظبوطة
لينا : قمر تعرفى صقر كان عايزنى اتحجب
حور : طيب وايه اللى مانعك
لينا : مش عارفه حاسة انى مش هعرف اخد راحتى فى لبسى وانى البس على الموضة زى ما انا متعودة
حور : وانتى بالحجاب فى لبس بيبقى على الموضة بردوا وبيبقى جميل جدا اصلا الحجاب بيزود البنت جمال على جمالها
لينا : مش عارفه بس صقر على طول بيقولى ولما بلبس حاجه قصيرة بيزعقلى وبيرفض انى اطلع بيها برة البيت حتى اخر مرة كانت امبارح فى الخطوبة كنت هلبس فستان معجبهوش وقالى على الحجاب تانى
حور : الحجاب جميل زى ما قلتلك وكمان بتحفظى نفسك من حاجات كتير اوى
لينا : انا حابة البسه بس اكون مقتنعة بيه مش عشان اخويا عايز كده لا عشان انا عايزه كده
حور : طيب تحبى اساعدك
لينا : ياريت يا حور
حور : طيب انتى بتصلى
لينا : بصراحه انا بقطع مش منضبطة فى الصلاة وصقر دايما يتخانق معايا
 |
حور : هو صقر بيصلى
لينا : دايما وعمره ما ساب فرض منتظم جدا ما شاء الله عليه
حور لنفسها بقا الشيطان ده بيصلى عجيبة صحيح
لينا : يابنتى روحتى فين
حور : ها معاكى اهو بصى اهم حاجه انك تواظبى على الصلاة يعنى اول ما تسمعى الاذان تتوضى وتصلى على طول وانا كمان هساعدك وهبقى معاكى أحد ما تاخديها خطوة بخطوة
لينا : وانا معاكى فى اى حاجه وهسمع كلامك يلا بقا عشان الفطار
حور بابتسامة: يلا
احلام : ام حور تعالى عشان الفطار جاهز
ام حور محروجة : انا مليش نفس والله معلش
احلام فهمتها: بصى يا سيتى انتى هنا مش ضيفة أو قاعدة فترة مؤقتة لا ده بيتك وخلاص بقا بيت بنتك وكمان انتى ست البيت هنا انتى زى اختى
ام حور : والله انا مش عارفه اقولكم ايه بس
احلام : انا مش عايزاكى تقولى حاجه عايزاكى بس تتصرفى على طبيعتك واكنك فى بيتك بالظبط اتفقنا
ام حور بابتسامة : اتفقنا
الكل اتجمع على السفرة ومستنين صقر
صقربحدة : صباح الخير
الكل : صباح النور
احلام : صقر انت كويس
صقر : أيوة كويس
حور مكانتش بتبصله خالص وهو لاحظ كده
لينا : صقور انا كنت عايزة أخرج النهارده انا وحور هنجيب شويه حاجات
حور بعد ما سمعت صقور : كح كح كح وبتحاول تخبى ابتسامتها
صقر بص للينا بغضب على كلمتها دى هو منبه عليها انها متقولوش كده ادام حد
ولينا فهمت نظرة صقر ليها وعرفت انها هتتنفخ
احلام : كلوا يا ولاد الاكل هيبرد اتفضلى يا ام حور
ام حور : انا باكل اهو
صقر كان بياكل وهو مش طايق نفسه وكمان مضايق من حور اللى مش بتعبره خالص ولا اكنه موجود
صقر : هتروحوا فين
لينا بصت لحور وحور بردوا بصتلها
صقر بزعيق : بقول هتغوروا فييين
لينا مردتش بس عيونها دمعت
حور : انت بتزعقلنا كده ليه احنا عملنا مصيبة مش رايحين فى مكان
صقر بص لحور بضيق جاحد وساب الاكل وقام
ام حور : انتى غبية ازاى تتكلمى كده معاه روحى اعتذريله
حور : لا مش هعتذر لحد هو اللى غلطان
احلام : معلش يا حور امسحيها فيا انا صقر شكله متعصب عشان كده زعق
صقر : حوووور تعالى عايزك
حور اتخضت : لا مش جاية
صقر : انا كلامى ميتكررش يا حووور
ام حور : غورى شوفيه عايز ايه
صقر كان واقف مستوى حور واخدها ودخل بيها اوضة المكتب
حور : نعم عايز ايه هتضربنى ولا هتعذبنى ولا هتعمل ايه بالظبط
صقر لف مرة واحد وحضنها جامد
صقر بصوت ضعيف : انا اسف يا حور مكنش اصدى ازعقلك
حور لنفسها بسم الله الرحمن الرحيم هو مين ده ينهار اسوح ده حضنى ده عبيط ده ولا ايه
حور بتحاول تبعد عنه
صقر بيضمها اكتر : متبعديش عنى يا خور انا ما صدقت لقيتك
حور محاولتش تانى لأن جسمها صغير جدا ادامه فهو ضخم بالنسبالها
حور : دى تمثيلية جديدة صح
صقر بعد عنها بهدوء : تمثيلية ايه
حور : يعنى اللى انت بتعمله ده يعنى مش صقر الشناوى اللى خاطفنى شهرين وكان عايز يغتصبنى دلوقتي بيقولى اسف وبيحضنى ولا كمان كام يوم وهيتجوزنى
صقر : حور انا عارف انى اذيتك كتير وجرحتك بس انا بحبك
حور بضيق عكس اللى جواها كان قلبها بيرقص من الفرحة لما سمعت الكلمة دى منه
حور : ياسلام المفروض اصدق صح
صقر : انا عارف انتى مجروحة اد ايه وانك اتعذبتى فى حياتك كتير بس اوعدك انى هعوضك عن كل حاجه شوفتيها فى حياتك وانى هخليكى اسعد واحده في الدنيا كلها
حور : الله لا بجد هايل عظيم بارع فى التمثيل انت اللى زيك عمره ما يعرف يحب انت بتعرف بس تحب ازاى تاذى اللى حواليك زى ما عملت فى لينا من شوية وكمان انك تنتقم من كل الستات اللى تشوفهم ومن ضمنهم انا كمان وليه ده كله الله اعلم
صقر : دى حاجة تخصنى انا انا فى ماضى بحاربه يحارب عشان انساه حاولى انك مترجعهوش لانى عايز انساه
حور : وانت تنساه على حسابى انا صح بس انا عايزه اعرف ايه اللى حصل فى اليوم ده ازاى لعبت اللعبة دى عليا
صقر : لعبة ايه
حور : صقر متستعبطش انت فاهم كويس جدا انا بتكلم عن ايه وعايزاك تجاوبنى
صقر : عايزة إجابة تريحك مش كده
حور : ياريت وبناءا على كلامك ده هكرر إذا كنت هتجوزك ولا لا
صقر : نعم ياختى انتى هتتجوزينى بمزاجك او غصب عنك انتى فاهمة ومش صقر الشناوى اللى واحدة تقوله الكلام ده صقر ستات مصر كلها بتتمنى كلمة واحدة بس منه مش اللى انتى بتقوليه ده
حور : وانا مش زى اى واحدة زبالة عرفتها قبل كده انا حور يا صقر وانت عارف انى مش زى اى حد وياريت تجاوبنى على سؤالى ليه
صقر : لولا كلامك اللى قولتيه ده كنت قولتلك وريحتك بس كل اللى هقولهولك وراح عندها وحضنها السواق والحرس هيوصلوكى انتى ولينا اى مكان انتوا عايزينه واوعى تخرجى برة القصر لوحدك فاهمة
حور كانت تايهة هو البنى ادم ده حقيقي
صقر : أيوة حقيقى اللى ادامك حقيقى وباسها من جبينها وغمزلها ومشى
حور : ينهار جمال عيون امك يا جدع انت ايه بس بردوا مقاليش ابن الورمة هيجننى
صقر خرج وهو بيضحك على خدودها اللى بقت شبه الطماطم
صقر لمح لينا زعلانه : لينو السواق والحرس هيوصلوكى انتى وحور هى ساعة بس وترجعوا على طول
لينا بفرح : بجد
صقر بابتسامة : أيوة بجد
لينا : طيب خليهم ساعتين بس عشان الحق اعمل اللى انا عايزاه
صقر : ليناااا
لينا : عشان خاطري يا صقر والنبى
صقر : طيب هما ساعتين وهبقى معاكى ومع السواق بالفون فاهمة
لينا : فاهمة طبعا
صقر طلع راح الشركة ولينا دخلت لخور المكتب لقتها لسة واقفة ومبلمة
لينا بضحك : حور حور
حور : هاااااا ايه تانى
لينا : تانى ايه هو عمل فيكى ايه
حور : ده مز مزازة يا جدع
لينا بضحك : انا طول عمرى اعرف أن صقر امور بس اول مرة اعرف انه مز مزازة
حور : لينا انتى هنا من امتى
لينا : من بدرررررى بس مقولتليش ايه اللى حصل
حور : حصل وطحينة اخوكى ده مستفز ودمه تقيل وشكله غبى زى وشه
لينا : صقر كل ده مش كان من شوية مز ومش عارفه ايه
حور : غورى يابت من ادامى
فى قصر مراد
مراد : صباح الخير والورد والياسمين والفل على احلى عيون فى مصر
سارة اتكسفت وابتسمت
مراد : احبك وانت مكسوف كده ياعسل
سارة : انت بتعمل ايه عيب كده على فكرة
مراد : هو ايه اللى عيب مش خطيبتى وكمان كان يوم وهتبفى مراتى
سارة : لما ابقى مراتك يبقى قول اللى انت عايزه لكن دلوقتي لا تمام
مراد : تمام يا عسل
سارة : بردوا
تانى يوم
فى قصر صقر
حور بتخبط على باب المكتب
صقر : ادخل
حور دخلت
صقر باستغراب : حور تعالى مالك انتى كويسة
حور : اه كويسة بس كنت عايزة أسألك سؤال
صقر قام وقعد جنبها على الكنبة
صقر : فى ايه اسألى
حور : انت هتعمل ايه فى عمى وعبد الرحمن ابنه
صقر عقد حاجبيه : وانتى بتسألى عليهم ليه
حور : مش عمى وابن عمى لازم اسال عليهم
صقر : وهما من امتى اعتبروكى بنت اخوهم عشان تسالى عليهم وعموما ملكيش دعوة بيهم تانى ولا تسالى عليهم خالص
حور : يعنى ايه مليش دعوه
صقر : يعنى ملكيش دعوة يا حور متعصبنيش
حور بدموع : اصل انا الصراحة خايفة حد
صقر بقلق : خايفة من ايه
حور : خايفة بعد ما تأذيهم ويمشوا هيرجعوا تانى وياخدونى ويعذبونى وساعتها ممكن يقتلونى
صقر مسك ايديها: ومن قالك انى ممكن اسيبك أو حتى اخلى حد يفكر أنه يأذيكى ده انا امحيه من على وش الأرض لو فكر أنه يتعرضلك أو حتى يضايقك انا هحميكى
حور : ما انت اكيد هطلقنى وبعدها هرجع تانى
صقر : ومين قال انى هطلقك انتى هتفضلى مراتى طول العمر وعمرى ما هقدر انى اطلقك
حور : ليه مصمم تحمينى اكيد صعبت عليك مش كده
صقر : بردوا مفهمتيش
حور : افهم ايه
صقر : انتهد هتفهمى مع الوقت انا بعمل كده ليه دلوقتي الجو اتاخر روحى نامى تصبحى على خير
حور قامت : وانت من اهله
عدى الكام يوم اللي فاضلين على خير وكانت حور وسارة ولينا بيجهزوا للفرح والفساتين وطبعا كل يوم عناد حور وصقر مش بيبطل ومعاكسة مراد لسارة مستمرة دايما لحد يوم الفرح اللى هيغير حياة ابطالنا
&&&&&&&&&&&&&&&&
💔#البارت_الثاني_عشر 💔
حور : هتعملى كده بجد يا لينا
لينا : بصراحة اه حابة افاجأ صقر النهارده
حور : ربنا معاكى اكيد صقر هيفرح
سارة : هتبقى زى القمر يا لينو
لينا : حبايبي انتوا اللى هتبقوا زى القمر النهارده
كلهم متجمعين فى الفندق اللى هيكون فيه الفرح وصقر ومراد حاجزين جناح لحور وسارة عشان يجهزوا فيه
مراد : مالك يابنى أهدى
صقر : مش عارف يا مراد حاسس ان فى حاجة هتحصل النهارده
مراد : حاجه ايه بس ما احنا كويسين اهو الحمدلله تلاقى بس هلاوس من الشيطان استعيذ بالله من الشيطان وانت هتهدى
صقر : ربنا يستر انا عايز اشوف حور
مراد : والله وانا هموت واشوف سارة بس اكيد هما مش فاضيين لينا دلوقتي
صقر : لازم أشوفها
وطلع الفون ورن على حور
حور : الو
صقر : حور ممكن اشوفك دلوقتي
حور : ليه فى حاجة ماما كويسة
صقر : مفيش حاجه يا حور بس انا عايز اتكلم معاكى شوية
حور : طيب ماشى
صقر : تمام خليكى عندك انا طالعلك
حور : ماشى سلام
سارة : حور فى ايه
حور : معرفش صقر عايز يشوفنى
لينا : اووووو شكله واقع ومش قادر بستنى
حور : ياشيخة اتلهى
الباب خبط
حور : انا هطلع لصقر خمس دقايق بس
الكوافيرة: بس متاخريش عشان نلحق
حور : ماشى
حور طلعت لصقر
صقر : لسه مجهزتيش
حور : لسه بدرى مش دلوقتي وبعدين انت جاى عشان كده يعنى
صقر : لا طبعا بس كنت عايز اشوفك
حور حست أن صقر متردد من حاجه
حور : انت كويس عايز تقول حاجه
صقر مسك ايد حور : حور انا عارف انى زعلتك واذيتك بس انا قولتلك وهقولك تانى اوعدك انى هعوضك عن كل حاجه عيشتيها فى حياتك وهحميكى طول عمرى انا مش عارف انتى شيفانى ازاى بعد اللى عملته بس صدقيني انا بحبك ومش عايز غير انك تحبينى أو حتى تشيلى اى كره ليا فى قلبك عشان اقدر انى اخليكى تحبينى زى ما بحبك
حور كانت بتسمع كل كلمة صقر بيقولها وكانت حساها ومصدقاه وعارفة أنه بيتكلم جد من عيونه اللى بتلمع وحاسه بحبه ليها أنه حقيقى
حور مسكت وشه : انت بجد بتحبنى يا صقر
صقر : والله العظيم بحبك اوي اوي كمان بحبك من أول لحظة شوفتك فيها بحبك حتى لما رفعتى ايدك عليا وسط الناس كلها بحبك لما خطفتك وكنتى بضحكينى من قلبى بجد انا معاكى اتغيرت 180 درجة بقيت صقر جديد صقر بيعشق حور
حور : طيب ممكن أسألك سؤال
صقر : انا عارف ايه هو السؤال انى ليه عملت اللعبة دى بصى انا زى ما قولتلك بحبك وبعشقك بس انا كنت مش ناوى ارجعك لوالدتك تانى بالذات لما عرفت واتاكدت انى بحبك قررت افضل خاطفك طول عمرى وتفضلى معايا دايما بس لما لقيتك فى اليوم ده صممتى انك ترجعى وكمان رفعتى ايدك عليا تانى انا مكنتش عارف اسيطر على غضبى منك ووقتها انتى اغمى عليكى وانا انتهزت الفرصة وقطعت هدومك وزى ما انتى شوفتى واتفقت مع الدكتور أنه يقول الكلام ده بس والله انا ملمستكيش ولا اذيتك لأن على اد غضبى منك على اد انى بحبك وبعشقك ولا يمكن اذيكى وكمان احافظ عليكى من نفسى انا قولت كفاية انى اوهمك انى عملت فيكى حاجه وكنت هتجوزك والله ولما مراد قالى أنه هيتجوزك انا عفاريت الدنيا كلها كانت فى وشى وكنت حاسس اني عايز اقتل مراد لانه فكر فيكى كده بس انا عارف مراد انتى بس صعبتى عليه لأنه مكنش عارف الحقيقة غير لما انتى قولتيله وقولت هجيب آخره بس عمرى ما كنت هخليه يتجوزك وكمان لما روحنا عشان نتقدملك انا كنت عارف ان ليكى صاحبة اسمها سارة وعارف ان هى حلوة وكده ومراد هيحبها وده اللى حصل لما كنا عندكم في البيت مراد اول ما سارة دخلت ماشلش عيونه عنها عشان كده قولت أنه هيتجوزها وكده لانى عمرى ما كنت هخليكى تروحى لغيرى انا حافظت عليكى من نفسى عشان لما شوفتك حلمت باليوم ده معاكى انك تكونى مراتى ملكى لوحدى انا بحبك اوي يا حور
حور دموعها نزلت من كلامه وأنه فعلا بيحبها اوى اكتر مما كانت تتخيل
حور : هسالك سؤال تانى
صقر بابتسامة : اسألى يا قلبى
حور : انت ليه كل يوم مع واحدة وكمان بتصلى ومش بتسيب فرض وانت دلوقتى لسه بتسهر وتروح مع بنات
صقر : حور الموضوع ده انا هحكيلك عليه بعدين لانى بتعب لما بفتكره اوعدك انى اقولك عليه وكمان انا فعلا كنت بصلى بس جت عليا فترة وبعدت عن ربنا وكنت بسهر ومقضيها مع بنات بس مش حب فيهم انا بس كنت بنتقم منهم إنما حب والله انا عمرى ما حبيت غيرك انتى وبس
حور : لسه بتسهر
صقر باس ايديها : اقسم بالله انى من وقت ما شوفتك وانا بطلت سهر وشرب وكل حاجه كنت بعملها تغضب ربنا ورجعت تانى اصلى لانى فعلا حبيتك ومليتى عليا حياتى واخدت عهد على نفسى انى مش هرجع للسكة دى تانى
حور بابتسامة : ماشى
صقر باستغراب : ايه ماشى دى
حور وهى بتقوم من جانبه : يعنى ماشى يا حبيبي
صقر ابتسم : لا هدى هنا ماشى يا ايه
حور اتكسفت وبصت فى الارض : حبيبى. وجريت على الاوضة وبسرعة وقفلت الباب
صقر وقف بيمشى أيده فى شعره : هى قالت حبيبى بجد ولا ايه هتقعى تحت ايدى وتعترفى تانى بس والله بعشقك يابنتاللذينا
الكل جهز والمعازيم وصلت وكانوا من أكبر رجال الأعمال المصريين وغير المصريين وجنسيات أجنبية وعربية وناس كبيرة في البلد
صقر. : تمام كده
مراد : زى العسل وانا ايه مظبوط كده
صقر : زى الزفت
مراد : هااا
صقر : ههههه بضحك عليك يا حمار زى العسل بردوا بس انا اعسل منك مفيش كلام
مراد : لا انا اعسل منك
حور : وااااااوووو. لينا بجد شكلك روعة
لينا لبست فستان سهرة لونه اسود شيك جدا وكمان زينت نفسها بالحجاب الفضى
لينا : بجد حلو
سارة : روووعة فعلا ربنا يثبتك يا حبيبتي
لينا : ربنا يخليكوا ليا بجد انتوا اخواتى
حور وسارة حضنوها : وانتى اختنا الصغننة يا لينو
لينا : بس بجد انتوا قمراااااااااات ما شاء الله عليكم يا بخت صقر ومراد
حور وسارة اتكسفوا
احلام دخلت عندهم : يا بنات بسم الله ماشاء الله ربنا يحميكم يا حبايبي يا رب بقولكوا ايه محدش شاف لينا فين
حور وسارة ضحكوا ولينا استغربت
لينا : ايه يا خالتوا انتى مش عارفنى
احلام : بسم الله ماشاء الله انتى اتحجبتى يا لينا والله ما عرفتك ربنا يثبتك يا حبيبتي ده صقر هيفرح اوى لما بشوفك كده
حور : وانا حبيت اعملهالوا مفاجأة
محمد : بسم الله ماشاء ربنا يحميكم يا ولاد
صقر ومراد : ربنا يخليك يا عمى
محمد : صقر مراد انا مش هوصيكوا على بناتى انا مليش حد غيرهم
صقر ومراد : دول فى عينينا يا عمى متقلقش
محمد حضنهم : وانا واثق من كده يلا عشان معازيمكم وصلوا ومستنينكم
صقر : يلا
صقر خبط على الباب ولينا فتحت واتفاجا بيها فعلا وفرح جدا أنها ليست الحجاب بس باراتها ومقتنعة بيه وكمان دخل لحور واتفاجا بيها جدا اسمها حور وهى فعلا حور ملاك ماشى على الأرض بفستانها الابيض وطرحتها وابتسامتها الجميلة
مراد دخل لسارة واللى بردوا اتفاجأ بيها هى جميلة اه بس الفستان الابيض وطرحتها زادوا جمالها جمال وضحكتها اللى منورة وشها
صقر وحور ومراد وسارة نزلوا للقاعة تحت والأضواء هادئة جدا وأغنية (ياسهر الليالى ياه يا حلو على بالى )
ودخلوا العرسان القاعة وقعدوا وشغالة اغانى رومانسيه وهادئة
مراد : صقر بقولك ايه انا مليش فى الجو ده
صقر : وانا اتخنقت بردوا استنى بس نقوم نرقص سلو وبعدين نحلها
مراد : يلا يا عم
وقاموا يرقصوا سلو على اغنية تامر عاشور ( انت ياللى خد قلبى من الزمان ومن اللى فيه خد قلبى لدنيا تانية احلى من اللى حلمت بيه احلى عمر انا عشته جانبك والحنان عندك كتير هو فيه كده زى قلبك لسه فى فى الدنيا خير عمرى ما انسى انا اقبلك كنت فى ايه ومعاك بقيت انا ايه انا باقى ليك ولحد ما عمرى ينتهى هفضل يا حبيبي معاك وهعيش واموت بهواك انا ليا مين غيرك حبيب عمرى ❤️❤️) كان كل واحد بيغنيها لعروسته وهما بيرقصوا وحاضنين بعض والأغنية خلصت
مراد : ده لسه هيشغل عمرو دياب
صقر : لا وحياتك الحقنى هنام هنا
راح مراد عند الدى جى وجاب اغنية شعبى
مراد رايح جرى عند صقر والبنات والأغنية اشتغلت ( نينينينينينى اركب يا عبده نينينينينينى اركب يا عبده) والكل رقص وفرحان وشوية وقعدوا على الكوشة والناس طلعت تسلم عليهم وتباركلهم صقر باصص لحور
صقر : مش هتقولى تانى
حور : هقول ايه
صقر : اللى قولتيه قبل ما تجرى منى زى الفار
حور بضحك : مقولتش حاجه
صقر : هتقعى تحت ايدى وهتقولى
حور : بعينك
..... مبروك يا صقر مش كنت تقولى
صقر بصدمة وتوتر : ااااا انتى
..اه انا
صقر مسك دماغه
حور : صقررررررر
&&&&&&&&&&&&&&&&&
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
