رواية أحببتها بعد عذابها الفصل الخامس عشر والسادس عشر بقلم منار رمضان حصريه وجديده علي مدونة النجم المتوهج للروايات والمعلومات
💔البارت_الخامس_عشر 💔
حور : صقررر مررااااد
طارق ومراد دخلوا عندها جرى
طارق شاف صقر وهو ماسك ايد حور وبيضغط عليها ومضايق وبيترعش
طارق بزعيق ندا على الممرضين
طارق : مراد خد حور واطلعوا برة
حور بعياط : صقر ماله
طارق بزعيق : اطلعوا برة كلكم
مراد خد حور وطلعوا برة حور حاولت تشوف صقر من الباب الزجاجي بس الممرضة قفلت الستارة
حور : ايه اللى حصل يا مراد
مراد : مش عارف يا حور بس طالما مسك ايدك احتمال أنه يفوق
حور بدموع : يااااااارب ترجعه بالسلامه يا رب
بعد ربع ساعة طارق طلع
حور : صقر كويس
 |
طارق بابتسامة : الحمدلله هو كويس وكمان ممكن يفوق فى اى وقت لانه ببحرك جسمه
حور بفرحة وابتسامه : بجد يعنى خلاص هيفوق
طارق : أيوة وممكن كمان شوية كمان أو بكرة الصبح
حور : الحمدلله يارب الحمدلله ربنا يقومك بالسلامه يا حبيبي
مراد : الحمدلله الحمدلله شكرا يا طارق انت بجد.رديت فينا الروح تانى
طارق : على ايه بس يا مراد احنا اخوات وصقر صاحبى زى ما هو صاحبك ولا ايه
مراد حضنه : اكيد طبعا انت التالت بتاعنا
حور : أيوة يا ماما
سعاد ام حور : صقر كويس با حور
حور : أيوة كويس ومسك ايدى من شوية والدكتور قال ممكن يفوق فى اى وقت
سعاد : الف حمد وشكر ليك يا رب الحمدلله احنا جايين حالا
حور : ماشى يا ماما انا مبسوطه اوى
سعاد : ربنا يرجعهولك بالسلامه يا بنتى
سعاد قفلت مع حور وراحت عند احلام فى اوضتها
احلام : سعاد خير فى ايه
سعاد بفرحة : صقر اتحرك
احلام : بجد
سعاد : أيوة حور لسه مكلمانى وقالتلى أنه مسك ايديها والدكتور قالها ممكن يفوق فى اى وقت
احلام : الحمدلله الحمدلله طيب يلا نروح
سعاد : يلا
احلام راحت للينا وقالتلها ومشيوا لقوا ام سارة ومحمد هناك لما مراد كلمهم وقالهم
بعد ساعتين طارق عند صقر فى الاوضة
صقر بدأ يفتح عيونه بتعب وبيستوعب هو فين وايه اللي حصل وافتكر أنه شاف امه اخر حاجه فى فرحه فرحى انا كنت يتجوز حور هى فين
صقر بصوت تعبان : حور
طارق اتلفت ليه بفرحة : صقر انت كويس
صقر : طارق حور فين
طارق : الحمدلله متقلقش حور برة هتموت عليك
صقر : عايز أشوفها
طارق : حاضر بس هتقدر تقعد عشان متدخلش تشوفك نايم كده عشان بتزعل
صقر : طيب ساعدنى
طارق ساعد صقر وقعده وعدل المخدات ورا ضهره كويس
طارق طلع ليهم بابتسامة
طارق : حور
حور : نعم صقر كويس
طارق : صقر عايزك جوة
كلهم : هو فاق
طارق اتخض منهم : ايه يا جدعان أيوة فاق الحمدلله
كلهم دخلوا ليه لقيوا قاعد على السرير
لينا جريت على صقر : وحشتني اوى يا صقر انت كويس
صقر حضن أخته : أيوة الحمدلله انا كويس
احلام حضنته : انت كويس يا حبيبي
صقر : كويس الحمدلله
كلهم سلموا عليه وباركله أنه قام بالسلامه
حور كانت متبعاهم من جانب الباب مدخلتش الاوضة مبتسمة بس دموعها مغطية وشها كله ومش قادرة تدخل
مراد : حور ادخلى
صقر بص لحور ياااه يا حور انتى وحشتيينى اوى وحشتيني اوي ياحبيبتي حاسس اني غبت عنك سنين
صقر كان بيبصلها بحب وشوق ولهفة وعايز ياخدها فى حضنه
حور كانت بتبصله بدموع الفرح هو وحشها اوى وفى لحظة جريت عليه ورمت نفسها في حضنه وعيطت جامد
حور : انت كويس يا صقر صح الحمدلله ربنا استجاب لدعواتى يا حبيبي ورجعك ليا
صقر كان مكتفى أنها فى حضنه وكان عايز يحضنها بس عقله رفض وهى بتتمسك فيه اكتر وهو غمض عيونه بألم ومرضيش أنه يبادلها الحضن
حور حست أنه مش حاضنها فبعدت عنه بهدوء وبصت فى عيونه لقت نظرته اتحولت من حب وشوق ولهفة لنظرة هى مش عارفه تفسرها نظرة خالية من أي مشاعر نظرة باردة حور قامت وقعدت على الكرسى جابنه
حور : صقر انت كويس
صقر بحدة : انا كويس مش كل شويه حد يقولي انت كويس انا خلاص اتحسنت الحمدلله
مراد من نبرة صوته عرف صاحبه ناوى على ايه وعرف أنه هيضيع حور من ايديه
مراد حب يلطف الجو : ايه ياعم الغيبة دى قلقتنا عليك حد يعمل كده يوم فرحه شكلك وحش اوى
صقر : هى فين
مراد : هى مين
صقر : رحمة فين
احلام : انا طردتها يا صقر متشغلش بالك انت بيها
صقر : مراد اعرفلى مكانها فين وهاتها
مراد : صقر بعدين الكلام ده انت لسه تعبان
حور مسكت ايده : مراد عنده حق يا صقر اعمل اللى انت عايزه بس لما تخرج من هنا
صقر باصلها من جانب عينيه
صقر : مراد زى ما قولتلك
مراد : مش وقته يا صقر
صقر بيحاول يقوم : يبقى انا اللى هعمل كده بنفسى
مراد مسكه ورجعه مكانه : انت مجنون انت بتعمل ايه
صقر : اعمل اللى بقولك عليه يا مراد متتعبنيش
مراد : طيب طيب خلاص أهدى
احلام : يا بنى أهدى ومتتعبش نفسك عشان واحدة زى دى
صقر : فى بينا حساب ولازم اصفيه وامحى الكابوس اللى احنا فى ده من حياتنا
رحمة : يعنى فاق
الممرضه : والله يا مدام زى ما بقولك كده فاق من حوالى ساعة كده
رحمة بخوف منه : طيب هو هيطلع امتى
الممرضه : مش عارفه والله يا مدام لما اعرف هقولك على طول
رحمة : ماشى سلام
الممرضه : سلام كده
رحمة : اوووووف يبقى عدى عليا خدى فلوسك
الممرضه : أيوة كده يا ست الكل سلام
رحمة : وبعدين معاك يابن الشناوى ايه هتخلل فى الدنيا بس مسيرك تقع واحرق قلبك زى ما حرقت قلبي فى خالد وانا عارفه كويس ازاى احرق قلبك يابن الشناوى بيه
صقر : ممكن تسيبونى لوحدى
احلام : انت كويس
صقر بحدة : انا زفت كويس سيبوني لوحدى بقا
احلام : حاضر حاضر
كلهم طلعوا برة ما عدا حور
مراد طلع وقفل الباب عليهم
صقر بص لحور اللى بصاله ودموعها على خدها
صقر بحدة : هتفضلى تعيطى كده كتير
حور مسحت دموعها : غصب عنى والله يا حبيبي انا كنت خايفه عليك اوى
صقر بزعيق : متقوليش زفت انا مش حبيبك ولا حبيب حد وانتى كدابة انتى مكنتيش خايفة عليا بالعكس انتى كان نفسك اموت عشان تورثينى صح ولا لا
حور مصدومه من اللى بتسمعه ده صقر اللى من كام يوم اعترفلها بحبه ليها وأنه بيعشقها مش ببحبها ده صقر اللى كان عايز يسمع منها كلمة حبيبي كل شوية
صقر : ايه خرستى يعنى ولا عشان كلامى صح مش عارفه تقولى ايه
حور بصوت مبحوح : ا اااانت بتقول ايه
صقر : اللى سمعتيه وياريت متديش لنفسك مقام اكبر من مقامك وكفاية انك بقيتى مراتى ادام الناس
حور بعياط : انت ازاى كده
صقر : انا طول عمرى كده بس انتى اللى مش واخدة بالك اطلعى بررررة
حور اتنفضت من مكانها على صوته العالى وبصتله شوية وخرجت جرى
صقر بعد ما حور قفلت الباب
صقر فى دمعه هزمته ونزلت غصب عنه بوجع والم
صقر انا اسف يا حبيبتي اسف بس مش عارف ايه اللى جاى مش هقدر اعيش معاكى واعلقك بيا اكتر من كده بس بردوا مش هقدر اطلقك انا كنت سامع كل كلمة قولتيها ليا وانا فى الغيبوبة وكنت مبسوط اوي بس مش عارف خايف اديكى الامان تضربينى فى ضهرى خايف اتخدع فيكى خايف واول مرة اخاف فى حياتى بس اللى متاكد منه انك انتى اللى الوحيدة اللى هفضل أعشقها طول عمرى
&&&&&&&&&&&
💔 #البارت_السادس_عشر 💔
تفاعلو وهنزل الاجزاء بسرعه لايكات وتعليقات كتير وهنزل القصه بسرعه وبعدها انزل غيرها
حور طلعت تجرى من عند صقر وبتعيط جامد كلهم لاحظوا أنها منهارة ودخلت الاوضة اللى مراد كان مجهزهلها وقفلت على نفسها حاولوا أنهم يروحلولها بس مراد منعهم
مراد : بلاش محدش يدخلها
سعاد : فى ايه يا مراد بنتى مالها وبتعيط ليه كده
مراد : يا جماعة بعد اذنكم كلكم الفترة اللى جاية دى صعبة فى حياة صقر وحور واحنا لازم نقف جانبهم ونقربهم من بعض عشان احنا مش عارفين صقر ممكن يعمل ايه
حور فى الاوضة قاعدة على الأرض وساندة ضهرها على السرير وبتعيط جامد
حور : هوانا عملت ايه عشان اتعذب فى حياتى كده من صغرى ماشوفتش يوم حلو ابدا شوية من عمامى وشوية من صقر وبعد ما احبه يجى ويجرحنى تانى انا بس عملت ايه يارب استغفر الله العظيم طالما هو مش بيحبنى قالى ليه من الاول أنه بيحبنى واعترفلى بحبه ليه وهو ايه اللغز اللى فى حياته ده مين رحمة دى وليه بيعملوا كده فى بعض ليه ياصقر تعمل فيا انا كده انا بحبك اوي بس بردوا مهما تعمل وتقول أنا مش هستسلم ولازم تعرف كل حاجه عنك وعن ماضيك
مراد دخل لصقر
مراد بلوم : ليه عملت كده
صقر : انا قولت عايز افضل لوحدى
مراد : صقر انا مش خالتك ولا اختك عشان تخبى عليا وتطلعنى من هنا انا عايز اعرف انت ناوى على وليه بتبعد حور عنك دى حابسة نفسها في الاوضة ومنهارة من العياط حرام عليك تعمل فيها كده هى ذنبها ايه فى ده كله دى بتحبك ياصقر بلاش تخسرها
صقر : خلصت
مراد : صقرر كله الا حور يا صقر
صقر : وانت مالك
مراد : لا مالى يا صقر حرام عليك تاخدها بذنب غيرها هى ملهاش ذنب فى حاجة
صقر : انا مش باخد حد بذنب حد يا مراد انا بس مش عارف ايه اللى جاى عشان كده عايز معلقاش بيا
مراد : متعلقاش بيك كان من زمان الكلام ده يا استاذ صقر لكن دلوقتي لا خلاص اتعلقت
صقر بدموع ولاول مره انزل ادام حد
صقر : مراد حور انا مش هستحمل يحصلها حاجه بسببى ورحمة ممكن تاذيها بسببى ممكن تنتقم من اللى عملته فيها زمان تعمله فى حور انا وقتها هقتلها يا صقر وانسى أنها انى بجد تبقى امى كل حاجه تهون الا حور متهونش عليا يا مراد
مراد حاسس بوجع صاحبه وإن كلامه صح بس هو خايف أن صقر يخسر حور بطريقته دى
مراد حضن صقر : انا حاسس بيك يا صقر بس بردوا اوعى تفرض فى حور أو تطلقها
صقر مسك دموعه : انا عمرى ما هطلقها يا مراد لانى مش هقدر اعيش من غيرها انا اتعودت عليها فى حياتى
سارة دخلت عندهم مخضوضة
مراد بخضة : سارة مالك فى ايه
سارة بدموع : ح حور
صقر بزعيق : مالها حووور
سارة : اغمى عليها
مراد : ازاى
سارة : مش عارفه بس سمعنا صوت حاجه خبطت فى الارض جامد بابا كسر الباب لقيناها واقعة فى الارض ودماغها بتنزف
صقر بيحاول يشيل المحاليل من ايديه
مراد : انت بتعمل ايه يا مجنون انت لسه تعبان
صقر زق مراد : ابعد عنى يا مراد
صقر قام وكان هيقع ومراد مسكه ووصلوا عند حور فى الاوضة
الكل كان متجمع حواليها والدكتور طارق
صقر قعد جانبها ومسك ايديها
صقر : طارق حور مالها
طارق : حور عندها انهيار عصبي وكمان وقعت جامد دماغها نزفت واتخيطت وياريت يا صقر تبعدها عن أى زعل أو توتر
صقر باس ايديها : حاضر
كلهم طلعوا برة وسابوا صقر ومحدش فاهم حاجه لا سارة واهلها ولا ام حور حاسين أنهم جوة لغز كبير ومش عارفين ايه المغزى بتاعه
صقر فى اوضة حور ماسك ايديها ودموعه بتنزل
صقر : انا اسف يا حبيبتي حقك عليا انا خايف تتأذى بسببى أو يحصلك حاجة انا زمان خرقت قلبها على خالد ومكنتش خايف من حاجه دلوقتى انتى فى حياتى ولازم اخاف عليكى انتى يا حبيبتي
رحمة : لا انا مش هفضل اتفرج عليهم كده كتير انا لازم اعمل حاجه لازم اخرب عليهم حياتهم كلها
الممرضه : طيب واللى يقولك على الطريقه
رحمة : تبقى حبيبتي وحلاوتك تزيد اوى اوى
الممرضه : عايزة مليون جنيه
رحمة : نعااااااام مليون يا شحاتة انتى انتى اتجننتى
الممرضة : يبقى انتى مش عايزة تخلصى منهم وعايزاهم هما اللى يخلصوا عليكى وبعدين انتى لو عرفتى اللى عندى هتزوديلى المليون ده عشر اضعااف من نفسك كده
رحمة : ليه أن شاء الله خوط الصعيد حضرتك
الممرضه : لا عندى اللى يبعدلك حور دى نهائى من حياتك
رحمة : انتى غبية انا عايزة اموتها
الممرضه : ما اللى هيحصل تعتبر كده ماتت وزيادة كمان
رحمة : ماشى ولو عجبتينى يابت ليكى الحلاوة الكبيرة
الممرضه : اسمعى يا سيتى .........
رحمة وعيونها وسعت وبانت ضحكة خبيثة
رحمة : الله عليكى يابت وعلى دماغك خلاص يلا نروح النهارده
الممرضه : تحت امرك
حور فاقت بعد ساعات لقت صقر قاعد ماسك ايديها وحاطط رأسه جانبها على المخدة
حور باست صقر من خده وبهمس : انا بحبك اوي يا صقر انا اول مرة ابقى قريبة اوى كده منك ده انت حلو اوى قمررر يخربيتك انت بتفطر كراميلا بس قالتها بطريقة محمد رمضان
صقر كان سامع كل حاجه ومقدرش يمسك نفسه من الضحك
صقر : ههههههه هههههههه بفطر اييه يا محمد يا رمضان كراميلا
حور اتخضت واتكسفت منه مكنتش أنه صاحى حور كشرت وودت وشها الناحية التانية
صقر مسك وشها
صقر : ايه اللى مخليكى تعيطى بالطريقة دى
حور وقت أيده : ملكش دعوه
صقر مسك وشها تانى : يعنى ايه مليش دعوه
حور بدموع فى عينيها وبصتله : يعنى متعرفش ايه اللى خلانى اعيط ولا بتستعبط
صقر رفع حاجبه : بتستعبط فى واحدة تقول لجوزها كده
حور بصتله بتحدى : اه فى انا وياريت متتكلمش معايا تانى وبعدين انت نايم جانبى كده ليه اتفضل قوم وروح على اوضتك وانت ازاى اصلا تقوم وانت لسه تعبان
صقر : عشان قالولى أن حضرتك اغمى عليكى وطارق قالى انك دخلتى فى انهيار عصبي فى واحدة يبقى عندها انهيار عصبي وتبقى زى القمر كده
حور اتكسفت ووشها احمر
صقر : يالهوى على القمر لما يتكسف
حور بتغير الموضوع : صقر
صقر بيبص لعيونها : عيونه
حور : انت ليه بتكره مامتك اوى كده
صقر نظرته لعيونها اتحولت لنظرة غضب وكره وعيونه اسودت اوى وبيضغط على ايد حور جامد لدرجه انها ممكن تتكسر فى ايديه حور بتحاول تبعد بس صقر محاوطها مش عارفة تتحرك
حور بدموع : صقر اا انت كويس
صقر بيبص للفراغ بعيونه حمرة وممكن تحرق اى حد
حور بتحاول تسحب دراعها وصقر بيضغط اكتر
حور : صقر دراعى
صقر نغيب عن الدنيا كلها
حور بعياط جامد : صقرررر درااعى
صقر فاق بص لحور لقاها بتعيط جامد ودراعها ماسكه جامد جدا ساب دراعها بسرعة وقام من مكانه
صقر : مش عايز اشوف وشك هنا غووورى على البيت حالا
حور : صقر مالك
صقر قرب منها ومسك دراعها تانى : قولتلك غورى من هنا وعلى الله تطلعى من البيت او انك طلعتى انتى فاااااهمة
حور أومت برأسها وبدموع : حاضر حاضر
صقر سابها وطلع وهو بيسند على الاساس جانبه لحد ما فتح الباب وكان هيقع ومراد لحقه ومسكه ووصله لحد اوضته وطلبارق عشان يجى
حور كانت فى اوضتها بتعيط ومش فاهمة حاجه وليه بيتغير فى لحظة كده وكانت بتجهز نفسها عشان تمشى وترجع البيت
يتبع.......
عايز كومنتات برأيكم فى ايه اللي هيحصل صقر وحور هيعملوا ايه ومراد هيعمل ايه مع صقر وكمان رحمة والممرضة اتفقوا على ايه تواقعتكوا يلا 😍😍😍
&&&&&&&&&&&&&&&&
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
