روايه اسير قلبها البارت الثاني والثالث بقلم ايه هاني حصريه علي مدونه النجم المتوهج للرويات والمعلومات
_ انت بتكدب علياا يا فارس ومش هتوديني لماما صح..
= بصي يا ملك ماما راحت عند ربناا احنا مينفعش نروح الا ما نموت..
_ يعني احنا مش هنروح لماما.. وبدأت عيونها تدمع..
= لا يا حبيبتي مش بمزاجنا نروح لماما..
ملك قعدت ف الأرض وفضلت تعيط" انا بحب ماما اوي عايزة اروح لهاا يا فارس علشان خاطري وديني لماما "..
فارس عيونه دمعت لعياطها وهو حاسس بوجعها.." عارفة ماما كداا زعلانه منك علشان انتي بتعيطي "..
ملك بطلت عياط وبصت له" هي ماما شايفاني دلوقتي ".
_ اه ولما بتشوفك بتعيطي بتزعل وكدا مش هتحبك تاني"..
= خلاص مش هعيط تاني انا بحبك اوي..
_ وانا كمان يا ملوكتي مش يلا ننام ولا هنفصل بقا قاعدين كدا عندي دروس بكراا..
وخدها ف حضنه ونامواا هما الإتنين..
........................
_ ياتري يا ملك روحتي فين..
= يا بابا اهي غارتف داهيه مش عارف شاغل بالك بيها ليه..
_ علشان دي بنت أخويا وتبقا بنت عمك يعني مفروض تخاف عليهاا زي أختك بالظبط..
= انا مالي بيهاا انا رايح الدرس يا بابا..
_ روح يا أخويا ربنا يهديك.
........................
_ صباح الخير يا ملوكتي..
ملك وهي بتبتسم وهي مغمضه" صباح النور يا أحلي ماما "..
فارس قلبه وجعه اوي لإنها مفكرة ان مامتها جمبها..قرب عليها وباسها من راسها " قومي يا كسولة "..
_ ماما فين..
= احنا قولنا ايه امبارح..
_ انا عايزة ماما يا فارس ماما وحشتني اوي 🥺🥺..
= فارس حضنها"بس بقا يا ملوكة ماما كدا هتزعل منك"..
_ وانا كمان زعلانه منهاا علشان هي مشيت وسابتني..
= هجبلك شيكولاته كتير وفساتين لو بطلتي عياط..
ملك فرحت زيها زي اي طفلة بتفرح من أقل حاجه"بجد هتجبلي فساتين وشيكولاته"..
_ اه يا حبيبتي بس نبطل عياط الأول علشان اجيبلك.
= اهو بطلت عياط هتجبلي امتاا بقاا..
_ هروح الدرس ولما اجي هنروح انا وانتي و رغد نجيب ليكي اللي انتي عايزاه..
= هييييه هييه..
_ يلاا ننزل علشان ناكل معاهم..
ونزلوا فطروا وهو مشي ع الدرس وهي فضلت تعيط شوية وبعدين سكتت ..
"فارس ف تانيه ثانوي يجماعه يعني عنده 16 سنه ومش بيروح المدرسه كل يوم بيروح أيام وأيام لا"..
"ملك ف 6 ابتدائي يعني عندها 11 سنه "..
نرجع بقاا لروايتنا..
_ يلا نخرج نلعب ف الجنينه..
= هييه يلاا..
_ ايه رأيك نلعب كورة..
= ماشي يلاا..
وهما بيلعبوا كورة الكوره خرجت براا الفيلا جريت ملك ع الكورة..
_ ملك استنيييي...لااااااا.
_ ملك حااسبي وشدها له..انتي كويسه يا ملك..
= اه انا كويسه..
_ بتجري ورا الكورة ليه ينفع كداا العربية كانت هتخبطك..
= انا آسفة 🥺🥺.. وخدها ودخل الفيلا..
عدت الأيام والشهور والسنين لحد ما عدا عليهم 6 سنين وكبر فارس وملك..ودلوقتي ملك ف تالته ثانوي و فارس شغال ف المخابرات..
_ أبيه فارس بص جبت كام ف امتحان الكيمياا..
فارس كعادته بيشجعها "شطورة يا حبيبتي اتجدعني كدا يا ملوكتي علشان تبقي أحلي دكتورة أطفال"..
= إن شاء الله ولاحظت مسدج من بنت ف اتضايقت اوي..
_ مين دي يا أبيه..
فارس بتوتر " مش عارف عادي هتلاقي واحدة بتبعت عادي"..
= طب افتح الشاات اعملها بلوك..
_ ماشي هبقاا اعمل لها يلا يا حبيبتي روحي كملي مذاكرتك..
= مش هروح اذاكر الا ما تعمل ليها بلوك قدامي ودلوقتي..
فارس بعصبية" ملك مش هكرر كلمتي تاني روحي ذاكري يلاا "..
ملك زعلت وخرجت من اوضته وفضلت تعيط..
_ مالك يا ملك بتعيطي ليه يا حبيبتي..
= مفيش يا رغد اناا هروح اذاكر..
_ مش هسيبك الا ما تقولي فيه اي..
ملك بصوت مملؤ بالبكاء" اناا.. مش هقدر اتكلم دلوقتي هبقا احكيلك بعدين "ودخلت اوضتها بسرعه وقفلت الباب..
رغد راحت ل فارس" فارس يا فارس".
_ ادخلي يا رغد..
= هو انت زعلت ملك..
_ هي بتعيط..
= جداا انت عملت ليها اي..
_ بعدين يا رغد هقولك سبيني دلوقتي علشان بعمل شغل مهم..
رغد اتضايقت "يووه هي تقولي بعدين هقولك وانتي تقولي بعدين هقولك والله ل اروح اكلم آدم قرة عيني بلا قرف"..
وخرجت من اوضته وراحت تكلم آدم خطيبها..
.....
_ بقالي 6 سنين بدور عليها ومش لاقيها يعني اي الكلام دا..
= يووه يا بابا انت لسه بتفكر فيها ما هتلاقيها يا ماتت يا عايشه ف اي حته بقاا ..
_ مش عارف انت طالع قلبك قاسي لمين يا ابني..
= ولا قاسي ولا حاجه انت اللي حنين زيادة عن اللزوم..
_ بردوا هفضل ادور عليها لحد ما الاقيهاا..
..........
_ ملك يا ملوكة.. ملوكتيي..
ملك بصوت غاضب" مش هفتح الباب يا فارس حتي لو عملت اي"..
فارس بضحكه جميلة "حتي لو جايبلك شيكولاته كتير".
وبسرعه البرق كانت فتحت الباب وهي بتضحك" فين يا أبيه "..
_ مش هديها ليكي الا ما تقوليلي مش زعلانه منك يا فارس.
= هاتها الأول وبعدين هقولك..
_ طيب ياستي خدي جايبلك علبة شيكولاته كامله (يابنت المحظوظة طب وانا يا ملك والبنات اللي بتقرأ دي🥺 مش هتدي لحد حاجه 🥺🥺)..
= شكراا اتفضل انت بقا مع السلامه..
_ والله بقاا كداا..
= اه علشان انت زهقت علياا وانا معملتش حاجه وبعدين بتكلم البنت دي لي..
_ عادي هي كانت عايزاني اساعدها يستي ف مشكله كدا..
=مشكلة اي واشمعناا انت يعني وبعدين قالت بغيرة وغضب اااه من حقهاا تكلمك ما انت حاطط صورتك ولابس ومتشيك وعيون بني وشعر اسود علي دماغك ف اكيد بتكلمك علشان عايزة تستغلك بنت ال..
وراح حط ايده علي بوقهاا" ششش افصليي اي دا كله.. وبعدين هو انتي بتغيري علياا يا ملك".
ملك بصت مكان ايده ان هو يشيل ايده يعني وفعلاً شالها" لا هغير عليك ليه يعني كتك القرف ف ام حلاوتك دي اي بتبصلي كدا ليه مش بغير عليك علي فكره "..
_ واضح اهوو..
=طب اخرج بقاا خليني اتنيل اذاكر علشان المستر هيشرب من دمي + قولتلك ذاكر ليا درس الفيزيا اللي مش فاهمه فيه حاجه مذاكرتش لياا حاجه بردوا..
_ هاتي يختي كتابك واترزعي علشان اذاكرلك..
= مش بقولك قمر انت اي قمر.. وجابت كتاب الفيزيا وهو قعد يذاكر لهاا..
بعد شويه..
_ ملك بصي علشان انتي عارفه انتي غالية عندي اد اي وعارفه انا بحبك اد اي بردوا ف انتي أول واحده هتكوني عارفه بالموضوع داا.
ملك بفرحه" قول يا ابني قول"..
فارس خد نفس طويل شوية" اناا هخطب يا ملك "..
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
جميع الروايات الكامله من هنا
