رواية أحببتها بعد عذابها الفصل السابع عشر والثامن عشر بقلم منار رمضان حصريه وجديده علي مدونة النجم المتوهج للروايات والمعلومات
💔 البارت_السابع_عشر 💔
حور كانت بتجهز شنطتها عشان ترجع البيت سارة دخلت عندها
سارة : حور انتى بتعملى ايه
حور : هرجع البيت
سارة : وهتسيبى صقر هنا
حور بغيظ منه : مش هو اللى عايز كده انا همشى ومش هوريله وشى تانى
سارة : حور انتى اتجننتى أهدى يا حبيبتي هو قالك ايه خلاكى تتضايقى اوى كده
حور بدموع : بساله عن مامته لقيته اتحول مرة واحدة زعق فى وشى وقالى غورى من هنا مش عايز اشوف وشك تانى وانا بقا مش هوريله وشى تانى زى ما يحب حضرته
سارة : حور هو ايه اللي بيحصل من جوزانا وفى حاجات بتحصل كده غريبة ليه بيعملوا رحمة دى كده وايه الالغاز اللى هما فيها دى
حور : مش عارفه ياسارة بس صدقيني صقر مش هيكره حد اوى كده غير لما يكون عمله حاجه كبيرة
سارة : بردوا مش فاهمه حد عمله حاجه مش امه هتكون عملتله ايه يعنى ما احنا ساعات بنختلف مع امهاتنا نبقى نكرهم اوى كده وكمان انتقام وكلام غريب
 |
حور : لا انا حاسة أن الموضوع كبير مش صغير يلا بقا خلينى امشى
سارة : طيب خدى لينا معاكى عشان كانت عايزة تروح
حور : اخد لينا معايا فين انا مش هروح القصر
سارة : اومال هتروحى فين يا حور
حور : هروح شقتنا
سارة : هتفضلى هناك لوحدك انتى اتجننتى
حور : احنا عيشنا فيها طول عمرنا ايه مش هعرف اعيش فيها
سارة : لا بس اخاف عليكى
حور : متخافيش انا كويسة وكمان عايزة اريح اعصابى بس لو حد سالك قولى لهم انك متعرفيش انا روحت فين
سارة : يعنى ايه
حور : يعنى لو صقر أو مراد أو أى حد قالك حور فين قولى لهم مش عارفة
سارة : انا مش مستريحالك يا حور
حور : متخافيش هقفل على نفسى كويس
سارة : طيب يبقى طمنينى عليكى
حور : ماشى
حور طلعت من الاوضة لقت الكل بيتكلم ومشغول ومش واخدين بالهم منها وانتهزت الفرصة ومشيت
مراد عند صقر
مراد : مالك يا صقر
صقر بضيق : مفيش يا مراد
مراد : هو ايه اللي مفيش انت كنت عند حور عملت ايه فيها
صقر : هكون عملت ايه فيها يا مراد دى مراتى
مراد : عارف انها مراتك بس انت لما بتكون متعصب انت متعرفش ابوك هى كويسة فى اوضتها
صقر : يارب تبقى فى اوضتها ومتكنش سمعت الكلام
مراد بزعيق : كلام ايه يا صقر
صقر : قولتلها تمشى مش عايز اشوف وشها تانى وقولتلها تروح على البيت ومتطلعش منه
مراد : يخربيت غبائك
صقر : مراد روح شوفها فين
مراد : طيب ارتاح انت
مراد طلع برة لقاهم قاعدين عادى
مراد لسارة : حبيبتي فين حور
سارة حاولت تخبى
سارة : اكيد جوة
مراد : طيب تعالى ندخل نطمن عليها
سارة بتسرع : لا لا لا خليها نايمة
مراد : سارة فى ايه
سارة : مفيش انا بقول خليها مرتاحة عشان دخلت عندها من شوية كانت تعبانة وبتعيط وقالت عايزة تفضل لوحدها
مراد : انا عارف صقر مش هيجبها لبر ابدا
سارة : مراد ممكن أسألك سؤال
مراد : اكيد يا قلبى عايزة ايه
سارة : هو ايه اللي بيحصل بين صقر ومامته
مراد باس راسها : حبيبي اللى بين صقر ومامته يخصهم هما انا مينفعش اتكلم فيه مع حد
سارة : حبيبي انا فهماك ومقدرة انك بتحب صقر اد ايه بس هو انا حد ولا انت مش بتثق فيا
مراد : ايه اللى انتى بتقوليه ده يا مجنونة انتى مش بثق فيكى انتى مراتى وحبيبتي وبنتى كمان ازاى مش هثق فيكى
سارة : اصل انا حاسة انى فى لغز أو فيلم حاجات بتحصل من حواليا ومش فاهمة حاجه خالص
مراد : حبيبي ادام هى حاجه متخصناش يبقى منفكرش فيها
سارة : حاضر يا حبيبي
مراد : يحضرلك الخير يا قلبى احسن انا تعبت منهم كلهم ده انا عريس ياجدعان
سارة : هههههه انا متاكده أن صقر هيطلع من هنا وتنزلوا الشغل والإجازة راحت فى المستشفى خلاص
مراد : نعم يا ختى والله مايحصل مش رايح شركات يكش تولع انا عريس ولازم اخد اجازتى كاملة مش كفاية اللى انا فيه
سارة : ادعيلهم يا حبيبي أن ربنا يعدى الفترة دى على خير وميظلمش حور معاه
مراد : بدعيلهم يا قلبى بس انتى خليكى مع حور
سارة ونسيت موضوع حور أنها مشيت
سارة : حور فى عينيا دى اختى
مراد : عارف انا هدخل اطمن عليها
سارة : ماشى يا ح..😳😳
مراد كان دخل الاوضة ولف فيها مفهاش حد ودخل الحمام ملقاش حد
مراد بصوت عالي : سااارة
سارة بلعت ريقها بالعافيه : ن نعم
مراد بزعيق : حور فين
الكل جه على صوته
سعاد : حور مالها
مراد : مش موجوده حور مش هنا
صقر طلع على صوته : انت بتقول ايه حور فين
مراد : معرفش مش اوضتها ولا فى الحمام
صقر : غبيييية غبية
سعاد بدموع : ممكن حد يفهمني بنتى فين
صقر : متخافيش انا قولتلها تروح على البيت عشان هى تعبانة
احلام : انت متاكد انها فى القصر يا صقر
صقر : اكيد طبعا
لينا : طيب انا هروح اطمن عليها
صقر : طيب روحى ويبقى طمنينى
لينا : حاضر
كلهم مشيوا وفضل مراد مع صقر
صقر : مراد نادى على طارق
مراد : ليه انت تعبان
صقر : لا بس عايز أخرج من هنا انا زهقت
مراد : يابنى انت لازم تفضل عشان تكمل علاجك
صقر بحدة : مراد انت عارف انا مليش خلق على المستشفيات انا طولت اوى هنا
مراد : طيب ماشى بس تروح ترتاح فى البيت فترة وتهدى اعصابك
صقر : انا هاخد حور واسافر اعوضها عن الايام دي وبعدين ابقى اشوف موضوع رحمة هانم
مراد : أيوة بقا يا كبير ده الكلام المظبوط
صقر رفع حاجبه : ليه هو انت ناوى تيجى معايا
مراد : نعااااااام ده انا مروحتش البيت غير اول يوم تعبت فيه وصلت البنى ادمين اللى كانوا هنا وغيرت هدومى ومن ساعتها مروحتش وسيبت كل حاجه وجيتلك وانت تقولى ناوى تيجى معايا عارف عشان الكلمة دى انا هوصلك البيت ومش هتشوف وشى غير بعد شهر ايه رايك بقا
صقر : ايه يابنى براحة شوية حنفية وفتحت فى وشى نطلع بس من هنا و....
قطع كلامه صوت الفون بيرن
صقر بص باستغراب: رقم مجهول
مراد : طيب رد كده
صقر : الو
..... : صقر باشا ايه أخبارك والله ليك واحشة
صقر : مين انت
.... : انا حد تعرفه كويس جدا وبقولك انا كده اخدت انتقامى منك
صقر : انت مين يا حيوان انت وانتقام ايه
..... : لا أهدى على نفسك كده بس كل اللى هقدر اقولهولك أنك هتستلم جثة حد غالى عليك قريب
صقر 😬😠😠😠😠
&&&&&&&&&&&&&&&&&&
💔 #البارت_الثامن_عشر 💔
..... كل اللى هقدر اقولهولك أنك هتستلم جثة حد غالى عليك قريب
صقر بعصبية : انت مين يا حيوااان
....: بردوا بتغلط بص عشان انا راجل هخليك تسمع صوتها
حور بعياط : صقرر الحقنى
صقر اتجنن اول ما سمع صوتها : حووور انتى مع مين
حور : ه ه هيضربنى وووو وهيحبسنى تااانى ههييضربنى
صقر جز على سنانه وعرف هى اصدها على مين
صقر : حبيبتي اوعى تخافى انا هجيلك و .
قطع كلامه صوت صويت حور
....: كفايه عليكوا كده انا عملت باصلى وخليتك تكلمها لآخر مرة
صقر : وحياة اهلك لاجيبك يا علوان الكلب انت
علوان : ههههههه عرفتنى يابيه انا باخد انتقامى وانتقام ابنى انت فاكر اللى حصل لابنى هعديه على خير لا ابدا
صقر : والله لادفنك انت وابنك ده بايدى يا ولاد الكلب
علوان قفل السكة فى وش صقر وبص جانبه
علوان : بصى يا بنت اخويا ادامك حل من الاتنين يا اقتلك دلوقتي ولما جوزك يجى اخلص منه وابعتهولك ولا استنى لما يجى واقتلكوا انتوا الاتنين مع بعض
حور بخوف : صقر هيقتلك وياخدنى من هنا
علوان ضربها بالقلم : هيقتل مين يابنت ال .....
حور بعياط وخوف : صقر هيجى يقتلك
علوان فضل يضرب فى حور لحد ما حجابها اتفك ووشها نزف دم كتير وسابها مغمى عليها ومشى طلع بر المخزن
رحمة : عملت ايه مع صقر
علوان : متقلقيش يا مدام انا قولتله انى هموتها
رحمة : وصقر
علوان : اول ما يجى هخلص عليه هو كمان
رحمة : صقر مش عيل صغير عشان حد سهل زيك يخلص عليه بسهولة صقر رجل تقيل اوى وفاهم وعارف هو بيعمل ايه وكمان وانت ممكن يفعصك فى لحظة
علوان بغل : يفعص مين يا هانم ده انا علوان والمكان ده كله متلغم بالرجالة والسلاح وكلهم تحت طوعى حطى فى بطنك بطيخة صيفى
رحمة : اما نشوف الثقة دى هتوديك لفين
علوان : طب ايه
رحمة وهى بتديله شنطة باشمئزاز منه
رحمة : ده نص مليون والباقى لما اشوف جثثهم ادامى
علوان بص للشنطة بطمع : كله عشانك ياست هانم
صباح الممرضه : انا كده عملت اللى عليا يا هانم فين حلاوتى انا بقا
رحمة بردوا ادتها زى علوان
صباح : وانا مالى يا ست الكل انا خلصت اللى عليا
رحمة : هو نظامى كده عجبك ولا
صباح خدت الشنطة وحضنتها : ولا ايه بس خلاص براحتك
رحمة : انا عايزه ادخل أشوفها
علوان : انا سايبها مغمى عليها جوة ادخلى بس بسرعه قبل ما تفوق
رحمة : ماشى خليك انت هنا
حور كانت بدأت تفوق بس مش قادرة تفتح عيونها
رحمة دخلت عند حور وهى مرمية على الأرض
رحمة : هههه يبقى انتى يا شحاتة تتجوزى صقر الشناوى وقال ايه بتحبوا بعض حب ايه يا حلوة اللى زيك مش بيحب اللى زيك بيلعب على اللى زى صقر وغيره عشان فلوسه واملاكه وانا مش هوصلك اللى فى دماغك مش حب فى صقر لا عشان الفلوس دى من حقى انا مش من حق حد تانى واللى عملته زمان هعمله دلوقتي ولما تغوروا انتوا الاتنين يبقى بحكيلك انا عملت ايه زمان غوروا فى داهية يا بنت الشحاتة
زقت حور برجلها وطلعت ومتعرفش أن حور كانت صاحية وسامعة كل حاجه
حور بدموع : الحقنى يا صقر هى عملت فيك ايه يا حبيبي انت فين يارب احميه واحرصه
فى المستشفى بعد مكالمة علوان
صقر رمى الفون : يابن ال....
مراد : علوان وصل لحور ازاى
صقر وهو بيكسر فى كل حاجه : مش عارف مش عارف ازاى يخطفها من هنا ده من القصر للبيت خمس دقايق بالعربيه ازاى يخطفها
مراد : هنفضل نقول ازاى ومش ازاى
صقر : مراد اعرفلى المكالمة دى كانت فين
مراد : طيب يلا
صقر ومراد طلعوا من المستشفى
لينا : بردوا يا خالتوا مش فى الجناح بتاعهم
عادل رئيس الحراسة : يا هانم مدام حور مجتش هنا خالص غير مرة واحدة لما رجعت مع حضراتكم يوم ما صقر باشا تعب غير كده مرجعتش القصر تانى
احلام : يعنى ايه هتكون راحت فين يعنى
سارة كانت بتفرك ايديها من التوتر
سعاد : يعنى هتكون فين بنتى
صقر ومراد وصلوا البيت
احلام : صقر انت ايه اللى جابك وانت تعبان
صقر بعيون سودة وشرار طالع منها
صقر بحدة لام حور : مكان علوان عم حور فين.
ام حور : وانت بتسال ليه
صقر : الكلب خطف حور ورحمة ابويا لقتله
سارة بانهيار: ايه اتخطفت انا السبب انا اللى سمحتلها تروح انا السبب
مراد مسكها وقفها : بس أهدى انتى السبب فى ايه
سارة بتعيط وجسمها بيترعش
صقر : سارة أهدى ايه اللي حصل
سارة بعياط : حور قالتلى أنها زعلت معاك وقالت إنها هتروح الشقة بتاعتنا فى البيت القديم
صقر : ايييييه ازاى وانا مش منبه عليكم أن مفيش حد يروح هناك
سارة : انت قولتلها انك مش عايز تشوف وشها تانى وهى قالت أنا همشى من وشه
صقر : اغبية كلكم اغبية
سعاد : انت تجيبلى بنتى ولو حصلها حاجه انا ممكن اقتلك انا مش عندى غيرها انت فاهم ووقت ما تجيب بنتى بالسلامه تطلقها انت من وقت ما اتجوزتها وهى معشتش يوم حلو زى اى عروسه
صقر : هجيبها ومحدش هيقدر ياخدها منى لا انتى ولا اى مخلوق تانى
مراد : ليه مقولتليش يا سارة
سارة بعياط : والله هى قالت إنها هتريح أعصابها وقالتلى مقولش لحد
صقر : مراد عايزك
طلعوا برة
صقر : مراد انت تعرف .
قاطع كلامه صوت فون مراد بيرن
مراد : أيوة فين
... ياباشا فى طريق مقطوع قبل المنصوره كده
مراد : تمام خليك متابع
..: تمام يا مراد باشا
صقر : فى ايه
مراد : قال إنه فى طريق مقطوع قبل المنصوره كده
صقر بتفكير : انا فاتح ال فى فون عنبر
GPS
مراد : طيب تمام كده
صقر : مراد كان الرجالة تيجى
مراد : تمام
صقر بغل: نهايتك قربت يا علوان الكلب انت وابنك
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
