رواية الجامحه والبدوي الفصل السادس والسابع بقلم ميفو السلطان حصريه وجديده علي مدونة النجم المتوهج للروايات
البارت السادس
كانت سهيله تقف تلعب في المياه بقدميها تتمني ان تنزل فهي لم تتذكر متي نزلت المياه.. لتصرخ بشده لتجد نفسها محموله بين يده لتغضب بشده.... نهارك اسود نزلني الله يخرب بيتك.
ليهتف.... هاه هتخشي بالجاكت والا من غير.
لتصرخ... انت يا زفت الطين انت الله ينتقم منك اتحدفت عليا منين نزلني..
ليقول.... هو انت مابتزهقيش طيب براحتك ودخل بها.
لتصرخ..... يخربيتك طب طب استني وخلعت الجاكت باحراج ورمته بعيدا وعلي الفور دخل بها ورفعها ثم حدفها عاليا لتشهق بشده وتخوص في الماء لتحس بانفاسها ستزهق كانت البحيره غويطه وبمنحدر وهو يعلم ذلك لتحس انها ستختنق لتجده يرفعها بقوه لتشهق وتتعلق به بشده وتنهج وهو محتضنا ويشعر بسعاده طاغيه لتصرخ خرجني خرجني هغرق ما بعرفش اعوم البتاع ده غويط يخربيتك مش تقول..
 |
ليدور بها..... اهدي واستمتعي بالميه..
لتصرخ.... بقلك خرجني انت ايه بارد جبله.
ليفك يده ويقول.... طب ما تخرجي انا حوشتك.
لتتعلق به ليضحك بشده ويهتف والله انت عسليه زعلانه ومحمره كده َمش طيقاني وقافشه في رقبه امي هتخنقيني.
لتصرخ.... خرجني يا زفت و انا ابطل قفش عبوشكلك.
لينظر اليها قليلا. ليفك يدها من حوله لترتعب ايه هتغرقني صح..لتحاول ان تقترب منه لتصرخ.. انت هتغرقني والله شكلك بيقول كان قد فكها ومسك كفها وهيا تقبض عليه بشده وصرخت انت ساكت ليه هتغرقني.. لتحس بغرابه فنظراته تنم عن شئ لترتعب لتهتف بغلب اختي وماما مالهمش غيري والنبي ماتغرقني..
احس برجفه في قلبه من جملتها ليهمس بداخله وانت ليكي مين .. ليقترب منها بقوه ويشدها اليه لتتعلق به ليظل هكذا لفتره صامتا لا يقوي علي التكلم هيا بين يديه ولا يريد شيئا اخر ليسمعها تهمس والنبي بقه نخرج..
ليهتف بحنو ممكن بس تهدي شويه شويه بس وهخرجك غمضي عنيكي.
لتتنهد وتغمض عينيها وهو يدور بها لتحس بجسدها ينساب وبدأت تشعر بالخدر ليديرها ويحتضنها من الخلف ويدور بها لتركن علي صدره لفتره وشريط حياتها يمر امامها وهو يداعب يديها لتحس ان مشاعرها تتخبط لتهمس رجعني والنبي بقه كفايه..
ليتنهد ويبدا في اخراجها واول ما احست بارض تحتها حتي دفعته بشده ليهز راسه ويبتسم.. مفيش فايده بتتحول في ثانيه.. ميفو ميفو
كانت غاضبه فلم يقترب منها احد هكذا ولم يجرؤ علي فرض نفسه وذهبت لتجلس وعصرت شعرها وبسطته ولبست جاكتها وبدات تسترخي تحت الشمس وتاخذ بعض الفواكه..
ليجلس بجوارها.. ليهتف.. مش ملاحظه انك ما سالتيش عن اسمي.
لتقطب.. واسال ليه اعمل به ايه بكره ما هشوفش وشك تاني هاتلي لازمه للسؤال.
ليرفع حاجبيه.. هو انت ردودك كده مابتعرفيش تزوقي كلامك.
لتقول... وازوقها ليه انا لا عايزه منك حاجه ولا عايزه اعرفك وانا من اساسه مش بتاعه تزويق كلام مش سكتي.
ليقول.... وهيا ايه سكتك يا سهيله..
لتهتف... بقوه ماليش سكه.. لوحدي كده ماليش مدخل الا اختي وامي دول نقطه ضعفي غير كده ماليش ومش عايزه يبقي ليا.
ليهتف.... ايه يعني ماحبتيش. حد بيعيش من غير حب.
لتطرق قليلا وتضحَك.. حب.. مفيش حاجه اسمها حب.. فيه مصلحه.. فيه رغبه فيه شيلني واشيلك اما حب وكلام فارغ لا ماعتقدش..
لينظر اليها.. هو وجعك اوي كده..
لتنتفض.... هو مين يا جدع انت كانت تنهج بشده.. انا ماحدش وجعني ولا يقدر يوجعني. ميفو ميفو
ليهتف بحنان اربكها.. لا يا سهيله دا مش بس وجعك دا غرز وجعه جواكي وانت مش عارفه تعيشي.
لتصرخ... بس بس بلاش هبل.. انت ماتعرفنيش عشان تنطق.
ليهمس.. مين قال دا انا اللي عرفتك بس ما تقلقيش كل ده هيروح.
لتنظر اليه ساخره والله.. طب يا سيدي شكرا علي المعلومه السوده دي واسكت بقه انت مالك اصلا دا ايه ده.
ليهتف... طب براحه انا عارف لما تتجوزي هيطيقك ازاي بعصبيتك دي..
لتنظر اليه بغضب.. هيا مين اللي هتتجوز ماتخليك في حالك بقه.
ليهتف.. ايه اكيد في يوم هتحبي وتتجوزي مفيش بنت مابتحبش..
لتهتف. لا فيه انا لا بحب ولا بتزفت علي دماغك.. مفيش حاجه اسمها حب دا كلام بتضحكو بيه عالبنات عشان يا تاخدو غرضكو يا تعيشوهم خدامات ليكو في البيوت. بلا ارف ال جواز ال
ليرفع حاجبيه... هو الواد اللي وجعك هو اللي لخبطلك دماغك كده.
لتصرخ فيه.. واد مين يا بتاع انت.. انا ماحدش يقدر يلخبطني خليك في حالك بقه واقفل عالسيره الزفت دي.
ليقول.... اول مره اشوف بنت مش ملهوفه تلبس الابيض..
لتهتف بسخريه.. البس الابيض. لبسك عفريت.. انا لا هلبس زفت ولا طين ولا ليا في السكه دي من اساسه.
ليهتف بمرح.. ما تبقيش متأكده كده.. اكيد هيجي اللي يفتح قلبك ويتربع فيه بمزاجك غصب عنك هيحصل..
لتستدير مشتعله.. هو مين دا اصله.. مفيش حد يقدر انا مش بتاعه كده. والهبل ده مش سكتي بلا يتربع بلا يتزفت واتنيل اسكت بقه دماغي وجعتني.. سيره هم . عايزه اريح شويه.
لتستدير وترتب المكان ليعطيها كنزته لتنام عليها كانت رائحتها رجوليه سرحت فيها ونامت..
ظل ينظر اليها.. يا تري ابن الكلب ده عمل فيكي ايه.. ليقترب ويجلس بجوارها ويمد يده ويفرد شعرها.. ده ما يتربطش النعمه دي تتساب كده تلهب العين وبدا يخرج تليفونه ويلتقط لها عده صور ليبتسم قمر يابنت الايه الصبر يا رب.. عسل يا واد يا كارم مضبط المسائل وبتسمع الكلام قاعده عسليه زيك نفسي نفضل كده بس اعمل ايه اخرها بكره يا وحش وبعدها هشوف هعمل ايه.. قمري جامد موت لينحني ويقبلها بهدوء.. يا لهوي من يوم يا ولاد .. اصبر يا زفت. يجي وقته هيجي كلو هيجي وقته وههيص ساعتها.. نامي يام مخ جزمه نامي وظل يداعبها ويتلمس شعرها وعينيه مسلطه عليها.
استيقظ حمزه وذهب علي الفور ليري رودينه ليجدها لم تخرج من خيمتها لينتظرها ولكنها لم تخرج ليجد هاله تخرج منها ليهتف هيا مابتخرجش ليه..
لتنظر اليه بغضب.. مش عايزه تخرج هيا حره.. ليعلم انها حكت لاخته ليتنهد بت فضيحه ناقص تجيب مكرفون وتفضحني.. ليتنهد طب يا لولو والنبي حاولي تخرجيها..
لتهتف.. ماتسيبها بقه مش كفايه اللي قلته ضرب وشتيمه انا مش مصدقه انك حمزه اخويا عارف لو كريم كنت صدقت انما انت يا حمزه
ليهتف.. يا هاله خلاص بقه منظرها كان يحرق اي حد انت ماشفتيش الشباب كانو عنيهم هتخرم جتتها وانا ماستحملتش.
لتقطب هاله جبينها وترفع حاجبها قليلا لتقول.. ودا من امتي ان شاء الله
ليهتف.... هو ايه يا بت اللي من امتي ماتتعدلي
لتهتف.... طب انت عايز ايه..
ليقول.... خرجيها وانا هتصرف.
لتتنهد وتقول..... طيب.
لتدخل اليها وتحاول اقناعها لتستجيب اخيرا وتخرج ويظلا يتمشيان لتهتف هاله ايه ده نسيت الفون عايزه اشغل اغاني..
لتهتف رودينه.. طب مانا معايا تليفوني هترجعي المسافه دي كلها احنا بعدنا اوي استني ارجع َمعاكي..
لتصرخ هاله.. لا لا خليكي.. لا اقصد انت اصلا تعبانه خليكي وانا هاخدها جري عندك الشجر اهوه اقعدي علي ما اجي..
ليمر الوقت ليظهر حمزه امامها لتغضب وتقوم لترجع ليمسك يدها ويهتف والله مانت ماشيه الا اما نتكلم.
لتنفعل.... سيب ايدي.. وانا حره امشي اقعد مالكش فيه..
ليستغفر ربه.... طب ممكن بقه تسمعيني اتنيل اقول الكلمتين.. دانتي فضحتيني واختك شرشحتلي في التليفون.
لتقول.. احسن تستاهل ولسه اما تجيلك هتسوي وشك بالارض..
لينظر اليها بغضب ويمسك يدها لتصرخ ليهتف.. احترمي نفسك َمش معني اني غلطت تقلي ادبك واعرفي انت واقفه مع مين.
لتهتف.... ايدي يا اخي اوعي بقه ايه ده.. ومش عايزه اقف ولا اتنيل امشي بقه دا ايه ده.
ليقول..... ها هتبرطمي كتير بصي هو لا انا همشي ولا انت الا اما تسمعيني.
لتنظر اليه بغضب وغيظ.. اتفضل غني واشجيني الألحان.
ليستغفر ربه ويصمت..
لتصرخ... انت موقفني تسمعني سكاتك دا ايه البلاوي دي. ميفو ميفو
ليقترب منها بغضب لترفع يدها علي وجهها لتقول.... يمين بالله لو مديت ايدك لاكون معرفاك مقامك.
ليبتسم علي خوفها.. ليقترب بشده.. طب ماتعرفيني كده مقامي اصلي مش واخد بالي
لتدفعه وتبتعد.. ماتخلص في يومك بقه مش متحمله دا كانت رحله سوده وشوره سوده.
ليتنهد ويهتف.. بصي قبل اي حاجه انا اسف.
لتهتف بعنف.... وانا مش قبلاه هاه ارتحت
ليتنهد ويصمت قليلا ثم يبتسم ويقترب منها ويشدها ويقربها منه لترتعب عندما سمعته يقول.. خلاص انا عارف انت اكيد هتتصالحي لما ابوسك ونبقي حبايب انا عارف والله تعالي تعالي.
لتصرخ... نهارك اسود تبوسني اوعي يا زفت عبوشكلك هو مين اللي هتبوسها.
ليهتف... انت َاهو احنا بنصالح الستات ببوسه يبقي انت اولي والا ايه والا الغريب احسن منك
لتنظر اليه ببلاهه.. نهارك مطين انت بتبوس الستات يا َواد يخربيتك.. انت بتصالح اللي تزعله وتبوسهم.
ليهتف.... لا عيب الرجاله لا ماليش فيهم.
لتهجم عليه اه يا صايع يا بتاع النسوان نازل بوس وانا اللي فاكراك بومه وكئيب طلعت ميه من تحت تبن وجايباك رحله تفك الجبس اتاريك مفكوك وبتبوس وتسبسب بوست كام بت يا زباله من ساعه ما جيت والله لافضحك واقول لابوك وامك.
كانت تضربه وهو يضحك بشده ليهتف مابويا وامي عارفين انت اخر من يعلم..
لتتوقف مذهوله.. ايه عارفين.. دانت منتشر بقه.. دانت عيارك فلت لتهجم عليه امال عامل فيها بومه ليه ومربيلنا الخفيف وكل شويه عيب وانت العيب نفسه.. وجاي عايز تصالح وتبوس هو انا زي المراقيع بتوعك غور من وشي بدل ما اموتك وتركته والغيظ ياكلها.. الواد بيبوس نهارك اسود لتسمع ضحكته عاليه لتستدير وتنفلت اعصابها وتبحث عن شيئ لتجد حجر وتنزل تاخذه وتبدا بحدفه بالحجاره وهو يتفادها ومنفجر في الضحك ليقترب بسرعه ويمسكها.. ماتعقلي بقه ماقلتش الكلمتين
لتصرخ.... مش عايزه كفايه اللي قلته يا بتاع النسوان يا بايظ..
ليبتسم ويهتف.... طب والله اسف وغصب عني والله يا رودينه غصب عني ماستحملتش..
لتقطب جبينها وتقف صامته.. ليكمل.. يمين بالله ماحسيت بنفسي منظرك كان صعب دانا متعصب من التفكير
لتصرخ... اه غلطت وقليله الادب كمان بس انت مالكش حق تعمل كده ولا تنطق
ليهتف... ليه دانت بنت عمي ليا حق اقطم رقبتك ماتتعدلي.
لتضع يدها في وسطها.. ايه ايه ايه ايه.. لا يا حبيبي روح شوف حالك انا ليا اختي تقطم رقبتي انما حد تاني لا.
ليقول... طيب هعديها مع انك حالي يا هبله انا مكنش ينفع اسيب بنت عمي لرجاله عينهم ترشق في جتتها.. ما علينا خلاص بقه انا اسف وقلت كلام زباله والنبي ماتزعلي لتلين وجهها وتقطب مره اخري ليهتف بمرح انا قلت ابوسك هتتصالحي..
لتنظر اليه مره اخري.. انت مش راضي تعدي يومك الجاز ده صح ماتحترم نفسك انت مالك عيارك فلت كده ارجع بومه زي ما كت ايه ده دا مصدق يقل ادبه..
ليهتف ضاحكا هو فيه احلي من قله الادب وغمز لها
لتنظر اليه بذهول.. الواد اتهبل نهارك مطين لا انا ماستحملش كده.. لتصرخ والله لاسيبهالك كل روحك وقل ادبك علي روحك عيل بارد ومحروم.. متصابي
لينظر اليها وهيا ترحل مذهولا.. ايه ده انا متصابي. ليه اكون دخلت سن الياس ولا اعرفش.. البت دي عندها اعاقه في السنين.. لا ومحروم ربنا يشفيكي الهبل عادي ليذهب اليها يمشي بجوارها وكانت تبرطم وهو يضحك عليها حتي وصلا الي التجمع وانغمست مع اصحابها وابتعدت عنه ليهز راسه.. ليهتف انا ايه اللي جابني عشان اتمرمط كده.. ليقطب.. لا كويس اني جيت الجزمه كانت هتقعد تهزر براحتها.. طب يا رودينه ان ما قطمت رقبتك..ولسه التانيه هتيجي تكمل ردح واحده معقده والتانيه هطله.. الصبر علي دي عيله..
عند سهيله كانت قد استيقظت وجلست بجانب النار لفتره صامته لا تتكلم وهو كان يدور لتجده احضر بعض جذوع الشجر لتنظر اليه وتراقبه لاول مره عن كثب كان وسيما ذو هيئه رجوليه طاغيه جسم مفرود وعضلات ممشوقه وعندها طابع حسن خلاب كانت تتامله في صمت لتسمعه يقول.. عارف اني مز وقمور ايه رايك.
لتقطب جبينها.. نعم يا اخويا بتقول ايه انت.
ليضحك.... مش يا بنتي سرحانه في وشي بقالك ساعه.
لتنظر اليه بغضب.. انت اهطل هيا مين دي.. ومين الي مز وامور روح روح الله يشفيك.
ليضحَك وياتي ويجلس بجوارها ليهتف تشربي شاي..لتهز راسها في صمت ليقوم بتجهيزه ووضعه علي النار وانتظر حتي صبه واعطاه لها ليهتف.. وانت بقه مبسوطه في شغلك..
لتبتسم فهي تحب عملها.. لتقول جدا دا حياتي كلها.. بحب شغلي وبحب ابدع فيه والحمد لله خدت مركزي في الشركه..
ليقول... شركه كبيره والا صغير نص كم يعني.
لتقطب مين مين يا بابا.. دا نا بشتغل في شركه العدل للتصميمات ماتعرفش تعدي من قدام بابها روح روح انت تفهم في ايه تلاقيك اخرك حمارتين ومعزه.
لينصعق ويهتف.... اخري حَمارتين ومعزه.. وانت تعرفي منين.
لتنظر اليه.... واحد عايش هنا هيكون بيعمل ايه بيخترع الذره.. لتقطب وتحس بسخافه كلامها ايه يا سهيله قله ادبك دي حتي لو كان بسيط انت ايه عيب كده لتلتفت وتهتف بمراضيه.. والله ماقصد حاجه انتو احسن ناس والله انا بجد اسفه مش قصدي اقل من حد.
ليبتسم علي قلبها الطيب ويقول.. لا ولا يهمك احنا متعودين علي نظرات الناس لينا..اننا مش متحضرين
لتهتف بعفويه... لا والله انت باين عليك متحضر خالص
لتزيد ابتسامته ويهتف متشكرين يا قمر كلامك عسل زيك..
لتتنهد وتهتف.. هيا الناس هتيجي امتي..
ليقول الصبح عالضهر كده نكون صحينا.. لتهز راسها ليكمل علي فكره انا عمري ماليوم ده هيروح من بالي.
لترتبك وتقول.. ليه يعني دا يوم عادي.
لينظر اليها ويهمس.. دا اليوم اللي شفت حوريه عالصخر قاعده وسرحانه وجيت انا صحيتها ولاعمري هنسي ازاي صحيتها.
لتنفعل.. بقلك ايه بطل كلامك ده وعيب بقه انت ايه ده وقامت مبتعده ليبتسم.. ابطل ازاي هو اليوم ده رشق جوايا اطلعه ازاي بس.. ليهتف طب ايه مش هتنامي لتهز راسها ليقول طب انا هنام خلي بالك من نفسك ليدخل ويتركها ويخلع جلبابه ويستلقي وينام.
مر بعض الوقت وهيا جالسه تفكر به.. بتفكري في ايه انت هبله ماعتيش هتشوفيه تاني.. لتتنهد.. طب مالك زعلانه ليه دانتي حتي ماتعرفيش اسمه.. لتقطب جبينها.. انت يا بت انت دا راجل يغور في داهيه انت عقلك خف ال تفكري قال بكره تمشي وتنسي اصلا هو مين ده.. لتتذكر احتضانه لها في المياه ومشاكستها لتبتسم رغم عنها.. لتعود وتنهر نفسها لاا انت اتهطلتي روحي اتخمدي عشان تغوري الصبح.. دخلت الخيمه لتجده نايم عاري الصدر لتنظر اليه يخربيتك نايم والا كان فيه زفته هتنام جنبه عبوشكلك.. كان قد استيقظ وسمعها ليبتسم داخليا.. طب انام ازاي مايتاخر ازقه والا اخبطه برجلي لتخلع جاكتها ولتنزل بهدوء بجانبه لتحس بصدره يلمس ضهرها لتتنهد دا ايه الغلب ده.. نامي واتخمدي دا حاجه هم انا كان ايه اللي جابني الله يسامحك يا رودينه وظلت فتره تفرك ثم نامت اخيرا..
ليفتح عينيه ويتنهد... يا لهوي اخيرا نمتي يا شيخه قعدتي تفركي ساعه لما ولعتي فيه .. ما كتيش عايزه تيجي امال كت هشوف القمر ازاي.. والله قمر وعبيط وعامل سبع رجاله وهو كيوت وعسليه.. يا لهوي عالجمال ليمد يده ويحتضنها ويشدها اليه ويظل يتاملها طب ايه اخر يوم وقلبي هيخرج من مكانه وانت قريبه كده وفي حضني..ظل يداعب وجهها وكتفها ويهمس.. مش قادر انام ولا هقدر من اساسه وهقعد كده للصبح ابص عليكي عشان هتوحشيني.. كان كلما تلمس وجهها تتململ في حضنه ليبتسم بحب.. والنبي عسل وهتخلصي عليا ليمرر باطراف اصابعه علي رقبتها ويصعد بهم حتي يصل لخديها وهيا تتململ بنعومه ليمد يديه ليصل الي شفتيها وظل فتره يتلمسهم ليهَس يمين بالله قلبي هيقف وهينشق نصين لا والله ما قادر لينحني فوقها ويتلمسها بشفتيه وصدره يعلو ويهبط ليحس بها تتحرك ليتراجع فورا ويتحكم في نفسه وينهر نفسه.. الله يخرب بيتك البت هتصحي تشقك نصين.. بس اعمل ايه الولعه هتخلص عليا والبت شفايفها نار نار.... لا لازم انام ههجم عليها كده نام يا زفت نام بحرقتك دي هنام يا قمر علي وعد أن حضني ده بتاعك وتبقي فيه الصبر بس.. الحلو تصبرله سنين ليظل لفتره ليشدها اليه بقوه وينام وفي عقله اشياء وأشياء
#الجامحه_والبدوي
#حكايات_mevo
البارت السابع..
استيقظت سهيله لتجد نفسها وحيده لتجلس قليلا لتسمع اصوات بالخارج لتهب فجاه وتخرج لتجد رجلين اخرين باللبس البدوي وهو يقف معهم لتشعر براحه ان النجده وصلتلهم لتهم ان تذهب ولكن هناك من منعها فكان يقف معهم يتكلم ليجدهم صمتو فجاه وعيناهم قد اتسعت ليستدير ليري سهيله تقف امام الخيمه وشعرها منسدل ولم تلبس جاكتها ليحترق فجاه ويستدير ليجري وكانت قد همت لتتحرك فوصل اليها ودفعها الي الخيمه لتصرخ.. انت اتهبلت بتدخلني ليه اوعي الناس جت تلحقنا يلا نتهبب من هنا.
ليصرخ بها.. مانتش هتتهببي في حته الا اما تلمي نفسك وحالك اللي طالع ده البسي واطلعي والا والله ماهتعتبيها.
لتنظر اليه بغضب كان علي حق ولكنها لا تمتثل لاحد لتصرخ... وانت مالك يا بارد كنت اشتكيتلك.
ليهتف بفحيح.. بصي يا تتلمي يا هطلع امشيهم ونقضي حياتنا هنا وهفرح بيكي اوي..
لتنظر اليه ساخطه وتندفع تلبس وتلم لبسها وشعرها وتضع كابها وهو ينظر اليها باستمتاع شديد.
لتهتف... مش خلاص يلا بقه اما نغور عالله ترتاح وارتاح من وشك.
ليبتسم ويقترب منها لتبهت... ايه بتقرب ليه انت اتهطلت..
ليبتسم ويقول... اصلك هتمشي وبصراحه هتوحشيني.
لتنذهل لتحس بتصاعد غضبها.. وحشك قطر سواقه اعمي.. اوعي من وشي وغور بقه دا ايه السداغه دي.
ليهتف... ماشي يا قطتي همشي بس الاول اخد حاجه تصبرني ليشدها اليه ويلتهم شفتيها بقوه. لتنشل في البدايه ثم تقاومه وهو يمسكها بيد من حديد حتي احست انها ستختنق ليبتعد ويظل ينظر اليها لبعض الوقت ليقول.. هتوحشيني اوي
لتدفعه بعيدا.. وحشك عفريت ربنا ياخدك هرتاح من وشك العكر ليمد يده ويشد وشاحها وقال لا ده يلزمني ويلا لتقف مبهوته وقد انصرف وتركها لتقف تستعيد نفسها لتخرج وتجد الكل صامت لتركب معهم في العربه وهو بجانبها ولكنها تنظر بعيدا ليصلا الي مكان المخيم لتهم ان تنزل ليمسك يدها ويهتف.. بصيلي..
لتصرخ... ماتبس بقه انت بارد ليه.
ليقترب منها ويهمس.... لسانك ده هيوحشني وكلك هتوحشيني بس قطتي تخلي بالها من نفسها..
لتدفعه.. امشي بقه بلا قطتك بلا زفتك دا ايه ده.. لتنزل مسرعه وهو ينظر اليها الي ان اختفت ليهمس.. بكره ابطلك تخربشي يا قمر... وينصرفا.
دخلت سهيله المخيم لتجري عليها اختها تحتضنها بشده لتراها شاحبه لتحتضنها وتهتف انت كويسه لتجهش بالبكاء لتشدد عليها وتهتف.. خلاص يا قلبي انا موجوده ماتخافيش ماحدش هيقدر يهوب منك انت صحيح غلطتي بس معلش خلاص بقه.. انت اترزعتي قلم يعلمك تفكري احنا مش كده يا قلبي.
لتهمس.... ايه ده انت مش زعلانه انه ضربني وقالي كلام وحش.
لتهتف.. لا ضربك تستاهلي انما كلامه انا اديته وهحاسبه عليه تاني يلا عشان نستعد نمشي يا دوب الحمد لله لحقتكو وذهبا جميعا وحمزه حاول اكتر من مره ان يكلم رودينه ولكنها لم تعطه فرصه.
لتقف له سهيله.. اسمع يا حمزه انا قدرت انك كنت متعصب وانا كنت هضربها لو شفتها.. بس تتجاوز لا. تقل ادبك لا كلو الا امي يا حمزه.
ليهتف.... يمين بالله ماحسيت دا طنط امينه علي راسي والله مقهور من ساعتها.
لتهتف.... ماشي يا حمزه بس بعد كده تخلي بالك انا غلطه تانيه وهزعلك بجد.. واه ابعد عن سكه رودينه لا بالخير ولا الشر.
ليبهت ويقول..... ايه يا سهيله انت هتخليها تقاطعني
لتهتف.... لا مش تقاطعك بس اختي مش عايزالها الاذيه ويلا عشان نمشي
ليقف مقهورا.. انا يا سهيله هاذي رودينه.. طيب ماشي هنشوف.
ليبدا الرحيل ويعودا وتمر الرحله وتتجمع الفتيات حول حمزه ليودعوه وياخذون نمرته ورودينه تاكل روحها والغضب ينهشها مما تري ليتجه اليهم ليذهبا ويصلا للمنزل لتقابلهم مفاجاه رهيبه لم يتوقعها احد.. دخلت الفتيات ليسلما علي الكل وجلست سهيله متعبه لتتصنم عندما تسمع صوت ياتي من خلقها..
ازيك يا سهيله..
لتستدير مبهوته لتجد كريم امامها يقف مبتسما ونظراته غريبه.
ليهتف الجد ويقول... سهيله تعالي معايا.. لتقوم وتذهب اليه ليبدا في الكلام.. سهيله انت عارفه اني بحبك وانك غاليه عندي بس كنت قصدك في طلب يا قلبي
لتهتف... خير يا جدي..
ليقول... انا تعبان يا بنتي وعارف اللي حصل زمان وجعك بس كريم له سنين متشرد بره وتعب من البعاد واتربي والله صح وانا متابعه وبقي عاقل والله دا اتغير ونفسي يرجع في وسطينا الله يرضي عليكي توافقي َماتزعلي
لتحس بوجع ولكن جدها يبدو عليه التعب لتقترب.. انت مالك يا حبيبي تعبان والا ايه.. لتقول مسرعه.. كريم بيته وبيتك يا جدي ماحدش يقول غيرك يا حبيبي
ليهتف.. انا تعبان يا سهيله وحالك مش عاجبني والواد كريم ندم واتربي والله يا بنتي والانسان بيعفو.
لتبهت من كلامه.. بتقول ايه يا جدي قصدك ايه
ليهتف..... سامحي كريم يا سهيله كريم بيحبك وانت بتحبيه.
لتهب وتصرخ.. هو مين اللي بحبه انت بتقول ايه..
ليظهر عليه التعب ويجلس لتخاف وتجري ايه يا جدي مالك.
ليقول بانهاك.... نفسي اطمن عليكو قبل ما اموت يا قلبي انت ترجعي لكريم ورودينه نديها لحمزه.
لتنظر بذهول.. انت بتكلم بجد هو ايه اللي ارجع وايه اللي هندهالو هو احنا بيعه وشروه.
ليقول... عشان خاطري يا بنتي بالله عليكي هموت محصور مش قادر اتحمل.
لتصرخ انت بتقول ايه ليدخل عليها الجميع.. لتكمل بغضب دانا اموت نفسي ولا ان ارجع له انت جاي تقلي ارجعي وندي رودينه لحمزه انت بتوزع عليهم تركه هو احنا عبيد..
ليتهالك الجد ليقترب عصام.. مالك يا حاج انت عامل كده ليه بس يا سهيله انت اتجننتي.. لينظر الجد اليه وتنزل دمعه من عينيه ويسقط ارضا مغشيا عليه..
ليصرخ الجميع ويتجمعو ويحمل حمزه جده ويذهب به الي الحجره ويستدعو الطبيب.. لينقل الي المستشفي وحالته خطيره ويمر الوقت ليعلمو انها ازمه قلبيه وانه يعاني من ضعف في القلب ويجب له الراحه التامه وعدم الزعل وتمر الايام والكل في قلق وسهيله ينهشها القلق فهي تعتقد انها السبب في تعب جدها بوقوفها امامه لتمر الايام ويبدا الجد في التعافي والكل محاوطه بالحنان فالجد كان دائما عطوفا محبا لهم..
لتدخل الجده وعصام علي امينه والبنات.. لتقول الجده.. انا عارفه ان اللي هنطلبه صعب بس نعمل ايه يا امينه الحاج تعبان وعايزين نريحه.. انا بترجاكي توافقي عاللي عايزه الحاج هيا فتره بس وتمر وكل واحد يروح لحاله.
لتهتف.... امينه انا والله مافي ايدي حاجه بس يوافقو..
لتهتف سهيله.. يا تيته الكلام ده لما يكون مفيش بنا حاجه بس انت عارفه اللي حصل زمان وكان قدام عينك هطيقه الشويتين ازاي.. دانا لو طلت اقتله هعملها.
لتهتف الجده... عارفه والله ييا قلب ستك بس هما كام شهر وجدك يرتاح ونبقي نخلص من الربطه دي ورحمه ابوكي توافقي.
لتتنهد سهيله وتقول... طب يا تيته.
لتصرخ رودينه... هو ايه اللي طيب انت اتهبلتي
لتلتفت سهيله خلاص يا رودي هما كام شهر ونخلص من القرف ده بس الاول يا تيته هقعد مع كريم وحمزه..
لتهتف الجده فرحا.. طب يا قلب ستك
ليهتف عصام... اسمعي يا بنت اخويا.. عمك مش قليل وطول عمره واقف في ضهركو.. واي حاجه تحصل انا مسئول واي حاجه تعوزوها هنفذها
لتبتسم سهيله فعمها يحبها بشده ولم يقصر في حقهم وطالما كان سند لهم لتقول.. عارفه يا حبيبي طول عمرك جنبنا.. حاضر اللي تشوفه بس يا ريت الاول اقعد اتكلم معاهم..
ليبتسم وينزل هو والجده ويبعث لهم كريم وحمزه..
لتهتف رودينه... انت وافقتي بجد انت اتجننتي هنتخطب لدول..
لتسمع صوت يهتف بحده وكان صوت حمزه يقول.. ومالهم دول ياختي انت طولي.
لتنظر رودينه بغضب.. نعم نعم ودا ايه دا اصله ما عادش الا انت تتكلم لتكون فاكر نفسك حاجه عدله. دانت بومه وكبير وقليل الادب والا نسيت يا بتاع الصلح والبنات خليني ساكته.
ليهتف بغضب... لا يا اختي اتكلمي ماعتش الا اللي زيك تتكلم.
لتصرخ فيه.. اللي زي تحفي عشان يكلموك من اساسه انا مش موافقه يا سهيله حتي لو تمثيل دا ايه ده اصله ال اسمه يتحط جنب اسمي.
ليقترب ويقف امامها ويصرخ بغضب.. فوقي لنفسك انا حمزه الورداني االي البنات بتتمني بصه وهعصر علي نفسي لمونه ياختي وتقضي الشهرين دول دا مرار.. هنكتم عليهم وماهقول لمخلوق ال خطوبه ال
لتنظر رودينه اليه بقهر.. ماشي يا حمزه انا موافقه عشان جدي وهنخبي حاضر عشان مايبقاش مرار طافح لسيادتك.
لتصرخ سهيله.... ماتبس بقه انا مش ناقصه حرقه اعصاب.. اسمعو انتو الاتنين.
ليهتف كريم طب ممكن قبل ماتتكلمي تسمعيني الاول..
لتقول.. اخلص كلامي وقول كل اللي في عبك يا كريم.. دلوقتي الوقعه الهباب دي هنقعد تلات شهور اكتر من كده ما هنكملش جدو يستريح وكل واحد يرجع لحاله ودنيته.. اي تجاوز مش هسمح بيه.. واي تحكم مش هقبل بيه يعني كاننا مش مخطوبين.. الخطوبه قدام جدي وبس تمثيل في تمثيل بره البيت ماحدش له دعوه بالتاني لا حمزه له كلمه علي رودينه ولا هيا ليها تقله بتعمل ايه..
لتصرخ رودينه انا اصلا مش هقول لحد اني اتهببت مش ناقصه فضيحه.
ليعنفها حمزه.. حوش يا بت وانا اللي هموت واقول دانا مش طايق وش امك..
لتصرخ سهيله.. بس بس.. ارحموني بقه.. اللي قلته هيتنفذ..
ليقترب كريم.. طب خلصتي ممكن نتكلم..
لتتنهد وتقول... اتفضل عايز ايه.. ليقترب منها طب ممكن في جنب..
لتنظر اليه لاستنكار نعم يا اخويا..
ليهتف حمزه.... انا ماشي اصلا كفايه عليا كده
لتهتف رودينه... وانا داخله اغور من خلقتكو.
ليقف كريم وسهيله منفردين ليهتف كريم بندم وحب.. عارف انك بتكرهيني وعارف اني زباله في نظرك بس السنين ربتني صح يا سهيله.. انا والله ندمت ندم عمري وحاسس اني اتشردت من بعد عملتي السوده مش عارف كنت عايش مؤرف كده ازاي. انا اتغيرت والله وبقيت حد تاني والله يا سهيله مابعمل حاجه غلط وندمت وهموت وتسامحيني يا بنت عمي.. بالله عليكي اديني فرصه ارجع ليكي كريم الي بتحبيه
لتضحك سهيله.. اللي احبه.. انت مصدق نفسك.. انت ماعتش موجود انت مت في القوضه دي وسهيله ماتت برضه فا ما تطمعش في تغير خلاص يا كريم ماعدش ليك مكان عندي.
ليقول كريم بقهر.. مش بعد الحب ده كله ينتهي الي بينا والنبي يا سهيله اديني فرصه هثبتلك اني بقيت كويس والله هعمل اللي ما يخطر علي بالك عشان ارجع ثقتك فيا.
لتهتف.. عارف لو فضلت العمر كله ما هترجع سهيله للهبل اللي كانت فيه.. انا حبيتك وانت نزعت الحب ده.. ونزعت معاك سهيله بتاعه زمان وجه مكانها واحده مالهاش في كلامك ده قول مهما تقول واعمل مهما تعمل انا خلاص قلبي مات يا كريم واندفن عيش حياتك بعيد عني وكمل مشوارك وانسي اصلا ان فيه سهيله..
ليهتف ماعرفش انت مغروزه جوايا. هفضل عمري كله احفر في الصخر عشان ترجعيلي ومش هيأس ابدا.
لتهتف سهيله.. مشكلتك مش مشكلتي خالص.. بس نصيحه ابعد عن سكتي عشان سكتي كلها وجع هتتوجع وانا مش هسكت ولا هخليك تعتب خطوه في دنيتي.. ممكن تكون اتغيرت ممكن تكون ندمت بس خلاص قصه وراحت فما تضيعش حياتك علي سراب يا كريم.. سيبني في حالي عشان انا ماعتش سهيله بتاعه زمان.. فخلي بالك من خطواتك
ليقترب منها ويهتف بحب.. انا بقه مش هياس يا سهيله والحب اللي كان هيرجع لو ايه هرجعه كريم مش هيبعد وهيعافر ويحاول الف مره لحد اما ياخد قلبك من جديد سلام يا قلب كريم من جوا..
لتنظر اليه وقلبها يوجعها.. انت راجع تعمل ايه انا ماعتش فيا نفس تحارب حد يا رب قويني بقه انا تعبت ومش ناقصه ودخلت ونامت عالسرير ترتاح وتحاول ان تنام .
ليقتحم عليها ذكرياتها ذلك البدوي وكلماته ولمساته َكيف قضت يومين في احضانه لتشتعل غضبا وتهتف.. ايه يا زفته بتفكري في ايه انت كمان ايه هبلك ده.. هو غار اصلا بغلاسته وقله ادبه وماهتشوفيهوش تاني بتفكري فيه ليه.. لتتنهد وتصمت وتتوالي الذكريات وهيا لا تستطيع ان توقفها.. يا رب بقه اطلع من دماغي ايه ده.. يا رب انا ناقصه كريم من ناحيه والنصيبه السوده دي من ناحيه كان اتحدف عليا منين.. يا رب.. لتتنهد وتستدعي النوم لياتيها النوم بصعوبه..
مرت الايام وتمت خطبه كريم لسهيله وحمزه لرودينه من سكات وكانت جلسه عئليه وذلك تحججا بمرض الجد وتنشغل سهيله بشغلها وتنسي كريم من اساسه رغم محاولته المستميته لكسب قلبها وتنشغل رودينه في امتحاناتها فهي شارفت علي اخذ شهادتها لتمر الايام وتنجح رودينه وتتخرج هيا وهاله من كليه التجاره وكان الكل جالسا.. لتهتف رودينه.. ماتشفلنا يا سوسو شغلانه عندك في الشركه انا والبت الفقر دي اي حاجه نمشي الدنيا..
لتضحك سهيله.. هو كان بيت ابويا انت هبله باين
ليبتسم عصام ويقول.. طب. ليه يا حبيبتي ما شركه عمك مَوجوده تيجي تنوري.
لتهتف هاله اي والنبي يا رودينه دا شغل محاسبه واستيراد وتصدير مالناش في الديزاين والجرافيك.
لتهتف رودينه.... مش عارفه بس حاسه مع سهيله هبقي مرتاحه.
ليهتف حمزه بسخريه.. ايه خايفه ناكلك.. مابناكلش عيال.
لتنظر اليه بغضب... وانت ايه حشرك بس يا ساتر وعيال ايه انت اللي عجوز عيل رخم
ليهتف بغضب.. ماتبطلي يا بت انت بقه شيفاني ماسك عكاز هو ايه ده اصله..
لتقول.. والله ما راده عليك.
ليقول... ان شاء الله ما رديتي حوش حوش ال هموت انا من ردك.. لينظر الي ابيه ماتسيبها هيا حره تشتغل ماطرح ماتتزفت احنا مالنا تبلينا بيها ليه
لتصرخ فيه.. انت ايه قله ادبك دي هو انا هشتغل عندك انا هشتغل عند عمي وخلاص عندا فيك هاجي واشتغل
ليهتف.... طب بالراحه ليطقلك عرق ياختي روحي اشتغلي وابعدي عن خلقتي مش عايز اشوف وشك من اساسه. واه مفيش مخلوق يعرف اننا متزفتين مش ناقص قرف.
لتدمع عينها بقوه وتنظر اليه ويحس انه تسرع في كلامه عندما قالت بحزن... اطمن يا حمزه بيه بنت امينه مش هتقول لحد انك خطيبها.. وتقوم وتتركهم وتخرج ودموعها تنهمر..
لتقوم سهيله وتقف لحمزه.. عارف يا حمزه لو تاني اتكررت كلامك معاها بالشكل ده لاكون مطلعه روحك في ايدي.. بنات امينه ماحدش يكلمهم كده انت مش فوق الكل ولا دايس علي رقبينا لا داحنا بكيفنا بنعمل كده عشان جدي يبقي تهدي كده وتحترم البت عشان انا مش طايقه والا والله في سماه اخد امي واختي ونهج من هنا فاهم يا حمزه.. بنات امينه هاه امينه اللي جبت سيرتها بيقولولك لم حالك بعيد عن سكتهم وخرجت وتركت ذلك الذي فقد اعصابه امام تلك الصغيره فهو يتحول من ذلك الرصين الي ذلك الغاضب الذي لا يعرفه غصبا عنه ليعود ويندم علي َما قاله فهي تخرج اسوا مافيه ولا يعلم لماذا تغضبه هكذا َنفس الوقت لا يطيق ان تبتعد وتغضب فاصبح لا يفهم ما به
لتقوم هاله وتهتف بتذمر.. اتبسط كده اهي هتطفش ماترحموهم بقه دا ايه ده وتركتهم ورحلت..
لتهتف ام حمزه.. والله وبقا ليكو صوت وتتشرطو وتتبغددو علينا يا ولاد امينه
ليصرخ حمزه... بس بقه بطلي.. طنت امينه فوق راسنا
لتنظر اليه بغضب.. ودا من امتي يا اخويا
ليهب انا سايبلكو الحته خلاص دا عيشه طين ودخل والغضب يتاكله كلما تذكر دموع تلك الصغيره وهو يشعر بوجع لا يعلم مصدره..
كانت سهيله تجلس ليرن تليفونها لتفتحه لتسمع والله وحشتيني.
لتبهت ويرجف قلبها فنبره صوته ترن بداخلها لتتجلد وتهتف.. فيه ايه يا جدع انت مين.
ليضحك.. ايه ازعل نسيتي صوتي.. يخونك العيش والملح وحضني اللي نمتي فيه يومين.
لتصرخ.. حضنك قطر انت جبت نمرتي ازاي يا بتاع انت
ليضحك.. لا عيب عليكي انا اجيب اي حاجه لعندي بسهوله.
لتهتف.. طب غور بقه بلا تجيب بلا تهبب انا ناقصه سداغه.
ليضحك.. ايه مافكرتيش فيا خالص
لتنفعل كاذبه.. ولا جيت دقيقه علي بالي انت مين اصلا.
ليهتف.. ومالك غضبانه كده والا الجميل بيفكر فيا زي مابفكر فيه يا لهوي مش عارف انام من يوم ماخدتك في حضني
لتصرخ.. ماتحترم نفسك هو ايه قله اديك دي انت فاكرني ايه
ليهتف بحنان.. فاكرك بتاعتي وبس
لتبهت.. نعم يا اخويا هيا مين اللي بتاعتك انت جاي من الخانكه.. طب يلا بقه عشان ماتغاباش عليك.
ليتنهد.. هيلا وكل حاجه بس حبيت افكرك ان البدوي مابيسيبش حاله يرمح خلي بالك.
لتصرخ.. حال عليك الهم انت مجنون صح عقلك خفيف روح يا بابا اتعالج.
ليهتف ضاحكة.. علاجي عندك يا مز يا قمر انت ووشاحك علي قلبي ياناس هطوله امتي.
لتنذهل.. لا حول لا قو الا بالله دانت معاق فعلا لا صعبت عليا.. طيب يا حبيبي.
ليقاطعها.. هيبقي والله بس اصبري..
لتهتف.. يا عيني.. دانت مسكين.. معلش كلو بتعالج العباسيه قريبه تعالي اوديك ليها.. وانت منساب كده من زمان
ليضحك.. والله عسليه.. لا انسابت من ساعه ماخدتك في حضني وشفايفي تاهت في شفايفك مش مره واحده لا اكتر من مره.
لتصرخ.. انت يا سافل يا قليل الادب مين دي اللي باستك يا زباله مش انت اللي عملتها مره يا قليل الادب.
ليضحك.. لا مانا بوستك وانت نايمه كتير نومك تقيل انت وانا هريتك بوس
لتصرخ.. اه يا سافل.. امشي غور غور في مصيبه تشيلك ايه ده لترزع الخط.. وتجلس غاضبة لتتنهد ايه ده انا ناقصه لتتذكر قبلته لتتنهد وتشيح تلك الذكري وتتجه لتنام.
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
