رواية طفله تزوجت قاسى الفصل الخامس والسادس بقلم هاجر العفيفي حصريه وجديده علي مدونة النجم المتوهج للروايات والمعلومات
 |
🌼استغفروا🌼
الفصل الخامس
فى منزل يوسف كان نايم على سريره وهو بيفكر فى رودينا ويبص للجرح ويفتكر لمستها ليه ويبتسم فجأه تلفونه رن برقم مراد بصله بضيق لأن هو متخانق معاه الصبح بعد وقت من التفكير رد عليه
يوسف بضيق : أيوه يامراد عايز أيه
ليأتيه صوتها الباكى : الحقنى بالله عليك
يوسف بخضه اتنفض من مكانه : أنتى مين وفين مراد وبتعيطى ليه
ملاك بدموع : أنا ملاك مراد وقع على الأرض وفقد الوعى وأنا مش عارفه أعمله أيه أرجوك ألحقنى أحنا فى بيت قديم كده لو تعرفه
يوسف وهو يرتدى التشيرت ويهم بالخروج : أيوه أيوه أعرفه أنا جاى متخافيش مسافة السكه سلام
وقفل معاها سريعا ونزل ركب تاكسى وطلع على البيت ال فيه مراد
🌼🌼🌼🌼🌼🌼🌼🌼🌼🌼🌼بقلم هاجر العفيفى 🌼أذكروا الله🌼
فى المنزل عند ملاك
كانت جالسه جمب مراد وبتعيط جامد وهى شايفه جسمه كل شويه يتنفض وكمان حرارته أرتفعت جدا ومش عارفه تساعده خالص حاولت تفوقه لكن للأسف مفيش فايده
بعد وقت قليل دخل يوسف ومعاه الدكتور وجرى على صاحبه ال كان واقع فى الأرض وسنده هو والدكتور ودخلوه الغرفه والدكتور بدأ يفحصه وملاك كانت واقفه فى الخارج بتعيط وخايفه يحصله حاجه
بعد فتره من الوقت خرج الدكتور ومعاه يوسف
الدكتور : هو حضرتك تقربيله ايه
ملاك باحراج ودموع : مراته
يوسف بصلها بصدمه لشكلها الصغير وهدومها المبهدله من التنضيف
الدكتور : تمام هو دلوقتى حصله زى صدمه أو افتكر حاجه زعلته وده سبب ليه ضغط شديد وضغطه على جدا أهم حاجه لازم الراحه التامه وتهتمه بغذاءه وأنتى يامدام لازم تديلوا العلاج فى ميعاده عشان ميحصلوش كده تانى وهو دلوقتى نايم هيفوق كمان نص ساعه
ملاك هزت رأسها بالموافقه
يوسف : متشكرين جدا لحضرتك تعبناك معانا
الدكتور بابتسامه : الشكر لله ده شغلى عن أذنكم
يوسف : أتفضل وراح وصله للباب ورجع تانى كانت ملاك جالسه على الأريكه بهدوء راح جلس بجوارها
يوسف بابتسامه : أنتى أسمك ملاك
ملاك بصوت ضعيف : أه
يوسف بمشاكسه : طب هو فيه ملاك بيزعل كده
ملاك ابتسمت رغما عنها
يوسف بتساؤل : هو ال حصل ده حصل ازاى وليه أنتى ومراد جيتوا هنا ليه
ملاك بحزن : هو قالى أن عايزنى فى مشوار وجابنى هنا وقالى لازم تنضفى البيت ده كله
يوسف بصدمه وفى نفسه : الله يسامحك يامراد البنت مش وش بهدله وبعدين وجه الحديث ليها : طب أنتى أيه ال جبرك على كده وفين أهلك
ملاك بحزن : للأسف مضطره أهلى هما ال باعونى لمراد بالفلوس
يوسف بصدمه : هو فى كده
ملاك بأسف : وللأسف أسوء من كده المهم أحنا جينا هنا وبعدين دخلت انضف وبعدها سمعت صوت خبط بره خرجت لقيته كده جسمه كله متشنج وبعدين فقد الوعى كان تلفونه مفتوح دورت فيه لقيت أن حضرتك أخر رقم موجود كلمتك عشان تلحقه
يوسف باستغراب : طب ممكن أسألك سؤال
ملاك : أتفضل
يوسف : ليه لما حصله كده رغم كل ال عمله فيكى كلمتينى وحاولتى تنقذيه
ملاك بحزن : بابا عمره ماعلمنى أشوف حد تعبان قدامى ومحاولش أساعده وال حصلى منه ده نصيب مش هعترض عليه
يوسف بدهشه : أنتى مش قولتى أهلك باعوكى اشمعنا والدك بقا
ملاك : أصل بابا مش فى أيده حاجه بابا قعيد على كرسى متحرك وللأسف معرفش يوقف جبروت أخويا وأمى
يوسف بحزن على حالتها : ياااه واحده فى سنك أستحملت كتير أووى بس الصراحه أنتى جميله جدا فعلا ملاك
ملاك بخجل : متشكره جدا لحضرتك
يوسف بهدوء : ياريت بلاش حضرتك دى أعتبرينى زى أخوكى الكبير وأى حاجه تحصلك قوليلى وأنا والله هحاول أساعدك بأى طريقه
ملاك بصتله بامتنان : بجد مش عارفه أقولك أيه أنت مختلف كتير عنه ليه هو بيعمل كده وفاكر أن الناس كلها خدامين عنده
يوسف بحزن : للأسف مراد عمره ماكان كده من ساعة ال حصله وهو وصل للحاله دى
ملاك بفضول : هو أيه ال حصله
يوسف بحيره : بصى أنا هقولك يمكن تقدرى تساعدينى نخليه يرجع زى الأول الحكايه كلها
ولسه هيكمل كلامه سمعوا صوت مراد صحى
يوسف : هقولك بعدين عشان هو مش عايز حد يعرف تعالى نطمن عليه
ملاك : حاضر
والاتنين دخلوا يشوفوه
مراد كان صحى بتعب وحاسس بصداع شديد تحدث : هو أيه ال حصل
يوسف بجديه : أنت تعبت وفقدت الوعى وملاك كلمتنى وأنا جبتلك دكتور هو ده كل ال حصل
مراد بص على ملاك باستغراب هى ازاى أنقذته واحده غيرها كانت ماصدقت تخلص منه بعد كل ال حصل فيها بسببه
ملاك بحزن : عن أذنكم هروح أشوف ال ورايا وسابتهم وخرجت
يوسف راح عند مراد واتكلم ببرود : حمد الله على السلامه كويس أنك بخير
مراد بتعب : الله يسلمك
يوسف : ممكن أعرف أيه ال حصلك ووصلك للحاله دى تانى وبرضوا مصمم يامراد تيجى البيت ده تانى بعد كل ال حصل لاء وكمان جايب البنت عشان تمرمطها معاك
مراد بانزعاج : يوووسف أنا مش فايقلك لو هتدينى محاضره مش دلوقتى عشان عندى صداع هيموتنى
يوسف قام وقف : تمام ياصحبى صدقنى أنت ال هتندم فى الأخر سلام
وتركه وخرج من الغرفه ومن المنزل بأكمله
مراد قام من مكانه بتعب وطلع سيجارة وأشعلها وشربها وهو ماسك دماغه من كتر الصداع
مراد بعصبيه من نفسه عشان ضعفه بان قدام ملاك وهى ال أنقذته تحدث بصوت عالى مردفا : أنتى يابنتى يالى موجوده هنا
ملاك جت مسرعه بخوف وقلق : أنت كويس
مراد باستغراب من قلقها : لاء مش كويس محتاج أى حاجه للصداع
ملاك بتذكر : أنا معايا بانادول للصداع هجبهولك يمكن يريحك وراحت جابته من شنطتها وجت أدته لمراد
مراد أخدها من وارتشف شويه من كوب المايه الموضوعه على الترابيزه وحطها وبصلها وتحدث بسخريه : وأنتى معاكى البرشام ليه يعنى
ملاك ببراءه : بابا دايما يقولى لازم يكون معاكى البرشام ده لأى ظرف
مراد بسخريه : مش أبوكى ده ال باعك برضوا
ملاك بصتله بحزن وأسى : بابا ملهوش دعوه الله يسامح ال كان السبب عن أذنك هكمل تنضيف وسابته وخرجت
مراد بصلها باستغراب هى بريئه كده ليه مستحيل يكون فى براءه كده دلوقتى أكيد ده خبث ووراه حاجه كمان
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
بعد مرور عدة أيام مراد رجع لطبيعته تانى وكانت قسوته بتزيد كل يوم على ملاك وهى كانت دايما تسمع كلامه وفى يوم دخل من باب المنزل وندالها
مراد بحده : أنتى يازفته
ملاك مسرعه : نعم
مراد : أجهزى عشان هنرجع البيت تانى
ملاك بقلة حيله : حاضر
مراد بتحذير ومسكها من كتفها : ولو أبويا سألك كنا فين تقوليلوا كنا بنقضى يومين فى أى مكان أياكى تقوليله أى حاجه عشان هتزعلى منى جامد أووى كمان فاااهمه
ملاك بخوف من مسكته ليها هزت راسها مسرعه : ح حاضر ح حاضر
مراد زقها : يلا أدخلى أجهزى بقا
ملاك وقعت على الأرض من أثر زقته وقامت بصعوبه ودخلت جهزت وخرجت وهو أخدها ونزلوا ركبوا العربيه وطلعوا على الفيلا
🌼🌼🌼🌼🌼🌼🌼🌼🌼🌼🌼بقلم هاجر العفيفى 🌼صلوا على شفيعكم🌼
فى فيلا الصياد
شريف كان بيكلم أحدى الحرس فى التلفون
شريف : أممم يعنى دلوقتى خرجوا من البيت صح
الحارس : أيوه ياباشا وزمانهم على وصول
شريف : تمام تمام مع السلامه
قفل معاه واتحدث بسخريه : برضوا يامراد مصمم تروح للماضى برجليك
وفى الوقت ده دخلت ملاك وراحت عنده وقبلت يده ببراءه
شريف بابتسامه : تصدقى وحشتينى ووحشتنى ضحكتك جدا
ملاك وهى تحاول ألا تبين حزنها بابتسامه مزيفه : أنت وحشتنى أكتر ياعمو
شريف : ممكن تقوليلى يابابا
ملاك بفرحه : بجد ينفع
شريف بابتسامه : أكيد طبعا أنتى فعلا زى بنتى وعوضتينى كتير
ملاك : وأنا والله يعلم ربنا أن أعتبرتك زى والدى بالظبط ربنا يخليك ياعمو قصدى يابابا
شريف : ههههه شطوره تعالى بقا قوليلى كنتوا فين بقالكم أسبوع
ملاك محاولة الهروب من عينيه : ك كنا بنقضى يومين فى شرم الشيخ
شريف أبتسم وهو عارف أنها بتكذب : مش أنا زى والدك
ملاك هزت راسها بتأكيد : أكيد طبعا
شريف : طب وفى بنت بتكدب على والدها
ملاك بتوتر : أنا م مش بكدب أنا
قاطعها شريف : مراد ال قالك أكدبى صح
ملاك بدموع : طب حضرتك عارف أيه
شريف : عارف أن مراد أخدك البيت القديم صح
ملاك برعب ودموع : بالله عليك متقولش لمراد أن أنت عارف هيعاقبنى هيعاقبنى
شريف بدهشه : أهدى يابنتى أهدى ياحبيبتى مش هقوله والله أنا بسألك بس
ملاك هديت نسبيا وبصتله بإطمئنان
شريف بغموض : أنتى ملكيش دخل فى أى حاجه مراد هو ال حسابه كبر معايا أووى وبتغير موضوع عشان هى متخافش : قومى بقا يلا أعمليلى القهوه بتاعتك وحشتنى
ملاك بابتسامه : حاضر وقامت وسابته
شريف بوعيد : ماشى يامراد
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼صلوا على شفيعكم🌼
فى شركة الصياد
عند يوسف كان فى مكتبه شارد فى من ملكت قلبه من أول نظره ومحتار يروح يشوفها بحجة أيه وأفتكر أن الجرح لازم يتغير عليه أستغل الفرصه ولمعت عينه بخبث وقام أخد مفاتيحه وخرج من المكتب وركب عربيته ونزل راح على المستشفى
وبعد وقت وصل المستشفى ودخل وسأل عليها والممرضه قالتله مكانها ووصل عند مكتبها وخبط بهدوء وصله صوتها الهادى وأذن له بالدخول
يوسف بابتسامه عريضه : أجمل صباح على أجمل عيون فى الدنيا
رودينا اتصدمت لما شافته وأردفت بصدمه : أنت هنا ازاى
يوسف باستغراب : زى الناس
رودينا : ق قصدى بتعمل أيه فى مكتبى
يوسف : أنتى دكتوره وأنا مريض وعندى جرح عايز يتغير عليه مش شايفه أن ده سؤال مش منطقى يعنى
رودينا : طب ماهو فيه أماكن كتير تغير فيها الجرح أشمعنا هنا
يوسف بهيام : أصل ده مش جرح واحد بس دول جرحين
رودينا باستغراب : أنت أتخانقت تانى
يوسف : تؤ تؤ أقصد جرح قلبى
رودينا اتصدمت من كلامه ووقفت بحده : لاء بقا كده كتير أنت باين عليك بتاع لف ودوران قولى عايز أيه من الأخر
يوسف ببرود وهو يضع قدم فوق الأخرى : عايز أغير على الجرح بسيطه أهى
رودينا بغيظ : طب يلا خلينا نخلص
يوسف بهمس لنفسه : شكلك قفوشه وهتتعبينى معاكى
رودينا : بتقول حاجه
يوسف : بقول يلا خلصينى عشان مش فاضى
رودينا : تمام يلا
وبدأت فى تغير الجرح وهو مشالش عينه من عليها وهى كانت بتتهرب من نظراته
وبعد وقت أنتهت وبصتله بجديه وأردفت : أنا خلصت تقدر تمشى دلوقتى
يوسف بهمس : والله ياجمر أنا نفسى أخطفك مش أمشى
رودينا : أنت يا أستاذ يال بتسرح كتير أنا خلصت يلا بقا عشان ورايا شغل
يوسف : أممم بتطردينى بالذوق يعنى ماشى ياعسل ليك يوم وتركها وغادر المكان
رودينا اتصدمت أثر أخر كلماته وحدثت نفسها : ده مجنون ده ولا أيه
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أذكروا الله🌼
فى الشركه عند مراد
كان جالس بيتذكر كلام والده ليه فى القصر من فتره قليله
فلاش باك
شريف : البنت دى عمرها ماهتتأذى طول مانا موجود
مراد بغضب : أحنا هنحتاجها فى أيه تانى يابابا مش هتجيب الولد ونديها قرشين ونغورها
شريف بغضب : أنا عمرى ماكنت اتوقع أنك بقيت أنانى كده ومبيهمكش غير نفسك حتى الأنسانيه بقيت خالى منها هتيجى فى يوم تندم يوم مينفعش فيه الندم يامراد اطلع بره أنا مش طايق أبص فى وشك بررره
مراد خرج من القصر وغضب الدنيا كله فى قلبه
باااااك
مراد بغضب : بقا حتة بت زيك عايزه تاخد أبويا منى وكمان طمعانه فيه وربى لاهتشوفى منى أسود أيام حياتك
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼صلوا على شفيعكم🌼
فى قصر الصياد وبالذات فى الجناح الخاص بمراد فونها رن برقم أمها ردت عليها
ملاك بحزن : ألو ياماما
حوريه بخبث : أزيك يابنتى ياحبيبتى
ملاك بسخريه : حبيبتك !
حوريه بمكر : أه حبيبتى طبعا مش بنتى
ملاك : هو فى حاجه ياماما
حوريه : أصل لاقناكى أختفيتى فجأه حتى مفكرتيش تسألى علينا ولو بخمسين جنيه حتى
ملاك بقهر وحزن : يعنى بتكلمينى عشان فلوس
حوريه بخبث : أومال أحنا مجوزينك ليه مش عشان تصرفى علينا
ملاك بغضب : حرام عليكى بقا أنتى عايزه منى أيه تانى فلوس مش هعرف أجبلك هو مش بيطقنى أساسا أرحمينى بقا أنا مش ناقصه
حوريه بغضب : بتتعصبى عليا يابنت بطنى أخس عليكى وعلى تربيتك قليلة الربايه صحيح المهم لو الفلوس موصلتش أخر الأسبوع هروح لجوزك وأقوله أنك بتخونيه وماشيه على حل شعرك وبخبث وأبقى ساعتها بقا شوفى هيعمل فيكى أيه هنيجى نستلم جثتك أنا حذرتك سلام ياختى
وقفلت السكه تحت صدمة ملاك الشديده من والدتها هى عارفه أن أمها قاسيه بس متوصلش لكده متوصلش أنها تأذيها بالطريقه دى
ملاك بدموع وحزن : ااااااااااه يا
"طفله تزوجت قاسى "
بقلم هاجر العفيفى 🌼استغفروا🌼
الفصل السادس
فى صباح يوم جديد
كان شريف جالس كعادته فى الجنينه وجت عنده بنت جميله جدا واتكلمت بأحترام
رودينا : صباح الخير
شريف بابتسامه : صباح النور
رودينا بتوتر : هى مدام ملاك موجوده
شريف : أيوه يابنتى فوق أنتى قريبتها
رودينا بتوتر : لاء أنا الدكتوره ال بتاع حالتها هو ممكن أشوفها
شريف بابتسامه : أكيد طبعا أتفضلى اطلعى رابع أوضه على أيدك اليمين
رودينا بامتنان : شكرا وسابته وطلعت لملاك وصلت عند الباب وخبطت برفق
ملاك بصوت متحشرج من كثرة البكاء : مين
رودينا مسرعه : أنا رودينا ياملاك أفتحى بسرعه
ملاك أول ماسمعتها جريت على الباب وفتحتلها وأترمت فى حضنها وهى دموعها نازله
رودينا أتخضت من شكلها وحالتها ضمتها برفق واتحدثت : مالك ياحبيبتى منهاره ليه كده
ملاك وهى تطلع من حضنها ودموعها مازالت تنزل بغزاره : أنا كنت محتاجه حد يكون جمبى دلوقتى تعالى أدخلى دخلتها وقفلت الباب وجلسوا على السرير
رودينا بصدمه : أنتى حالتك عامله كده ليه حرام عليكى نفسك وبتوتر ه هو جوزك ع عمل معاكى حاجه تانى
ملاك مسرعه : لاء دى حاجه تانيه خالص ومش لاقيه حل
رودينا بأرتياح نسبيا : خضتينى طب حاجة أيه يمكن نلاقى ليها حل مع بعض
ملاك بدموع : هقولك
وقصت عليها ماحدث من والدتها وتهديدها ليها أنها هتدمرها
رودينا بدهشه : معقول فى أم بتفكر كده أزاااى
ملاك بسخريه : ده طبع أمى وأتعودت عليه خلاص المهم المصيبه ال هى حطتنى فيها
رودينا بتفكير : طب ماتقولى لجوزك
ملاك بخضه : لاء لاء أكيد لاء ده ممكن يقتلنى فيها
رودينا بحزن : يابنتى أهدى بس عشان أعصابك أهدى وهتتحل
ملاك بدموع : يارب أنا تعبت كل حاجه ضدى تعبت والله تعبت
رودينا شدتها فى حضنها بحنان وطبطبت عليها برفق : متزعليش ياقلبى خلاص إهدى طب هى محتاجه كام
ملاك : محددتش بس أكيد عايزه مبلغ
رودينا بتفكير : طب بصى أنا كان معايا عشر ألاف جنيه كنت شيلاهم لأى ظروف وطبعا مفيش ظروف أكتر من دى خديهم واديهوملها
ملاك باعتراض : لاء طبعا أنتى ملكيش ذنب و
قاطعتها رودينا بعتاب : كده ياملاك مش عايزه تعتبرينى أختك يعنى
ملاك بأحراج : مش قصدى والله
رودينا بابتسامه : خلاص يبقا تاخديهم منى وأديهم لوالدتى وصدقينى هتتحل بعد كده معايا ومعاكى
ملاك حضنت رودينا بدموع : أنتى جميله أووى وفرحانه أن أعرفك بجد مفيش زيك فى الدنيا دى
رودينا بأبتسامه : وأنا برضوا فرحانه أن لقيت أخت بالجمال ده كله
ملاك بتساؤل : ممكن أسألك سؤال
رودينا : أكيد طبعا
ملاك : أنتى ملكيش أخوات
رودينا بحزن : للأسف عندى أخ واحد بس مسافر من زمان جدا من وأنا صغيره وأمى وأبويا ماتوا وأنا فى الكليه وفضلت عايشه لوحدى علطول وبحاول أشغل نفسى دايما فى الشغل عشان محسش بالوحده
ملاك بحزن على حالتها : بجد أحنا كنا محتاجين بعض الفتره دى أنتى طيبه أووى ربنا يديمك ليا ياحبيبتى
رودينا : ويخليكى ليا ياقمرى قوليلى بقا أنتى أتجوزتى بالأجبار صح
ملاك : أه أمى وأخويا غصبونى عليه والصراحه بابا طول عمره حنين معايا مفيش غيرهم ال مسودين عيشتى دايما بس الحمد لله على كل حال
رودينا : الحمد لله ربنا يهديلك حالك يارب
ملاك بتنهيده : يارب
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
فى الشركه عند مراد دخلت عنده بنت وهى بتتمايل فى مشيتها كانت شغاله فى قسم الحسابات
البنت بدلال : حضرتك طلبتنى يامستر مراد
مراد : أممم كنت محتاجك تراجعى بعض حسابات الشركه
البنت : بس
مراد بصلها بسخريه : أنتى ينفع تعملى حاجه تانى
البنت بدلع : كتيير
مراد وفهم قصدها بصلها وأبتسم بخبث : تمام خدى العنوان ده وتعالى فيه بليل يانرمين
نرمين أخدت منه الورقه بضحك : هههههه كده فهمتنى عن أذنك مستر مراد وسابته وخرجت
(مراد من عادته بيخرج ويسهر مع بنات يعنى مش أول مره ياشباب😂)
دخل عليه يوسف وحط أمامه ورق بجديه واتحدث : راجع الورق ده وأمضيه
ولسه هيخرج
مراد : يوسف
يوسف ببرود : نعم
مراد : أنت زعلان منى
يوسف بسخريه : هو أنت بقا يفرق معاك حد غير نفسك عن أذنك أنا رايح مشوار سلام وتركه وخرج
مراد فكر فى كلام يوسف وأتذكر كلام والده وهو برضوا بيقولوا أن هو بقا أنانى ومش بيحب غير نفسه بس ده أحسن حاجه عنده أن ميشغلش نفسه بغيره كفايه عليه حياته ال هو عايشها وفى اللحظه جت فى خياله صورة ملاك وبرائتها وبعدين نفض تلك الأفكار عن دماغه وكمل شغل
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أذكروا الله🌼
فى فيلا الصياد وصل يوسف عندها وركن عربيته ودخل سلم على شريف وشريف رحب بيه جدا وجلس معه فتره كبيره وهم يتحدثون فى أحوال الشغل وعدة مواضيع أخرى لحد مافتحوا موضوع ملاك
شريف : مراد بيعامل البنت أسوء معامله
يوسف : حذرته كتير والله ياعمى بس هو دماغه ناشفه قولتله هتندم بس برضوا ال فى دماغه فى دماغه
شريف : بقا ياخد البنت البيت القديم عشان يعذبها كده وهى مش وش بهدله
يوسف : وللأسف هى ال أنقذت حياته
شريف بأستغراب : أزاى
يوسف : وهو هناك جاتله الحاله تانى وهى كانت معاه أتخضت عليه وكلمتنى جبت الدكتور وجيت واحده غيرها كانت سابته وهربت منه بعد ال عمله فيها
شريف : البنت دى بنت حلال بس الدنيا ال جايه عليها شويه أنا مش غايظنى غير أن مراد مصمم يروح البيت ويعيد الماضى تانى وياريته لوحده لاء ده واخدها يبهدلها معاه
يوسف : ربنا يهديه ويفوق لنفسه قبل مايأذى البنت دى
شريف : يارب يارب
وفى الوقت ده نزلت رودينا وكانت هتودع شريف بس أتصدمت لما شافت يوسف
رودينا بصدمه : أنت !
يوسف على نفس الصدمه : أنتى !
شريف بأستغراب : أنتوا تعرفوا بعض
رودينا ويوسف فى نفس الوقت : ها !!
رودينا بعصبيه : أنت بتراقبنى بقا
يوسف ببرود : وليه ميكونش أنتى ال مرقبانى أنا جاى بيت عمى يعنى براحتى وأنتى منوره هنا ليه بقا
رودينا بغيظ من بروده : أنا كنت مع ملاك وبعدين أنت مالك أنت يامستفز حد سألك بتروح فين وتيجى منين إنسان بارد وتركته وخرجت سريعا
يوسف بصدمه : أنا مستفز وبارد
شريف بضحك : ههههههه الصراحه تستاهل
يوسف بغيظ : ماشى وربى لماأشوفك تانى
شريف : أنت تعرفها منين بقا أحكيلى
يوسف قص عليه من أول ماشاف رودينا لحد الأن
شريف بضحك : والله أنتوا مشكله هم يضحك وهم يبكى المفروض تشكرها أنها أنقذت حياتك
يوسف بغيظ : ماهى ال لسانها طويل أنا مالى
شريف : أه خدت بالى
يوسف : ممكن حضرتك تنادى ملاك كنت عايزها فى موضوع مهم
شريف : حاضر هبعت الداده تناديلها
يوسف : تمام وأنا مستنى
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼صلوا على شفيعكم🌼
فى غرفة ملاك كلمت والدتها بتردد
ملاك بتردد : ألو
حوريه بسخريه : فكرتى ياعين أمك
ملاك بحسره : أنا جهزتلك عشر ألاف جنيه هما دول ال قدرت عليهم
حوريه بخبث : رغم أنهم قليلين بس برضوا برافو عليكى يابت ربنا يخليكى لينا وتدينا كمان وكمان من فلوس المحروس جوزك
ملاك بجمود : هتاخديهم أزاى
حوريه بتفكير : مش عارفه بس ممكن أبعتلك أخوكى بكره كده من غير ماحد ياخد باله واديلوا الفلوس
ملاك : تمام سلام وقفلت فى وجهها الخط بدون أنتظار كلام وفى الوقت ده خبطت الداده ودخلت بلغتها أن يوسف عايزها تحت
ملاك باستغراب : عايزنى فى أيه
الداده : معرفش ياهانم هما قالولى أبلغك بس أن هما عايزينك
ملاك : تمام أنا نازله وقامت نزلت وهى متعرفش عايزها ليه
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أستغفروا🌼
فى مكان ما
كان جالس بيشرب مع صحابه بعض من المخدرات واتكلم واحد منهم
الشاب : ربنا يخليك لينا وتبسطنا دايما ياكيمو
كريم بغرور : يابنى أنتوا من غيرى مش هتعرفوا تعملوا مزاج
شاب أخر : أنت وقعت على كنز ولا أيه ياض
كريم : لاء الحكايه ومافيها أن البت أختى وقعت على واحد أنما أيه من أغنى الناس فى مصر ومظبطانا معاها بقا ولسه بدرى أحنا لسه عملنا حاجه
الشاب بسكر : أيوه بقا ياباشا أختك دى كنز هههههههههه
كريم : ههههههه ربنا يخليها لمصر ولينا
🌼🌼🌼🌼🌼🌼🌼🌼🌼🌼🌼بقلم
هاجر العفيفى 🌼أذكروا الله🌼
فى فيلا الصياد
كانت ملاك جالسه أمام يوسف ومنتظره كلامه
ملاك بحزن : فيه حاجه ولا أيه
يوسف بتردد : الصراحه أنا فعلا أعتبرتك زى أختى ومش هاين عليا ال بيحصلك ده حتى لو من مراد
ملاك : للأسف ده نصيبى وأنا رضيت بيه
يوسف : بصى أنا هتفق معاكى أتفاق
ملاك باستغراب : أيه هو
يوسف : أنا هحكيلك حكاية مراد كلها وأنتى بعدها تحكمى أذا كنتى هتساعدينى نرجعه زى الأول ولا لاء ولو مش هتساعدينى أوعدك بعمرى كله أن همشيكى من هنا وهجبلك أحسن شقه تقعدى فيها وهبعدك عن ده كله أنتى أختى فعلا ياملاك
ملاك بصتله بحيره وتوتر : ب بص لو هقدر أساعدك مش هتأخر بس لو مقدرتش وأنت مشتنى من هنا مراد هيوصلى وساعتها هيأذينى
يوسف بنفى : لاء طبعا ميقدرش أنا هكون دايما فى ضهرك متخافيش
ملاك باستسلام : تقدر تحكيلى دلوقتى وفى الأخر نقول القرار الأخير
يوسف : ...............
🌼🌼🌼🌼🌼🌼🌼🌼🌼🌼🌼بقلم هاجر العفيفى 🌼صلوا على شفيعكم🌼
فى أحدى الأماكن الراقيه وبالذات فى شقه خاصه بمراد الصياد كان جالس ومنتظر تلك الفتاه التى أعطاها العنوان فى الصباح وبعد وقت الجرس رن وهو قام يفتحلها ودخلت بملابسها الفاضحه الذى تكشف أكتر ماتستر
منحرفه يعنى 😂
نرمين بدلال : أتأخرت عليك
مراد ببرود : أدخلى
دخلت ورمت شنطتها وهو جلس على الأريكه وكان يشرب سيجارته بشرود قربت منه ومسكت أيده
نرمين : أيه بقا ياباشا مالك زعلان ليه
مراد بصلها بأشمئزاز : وأنتى مالك
نرمين بضحك : ولا يهمك ياباشا المهم بقا مفيش حاجه ناكلها
مراد زق أيدها وقالها ببرود : غورى على المطبخ شوفى أى حاجه
نرمين راحت المطبخ فعلا وبعد وقت رجعت ومعاها كاس من الخمره وأعطته لمراد بدلع
نرمين : أشرب ده ياباشا
مراد أخده منها وشربه وحدف الكاس فى الأرض أتحطم
نرمين بخبث : فداك أى حاجه وابتدت تقرب منه وهو كان لسه هيقرب منها جت فى باله صورة ملاك وال هو عمله فيها قبل كده حس بغضب شديد وزق نرمين على الأرض بشده
نرمين بألم : ااااه مالك ياباشا ماكنا كويسين
مراد طلع من جيبه بعض النقود وحدفهم فى وشها بقرف : خدى دول وأطلعى بره
نرمين بصدمه : بس
مراد بعصبيه : أنتى مبتفهميش قولت بررررره
نرمين خافت من نبرته أخدت شنطتها والفلوس وطلعت تجرى خارج الشقه
مراد جلس على الأريكه مره أخره ووضع أيده على وشه بغضب وبعدين حدف كل حاجه كانت على الترابيزه بعنف واتحدث بغضب
: أطلعى من دماغى بقااااااا أرحميييينى
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
