expr:class='data:blog.languageDirection' expr:data-id='data:blog.blogId'>

روايه وحش روضته انثي البارت الخامس بقلم ميفو السلطان حصريه علي مدونه النجم المتوهج للرويات والمعلومات

روايه وحش روضته انثي البارت الخامس بقلم ميفو السلطان حصريه علي مدونه النجم المتوهج للرويات والمعلومات



روايه وحش روضته انثي البارت الثاني بقلم ميفو السلطان حصريه علي مدونه النجم المتوهج للرويات والمعلومات

جلس مازن والغل في قلبه ينهشه مما جري واحس ان الشياطين تلبسته وليس امامه الا ان يلقي بسمومه في اذن ذلك الذي لا يحتاج من اساسه سموما لكي يكره النساء اكتر فهو كاره لهم وحاقد وينتهز اي فرصه لكي ياخذ حقه منهم مما فعلته به امه التي وان عادت نادمه فهو يكرهها بشده ويعمم ذلك علي كل النساء..اراد مازن ان يوغر صدر يوسف تجاه ليان ويطلع عقده وشروره بفجاجه لينال من تلك المسكينه. 
ليهتف مازن.. بص مصيبه اخوك بنت عمي الشمال ضحكت علي ابويا وخدت فلوسنا وشركاتنا. بنت عمي المفضوحه اللي بلم وسختها. 

ليبهت يوسف ويقول بنت عمك ايه .. ازاي

ليهتف مازن بغل.. البت اللي كلمتك وشتمتك اللي قلتلي هاتهالي اعرفها وطايحه تشتم في ده وتعلق ده اللي بهدلتك عالتليفون .. علمت عليا بنت الكلاب وقشت الجمل بما حمل ادحلبت للراجل وخلته يكتبلها كل حاجه. 

ليصرخ يوسف اتخبل ده اززي دي فلوسك انت بتنخ ياض. 

ليهتف مازن.. انخع.. دانا القهره مكلبشه في قلبي طول عمرها وسخه بس ماعرفش ان وساختها كده تغرز غرزتها بنت الكلاب كده.. نفسي اقتلها بس لو قتلتها حقي مش هيرجع والفلوس هتروح .
ليهتف يوسف.. يابني ماتقول كلام يعقل هتخليه يكتبلها ازاي اكيد فيه غلط دي فلوسك وحقك تاخدهم ازاي. 

ليصرخ مازن.. غلط ايه سيبني بقهرتي. انا لسه طابق في زماره رقبتها بنت الجزمه وطارداني من بيتي تخيل كتبلها كل حاجه يا قهرتي الشركات والفيلا والفلوس كل حاجه .. لا وهتديني مصروف شفت الفضيحه فلوسي تتسرق كده بحجه ان انا طايش وهيا الفاجره هتحافظ عليهم ولو ماشتغلتش عندها هترميني بره.طردتني من بيتي يا يوسف الجربوعه اللي لمناها بعد ما ابوها اتقلب شحاته نضفناها ولبسناها واكلنها عيشناها اميره. تيجي تضحك عالراجل تهبله وتتدحلب وتخليه يكتبلها نايمه في حضنه وتدور تلدعني ما استنتش حتي جته الراجل في التربه تبرد ترميني ابنه في الشارع. كان يحكي ما يوغر قلب يرسف من ناحيتها َلم يقل الحقيقه كامله..

ليقول يوسف.. تاخد مصروف وانت حقك ملاين ازاي يعمل كده..وتتطردك دا قادره اوي.. 

ليهتف مازن.. هقلك ازاي.. بنت عمي دي منقوع شر. في الشكل ملاك بجناحين والداخل شيطان وتعبان.. بتاعه رجاله ووسخه(ياختااي يا مرك يا حزينه 😔😔😩😩) بس ماتمسكش حاجه عليها تبان لابويا ملاك وانا اللي خمرجي انا اتسك واتشتم وهيا يقعد يحب فيها وهيا مدوراها من ورانا وغلبت ارجعها وهيا فارده قلوعها.. تخطط وتعمل طيبه وهبله لحد ما تغرز غرزتها.. عملته ايه ماعرفش.. اكيد قالته اني مستهتر وهضيع الشركات.البت عليها محن وسهوكه تاخد قلبك كده وتمشيك تريل وراها من الطيبه والجناحات وهيا زباله ومنقوع نجاسه . هموت يا يوسف..ليصمت قليلا. 
لا وعشان ترسمها صح عامله مكتب لنفسها ال ايه بعيد ورافضه تاخد فلوس وهيا مدوراها تاخد من الرجاله اللي بتتصرمح معاهم. وابويا اهبل وصدق انها مابتجريش ورا الفلوس وانها هتحافظ عالشركات وهيا شمال وفضحاني وكنت هقتلها مره دانا شفتلها فديوهات(قلبي يامه 😖😖) تخيل كل يومين واحد يجيلي يوريني وساختها اشوف فضحتها بعيني واخد الفديوهات امسحها واديلهم فلوس اخد من ابويا وهو فاكر اني بصرفهم عالنسوان وانا باتستر علي فضحتها.. شرفي اتمرمغ وقلت خلاص تترزي تقعد نصرف عليها بس ازاي نجاستها وصلت لانها تاخد مالي وحالي.. الحقني يا يوسف حاسس اني هنجلط البت فارده وقالتلي لو ماتعدلتش هرميك. بنت الكلاب تتصرمح مع الرجاله من ورانا وتصرف فلوسنا وتقلي اتعدل..

ليبهت يوسف وقلبه ينهشه بغل. .. بنت عمك شمال انت عمرك ماجبت سيرتها.. وانت ازاي سايبها. 

ليهتف مازن متصنعا الغلب.. اه بنت عمي شمال وبتتحضن في الفديوهات عايزني افضح نفسي واقلك ايه دي لحمي ودمي وشرفي يا يوسف وبخبي علي عارها وبلاويها. اقلك ايه انا وشي في الارض حاسس بنار جوايا الفضيحه من ناحيه وفلوسي اللي اتسوقت من ناحيه.. وغلبت اخيلها وانصحها وساعات اهددها مفيش فايده وسخه وساخه. 

ليهتف يوسف بقرف. .. حته بنت تعمل كده ليه قادره قوي كده. 

ليفجر مازن وساخته ويقول لغل.. مش لما تبقي بنت(يا شتات الشتااات 😎😎😎😎) 

ليتراجع يوسف مصعوقا نهاركو اسود انتو مركبين قرون. 

ليهتف مازن هيا اللي ركبتهملي بالغصب.. الهانم قفشتها مره مع واحد في شقته علي سريره وكنت هقتلها من قهرتي ورقعتها علقه موت ولا همها الفاجره. وجيت اقول لابويا طردني ومصدقنيش ورماني شهر في الشارع.وهيا عملت ان اغمي عليها وشويه كهن وتعبت وكل اما حد بيقربلها بيغمي عليها وتعمل مرعوبه.. البت قادره وابويا كان اهبل وماصدقش فيها حاجه.. منك لله يا ليان يحرق قلبك زي ماحرقتي قلبي. 

ليهتف يوسف بغضب .. بنت عمك دايره عالرجاله يا واد ايه ده يا سوادك يا مازن ايه الفضيحه دي دا لو انا كت قتلتها.. اكن تشوفها بتتمرمغ في السراير وتسكت..
ليصرخ مازن ماسكتش قلت لابويا طردني بسببها والبت طلعتلي لسانها وقالتلي انا وسخه وانا حره ومش هتعرف تمسك عليا حاجه ولو ليك شوق في حاجه اعملها دا عرضت نفسها عليا عشان اسكت كانت بتجيلي قوضتي بقمصان نوم وتترمي عليا. تصدق تقلع َتخشلي القوضه تعرض جسمها برخص. من رعبي كنت بقفل علي روحي (يا وله يا متوضي 😀😀) قلتلها هتتستري ازاي تتبجح وتقلي هنقي اي نطع والزقلك نفسي بس تعالي ابسطك تخيل.. عايزه تنام معايا عشان ارفع قرون انا اه طايش انما الشرف يا يوسف الا الشرف.. (🙄🙄🙄🙄كلو الا الشرف 😁😁😁) لا ومزاجها عالي تشوف الراجل يعجبها تلف عليه زي الحنش من جمالها ملاك رقه وجمال وجسم نار تلهب القلب وهوب تنهش قلبه والجردل يسلم ويكتب ويمضي وتقوم ترميه مذلول وساعات لو عجبها واحد وخيش ماتاخدش فلوس يكيفها وبس وبرضه مابتتطولش حاسس ان رجاله مصر هيخلصو في ايدها. عندها كيف زيك تذل الرجاله يا صاحبي (تاكس.. نار جهنم ياسطي 😎😎) 
ليهتف يوسف.ايه القرف ده الله يكون في عونك ايه البت دي. ايه القدره والفجر ده انا قابلت زباله كتير انما بالوصف ده ماقابلتش دي عايزه تتدبح.تذل الرجاله النجسه لا والله ما يحصل. . طب ايه النظام انت عايز ايه لو عايزني اخطفها وامضيها علي كل حاجه هيحصل. انت بس اشر. 

ليصرخ مازن تخطف ايه انا عايز احرق قلبها. عايز افضحهاعايز اجرسها واخليها تجيلي كده راكعه تقلي استر عليا وتترجاني اخد حقي.. انا عايز اخلع قلبها يا يوسف.. سنين وهيا مدوراها وقهراني وملابساني العيبه وبخبي فضيحتها.. واللي يقهرك انها تعبان لو قعدت معاها تحس انك دخلت الجنه لحد ماتجيبك وتسلت فلوسك وتخليك تكتبلها اللي حيلتك. شقه من ده علي فلوس من ده علي عربيه من ده.. دا معاها فلوس ما تنعدش من الوساخه.. بس كلو من تحت لتحت.. البت فاجره. ومالهاش مدخل. دا مره خدت واحد من علي مراته وعياله بس لمزاجها انها عايزاه. الواد جري َوراها وساب بيته. ومراته جت تترجاني اديها فلوس رحتلها قالتلي مزاجي فيه هاخده وارميه واحرق قلبها يوميها ضربتها وابويا دخل طردني مش كنت بجيلك مطرود مابنطقش اقلك ايه شرفي راح شرفي يا يوسف(واحلي من الشرف مفيش💃💃💃) ودلوقتي فلوسي راحت وهتدور براحتها. طردتني من بيتي وهتنام براحتها بقه ما ماعدش ليها رادع ولا راجل. انا عايز اقهرها واعلم عليها.. عايزها تبطل تذل الرجاله الغلابه اللي بتخرب بيوتهم.. ترضاها يا يوسف دي صنف الستات اللي بتكرههم منقوع النجاسه الخاين ابو كيف اللي تنهش قلب الواحد وتذله انت ترضاها يوسف بتاع الستات اللي بيذلهم لو لقي فاجره زي دي يسيبها قلبي مخلوع انا مشلول حاسس بقهر.. انا حاسس اني اغلب من الغلب .. (الا سبحتك فين يا معلم 😁😁😁). 

ليقف يوسف والكلام يدخل في عقله ويظل واقفا قليلا ثم يبتسم وافكاره تتداعي داخل راسه والشر ينساب والشياطين ترمح بداخل عقله (الشياطين عملو حفله جوا😂😂مولد سيدي اللبلوبي👻👻👻👻 )
ظل يوسف يدور ويدور ووقف فجأه وهنا رفع وجهه بنظره حاقده وصدره يعلو ويهبط وتتسع ابتسامته(يا ختاي يا مصيبتاي يا قهراي يا مراي 😖😖😖) ويذهب ويجلس امامه ويضع قدما فوق الاخري ويهتف بنشوه عاليه مبتسما سعيدا ... طب يا مازن اللي يجبلك حقك ويفضحهالك ويمرمغ وشها في الطين تعمل ايه..

ليهتف مازن.. اللي يامر بيه بس يحصل..

ليهتف يوسف.. اخد تلاتين في الميه من الشركات واعلملك علي وش امها.

ليبهت مازن.. هاه تلاتين في الميه.. ليصمت قليلا ثم يهتف وانا موافق بس ايه هتعمل ايه البت مش هتدخلها من سكه الوساخه..البت حربايه مابتبينش وساختها لاي حد واكيد لو عرفت انت مين هتبعد عنك وتخاف تطلعلك وساختها هتلاقيها الملاك الحارس وانت هتغلب فيها..البت تشوفها ملاك تخاف بسكوته تحطها في عينك قطه مغمضه تاخد قلبك ورقه الدنيا بس الاصل حيه براسين.. (وانت كلب بديلين 😏😏) 

ليضحك يوسف ان كانت هيا تعبان انا حنش وان كانت هتبقالي ملاك وماله ناخدها عالرايق لحد مانتمكن منها ونغرز غرزتنا.. مالوسخ برضه له قلب َانا هجيبه صح بس بقلك ايه انا هدوس واطحن ماتجيش تقلي بنت عمي وكده انا ماليش في لعب العيال دا شغل.. هتديني هشتغلك صح..(حد يحوش البت يا ولاااه يا مرك يا حزينه هتتغفلج غوفليج😩😩) 

ليهتف مازن بنت عمي ايه بقلك ادعك وشها وساويه بالاسفلت.. ظل مازن يفكر قليلا ليقول.. بس يا يوسف البت ما هتقربش منك هتجيبها ازاي انا عايزها مذلوله وهتتحكم فيها ازاي.. ماهي لازم تبقي تحت طوعك. البت الظاهر للناس ناعمه وطيبه وساعات بتقلب اهبل عشان تطمنك اه والله تحس عندها اعاقه تخاف تجرحها. 

ليضحك يوسف طب مانا هخليها تحت طوعي هيا تلعب وانا العب ونشوف اخرتها مين اللي يضحك وياكل قلب التاني اللي ذي دي توجعها بطريقه واحده انها تأمنلك وتسلملك حالها وتبقي عايزه..لازم تخايها تبقالك ست وتعشقك اللي زي القادره دي لو عشقتك هتتنازل عن روحها وتصدقك. لازم تعمل مصدقها وتحسسها انك واقع عشان تعرف انك عبيط وساعتها هتامنلك ماهو مفيش منك خوف.. سيبني بقه اخطط واشوف هدخلها ازاي هيا حلوه ياض. 

ليقطب مازن جبينه ايه السوال ده بتسال ليه. 

ليضحك يوسف يعني عشان اشتغل بنفس يا خي امال الحلاوه برضه بتسخن الشغل..

ليهتف مازن.. لا هيا حلوه ومزه وقمر بنت الجزمه وتحسها كده جايه من عالم تاني منها لله الاهي تتحرق البعيده امال بتتصرمح مع الرجاله وبتهبش منهَم ازاي ما هو عشان كده..

ليهتف يوسف طب ماتوريني صورتها ياض.. نشوف لما نمز هيبقي الدنيا ايه..

ليتنهد مازن ويخرج صوره لها وهيا تضحك وتقف بجوار عمها تحتضنه بحب والبراءه والجمال يشعان من الصوره. 

لياخذ يوسف الصوره لينصدم من تلك الساحره.. ايه يا واد ده دا عليها جسم نار.. مزه بنت الايه.. صاروخ مولع ليك حق تقول الرجاله بتنهبل دا اللمسه منها نار وايه عيونها دي ليقطب جبينه قليلا يستدعي بعض الذكريات لتتمثل له ليان وهيا تشع غضبا ويتذكر حادثه العربه ونعتها له بعدم الرجوله وكيف كانت قويه ومتوحشه وكان ذلك عكس طبيعتها ليتاجج بداخله نار الغضب.. نهار ابوكي اسود هو انت يا بنت الجزمه دانت وقعه امك سوده..(يا سوادك يا بنت فخري 😖😖) 

ليهتف مازن بخوف فيه ايه انت تعرفها

ليصرخ يوسف اعرفها بنت الجزمه دي ضيعتلي وش العربيه والازاز من غير ماقربلها. وشتمتني شتمت يوسف صفوان ومالحقتهاش كانت واقفه زي الوحش ناقص تنهش صدري. 

ليستعجب مازن.. مين دي اللي شتمتك.. ليان عملت كده.. كان يعلم ان ابنه عمه تخاف ولا تجرؤ علي المواجهه وتخاف من الصوت العالي ليقطب جبينه ولا يعلم ماذا يقول..

ليصرخ يوسف بغل.. اخيرا لقيتك دانت عيونك مابتروحش من بالي بتنهشني اخيرا هخلع قلبك اسمها ليان.. ماشي يا ست ليان ورحمه ابويا لمطلع سنيني كلها عليكي عشان الصنف النجس اللي زيك ده يتمرمغ وشه ويعرف مقامه ويتذل مش انت جبروت انا هخلي جبروتك ده ذل انا يوسف صفوان هجيب وشك الارض واخلي قلبك ده تحت جزمتي هخطط انهش قلبك (دا هيخطط 🙄🙄🙄انجدو الوليه 😩) .. بس اطولك اصبري عليا.. خلاص يا مازن اخرج انت منها وزي ما اتفقنا هاخد تلاتين في الميه واخلعلك قلبها وهتلاقيني راميهالك ماتنفعش لمخلوق وجايبلك شركاتك لحدك..(يا نجاتي انفخ البلالين ونط بيهم في الطين 😁😁😁) 

لينظر مازن اليه ببعض الرهبه كان خائفا بعض الشئ لكم هذا الكذب والتجني ولكن ليس له سبيل الا ان يدخل يوسف ياخذ له حقه فلا احد يقدر ان يقف قصاده اذا وضع شيئا في باله..(جوز حرابيق يا حفيظ يا حفيظ 🙄) 

مرت الايام وبدات ليان في التعافي وبدات تشعر ببعض القدره علي العمل ولم يتركانها جمال ولا سميه ابدا وكانا دائما التواجد معها يطببان قلبها ويدعمانها لتاتي اليها سميه وتقول.. ايه يا ليان هتفضلي كده شهر حابسه نفسك يا حبيبتي وايه الرعب اللي بقيتي فيه ده وبقيتي مهزوزه لازم تخرجي وتشتغلي هتتشجعي وتتغيري..

ليتساقط دموعها وتقول.. انت مش عارفه انا اللي كان بيحن عليا راح وقلبي واجعني ماليش حد فاهمه كنت طول عمري مش خايفه ومأمنه بس دلوقتي مرعوبه وعايزه صدر كنين اركن عليه هموت مش عارفه ابقي لوحدي عمي خد قلبي وخلعه..

لتهتف سميه طب اهدي حبيبتي احنا جنبك اهوه وواحده واحده الدنيا هتشغلك ولازم تكبري مش هو قالك كده وعايز كده.. يبقي خلاص من بكره ننزل الشغل بقه ونقابل الناس ونكمل حياتنا لتنظر اليها ليان بغلب وتهز راسها لتقبلها سميه وتجلس معها قليلا وتخرج. 

بعد فتره يحضر علي المحامي ليجلس معها ليتفقا علي اداره الشغل.. لتقول. بص يا انكل انا ماليش دعوه باي حاجه حضرتك تدير وتعمل ما بدالك ولو عوزت حاجه انا اهوه.. ويا ريت معلش تشفلي شقه صغيره في حته كويسه.

ليبهت علي.. شقه ليه والفيلا انت هتسيبي بيتك..

لتهتف بقهر.. خلاص بتي راح وكل حاجه راحت وماهعرفش اقعد فيها وابويا وسندي مش فيها كل حته ليها ذكري بتمزعني.. والنبي يا انكل ريحني انا موجوعه اوي.وهكتبلك شيك بالمبلغ من فلوس ابويا اللي فاضله تشتريها.
ليهتف ايه يا ليان عمك سايبلك شئ وشويات.
لتهتف دي فلوس مازن يا انكل مش فلوسي ودي امانه في رقبتي ماخدش مليم معلش ريحني .

ليهتف علي.. حاضر يا حبيبتي هجبهالك بفرشها كمان تنقلي علي طول..

لتهمس والناس اللي في الفيلا شفلهم حاجه في الشركات انا هاخد هدي معايا تونسني ماقدرش اقعد لوحدي والباقي مرتباتهم تمشي وتشفلهم مكان يبسطهم مش علي اخر الزمن بعد خدمتهم نرميهم.. دول من ريحه حبيبي..

ليهتف علي.. بنت اصول يا بنتي.. حاضر.. انت هخلي ليكي حرس ماينفعش تبقي كده من غير..

لتنظر اليه باستغراب.. حرس.. ليه يا انكل.

ليهتف.. مازن مش هيسكت يا ليان.. وجايز يتهور

لتقول.. مازن عصبي واه ممكن يكون غضبان بس انا في الاخر بنت عمه لحمه ودَمه.. ماتخافش مازن مش هياذيتي مهما حصل وان شاء الله يجي يشتغل ويكبر وياخد امانته هو حر فيها دانا حاسه اني في كابوس..(حاسه 😂😂اومال لأه اومال طبعا) 

ليهتف علي والله يا بنتي كلنا. ربنا يستر ويهديه.هنفذلك حاضر كل حاجه وخلال يومين بالكتير تنقلي يا حبيبتي واي حاجه انا معاكي..

لتهتف ربنا يخليك يا انكل ليتركها ويرحل لتتكور هيا علي نفسها وتشعر بعدم الامان وتنزل دموعها وتهتف طب اجيب امان منين دلوقتي.. اجيب صدر حنين يطبب قلبي اللي متمزع منين دلوقتي.. لتظل هكذا لتنام ليتكرر الحلم كما هو لتغوص اكتر لتجد نفسها في مكان جميل معها احد الاشخاص.. يهمس.. ليان لتستدير الي الصوت وقلبها يخفق بشده ليهمس بحب اناجنبك يا ليان..
لتهمس له.. جنبي فين انا بقيت لوحدي.
ليهمس بحب. انا طول عمري هفضل جنبك.
لتقترب منه وتحتضنه بشده والعالم اصبح يشع نورا لتحس بامان الدنيا.
ليهمس شوفي قلبك بيدق ازاي. 
لتبتسم.. اه اوي بيدق ومبسوطه اوي. 
ليهمس قلبك ده بتاعي وهاخده اداويه واحطه في عيوني
لتهمس وانا معاك ومستنياك انا حاسه براحه مش خايفه هتيجي امتي. 
ليهتف جاي يا قلبي جاي اصبري هعيشك احلي دنيا بس اصبري كل ده هيعدي.
لتحتضنه بشده وتنام باريحيه وتنساب مشاعرها لتنغرز في ظهرها اظافره فجاه لتسمع فحيحا يخرج منه ويتحول الي وحشا لتحاول ان تهرب ولكن اظافره تنغرز فيها بشده لياتيها الصوت الحالم.. ماتخافيش يا ليان انا جنبك مش هسيبه يوجعك.. ليان ليان انا امانك اللي جاي ماتخافيش كان الوحش قد انغرزت اظافره والصوت الحالم يكرر ما يقول.. انا امانك ودنيتك.... كانت تصرخ والوحش يمسك قلبها وكلما تالمت يعلو الصوت اكثر واكثر حتي احست ان انفاسها ستقتلع منها لتقوم مفزوعه ترتعش بشده لتجهش بالبكاء وتظل تنتفض بشده لا تعلم اين تذهب او كيف تعيش هكذا والكوابيس تطاردها لدرجه انها فكرت ان تذهب لطبيبا ولكنها من الخوف كانت تكبت ما بها ولا تشتكي فماذا تفيدنا الشكوي..
قامت وتوضت وصلت وجلست تدعو ربها ان يطبب قلبها لعل القادم احسن لعل ايامها ستتحسن. يا رب انجدني من اللي انا فيه يا رب قويني. الله يرحمك يا حبيبي خدت قلبي وخدت امان الدنيا . طب هفضل كده احلم بالرعب ده كل يوم مين ده اللي عايز يوجعني والله انا غلبانه اوي طب والصوت الحنين ده يا رب وجعي زاد خايفه لوحدي كده خلاص كده يا مازن دانت سندي تزعل كده.. طب ارجعله حاجته عشان يحبني ويقف جنبي.. بس انا وعدت عمي يا ربي ايه ده.. يا رب اهديك يا مازن هو اكيد هيعقل ما مفيش حاجه تانيه اه مازن اهبل بس طيب(هو اللي اهبل برضه 😂 😂 يا بت بقه ام عبطك) اه ما هو ابن بابا شكري هيجيب الوحاشه منين (حقه 😂😂) هو طيب اه وهيعقل ويقعد يشتغل وارجعله حاجته ويفرح بابا في تربته اه دا اللي هيحصل.. مازن مش وحش خالص(خالص مالص ويمكن بالص😂😂😂) انا اللي اكيد كنت بضايقه عشان قريبه من بابا وهو كان بعيد دلوقتي بابا راح ومالهوش الا انا ايوه يا ليان انتو ولاد عم وسند لبعض نامي وارتاحي (امااال ربنا يشفيكي ياختي.. 😂 😂 😂 الراجل المسند.. رجل الكنبه😂 😂 😂 ونقفل عالخانكه كفايه عليكو كده 😂 😂 😂)













🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺

الصفحه الرئيسيه للمدونه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹



اللي عاوز باقي الروايه يعمل متابعه لصفحتي من هنا 👇👇


ملك الروايات



لعيونكم متابعيني ادخلوا بسرعه


👇👇👇👇👇


جميع الروايات الكامله من هنا






تعليقات



CLOSE ADS
CLOSE ADS
close