روايه وحش روضته انثي البارت السابع بقلم ميفو السلطان حصريه علي مدونه النجم المتوهج للرويات والمعلومات

روايه وحش روضته انثي البارت السابع  بقلم ميفو السلطان حصريه علي مدونه النجم المتوهج للرويات والمعلومات
روايه وحش روضته انثي البارت السابع  بقلم ميفو السلطان حصريه علي مدونه النجم المتوهج للرويات والمعلومات

انتقلت ليان بطاقمها الي مقر شركه يوسف وكانت قد اعدت مخططا رائعا ولكنها ارادت ان تذهب الي الفيلا اول لتضع مخطط شامل.. لتذهب الي يوسف الذي ما ان علم انها بالخارج حتي انتفض ووقف ينتظرها ولا يعلم ما به لماذا هو ملهوفا علي مقابلتها هكذه وارجح ذلك الي انها انثي ذات جسد رائع وهو يريدها وسيحصل عليها..
 دخلت وابتسمت له ليمد يده اليها لترتبك َخافت قليلا وارتبكت.. ليقطب جبينه.. ايه يا انسه ليان انا مزعلك في حاجه مش عايزه تسلمي عليا..
لتهتف بعفويه.. لا والله ابدا حضرتك مفيش حاجه لتمد يدها وتحس ان قلبها سيتوقف فهو اخذ يدها ووضع الاخري عليها وقال بحنان ظاهر.. نورتي الشركه بحالها والله الشركه بتشع نور..
لترتبك بشده وتسحب يديها وتهمس.. شكرا لحضرتك.. ارادت ان تخرج مما هيا فيه لتندفع َتتحدث في العمل لتخفي مدي تاثيره عليها ليبتسم بخبث فهو يعلم انه ليس سهلا ليسمعها تقول.. بص حضرتك انا لازم اروح الفيلا عشان اشوفها عالطبيعه واقدر احدد الرسومات المناسبه.. ممكن تبعت معايا حد اشوفها..
ليبتسم ويقول وابعت حد ليه هو انا هقصر معاكي..
لتبتسم بخجل.. لا مش قصدي بس حضرتك اكيد مش فاضي للحاجات دي وعندك شغل مهم..
ليقوم ويقترب منها بشده ويقاطعها وعيونه تلتهمها وقلبها سيخرج من مكانه فنظراته مهلكه.. ليهتف .. المهم يتساب والمشغول يتفضي عشان خاطرك..انت فاكره اني هسيبك لحد تاني يروح معاكي.. 
لترتبك.. هاه.. اه.. لا... قصدي يعني براحتك انا مش حابه اضغط عليك يكفي ان اي حد يبقي معايا. 
لينظر اليها نظره احرقتها كلها غزل فاضح ليقول.. وانا برضه اسيبك لاي حد..
لتبتعد وتتلبك وتحمر َتحس بشئ اخافها لتهتف بشي من الجمود.. افندم ..
ليري تغيرها ليقطب جبينه.. ليتراجع قليلا ويقول.. اقصد مش اي حد هيعرف يعرفك اللي في دماغي.. انا مابحبش اسيب شغلي لحد ودا من اهم مبادئ صفوان جروب..
لتتنهد بارتياح وتقول اوك زي ماتحب شوف حضرتك امتي وانا هسبقك عالمكان..
ليقطب حبينه ويهتف.. تسبقيني.. ليه مانروح سوا ونرجع سوا. 
لتقول لا معلش عشان تبقي براحتك يعني ولو حبيت تروح اي حته ما تقلش عليك دا غير ان معايا عربيتي اوديها فين..
ليهتف.. انا مابعملش حاجه الا اما تكون مريحاني لو حبيتي تروحي اي حته انا اوديكي انت بس تأشري هتلاقيني في الحته اللي تحبيها..
لتهتف بارتباك.. طيب اوك ماشي هنروح امتي. 
ليقول مسرعا.. بصي اخلص بس شويه اشغال ونروح..
لتبتسم له ابتسامه ساحره رجف لها قلبه واستدرات ليقول فجاه.. انسه ليان..
لتستدير وتقول..تحت امرك
ليقول احنا ما مضيناش العقد وكل حاجه متحضره والا تشتغلي وتقوم واكل حقك وضحك ..
لتبتسم بسعاده وتهتف متهيألي كلمه حضرتك عقد ومش بعد شغلي وتعبي هتسيبني من غير ما تديني حقي حضرتك اسم كبير وانا واثقه في حضرتك الناس بتبان يا فندم. 
ظل ينظر اليها برهبه.. لان كلماتها خرجت صادقه بشكل لمس قلبه فهيا تراه شخص جدير بالاحترام ليتعجب فكلما تعمق معها يحس ان بها شيئا مختلفا لا يعلم مكنونه ليهتف.. طب تعالي بصي عليه وشفي المبلغ يناسبك..
لتلهبه ابتسامه ساحره.. بص حضرتك اكيد المبلغ هيبقي كويس انا عارفه ان مكتبنا متواضع رغم اني واثقه في شغلي وكون حضرتك تشغلني دا في حد ذاته قيمه ما تتقدرش بفلوس.. كده مكتبي هيترفع قيمته بقيمه شركه حضرتك ودي لوحدها ماخدش عليها كنوز الدنيا.
ظل واقفا لها ينظر اليها ببلاهه.. هيا البت دي ملبوسه.. هيا مالها بتتكلم كده وقيمه ايه وكنوز ايه دي كلبه فلوس هو فيه ايه.. لا كده كتير البت دي مالها بالضبط.. مفيش غلطه يخربيتك جمال وجسم وايه الهبد اللي بتهبديه ده.. دانا لو ماعرفش حقيقتك كنت خدتك وطفشت بيكي اخبيكي.. لا انت مش سهله دانت جامده جمدان يخربيت امك.. اهدي يا يوسف.. اما نشوف اخرتها. دوس عالسيحان اما نشوف هتنخ امتي بنت الجزمه..البت عليها جسم يلسوع ليه حق الواد مازن يقول الرجاله بتتهبل عليها.. بس علي مين وحياتك لاجيب قلبك اخليه يلسوعك انتي يا جامد انت يابو عيون قمر..وارشقك في حضني وامز براحتي اخدك في سريري جسم يهبل اهيص واشبع.. البت نار والعه. يا قلبك يا يوسف.. هتتحمل ازاي.. . 
كانت تنظر اليه باستغراب فكان ينظر اليها وهو مغيب لا تعرف ماذا تفعل.. لتقترب منه وتهمس مستر يوسف انت كويس.. لم يرد عليها كان تفكيره منصبا عليها لتضع يدها علي ذراعه وتهمس مستر يوسف مستر يوسف..
لينظر اليها فجاه وينظر ليدها علي ذراعه لتسحبهم بسرعه وتتلبك وتهتف انا اسفه بس حضرتك ماكنتش معايا. 
لينظر اليها برغبه اذابتها ورجف قلبها.. مين قال اني ما كنتش.. دانا كت وكنت.) الواد فتح السحاحات ياختااي 😂😂) 
لتهتف بعدم فهم ايه مش فاهمه..
ليستدير ويقول.. يلا بس امضي العقد وكلها ساعتين اخلص الشغل ونمشي و َنروح الفيلا ماشي يا قمر. 
نظرت اليه لتستجمع نفسها لتهتف بهمس.. بشمهندسه ليان يا مستر يوسف..
ليقف قليلا قاطبا حاجبيه ليستدير.. ليبتسم علي خجلها ويرفع حاجبيه.. لياخذ العقد ويقترب منها وينحني قليلا مقتربا من وجهها ليهتف بنعومه وعيونه تحرقها.. طب هو ايه المانع مش عارف مهندسه ليان وقمرين مافيش اعتراض..

لتبتعد وتفرك في يدها وتحاول ان تخرج الكلمات متزنه وهو مسلط عينيه عليها بتركيز شديد وداخله يقسم ان هناك شيئا بها لا يعرفه فهي تتصرف عكس ما وصل له لتتنهد وتهتف بهمس.. معلش بس مش بحب كده في شغلي..
ليقترب منها مره اخري ويقول طب بتحبي ايه وانا اعمله.. وماتحمريش اوي كده. (يا حلاوه يا ولاد 😁😁😁) 
لتاخذ العقد منه وتهتف بتلبك.. ده العقد مش كده.. انا همضيه عشان اسيب حضرتك تشوف شغلك ومضته مسرعه دون ان تنظر به وتستاذن مسرعه وتهرب من امامه
ليستدير مسرعا ويقف امامها ليرجف قلبها ويهتف بنعومه.. ماشربناش حاجه انت علي طول كده مستعجله انا حاسس انك مضايقك. 
كانت مرتبكه ونظراته فوق الوصف مهلكه لقلبها لتهمس. بارتباك.. هاه.. لا ابدا بس قلت اسيبك تشتغل وكده ولا هتضايقني ليه بس..
ليقترب ويهتف طب القمر يشرب ايه. 
لتتنهد يا بشمهندس من فضلك يعني انا مهندسه ليان
ليضحك طب الباشمهندسه القمر تشرب ايه..
لتتلبك لتهتف اي حاجه. 
ليحضر لها عصير لمون ويجلس مسلطا عيونه عليها وهيا تشرب بهدوء ولا تنظر اليه. 
ليهتف ممكن اسالك سؤال. 
لترفع عيونها ليهتف هو انا شكلي وحش اوي يعني ومضايقك. 

لتنصدم وتنظر اليه ببلاهه.. لتهتف ليه حضرتك بتقول كده. 

ليهتف يعني اصلك لا بتبصيلي ولا حتي بترفعي عينك خفت اكون فيا حاجه تضايق يعني نغيرها عشان القمر يرفع عيونه. 

لترتبك وتقوم فلم تعد تحتمل نظراته لتهتف.. لا لا والله ابدا بالعكس.. لا قصدي يعني انت شكلك حلو اوي.. لا اقصد انك يعني مفيش حاجه. انت كويس خالص. (وبتشرب البن وبتنام بدري 😅😅) 
ليقترب منها ويهتف طب ماتبصيلي طيب عشان والله حاسس اني شكلي مش ولابد. ونظر لملابسه والله اموت نفسي ساعتها. 
لترفع عيونها ليتلقفها بعيونه في نظره فاضحه للمشاعر. وغزل صارخ ليهتف مش قادر انطق كتير كده.

لتهمس ايه فيه ايه ايه اللي كتير. (عبطك يا شيخه ارحمي 😂😂) 

ليقترب منها وعيونه معلقه بعيونها ليهمس بنعومه خفق لها قلبها.. عيونك دي بجد والا نازله من الجنه كانت ساهمه في نظراته وهو مقترب من وجهها وعيونه مسلطه عليها لتظل فتره ساهمه لتنتفض اخيرا ووجهها يشع احمرارا لتهتف اسيبك بقه وهستناك وهربت و قلبها سينفجر .. ظل واقفا ينظر في اثرها.. ليهمس. ايه ده فيه ايه البت وشها قلب نار . لا والله البت دي يا ملبوسه يا عندها انفصام.. طب ايه هتطلعلي البت الشمال امتي انا لو سحسحت البت هتسورق هيا مالها.. ايه بتخطط لايه طيب تكونش راسمه علي تقيل وعايزه توقعني فيها.. ماهو مافيش كده.. البت كيوت وعسليه ومزه وبريئه وناار والعه عايز اهجم عليها اشبع منها.. فيه ايه يا يوسف بت زي دي تمرجحك لااا والله لو مين.. مايتعملوش عليا دانا يوسف.. دوس يا يوسف اما نشوف اخره الهبل اللي بتعمله دا ايه. هنشوف هقفشك امتي يا بنت الايه وافش غليل الحزين مازن الغلبان (غلبان 🙄🙄) اللي لهفتي فلوسه يا قادره..

خرجت ليان مسرعه واحست انها ترتعش لتدخل الحمام وتضع يدها علي قلبها.. ايه ايه هو فيه ايه هو بيعمل كده ليه.. اهدي يا ليان.. انت يا بت مالك خفيفه كده الراجل بيجاملك احترمي نفسك هيقول عليكي بت وقيع.. اهدي يا زفته انت اول مره تشوفي رجاله دي تاني مره تشوفيه امال لما تتهببو تقعدو شهور هتخطفيه.. طب ايه انا مش مستحمله اجمد ازاي هيقول عليا قليله الادب طيب.. بس هو بيعمل حاجات تلخبطني اعمل ايه.. استغفر الله انا جرالي ايه.. يا رب والنبي دانا غلبانه وبخاف من خيالي..هو قمر وعيونه قمر بيبص بحس اني هموت وقلبي بيدق جامد اعمل ايه بس عيونه صعبه اوي.. وانت يا زفت بتدق كده ليه.. ظلت تهدئ نفسها وتهتف عادي عادي واحد وبيجاملك بطلي اكبري بقه انت مالك قالبه مراهقه كده انت داخله شغل.. الله يرحمك يا عمي دايما كنت بتقول هتفضلي عيله وهبله.. اهوه الهبل هيخبط في الرجل..(لا بيخبط فينا احنا.. عمينا يا شيخه 😂😂) 
خرجت وذهبت لمكتبها لتجد سميه جالسه والغضب يشعلها لتهتف ليان.. ايه يا بومه مالك
لتصرخ سميه.. شفيلك حل في سي زفت ده والله هخبطه علي دماغه افتحله نفوخه. 
لتهتف ليان ايه طيب ماتهدي. 
لتهتف سميه بغضب.. سي جمال كان ناقص يضربني لما شافني واقفه مع حد من شركه صفوان ورقعني بكلمتين ولما اتنرفزت هبدته كلمتين وقلتله مالكش دعوه ومالكش كلمه عليا قام زعل وخرج ومش عارفه اعمل ايه.. لما هوا غيران عليا مابينطقش ليه هو اهبل..
لتهتف ليان طب واللي يخليه ينطق
لتصرخ سميه.. دانا اهريه بوس.. والنبي يا ليان تقدري تنطقيه..
لتهتف ليان.. اهدي طيب هروقهولك اما نشوف اخرته..
ليدخل جمال غاضبا ويجلس في صمت لتتجه اليه ليان.. مالك يا عم ضارب البوذ ليه
ليهتف بتزمر.. مفيش لا بوذ ولا زفت..
لتضحك ليان وتقول الله دلوقتي بوزك يفك لما تعرف ان هيبقي عندنا فرح وهوليله..
ليقطب جبينه ويهتف.. فرح ايه مش فاهم..
لتهتف اسكت اصل فيه عريس جاي للبومه اللي معانا اخيرا هتفك النحس والعقد ينفرط. جايلك عريس ياسميه. 
لتنظر سميه اليها ببلاهه لتغمز لها ليان.. لتهتف بجد ومين هوه بقه..
ليهتف جمال.. ايه الكلام الاهبل ده احنا جاين نشتغل مش نتنيل. 
لتهتف ليان لا انت مش عايز تتنيل انت حر انما احنا بنات قمر هنموت ونتنيل.. مش كده يا منيله..
لتضحَك سميه.. يااه دانا هموت واتنيل. 
ليقف جمال.. ماتحترمي نفسك انا واقف. 
لتقطب جبينها وانت زعلان ليه انا اللي هتنيل مش انت
ليصرخ بها انت مستعجله ليه بكره تتنيلي لسه بدري..
لتضحك ليان.. لا بدري ايه دا العريس جاهز عايز يتنيل من بكره.. بت يا هبابه ايه رايك اخليكي تقعدي معاه عشان تتنيلو بسرعه. 
لتهتف سميه.. وماله يا عسليه.. دا حتي اتنيل بدري عشان الحق اجيب عيال. 
ليصرخ جمال لا كده كتير بقه اسمعي يا ليان البت دي هبله وممكن ترضي باي حد قوليلي هو مين وانا اشوفه الاول
لتقاطعه سميه بتاع ايه اصلا تشوفه انا حره اما احب اتنيل هتنيل انت مالك. 
ليصرخ بها.. انت عقلك خف واي حد تتنيلي معاه هو فيه ايه
ليسمعا ليان تضحك بشده ونظرا اليهابغضب هما الاتنين لتهتف شكلكو مسخره وانفجرت مره اخري.. وهما لا يفهمان شئ لتهتف اخيرا.. انتو مكبرين الموضوع.. اطمن يا جمال حد كويس ومحترم.. يلمها بدل ما هي طايحه كده وانت يا سيدي اخوها تفرحلها..
ليصرخ بغضب لا مش اخوها ومش هفرحلها. 
لتنظر اليه سميه بغضب لتقول.. ليه ان شاء الله.. متكبر تبقي اخويا والا ايه َماتفرحليش ليه.. انا عارفه انت طول عمرك بتكرهني.. وانا ماعملتلكش حاجه واجهشت بالبكاء..
لتتجه اليه ليان وتقول بجديه انا خارجه ولم الليله وانطق بقه عشان كده كتير وتركته وخرجت ووقف هو مرتبكا وهو يري سميه تبكي ليرق قلبه فهو لا يعرف لماذا لا يعترف لها بحبه ليقترب منها ويهتف.. بس بقه متتعيطيش ماكنش قصدي..لم ترد عليه ليقترب منها ويهتف طب انا اسف والله ماقصدي دانت عنديحاجه كبيره اوي. 
لتحس بنبره حنان في صوته لتنظر اليه ليهتف بحب والله غاليه عندي سميه انا.. انا..
لتهمس. ايه هتفرحلي..
ليستغفر ربه برضه عايزه تعصبيني..
لتهمس طب ايه زعلان ليه ماتسيني اشوف حالي.. وافرح زي بقيه البنات. 
ليصرخ بها لا يا سميه ما ينفعش بعيد عني..
ليرجف قلبها وتحس انها ستقفز فرحا لتتصنع الغباء وتهمس يعني ايه..
ليمسك يدها ويقول اخيرا.. عشان انت ماينفعش تتنيلي لحد غيري..
لهمس بحب.. جمال انت بتقول ايه
ليقاطعها عايز اتنيل واتجوزك يا غبيه..
لتنظر اليه ببلاهه.. ايه ده جمال نطق.. لتهتف انت عايز تتجوزني.. ليه دانت مابتطقنيش. 
ليشدها اليه... مابطقكيش ايه بس دانا هموت عليكي وانت مابتحسيش. 
لتقول باندفاع.. انا برضه اللي مابحسش دانت يا اخي مابتشفش باين. 
ليهتف بحب.. سميه انا بحبك..
لتتسع ابتسامتها.. قول والمصحف.. بجد يا واد يا جمال بتحبني. ليقول والله من سنين
لتهتف وايه اللي مسكتك يا حزين..
ليقطب جبينه ايه يا بت انت هو حد يرد كده. 
لتهتف.. اه انا اصلي وارمه بعيد عنك الواد اللي بحبه بيحبني من سنين وانا روحي طلعت قدامه. 
ليبتهج بشده ويهتف بجد يا سميه بتحبني دانا كنت مرعوب
لتقترب منه. وتقول.. جمال انت تقريبا عندك اعاقه في النظر الناس كلها فضحتني وانت ولا هنا. 
ليمسك يدها ويقبلها بشده ويقول طب هنتجوز امتي..
لتنظر اليه باستغراب.. انا قلت كده الواد عقله فيه ان.. بيعدي مراحل.. كت بحلم بكلمه قام هو نط عالجواز علي طول.. لتقول مش لما نبقي نتخطب الاول والنبي يا جمال عايزه اتخطب وافرح واتفسح وتحب فيا لما اخلص في ايدك وساعتها نتجوز
ليضحك جمال عليها.. طب مانتجوز وتسورقي في ايدي برضه ما هي هتبقي احلي خلصان دانتي هتسورقي لما تفطسي..
لتخبطه علي كتفه وتهرب ايه ده ايه قله ادب دي انت يا تسكت سنين يا تقل ادبك مره واحد امشي امشي انا سيبالك الحته بقله ادبك دي.. واستدارت ليمسكها ويهتف.. هاجي انهارده عشان اخطب القمر.. مش قمر وبيحبني صحيح..
لتنظر اليه بغباء ايه هو جمال راح فين انت مين يا عم.. كان فيه بومه هنا مابتنطقش..
ليضحك ويقبل يدها لا مالبومه نطقت وعيارها فلت وماعدش قادر يلم نفسه. كان اهبل وعبيط والبت اللي هيموت عليها هتروح منه
لتبتسم بحب وتقترب بدلع بجد يا جيمي هتموت عليا. 
ليقترب منها ويقترب من وجهها بحب شديد وهم ان يلامسها لتدخل ليان لتبتعد سميه بخجل لتقف ليان متصنمه.. نهاركو اسود دانا سيباكو قافشين في رقبه بعض هتموتو بعض ارجع الاقيكو بتسحسحو ماتتلمو..
ليهتف جمال.. ايه هنتخطب انهارده مش تباركيلنا..
لتصرخ ليان وتذهب لسميه وتقبلها وتحتضنها وتهمس اخيرا الجبل نطق..
لتحتضنها سميه َتهمس لها ربنا يخليكي ليا يا ليو دانا قلبي هيقف.. وظلا معا يتسامران لفتره ويمازحان بعضهما وليان تشعر بالسعاده فهيا اخيرا جمعت حبيبن فقلبها الذهبي يشع عندما تحس بسعاده الاخرين..
مر الوقت ليستدعيها يوسف وياخذها لينزلا معا في الاسانسير وهنا اقترب منها يوسف وهتف.. انت فيكي حاجه مالك مبسوطه اوي كده..
لتهتف بسعاده ايه باين عليا اوي كده..
ليهمس.. وشك قمر ومنور وبيشع نور القمر مبسوط ليه
لتهتف بعفويه وتستدير وتضع يدها علي ذراعه وتهتف بانفعال.. اسكت يا يوسف سميه وجمال هيتخطبو ويتجوزو..
لم يسمع منها شئ فجملتها توقفت عند يوسف وجمال نطقها له ليغمض عينيه ويهمس.. يوسف..ويفتحهم وينظر ليدها علي ذراعه. 
لتحس بجردل ماء انصب عليها لتشد يدها بسرعه لتهتف مسرعه.. اسفه اسفه والنبي والله ماقصد مش عارفه جت ازاي مستر يوسف بجد..
ليقاطعها ويبتسم .. ايه حيلك ماحصلش حاجه مانا فعلا يوسف مَحسساني انك عملتي جريمه..؛ عادي انت تقولي يوسف واقترب اكثر ونظر اليها نظره اشعلتها ليهمس بالقرب منها وانا هقول ليان خلاص انت كده نهيتيها..
لترتبك وتحمر بشده وتفرك في يدها وتهمس مايصحش..
ليمسك يدها ويلهبها بنظراته هو ايه اللي مايصحش وانت محمريه وقمر كده ايدك هرتيهم فرك. 
. احست بشئ يرجعها وينغز عقلها رغم ان قلبها مشتعل لتشد يدها بغضب.. مستر يوسف لو سمحت انا مابحبش كده ومن فضلك اظن مايصحش كده انت فاكرتي ايه لينفتح الاسانسير لتندفع بخوف الي الخارج خوف من نفسها اكتر منه هو فهيا احست بشئ من السعاده في كلامه ولمسته ليدها ولكنها خافت ان يعتقد انها فتاه بلا اخلاق كانت لا تعلم اين تذهب لتجده ياخذها من ذراعها ويتجه بها للعربه ويفتحها ويجلسها فيه ويستدير ويجلس من الطرف الاخر صامتا كان الموقف فوق احتمالها احست انها ستنهار امامه ماذا سيظن بها..
اما هو فمنظرها وتلبكها وغضبها كان صادقا بشده لينخرس ولا يعرف ماذا يقول ليصمت قليلا لتهتف هيا بهمس لتقول.. ممكن تنزلتي..
ليتنهد.. ليه يا ليان خايفه مني..
لتتلبك فهيا فعلا خائفه ولا تعرف كيف تتصرف في هكذا مواقف لتقول لا وهخاف ليه بس ماينفعش حضرتك انك تمسك ايدي مايصحش. 
ليبتسم ويقول.. طب يا ستي انا اسف مش هتتكرر ارتاحي
لتصمت ليقول لا مانا مش هتحرك وانت مكشره كده دانت كنتي طايره من الفرح وجمال هيتجوز سميه اقوم الاقي القمر مكشر كده..
لتتصنع الجديه.. وبعدين بقه..
ليضحك بشده خلاص يا ستي مع انك قمر احشرها ازاي طيب اسكتي يا ليان والنبي انت مش عارفه حاجه..
لتهتف ليان يا مستر يوسف..
ليقاطعها والله ماعادت تحصل انا يوسف يا ليان وكيفي نفسك بقه علي كده لتيدير وجهها ولا ترد ليضحك ليهتف هاه قوليلي بقه ايه اللي باسطك وقلتيلي احلي يوسف بعدها. 
لترتبك وتهتف انا اسفه والله انا ماخدتش بالي بجد والنبي ماتزعل. 
ليهتف هو انا كت اشتكيتلك دا حتي ماكتش اعرف اسمي حلو وقمر وجامد كده لتنظر اليه ليهتف وعيونه تلتهمها والله جامد وقمر عالاخر. 
لتهمس بسرحان هو ايه. (الأمبليه😂😂). 
ليهتف بحب. اسمي والله دا طلع عسليه..
لتتلبك وتنظر للاسفل لتهتف سميه صحبتي اخيرا هيا وجمال هيتجوزو انا فرحانه اوي.. بقالهم كتير بيحبو بعض بس مابيقولوش. 
ليهتف الحب حلو ازاي مايتقالش.. اللي يلاقي حد يحبه ولا ياخدوش يبقي اهبل وانا بقه مش من النوع ده لما بلاقي حد مابستناش دقيقه.
لتندفع هيا.. والله يا يوسف البت سميه دي بتحبه اوي وغلبت تلمحله بس هو اهبل ومنيل كده مابيحسش بالحب..
لينظر اليها بوله.. فيه خد برضه مابيحسش بالحب .. دا يتحس ويتحس ويتحس ..
لتبعد وجهها وتهتف.. تعمل ايه ما جمال ساكت مابينطقش. هيا قلبها وجعها بقه منه هتعمل ايه تروح تقله ينفع والنبي..
ليبتسم ويهتف لا ازاي دا لازم الواحد يخلي حبيبه كده مبسوط ويقول ويقول لما يقلب فراوله كده من كتر الحب .. 
لتنظر اليه وتهتف ما جمال خلاص الحمد لله اخيرا نطق بس انا السبب خليته ينطق. 
ليبتسم.. ان جيتي للحق لينظر اليه نظر مشتعله انت تنطقي الحجر و الله. 
لتهتف ببراءه مانا فهمته انها هتروح منه وكده قام خاف. 
ليقترب منها ويهتف لا لازم يخاف حد يروح منه حبيبه القمر ومايخافش دا ينطق ويجيب ناس تنطق.. دا قمر يتساب ده يا ناس. 
لتهتف ببلاهه هو مين. 
ليقترب اكثر القمر حد يبقي عنده قمر ويسيبه يروح منه كانت متصنمه وعيونها متعلقه بعيونه وهو يحرقها بنظراته لتهتف بتوهان يوسف. 
ليهمس بالقرب منها احلي يوسف في الدنيا.. انت ازاي كده
لتشيح بوجهها وقلبها سيخرج من مكانه وتفرك في يدها ليبتعد اخيرا.. لا كده كتير عليا البت سايحه وقمر ايه ده اروح الفيلا ادوس جايز اطلع بها فوق والا اعمل ايه مش قادر هموت البت نار وجسمها نارين ايدي هتهيص وحمارها ده يهبل هيا كلها تهبل نفسي ادوس واخد شفايفها افرتكهم يخربيت كده مش قادر.. اهدي يا هباب ماتضيعش الليله هتوصل بس اما نشوف اخرتها ايه.. اخرتها سريرك وش لو روحها طلعت ماهسيبهاش دانا ماشفتش ولا قابلت..
ليقود السياره وهو يدندن وهيا مشتعله ليهتف.. طب وانت بقه مالكيش الا سميه وجمال.. ابن عمك ده مش قريب منك..
لتتنهد مازن ربنا يهديه لا والله بس بينا خلاف صغنن كده وهيتفك لوحده ..
ليضحك هيتفك لوحده دانت واثقه بقه.
لتقول.. اه طبعا انا هراضيه هو بس شاب وانت عارف ساعات بيبقو طايشين كده.
ليهز راسه امم طايش وانت هتراضيه.. دانت لقطه والله يلا ربنا يوفقكو ليكمل طب ومافيش حد تاني.
لتقطب جبينها.. حد تاني ازاي مش فاهمه.
يعني واحده زيك جميله ومهندسه وبنت ناس مايبقاش فيه حد في حياتها ليه الرجاله اتهبلو مابيشوفوش.
لتخجل وتقول.. لا دا نصيب لسه ماجاش.
ليهتف والا بقه بتحطي شروط تطفشي العرسان وخصوصا بقه لو حد بادئ حياته.
لتهتف مين دي اللي تحط شروط.. انا.. لا خالص والله.
ليقول.. امال ايه بقه شروطك اللي تخلي واحده قمر زيك قاعده لوحدك.. اكيد فيه شروط.. مثلا من عيله معاه فلوس وكده.
لتهتف. فلوس ايه يا مستر يوسف هيا الفلوس بتعمل عيله وبيت دافي.. البيوت مش بالفلوس البيوت بالامان والحب . البيوت بحنيه ناسها وطبطبه حبيب. تحس انك نايم ولا يوم هيجي اللي يكشفك من وراك ويأذيك. انا نفسي في حد احس معاه بالامان وبس يبقالي سند اديه روحي وانا مطمنه وراضيه والله لو مش معاه خالص بس راجل هيصوني ويحميني ويحسسني بالامان ساعتها هوافق واشيله في قلبي وعيوني.. انا عندي الامان هو الدنيا يا يوسف انك تبقي صادق َتحب بجد وتحس اللي بتحبه ساعتها نفسك هترتاح ليه وتهواه.. النفس ليها وليف ماتقدرش تعيش من غيره.
ظل يوسف مبهوتا بنبره الصدق والحنيه في صوتها لا ينطق. حنين ايه وحنيه ايه هيا هبله.. هو فيه ايه.. ليتنهد ويهتف. بس اكيد الفلوس مهمه يعني انت متربيه اكيد في العز هتاخدي واحد ماعندوش لا ماصدقش.
لتهتف.. بابا وماما ماكتش معاهم فلوس كتير زي عمو شكري كنا يعني مستورين وكانو بيشتغلو بره َالفلوس اللي سابوهالي جبت بيها شقه َمكتب وخلاص اهوه قاعده من غير وطبعا عمو شكري عرض عليا كتير بس طبعا مش من حقي دي حق مازن. انا بحب اتعب في حاجتي عشان افرح بيها اللي بيجي سهل بيروح سهل يا يوسف واكيد انت عارف ده.
ليهتف.. والله ما عارف حاجه.. انت ازاي كده.
لتهتف ازاي ايه.
فيه حد مابيحبش الفلوس.
لتضحك وتقول. انت هتعمل زي عمي.. لا طبعا بحبها بس مش عايشه عشانها انا عايشه ادور عالامان في الدنيا.
كان قد وصلا للفيلا ليقف العربه ويستدير لها وينظر اليها بهيام ليهتف يعني لو لقيتي الامان هتحبي.
لتهتف بخجل.. اكيد طبعا هحس بيه لوحدي.
ليتنهد ويقول.. وامانك شكله ايه يا ليان.
لتبتسم بحالميه.. شكله حنيه طبطبه مشاعر. شكله اني ابقاله دنيته وهو ليا كل الدنيا. ابقي بتاعته ما يفرطش فيا ابدا ولو حصل مابينا ايه.. في خناقه حنين مايوجعنيش لا خالص.. عارف الناس بتبان في الزعل اه والله لما تزعل من حد ويطلعلك حنيته يبقي ده اللي تستحق تجري وراه الف مره..يفكر الف مره قبل ما يأذيني لاني لو اتأذيت هتوجع وهخاف منه ويبقي هو كده خد امانه من قلبي وخلاني ادور علي امان بعيد عنه. اللي يوجع حد وهو عارف انه هيتوجع يبقي يستاهل يتساب ويتبعد عنه لانه هو اللي عمل كده في نفسه..
ظل يوسف مشغول بكلامها وسرح فيهم لدرجه انها نادت عليه كثيرا لتضع يدها عليه ليستدير وهو ساهما ليضع يده عليها ويمسكها ويهيم بها لتهتف يوسف... يوسف
ليستدير ويهتف هاه.. وينظر اليها بلهيب حارق فقد تاه في جمالها وكلامها الذي لمس قلبه.
لتهتف.. ايدي من فضلك..
ليشد يده بسرعه ويشعر بالغضب من داخله.. الله يخربيتك البت لحستلك عقلك انت توهت فيها.. ايه ده امان ايه ودنيا ايه ووجع ايه هيا هبله.. انت هتتهبل والا ايه هتخيب هتريل عالبت لااا دانت فائد اوعي البت طلعت اسطي معلمه بجد لا دانت استاذه وانا كده افوق بقه والعب صح يمين بالله لاكون ناتش قلبك عايزه توقعيني ليه انا اهبل يا روح امك نازله هبد وسحسحه عامله كيوت طب ماشي انا بقه هدوس والعب بتقلي.. هجيب قلبك تعشقيني مهما كتي فاجره اكيد هتقعي.. ليهتف هو طب يا ليان يلا بينا عايز الفيلا دي تبقي فيها كل تفكيرك عشان هنا انا هعيش فعايزها تبقي معموله صح ومتخططلها صح لينطلق بها.. ليقف عند احد المحلات الكبري لتهتف.. الله وقفت ليه..
ليهتف هدوقك احلي ايس كريم حاحه كده بتدوب دوب..
لتبتسم مش عايزه اكلفك بس..
ليبتسم دا انا واللي في جيوبي تحت رجليكي تكلفي ايه بس.. لينزل ويحضر لها بسكوتا كبيرا عليه كافه الاصناف لتشهق ايه ده هاكل ده كله..
ليهتف ايه مابتحبوش ..
لتهتف لا بحبه بس ده كتير اوي.مرسي لذوقك دا جميل اوي كانت تاكله بنهم وقد تلطخ انفها وفمها وكان منظرها طفولي وكانت تتكلم بسعاده وهو يراقبها ويراقب جمالها مبتسم.. لتهتف مابتكلش ليه هيسيح دا روعه..
ليهتف بهيام روعه بس دا ايييه حاجه كده عايز الواحد ياخدها ويدوب..يا جمالو دا قمر. 
لتهتف اه والله المحل ده اول مره اكل فيه لا كده خلاص هجيب منه دا مفيش زيه.. كانت تثرثر وعينه مسلطه علي شفتيها الملطختين وهيا تتكلم باريحيه وبرائه ليجد نفسه يمد يده لا شعوريا ليلمس جانب شفتيها ويمسح ما سيسقط منها لتشهق بقوه ليتدارك ما فعله.. ليهتف بعفويه اسف والله كان هيقع علي هدومك.ما خدتش بالي..والله اسف. 
كانت محترقه من لمسته لتهتف وقد احست عفويته لتهتف طب من فضلك خلي بالك بعد كده وادارت وجهها وقد اشتعلت من لمسته كان ينظر اليها وملمس شفتيها علي اصبعه ليبتسم ويرفع اصبعه ياخذ ما عليه بشفتيه ليغمض عينيه ويتخيل ملمس شفتيها.. ليهمس.. حاجه تاخد العقل..قلبي هيقف كده انا سحت.. 
لتستدير وتهتف فيه حاجه.. كان ينظر اليها بهيام لم يرد عليها كانت نظراته كلها رغبه لتشتعل هيا وتشيح بوجهها. ايه ده هو اتجنن بيبصلي كده ليه دا ايه الغلب ده.. وبدات ترتجف.. انت بتترعشي كده ليه هتتفضحي وبدات تفرك في يدها لتستدير لتجده مازال مسلطا عينه عليها لتهمس.. يوسف يوسف..
ليفيق هو مما كان فيه فكان تائها يتخيلها مع شفتيه ليعود الي نفسه.. ويدير وجهه يسيطر علي حاله وداخله يحترق ويهتف.. اسف سرحت ماعرف ايه بيجرالي يا ليان.. ليتنهد وينظر امامه ويندفع بالسياره غاضبا من دواخله فهو المروض وليس شيئا اخر يتاثر بسهوله لينطلق الي الفيلا وهو عزم علي النيل منها ليهدئ اشتعاله ويخمد رغبته فيها .. لتصمم الفيلا كما هو مخطط له لنري ماذا ستكون عليه وماذا سيكون تاثير هذا المكان في حياه ليان..












🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺

الصفحه الرئيسيه للمدونه من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹



اللي عاوز باقي الروايه يعمل متابعه لصفحتي من هنا 👇👇


ملك الروايات



لعيونكم متابعيني ادخلوا بسرعه


👇👇👇👇👇


جميع الروايات الكامله من هنا






إرسال تعليق

أحدث أقدم

إعلان آخر الموضوع

CLOSE ADS
CLOSE ADS
close