رواية جوزي ظابط البارت الثامن بقلم فتاه بالخمار تجملت
البارت 8
● قفل معايا وبقيت اتلفت حواليا ومكنتش عارفه اعمل اي وندمت اني رديت عليه بس قولت ارد عشان امتص غضبه شويه وميفكرش يعمل حاجه يعني وفكرت ارن ع احمد بس خوفت يكون وصل البيت وقولت اهم حاجه اشوف هنزل على فين وملقتش غير ساره صحبتي ولازم ارن عليها اشوفها ف شقتها ولا لا بالمناسبه ساره مطلقه ومعاها يزن اتجوزت شهرين وكانت حملت واكلقت عشان جوزها شرب مخدرات ومن سعتها وهي عايشه هي وابنها لوحدهم واتصلت..
=الو
♡ اي دا هناء ازيك
= الحمدلله يروحي عامله اي ويزن اي اخباره
♡كويسين الحمدلله وحسام عامل معاكي اي
= انا هربانه من حسام ومش لاقيه مكان اروحه
♡ اي دا بتقولي ااي طب انتي فين
= ف القطر خمس سعات وهوصل القاهره
♡ طب انا هستناكي عند المترو ف المنيب نركب سوا ونيجي ع هنا ماشي
= مش عارفه اقولك اي والله بس حرفيا مفيش مكان اروحه
♡ اوعي تقولي كدا دا انتي اختي يهبله
= ماشي يقلبي هنزل واكلمك باي
♡ باي
● وقاعده ولقيت الفون بيرن واحمد اللي بيرن ومش عارفه ارد ولا خايفه ارد يطلع حسام جمبه ولقيت بعد ساعتين مسدج ع الواتس بيقولي ردي عليا ي هناء انا احمد وبعتلي ريك روحت رنيت عليه
• يبنتي خضتيني انتي فين كدا
= زي مانت عارف
• اه انتي خايفه اكون ف البيت لا يستي انا ف الشغل حسام خارب الدنيا وراح شقتكم وبلغ كل الناس لو حد شافك وكدا يقولوا انتي بقيتي فين
= فضلي ٣ سعات واوصل
• هتنزلي فين طيب يبنتي
= عند ساره
• يااه هي لسا عايشه لوحدها متجوزتش
= اه كلمتها وهتيجي تخدني م المنيب
• تمم هقفل عشان ورايا ميتينج وقولت اطمن عليكي واما ارن عليكي تردي اول م توصلي اديني رنه واشحني كارت عشان اتواصل معاكي ع واتساب تمم
= حااضر باي
• باي
واخيراااا وصلت المحطه ف القاهره والظابط واقف وعمال ينده هناء حرم الاستاذ حسام فين وانا عملت نفسي من بنها وقولت اكيد حسام اللي بلغه بس مليون ف الميه مجاش قبلي عشان تاني قطر كان بعد ٥ سعات ونزلت م القطر كانت ع ٨ بليل كدا وقفت ورنيت ع ساره جات وخدتني وجبنا اكل وتسالي وطلعنا واحنا طالعين قابلنا شاب ع السلم ف التلاتينات كدا وبصراحه نظرته اعجبت بيها جدااا
= بت يساره اي المز اللي نازل من عمارتك دا
♡ دا يست محمود ابن طنط رضوى ف الدور ال ٤ اركبي الاسانسير
● ركبنا وبنتكلم في
= ودا كام سنه بقا وحاله الاجتماعيه اي وكدااا
♡ اي دا اي دا انتي عينك م الواد ولا اااي دا يستي حب بنت وماتت ف خطوبتهم من عمليه التكميم عنده ٢٨ سنه شغال ف شركه ادويه خريج صيدله
= ممم شفتي بصلي ازاي
♡ شفت يختي شفت يالا شيلي معايا
● خرجنا من الاسانسير ودخلنا الشقه وشقتها بصراحه هاديه وجميله وواسعه ودخلتني اوضتي وطلعتلي بجامه بكيس م عندها معا ان كان معايا لبسي يعني بس كسلت ارتب حاجتي ف الدولاب وخدت شاور ولبستها ومسكت الفون وقعدنا انا وهي ع سريري وبنحكي كل اللي حصلنا خلال الكام سنه دووول وفوني رن وحسام اللي بيتصل ساره ارد ولا لا ...
يتبع
جميع الروايات الكامله من هنا
