رواية عشقتها رغم صمتها الفصل الحادي والخمسون والثاني والخمسون والثالث والخمسون والرابع والخمسون والخامس والخمسون بقلم حبيبه
 |
البارت 51من رواية
ياجماعه انا بشتغل والله وبحفظ فامعلش لو بتأخر ♡♕♡
♡♕♡♕♡♕♡♕♡♕
استغفر الله العظيم واتوب إليه 🌺♥
اللهم صلِّ وسلم وبارك على سيدنا محمد 🌺♥
♡♕♕♕♕♕♕♕♕♡
عصام: ها يامه خلصتي غسيل اتأخرنا الساعه بقت (11)......
جميله: جتك مو يابعيد روح اللهي اشوفك مسلوخ ذي الفرخه المسلوخه. في السيخ يابعيد اه ياني ياامه.
عصام: بتقولي حاجه
جميله: ها لا لا ولا حاجه
اشبح انا بقول بس عصوم الجميل العسليه ده هايعمل حركة جدعنه معايا ويجي يساعدني في المواعين اللي انا مسحوله فيها دي صح.
عصام: ولا اعرفك وبعدين انتي اللي اقترحتي الفكرة وقولتي كل واحد يوم صح وكمان امبارح اتنطت جنبك علشان تساعديني عملتي معايا حركة وطينه وعملتي ودن من طين وودن من عجين صح......
جميله: اخس عليك ياعصووومي
عصام: عظيم بيمين ابدآ لو اتشقلبتي هنا منا مساعدك يلا يا قطه ماعطلكيش سلام 👋
جميله: امشي كتك مشمش فى ركبك
♡♕♕♕♕♕♕♕♡
انتهى يونس من عمله متاخرآ وقد انهكه التعب وعاد الى المنزل كان الجميع نائم.
وجد اسيا تنتظره.
يونس: اسيا ايه مصحيكي لدلوقتي مانمتيش ليه.
اشارت له علي انها تنتظره.....
يونس: هووووف كان عندي شغل كتير اوي وهاموت وانام.
اشارت له اسيا انها ستجلب الطعام.
يونس: لأ لأ لأ انا بس عاوز انام مش عاوز اكل.
عاندته اسيا وذهبت لجلب الطعام لعلمها انه لم ياكل طول اليوم...
♡♕♕♕♕♕♕♕♡
جلبت له اسيا الطعام. ووضعته امامه....
يونس: علي فكره دماغك ناشفه اوي اوي
نظرت له اسيا وهي ترفع احدى حاجبيها....
يونس: خلاص ياستي اهدي اهدي هاكل اهو بس يلا تعالي كلي معايا علشان مابعرفش اكل لوحدي.........
ابتسمت اسيا بهدوء وجلست هي أيضا معه
♡♕♕♕♕♕♕♕♡
انتهى يونس من طعامه
يونس: هووف الحمدلله تسلم ايدك يااسو الواحد كانه مااكلش من اسبوع هههههه
ابتسمت له اسيا واخذت باقي الطعام للمطبخ.
............................
يونس: اسيا انتي شيفاني اخوكي بجد
توقف اسيا مكانها بتوتر وصدمه من حديثه الان
يونس: انا عارف انك اتفاجأتي من كلامي بس مش قادر اعتبرك اختي يااسيا مش قادر..
لم تعلم ماذا تقول اسيا فاتركته وذهبت.
تنهد يونس بتعب وذهب لغرفته.
♡♕♕♕♕♕♕♕♡
دخلت اسيا غرفتها.
توضأت وصلت قيام الليل.
♡♕♕♕♕♕♕♕♡
أمر الله تعالى نبيه فى القرآن بقيام الليل في قوله تعالى: {يَا أَيُّهَا الْمُزَّمِّلُ (1) قُمِ اللَّيْلَ إِلَّا قَلِيلاً (2) نِصْفَهُ أَوِ انقُصْ مِنْهُ قَلِيلاً (3) أَوْ زِدْ عَلَيْهِ وَرَتِّلِ الْقُرْآنَ تَرْتِيلاً }
🌺🌺🌺🌺🌺🌺
واخذت تحمد ربها وتدعوا ربها. ان يفرج همها.
(الحمد لله حمدآ كثيراً مباركآ فيه♥🌺♥)
ثم ذهبت للنوم
♡♕♕♕♕♕♕♕♡
كانت جميله اقتربت من الانتهاء من عملها..
جميله: بيرقصلي شنبه بيلعبلي حواجبه بيرقصلي شنبه بيلعبلي حواجبه......
يوسف من خلفه: يخربيتك بتعملي ايه يانيله انتي لحد دلوقتي
جميله: اعااااااااااااااا عفريت عفريت ياختيييييييييي الحقونيييييييييييي
يوسف: يخربيتك يخربيتك هووووس دا انا يوسف فضحتينا يابنت المجانين.
جميله ببرءاه: لأ اعم وانا اش عرفني انه انت مايمكن عفريت ومتنكر بشكله. بس ماشاء الله عليك مقلده بالملي نفس سحنة امه.....
يوسف: اتلمي ياذفته.
جميله: الله وانت مالك دا حتة عفريت.
يوسف: انا يوسف حقيقي ياتافهه.
جميله ببلاها: احلف
يوسف: هههههه والله يوسف
جميله: احيه وايه لطعك هنا لحد دلوقتي
يوسف: لطعك الملافظ سعد يابت.
جميله: سعد مات واتدفن ياخويا.
يوسف: المهم ايه مقعدك لحد دلوقتي هنا. الوقت اتأخر يابنتي.
جميله: اعمل ايه الذفت اللي شغاله معاه هنا ده قالي لازم اغسل المواعين دي كلها الاول قبل ماامشي.
يوسف: وهو فين
جميله: عشمني وخلع.
يوسف: افندم
جميله: قصدي سابني ومشي الواطي.
يوسف: تمام حسابي معاه بكره.
جميله: الحساب يوم الحساب اعم
فكك ربنا معاه ياعم وبعدين انا كده كده خلصت وكنت لسه هامشي اهو...
يوسف: طب يلا تعالي اوصلك في طريقي مش هاينفع اسيبك تروحي لوحدك في الوقت ده.
جميله: مش عاوزه ازعجك ياسوسو
يوسف: عارفه ياجميله لو نطقتي الاسم ده تاني هاولع فيكي باايدي فاهمه ياذفته.
جميله وهي تضرب له التحيه: اعتبره اتمسح من دماغي اشبح يلا بينا ياكبير.
يوسف: يلا ياختي.
♡♕♕♕♕♕♕♕♡
البارت 52من رواية
#عشقتها_رغم_صمتها
♡♕♕♕♕♕♕♕♕♡
اللهم صلِّ وسلم وبارك على سيدنا 🌺 محمد وعلى آله وصحبه اجمعين ♥🌺♥🌺
♡♕♕♕♕♕♕♕♕♡
خرج يوسف وخلفه جميله.......
يوسف: ايه ده
جميله: ايه فى ايه
يوسف: الباب مقفول
جميله: ياختييييييييي ايوه ايوه ايوه انا عارفه المسلسل الهندي ده والله حفظاه احيه احيه احيه احيه احيه يافضحتك ياجميله ياحلوه ياصغننه على الشحطته ياختييييييييي احييييه
يوسف بضحك: في ايه يابنت المجانين مالك كده
جميله: عرفاه عرفاه والله والله
يوسف: هو ايه ده ياهبله
جميله: ام المسلسل ده
يوسف: مسلسل ايه ياذفته انتي انتي اتعبطي ياجميله ولا حاجه......
جميله: اه ياخويا دلوقتي الباب مقفول ونتضطر نتخمد انا وانت هنا لبكره وانا اسقع وتغطيني بالچاكيت وانام على كتفك والصبح الناس تقفشنا متلبسين ويالفضيحه ياالجواز ايوه ايوه ياخويا انا عارفه ام العشق المفقوع ده......
يوسف وهو يكاد يموت ضحكآ: هههههههه هههههههه يخربيتك هاموت منك ياشيخه هههههههه
جميله: اه ياخويا اضحك اضحك ماانا اللي هاتفضح مش انت.
اه ياني ياامه ياصغننه على الشحطته ياجميييله.
يوسف: هههههههه طب علي فكره في مفتاح 🔑احطياتي هنا هههههههه
جميله ببلاها: احلف
يوسف: هههههههه والله في مفتاح احطياتي
جميله: وماقولتش ليه من الاول اجدع
يوسف: هو انتي راضيه تتهدي وتسكتي علشان اعرف انطق دا انتي اتفتحتي ذي البلاعه فى وشي
جميله: ايه ده يعني مش هاتجرس ومش
هايحصل نحنحه والعشق المفقوع
يوسف: هههههههه لأ الفيلم اللي في دماغك ده انسيه وعيشي الواقع يلا ياختي خلينا نطلع
♡♕♕♕♕♕♕♕♕♡
خرج يوسف وجميله
يوسف: يلا تعالي اوصلك علشان الوقت اتأخر...
جميله: لأ طير انت وانا هاشوف اي تاكس
يوسف: تاكس ايه دلوقتي انتي اتهبلتي يلا يابت اخلصي قدامي خليني اوصلك
جميله: بسسسس
يوسف: انتي لسه هاتبسبسي وتنونوي اخلصي يلا وماسمعش حسك
جميله: يلا يامعلمي
يوسف: يلا يابيئه
♡♕♕♕♕♕♕♕♕♡
اشرق الصباح على جميع ابطالنا..........
استيقظت اسيا من نومها واخذت حمامآ ينعشها وتوضأت وارتدت ملابسها عباره عن ...(دريس نبيتي يزينه حزام اسود فقط وحجاب وحذاء مناسبين♡♕♡♕♡)
انهت اسيا فرضها وقرءات وردها في القرءان...... واخذت تحمد ربها وتدعوه ان يلهمها الصبر والقوه.
ثم نزلت في الاسفل...
وجدت الجميع على سفرت الافطار والحزن يملاء المكان....
نزلت بكل هدوء وجلست مكانها وبدون قصد وقع نظرها على مقعد زينه بجانبها فافرت من عينيها دمعتآ هاربه لم تستطع السيطره عليها.........
احست اسيا بتلك الدمعه فأزالتها بيدها سريعآ لكي لا تؤلمهم اكثر عليها...
ولكن يونس رءاها فاابتسم على تلك الملاك الخائفه علي حزنهم التي يعشقها....
يونس: يلا هامشي انا للشركه مش يلا يااسيا
امال: لأ سيب اسيا معايا النهارده عاوزاها جنبي...
يونس: ماشي ياحبيبتي يلا هامشي انا يلا السلام عليكم....
امال: وعليكم السلام ورحمة الله
♡♕♕♕♕♕♕♕♕♡
استيقظ علي على صوت الهاتف.....
علي: الووو مين
ورد بزعيق: انت عبييط ياذفت فيييينك
علي: فى ايه مالك يابنتي اهدي
ورد: اهدى ايه ياعلي برن عليك من امبارح ودايما مقفوول خوفتنيي
اهدى: يابت خلاص اتهدي بقى يخربيتك مش عارف اتكلم.
ورد: سكتنا يلا قولي كنت فين.
علي: كنت نايم
ورد: نننعم ياروح امك
علي: ورررد احترمي نفسك ..
ورد: مش القصد اسفه
علي: كنت نايم ياورد كنت نايم تعبان ونمت فى حاجه.....
ورد: لأ مافيش.
علي: ماشي سلام
ورد: علي علي اسف......
♡♕♕♕♕♕♕♕♕♡
اغلق علي الهاتف..
ورد: دا قفل فى وشي
يووووه يعني كان لازم اتسحب من لساني اللي عاوز قطعه ده اه ياني ياامه.
وبعدين هو عارف اني دبش زعل ليه طيب
لأ بس انا ذودتها.
(استغفر الله العظيم يارب
اما ارن عليه تاني
♡♕♕♕♕♕♕♕♡
علي: عاوزه ايه ياورد على الصبح.
ورد: اسفه اسفه والله مااقصد بس كنت خايفه عليك والله مااقصد ياعلي....
علي: تمام
ورد: علي والله مااقصد ارجوك والله ماهاتتكرر
علي: ماشي ياورد خلاص حصل خير
ورد: طب طمني عليك عامل ايه
علي: الحمدلله بخير هاغير واروح اشوف زينه قبل مااروح للشركه
ورد: خلاص ماشي وانا كمان هاصلي واروح انا كمان.
علي: خلاص ماشي يلا سلام
ورد: علي انت لسه زعلان بجد
علي: خلاص يابنتي حصل خير
ورد: خلاص ماشي طمنتني يلا سلاموز
♡♕♕♕♕♕♕♕♕♡
بعد مرور بعض الوقت كانت اسيا تنتظر امال ليذهبوا لزينه...
الا ان سمعت صوت الهاتف...
عز الدين: اهلاً اهلاً بالقمر فكراني ياجمييل
..........: كانت صدمتها لا توصف لتذكرها صوته
عز الدين: هههههههه هههههههه يبقى افتكرتيني طب اقولك علي سر حلو.
انا السبب في اللي حصل لزينه حبيبت قلبي هههههههه هههههههه
تسمرت اسيا مكانها ولم تقدر على التحرك مما تسمعه.....
عز الدين: بصي بقى ياحلوه قدامك اسبوع تفكري فيه واشوفك قدامي برجلك والا هاخلي حبيب القلب يحصل اخته بس المره دي هايبقى موت مش غيبوبه فهماني ياحلوه . هههههههه يلا سلام يامزه اشوفك بعد اسبوع. اوعى تتأخري اصلك وحشاني اووي هههههههه
البارت 53من رواية
#عشقتها_رغم_صمتها
ان شاءلله بكره هحاول انزل بارت جديد تاني علشان تأخيري ده
♡♕♕_♕♕♕♕♕♡
قبل القراءه كده حولقوا وصلوا على سيدنا محمد 🌺🌺♥♥
♡♕♕♕♕♕♕♕♕♡
وقع الهاتف من يدي اسيا من اثر صدمتها..
وقعت اسيا علي الارضيه وهي تبكي بصمت وهي تتذكر ماجرى معها
ظلت اصوات هؤلاء الرجال تتكرر في اذنها
اسيا في نفسها: يالله ياالله يالله مش قادره ياارب ساعدني يااااارب انا انا هاطنشه بس لأ لا لا ممكن يقتل يونس دا انسان حقير ماعندوش قلب لأ لأ لأ مش هاسمح يحصله حاجه مش هاقدر مش هاقدر لازم ابعد عنه علشان يبقى كويس وهو دلوقتي معاه ياسمين ربنا يسعده ويفضل بخير وانا كده كده ماليش لازمه خرسه ومغتصبه وماليش حد غير ربنا. انا هاستنى الاسبوع ده لحد ماالامور تهدا وهابعد عنهم.....
رتبت اسيا نفسها وانتظرت الا جأت لها امال......
امال: يلا بينا ياروحي
اكتفت اسيا بابتسامه صغيره وذهبت معها
♡♕♕♕♕♕♕♕♕♡
استيقظت ورد بفزع من نومها على ماء يسقط فوقها.
ورد بفزع: اعااااااااااا بغرق بغرق الحقووونييييييي
زينب: طب استني ياروح امك لما احدفلك طوق النجاه...
ورد: ليه ياوزه ليه ياوزه ليييييييييييييه
زينب: هو ايه اللي ليه يابت
ورد: ليه المعامله دي ياوزه حرررام انا من حقي كامواطنه مصريه اني اخد اهتمام وحب وحنيه وانا متنيله في ام الحته ديه طب قومي ياروح امك علشان متأخره بدل ماتاخدي بالشبشب اللي في رجليا ياعنيا.......
ورد: ايوه يازوزو ياجاااامد حلوتك ياحلو لما تدلع....
زينب: مابحبش اتكلم عن نفسي كتير.
ورد: تبآ لتواضعك ياامراءه.....
زينب: قومي ياجاموسه انتي يلا علشان اتأخرتي انا بجهز الفطار بره...
ورد: ربنا يخليكي ليا ياقلبي
احيه علي علي نسيته انا نمت اذاي اما اقوم اصلي واطير....
♡♕♕♕♕♕♕♕♕♡
استيقظت جميله من نومها ورتبت غرفتها وتوضأت وادت فرضها
جميله: باينهم نايمين اما الحق اجهز الفطار واطير علي الشغل.
جهزت جميله كل شيء وفطرت وخرجت....
♡♕♕♕♕♕♕♕♕♡
ياسين: ها ياقلبي مش ناويه تفوقيلي بقى وحشتيني اووي ووحشاني ضحكتك وخناقك معايا عارفه يازينه علي طول الناس بتخاف مني علشان بتعصب بسرعه وبضحك قليل كنت ببقى بطبعتي مع يونس وعلي بس
حتى مع اهلي كنت بعاملهم بجمود بس انتي من ساعت ماربنا وقعك في طريقي وانا كنت كل مااحاول اتعصب عليكي ماكنتش بعرف مش عارف ليه كنت على طول احب اناغشك واعصبك كنت بفرح اوي لما اكلمك حتى بنتخانق بحب اشوفك دايما واهزر معاكي فوقي عشان خاطري وحشتيني ياقلبي. يارب يارب مش طالب حاجه غير انها تفوق وحشاني اوي ياالله يامن ردت يوسف لابيه رجعلي حبيبتي...
#وبدون مايشعر ياسين نزلت منه دمعه..
حركت زينه اصبع من اصابع يدها التي كان ياسين ممسك بها مما صدم ياسين ...
وبدون كلمه ذهب باقصى سرعته ليجلب الطبيب..
واثناء ذهابه راته اسيا وامال مما سبب في خوفهم وذهبوا خلفه سريعآ.
ياسين: يادكتور يادكتور
الطبيب: خير يافندم في ايه
ياسين: تعال معايا فورآ
الطبيب: فين يافندم خير حضرتك فهمني.
ياسين وهو يمسك يده: هو انت هاتسأل تعال وبعدين افهمك.
امال: في ايه يابني بنتي كويسه
ياسين: ايوه ياخالتي كويسه تعالي وهاوريكي
دخلوا الغرفه وياسين ممسك بالطبيب...
ياسين: اهو يادكتور كنت قاعد بكلم زينه ذينه ذي كل يوم وحركت صباع ايدها.
الطبيب: هههههه طب سيب ايدي عشان اقدر افحصها.
ياسين: تصدق صح اسف اسف اتفضل يادكتور..
فحصها الطبيب.
الطبيب: لأ كويس اوي بداءت تتحسن وتحس بكلامكم ليها وان شاء الله في امل تفوق في اي وقت...
امال بفرحه: بجد يادكتور
الطبيب: اكيد يلا استأذن انا...
امال بفرحه: سمعتي يااسيا بيقول ايه بنتي بنتي هاترجعلي بنتي حبيبتي هاترجعلي مش مصدقه بجد الف حمد وشكر ليك الف حمد وشكر ليك يارب 😍
بكت اسيا من فرحتها واخذت تحمد ربها.
وبدون كلمه واحده ذهب ياسين للجامع سجد لربها واخذ يحمده ويشكره وهو يبكي
ياسين: الحمدلله يارب الحمدلله يارب شكرا يارب شكراً شكرا شكرا انا بحبك اوى يارب بحبك اوى.
♡♕♕♕♕♕♕♕♕♡
تحدثت امال مع يونس وعلي وذهبوا للمشفى في اسرع وقت....
بعض وقت ليس بقليل وصل يونس.
يونس: هو انا سمعت صح ولا بتخيل.
امال ببفرحه: لأ صح ياحبيبي اختك هاتفوق أنشأ الله قريب زينه هاتقوم قريب بأذن الله
ركع يونس بجانب فراش زينه وامسك يدها قبلها في اثناء دخول ياسين التي كان يريد تقطيع يونس....
يونس: يااااه ياقلبي قد ايه واحشني صوتك ورخامتك كل حاجه فيكي وحشاني ابت الحمد لله الحمدلله يارب
♡♕♕♕♕♕♕♕♕♡
كانت تنظر لهم وهي تبتسم بفرحه الا ان تذكرت انها ساتتركهم
اسيا: يالله قويني وخليك سندي وحمايتي فوضت امري اليك يارب فوضت امري اليك.
لاحظ يونس شرودها فاذهب لها....
يونس: مالك يااسيا انتي كويسه
ابتسمت لها اسيا وهزت راءسها بنعم.
يونس: يارب دايما بخير يارب اسيا شكراً على وقفتك جنبنا انتي بجد جدعه اوي ربنا يخليكي ليا بجد اسيا انا انا انا اسف بجد لاني مش قادر اعتبرك اختي انا خلاص حبيتك ومش هاحب غيرك انا بحبك يااسيا ومش مستني تقوليهالي انا هافضل حتى لو طول العمر بس هاستنى اسمعها.
ثم تركها وذهب؟
اسيا سامحني يايونس وانا والله كمان بحبك والله بس مش بأيدي ماقدرش اظلمك معايا
♡♕♕♕♕♕♕♕♕♡
البارت 54من رواية
#عشقتها_رغم_صمتها
♡♕♕♕♕♕♕♕♡
اللهم صلِّ وسلم وبارك عليك ياحبيبي يارسول الله ♥
♡♕♕♕♕♕♕♕♕♡
وصلت جميله للعمل وبداءت في عملها...
جميله: عصوم الواطي عامل اية...
عصام: احسن منك ياختي
جميله: كتك خوت يابعيد.......
عصام: بتقولي حاجه
جميله: بقولك صباح الفل اجدع......
عصام: صباح الخير يلا بينا بقى نخلص علشان ميعاد الغدا قرب....
جميله:اه وماله ياخويامايضرش يلا ياخويا يلا ....
عصام: جوجو يوسف بيه عاوز قهوه من اللي انتي عملتيها ليه قبل كده ووصليها..
جميله: لأ اشبح يفتح الله انا هاعملها وانت طلعها انا حيلي مهدود اجدع الله...
عصام: اطلعي ياجميله يابنت ام جميله بدل مااخليكي تغسلي مواعين الغدا كلها وتجهزي الاكل لوحدك كمان وتمسحي المطبخ ياختي....
جميله: حيلك حيلك ياعم الحج انت هو حد قالك ان انا سوبر مان ولا المنظفه الفيلبينيه ولا ايييييييييه
عصام: خلاص اتنيلي طلعي القهوه واخلصيي
جميله: هووف حاضر حاضر
بعد مرور فتره من الزمن كانت جميله في طريقها لمكتب يوسف...
جميله: هوبه حبيبت قلبي وحشاني ابت
هبه: هههههه وانتي اكتر ياقلبي
جميله وهي تجلس: عامله ايه يامنيله كده ماتسأليش عليا اخص عليكي اخص طب دا احنا عشرت خناقه واحده حتى...
هبه: هههههه هههههه معلش ياجميله اسفه بقى
جميله: خلاص عفونا عما سلف
احيه نسيت القهوه وميعاد الغدا قرب
هوبه ياهبهوبه ياهبهوبتي
هبه: هههههه تحت امرك يامستغله هانم
جميله: تدخلي تلك القهوه الملطوعه امامي للرجل الذي مرزوع فى الداخل
هبه: بس يخربيتك هانتفضح
جميله: طب ايييييييه
هبه: هههههه حاضر عنيا ليكي
جميله: طب عطلاق قلبي القطي البوسه دي..............
هبه: هههههه لقطها
جميله: يلا يامزتي هاسيبك انا دلوقتي...
دخلت هبه ليوسف ووضعت امامه القهوه
يوسف: هبه
هبه: تحت امرك يافندم
يوسف: هو جميله فين اصل اصل باعته القهوه معاكي.....
هبه: مفيش يافندم اتاخرت على ميعاد الغدا وسابتلي القهوه ونزلت
يوسف:اممممممم تمام تمام......
جاء ميعاد الغداء.
قرر يوسف الغداء فى مطعم الشركه ليرى جميله........
دخل يوسف واخذ يبحث عنها بعينيه الا ان وجدها.. ولكن لم تأتي الرياح بما لا تشتهي السفن....
احد الموظفين: ماتجيبي كوباية عصير من ايدك الحلوه دي ياااااا ياجميله........
غضب يوسف بشده وجاء ليذهب
جميله: عنيا حاضر خد
وضعت جميله كأس العصير فوق راءسه
جميله: شربتي يابيضه ولا لسه
كتك القرف في مناخيرك عالم تغم...
جلس يوسف على الكرسي خلفه من الضحك على افعال تلك المجنونه
♡♕♕♕♕♕♕♕♕♡
وصل علي للمشفى
علي: يونس ز ز زينه زينه بجد بجد اللي سمعته
يونس: هههههه اهدى يخربيتك خد نفسك
علي: يونس زينه بجد هاتفوق يايونس اختي هاترجعلي
يونس: قول يارب ياعلي قول يارب هي بداءت تستجيب لكلامنا والعلاج ان شاءلله ترجعلنا في اسرع وقت
علي: يارب يارب يارب
ورد: سموعليكم اجودعان...
يونس: وعليكم السلام ورحمة الله وبركاته تعالي ياورد..
ورد: اذيك يايونس بيه
يونس: احنا مش قولنا احنا اخوات يعني انا بالنسبالك يونس بس فاهمه يابت
ورد باابتسامه: فاهمه وشرف ليا طبعآ.......
يونس: طب يلا ادخلوا وانا هاعمل مكالمه وجي
علي: تمام
ورد: علي اسفه علي اللي قولته بس والله ماقصد كنت بجد خايفه عليك اوي والله والنبي ماتزعل مني......
علي: خلاص يابت انسي حصل خير يلا اتذفتي تعالي
ورد: هههههه حاضر يلا
♡♕♕♕♕♕♕♕♕♡
يوسف: عاوز قهوه ياذفته
جميله: ايه ده سوسو واحشني اجدع
عطلاق منور المكان....
يوسف: اقسم بالله هاولع فيكي ياجاموسه لو نطقتي الاسم ده
جميله: اعتبرني صامت ياشبح الاشباح
يوسف: انجري ابت جبيلي قهوه علشان مانفوخكيش
جميله: هوا يامعلمي
يوسف: هههههه هاتعملي فيا ايه تاني ياجميله
بعد وقت ليس بقليل وجد جميله تخرج راكضه بكل سرعتها للخارج
ذهب خلفها سريعآ
يوسف: جميله جميله في ايه مالك
جميله ببكاء: م م ما ماما ماما تعبانه يايوسف ماما تعبانه اوي وهي مريضة قلب ومافيش معاها غير اختي الصغيره...
يوسف: طب اهدي اهدي ان شاءلله خير خير تعالي هاوصلك يلا
♡♕♕♕♕♕♕♕♡
قضوا الجميع اليوم بجانب زينه وفي قلوبهم جميعآ فرحة على امل رجوعها اليهم سريعآ
كانت اسيا تتشبع من النظر لهم بأبتسامه حزينه لاحظها بونس ولكن لم يشاء التكلم الان .......
♡♕♕♕♕♕♕♕♕♡
مر اليوم عليهم وذهبوا للبيت
♡♕♕♕♕♕♕♕♡
وصلت جميله للبيت وفتحت الباب بأيدي مرتعشه ودخلت......
جميله: ريم ماما ياماما
وجدت امها على ارضية الغرفه غائبه عن وريم بجانبها تبكي.
جميله ببكاء: ماما ماما ردي عليا ياحبيبتي ردي عليا ابوس ايدك فوقي ردي عليا والنبي والنبي
يوسف بزعيق: انتي لسه هاتعيطي قومي ناخدها المستشفى بسرعه.
جميله: حاضر حاضر يلا
♡♕♕♕♕♕♕♕♕♡
وصلوا للمشفى ويوسف يحمل الام ومعه جميله
يوسف: دكتووووور دكتوووووووور بسرعه دكتووووور
جاء اليه جميع اطباء المشفى واخذوا تلك الغائبه عن الوعي
جميله: ريم ريم هو ايه اللي حصل انا سيباها بخير...
ريم ببكاء: مش عارفه هي جالها تليفون وبعد ماردت لقيتها فجأه اغمي عليها ووقعت على الارض ماعرفتش اعمل حاجه فا كلمتك
جميله هي ماما هاتبقى كويسه صح
جميله: صح ياحبيبتي صح
بعد وقت ليس بقليل
خرج الطبيب....
جميله بلهفه: ط ط طمني والنبي ا امي كويسه صح.
الطبيب: اسف ماقدرناش نعمل حاجه والدتك كان لازم تعمل عملية للقلب من زمان بس للاسف الوقت فات تقدروا تودعوها دلوقتي
♡♕♕♕♕♕♕♕♕♡
عز الدين: وحشاني
........: ######
عز الدين: ايه ياجميل الشقه مش وحشاكي
.......: #####
عز الدين: عندي خطه حلوه هاتخلي حبيب القلب في حضنك.
......: ######
عز الدين: عاوزك الاول تساعديني وايدك تبقى في ايدي.....
♡♕♕♕♕♕♕♕♕♡
البارت54من رواية
#عشقتها_رغم_صمتها
اتمنى اعرف رايكم
♡♕♕♕♕♕♕♕♡
صعقت جميله مما تسمعه من الطبيب وكانها اصبحت في عالم اخر تمامآ...
جميله: قص ق قصد قصدك ايه يادكتور
الطبيب:قصدي ان والدت حضرتك قلبها مابقاش مستحمل.
يوسف: ممكن نعملها عملية زرع قلب تاني.
الطبيب: اسف حالتها ماتسمحش لعمليه وجسمها كمان مش هايستحمل....
يوسف: يعني ايه يعني مافيش امل...
الطبيب: اسف مافيش حاجه في ايدي اعملها تقدروا تشوفها بس تتعبوها فى الكلام كتير
جميله: لأ لأ لأ امي مش هاتسيبني لوحدي لأ لأ مستحيل
جميله بصراخ: انت بنأدم كداااااااااااااب يوسف قوله انه بيكدب امي كويسه هي عارفه اني هاضيع من غيرها لأ لأ هي هاتبقى كويسه يوسف يوسف قوله والنبي انها بخير
يوسف: اهدي ياجميله اهدي ياحبيبتي اهدي
جميله ببكاء: لأ مش هاقدر يايوسف والله ماهاقدر دي هي اللي مصبراني علي الدنيا دي مش هاقدر مش هاقدر
الطبيب: هي طالبه تشوف حضرتك بعد اذنكم.
يوسف: ادخلي ياجميله شوفيها.
جميله: لأ لأ لأ
يوسف: ادخلي ياجميله قبل مايفوت الاوان
جميله: قولت لا مش هاقدر اشوفها كده حس بيا. ليه هي ليه يارب لييييه
يوسف: ياحبيبتي كده غلط انتي مؤمنه احنا كلنا عباد ربك وملكه يعني هو يعمل فينا اللي هو عاوزه واحنا علينا نرفع ايدنا ونقول الحمدلله يارب الحمدلله
جميله: الحمدلله يارب الحمدلله الحمدلله
يوسف: يلا بقى ياحبيبتي ادخلي لامك شوفيها
جميله: حاضر
♡♕♕♕♕♕♕♕♕♡
وصلت ورد للبيت وجدت احمد
ورد: سلام عليكم
زينب واحمد: وعليكم السلام ورحمة الله وبركاته 🌺♥
ورد: في حاجه يااحمد ولا ايه خير.
احمد : ايه يابنتي هو انا غلط ازور بيت خطيبتي ولا ايه وبعدين اه في حاجه الصراحه.
ورد: خير.
احمد: كنت باخد راي ماما زينب نعمل الفرح بعد اسبوعين وهي وافقت.
ورد: نننعم.
♡♕♕♕♕♕♕♕♕♡
اوصل يونس امال واسيا للبيت.
امال: ايه ياحبيبي مش هاتدخل.
يونس وهو ينظر لاسيا التي تنظر له كاانها تتشبع من ملامحه: لأ ياحبيبتي عندي شغل في الشركه هاخلصه وارجع.
امال: ماشي ياقلبي بس خلي بالك من نفسك
يونس: عيوني ياحبيبتي يلا السلام عليكم.
امال: وعليكم السلام ورحمة الله ♥
ذهب يونس .
دخلت امال واسيا
سعاد بتمثيل: حمد لله على السلامه ياحبيبتي خير طمنيني على زينه حبيبتي.
امال ببرود: الحمدلله بخير في امال تفوق قريب.
سعاد: الحمدلله انها بخير الحمدلله معلش ياختي سامحيني بس والله البت ياسمين اللي تنشك خادتني معاها تشتري حاجات ليها ماعرفتش اجي معاكم سامحيني ياختي.
امال: ولا يهمك حصل خير اه يارجلي
سعاد: مالك ياحبيبتي
امال: مش عارفه تعباني شويه بس معلش ياسعاد نادي ام سيد بس تجبلي شوية مايه بملح والدوا بتاعي.
سعاد: مش هنا ياحبيبتي خرجت تشتري ليا حاجه من بره
امال: ومابعتيش حد من الحراس اللي بره ليه
سعاد: مش عارفه ياختي نسيت وهي دي اللي لقيتها قدامي وبعدين مابحبش الحراس دول معلش ياختي
امال: ولا يهمك
وقفت اسيا واشارت لها انها ستقوم بذلك.
امال: لأ ياحبيبتي انتي تعبانه من المشوار
هزت اسيا راءسها بلاء
وانها ساتفعل ذلك.
امال: ربنا يخليكي ليا وميحرمنيش منك ياحبيبتي خلاص روحي.
ذهبت اسيا ولم ترى تلك التي ستحرقها باعينها.
كانت اسيا تجهز الماء الدافئ وقررت عمل كوب حليب لها ووضعتها بجانبها الى ان ينتهي الماء.
كل هذا وسعاد تراقبها
سعاد: مش هي دي اللي كله بيحبها اممممم مافيش مانع نقرس ودنها حته صغننه خالص. هههههه
♡♕♕♕♕♕♕♕♡
دخلت جميله وهي تنظر الى امها التى ترقد على الفراش لا حول لها ولا قوة موصوله بالاجهزه
جلست جميله بجانبها
جميله: م ما ماما
شعرت بها ليلى فنظرت لها.
ليلى بتعب: ج ج جم جمييييله.
جميله: انا جنبك اهو ياحبيبتي جنبك اهو
ليلى ببكاء: ليه كده يابنتي لييييه كده هو انا قصرت معاكي في حاجه ليه ياجميله تعملي كده ليه.
جميله: ليه ايه ياماما هو انا غلطت في حاجه
ليلى: عملتي غلط كبير اوي اوي
جميله: غلط ايه ياحبيبتي مش فاهمه
ليلى: انتي كنتي بتشتغلي رقاصه ياجميله
صدمت جميله بشده لمعرفة امها بذلك وعجز لسانها عن النطق.
ليلى: ساكته ليه ماتردي عليا ردي ياجميله قوليلي ان تربيتي فيكي طمرت فيكي ردي ياجميله كدبيني وانا هاصدق والله ردي عليا قوليلي ان اللي قالي الكلام ده كداب ردي عليا ارجوكي ارجوكي ياجميله بلاش تسكتي ردييييييي.
جميله: م م ما ماما اهدي ارجوكي اهدي علشان ماتتعبيش
ليلى: لأ مش هاهدى انا عارفه اني خلاص مش هاعيش اكتر من كده وانا راضيه والحمد لله يمكن عند ربنا احسن بس ارجوكي ردي عليا خليني ارتاح فى قبري وانام مرتاحه.
جميله: ص ص. صح ياماما كل اللي سمعتيه صح انا ا انا انا كنت بشتغل............... كنت بشتغل رقاصه.
ليلى بأنهيار وبكاء: ليييييه ليه يابنتي دا انا كنت بفتخر بيكي تقومي تعملي فيا كده ليه ياجميله ليه.
جميله ببكاء: سامحيني ياماما والنبي ابوس الا زعلك مني والنبي ياماما
بس والله بعدت وقربت من ربنا ومافيش مخلوق قرب مني ووالله ولا لمس مني شعرايه بس والله.
ليلى: ليه ياجميله حتى لو ايه ده مايغفرش اللي عملتيه ده انا عمري ماتوقعت تعملي كده اااااااااااااه.
جميله ببكاء: لأ لأ والله ندمت ورجعت لربنا والله ماهاعمل كده والله
سامحيني والنبي ياماما ارجوكي سامحيني والنبي والنبي.
ليلى: مسمحاكي يابنتي مسمحاكي خلي بالك من اختك ياجميله احميها وكبريها وخلي بالك من نفسك ياحبيبتي ودوري علي اختك ياحبيبتي اختك عايشه دوري عليها فاهمه.
احتضنتها جميله
جميله: حاضر ياقلبي هاعمل اللي تطلبيه انتي بس اهدي وارتاحي علشان ماتتعبيش.
ليلى:.................
جميله:ماما
ليلى:..............
جميله: م م ما. ماما ارجوكي لأ لأ لأ بلاش علشاني وعلشان ريم
♡♕♕♕♕♕♕♕♕♡
البارت55من رواية
#عشقتها_رغم_صمتها
اعذروا التزامي العسل بالمواعيد ده😅🤦♀️
♡♕♕♕♕♕♕♕♡
انتهت اسيا من عمل الماء وذهبت به لامال ورجعت لتاخذ الحليب فاجلبته واعطه لامال.
امال: تسلمي يااسو تعبتك معايا يابنتي
ابتسمت لها اسيا بحب
امال: يلا هادخل ارتا.......... ااااه ااااه ساعديني يااسيا اااااااااااه ساعديني يااسيا بسرعه هاموووووووت بطنييييييييييييييي
ركضت اليها اسيا ببكاء ولا تعلم ماذا تفعل فا لاول تشعر بالعجز عن الكلام
سعاد: اختييي في ايه مالها عملتي فيها ايه ياحيوانه انتي اختي حبيبتي فوقي ياحررراس هاتوا عربية الاسعاف بسرعه.
♡♕♕♕♕♕♕♕♕♡
ذهبوا للمشفى ودخلت امال غرفة الكشف.
سعاد بتمثيل: انتي عملتي ايه يامجرمه حاولتي تقتلي اختي وهي اللي فتحتلك باب بيتها وعاملتك ذي بنتها وانتي أصلا تربية شوارع صحيح قليلة الاصل انا هاكلم يونس يتصرف معاكي ابعدي من قدامنا انا اخاف اتحرك خطوه تقربي من اختي يامجرمه
وقفت اسيا فقط تبكي وتتألم من هذا الكلام ولا تستطيع ان تدافع عن نفسها. قررت انتظار يونس لعله ينقذها ويريح قلبها.
♡♕♕♕♕♕♕♕♡
جميله ببكاء: ما ما ماما ابوس ايدك بلاش انا هاضيع قولي انك بتعملي فيا مقلب صح اه اه اكيد مقلب وهاتصحي دلوقتي صح يلا بقى فوقي بقى
ليلى:............
جميله بأنهيار: فوقي ارجوكي فوقي والنبي والنبي ماااااااما فوووووقي لااااااااء مش هاقدر مش هااقدررررررررر ياماما ياماماااااااااااا لاااااء مستحيييل ليييييه لييييه انتي ليييييه
دخل يوسف والطبيب علي صوت صراخ جميله
صدم يوسف بشده فاركض واخذ جميله بين احضانه
جميله: يو ي ي يوسف والنبي قولها تصحى ه هي هي اكيد زعلانه مني علشان كدبت عليها بس هاتصحى يوسف قولها تصحى والنبي
يوسف بتألم: اهدي اهدي ياجميله قولي الحمدلله على كل شيء كده غلط ياحبيبتي
الطبيب: البقاء لله ياجماعه
جميله: لاااااء مستحيييل تسيبني والنبي لااااء ياماما قومي ياماما ابوس ايدك قووومي والله ماهاكدب عليكي تاني قومي والنبي طب علشان خاطري لا بلاش انا علشان خاطر ريم والنبي قومي انا اسفه والله ماهاكرررها بس ارجعيلي والنبي ماااااما قووومي لاااااااااااء
#وقعت جميله ارضآ ولم تشعر سوى بأستسلمها لتلك الغمامه السوداء لعلها تستريح.
يوسف: جميله جميله فوقي فوقي ياحبيبتي
دكتووور.
الطبيب: وسعلي كده
اتعرضت لصدمه افقدتها وعيها.
عقلها رافض يقبل حقيقة وفات والدتها علشان كده ماقدرتش تستحمل اكتر من كده
انا هاديها حقنه وانشاء الله شويه وهاتفوق
اخذوها لغرفه مجاوره
لتستريح
يونس: لا حول ولاقوة الابالله العلي العظيم لا حول ولاقوة الابالله العلي العظيم استغفرالله العظيم واتوب إليه.
ربنا يصبرك ياجميله ياارب.
♡♕♕♕♕♕♕♕♕♡
تركت اسيا سعاد وابتعدت عنها الا ان يأتي يونس.
سعاد: قطيعه تقطع دي خلق بنشوفها مش ناقصين قرف
♡♕♕♕♕♕♕♕♕♡
احمد: مالك ياوررد في ايه
ورد: انا مش مستعده للجواز دلوقتي ياااحمد
احمد: طب ليه ايه اللي يمنعك توافقي
ورد: شغلي مش عاوزه حاجه تمنعني حاجه عنه او تشغلني
احمد: من ناحية كده ماتشغليش بالك انا مش هاجبرك على خلفه وهحاول اساعدك في كل حاجه تخص البيت ومش هامنعك عن شغلك خالص وكمان اانا بسافر كتير. يعنى هاتعرفي مش هاشغلك
ورد: بس بس يعني والحاجات لسه في حاجات كتيره ناقصاني اديني فتره طويله شويه لحد مااخلصها
زينب: انا مخلصالك كل حاجتك ولا شوكه نقصاكي
ورد: هووووف اللي يريحكم بعد اذنكم هانام علشان تعبانه
احمد: هي مالها ياماما حاسسها مش حابه السيره نفسها.
زينب: لأ ياحبيبي هي تعبانه بس من ضغط المستشفى وهاترتاح وهاتبقى كويسه.
♡♕♕♕♕♕♕♕♕♡
استيقظت جميله
جميله: ما. ما. ماما فينك ياماما
ايه ده يوسف
يوسف: حمد لله علي السلامة ياجميله
جميله: هو انا ايه اللي حصلي هى ماما فين هي كويسه صح تعال نشوفها.
يوسف: جميله جميله اهدي والدتك تعيش انتي
جميله: انت عبيط ماتقولش كده علي ماما ماما كويسه
يوسف: جميله فووقي فووووقي واقبلي الواقع مامتك توفت من شويه توفت توفت.
تذكرت جميله كل مامرت به.
جميله بأنهيار: لاااااااااااء لاااااااااااء انت كداااب ياماما ياماماااااااااااا ياماما ياماماااااااااااا ياماماااااااااااا
يوسف: اهدي ياجميله اهدي ياحبيبتي دكتوووووور دكتوووور
♡♕♕♕♕♕♕♕♕♡
رأئت اسيا جميله في هذه الحاله بالصدفه.
اسيا: هو انا ليه قلبي بيتطقع علي البنت دي ليه كده زعلانه اوي عليها يلا ربنا يشفيها يارب ويعافيها ويداوي حزنها ويخرجها من اللي هي فيه على خير
ثم راءت يونس.
يونس: اسيا فين ماما يااسيا هي هي فين
اوصلتها اسيا لغرفة امال في نفس وقت خروج الطبيب.
يونس: خير يادكتور ماما فيها ايه
الطبيب: عندها حالة تسمم بس قدرنا ننقذها الحمدلله
بونس بصدمه: ايه تسمم
سعاد: بتمثيل يالهوي يالهوي يالهوي كله بسببك ياتربية الشوارع يانكارت الجميل اكيد هي هي السبب ادت اللبن لاختي حبييتي من هنا وياحبة عيني لقيتها بتصرخ من بطنها.
انتظر اسيا يونس ليدافع عنها امام خالته مثلما عاهدته ولكن حدث مالم تتوقعه وصدمها بشده.
♡♕♕♕♕♕♕♕♡
مجمع الروايات الكامله من هنا
إللي عاوز يوصله اشعار بتكملة الروايه يعمل إنضمام من هنا
