رواية سجينه مع وقف التنفيذ الفصل الثالث والرابع والخامس بقلم أميره أسامه
رواية سجينه مع وقف التنفيذ البارت الثالث والرابع والخامس بقلم أميره أسامه
رواية سجينه مع وقف التنفيذ الجزء الثالث والرابع والخامس بقلم أميره أسامه
 |
سجينه_مع_وقف_التنفيذ صاحبه_البطل_الواحد اميره_اسامه
البارت الثالث..
حس ناصر أنه بيتخ.نق ومش قادر يستحمل ويضغط علي نفسه و يكتم جواه الو.جع أكتر من كده ركن عربيته في وسط الطريق الخالي تماماً و نزل ناصر مشى كام خطوه جوه الصحراء ووقف فجأه رمي العبايه والقفطان عالارض كان حاسس انهم بيخ.نقوه اكتر حني ضهره ومسك بأيده الاتنين ركبه وهو بيتنفس بسرعه ورا بعض ورا بعض وفجأه قام وفرد ضهره وهو بيقول ااااااااااه بكل صوته الااااه عملت صدي صوت وكأن الصدي خارج من قلبه وكل كيانه.
فاض بيه الكتمان صعب والو.جع أللي جواه أصعب.
ناصر.....علييييييييييي فضل ينادي علي أخوه و يتأ.لم ويبكي بصوت عالي عشان يخرج الشحنه اللي جواه كان محتاج يكون لوحده كان محتاج يوصل صوت الو.جع اللي جوه قلبه للعالم كله لكن كتم وتظاهر بالقوه اللي في لحظه تلاشت بمجرد ما فضل لوحده.
قعد ناصر علي ركبه بعد ما طلع كل اللي جواه وارتاح شويه.
ناصر...بدموع أتوحشتك يا أخوي أتوحشتك يا جلب أخوك لو أعرف اللي هيچرالك مكنتش هملتك لحالك ياعلي مكنتش جولت لسيف أرچع وهو ياچي بعدك مكنتش اعرف انك ما هتچيش يا علي كنت حاسس بأيه يا جلب أخوك وانت بينغد.ر بيك أتاخدت غد.ر ياعلي ياطيب يا زينه الشباب بس وغلاوتك في جلبي هچيبلك حجك وهتنام وترتاح في تربتك
خد ناصر نفس طويل وقام بهدوء نفض هدومه ومسح وشه وخد عبايته من الارض وراح علي العربيه من تاني دورها وطلع.
.....................
أما عند عاليا عدت عليها ساعات كتير وهي نايمه وحاضنه لبسهم تعبت من كتر العياط حاسه بو.جع في أحبالها الصوتيه عندها صعوبه في البلع من كتر الصر.يخ رن المنبه جمبها قامت بتعب فتحت عينها كانت بتبص للأوضه بأستغراب و بتتمني اللي شافته ده كله يكون حلم لمحت اللبس بتاعهم في ايدها بسرعه أتجمعت الدموع في عينها🥺 ضمت اللبس لحضنها أكتر وبعد دقايق من دموعها اللي مش بتقف قامت بتعب وحز.ن كبير بخطوات بطيئه خرجت من أوضتها مرت علي أوضه ضحي وريم الاول فتحتها بهدوء علي أمل تلاقيهم الاوضه كانت فاضيه بصت علي سرايرهم وصورهم بأ.لم وقفلت الباب تاني راحت علي اوضه خالتها دخلت وفضلت تلف فيها بتوهان وهي بتعيط.
عاليا....يااااارب🥺 الصبر من عندك يارب💔
خرجت بهدوء وراحت علي الحمام غسلت وشها و أتوضت وخرجت صلت وفضلت تعيط وتدعي كتير وبعد ما خلصت لبست ونزلت عشان تروح النيابه عشان معاد التحقيق.
وطبعاً مرعي كان وراها.
اتصل مرعي علي ناصر.
ناصر....أيوه يا مرعي أني في الطريج جربت اوصل.
مرعي...تاچي بالسلامه يا ناصر بيه البت نزلت الوجت من البيت ركبت عربيتها وماعرفش راحه فين عالصبح
ناصر...خليك وراها يا مرعي عينك ما تغيبش عنيها يمكن تكون راحه تجابل أختها.
مرعي...أطمن اني وراها من أول ما طلعت.
ناصر....اول ما اوصل هكلمك أشوفك فين.
مرعي....خد بالك من الطريچ.
ناصر....ربنا يستر .
قفل ناصر معاه وفضل مرعي مكمل ورا عاليا
وبعد وقت بسيط وصلت عاليا قدام النيابه عرف مرعي انها راحه عشان التحقيق وبسرعه بلغ ناصر.
طلع عاليا و فضلت مستنيه بره مكتب وكيل النيابه شويه وبعد وقت بسيط دخلها العسكري.
وكيل النيابه....أتفضلي يا آنسه عاليا
عاليا....بحز.ن شكراً قعدت عاليا عالكرسي .
وكيل النيابه تحبي تشربي ايه.
عاليا....شكرا ياريت لو نبدأ التحقيق من فضلك عشان لسه هروح المستشفي.
وكيل النيابه....تمام أولاً البقاء لله شدي حيلك.
عاليا....ونعم بالله.
وكيل النيابه....عايزك يا انسه عاليا تحكيلي اللي حصل من اول اليوم واخر مره شوفتي ضحي المجني عليها وريم أختك كانت امته وكان باين عليهم اي حاجه او لأ وأثناء اليوم لو كلمتيهم صوتهم كان متغير يعني كان في حاجه غريبه.
عاليا....بو.جع وعيون بتلمع.
أخر مره شوفتهم كان أول أمبارح الساعه 8 الصبح تقريباً كنا في البيت بنفطر زي اي يوم مع بعض اتكلمنا وضحكنا كل حاجه كانت طبيعيه وطبعاً هما كان عندهم مشوار سفر تبع الشغل بتاعهم في اسماعيليه وزي كل يوم نزلنا و وصلتهم بعربيتي لحد مكان الشركه بتاعت أستاذ علي اللي هما بيشتغلوا فيها و سبتهم ومشيت كلمتهم مرتين مره ضحي اللي كلمتني وهما عالطريق ومره انا اللي كلمتهم لما وصلوا.
كانوا طبيعين جدا ضحكنا واتكلمنا شويه وقفلت معاهم صوتهم كان عادي زي اي مره بكلمهم فيها بس ده كل اللي اعرفه عنهم واخر مره سمعت فيها صوتهم🥺💔
وكيل النيابه.... طيب قوليلي تعرفي ايه عن استاذ علي أيه أنطباعك عنه ؟
عاليا....فالحقيقه انا مشوفتهوش قبل كده ولا عمري اتكلمت معاه عشان اكون اي انطباع عنه بس ريم وضحي طول الوقت بيشكروا فيه في اخلاقه واحترامه وازاي بيتعامل معاهم علي انه اخوهم ديما لما كان يبقي في سفر او ميتنج ويتأخروا كان يوصلهم وميسبهمش يروحوا لوحدهم
وكيل النيابه.....أزاي بتوصليهم لحد الشركه وهو اوقات يوصلهم للبيت وعمرك ما شوفتيه مش غريبه شويه؟
عاليا....لا خالص الغريب هو اني اطلع معاهم الشغل بتاعهم انا كان بيبقي عندي شغلي وطبعا احنا مش معانا غير عربيه واحده فا كان لازم اوصلهم في طريقي ولما كنت بوصلهم الطريق كان بيبدأ يتزحم يادوب كانوا بينزلوا واجري علي شغلي وهو المرات اللي وصلهم فيها تتعد لانه في العادي بيحاول ميأخرهمش ابدا وكل مره كان بيوصلهم كنت ببقي في الشقه جوه واوقات كنت بقفلهم في البلكونه بس هو مش بينزل من عربيته انا شوفت صورته وعارفه شكله من صوره علي موبايل ريم وضحي كانوا كلهم متصورين في الشركه تقرييا بعد انتهاء مشروع كانوا بيحتفلوا لكن انا معرفهوش ولا احتكيت بيه عالحقيقه.
وكيل النيابه....طيب معندكيش شك ان ممكن يكون هو اللي عمل كده في ضحي؟
عاليا بأستغراب.... ازاي حضرتك وهو كمان أتقت.ل ؟
وكيل النيابه....يعني ممكن يكون الشيط.ان لعب بيه وقف عربيته في وسط الطريق واعتدي علي ضحي وبعدين قت.لها ريم شافت كل ده قت.لته ؟
عاليا...بسخريه حضرتك عايز تفهمني ان ريم فضلت واقفه تتفرج عليه وهو بيغتص.ب ضحي و بيقت.لها وبعدين قررت هي تقت.له بتسع طعنات طيب لو ده اللي حصل فين ريم مظهرتش ليه
وكيل النيابه....يمكن خا.يفه هربانه مثلا؟
عاليا...اللي حضرتك بتقوله ده مستحيل لو استاذ علي زي ما بتقول كده هو اللي ورا ده كله فا لازم تعرف ان ريم اختي هي جرالها حاجه عشان بأختصار ريم متعرفش تعمل كده ولو هقول انها تعرف وممكن تعمل كده هتعمل كده مع واحد عادي مش في جسم وطول استاذ علي لو هنتكلم بالمنطق لا ريم اختي ولا ضحي يقدروا عليه وبعدين ريم هتجيب منين المطو.ه اللي اتضر.ب بيها وهو ازاي هيسيبها لحد ما تضر.به تسع طعنا.ت اكيد في حاجه غلط.
انا بثق في كلام أخواتي هما قالوا انه شخص محترم يبقي اكيد محترم.
وكيل النيابه....وايه اللي مخليكي واثقه كده؟
عاليا...بو.جع عشان سبنا كذا شغلانه قبل كده أصحابها مكانوش محترمين ايه اللي يخليهم يكملوا معاه وهما شايفين انه و.حش.
وكيل النيابه.....طيب قوليلي يا انسه عاليا ليكم أعداء في حد ضايقكم او هددكم بأي حاجه.
عاليا....لا خالص احنا ناس بسيطه و عاديه جدا حضرتك كل الناس في المنطقه بتاعتنا بتحبنا جدا و بيحترمونا و بيخا.فوا علينا
وكيل النيابه....طيب قوليلي انتوا ليه عايشين مع خالتكم وعايشين من امته.
عاليا....ماما اتوفت من حوالي تسع سنين وقبل ما تتوفي اصلا كنا ساكنين في بيت جمب بيت خالتوا يعني اصلا كنا مع بعض ديماً وعمرنا ما أفترقنا يا هي عندنا يا احنا عندها مكانش بيعدي اي يوم غير لما نشوف بعض ولما اتوفت مكناش صغيرين اوي يعني كنا فاهمين انا اكبر من ريم بأربع سنين ماما الله يرحمها أنفصلت عن بابا واحنا صغيرين وكل اللي عرفناه وقتها انه سافر بس لما كبرنا عرفنا ان كان ديما في مشاكل بينهم بسبب ان بابا بيعرف عليها ستات تانيه وطلبت الطلاق وبعدها هو سافر و سابنا خالص و اتجوز وفضل بعيد الاول كان بيسأل علينا كل فين وفين بعد كده قطع خالص ماما كانت مريضه سكر ورغم انفصالها من بابا وان هي اللي طلبت الطلاق بس هي كانت بتحبه اكتئب.ت وسابت نفسها خالص واهملت في نفسها وشكلها وبقت تطلع غلبها في الاكل لحد ما وزنها كبر شويه وطبعا قلت تنظيمها للاكل كانت ديماً رافعه عليها السكر لحد ما في يوم أتعو.رت في رجلها وطبعا كالعاده أهملت في العلاج لحد ما حصلها غر.غرينا في رجلها واضطرت تعمل عمليه و عملت بتر للكاحل كله طبعا هي اكتئ.بت جدا لما شافت شكل رجلها وفضلت حالتها يوم عن يوم تسوء أكتر لحد ما أتوفت وبعدها عشنا مع خالتوا.
وكيل النيابه...تمام يا انسه عاليا أحنا كده خلصنا تحقيق عندك أي حاجه تاني تحبي تضيفيها
عاليا....بحز.ن لا بس أرجوك انا مبقاش ليا غير ريم أختي رجعوهالي أرجوك رجعوهالي حتي لو هي كمان اتقت.لت بس عالاقل اطمن عليها واعرف طريقها
وكيل النيابه....اطمني يا انسه عاليا ان شاء الله هنلاقيها وياريت لو في اي حاجه حصلت او عرفتي حاجه حد كلمك بلغينا.
عاليا....حاضر🥺
وكيل النيابه تقدري تتفضلي.
قامت عاليا وقفت وخرجت من المكتب عدت من قدام عز ومشيت.
دخل العسكري بلغ وكيل النيابه.
استاذ عز بره يا افندم
وكيل النيابه....خليه يدخل.
..............
دخل عز وبدأ وكيل النيابه التحقيق معاه عرفه اللي حصل من اول الصبح والمشوار اللي كان رايحه ويخص مين وطبعاً طلع قرار أستدعاء لعزام عشان يعرفوا
اللي حصل منه طول اليوم واخر مره شاف علي والبنات كانت امته.
...........
وصلت عاليا المستشفي اللي فيها ضحي وطبعاً مرعي وراها
...........
قابلت عاليا الدكتور
الدكتور....البقاء لله يا انسه عاليا شدي حيلك.
عاليا...بحز.ن شكرا ونعم بالله.
الدكتور....انتي احسن؟
عاليا....الحمد لله دكتور انا كان ليا عند حضرتك طلب.
الدكتور...اكيد اتفضلي.
بقلم اميره اسامه
عاليا....انا عرفت ان اهل استاذ علي خدوه و دفنوه انا عايزه اخد ضحي من هنا اظن كفايه اوي اللي حصل فيها هي محتاجه ترتاح 🥺
استغرب الدكتور انها عرفت...مين اللي قالك ؟
عاليا.....حضرتك ناسي ان ضحي كانت بتشتغل مع استاذ علي واتبعتت منشورات كتير عالفيس من صفحه الشركه بتنعي ضحي واستاذ علي انا شوفتها صدفه وانا بحاول اكلم اختي وبحاول ادور علي اي حاجه توصلني ليها.
الدكتور...انسه عاليا انا عارف انك عايزه تستلمي ضحي امبارح قبل انهارده بس انتي عارفه ان لسه تقرير البحث الجنائي مطلعش
عاليا....مش هتفرق كتير هي وجودها هنا مش هيفيد كل اللي احنا مستنينه التقرير من فضلك انا عايزه استلم اختي زي ما اهل استاذ علي استلموه اظن ده حقي وحقها هي ملهاش غيري سيبوها ترتاح مع امها🥺 امها ما.تت من و.جعها وفراقها ياريت نريحهم بقي كفايه اللي شافوه.
الدكتور....بحز.ن علي حالتها طيب اهدي من فضلك انا هشوف موضوع التقرير الوقت وهبلغ الظابط بطلبك في أستلام ضحي و هرد عليكي.
عاليا....امته؟ انا عايزه انهارده أستلمها أرجوك هي معاكم من اول امبارح بليل واللي عرفته ان الكشف الجنائي خلص شغله خلاص انا محتاجه ارتاح عشان أفضي ادور علي اختي اللي مختفيه ومش عارفه طريقها خليني اطمن علي ضحي و اوصلها بأيدي لقبرها عشان اعرف اركز
الدكتور....صدقيني ده مش قراري لوحدي ومع ذلك اديني شويه وقت يا انسه عاليا تقدري تستنيني بره وانا هعمل اتصالتي كلها وابلغك.
عاليا....شكرا لحضرتك.
الدكتور...العفو.
استأذنت منه عاليا وخرجت وفضلت قاعده بره دموعها نازله مستنيه الدكتور يبلغها.
....................
وصل ناصر للنيابه بعد ما بلغ مرعي وعرف منه ان عاليا في المستشفي.
....................
دخل ناصر وبدأ التحقيق.
وكيل النيابه...قولتلي يا استاذ ناصر ان انتوا ملكوش أعدا.ء.
ناصر....عمرنا ما كان لينا أعدا.ء واصل ولا حتي كان لينا ت.ار مع حد.
وكيل النيابه.....امال مين اللي ليه مصلحه يعمل كده في اخوك يا استاذ ناصر اخوك مط.عون تسع طعنا.ت.
ناصر.....وليه ما يكونش طلع عليهم جطا.ع طرج ولا شباب شاربين اللي اعرفه ان في بنت معاه انجت.لت و كمان مغتص.به الصعايده يا باشا يجت.لوا ياخدوا تا.رهم لاكن يلا يعتد.وا علي حرمه ولا تار.هم يصيبها.
وكيل النيابه....جميل كلام منطقي بس اتمني ان كلامك ده ما يكونش عشان القضيه تتقفل وخلاص وتاخد تا.ر اخوك بأيدك.
ناصر...اسمع يا حضره الظابط اني جولتها جبل سابج و هجولها تاني لو اخوي حجه مچاش بالجانون هچيبه بيدي و وجتها هاخد بالتا.ر لأول مره في حياتي ولازم تعرف اني مجولتش ولا هجول ان الجضيه تنجفل لان اني عايز حج اخوي امبارح جبل انهارده ولو اني عارف مين اللي عملها مكانش زماني جدام سعادتك الوجت و كان زمان سعادتك عندك خبر اني جبض.ت روح اللي عملها.
وكيل النيابه....تمام يا استاذ قولي اخوك اخر مره كلمته امته.
ناصر....يوم الحادثه الساعه 8 الصبح جبل ما يسافر لشغله
وكيل النيابه.....وايه سبب المكالمه؟
ناصر....هو متعود يحدثني كل يوم ولو انشغل اني بتصل عليه يعني كان اتصال عادي واليوم ده بالاخص المفروض ان علي بعد ما كان ها يرچع من سفريته كان هيعاود عالصعيد عشان يجضي معانا أسبوع ويحضر اول يومين في رمضان و جال انه هياچي عالفچر
وكيل النيابه....كلمته في وسط اليوم؟
ناصر...إيوه كان زين.
وكيل النيابه....استاذ ناصر عندك اي حاجه حابب تقولها انا كده خلصت كل الاسئله.
ناصر...لاه كل اللي اعرفه جولته.
وكيل النيابه.....تمام انا عارف انك اكيد هترجع تاني عالصعيد ده الكارت بتاعي لو عندك اي معلومه او لو وصلت لأي حاجه
ناصر....وده الكارت بتاعي لو احتچتلي هكون عنديك عموما اني جاعد لحد بكره عشان أشوف شغله هنمشيه كيف لو احتچتني اني حدثني.
وكيل النيابه....تمام يا استاذ يا ناصر تقدر تتفضل.
ناصر....بعد أذنك.
........
فضلت عاليا قاعده مستنيه الدكتور يبلغها بأستلام ضحي لكن خاب أملها لما الدكتور قالها انهم محتاجينها انهارده كمان وتقدر تستلمها بكره وافقت عاليا بقله حيله وخرجت رجعت علي البيت
في الوقت ده كان ناصر راح علي عنوان بيت عاليا لما عرف من مرعي انه راجع وهي وراه
لمحها ناصر من الجنب وهي نازله من عربيتها كذا حد من الجيران وقفوا معاها واصحاب المحلات جمبها واضح انهم بيعزوها وبيواسوها بالكلام.
بلغتهم عاليا انها هتستلم ضحي بكره عشان يكونوا معاها
مكانش ناصر سامع اي حاجه لكن كان شايف حركات ايدها وهي واقفه بضهرها وكل شويه تقرب ايدها من وشها باين انها بتمسح دموعها و طبطبه الجيران عليها
بعد وقت بسيط طلعت عاليا علي شقتها.
مرعي....ها يا ابني هنفضلوا إهنه ولا هنروحوا فين.
ناصر....لاه هنطلعوا علي شجت علي نريحوا فيها كام ساعه ونرچع إهنه تاني الساعه الوجت تسعه هنعاود علي سبعه الصبح ونشوف هتعمل ايه
مرعي...انت ناوي علي ايه يا أبني.
ناصر....خليها في وجتها يا مرعي اخرها معايا بكره لو اختها ما ظهرتش اني هتصرف يلا روح أركب العربيه واطلع ورايا نروح نسلمها لعز اللول وبعدين نطلع علي شجه علي وسيف
مرعي....يلا بينا.
................
بعد مده بسيطه وصل ناصر عند عز.
ناصر...مش عارف أشكرك كيف يا استاذ عز .
عز...علي ايه بس يا أستاذ ناصر انا معملتش اي حاجه علي الله يرحمه كان اكتر من اخ هو سيف انا تحت امرك في اي وقت وبخصوص شغل علي شوف حابب تقعد معايا امته لو عايز تعرف اي حاجه
ناصر....علي الله يرحمه كان بيآمنك بروحه سيب كل حاچه كيف ما كانت وأي حاچه تحتاچها كلمني ومش هوصيك أي حاچه تجدر توصلها تخص جضيه علي بلغني.
عز....من غير ما توصيني انا مش هرتاح غير لما اعرف اللي عملها أطمن.
ناصر...تسلم يا ابن الاصول يلا هستأذنك اني يادوب اروح اريح شويه اني ومرعي عشان بكره ورانا كام مشوار وبعدين هعاود البلد.
عز...توصل بالسلامه لو احتجت اي حاجه قبل ما تسافر كلمني هجيلك فوراً
ناصر....ده العشم بردك يلا تصبح علي خير.
عز....وانت من اهل الخير.
.............
وصل ناصر شقه علي وسيف
واول ما دخل قعد علي كرسي قريب من الباب وهو ماسك العصا.يه بتاعته في ايده عينه علي كل مكان بحز.ن ريحه علي ماليه المكان💔
وقف مرعي عالباب من غير ولا كلمه.
ناصر....واجف ليه يا مرعي أدخل وإجفل الباب تعالي أرتاح انت من امبارح مجعدتش.
دخل مرعي وقفل وراه وراح قعد علي كنبه وفجأه نزلت دموعه بق.هر.
ناصر....و بعدهالك يا مرعي هنفضلوا حاطين يدنا علي خدنا ونبكي
مرعي....مش مصدج يا ناصر بيه مش مصدج جلبي وا.چعني علي سي علي حاسس كن روحه في الشجه.
ناصر....الله يرحمه يا مرعي.
مرعي....اني الوحيد اللي عارف اللي چواك متكتمش في روحك يا ابني سي علي كان غالي عنديك
ناصر....ما هرتاحش غير لما أچيب حجه يامرعي اللي چوايا مش هيخرچ غير لما اريحه في نومته و اطفي نا.ر جلبي الجا.يده.
مرعي...بحز.ن طيب يلا جوم نام وريح چتتك شويه
مسك ناصر التليفون كلم فكريه
ناصر...حجك عليا ياستي صحيتك من النوم.
فكريه...بدموع لاه يا ولدي اني لسه مخلصه صلاه وكنت جاعده.
ناصر....كفايه بكي يا ستي الله يرضي عنيكي معايزكيش تتعبي
فكريه...بدموع علي وحشني يا ناصر وحش جلبي
ناصر....بحز.ن وحدي الله يا ستي ادعيله واني هريح جلبك جريب أن شاء الله المهم طمنيني علي سيف.
فكريه....سيف تعبا.ن جوي يا ناصر
ناصر...بلهفه ماله في ايه.
فكريه....من بعد ما رچعنا من الدفن امبارح وهو في اوضته بكلمه ما هيردش عليا ولا بيتحدت مع اي حد واصل ساكت لا راضي ياكل ولا يشرب دموعه ما هتنشفش و ما هيخرجش من اوضه علي.
ناصر...بحز.ن خليكي چنبه يا ستي لحد ما أرچعله اني بكرا ورايا مشاوير كتير هخلصها وامشي عالڤچر وعلي ما الصبح يطلع هتلاجوني عنديكم.
فكريه....خد بالك من روحك يا ناصر احنا ملناش غيرك يا ولدي.
ناصر...حاضر يا ستي خدي بالك انتي من روحك ومن سيف يلا في حفظ الله.
فكريه...سلام يا ولدي🥺
ناصر بتنهيده ااااااااااه يارب
بص علي مرعي لقاه نايم في مكانه.
ناصر...مرعي مرعي
مرعي...ايوه ايوه صاحي
ناصر...جوم نام چوه يا مرعي يلا جدامنا كام ساعه نرتاح شويه عشان ننزل نروح للبت.
مرعي...حاضر يلا يا ولدي.
.............
فضل ناصر في اوضه علي قاعد علي مكتبه ماسك تيشرت من هدوم علي بحز.ن مكانش عارف ينام وكأن الراحه مبقتش ليه من بعد فر.اق علي فضل يفكر طول الليل لحد الصبح ما طلع قام غسل وشه عشان يفوق وأتوضي وصلي وبعدين راح صحي مرعي.
ناصر...مرعي مرعي يلا جوم.
مرعي...إصباح الخير.
ناصر...يلا يا مرعي الساعه سبعه عايزين نروح للبت لسه الدنيا هاديه.
مرعي...ماشي يلا بينا.
قام مرعي غسل وشه وبعدين نزل هو وناصر ركبوا العربيه وراحوا عند بيتها كانت الساعه بقت 8
لكن وقف ناصر بعيد أتفاجئ بيها وهو بيركن نزلت ركبت عربيتها وركب معاها اتنين ستات من جيرانها واتنين رجاله وطلع وراها بعربيات ناس تانيه.
ناصر...هو في ايه مين دول ورايحين فين.
مرعي....ماعارفش يمكن جرايبها ولا حاچه.
ناصر...رايحين فين عالصبح إكده.
مرعي...خلينا وراهم يمكن عرفوا مكان البت التانيه ولا حاچه.
بصله ناصر بتفكير ورجع دور العربيه وطلع وراها.
بعد مده طويله وصلت عاليا المستشفي وطبعا أستشف ناصر انها راحه المستشفي من الطريق.
مرعي...تفتكر چايين ليه؟
ناصر...هو ايه اللي چايين ليه انت ناسي ان بنت خالتها لسه مندفنتش وموچوده في المستشفي چوه عموماً ياخبر بفلوس
مرعي...طيب بجولك ايه اني مش هعرف أفضل جاعد اني وانت علي نا.ر إكده اني هروح بشويش أجس و إطجس من بعيد واعرف في ايه.
ناصر....صح صح يا مرعي انزل وخليك معايا عالتلافون المهم محدش يشوفك.
مرعي...سيبها عليا فتح مرعي الباب ونزل بهدوء وراح وراهم
لمح ناصر واحد من الامن بيوقف مرعي.
ناصر...ااااااه ما هيطلعوكش يا مرعي .
لمحه بيوطي علي ودن الامن وبيديله حاجه في ايده وطلع.
ناصر....عفارم عليك يا مرعي.
غاب فوق حوالي 25 دقيقه من غير اتصال.
ناصر...في ايه كل ده سمع اتصال علي تليفونه من مرعي رد بسرعه
ايوه يا مرعي فينك كل ده.
مرعي....ناصر بيه البت چايه تستلم چثه بت خالتها واللي معاها دول چيرانها چايين معاها عشان هتندفن.
ناصر.... هتندفن إكده مش هنعرفوا نتحدتوا مع البت
مرعي...شكلها إكده اني من رأيي نستنوا لما تخلص كل حاچه والدنيا تهدي من حواليها.
ناصر....طيب تمام خليك عنديك يمكن تعرف او تسمع اي حاچه بخصوص اختها ولو حسيت بجلج انزل طوالي
مرعي....ماشي يلا بالسلامه.
.......
مر حوالي ساعتين ونص كانت جهزت ضحي وكل الاجراءات خلصت اخيراً دخلت عاليا عشان تودعها الوداع الاخير.
عاليا....هتوحشيني يا ضحي هتوحشيني يا حبيبتي مش هسيب حقك وحق خالتوا مش هسيب حق ريم هعمل اي حاجه عشان ارجعه بس انا خا.يفه اوي يا ضحي الوحده وحشه ومر.عبه بجد اول مره احس انكم كنتوا فارقين معايا اوي كده عشان عمري ما فكرت في يوم انكم متكونوش موجودين في حياتي سبتوني ليه يا ضحي لوحدي ليه مفضلش حد فيكم معايا ده انا محتجاكم اوي والله العظيم محتجاكم البيت و.حش من غيركم اوي اكتر وقت أتمنيت فيها المو.ت هو الوقت ده هتوحشيني يا حبيبتي يا صاحبتي هتوحشيني يا احلي بنت في الدنيا🥺💔
قامت عاليا باستها من راسها وخرجت تستناها بره وبمجرد ما خرجت انهارت وفضلوا جيرانها واخدينها في حضنهم ويعيطوا معاها.
اما عند ناصر تحت كان قاعد عينه علي بوابه المستشفي لمح مرعي خارج وبيمد بسرعه فتح الباب ودخل.
ناصر...حوصل ايه.
مرعي....نازلين بالبت خلاص جولت انزل بسرعه.
بص ناصر عالبوابه لمحهم شايلين تابوت في ضحى و عاليا منهاره.
ناصر...بحز.ن الله يرحمها .
فضل ناصر وراهم بالعربيه صلوا عليها وبعدين طلعوا عالمدافن كان في ناس كتير جدا من اهل حتتها وزمايل عاليا في الشغل وزمايل ضحي وريم في الشركه
الكل بيعزي ضحي وهي منهاره شكلها يقط.ع القلب
رغم ان ناصر مش شايف شكلها كويس من الزحمه لكن صوتها كان واصله من بعيد عيا.طها و انهيا.رها
حتي وقوعها علي التابوت اللي فيه ضحي و تمسكها بيه وسط صر.اخها حالتها كانت تصعب علي اي حد💔🥺
الساعه بقت خمسه بعد العصر.
مشيوا الكل من المدافن وراحت عاليا مع جيرانها علي بيتها
لمح ناصر الصوان بيتنصب
مرعي....شكلهم هيعملوا عزاء تاني
ناصر....مش مهم مچاتش علي الحبه دول كمان خلينا.
بدأ العزاء بعد صلاه العشاء وفضل الناس تيجي وتمشي عاليا واقفه مش مبطله عياط واقفه بطولها تاخد العزاء محدش مصدق الكل في حاله ذهول في يومين الدنيا تتقلب ويتحول البيت الهادي لحاليتن وفاه و أختفاء واحده منهم علي قد ما الكل كان حز.ين لكن عاليا كانت صعبانه عليهم اكتر اللي حصل كتير عليها وفوق أحتمال اي حد.
خلص العزاء علي الساعه 11 فضلت عاليا واقفه مع الناس اللي بيواسوها من جيرانها الصوان كان بيتشال في نفس الوقت علي الساعه 12 طلعت عاليا بيتها مع جيرانها وبناتهم اللي مسندين عاليا.
مرعي....هنطلعوا ميته؟
ناصر....بتفكير فضل ساكت شويه لسه يا مرعي مش الوجت الدنيا تهدأ خالص والمحلات دي تجفل والرچل تخف وبعدين نطلعوا.
مرعي...تفتكر ممكن يكون معاها حد بايت في شجتها من چيرانها ولا جرايبها.
ناصر....ماعرفش يا مرعي عشان إكده بجولك نستنوا شويه..
.........
في شقه عاليا دخلوا معاها جيرانها شويه ولما اطمنوا عليها وبعد تصميم عاليا انها تفضل لوحدها سابوها تنام وترتاح.
دخلت عاليا خدت دش بارد يمكن تطفي النا.ر اللي هي حاسه بيها
وقفت تحت المايه وقت طويل متعرفش قد ايه لكن كانت محتاجه تفوق أختلطت المايه البارده بدموعها حاسه بضيا.ع و تو.هان أتمنت كتير تصحي من الكا.بوس لكن مبتصحاش.
خرجت بعد وقت طويل كانت لابسه بنطلون أسود قطن وعليه تيشرت أسود بنص كم اول حاجه عملتها راحت تصلي فضلت تعيط و تدعيلهم وتدعي ربنا يطمن قلبها علي ريم و مايكونش جرالها أي حاجه.
قامت عاليا بعد ما سلمت كانت حاسه انها مخنو.قه رغم تعبها واليوم الطويل إلا انها مش عارفه تنام فتحت البلكونه ولمحت تيشرت بتاع ريم علي المنشر موجود عالاحبال بقاله كذا يوم ماتشالش من وقت اللي حصل
شالته وضمته لحضنها وهي بتشم ريحتها وفضلت تعيط كتير فضلت سانده عالسور وقت طويل.
مرعي....شكلها إكده لحالها .
ناصر...يبجي من حظنا يا مرعي
قامت عاليا قدامهم دخلت وقفلت وراها الشباك.
مرعي بص لناصر ايه يلا.
بص ناصر علي المحل اللي تحت البيت.
لسه استني صاحب الدكان خلاص بيجفل
.......
دخلت عاليا علي اوضتها طلعت من دولابها العروسه والفانوس اللي جابتهم لريم وضحي
بصت للفانوس بدموع وأفتكرت كلام ضحي.
ضحي....وانتي بتجيبي الزينه لخالتك هاتيلي فانوس
ريم...وانا هاتيلي عروسه بتقول وحوي يا وحوي.
عاليا...بدموع جبتلك الفانوس يا ضحي🥺 و جبتلك عروستك يا ريم🥺
بس انتوا فين سبتوني ليه💔
نامت عاليا علي سريرها وهي حاضنه الفانوس والعروسه
........
تصبح علي خير يا سمير
سمير....وانت من اهل الخير يا منعم مش هتصلي الفجر.
منعم...هصلي ان شاء الله ابقي نادي عليا وانت رايح.
سمير....ماشي يلا سلام.
مشي سمير ومنعم اصحاب المحلات و لفوا من شارع تاني
عرف ناصر انهم مش ساكنين في نفس البيت بص حواليه كويس لقي الدنيا هاديه خالص المحلات كلها قفلت والرجل هديت خالص.
ناصر....يلا يا مرعي.
مرعي....متوكد من اللي هتعمله ده يا ابني.
ناصر....معنديش حل تاني يا مرعي أختها هي اللي شاهده علي كل حاچه او هي الجا.تله يعني في كل الحالات هي الوحيده اللي تعرف الحجيجه انزل يا مرعي مفيش وجت .
هز مرعي راسه ونزل مع ناصر بصوا حواليهم كويس وفي لحظه كانوا جوه مدخل البيت طالعين عالسلم.
طلعوا وقفوا قدام الباب.
ناصر....معايزش صوت يا مرعي البيت كله ساكن.
مرعي....الله كريم.
قرب ناصر ايده من الباب و خبط خبطات متفرقه .
سمعت عاليا صوت خبط عالباب
قامت بسرعه وهي في ايدها العروسه..كانت فكراها ريم.
عاليا...رييييم🥺💔
جريت ريم عالباب بسرعه ومن غير ما تسأل فتحت وهي بتقول أسم اختها
وقفت ساكته و مصدو.مه متعرفش مين دول.
وهو وقف يبصلها و يبص علي هيئتها ماسكه عروسه ودموعها علي خدها.
ناصر...احمممم انسه عاليا.
عاليا...بتوتر مسحت دموعها مين حضرتك.
ناصر...اولاً اني اسف علي الوجت المتأخر ده ظروف اعرفك علي نفسي اللول اني ناصر المنشاوي اخو علي المنشاوي.
بصتله عاليا بحز.ن...اهلا بحضرتك.
ناصر...البجيه في حياتك شدي حيلك.
عاليا...ونعم بالله البقاء لله في استاذ علي.
ناصر...كلنا لها
عاليا...هو حضرتك جاي ليه اقصد يعني تعرف حاجه بخصوص القضيه.
ناصر....الحجيجه اني چايلك عشان إكده اني اللي كنت رايد أسألك كام سؤال لو ماهضايجكيش .
عاليا....لا خالص انا بس لوحدي واااا..
قاطعها ناصر...متجلجيش يا انسه عاليا مرعي معايا والباب هيفضل مفتوح اني هسألك كام سؤال وهمشي.
عاليا...بإحراج لا ابدا اتفضل
دخل ناصر وقعد علي اول كرسي قابله.
عاليا...اتفضل حضرتك.
مرعي....لا يابتي اني إكده زين.
عاليا...ميصحش اتفضل حضرتك اقعد هنا طيب.
دخل مرعي وقعد جمب ناصر وفضل الباب مفتوح.
قعدت عاليا قدامهم وهي بصالهم بترقب وتوتر.
ناصر كان ساند بايده الاتنين علي عصا.يته و باصص للارض وهو بيتكلم.
ناصر....أخوي الله يرحمه أنجت.ل بتسع طعنا.ت بنت خالتك واخده طعنتين غير التعدي عليها
أختك كانت معاهم لكن ملهاش أي آثر الشرطه جلبت الدنيا ومحدش عرف يوصلها أختك فين؟
نزلت دموع عاليا وهي بتفتكر اللي حصل لكن أتفاجئت من باقي كلامه وبصتله.
عاليا....وانا هعرف هي فين منين إذا كانت الشرطه معرفتش توصلها انا هوصلها.
ناصر....اللي عمل إكده مكانش لحاله يا انسه عاليا اخوي الله يرحمه كان چامد وتد جوي ما يهابش حد لكن كيف ما بيجولوا الكتره تغلب الشچاعه واللي يجدر يعمل إكده لازماً يكونوا كتير لو اختك كانت معاهم كان زمانها ميته كيف علي وبت خالتك لكن الحكومه ملاجيتش جتتها ده معناه إنها عايشه ومش بعيد تكون متفجه مع اللي عملها.
وقف عاليا بفز.ع و صد.مه...انت بتقول ايه ياراجل انت اختي ايه اللي متفقه مع عصا.به اختي هتبقي عارفه ان بنت خالتها واختها هتت.قتل وهيغتص.بوها وتوافق انت اكيد اتجن.نت.
وقف ناصر بغض.ب قدامها ومسك ايدها بقسو.ه وهو خلاص الدنيا بتسود في وشه وكل اللي في عينه ش.ر وبس في اللحظه دي قام مرعي بسرعه قفل الباب.
عاليا...انت بتعمل أيه الحقو....😳
وقبل ما عاليا تصر.خ حط ناصر ايده علي بوئها😡😡😡😡😡
ناصر....قرب ناصر من ودنها وبيتك علي كل كلمه بغض.ب حسك لو طلع والله خلج الخلج لا هجبض روحك الوجت بيدي
اني مش چاي عشان أذ.يكي يا بت الناس فا لو حسك طلع هخلص عليكي مفهوم😡😡
هزت عاليا راسها وهي دموعها نازله.
ناصر...هشيل يدي ولو صر.ختي ما تلوميش غير حالك.
فضلت عاليا تتنفس بسرعه و بخو.ف شال ناصر ايده براحه وبصلها.
عاليا...بخو.ف و رعشه انت عايز مني ايه انا معرفش حاجه ومعرفش انت عايز ايه اصلا جاي لحد هنا تتهم اختي بأتهام هي بريئه منه والله اعلم هي لو عايشه بيحصل فيها ايه يا اخي ده انا أتمنيت اني كنت الاقيها ميته بعد اللي حصل لضحي ولا اني مبقاش عارفه عنها اي حاجه ومعرفش فيها ايه🥺💔
مشيت كام خطوه جابت برواز فوق التلفزيون وقربت منه بكل غض.ب.
عاليا...دي ضحي الله يرحمها اللي اتقت.لت و اغتص.بت ودي ريم اختي اظن انك شايف شكلها دي لا تعرف تقت.ل ولا تخطط ولا تعرف تعمل اي حاجه .
ناصر...بو.جع 💔بس تعرف اللي عملها تعرف مين اللي جت.ل اخوي تعرف و شافت وهي الشاهد الوحيد محدش لجي جتتها تبجي عايشه وادام مختفيه تبجي هربا.نه وخا.يفه من حاچه.
عاليا...بو.جع وغض.ب وليه متبقاش مخطو.فه يا بني ادم🥺
ليه متبقاش اتخط.فت واتقت.لت و رموها في مكان بعيد أرحمني بقي حرام عليك لو انت محرو.ق اوي علي أخوك فا انا زيك واكتر🥺🥺🥺😫😫
لو انت راح منك واحد انا راح مني تلاته💔💔🥺
ناصر بنفس الغض.ب رغم انه حس بو.جعها
ناصر...علي مكانش ينفع يمو.ت من الاساس💔علي و.جع بلد بحالها علي فراجه
وكمل بجمود أختك هي الوحيده اللي لها يد في اللي حوصل
عاليا....تعرف ايه ايه انت علي اختي عشان تقول كده ريم لا تعرف تتصرف ولا تفكر ريم دي طفله في نفسها لما وكيل النيابه حقق معايا ومن ضمن أسئلته قاللي ان ممكن مثلا علي يكون هو اللي عمل كده قولتله لأ مع اني معرفش اخوك بس ضحي وريم طول الوقت كانوا بيتكلموا عن اخلاقه واحترامه صدقتهم عشان هما بيعرفوا في معدن الناس كويس ونفيت تهمه زي دي عن اخوك مش عشان بس ما.ت زي ضحي عشان كان لازم اقول اللي يريح ضميري انت بقي بأي حق تتهم اختي اللي الله اعلم هي فيها ايه وادام انت تفكيرك بالشكل ده يبقي شكلي كنت غلطانه لما دافعت عن اخوك واخواتي كانوا غلطانين لما شافوا اخوك ملاك
واخوك هو اللي عملها قت.ل ضحي بعد ما اغتص.بها🥺
ناصر...بغض.ب اخررررسي علي لايمكن يعمل إكده
ز.قته عاليا بغض.ب في صدره وريم مستحيل تعمل كده😫😫😫
خد ناصر نفس طويل وفضل يلف حوالين نفسه وعاليا منهاره من العياط وفجأه بصلها ناصر بغض.ب
ناصر....انتي هتيچي معايا😡
عاليا...اجي معاك فين يا جدع انت هو انت مجنو.ن ولا بتخر.ف
ناصر...اني هبجي مجنو.ن صوح لو هملتك من غير ما اخدك معايا
انتي هاتفضلي تحت عيني لحد ما اختك تظهر
عاليا....افضل معاك فين واروح فين انت واعي للي بتقوله ده يا بني ادم انا اختي في خط.ر
ناصر....واني جولت اللي عندي لو خا.يفه علي اختك صوح تيچي معايا من سكات ولو ظهرت و كلمتك تعرفيها انك معايا ولو هي خا.يفه عليكي صوح كيف ما انتي خا.يفه عليها تيچي وترحمك من يدي.
عاليا....انا مش هاجي معاك واعلي ما في خيلك اركبه اختي محدش يعرف عنها اي حاجه ومش بعيد تكون في خط.ر تهمتك ليها تبلها وتشرب ميتها ولو فكرت تتعر.ضلي هقدم فيك بلاغ انت فاهم.
مسكها ناصر من ايدها بغض.ب ناصر المنشاوي ما يتهد.دش ولو علي اختك يا شاطره هي فعلا موضع اتهام الشرطه نسفت المكان كله ملاجولهاش اثر محمولها إنجفل و محمول علي وبت خالتك اختفوا كمان محدش ليه مصلحه غيرها لو مچتيش معايا بالزوج واللي خلج الخلج اني هجلب عليها البلد كلاتها من شرجها لغربها واني ورچالتي هنچيبها بس هرچعهالك چث.ه.
عاليا...بدموع طيب براحه بس خلينا نتكلم بالعقل انا وجودي معاك هيفيدك بأيه انا اوعدك اني مش هتنقل من هنا انا مينفعش اصلا اروح اي مكان عشان لو ريم جات او لو حد من الشرطه احتاجني يمكن يلاقوها فا متقلقش مش همشي من هنا لكن لو جيت معاك لا هعرف ادور علي اختي ولا هعرف اوصل لأي حاجه.
ناصر...من اول العزاء وانتي كل شويه تتحدثي في التلافون و عينك زايغه شمال ويمين ليه ماتكونش هي اللي بتكلمك وتعرف اخر الاخبار
عاليا...تليفوني اهو تقدر تشوف الارقام والله.
ناصر....وايه يعرفني ما يمكن تكوني مسحتي الرجم شوفي انتي هتفضلي تحت عيني انتي بتلافونك بكل حاچه تخصك وما هتتنجليش في اي مكان غير رچلي علي رچلك وإلا ورحمه علي بمچرد اختك ما ترچع هفرغ فيها السلا..ح حتي من غير ما أسمع دفاعها عن روحها مفهوووووم😡
اعتبري نفسك مسچونه عندي لحد ما أختك تظهر وتفرج بيدها عنيكي
قعدت عاليا عالكنبه وهي بتعيط بق.هر مش فاهمه ايه اللي بيحصل ولا عارفه تفهم البني ادم اللي قدامها ابو راس ناشفه و قلبها مر.عوب علي اختها.
ناصر.....اخلصي لسه جدامنا سفر
عاليا...ابوس ايدك افهمني انا لازم افضل هنا عشان اعرف اي حاجه
ناصر...متجلجيش لو علي الاخبار فا كلها هتكون عندينا اول بأول رچالتي حوالين المكان كلهم عارفين شكل اختك يعني لو رچعتك احنا هنكون اول ناس. تعرف جبل الشرطه كمان و هتلاجيهم چايين وچايبينها كمان
عاليا....طيب لو حد من النيابه كلمني او جه سأل عليا او لو حد من الجيران ملاقنيش واتصل اقول ايه.
ناصر....هتجولي أي حاچه بتريحي أعصا.بك في اي مكان بتدوري علي اختك بنفسك اي حديت المهم يصدجوكي وافهمي كلامي زين اني ممكن الوجت انزل واسيبك عادي لو مش رايده تاچي بس الباجي انتي خبراه زين لكن لازما تعرفي ان من وجت ما هتنزلي معايا تنزلي بهدوء لاني مش خا.طفك يعني يا تيچي بمزاچك يا بلاش ومتجلجيش هتكوني معززه مكرمه ها جولتي ايه؟
عاليا...بتفكير ودموع وقفت قدامه ممكن اغير هدومي طيب واجيب شنطتي.
ناصر.....علي اجل من مهلك هاتي كل حاچه تحتاچيها معاكي اني جاعد .
بصتله عاليا بغض.ب لكن مكانش في اي حاجه في ايدها عقلها وقف وخا.يفه علي اختها لو عايشه اذ.يتها تكون علي ايد ناصر.
دخلت لبست وطلعت شنطتها فضلت تحط فيها حجات مهمه ممكن تحتاجها حطت العروسه والفانوس وهي بتعيط بقهر💔🥺. يمكن تكون حاسه بو.جع ناصر خصوصا لانه صعيدي والتا.ر عندهم اهم من النفس ويمكن كمان تكون مش خا.يفه منه وعارفه انه مش هيأ.ذيها لكن كانت عارفه ان النا.ر اللي جواه دي هتطول ريم لو لسه عايشه عشان كده قررت تروح معاه عشان هي اللي تبقي عينها عليه لانها كانت عارفه انه هيعمل اي حاجه عشان يوصل لاختها قبل الشرطه كمان.
بعد وقت بسيط خرجت عاليا لابسه بنطلون چينس أسود وتيشرت بنص كم عليه أسود وكانت رافعه شعرها بطريقه عشوائيه. وباين علي عينها انها مبطلتش عياط.
عاليا...انا جاهزه.
ناصر...مرعي نزل الشنطه و چهز العربيه اني چاي وراك.
مرعي...تحت امرك يا ناصر بيه.
خرج ناصر وقف عالباب
وقفت عاليا تبص علي الشقه بحز.ن وو.جع 💔🥺 وبعد وقت بسيط سمعت صوته
ناصر....مش يلا ولا ايه🤨
بصتله عاليا بغض.ب وقفلت الباب ونزلت وراه من غير ولا كلمه.
نزل ناصر كان مرعي قرب العربيه من الباب
فتحلها ناصر الباب اللي وراء
وركب قدام جمب مرعي وطلعوا عالطريق.
#سجينه_مع_وقف_التنفيذ
#صاحبه_البطل_الواحد
#أميره_اسامه
البارت الرابع...
طريق مجهول أضطرت أنها تمشي فيه عمرها ما كانت مجبره علي أي حاجه في حياتها قبل كده لكنها فجأه وبدون انذار حست بالاجبار والغريب انه يمكن يكون ناصر مأجبرهاش علي حاجه ساب الكوره في ملعبها و الأختيار يكون ليها فضلت عاليا قاعده سانده عالشباك باصه للطريق من غير تعب ولا ملل وكأنها لقت ضالتها في طول الطريق و ظلامه دموعها كانت نازله بهدوء من غير اي صوت. صوره خالتها وضحي وريم مش مفارقين خيالاها ضحكتهم صوتهم حتي مناقر.تهم لبعض.
اخر صوره ليهم مش قادره تفارق خيالها ضحي وريم وهما بيطلبوا منها العروسه والفانوس وخالتها وهي بتتمشي معاها وبيشتروا الحاجه.
اما ناصر فا كانت عينه عليها من بدايه الطريق في المرايه مرعي سايق وهو باصص عليها من المرايه جمبه شايف دموعها حس بتأنيب الضمير وبدأ يكلم نفسه.
ناصر....ياتري هتبكي عشان فُراج خالتك وبت خالتك ولا عشان أختك ولا هتبكي عشان جفلت في وشك الدنيا و أجبرتك تاچي معايا؟
صدجيني اني مأجبرتكيش ولحد اخر لحظه كنت رايد أنك ترفضي صدجيني غص.ب عني مكانش في جدامي غيرك هجولك علي حاچه
تعرفي لما الدنيا تجفل في وشك
و تلاجي الدنيا كلها طبجت فوج نفسك و تلفي بعينك متلاجيش غير منفس واحد بس اهو انتي كنتي المنفس ده چيتي جدامي في اكتر وجت كنت مخنوج فيه
أعمل ايه صدجيني مش بيدي أنتي مجهو.ره علي تلاته بس صدجيني جهرتي علي أخوي أضعاف جهر.ك عاللي راحو علي أخوي كان كل حياتي كان ابني وصاحبي هو وسيف طول عمري ما أستحملش عليهم نسمه الهوا
حطي روحك مكاني تخيلي يكون عندك زرعه تكبري وتهتمي وتراعي وتربي وتشوفي زرعتك بتكبر جدام عينك وتتفتح وتحسي لما تطلي عليها كنك ملكتي سعادة الدنيا باللي فيها وفچأه ياچي حد يجط.فها ويرميها علي الأرض ومش بس كده يمسك ورجها اللي كله حياه و يجط.ع فيه هتعملي ايه ساعتها علي بالنسبالي كان هو الزرعه دي تعرفي كان بجالي سبوعين ما شفتهوش جال هياچي مره واحده جبل رمضان علي الأجل انتي شوفتيهم كلهم يوم الحاد.ثه إنما اني لا ملحجتش اشوفه واطل في عينه و اشم ريحته واخده في حضني ويوم ما عملتها كان ميت.
اختك هي اللي معاها المفتاح هي اللي هتخليني أرچع حج أخوي.
مكنتيش مجصوده صدجيني.
.........
مسحت عاليا دموعها اللي بتنزل بغزاره وهي بتفتكر اول ما شافت ناصر ومرعي داخلين عليها
عاليا... مكنتش نقصاك في حياتي انت كمان لا عمري شوفت اخوك ولا حتي اعرفه ظهورك مكانش في وقته خالص حرام عليك ده انا بقالي 3 ايام في كا.بوس يوم ما أصحي منه الاقي نفسي بروح مكان عمري ما روحته بتحاسب علي حاجه معملتهاش عارفه انك مو.جوع زيي بس انا مش بأيدي حاجه انا مو.جوعه زيك بالظبط واكتر عارف انا عارفه ان الغر.يق بيتعلق بالقشايه وانا بالنسبالك كنت القشايه دي ديماً المد.بوح بيفضل يرفص بأيده ورجله وبيتعلق بحاجه تردله روحه بس صدقني مش انا الحاجه دي انت أختارت غلط انا زيك غرقا.نه ومد.بوحه بس الفرق ان انا بالنسبالك كنت القشايه دي في الوقت اللي انا تايهه فيه ومش لاقيه اي حد اتعلق بيه انا بالنسبالك كنت الحاجه اللي ممكن تردلك روحك في الوقت اللي انا لقيت نفسي بنز.ف لوحدي
انا بالنسبالك الخيط اللي هيوصلك لريم عشان ترتاح..بس انا مش لاقيه اي حد أحمله غيابها مش لاقيه حد اتعلق فيه غير ربنا انت حكمت عليا بالسجن المؤقت
وانا شوفتك مظ.لوم زيي يمكن اكون مش ز.علانه منك و مديالك الف عذر بس ده مكانش يديك الحق ابدا تحرمني من اني ادور علي اختي و الاقيها🥺💔
عدي اقل من نص الوقت وكلاً من ناصر و عاليا بيتكلموا مع نفسهم وكل واحد فيهم اللي بيحاول يشتكي و اللي بيحاول يبرر اللي عمله واللي بيحكي اللي جواه
لكن بصمت بصوت غير مسموع
جات استراحه علي الطريق .
مرعي....في استراحه يا ناصر بيه تحب اجف فيها.
ناصر...بصوت هادي ايوه يا مرعي أجف الطريج لساته طويل خلينا نچيب مايه وأچيب شاي راسي هتتفر.تك.
مرعي....حاضر قرب مرعي من الاستراحه ووقف.
بص ناصر في المرايه علي عاليا اللي كانت سرحانه ومش معاهم.
ناصر...آنسه عاليا تحبي تنزلي تريحي رچليكي من الطريج
عاليا....شكراً انا كده كويسه.
مرعي....المشوار طويل يابتي جدامنا حوالي 3 ساعات ونص أغسلي وشك مشي رچليكي يعني لو رايده.
بصتله عاليا وحست ان كلامه صح من كتر العياط حاسه ان عينها بطلع حراره قويه ومحتاجه تبردها بالمايه.
عاليا....ماشي هنزل.
بصله ناصر...مش هتنزل انت كمان يا مرعي.
مرعي....هنزل ايوه .
نزلوا التلاته مع بعض مشيت جمبهم بخطوات بطيئه كل شويه ناصر يهدي خطوته و يبص عليها بطرف عينه.
سأل العامل علي مكان الحمام شاورله.
ناصر...ادخلي واني هستناكي إهنه.
عاليا من غير ما تبصله هزت راسها مشيت خطوتين.
ناصر...انسه عاليا تحبي تشربي حاچه.
هزت عاليا راسها بلأ ودخلت عالحمام.
سابها ناصر ودخل هو كمان ورا مرعي وبعد ما خرج راح جاب شاي ليه هو ومرعي وجاب مايه وعصير وبسكوت لعاليا.
خرج هو ومرعي ووقف استناها.
ناصر....الشاي يا مرعي
مرعي....من يد ما نعدمها يا ابني هروح ادور العربيه لحد ما تاچي.
ناصر.... ماشي .
راح مرعي علي العربيه
ثواني ولمحها ناصر خارجه باين علي شعرها ووشها انها مش بس غسلت وشها دي واضح انها نزلت راسها كلها تحت المايه وخارجه بتنقط مايه.
ناصر....في حاچه حوصلت في المايه چوه ولا ايه.
عاليا...بهدوء لا انا بس مصد.عه وكنت ..
قاطعها ناصر اتفضلي مناديل.
عاليا....شكراً
راحوا علي العربيه وفضلت ماشيه جمبه تمسح في وشها والمايه اللي بتنقط من شعرها.
ركبت وراء في مكانها
مد ناصر الشنطه اللي في ايده
الطريج طويل مايه وعصير وحاچه تاكليها لو چعانه.
خدتهم منه وهزت راسها وحطت الشنطه جمبها من غير ولا كلمه.
كمل مرعي الطريق والصمت سيد الموقف كل واحد غر.قان في افكاره وحز.نه.
لكن عاليا من تعبها أستسلمت
وراحت في النوم خالص
فضل ناصر كل شويه عينه تيجي عليها لحد ما هو كمان مقدرش يقاوم اكتر من كده سند راسه عالكرسي وغمض عينه ونام.
عدي الباقي من الوقت وناصر وعاليا مستسلمين للنوم واخيراً وصلوا البلد كان النور طلع ويوم جديد أتولد.
مرعي....ناصر بيه ناصر بيه
فتح ناصر عينه بإر.هاق إيوه يا مرعي.
مرعي...خلاص وصلنا جربنا عالدار حمد الله عالسلامه.
ناصر بتعب فرد ضهره الله يسلمك يا مرعي.
مرعي بص لناصر وهو بيشاورله علي عاليا شكلها تعبا.نه جوي.
ناصر....بأقتضاب الوجت ترتاح.
قرب مرعي اكتر ووقف قدام بوابه البيت الكبير وهو بيدوس علي الكلاكس عشان يفتحوا.
في الوقت ده صحيت عاليا من الصوت قامت تدعك في عينها وهي بتبص حواليها.
المنظر بالنسبالها كان جديد ديماً بتشوف المنظر ده في الافلام والمسلسلات لكن اول مره تشوفه عالطبيعه.
بوابه كبيره اوي سور حديد كبير
حديقه مساحتها اكبر ومن بعيد ظاهر مبني يشبه القصر المبني علي تراث قديم لكن الوانه واضح انها جديده قرب مرعي من البوابه الداخليه ووقف كان في كام سلمه يوصلوا للباب الداخلي للمبني.
مرعي....حمدالله عالسلامه
ناصر...الله يسلمك...حمدالله علي سلامتك يا انسه عاليا.
عاليا...بصوت واطي الله يسلمك.
ناصر...اتفضلي فتح ناصر الباب ونزل.
نزلت عاليا وهي بتبص علي المكان من حواليها وكأنها بتكتشف العالم الجديد اللي دخلت عليه.
ناصر....مرعي جول لحد من الغفر يودوا شنطه آنسه عاليا علي المضيفه اللي وراء.
مرعي....بأستفسار يعني مش المضيفه دي؟
ناصر...لا عشان تكون براحتها إهنه اللي رايح وچاي من الغفر والناس هيشوفوها واني لسه مفكرتش ولا لاجيت طريجه اعرف الناس بيها.
مرعي....حاضر يا ناصر بيه بعد أذنك .
راح ناصر وقف قدام عاليا
ناصر...تعالي معايا أعرفك المكان اللي هتجعدي فيه الدار إهنه فيها مضيفتين اللي جصادك دي وفي واحده وراه الدار الكبيره يلا تعالي
مشي ناصر خطوتين وبص جمبه بسرعه وبعدين بص وراه لقاها واقفه وباين عليها الخو.ف رجعلها تاني.
ناصر...انسه عاليا عايز اجولك حاچه الدار إهنه فيها شغالين كتير جوي واني إهنه عايش مع چدتي وابن عمي وكان علي الله يرحمه
يعني مش رايدك تكوني جلجانه زي ما جولتلك أنتي إهنه هتجعدي معززه مكرمه مفيش اي حد هيأ.ذيكي يعني متخا.فيش من اي حاچه ماشي.
بصتله عاليا وهزت راسها بهدوء خدت نفس طويل ومشيت وراه
وصل ناصر بيها للمضيفه كانت عباره عن مبني صغير من دور ولازق في المبني الكبير لكن ليه باب خاص بيه بعيداً عن الباب الكبير للبيت.
طلع ناصر من جيبه المفتاح
جه واحد من الغفر شايل الشنطه.
ناصر...روح انت خلاص.
الغفير...بعد أذنك يا ناصر بيه.
فتح ناصر الباب ودخل فضل يفتح في النور.
بصلها ناصر...تعالي يا انسه عاليا.
دخلت عاليا بترقب .
ناصر...المكان إهنه ريحه خفيف هيعچبك إهنه المعيشه وفيها مطبخ صغير وحمام چوه تعالي معاي أفرچك فوج
طلعت وراه عاليا وهي من جواها لسه قلقانه
ناصر...في إهنه أوضتين اختاري اللي علي كيفك ترتاحي فيها .
الباب اللي بين الأوضتين في الطرجه ده لو فتحتيه هتبجي چوه الدار الكبيره المفتاح كيف ما انتي شايفه من عنديكي بس تجدري تجفلي علي حالك براحتك محدش يجدر يدخل من الدار ليكي إهنه إلا لو سايبه الباب مفتوح ماشي.
هزت عاليا راسها من غير ولا كلمه.
نزل معاها ناصر تاني علي تحت
مدلها ايده بمفتاح المضيفه.
ناصر...ده مفتاح المضيفه اجفلي علي حالك براحتك.
هسيبك الوجت ترتاحي بعد الضهر هعرفك علي چدتي ماشي
هزت عاليا راسها بهدوء
استأذن منها ناصر وخرج علي طول راح علي المدخل الكبير
وبمجرد ما خرج قفلت عاليا بسرعه وراه المكان ومن كتر ما هي تعبانه طلعت علي طول نامت في أوضه من الأوض
ضهرها وجسمها كله كان تاعبها من الطريق مصدقت ناصر خرج وراحت عشان تنام
..............
لف ناصر ودخل من البوابه الكبيره كانت سته قاعده علي كرسي ماسكه في أيدها السبحه و دموعها نزله و الشغالين رايحين جايين من حواليها
ناصر.....بتعب إصباح الخير يا ستي قرب من ايدها وراسها باسهم
فكريه...بلهفه حمد الله علي سلامتك يا ولدي.
قعد ناصر بإرهاق جمبها الله يسلمك يا حبيبتي.
فكريه...البت محاسن جالتلي انك چيت انت ومرعي كت فين كل ده وجولي عملت أيه في التحجيج طمن جلبي.
ناصر....لسه يا ستي التحجيج شغال اني بس محتاچ أرتاح بجالي يومين معارفش أنام. ارتاح شوي ولما أصحي هحكيلك كل حاچه .
فكريه....طيب يا ولدي أرتاح.
ناصر...طمنيني علي سيف
فكريه...بحز.ن كيف ماهو يا ولدي ماهيتحددتش مع حد.
ناصر...اني هطلع أطل عليه.
فكريه....ماشي والحج نام شويه جبل ما النسوان تاچي تعزي من بعد الضهر البيت ما هيفضاش من الناس.
ناصر...ماشي يا ستي بعد اذنك.
فكريه....ناصر
وقف ناصر وبصلها بار. هاق أيوه يا ستي.
فكريه...مجولتليش بردو يا ولدي مين معاك في المضيفه؟
ناصر....معايا ضيفه يا ستي انام واصحي وهجولك كل حاچه وياريت محدش يز عچها هي كمان طريج السفر كان طويل معايزش حد واصل يروح عنديها ماشي يا ستي.
فكريه...ماشي يا ولدي.
................
طلع ناصر وقف قدام أوضه علي بحز.ن ثواني وكان بيخبط وفتح الباب.
لقي سيف قاعد علي طرف السرير ماسك القرآن في ايده ودموعه نازله بغزار.
قفل ناصر الباب وراه و دخل بخطوات بطيئه وهو قلبه متقط.ع علي منظر سيف قعد جمبه وقال صدق الله العظيم.
كمل سيف اخر ايه وصدق وقفل القران وهو عينه في الارض ودموعه نازله.
لف ناصر ايده علي كتف سيف وقرب راسه قبلها بحب
في اللحظه دي سيف إنهار وكأنه كان مستني حضن ناصر يطمنه.
سيف...علي راح يا ناصر علي مات و سابنا خلاص.
ناصر...بو.جع أدعيله يا سيف أدعيله يا حبيبي.
سيف....ااااه 💔💔
ناصر...إچمد ياااااض إچمد وأصلب طولك مش سيف المنشاوي اللي يبجي في حالته دي أيه هتعترض علي امر الله.
سيف...بو.جع أيوه هعترض هعترض يا ناصر عشان علي كان
طيب💔 علي كان حنين وراجل وجدع علي مكانش في اخلاقه كان عارف ربنا وبيعمل كل حاجه كويسه هعترض عشان احنا عمرنا ما آ.ذينا حد عمرنا ما خدنا تا.رنا من اي حد عشان بأختصار احنا عمرنا ما كان لينا تا.ر طول عمرنا محبوبين والناس كلها بتحترمنا وبتحبنا يبقي ليه يا ناصر ليه علي 💔😞
ناصر....ياض افهمممم امر الله ماهينفعش نجوله ليه أستغفر ربك يا سيف حتي لو علي كان ملاك ربك عادل وعمره ما كان ظا.لم هو أختاره هنجوله لا.
سيف....بس أختاره بدري اوي يا ناصر حرمني منه يا ناصر علي كان روحي كان توأمي مكنتش بعرف أقعد في مكان من غيره حتي لو يوم قولي هقعد ازاي من غيره بعد كده ابوس ايدك يا ناصر انا عايز اللي عمل كده ريحني وجيبه يا ناصر عشان اخد حق علي.
ناصر...بحز.ن حضن سيف هچيبه والله هچيبه وما هيكفيني عمره بس بكفياك اني مش جادر يا سيف عايزك چمبي وفي ضهري اني طول عمري صالب طولي عشان انت وعلي ورايا في ضهري علي راح ونص ضهري أنحني أوعاك تستلم يا سيف وتسيب ضهري مكشوف وجتها اني اول واحد هجع عمري ما جولت اني محتاچ حد فيكم عشان ديماً كنت بحس ان انتوا اللي محتاچيني لكن اني الوجت محتاچك يا سيف هتسيبني يا أخوي💔
بصله سيف بو.جع من وسط دموعه و اترمي في حضن ناصر وفضل يعيط زي الأطفال اول مره يحس بنبره صوت ناصر كلها ضعف.
بعد وقت بسيط رفع ناصر وش سيف بأيده وبصله اني تعبان وچاي من سفر محتاچ انام شوي واول ما أصحي هعرفك انت وستك علي ضيفه چبتها معاي من مصر ماشي.
سيف....ضيفه مين؟
ناصر....وجت ما اصحي هحكيلكم كل حاچه ماشي يلا جوم خليك مكاني يا سيف ماشي يا حبيبي.
هز سيف راسه بحز. ن وخرج علي طول ناصر من الاوضه.
................بقلم اميره اسامه
في القاهره في النيابه تحديداً
وصل عزام عشان بتحقق معاه بعد ما عز قال أقواله وذكر أسم عزام في التحقيق وحكي لوكيل النيابه كل اللي يعرفه.
دخل عزام وبدأ وكيل النيابه يسأله أسئله عشوائيه وبعد كده بدأ التحقيق.
وكيل النيابه....قولي يا استاذ عزام ايه علاقتك بالمجني عليه.
عزام....علاقتي بيه علي الله يرحمه كان ماسك الشغل بتاعي بقاله فتره كان مشروع سكني كده والمفروض انه بيتعمل علي 3 مراحل أستلمت منه مرحلتين و التالته اللي كانت شغاله دي هي اخر مرحله والمفروض انها كانت خلاص بتخلص عشان كده هو كان عندي اليوم اللي حصل فيه الحا.دثه. هو واتنين من الموظفين معاه قضينا تقريبا اكتر من نص اليوم في الشغل وبعد كده مشي
وكيل النيابه....قولي يا استاذ عزام انت اصلا من قنا؟ يعني بلدياته.
عزام....ايوه بس انا سايب الصعيد بقالي سنين حضرتك انا عندي الوقت 40 سنه سبت قنا وانا عندي 18 سنه نزلت علي القاهره اشتغلت كتير وبعد كده كونت مبلغ وواحد صاحبي قاللي نتشارك في ارض في اسماعيليه وفعلا اشترينا ارض وبعد كده بيعناها بعد حوالي سنه ونص كان سعرها عليي اوي وكسبنا فيها فضلنا نجيب في اراضي ونبيع ونكسب بعد كده بقينا الارض اللي نشتريها منبعهاش كنت بطلعها ادوار وابيعها تمليك حسيت ان البلد وشها حلو عليا وكملت فيها والحمد لله قدرت اعمل فيها شغل وبقي ليا اسم كبير عملت كذا مشروع سكني بنفس الطريقه والمشروع الاخير ده اللي كان علي ماسكه كان اخر مشروع ليا ودي كانت اول مره اتعامل مع علي قابلته صدفه في القاهره اتبسطت اوي خصوصا اني عرفت طبيعه شغله وطبعا كانت معايا الارض بتاعت المشروع فا عرضت عليه ووافق واتفقنا عالسعر اللي هو حدده وبدأنا سلمني أول مرحله علي أكمل وجه في الحقيقه يمكن هو من احسن الناس اللي اتعاملت معاهم سواء في طريقه الشغل او تسليمه في معاده وطبعا انا بدأت أسكن اول مرحله علي طول كان هو اشتغل في التانيه والمرحله التالته كانت هي الاخيره والمرفوض كانت خلاص بتتفنش بس.
وكيل النيابه....يعني مكانش في بينكم اي مشاكل خاصه بالشغل خالص.
عزام...خالص بالعكس علي من الناس المريحه جدا في شغلها واظن ان انا كمان كنت قد الاتفاق واللي كان بيطلبه كان بياخده وعمرنا ما اختلفنا علي فلوس او شغل لاني انا مكنتش بَدخل في شغله اصلا انا مفهمش في حاجه.
وكيل النيابه...امممم بس كلام أستاذ عز شريكه بيقول غير كده
عزام....بأستغراب كلام ايه؟
وكيل النيابه...استاذ عز اثناء التحقيق معاه عرفني اليوم من البدايه كان ماشي ازاي من قبل ما علي يسافر لحد ما وصل وفي مكالمه علي عملها لاستاذ عز وكان صوته مضايق وبلغه فيها انه شد معاك شويه وحصل بينكم مشكله بخصوص الادوار المخالفه.
عزام...بإحراج في الحقيقه ده حصل بس قبل ما احكي لحضرتك علي اللي حصل ده احب الاول اوضح موقفي من الادوار المخالفه دي. اولا انا معروف عني وحضرتك تقدر تسأل بنفسك اني انا راجل بحترم القانون جدا بخا. ف علي شغلي وسمعتي فوق ما تتخيل انا تعبت في اسمي جدا عشان اقدر ابنيه فا مستحيل اعمل حاجه تضر.ني او تض.ر غيري عشان شويه ملاليم بس الفتره اللي فاتت خسرت مبلغ بسبب تهدير في الخامات وغلطات من العمال تتقدر بحوالي 500 الف يعني نص مليون وطبعا انا معروف عني ان بهتم جدا بأساس البناء ودي اكتر حاجه تفرقلي والحقيقه استاذ علي كان عامل في كل المراحل اساس كويس جدا المرحله التالته دي المفروض ان الابراج فيها بين عشر ادوار وبين 12 دور الكلام كله كان علي الابراج اللي هي 10 ادوار طبعا انا اتفاجئت انه عرف الكلام ده في البدايه اتكلم عادي وبعدها بدأ ينفعل ويعلي صوته وبصراحه انا كنان شديت معاه وبالمناسبه انا اصلا معرفش هو عرف ازاي انا مكنتش لسه فاتحته اصلا كل الحكايه ان ده كان كلام بيني وبين شريكي وغالبا حد من العمال سمع النقاش ده وبلغه بيه انا مكنتش قولتله لان زى ما قولت لحضرتك انا راجل بحترم القانون وبخا.ف علي شغلي فا كنت واخد وقت عشان اطمن واحسبها صح واشوف هتنفع ولا لا وبما اني راجل شغال في المجال ده من سنين فا اكيد عندي خبره وخبرتي بتقول ان الاساس اللي اتعمل من البدايه يتحمل البرج انه يكون 12 دور ومع ذلك مكنتش واخد قرار اقوله وننفذ ولا بلاش لقيته متعص.ب وبيتكلم بهجو.م انا عارف انه بيراعي ربنا جدا وشخص بيقدر شغله بس انا كمان مش هضحي بالبرج كله عشان نص مليون جنيه الا لو اصلا انا شايف انه مفيش خطر بس ده كل اللي حصل اتعص.بنا و اتخا.نقنا وبعدها مشي انا اضايقت من هجو.مه قبل ما يسمعني لكن بردو عذرته زي ما انا بخا.ف علي اسمي اكيد هو بيخا.ف علي اسمه.
وكيل النيابه....وراح فين بعد كده؟
عزام...هو المفروض اصلا كان مقضي نص اليوم في الشغل وكان بيطمن علي اخر مرحله قبل ما يسلمها وكان خلص شغل خلاص فا اكيد رجع هو كده كده كان ماشي خلاص.
وكيل النيابه...هو كان فين اصلا وجاي منين؟
عزام....كان وقت راحه وكان بيتغدي هو والبنات هو في العادي لما كان بيجي كان بيتغدي معايا انا والعمال بس قاللي عشان البنات معاه وعشان يبقوا علي راحتهم
وكيل النيابه...يعني يا عزام انت ملكش اي يد في اللي حصل لعلي؟
عزام...بذهول من الا.تهام نعمممم لا طبعا مستحيل اولا المشكله اللي بينا مكانتش تستدعي كل ده ده كان مجرد صوت عالي شويه واعتراض لكن بكل احترام حضرتك لو سألت عني في البلد هتعرف اني عمري ما كان ليا اي مشكله مع اي حد اشتغل معايا من اصغر واحد لاكبر واحد وكل اللي مشكلي مشاريع قبل علي علاقتي بيهم طيبه وخصوصا علي لانه ابن بلدي ودي كانت اول مره يحصل بينا مشا.ده لكن انها توصل للقت.ل مستحيل طبعا معلش انا اسف حضرتك من معلوماتي يعني ان علي واخد تسع طعنا.ت و في بنت واخده طعنت.ين ومعتد.ي عليها وواحده مختفيه تفتكر حضرتك حتي لو انا ممكن اعمل كده هعمل كده عشان اعوض خساره نص مليون جنيه دي حاجه متتعقلش حضرتك والاهم من كل ده أسأل حضرتك عني كويس انا مش بمدح في نفسي بس انا حتي لو اختلفت مع اي شخص مستحيل توصل للقت.ل وبالبشا.عه دي حضرتك تقدر تسأل كل العمال اللي في الموقف عن المشكله اللي حصلت كلها كانت مشاده كلاميه لا فيها لفظ ولا فيها مد ايد احنا اكبر من كده يا افندم والاهم بقي ان بعد ما علي مشي حاولت اهدي شويه و قعدت انا وشريكي مع بعض قدام العمال كلهم متحركتش الحا.دثه حصلت قرب العاشر من رمضان يعني كانوا قربوا يوصلوا تفتكر حضرتك هسافر وراه واعمل كده والعمال مش هيلاحظوا غيابي.
بصله وكيل النيابه بتفهم وبعد ما التحقيق خلص مشي عزام ودخل شريكه ودخل بعض العمال في الموقع والكل اكد نفس الكلام.
....................
عدي كام ساعه العصر اذن ولسه عاليا وناصر نايمين في سابع نومه
وفجأه صحيت عاليا مفز.وعه علي صوت صو.ات و صر.يخ قامت جري فضلت تلف حوالين نفسها بفز.ع ور.عب بتحاول اصلا تركز مع المكان اللي هي فيه و تفتكر اللي حصل ولما ركزت سمعت الصوت جاي من الباب اللي بيودي علي البيت الكبير.
وفجأه سمعت صوت ناصر اللي قدرت تميزه من الكام مره اللي اتكلم فيها.
ومن كلامه وصوته العالي قدرت تعرف ان اللي بيصوتوا دول جايين يجاملوا
ناصر....معايزش اسمع صوت منك ليها اكتموا اي واحده فيكم هتصو.ت هتخرج من البيت مفهوووووم😡
فجأه حست عاليا ان مبقاش في اي صوت لاي مخلوق الكل اتخر.س تماماً عدي حوالي 3 دقايق ولقت حد بيخبط عليها.
نزلت بسرعه تحت فتحت الباب وكان لسه باين عليها الخو.ف اول ما فتحت لاقيته قدامها😳
بشكله اللي كله هيبه لكن كان باين عليه الغض.ب اول ما سمع صو.اتهم علي علي.
بلعت عاليا ريقها بخو.ف وهي بتتنفس بسرعه.
ناصر....انتي كويسه؟
هزت عاليا راسها من غير ولا كلمه بلأ.
اتعص.ب اكتر ناصر 😡😡
ناصر....ماتردي 😡 كل ما اتحدت وياكي تهزي راسك لو مكنتش سمعت صوتك كنت جولت ما هتتكلميش.
عاليا...بر.عب انت بتز.عق ليه انا جيت جمبك.
ناصر....لما اتحدت وياكي تردي ماهحبش انا هز الراس ده.
عاليا...ايوه كويسه في حاجه تاني؟🥺
خد نفس ناصر وحاول يهدي معلهش اني بس اتعص.بت شويه من الصوا.ت وعارف كمان انك اكيد اتفز.عتي فا چيت اشوفك
عاليا...مين بيصو.ت كده؟🥺
ناصر...دي النسوان اللي چابين يعزوا بيچاملوا كيف ما بيجولوا
عاليا....بهدوء تمام
ناصر....چهزي حالك يمشوا الناس اللي چوه وهاچي اخدك اعرفك علي ستي
عاليا....حاضر.
ناصر....انسه عاليا في حاچه لازم نتفج عليها.
عاليا...حاجه ايه؟ هو انا مش عملت اللي انت عايزه لسه في اتفاق تاني.
ناصر...إيوه لسه فيه جعدتك إهنه جدام الناس لازما يكون ليها سبب
عاليا...مش فاهمه.
ناصر....جوليلي انتي كنتي هتشتغلي.
عاليا...ايوه انا بشتغل في شركه تسويق.
ناصر...جدام الناس هنجول انك مهندسه زراعيه وچايه تشتغلي في الارض.
.عاليا...بس انا مفهمش اي حاجه في شغل الارض ده.
ناصر....دي بتاعتي اني بجي عفهمك تعملي ايه ميته ماشي.
هزت عاليا راسها من غير ولا كلمه.
بصلها ناصر بنظره غض.ب.
عاليا....حاضر🥺
ناصر....أچهزي ساعه زمن وهاچي اخدك سلام.
عاليا....اووووووف يارب 🥺
#سجينه_مع_وقف_التنفيذ
#صاحبه_البطل_الواحد
#أميره_اسامه
البارت الخامس..
بعد حوالي ساعه بدأت الناس اللي بتعزي فكريه تمشي و بدأ الشغالين يحضروا الغداء.
طلع ناصر جاب سيف من أوضه علي بعد ما كان رافض ينزل خالص ويكلم اي حد.
اول ما شافته فكريه نازل مع ناصر خدته في حضنه.
فكريه....حبيب جلبي تعال يا ضنايا أجعد إكده يا سيف تخلع جلبي عليك أنت كمان
سيف...بحز.ن بعد الش.ر عنك يا ستي.
ناصر...هيبجي زي الفل متجلجيش عليه سيف راچل من صلب راچل.
فكريه...ربنا يخليكم ليا وما يوچت جلبي عليكم أبداً
ناصر...خلينا في المهم الوجت سيف هيبجي بخير
فكريه...جول يا ضنايا .
ناصر...اني جولتلكم اني معاي ضيفه هتجعد معانا شوي لحد ما الحجيجه تظهر وأچيب حج علي.
فكريه...ضيفه مين دي ياولدي؟
ومالها ومال الحجيجه.
سيف....مين دي يا ناصر وتعرف ايه عن الحا.دثه.
ناصر...دي تبجي بنت خاله ضحي اللي إنجت.لت وتبجي أختها اللي ملاجينهاش.
سيف...ايوه ودي جايه ليه وتعرف ايه؟
ناصر....هتفضل عندينا لحد ما اختها تظهر الحكومه ملاجياش أختها لا حيه ولا ميته وادام ملهاش أثر ومحدش بلغ انهم لجيوا چتتها تبجي عايشه وأدام عايشه و مختفيه حاچه من الاتنين تبجي هربا.نه عشان لها يد في اللي حوصل أو خا.يفه تنطج وتجول علي اللي شافته وطول ما اختها موچوده إهنه معايا أكيد هتظهر مش معجول تسيب أختها إهنه.
سيف....مش فاهم انت خط.فتها يا ناصر؟😳
ضر.بت فكريه علي صدرها يا مري خط.فتها يا ناصر ؟
ناصر...بغض.ب لاه مخط.فتهاش هي چات برضاها.
فكريه...كيف يعني چات برضاها كيف تيچي معاك وتهمل أختها من غير ما تدور عليها.
ناصر....عشان لو مكانتش جات بالذوج هي عارفه اني مكنتش هسمي علي أختها.
فكريه....يعني هدد.تها يا ناصر يعني خا.فت تأ.ذي اختها فا وافجت يعني چايه غصبا.نيه خو.ف منيك.
سيف....لا يا ناصر أنا مش معاك اللي عملته مش صح مينفعش أبداً انا عايز حق علي انهارده قبل بكرا لكن مش كده يا اخويا انت كده هتودي نفسك في داهيه
ناصر بغض.ب وصوت عالي اللي عملته صح وأى واحد في موطرحي كان عمل كيف ما اني عملت أختها هي الشاهده الوحيده ولو فضلت هربا.نه من الخلج كلاتها ما هتهربش من اختها أكيد هتشوفها هتكلمها ووچود أختها معانا إهنه هو فرصتنا ويا تظهر چتتها يا تظهر هي وتجول مين اللي عملها او تفضل هربا.نه وتبجي جدامي هي شريكه اللي عملها.
فكريه....أيه اللي چرالك يا ناصر هتفكر كيف يا ولدي مايمكن البت مخطو.فه وفي ضيجه.
ناصر...بغض.ب انتي هتجولي كيف ما أختها بتجول يا ستي انتي معايا ولا معاها😡
فكريه...اني مع الحج يا ولدي إعجلها يا ناصر البت هتتفج علي بت خالتها وتضيع شر.فها ليه؟
ناصر....مايمكن واني إيش دراني باللي بيناتهم.
سيف....ناصر انا روحت لعلي كتير وشوفت البنات دي بنفسي شكلهم محترمين وبيحبوا بعض جدا اللي بتفكر فيه ده مستحيل.
ناصر....تظهر ووجتها نشوف مستحيل ولا لاه لكن طول ماهي هربا.نه إكده أختها هتفضل عندي كيف المسچونه وسچنها مؤقت وبرائتها في يد أختها.
فكريه...بحز.ن من ميته وانت ظا.لم يا ناصر من ميته وانت بتتعدي علي حرمه يا ابني ما تخليش و.چعك علي أخوك يعميك يا ضنايا.
ناصر...اني متعدتش عليها يا ستي ولا لمستها .
فكريه...بغض.ب بس چبتها غص.ب عنيها وافجت خو.ف منيك يا ولدي انت جولت بت خالتها ماتت كيف علي ومش بس إكده اللي جتلها ن.هش في عرضها وأمها الغلبانه متحملتش وماتت لما شافت جتت بتها في المشر.حه واختها ملهاش آثر يعني البت فيها اللي مكفيها يا ولدي حرام يا ناصر دول بيجولوا الضر.ب في الميت حرام يا ولدي تعرف هي حاسه بأيه فيها ايه.
سيف....ناصر ستي معاها حق اللي أعرفه ان البنات عايشين مع خالتهم وفي لحظه كلهم راحوا وبقت لوحدها ملهاش أي حد نيجي احنا و ندوس عليها زياده هي كمان ليها حق يا ناصر حق بنت خالتها وحق خالتها وحق اختها اللي هي متعرفش عنها اي حاجه وخليني معاك يا ناصر لو اختها اللي ورا كل ده هي ذ.نبها ايه.
ناصر...بغض.ب ذ.نبها انها أختها ذ.نبها ان ظهور أختها متوجفش عليه حج علي
فكريه....يا ناصر يا ولدي فكر زين يا ضنايا اني خابره اللي چواك واللي انت حاسس بيه.
ناصر ..بو.جع اني مفيش حد حاسس بيا وكمل بصوت غا.ضب اني طول الوجت واجف صالب طولي مطلوب مني أبجي ضهر لكل اللي حواليا مطلوب مني متو.چعش عشان أخفف الو.چع عن اللي حواليا مطلوب مني مجعش عشان ورايا ناس مسنوده عليا مطلوب مني متعبش عشان لو رجدت الكل هيبجي معارفش راسه من رچليه اني د.م ولحم يا ستي طول عمري بجدم بيدي الخير طول عمري بخا.ف ربنا وبخا.ف ظ.لم الناس طول عمري بحكم بالعدل طول عمري اللي في يدي مش ليا طول عمري حارم روحي من كل حاچه عشان غيري وكمل بصوت أعلي
علي وسيف هما الحاچه الوحيده في الدنيا اللي رصيدي الحلو في الدنيا اللي معايزش غيره واصل
ليه الدنيا أستكترت حد فيهم عليا
ليه ينغد.ر بحد فيهم من غير أي ذ.نب.
نزلت دموع سيف و فكريه علي حاله ناصر 💔
ناصر.....اني مستعد أتنازل عن أي حاچه في الدنيا مستعد أتنازل عن اي آذ.يه ليا لكن لحد علي وسيف ماهتنازلش والنا.ر اللي چوايا ماهتنطفيش غير لو حج علي رچع وإلا نا.ري هتطول الكل مفهوم اني معايزش أي حد يفتح معاي الموضوع ده تاني واصل اختها هتفضل عندي وتحت عيني لحد ما تظهر أو اختها ما هتشوفش نور أبداً😡😡😡😡😡
خرج ناصر بغض.ب راح علي عاليا اللي كانت واقفه تسمع الكلام من الباب الفاصل بينهم بسبب صوتهم العالي وهي بتترجف.🥺
.................
فكريه....هتودي روحك في داهيه يا ناصر وبعدين يا سيف.
مسح سيف دموعه... سيبيه الوقت يا ستي انتي عارفه ناصر طيب الله يكون في عونه علي كان ابنه مش بس اخوه نظره الفخر و الفرحه اللي كانت بتبقي في عينه لما يشوف علي مش هينه عليه ابداً علي و.جعنا كلنا يا ستي وناصر مش هيرتاح غير لما يجيب حقه ولو علي البنت اكيد عمره ما هيأذ.يها ولما يهدي انا هتكلم معاه تاني.
فكريه...جيب العواجب سليمه يارب🥺🥺
............
خرج ناصر بكل غض.ب راح علي عاليا.
اما عند عاليا.
كانت بتحاول تسيطر علي دموعها
عاليا....انا لا يمكن اقعد هنا لحظه واحده يارب خليك معايا انا مليش حد غيرك💔 سبتوني ليه 🥺ليه يارب ماخدتنيش معاهم ليه سبتني اتبهد.ل بالشكل ده يارب انا عمري ما اذ.يت اي حد عمرنا ما عملنا ذ.نب يستاهل كل اللي حصل فينا ده كفايه يارب ارجوك انا مش قادره أستحمل🥺🥺💔💔💔
في اللحظه دي الباب خبط بعن.ف
حست عاليا برعشه في جسمها وخو.ف وفضلت واقفه في مكانها
فضل علي يخبط بعن.ف اكتر وخا.ف تكون هر.بت بمجرد ما الفكره جات في راسه فضل يخبط وهو بي.زعق بغض.ب.
ناصر.. افتحي الباب ده😡
نزلت عاليا بسرعه بر.عب تفتح الباب قبل ما يكس.ره ويدخل يقت.لها.
اول ما فتحت دخل ناصر بغض.ب وهي بترجع لورا.
ناصر...ماهتفتحيش الباب ليه😡😡 ايه كانت هتكلمك
هزت عاليا راسها بلأ🥺
ناصر...بغض.ب رديييييي
عاليا...بدموع محدش كان بيكلمني والله أبوس ايدك ارحمني وسبني في حالي انا معملتش حاجه واختي معملتش حاجه لده كله إحنا لسه منعرفش هي حصلها ايه حرام عليك بتستقوي علينا ليه مش كفايه اللي حصلنا.
ناصر....اللي حصلكم لوحدكم ؟ اللي حصل ده كلاته أختك وراه.
عاليا...حرام عليك أسكت بقي كفايه موتني وخلصني خليني ارتاح من الو.جع اللي انا حاسه بيه
ناصر...هموتك لو اختك مظهرتش انتي فاهمه هموتك😡
حست عاليا ان جسمها كله بيتنفض وحالتها بدأت تسوء قدامه وفضلت ترجع لورا.
عاليا...انا معملتش حاجه انا معملتش حاجه سبني ارجوك حرام عليك
فاق ناصر من نوبه غض.به علي منظرها وحس انه ر.عبها بما فيه الكفايه أشفق عليها وفضل يجلد في نفسه .
خد ناصر نفس طويل يحاول يهدي نفسه.. اهدي اهدي خلاص
اني مش.هأذ.يكي صدجينى💔 اني مش كيف ما انتي شيفاني اني بس جلبي بيتجط.ع ومحدش حاسس بيا.
بقلم اميره اسامه
عاليا....بدموع وق.هر🥺💔
وانت حاسس بمين عشان حد يحس بيك انت تعرف انا جوايا ايه خلاص الدنيا قفلت في وشك ومبقاش فيها غيري انا عشان تستقوي عليه حرام عليك ده انا جيت معاك بأيرادتي جيت معاك وانا مستسلمه لاني معنديش اي حق في الاعتراض لا قادره ادافع علي اختي اللي انا واثقه انها ملهاش ذ.نب في اي حاجه ولا انا مطمنه عليها وفي الاخر عايز تخليني مسجونه عندك مع وقف التنفيذ اختي تظهر يتفك أسري مظهرتش يبقي هفضل مسجونه ليك او تقت.لني💔🥺 ليه انا عملتلك ايه انا مكنتش اعرفك ولا حتي اعرف اخوك🥺
ناصر...بحز.ن اني عمري ما استجويت علي حرمه ومين جال اني هجتلك.
عاليا...انا سمعتك بودني من الباب فوق وانت بتقول كده🥺💔
ناصر....صدجيني مش هأذ.يكي واعتبري اللي سمعتيه كلمتين وجت غض.ب متخا.فيش محدش هيتعرضلك صدجيني.
فضلت عاليا واقفه تعيط وهو واقف قدامها بعد وقت بسيط هديت ومسحت دموعها.
ناصر...أحسن دلوجت .
هزت عاليا راسها في صمت.
ناصر....طيب تعالي يلا اعرفك علي چدتي وعلي سيف اخوي وابن عمي وكمان عشان نتغدوا سوا.
وقفت عاليا وبان عليها الخو.ف.
ناصر...متخا.فيش صدجيني ستي طيبه و هتحبيها يلا تعالي.
خرجت عاليا وراه بهدوء لكن من جواها مرعو.به متعرفش ايه اللي مستنيها رغم انها سمعت كلام فكريه وسيف ودفاعهم عنها إلا انها متعرفهمش ولا تعرف عقلياتهم والاهم انها مش قادره تدي لناصر الامان في لحظه غض.به يمكن عارفه ان اللي بيعمله ده كله من و.جعه علي موت علي لكن كمان هي مش ضامنه غض.به اللي ممكن يطولها في اي وقت.
..........
وصل ناصر بيها جوه البيت الكبير
كانت سته قاعده هي وسيف مستنينهم والغدا اتحضر.
دخل ناصر وهي وراه بخطوات بطيئه جدا وكأنها داخله أوضه الاعد.ام.
أول ما فكريه شافتها هي وسيف
حسوا انهم شافوا ملاك داخل عليهم لكن حز.نوا علي هيئتها وخو.فها اللي واضح وضوح الشمس علي وشها.
ناصر....دي آنسه عاليا يا ستي
بص لعاليا دي چدتي وده سيف ابن عمي واخوي الصغير.
هزت عاليا راسها ليهم في صمت.
فكريه...بحز.ن تعالي يابتي تعالي يا حبيبتي اجعدي.
قربت منها عاليا ومن جواها في صوت را.عبها وبيقولها انها اول ما هتقرب منها هتمسك في رقبتها وكلهم هيتلموا عليها يموتوها فضلت واقفه ورعشه جسمها واضحه.
ناصر...جربي متخا.فيش.
فكريه....بحز.ن جربي يا بتي متخا.فيش مفيش حد يجدر يجربلك تعالي يا بتي تعالي
مدتلها ايدها قربت منها عاليا بخو.ف وقعدت جمبها.
مسكت فكريه ايدها بطيبه
فكريه....متخا.فيش يابتي بصت لناصر بتأنيب ورجعت بصت لعاليا محدش يجدر يجرب منيكي إهنه إعتبري حالك في بيتك واعتبريني اني كيف چدتك ولو علي ناصر متخا.فيش منيه ناصر مفيش في طيبه جلبه.
بصتله عاليا بسخريه رغم خو.فها منه.
فكريه...البجيه في حياتك يابتي
بلعت عاليا ريقها بتوتر شكراً
فكريه...يلا الوكل چاهز شكلك مدوجتيش الزاد وشك أصفر وبهتان يلا عشان يبجي عيش وملح.
راحوا كلهم عالسفره قعد ناصر علي راس التربيزه وسيف جمبه علي اليمين وعلي الشمال فكريه وطبعاً عاليا قعدت جمب فكريه حست بطيبتها وأطمنتلها شويه
بدأوا ياكلوا في صمت مريب
عاليا كانت باصه في طبقها بخو.ف من غير أي أكل.
فكريه....ايه يا بتي معاچبكيش الوكل ولا ايه لو معاچبكيش جولي بتحبي تاكلي ايه وأجول للشغالين يعملولك اللي تحبيه.
حاولت عاليا تجيب صوتها اللي راح من توترها...احممم لا خالص بس انا شبعانه والله.
ناصر...كلي.
كلمه ونظره واحده كانت كفيله تخليها تبص في طبقها وترفع معلقتها بخو.ف 🥺
بصله سيف بتأنيب لكن تجاهله ناصر.
ناصر....سيف أعمل حسابك بعد الغداء هتخرج معاي عشان هند.بحوا اني عرفت مرعي والرچاله بره يچهزوا العچول.
سيف....هتد.بح الوقت يا ناصر احنا في ايه ولا ايه؟
بصله ناصر...ايه يا سيف هنحز.نوا الناس علي عاده أتعودوا عليها وبيعملوا حسابهم عليها عشان أحنا عندينا ميت؟ أعتبرها علي روح علي إنهارده الوجفه وبكرا اول يوم رمضان خابر ده زين ولا حز.نك نساك يا أخوي. الناس ملهاش ذنب ويا بخت من دخل الفرحه علي جلب مسلم.
فكريه...ناصر عنديه حج يا سيف دي عاده في رمضان الناس بتستني الدبا.يح وانت خابر أي حاچه تساعد علي المعيشه هتفرح الناس الغلابه.
سيف....اللي تشوفه صح يا ستي أعملوا انا مقصدش طبعاً
فكريه...خابره يا ولدي انك متجصدش.
ناصر ...متنسيش الشنط اللي هتتوزع يا ستي بعد الغدا علي طول خلي الشغاليين يچهزوها معاكي وأتوكدي بروحك ان كل شنطه كيف التانيه عشان كل واحد ياخد شنطه مع اللحمه.
فكريه...متشيلش هم يا ابني ربنا يسعدك يا ناصر ويديك علي كد نيتك كملت بنبره حز.ن ويچعلها في ميزان حسانتك يا علي 💔🥺
عاليا...كانت قاعده ساكته بتسمع حوارهم في صمت.
بعد وقت بسيط خلصوا غداء.
ناصر....يلا ياسيف تعال معايا عشان نلحجوا نخلص الدبا.يح وانتي يا ستي أستعچلي في تچهيز الشنط.
فكريه...متشيلش هم يا ولدي
عاليا...بخو.ف احممم هو انا ممكن امشي.
ناصر...بحده تمشي علي فين😡
عاليا...اقصد المكان اللي انا قاعده فيه🥺
فكريه...براحتك يا بتي البيت بيتك اجعدي ريحي في مطرحك كيف ما تحبي بس لو ماهتناميش خليكي معايا إهنه.
عاليا....معلش انا تعبانه ومصد.عه ومنمتش كويس محتاجه أنام.
فكريه...علي راحتك يا بنتي كيف ما تحبي البيت بيتك بس لو حسيتي اي وجت انك زهجانه أفتحي الباب وتعالي اني علي طول جاعده لحالي كيف ما چيتي لاجيتيني .
أبتسمت عاليا إبتسامه مجامله
شكراً لحضرتك بعد أذنك.
خرج ناصر وسيف وهي وراهم واول ما نزلت الكام سلمه لفت من جمب ناصر بسرعه راحت علي المضيفه.
سيف....ناصر خف عليها شويه البت شكلها ميت في جلدها من الر.عب دي مش قدك يا اخويا
ناصر...واني چيت چمبها يا سيف.
سيف...انت مش شايف روحك يا ناصر ده انت بس قولتلها كلي حطت وشها ف الطبق مطلعتهوش تاني.
ناصر...بجول ايه بلا حديت ماسخ يلا ورانا شغل كتير خليني اخلص.
سيف....بتنهيده يلا.
بصله ناصر...بجولك ايه؟
سيف....نعم.
ناصر...عز كلمك جالك أى حاچه عن التحجيج.
سيف....اتصل بس مردتش عليه
ناصر...ومردتش ليه؟
سيف....بحز.ن مليش دماغ لأي كلام يا ناصر عارف انه هيتصل يطمن بس معرفش انه هيقو....
قاطعه ناصر يطمن ايه اني جايله يبلغنا باللي هيحصل في التحجيج أول بأول واني من وجت ما چيت نمت.
سيف...معرفش والله انا الوقت ابقي اكلمه.
ناصر....لاه اني هكلمه تعال نروح للرچاله الاول عشان يبدأوا.
سيف....يلا.
.............. بقلم اميره اسامه
دخلت عاليا علي المضيفه سمعت صوت موبايلها بيرن فضلت تتلفت زي المجنو. نه وبسرعه طلعت علي الاوضه فوق تشوفه أفتكرت انه جوه شنطتها.
جريت بسرعه فتحت الشنطه وطلعت الموبايل لمحت رقم جارتهم ردت بسرعه يمكن عندها اخبار.
عاليا....الوووو
سحر...ايوه ياعاليا انتي فين يا بنتي انتي كويسه؟
عاليا....ايوه يا طنط انا بخير الحمد لله انا بس مش قادره أفضل في البيت وانا مش عارفه اي حاجه عن ريم سافرت ادور عليها بنفسي.
سحر...سافرتي فين يا بنتي وهتدوري عليها لوحدك ازاي ماهي الشرطه مش ساكته.
عاليا...بدموع روحت اشوفها في اسماعيليه بدور في اي مكان هناك بسأل في المستشفيات انا مش هفضل مستنيه الشرطه وحاطه ايدي علي خدي انا خا.يفه عليها.
سحر...بحز.ن ايوه ياعاليا بس مش هينفع تكوني لوحدك يا بنتي.
عاليا...اطمني يا طنط انا بخير والله وبعدين انا اصلا مش قادره اقعد في البيت لوحدي مش هقدر افضل وانا مش عارفه حاجه عن اختي هدور عليها في كل مكان هروح لكل حد ممكن نكون نعرفه مش هرتاح غير لما الاقي اختي المهم يا طنط سحر لو في اي اخبار عنها او لو رجعت عرفيني علي طول.
سحر...اطمني يا بنتي ربنا معاكي ان شاء الله لو احتاجتي اي حاجه كلميني اي وقت وخلي بالك من نفسك يا عاليا عشان خاطري ولما اكلمك يا عاليا اي وقت ردي عليا متقلقنيش يا بنتي.
عاليا...بدموع حاضر يا طنط شكرا جدا.
سحر...علي ايه بس يا عاليا انتي زي بنتي يا حبيبتي ربنا يسترها معاكي ويبعد عنك ولاد الحرام ويوقف في طريقك ولاد الحلال ويطمن قلبك وقلبنا علي ريم.
فضلت عاليا تعيط بعد دعوتها.
عاليا...ادعيلي كتير والنبي يا طنط سحر انا محتاجه حد يدعيلي اوي.
سحر...بحز.ن ودموع بدعيلك يا حبيبتي ربنا معاكي ويعوض و.جعك خير يارب.
عاليا...يارب هكلمك تاني اكيد
سحر...ماشي يا حبيبتي يلا في حفظ الله.
عاليا...مع السلامه🥺🥺🥺
قفلت عاليا معاها وفضلت تعيط ولقت نفسها بتمسك الموبايل تتصل علي ريم و لاقيته كالعاده مقفول.
فتحت الواتساب وسجلتلها وهي منهاره💔
عاليا....انا عارفه انك عايشه عارفه انك مموتيش ياريم بس اللي مش عرفاه فيكي ايه كويسه ولا لا عارفه انك في محنه كبيره اوي بس انا مش عارفه اعمل حاجه ليكي حاسه اني بدور عليكي في عالم كبير اوي لاول مره احس اني عاجزه عن مساعدتك لاول مره احس اني مش عارفه اقوم بدور اختك الكبيره او امك زي ما كنتي بتقولي انا مش عارفه اعمل حاجه ياريم مش عارفه ابدأ منين حاسه اني متقيده كان نفسي يكون حد جمبي ويهديني عشان اعرف اركز واقدر افكر امسك الخيط منين بس دماغي متلغبطه كل حاجه داخله في بعضها جوايا تشتيت وضياع ربنا واحده اللي عالم بيه ابوس ايدك ارجعيلي ياريم لاول مره احس اني خا.يفه لاول مره احس ان انا اللي محتجالك تاخديني في حضنك مش انا اللي اخدك في حضني.
وحشتيني اوي يا ريم بس انا هلاقيكي وهترجعيلي ومش هيكون فيكي اي حاجه انا واثقه في ربنا انو مش هيوجعني اكتر من كده.💔 في امان الله وحمايته وحفظه يا قلب اختك
🥺🥺🥺💔
قفلت عاليا التسجيل ونامت زي ما هي عالسرير وهي متكومه علي بعضها.💔
............
اما في الخارج الكل شغال علي قدم وساق الرجاله كلها بتد.بح الدبا.يح والناس واقفه كتير بره القصر.
ناصر....مرعي أفتح البوابه للناس دي.
مرعي....هيروحوا فين بس مش لما ند.بحوا
ناصر...يجعدوا في الچنبنه مهياش حلوه يفضلوا واجفين إكده دخل الناس تجعد چوه حرام وجفتهم دي هما هيشحتوا خليهم يفرحوا
مرعي...بحب ربنا يفرح جلبك يا طيب يا ابن الاصول.
فتح مرعي الباب للناس ودخلهم في الجنينه.
اما في الداخل كانت فكريه بتشرف علي تجهيز شنط رمضان مع الشغالين.
والقصر كله كان زحمه ناس رايحه وناس جايه.
..........
اما عند عاليا الشويه اللي غفلت فيهم وهي معيطه خلوها تشوف كا.بوس وحش قامت مفزو.عه من نومها وخا.يفه نزلت بسرعه علي تحت كانت مرعو.به وحاسه انها بتت.خنق جوه المضيفه والزهق والتفكير هيموتها فتحت الباب بهدوء بصت شمال ويمين مكانش في اي حد لان المضيفه في ضهر البيت بعيده عن البوابه فتحت براحه وقعدت علي عتبه الباب تبص للزرع ومتونسه بصوت الناس بره سندت ضهرها علي حرف الباب وفضلت باصه للزرع
..............
بعد حوالي نص ساعه.
ناصر....ماشي يا استاذ عز خليك بس انت متابع واني ممكن بكره اكون عنديك او بعده بالكتير يلا مع السلامه.
سيف....خير يا ناصر ايه اللي حصل.
حكاله ناصر عاللي حصل في التحقيق مع عزام.
سيف...يعني ايه انا مش فاهم.
ناصر....من حديته باين انه مش هو اني اعرف عزام وعيلته زين عيلته ناس محترمه وفي حالهم وعزام من يومه وهو بعيد عن الصعيد من الاساس يمكن معرفش عنه كتير ولا اعرف بيفكر كيف او اخلاجه كيف بس كمان لما افكر مع روحي أجول ليه يعمل إكده مش عارف راسي هتنفچر من التفكير.
سيف....يمكن معاك حق بس مين ممكن يعمل كده علي ملهوش اي أعداء خالص في شغله ويمكن خنا.قته مع عزام دي مش هقولك اول مره تحصل بس علي واجهه مشاكل من النوع ده كتير في شغله اللي اقصد اقوله انها مش مشكله كبيره تخلص بالقت.ل والمشكله نفسها اتكررت و اكتر من كده مع ناس تانيه بس كانت بتخلص عادي سوء تفاهم وراح لحاله وبعدين علي مشتكلش قبل كده من عزام في الشغل بالعكس كان بيحاسب علي اول بأول وعلي بنفسه كان بيقول انه مظبط العمال والعمال مرتاحين في الشغل معاه عشان كده بينجزوا في شغلهم انا دماغي انا كمان لفت اوقات اقول قطاع طرق واوقات اقول يمكن مجرد شباب قابلوهم عالطريق وكانوا شاربين
مش عارف
ناصر...قطاع الطرج يا سيف هيوجفوهم وينفضوا چيوبهم ويخفوا في ثانيه من جدامهم ماهيأ.ذوش حد ولو هنجول علي أتصدرلهم واتعارك معاهم طيب البت اللي أغتصبو.ها دي لا لا جطاع الطرج ما هيعتدوش علي الحريم.
سيف....يبقي مفيش غير انهم شويه شباب شاربين وده ممكن يطلع منهم عادي ولا انت شايف ايه.
ناصر...بتفكير ولا دي كمان يا سيف حاسس ان الحكايه أوعر من إكده.
سيف...مش فاهم؟ تقصد ايه؟
ناصر....بجول ايه أنت واثج في عز ده؟
سيف...بذهول😳 عز لا يا ناصر انت بتقول ايه بس عز ده جدع اوي من اول ما نزلت مصر انا وعلي وهو شغال مع علي وديما شايله علي كتافه وعمره ما أشتكي لا لا عز ده محترم علي كان بيحبه وبيثق فيه جدا والشهاده لله انا عمري ما شوفت منه اى حاجه وحشه.
ناصر...معرفش بجي اني دماغي هتطرشج بجيت شاكك في كل الناس حاسس ان اللي عملها جريب منينا جريب من تفكيرنا ما هيخرجش عن الدايره دي واصل
سيف...ويمكن زي ما قولتلك شويه شباب شاربه.
ناصر....اني لو جدرت انزل بكره مصر هروح بس اني مش عايز اسيبك انت وستك اول يوم خصوصا ستك عارف انها هتبجي تعبانه ممكن بعد بكرا .
سيف...خليها بعد بكرا انا كمان هنزل القاهره الشغل واقف لازم اتابعه هو وشغل علي ولازم حد فينا يكون موجود بأستمرار هناك
وبعدين عشان لو حد سأل علي البت اللي انت جايبها دي وملاقيهاش ميشكش فينا لازم حد يبقي متبع اول بأول.
ناصر....خير يلا خلينا بس نروح نكملوا النهار بيروح منينا عايزين نلحجوا نصلوا التراويح.
سيف...يلا بينا.
....................
ناصر الله ينور يا رچاله يلا يا مرعي شد حيلك وكيس اللحمه ورانا اول بأول ووزع عالناس خليهم يشوفوا حالهم
مرعي....متجلجش يا كبير كله تمام فاضل بس ند.بحوا اخر عچلين.
ناصر...يلا اني چاهز
قربوا منه الدبا.يح وبسرعه كان ناصر مخلص شغله ود.بح العجول.
مرعي...اني هروح اچيب من الاوضه اللي ورا سلبه تانيه نرفعوا بيها العچل التاني عشان نلحجوا نخلصوهم مع بعض.
أفتكر ناصر عاليا انها وراء
ناصر...خليك يا مرعي ومن إهنه ورايح معايش حد يروح في اليامه اللي وراء دي خالص وتنبه عالغفر كلاتهم.
مرعي...أمرك يا أبني.
ناصر...ادخل يا سيف شوف لو ستك چهزوا شنط خرچوها ووزعوا للناس احسن ياخدوا اللحمه بس ويمشوا.
سيف....حاضر يا ناصر.
...........
مشي ناصر علي الاوضه الصغيره اللي فيها العده اللي بيحتاجوها في الد.بح كان لابس بنطلون أبيض وعليه تيشرت أبيض من غير جلابيه ولا عمه ولا أي حاجه من مظهره اللي دايماً محتفظ بيه قلعهم علي الكرسي بره بعد ما خرج من وقت الغداء و بدأ مع الرجاله في الد.بح وكانت هدومه كلها د.م.
قرب من المضيفه لمح عاليا سانده علي حرف الباب ومدياله ضهرها وباين انها سرحانه.
ناصر....جاعده ليه إكده انتي بخير؟
لفت عاليا علي صوته اللي حفظته لكن بمجرد ما شافته وقفت كأن قرصها عقر.ب وهي بتصر.خ🙈🙈
قرب منها ناصر بسرعه واول ما لمحته بيقرب جريت علي جوه.
ناصر...متخا.فيش اهدي في ايه.
عاليا...بدموع انت عملت ايه انت قت.لت مين🥺
ناصر...😳😳جتلت مين ايه أتخبلتي في عجلك إياك اني كنت بد.بح مسمعتيناش إياك وأحنا هنجول ورانا دبا.يح.
أتنفست عاليا براحه بمجرد ما أفتكرت وحطت ايدها علي وشها وقعدت عالكرسي وهي بتعيط بصوت مسموع🥺
عاليا...حرام عليك وقعت قلبي
ناصر...اني اسف معرفش إنك جاعده عالباب إكده وبعدين مچاش في بالي انك هتخا.في من شكلي إكده خصوصا إنك عارفه اننا بند.بحوا بره.
شالت عاليا أيدها من علي وشها
انا عارفه بس لما شوفتك بمنظر الد.م ده دماغي وقفت و اتخضيت لما شوفت الد.م علي هدومك وايدك🥺💔
ناصر...بأبتسامه سخريه لاه متخا.فيش جوي إكده وبعدين ده مش منظر واحد جا.تل ده منظر واحد مجتو.ل مشيفاش الد.م مخرجني أزاي إكده هبجي واخد الجت.يل بالحضن مش بس جا.تله.
ابتسمت عاليا وهي بتمسح دموعها علي كلامه عندك حق انا واضح ان اعصابي تعبانه.
ناصر...كلنا تعبانين يا انسه عاليا بس جوليلي هتچيبي البكا ده كله منين؟
عاليا...بسخريه ايه هتحسدني علي الحاجه الوحيده اللي املكها.
ناصر....لاه مهحسدكيش ولا حاچه بس مستغربك من يوم ما شوفتك وتجريباً دموعك ما هتجفش.
عاليا....عادي بقي. هو انت كنت عايز حاجه.
حط ناصر ايده علي راسه....وه إيوه كنت رايح أچيب حاچه من الاوضه اللي وراه.
شال ناصر ايده من علي راسه.
ابتسمت عاليا غص.ب عنها.
ناصر...🤨 في ايه هتضحكي ليه وغريبه يعني أنك بتبتسمي .
عاليا...اصل وشك كله باظ من ايدك.
ناصر...مسح ناصر وشه بحرف كتفه في التيشرت 🤨 جوليلي.
عاليا...نعم
ناصر..ايه اللي مجعدك عالباب ٱكده.
عاليا...بإحراج بصت في الارض وهي ماسكه ايدها في بعضها😔
ناصر..في ايه حوصل حاچه.
عاليا...لا بس اصل انا..
ناصر...انتي ايه اتكلمي.
عاليا...انا خا.يفه🥺
ناصر..بأستغراب خا.يفه من ايه عاد؟
عاليا...انا بس عيني راحت في النوم شويه وشوفت كا.بوس و.حش نزلت جري من فوق ولقيت نفسي بفتح الباب ولما سمعت في صوت بره اطمنت فا قعدت بره زي ما شوفتني.
ناصر...بأبتسامه بسيطه معليش ابجي شغلي القرآن في التلافزيون چمبك ومتخا. فيش المضيفه دي زينه چدي الله يرحمه كان ديماً جاعد فيها ومكانش يحلاله جرايه المصحف والصلاه غير فيها انتي بس شغلي قرآن ولما تنامي نامي علي وضوء ماهاتشوفيش كوا.بيس تاني.
هزت عاليا راسها.
ناصر...وبعدين لو حابه تروحي هناك روحي أجعدي مع ستي والحريم.
عاليا...بإحراج لا بلاش انا هنا تمام.
ناصر...كيف ما تحبي بس لو حسيتي بأي زهج في اي وجت أفتحي الباب وروحي وعلي فكره اني نبهت علي مرعي يجول بين الناس ان في مهندسه زراعيه وصلت البلد عشان تشوف شغل الارض و لو حد شافك تكوني علي راحتك.
عاليا...ماشي.
ناصر...اني هروح أكمل شغل بعد ما نخلصوا شغلنا ونصلوا التراويح
هنبجوا نتسحروا مع بعض ماشي.
عاليا...بحز.ن أفتكرت خالتها وضحي وريم🥺💔
لا شكراً مش عايزه
ناصر...مش عايزه كيف ايه ماهتصوميش إياك.
عاليا...صدقني مش عايزه.
ناصر...مفيش الحديت ده بيت المنشاويه كل اللي جاعدين فيه بياكلوا مع بعض في نفس الوجت بكرا اول يوم صيام مهتجدريش تصومي من غير وكل هاچي أچيبك بعد ما نخلصوا مفهوم.
أبتسمت عاليا أبتسامه بسيطه مفهوم.
أبتسم ناصر بهدوء وسابها وخرج علي طول.
فضلت عاليا واقفه في مكانها باصه علي شبحه اللي خرج وكأنها كانت واقفه مع حد غيره حد مختلف لا هي عارفه هو طيب ولا شر.ير ظا.لم ولا مظ.لوم قوي ولا ضعيف.. والاهم شكله المختلف تماما من غير جلابيه.
خرجت تاني بخطوات بطيئه وراحت قعدت تاني عالباب
في الوقت ده لمحته خارج من الاوضه وعدي عليها تاني وهي بتقعد.
ناصر...🤨ايه كا.بوس تاني ولا ايه.
ابتسمت عاليا غص.ب عنها علي طريقته.
ورجع ناصر تاني للرجاله.
مجمع الروايات الكامله من هنا
إللي عاوز يوصله اشعار بتكملة الروايه يعمل إنضمام من هنا
