جميع الروايات كامله

رواية دحيحة الدفعة والمعاق الفصل قبل الأخير والاخير بقلم يارا عبد السلام

رواية دحيحة الدفعة والمعاق الفصل قبل الأخير والاخير بقلم يارا عبد السلام

قبل الاخير

سما خرجت من المستشفى وجريت وهى بتعدي الناحيه التانيه وفجأه جت عربيه وخبطتها وقعت ودماغها اتخبطت جامد على الأرض والناس اتلمت عليها وخدوها دخلوها المستشفى...

ودخلوها على العمليات على طول ووكشفوا عن هويتها وجابو رقم والدها واتصلوا بيه يجي..

اللى خبطتها بالعربيه كان واقفه بتوتر :أنا مش عارفه طلعتلى منين يارب تكون كويسه يارب...

عند مراد كان قاعد قدام عبدالله اللي كان بيبكى بحرقه على اللى وصل ليه ووصل بنته ليه وكمية الأذى اللى عملها في حياته ..

مراد:هيفيد بأيه عياطك دا وانت كاسر قلوب ناس وسبب في موت ناس تانيه وكنت سبب في أذية ناس كتير انت واللى زيك مفكرين ان الدنيا ليكو لوحدكوا ومفكرين أن كل حاجه هاخدوها بالدراع ومش عاملين حساب للناس اللي انتو مسئولين عنها ولا حساب لنفسكوا ولا حتى حساب لربنا..

متعرفش أن كما تدين تدان ولو بعد حين ..

انت اذتنى واذيت بنتك وكنت سبب في موت مراتك بحسرتها على حالها وعليك خلتها تلجأ للغريب وانت موجود وخليت بنتك تعيش يتيمه رغم وجودك ورغم انك عايش وخلتها تعانى في حياتها كتير واليوم اللي كان بالنسبه ليها فرحه رحت بوظتهولها وكنت عاوز تقتلها بتحريض من واحده متعرفهاش وحتى مكلفتش نفسك تعرف مين دي كنت رايح تقتل وبس علشان قابض ...

عبدالله بدموع:أنا اسف اسف على كل اللى حصل أنا السبب في اللى وصلتوا ليه دا ارجوك سامحنى أنا مش متخيل انى كنت هقتل بنتى بايدي الحمدلله لله انها قاومتنى لو كنت عملت كدا عمري ما كنت هسامح نفسي ..

أنا استاهل كل اللي يحصلي لانى كنت خاين خنت مراتى وعذبتها وسبتها تموت ومشيت وكنت بضرب بنتى واحبسها علشان مكنتش ببقى في واعىى واذيتك انت كمان وانت بتنقذها منى المفروض كنت اشكرك بس كنت عاوز انتقم وخلاص ومحسبتش حساب كل دا ..

مكنتش اعرف انها هتوصل بيا لكدا أنا آسف ...

مراد بصله بجمود:اعتقد أن الاعتذار دا المفروض تقدمه لبنتك مش ليا لانى مش هسامحك الا لما بنتك تسامحك واتاكد فعلا انك عاوز تتغير وتبقى انسان نضيف

_صدقنى دا اللى هيحصل مش هعمل اي حاجه تاني غلط كفايه انى كنت هقتل بنتى بأيدي

_تمام تعالى معايا...

قام مراد ووراه عبدالله ..

ابو سما جه المستشفى وبقى يزعق في الكل ..

الست اللى خبطتها وقفت قدامه:في اي بتزعق لى

_انتى عملتى اي في بنتى

_انا برضو ولا انت انت عارف بنتك كانت بتجري لى!!!

_لى

_بنتك كانت بتجري علشان كانت عوزا تقتل واحده هنا في المستشفى ولما الممرضه شافتها زقتها وجريت ومن سوء الحظ انها جت قدامى ولما جينا هنا الممرضه اتعرفت عليها ...

الاب تتنهد:أنا مليش أنا في الكلام دا انا لو بنتى جرالها حاجه هسجنك

_فعلا هيطلع اي من ورا واحد زيك اكيد واحده مؤذيه وعالعموم اعمل اللي تعمله أنا بتهددش..

الدكتور خرج وبعدين الاب جري عليه :بنتى كويسه

_احم ايوا بس في حاجه كدا شاكين فيها مش هنتأكد الا لما تفوق

_طب وهتفوق امتى

_كمان ربع ساعه كدا عن اذنكوا...

وبصله:واه أنا طلب البوليس وهم جايين في الطريق لأن الممرضه شافتها وهى عوزا تقتل مريضه هنا عن اذنك..

الاب وقف مكانه مش مستوعب الكلام اللى بيتقال مش متخيل أن بنته بالاجرام دا!!!

الست:الظاهر انك متعرفش بنتك بتعمل اي ولا بتروح فين والظاهر انك سايبها تعمل اللى هى عوزاه وعلى راحتها وفعلا دي نتيجه عندك التربيه والمراقبة المستمره بينشئ جيل فاسد معندهوش اي مسئوليه ولا درايه كافيه باللي بيحصل حواليه...

الاب :أنا مأثرتش معاها في حاجه.

_قصدك فلوس وكدا!!ياريتك كنت أثرت في فلوس وربتها وعلمتها الصح من الغلط وخلتها انسانه سويه قادره تواجه اي موقف من غير ما تتصرف تصرف متهور يوصلها للى هى وصلتله دا...

أنا مش عوزا احمل عليك اكتر من كدا بس حقيقي الواحد آسف على كمية الإهمال اللى بتحصل منكوا وكمية الأذى النفسي اللي بتسببوه لعيالكوا بسبب الفلوس علشان تجمعوا الفلوس وانتو مفكرين انكوا بتأمنوا مستقبلهم وانتو بتعملوا العكس ومش واخدين بالكوا انكوا بتدمروهم ...

عن اذنك ولو في اي تعويض أو اي قضيه عاوز تعملها أنا جاهزة ودا الكارت بتاعى ريهام الصحفيه ...

ومشيت وسابته وبص على اوضة بنته بقهر وهوا متضايق منها ومن نفسه قبلها...

دخل الأوضه وقعد جنبها وهى بدأت تفوق ..

_انا فين هى الدنيا ضلمه لى 

الاب اتصدم من كلامها وبص على النور اللى شغال وبصلها تانى ..

الاب:انتى في المستشفى يا بنتى والنور شغال اهو ..

_بابا!شغال ازاي أنا مش شايفه حاجه ..

أنا اتعميت يا بابا!!...

الاب جري على برا ونادى الدكتور

الدكتور جه وفحصها وهى دموعها نازله وبتعيط ..

الدكتور يصلها بشفقه:للاسف الانسه فقدت حاسة البصر ...

سما صرخت وبدأت تعيط بانهيار وابوها قرب منها وخدها في حضنه بدموع ..

_اهدى يا بنتى أهدى..

_انا مبقتش اشوف يابابا مبقتش اشوف ..

_هسفرك وهتتعالجى في احسن مستشفى وهترجعى تشوفي تانى لو هدفع كل ثروتى...

هديت في حضن ابوها ونامت بدموع على خدها...

الاب خرج وسأل على مكان البنت اللى كانت سما عوزا تقتلها علشان يطلب منها السماح وبنته متتسجنش..

مراد وصل المستشفى ومعاه عبدالله..

عبدالله :تفتكر هتسامحنى

_هه معقول مش عارف قلب بنتك عامل ازاي اه مهو انت هتعرفه ازاي وانت معاشرتهاش اصلا..

عبدالله بص في الارض بأسف..

مراد بصله بسخرية وقرب من اوضة فيروز اللى كانت صاحيه ومعاها الممرضه ...

اول لما شافت مراد ابتسمت لكن اختفت ابتسامتها لما شافت ابوها..

ودموعها اتجمعت في عينيها..

مراد قرب منها وقعد جنبها:جاي عاوز يعتذر منك لو مش حباه يعتذر امشيه!اهم حاجه تكونى كويسه .

فيروز بصت لمراد بحب ومسكت ايديه:طول مانت جنبي أنا كويسه..

وبصت لعبدالله :اتفضل اتكلم ..

عبدالله:صدقيني يا بنتى مكنتش اعرف انك بنتى 

فيروز بسخرية:فعلا مهو انت هتعرف انى بنتك ازاي وانت رامينى من زمان ومش بتسأل فيا ويوم ما اذيت اذيتنى واذيت الراجل اللي حمانى منك ومن شرك..

عبد الله بأسف:أنا آسف يا بنتى سامحيني مكنتش اعرف انها هتوصل لكدا 

_ولى عملت كدا من زمان لى خلتنى احس انى يتيمه وانت عايش 

_سامحينى وانا اوعدك انى هتغير..

_انت عمرك ما هتتغير كنت اتغيرت لما هى ماتت قدام عينيك وسبتها ومشيت أنا عمري ما نسى اللى انت عملته وعمري ما هسامحك امشي بقى وأخرج من حياتى ..

عبدالله بصلها وبص لمراد بأسف وبص في الارض بقلة حيلة وخرج ...

مراد قرب منها وحضنها :أنا آسف انى جبتهولك وجيت انتى كويسه؟

فيروز براحه:عمري ما كنت كويسه قد النهارده...

مراد مسك وشها بين ايديه ومسح دموعها:اوعى دموعك تنزل تانى طول منا موجود انتى فاهمه..

فيروز ابتسمت وميلت على كفه وباست ايديه:بحبك..

مراد باس راسها:وانا كمان يا اغلى ما عندى

هسيبك بقى تجهزى نفسك علشان نمشي..

قام وقف وهزتله راسها ..

وهوا نادى الممرضه علشان تساعدها..

ابو سما وصل عند اوضة فيروز وكان مراد واقف..

_مراد؟

مراد بصله ببرود: ايوا

_انت بتعمل اي هنا

_انا هنا مع مراتى اللى بنتك كانت سبب اذيتها وراحت لابوها وخلته جاي عاوز يقتلها..

_انا آسف يا ابنى على كل اللى حصل وسما دلوقتي خدت جزاءها ..

_ازاي 

_لما الممرضه شافتها وجريت منها العربيه خبطتها ودلوقتي فقدت بصرها..

مراد بصدمه:نعم هى جت هنا

_انت متعرفش..

_لا وعاوز اي تانى يعنى بنتك مكتفتش بكل اللى عملته وجت عوزا تكمل اللى بدأته دا اي البجاحه دي وجاي عاوز تعتذر !؟

على اي ولا اي 

مراد بعصبية اكبر:بص انت تاخد بنتك دى ومشوفش وشها تانى ولا طول حياتنا انت فاهم ...

وسابه مشي ..

وابو سما رجعلها تاني وقرر بالفعل ياخد بنته من المستشفى ويبعدها بقدر الإمكان عن الناس ويسفرها تتعالج نفسيا قبل جسديا ...

ودلوقتي بعد ما كانت بتتريق على فيروز علشان لابسه نضاره دلوقتي هى مش لاقيه تلبس نضاره علشان تشوف بيها!!!

قد اى الدنيا صغيره وقد اى اعمالك وتصرفاتك بتتقلب عليك في الاخر يعنى اللى بيعمل خير بيلاقيه خير والشر شر وكما تدين تدان..

فيروز دخلت في ايد مراد الفيلا واستقبلتها ام مراد بحب كبير ووراها كان عمر وهوا ساند على على ومعاهم سلمى ومريم وخالتهم..

كلهم اتجمعوا في الصالون ...

كانت مريم واقفه لأن مفيش مكان عمر زغد على وعلى ابتسم وقام ليها ..

_اقعدي يا مريم ..

مريم قعدت وعلى خد سلمى من ايديها ودخلوا المطبخ...

وقرب منها بحب:وحشتيني

سلمى بخجل:يوه يا على هوا دا وقته..

_يعنى مش شايفه اليومين العسل اللي عدو علينا دول المفروض تدلعيني كدا وقرب منها وباسها من خدها:وتديني بوسه تعويض..

سلمى بخجل:طب ابعد حد يشوفنا ووسع كدا اجيب مشروبات أخرجها..

_طب اساعدك طب

ولسه هيقرب منها:ساعدنى اه بس بأدب..

_عيونى يا قمر لينا اوضه تلمنا حاضر وقريب اووي شقه وساعتها مش هرحمك..

سلمى ضحكت عليه وهوا خارج بتذمر ..

وخرجت وراه .

عمر همس لمريم:مش ناويه تقولى حاجه حمد الله على السلامه اي حاجه

مريم بصت حواليها بخجل ولسه هتقوم عمر مسك ايديها ووقفها وبص لامها:احم أنا طالب ايد مريم يا طنط .

الام بفرحه:والله يا ابنى أنت فاجئتنى والرأي رايها وفوق كل دا راي عمها..

عمر بص لمريم:ومريم موافقه مش كدا..

مريم بسرعه:بس انا لسه عندى دراسه ومش عوزا اتجوز دلوقتي

عمر بعصبية :نعم يا روح امك..

مراد:عمر!!!

_اسف بس انت مش شايف كلامها..

_عندها حق لو عاوزها فعلا استناها..

_طب خطوبه طيب..

مراد بص لمريم:اي رايك يا مريم..

مريم بخجل وبصت لعمر :اممم مرافقه ..

عمر بفرحه:اللهم صلى عالنبى لولولولولوى..اهههه

مريم قربت منه بسرعه وقلق:انت كويس..

عمر نسي وجعه وبصلها بهيام:خايفه عليا..

مريم بسرحان:طبعا خايفه عليك

والكل باصصلهم وابوه وأمه باصين لبعض وفيروز بتضحك ومراد ماسك نفسه بالعافيه..

_خفتى عليا قد اي..

مريم :قد

عمر لقى كف نازل على قفاه وطلع على

_اي يا غبي

_قوم يا حنين اطلعك فوق علشان عندى مراتى والله ومش فاضيلك

عمر بص لمريم:عن اذنك يا روحى هشوف بعدين..

على :تعالى يا حنين تعالى..

مريم بصتلهم كلهم بخجل:أنا أنا ماشيه وقامت ووراها امها

_عن اذنكوا يا جماعه هروح اربى اللى متربتش دي..

الكل ضحك عليهم ومراد مسك ايد فيروز

وقال:عن اذنكوا يا جماعه..

وخدها وطلع فوق ودخل اوضته..

قرب منها وحضنها بشغف:يااااه اخيرااا تعبت اووي تعبت اووي علشان اوصل للحظه دي طلبتك كتير من ربنا ودعيت انك تكونى ليا واخيرا اخيرا بقيتى ليا اخيرا بقينا في اوضه واحده ..

فيروز بحب:وانا من يوم ما شوفتك وانا بتمناك اخيرا ..

مراد بصلها بحب:وقرب منها وقبلها بحب شديد ..

بعد عنها بحب وسند جبينه على جبينها:بحبك ..

فيروز :وانا كمان ...

سما روحت البيت مع ابوها وهوا ساندها..

ودخلها الأوضه..

هيعتلك الداده تجهزلك الشنطه علشان نسافر 

هزت راسها بلا مبالاة..

ولما خرج دموعها نزلت :بعد كل دا بقيت عاجزه وكلهم مع بعض بقيت لوحدي كلهم بعدوا عنى حتى الشخص الوحيد اللى حبيته بعد عنى علشان انا وحشه ...

مدت ايديها على الكوميدينو وجابت الكوبايه وكسرتها ومسكت القطعه المتبقيه في ايديها وقطعت بيها شريينها و...

#دحيحة_الدفعة_والمعاق

#الاخير

مدت ايديها على الكوميدينو وجابت الكوبايه وكسر*تها ومسكت القطعه المتبقيه في ايديها وقطعت بيها شر*يينها 

في الوقت دا دخلت الداده وصوتت ونادت على ابوها وهوا جه بسرعه ونقلوها على المستشفى...

الدكتور:دي لازم تتعرض على دكتور نفساني دي مش طبيعيه 

الاب بزعيق:عالجها وانت ساكت أنا بنتى مش مجنو*نه..

الدكتور:وانا مضطر ابلغ البوليس وهم يتصرفوا لأنها حقيقي بتعمل تصرفات مش طبيعيه..

الاب بحزن:ارجوك يا دكتور بلاش اوعدك انى هاخدها من هنا وهنسافر على برا على طول مش هنقعد...

الدكتور بأسف:دا بدل متقول انك هتعالجها بس تمام اللي انت شايفه صح اعمله دي في الاول وفي الاخر بنتك وانا مليش دخل عن اذنك..

وسابه ومشي..

دخل على بنته لقاها قاعده ودموعها نازله..

_سما

سما بدموع وقهره:لسه فاكرنى لسه فاكر انك عندك بنت دلوقتى مبقاش عندك اجتماع مهم ولا عندك سهره للصبح ولا اي حاجه

الاب بدموع:سامحيني يا بنتى أنا عارف انى قصرت ..

سما بزعيق:أنا بقيت مجنونه يا بابا بقيت مجنونه محدش بيحبنى محدش بيحبنى..

قرب منها وحضنها :أنا معاكى ومش هسيبك

_مش عوزا افضل هنا خدنى من هنا 

_حاضر بس أهدى 

وبالفعل خدها وسافروا امريكا لبدايه حياه جديده ورحله جديده ..

فهل من الممكن أن تعود إلى أرض الوطن مرة أخرى!؟

بعد مرور تلات شهور..

عمر طلب ايد مريم من عمها وعمها طبعا وافق بس بشرط متتحوزش الا لما تكمل تعليمها الاول ويتطمن عليها ..

عمر كان قاعد جنب مريم في الكوشه:والله عمك لو بيعذبنى وبيعلمنى الادب من اول وجديد دا غلب مراد!!

مريم بضحكه:معلش يا حبيبي من اللى كنت بتعمله بقى استحمل التلات اربع سنين دول ..

عمر بحزن:يا غلبك يا عمر وانا كان مالى ومال الحب ما كنت في حالى مع دى شويه ودى شويه ..

مريم بحزم:بتقول حاجه يا عمر .

عمر بتوتر:لا يا حبيبتى بقولك بحبك يا عيونى ما تجيبي بوسه..

مريم :اتلم احسن انادى لعمو ومراد..

عمر:فيها اي يعنى مبتهددش وبعدين اي مراد يعنى..

سمع صوته من بعيد:في حاجه يا عمر

_لا يا حبيبي منستغناش

وبصلها:شوفتى بيخاف منى ازاي...

مريم ضحكت عليه وعلى منظره :المهم انى خدت حقى منك ..

عمر:ماشي مسيرك تقعى تحت ايدي وساعتها مش هحلك

_يييييي كمان كام سنه كدا هتكون عجزت

_انتى بتعايريني علشان بحبك 

وبصلها بحزن وتأثر

مريم بشفقه:خلاص يا حبيبي ما تزعلش حقك عليا 

_طب هاتى بوسه طب علشان التصالح

_طق يا عمر ها وقامت من جنبه :قليل الادب ..

_ماشي يا مريم عاوزك تتكبري اووي علشان في ضهرك مراد ماشي..

بليل ..

كانت واقفه قدام المرايا وبتسرح شعرها خلصت ومسكت اختبار الحمل اللى على التسريحه وأكد أنها حامل...

بصتله بفرحه ممزوجه بدموع وسرحت شويه وافتكرت ابوها وامها وشريط حياتها اتكرر قدامها وكم المعاناة اللى شافتها..

_اوعدك انك عمرك ما هنشوف اللى امك شافته علشان هيكون عندك اب حنين وبيخاف عليك زي بابا مراد..

فاقت من شرودها على دخوله الاوضه..

اتمفضت وخبت الاختبار..

مراد بخبث قرب منها:خبيتى اي وراكى..

_ممفيش 

قرب منها وهى رجعت ورا ..

وبعدين بسرعه قرب منها وحاوطها من وسطها..

_مخبيه اي ورا ضهرك ..

فيروز ابتسمت بخبث :خمن كدا..

مراد :لا مش بخمن وانتى عارفه أنا بعرف على طول..

_طب غمض عينك..

مراد ضحك:أنتي هبله يا حبيبتي وبعدين سحب ايديها من ورا ضهرها وشاف الاختبار..

فضل متنح ثوانى ويبصلها ويبص للاختبار بذهول..

_اي دا

فيروز بخجل وهى بتدفن راسها في صدره:دا اختبار حمل هتبقى اب يا مراد ..

مراد مكنش مستوعب وثوانى وشالها وفضل يلف بيها بفرحه..

فيروز:مراد نزلنى..

كان متوتر جدا اول مره تشوفه متوتر كدا ..

فيروز بقلق:مالك

مراد ابتسم ابتسامه مهزوزه:مكنتش متخيل انها تحصل مكنتش متخيل أنه هييجي اليوم دا وهنكون فيه سوا وتقفى قدامى الوقفه دي وتقوليلي انك حامل في طفل منى ..

فيروز حضنته:وانا مكنتش أتخيل انى هكون مرتاحه وعايشه مرتاحه كدا معرفتش طعم الراحه غير في حضنك 

مراد ضمها ليه وباسها من راسها:بحبك ربنا يديمك ليا يا اغلى من حياتى..

عند سلمى وعلى..

سلمى قربت من على وحضنته من ضهره وهوا ابتسم ولفلها...

سلمى:محضرالك مفاجأه

على :اي هى

غمض عينيك

على غمض عنيه:اهى يستي

سلمى :فتح

يصلها باستغراب قامت طلعت اختبار الحمل في ايديها ..

على بفرحه:انتى

سلمى بدموع فرحه:ايوا..

على قرب منها وحضنها بحب:بحبك يشيخه والله العظيم بحبك

اخيرا هبقى اب 

سلمى كانت فرحانه لفرحته ..

على:أنا هنزل اقولهم..وفجأه سمعوا زغاريط امه

على يصلها.

سلمى :مهو مش انا لوحدي فيروز كمان.

على ضحك بسعاده ونزلو تحت يشركوهم الفرحه ...

وبعد كدا عمر انضملهم

عمر بشوق:عقبالى بقى أنا ومريومتى حبيبتى..

لقى كف نازل على قفاه بص لمراد

_علشان تحترم نفسك

عمر بتذمر:والله لامسك عيالك اضربهم بس يجو بس

مراد:ابقى مد ايدك على حد منهم وانا اقطعهالك

_طب وعلى اي ابقى علمهم الضرب على قفايا اصله ملطشه

_هبقى افكر..

_يارب ما يطلعوا زيك أو يطلعوا كلهم بنات كيوت زي امهم

_بتقول حاجه يا عمر

_لا يا حبيبي تسلم تصبحوا على خير مبروك يا سلمى مبروك يا فيروز

كلهم ضحكوا عليه وكل واحد خد مراته وطلع أوضته..

بعد مرور سبع شهور...

_عاااااااا الحقنى يا مراد بولد

مراد صحى بفزع وقام متوتر اول مره يتحط في الموقف دا مش عارف يعمل اي..

_طب اعمل اي

_نادى لماما وهاتلى حاجه ألبسها بسرعه..

_حاضر حاضر..

وفجأه سمعوا صوت صويت جاي من برا

مراد بفزع:انتو كمان اتفقتوا في دي

فيروز بصويت:الحقنى يا مراد ...

جابلها لبس ولبسها بسرعه وشالها ونزل وطلعوا كلهم عالمستشفى..

كانو واقفين بتوتر وعلى ومراد واحد رايح وواحد جاى..

عمر بشماته:يعيني عليكو كنتو شباب زي الورد مكنتش أتخيل في يوم أن مراد يقف الوقفه دي ولا على اللى كمية الرزانه فيه يعيني على دي دنيا ..

فجاه لقى البونيه اللى نازله على وشه..

مراد:اسمع صوتك تاني

_انا آسف يا كبير..

مريم بشماته:احسن

عمر:ماشي ناقصلك تلات سنين ونتجوز وساعتها مش هرحمك

مريم:يا شيخ اتنيل..

عمر :ماشي ماشي..

بعد شويه ..

الممرضه خرجت بسعاده ..

مدام فيروز ولدت توأم..ولد وبنت

ومدام ساره ولدت ولد زي القمر..

مراد بخوف:المهم فيروز كويسه..

_شويه وهننقلهم اوضه عاديه

مراد تتنهد بفرحه وعلى طبطب على كتفه بفرحه..

_الف مبروك يا اخويا

مراد:ومبروك ليك يا اخويا 

حضنوا بعض وعمر جه..حضنهم

زقوه:على فكره دي مش اخوه..

على قرب منه :هتعمل اي يعنى..

عمر بابتسامه قرب منه وحضنه:هقولك مبروك بقيت اب وانا بقيت عم..

وقرب من مراد ووقف قدامه شويه مراد ابتسم وخده في حضنه..

عمر:هتسمى عمر صح

مراد رفع حاجبه:لا طبعا..

_شكرا يا اخويا وبص لعلى هتسمى عمر صح

على:آسف يا على بس مش عاوز ابنى يطلع زيك فاشل وعديم المسئوليه وبتاع بنات كمان..

عمر :والله بقت بنت واحده

مريم:وانا ايش عرفنى

_حتى انتى يا خاينه

الكل ضحك ...

في اوضه فيروز وسلمى..

مراد قرب منها وباس ايديها ورأسها:حمد الله على السلامه يا حبيبتي

_الله يسلمك يا حبيبي

_ها هتسميهم اي..

فيروز بفرحه:مليكه ومالك 

مراد فرح بالاسماء:جمال يا روحى..

على لسلمى:وانتى يا روحى

سلمى:معاذ

على :جميل يا روحى وباس راسها ..

وكلهم فضلو يتكلموا كتير وهم فرحانين....

مراد بص لفيروز بفرحه وهى بادلته الابتسامه:بحبك

_وانا كمان

بعد مرور تلات سنوات..

مريم كانت واقفه قدام المرايا بفرحه..

_كتبو كتابك يا نقاوة عيني .احلى كلام بينك يا حلوه وبيني لولولولولوى..

كانت فيروز وسلمى واقفين جنب بعض وكل واحده ماسكه ضهرها اثر الحمل ..

(اه يا جماعه عملوها تاني مع بعض😂)

مريم بصت الاتنين وبصت لبطنهم:اياك واحده فيكم تعملها النهارده دى ليلة العمر أنا بقولكوا اهو..

فيروز وسلمى:شكلها هتحصل يا مريم احنا اسفين..

مريم بصويت:لاااااا

بعد شويه كانت نازله في ايد عمها وهى بتبص لفيروز وسلمى بتحذير ..

عمر قرب منها ومسك ايديها وهمس:اخيرا ..

مريم:ربنا يستر اصل حاسه انها مش هتعدى على خير..

عمر:لى 

شاورت على فيروز وسلمى:حاسه ان القنبلتين دول هيفرقعوا النهارده

عمر ضحك:وانا والله بس ان شاء الله مش هتحصل..

وبدأ الفرح وبداو يرقصوا بفرحه ...

مراد قرب من فيروز لما لاحظ عليها التعب:انتى كويسه...

فيروز مسكت ايديه:حاسه انى تعبانه يا مراد حاسه حاسه انى بولد..

وبعدين بدأت تصوت وبعدها على طول سلمى وعلى قرب منها..

عمر بحزن:احيييه

بعد كام ساعه..

كانت فيروز ماسكه بنتها بين ايديها ومراد قاعد جنبها وبيحسس على رأسها..

وسلمى ماسكه ابنها وبصالها بحب وعلى محاوطها..

على:ها هتسميه اي

سلمى:محمد 

على:حلو مبارك علينا محمد يا محمد..

وباس راسها..

مراد بص لفيروز من وقت ما جت بتضحك تفتكري هتكون دمها خفيف

_حاسه بكدا علشان كدا هسميها بسمه ..

وبصتلها:شبهى اوووي

مراد:فعلا

_بسمه مراد السيوفي

مراد ابتسم ..

_كدا تلاته ناقص تلاته شدي حيلك

فيروز:نعم!!

_اي!أنا عاوز منك دسته يا روحى

فيروز:ثبتنى ثبت

_متقلقيش كدا كدا هييجو..

فيروز زمت شفايفها باسها من خدها:بحبك

_وانا كمان..

وبكدا تكون النهايه نهايه سعيده لكل الأطراف اتمنى انها تكون نهايه مرضيه للجميع...

تمت

بداية الروايه من أولها هنا

بداية الجزء الثاني من هنا

تعديل المقال