سكريبت لانك محبوبي الفصل الثاني بقلم نشوه عادل
 |
بسم الله نبدأ🤍
-روضة رفعت عيونها وبصدمة: انت ... انت عاوز منى ايه يا مالك بيه؟ اظن ردى وصلك ولا فوزى موصلكش الرسالة؟!
مالك: هااااايل واضح اوى انك ذكية زى جمالك بالظبط
روضة رفعت ايدها وبلهجة تحذير: اسمع يا ابن المهدى انا بحذرك ابعد عن طريقى احسنلك انا عمرى ما هوافق ابقى جارية عندك وتبقى ولى نعمتى انت فاهم!
مالك بغضب: بقى حتة عيلة زيك تتحدى مالك المهدى ماشى انا هوريكى وهخليكى تجيلى راكعة
وفجأة وقع القهوة وقال بصوت جهورى: المدير فين صاحب الكافيه ده؟
وصل المدير وقال: انا اهو يا فندم خير فى اى مشكلة؟!
مالك بغضب: انتم ازاى يا محترم تشغلوا عندكم اشكال زى دى مستهترة ومبتفهمش فى الذوق
المدير: حضرتك اهدى بعد اذنك واحنا هنحل الامر وانتى مخصوم منك اسبوع
روضة بغضب: ليه يا مستر لطفى والله ما عملت حاجة ده بنى ادم زبالة وكذاب
مالك: شوفت بنفسك لسانها الطويل تخيل انها ممكن تعمل كده مع اى زبون تانى يجيلك دى مش يتخصم منها بس دى المفروض تتطرد نهائى
لطفى: حضرتك عندك حق اتفضلى خدى بقيت مرتبك واطلعى برة ومشوفش وشك هنا تانى
روضة اتجمعت الدموع فى عيونها خلعت اليونيفورم ورمته وطلعت تجرى وهى بتعيط برة الكافيه وصلت ع چيم قريب وسألت موظفة الاستقبال: كابتن اياد موجود؟
الموظفة: ايوة بس هو عنده تدريب حاليا
مستنتش روضة ان الموظفة تكمل كلامها وطلعت ع فوق وكان اياد بيمرن مجموعة شباب واول ما شافها قال: طيب يا رجالة كملوا انتم التمرينات مع بعض وانا شويه وهرجعلكم
اياد جرى عليها واخدها فى ركن هادى: فى ايه مالك؟! انت معيطة ليه؟!
انفجرت روضة بالبكاء اكتر اقترب منها اياد وحاول ان يمسح دموعها لكنها بعدت عنه فأعطى لها بعض المناديل وبعد ما هديت: ممكن تفهمينى فى ايه وليه الحالة اللى انتى فيها دى اكيد جوز امك السبب مش كده؟
حكت له روضة كل شئ من بداية اليوم لحد ما اطردت من الكافيه واكملت: انا مش عارفة اعمل ايه اكيد مش هيسيبنى بحالى وهيحاول يقطع عيشى من اى مكان هروح عليه وبكده مش هقدر اصرف ع نفسى وكليتى
إياد: عندك حق ده شخص عنده نفوذ بس هو يقدر يمشى كلامه ع اى حد صاحب مكان الا عليا
روضة: يعنى ايه؟
إياد: يعنى من النهاردة هتشتغلى معايا هنا بالچيم وهيكون ليكى مرتب ثابت زيك زى اى بنت
روضة: ايوة بس انا مبعرفش امرن حد
إياد: ومين قالك انك هتبقى كابتن انتى هتشتغلى فى السكرتارية تقابلى العملاء وتسجلى الاسماء ع الكمبيوتر وبقيت الشغل هخلى حد يعلمه ليكى الموضوع بسيط
روضة باحراج: انا متشكرة جدا على وقفتك جنبى وانك دايما بتساعدنى بس انا خايفة اتسبب ليك فى مشاكل
إياد: هششش اهدى يا قل..... اقصد احنا اصحاب ولا ايه؟
روضة: اكيد
إياد: طيب يالا تعالى معايا وانا هخلى دنيا تعلمك كل حاجة من النهاردة
وبالفعل بدأت روضة شغلها الجديد وكانت مبسوطة وحاسة بأمان خصوصا انها جنب إياد ... تانى يوم صحيت روضة ولبست هدومها واخدت رنيم وصلتها ع المدرسة وهى راحت على كليتها واول ما دخلت المحاضرة كانت وصلت متأخر
روضة: احم ممكن ادخل يا دكتور
الدكتور: انا محدش بيدخل بعدى اتفضلى اطلعى برة
روضة: انا اسفة جدا يا دكتور والله المواصلات اللى اخرتنى لان الطريق كان زحمه
الدكتور: ورينى الكارنيه بتاعك
طلعت روضة الكارنيه واعطته له بص للاسم وفحص الكشف وقال: ايه الهبل والاستهتار ده ازاى الامن يسمحلك تدخلى ساحة الجامعة اصلا
روضة باستغراب: هو فى ايه حضرتك انا مش فاهمة حاجة ابدا
الدكتور بغضب: مش فاهمة ازاى يعنى انتى مفصولة من الكلية لمدة 3 سنين يا انسة
روضة بصدمة: اييييييه ازاى مش ممكن🥺 فجأة حست الدنيا بتسود قصاد عيونها وفجأة اغمى عليها .. مر الوقت وفتحت روضة عيونها واتفاجئت انها داخل غرفة بمستشفى وصوت من جنبها: حمدالله ع السلامة يا قمر
روضة بغضب: انت جاى ليه عاوز منى ايه ابعد عنى بقى انا بكرهك بكرهك🥺
مالك: تؤتؤتؤ اهدى كده دى لسه البداية يا حبيبتى وانتى قوية ولا ايه
روضة: انت السبب فى رفدى من الكلية مش كده!
مالك: اكيد ومين غيرى يقدر يعمل كده يعنى
روضة بقوة: ماشى يا مالك بيه تغور الكلية برضه مش هاجى اشتغل بقصرك واعلى ما فى خيلك اركبه
مالك باعجاب: حقيقى انا منبهر بيكى وبقوتك دى بس يا ترى هتفضلى بنفس القوة دى حتى مع اختك!
روضة بخوف: اختى... مالها رنيم انت عملت فيها ايه؟
مالك: اصل اختك تعبت اوى النهاردة فى المدرسة وجات هنا ع المستشفى والدكاترة اكتشفوا انها مريضة.........
مجمع الروايات الكامله من هناااا
