رواية روح الصقر الحلقه السابعه بقلم الكاتبه آيه أمير
 |
رواية روح الصقر الحلقه السابعه بقلم الكاتبه آيه أمير
نروح عند روح
سمع صقر كل حاجه و كلام روح و ظهر علي صقر الصدمه الكبيره من اللي سمعه قفلت روح الخط مع باسم صقر خد نفس عميق و خبط ودخل روح بابتسامه ( انا جاهزه اي رأيك فيا )
صقر بص لها جامد و كان حزين اوي ( طالعه زي القمر حبيبتي )
روح كانت مستغربه حزن صقر قربت منه ووقفت قدومه ( مالك في حاجه تعباك ولا اي )
صقر ( لا خالص بالعكس انا فرحان اوي يا حبيبتي ده انتي حتي هتكوني مراتي كمان كام دقيقه )
روح بفرحه ( انا اصلا مش مصدقه نفسي معقول انا احبك انت يا صقر )
صقر ( وانتي مين )
روح بتوتر ( هاه ما انت عارف اني فاقده الذاكره ياعم )
ابتسم صقر وخد روح ونزل بيها وكان المأذون قاعد قرب صقر من المأذون وقعد جنبه و بدأ الماذون يكتب الكتاب و كانت روح مبسوطه لانها فعلا حبت صقر و اوي كمان )
روح بتكلم نفسها ( معقول يا روح حبيتي صقر و كدبتي علي باسم دلوقتي علشانه طب لما يقرر يقبض عليه هتعملي اي يا روح انا بقيت خايفه اخسر صقر او يبعد عني انا مش عارفه ازاي حبيت صقر بالشكل ده لدرجه مش قادره اعيش من غيره ياها معقول الواحد ممكن يحب عدوه فعلا محبه الا ما بعد عداوه )
كتب المأذون كتابهم وقال جملته الشهيره بارك الله ليكم وعليكما وجمع بينكما في الخير
صقر كان حزين من اللي سمعه منها مشي المأذون قربت روح من صقر ( معقول بقيت جوزي مين كان يصدق ده )
صقر ( عايزه تقوليلي حاجه )
روح ( اه يا صقر عايزه اقولك حاجه مهمه )
صقر ( هههههههه عارفه انا أتوجعت اوي بس المرادي بسببك )
روح بصيت في الأرض بحزن ( انا الرائد روح و متكلفه بالقبض عليك لازم ابدا معاك بصراحه لو عايز تقتلني اقتلني يا صقر )
وخدت سلاح صقر من جيبه وحطيت السلاح في ايد صقر ( يلا اقتلني يا حبيبي )
صقر بص لها بحزن ( اقتل روحي يا روحي )
روح جريت عليه حضنته و نزلت دموعها ( انا كان في أيدي اقبض عليك كذا مره لكن مقدرتش يا صقر عشان حبيتك وكدبت علي باسم و قولتله اني عارفه اني لازم اقبض عليك رغم اني مش هقدر اعمل ده انا كدبت عليه يا صقر )
صقر ( انا بحبك اوي يا روح انتي متعرفيش انا حبيتك ازاي يا حبيبتي )
روح ( وانا حبيتك بجنون ياقلب و عيون روح صدقني انا عمري ما هقدر اقبض عليك العداله خسرت قدوم حبك يا صقر فعلا الحب صانع المعجزات انا عمري ما كنت افكر اني اقف قدوم شغلي عشانك يا ابليس )
صقر ضحك عليها جامد وبص لها ( المجرم وقع في حب الظابط )
روح ابتسمت من قلبها ( و احلي و اجمل مجرم )
صقر شالها وطلع بيها علي اوضتهم
نروح عند انهار
انهار لقيت اللي بيضرب نار عليها
الشخص ضرب عليها اكتر من طلقه وقعت انهار سايحه في دمها ساب الشخص جواب و هرب بسرعه رجع باسم من شغله واستغرب أن بابا الشقه شبه مفتوح دخل وكانت الصدمه لما شاف انهار سايحه في دمها جري عليها بسرعه
باسم ( انهار حبيبتي انتي كويسه لا اوعي تسبيني يا انهار اوعي ارجوكي انا اموت من غيرك يا حبيبتي قومي يلا )
و جت لباسم حاله انهيار وكانت بتنزل دموعه بغزاره ( لا يا انهار لا )
مكنش قادر يتلم علي أعصابه من كتر الصدمه و الحزن شاف جواب قرب باسم من الجواب وقرا الجواب وكان مكتوب في الجواب / الصقر مش بيلعب معاك واهو قتلت مراتك وبنفسي الصقر )
اتحولت عين باسم لشر ( هقتلك بأيدي يا صقر )
وقرب من مراته وعمال يهز فيها لكن خلاص لا حياه لمن تنادي رن باسم علي عزام وانور وجوم بسرعه واتصدموا لما شافوا المنظر
باسم ( صقر اقتل مراتي لازم اقتله بأيدي زي ما قتل مراتي )
عزام و انور رفعوا البصمات عشان باسم كان في حاله صدمه و خدوا انهار المشرحه و باسم كان قطع النطق من الصدمه غير الدكتور و قاله ( الجنين كمان مات )
باسم أتصدم اكتر ( اي انهار كانت حامل )
الدكتور ( اه كانت حامل في شهرين )
باسم كسر كل حاجه قدومه ( لا هتندم يا صقر يعني انا خسرت مراتي و ابني كمان) و نزلت دموعه انور و عزام فضلوا جنبه وكانوا في حاله حزن
نروح عند مارك
مارك ( ههههه وبكده القيامه قامت علي صقر )
نايا ( مش قولتلك باسم هو سلاحنا وهو قتلنا مراته ورمينا التهمه علي صقر )
مارك ( بحب دماغك اوي يا نايا )
نايا ( هههعع دي دماغ متكلفه فين بقا المكافئه بتاعتي )
مارك ( ههههه انتي تستاهلي احلي مكافئه )
تاني يوم راح شخص لي صقر وقاله
الشخص ( عرفنا أن مارك قتل مرات الظابط باسم )
كانت نزلت روح ولما سمعت كده اتصدمت جامد
روح ( اي مرات باسم انهار )
ونزلت دموعها
صقر ( روح انت دلوقتي)
ومشي الشخص قرب صقر من روح ( اهدي يا حبيبتي هجيب حقها من مارك الكلب )
روح ( انهار كانت زي اختي يا صقر ليه قتلها)
صقر ( اكيد دي خطه منه عشان يوقعني انا )
روح( ليه قتل روح بريئه ليه عمل كده )
وفضلت تعيط جامد حضنها صقر ( ممكن تهدي عشان خاطري يا روح مقدرش اشوفك كده )
روح بصيت في عينه ونسيت الدنيا كلها حتي حزنها
صقر ( اوعي تزعلي وانا جنبك وانا هجيب حقها من الكلب مارك )
روح ( ينفع اكلم باسم )
صقر هز دماغه رنيت روح علي باسم
باسم رد عليها ( شوفتي الكلب صقر عمل في مراتي اي )
روح ( لا يا باسم ده مش صقر ده مارك رئيس عصابه أروبا )
باسم ( لا صقر و هقتله بأيدي دلوقتي تقوليلي تحركات صقر و مواعيد خروجه لازم أبرد ناري قتل مراتي وابني انهار كانت حامل )
نزلت دموع روح اكتر ( يا باسم صدقني مش صقر اللي عمل كده )
باسم ( لا هو بقولك ولازم اخلص عليه قولي تحركاته يلا )
روح ( انا لازم اقفل بسرعه شكله جاي عليا )
روح قفلت في وشه كانت عايزه تهرب منه ازاي هتقوله علي معاد خروجه و دخوله و تعرض صقر للخطر ونزلت دموعها ( عايز يقتلك يا صقر )
صقر / يبقي مارك الكلب حب يخلص مني. عن طريق عدوي ودي دماغ و ترتيب نايا انا هوريهم )
روح ( انا خايفه عليك اوي يا حبيبي)
صقر / متخفيش يا حبيبتي انا جنبك صقر مبيمتش بسهوله )
روح ( سيب الطريق ده عشان خاطري يا صقر )
صقر ( سبيها تمشي زي ما تمشي )
ومر عليهم شهر واسبوع و باسم كان بيحاول يعرف معلومات من روح وكانت روح بتديله معلومات غلط وفي يوم حسيت روح بتعب جامد
صقر. ( روح حبيبتي مالك تعبانه)
روح ( اه تعبانه اوي يا صقر مش عارفه مالي )
صقر ( تعالي نروح مستشفي بسرعه )
روح ( لا يا صقر كده هعرض حياتك للخطر )
صقر ( في ستين داهيه حياتي المهم انتي يا روحي )
روح ( طب ممكن تكلم الدكتور يجي هنا )
صقر كلم الدكتور وجه الدكتور و سأل روح عن الأعراض اللي بتحس بيها )
الدكتور ( ممكن حد يروح يجيب حاجه من الصيدليه )
صقر نادي علي طارق وجه طارق كتب الدكتور الحاجه اللي عايزاها من الصيدليه وراح طارق يجيبها ورجع بيها )
الدكتور ( خدي اعملي الاختبار ده يا مدام روح )
روح اتصدمت لما شافت اختبار الحمل المنزلي وبصيت علي صقر اللي مش عارف اي ده
صقر ( هو اي ده )
روح ( هعمله و هتعرف دلوقتي)
دخلت روح التواليت وخرجت بعد شويه كانت مشاعر ملغبطه فرحه علي خوف
روح ( انا حامل يا صقر )
صقر جري عليها وحضنها بحب ومكنش مصدق نفسه من كتر الفرحه ( انا مش مصدق نفسي )
روح ( انا طلعت حامل يا حبيبي )
الدكتور ( الف مبروك ... لازم تمشي علي العلاج ده و محتاجه راحه )
ومشي الدكتور
روح ( انا خايفه يا صقر دلوقتي عليك )
وحطيت أيدها علي بطنها ( لو بعد الشر حصلك حاجه هقول لي ابننا اي انا خايفه اوي عليك و باسم بقا زي المجنون عايز يقتلك بأي طريقه )
صقر( متخفيش يا حبيبتي انا جنبك و ابننا هيكون بخير )
ومريت الايام وصقر مهتم بروح اوي وروح كانت فرحانه
( نروح عند عزام و باسم )
عزام ( سمعنا في شحنه هيهربها مارك انهارده)
وراح عزام و باسم لمكان التسليم مارك لما شافهم أتصدم وضرب طلقه جت في
نروح عند انور و رزان
انور كان قاعد مع رزان
انور ( انا عايز اقولك حاجه )
رزان ( قول)
انور ( انا
ياتري الطلقه جت في مين
و انور هيقول اي
وبكده خلص الجزء ده
بقلمي أية أمير
