جميع الروايات كامله

رواية روح الصقر الحلقه الثامنه بقلم الكاتبه آيه أمير 

         

رواية روح الصقر الحلقه الثامنه بقلم الكاتبه آيه أمير 

         

             نروح عند رزان 

رزان ( اي يابني مالك في اي متوتر ليه ولا كأنك رايح تتقدم لعروسه )

انور كان متوتر اوي ومش عارف يبدأ منين وبص لها و كانت رزان مستغربه منه انور ( انا بحبك اوي يا رزان)

رزان قفلت وفتحت في عينها و بصيت له باستغراب ( بتقول اي )

انور( بحبك يا مجنونه)

رزان ( بجد )

انور ( لا هزار ياختي بمثل )

رزان ( ههههه طب عيد المشهد تاني كده )

انور ( بحبك بحبك بحبك يا رزان!)

رزان( بحبك يا منيل علي عينك )

انور باس ايدها بكل حب ( ياها عارفه بحبك قد اي قد العالم كله يا مجنونه حياتي )

رزان ( هههههه بس ياولا بؤحرج .. هو روح جايه امتا بقا )

انور سرح شويه ( انا شاكك في حاجه يا رزان روح حبيت صقر انا حاسس بكده )

رزان ( لا طبعا انت بتقول اي صقر ده مجرم وهيه رايحه تنفذ مهمتها )

انور( هو الحب بيفرق بين مجرم و لا برئ الحب دقه قلب و مشاعر  يا رزان حد كان يتخيل انا احبك انتي )

رزان ( ومالك بتقولها كده ليه ياخويا )

انور ( قلبنا مش بايد حد فينا ياريت احنا اللي نقدر نتحكم في قلوبنا احنا ممكن نحب أعدائنا يا رزان )

رزان ( عندك حق و روح عمرها ما حبيت حد في حياتها لو لقيت الحب الحقيقي و مواصفات فتي  احلامها في حد هتحبه روح كانت بدور علي شخصيه فيها المواصفات اللي بتحلم بيها ولو لقيت فيه اللي بتحلم بيه هتحبه )

انور ( يبقي حكمت علي قلبها بالاعدام عشان حبيت واحد هو اصلا محكوم عليه بالاعدام )

رزان ( احنا بنتوقع منعرفش إذا كان حقيقي ولا لا )

      نروح عند باسم و عزام

جت طلقه و جت في عزام وقع عزام مغشي عليه وصدمه باسم 

باسم ( عزام لا هبقي خسرت مراتي و ابني و اخسر صاحبي اللي زي اخويا )

عزام يتكلم بضعف و نفس متقطع ( الحق مارك يا باسم سبني يلا قوم )

   قام باسم زي التور قبض علي مارك  و رجالته وحطه في البوكس ومشيوا الظباط بيهم )

باسم قرب من عزام اللي كان بيلقط أنفاسه الأخيرة و مش قادر يتنفس 

عزام ( انت كنت اكتر من اخ يا باسم كمل اللي مش هقدر اكمله و اقبض علي باقي العصابه واقبض علي الصقر يا باسم)

  عزام قفل عينه و فارق عزام  الحياه و باسم كان في صدمه ( لا يا عزام قوم ليه كل اللي بحبهم بيمشوا من حياتي قوم يا عزام انت قوي )

  لكن لا حياه لمن تنادي و خد باسم عزام علي المستشفي علي امل يبقي لسه عايش و يلاحقوه خدوه  الممرضات و الدكتور فحصه و خرج وقرب من باسم 

باسم ( عايش صح )

الدكتور بحزن ( البقاء لله)

باسم اتسعت عينه وفضل يضرب بأيده في الحيطه ) 

باسم ( لا ده كدب اكيد لا كفايه ارجوكم مش قادر استحمل كل دي صدمات )

الدكتور ( شد حيلك )

باسم ( كلكم سبتوني ليه )

  وصل الخبر لي انور وجه انور المستشفي وهو بيجري وكان معاه رزان اللي لما سمعت بلي حصل وجت معاه عشان يعتبر باسم و عزام زي اخواتها )

رزان ( عايش صح قول عايش يا باسم كفايه حزن بالله عليك )

باسم كان مصدوم و دموعه بتنزل مش عارف يلاقيها منين ولا منين )

باسم ( مات راح زي ما كله راح )

انور و رزان اتصدموا ونزلت دموع رزان في صمت و انور كان مصدوم هما مش صحاب لا دول اخوات )

انور( كده كتير )

  رزان ( كده يا عزام ده انت كنت بتقولي لازم اجوزك و اشوفك مع عريسك كده )

    وكانوا كلهم في حاله صعبه اوي)

        نروح عند روح 

روح كانت قاعده وحسيت بنغزه في قلبها حطيت أيدها علي قلبها ( في اي قلبي وجعني اوي كده ليه)

صقر قرب منها ( في اي يا حبيبتي مالك )

روح ( مش عارفه قلبي وجعني حاسه في حاجه )

صقر ( طب رني علي اختك اطمني عليها )

  روح رنيت علي رزان و رزان رديت و كان صوتها باين عليه العياط )

روح ( رزان انتي كويسه مالك بتعيطي ليه )

رزان ( عزام يا روح مات عزام مات )

اتسعت عين روح ووقع التلفون من أيدها من كتر الصدمه جري عليها صقر ( روح حبيتي مالك في اي )

رزان سمعت كلمه ( روح حبيتي وقالت في سرها روح حبيبتي يعني كلام انور صح ) 

   روح رجعت مسكت التلفون بحزن ( ازاي )

خد باسم منها التلفون ( اي ياست روح مستنيه مين تاني يموت عشان تنفذي مهمتك)

روح ( عزام مات ازاي)

باسم ( واحنا بنقبض علي مارك ضربه بالنار )

روح ( قبضتوا علي نايا)

باسم ( لا مكانتش معاه انتي ناويه تنفذي المهمه امتا )

روح ( ها قريب اوي )

باسم ( علي اساس كل ده معملش اي صفقه ولا هرب اي شحنه )

روح ( لا يا باسم انا لازم احضر جنازه عزام )

باسم قالها علي معاد الجنازه وقفلت معاه وفضلت تعيط روح ( عزام مات يا صقر )

صقر خدها في حضنه ( ممكن تهدي طيب حبيبتي عشان خاطر ابننا )

روح ( مالهم بيموتوا واحد ورا واحد ليه )

صقر ( انتي مؤمنه يا روح )

روح ( انا لازم احضر الدفنه )

صقر ( انا خايف عليكي ومش هعرف اكون جنبك وانتي حامل )

روح حطيت أيدها علي بطنها ( متخفش علي ابننا ده في بطن مامي )

صقر ضحك ( احلي مامي المهم بلاش تعيطي و الجنازه هتكون فيها عياط وتعب أعصاب وانتي حامل )

روح ( لازم اروح )

صقر ( ماشي وهقف من بعيد تمام )

روح ( لا اخاف عليك باسم ناوي علي غدر )

صقر ( فداكي عمري حبيبتي )

روح بصيت له وسرحت فيه ( انتي مش زي ما هما شايفينك يا صقر انت مليان بالمشاعر و الحب يا حبيبي )

     و مر اليوم تاني يوم قامت روح بحزن ولبست فستان أسود قرب منها صقر ( بلاش حزن احسن هخليكي مترحيش )

روح ( لا خلاص )

   وخرجت روح مع صقر وركبت العربيه معاه وراحت المقابر وصقر واقف بعيد عشان محدش يشوفه قربت روح منهم اول ما شافتها رزان جريت عليها حضنتها جامد بطن روح وجعتها من قوه الحضن و قالت( اه بطني )

رو بصيت ليها بشك و اتكلمت بصوت واطي جنب ودن روح ( انتي حامل ولا اي )

روح ظهر عليها التوتر ( وحشتيني اوي يا رزان )

  باسم ( اخيرا ظهرتي القعده حلوة مع المجرم )

روح بانفعال ( اياك تغلط يا باسم )

انور و رزان بصوا لبعض روح ادركت الموقف ( انت كده بتهين قوتي في شغلي و بتهني انا)

باسم ( شايفه عزام مات و انهار و ابني هقتل صقر بأيدي )

روح خافت علي صقر وبصيت علي بطنها وحطيت أيدها علي بطنها من غير ما حد ياخد باله ( متخفيش حبيبي ابوك مش هيحصله حاجه) 

  روح بصيت علي قبر عزام بحزن وعيطت بس حسيت بتعب و دوخه كانت هتقع مسكتها رزان بسرعه ( امشي يا روح قبل ما تكشفي لو حد خد باله هيعرفوا انك حامل رغم أنه لسه بطنك مش ظاهره يلا بسرعه امشي اوعي تكوني عملتي حاجه حرام يا روح )

روح بصوت واطي ( صقر جوزي يا رزان انا عمري ما اعمل حاجه حرام انتي عارفه اختك كويس )

رزان ( طب امشي يلا شكلك باين عليه اوي وانا هكلمك واقولك علي خطه )

روح ( انا لازم امشي يا باسم عشان صقر ميشكش فيا )

   باسم بص لها ( ياريت نسرع في تنفيذ المهمه)

روح قلبها اتقبض وكانت حاسه هيغمي عليها من كتر التوتر ومشيت روح بسرعه ومشيت بعيد عن عينهم وركبت مع صقر و مشيوا بسرعه رجعوا الفيلا )

روح ( كنت هموت من الخوف عليك )

   ونزلت دموعها صقر ( هش انا كويس يا نور عيني )

روح ( انا خايفه اوي عليك حتي ابنك خايف عليك ومكنش قادر يسمع كلام باسم )

صقر ( انتي وابني في عيني يا نور عيني )

       ولما روحت رزان كلمت روح و قالت لها علي خطه و مريت الايام عليهم  عند نايا في الفندق 

نايا ( بتخطط ازاي تخرج مارك و تهربه )

         ونروح عند روح 

روح صحيت من النوم وفضلت تبص علي صقر بحب وتضحك وفضلت تصور فيه وهو نايم و حطيت ايده علي بطنها و صورته  

روح ( عارف حبيبي لما تخاف تخسر حد بتحبه انا خايفه اخسرك واعيش من غيرك يا حبيبي انا مش هقدر استحمل بعدك اوعي تسبني ارجوك ) 

 صقر قام صحي وبص في عينها ( انا جنبك ياست البنات و بموت فيكي )

  وحضنها بحب و نزلوا في الصاله تحت 

          نروح عند باسم

باسم ( فاكره نفسك هتقدري تضحكي عليا ياست روح انا عرفت بيت الصقر لما وصلك المقابر بنفسه )

انور قرب منه ( في اي )

باسم ( يلا بينا رايحين نقبض علي الصقر )

  وجهزوا حمله وراحوا علي بيت صقر وكسروا الباب ودخلوا روح اتصدمت ( باسم بتعمل اي )

باسم ( جيت اعمل اللي انتي معرفتيش تعمليه )

 

 وقرب باسم من صقر ووجه السلاح علي صقر 

روح ( لا يا باسم صقر ابو ابني بلاش تحرم ابني من ابوه )

باسم ( وهو حرمني من مراتي و ابني  )

روح ( مش هو ده مارك )

باسم وجه السلاح علي بطن روح ( يا اقتل ابنك يا صقر )

   صقر ( ابعد عنها حسابك معايا انا )

  باسم ضرب طلقه وجت في

 

      ياتري في مين

     معقول صقر ممكن يحصل له حاجه

     وبكده خلص الجزء ده

        بقلمي أية أمير

الحلقه التاسعه من هنا

بداية الروايه من هنا

تعديل المقال