رواية حكايات بنات الجزء الاول البارت التاسع والعشرون والثلاثون والاخير
 |
رواية حكايات بنات الجزء الاول البارت التاسع والعشرون والثلاثون والاخير
حكايات بنات p29
امنيه
عدا اسبوع وانا كل يوم بروح المكتب وهو بيحاول يراضيني مره، ويضايقني مره
عز من المكتب_ أمنية تعالى
أمنية_ حاضر يافندم
"في المكتب"
أمنية_ افندم
عز _ تعالي اقعدي
أمنية_ مرتاحه كده
عز _ مديرك بيقولك اقعدي ف تقعدي
أمنية_ حاضر
عز _ شوفي " الاب توب بايظ ف كنت عاوز انقل دول من هنا لهنا بخط الأيد، وياريت بالرقعه...
أمنية _ حاضر
بدأت اكتب وانا عارفة انه مش محتاجهم ولا حآجه بس بيجر شكلي
عز _ نقطه النون بتكون شابكه مش منفصله، وصليهم ببعض متبقيش مفرقه دايما كده
أمنية _ ماشي
عز _ سيبي خلاص
أمنية _ تمام،، اي اوامر تانية
عز _ هاتيلي كابتشينو
أمنية _ حاضر
عز _ وكباية. ميه
أمنية _ حاضر
عز _ و... خلاص
أمنية _ حاضر
عز _ واحشتني ماهي هي مبتجيش ليه
أمنية _ معرفش
عز _ كلميها وقوليلها... وحشتني وحرام تبعد عني كل ده
أمنية _ حاضر هكلمها
عز _ خليها ترجع ضروري
أمنية _ حاضر
عز _ وقوليلها تبطل استفزاز
أمنية _ حاضر
عز بزهق _ بقولك خليها تبطل استفزاز، انا اتخنقت
أمنية _ حاضر هبلغها
عز _ هوووف... امنيه خلاص
أمنية _ حاضر يافندم
عز بنرفزه _ ما خلاص ايه الاسلوب ده،...
أمنية _ وانا اتكلمت
عز _ اتكلمي، مينفعش ارغي مع نفسي.. يعني لا كلام صريح نافع ولا تلميح نافع
أمنية _ احنا في الشغل دلوقتي.. اي اوامر تانية
عز بزهق _ اقعدي وكملي كتابه
أمنية _ حاضر يافندم اتفضل الكابتشينو اهو
عز بخنقه _ اكتبي اكتبي
أمنية _ حاضر
عز يرمي المج بانفعال والكابتشينو يدلق علي ايده
أمنية بخضه _ ايدك اتلسعت..
عز بحده_ انا كويس كملي
أمنية _ طيب خليني اروح اجيب مرهم
عز _ مش عاوز منك حاجه
أمنية _ براحتك
عز بخنقه _ هفضل احايل فيكي لامتي
أمنية _ مطلبتش منك تحايلني
عز _ غلطان تصدقي،، انا كنت فاكر انك بتدلعي شويه بس من الواضح انك بايعه بجد
أمنية _ خليني ابيع مره من نفسي، اشمعنا انت
عز _ انا لو كنت عاوز ابيعك مكنتش فكرت اسيب كل حاجه واسافر،.. مكنتيش هتبقي فارقه عندي اصلا
أمنية _ متشكره جداً انك كنت هتسافر علشان بتحبني، قد ايه انا وحشه ومبقدرش
عز _ يعني مش مصدقه اني بحبك
أمنية _ لأ ولا هصدق .. انا كنت مستعده اسيب كل حاجه واهرب معاك بس انت معملتش اي حاجه، واكيد لو كملنا هتسبني تانى بردو
عز _ تحبي اكتبلك تعهد بأني عمري ما هسيبك
أمنية _ وهعمل ايه بالتعهد ده بعد ما تسبني
عز _ طيب ارضيكي ازاي دلوقتي، ومتقوليش تسيبني او ارفدني
أمنية _ مفيش حاجه هترضيني غيرهم
عز _ يبقا مترضيش
أمنية _ اي اوامر تانية ولا ارجع مكتبي
عز _ روحي
أسامة
بقيت كل يوم اكلم شيري لغيت الصبح وبروح الجامعة عشان اقابلها ونقعد جمب الشجرة بتاعتنا
أسامه _ طيب إيه
شيري _ ايه
أسامه _ مش هنعمل الخطوبه بقا
شيري _ امتي طيب ما انت شايف زنقة المذاكره
أسامه _ نعملها في يوم اجازة
شيري بإبتسامة _ ماشي
أسامه _ اناكنت عاوز نتجوز علي طول، بس لقيت اني لازم اشتغل الاول ولا ايه رأيك
شيري_ وانا رأيي كده بردو،
أسامه _ طيب إيه رايك اسيبني من التعليم واروح اشتغل في الشركة مع خالي
شيري_ طيب والشهاده
أسامه _ أنا مليش دماغ لتعليم وكمان مش محتاج شهايد
شيري _ دا مستقبلك ازاي هتسيبه
أسامة _ مستقبلي معاكى انتى
شيري بإبتسامة _ خلاص موافقه
أسامة بضحك _ بتليني بسرعه من غير مجهود
شيري _ مبقدرش اكون قويه معاك مع اني بكون حالفه مليون مره اني مش هصدقك ولا اعبرك
أسامة _ عشان بتحبيني انا عارف
شيري بإبتسامة _ بحبك فعلاً.. ولو قولتلي يلا في داهيه هروح معاك وانا مغمضه
أسامة بضحك _ طيب يلا في داهيه
شيري _ ههههه يلا
أسامه _ لا بس كده غلط انا مش عاوزك كده،، ايوه انا بحبك وبحسك طفلة انا مسؤول عنها، بس هحبك اكتر لو شديتي شويه... كوني قويه
شيري _ قويه مع الكل الا معاك انت
أسامة بإبتسامة _ احنا كان لازم نعمل الحوار ده في مكان مقفول
شيري _ ممكن تبطل قلت ادبك
أسامة _ علي فكره انتي نيتك سوده، انا كنت هحضنك بس
شيري _ ودي مش قلت ادب يعني
أسامة _ مبعتبرهاش قلت ادب،، الحضن بنسبالي احتواء،... حياه، وبعيدآ عن قلت الادب، بس انا مفيش حاجه ممكن تطلعني من حزني قد الحضن من حد بيحبني ..
شيري بإبتسامة خفيفه _ كلامك صح
أسامة بتأمل _ اقولك حاجه
شيري _ قول
أسامة وهو يتأمل وجهها _ خدت وقت عشان اعترف لنفسي اني بحبك، انا عمري ما كنت اتخيل اني احب وكنت بتريق على الناس اللي بيحبو، لغيت ما حبيتك
شيري بإبتسامة _ وانا كمان مصدقتش ان اللي زيك ممكن يحبو
أسامة _ طيب ودلوقتي مصدقه ولا اسبل عيوني اكتر
شيري _ ههههه مصدقه
أسامه يغني بإبتسامة _ ياللي شمس الدنيا تطلع لما تطلع ضحكه منك، حسي بالناس الغلابه اللي زيي بعد اذنك، بطلي تحلوي اكتر، واوعي وشك يوم يكشر،، اضحكي دايما ياسكر ياللي سابقه بجد سنك
شيري بضحك _ صوتك حلو
أسامه _ انا دايما بغني في الحمام بس لما بكون لوحدي وعمر ما حد سمع صوتي غيرك .. يعني تميزتي يا فقريه
الدكتور من الخلف _ لا ياحبيبي كل الجامعه سمعت صوتك..
أسامه يبص حوليه يلاقي الناس بيتفرجو عليه
شيري بارتباك _ اصله هيقدم في برنامج ارب ايدول مش كده يا اسامة
أسامه بارتباك _ صح ابقو صوتولي على رقم 1 انا أسامة من مصر... قومي فضحتينا
كان منظرنا زباله قدام الناس وطلعنا وهما بيبصو علينا بس منكرش اني اصابني الغرور وكنت لسه هرفع ايدي احي الجمهور لغيت ما واحد مبيفهمش في الغنا قالي... هي ناقصه تلوث سمعي على الصبح.. وكنت هضربه بس شيري مسكتني
سامر
كنت قاعد في بيت اسامه لوحدي والباب خبط وروحت فتحت لقيته بابا
سامر _ بابا
شاهين _ يعني سايب بيتك انت وتعبان وجاي عند بيت الناس
سامر _ مليش بيت.. اتفضل
شاهين _ علي اساس ده بيتك بتعزم عليه ادخلو،، يلا هنروح
سامر _ وايه فكرك بيه دلوقتي ما انا ليه اكتر من اسبوع خارج من المستشفي
شاهين _ انا كنت مسافر ولسه راجع النهارده
سامر _ هه مكنتش تعرف اني مش في البيت يعني
شاهين _ لا مكنتش اعرف محدش قالي
سامر _ امال ماما اللي اتبرت منى مقالتلكش انك خلاص مبقاش ليك ابن
شاهين _ قالتلي لما رجعت، وادتلها الحق، ازاي يعني تجوز بنت البواب
سامر _ مسمهاش بنت البواب يا بابا، اسمها يارا
شاهين _ تشرفنا ياست يارا، لا كده تجوزها طالما طلع اسمها يارا
سامر _ من فضلك متتريقش،
شاهين _ كمان هتعرفني اتكلم ازاي، ماشي،.. ممكن تتفضل قدامي بقا
سامر _ مش هروح غير لو وافقتو اني اتجوزها
شاهين بنرفزه _ تجوز مين انت اتجننت، انت مش عارف نفسك ابن مين
سامر _ عارف بس انا بحب يارا ومش هقدر متجوزهاش، لو بتحبني يا بابا وافق
شاهين _ اوافق ايه، طيب ونعرفها لناس ازاي لما يجو يحضرو الفرح
سامر _ مش عاوز افراح كل اللي عايزة موافقتكم، هي مش موافقه تتجوزني غير لما توافقو انتو
شاهين _ مينفعش بردو
سامر _ بابا انت عمرك ما رفضتلي طلب عشان خاطري وافق علي الطلب ده كمان و اوعدك عمري ما هطلب منك حاجه تاني
شاهين بزهق _ طيب والناس نقولهم ايه
سامر _ متقولش لحد مش لازم الكل يعرف ويحكم، المهم انا هكون مرتاح معاها ولا انتو مش عاوزيني ارتاح
شاهين _ وانت راحتك متجيش غير في تعبنا احنا
سامر _ وانت لما اتجوزت ماما مش كانت من اسره على قدها بردو.. ليه تدي لنفسك الحق تجوز زي ما انت عاوز وتحرم عليه الحق ده
شاهين _ امك تختلف، ايوه اهلها كانو فقره بس ابوها مش بواب
سامر _ وبنت البواب دي لو عرفتها كويس هتكبر في نظرك ارجوك وافق عشان خاطري يا بابا
شاهين _ طيب يلا معايا وبعدين نتكلم مع نوال ونشوف هنعمل ايه
سامر _ لا يا بابا مش قبل ما توافقو
شاهين بغيظ _ هو لعب عيال ولوي دراع ولا ايه، بقولك يلا
سامر _ مش قبل ما توافقو
شاهين بزهق _ خلاص ماشي بس يلا
سامر _ موافق ولا لأ
شاهين _ متنيل موافق، بس امك اكيد هترفض
سامر _ اقنعها انت، وبعدين انت الراجل وكلمتك هي اللي تمشي
شاهين _ بتفتني علي امك ياولد
سامر _ لا طبعا بس انت الراجل ومينفعش تعارض كلمتك
شاهين _ ماشي يا سوسه، همشي. كلمتي، بس يلا خلصني انا نفسي انام
سامر يقبله بفرحه _ راجل وسبع كمان وانا متأكد انها متقدرش تقول لأ
شاهين بإبتسامة _ ماشي بس يلا كفاية نفاق
منه
قرب معاد االفرح وانا ومعاذ بقينا نلف على المحلات
معاذ _ ايه رأيك في الفستان ده
منه _ هو حلو بس كفايه فساتين
معاذ _ لا خديه ، حاسه هيكون حلو عليكي
منه _ اووكي ناخده،
معاذ _ طيب تعالى هوريكي حاجه تانيه
منه _ حاجة ايه
معاذ _ تعالي معايا بس هغمي عينيكي عشان دي مفاجأة
حط ايديه علي عيوني ومشينا شويه
معاذ _ واحد اتنين تلات ايه رأيك
منه بصدمه _ رأي في ايه
معاذ _ في اللبس ده
منه _ هو فين اللبس
معاذ _ يابنتي اهو علي المسخوطه دي
منه _ احم، قصدك الخيوط دي
معاذ _ اه حلو مش كده
منه تمشي وهو يروح وراها
معاذ _ في ايه، ليه مشيتي
منه _ ههههه مفيش
معاذ _ معجبكش اللبس
منه _ انامشوفتش اي ملابس يا معاذ، دي خيوط يا حبيبي ملهاش لازمه
معاذ بإبتسامة _ اه بس ده عاجبني وهنشتريه
منه بخجل _ براحتك
معاذ _ طيب خلاص مش هحرجك وانا هروح اشتري شويه كده
منه بضحك _ خساره الفلوس فيهم.. تعاله بس نجيب حاجه عليها القيمه
معاذ _ نجيب اللي عليه القيمه وقليل القيمه ملكيش دعوه انتي
منه بضحك _ طيب انا هروح اشتري اللي عليه القيمه وانت اشتري عديم القيمه
عز
كنت قاعد قدام التلفزيون وبقلب وخلاص واسامه جه وقعد جمبي
أسامة _ ارحم الريموت
عز _ مش لاقي حاجه تسمع
أسامة _ في كتير بس انت مش مركز .. مالك شكلك مش عاجبني
عز _ اصله قِدم، معايا من ساعة ما اتولدت
أسامة _ ايه اللي حصل
عز _ مفيش انا كويس
أسامه _ انتو زعلانين ولا ايه
عز _ انا ومين
أسامه _ اماني.. مش اسمها اماني بردو
عز بتنهيده _ لأ
أسامة _ انت قولت اسمها أماني
عز _ كدبت عليك
أسامه _ وكدبت ليه
عز يعتدل في قعدته ويزفر بخنقه _ خوفت تزعل لو عرفت هي مين
أسامة _ مش هزعل غير لو كانت هي شيري
عز _ لأ مش شيري
أسامه _ امال مين
عز بعد صمت _ أمنية
أسامه بذهول مصتنع _ أمنية، ودا من امتي، اوعا تقول من وقت ما كنا مخطوبين
عز _ من قبل.. أمنية هي نفسها السكرتيره اللي كلمتك عليها
أسامه بإبتسامة _ ما انا عارف
عز _ عارف ازاي
أسامه _ عرفت وخلاص... وزعلت منك اووي
عز بخيبه _ مين قالك
أسامه _ انا عرفت لوحدي ... و كان لازم تقولي من اول ما خطبتها،..
عز _ انا نفذت كلامك وروحت كلمتها وطلبت ايدها ولما كلمتك عشان اقولك انت فاجأتني بانها هي
أسامه _ ومقولتيش ليه
عز _ عشان انت اول مره تقول اتجوز،، فكرت انك بتحبها ومكنتش عاوز اخسرك
أسامه _ زعلت منك ياخالي مكنش ينفع تخبي عليه حاجه زي دي مهما يحصل، افرض طلعت بحبها صح كنت هتقبل عليه اني اكون مخدوع بينكم
عز _ وعلشان كده انا كنت هسافر
أسامة _ مكنش حل.... علي العموم حصل خير والحمدلله اني مكنتش عاوزها
عز _ بس انت بردو غلطان في اللي عملته.. افرض هي كانت صدقتك واتمسكت بيك، كنت هتسيبها عشان اختها بردو
أسامه _ عندك حق،، انا غلطت فعلاً
عز _ المهم تكون اتعلمت
أسامة _ اتعلمت
عز _ كويس
أسامة _ بالمناسبة، انا كنت عاوز اكلمك في موضوع الخطوبة
عز _ خير
أسامه _ عاوز اعمل الخطوبه بعد يومين
عز _ ماشي نعملها في اكبر قاعه
أسامة _ وانت هتخطب معايا
عز _ انا لسه بدري عليه
أسامة _ مش معاك حق الدبل؟
عز _ العروسة مش موافقه ومطلعه عيني معاها.. تعبت وانا اقنع فيها
أسامة _ وهي مش مقتنعه ليه
عز _ عشان سبتها لما انت خطبتها
أسامة _ الظاهر اني بوظتلك الدنيا
عز _ دي حقيقه
أسامة _ ولا تزعل هصلحهالك فورآ
عز _ هتعمل إيه
أسامة _ هنشرب شاي الاول وبعدين اقولك
عز _ ماشي
دخل يعمل شاي وجابه وقعدنا نشرب
عز _ ايوه سامعك.. هتصلح الدنيا ازاى
أسامة _ هي. مش بتحبك بردو
عز _ بتحبني
اسامه _ ولو حست انك تعبان هتيجي جري
عز _ بيتهيألي
أسامة _ بس كده
عز باستغراب _ بس كده أيه
أسامة _ دقيقه بس اتصل بشيري وافهمك
مسك التليفون واتصل بيها وانا حسيت نفسي مكتوم ومش قادر اتنفس، وبقيت اتلوي في الارض واسامه ساب التليفون وقعد يزعق
اسامه _ خالي.. مالك يا خالي ... خالي انت سامعني
شيري على التليفون _ اسامه في ايه
أسامه _ ياااااخالي،
أمنية
سمعت شيري بتنده على اسامه في التيلفون وتسأله في ايه. خالي ماله
مسكت منها التليفون وبقيت اسمع، اسامه وهو بيكلم عز وشكله تعبان ومش بيرد عليه
أمنية بقلق شديد_ في ايه، مالو عز
شيري بقلق_ معرفش كان بيكلمني وفجأه بقا يزعق كده
أمنية _ طيب اقفلي واتصلي تاني بسرعه
قفلت واتصلت تانى، وهو رد وانا خدت منها التليفون
أمنية بقلق_ في ايه يا اسامة، مالو عز
أسامة_ مش عارف.. مش عارفه، اقفلي هتصل بالاسعاف .. وقفل معايا
عدي بيدخل عليهم _ في ايه يا امنيه مالو خالي
أمنية ببكاء _ معرفش .. انا ريحالو
شيري _ هتروحي فين استنى وانتي تعرفي بيتهم أصلا
أمنية _ ايوة
سبتهم وروحت بيتهم وخبطت واسامه فتحلي وكان شكله زعلان ويقلق
أمنية _ في ايه
أسامة بحزن _ خالي يا أمنية . ويبتدي يبكي
أمنية بدموع _ مالو
أسامة ببكاء _ اتسمم
أمنية بصدمه _ طيب وهو فين
أسامه _ الدكتور عنده جوه تعالي ادخلي
دخلت وبقيت مستنيه لغيت ما طلع الدكتور
أسامة بقلق_ في أيه يا دكتور
الدكتور _ هو خد حاجه سببتله الحاله دي،، هو بياكول من الشارع ولا حاجه
أسامة بحزن_ لا خالص بس كنت شايفه بيشرب برشام كتير سألته ليه ده.. قالي علشان اموت
الدكتور _ مش لدرجة الموت، هو بقا كويس بس ادتلو حقنه ودلوقتي نايم متقلقوش
أمنية بدموع_ يعني هو متأذاش يا دكتور
الدكتور _ لأ متقلقيش،.. خد هاتلو الروشته دي وياخد الدوا بانتظام
أسامة_ متشكر جداً يا دكتور.. اتفضل اتفضل
وصل الدكتور ورجعلي وهو زعلان
أسامه_ شوفتي عمل ايه.. انا مش عارف من غيره كنت عشت ازاي
أمنية بدموع _ ليه عمل كده
أسامه بحزن _ معرفش اهو بقالوه فتره بيرجع ويقفل علي نفسه ومبيكلمش حد وياريت بيقولي فيه ايه
أمنية بدموع _ حمدالله على سلامته استأذن انا
أسامة _ ممكن تخليكي عشر دقايق يكون جبت الدوا ورجعت، متضمنيش يمكن يصحا ويتعب تانى
أمنية _ حاضر
مشي أسامه وانا دخلت عنده وبقيت ابص لشكله وهو تعبان، وندمت اني زعلته، اكيد عمل كده بسببي
أسامة
في حبايه بنجيبها لزوم التخطيط انا والشله و بتدي نفس نتيجة السم وبتعمل ضيق تنفس ومفعولها بيروح بعد ساعتين.. وخالي لو عرف انى حطتله منها في الشاي هيطردني من البيت
حكايات بنات p30 والاخير
عز
فتحت عيني، لقيتها جمبي وبتبصلي بإبتسامة.. قومت مفزوع وانا مش مستوعب اذا كُنت لسه نايم ولا بحلم.... بعدين مديت ايدي عشان اتاكد، ولمست وشها طلعت حقيقيه الحمدلله
عز _ احم.. انتي هنا
أمنية بإبتسامه_ انا سمعت انك كنت عندي انا وتعبانه قولت اردهالك
عز _ جيتي علشاني
أمنية _ ايوه
عز _ لو اعرف انك هتيجي كنت تعبت من زمان
أمنية _ انت ليه عملت في نفسك كدا، مش حرام عليك
عز _ عملت ايه
أمنية _ كنت هتنـ.تحر
عز باستغراب _ انا
أسامه يدخل فجأه _ جبببتلك الدوا حمدالله على السلامة يا غالي
عز _ متشكر، بس انا نفسي اعرف ايه حصلي كنت كويس
أسامة بمقاطعه_ اللي حصل انك نسيت ربنا وكنت عاوز تموت نفسسسك يا خااالو مش حرام .. امنيه ما تعملي شاي علشان لازم يشرب الدوا مع الشاي
أمنية _ حاضر... وبتمشي
عز _ مالك شكلك مش مريحني
أسامة يقعد جمبه ويحط ايده على كتفه_ انت كنت هتنـ.تحر ولا نسيت
عز _ انا انتـ.حر
أسامة _ ايوووه يا خالو، كنت بتحاول تخلص من حيا.تك علشان زعلان ومضايق، مش ده اللي حصل
عز يجز على سنانه بغيظ _ انت عملت ايه،
أسامه بإبتسامة _ حطتلك حبايه
عز بغيظ _ حباية ايه يلااا
أسامة _ معرفش بس هي بتعمل الأعراض اللي انت حسيت بيها
عز يقعد علي ركبتيه ويقرب منه بغيظ واسامه يميل للخلف بخوف
أسامة _ خالي اهدي اهدي .. انت بتتحول ولا إيه.. يا اااامنيه
عز _ اششش طيب بس تمشي هعلقك يا صايع
أسامه يطبطب على كتفه _ ايوة خليها لما تمشي متبوظش الخطه.. اهداااا ريلااااكس
عز ياخد نفس وهو بيجز على سنانه ويغمض عينيه بنفاذ صبر
أسامة _ ايه يا عزوز، خلاص انا همشي وهفضيلك السكه
عز _ انا كرهتك
أسامة يقوم فجأه _ وانا عملت كده علشان بحبك يلا انا ماشي اوعا تقل ادب بوس بس بوووس بس
عز يمسك المخده ويحدفها عليه
أسامة _ هاخدها معايا والله لو محترمتنيش
عز يمسك الشبشب ويحدفه عليه _ ما تغور يا صايع
أسامه _ غوورت دا انت واطي
مشي يتسحب وامنيه جت بشاي وملقتهوش
أمنية _ الشاي
عز _ متشكر
أمنية _ امال فين أسامة
عز _ مشي
أمنية _ طيب الف سلامه عليك، انا لازم امشي.
عز يوقف جمبها _ هتمشي ليه خليكي شويه
أمنية _ ما كفايه كده، انا اطمنت عليك خلاص
عز _ يعني مش زعلانه منى
أمنية _ زعلانه واوي كمان.. مكنش ينفع تعمل كده في نفسك
عز _ متزعليش
أمنية بإبتسامه _ ماشي عن اذنك
عز يمسكها من ايدها وهي تبص لايده بارتباك
عز بتأمل _ وحشتيني
أمنية _ لازم امشي
عز _ استني شويه
أمنية _ مش هينفع
عز _ متخافيش انتي بس وحشتيني وعاوز اقعد معاكي شويه اعتبريني لسه عيان
أمنية _ طيب...
عز _ هو انا كان لازم أموت قدامك عشان ترضي عليه
أمنية_ بعد الشر عنك، انا بس كنت متعشمه فيك زيادة
عز _ دلوقتي تقدري تتعشمي زي مانتي عايزة مش هخذلك أبداً
أمنية_ تسلم
عز بعد صامت دام طويلآ _ تتجوزيني
أمنية بارتباك _ هفكر
عز _ متفكريش
أمنية بإبتسامه _ خلاص هرد عليك بعدين
عز _ ودلوقتي قال إيه
أمنية _ مش وقته ولا مكانه
عز بإبتسامة _ ماشي نستنا
أمنية _ يلا مع السلامه.. والف سلامة عليك
تيجي تمشي وهو يشدها ليه ويحضنها لدقائق
عز بتنهيده _ هتوحشيني من هنا لصبح
أمنية تبعد عنه _ ماشي.. يلا سلام وبتمشي بسرعه
سامر
رجعت البيت وبالليل بابا نده عليه وقالي عاوزين نتكلم معاك
سامر _ نعم يا بابا
نوال _ انت عاوز تتجوز يارا
سامر _ ايوه ياماما
شاهين _ طيب احنا اتكلمنا في الموضوع و وصلنا لحل لو وافقت عليه تقدر تجوزها
سامر _ حل اية
نوال _ تتكفل بكل حاجه في الجوازة دي، يعني شقه ودهب ومهر ومصاريف الفرح تعملهم لوحدك احنا مش هندفع ربع جنيه..
سامر _ اوك موافق بس انتو لازم تروحو معايا بلدهم نطلب أيدها دلوقتي
نوال _ انا موافقه علي الجوازه بس مش هروح عندهم
سامر _ وانت يا بابا
شاهين _ اتنازل واروح ياسيدي وبكده يخلص دوري والباقي عليك
سامر بفرح _ بجد يا بابا
شاهين بإبتسامة _ بجد
سامر يقوم ويحضنه _ حبيبي ربنا يخليك ليا ويارب تبقا رئيس الوزراء
شاهين بإبتسامة _ طيب اقعد
نوال _ وانا مفيش حضن ولا انا الشريرة اللي في القصه
سامر بإبتسامة _ وادي حضن لاجمل نوال هانم، بس ايه الجمال ده خسيتي وكل يوم بتصغري، والله صحابي ما بيصدقو انك امي
نوال بضحك _ كل بعقلنا حلاوة
سامر بإبتسامة _ هو في حد يقدر ياكل بعقلكم حلاوه بردو..
مكنتش مستني يطلع النهار علشان اروح الجامعه واقابلها علشان اقولها..
تاني يوم روحت وبقيت ادور عليها لغيت ما لقيتها ولما شافتني بصتلي بإبتسامة وشكلها فرحت بشوفتي
يارا بإبتسامة خفيفه _ حمدلله على السلامة
سامر _ الله يسلمك.. ممكن نتكلم شويه
يارا _ خير شكلك فرحان
سامر _ اووي، واتمنا تفرحي لما تعرفي
يارا _ خير قول
سامر _ ماما وبابا وافقو، وبابا هيروح معايا نطلب ايدك من ابوكي في بلدكم
يارا بإبتسامة _ ايوه.. زين
سامر _ انتي مفرحتيش ولا ايه
يارا _ فرحت طبعا، بس فرحتي هتكمل لما يكلم ابوي وهو يوافق
سامر _ هيكلمو وهيوافق، بس في مشكله بسيطه لكن بإذن الله اقدر اعديها
يارا _ مشكله ايه
سامر _ قالولي انت المسؤل عن كل حاجه واحنا مش هندفع قرش
يارا _ ودا رأيي انا كمان
سامر _ وانا كمان بس يعني بكده هناخد وقت ف خايف متستحمليش
يارا بإبتسامة _ خلينا بس نعدي الخطوه الاولي وبعدين اقولك رأيي في الموضوع ده
سامر _ ماشي استنا
يارا _ ماشي استاذنك لازم ارجع السكن
سامر بإبتسامة _ ما تقعدي معايا شويه
يارا _ لا مبقعدش، يلا عن اذنك
حتي بعد الخبر ده مصعباها عليه، كان نفسي أقعد معاها شويه ونتكلم.. بس مش مشكلة دلوقتي نتخطب رسمي و وقتها هكلمها براحتي
أمنية
جه تاني يوم وعز واسامه جم عندنا علشان يتكلمو في موضوع الخطوبه بس انا حسيت ان ورا جيت عز حاجه تانيه غير الموضوع دا
أسامة _ استأذنك يا أمنية انا هاخد شيري ونروح نشتري الفستان
أمنية _ إيه رأيك يا شيري
شيري _ اللي تشوفيه
أمنية بإبتسامه _ ماشي روحي
أسامه _ يلا بينا... هتيجي معانا يا خالي
عز _ اه اقعد بس شويه وهنروح مع بعض
أسامه بإبتسامة _ وادي قعده
عز يحط ايده على كتف عدي _ انت راجل البيت صح
عدي بإبتسامة _ ايوة
عز بإبتسامة _ طيب ياعمي انا كنت جاى اطلب أيد كريمتكم
أمنية تدخل جوه وهى بتضحك من غير صوت
عدي بضحك _ خلينا نسأل عنك ونرد عليك بعدين
أسامه _ ابننا هيشيلها في عينيه وانا اشهدله بحس السير والسلوك ومش بيشرب سيجاره ولا يشم
عدي _ الاصول بتقول لازم نسأل
عز _ خدو وقتكم وانا مستني
عدي بإبتسامة _ فكرت خلاص وانا موافق،،، العصير يابت
عز _ بسرعه كده
شيري بإبتسامة _ احنا مش هنلاقي زيك
أسامة _ اقعدي ياخالتي، اقعدي
شيري _ عدي ليلتك
عز بإبتسامة _ طيب مش تندهو العروسة تقولنا رأيها
عدي _ أمنية
أمنية من جوه _ ايووه
عدي _ تعالي متعمليش مكسوفه
أمنية بتيجي وتبعد نظرها عن عز _ نعم
عدي _ الاستاذ طالب ايدك وانا موافق
شيري _ وانا موافقه
أسامة _ اقعدي يا خالتى
شيري بغيظ _ ماشي
عز بإبتسامة _ اهدا يا حبيبي اهداا... ها قولتي ايه
أمنية _ محتاجه افكر
أسامه يقوم ويسقف بأيده_ تفكرررري ايه يابت ابننا اي واحده تتمناه قوم يابني، دي بنت طنطك سعاد تتمناك
عز يشده من ايده _ اقعد ياحبيبي، اقعد
أمنية بضحك _ دا بيردحلي
شيري _ الله يكسفك
أسامة_ اصله مش وقته.. انا عاوز امشي
عز _ روح انت
أسامه_ يلا يا خالتي دول لسه هيفكرو
أمنية بإبتسامه_ خلاص انا موافقه
فضلنا نتكلم واسامه مبطلش استعباط طول القعدة، وبقا يزن عشان نعمل خطوبتنا معاهم، وفعلا قررنا اننا هنعملها في نفس اليوم، وروحنا كلنا نجيب الفستاين والخواتم،وبعد ما جبنا الفستاين سبناهم وروحنا نجيب الخاتم لوحدنا
عز يمسك خاتم الماس _ وريني ايدك
أمنية _ ايه ده .. لا طبعا ده غالى اوي
عز يمسك ايدها ويلبسهولها _ شوفي قيمته قلت ازاي في ايدك،
أمنية _ بردو مينفعش خلينا نجيب حاجه أرخص
عز _ انتي مش عاجبك شكله
أمنية _ اه وحش، استنا انا هختار
عز _ طيب متسترخصيش
أمنية _ انا هختار اللي هيعجبني وزي ما يكون سعره
عز _ وريني طيب هتختاري ايه
أمنية _ ده حلو
عز يمسكه ويرجعه مكانه _ لا شوفي غيره
أمنية _ انا عاجبني ده
عز _ اوكي،.. من فضلك عاوز الاتنين دول
أمنية _ لا مينفعش، انا هاخد ده بس
عز _ يلا لو سمحت
أمنية _ طيب خلاص هاخد اللي اختارته
عز _ ممكن تروحي تستنيني في العربيه يكون جيت
أمنية _ ما كفايه واحد
عز _ يلا روحي
روحت العربيه وبعد شويه جه، واداني علبه كبيره علي انها تكون علبة خاتم
عز _ قوليلي رأيك
أمنية تفتح العلبه وتبصلها بذهول _ ايه ده، لا ياعز روح رجعهم والله ما ينفع
عز يمسك انسيال من العلبه ويمسك ايدها ويلبسهالها _ حلو عليكي
أمنية _ كده كتير اوي، احنا جاين علشان خاتم واحد متفقناش على طقم كامل
عز _ أمنية عديها،.. وقوليلي.. انتي مبسوطه
أمنية بتنهيده _ مش محتاجه كل ده علشان اكون. مبسوطه
عز _ مش قصدي علي. دول... انا قصدي، مبسوطه اننا هنتجوز ولا. هتيجي بعدين وتحسي انك استعجلتي
أمنية تحط العلبة علي جمب وتمسك ايده _ كنت في الاول احس بانك. ممكن تكون بتحبني، ف ارجع اقول لنفسي، متعشميش نفسك هو مستحيل يبصلك،.. انت كنت بنسبالي زي الحلم.
عز يقبل يدها _ نفس شعوري وقتها مكنتش متخيل اننا ممكن نكون لبعض، وكنتي بنسبالي زي الحلم بردو
أمنية بإبتسامه _ حلو ان احلامنا تكون مشتركة وتتحقق
عز بإبتسامة _ طيب وبتحلمي بأيه كمان
أمنية _ بحلم اني اكول دره مشوي من الراجل اللي هناك
شيري
بعد ما خلصنا، طلبت من اسامه يروح معايا عند رفيق، كان لازم اعزمه على الخطوبه و اسامه واقف وروحنا مع بعض
"في العربيه"
أسامة _ معقول هتعزمي واحد متعرفهوش
شيري _ عرفته خمس ايام بس كاني اعرفه من صغري،.. لازم يحضر الخطوبه
أسامة _ ماشي مفيش مشكله،، بس قوليلي هو صغير ولا. كبير
شيري _ صغير
أسامة _ قد ايه يعنى
شيري _ حوالي 26 سنه
أسامة _ لحظه لحظه ... 26 سنه وقعدتي معاه خمس ايام لوحدكم
شيري _ ده محترم فيها ايه
أسامه بغضب _ شيري متخرجنيش عن شعوري، انتي مقولتيش من الاول انه صغير كده
شيري _ هتفرق في ايه صغير او كبير المهم انه هو اللي ساعدني ومغلطش معايا أبداً
أسامة بانفعال _ انتي بتقولي ايه، شيري متعصبنيش، طيب ايه رأيك هروح اكسر البيت علي دماغه ودماغك
شيري _ انا متأكده انك لما تشوفه هتحبه زي ما انا حبيته
أسامة يوقف العربيه فجأه _ حبيتيه؟ متخلنيش اغلط انا لساني زفر،، والله ار.ميكي قدام عر.بيه
شيري _ خلاص سحبتها
أسامه بانفعال _ انتي ازاي متقوليش انه صغير من اول ما رجعتي.. وازاي تباتي عنده لوحدك
شيري _ ممكن تهدا شويه
أسامه يدرب في الدريكسيون بغيظ _ متقوليش اهداا.. مش ههدا والغلط ده مش هعدهولك
شيري بإبتسامة _ طيب بس سوق قربنا نوصل وهتشوفه
أسامه _ ماشي يا شيري مااشي
حبيت اشوف هيغير عليه ولا لأ، وطلع بيغير فعلاً،، وخوفت اوي يضر.بني او ير.ميني قدام العر.بيات... لغيت ما وصلنا وخبطنا وهو حط ايدو في وسطه استعداد للخناق لغيت ما بيفتح رفيق ويشوفه ويبتدي ينزل أيديه
رفيق بإبتسامة _ أسامة صح
شيري بإبتسامة _ هو.. وحشتني يا بابا
أسامة بخنقه_ مين ده بقا
شيري بإبتسامة _ رفيق اللي استضافني عنده
أسامة بخنقه _ يعنى هو ده ولا بتكدبي
رفيق _ شكلها فهمتك انها كانت قاعدة مع شاب
اسامه _ فعلاً، طيب اعمل فيها ايه دلوقتي
رفيق _ وهتعملها ايه انا و واقف
شيري بإبتسامة _ ربنا يخليك ليا ياغالي
أسامه يميل عليها ويهمس _ غالي؟ حسابي معاكي بعدين ... ازيك ياحج، انا اسامه خطيبها
رفيق _ تشرفنا ، تعالو اتفضلو، وعاوز اعرف اتخطبتو ازاي
شيري بإبتسامة _ هحكيلك كل حاجه بس لما تعملنا مكرونه بالباشميل
رفيق _ لسه عاملها حالا هروح اجيبها
شيري_ حبيبي تسلملي
مشي رفيق وهو مسكني من دراعاتي بغيظ
أسامة_ واللهي، يعنى بتكدبي عليه
شيري _ كدبه بيضه
أسامة _ طيب وبتقوليلوه ليه حبيبي وغالي، ،.. دا انااا بتناديني بأسمي من غير كلمه حلوه
شيري بإبتسامة خفيفه _ ماشي يا حبيبي
أسامه _ بعد ايه ما انتي عكتيها
شيري _ قولت اشوفك هتغير عليه ولا لأ
أسامه _ وعرفتي اني بغير عليكي ولا لسه
شيري بإبتسامة _ اه
أسامه _ طيب متحاوليش تختبريني تاني علشان مش هفكر قبل ما اقطع رقـ.بتك
شيري بضحك _ ماشي
أسامة _ طيب انا عاوزك تناديني زيه اشمعنا هو
شيري _ اقولك يا بابا يعنى
أسامة _ معرفش المهم تناديني باسم حلو
شيري بإبتسامة _ معذبني تنفع
أسامة _ اوك ده حلو ناديني بيه علي طول
شيري بضحك _ مش هنديك غير بيه من دلوقتي
أسامة _ شيري ممكن متضحكيش انتي وبتكلميني لغيت ما نتجوز
شيري _ ليه
أسامه _ عشان عقلي بيوزني عليكي
شيري بضحك _ ماشي
أسامه _ عدي ايامك يا حبيبتي، مبقولش كلام وخلاص، بجد ضحكتك بتعذبني
شيري بإبتسامة _ حاضر
أسامه _ شاطره
ظل يتنقل بعينيه لتفاصيل وجهها بتركيز وهى تبادله تلك النظرات بإبتسامة شارده
رفيق من الخلف _ اه لا يا حبايبي ابعدولي عن بعض كده ... وانت شيل ايدك
شيري بارتباك _ شوفت عاوز يضربني علشان كدبت عليه
أسامه بإبتسامة _ انقذتها من أيدي، كنت لسه هضر.بها
رفيق _ اه ما انا عارف، اتفضلو المكرونة جاهزة
أسامة _ لا متشكر انا مش جعان
شيري بإبتسامة _ لازم تجربها هتعجبك
بقيت ازن عليه لغيت ما كل وكنت متوقعه انه هيبجح زي عادته بس بالعكس عجبته
اسامه _ مين اللي عملها
رفيق _ انا
أسامة _ تسلم ايدك بجد، انا بعشق الحاجات اللي مليانه شطه كده
شيري بضحك _ الحق يا بابا المكرونة بتاعتك عجبت اكتر انسان متعجرف ومفيش حاجه بتعجبه
أسامه_ اسكوتي يا خالتي
رفيق يبصلهم بإبتسامة _ بالهنا والشفا، ابقو تعالو كل يوم وكلو منها
"يوم الخطوبه"
منه
عزمونا علي الخطوبه وروحت انا ومعاذ نحضرها.. كانو هما الاتنين قمرات، واسامه وعز باين اوي حبهم ليهم
معاذ _ شكلهم مبسوطين
منه _ فعلاً، ربنا يسعدهم
معاذ _ عقبال فرحنا
منه بإبتسامة _ كلها كام يوم
معاذ _ حاسس الأيام بتمشي ببطئ شديد
منه بإبتسامة _ هتمر متستعجلش
معاذ _ مش مستعجل خالص انا تمام، ولا مش باين عليه
منه بضحك _ باين
أسامة
عملنا الخطوبة في قاعة وعزمنا صحابنا، وطول الوقت ملاحظ ان خالي مبسوط مع أمنية ومش معبر حد كنت عاوز اقوله ان دي خطوبه مش فرح بس استحيت،، لكن فرحت انه مبسوط كده، بقالو سنين لوحده ومفرحش ... وامنيه كمان كانت مبسوطه وكأنه جالها عوض عن التعب اللى شافته في حياتها، هما الاتنين كانو عوض لبعض
شيري _ بتفكر فى اية
أسامه _ شوفي عزوز مبسوط ازاى
شيري _ صح وامنيه كمان مبسوطه
أسامه _ كنا هنبوظ الدنيا معاهم
شيري _ اه فعلاً، يلا ربنا يسعدهم
أسامه بإبتسامة _ ويسعدنا يا خالتى
شيري بإبتسامة _ يارب يا معذبني
أسامة _ امال فين الراجل
شيري _ راجل مين
أسامة _ رفيق
شيري _ مش عارفه مجاش ليه
أسامة _ يمكن مش هيجي
شيري _ اكيد هيجي،
أسامة_ وجبتي التأكيد ده منين
شيري _ مش عارفه
أسامه _ طيب بصي وراكي
شيري تبص للخلف وتلاقيه جاي_ اهو جه مش قولتلك
أسامه _ قولتي صح.. قومي نستقبلو
رفيق بإبتسامة _ مش جايب ملح كنت رشيته عليكم
شيري تقبل ايده وهو يشدها منها ويقبلها علي جبينها وعينه تدمع _ الف مبروك
شيري _ الله يبارك فيك، مبسوطه انك جيت
رفيق _ طبعا لازم اجي في اب يسيب بنته في يوم زي ده
شيري بإبتسامة _ لأ
بقو يتكلمو مع بعض، زي اب وبنته، وكأنهم بيكملو الناقص عندهم ببعض، هو شايفها بنته وهي شيفاه ابوها، وانا هتشل عشان بتقوله يا حبيبي وناوي اطلع عينها بس تخلص الخطوبه
بعد ايام
يارا
جه ابوي من البلد وقابلني في الجامعه
يارا _ حمدالله على السلامه يابوي نورت الجامعه
محمود _ منوره بيكي يابتي عامله إيه
يارا بإبتسامة _ بخير طول مانت بخير
محمود _ دايما يابتي
يارا _ خير يابوي انت رجعت تدور علي شغل اهنه تاني
محمود _ اكيد انتي عارفه جاي ليه
يارا _ لا موخداش بالي
محمود _ طيب جاي عشان سامر افهمتي اكده
يارا باهتمام _ سمعاك
محمود _ لسه سامر و شاهين كانو عندنا وطلبو يدك
يارا _ ايوه
محمود _ انتي رأيك إيه
يارا _ اللى تشوفه يابوي
محمود _ انت اللي تشوفي
يارا _ موافقه يابوي
محمود _ طيب فكرتي في كل حاجه قبل ما توافقي
يارا _ ايوه يابوي فكرت
محمود _ طيب وفكرتي في امه ونظرتها ليكي
يارا _ ايوه فكرت بس هو لو هيعتمد على نفسه ف نظرتها مش هتفيد بحاجه وبعدين بتك مش قليله بردك..
متاكده ان نوال مش هتحبني بسهوله حتي لو وافقت عليه بس انا اقدر اغير نظرتها ليه بعدين، المهم دلوك اني مينفعش اخسر حد متمسك بيا زي سامر، هو يستاهل اني اتعب شويه عشانه زي ما اختار انه يتعب عشاني
سامر
مش سهل على واحد عاش طول عمره طلباته مجابه من قبل ما يطلب، انه يتعب ويتحمل مسؤليات، فجأه بدون اي مقدمات وبدون اي دعم من الاهل... لكن لما افتكر ان في النهاية يارا هتكون جمبي وتدعمني بحس بالقوه والحماس
في المكتبه
سامر _ مستني اعرف الكلام اللي كنتي هتقولهولي لما يتم الموضوع
يارا _ انت كنت وقتها خايف مستحملش
سامر _ ولدوقتي شايل هم انك متقدريش تستحملي، انا لسه هبتدي من الصفر وبابا مش مستعد يساعدني نهائي
يارا _ وانا فرحت بكده، ده كويس علشان تعتمد علي نفسك ، واللى كنت هقوله وقتها اني مش عايزة اكتر من بيت صغير والباقي نعمله مع بعض بعدين
سامر _ وانتي ذنبك ايه تتعبي معايا بعدين ... متشليش هم وانا هعمل كل حاجه وان شاءلله مش هقصر
يارا _ هنعمل كل حاجه مع بعض ، انا مبقاليش غير السنه دي وهشتغل ونساعد مع بعض
سامر بإبتسامة _ ايوه كده فرحيني هتشتغلي وتصرفي علينا... لأ ياستي متقلقيش وهما سنتين وكله هيكون جاهز وهتلاقي حاجه تليق بمقامك
يارا _ اللي يليق بيه تعاملك الطيب معايا غير كده كله ملهوش عاذه
سامر _ طيب وريني ايدك
يارا _ ليه
سامر _ وريني بس
يارا _ اهو
سامر يلطع دبله من جيبه ويلبسهالها
يارا بإبتسامة _ طيب ليه اكده كنت خليتها بعدين
سامر _ بعدين نجيب خواتم بقا بس دي عشان اللى يبصلك ترفعيله ايدك ويعرف انك مخطوبه
يارا بضحك _ ههههه ماشي
منه وشيري من الخلف _ اه لو بعرف ازغرت
شيري _ انا بعرف
يارا _ اسكتو انتي وهي
سامر بإبتسامة _ هتزغرتي يا شيري بس برا الجامعه عشان متتفصليش
منه _ هى هتزغرت فى فرحي الخميس اللى جاى
يارا بإبتسامة _ الف مبروك حبيبتي
منه _ الله يبارك فيكي وعقبالكم.. هتيجو انتو الاتنين ها
سامر _ جاين، والف مبروك، باركي ل معاذ بنيابه عني
منه _ حاضر، يلا اسيبكم
يوم الفرح
عدي
انا اول مره اتكلم بس كلهم مشغولين محدش فضيلكم غيري، وكلها اربع سنين وهعمل زيهم واخطب واحكيلكم قصتي انا كمان... لسه مفيش عروسه بس لما اوصل لجامعه اول حاجه هعملها قبل ما اعرف هدخل اي كليه إني احط عيني على واحده..
كان الكل فرحان وكل واحد فيهم مع خطيبته واللي مع عروسته، وبيرقصو مع بعض وانا قاعد بتفرج عليهم من بعيد لغيت ما شوفت بنت صغيره واقفه بعيد هي كمان ومش مختلطه مع حد، روحت عندها بدل ما انا قاعد لوحدي وكلمتها
عدي _ ازيك انا عدي
تمارا _ مبكلمش ولاد
عدي _ ولا انا بكلم بنات
تمارا _ امال بتكلمني ليه
عدي _ انا فكرتك واحد صاحبي اصلك شبهو اوي
تمارا بقرف _ طيب امشي من هنا
مشيت وسيبتها وانا قرفان منها ومن غرورها لغيت ما جالي اسامه
أسامة_ نفضتلك يا معلم
عدي _ تغور ولا تهمني
أسامة _ واضح انك مخنوق منها
عدي _ اصلها بنت معندهاش ذوق
أسامة _ تعاله اقولك تخلص منها ازاي
تابعوا الجزء الثاني
