رواية حكايات بنات الفصل الاول والثاني والثالث والرابع والخامس جميع الفصول كامله
 |
حكايات بنات p 1
امنيه
اسمي امنيه او عادل وهفهمكم حكاية عادل دي بعدين، عندي 25 سنه وفي السنه الاولي في كلية التجارة جامعة القاهرة ايوه بظبط في السنه الاولي، رجعت لتعليم بعد غياب 7 سنين، وانا كنت موقفه تعليم عشان كنت براعي اخواتي،، شيري و عدي، اللي بقيت انا امهم وابوهم بعد وفاة امي وابويا، وبعد ما شيري خلصت الثانوية العامة بقت تزن عليه ارجع لتعليم واكمل معاها، وبعد الحاح منها ومن عدي، وافقت وقررت اقدم ورقي وندخل اول سنه مع بعض في نفس الكليه، .. وجه العام الدراسي الجديد ورحت الصبح قبل معادالشغل علشان اشوف الدنيا ماشيه ازاي هناك و عدا اول يوم بسلام وبعدين روحت جري علي محل ورد مشغلاه واحده صحبتي وبروحه كل يوم ادخل امنيه واطلع عادل.. بسيب هدوم الشغل في المحل وبروح البس لبس شاب وشنب وبروكه عليها كاب مع بعض المكياج واطلع بشخصية عادل عشان انفع لشغلانة الديليفري،.. ايوة بكون هتفضح بسبب صوتي وملامحي الناعمه علي إنها تكون ملامح شاب، بس بتعدي و بيعتبروني ولد مايع وبيقولولي انت شاذ.. وانا مبديلهمش اهتمام كتير لاني عاوزة اشتغل وأكل اخواتي ومش بركز في اراء الناس
مروه بضحك_ والله هتشبهيني
امنية _ معلش يا مروش مليش غيرك.. وانتي عارفه مقدرش اوصل الطلبات بشكل بنت
مروه _ انتي هتقوليلي دول ممكن يفترسوكي.. الله يقويكي يابنتي
امنيه _ هما مش سيبيني ف حالي كده ما بالك لو عرفو اني بنت
مروه _ مش هيعرفو، بس انتي قللي كلام ولما تتكلمي تخني صوتك
امنيه بصوت رجل _ طيب تؤمرني بأي خدمه اباشا ههههه
مروه بضحك _ لا يا دوله اتفضل اصاحبي قبل ما حد يجي
امنيه _ باي يا جميل
سبتها وطلعت جري علي المطعم وهناك قابلت ريتاااج اللي معجبه بيه وبسببها بحس اني قرفانه من نفسي اوي وهي بتسبلي وتلمحلي بمشاعرها المكبوته وتقولي شبه جيرمين ناقص بس تشيل الشنب، دا غير المعاكسات من تحت لتحت هي وصحبتها اللي بتحاول تخطفني منها وهي متعرفش،
ريتاج بإبتسامة _ حمدلله على السلام اتاخرت ليه
امنيه بتفخيم الصوت _ كنت مع خطيبتي
ريتاج بغيره _ انت خاطب ياعادل
امنيه _ من زمااان
ريتاج _ خسارة
امنيه _ خساره ليه البنت بتحبني وانا بحبها،
ريتاج بغيظ _ اممم طيب اتفضل خد الاوردر ده وادي العنوان
امنيه _ تماام عن اذنك
سبتها وركبت على الموتسيكل وروحت العنوان اللي قالتلي عليه وياريتني ما روحت
منه
انا منه 25 سنه الفرقه الرابعه كلية اداب جامعة القاهره... صحيت بدري ولبست اجمل حآجه عندي عشان النهارده اول يوم دراسة.. طلعت من اوضتي وانا مبسوطه ف لقيت إبراهيم اخويا في الصاله
إبراهيم _ اي الشياكة دي
منه بفرحه _ اقل حآجه اعملها وانا رايحه الجامعه
إبراهيم _ بتحسسيني انك رايحه فرح دي كليه وتعليم وقرف
منه _ انا بحب الكليه مانت عارف
إبراهيم _ ماشي ياستي ربنا يوفقك
منه _ طيب ما تيجى توصلني بعربيتك بدل ما اتبهدل في المواصلات
إبراهيم _ رايح استقبل واحد صاحبي من المطار
منه _ صاحبك مين
إبراهيم _ مروان
منه بخنقه _ هو رجع
إبراهيم_ راجع النهارده
منه _اه طيب ، يلا سلام
**
مروان رجع بعد اربع سنين... كنت خلاص قربت انسا ولما سمعت اسمه كل حآجه رجعت قدامي كان معداش عليها يوم واحد ...
مروان صاحب اخويا، او صاحبه مخصوص عشان يقربلي، و اكبر مني ب 4 سنين، كنت صغيره وقتها مكنتش افهم نوايا الناس نحيتي ولا كنت اتصور ان في حد ممكن يتلون لدرجة ان يقنعني قناعه تامه انه شخص كويس واديله الامان بشكل اعمي، ومروان كان كده في الوقت اللي كان حلم لكل البنات اللي لجل الحظ سابهم كلهم وقرر يلعب بيه، انا في الوقت اللي مكنتش جربت احب ولا يكون ليه علاقه بشاب قبل كده....
وانا في ثانوي كان دايما يجي عند المدرسه ويمشي قدامي بعربيته السوده زي قلبه، وكان يطلب مني اركب معاه ومره يعملي مفاجأة غير متوقعه، واعرف انه عارف انا بحب ايه وبكره ايه ... وانا بقيت اصده مره ورا مره وفي النهايه نجح يخليني انشغل بيه واكمل معاه، ونعيش قصة حب خياليه زي ما اي بنت بتحلم وتتمني واهملت دراستي مع اني كنت متفوقه جداً وبسببه اتاخرت سنتين عشان اقدر ادخل الكلية..
وبعدين قرب من ابراهيم وبقا يجي عندنا البيت، وكنا كل يوم بنقرب من بعض اكتر لغيت ما في يوم عزمني على حفله ليه هو وصحابه، ولما روحت اكتشفت انه بيسجل كل مكالمتنا سوا ويصور الشات، وكان بيحفظ الصور بتاعتي اللي كنت ببعتهالو بعد محايله واتهامه ليه باني مش واثقه فيه و وعوده باننا هنكون لبعض بعد ما اخلص الثانويه ، هو مقالش حاجه بس صحابه قامو بالواجب وعرضو كل حاجه علي شاشه كبيرة وعرفت انه كان متراهن معاهم على 100 جنيه علي انه يوقعني، وبقو يضحكو ويشاورو عليه ويحتفلو بيه انه نجح، و واحد منهم طلع 100 جنيه وادهالوه،، سبتهم و مشيت وانا مش حاسه بنفسي وببكي بقهر بسبب احساسي بالخزلان وفقدان الثقه في نفسي وصدمتي فيه وفجاه خبطتني عربية و بقيت في غيبوبه سنه كاملة ولما فوقت عرفت انه سافر..
دي قصتي مع مروان، القصة اللي من بعدها رافضه فكرة الجواز والحب، والارتباط من اي نوع،،
وصلت الجامعة واول ما دخلت قابلت معاذ معيد في الكليه،
معاذ بإبتسامة _ منه! كل سنة وانتي طيبه
منه بإبتسامة _ وانت طيب يا دكتور،
معاذ _ منه احنا قولنا بره السيكشن اسمي معاذ
منه _ انا اسفه مش حابه اعود لساني علي اسمك علشان مغلطش في السيكشن
معاذ _ زي ما تحبي، سنه دراسيه سعيده
منه _ سنه سعيدة عليك
معاذ _ ممكن بعد ما تخلصي نقعد شويه مع بعض
منه _ متأسفه يا دكتور مش هقدر
معاذ بخيبه _ ولا يهمك
منه _ عن اذنك
مشيت وسبته زي كل. مره، كنت فاكره انه هيسيبه مني بعد غياب شهور، لكن مش باين انه نسي
معاذ معيد من سنتين وكان قبلها موجود في نفس الكليه، ومن اول مره اتقابلنا وهو بيحاول يساعدني باي شكل، بس انا مش مديالوه فرصه، هو شاب كويس بس انا مش مستعده ادي فرصه لحد تاني، لانه مهما كان. كويس مش هيكون الطف من مروان وهو بيحفرلي حفره يوقعني فيها...
يارا
انا يارا 22 سنه في الفرقه الرابعة كلية اداب جامعه القاهرة، انا من الصعيد محافظة سوهاج، محجبه وبيقولو عليه جميله بس انا مش مصدقاهم
وجيت اهنه من كام شهر مع ابوي اللي شغال بواب في محافظة القاهرة، وقررت انقل ورقي من سوهاج للقاهره علشان أقعد امعاه بعد موت امي بدل مقعد وحدي في البلد او مع عمي عشان معاه رجاله كبار...
وصلت الجامعة وكانت كبيره قوي وفيها طلاب زي النمل، بقيت الف في الجامعه وانا مزهوله بالحياه الجديدة اللي انا داخلاها، ابااي علي البنته اللي اهناك، قالعين اكتر من اللي لبسينه. جامعه دي ولا مرقص، وحاطين في خلقتهم كومين الوان حائط تقولوش الجوكر اللي بنشوفه في التلفزيون، لا وكمان كل واحده ماشية مع واحد وامعتضحك امعاه، ، خوفت منيهم ومن العيشه دي معقول هقدر اكون وسط الناس دي، لغيت ما قابلت بت من البنته، شكلها جميل قوي، شعرها إصفر فاتح وعينيها زرقه،.. جميله جميله يعني
منه _ انتي جديده هنا، باين عليكي صعيديه صح
يارا بذهول _ وه وعرفتي كيه
منه بإبتسامة _ من لبسك واستغرابك للمكان
يارا _ ايوه صوح اني من سوهاج، وانتي منين علي اكده
منه _ انا من القاهرة.. و اسمي منه وانتى
يارا _ انا اسمي يارا
منه _ يارا،
يارا _ ايوه اسمي اكده مستغربه ليه
منه _ اسمك مدلع شويه علي انه يكون صعيدي
يارا _ اصلك متعرفيش، اني البت الوحيدة لبوي جيته بعد حرمان 15 سنه وعشان اكده قرر يدلعني بأسم وعلام واخرها جابني اهنه عشان اكون جمبيه
منه _ عاشت الاسامي حبيبتي، مش عاوزاكي تخافي احنا ممكن نكون صحاب
يارا _ وه انا اصاحب بت حلوه زيك اكده
منه بضحك _ مانتي كمان قمر ما شاءلله عليكي
يارا _ مش قوي اكده
منه _ لا قمر. و تعالي بقا اوريكي المدرجات ونلف لفه قبل معاد المحاضره
يارا بفرحه _ متشكره قوي يامنه
عز الدين
انا عز الدين واختصار اسمي عز.. رجل أعمال عندي 38 سنه أرمل، مراتي ماتت من 9 سنين بعد. جوازنا بسنه واحده ، كان اسمها سميره ، واتجوزتها عن حب، ومن بعدها محبتش غيرها ولا في واحده قدرت تشغلني،،،
بعد ما ماتت جه اسامه ابن اختي الكبيره الله يرحمها ، هو يتيم اب وأم وعنده 27 سنه فرق السن بينا مش. كبير اوي وعلشان كده انا وهو صحاب، مع عدم رضايا عن تصرفاته المتهوره وفشله الدراسي اللي مخليه مبلط لغيت دلوقتى فى سنه تالته كليه... والنهارده كان اول يوم دراسه وهو ماقمش من مكانه غير الضهر واول حآجه عملها انه طلب دليفري ونام تاني .. وبعد وقت بيرن الجرس وانا عرفت انه بتاع الدليفري ف خرجت من الحمام ب فوطه علي وسطي وفتحتله
عز _ دخلهم جوه
امنيه بتوتر _ اتفضل انا مستعجل
عز _ دخلههم جوه وتعاله خد حسابك
امنيه بارتباك _ حاضر
كان ولد جسمه قليل وصوته ناعم وبشرته ناعمه وحواجبه متظبطه بالشعره، دا غير شفايفه اللى لونهم وردي، وخجول جداً، لما شافني بشكل ده توتر اوي وكان خايف يدخل ضحكت في نفسي على الزمن اللي احنا فيه،. وبعدين روحت جوه اجيب الفلوس ورجعت لقيته لسه في المطبخ ، دخلت عنده لقيته حاطط ايد على بوقه والايد التانيه ورا ضهره وبيرتجف... شكيت انه يكون سرق حاجه.. وانا اكتر حاجه اكرها عدم الامانه، قربت منه
عز بحده _ مخبي اية..... بكلمك مخبي ايه
مردش عليه وبقا يرتجف ف اتعصبت منه اكتر ومسكت ايده اللي مخبيها لقيته ضاممها بقوة وعمال يرتجف، الغريب ان ايده ناعمه مش ايد راجل، فتحتها غصب ولقيت فيها شنب مستعار... بصتله شويه باستغراب وهو بقا يبص بعيد بخوف ف شيلت ايده التانيه من علي وشه و ملقتش الشنب وبان شكله بوضوح... وفهمت انها بنت مش ولد وعلشان اتاكد اكتر شيلت الكاب من علي راسه ف البروكه وقعت مع الكاب وطلعت فعلاً بنت وشعرها نزل ورا ضهرها يدور من كتر النعومه
عز بذهول _ بنت
امنيه بارتباك _ اديني الحساب خليني امشي
عز _ عامله في نفسك كده ليه
امنيه _ اديني حسابي لو سمحت
عز _ اسمك ايه طيب
امنية _ يافندم الاوردر اهو اديني الحساب خليني امشي
عز باستغراب _ خدي
خطفت مني الفلوس والكاب ومسكت البروكه وطلعت تجري، روحت علي البلكونة ابص عليها لقيتها راكبه علي موتسيكل بتاع الدليفري وبتلم شعرها تحت البروكه والكاب تاني وبتركب الشنب وبعدين بتمشي ... احترت لأمرها وخدني الفضول اني اعرف هي عامله في نفسها كده ليه
امنيه
قلبي كان هيوقف لما فتحلي وهو قالع وكل اللي عليه فوطه مداريه نصه،.. هو جسده رياضي ويظهر علي شكله الجديه والشده في التعامل، بس قليل الادب بيخرج من الحمام بفوطه... والمصيبه انه عرف اني بنت مش ولد،.. بقيت مرعوبه يكلم المطعم ويقولهم،.. محدش يعرف اني بنت غير الطباخ اللي هناك وستر عليه وساعدني اني اكمل شغل لانه اعتبرني بنته، انما ده انا مضمنهوش ممكن يعمل ايه.. ربنااا يستر
اسامه
اسمي اسامة 27 سنه موز الجامعه والنوادي الليليه ومعشوق الفتيات ودمي خفيف والبنات بتتمنا ابصلها بصه وانا مبحرهمش من حآجه، حياتي كلها عبارة عن مراهنات مع صحابي علي البنات.. دي حياتي بنسبه للبنات، انما حياتي العاديه، مع خالي عز الدين اللي انا بقوله يا واد ياعز واحيانآ عزوز.. وانا وهو صحاب من صغري ومن تسع سنين جيت اعيش معاه علشان ملناش غير بعض كل اهلنا ماتو وهو بقا مسؤول عني وعن ورث ماما ومشغلهولي وانا بصرف ومليش دعوه بحاجه
عز _ اسامه انا اضايقتلك يابني النهارده اول يوم دراسه وانت لسه نايم
اسامه _ الأكل وصل ولا لسه
عز بإبتسامه _ وصل
اسامه _ ايه سر الإبتسامة دي يا عزوز
عز _ مفيش يلا قوم شوف كليتك محدش ناقصك
اسامه بزهق_ ياعز انت مبتتعبش انا هعمل ايه بالكلية، مالي بيها بس
عز_ لا ياحبيبي انت فاشل اه بس لازم تتخرج ويكون معاك شهادة دي وصية امك
اسامه بزهق_ مش هنبتدي خلاص انا رايح بس افطر الأول ولا بلاش
عز _ قصدك تتغدا
اسامه _ اللي تشوفه يلا جهز يكون خدت دوش ولا ايه
عز_ ولااا انا خالك يلا مش سفرجي اللي خلفوك
اسامه بضحك_ الخال والد ياعزوز
عز_ طيب يلا خلصني علشان انا ورايا اجتماع الساعه اتنين وأتاخرت
اسامه_ ماشي حبيبي، دقيقتين وهطلع
خلصنا اكل ونزلت علي طول علي الجامعه علشان اشوف اي مستنيني هناك،،، مقصدش محضرات اقصد البنات الجديده اللي جت،.. وصلت وقابلت سامر شريكي في المراهنات
اسامه_ سموره حبيبي وحشني ياض
سامر_ حبيبي يا اؤس اؤس وانت كمان ياغالي
أسامه_ عبط اول يوم دراسي بدء مش كنا بالليل مع بعض
سامر_ انت اللي بدأت ياعم
اسامه_ طيب سيبك وقولي اخبار البضاعه الجديده ايه
سامر_ في شوية بضاعه طول صوباعي، البضاعه كل يوم بتضرب فين ايام سنه اوله لما كنت تلاقي بنت فرعه كده مش زي اليومين دول
اسامه _ يعني السنه اضربت يااض
سامر _ لا ان شاءلله خير اكيد فيه بس احنا جاين متأخّر عاوزين نيجي بكره من اول اليوم نستلقط رزقنا
اسامه _ علي رأيك، قالوها زمان الرزق يحب الخفيه ههههه
سامر _ ههههه طيب هتعمل إيه دلوقتى
اسامه _ نتمشا شويه يمكن نلاقي حآجه وبعدين نروح
سامر
انا سامر 26 سنه مبلط في سنه رابعة اداب بقالي سنتين وقبلها سنه تالته سنتين كمان.. انا باجي الجامعه ك تسليه مش تعليم، مش. محتاج اتعلم ولا محتاج شهادة..
بقينا نلف انا و اسامه وروحنا الكافتريا وبقينا ندور حولينا علي حآجه نضيفه ملقيناش وبعد ما فقدنا الأمل قررنا نمشي ف استوقفنا صوت بنت صعيديه، بتتكلم مع. منه المعقده
يارا_ اباي علي البنته عرفو يوصلو البنطلون لفوق كيه
منه بضحك_ ههههه نفس سؤالي اللي بسأله لنفسي لما بشوفهم
يارا _ انتي عارفه انا ببقا هموت والبس اكده بس بتكسف من نفسي لمجرد الفكره.. هي النار هتاكل حطب... وه وه شوفي الواد ده كمان شعره ملون كيه للوهله الاوله تخيلت نار ماسكه فيهم
منه_ ههههه شكلك معندكيش تيك توك
يارا _ تك توك يفوت فيهم ياكولهم، له.. ده ابويا لو سمع بس اني محملاه يموتني
سامر من الخلف _ طيب الجميل معندوش تويتر او انستجرام
منه بجديه_ يلا بينا يا يارا
يارا _ يلا يابو قوصه امشي من اهنه .. اقعددي انتي
اسامه _ ههههه يابو قوصه امال بتقول ليه مفيش ياض
سامر بضحك _ اصل قوصتي مداريه على عيني يا ابو العيييله
يارا_ دمك ده ولا دم سمك
سامر _ ولسانك ده ولا مبرد
منه _ يلا يا يارا وبتشدها من ايدها
يارا بغيظ_ انت لو عيندينا في الصعيد كانو ساقو بيك الكروزه
سامر _ يعني ايه كروز ياض
اسامه بضحك_ مخبرشي
سامر بإبتسامة _ رهان على كام
اسامه _ لا اوعا انا اتراهن علي واحده صعيديه، ودي هوصلها ازاي
سامر _ الرهان معايا انا... انا اللي هوصلها مش انت
اسامه بضحك_ الف جنيه اهم ينفعوني اعزم بقيت المقاطيع بيهم علي العشا لما تخسر
انا بحب الحاجات الصعبه والبنت دي دخلت دماغي وقررت اني هوقعها بس شكلي هتعب كتييير وهضحك اكتر
حكايات بنات p2
عز الدين
نزلت الشغل وانا في طريقي افتكرت البنت بتاعت الديلفيري ف حبيت اروح هناك اشوف هي بتتعامل بأي شكل في المحل ده،،، وفعلا روحت هناك ودخلت جوه المطعم وطلبت اكل، وبقيت ادور عليها وانا قاعد مكاني، بس مشوفتهاش خالص، وكان الوقت اتأخر والاجتماع هيفوتني ف قومت عشان امشي،
امنيه
شوفته داخل المطعم وكنت لسه جايه من توصيل اوردر، ولما شوفته روحت الحمام مخرجتش غير بعد نص ساعة، لغيت ما جت سهر صاحبة ريتاج وخبطت عليه في الحمام الرجالي، من غير ادب ولا احترام.. فتحت وطلعت و لقيتها قربت مني بمياعه
سهر _ ازيك يا عاادل
امنيه بتفخيم الصوت_ كويس يا انسه سهر... خير حضرتك في حآجه
سهر _ لأ بس حبيت اطمن عليك بعد ما اتأخرت في الحمام
امنيه _ متشكر اوي يافندم، عن اذنك رايح اوصل اوردر
سهر تقترب منها بمياعه _ لأ استنا عايزة اتكلم معاك شوويه
امنيه بارتباك_ يا انسه من فضلك ابعدي كده عيب
سهر _ انت بتصدني ليييه
ريتاج من الخلف_ الله يا استاذ عادل، في ايه، ده مكان اكل عيش وانتي يا صحبتي يا حلوه بتعملي ايه هنا
سهر بدموع_ هو اللى قالي اجي اقابله
امنيه_ انااا
سهر _ اه انت، كدبني لو تقدر
امنيه_ كدابه وستين كدابه
ريتاج_ بتخوني يا عادل
امنيه_ يابنتي هو انا وعدتك بحاجه عشان اخونك وربنا ما خونت حد
بقيت اشد معاهم وهما بيتخانقو عليه وريتاج زعلانه اني بخونها بس والله ما خونتها. وفجاه اسمع صوت ضحكه، بصيت على مصدرها لقيت الراجل اياه واقف وبيبص علينا وبيضحك
سبتهم ودخلت الحمام تاني وانا مرعوبه لا يفضحني وبعد شويه باب الحمام بيتفتح وهو بيدخل ويحاول يداري ضحكته اول ما شافني
عز بضحك_ ازيك يا عادل
امنيه بارتباك_ ك ككويس يافندم.. عن اذنك
عز بضحك_ بتخون البنت ليه مش عيب ههههه
امنيه بارتباك_ عن اذنك
عز_ هو انتي اسمك الحقيقي ايه
فتحت الباب وطلعت اجري من غير ما ارد على سؤاله. وخدت الأوردر من ريتاج اللي مش طيقاني عشان خنتها، وركبت الموتسيكل وجريت قبل ما يطلع من جوه
عز الدين
كنت همشي بس جه علي بالي ادخل الحمام ف لقيتها هناك هي و بنتين بيتخانقو عليها، و واحدة منهم بتقولها بتخوني يا عادل وهي بتحلفلهم ما خانتهم، مقدرتش امسك نفسي من الضحك لغيت ما روحت المكتب، وبقيت اتكلم في الشغل واضحك وكل الموظفين استغربو وبقو يتهامسو مع بعض.. انا معروف عني الجديه ومليش في الضحك علشان كده استغربو.. ف اطريت الغي الاجتماع .. ورجعت قعدت على المكتب تاني و حازم صحبي جه وقعد قدامي
حازم _ في ايه
عز بضحك_ مفيش
حازم _ مفيش ازاي انت مبطلتش ضحك من اول ما جيت
عز بضحك _ حصل موقف كده مش قادر ابطل ضحك عليه
حازم _ طيب ضحكني معاك
عز _ في عامل ديليفري جه البيت النهارده وبصدفه عرفت انه بنت ومتنكره، بشكل شاب وحاطه شنب ولابسه بروكه ف روحت مكان شغلها علشان اشوف هي معروف انها بنت ولا ولد ف لقيتها محتفظه بشكل الولد و بنتين بيتخانقو عليها و واحده منهم بتقولها بتخوني يا عادل، وهي بقت تحلف انها ما خانتها
حازم بضحك _ بتهزر
عز _ هو ده اللي حصل
حازم _ يعني هما ميعرفوش انها بنت
عز_ ايوة فكرينها راجل، وهي عايشه الدور
حازم _ طيب وهي بتعمل كده ليه
عز _ معرفش، بس انا عندي فضول اعرف
حازم _ يمكن محتاجه الشغل وبتعمل كده علشان شغلانة الديلفيري حساسه شويه بنسبة لبنت
عز _ ممكن
حازم _ قد ايه البنت دي
عز بإبتسامه _ صغيره يجيلها حآجه وعشرين
حازم _ حلوه
عز بإبتسامه _ مخدتش بالي
حازم _ اه ما باين
عز _ عاوز تقول ايه... حبيبي انا لسه شايفها النهارده ملحقتش يعني وبعدين دي عيله
حازم _ وانا اتكلمت
عز _ فاضي انت ياحازم، قوم شوف شغلك
حازم _ استنا يمكن تضحك تانى
عز _ سديت نفسي روح يلا
حازم _ اهااا طيب
بيمشي حازم وانا برجع اضحك تاني علي شكلها هي وبتقول هو انا وعدتك بحاجه
تانى يوم
امنية
صحيت الصبح وروحت الجامعه انا وشيري الساعه تسعه عشان كان في محاضره، كان لازم احضرها قبل معاد الشغل اللي بيبتدي الساعه 12
امنيه _ بزمه عاجبك منظري وانا شحطه كده ورايحه مع شوية عيال كلهم 18 و 19 سنه
شيري_ امنيه حبيبتي اجري ورا حلمك وانجحي عشان لما تجوزي وتطلقي تلاقي شغل
امنيه _ مش اتجوز الاول وبعدين نفكر في الطلاق
شيري _ وانتى مستعجله ليه، يعنى اللى اتجوزو خدو ايه من الجواز غير تقصير العمر
امنيه _ يخربيتك انتي اطلقتي قبل كده ده كلام بنوته كيوت في سنك
شيري _ اللي شوفته في حياتي عجزني بدري
امنيه _ شوفتي ايه ياحبيبتي امال انا اقول ايه من الشغل ده لشغل ده وطالع عين اللي خلفوني بس مقولتش زيك
شيري _ الله يباركلك يا امنيه، شيلتي الهم بدري علشان تعلمينا انا والاطرش عدي.. اللي في سنك اتجوز وخلفو وعيالهم راحو المدرسة
امنيه _ شيري متاكده انك حاسه بالعطف على حالي ولا بتزليني اني بايره
اسامه من الخلف _ ولما انتي تبوري مين يتجوز
امنيه تستدير بأستغراب _ افندم
اسامه يمد ايده علشان يسلم_ انا اسامه طالب في كلية تجارة ، اقصد اثار لا لا كانت اداب باين
شيري _ قصدك طب، طالب مين اللي في سنك ده
امنيه _ يلا خلينا نلحق المحاضره
اسامه _ متعرفنااش يا أنسات
شيري _ ولااا حل عن خلقتي دلوقتي
امنيه _ يلا بينا
اسامه _ الكبيره دايما عاقله متبقيش تجبيها تاني معاكي يا حلوه يا طويله انتي
مشينا وسبناه وشيري كانت هتتشل ومسكتها بالعافيه علشان مترجعش تضربه، وبصدفه قابلنا بنتين واحده محجبه والتانيه بشعرها
يارا _ عملكم ايه الصايع ده
شيري _الحقي ده باين عليه مسجل خطر في الجامعة
منه _ طيب نتعرف عليهم الاول، اهلا انا منه ودي يارا
امنيه بإبتسامة _ اهلا وسهلا انا امنيه ودي شيري اختي الصغيره
يارا _ جاين ف ايه انتو
شيري _ كلية تجارة
يارا _ وانتي يا طويله ياحلوه انتي في كام
امنيه بخجل _ اول سنه
منه باستغراب _ اول سنه ازاي شكلك كبيره شويه
شيري_ اصلها كملت ثانويه عامه و وقفت وانا زنيت عليها علشان نرجع نكمل مع بعض
يارا _ شاطره ايوة اكده البت ملهاش غير شهادتها
امنيه بإبتسامة _ عندك حق، هو انتي منين
يارا _ من سوهاج
امنيه _ تشرفنا حبيبتي
شيري _ الله انا بحب لهجتكم اوي ايه رأيك نكون صحاب
يارا _ وه هو اني اطول اصاحب بت قمر زيك اكده، .. تعالي نحكو شويه
شيري _ ورانا محاضره مهمه بعد ما اخلص هرجعلك ونتكلم
يارا _ ماشي يا قشطه انتي
امنيه _ ماشي حبيبتي ، يلا نستاذنكم
منه _ خلينا نتقابل ونتعرف اكتر
امنيه _ أكيد
اسامه
روحت الجامعه بدري وبقيت الف في الجامعة لغيت ما شوفت وجهين جداد داخلين من باب الجامعة، مشيت وراهم وسمعت كلامهم وفهمت انهم اخوات، وفتحت معاهم كلام بس البنت الصغيره دي عاوزة الضرب، انا كنت راسم علي الكبيره والظاهر انها هتخنقني كتير
سامر _ واقف عندك ليه
اسامه _كنت بلقط رزقي
سامر _ ولقيت
اسامه _ شايف البنتين اللي واقفين مع المعقده وصحبتها بتاعتك
سامر _ اه، اي واحده فيهم
اسامه _ الكبيره بس الصغيره باين عليها قادره ومعاها في نفس السنه يعني عقده
سامر_ وزع الصغيره وبعدين ركز مع الكبيرة
اسامه _ دي بنت قليلة الادب
سامر _ طيب وسع لنفسك وسيبني اروح الف شويه حولين الصعيديه
اسامه _ وفيني بالجديد
سامر _ ماشي
سامر
مشيت وراها هي وصحبتها لغيت ما دخلو المكتبة وبدأو يدور في الكتب قدرت افهم انها بتحب القراءة اللي انا بكرها،، مش مستوعب ان في انسان طبيعي يحب شوية كلام مش مفهوم ومعقرب وقال ايه ادب وعلم وكلام كله كلكيع،،، بس ميضرش اذا كانت هي دي الطريقه خليني اجرب..
دخلت المكتبه وفضلت اقلب في الكتب وانا في مقربه منهم، وايدي جت علي كتاب انجليزي ل كاتب اسمه سيجموند فرويد، اسمه غريب زي كتابة بقيت الف فيه يمين شمال عشان اعرف أبدأ منين، معرفتش لغيت ماهي شدته ولفت بأديها وعدلته
يارا _ الكتاب يتمسك اكده من راسه مش من عوقبه
سامر _ كنت عارف علي فكره
يارا بقرف_ له ماهو باين والله شكلك ما بتقرا حرف واهو باين اديك عجزت ولسه في سنه تالته
سامر _ انتي جايه من تحت الجاموسه عشان تعدلي عليه يابت انتي
يارا _ عند العظيم سيجموند فرويد واعدل عليك واديك بالقبقاب كمان
منه تشدها من ايدها _ يارا حبيبتي خلينا نمشي
سامر _ انا مش هرد عليكي علشان انتي فلاحه وجاهله جايه من الغيط
يارا _ بس بنعرف نربي البقر
سامر _ انا بقر
يارا بقرف _ لا تور.. يلا يابتي خلينا نشوفلنا كتاب عن كيفية التعامل مع البقر بتوع مصر
سامر _ اما رجعتك بلدكم تلمي فضلات البهايم مبقاش انا سامر
يارا بغيظ_ بتقول لمين الكلام ده يا معتوه انت
منه _ يلا يا يارا
مشيت وهي بتبصلي بقرف، وانا زاد التحدي عندي وقررت اندمها علي اللي عملته.. تربية البهايم دي
معاذ
انا معاذ 27 سنه معيد في نفس كلية منه... منه اللي من اول ما شوفتها وانا مش قادر مفكرش فيها، حاولت كتير اتكلم معاها بس هي مبتقبلش تتكلم برا اطار التعليم، حتي لما تكون في المكتبه واقعد جمبها بتمشي... مبقتش فاهم هي ليه بتعمل كده، عمري ما شوفتها ماشيه مع زميل ليها في الجامعه، كل صحابها بنات وبس وبتصد اي ولد يحاول يفتح معاها كلام من اي نوع... والنهارده كنت عارف انها في المكتبه ف روحت هناك يمكن تحن عليه وتقعد معايا المره دي ولما روحت لقيتها بتشد واحده وشكلها كانت بتتخانق وجابتها وقعدو علي تربيزه
معاذ_ صباح الخير
منه_ صباح النور
معاذ_ مالكم
يارا_ مالك بينا انت كمان ولا عاوز يحصلك زيه
منه _ بس بس ده الدكتور معاذ
يارا _ امعتقولي دكتور، ، والله يا دكتور كنت فكراك صايع زيه
معاذ_ صايع؟
يارا_ مقصديش عاد اتكلمي انتي كمان
منه_ احنا اسفين هي مكنتش تعرف
معاذ_ ماشي، عن اذنكم
منه بهمس_ لمي لسانك شويه
يارا_ واني ايه يعرفني انه دكتور
منه_ اسكوتي بقا انا هروح اعتذرله
يارا_ ايوة جدعه اعتذريلوه لحسن الدكاترة دول ظلمممه
منه تحط ايدها على بوقها _ بس بقا... دكتور معاذ لحظه من فضلك
معاذ يوقف ويستناها لغيت ما بتيجي
منه_ انا اسفه جداً على اللي حصل
معاذ _ معملتيش حآجه تعتذري علشانها هي اللي غلطت
منه_ دي بنت غلبانه والي في قلبها علي لسانها
معاذ_ بيعجبوني الناس الواضحين حتى لو بيرمو دبش احسن من الناس الغامضه اللي مش مفهومه
منه بتفهم قصده _ صح
معاذ_ ليه متبقيش زيها
منه_ أغلط فيك يعني؟
معاذ_ مثلا
منه_ متعودتش اغلط في حد
معاذ_ اغلطي ياستي يمكن غلطك يفتح كلام بعد كده
منه _ انا جايه هنا اتعلم مش اغلط وافتح كلام مع حد. استاذنك
معاذ_ استني،،،
منه_ نعم
معاذ_ من الواضح ان في حياتك العاديه كده غامضه ومش مفهومه وعندك كلاكيع
منه بحده_ كل اللي بيجمعنا هو التعليم وياريت.كلامنا ميتعداش حدود التعليم. عن اذنك
كالعاده صدتني، ومشيت بنت غريبه وشكلها جواها كلاكيع وخايف تقرب من حد عشان متتعرفش، بس انا مش هيأس وقبل ما تخلص السنه هنكون صحاب وهخطبها كمان
منه
سلمت على يارا ومشيت وبعد الجامعه بمسافه صغيره في عربيه وقفت قدامي وطلع منها اكتر شخص اكره اني اشوفه وهو مروان ... شكله تغير وبقا اكبر من الاول وعربيته حديثه ولابس لبس عصري وشيك وريحة البرفان اللي حاططها مميزه ورغم ده كلو مقدرش يمحي سواد قلبه او يخفف كرهي واحتقاري ليه
مروان _ تعالي اوصلك
مشيت وسبته وهو جه ورايا
مروان_ موحشتكش؟.. علي فكره انا روحت وراكي عشان اعتذرلك وقتها بس ملحقتكش... منه اسمعيني انا بكلمك
مردتش عليه ف مسكني من ايدي، ولقيت نفسي بديلو بالقلم
منه بتحذير _ ايدك لو لمستني تانى هقطعهالك
معاذ يجي ويقف قدامها _ مالو ده
مروان _ وانت مالك
معاذ _ اطيب امشي من هنا احسنلك
مروان يضم قبضته ويضربه لكمه، ليشتبكو بعدها بضرب والناس تبعدهم عن بعض
مروان _ وديني لا اوريك
منه ببكاء _ بس بقا،، امشي يامروان
مروان بحده _ حسابي معاكي بعدين
معاذ بغضب _ وكمان بتهددها
منه _ من فضلكم كفايه،
مروان يرفع صوباعه في وش معاذ بتحذير _ هنتواجه
معاذ_ طيب اتفضل من هنا
مروان_ ماااشي ماشي.. وبيمشي ويسيبهم والناس بيبعدو
معاذ_ مالو بيكي الواد ده
منه بعصبيه _ وانت مالك بتدخل ليه اصلا
معاذ_ انا لقيته بيضايقك
منه _ وانت الحارس بتاعي يعني عشان تحميني،، دكتور معاذ انت معيد في الكليه بتاعتي وبس متتعداش حدودك معايا تاني
معاذ _ لو ادتيني فرصه هنكون اكتر من كده،.. انا عاوز اتجوزك مش بتسلا
منه بحده_ انا مش هتجوز تمام كده
معاذ_ عشان مين...علشان الصايع ده اللي وقفك في الشارع وبيضايقك
منه_ لو تاخد بالك انت كمان موقفني وبضايقني
معاذ _ يعني انا صايع
منه بتنهيده_ انا اسفه
معاذ _ مش زعلان اهو علي الاقل غيرتي طريقتك معايا
منه بدموع_ انا ماشيه
مشيت وسبته وروحت البيت، لقيت مروان هناك
إبراهيم _ اهي جت اهي
منه بغيظ _ ايه جابه ده هنا
الام_ ايه يابنتي اللي بتقوليه ده
مروان بنظر ذات مغذا_ لسة بتحب تهزر زي زمان متغيرتيش
منه تفهم انه بيلمح للي حصل_ انا هروح ارتاح
إبراهيم _ روحي ولينا كلام بعدين
جيته مريحتنيش ولا نظرته ليه هو وبيتكلم،
بعد وقت بيمشي وابراهيم بينده عليه
منه _ نعم
إبراهيم _ مش عيب اللي قولتيه قدام الضيف ده
منه _ إبراهيم انا مبطقش الشخص ده قابله بره بلاش يجي هنا تاني
إبراهيم _ من امتي مانتي كنتي تهزري معاه زمان وبتفرحي بجيته
منه_ كنت عيله وكبرت
الام _ وايه اللي حصل يخليكي تكرهيه دا حتي مروان شاب محترم
منه _ محترم علي نفسه انت من نفسك يا إبراهيم ميصحش تدخل البيت رجاله غريبه حتي لو كان صاحبك
إبراهيم _ شوفي بنتك بتتكلم ازاي،.. لا دا انتي كبرتي لدرجة مش عارفه ازاي يكون الكلام مع اخوكي الكبير
منه _ انا اسفه بس طالما مش واخد بالك لازم انبهك
إبراهيم _ لا والله
منه _ ايوه
إبراهيم _ متشكر اوي اصلي مش عارف الاصول ف اختي الصغيرة اللي مربيها بتعلمهاني
منه _ انا اسفه
إبراهيم _ بعد ايه... اتفضلي علي اوضتك
منه _ عن اذنكم .. وبتمشي
الام _ متزعلش نفسك ياحبيبي
إبراهيم _ مش زعلان
الام _ منه طيبه بس انت عارفها مبتحبش الرجاله تدخل البيت
إبراهيم _ ايه السبب هي من وقت ما فاقت من الغيبوبه وهي كرهتهم فجاه... ولا كانت عايشه حياه تانيه في الغيبوبه كرهتها فيهم
يارا
مشيت منه وسابتني في المكتبه وانا بقيت اقرا شويه قبل ما امشي، وبعدين لقيت سامر جه وقعد قدامي.. مدتلهوش انتباه وكملت قرايه
سامر _ انسه يارا، كنت عاوز اعتذر لحضرتك
مردتش عليه وكملت قراءة
سامر _ لو سمحتي انا مش جاي اضايقك،
يارا بزهق _ نعم عاوز ايه
سامر بإبتسامة _ كنت عاوز حضرتك ترشحيلي كتاب اقراه عشان لسه بادئ هواية القراءة جديد ومش عارف اقرا ايه
يارا_ لسه بادئ الهوايه؟.. الهوايات بتتولد معانا مش بنخترعها
سامر _ اللي حصل بقا،، ممكن ترشحيلي كتاب؟
يارا _ ارشحلك مرشحلكش ليه... انت تسيبك من الكُتاب الانجليز وغيرهم من الجنسيات التانيه، وتبتدي بالاستاذ مصطفى محمود او احمد خالد توفيق، كتابتهم خفيف وجميله وتجذب اي حد للقرايه. وبعد كده تتعمق في كتب الادب الانجليزي واللي انت عاوزة عاد
سامر بإبتسامة_ واضح ان حضرتك مثقفه جداً
يارا_ ما كنت من شويه جايه من تحت البهايم
سامر بإبتسامة_ انا اسف جداً، الظاهر اننا لازم نحكم علي الشخص بعد ما نخاطب عقله وليس لسانه
يارا_ اللي يشوفك اكده يقول بتفهم
سامر بإبتسامة _ شويه
يارا_ طيب قوم شوف هتروح فين
سامر_ طيب انا هروح اجيب كتاب واجي اقعد جمب حضرتك
يارا بعصبيه_ له مهنعملهاش حكيوه ونحكي كتير، انت سألت علي حآجه وانا جاوبتك
سامر بإبتسامة_ متشكر عندك حق،،، استودعك الله
بصيت للكتاب ومردتش عليه، كنت عارفه انه عاوز يفتح حديت، بس قولت لنفسي قوليلوه علي حآجه يقراها و ان القراءة قادره تغير العقول وتنضفها بدال ماهو عقله نج*س اكده
حلقه بعنوان لو ولد كلمك في الشارع اضر.بيه.. خلونا نتناقش في موضوع الحلقه حابه اعرف اراكم في الموضوع ده
حكايات بنات p3
شيري
خلصت محاضره و أمنية راحت شغلها وانا بقيت ادور على يارا عشان اتعرف عليها وانا بدور قابلني اسامه و اقف قدامي وهو مبتسم بتناحه
اسامه _ رايحه فين
شيري _ وانت مال اهلك
اسامه _ انا ممكن اساعدك تروحي اي مكان انا حافظ الجامعه شبر شبر
شيري _ تلاقيك مبلط بقالك سنين في سنة اولي
اسامه _ لا انا فى تالته
شيري بقرف _ قد ايه انت عظيم
مشيت وسبته وهو مشي ورايا ومبطلش رغي
اسامه _ احسنلك تتكلمي معايا وتتعرفي عليه بسرعه علشان هنتعرف دلوقتي او بعدين
شيري _ دا عندها يلا عارف عندها فين ولا اروح ادور عليها واخليها تربيك
اسامه بإبتسامة باهته _ في القبر
شيري _ ميته
اسامه _ ايووه
شيري _ و ابوك
اسامه _ معاها
طلع يتيم اب وام زي انا واخواتي، انا اتخنقت منه من اول ما شوفته بس اقدر احس احساسه لما جبت سيرة امه.. يمكن هو كبير بس فقدان الاهل بيكون مؤلم لأي سن، هما الحنان والامان واللمه ومن بعدهم الانسان بيعيش خايف و ملهوش سند حتى لو كان مستهتر ويبان عليه مبسوط بردو بيحس بالوجع والافتقاد ليهم
سبته من غير ما اعتذرله وهو وقف ومجاش ورايا حسيت اني وجعته بكلمتي، واتمنيت ارجع اعتذرله بس انا طبيعتي مبقدرش اعترف بغلطي وخصوصا مع الشباب
اسامه
انا ابويا مات من صغري ولما تميت ال 17 امي ماتت كمان،، قعدت بعدها سنة في بيت عمي ومراته محملتنيش، لغيت ما مرات خالي عز ماتت وبعدين روحت عشت معاه .. خالي حنين بس مستحيل يعوض حنان الام.. ممكن يكون اب بس الام لأ، امي كانت حنينه.. ولغيت ما ماتت وانا بحط راسي على رجلها وانام كل ليلة وفجاه بدون سابق انذار راحت،،
كنت متأقلم مع غيابها وصحابي عارفين الموضوع ده ف مش بيسألوني ولا يجبولي سيرتها لغيت ما البنت دي جابت سيرتها بطريقة مش كويسة ، انا ممكن اكون ضايقتها بس مش لدرجة تقولي كده،. وجعتني لدرجة قررت اوجعها، لانها مستحيل تفهم يعني ايه يتم، وطالما مش هتفهم اقدر اخليها تحس بكسرة قلبها ومش هراعي صغر سنها
بعد شويه روحت وراها ولقيتها في المكتبه مع يارا ولقيت سامر قاعد بيقرا كنت متأكد انه بيقرا علشان يارا، ومش ثقافه منه
قعدت جمبه وكلمته
اسامه _ سيبك من الكلام ده وركز معايا
سامر _ لا لحظه اخلص الصفحه دي
اسامه يشد منه الكتاب _ خليك معايا
سامر _ ياخي كان في حته مهمه
اسامه _ ودا من امتي
سامر _ الكلام شدني عادي. في ايه مالك
اسامه _ رهان علي 2000 جنيه
سامر _ علي ايه
اسامه _ على البنت اللي قاعده مع صحبتك... متبصلهاش
سامر _ مش صغيره عليك دي
اسامه _ صغيره بس قليلة الادب
سامر _ معاك يا معلم ناوي علي ايه، علاقه كامله ولا صور
اسامه _ كسر قلب
سامر _ وووي دي شكلها غلطت فيك جامد
اسامه بحده _ جابت سيرة امي وانت عارف النقطة دي محظوره ازاي بنسبالي
سامر _ دي وقعت ولا الهوا رماها
اسامه _ وقعتها سوده
سامر _ معاك يا معلم
اسامه _ انا دلوقتي مش مركز قولي أبدأ ازاي وخليك عارف ان لسانها طويل ومش هينفع معاها جو نخبط في بعض ولا تعالى اوصلك
سامر _ خطه الانقاذ يمشي حالها
اسامه _ قديمت واتهرشت
سامر _ اممم نقل المحاضرات ، اه صح دي في. كليه تانى طيب طيب، لفت الانتباه من بعيد وتجاهلها ينفع؟
اسامه _ ولا دي الكلام ده لو هي معجبه بيه مثلا
سامر _ اممم طيب انا اقولك فكره حلوة اوووي، استنا بس تروح الكافتيريا
اسامه _ هتعمل ايه
سامر _ ركز انت معاها بس ولما تلاقيها بتتوجع ساعدها
اسامه _ هتسمها
سامر _ اسم مين يابني لا طبعا دا دوا مغص عادي
اسامه _ ولا دي هتنفع امال الامن والبنات اللي هنا هيعملو ايه لما انا اساعدها
كنت بدور مع سامر علي خطه الا ولقيتها جايه عندي
شيري بتردد _ انااا
اسامه _ ايوه
شيري بلخبطه _ انا... انا عايزة الكتاب اللي معاك ده
اسامه _ ده
شيري _ اه
اسامه _ مش بتاعي ده لسامر
شيري _ طيب ماشي عن اذنكم
سامر _ خديه انا ابقا أقرأه بعدين
شيري _ متشكره . وبتاخده وتمشي
اسامه _ جايه عشان الكتاب؟
سامر _ لا هي كانت عاوزة تقول حآجه تانيه
اسامه _ وانا حسيت بكده
سامر _ طالما عاوزة تقول حآجه ف هتفضل مهتمه بيك حتى لو من بعيد يعني خطة لفت الانتباه والتجاهل تنفع
اسامه _ تفتكر
سامر _ اه تنفع، وياريت تظهرلها من تحت لتحت انك موجوع من كلامها
اسامه بتنهيده _ انا فعلاً موجوع انا مابصدق انسا يا سامر، انا كنت متعلق ب امي اوي
سامر _ معلش يا صاحبي ربنا يصبرك
اسامه _ انا ماشي
سامر _ استنا نمشي مع بعض
اسامه _ لا خليك انا هروح ل رودي
سامر _ ياعيني علي الوجع
اسامه _ مبهزرش انا هروح علشان افك شويه مفيش طريقة تانيه
سامر _ ماشي ابقا كلمني
اسامه _ماشي سلام
مشيت وكلمت رودي في التليفون وطلبت نتقابل وفعلا جاتني في الشارع وانا كنت مستنيها داخل العربيه
رودي_ وحشتني يابيبي
اسامه_ وانتي
رودي_ مالك ياحبيبي
اسامه_ بصي عاوز افرفش وانتي اللي هتعرفي تعملي كده يلا نروح شقتك
رودي_ افرفشك ياروحي بس شقتي مش هتنفع اخويا هناك
اسامه_ ودا ايه اللي جابه
رودي_ كلها يومين وهيمشي
اسامه _ طيب نروح البيت عندي ساعتين ونمشي
رودي_ وخالك
اسامه_ مش موجود ومش هيرجع قبل الليل يلا بلاش نضيع وقت
رودي_ اوكي يلا
عز الدين
طلعت من البيت علي نفس المطعم، لقيت نفسي رايح هناك تاني وانا مش عارف اخرتها بس كان نفسي اشوفها واضحك عليها شويه، ولما وصلت شوفتها داخله المطعم ف وقفتها علي الباب
عز بإبتسامة _ عادل
امنيه بارتباك_ انت
عز بإبتسامة_ ، عامل ايه ياعدول
امنيه _ حضرتك عاوز تدخل تقولهم اتفضل بلاش شغل الابتزاز ده
عز _ هو فين الابتزاز ده، انا قولتلك حآجه وحشه
امنيه_ ملهاش معنا تانى، انت مكنتش تيجي هنا قبل كده ولما عرفت اني بنت بقيت تيجي اهو وتلمح وتضحك
عز _ لا خالص انا مش ببتزك ولا هدخل اقولهم، كل الحكاية اني عاوز اعرف عامله كده ليه
امنيه بزهق_ في رأيك انت ايه يخلي بنت تتخلا عن انوثتها وشكلها غير لو كانت حآجه كبيرة
عز _ زي ايه الحاجه دي
امنيه بزهق _ حآجه متخصش حضرتك، لو عاوز تاكول اتفضل،، ولو جاي علشان تتريق عليه او تضحك زي امبارح ف امشي مش كل الناس غنية زي حضرتك ومعندهمش مشاكل
عز بتنهيده _ انا اسف، خدي ده الكارت بتاعي لو احتجتي اي مساعدة كلميني
بصتلي باحتقار ومشيت من غير.ما تبص للكارت حتى
فِهمت روحتي هناك اني بحاول ابتزها وشكلها فهمت عرضي لمساعدتها بطريقة وحشه،، معرفش ليه زاد فضولي اني اعرف هي مين وايه حكايتها وعشان كده قررت اجيبها تشتغل عندي، حتى لو هكشفها قدمهم، دا لو موفقتش بذوق...
مشيت من هناك وروحت الشركه واتصلت علي نفس المطعم وطلبت اكل واستنيتها تيجي وبعد وقت جه حد غيرها مش هي
حازم _ مالك
عز بخنقه _ مفيش
حازم _ مفيش ازاي مش شايف نفسك
عز بحده _ انا عاوز البنت دي تيجي تشتغل هنا وتكون السكرتيره كمان
حازم _ بنت مين
عز _ بتاعت الديليفري
حازم _ هي ايه الحكاية احنا طبينا ولا ايه
عز بزهق _ طبينا انت كمان يعني انا اقعد تسع سنين مفكرش اتجوز بعد سميره ولما افكر تكون عيله
حازم _ وانت عجزت يعني مانت صغير كمان
عز _ بس مش لدرجة البنت دي يعني
حازم _ مش مشكله ، نجيبها هنا
عز _ تجيبها بأي شكل حتى لو هتكشفها قدامهم
حازم _ ماحنا لو كشفناها مش هترضا تشتغل هنا، خلينا نجيلها من سكت الفلوس اكيد. مرتب هنا هيكون اكبر من مرتب الديليفري
عز _ صح خلاص اتصرف زي مانت عاوز.. يلا انا مروح
حازم _ وانت لحقت
عز _ يومي اضرب،
نزلت وانا مخنوق... ومبقتش عارف احدد السبب،، يمكن انها فهمتني غلط واتهمتني بأبتزازها، او يمكن اني قللت من نفسي وسمحتلها تكلمني كده ... او يمكن كلام حازم اني طبيت ضايقني، اطب ازاي دي عيله ومشوفتهاش غير تلات مرات وكمان عامله نفسها ولد،
وصلت البيت وفتحت بالمفتاح وكنت داخل اوضتي بس استوقفني صوت ضحك بنت في اوضة اسامه ... روحت هناك وفتحت الباب، ولقيته مع واحده، في وضع مش تمام واول ما شافوني غطو نفسهم، حسيت اني عاوز اضربه وارمي البنت في الشارع بس مسكت نفسي ورجعت اوضتي وبعد شويه هو جه عندي وهو حاسس بالخزي وقبل مايتفوه بحرف ضربته بالقلم
عز بغضب _ جايب بنات في البيت من ورايا
اسامه _ انا اسف بس والله مكنتش شايف قدامي
عز بعضب _ ودي دكتورة عيون جايبها توريك قدامك، فاشل وعاطل ومستهتر ومضيع فلوسك علي البنات وعديناها انما تجبلي بنات هنا وتعمل معاهم كده دي اللي مش ممكن اعديها
اسامه بدموع _ انا اسف ياخالي
عز _ اطلع بره يا اسامه
اسامه بدموع _ لا ياخالي عشان خاطري متسبنيش انت كمان
عز بقهر _ انا تعبت من تصرفاتك، امك لو كانت عايشه كانت ممكن يحصلها حآجه بسببك الحمدلله انها ماتت قبل ما تشوفك كده
اسامه ببكاء _ متجبش سيرتها تانى، انت عارف اني مبحملش حد يتكلم عليها، لو مش عاوزني في بيتك خلاص انا ماشي
عز يشده لحضنه _ ، اهدا طيب انا اسف، بس المنظر اللي شوفته خرجني عن شعوريّ
اسامه ببكاء _ انا تعبت من حياتي ياخالي
عز يربت علي ظهره _ متزعلش منى حقك عليه،.. اسامه انت مش ابن اختي بس، انت ابني وخايف عليك
اسامه بدموع _ عارف.. وعارف اني بغلط وان امي لو كانت عايشه مكنتش هترضا عني، بس مش قادر اكون كويس زيك
عز بحب _ انا وانت مرينا بنفس الظروف يمكن لو مكنتش سميره جت في حياتي كنت بقيت زيك، هي عوضتني عن غياب امي وابويا، وانا ممكن اعوضك عن الاب بس انت محتاج حد يعوضك عن امك ولو بحاجة بسيطة
اسامه _ ودي نجيبها منين
عز _ تجوز
اسامه _ اتجوز؟
عز _ايوه
اسامه _ لا لا.. انا اتجوز واربط نفسي بواحده ياعالم بيها عملت اية في حياتها ولا مشيت مع مين
عز _ وانت فاكر ان كل البنات زي البنت اللي كانت. معاك دلوقتي
اسامه _ معظمهم كده وانا مش هعرف اوصل للبنت اللي مغلطتش قبل كده .
عز _ اشمعنا يعني انت اللي تغلط وهي لأ، حتى لو غلطت هتبقا شبهك مش جديد عليك يعنى
اسامه _ عزوز متخليش بعدك عن الستات ينسيك ان مهما تطورنا وقلدنا الغرب هتفضل الست هي اللي بتتلقا واي خدش يعيبها
عز بقرف _ مش ناسي بس طبيعي لما امثالك يلفو حولين البنات لغيت ما يوقعوهم ان الدنيا تبوظ وكله بيتخدش
اسامه _ خالي احنا مبنعملش اكتر من اللي مسموحلنا بيه، يعني واحده تقبل بصداقه و واحده بتقبل ب زماله والتانيه بتقبل بحضن والتالته تقبل ب علاقه كامله زي ما شوفت ، احنا مبنغلطش، واي واحد هيشوف حآجه هيروحلها وكل واحد يلم معزته بقا ( (｡◕‿◕｡))
عز _ يمكن كلامك صح بس مفيش واحده بتتمنا تكون وحشه وتفقد قيمتها، فيهم اللي بتحب وتصدق اللي بيكدب عليها ف بتقرب منه ومبتفهمش ان نيته وحشه نحيتها،، ومفيش حد بيتعلم ويفهم نوايا اللي حوليه غير لما يجرب ويوقع في مواقف مشابهه ويقابل ناس من كل لون،،، ولغيت ما يمر ب دا كله هو معرض انه يضعف ويغلط ويعك لغيت ما يتعلم.. حتى الطفل الصغير بيكون عاوز يلمس النار ومش بيصدق انها مؤذيه غير لما تلسعه...
اسامه بسخريه _ واحنا دورنا اننا نعلمهم الغلط والصح ونخليهم يمرو بتجارب دي، يرضيك نخليهم معرضين انهم يغلطو لما ممكن نخليهم يجربو قوام قوام ويتعلمو بدري ههههه... عارف ياعزوز مفيش واحده امها وابوها مقالولهاش متعمليش كده ومتتكلميش مع الشباب ومتغلطيش وان البنت صفحه بيضا اي غبار بيلوثها، يعني واخدين النصايح الكافيه، وبردو بيصدقونا علشان هما حابين يخوضو التجربه وفي النهايه احنا مهما نعمل مش بنوصل لاكتر من اللي مسموح لنا بيه
عز بتنهيده _ دا انت هتوقع وقعه سوده.. بس تصدق اقنعتني، لكن ارجع واقولك ان حضرتك مش مسؤول علي انك تعلم حد، سيب اللي يتعلم يتعلم واللي يغلط يغلط انت مش معصوم من الغلط
اسامه بإبتسامة _ هحاول بس مش دلوقتي
عز _ امال امتي
اسامه محدث نفسه _ لما اربي البنت دي بعد افقدها الثقه في نفسها وفي اي حد ابقا اعتزل واصلي الفجر حاضر
تانى يوم
امنيه
مكنش في محاضرات بس روحت عشان اشوف الدنيا هناك واخد علي شكل الجامعه، قبل معاد الشغل
وهناك قابلت منه ويارا وقعدنا معاهم انا وشيري وبدأنا نتعرف، انا بقيت اتكلم مع منه وشيري اتكلمت مع يارا
منه _ يعني انت اللي مربيه اخواتك
امنيه _ مش اوي يعنى لما كان عندهم عشره و 12 سنه اتوليت مسؤليتهم انا
منه _ قويه والله انا بابا ميت وحاسه بعجز بسبب الموضوع ده وانتي اهو مكمله وشايله مسؤليتهم
امنيه _ يمكن عشان معنديش حل تاني بس بيني وبينك بتمنا حد يكون مسؤول عني، ونفسي اكون ضعيفة ويكون عندي رفهية الانهيار،.. مكنتش اتأخرت اني انهار
منه _ انا اسفه اني فكرتك
امنيه _ مبنساش بس مطر اخفي احساسي ده لاني انا الكبيره
منه _ انتي عارفه، ربنا هيعوضك قريب
امنيه بدموع _ اتمنا
منه تمسك يدها _ ربنا كبير
أثناء كلامنا جه شاب وقف قدامنا وشكله كان عاوز يقولها حآجه بس مقالش ومشي
امنيه _ تعرفيه
منه _ ده معيد عندنا
امنيه _ شكله كان عاوز يكلمك بس متردد
منه _ احسن
امنيه _ يضايقك لو سألت مالو
منه بتنهيده _ مفيش حآجه اقولها
امنيه _ انا اسفه اني ادخلت
منه _ متتأسفيش،
امنيه بإبتسامة _ ماشي حبيبتي لينا قعده تانيه مع بعض انا حبيتك اوي وانتي من سني كمان شكلنا هنكون صحاب
منه _ اكيد ... هاتي اكتبلك رقمي عشان نتواصل
امنيه _ اتفضلي
خدت منها الرقم ومشيت وسبت شيري هناك
يارا
اتعرفنا انا وشيري وطلعت بت عسل ومعنجره زيي احنا الاتنين يسيبونا في عركه ونقوم بالواجب بس شيري احساسها مرهف شويه وزعلت من نفسها علي كلمتين قالتهم للواد الصايع اللي اسمه اسامه ، واحنا وقعدين جه هو وماسك كتابه وماشي وبيكلمش حد وشكله زعلان من حآجه وهي شافته وزاد زعلها من نفسها
شيري _ الظاهر اني جرحته اوي يا يارا
يارا _ وهو ده بيحس ماهو اللي غلطان. حد قاله يقربلك
شيري _ ايوه بس. مش توصل بيه الدرجه اني اجيب سيرة امه الميته
يارا _ زعلانه من نفسك وضميرك مأنبك روحي اعتذريلوه واخلصي من عذاب الضمير ده
شيري _ مبقدرش اعتذر متعودتش اعترف بغلطي
يارا _ امال انتي امعتعملي ايه دلوك، روحي اعتذريلوه عشان تقدري تنامي
شيري
الليله اللي عدت افتكرت امي وابويا وبقيت أبكى وافتكرت اسامه وحزنه لما جبت سيرة امه، ومقدرتش انام ولما روحت الجامعة اتكلمت مع يارا وقالتلي اعتذر وانا اتشجعت وروحت وراه بس كان داخل المحاضره ، بقيت مستنياه كتير مخرجش، ف رجعت وروحت المكتبه وقعدت اقرا شويه وبعد شويه لقيته داخل وكان بيدور علي حد، بقيت متردد اكلمه ولا لأ، وبعد تردد كتير روحتله وكلمته
شيري _ لو سمحت
اسامه _ ايوه
شيري بتردد _ انا كنت عاوزة
أسامة بمقاطعه _ متعوزيش حآجه، انا في الأول كنت بحاول اتكلم معاكي بس بعد اللي قولتيه مش عاوزك حتي ترمي السلام
شيري _ انا مكنتش اعرف انك يتيم
اسامه _ وعرفتي وبعدها مشيتي من غير ما تعتذري، انتي تعرفي امي كانت بنسبالي ايه ولا انا حاسس بأيه بسبب انها سابتني.. وهتحسي ازاي مانتي لسانك طويل ومبتحسيش بحد واكيد اهلك مقالوش ليكى تاخدي بالك من كلامك لا يأذي حد
شيري بدموع _ اه بس انا
اسامه بحده _ انتهينا. وبيمشي ويسيبها
سابني ومشي وانا بعدها خدت بعضي ومشيت وقعدت على الرصيف بره الجامعه وبقيت أبكى،.. زعلت بس عذرته اكيد هو ميقلش عني علشان ميزعلش علي اهله، كنت هقوله اني يتيمه انا كمان بس قاطعني وكويس انه عمل كده عشان نبقا خلصين وضميري يبطل يأنبني
اسامه
مشيت قدامها برغم ان كان في طريق تاني بس كنت قاصد ابينلها حزني لان طبيعة البنات بيزعلو اوي من نفسهم لما يزعلو حد، انا زعلت طبعاً بس كنت قادر اخبي لكن احساسي برغبه باني اخلص منها تملكني وفعلا طريقتي نجحت ومشيتها قفاها يقمر عيش وده هيزيد تركيزها معايا واحساسها بذنب هيخليها تحاول تراضيني
سامر _ انا صدقتك ياض
اسامه_ اتعلم
سامر _ ، انا لسة شايفها طالعه وبتداري دموعها
اسامه _ شوفتها فين
سامر _ بعد ما مشيت هي مشيت وروحت وراها لقيتها قاعده على الرصيف
اسامه _ يعني ممكن الاقيها هناك
سامر _ معرفش
اسامه_ طيب سلام دلوقتي
سبته وروحت لقيتها قاعده وبتمسح دموعها، ف استخبيت عشان متشوفنيش، طلع عندها احساس،،،
للحظه حسيت بالعطف عليها وخصوصا انها صغيرة ازاي عامل عقلي بعقلها.. بس الاحساس راح وقولت لنفسي تستاهل وهكمل للاخر خليها تقعد في بيتهم وهو اكسب الرهان
سامر
بقيت قاعد في المكتبه وبراقب يارا لغيت ما مشيت ف مشيت وراها وراقبتها لغيت ما وصلت بيتهم كانت داخله في عماره كبيره وشكلها شيك، فكرتها ساكنه في شقه من الشقق لكن فجأه البواب وقف وهي مسكت ايده وباستها، وبعدين دخلت في اوضه خاصة بالبواب،، دي طلعت بنت بواب ورغم كده قويه وقادره،
بعد شويه خرجت تانى وفي ايدها جردل وخيشه وممسحه وبدأت تمسح مدخل وسلالم العماره، ف صورتها كام صوره وبعدين مشيت وروحت لواحد معرفه بيعرف يطلع صور الموبايل علي شكل ورق
منه
كنت مروحه وفجاه طلع في وشي بعربيته
مروان _ ازيك
منه _ انت عاوز منى ايه
مروان _ عاوز اعتذرلك عن اللي حصل زمان
منه بغيظ_ خليك بعيد عني يا مروان احسن والله اقول ل إبراهيم
مروان _ يامنه انا ندمت علي اللي عملته وحبيتك بجد صدقيني
مشيت من غير ما ارد عليه وجه وقف قدامي تاني
مروان _ مستعد اصلح غلطي معاكى
منه _ غلطت ايه اللي تصلحها
مروان _ اللي عملته معاكي زمان ..
منه _ وهتصلحها ازاي بقا
مروان _ اتجوزك
منه _ عارف لو انت اخر واحد في العالم مش هتجوزك وامشي من قدامي
مروان _ علشان الصايع بتاع الجامعة صح
منه بغيظ _ هو مش صايع انت اللي ملقتش حد يربيك
مروان _ بقا كده، دلوقتي ملقتش حد يربيني، مش انا مرواان اللي مشوفتيش في حنيته وادبه
منه بغيظ _ انت فهمتني كده متصدقش نفسك اوي
مروان _ وانتي مكنتيش صغيرة عشان متفهميش، كله كان بمزاجك
منه بغيظ _ كنت فكرتك راجل علشان كده صدقتك، بس طلعت غلطانه، ابعد عني احسنلك والا والله هقول ل إبراهيم
مشيت خطوات وصوته استوقفني
مروان _ وافقي بمزاجك يا منه بدل ما توافقي غصب
منه _ هتعمل اية يعني
مروان _ لما تزيدي في عنادك هتعرفي
بيقولي كده وبيمشي وانا مش فاهمه هو بيهدد علي اي اساس،
احنا محصلش بينا حآجه اكتر من الصور والمكالمات، ومفتكرش انه ممكن يكون محتفظ بيهم لسه،
ولو محتفظ بيهم هتبقا مصيبة فعلا ، دول فيهم تجاوز والصور كمان بلبس حساس
حكايات بنات p4
بعد تلات ايام
امنيه
بدأت مشاكل تحصلي في الشغل انا معرفش سببها مره حد يطلب اردر ويرجعني بيه، ومره واحد يهزقني علشان اتاخرت ومره الاقي حد بوظلي الموتسيكل وادفع تمن تصليحه انا ومره ريتاج تقفل علينا باب الحمام واستغفر الله، تعمل حاجات غريبه.. واللي حصل النهارده العن واضل.. حد طلب اوردر ف روحت بالموتسيكل وشوفت شابين ماشين ورايا من عند المطعم لغيت ما وصلت مكان كده و وقفوني فى الطريق وخدو منى الاوردر ابو 550 جنيه تحت تهديد السلا.ح وانا مش حيلتي 100 جنيه ادفعها، بقيت واقفه فى الشارع اندب حظي وانا مش عارفه اتصرف ازاى لغيت ما عربية وقفت جمبي ونزل منها راجل شكله في الاربعيني وشيك
حازم _ خير يا استاذ اقدر اساعدك
امنيه ببكاء _ الحراميه ثبتوني وخدو الاوردر ابو 550 جنيه اقول ايه لصاحب المطعم
حازم _ انت صوتك عامل كده ليه
امنيه ببكاء _ ونبي سيبني في حالي دلوقتي هو ده وقته
حازم يحاول يداري ضحكته_ خلاص متعيطش، خد دول تقدر تدفع منهم تمن الاوردر
امنيه_ وانت بتديني فلوس بتاع ايه
حازم_ حابب اساعدك، وياسيدي تقدر ترجعهم او تيجي تشتغل عندي في الشركه انا محتاج موظفين شباب
امنيه_ بتتكلم جد
حازم_ اه ودي فيها هزار
امنيه _ كام المرتب وهشتغل ايه
حازم _ في كذا وظيفه بس السكرتيرة مرتبها هيكون اكتر لو تلاقي لينا سكرتيره كويسة كده ياريت تجيبها معاك
امنيه بإبتسامة_ اه عندي واحده تنفع، كام مرتبها بقا
حازم _ 5000 جنيه ك بداية
امنيه بذهول_ واووو خلاص هات العنوان وانا هبعتهالك، هي بتعرف تتكلم انجلش كويس واكيد هتنفع
حازم _ اسمها ايه طيب
امنيه بإبتسامة فرحه_ امنية اختي التؤم
حازم بإبتسامه _ تلاقيها شبهك اوي
امنيه _ جداً، مش اختي التؤام، هات العنوان وبكره هتكون عندك
حازم بإبتسامه _ تمام اتفضل ده الكارت بتاعي وده عنوان الشركه وياريت متتأخروش هستناكم انت وهي
امنيه _ لااا اصل اصل انا مسافر ضروري بكره وهبعتها هي بقا
حازم _ تمام ياااا. اسمك ايه؟
امنيه _ اسمي عادل عبدالسلام
حازم بإبتسامه _ عاشت الأسامي، يلا خد الفلوس دي علشان تدفع تمن الحاجه اللى اتسرقت
امنيه بإبتسامة _ متشكره جداً، وقريب هردهملك
حازم _ قصدك متشكر
امنيه بلخبطه _ ايوه زي ماقولت كده
حازم بضحك _ ماشي يلا مع السلامه
الراجل ده نجده نزلتلي من السما.. سكرتيره اريح من عامل ديليفري بكتير بس يارب يقبلوني من غير شهادات ويكتفو بطيبة قلبي وخفة دمي
عز الدين
جه حازم الشركة وهو مبتسم وشكله انجز المهمه
عز _ شكلك نفذت اللي طلبته منك
حازم _ ايوووه وبكره جايه بشخصيتها الحقيقيه مش بشخصية عادل
عز بإبتسامة_ تمام اووي .. طيب وادتلها فلوس الاوردر اللي اتسرق
حازم_ اه طبعا.. بس صعبت عليه خدت اهانات في يومين محدش يستحملها
عز _ هنعوضها متقلقش بس عاوزك تربطها بمسمار جحا في الشركة
حازم _ لدرجة دي مالك ياحبيبي كنت بعقلك
عز _ ولسه بعقلي بس هي ممكن لما تشوفني تقول هسيب الشغل
حازم _ طيب ما تسيبه هي الخسرانه مش انت
عز _ اه صح.. بس زي ماقولتلك عندي فضول اعرف هي عاملة في نفسها كده ليه
حازم _ طيب ما كان ممكن نعرف من غير ما نشغلها عادى
عز _ اه فعلاً بس هي غلطت فيه المره الفاتت لازم تتعاقب
حازم بخبث_ اه غلطت وقالتلك انك بتحاول تبتزها، لا دي لازم تتعاقب اشد عقاب
عز _ مش كده بردو. يلا روح شوف وراك ايه
حازم _ انا مقولتلكش هي عملت ايه لما قولتلها تشتغل عندنا
عز باهتمام _ عملت ايه
حازم بإبتسامه _ يلا ياحبيبى هخلص الشغل واجيلك
عز _ داااا انت ياخي.. روح
حازم بضحك _ ماشى
حازم بيلمح بحاجات مش موجودة اصلا، انا مش صغير عشان احب عيله، حتي لو كانت كبيره بس فرق السن بينا كبير دا غير اني مستحيل افكر في واحده تانيه غير سميره.. هي مش اكتر من حاله استفزتني... ايوه هي كده وبس
اسامه
شيري غابت يومين ولما جت في اليوم التالت اظهرتلها حزني وعدم اهتمامي بيها وهي بالمقابل معبرتنيش وكأن مفيش حآجه حصلت ولا كأنها شيفاني. بالعكس دي دخلت المحاضرة وطلعت قعدت مع يارا في المكتبه
سامر _ ههههه الخطه باظت نفضتلك يا معلم
اسامه بغيظ_ مفيش واحده تنفض ل اسامة ياحبيبي، وحياتك لا اخليها تلف ورايا لغيت ما تتعب بس استنا عليه
سامر _ انسا مبقاش ينفع تعمل حآجه تانيه كده هتبقا فاكس وحركاتك هتتهرش مهما تعمل. هات الرهان وانساها
اسامه بتحدي _ لا يا حبيبي مش قبل شهر دي الفتره اللي بنتفق عليها دايما، ومبقاش انا اسامه لو مجبتهاش علي بوزها في اقل من كده بكتير
سامر بضحك _ اما نشوف بس خلي معاك ال 2000 عشان محتاجهم
اسامه بغيظ _ ونبي تخليك في الصعيديه اللي مش قادر تعرف عنها حآجه لدلوقتي
سامر _ لا ياحبيبي عرفت وعرفت كتير كمان، ومستني الفرصه علشان اخليها تمشي تطاطي راسها في الجامعة كلها
اسامه _ وعرفت ايه بقا
سامر _ طلعت بنت بواب وبتمسح السلالم لو تشوف شكلها هي وبتمسح مكنتش صدقت ان دي هي دي
اسامه _ بنت بواب ونافشه ريشها امال لو كانت بنت صاحب البيت كانت عملت ايه
سامر _ مش عارف ياعم ، بنات منفوخه علي الفاضي،
اسامه _ عيش ياعم خلينا ننضفها من اشكالهم
سامر _ طيب اسيبك بقا خليني اروح اقرا شويه وارقبها
اسامه _ تقرا؟
سامر _ ايووه اقرا واصلي الضحي كمان ماهي لازم تشوفني حد كويس علشان توقع،
اسامه _ ههههه ابو ام دي شغلانه اللي هتزلنا ياض
سامر _ بس تصدق ان بعيد عن التحدي وكده بس وانا بقرا اكتشفت ان الكتب دي عالم تاني بتاخدك لدنيا تانيه وانت قاعد مكانك،
اسامه بزهق _ بداية متبشرش بالخير
سامر _ متقلقش اخوك مسيطر
اسامه _ اما نشوف يلا غور وانا هروح اشوف ام اربعه وأربعين في اي داهيه
سامر _ مش بتقول انها راحت المكتبه
اسامه _ تصدق صح، خلاص يلا بينا نقرا، العلم نور بردو ههههه
سامر _ زادك الله من نوره يا فتي ههههه
اسامه بسخريه _ هيا بنا يا غلام
دخلنا المكتبه ولقيناهم قاعدين مع بعض وبيقرو ومنعزلين عن العالم، واحنا روحنا عند تربيزه وخدنا كتب وقعدنا نقرا، وانا بقيت اجيب الكتاب يمين شمال وانا مش فاهم هو عاوز يقول ايه
اسامه_ ودا بيقروه ازاي
سامر _ ملقتش غير فلسفة تقرا فيها، رجعه وهات نوادر جحا
سامر _ جحا ايه شايفني جيلك بحمار اي العك ده في ناس عاقله تضيع نظرها في الكتب دى، وأيه الخط دااا مش قاري. انا ماشي
سامر _ اترزع
اسامه يبص لشيري شويه وبعدين يتكلم بصوت عالي _ ولا كلمه سيبوني في حالي بقا، ايوه انا معقد وهفضل رابط نفسي بالماضي، وعيل بيبكي علي فراق امه، انا هبعد عنكم واريحكم من عقدي
سامر باستغراب _ ايه
اسامه _ لا ايه ولا اه خلصنا
قصدت اعلي صوتي عشان تركز معايا وفعلا بقت تبص علينا وانا رزعت الكتاب ومثلت الحزن ومشيت، وهي جت ورايا
شيري _ اسامه استنا
اسامه يمثل العصبيه _ افندم عاوزة تكملي عليه انتي كمان
شيري _ لا خالص انا اعتذرتلك قبل كده وبعتذرلك تاني، بس مفيش حآجه تستاهل تزعل عليها كده
اسامه بحزن مصتنع _ انتي متعرفيش حآجه
شيري بحزن _ اقدر افهم احساسك كويس، من فضلك متمشيش انت ومتعصب،، مينفعش تسوق وانت كده
اسامه بحزن مصتنع_ علشان ممكن اعمل حادثه يعني، طيب ياريت اهو علي الاقل اروحلهم وحشوني اوي اووووي
شيري بدموع _ ربنا يصبرك
اسامه _ متشكر
شيري _ طيب ممكن متمشيش وانت منفعل كده
اسامه بحزن مصتنع _ الكل فاكرني بدلع وبمثل الحزن محدش حاسس باللي حاسس بيه حتي صاحبي
شيري _ انا اقدر احس بيك وافهم شعورك كويس
اسامه _ انتي باين عليكي طيبه
شيري _ مش اوي
اسامه _ لا طيبة قدرتي تحسي بيه برغم اننا منعرفش بعض كويس
شيري _ متشكره، عن اذنك
اسامه _ متشكر ياشيري علي اهتمامك
شيري ترد عليه بإبتسامة وتمشي
قد ايه البنات هُبل صعبت عليها وجت ورايا، لأ وكمان دمعت وناقص انها تبكي، دا ايه العبط ده، بس انا كنت عاوز كده اصلا لكن متخيلتش رد فعلها الزيادة ده..
شيري
انا كنت متعلقه بأهلي اوي وخصوصا ماما، وكتير بيعدي عليه وقت ببقا عاوزة اروحلهم وبوصل لمرحلة الاكتئاب وبنعزل عن كل الناس، وفي البيت بقول اني تعبانه وعندي برد عشان مقليقش امنيه اللي مش ناقصه هم فوق همومها. ولما شوفت اسامه زعلان حسيت بيه وبحزنه، ف روحت وراه خوف من انه يوصل للحاله اللي بوصلها لما بيوحشوني اهلي، اتمنيت اقدر اخفف عليه اللحظه دي برغم اني كنت ناويه مبصلهوش حتي، بس في وقتنا ده الحزن بيوصل الانسان للانتـ.حار وانا محبتش ان حد يوصل للمرحله دي. وفعلا كلامي هداه شويه وطلع طيب بيهدا بسرعه
بعد ما خلصت كلام معاه رجعت ليارا وقعدت جمبها
يارا بغيظ _ روحتي وراه لييه معندكيش كرامه
شيري _ عندي بس مشوفتيش شكله كان عامل ازاي افرضي كان عمل في نفسه حآجه
يارا _ اباااي من البنته لما يميطو حوشو من خلقتهم ما يغور في نصيبه تروحي تكلميه ابتاع ايه انتي
شيري _ انتي مش شايفه انك بتغلطي فيه
يارا _ مقصديش ازعلك بس انا اكده مع اللي احبهم، وهو كان قاصد يبين الشويتين دول علشان يلفت الانتباه وانتي زي الحماره صدقتيه
شيري _ مفتكرش انه كان بيمثل انا زيه واقدر افهم احساسه وبعدين هو كان يعرف منين اني هروح وراه
يارا _ طيب اقطع دراعي من الكتف لو ما كان يقصدها
شيري _ ياستي حتي لو كان قاصد انا عملت اللي يرضي ضميري وخلاص مش هتتكرر
يارا _ اما نشوف
شيري _ اقري يا يارا اقري يا حبيبتي
يارا _ الكتاب خلص، هروح اشوف غيره علشان اخده امعاي البيت
الكل ممكن يفهمه غلط لمجرد انه شاب صايع وعجز وهو بيعيد السنه، بس انا واي حد جرب هيقدر يحس بيه، وانا مش ندمانه ولا حاسه انى قللت من نفسي لما روحت كلمته
يارا
الواد سامر بقا امبلط في المكتبه وانا عارفه من الاول انه امعيعمل اكده عشان يكون بينا كلام، بس هو نسي هدفه الحقيقي واندمج في عالم الكتب ودي حآجه زينه بردك.. العلم والقرأه قادرين يغيرو اي حد وانا لو بقيت وزيرة تربية والتعليم اول قرار هاخده ان النجاح ايكون بعددالكتب اللي تتقري ويجبولي املخص لكل الكتب اللي قروها، وهيبان في الملخصات دي النضج اللي وصله الإنسان من خلال القراءة ومن اهنه انعمر الامم.. بس اخساره عمري ما هكون وزيره،، اني عاوزة اكون فيلسوفه عشان اشتم الناس ابطريقة يفهمو اني امعمدحهم بيها ده هيبقا انهار حلو قوي والله
سامر _ احم
يارا تتجاهله وتكمل بحث
سامر _ علي فكره انا قريت تلات كتب ل مصطفى محمود عجبوني جداً
يارا _ ايوه
سامر _ متشكر علي ترشيحك ليه اني اقراله
يارا _ ماشي
سامر _ انتي عارفه اني بقيت مستعده مقومش غير لما اخلص الكتاب
يارا _ زين
سامر _ جميله القراءة
يارا بزهق_ ماخلاص يا توفيق الحكيم اني معرفاش اركز في الكتب اقعد عاد
سامر _ هو انتي بتصديني ليه
يارا_ ماهو انت لو عنديك دم مش هتسمحلي اصدك بعد عني
سامر _ علي فكره انتي انسانه مستفزه
يارا_ احسن ما اكون قليلة الحيا والقح نفسي علي الناس
سامر بغيظ_في ايه يابت انتي هتعيشي الدور... يابت دا انتي جايه من تحت البقر
يارا_ جايه من عند البقر عشان الاقيهم اهنه بس اهناك كانو بينعرو انما اهنه ابيتكلمو
سامر بغيظ_ هوريكي البقر دول هيعملو فيكى ايه يا فلاحه
يارا _ لو جبت سيرة الفلاحين تاني معيحصلكش خير ياود الوزير
مشيت وسيبته وانا متغاظه منه
والظاهر ان رمي السماد في الأرض البور عمره ما هيخليها خصبه. هو في ناس اكده كتير تفكيرهم تفكير بهايم
منه
عدو تلات ايام مشوفتش فيهم معاذ وكنت متردده اسأل عليه عشان ميفهمش اني مهتمه لأمره ويدي لنفسه امل. لغيت زميله ليه ندهت عليه انا وماشيه
نوران _ منه
منه _ ازيك يا نوران
نوران _ الحمدلله وانتى
منه _ بخير
نوران _ انا ومجموعه من الشباب رايحين دلوقتي نزور دكتور معاذ تيجي معانا
منه باستغراب _ ليه يعنى
نوران _ انتي مسمعتيش انه في المستشفي بقالو تلات ايام ودراعه متجبس
منه بقلق _ لا محدش قالي ايه اللي حصله
نوران _ بلطجيه ضربوه وكسروله دراعه ياعيني
منه _ بلطجيه يضربو دكتور معاذ اللي مفيش اهدا منه ، طيب ليه
نوران _ معرفش. قولتي ايه هتروحي ولا لأ
منه _ ايوه هروح طبعاً ،
روحنا المستشفى لقينا واحده قاعده معاه وبتقدمله الأكل باهتمام
ولما شافنا اعتدل في قعدته بمساعدتها
ميرنا _ اتفضلو... تمام كده ياحبيبي ولا ارفعلك المخده اكتر
معاذ _ لا حبيبتي كده تمام
بيقولها حبيبتي وتقوله حبيبي ويجي يرسم عليه في الكليه دا كويس اني مدتلهوش وش، كلهم زي بعض . دخلنا وقعدنا وبدأنا نسأل عليه
احدي الطلبة _ حمدالله على السلامة يا دكتور
معاذ بإبتسامة متعبه_ الله يسلمك
نوران _ قلقتنا عليك يا دكتور
معاذ_ نصيب، متشكر على زيارتكم... ازيك يا منه
منه _ حمدالله علي سلامتك
معاذ _ الله يسلمك، انا قولت انك مش هتيجي تسألي عليه
نوران_ مكنتش تعرف
معاذ _ غريبه دي
منه_ غريبه ليه، انا مكنتش اعرف غير من شويه
معاذ _ مش مشكله على العموم متشكر
ميرنا_ الظاهر انك محبوب من الكل في الكليه، دي الاوضه مفضيتش ساعه من الزوار
معاذ _ اتمنا اكون محبوب فعلاً، مضربش وخلاص
منه باستغراب_ من امتي وحضرتك ليك في الخناق
معاذ _ من اسبوع كده بدأت اتخانق وياريت سبب يستاهل
احدي الطلبة_ اللي يخلي الدكتور معاذ يتخانق اكيد سبب مهم
معاذ_ ساعات بنكون غشما ومبنفهمش
حسيت انه قاصد حآجه بكلامه بس مفهمتش هو يقصد ايه،..
مر الوقت وجينا نمشي ف وقفني وهو بيقولي
معاذ_ مبروك الخطوبه يامنه
منه باستغراب_ خطوبة مين
معاذ _ خطوبتك
منه_ خطوبتي انا
معاذ _ انا اسف مكنتش اعرف انك مخبيه
منه _ لا انا مش مخطوبه ولو مخطوبه هخبي ليه.. الف سلامه علي حضرتك
مشيت وانا مش فاهمه جاب الكلام ده منين لغيت ما قابلت مروان في الطريق ولقيته وقف قدامي بالعربية
ونزل وهو متعصب
مروان_ ايه وداكي عنده
منه _ عند مين
مروان بغيظ_ عند بتاع الكلية، في ايه بينكم وصلتي لمرحلة الصور معاه ولا لسه
منه ترفع ايدها وتديلو بالقلم _ وانت فاكر كل الناس و.سخه زيك. لو وقفتني تانى ولا اتعرضتلي بأي شكل هبلغ عنك انت فاهم
مروان بغيظ_ بتضر.بيني علشانه، ماشي يامنه المره دي كان كـ.سر دراع بعد كده هكـ.سر رقبته وهتكوني انتي السبب
منه بصدمه_ يعني انت اللي عملت فيه كده
مروان بحده_ ايوة وقولتله انك خطيبتي ويبطل يكلمك حتي، وانتي روحتيلوه لحد عنده بكل بجاحه
منه بغيظ_ انت فاكر نفسك ايه، فوق ياحبيبي انت لو اخر واحد مش هكون خطيبتك، وضر.بك ليه علشاني مش هعدهولك وهبلغ عنك
مروان بحده _ بلغي علشان اول نسخه من محادثتنا الساخنه توصل لاخوكي، وبعدها صورك الحلوه بالقميص،.. اعقلي احسنلك واسمعي الكلام
منه بصدمه _ هما لسه عندك
مروان _ ايوه تحبي تشوفي
منه _ انت كداب
مروان_ انا كداب، طيب شوفي كده مين الحلوه دي
منه بصدمه _ طيب ليه
مروان_ كنت محتفظه بمحادثاتك علشان بحبك بس شكلك كده هتخليني استخدمهم في حآجه تانيه
منه بدموع _ مش كفاية اللي عملتو فيه زمان، بسببك رقدت سنه كامله في المستشفي غير الفضيحة اللي عملتهالي وسط صحابك،عاوز مني ايه تانى
مروان _ مش عاوز غير انك تسمعي كلامي وبس وطول مانتي عاقله انا هنسا الحاجات دي
منه ببكاء_ ربنا ينتقم منك يا حقير يا زبالة، كان يوم اسود يوم ما صدقتك، غور من وشي مش طايقه اشوفك
مروان _ ماشي بس هنتقابل تانى
حكايات بنات p 5
امنيه
جه تاني يوم واول حآجه عملتها اني روحت المطعم رمتلهم حاجتهم في وشهم بشكلي الحقيقي. امنيه مش عادل
ريتاج _ انتي مين يابت انتي
سهر بقرف_ ماتهدي علينا يا حلوه داخله حاميه علينا ليه
امنيه _ عاااادل خطيبي قالي اجي ارميلكم اليونيفورم بتاعكم في وشكم علشان انتو مطعم مقرف وخصوصا انتو الجوز وبيقولكم قرفان منكم ومن ايامك اللي زي وشكم
ريتاج تشهق بصوت عالي _ نااااعم عادل مين ياحبيبتي المايع ده، يغور هو واللى يتشددله ده حتي كان صايع ومتحر.ش
امنيه _ بأمارة ما قفلتي عليه باب الحمام وكنتي عايزة تبوسيه ببوقك المقرف ده ... يلا ياحلوه ادي لبسكم وادي الكاب وادي مفاتيحكم الغبيه هو مش جاي تاني ابداااا
رمتلهم حاجاتهم وطلعت اجري بعد ما طلعولي وعنيهم بطلع لهب، واول ما وصلت بره خبطت في الراجل اياه.. تاني اغلس بني ادم بعد ريتاج بنسبالي
امنيه _ انت
عز بارتباك _ ااا كنت جاى اخد اكل،.... شايفك مش لابسة هدوم الراجل يعني.؟
امنيه _ علشان متبقاش ماسك عليه زله
عز _ لا على فكره انا مش قاصد ازلك انتي فاهمه غلط
امنيه _ ولا فاهمه صح سبته اهو تعاله براحتك بقا عن اذنك
عز _ استني
امنيه _ افندم
عز _ هو انا عملت ايه علشان تاخدي عني الصوره دي.
امنية _ معرفش اسأل نفسك، اتمنا مشوفكش بصدفه بعد كده اوك
سبته ومشيت وهو وقف مكانه ومحاولش يستدير حتى...
راجل في سنه وهيئته المفروض يكون انضج من كده مش جاي يضايق الناس ويضحك عليهم، طبعا اكيد مشافش الهم عشان كده مش حاسس بغيره....
عز
كلامها ضايقني اوي وحسيت نفسي صغير وتافه.. انا طول عمري الكل بيعاملني بأحترام وتقدير، الصغير قبل الكبير بيفكرر في كلامه قبل ما يقولوه ليا، بس دي قللت مني اوي، لكن ارجع واقول اني انا اللي سمحتلها،... معرفش مالي بيها عامله نفسها ولد ولا ست انا مالي بدخل ليه...
ركبت العربيه وطلعت امشي في الشوارع يكون حازم خلص المقابله معاها، وبعد وقت كلمني
عز بخنقه_ ايوه
حازم _ عز انت قولتلي اشغلها باي شكل وانا عملت كده، بس البنت دي معندهاش مؤهلات، ولسه بتدرس في الجامعه ازاي نخليها تبقا سكرتيره يعني
عز _ مش محتاجين مؤهلات في حاجه
حازم _ دي شركتك وانت حر بقا ، هي مضة العقد وهتبتدي من بكره
عز _ تمام حاول بس تظبط المواعيد عشان تقدر تحضر محاضراتها
حازم_ كمااان احنا فاتحينها تكيه يا عز، مينفعش طبعا.. هي تسيب الكليه احسن وتشوف شغلها في الشركة لأما تسيب الشغل
عز _ خلاص ياحازم انا هشوف الموضوع ده بعدين، يلا سلام
حازم_ مالك النهارده، مين مزعلك
عز _ مفيش، يلا شويه وجاي
يارا
تانى يوم روحت الجامعة الساعه واحده الضهر، ولقيت الكل بيبصلي ومركزين امعاي وفي يديهم ورق... ومنهم اللي بيتهامسو ومنهم اللي بيبصلي بتقليل واستحقار، و سامر واقف وبيبصلي بإبتسامه ساخره وبعدين يضرب كفه بكف أسامه، مفهمتش مالهم وايه سبب بصاتهم دي لغيت ما قابلت شيري طالعه من المكتبه
شيري تمسك يدها وتاخدها بعيد _ جيتي ليه
يارا باستغراب _ يعنى ايه جيت ليه، هو فى ايه مال الناس
شيري _ شوفي
ادتني ورقة عليها صورتي وانا بمسح السلالم،
يارا بدموع _ مين عمل اكده
شيري بحزن _ معرفش الورق ده مرمي في كل الجامعه
يارا بدموع _ ليه طيب انا ازيتهم في ايه عشان يخلو صوري مع كل كبير وصغير اهنه،
شيري_ محدش يعرف
يارا بقهر _ ،، هو فاكر انه اكده هيزلني يعني.. اني لازم اعرف مين ده و عمل اكده ليه وسعي
شيري _ استني هتعملي إيه
يارا بدموع _ سيبيني لازم يعرفو ان مش انا اللي تستعر من حياتها وان اللي عملوه ده غلط كبير في حقي
شيري_ هتعملي ايه طيب استنى
حسيت بالاهانه بسبب اللي حصل، لكن مش مشكلتي اني بنت بواب وبمسح السلالم انا مشكلتي ان صور بنت صعيديه تترما اكده في يد اي حد ..
روحت وقفت في نص الجامعه وبقيت اتكلم بعلو صوتي وانا مقهوره
يارا بصوت عالي _ ميين ما كان اللى عمل اكده، احب اقوله واقولكم كلكم كلمتين،.. انا اسمي يارا محمود... بت فقيره ومحلتناش غير قراطين ارض ، ابوي باعهم عشان اكمل تعليمي اهنه في القاهره، ومرضيش يسبني اعيش لوحدي في بلدنا خوف عليه بعد موت امي اللي سابتني انا وهو لوحدنه
شيري تمسك بها _ يارا خلاص ملوش لازمه كلامك ده
شيري بدموع _ سيبيني يا شيري خليني اكمل، .... ابوي جابني امعاه عشان سيرة البت عيندينا غاليه وتساوي دم، وجينا اهنه وقعدنا في حتت اوضه صغيره في نفس العماره اللي ابوي شغال فيها بواب وانا بعد الجامعه بلف ع السكان اشوفهم محتاجين ايه واعمله، وبمسح السلالم وساعات بمسح حمامات السكان، انا ولا مره جيت قولتلكم اني بت وزير وصحابي اللي اهنه عارفين من اول يوم اني بت بواب، مشكلتي دلوك مش اني بنت بواب لاني بفتخر ب ابوي مهما كان شغله علي الاقل عمره ما مد يده للحرام اني مشكلتي اني سمعتي بقت بين يدين كل واحد فيكم . كل واحد ماسك صوره ليه في يده، ودي عيندينا فيها د.بح... يارب ياللي عملت اكده تكون مبسوط وراضي غرورك وقلبك الاسود... واني مش هتكسف واطاطي راسي وهاجي كل يوم احضر محضراتي واقعد في المكتبة، زيي زي اي ولد او بت وزير معانا اهنه... وفي نهاية السنة هعرفكم مين يارا بت البواب ..
قولت الكلام ده وروحت المكتبة ومسكت كتاب وقعدة اقرا واني حاسة روحي بتتسحب منى، ومش عارفة هقول لبوي إيه علي الصور دي .. وبعد شويه لقيت المكتبه اتملت وكل واحد جايب صوره في يده وبيقطعها قدامي
سامر
من غير ما حد ياخد باله رميت مجموعه ورق كبيرة من الصور بتوعها، وبعد دقيقة كان كل واحد معاه صوره، حسيت بالانتصار، وقولت كده. كسبت الرهان، وروحت عند اسامة وقولتله يجبلي ال 1000 جنيه بتوع الرهان لما نروح وبقينا نحتفل بالمناسبة دي لحد ما دخلت والكل بصلها باستحقار، ومنهم بردو اللي كان عاطف عليها، وانا مبسوط اني قدرت اكسرها، وحقيقتها اتكشفت للكل، لغيت ما اتكلمت وشوفت كسرتها عشان صورها اتوزعت مش عشان شغلتها هي وابوها، .. بعد دقيقة واحده استحقرت نفسي، اكون مين انا علشان اشهر بواحده لمجرد اني مش عارفه اوصلها، مين اداني الحق اعمل معاها كده، وياعالم اهلها لو عرفو ممكن يعملو فيها ايه... افتكرت انها فلاحه وجايه من تحت بهايم وان لسانها طويل بس نسيت ان اللي ناوي اعمله ممكن يكون سبب في موتها او انها متتجوزش..
اسامه _ انت زعلان ليه دلوقتي، انا اللي مفروض ازعل علي الفلوس اللي هدفعها مش انت
سامر _ انا ليه عملت كده
اسامه _ ليه ايه، انت مش مبسوط انك خلصت منها قلت ادبها معاك
سامر بانفعال _ اسامه احنا نسينا انها صعيديه ودول مش بيفكرو غير بالد.م، ليه. منبهتنيش
اسامه _ يااااحبيبي، ودا من امتي، ما احنا بنعمل اكتر من كده اشمعنا دي
سامر _ وليه هي او غيرها، انا هروح اقولهم اني انا اللي عملت كده
اسامه يمسكه ويرجعه تاني _ اهدااا تروح فين ، انت عبيط... دي فيها حبس وفصل
سامر _ يحصل اللي يحصل بقا، انا غلطت وهصلح غلطي
اسامه _ يا أهبل مضيعش نفسك هي تستاهل اللي عملته فيها محدش قالها تغلط فيك
سامر _ انت مش مقتنع اننا غلطنا ولسه بنغلط؟... لو هتقدر تتحمل تشوف واحده ممكن تموت بسببك انا مش هقدر
اسامه _ لا طبعا تموت علشان صور زي دي هما مفهمش عقل خالص يعني
سامر _ ايوة بتحصل،، سيبني يا اسامه انا هقول يعني هقول
اسامه بغيظ_ انت غبي يعني، دا بدل ما تحمد ربنا ان محدش شافك، خلاص اسكوت دلوقتي وبعدين صلح غلطتك بأي طريقة تانيه
سامر _ ازاي يعني، دي كلها دقايق وهتلاقي صورها تريند في جروبات الجامعه والفيسبوك واكيد اهلها هيعرفو
اسامه _ انت عبيط ياض، واهلها يعرفو النت اصلا عشان يشوفوها، اهدا ومضيعش نفسك علشان واحده زيها
سامر بخنقه _ مش عارف بقا، انت شوفت شكلها هي وبتتكلم، كان عامل ازاي
اسامه بزهق _ سامر مضيعش نفسك علي العبط اللي في دماغك اهي اتفضحت وخلصنا وبكلامك دلوقتي مش هتمنع حآجه
سامر بخنقه _ خلاص
اسامه _ خلاص ايه فهمني ناوي علي ايه
سامر _ مش هقول حآجه
اسامه _ برافو عليك ايوة كده
سامر _ طيب انا رايح المكتبه
سبته وروحت المكتبه ودخلت وسط الطلبه وخدت كتاب وقعدت اقرا وانا تركيزي معاها لغيت ما الكل بعد عنها وبعدين بصيت في الكتاب تانى عشان متخدش بالها ، لغيت ما اتفاجئت بيها جايه وقعدت علي نفس التربيزه بتاعتي
سامر بارتباك _ اهلا
يارا _ قولي يا سامر، هو الراجل اللي يأذي بت عشان مش مديالو وش عنديكم بتسموه ايه
سامر بارتباك _ معرفش
يارا _ انت اكده عايش ومتعرفش اي حآجه في اي حآجه، طيب عايش ليه
سامر _ ايوه يعني انتي عايزة تقولي ايه من الاخر
يارا _ مش عايزة اقول حآجه، متشكره علي جميلك الكبير اللي عملته امعاي انهارده.
سامر بخيبه_ انا اسف،
يارا _ ايوه اسف على ايه بقاا
سامر يسكت وميردش عليها
يارا _ يعني انت اللي عملتها
سامر بتردد _ لأ
يارا _ ماشي، واني مصدقاك، .. اقرا، ولا تحب ارشحلك كتاب تقراه
سامر _ لأ شكراً
يارا _ ماشي
كانت عارفه اني انا اللي عملت كده ومحاولتش تعمل مشكله معايا وكان كلامها هادي علي غير عادتها، مبقتش عارف هي كده مسامحه ولا بتخطط لحاجه.. ومن هنا انا مبقتش زي الاول كل حآجه اتلخبطت عندي وبقا كل تفكيري في ايه ممكن يحصل ايه بعد كده
شيري
كنت قاعده مع يارا في المكتبه وبحاول انسيها اللي حصل، وهي بتظهرلي ان مفيش حآجه والموضوع انتها بس مصدقتهاش.. لغيت ما اسامه ندهلي
يارا _ هتروحيلو
شيري _ ايوه اشوف مالو
يارا _ براحتك بس خلي بالك منه
شيري _ حاضر .. دقيقة ورجعالك
سبتها وروحت عند اسامة
شيري _ نعم
اسامه _ كنت عاوز اسأل علي صحبتك واشوف اذا محتاجه مساعدة في الموضوع ده ولا لأ
شيري _ وانت هتساعدها ازاي
اسامه _ بأي حآجه، لو حابه نلم الصور دي كلها نلمها
شيري _ لا ما خلاص الصور اتلمت واتقطعو
اسامه بإبتسامة _ كويس،
شيري _ عن اذنك
اسامه _ استني
شيري _ نعم
اسامه _ كنت عاوز اعتذرلك عن طريقتي معاك قبل كده
شيري _ مفيش مشكله
اسامه _ ممكن اعزمك علي حآجه نشربها
شيري _ لا شكراً
اسامه _ تبقي لسه زعلانه
شيري _ لا مش زعلانه
اسامه _ طالما كده اسمحيلي اعزمك علي حآجه من الكافتيريا
شيري بتردد _ ماهو اصل
اسامه _ مره واحده وبس
شيري _ طيب ماشي
اسامه بإبتسامة _ اتفضلي
روحنا الكافتيريا وطلب نسكافيه وبقينا نتكلم
اسامه _ انا مش عارف ازاي حد يجيلو قلب يأذي حد بشكل ده
شيري _ انسان معندهوش ضمير مين ما كان
اسامه _ عندك حق، انا مكرهش قد الغدر والخيانه
شيري _ وانا كمان اكتر حآجه بتضايقني الغدر
اسامه _ وانتي اتعرضتي للغدر قبل
شيري _ لأ، موثقتش في حد لدرجة انه يغدر بيه
اسامه _ مبتثقيش بسرعه في الناس يعني
شيري _ مش الفكرة، كل الحكاية اني مختلطتش بحد أوى، و قبل الكلية مكنش ليه صحاب قريبين حياتي كانت مختصرة علي أهلي بس
اسامه _ انطوائيه يعني ولا إيه السبب
شيري _ لا عاادي يعني محصلش وخلاص، يمكن يارا اكتر حد قربتله بعد اخواتي
اسامه _ بتخافي تتعاملي مع الناس وتختلطي بيهم ؟
شيري _ ههههه معرفش الحقيقه انا مبحسبهاش،
اسامه بإبتسامة _ بس انتي انسانة طيبة المفروض يكون حوليكي ناس كتير مش يارا واهلك بس
شيري _ لسه هنشوف قدامنا اربع سنين نتعرف علي ناس جديده فيهم
اسامه _ هتلاقي كتير بيحاولو يكون صحابك انا متأكد
شيري بتردد _ شكراً،.. طيب وانت مخلصتش ليه لغيت دلوقتي
اسامه بإبتسامه _ كنت في الأول فاكر اني فاشل ومش حابب التعليم بس اكتشفت اني مكتوبلي اقعد لدلوقتي عشان اتعرف علي انسانه لطيفه زيك
شيري بارتباك _ لا مش كده، علشان احنا مش هنكون صحاب اكيد
اسامه _ طيب ليه، احنا في نفس الجامعه ومش هيحصل حآجه لو شربنا حآجه مع بعض او قرينا في المكتبه سوا
شيري _ اه ممكن في الاطار دة بس..
اسامه _ دا اكتر من المطلوب كمان
شيري بارتباك_ طيب انا همشي، يدوب الحق اروح
اسامه _ لسه بدري، خليكي
شيري _ لا كفاية، ومتشكره علي النسكافيه، يلا سلام
اسامه _ لحظه
شيري _ نعم
اسامة بتنهيده _ انا عاوز اشكرك،.. امبارح كنت في حالة ميؤس منها يمكن لو مكنش حد كلمني كنت عملت حآجه في نفسي
شيري بإبتسامة _ العفو.. عن اذنك
مشيت وانا مبسوطه اني قدرت اساعده حتى لو بالكلام، وبقا عندي استعداد اني اكون صديقه ليه، يمكن اقدر اساعده في حالة الحزن اللي بتحصله، اكيد محتاج حد يكون جمبه زي ما انا بكون محتاجه .. بس كنت خايفة لو امنيه عرفت ان كان ليه كلام معاه انها تطين عيشتي، ف قررت مقولهاش
اسامة
عرفت مفتاحها وبدات اقربلها وهما أسبوعين بالكتير وهتنام تحلم ب اسامه..
اكتر حآجه تعذب البنت وتعجزها بدري انها تتعلق بحد ويسيبها او ميدلهاش اهتمام وكأنها مش موجوده، وده اللى نويت اعمله معاها، هي عيله اه وانا منكرش اني للحظه فكرت انهي الموضوع بس انا مبسامحش اللي يغلط معايا لازم يتقرص شويه، وعلشان هي متعاطفه معايا هكتفي بكسر قلبها من غير اي خدش ولا صور ولا اخدها في الشقة مثلا، رأفة بحالها وصغر سنها...
امنيه
تانى يوم جهزت نفسي ولبست الطقم الجديد اللي اشتريته صبر يكون قبضة،..
روحت الشركه علي الساعه 8 الصبح
واول ما وصلت قابلت استاذ حازم وسلمت عليه وبعدين جه يمشي وقالي رايح مكتبي
امنيه باستغراب _ مش ده مكتب حضرتك بردو
حازم _ لا ده مكتب المدير العام
امنيه_ امال حضرتك مين
حازم_ انا المدير التنفيذي وصديق استاذ عز الدين صاحب الشركه
امنيه _ كنت فاكره حضرتك صاحب الشركه
حازم_ انا وعز الدين واحد، وفي غيابه انا بقوم بكل حآجه
امنيه_ ماشي حضرتك، تشرفنا،
حازم بهدوء_ استاذ عز راجل محترم ومتخافيش منه، بس انتي شوفي شغلك كويس
امنيه _ اكيد يافندم
حازم_ طيب انا ماشي واستاذ عز زمانه علي وصول خلي بالك
امنيه _ ماشي يافندم
مشي وانا قعدت علي المكتب وانا مش فاهمه حآجه،.. الراجل ده فهمني ان هو صاحب الشركه، مين عز الدين ده كمان، وشكله ايه، وشراني ولا طيب.. بقيت افكر لغيت ما خبط علي الباب ودخل علي طول علي المكتب ومشوفتش وشه حتي بس شكله كان مألوف بنسبالي،
وبعد شويه كلمني من المكتب وطلب اني اروحلوه.. وقفلت معاه وروحتله، وفتحت الباب وهنا كانت الصدمه
امنيه بصدمه _ انت المدير
عز بجديه_ ايوه اقعدي
امنيه _ دا انتو مخططين من الاول بقا
عز بحده_ اقعدي بقولك
امنيه_ مش هقعد وهسيب الوظيفه دي حالآ
عز بحده_ طيب اقعدي وبعد كده اعملي اللي انتي عاوزاه
امنيه بغيظ_ مش هقعد
عز بمقاطعه _ قوولت اقعدي هتحايل عليكي ولا إيه
امنيه بخنقه_ انا مرتاحه كده عاوز تقول ايه
عز _ براحتك.. اعرفك بنفسي،،، انا عز الدين ،، صاحب الشركه دي، وبحب جداً الانتظام في المواعيد، ومبحبش قلت الامانه، والعب في الشغل،،، مرتبك زي ما قالك عليه استاذ حازم،.. ونظرآ لظروف دراستك هتروحي تحضري محضراتك المهمه وترجعي الشغل
امنيه _ ومين قالك اني هكمل هنا اصلا انا ماشيه
عز بحده_ ارجعي علي مكتبك وشوفي شغلك، ومدخليش حد دلوقتي
امنيه بعصبيه_ هو اسمه ايه ده
عز بحده_ علي مكتبك
امنيه _ قولت لأ،
عز بتنهيده_ انا مش فاضي للمناهده معاكى، روحي مكتبك وبعد شهر لو مرتحتيش تقدري تدفعي ال 100 الف الى فى العقد وتمشي
امنيه بصدمه_ 100 ايه
عز _ 100 الف جنيه انتي مقرتيش العقد كويس قبلي ما تمضي؟
امنيه بانفعال_ دانتو نصابين بقا انا هروح فيكم فى داهيه
عز بحده_ بت انتي انا مراعي ظروفك، وتفاجأك بالموضوع عشان كده مش هعملك جزا، علي مكتبك يلا
امنيه بغيظ _ ماشي بس انا مش هسكت
سبته ورجعت المكتب وانا حاسه انى وقعت فى عصابه مش عارفه عاوزين مني ايه، انا محلتيش جنيه ادفعه مش 100 الف مره واحده، حتي شغلانة الديليفري عكتها قبل ما امشي... مبقتش عارفه ايه اللي مستنيني مع الناس دي والراجل ده عاوز يوصل لأيه بظبط
بعد يومين
منه
بعد مامروان هددني بالصور والمحادثات بقيت خايفه اطلع من البيت لا اشوفه،. لغيت ما إبراهيم قالي روحي الجامعه وبقا يزن عليه، وفعلا جهزت نفسي وطلعت من البيت، وطول الطريق حاسه ان حد بيبص عليه وانه هيطلع في وشي فجأه، بقا كابوس بنسبالي خايفه اشوفه، ومن جه تانية، كنت مشغوله بمعاذ اللي اضرب بسببي وراقد في المستشفي،،
وقفت في نص الطريق وقررت اروح اشوفه وافهمه اني مليش دعوة باللي عمله مروان واني مكنتش اعرف،.. وفعلا ركبت تلات مواصلات عشان لو حد مراقبني اهرب منه وميعرفش اني روحتله، وبعد وقت وبهدله وصلت المستشفى، وفتحت باب اوضته ودخلت بسرعه خوف ان مروان يكون شايفني،.. ف لقيت معاذ بيلبس التيشرت وميرنا بتساعده
معاذ باستغراب _ منه
منه بارتباك _ انا اسفه
ميرنا باستغراب_ في حد بيجري وراكي ولا ايه
منه بلخبطه _ ايوة.... لا لا ممفيش
معاذ _ طيب اتفضلي اقعدي
منه _ متشكره، انا كنت جايه اطمن عليك بس
ميرنا_ طيب اتفضلي واقفه ليه، خلاص هو لبس،، اقعد ارتاح ياحبيبي
معاذ _ تسلمي.. معلش ممكن تجيبيلي ميا
ميرنا _ اتفضل
معاذ_ دي سخنت هاتي غيرها
ميرنا بإبتسامة_ ااه عاوز ميه ساقعه عنيا. هروح اجبلك ونص ساعه ورجعالك... اتفضلي حبيبتي واقفه ليه
منه _ شكرآ
بتمشي ميرنا وانا بقعد، واناعاوزه اتكلم ومش عارفه أبدأ منين
معاذ_ قولي
منه _ اقول ايه
معاذ_ اللي جايه علشانه
منه بخنقه _ انا عايزة اقول اني مكنتش اعرف ان مروان ممكن يعملك حآجه ومليش دعوه بيه نهائي
معاذ_ ازاي مش خطيبك بردو
منه _ دا كداب هو لا خطيبي ولا اعرفه
معاذ_ يبقا حبيبك
منه بانفعال_ انا مليش حبايب، لا هو ولا غيره
معاذ_ امال عمل كده ليه طالما مفيش بينكم حآجه، اعقلي الكلام اللي بتقوليه
منه بانفعال _ كلامي معقول انا مفيش بيني وبينه حآجه، دا انسان مريض،
معاذ _ اكيد في سبب يخليه يعمل فيه كده علشانك
منه _ معرفش ابقا اسألو لو مش مصدقني،، انا جايه دلوقتي اقولك اني مليش دعوه باللي حصلك وماشيه
معاذ _ دي خطوه كويسه بردو
منه _ اللي هي ايه
معاذ _ انك جايه تبري زمتك قدامي رغم انك مش مجبره تعملي كده
منه _ علشان انا السبب ولو اي حد غيرك كنت عملت كده بردو
معاذ_ يمكن..... اممم كنتي داخله تجري ليه... هو بيراقبك؟
منه _ هو مين
معاذ _ مروان
منه بلخبطه_ ويراقبني ليه ملهوش دعوه بيه اصلا
معاذ _ امال ليه شايفك خايفه ومش علي بعضك ليه
منه _ لا خالص... يلا انا ماشيه الف سلامة
معاذ _ استني
منه تقف عند الباب ولا تنظر له_ افندم
معاذ_ عملك ايه عقدك ومخليكي خايفه تعرفي حد
فتحت الباب ومشيت من غير ما ارد عليه،، خلاني اندم اني روحتله، مُصر ينبش في اللي ميخصهوش من اول ما عرفته
