حماتي جوزتني عيالها التلاته الحلقه الرابعه بقلم هويدا زغلول
 |
وحماتي في الوقت ده قعدت
وحطت رجل علي رجل وقالت
حماتي
عشنا وشوفنا النمل بقي ليهم شروط
كمان اسمعي يا بت انتي أنا اللي اقولو
انتي تنفذي مش عجبك امشي وهاتي فلوسي
وفي الوقت ده انا كنت متاكده أن ماما عمرها
ما هترجع فلوس بس قولت ليها برضه
منال
أنا عايزه شقه بعيد عن البيت هنا انتي
كل اللي يهمك يا حماتي أن محمد ميتجوزنيش
وانا مش قادره اعيش في بيتكم ده ، وفي
الوقت ده لقيت توحه بتقولي
توحه
نعم نعم نعم انتي بتقولي اي يا حبيبتى
يعني اي تمشي من هنا مافيش مشي
كلنا عليه واحده ولازم نكون مع بعض ،
والغربيه أن حماتي قالت ليا
حماتي
هي عندها حق انتي هتروحي تقعدي في العماره
اللي فيها امك انتي وعصام ، وعصام قام
وقالها
عصام
أنا هسمع كلامك يا امي بس برضه أنا
عايز اكون في البيت هنا معاكي يا امي
مش عايز امشي ، وحماتي قامت وقفت
وقالت
حماتي
أنا بقول كلمتي مره واحده خالص خلصنا وكل
واحد يطلع علي شقته يلا ، وفعلا كلنا
طلعنا الا روحيه وقالت ليها
روحيه
ليه كده يا حماتي أنا طول عمري تحت رجلك
تجوزي جوزي ليه ، وحماتي قربت منها
وقالت
حماتي
أنا عارفه انك بتحبني ويرضيكي اختي تجوزها
ابنها بعد اللي عملته فيا ،
روحيه
طيب ياسر الكبير يا حماتي وكان لازم هو
اللي بتجوزها ليه عصام انتي عارفه أنه بيحب
دائما يكون برا البيت وسايبني ولا علشان
مش معايا عيال
حماتي
بس يا بت يا عبيطه انتي الكلام ده ولا جه
في دماغي اصلا والله بكره ربنا هيديكي
(وبعدها حماتي سكتت شويه وقالت
هتخليني اقولك كلام مش عايزه افتح فيه
تاني والله يا حبيبت حماتك ياسر عينه منها
وبشوف النظرات في عينه من ناحيتها ومش
عايزا يتجوزها علشان مش تاخدو وتمشي
روحيه مسحت دموعها وقالت
ماشي يا حماتي كفايه انك مخلياني عايشه
في بيتك بعد أن
حماتي قطعتني وقالت
والله لو كلمتي لازعل منك انتي روحي يابت
ده انا بحبك اكتر ما بحب توحه وربنا يعلم
يلا يا حبيبتي روحي شوفي جوزك بقي عايزه
انام شويه
روحيه
ماشي وبعدها روحيه كانت طالعه ولسه داخله
الشقه وعامله تنده علي عصام وبعدها
الباب خبط فتحت وكانت توحه
توحه
عصام قاعد مع ياسر فولت اجي اشرب
الشاي معاكي ودخلت واقعدت
روحيه
ها هاتي اللي عندك أنا عارفه انك جايه علشان
تقولي كلمتين
توحه
هههههههههههه طول عمرك عارفني
يا سلفتي والله انتي صعبانه عليا اوي
اللي حماتك بتعمله معاكي ده
روحيه
وانا موافقه ملكيش دعوه خليكي انتي بعيد
يا توحه
توحه
لو عايزه اوديكي لشيخ يشوف يمكن
معمولك عمل ولا حاجه معنديش مانع هههه
بس انا لو منك اخاف
روحيه
اخاف من اي يا توحه جوزي بيحبني وعمره
ما يسبني
توحه
بيحبك اه بس لما يشوف ضنا علي ايدو
مش هيحبك وممكن يطلقك خدي
بالك من نفسك يا سلفتي ، وبعدها مشيت
وفضلت روحيه عامله تعيط وبعدها
قامت جت ليا وانا كنت قاعده في الصاله بكلم ماما في التلفون
منال
ازاي يعني يا ماما عايزني اتجوز اخو جوزي
هو أنا مش بنتكم بجد كده كتير وفجاه الباب
خبط وقولت اقفلي لما اشوف حماتي طالعه
تقول اي وفتحت وكانت روحيه
روحيه
مساء الخير اقفلي الشقه بسرعه مش عايزه
حد يشوفني هنا
منال
خير عايزه اي انتي كمان أنا مش ب ايدي
اعمل حاجه لو فاكره أن اقدر اقف قدام
حماتك واقولها مش عايزه جوزك
روحيه
أنا مش جايه ليكي علشان كده انا ايدي
في ايدك اخلي يطلقك وانتي متخلفيش منه
منال
مش فاهمه كلامك ارجوكي لو دي لعبه
أنا مش قدها اخرجي وخرجني منها
روحيه
والله ما لعبه تعالي نقعد ونتكلم ، وفعلا
روحنا قعدنا ولقيتها بتقولي
أنا نفسي اكون ام وجوزي لو خلف هينساني
منال
يعني عايزه اي أنا مش فاهمه عايزني
يعني محملش
روحيه
لوقت مؤقت بس مش اكتر والله لفتره وانا
هخلي يطلقك أنا دلوقتي حسيت بيكي
وندمانه علي اللي عملته معاكي
منال
ارجوكي أنا ممكن مخليش جوزك يسلمني
اصلا بس انا عايزه امشي من البيت ده
وانا شوفت مشاكل كتير اكيد مش هفكر
اتجوز محمد
روحيه
بجد انا هقف جمبك واسعادك بس اعملي
اللي بقولك عليه حماتي لو شافت عيل
منك ل عصام عمرها ما هتخلي يطلقك
منال
طيب انتي هتعملي كده ازاي ، وهي قامت
وقفت وقالت
روحيه
ده شغلي انا بقي خدي بالك من نفسك يا حبيبتي وبعدها مشيت وانا كنت قاعده ومش
عارفه اعمل اي وعدا ٣شهور ولقيت حماتي
طالعه شقتي وفتحت الباب وأنا قولت
منال
بسم الله الرحمن الرحيم اي يا حماتي مش تخطبتي برضه ولا اي
حماتي
اخبط وإنا داخله شقه ابني انتي بتهزري يلا
الماذون تحت وعايز يكتب الكتاب
منال
انهارده طيب مش المفروض اكون عارفه
هو أنا اي مليش راي خالص كده معاكي
حماتي
اخلصي يا حبيبتي وتعالي ورايا يلا ، وبعدها
نزلت وانا نزلت وكلهم كانو موجودين م عدا
روحيه وكان ياسر واقف جنب عصام وعصام
قالو
عصام
أنا خايف امك تبص في الدفتر وتعرف
انها لعبه
ياسر
اششش وطي صوتك هي امك بتعرف تقرا
ولا تكتب وبعدين مهو لبسه اهو زي
الماذون بالظبط
عصام
ماشي يارب لعبتنا دي تكمل ومش تتكشف
والأمر يعدي أنا خايف من امك اوي
ياسر
اعمل بس اللي قولتك عليه وكله هيعدي
زي ما قولتك
ياتري عصام وياسر متفقين علي اي
