رواية حبيب الروح الفصل السادس والسابع والثامن والتاسع والعاشر بقلم منال سلامه جميع الفصول كامله
 |
سكريبت 6
يستكمل عامر حديثه مع علاء
عامر : روح تبقي بنت زهرة الله يرحمها
علاء : زهرة مين ؟؟ ..انا مش فاهم حاجه
عامر :دى غلطه عمرى انت عارفنى كويس يا علاء وعارف اخلاقى ..وعارف انا بخاف ربنا اد ايه ...بس لكل واحد مننا ماضي .. انا هحكيلك
فلاش باااك
عامر : حبيبتى وحشتينى اوووى
زهرة : وانت كمان يا عمرى أنا عندى ليك خبر حلو
عامر : أحلى من أن أشوفك كدا أمامى ما افتكرش
اليوم اللى بعيشه معاكى يا زهرة بالعمر كله ..
زهرة : انا بعد الايام والليالي وبنتظرك يوم كل اسبوع ...بس يوم بالعمر كله ...
عامر : قوليلى بقي ايه هو الخبر الحلو
زهرة : انا حامل ...وهتبقى بابي ولم تكمل حديثها
ليقطع حديثها عامر
عامر بعصبيه : حامل ازاى انتى اتجننتى انتى عارفه أن زواجنا فى السر .واحنا اتفقنا مفيش حمل لحد ما اظبط ظروفى ..
زهرة بحزن لرده : بس دا أمر ربنا ..
عامر : الحمل دا لازم ينزل
زهرة : حرام عليك يا عامر ..دا حته منك ...
عامر : وانا مش هغير رأيي اختارى بينا
الحمل ينزل أو هطلقك ...
زهرة : ارجوك يا عامر ..ما تتسرعش ...ودا رزق ربنا لينا ...وانا مش هغير حاجه في حياتك
هنفضل فى السر وموافقه على يوم فى الأسبوع بس خلينى اكمل الحمل
عامر بعصبيه اكبر : وانا قولت اللى عندى ..وخلاص صديتى نفسي انا ماشي والاسبوع اللى جاى اجى الاقيكى خلصتى من الحمل دا أو اختارى انا ولا هو ....
زهرة : للاسف يا عامر انت اللي. اخترت مش انا
فكرتك بتحبنى اد ما بحبك ...وانا خلاص مش هنزل الحمل ودا قرار
عامر : تمام يبقي كدا انتى طالق
عودة من الفلاش
كنت عارف انها ليها الحق في الاحتفاظ بيه ...بس انا وقتها مشيت ورا شيطانى ..ماكنتش عايز اخسر حاجه ...زوجتى واولادى ووضعى الاجتماعى ..
وكمان زهرة السكرتيرة اللى قلبي عشقها ...
عدى الاسبوع وروحت ليها مالقيتهاش ..لقيت جواب منها بتودعنى ..وانها قررت تخرج من حياتى
بس هتحتفظ بالحمل لانه حته منى ...اتوجعت على فراقها ...ودورت عليها كتير بس ملقتهاش ..وانقطعت اخبارها ..لدرجه انى فكرت أنها ماتت...
علاء بتأثر : معقول انت عامر العاقل الطيب تعمل كدا ....طب كنت شاركنى مشكلتك ..المهم عرفت ازاى إن حور بنت زهرة ..
لما روحنا امبارح انا وسامر من عندك وصلنا الفيلا
لقيت ست غريبه منتظرانى وصممت تكلمنى على انفراد ...
اخدتها ودخلنا المكتب
عامر : اتفضلى ..يا حاجه زينب
الحاجه زينب : انا عارفه انك مستغربنى وما تعرفش انا مين ..
عامر : الحقيقه لا
الحاجه زينب : انا صديقه زهرة ...فاكرها
وقف عامر بذهول : زهرة !! هى فين
الحاجه زينب : زهرة الله يرحمها... وقعت الكلمه عليه بصدمه
عامر : زهرة ماتت
الحاجه زينب : ايوا الله يرحمها ...زهرة كانت تاركه معايا أمانه من سنين طويله ...وطلبت منى لو حصل ليها حاجه أسأل عليك واسلمك الظرف دا ...
والحقيقه زهرة ..البيت وقع عليها وعلى أسرتها
وللاسف انا ماكنتش موجوده ..كنت مسافرة عند ابنى فى اسكندريه ولسه راجعه ...وعرفت اللى حصل ...ليهم من الجيران ...
افتكرت الامانه اللى طلبتها منى وانا دلوقتى بوصل ليك الامانه دى ..واعطت له ظرف كبير واستأذنت للمغادرة
فتحت الظرف وانا ايديا بترتعش ...من وجعى أن زهرة اول ما اعرف عنها حاجه يكون خبر وفاتها
فتحته ولقيت رسائل كتير وصور لطفله
زهرة : يوم ما هتستلم الظرف دا هيكون انا قابلت رب كريم ....ولازم تعرف مين بنتك ...علشان اكون برأت ذمتى أمام ربنا ...
من بعد ما تركت البيت وقررت الاحتفاظ بالحمل ..وعرفت شخص ابن حلال ...وعرف حكايتى ....و اتزوجنا وعشت معاه معززة مكرمه .وسترنى وكتب اسم البنت على اسمه
وكانت كاتبه على كل صورة للبنت عيد ميلادها
ومع الصور شهادة الميلاد للبنت
وكانت المفاجأة أن البنت دى نفس الاسم اللى مكتوب على البطاقه ...
عامر : دبرنى يا علاء ..اعمل ايه
علاء : انت لسه بتفكر ...دى بنتك اللى اتحرمت منك ومن حنانك ..وعاشت بعيدة عنك ...
عامر : بس انت عارف وضعنا الإجتماعى دلوقتى
وكلام الناس واولادى
علاء : لازم تعوضها يا عامر حرمانها منك ولم يكمل كلامه ليسمعوا صوت عالى من الخارج
هنا : انتى ياللى جايه من الشارع متخيله أن رأيك هو اللى يمشي ..بدر وسامر وكل اللى هنا
بيعاملوكى كويس شفقه على وضعك
يخرج عامر وعلاء ويجتمع الجميع
بدر : هو فى ايه
هنا : البنت دى يا بيبي .بقولها ممكن اجيب ليها دريس من ملابسي تلبسه فى الحفله بدل مظهرها دا .وانت عارف المدعوين كلهم من الطبقه العاليه
ترد عليا انا وتقولى وفرى ملابسك لنفسك
عامر : هنا اتكلمى كويس ..اكيد ضايقتيها بأسلوبك
هنا : انا يا بابي !!
علاء : فعلا وفرى ملابسك يا هنا وملابس روح اللى هتحضر بيها ..انا خلاص حجزتها ليها
روح بصوت مخنوق : اسفه لحضرتك ..بس انا مش هحضر ..ولو سمحت عايزة أمشي من هنا
عامر : وان قولت ليكى حقك عليا يا بنتى وما تزعليش
كان بدر يقف وقلبه مفطور على روح
علاء : خلاص يا روح علشان خاطرنا كلنا
روح : حاضر ..أستاذنكم اطلع فوق لحجرتى
علاء : اتفضلى
بدر وهو ينظر بغيظ ل هنا : انتى هتفضلى طول عمرك صداميه كدا
هنا : هو ايه دا كلكم عليا ولا ايه
سامر : الحقيقه يا هنا ..انا سمعت كل حاجه وانتى فعلا احرجتيها ...حد يحرج القمر الملاك دا
شعر بدر بالغيرة
بدر : انا هطلع اظبط شويه شغل
هنا : هو دا يوم شغل
بدر : مش قولتى أن الميكب ارتيست هتوصل حالا اسيبك بقي معاها وتركهم وصعد ..
علاء : تعالى يا عامر نكمل كلامنا ...
عاد مرة أخرى للمكتب
علاء : انا عندى فكرة اعتقد انها مناسبه للوضع دا
عامر : قول بسرعه
علاء : ......................... ........................
............................. .........................
عامر : تفتكر الموضوع دا هيعدى بسهوله
علاء : مفيش حل تانى غير كدا ..لانك هتتحاسب أمام ربنا ..
عامر : خلاص اللى تشوفه ..وربنا يعديها على خير
عند روح
تجلس روح على السرير وتبكى للإهانة التى تعرضت إليها ...كما أنها ستحضر خطوبه بدر وهذا يؤلمها أكثر
مر بدر بجانب حجرتها وسمع صوت بكائها ...
فتح بدر الباب دون استئذان
روح بخضه : انت ايه اللى جابك هنا ..عايز منى ايه
ليقترب منها بدر ويحتضنها بقوة
بدر : انا مش قادر اسكت اكتر من كدا
انا .........
#حبيب_الروح بقلم #منال_عباس
سكريبت 7
بعد صعود روح إلى حجرتها جلست على حافه السرير وبكت بشده للاهانه التى تعرضت لها ..كما أنها ستحضر خطوبه بدر وهذا ما يؤلمها أكثر مر بدر بجانب حجرتها وسمع صوت بكائها ..فتح الباب بدون استئذان . روح بخضه : انت ايه اللى جابك هنا ...عايز منى ايه ..ليقترب بدر منها ويحتضنها بقوة .....
بدر : انا مش قادر اسكت اكتر من كدا
ورفع رأسها لأعلى ليرى عينيها الساحرتان
بدر : انا بحبك يا روح ..
ابتعدت روح عنه
روح : ابعد عنى ....كفايه تمثيل وشفقه ...سبنى فى حالى ..لو بتحبنى زى ما بتقول ...ليه ما اتدخلتش وخطيبتك بتهين فيا ...
اصلا ليه هتخطبها لما بتحبنى .. انت كذاب
انت انسان معندكش ضمير علشان تلعب بيا
لم يتحمل بدر اهانتها فصفعها صفعه قويه اوقعتها أرضا ...وتركها وخرج
جلست روح تبكى بشده .
روح : يارب خدنى عند بابا وماما .
انا ماليش غيرك يا رب ...لا بيت ولا اى حاجه
اروح بس لمين ...
يارب قدرنى اتحمل الذل ..على ما اشتغل واقدر ابعد عنه ..وعن حياته كلها ...
عند بدر
جلس بدر ينهر نفسه أمام المرآة
بدر : ازاى انا عملت كدا ..ازاى اضربها ..دى حتى مش اخلاقى ...الغبيه دى مش مقدرة مشاعرى ليها ...جلس يوبخ نفسه ..وقرر الاعتذار لها فى اقرب فرصه
عند هنا
يصل مندوب من الملابس ومعه دريس رائع
الجمال باللون الزهرى من الماركات العالميه
هنا بفرحه : دا ليا ؟؟
علاء : لا يا هنا ...دا ل روح
هنا : ازاى يا اونكل واحدة زى دى تلبس الدريس دا وكمان براند ...
عامر : هنا ...ما تخلنيش اتعصب عليكى ..هو انتى ناقصك حاجه ...
سامر : الحقيقه الدريس دا هيبقي روعه على روح
شكلى هتعدى منكم وافكر فى الخطوبه انا كمان
نظر كلا من علاء وعامر إلى بعضهما البعض ...فهذا ليس بالحسبان ...
عامر : ركز فى شغلك الاول ..علشان احس انك اد المسئولية
سامر : اطمن يا بابا من اللحظه دى هتشوف سامر تانى ..
تحضر فريق الميكب ارتيست
يأمر علاء بأن يذهبوا لكل فتاة فى حجرة خاصه بها
هنا : انا عايزة الحجرة اللى فيها روح لو سمحت يا اونكل
علاء : اختارى اى اوضه هى هتفرق
هنا : يعنى انا العروسه ...واقعد ادور على اوضه
انا عاجبنى الاوضه اللى فيها روح
علاء : خلاص ..روحى فيها وانا هكلم روح تروح حجرتى ..
فرحت هنا فهى تريد أن تضايق روح
صعد علاء وأخبر روح بالانتقال إلى حجرته من أجل الميك اب
روح : مفيش داعى يا اونكل
علاء : وبعدين معاكى مش عايز اسمع غير حاضر
ابتسمت له روح وذهبت معه لحجرته ....
بدأت الميك اب ارتيست بتجميل الفتيات
فكلاهما فى غايه في الجمال ولكن اختلاف الطباع هو الذى يفرق بينهم ...
الميك اب : ليه يا آنسه حزينه وانتى فى مناسبه زى دى
روح : لا ابدا مفيش ..هو انتى اسمك ايه
الميك اب : انا يا هانم اسمى سيرين
روح : الله اسمك حلو أوووى ...بس انا اسمى روح ولا هانم ولا حاجه
سيرين : ازاى يا هانم العفوو.
لم تتحمل روح أن تتماسك أكثر من ذلك فبدأت البكاء ..
سيرين : مالك ..انا اسفه شكلى ضايقتك
روح : لا ابدا ..انا بس مخنوقه ..وماليش حد افضفض معاه
سيرين : لو معندكيش مانع ..انا ممكن اسمعك ..بس بلاش تبكى هتبوظى الميك اب اللى عملته
ابتسمت روح لعفويتها
سيرين : ايوا كدا ..اضحكى ...مفيش حاجه تستاهل
انا قبل ما اجيلك والله واخده علقه سخنه من زوج أمى
روح باندهاش : ليه كدا
سيرين : علشان رفضت اديله كل الفلوس اللى معايا ..حتى شوفى ورفعت أكمام الدريس لتجد روح يديها بها كدمات كثيرة
روح : يا خبر ..دا مش انسان
سيرين : انا بوريكى علشان تهونى على نفسك
ومفيش حد مرتاح ...
روح : عندك حق ...بقولك ايه رأيك نكون اصحاب
واهو نشيل هم بعض
سيرين : ياريت واحتضنتها
روح : سجلى رقمى وهاتى رقمك
ونتكلم ونتفق بعدين نتقابل
سيرين : اتفقنا ...يلا بقي علشان الوقت
اظبط الميكب اللى باظ دا
روح : تمام
عند هنا
هنا بعصبيه : خلصى بقى زهقتينى
الميكب ارتيست وتدعى حنان
حنان : قربت اخلص ..بس ارجوكى كفايه سجائر
مش عارفه اتنفس ..
هنا : اووووف ..ولما تعبانه بتشتغلى ليه
حنان بانكسار : لقمه العيش يا هانم
هنا : طب خلصى ..عايزة اكون اجمل واحده فى الموجودين ...انتى فاهمه
حنان : حاضر
عند سامر
يرتدى سامر بدله بيضاء فكان كالامير
عامر : ايه الشياكه دى اللى يشوفك يقول عريس
سامر : طيب ما احنا فيها اهووو
عامر : تقصد ايه
سامر : روح ...بنت جميله وعمو اللى رشحها للشغل معانا ..يعنى اكيد واثق فيها ..
عامر بقلق : احنا ما نعرفهاش لسه
ثم إن النهارده علشان خطوبه اختك ..عايزين نعدى اليوم على خير ..
سامر باستغراب لموقف والده ..فطالما كان والده يطالبه بأن يتزوج....
عند علاء بحجرة بدر
علاء وهو ينظر إلى ابنه الشارد الذهن
علاء : مالك يا بدر ...دا اليوم يومك ..افرح وانبسط يا ابنى
رد بدر بتوهان : اصل زعلتها ..
علاء : دا كلام برضو يا بدر ...اليوم دا بالاخص ما ينفعش فيه زعل ..
بدر : اللى حصل
علاء : يلا روح صالحها وافرح وانبسط انت وهى
بدر : تفتكر هتصالحنى
علاء : اكيد يلا روح بسرعه
يذهب بدر إلى حجرة روح ظنا منه أنها هى التى بالحجرة
يطرق الباب ويدخل ...
فى نفس اللحظه يذهب علاء الى حجرته كى يرافق روح
علاء : بسم الله ما شاء الله سبحان الخالق
نسخه من والدتك
روح باستغراب : والدتى ...هو حضرتك تعرفها
علاء بتلعثم : بهزر يا بنتى ..اصل البنت ديما بتطلع لامها ..
يلا بينا نروح للعروسين ..علشان تبقي جنب هنا فى يوم زى دا وانتى طيبه واعتبريها زى اختك
روح بوجع : حاضر
يذهب كليهما إلى حجرة هنا... لتسمع روح حديث بدر
بدر يجد هنا فى الحجرة وتعطيه ظهرها
بدر : حبيبتى ...عارف ..انك مش عايزة تشوفى وشي...
انا غلطت فى حقك...ارجوكى ما تزعليش منى
صدقينى ..انا عمرى ما اتمنيت واحده تكون شريكه حياتى غيرك انتى
كانت كل كلمه تقع على مسمع روح كالخنجر فى قلبها ..
وفجأة التفت هنا إلى بدر وهى تفتح ذراعيها له
هنا : وانا بحبك اوووى يا بدر وعمرى ما ازعل منك
بدر باستغراب : هنا !!!
ليأتى صوت والده من وراءه
علاء : صدقتنى أنها هتسامحك
ينظر بدر لوالده ليجد روح واقفه معه وتنظر إليه
#حبيب_الروح بقلم #منال_عباس
سكريبت 8
تفاجئ بدر عندما التفت هنا له
هنا : وانا كمان بحبك يا بدر وعمرى ما ازعل منك
بدر باستغراب: هنا !!!!
ليأتى صوت والده من وراءه
علاء : صدقتنى أنها هتسامحك
ينظر بدر إلى والده ليجد روح واقفه معه وتنظر إليه بوجع وانكسار
بدر : انا ..اصل ...ولم يكمل
علاء : يلا يا ابنى ... المعازيم وصلت ...هات عروستك وانزلوا وانتى يا روح تعالى معايا
ذهبت روح مع علاء دون أن تلتفت إليه
حضر جميع المدعويين من رجال الأعمال والمستثمرين والمهندسين وكوكبه من الأطباء
والاقارب ...
كانت الانتظار تلتف حول روح ..فالجميع يتسأل من تلك الحوريه ...
كانت روح جالسه بجانب علاء فهى تشعر بالراحه والأمان بجانب هذا الرجل الطيب
ليقترب منها عامر
عامر : بسم الله ما شاء الله ...انتى جميله اوووى يا روح ....وفيكى شبه من ....ولم يكمل حديثه
روح : ميرسي يا اونكل ...
عامر : انتى زيك زي هنا وسامر ...قولى يا بابا
لمحت روح الدموع فى عينيه ...ولم تفهم ما السبب...
بدأت الاغانى حيث كل كابلز بدأ فى الرقص
سامر وهو يمد يده الى روح ... تسمحيلى بالرقصه دى ..
ذهبت روح معه ..وبدأا فى الرقص
كانت هنا متضايقه من وجود روح
هنا : انا مش عارفه الكل هنا مهتم باللى اسمها روح دى ليه ...دى حتى مش استايل ..الملابس اللى اونكل علاء هى اللى عملتها واحده ...
بدر : مش هتبطلى كلامك دا ..ممكن تخليكى فى حالك ...
هنا : طب يلا نرقص وجذبته إليها وبدأوا فى الرقص ....
كانت عينين بدر مركزه على روح ...
روح : ممكن اقعد يا سامر
سامر : انا ضايقتك فى حاجه
روح : محتاجه أخرج اقعد في البلكونه فى الهواء
سامر : مالك يا روح ليه كل ما احاول اتكلم معاكى
تبعدينى...
روح : لو سمحت ...انا محتاجه اكون لوحدى
ليأتى أحد الأشخاص من المدعويين
مهاب : تسمحيلى بالرقصه دى
ينظر إليه سامر بضيق ..دا على أساس أنها واقفه مع سوسن ...
مهاب : انت ازاى تتكلم معايا بالشكل دا ..انت مش عارف انت بتكلم مين
سامر بصوت اعلى : هكون بكلم مين يعنى ...ثم انت مين اللى دعاك للفرح ...
يأتى بدر على صوتهم العالى
بدر : فى ايه يا شباب صوتكم عالى ..
سامر : اسأل البنى آدم دا
بدر : مهاب فى ايه ...
مهاب : انا كنت بطلب الانسه للرقص ..بس البنى آدم دا .رد بقله زوق
سامر بعصبيه : اللهم اطولك يا روح ...
روح بزهق لما يحدث ...استأذنكم انا اصلا مش عايزة ارقص وتركت ثلاثتهم الكل تأكل الغيرة قلبه من أجلها ...
بدر : ممكن نهدى اكيد دا سوء تفاهم ...
مهاب : علشان خاطرك انت بس يا بدر
سامر : بقي هو كدا ...اوك يا بدر
ذهب سامر يبحث بعينيه عن روح ولكنه لم يجدها
بدر فى نفسه : هى نقصاك انت كمان يا مهاب ..مش كفايه سامر ...
ذهبت هنا إليه
هنا : مش قولت ليك البنت دى مش سهله
عايزة تجمع الشباب حواليها ...أهى عملت مشكله بين سامر وصاحبك ..
نظر إليها بدر
بدر : انتى تعرفي تعملى ايه فى حياتك غير انك تدخلى فى حياة الناس بالشكل دا
هنا : بقولك ايه سيبك من الكلام دا وتعالى نروح البوفيه ...
عند روح
كانت تجلس وهى تضع وجهها ناحيه السماء وتنظر إلى القمر ...
دخل عامر البلكونه وجدها بهذه الوضعية تذكر والدتها
فلاش باااااااك
عامر : معقول فى قمرين فى وقت واحد
زهرة بابتسامتها الخلابه : عامر ...وحشتنى
عامر : وانتى اكتر يا عمرى ..قوليلى كنتى باصه للسما ليه
زهرة : اصل كنت بكلم النجمه الكبيرة اللى هناك دى
عامر وهو ينظر للسماء : ياااه دى بعيده اوووى
وكنتى بتقولى ليها ايه
زهرة : كنت بقولها انى بحبك اوووى وخايفه من الايام ..خايفه السعادة دى تروح من بين ايديا
عامر : اطمنى حبيبتى ..عمرى ما ابعد عنك ابدا ..دا انتى الهواء اللى بتنفسه
زهرة : وعد يا عامر
عامر : وعد يا روح عامر
زهرة : الله يا عامر كلمه روح عامر منك بحبها اوووى...لو كان لينا نصيب نخلف ...هسمى البنت روح ..
عودة من الفلاش
عامر : روح بتعملى ايه هنا لوحدك
روح بعيون دامعتين : كنت بكلم النجمه الكبيرة اللى هناك دى...وأشارت إليها ..
انقبض قلبه فهذا نفس حديث والدتها ..وكأن الزمن يعيد نفسه من جديد ...
عامر بحنان الأبوة لم يتحمل عيونها الدامعتين
اقترب منها واحتضنها لصدره ...
ليدخل بدر البلكونه للبحث عنها ..ليجد روح بين احضان عمه ...
بدر : ايه اللى بيحصل دا ...
عامر : فى ايه يا بدر !!
بدر بعصبيه : الاستاذه مش سايبه حد فى حاله وماشيه وراء كل الرجال فى الحفله ...
روح : انت قليل الادب وما اسمحش ليك تتكلم عنى كدا ...التصرفات دى قولها على اى حد غيرى ..انت فاهم ...وخرجت وهى رافعه رأسها بكل اعتزاز
عامر : ايه اللى جرالك يا بدر ...البنت ما عملتش حاجه لكلامك دا ..وبلاش تجريح فى بنات الناس
انا اللى دخلت لقيتها بتبكى ..صعبت عليا. .وماتنساش أنها من دور اولادى ...وهى محتاجه حنان الاب بعد اللى حصل لأسرتها ..
ثم انك ازاى تتكلم عن عمك بالشكل دا ؟
بدر : آسف يا اونكل ..بس انا فعلا مشوش
عامر : الاسف مش ليا انا ...الاسف للبنت المسكينه اللى احرجتها بكلامك ...
بدر : حاضر
وخرج يبحث عنها ويلوم نفسه لما يفعله...
علاء : اخيرا لقيتك انت فين يا بدر وتارك عروستك
يلا علشان تلبس الشبكه لعروستك
بدر : طب ادينى بس دقائق وهرجع
علاء : لا لبسها الاول علشان تتصوروا ...المعازيم قربوا يمشوا ...
بدر بقله حيله : تمام ...
ذهب بدر الى هنا : وكانت الشبكه طاقم من الالماس
غايه فى الروعه ...
فرح الجميع وبدأت الزغاريد ..والجميع يهنئ العروسين ...
ظل بدر منشغل الذهن ويبحث بعينيه عنها ولكنه لم يجد أثر لها ...
مر أكثر من ساعه ....حيث بدأ المعازيم فى الرحيل ....
وما أن انتهوا ...
بدر : اومال فين روح
عامر وعلاء : صحيح هى فين مش ظاهرة من فترة ...
سامر : اخر مرة ..شوفتها لما تركتنا وقالت مش عايزة ارقص
عامر : هى خرجت لما كنا فى البلكونه معقول تكون
طلعت تنام بدرى كدا ..
هنا بارتباك : تلاقيها راحت هنا ولا هنا ...
او يمكن عاجبها حد من المدعويين وراحت معاه ...
لم يتمالك بدر أعصابه أكثر من اللازم
ليصفع هنا صفعه قويه ....
الجميع فى صدمه لرد فعله
عامر : هى حصلت تضرب بنتى وكمان فى وجودنا ...
علاء : ايه اللى انت عملته دا يا بدر
سامر : هو مش من حقك يا هنا تتكلمى عن روح كدا
بس دا ما يمنعش انك غلطان يا بدر ولازم تتأسف لهنا حالا ...
بدر : انا آسف انى مديت ايدى عليكى
هنا بتمثيل البكاء : انا يا بدر بعد حبي ليك دا كله ..تضربنى علشان واحده رخيصه زى دى
عامر : اخرسي يا هنا ....لو بدر ما كنش ضربك كنت أنا اللى ضربتك ..البنت فى حالها ...وبلاش تجيبي فى سيرتها تانى ...انتى فاهمه ....
هنا : طيب
سامر : احنا اتكلمنا كل دا وما عرفناش برضو فين روح ...انا هطلع اشوفها فى اوضتها
لتمسك به هنا
هنا بتوتر : لا ما يصحش ...احسن تكون نامت
انا بنت زيها ..هطلع اشوفها انا وارجع اقولكم
شعر بدر بوخزة فى قلبه ...
فهو يعلم جيدا أن هنا عندما تتوتر فهذا السلوك يؤكد له انها تكذب وان شئ ما قد حدث ....
صعدت هنا بسرعه إلى الأعلى
تحجج بدر بأن هاتفه بالاعلى وسيحضره
ليصعد هو الآخر إلى الأعلى
ليسمع هنا تتحدث
هنا : بقولك ايه كفايه تمثيل دور الضحيه ...
انتى جايه هنا عايزة تخربي فرحى ...
روح : انتى اللى عايزه منى ايه ...مش كفايه الاهانه اللى اهنتيها ليا ....
هنا وقد رأت صورة بدر فى المرآة
هنا : عايزة ......
#حبيب_الروح بقلم #منال_عباس
سكريبت 9
هنا وقد لمحت صورة بدر فى المرآة
هنا بتمثيل : عايزة نكون أصحاب ...عايزة نكون اخوات يا روح
روح بتصديق : بجد يا هنا ...انا فعلا حاسه أننا اخوات وقامت بسرعه لتحتضنها ...
اطمئن قلب بدر ونزل للاسف
تأكدت هنا من مغادرة بدر ...
هنا : احكيلى بقي قصتك ...
جلست روح تقص عليها حكايتها ...مرورا بوفاة والديها ...وما حدث مع جارهم صلاح
وما حدث وقت الحادثه مع علاء
إلى أن وصلت إلى هنا ....
هنا : يا حبيبتي ...خلاص احنا بقينا اخوات ..وانا شايفه من الافضل انك تيجى تعيشي معانا
على الاقل انا وانتى بنات زى بعض
افضل من وجودك هنا وكلام الناس انتى فاهمه
روح : الحقيقه انا عايزة اشتغل واستقل بنفسي ..لو تقدرى تساعدينى بس الاقى شقه صغيرة أو حتى أوضه ..اعيش فيها ...
هنا : حاضر ادينى بس يومين وكله هيكون تمام
روح : تسلميلي ...
هنا : يلا ننزل ليهم بقي نطمنهم عليكى
نزلت روح مع هنا
عامر بفرحه : الحمد لله انك بخير يا بنتى
روح : شكرا يا اونكل
عامر : احنا قولنا ايه ...
روح : شكرا يا بابا
كانت روح لازلت مكسورة من حديث بدر
تمنت أن يعتذر لها ولكنه ظل صامتا ...
هنا : ايه رايك يا بابي ناخد هنا تعيش معانا ...
سامر بفرحه : ياريت ..بجد
عامر : انا موافق ...اطلعى هاتى حاجتك ويلا بينا
علاء : لا يا عامر ...انت بتقول ايه ...روح هنا فى ضيافتى...وانتى يا هنا وقت ما تحبي تشوفيها دا بيتك ...تيجى فى اى وقت
عامر : بس ...
علاء : ما بسش ولا حاجه ...
عامر : اللى تشوفه يا اخويا ..يلا تصبحوا على خير
وأخذ أولاده وغادروا ....
استاذنت روح للصعود إلى غرفتها
علاء : تصبحى على خير يا بنتى .
روح : وحضرتك من أهل الخير ..ولم تنظر إلى بدر وصعدت إلى حجرتها ...
علاء : عايزك الصبح تاخد روح وتروح تشترى ليها ملابس ..وكل اللى تحتاجه اشتريه ليها
بدر باستغراب : ليه
علاء : ايه اللى ليه
بدر : ليه بتعمل معاها كدا ...اشمعنى البنت دى
علاء : مش مهم تعرف دلوقتى ..كل شئ وليه آوان
ويلا تصبح على خير....محتاج استريح
بدر : وحضرتك من أهل الخير
جلس بدر يفكر ما السر وراء تلك الفتاة
ثم تذكر أنه اهانها ..قرر الاعتذار لها ..
فصعد إلى الأعلى ...
وقف بجانب الباب مترددا فكبريائه يمنعه من الاعتذار ....
وفجأة سمع صوت روح
روح : يا خبر انت ايه اللى. جابك هنا ..
بجد انت انسان مجنون ...مش عارفه أن كنت انت طيب ولا شرير ...ثم ضحكت ضحكه عاليه
روح : عارف انك عيونك حلوة اووووى
نظرة من العيون دى تنسينى زعلى منك ...مع أن اوقات كتير بلاقيك رخم ...مش عارفه انا حبيتك ازاى ..يا مز انت
يلا دور وشك علشان هغير هدومى ...
يووه مصمم تاخد بوسه الاول
طب خد اموااااااه
لم يتحمل بدر سماع كلمات اكثر من ذلك ليفتح الباب فجأة وهو غاضب
بدر : هو فين ...وبحث بعينيه لم يجد احد
روح باستغراب : هو مين ...
اقترب بدر منها ..انتى كنتى بتتكلمى مع مين حالا
روح بتلعثم : مفيش ...
بدر : ايه اللى انتى مسكاه فى ايدك دا ؟
تخبأ روح الصورة خلف ظهرها
يمسك بدر يدها بقوة ليجد صورته هى التى معها
ومطبوع عليها احمر الشفاه من شفتيها ....
ابتسم بدر وفهم أن الحديث الذى سمعه كان لصورته ...
بدر وهو ينظر لعينيها : بتعجبك عيونى ...
روح بتوهان :ايوا
اقترب بدر اكثر منها وقبلها من شفتيها ..حيث غرق سويا فى شهد شفتيها ....
بدأت يديه تتحسس جسدها
لتستفيق روح وتبتعد عنه ..بسرعه
بدر : انا آسف انا مش عارف عملت كدا ازاى
وخرج غاضبا هذه المرة من نفسه ..ف تلك الحوريه تفقده صوابه ...وكأن عينيه لا ترى أنثى على وجه الارض غيرها ....
يذهب الى حجرته ..ويفكر فيها ...
روح وهى تضع أصابعها على شفتيها وتتذكر تلك القبله التى هزت كيانها كأنثى ....
استبدلت ملابسها وجلست تفكر فى بدر ...
عند بدر
بدر : ياااه يا روح انا بجد بحبك ...مشاعرى دى ما حسيتهاش مع اى انسانه غيرك ...انتى فعلا جميله
ياريتك كنتى انتى بنت عمى
يارب دبرنى ..عمى ووالدى كلهم حاطين امل عليا انى اتزوج هنا واحافظ عليها
مش عارف دا ممكن يحصل ازاى ..وانا مش شايف غير ..روح
ظل الوقت طويلا على كلاهما
حتى راحوا فى النوم ...
يمر الوقت ويأتى الصباح على أبطالنا
تستيقظ روح وتأخذ شاور وترتدى ملابسها المتواضعة التى حضرت بها ...
ونزلت للاسفل ..لتجد علاء يجلس على مائده الطعام
روح : صباح الخير يا اونكل
علاء : صباح الخير حبيبتى ...صاحيه بدرى ليه كدا ..
روح : بفكر اروح الشركه اللى كان بابا بيشتغل فيها ...اكيد ليه تأمينات أو اى فلوس
علاء : مفيش داعى النهارده ...من بكرة ابقي روحى واعملى حسابك بعدها هتستلمى الشغل مع سامر
اما ...النهارده عندك مشاوير كتير
روح : مشاوير ايه
ليأتى صوت بدر من خلفها
بدر : صباح الخير
يرد علاء وروح : صباح الخير
بدر : يلا نفطر الاول ..وهعرفك المشاوير واحنا فى الطريق ..جلس جميعهم ..لتناول الإفطار.
بعد تناول الطعام
بدر : استاذنك يا بابا علشان نروح المشاوير وغمز له
ابتسم علاء له
علاء : طيب يا ابنى مع السلامه
فرح علاء ..أن مزاج ابنه رايق ..فدائما بدر يأخذ الدنيا على محمل الجد..وقليل الابتسام.....
استقل بدر سيارته وجلست روح بجانبه
روح : ما تشغل حاجه نسمعها
بدر : تحبي اشغل ايه
روح : انا بحب اليسا اوووى ...لو عندك حاجه ليها ..
بدر : تمام نختار ليكى اغنيه
وشغل الفلاشه على اغنيه ...حاله حب
فرحت روح بالاغنيه وجلست تغنى معها
وكان بدر سعيد لسعادتها ....وينظر لها طيله الطريق بسعادة .فوجدوها يشعره بالسعاده حقا تلك الصغيرة ...
وصلا أما أحد المولات التجارية الشهيرة
بدر : يلا تعالى
روح : على فين
بدر : هخطفك ....
روح بضحك : موافقه ..وضحكا سويا
اشترى لها بدر العديد من الملابس الفخمه
روح : دا كتير اوووى
بدر : مش كتير عليكى
واختار لها بنطالون جينز وشميز ابيض وكوتشي ابيض ...البسي دا علشان عازمك على حاجه هتحبيها
بدر بفرحه : على ايه
بدر : مش هقول ..وامامك عشر دقائق لو ماجهزتيش ..اعملى حسابك هلغى المفاجئة
روح : تلغى ايه .. دقائق واكون جاهزة ..ودخلت البروفه واستبدلت ملابسها بسرعه وخرجت له
كانت جميله جدا بهذه الملابس
اخذها من يدها ..وأمر البائع بإرسال الملابس على عنوان الفيلا خاصته...
روح : قولى هنروح فين
بدر : هنروح الملاهى ...
روح بفرحه : بجد واقتربت منه وقبلته فى خده
بدر : روح انا بحبك
روح وهى تفتح عينيها وفمها : هه
بدر : بحبك يا روح
روح لتذكر وعدها لهنا أنهم أصدقاء واخوات
روح بحزن : ما ينفعش يا بدر
بدر : ليه يا روح ...فى حد فى حياتك ؟
روح : حد مين ...انت ناسي انك خاطب هنا وكمان بتحبها ...
بدر : صدقينى الكلام اللى سمعته دا ما كنش ل هنا كنت بقوله ليكى ... واتفاجئت أن هنا هى اللى فى اوضتك ...
روح : انا مش خائنه يا بدر ..وهنا اعتبرتنى اختها
وهى بتحبك ...
بدر : بس انا بحبك انتى
روح : ارجوك يا بدر ...
بدر : افهم من كدا انك بترفضينى ..
روح : كل شئ قسمه ونصيب يا بدر ...ولو سمحت عايزة اروح ..خلاص ماليش مزاج اروح اى مكان
بدر وقد عاد لعصبيته : اللى تشوفيه ..
وقاد سيارته بسرعه إلى الفيلا ....ولم ينطق كلاهما اى كلمه طيله الطريق ...
وما أن وصلوا
حتى وجدوا .....
سكريبت 10
بعد اعتراف بدر بحبه ل روح ..
روح : كل شئ قسمه ونصيب يا بدر ولو سمحت عايزة اروح ..خلاص ماليش مزاج اروح اى مكان
بدر وقد عاد لعصبيته : اللى تشوفيه ..وقاد سيارته بسرعه إلى الفيلا ..ولم ينطق كلاهما اى كلمه طيله الطريق.. وما أن وصلوا حتى وجدوا ..
مهاب ومعه هنا يجلسان سويا ومندمجان فى الحديث ...
استغرب بدر ذلك
بدر : اهلا يا مهاب ونظر الى هنا ...ايه اللى جمعكم مع بعض
مهاب : اتقابلنا صدفه ثم نظر إلى روح
مهاب : ايه يا آنسه روح مش هتيجى تقعدى معانا ...
لتجد هنا تحتضن بدر
هنا : وحشتنى يا بيدوو
بدر وهو يحاول إثارة غيرة روح : وانتى كمان حبيبتى..
وبالفعل بدأت الغيرة تأكل قلب روح
روح بصوت رقيق : استأذنك بس يا مهاب اغير هدومى وارجع ...
ابتسم لها مهاب ..وصعدت روح والغيره تأكلها
روح لنفسها : الكداب ..يقولى بحبك وهو اول ما بيشوفها يحضن كل شويه فيها ...ماشي يا بدر ..انا هوريك مين روح ..ولازم اخرجك برا حياتى ....
ارتدت دريس اسود اللون يبرز بياض بشرتها وعيونها السوداء مع شعرها الأسود الطويل الناعم ..ووضعت برفان برائحه مثيرة ونزلت للاسفل ..ليقف كل من مهاب وفارس من شده جمالها ..
مهاب وهو يمد يده ليأخذ يدها ويقبلها
مهاب : شكلى هطلب ايدك النهارده ..ايه الجمال دا
بدر بعصبيه : فى ايه يا مهاب ما تحترم وجودى
مهاب : انا قولت حاجه ...آنسه روح تستاهل اكتر من كدا ...
جلسوا الاربعه يتبادلون الحديث ..وعيون بدر مركزة على روح ..ولكن روح لا تعيره اى اهتمام عن قصد ...وذلك مما آثار غيرته أكثر فأكثر ...
روح : ايه رايكم نلعب لعبه الأحكام ...واللى يخسر ينفذ الحكم
هنا وقد نسيت ما خططت له اندمجت مع روح فهى تحب اللعب والهزار ..
هنا : ايوا علمينى ايه اللعبه دى
روح : هنلعب بالكوتشينه واللى يخسر نحكم عليه حكم ولازم ينفذه ..
مهاب : وانا كمان متحمس للعبه
وبدأوا فى اللعب
حيث خسر بدر وكان متضايق
روح : حكمى نغطى عينيك وتختار حد مننا يساعدك فى عمل الكيك ...
بدر : نعم !!! كيك ايه انا معرفش الحاجات دى
هنا ومهاب بحماس : لازم تنفذ الحكم ..
بدر بنفاذ صبر : اوك
وقامت هنا بربط قطعه من القماش على عيون بدر
بدر وهو يعلم جيدا رائحه روح فهو من اختار لها هذا العطر ...
مشي ببطئ وهو يحاول أن يصل إليها عن طريق حاسه الشم ..
وبالفعل وصل إليها وامسك بها. ..
هنا بضحك : ههه انتى يا مسكينه اللى ادبستى مع بدر ..الحمد لله مش انا ....انا ماليش فى المطبخ ..
روح : أمرى لله ..
ودخلت روح مع بدر إلى المطبخ .. لتحضير الكيك
عند هنا
مهاب وهو ينظر إليها بتمعن
مهاب : تصورى انك جميله اوووى يا هنا ...يا بخت بدر بيكى
هنا بدلع : عيب كدا ..انا مخطوبه
مهاب : بس عارفه بحس أن ملامحك فيها من ملامح روح ..هو انتم أقارب
هنا : لا طبعا ...انت مش شايف فرق المستوى بينا
مهاب : الحقيقه لا ...انا كل اللى شايفه دلوقتى ..انك قمر يا هنا واقترب منها وقبل يدها
شعرت هنا برجفه لم تشعر بها من قبل ..
وابتعدت عنه
هنا : انت بتعمل ايه ..يا مهاب ..بقي انا اتصلت عليك علشان تيجى وخططنا سوا انك تبعد روح عن بدر ..تقوم تعمل معايا كدا ...
مهاب : اعذرينى يا هنا ..انا بجد آسف . انا مش عارف ليه واحنا بنلعب اتمنيت نكون مع بعض والامنيه اتحققت ..
هنا : مهاب فوووق ...انت صاحب بدر ..وانا خطيبته ...
مهاب : بس ارجوكى ..ما تفكرنيش ...
ثم انك انتى كمان قعدتى تلعبي ونسيتى اتفاقنا
هنا بضحك : انا أمام اللعب بنسي نفسي
مهاب : انتى فيكى منى كتير يا هنا
انا وانتى شبه بعض فى كل شئ بنحب الخروج والفسح ..واللعب
لكن بدر ديما جد ..مش حاسه بكدا
هنا وحديث مهاب بدأ يحرك مشاعرها
فعلا بدر يختلف عنها فى كل شئ ولا يهتم لأمرها
ولا يحقق رغباتها ..
جلست شارده فى مواقف كثيرة حدثت بينها وبين بدر ..فدائما بدر يعاملها ..معامله جافه فى كل شئ
عند روح
روح : هات البيض والزبده واللبن من التلاجه وانا هجيب الدقيق
بدر بحب : حاضر
كان الدقيق فى الرف الاعلى ..حاولت روح برفع قدميها كى تصل إليه ولكنها لم تستطع
لتجد فجأة بدر يحملها بين يديه
روح بشهقه : انت بتعمل ايه يا مجنون
بدر : بساعدك زى ما اتفقنا فى اللعبه ..يلا هاتى الدقيق ....
أحضرت روح الدقيق
روح : نزلنى بقي
بدر : حاضر
وقام بتنزيلها ببطئ حيث كان رافعه عن الأرض بمسافه قصيره
فكان وجهها فى مقابل وجهه وهو ينظر إلى. عينيها
بدر : بحبك يا روح
روح : نزلنى يا بدر
بدر : مش هنزلك قبل ما اعرف مشاعرك تجاهى
روح : يا بدر هنا ومهاب برا ممكن حد يدخل ارجو نزلنى..
بدر : تؤ تؤ ..مش هنزلك قبل ما تردى عليا
روح : وبعدين معاك ..انت خاطب
بدر : خطوبتى مجرد إرضاء لوالدى وعمى ..ومن حقى ما اكملش
روح : بدر ارجوك سيبنى بقي فى حالى
بدر : مش قبل ما اعرف ..انا ايه بالنسبه ليكى
روح : انت حبيب الروح يا بدر ..
قام بدر بانزالها على الأرض
بدر وهو يقبل جبينها : وانتى حبيبه الروح يا روحى انا ...اوعدك مش هكون لحد غيرك ...
روح وهى تتنفس بصعوبه من قربه الشديد : يلا نعمل الكيك اصل كدا هيغمى عليا
بدر بضحك : ما تقلقيش حبيبك دكتور وغمز لها
قام سويا بتحضير الكيك وما أن انتهوا
خرجوا بصينيه شاى ومعها الكيك
هنا بفرحه كالاطفال : الله شكلها تحفه
تسلم ايدك يا بدر ..ثم نظرت إلى روح ..تسلم ايدك يا روح
روح : تسلمى
جلسوا الاربعه لتناول الكيك
كانت عيون مهاب تأكل هنا ...لاحظت هنا نظراته وخافت أن يشعر بدر بذلك ...
هنا : انا هقوم اروح بقى علشان اتأخرت
بدر : انتظرى هوصلك ما تروحيش لوحدك ..فهى ابنة عمه ويخاف عليها كأخته ...
مهاب : طيب انا كمان هروح ..ايه رايكم اخد آنسه هنا فى طريقي
بدر : بس كدا هنتعبك يا مهاب
مهاب : مفيش تعب ولا حاجه...
تذهب هنا معه وهى مترددة فحديثه جعلها تنظر إليه نظرة مختلفه...
جلست هنا بجانب مهاب حيث قاد سيارته
مهاب : عارف انك مضايقه منى ومن كلامى
انا صممت انى اوصلك علشان اعتذر ليكى يا هنا
انا انسان مش وحش ..بس غصب عنى حاسس بمشاعر ناحيتك ...آسف مرة تانيه انى بقول كدا
هنا وهى فى حيرة ..لما حديثه يؤثر فيها هكذا
ثم أخرج مهاب علبه صغيره
مهاب : اتفضلى يا هنا وكل سنه وانتى طيبه
هنا باستغراب : بمناسبه ايه
مهاب : بقولك كل سنه وانتى طيبه ...علشان عيد ميلادك بكرة
هنا بفرحه فهذه أول مرة أحد يتذكر ميلادها غير والدها ...
هنا : وانت عرفت منين
مهاب : ما تشغليش بالك ..وعلى فكرة أنا وافقتك على كلامك انى احضر النهارده ..بس علشان اشوفك يا هنا ...
نظرت له هنا لتجد دمعه تتوسط عينه .دليل على صدق حديثه مع صوته المخنوق..
مهاب : وصلنا للاسف بسرعه
اتفضلى يا هنا وتصبحى على خير واحلام سعيده
هنا بتأثر : وانت من اهل الخير
ونزلت بسرعه وجريت إلى الفيلا
صعدت بسرعه إلى حجرتها فلاول مرة تريد أن تنفرد بنفسها
فتحت العلبه حيث وجدت قلب فتحته فوجدت صورة لها من أيام ثانوى
استغربت هنا : ليه الصورة دى وجابها منين !!!!
