رواية عذراء للبيع الفصل الاول والثاني والثالث والرابع والخامس والاخير
لعشاق الدراما.
★مين يصدق اني اسقط جنين وانا لسة بنت بنوت. لا وكمان اتصور وانا نايمة في اوضي ويتباع لحمي لحم البنات بقي بيتباع في المزاد. ومش بس كدة كمان يوم كتب كتابي علي اكتر بي ادم حبيته في الدنيا. الاقي اللي داخل علينا زي القضي المستعجل ويقولي انا جوزك. طيب ازاي دة حصل ومين اصلا الراجل دة هقولكم بس في الاول تعالي اعرفكم انا مين.
★الحلقة الاولي★
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
**أسمي نورا صقر. عندي 20 سنة والحمد لله في حالي واخلاقي كله بيشكر فيها. لكن عندي اب شغال في أي حاجة حرام. وابويا اسمه صقر المليجي. ولما عرفت باللي بيعمله ابويا في شقته وبنات البنوت اللي بيبعهم بالليلة للي يدفع تمنهم سيبت البيت ومشيت قرفت من العيشة الحرام ومن مراته احسان اللي كانت ست سيرتها علي كل لسان وروحت عيشت مع خالي صابر. وحاولت اخد اختي الصغيرة رانيا لكن امها احسان رفضت وسيبت رانيا تعيش في المكان الحقير دة. وقدرت زينب صاحبتي الوحيدة في المنطقة انها تجيب شغل في مصنع الملابس اللي هي شغاله في وروحت اشتغلت في المصنع وفي المصنع دة اتعرفت علي مشرف كان بيحبني جدا أسمه ناجي وبعد كام شهر من كلامنا مع بعض جالي في يوم وانا واقفة علي الماكينة بتاعتي وقال لي
وحشتيني
نورا
وانت كمان. وحشتني اوي
ناجي
طيب أيه بقي مش ناويه تريحيني وتعرفيني عنوان بيتكم. وخلي بالك انا سهل اوي اطلع لشئون العاملين واعرف عنوانك. بس انا عايزها تيجي منك علشان احس فعلا انك عايزاني زي ما انا عايزك
اتصدمت ومابقتش عارفة ارد اقول اية. ودي فيها رد ناجي دة انسان طاهر وابن شيخ جامع لو عرف انا بنت مين مستحيل يكمل معايا وشافني ناجي سرحانه وماردتش قالي
نورا أنتي سرحانه في أيه. نفسي اقابل باباكي. هو انتي اية مش عايزاني ابقي جوزك.
رديت بنبره فرحه حزينه
عايزاك طبعا تبقي جوزي بس في الاول في حاجه لازم تعرفها
في الوقت دة وقفت زينب صاحبتي قدام مني وبصت لناجي وقالت
المهندس محمد عايزك يا أستاذ ناجي ده قالب عليك المصنع
ناجي
وده وقته لما أروح اشوفه عايز أيه
وسابنا ناجي ومشي. وزينب قالت لي
أنتي في أيه في دماغك عايزه تقولي له أنتي بنت مين
نورا
أنتي سمعتي
زينب
سمعتك وأنتي بتقولي له في حاجه لازم تعرفها. نورا انتي زي اختي ومصلحتك تهمني بلاش يعرف دلوقتي أنت بنت مين
نورا
ولغايه أمتي هافضل مخبيه عليه ناجي لازم يعرف أن أبويا راجل مجرم وهو بعد كده حر يكمل معايا أو يبعد
زينب
مش هايكمل و هايسيبك لازم تفهمي أن أستاذ ناجي الراجل المتدين مش هايحط أيده في أيد صقر المليجي ابوكي
عيط وانا بقول
بس انا مش زيه يا زينب وانتي عارفه أني سيبت الشقه وقعدت مع خالي لما عرفت حقيقته وهو لو عايز يتجوزني يجي يحط أيده في ايد خالي مش في أيد أبويا
وماكنتش اعرف ان ساعتها كانت واقفة وراء الماكينة بتاعتي ومستخبيئة زي الحرامية. بنت اسمها نعمه بتغير مني لانها بتحب ناجي وناجي مش معبرها. وبيحبني انا وقالت نعمه
وعمللنا فيها شريفه جيتي تحت درسي. يا نورا وجه
الوقت اللي اكلك في بس لازم أعرف كل حاجه عن أبوكي.
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وطلعت نعمه لمكتب شئون العاملين ووقفت مع موظف بيلغيها وهي بتلغي والموظف دة اسمه سعيد وادلعت عليه وقالت
سعيد حبيب قلبي عايزا اطلب منك طلب واوعي تقولي لا
سعيد
قولي يا قلب سعيد من جوة
نعمه
عايزا عنوان نورا صقر
سعيد باستغراب
لية. بقي
نعمه
ابن خالتي بيدور علي عروسة ومالقتش احلي منها تنفع تكون عروسة لي
وادي سعيد عنواني لنعمه. وبعد ما خلص يومنا في الشغل نزلت نعمه المنطقة وعرفت عني وعن ابويا كل حاجة. وضحكت ضحكة صفراء وخرجت موبيلها من شنطتها واتصلت بناجي. ،،،،،،،،،
وفي نفس الوقت كنت انا في الشقة بتاعت خالي صابر وكان خالي صابر بيقول لي بهزار
جوعنا يا ستي هانم
نورا
ثواني والاكل هايكون جاهز
ودخلت اوضي اغير هدومي وبصيت في الموبيل بتاعي لقيته فاصل فحطيت الموبيل بسرعه علي الشاحن وبمجرد ما حطيت الموبيل علي الشاحن شغلته يمكن ناجي يتصل بيا واول ما اشتغل الموبيل لقيت رانيا اختي الصغيرة بتتصل ففتحت عليها بسرعه وهي قالت
الو أزيك يا رانيا يا حبيبتي
رانيا وهي بتعيط
ابله نورا انا عايزه اخش الحمام وجعانه. وماما دخلتي اوضتي وقفلت الباب عليه وعماله اخبط مش عايزه تفتح
وانا خايفه أعمل حمام علي نفسي علشان ماتحرقنيش
نورا
وهي فين امك
رانيا
ماما كانت بتضحك مع حد وبعد كده ما سمعتش ليها صوت
نورا
طيب انا جاي ليكي حالا
وخرجت من اوضي بسرعه ناحية باب الشقة وخالي صابر قالي
في ايه يانورا رايحه فين تاني
نورا بعصبيه
مرات ابويا الزباله قافله الباب علي رانيا وفي حضن واحد زباله زييها. ربنا ينتقم منها
وخرجت من الشقه بسرعه وجريت في الشارع وروحت شقة ابويا يمكن الحق اختي وخبطت علي الباب بعصبية وكنت زي المجنونه. وفتحت لي احسان بالروب بصيت لها وانا مخنوقة وبعدها عن طريقي ودخلت ناحيه اوضة رانيا وفتحت الباب لرانيا اللي يا حرام عملت حمام علي نفسها وكانت قاعدة في ركن الاوضة بتعيط وهي خايفة من امها فروحت لرانيا وخدها في حضني وبصيت لاحسان وقولت لها
حرام عليكي انتي ايه اكيد مش بني ادمه
احسان
بت انتي مش عايزا غلط واحنا مش كنا ارتحنا منك راجعه لية تاني
وبصت احسان لرانيا وقالت
انتي اللي اتصلتي بيها وكمان عملتي حمام علي نفسك يومك اسود وهالسعك بالنار
رانيا وهي بتترعش من الخوف
انتي قافله عليه بقالك كتير وانا عماله اخبط مش عايزه تردي عليه وعماله اقول لك جعانه وعايزه اعمل حمام
وانتي مش عايزه تردي عليه
احسان
بت يا رانيا انتي هاتردي علية كلمة بكلمة
في الوقت دة يخرج من اوضة النوم رجل سكران ويبص لاحسان ويقول
وبعدان بقي انا دافع فلوس علشان أنبسط في انبساط ولا تديني فلوسي وأغور من هنا
فبصيت للراجل وبصيت لاحسان بمنتهي القرف وخد اختي وخرجت من الشقه. وسمعت صوت احسان وهي بتقول
وديني وما اعبد لتصل بابوكي يجي يشوف له صرفه فيكي يا حلوة. وهو مستحلف لك من يوم ما سيبتي البيت وحالف لياخد روحك.
وعدت ساعة تقريبا. وكنا قاعدين ناكل انا ورانيا وخالي صابر ومش عايزا اقولكم قد أية رانيا كانت جعانه وكلت لغاية ما شبعت وقامت فبصيت لها وقولت لها
كملي أكلك يا رانيا
رانيا
شبعت خلاص يا أبله نورا
نورا
طيب قولي الحمد لله
رانيا
الحمد لله ده انا كنت جعانه قوي عارفه يا ابله نورا أنا حاسه أن أنتي اللي ماما مش التانيه
خدتها في حضني وراحت رانيا معيطة وقالت
انا مش عايزه اروح تاني الشقه اللي هناك عايزه ااقعد
معاكي هنا
صابر
وانا لا
رانيا
وانت كمان يا عم صابر أنا بحبكم انتو الاتنين قوي
في الوقت دة اتكسر باب الشقه ولقينا ابويا صقر داخل علينا وبص لي ابويا بصة ترعب وقال
أنتي ايه اللي جابك عندي وخلاكي تاخدي بنتي رانيا
قولت وانا مرعوبة منه
رانيا مراتك كانت حبساها في الاو.........
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
صقر مقاطعه لها
وأنتي مال أمك
في الوقت دة وقف خالي قدام منه وبصه له اوي وقاله
ما تجيبش سيره أختي علي لسانك اختي ماتت وارتاحت
منك ومن شرك
صقر بنرفزه
صابر أبعد عن بنتي رانيا كفايه عليك نورا اللي انت ضحكت عليها وكرهتها فيها وخليتها تسيب بيتي وتيجي تعيش معاك
صابر
أنا ولا النجاسه اللي في شقتك هي اللي خلت نورا تسيب لك البيت وتيجي وهنا ومن بعد نورا رانيا كمان هاتيجي تعيش هنا وهاربيها احسن تربية وهاجوز الاثنين لرجاله بجد مش زيك
فيضحك صقر ويقول
هو انت ناوي تعيش لغايه ما رانيا تكبر
صابر
ماحدش يعرف مين هايموت قبل مين
ساعتها ابويا قرب منه خالي وبص له بصة كلها شر وقال
أنت اللي هاتموت يا صابر
خلصت حلقتنا. ياتري الايام الجاية مخبيئة اية لنورا. وخالها صابر.
عذراء للبيع
★الحلقة الثانية★
من تاليفي، ،
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
مواعيد نشر الحلقات. كل يوم 7. م. باذن الله
**ساعتها ابويا قرب منه خالي وبص له بصة كلها شر وقال
أنت اللي هاتموت يا صابر
وبص لي بصة ترعب من غير ما حس روحت ناحية خالي واستخبيت في من بصات ابويا اللي تخوف لكن صقر بص لرانيا وقال
خدي يا بت يا رانيا تعالي هنا
رانيا خافت وجريت واستخبيت فيا وهي بتقول
ابله نورا انا مش عايزا اروح معه هو هايضربني وأمي هاتحرقني والنبي خليني معاكم هنا
لكن ابويا ما رحمش رانيا وراح ناحيتها ومسكها من شعرها من غير اي رحمه وهو بيقول
يالا يا بنت الكلب خلينا نغور من البيت ده
مسكت رانيا فيا جامد اوي وهي مرعوبة. فقولت له
سيبها تبات معايا الليله دي علشان خاطري
قال لي بنرفزة
خاطر مين ياروح أمك انتي يوم ماخرجتي من بيتي وانا
أعتبرتك موتي زي امك
ولسة هايسحب رانيا من وراء مني رن جرس الموبيل بتاعه. وبص في الموبيل وقال
عزت باشا انا مش مصدق نفسي
رد عليه عزت وقال
صقر سيب اللي في ايدك وتعالي عايزك
صقر
جاي لك حالا يا باشا
وخلص المكالمه وبص لخالي وقال
حسابك تقل معايا يا صابر لكن مسيرك تدفع كل اللي عليك
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وخرج ابويا من الشقة وراح للي اسمه عزت باشا دة وقابلة عزت في جنينة القصر بتاعه وسط الحرس بتوعه وقال ابويا اول ماشاف عزت
عزت باشا عم الناس أنا مش مصدق انك انت عايزني
عزت باشا
أنا عمري ما أستغني عنك يا صقر وخصوصا في الامور اللي تخص الحريم
صقر
خدامك يا باشا احلم وانا أحقق حلمك عايزها أيه المره دي
عزت باشا
نفسي في بنت بنوت اكون اول واحد يدوقها
صقر
بنت بنوت
عزت باشا
أه بنت بنوت ولو جبتلي حاجه كيفتني ليك مني 50 الف جنيه
الرقم اللي سمعه ابويا خلاه يطمع وفكر في انا. ما تستغربوش ابويا عايز يبيع لحمي واية يعني صقر المليجي اللي انا اعرفه يعمل اللي اكتر من كدة المهم ابويا رد عليه وقاله
بنت البنوت اللي أنت عايزها يا باشا موجوده
عزت باشا
خلاص أشوفها الاول ولو عجبتني الفلوس هاتخش في حسابك في البنك
صقر
بس كده غالي والطلب رخيص،،،،،،
ودقت الساعه 12 بعد نص الليل وابويا جه شقة خالي وفتح الباب بالطفاشة اللي معه ودخل الشقة وفتح اوضة النوم بتاعتي ورش بنج في وشي انا واختي رانيا. وطلع الموبيل بتاعه وصورني وانا نايمة. صور حته حته في لحمي ولا كاني عرضه. بس لازم يصورني علشان يعرف يبعني ويكسب فيا. وزي ما دخل زي ما خرج. حرامي عارف يخش ازاي ويخرج ازاي. والله ساعات كتير بشك انه ابويا. وتاني يوم الصبح كان الفيديو بتاعي في ايد عزت وعزت بيتفرج عليه وعجبته الذبحية ايوة ذبحية اومال اية هو في بني ادمة يتعمل فيها كدة. وقال عزت وهو عمال يتفرج عليه
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
تسلم أيدك بت علي الفرازه مافيهاش غلطه
صقر
خدامك يا باشا
عزت
ودي امتي هاتكون عندي في القصر
صقر
أديني يومين بالظبط يا باشا علشان دماغها نشفه انا عارفها
عزت باشا
تعرفها منين دي يا صقر
صقر
دي بنتي يا باشا
عزت باشا
بنتك أنت شغال معايا بقالك 7 سنين اول مره اعرف ان ليك بنت زي القمر كده بس بصراحه ليك حق تخبيها
صقر
بس يا باشا نورا بنتي مالهاش في الشمال
عزت باشا
يعني أيه انا مش بتاع جواز. انت عارف. وهي عجباني ولازم تكون بتاعتي
صقر
باشا هي بتاعتك والكلام خلصان بس خليني أجيبها ليك مقشره علشان تاكلها براحتك
عزت باشا
هاتكون بتاعتي من غير جواز ياصقر
صقر
بتاعتك يا باشا صقر من امتي رجع في كلمته
فبص عزت للفيديو تاني وقال
انا كنت هاديك 50 الف. لكن علشان هي بنتك ليك مني 100 الف. بس تنجز في الحوار ده....
وفي نفس الوقت اللي بتباع في علي ايد ابويا خبط باب الشقة روحت افتح لقيت ناجي قدام مني أتصدمت وأتمنيت لو تنشق الارض وتبلعني وشكيت في زينب ومع شكي في زينب لقيت نفسي بسال ناجي اللي كان باصص لي بصة كلها اسئلة وقولت
أنت عرفت عنوان بيتي أزاي
ناجي
واحده أتصلت بيه وقالت لي كل حاجه أنتي مخبيها عني
كان نفسي أعرف الكلام ده منك انتي مش من حد تاني
نورا
ما أنا كنت هاقول لك
ناجي
أمتي لما تجيبي رجلي ونتجوز كنتي هاتقول لي أن أبوكي مجرم
نورا
لا يا ناجي انا مش مستنيه لما أجيب رجلك. قبل ماكان هايبقي في أي حاجه رسمي بيني وبينك كنت هاعرفك
في نفس الوقت كان خالي صابر واقف قدام مننا وبيقولي
مين ده يا نورا
نورا
ده أستاذ ناجي المشرف بتاعي في المصنع. اللي حكيت لك عنه يا خالي
صابر. لناجي
أة. أتفضل يا ناجي يا أبني. دي نورا ما بتجبش سيرتك الا بكل خير
فيبص له ناجي ويقول
انا ماينفعش أكون في مكان واحد مع اللي زي نورا
صابر
يا ابني انت ظالم نورا. ولو هتاخدها بدنب ابوها يبقي انت بتقسي عليه اوي
★قصصي هاتلاقوها كاملة علي جروب وصفحة وقناة حكايات منص ومي ★
لكن ناجي سابنا ومشي وساب كلامه اللي رشق في قلبي زي ماتكون سكينة تلمه بتقتل فيا بالبطي. ولسة خالي صابر هاينادي عليه قولت لخالي بحزن شديد
سيبه يمشي كده أحسن انا منفعوش ده أبوه راجل امام جامع وحاج بيت ربنا. وأمه بتحفظ قرأن وحجت هي كمان. أزاي دول يحطه أيديهم في أيد واحد زي أبويا فاتح بيته للدعاره. وبيتجار في اعراض بنات البنوت
صابر
وأنتي ذنبك أيه أنك طلعتي لقيتي أبوكي كده لو بيحبك
لازم ما يفكرش بالطريقه دي
نورا
الحب حاجه والجواز حاجه تانيه
وعيط ومابقتش قادرة امسك نفسي وفي الوقت دة جت زينب وبصت لي وقالت
نورا. انا شوفت استاذ ناجي نازل من عندكم. معقوله يكون طلع شئون العاملين وجاب عنوانك منهم
بصيت لها وانا لسة شاكة فيها وقولت
لا. واحدة اتصلت بي وقالت له علي كل حاجة عني. ما تعرفيش مين
لكن طريقة كلامي معها كانت باينه اوي اني شاكة فيها
فقالت لي زينب
اللهجة بتاعتك بتقول انك شاكة فيا.
نورا بحرقة
ماحدش يعرف عنواني في المصنع الا انتي. ولا حد يعرف ابويا صقر برضو الا انتي. بس عارفة اللي محيرني انك قدامي تباني انك صاحبتي اوي واختي وفي ظهري بتخربي كل اللي بيني وبين ناجي.
زينب وهي مصدومة
ولية هاعمل كدة
نورا
ماعرفش ومش عايزا اعرف. ودلوقتي اطلعي برة ومن النهاردة مش عايزا اعرفك تاني
زينب
نورا أنا ماقولتش حاجه لناجي أزاي تشكي فيه كده
نورا
بطلي كدب وتمثيل بقي
فبصت زينب لخالي صابر وقالت
سامع يا عم صابر نورا بتقول اية. أنا اعمل كده ده أحنا متربين سوي.
صابر
والله يا بنتي انا مش عارف أقول لك أيه بس نورا بتتكلم صح من غيرك يعرف كل ده عن نورا وناجي قال واحده كلمته في التيلفون وقالت له علي كل حاجه أنا مابحبش
أظلم حد بس كل الشواهد ضدك
زينب قالت والدموع محبوسه في عيونها
شكرا يا عم صابر أنك شايفني واطيه كده
وبصت لي زينب تاني. وقالت
انا ماعملتش كده يا نورا لاني ماليش مصلحه أوقع بينك وبين ناجي
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
وخرجت زينب من الشقة وهي بتعيط بحرقة وساعتها بس حسيت قد اية انا ظلمتها واتصلت بواحدة صاحبتي مخطوبة لموظف في مكتب شئون العاملين وطلبت منهم تكلمة وتعرف لي منه مين خد عنواني من الملف بتاعي وفعلا اتصلت بعديها بساعه. وعرفت انها نعمه اتوجعت وحسيت قد اية انا واطية علشان شكيت في زينب.
وفضلت زعلانه ومش عارفة اراضي زينب ازاي قولت اسيبها النهاردة وبكرة اكلمها وقبل ما تخلص الليلة وبعد اذان العشاء سمعت صوت خبط علي باب الشقة روحت افتح ولقيت ناجي واقف علي الباب وفي ايدة شيكولاتة من اللي انا بحبها وبيمد ايدة بالشيكولاته ناحيتي وقال
بحبك وعايز اتجوزك
ما بقتش اعرف ارد اقول اية وبقي كل اللي علية اعيط من الفرحة مش مصدقة ان ناجي رجع تاني مش مصدقة بجد ان حبيبي قدام مني وعرف عني كل حاجة واختارني وماخرجتش من حالتي دي الا لما سمعت صوت خالي بيقول لناجي
هاتخش المره دي ولا لا
فبص لي ناجي وقال
لو هي عايزاني اخش هاخش
شورت بدماغي وانا فرحانه اوي شورت وقال قلبي قبل لساني طبعا عايزاك تخش ودخل ناجي وقعد علي الكنبة اللي في الصاله وبص لخالي صابر وقال له
انا أسف يا عم صابر لو صدر مني لفظ ضايقك
صابر
ما فيش حاجه يا ابني انا مقدر الظروف واللي انت عرفته يشل تفكير اي بني ادم. بس اللي ما تعرفوش ان نورا اول ماعرفت حقيقة ابوها
لقيت ناجي قطع كلام خالي وبيقول
زينب اتصلت بيا وقالت لي علي كل حاجة
استغربت وقولت لنفسي
بعد اللي قولت هولها تعمل معايا كدة.
وسمعت خالي بيقول
بدل ما انتي واقفة كدة روحي اعمل لينا كوبيتين شاي
نورا
ناجي ما بيحبش الشاي انا هاعمل كوكتيل هو بيحبه
صابر
خلصلنا الفاكهه اللي في التلاجه علشان ناجي يبقي مبسوط
ناجي
مالهوش لزوم انا هاشرب شاي عادي
نورا
لا كوكتيل انت ما بتحبش الشاي
وروحت المطبخ وسمعت خالي بيقول لناجي
تعرف انا كنت مراهن نفسي انك هاترجع تاني
ناجي
للدرجه دي باين عليه حبي لنورا
صابر
عينيك فضحت اللي في قلبك وانا راجل كبير وليه في لغه العيون
ناجي
وقريت ايه تاني في عينيه
صابر
أنت عايز تتجوز نورا بس ماتحطش ايدك في ايد أبوها
ناجي
صح علشان كده انا هاطلب أيد نورا منك أنت
قلبي زغرط وحطيت كوبيتين الكوكتيل علي الصنية ولسة خارجة بيها من المطبخ لقيت ابويا صقر واقف اتخضيت ووقعت مني الصنية من الفزع وابويا بيقول لناجي
نورا لسه أبوها عايش ماينفعش تطلب ايدها من حد تاني
ناجي
بس انا ما حبش احط ايدي في ايد اللي زيك
صقر
وأنت بقي مش عايز تحط أيدك في أيدي ليه خايف تتوسخ
ناجي
بصراحه اه واحد زيك بييبع لحم البنات. النفس اللي طالع منه ينجس أي مكان هو في
ضحك ابويا ضحكة تخوف وقرب من ناجي وقال
ولما أنا وحش كدة. جاي تطلب أيد بنتي ليه
رديت وانا مغلولة
أنا مش بنتك ومش عايزه أعرفك
صقر
مش بمزاجك أنتي بنتي ومن حقي اوافق علي العريس اللي جاي لبنتي وأنا مش موافق علي الواد ده
ناجي بغضب قال
أنا مش واد وأسمع لما أقول لك......
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
فيقاطعه ناجي قائلا بنبره تهديد
أسمع أنت أنا صقر المليجي. بياع لحم البنات زي ما انت بتقول. يعني ماعنديش رحمه بحد أبعد عن نورا والا هتلاقي حريم بيتكم بيتباع لحمهم للي يدفع أكتر
في الوقت دة ناجي ضرب ابويا بالقلم وقال بعصبية
النجس اللي زيك سيره أهل بيتي ماتجيش علي لسانه
بص له ابويا بصة تخوف وقال
اللي يمد أيده علي صقر المليجي خساره في حياته
وخرج مطواه من جيبه وفتح المطواه وراح بيها ناحيه قلب ناجي
خلصت حلقتنا. ياتري الايام الجاية مخبيئة اية لنورا.
عذراء للبيع
★الحلقة الثالثة★
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
خلصت حلقة امباراح ان صقر طلع المطواة وحاول ان يضرب بيها ناجي لكن ناجي بعد عن الضربة بسرعه وساعتها اتخل توازن ابويا ووقع علي الارض و المطواه دخلت في بطنة ناحية وغرزت جامد صرخت من المنظر وحاولت اساعده لكن ابويا زقني بايدة بعيد عني وقال
طبعا يا نورا انتي وصابر عايزني اموت لكن انا مش هاموت. صقر مش هيموت بسهوله كدة
صابر
ياريت تموت يأ اخي وتريح الناس من شرك
ناجي
مهما حصل يا عم صابر لازم نساعده.
وخرج ناجي الموبيل بتاعه وهو بيتصل بالاسعاف قال ابويا
وانا مش محتاج مساعدة من واحد زيك
وقام وقف علي رجله والدم نازل من بطنة بطريقة تخوف خد حتة قماشة وروحت ناحيتة بحاول اكتم بيها الدم زقني تاني وقال
أبعدي أيدك اللي عايزه أقطعها دي. عني. أنا مش محتاج مساعده من حد ده انا صقر المليجي هاخاف من الموت
وراح ناحيه باب الشقه وخرج من الشقه بصعوبه وهو عمال يتسند علي اي حاجة تقابلة لغاية ما وصل للسلم لكنة وقع من فوق الترابزين علشان داغ ونزل في مدخل البيت ميت.
وبعدها بيوم كان عزت باشا اللي شاف الفيديو بتاعي وعجبته قاعد في جنينة القصر وواحد من رجالته اسمه فايز واقف قدام منه وبيقوله
عزت باشا صقر مات
بص له عزت باستغراب شديد
مات أزاي. دة كان لسة عندي امبارح
فايز
خناقه بينه وبين خال بنته جه يضربه بالمطواه المطواه جيت في هو
عزت ضحك وقال
وعامل لي فيها شقي. وهو اللي يخلص علي نفسه يلا في داهيه المهم نورا بنته فين دلوقتي
فايز
قاعده في شقه خالها صابر
عزت
ما كنش الموت قادر يستني شويه علي صقر. لغايه ما يجيب نورا هنا
فايز
لو صقر مات. ف أحسان مرات صقر لسه عايشه ودي مراه شمال وهاتعرف تجيب لك نورا لغايه عندك بس ادفع لها
عزت باشا
ومستني ايه يا فايز ساعه زمن واحسان تكون عندي
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وتمر أقل من ساعه وتكون أحسان واقفه قدام عزت وعزت بيقول لها
أنتي أيه كل ماتكبري تحلوي
قالت احسان والحزن في نبره صوتها
احلو أيه بس انا جوزي مات يا عزت باشا يعني طهري في الدنيا أتقطم
عزت
احسان مش عليه انا انتي شمال يعني قبلتي رجاله كتير مش صقر اللي هايفرقك معاكي
أحسان
أنا فعلا شمال بس كنت بحب صقر قوي
عزت
يالا أهو راح خلينا بقي في المهم صقر قبل ما يموت أتفق معايا يجيب لي بنته نورا هنا أهيص معها شويه لكن مات
قبل ما يوفي بوعده فانا عايز نورا وال 50 الف ج. اللي كان هياخدهم صقر حالا عليكي انتي
أحسان
بس نورا دي مش سهله ولا هي شمال علشان ترضي تعيش معاك في الحرام
عزت
يعني أيه يا أحسان انا مش بتاع جواز. و ماتخلقش اللي يقول لا. علي حاجه انا نفسي فيها
أحسان
نورا بقي هاتقول لا والف لا لو هاتموت مش هاتسلم لك نفسها
عزت بعصبيه شديده
يعني أيه علي أخر الزمن عيله زي دي تقول لي لا
أحسان
لاعاشت ولا كانت بس نورا دي دماغها نشفه ولازم تيجي بالحيله
عزت باشا
أتصرفي رجالتي كلهم تحت امرك بس نورا تكون ملكي
احسان
سيبني بس اظبطها وعم شوقي بتاع الاجهزة الكهربائية يرجع من العمرة وانا هاتصرف
عزت
ما تقريني اللي في دماغك يا احسان. واحنا هانستني عم شوقي دة لية
احسان
علشان نورا تبقي ليك لازم يكون معانا اخر وصل امانه دفعته نورا في محل عم شوقي
عزت وهو بيبص لفايز ومش فاهم حاجة وقال
مش فاهم
احسان
خلي بس رجالتك يجهزوا علي مكالمة مني
واتفقت احسان مع عزت عليه في نفس الوقت اللي انا كنت في واقفة قدام باب شقه زينب وخبط علي الباب وفتحت لي زينب وبصيت لي بصة كلها عتاب وحزن فقولت لها
أيه ما فيش خشي
زينب
خشي
دخلت وقولت لزينب
حقك علية
زينب
ماشي
نورا
من حقك تزعلي بس انا ساعتها كنت مش عارفه بقول أيه انت عارفه ناجي بالنسبه لي أيه
زينب
وبعدين
نورا
وبعدين انا ماقدرش استغني عنك انتي أختي مش صاحبتي وبس حقك عليه بقي
زينب
ماشي
نورا
لا بقي ده انتي كدة عايزا تضربي زي زمان بس انا مش هاضربك علشان انا فرحانه
زينب
يارب ديما
نورا
لو فضلتي كده انا مش هاعزمك علي فرحي
فرحت زينب وقالت
فرحك وطبعا انا اخر واحده تعرف
نورا
لا انتي اول واحده انا ما ينفعش أفرح من غيرك. كلها شهر بالظبط وينكتب كتابي علي ناجي
زينب
وابوكي اللي لسة ميت
نورا
ماكنش ابويا.
زينب
طيب هاتلحقي تعملي حاجة في الشهر دة
ناجي
شقة ناجي جاهزة من كله ومش هايخليني اجيب اي حاجة وهو مستعجل الفرحة وانا كمان مستعجله
فرحت زينب اوي لفرحتي وخدتني في حضنها وهي بتبارك لي ،،،،،،،،
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
وقبل يوم من كتب كتابي رجع عم شوقي وراحت له احسان المحل بتاعه وكان معها رجلين من رجاله عزت وقالت احسان لعم شوقي
عايزا اخر وصل دفعته نورا في اقساط ثلاجة خالها صابر ساعه ما كانت رانيا معها وسيبته معاك لغاية ما تروح الشغل وترجع وانت بعدها سافرت العمرة
بصها لها عم شوقي باستغراب وقال
وانتي مالك ومال نورا ومالك ومال الوصل بتاعها
احسان وهي بتبص لجوز الرجاله اللي واقفين في ظهرها قالت
عم شوقي شايف جوز الرجاله دول. ما بيهزروش وعندهم استعداد يطربقو المحل فوق دماغك لو انت ما عملتش اللي قولت لك عليه
فبصلهم عم شوقي وخاف من تهديد احسان فقالت احسان
الوصل
ففتح عم شوقي درج مكتبه وادي الوصل لاحسان مسكت احسان الوصل منه وبصت في وقامت وقفت وقالت وهي عند باب المحل
لو نورا سالت علي الوصل قولها ضاع. وياريت ما تقولش اكتر من كدة. خلاص
وعدي اليوم وجه يوم فرحي وماكنتش اعرف اني فرحتي مش مكتوب لها تكمل لان ليلة كتب كتابي علي ناجي دخل عزت ورجالته لقاعة الافراح الاسلامية وبص للماذون وقال له
ازاي يا سيدنا الشيخ تكتب كتاب واحدة متجوزة
وبص لي عزت وقال
مش كدة غلط يا عروسة انتي مراتي انا
استغربت واستغرب كل اللي كانو موجودين في القاعة
خلصت حلقتنا. ياتري الايام الجاية مخبيئة اية لنورا. عايزين تعرفو تابعوني في اللي جاي.
عذراء للبيع
★الحلقة الرابعة وقبل الاخيره★
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ليلة كتب كتابي علي ناجي دخل عزت ورجالته لقاعة الافراح الاسلامية وبص للماذون وقال له
ازاي يا سيدنا الشيخ تكتب كتاب واحدة متجوزة
وبص لي عزت وقال
مش كدة غلط يا عروسة انتي مراتي انا
استغربت واستغرب كل اللي كانو موجودين في القاعة
وقال ناجي لعزت
بتقول اية. انت
عزت ببرود
مراتي
بص لي ناجي وقال
نورا انتي تعرفي مين دة
بصيت لعزت وقولت
ولا عمري شوفته
بص ناجي لعزت وقال
مراتك أزاي وعمرها ما شافتك
عزت
أنا طلبت أيدها من ابوها صقر قبل مايموت واخد مهرها واخد رأيها وهي وافقت علي الجواز وكتبت كتابها واتفقت مع صقر اني اسافر اخلص صفقه رجعت لقيت مراتي بتتجوز
نورا بغضب
حتي وانت ميت يا صقر سبب حزني
ناجي
انت كداب والجوازه دي باطل
عزت
ازاي باطل ده صقر واخد رايها وهي وافقت وكمان ماضيه
بخط أيدها علي عقد الجواز
وخرج عزت عقد جواز مكتوب في اسمي واسمه وصورته جنب صورتي. وحط العقد قدام الماذون وقال
حتي شوف واحكم انت بنفسك يا شيخ
بص الماذون في العقد وقال
العقد مظبوط وهي كده فعلا مراته
خطف صابر العقد من ايد الماذون وبص في العقد ومن بعد منه بص ناجي في العقد والغريب انه لقي امضتي وخط ايدي مظبوط فبص لي وقال
نورا ده خطك فعلا
مسكت العقد زي المجنونه وبصيت في العقد دي فعلا امضتي. بس ازاي أنا ما مضتش علي حاجه وصرخت وقولت لناجي
انا ماعرفش حاجة عن الجوازة دي ولا ابويا صقر اتكلم معايا في جواز من اصله
مسك ناجي العقد مني ورماه في وش عزت وقال
العقد ده مزور وخد شويه الكلاب دول واطلع بره بدل ما تبات النهارده في الحجز
ضحك عزت ضحكه صفراء وبص لناجي وقال
أللي ها يخش الحجز الهانم اللي متجوزه وجايه تتجوز تاني وغصب عنك او بمزاجك نورا هاتخرج معايا من هنا وهاتروح معايا وأنت عارف بعد كده أيه اللي هايحصل
وضحك ضحكة كلها شر
ناجي
نورا مش هاتروح معاك في حته امشي أطلع بره
عزت
بلاش أعمل حاجه تزعلك
ناجي
هات اخرك
فبص عزت لرجالنه فخرجه السلاح اللي كان معاهم ورفعوا السلاح في وش ناجي صرخ كل الموجودين في القاعه فقال عزت بتهديد صريح مافيهوش اي رحمه
اللي هاسمع صوتها هاقتلها من سكات نورا تخرج معايا أو
أخلص عليكم كلكم ونورا برضو هاتخرج معايا
وقف ناجي قدام مني وحطني في ظهري يحميني وقال
قولت لك نورا مش هاتخرج من هنا الا علي جثتي
فبص عزت لرجالته فيشدوا أجزاء سلاحهم وجهزوا لضرب النار فخوفت علي ناجي وخرجت من وراء وقولت
ما حدش ياذي ناجي. أنا جايه معاك
فبص لي ناجي فقولت له بصوت واطي
مش هايلمسني أنا مراتك انت وبس سيبني اروح معه وصدقني كده احسن بدل ما حد يموت بسببي انا مش هاسامح نفسي
وقف خالي صابر قدامي وقال
مش هاتروحي في حته انا حاميتك من صقر مش هاعرف أحميكي من ده
نورا
عارفه انك هاتحميني بس المره دي لازم أنا احمي نفسي
علشان ماحدش يحصله حاجه بسببي
ناجي
اللي انتي بتعملي ده غلط
نورا
لا صح بص في عينه وانت تعرف أنه هايقتل اي حد يقف
في طريقه وهياخدني بردو وأنا مش عايزه أروح معه وأنت مقتول أو أي حد من عيلتكم مقتول أنا هاروح معه وهاعرف أزاي أهرب منه
سمعنا صوت عزت بيقول
لخص يا نحنوح أنا صبرت عليكم كتير دقيقه كمان
وهأ مرهم بالضرب في المليان
نورا
أنا جايه معاك بلاش حد يموت بسببي
وبصيت لناجي والدمعه نزلت من عيوني وناجي ما كنش عايز يسيبني لكن مافيش مفر كان لازم اخرج مع اللي اسمه عزت دة علشان احمي كل اللي اعرفهم من شره
وخرجنا من القاعه وخرج ناجي ورائنا هو وخالي صابر وقرر ناجي يراقبنا من بعيد علشان يعرف عزت رايح بيا فين لكن الغريبة ان في العربية بتاعت عزت لقيت احسان قولت لها
أحسان أيه اللي جابك هنا
احسان بشماتة
جاية اتفرج عليكي وانتي هاتبقي شمال زيي
وضحكت ولسة هارد عليها قال عزت
مش عايز اسمع نفس حد منكم لغاية ما نوصل
وعديت ساعه ووصلنا القصر بتاع عزت ودخلت القصر وانا حاسة اني داخلة علشان اموت لكن قبل ما نطلع لاوضة النوم جه ناجي ومعه خالي وظابط معرفة ناجي ودخلو القصر بعد ما عدوا من رجاله عزت فبص عزت للظابط وقال
ايوة اقدر اساعدك ازاي
الظابط وهو بيبص لناجي
الاستاذ ناجي بيتهمك بانك خطفت الانسه نورا
بص عزت لناجي وقال
الاستاذ ناجي باين عليه اعصابه تعبانه وعيان.
ناجي بعصبية
احترم نفسك
الظابط
استاذ عزت ممكن تخلي كلامك معايا انا
عزت وهو بيخرج عقد جوازنا قال
نورا تبقي مراتي وتقدر حضرتك تتاكد من عقد جوازنا
مسك الظابط عقد الجواز وبص في وقال
بس استاذ ناجي بيقول ان العقد دة مزور
عزت
والله حضرتك العقد في ايدك تقدر تتاكد منه ان كان مزور ولا. لا
ساعتها بص لي الظابط وقال
انسه نورا شوفتي استاذ عزت قبل كدة
صابر بعصبية
ماشفتهوش قبل كدة انا متاكد ان صقر باع نورا لعزت والعقد دة مزور
الظابط لصابر
استاذ صابر ممكن تهدئة. وتخليني اشوف شغلي
وسكت خالي صابر وبص الظابط لنورا وقال
شوفتي استاذ عزت دة قبل كدة
نورا
اول مرة اشوفه النهاردة
الظابط
طيب وامضتك علي عقد الجواز
وشاور ساعتها الظابط علي امضتي الموجودة علي العقد واللي كان هايجنني انها فعلا امضتي بالظبط مافيهاش غلطة. فقولت
دي امضتي فعلا. بس انا والله ما مضيت علي عقد الجواز دة
الظابط
والبصمة دي
وشاور بصباعه علي البصمه الموجودة علي عقد الجواز فقولت
اكيد مش بصمتي
عزت
حضرة الظابط انت خد مني وقت كتير وانا مش صغير ولا قليل في البلد علشان ازور امضت بنت واتجوزها غصب عنها نورا مراتي وابوها مضها وبصمها علي عقد جوازنا قبل ما يموت
ناجي
صقر ميت من شهر اية اللي خلاك تستني دة كله علشان تيجي تقول انها مراتك
عزت
كنت مسافر ولسة جاي. هنفضل في سين وجيم كتير الست دي مراتي والعقد متوثق في المحكمة من شهر فات ممكن اي حد منكم يروح يسال بنفسه. ودلوقتي بقي اقدر اقول لكم تصبحو علي خير لاني ورايا دخله
ناجي
انا مش هاسيبك تلمس شعره من نورا انت فاهم ولو قربت منها هاقتلك
عزت للظابط
اعتبر عيب اوي لما يهددني وانت واقف ولا اكمنكم معرفة لو هاتمشي معرفة فانا اسف هاتصل باللواء. حكيم عبد السلام. وهو بقي يعرف شغله معاك
الظابط يارتباك
ملهوش لزوم. احنا هانمشي واسفين علي الازعاج
صابر
اسفين علي اية. دة كذاب ولو سيبنا البنت دي هنا ذنبها هايبقي في رقبتك.
الظابط
عقد الجواز سليم وهي فعلا مراته
ناجي
كدة من غير ما تتاكد من البصمة
الظابط
ناجي انا جيت معاك وعملت اعتبار لمعرفتنا لكن بالقانون ما حدش هايقدر يعمل لك حاجة لانها فعلا مراته
ويمشي الظابط ويسيب ناجي واقف في وش عزت ويقول عزت
فايز. هات حد يوصل البهوات
ناجي وصابر في نفس واحد
احنا مش هانخرج من هنا الا ومعانا نورا
لكن عزت ما ردش عليهم وقال
فايز اللي يكتر في الكلام منهم عجزوا.
وندهه فايز علي الرجاله وهو عمال يبص لي ودخلو الرجاله القصر وطلعوا خالي وناجي بالعافية وانا عماله ببص علي ناجي وخالي وبعيط ومش مكتوب لي فرحة تكمل. وخدني عزت من ايدي وطلعنا اوضة النوم بتاعته وسابني علي السرير ودخل ياخد دش وقال لي قبل ما يدخل
عايز اخرج الاقيكي غيرتي هدومك
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
فضلت اعيط ومابقتش قادرة وبصيت لسقف الاوضة وقولت
يارب انا في حماك نجني من كل سوء يارب سلمت لك أمري طلعني من هنا زي ما دخلت.
وقولت بحرقة
يارب
وخرج عزت من الحمام وقرب مني ولف ايدة حوالين مني وساعتها حسيت بوجع شديد في بطني فقولت له
عايزه الحمام
عزت. وهو عمال يلف ايدة حوالين جسمي
بعدبن بعدين ده انا من ساعه ما شوفتك وانا مش علي بعضي ومستني اليوم ده
لكني بعد عنه وبدات اصرخ من الوجع اللي في بطني وقولت
عايزه الحمام حالا
ومالحقتش ادخل الحمام وجالي نزيف شديد من تحت لدرجة ان الفستان الابيض اتحول لونه للاحمر لون الدم فندهه عزت وقال
دكتور بسرعه يا فايز
وعديت 1/2 ساعه وجه فايز ومعه الدكتور ودخل اوضة النوم وبعد ما كشف عليه الدكتور قال
البنت دي لازم تتنقل للمستشفي حالا
عزت
هي عندها أيه
الدكتور
البنت دي كانت حامل وبتسقط. ،،،،،،،،،،،
خلصت حلقتنا. ياتري الايام الجاية مخبيئة اية لنورا. وازاي حامل وهي المفروض بنت بنوت.
عذراء للبيع
★الحلقة الخامسة★
الاخيرة
من تاليفي، ،
**
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وعديت 1/2 ساعه وجه فايز ومعه الدكتور ودخل اوضة النوم وبعد ما كشف عليه الدكتور قال
البنت دي لازم تتنقل للمستشفي حالا
عزت
هي عندها أيه
الدكتور
البنت دي كانت حامل وبتسقط
عزت بعصبية
يعني أية. انا اضحك علية من صقر والمراة الشمال مراته.
فايز
اهدئة يا عزت باشا مش كدة
عزت
اهدئة أية. خد الزباله دي وارميها برة
وكان بيبص لي انا. انا الزباله اللي هو يقصدها. لكن الدكتور قال له
البنت دي لازم تروح للمستشفي حالا. لان حالتها حرجة ونزفت كتير
عزت بعصبيه شديده
عايز تنقلها انقلها انت. انا مش فاتحها جمعية خيرية
فبص الدكتور لفايز وقال له
سندها معايا لغاية العربية بتاعتي وانا هاروح بيها المستشفي
وسندني فايز مع الدكتور. لغاية ما روحنا عند عربية الدكتور ولسة بيحطني الدكتور في كنبة عربيته اللي وراء وقف قدام الدكتور. ناجي وكان معه خالي صابر واول ماشاف الدم اللي علي الفستان. مسك رقبه فايز والدكتور وقال بعصبية
عملتوا فيها أيه يا ولاد الكلب
الدكتور زق ايد ناجي بعيد عنه وهو بيقول
أبعد أيدك عني. ومافيش وقت اضيعه معاك لازم اروح المستشفي حالا لان البنت حالتها حرجه
ناجي بقلق
هي مالها
فايز
كانت حامل وسقطت
انصدم ناجي وبص للدكتور وقال له
اللي بيقوله الراجل ده صحيح
الدكتور
أيوه وسابني أمشي بقي لازم اروح المستشفي حالا
صابر بعصبية
انتم كدابين مستحيل نورا تكون حامل دي اشرف بنت ممكن تعرفوها. حرام عليكم ما تتبلوش علي بنتي
الدكتور
يا جماعة صدقوني ما فيش وقت للرغي دة البنت حالتها حرجة لو فعلا تهمكم سيبوني امشي
وخرج الدكتور الكارت بتاعه واداة لصابر وقال
دة عنوان المستشفي بتاعتي لو حبيت تحصلني علي هناك
خد خالي صابر الكارت من الدكتور وهو بيقول
طبعا ها حصلك
وساعتها بص خالي لناجي اللي كان ساكت وطبعا حقة حبيبته يعرف انها كانت حامل لدرجة ان ناجي حس ان الدنيا كلها بتلف بي وقعد علي الرصيف في الشارع وهو عمال يقول لنفسه
ازاي نورا الشريفه العفيفه كانت حامل
ويفضل حابس دموع عيونه لغاية ما دموعه خانتة وهربت من عيونه ونزلت عيونه مع صرخة وراء صرخة وسببها وجع قلبه وفي نفس الوقت كان عزت اتصل بالبوليس وبلغ عن شقة أحسان مرات ابويا وجه البوليس وطبعا بتوصية جامدة من عزت اللي كان بينتقم من احسان بسبب اني انا ما طلعتش بنت بنوت. واتقبض علي احسان واخيرا الشارع هاينظف منها. عقبال ما الدنيا تنظف من كل اللي شبهها.وعديت الليلة وانا في المستشفي والدكتور نقلي دم بدل اللي نزل مني وعوض جسمي بالتحاليل وطبعا بسبب النزيف انا كان مغمي عليه لكني فوقت ولقيت نفسي علي السرير وقدام مني ممرضة كانت بتعلق لي محاليل. فقولت لها
هو أنا فين و أيه اللي حصلي
الممرضه
حمد لله علي سلامتك
نورا
الله يسلمك هو أنا أيه اللي جابني هنا
الممرضه
مش عارفه أقول لك أيه ربنا يعوض عليها
نورا باستغراب تقول
يعوض عليه أنا مش فاهمه حاجه
الممرضه
أنتي كنتي حامل وسقطي والدكتور سراج لحقك علي أخر لحظه
سمعت كدة كنت هاتجنن وقولت بعصبيه شديده
مين دي اللي حامل أنتي عبيطه انا لسه أنسه وما فيش حد لمسني
الممرضه
أزاي انتي كنتي حامل وسقطي دة كلام دكتور سراج
نورا بعصبيه زياده تقول
برضو بتقول لي حامل وسقط
الممرضة
دة اللي انا اعرفه
في الوقت دة دخل علينا الدكتور سراج ومعه فايز وخالي صابر وقالي
أهدئي أنا سمعت صوتك وانا في مكتبي
نورا
أنت مين
الدكتور
أنا الدكتور سراج اللي جيبتك المستشفي
فبصيت لفايز وقولت له
مش أنت الراجل اللي كنت مع عزت اللي بيقول أنه جوزي
فايز
أنا أسمي فايز سكرتير عزت. وكاتم أسراره
نورا
وبعدين عايزين مني أيه بقي وأيه حكايه أني حامل وسقطت
فبص الدكتور للممرضه وشاور لها أشاره معنها انها تخرج وخرجت الممرضة وقال الدكتور
كان لازم أقول كده علشان أنقذك من أيد عزت اللي ماكنش هايرحمك بعد ما ياخد اللي عايزه منك
نورا
أنا مش فاهمه حاجه أنتوا مع اللي أسمه عزت ده ولا معايا
فايز
أنا طول عمري مع عزت باشا بس المره دي أنتي صعبتي عليه ودي اول مره واحده تيجي لعزت وتصعب عليه أنتي فيكي حاجه خليتني أبيع عزت واقرر اني أنقذك. يمكن علشان فيكي شبه من بنتي اللي ماتت
الدكتور
علشان كده لما عزت ندهه علي فايز علشان النزيف اللي جالك وقال له هات دكتور كلمني وطلب مني أني أنقذك من أيد عزت وأبعدك عنه فلما جيت وشوفت الدم قولت له أنك كنتي حامل وسقطي وده طبعا مش حقيقه
نورا
أومال سبب الدم اللي نزل عليه ده
الدكتور
ده دم الدورة الشهريه عادي بس أنتي علشان كنتي خايفه جدا جت قبل ميعادها وعلي شكل نزيف
نورا
أنا مش عارفه أشكركم أزاي
الدكتور
لا شكر علي واجب اللي يستاهل الشكر فايز
فبصيت لفايز وقولت
شكرا
فايز
ده أنا اللي المفروض ااقول لك شكرا ومن النهارده أنتي حره
نورا
حرا أزاي ده مع قسيمه جوازي منه
فايز
القسيمه دي مزوره وأمضتك أحنا خدناها من علي كمبيالات التلاجه اللي أنتي جايبها قسط نورا أنسي عزت
وعيشي حياتك عزت خلاص رمي طوبتك وبيدور علي واحده تانيه تبيع له نفسها أنا مش عارف انا عملت معاكي ده كله ليه بس حسيت أني لازم أعمل كده.
فضحكت وبصيت لفوق وقولت
أنا عارفه ربنا مايرضاش بالظلم وأنا كنت مظلومه من يوم ما صقر المليجي بقي أبويا وسيرته اللي موسخاني لغايه عزت واللي كان عايز يعمله فيه لكن ربنا كبير اللهم لك الحمد والشكر سخرت لي ناس تساعدني وهما مايعرفونيش
وبصيت لخالي صابر وقولت
خالي اومال فين ناجي
لكن خالي ماردش علية فقولت له
هو كان معاك ساعه ما عرف اني كنت حامل وسقط
صابر
أة
نورا
وصدق
صابر
احنا بشر ولينا اللي بنشوفه بعيونه وهو شاف دم نازل منك ودكتور بيقول له انك كنتي حامل وسقطي
نورا
طيب انت صدقت الدكتور
صابر
انا مستحيل اصدق ان بنتي تعمل كدة
نورا
طيب لية ناجي يصدق
صابر
ناجي مشفكيش وانتي بتكبري قدام منه. ناجي مش هو اللي رباكي. ما ينفعش يعرفك زي ما انا عارفك. مهما كان بيحبك. يفضل حب الحبيب ناقص وحب اللي رباكي علي ايدية كامل. اوعي تزعلي من ناجي.
نورا
دي تاني مرة يسيبني فيها
صابر
في المرتين هو معذور. وماكنش ظالمك. وزي ما رجع لك اول مرة هايرجع لك تاني. بس لما يحكم قلبه مش عقله
الله عجبتة القصة وعايز قصص تاني من تاليف محمد منصور منص. يدخل علي المدونة بتاعته هيلاقي قصص كتير وكلها عمايل ايدية وحياة عينية
وعدي اسبوع وانا مستنية ناجي يرجع لي لكن ماجاش وشكلة فعلا المرة دي اتوجع اوي لدرجة اني سالت علية زينب قالت انه ما بيجيش الشغل من ساعة اللي حصل خوفت يكون حصل له حاجة فخد زينب معايا وروحت له عند شقته وسالت والدتة وقالت لي انه في الجامع روحت للجامع وبصيت علية من برة وهو اول ما شافني خرج من الجامع بسرعه وبص لي لكنه سكت فقولت له
ما بتروحش الشغل ليه
لكنه ما ردش عليه وواقف عمال يبص لي وساكت فقولت انا
صدقت أني كنت حامل وسقط يا خساره تصدق في يوم أن نورا تبيع نفسيها
ناجي
عايزه أيه يا نورا مني أمشي وسيبني انا ما نفعكيش
نورا
تمام أنا هامشي بس مش هتلاقيني تاني أبدا وهاتفضل طول عمرك ما تسامحش نفسك علشان ظلمتني
ولسة هامشي انا وزينب سمعته بيقول
عايزاني أعمل أيه لما القي الدم نازل منك والدكتور يقول لي دي كانت حامل وسقطت
بصيت له وانا بعيط وبقول
عايزاك تقوله لا انت كداب انا عارف نورا كويس نورا مش كده اكيد في حاجه غلط. كل اللي انت سمعته دة كذب من الدكتور سراج علشان يلحقني من ايد عزت. ربنا سخر لي اللي يلحقني. ودكتور سراج عندك في المستشفي ممكن اخدك لي وتساله بنفسك
ناجي
بعد اللي انتي قولتي انا لو روحت لي الدكتور وسالته ورجعت لك أبقي ما أستهلاكيش. انا مصدقك. بس الصدمة اللي جت لي. من اللي شوفته خليتني مش عارف انا بعمل اية. لكن انتي الحب يا نورا
نورا
للدرجه دي بتحبني
ناجي
في حد ما يحبش روحه انتي بقي بالنسبه لي روحي وعمري
نورا
وانا لو هاحمل هايكون منك انت بس يا حب عمري كله
وعدت الايام واتجوزت ناجي وعاشت رانيا مع خالي صابر وبدات رحلة خالي في تربية بنته التانية وعرفت عن طريق النت ان عزت لقو مقتول في قصره علي أيد بنت كانت بدافع عن شرفها
خلصت حكايتي اللي بتمني انها تكون. عجبت كل اللي قراها.
تمت
