رواية حين تقع في الحب الفص السادس والثلاثون والسابع والثلاثون بقلم ندي على
 |
السادسة_والثلاثون
قاسم علي وشك البكاء:عمر بالله متسبني عمر اصحي يلا ولسه هيطلع علشان يعرفهم
عمر بضحك شديد:اقسم بالله انا خلاص كنت
هصدق نفسي
قاسم بصدمه وغيظ مسك المخدات رماها عليه:اقسم بالله انت ارخم واحد شوفته في العالم حيوا*ن والله ياعم الله يحر*قك والله
عمر بدلال:خوفت عليا يا سومي
قاسم:مالك يلا اجمد كدا بس خوفت يا ابن …وضربه بالمخده في وشه
عمر قام حضنه:انا مبسوط ان عندي اخ زيك يا قاسم حاسس ان عندي ضهر وسند بيكوا والله
قاسم :قوم بقي علشان مش طالبه حزن خلينا ننزل نشوف هنعمل ايه في ام الجوازه دي كفايه قطعتني الخلف من شويه
عمر :اشطا هغير واجي وراك
قاسم :تمام انا مستنيك في المخزن تحت
…………………..
في شقة غسان
اسر وافق علي الباب بيخبط بقوة
اسر بزهق:يوووووه يابابا اصحي
صحي غسان بنوم :نعم يا اسر
اسر:يابابا عاصي بيعيط وانا مش عارف اخليه يسكت ومش عارف اشيله علشان تقيل
غسان :حاضر يا حبيبي روح وانا جي اخده اهو وبص علي نور اللي نيمه جنبه عار*يه الض*هر وشعرها منسدل علي ضهرها ابتسم بتلقائيه
غسان :نور نور اصحي يا روحي عاصي جعان
نور قامت بسرعه تفرك في عينها :الولاد فين نايمين فين
غسان بزهول:الولاد في قوضتهم يا حببتي مالك اتفزعتي كدا ليه
نور بحب:صباح الخير يا حبيبي اصل كنت متعوده اصحي علي صوت سي عاصي المنبه بتاعي
غسان بضحك :يعني ابني علي اخر الزمن بقي منبه
نور :والله يا غسان لو تسمع صوته لو ميت يصحي يلا قوم خليني اقوم اكله
غسان بخبث:طب ما تقومي انا مسكتك
نور بكسوف :غسان قوم علشان انا مش لب*سه حا*جه وعاصي هيفضل يعيط مش هيسكت
غسان قرب منها :3بالله العظيم ما قايم
نور بكسوف:علشان خطري
غسان :خلاص خليكي كدا انشالله شهر
نور بكسوف وغيظ:قامت جري ولبست روب ودخلت علي الحمام تاخد شور
غسان :البت دي بتحلو ليه كدا
………………………..
في منزل سكينه
نسمه بصت من الشباك لقت قاسم
نورهان :في ايه
نسمه :هاتي بس الشبشب
نورهان :اهدي يابنتي توقعيني مالك
نسمه :هنزل لقاسم يا نورهان واجي علطول
نورهان :انزلي الهي سوسو تقبلك بايد المقشه في الشارع يا رب
نسمه نزلت جري
قاسم بحب:ايه الصباح اللي زي العسل دا يا عالم
نسمه بخجل:صباح النور عامل ايه
قاسم :بدام شوفت القمر النهارده اكيد هكون بخير المهم نزله ليه خير
نسمه بتوتر:راحه راحه ال
قاسم فهم :نزله تشوفيني صح
نسمه :بصراحه ايوا
قاسم :علي فكره الفرح اتحدد واحنا جاين عندكوا النهارده علشان نعرفكوا
نسمه بفرحه:بجد يعني احنا هنتجوز
قاسم :خلاص الطريق لسه فيه شويه قليلين
نسمه بحب:مسيره يخلص يا حبيبي
قاسم بغمزه :يلا قوام علي فوق يا بطه
نسمه طلعت علي البيت جري وبفرحه
…………………..
في شقه سكينه
سكينه :انتي كنتي فين يا نسمه
نورهان وهي قعده قدام التلفزيون :كانت بتشوف حبيب القلب يا سوسو اوعدنا يا رب
نسمه بغيظ:وانتي مالك يا وحيد القرن انتي
نورهان :انا وحيد القرن يا ابو قردان انتي
سكينه:انا عوزاكوا تقوموا تشدو شعر بعض كدا غلط يابت
نسمه :يعني مش شايفه طريقة كلامها
سكينه:انا بسألها بتردي ليه يا دكتوره نورهان ها
نسمه :والله معرف ودخلت قوضتها
نورهان :عيله بتحب المسخره يعني ايه تنزل تشوف خاطبها في نص الشارع طب ماانا كمان شبه مخطوبه ولا حتي بكلمه بت مايعه
سكينه:يابت انتي مسترجله كدا ليه ياحظك يا عمر يابن انتصار هتجوز اخوك
نورهان بهمس:لازم اغض البصر عن سي عمر الايام دي انا مش ضمنه نفسي يااه الواد مز بشكل
……………….
في من ل منير الالفي
كانت العيله كلها قاعده يتناولون طعام الفطور بسعاده وحب وغسان سرحان فيهم
غسان بحب في نفسه :كل يوم علتي بتكبر يوم عن يوم احسن حاجه ان الانسان يعيش مع ناس بيحبها وتحبه بعيد عن الغدر والخيانه عن الوجع وينظر لنور الذي تداعب عاصي واجمل ما في الدنيا ان انا ربنا حبني وجوزني البنت اللي طول حياتي مستنيها وبص عليها بهيام
نور بستغراب:مالك يا غسان
غسان بهمس:بحبك مش اكتر يا روح غسان
نور :وانا عوزاك تشيل عاصي شويه
غسان بتهرب:عمر قاسم دا احنا ورانا شغل ولا ايه
قاسم فهم :ايوا طبعاً وبعدين ايه ياحج مش هنروح نعرفهم بكتب الكتاب
منير :النهارده بليل اجهزو عشان هنروح كلنا
قاسم بخضه:ونور جايا لاء مش هيحصل
غسان :ومالها نور بقي يا سي زفت
قاسم :احنا نقدر نقول حاجه وكمل بهمس بس كويس انها مش حامل وعلي وشك الولاده
اسر بهمس:بابا قوم اضربه انا سمعته بشتم ماما
قاسم بضحك:بتحردو عليا يا سي اسر
نور :غسان هو عاصي مش ابنك ولا ايه
غسان:ابني حبيبي بس مش هشيله برضو
عمر :تعالي يا حبيب عمو واخد عاصي ونور بدأت تلم في السفره مع انتصار ونفين بحب
والرجاله نزلو يعدو علي القهوه في صحبة ولادهم والاطفال
…………
علي القهوه
عمر شايل عاصي وعاصي مش بيبطل عياط:غسان ابنك رخم ومبطلش عياط وانا صحيتي علي قدي
غسان ببرود:والله مشيله ابداً دا زلني لما كان مولود
قاسم:وعامل فيها سبع رجاله واخدته من نور شيله بقي يا معلم
منير :المهم هنروح النهارده نطلب البنات وحياة امكم مش عوزين فضايح
قاسم :عيب ياحج الكلام دا انا هروح اجيب بوكيه ورد حلو كدا واجي
غسان بسرعه:اوعي تتحرك وتجيب انت ورد احنا مش عوزين نفضح نفسنا انا هجيب الورد تمام
عمر بضحك :كنت بتقكر بأيه وانت بتجيب البوكيه اللي فات دا
غسان :ياجدع دا كان نخله مش بوكيه ابداً
واحد ايجه جري:ياحضرت الظابط يا حضرت الظابط
غسان :ايه يابني في ايه
الراجل:اسر ابنك كان معايا بس اختفي فجأه وانا قلبت الدنيا عليه ومش لقيه
غسان اتنفض من علي الكرسي وهو والجميع بصدمه :…………
اسفه علي التأخير 🙏🏻
طبعاً كلكو محبتوش ان عمر يمو*ت وقعدتكو علي اعصابكً كتير بس الحمد الله عمر عايش🤍
اللغز اللي هنا يتري اسر فين ؟
السابعة_والثلاثون
غسان بغضب :انت بتقول ايه ابني فين يعني ايه مش موجود اتخطف يعني
الراجل بتوتر:والله يا بيه انا كنت قاعد في القهوه وواخد بالي من منه كويس كان بلعب بالعجله وفجأة لقيت العجله واسر مش عليها
غسان بيرن علي نور بغضب
غسان :الو نور اسر فين
نور:ايه يا غسان اسر قاعد معايا اهو في ايه
غسان بغضب:عيل حيوا*ن ولما اجي هعلمه الادب لخضته ليا وأعمامه وجده دي
نور بصوت عالي:غساان في ايه مالك ايه اللي حصل لكل دا
غسان بعضبيه:هو انتي عليتي صوتك ولا انا بتهيألي
نور بخوف :لاء دا اكيد بتهيالك انا متكلمتش اصلاً
غسان :المهم اقفلي ولما ارجع ابقي اعرف اربي مراتي وابني وقفل السكه في وشها بغضب وغيظ وراح عند ابوه تاني
عمر :ها قول لقيته
غسان :قاعد مع نور عيل بارد هرب دمي
منير براحه:الحمد الله انه بخير
قاسم :الحمد الله انه بخير ودا المهم
عمر :غسان قوم يلا يا معلم نشتري الورد ونيجي علشان انا شاكك في دخله البنات دي علينا
منير بزهق:يادي ام بوكيه الورد اللي هتعملوا عليه موال وقصه
عسان بضحك وهو بياخد المفاتيح :يلا انجز
……………………..
في منزل سكينه
نسمه :نورهان ايه رأيك في الفستان دا
نورهان اللي تقريباً قعده جوا الدولاب :نسمه متسالنيش عن حاجه علشان مش فايقه ليكي
نسمه :مالك في ايه
نورهان :مش عرفه البس ايه النهارده خالص
نسمه :نورهان مش انتي كنتي جايبه فستانين في فرح نور البسي التاني
نورهان بتفكير :اه والله انا ازاي نسيته كدا اشطا
نسمه :طب قولي بقي الفستان دا حلو
نورهان :جميل والله بس هيكون ضيق
نسمه بغيظ:لاء هيكون حلو
نورهان :انتي حره
سكينه :واحده فيكم تيجي تحط البيبسي في التلاجه علشان يكون ساقع
نورهان بضحكه شيطانيه :هروح انا خليكي
نسمه:طيب
……………….
في المطبخ
نورهان بتخبي في هدومها الكنز
سكينه :حطي الكنز يا حرامي
نورهان :يا سوسو دا اتنين مش حاجه يعني
سكينه:يابنتي انتي غاويه تفضحينا وبس استني لما الناس تبقي تيجي وابقي اشربي
نورهان بغيظ:حاضر يا حجه سوسو
………………..
في منزل منير الالفي
اسر بخوف:ماما هو بابا هيعمل فيا ايه
نور بحب:ولا يقدر يعمل حاجه يا حبيبي
اسر :طب كان بزعق في الفون ليه
نور:علشان عليت صوتي عليه
انتصار :مالك يا اسوره زعلان ليه
نور :خايف من غسان علشان سابه ومشي وهو فكره اتخطف فخاف عليه
اسر :يا جماعه افهموا انا كنت جي اخد حاجه وراجع مش رايح مكان بعيد
نفين بضحك:والنبي لمضتك دي هتخليه يكسر دماغك
وعمر دخل :السلام عليكم خدي يا نور ابنك اهو ومعتيش تقول ليا بس كلمه شيله شويه
غسان وهو داخل وراه:ابني يعمل اللي هو عوزه
نور وهي بتلاعب عاصي:انت جوعت يا روحي البطون فضي وعاوز يتعبي تعالي يلا ودخلت الاوضة
غسان :اسر
اسر بخوف :والله والله انا كنت جي اجيب حاجه وراجع ليكم تاني يعني انا مكنتش هتأخر
عمر :مشاء الله الواد مذاكر هيقول ايه
غسان :بس يا عمر عارف يا اسر لو عملته تاني هعمل فيك ايه
اسر باس خده :اسف يا بابا اخر مره والله
غسان في نفسه :الواد دا طالع لأمه بسكتني ببوسه
غسان :المهم يلا مفيش وقت اجهزو علشان نروح عند امي سكينه كمان ساعه ودخل لنور
………………
في غرفة غسان القديمه
كانت نور انهت طعام الصغير
نور:تعالي يا روحي ليا تعالي وبدأت تطبطب علي ضهره
غسان :خلصتي ولا لسه
نور :خلصت اهو
غسان :طب انجزي تعالي يلا علشان تلبسي الولاد علشان هنمشي كمان ساعه
نور بحب :حاضر يا حبيبي واخدت الولاد وطلعت وغسان طالع وراهم وبدء الجميع في تجهيز نفسهم
………………….
في شقة غسان في غرفه اسر وعاصي
نور :البس الكوتش يلا يا اسر
اسر :مش عاوز البسه
نور :لا حول الله مش انت اللي اتخنقت معايا مره علشان تلبسه
اسر :بس دلوقتي لاء خلاص مش عوزه البسه
نور :علشان خطري البسه يا حبيبي
اسر :اوووف هاتي ولبسه انا كدا خلصت ممكن انزل اعد مع عمر علي ما تخلصوا
نور :انزل بس متبعدش تمام
اسر:تمام وفتح الباب ونزل
وخلصت لعاصي ونام وراحت علي غرفتها الخاصه
……………….
في غرفه غسان ونور
غسان كان واقف قدام المرايه بيعدل القميص كان لبس بنطلون جنز اسود وقميص ابيض ضيق يبرز عضلاته وكوتش ابيض
غسان :ها خلصتي علي فكره انتي بتتأخري اخلصي يا نور
نور:يعني اعمل ايه يا غسان مش علي ما لبسن الولاد وجي تقول الحق عليا
غسان لف ليه وحاوط خصرها :وطب وانا اعمل ايه في الجمال دا ذنبي ايه
نور بكسوف :غسان حبيبي احنا ريحين نطلب البنات فيعني لو فضلنا كدا هنتاخر ولما نيجي بقي
غسان :عرفه لو لقيت الفستان ضيق هقطعه يا روحي
نور بتوتر:شوف هو مش ضيق هو انا لما كنت شرياه كان مظبوط بس انا اللي تخنت
غسان :ايوا يعني ضيق
نور قربت من ووقفت علي صوابع رجله وحوطت رقابته :يا حبيبي هو مين اللي هيكون موجود دول العيله علشان خطري خليني البسه
غسان :اقسم بالله ما نتي لبسه وكلمه زياده مفيش مرواح اي حتي
نور بغيظ:غيور اووف
غسان قبل خدها :متتأخريش ولو الفستان ضيق متنزليش بيه علشان ردي هيبقي عملي واخلصي يلا وقللي الميكب احنا مش ريحين حفله ونزل
نور :همو*ت منه وربنا في انسان بغير بطريقة دي اكيد اللي عمل الطابق منه معملش اتنين ودخلت اخدت شور
…………………..
غسان :ياجدع اخلصو كل دا ولسه مخلصتوش
عمر :يا عم احنا مخلصين بقالنا ساعه احنا مستنينك انت ومراتك
غسان :خلاص هنزل اهي
…………………
في منزل سكينه
كانوا البنات في غاية الروعه والجمال مع الميكب السمبل اللي حطينه والفساتين الرقيه اللي لبسنها
سكينه بدموع:هعيش لوحدي خلاص البيت هيفضي عليا
نورهان بدموع:احنا جنبك يا سوسو طول عمرنا
سكينه حضنتها:مقدرش أعيش من غيركو يا بنات انتو معوضني عن نور
نسمه :اسمعوا بقي انا مش عوزه نكد خالص علشان النهارده هحدد فرحي ها انا قولت اهو
ضحكو نورهان وسكينه علي منظرها
……………
في منزل منير
منير :شرف مراتك فين يا غسان خلينا نمشي هنتأخر
لم يكملوا الكلمه وسمعو طرقات الكعب علي درجات السلم وجدو حوريه نزله من السما تتمايل بخصرها و بفستانها الجميل
غسان في نفسه :يخربيت ام جمالك هو في كدا
نور :اسفه لو اخرتكو
كانوا في صدمه من جمالها والاخص زوجها
نور :غسان يلا
غسان بضحك :اسبقونا يا جماعه
منير :يلا يا غسان وبطل غلبه خلينا نعدي اليوم
غسان تنا دراعه :فالتتقدم مولاتي
نور بحب مسكت ايده ونفين حملت عاصي ونزلو اتجه لبيت سكينه
(معلومه )
سكينه اخدت البنات من يوم رجوع غسان وقاسم من الكتيبه ورجعو بيتها القديم في القاهره ووافق غسان بسبب اصرارها
…………………….
عمر اخد انتصار ومشو بالعربيه بتاعته
وقاسم اهد نفين ومنير و عاصي ومشي
وغسان اخد نور واسر اللي مرضاش يروح غير معاه ومشو اتجه الي منزل سكينه
إللي عاوز يوصله اشعار بتكملة الروايه يعمل إنضمام من هنا
