رواية جوازي من ابو جوزي الحلقه الثالثه بقلم هويدا زغلول
 |
رواية جوازي من ابو جوزي الحلقه الثالثه بقلم هويدا زغلول
وانا بحمد ربنا ان كنت لابسه هدومي وقاعده
في الصاله واول لما شوفت كده قولت
منال
اي ده انت ازاي تدخل شقتي من غير ما تخبط
وبعدين هو جه وقف جمبي وقالي
سالم
ههه حلوه شقتي دي شقه مين يا ماما
هو انتي مش سمعتي أن مراتي قالت
انها كاتبه الشقه دي ب اسمي
منال
ولو مش من حقك تدخل الشقه بالطريقه
دي وكلامك ما ياسر وانا هشوف
بقي هيعمل اي لما يعرف انك دخلت الشقه
بالطريقه دي
سالم
برضه هتقول شقتي يا بنتي الشقه دي
بتاعتي و دول ناس جاين يشوفها علشان
ناوي أجرها ، وانا اتعصبت وقولت
منال
اطلعوا برا لاحسن والله ما تعرفوا أنا
هعمل فيكم اي دلوقتي امشي وبعدها
الناس نزلت وبعدها سالم قالي
سالم
ماشي أنا ماشي دلوقتي وبعدين هنشوف
اللي حصل ده حصل ازاي سلام يا حلوه
وبعدها نزل وانا كنت اتصلت ب ياسر وجه وانا
قولت ليه
منال
كويس انك جيت شوفت اللي حصل جوز
امك جاب ناس تاجر الشقه وانا مكنتش عارفه
اعمل اي
ياسر
وازاي تفتحي ليه الشقه وانا مش موجود
يعني يا منال
منال
أنا مش فتحت ليه الشقه والله هو
معاه مفتاح ودخل الشقه بدون إذن
ارجوك انا عايزه امشي من هنا
ياسر
امشي اروح فين جمال كان مكلمني علشان
يقولي أن أنا اترفد من الشغل يعني أنا معيش
اي فلوس ، وطبعا انا كنت مصدومه
من كلامه وقولت
.
منال
معقول طيب احنا هنعمل اي دلوقتي
يا حبيبي ياربي ليه كل ده يحصل لينا في وقت
واحد
ياسر
أنا بكره هدور علي شغل بس معلش استحملي
معايا الفتره دي ، وانا قولت ليه
منال
ماشي بس هنعمل اي بقولك امك خالص
هترمينا في الشارع ، وفي الوقت ده
دخلت حماتي وقالت
حماتي
أنا عمري ما اعمل كده في ابني حبيبي
هو أنا ليا غيرو وانا بصينا ليها وكنا ساكتين
وبعدين قالت أنا مش كنت بتسنط والله
انتو اللي كان صوتكم عالي اوي
ياسر
ارجوكي يا ماما سبينا في الشقه عقبال
بس لما القي شغل أنا مش عارف انا هتصرف
ازاي الفتره دي ،وهي قالت ليه
حماتي
بس بس يا قلب امك هو انا ممكن اعمل
حاجه تاذيك بس سالم خالص أتفق معاه
الناس ويعتبر اجر الشقه
ياسر
أنا ممكن اديكي الايجار بس سبيني
شهر واحد
حماتي
انت محتاج كل قرش يا حبيبي الفتره
دي اسمع يا واد انت هتيجي تقعد معايا
تحت اه اسمك برضه تكون جمبي وفي نفس
الوقت مكنش زعلت مني سالم ، وانا قولت ليها
منال
هنقعد فين يا حماتي انتي شقتك اوضتين
وصاله
حماتي
مانتي قولتي اهو اوضتين اوضه ليا
أنا وسالم واوضه ليكي انتي وابني .حبيبي
، وكنت فاكره أن ياسر هيقولها لا بس لقيته
بيقول
ياسر
ارجوكي وافقي يا منال انا مش عارف
افكر خالص
منال
طيب حتي لو وافقت عفشي ده هودي فين
مش هينفع يكون في الشقه تحت ، ولقيت
حماتي بتقولي
حماتي
خلي في الشقه هنا واجري الشقه مفروش
اهو تجيب لينا سعر اعلي واصرف علي
البيت تحت انتي ناسيه أن أنا اللي هصرف اكل
وشرب تحت حتى بكده تكونوا دفعتم كمان اكلكم ، والصدمه لما ياسر قال
ياسر
انا موافق يا ماما على اللي انتي بتقوليه ولقيته بيبص ليا وقالي واوعدك يا منال هاجيب ليكي عفش جديد لما ننقل في شقه جديده الاقي بس شغل واقدر اعتمد على نفسي انت ما تعرفيش موضوع الشغل ده ماثر
فيا ازاي ،وانا علشان كنت بحب ياسر وافقت
ونزلت وتاني يوم كنت في المطبخ ودخل سالم
سالم
ما تعملي ليا كوبيا شاي من ايدك الحلوه
دي يا عروسه ، وكانت طريقه كلامه بتخنقني
وقولت
منال
بطل كلمه عروسه اللي عامل تقولها دي و
بعدين يعني ما مراتك عندك ما تعمل ليك
سالم
تصدقي أنا كلت من ايدك مره مش قادر
انسي حلاوه الاكل هي بتعمل ليا
الحاجه ببقي عايز اروح اعمل غسيل معده
، وانا غصب عني ضحكت علي كلمته وبعدها
دخل ياسر وقال
ياسر
انت بتعمل اي هنا.وانتي يا منال وافقه
عندك بتعملي اي وبعدها منال ردت وقالت
منال
ابدا يا حبيبي انا بعمل الغدا ، ولقيت ياسر
جه جمبي وقال
ياسر
مش لسه بدري علي الغدا ولا اي ، وفي الوقت
ده سالم قال
سالم
خالص بقي طلما تعملي الاكل سكي
علي الشاي نخلي بعد الغدا ، وبعدها خرج
ولقيت ياسر بص ليا نظره كلها غيظ وقال
ياسر
قال ليكي اي خلاكي تضحكي اوي كده
وبعدين انتي مالك ومالو وافقه معاه ليه
منال
هو فيه اي والله انا اصلا مش طايقه وقال كلمه
غصب عني ضحكت معلش انا اسفه
ياسر
أنا مش هسكت الا لما اعرف قالك اي ردي
عليا ، ولقيته بيعلي صوته وقولت
منال
وطي صوتك وبلاش تكلمني كده انت
فاهم أنا زهقت مش كفايه عايشه مع مامتك
في شقه واحده اوعي كده من وشي ، وبعدها
خرجت وفي اوضه حماتي سالم دخل وهي
قالت
حماتي
هو فيه اي مين اللي بيزعق برا ده اوعي يكون
يا حبيبي حد عصبك ولا حاجه ، وهو راح قعد
جنبها عالسرير وقال
سالم
خلي يحكمها البت شكلها عينها مني
ولا اي عامله تبص ليا كده نظرات غريبه
وهي انصدمت لما سمعت كده وقالت
حماتي
مين دي والله ليكون اخر يوم ليها
هنا هو فيه اي
سالم
اهدي بس خلينا نفكر بعقل هنعمل اي
هي فعلا لازم تمشي بس بالعقل ، وفي
يوم ياسر نزل يدور علي شغل ولقيت
سالم خبط علي الباب وقال
سالم
حماتك كانت عايزكي تعملي كوبيا شاي
أنا عملتها ليها بس روحي انتي وديها ، وانا
استغربت وقولت
منال
اشمعنى انا يعني مش خلاص انت عملتها ما تروح تديها ليها ، وهو قالي
سالم
وطي صوتك بس انا عملتها دي عشان مش عايزه اتعبك بس هي لو عرفت ان انا عملت كده هتكلمك انتي وديها ليها ومش عايزين مشاكل معها بقى ، وانا مش غبائي عملت كده والشاي
كان فيه منوم وبعدها حصل
