رواية حور والافاعي البارت الحادي عشر حتي البارت العشرون بقلم منال عباس
 |
سكريبت 11
فى حفل زفاف رزان ومنذر ..كان فارس يبحث بانظاره على حور .على أمل أن يجدها وجد نظرات الموجودين مصوبه فى اتجاه واحد ..لينظر هو الآخر ليجدها حور ..حيث كانت رائعه الجمال وتسرق الأنظار بمظهرها الأنيق ..
لم يتحمل فارس نظرات الجميع لها وكأنها شئ يخصه ..ليذهب إليها بدون تفكير متناسيا ما فعله بها ..
فارس : انتى واقفه كدا ليه عاجبك اوووى نظرات الناس ليكى ..
حور بخوف منه : عايز منى ايه ..حرام عليك سيبنى فى حالى ...
ليأتى أحد الضيوف يطلبها كى ترقص معه
ليرد عليه فارس قبلها ...الآنسه تبقي خطيبتى
حور باستغراب :ايه
يعتذر الضيف ويذهب
حور : انت بجد انسان غريب ...انا مش فاهمه كل ما اروح مكان تطلعلى فيه ....وايه خطيبتك دى كمان ....
فارس : مش عايز اسمع كلمه منك ..ونطقتى كلمه زياده ...اعتبرى الفرح دا منتهى وانتى هتكونى السبب..
نظرت له حور بغيظ وذهبت إلى التراس
فارس : انا مش عارف بتصرف كدا ازاى انتى بتخرجينى عن شعورى يا حور ...
دخل وراءها وجدها تجلس والدموع تملأ عينيها
وما أن اقترب حتى خافت وانكمشت فى نفسها خوفا منه فهو دائما يعاقبها على ذنب لا تعرفه ...
فارس وهو يحاول أن يتمالك أعصابه ...
فارس : تحبي ترقصى ؟
حور : فتحت فمها باستغراب لحديثه
فارس : انطقى ..تحبي ترقصى
حور : اه ..لا
فارس : اه ولا لأ
حور : مش عارفه
اقترب منها وأخرج منديل من جيبه ومسح دموعها
ثم اقترب من شفتيها ومسح الروج من عليه
فارس وهو ينظر فى عيونها : شكلك كدا احسن
كانت حور تشعر بضربات قلبها تتزايد من شده اقترابه منها
أمسك فارس يدها وقربها إلى صدره العريض وبدأ سويا يتراقصان ...لم يشعرا الاثنان بالوقت ولا المكان فكلاهما متشبث بالآخر دون حديث
وكأن القلب ينقل نبضاته منهما للآخر .....
ليقطع ذلك الصمت جاكلين
جاكلين : اوووبس ..فارس بيه هنا فى الفرح
وكانت نظراتها مصوبه على حور
حيث شعرت حور بالاحراج وابتعدت عنه ولكن يد فارس جذبتها من خصرها اليه
فارس : عايزة حاجه يا جاكلين
جاكلين : لا ابدا خليك على راحتك وخرجت
جاكلين : وايه دى كمان ..كدا الموضوع مش هيخلص ولازم اكلم سحر
اتصلت جاكلين على سحر
سحر : الو هاى جاكى ايه الاخبار عندك
جاكلين : مش زى ما انتى متخيله ..تقريبا كدا فارس فى واحده جديده فى حياته ...
سحر : نعم يا اختى ..انا ما صدقت خلصت من قصه ولاء وأنها هى اللى بتبعد واحده مين تانى
جاكلين : بنت مصريه ..ظهرت هنا من فترة ..
سحر : وانتى وباسل قاعدين بتعملوا ايه
انا بدفع ليكم كل شهر ...اتصرفي واعرفي مين دى وعايزة ايه من فارس...انا اسبوع هخلص الصفقه فى باريس وهرجع كندا
جاكلين : تمام حبيبتى ..عموما اطمنى هنظبط كل حاجه على ما ترجعى ..
سحر : اما اشوف ..سلام
أغلقت جاكى معها الخط وهى تفكر
والله الواد فارس دا ما ينفعه غير واحده غيرى
بس يلا مش مشكله اسيبهم كلهم يموتوا بعضهم عليه واخدوا انا فى الاخر وضحكت ضحكه خبيثه ..
عند مروان
بينما يجلس مروان بجانب يمنى وهو حزين فقد تسرع فى الحكم عليها فهو يعلم جيدا اخلاقها ...ويعلم أن فارس لم يخونه ولكن الغضب اعماه..وقرر أن ينتقم من الشخص الذى فعل بهم هكذا ...
نزلت دموعه على يمنى الممده على السرير دون حراك ..
مروان : قومى يا يمنى ..سامحينى انا مقدرش اعيش من غيرك ...يارب نجيها يارب مش عارف اعيش من غيرها ..
لتهتز يد يمنى فى يده يفتح عينيه وينظر إليها ليجدها تفتح عيونها ببطئ
قام مروان بسرعه واحتضنها
مروان : يمنى حبيبتى..انا مروان انا حبيبك ..انا معاكى .
يمنى بصوت متقطع : انا فين
مروان : حبيبتى ثوانى اجيب دكتور وذهب بسرعه للبحث عن الطبيب
هناء : بتجرى ليه يا مروان يمنى فيها حاجه
مروان : يمنى فاقت يا عمتو
هناء بفرحه : اللهم لك الحمد
وذهبت لحجرة ابنتها
احضر مروان الطبيب الذى عاين يمنى
وكتب لها بعض المقويات والراحه التامه لمدة يومين حتى لا يحدث مضاعفات
هناء : كدا يا يمنى توجعى قلبي عليكى ..
مروان : خلاص يا عمتو مش وقته ..المهم انها رجعت لينا بالسلامه
ثم اقترب من يمني وامسك يدها
مروان بحب : حمدالله على سلامتك حبيبتي...
يمنى وهى تتذكر ما حدث
يمنى : انا مظلومه يا مروان ولم تكمل حيث وضع مروان اصبعيه على فمها ..
مروان : هشششششش ما تتكلميش فى حاجه المهم انك ترجعلك صحتك ..علشان نتجوز انا مقدرش اعيش من غيرك انتى فاهمه ..
يمنى بابتسامه : حاضر
فى فيلا أميرة
تجلس أميرة تنظر إلى الفون
أميرة : اخص عليكى يا حور معقول سيبانى كل دا من غير ولا كلمه تطمن قلبي ....
ليرن هاتفها تفتح بسرعه دون أن تركز في الرقم
أميرة بلهفه : ايوا يا حور
مراد : آسف انا مراد
أميرة : معلش يا مراد بيه اصل حور لسه ما اتصلتش..
مراد : اطمنى ..انا هجيلك دلوقتى وأشوف اى طريقه نوصل بيها ليها ..ابنى فى نفس المكان وهحاول اخليه يوصل ليها بأى طريقه
أميرة : كدا هتعبك معايا
مراد : تعبك راحه ..حضرى القهوة انا دقائق واكون عندك ..
أميرة : توصل بالسلامه
عند حور
تذهب حور الى العروسان وتبارك لهما
حور : الف مبروك يا روز ..مبروك يا استاذ منذر
العروسان الله يبارك فيكى عقبالك ان شالله
ليرد صديق منذر
حسام : مش تعرفونى بالانسه شكلى هحصلك يا منذر وهو ينظر ل حور بانبهار
يرد عليه فارس
فارس : ربنا يوعدك بس حور مخطوبه وتبقي خطيبتى ابقي فكرنى يا منذر نعزم الاخ فى فرحى
منذر : اه اكيد الف مبروك
تقف حور صامته : فهى لا تفهم هذا الشخص المتقلب المزاج
يستأذنهم فارس ويأخذ حور بعيد عنهم
حور : ليه بتقول كدا
فارس : علشان انتى عجبتينى
حور : يعنى ايه عجبتك هو انا لعبه ولا ايه
فارس : لا انتى حوريه اسم على مسمى وما تسأليش كتير لانى مش بعرف اجمل الكلام ...
حور : ومين قالك انى موافقه علشان تقول خطيبتك ..
فارس : حور بلاش جدال واجلى الكلام دا لوقت تانى
المهم بقي ممكن اعرف انتى كنتى فين اليومين اللى فاتوا لم ترد وذلك لرنين فون فارس بمكالمه فيديو ..
اخذها فارس مرة أخرى إلى التراس بعيد عن الازعاج
وفتح المكالمه .كان الفضول يتملكها كى ترى من يحدثها ولاحظ ذلك فارس وابتسم
فارس : حبيبي الغالى ..اخبارك
مراد : الحمد لله ..انا بخير ..طمنى عليك وعلى شغلك ...
فارس : كله تمام ...شكلك رجعت الفيلا اللى بتحبها .
مراد : بعدين نتكلم فى الموضوع دا ..انا هنا مدام أميرة ...وكنت عايزك تساعدها ..
فارس : اه ..اكيد
أميرة : ازيك يا ابنى ..معلش هتعبك معايا
فارس : لا ابدا ..اتفضلى
سمعت حور صوت والدتها فاقتربت بسرعه من الهاتف لتظهر على المكالمه
أميرة باندهاش : حور
حور : ماما حبيبتي فيكى ايه
مراد :معقول يا بنتى ما تكلميش والدتك كل الايام دى هتتجنن عليكى
حور باحراج : اسفه والله حصل ليا ظروفى غريبه ..بس انا كويسه
فارس بضحك : هى دى بنتك يا طنط
أميرة : أيوة يا ابنى حور بنتى طيبه خلى بالك منها
فارس : طب وصيها عليا دى مطلعه عينى
مراد : والله فرحتنى يا فارس انك تعرف بنت الناس الطيبين دووول ..
فارس : طب فرصه واحنا متجمعين عايز اطلب ايد حور بعد اذنك يا بابا واذن طنط
لتقف حور فاتحه العينين من كثرة المفاجئات
حور بغصه فى قلبها : مش هينفع يا فارس
فقد تذكرت ولاء وابنتها وكيف وثقت ولاء بها وجعلتها صديقتها المقربة ...
ولكن مع الاصوات العاليه والزغاريد من أميرة من شده فرحتها ..لم يسمع أحد رد حور
بعد تهنئه كل من مراد وأميرة لهما اغلق فارس الهاتف
ونظر إلى حور نظرات كلها حب ..
فارس : دلوقتى طلبتك رسمى ..واسمك هيلازم اسمى يا حور الفارس
وقفت حور صامته فقد وعدت صديقتها بالاحتفاظ بسرها ...كما أنها لا تريد أن تحزن والدتها وقررت الذهاب إلى .........
#حور_والأفاعى بقلم #منال_عباس
سكريبت 12
وقف فارس ينظر إلى حور بنظرات كلها حب
فارس : دلوقتى طلبتك رسمى واسمك هيلازم اسمى يا حور الفارس ...وقفت حور صامته فقد وعدت صديقتها بالاحتفاظ بسرها ..كما أنها لا تريد أن تحزن والدتها ..وقررت الذهاب الى ولاء
فارس باستغراب : حور انتى ماشيه وانا معاكى !!
حور : حاسه بتعب وعايزة اروح
فارس بخضه : مالك حبيبتى ..حاسه بايه
استغربت حور تغيره وخوفه عليها ....
حور : حبيبتك !!!
فارس : عارف انك مستغربه ..بس سيبى الايام تثبتلك ...المهم من اللحظه دى مش هينفع تقعدى فى المكان لوحدك ..انا عندى الفيلا كبيرة اختارى اى اوضه تناسبك واوعدك هتكون ليكى كل الخصوصيه اللى هتحتاجيها
حور بتسرع : مش هينفع علشان البنت
فارس : بنت !!! ...بنت مين
حور : اقصد البنت ..اللى ووقفت لا تدرى ماذا تقول ..
فارس : حور هو فى حاجه انا معرفهاش ..؟
حور بتوتر : اصل انا بشتغل وبراعى طفله صغيرة
فارس : ايه المشكله ..اتصلى اعتذرى انتى مش محتاجه شغل ..
حور : بس انا اخدت مرتب الشهر مقدما ..فاكر لما جيت زورتنى واخدت الفلوس اللى كانت على السرير ورميتهم فى وشي دا كان مرتب الشهر
شعر فارس بالاحراج من نفسه فلقد أساء الظن وقتها به
فارس : آسف يا حور اتمنى تنسي اللى فات ونبدا صفحه جديده
وبالنسبه للمرتب شوفى كان كام وانا اروح ارجعه ليها ..
حور : بس انا وعدتها
فارس بزهق وصوت عالى : حوووووور قولت مفيش شغل خلاص
من الصبح تكلميها وتعتذرى
ويلا نروح
خافت حور اكمال الحوار فهى تخاف أن يعرف أن تلك السيده هى ولاء وقررت الصمت
ذهبت حور هى وفارس وباركوا للعروسين مرة أخرى وغادروا المكان
وجدت فارس يفتح لها باب السيارة وكأنها ملكه
ابتسمت له
وقاد السيارة
حور : احنا رايحين فين
فارس هتعرفي حالا واستمر في القياده دون حديث ...
عند أميرة
مراد : مبروك يا أميرة
أميرة بفرحه : انا مش مصدقه اللى حصل
معقول بنتى وابنك يعرفوا بعض وكمان يطلب أيدها ..صدفه ولا الخيال
مراد : ربنا بيجمع القلوب يا أميرة ثم نظر إليها فكم كانت رائعه الجمال بالرغم من سنها ولكنها تبدو كفتاة فى الثلاثينات
مراد : اللى يشوفك يا أميرة ما يصدقش ابدا انك عندك بنت فى الجامعه
أميرة بخجل : حور هى عوض ربنا ليا واللى طلعت بيها من الدنيا دى
مراد : عارفه يا أميرة فارس طول عمره بيرفض الجواز لما فقدت الامل في أنه يتزوج ..بس واضح أنه واقع لشوشته ...بنتك قلبت كيانه
أميرة : ربنا يسعدهم
مراد وهو يحاول أن يعبر عن ما يشعر
مراد : ويسعدك يا أميرة
أميرة : تحب تتعشي معايا
مراد بفرحه : اه اكيد ..واسمحيلى اساعدك كمان
أميرة : انا اعرف ان البشاوات اللى زيك كدا عندهم الخدم ازاى بس تساعدنى
مراد : لانى بحس أنى بس عايش في الوقت اللى بكون معاكى فيه يا أميرة ..واتمنى تكونى حاسه باللى جوايا
أميرة وصدرها بدأ فى الارتفاع هبوطا وصعودا
أميرة : طب يلا على المطبخ
مراد بفرحه : يلا بينا
انا منال ( الحب مالوش سن ولا زمان ولا مكان الحب احساس جميل زى الهوا المنعش اللى بيجدد طاقتنا ..بتنسي الدنيا كلها فى وجود الحبيب هيييييح بقي نسيبهم يحضروا العشا اتمنى من غير بصل يا أميرة 🤣🤣 )
يصل فارس أمام المستشفى
حور باستغراب : انت تعبان
فارس : اه
حور بتلقائيه وضعت يده على جبينه لترى حرارته
حور : بس انت مش سخن
ليمسك فارس يدها بين شفتيه
وبصوت هامس بحبك ثم يقبل يدها
ارتجفت حور من رده فعله وجذبت يدها بسرعه
حور : قليل الادب
فارس بضحكه عاليه : ليه بس دا انا مسكين
ثم اخذها ودخلوا المستشفى
لتجد نفسها أمام حجرة
حور : فهمنى احنا هنا علشان ايه
فارس : ادخلى وهتعرفى ..ثم طرق الباب
ليفتح له مروان
مروان : فارس اتفضل
دخل فارس وهو ممسك بيد حور
وجدت حور يمنى نائمه على السرير
حور بخضه : يمنى حبيبتى ..مالك فيكى ايه واحتضنتها
يمنى : حور ..عرفتى ازاى انى هنا
فارس : انا اللى عرفتها ..وعلى فكرة ..انا خطبت حور
وقف مروان ينظر باستغراب
يمنى : الف مبروك حبيبتي
جلس الجميع وبدأ فارس يقص كل شئ على حور
وبدأ يوضح ظنه فى جاكلين وان ورائها سر يريد معرفته
واسترجعوا الصور ..مع الرساله على فون يمنى
حتى اتفق الاربعه عن البحث على الحقيقه ...
فارس : المهم قولى يا مروان قررتوا الفرح امتى
مروان : بس يمنى تسترد صحتها وان شاء الله الفرح بعدها
فارس : يبقي الكام يوم دوول مش عايزين حد يعرف انكم اتصالحتوا ..هما كان هدفهم أنهم يفرقوا بينا ...وانا من الصبح ليا طريقتى مع جاكلين
مروان : تمام اتفقنا ..
استاذنهم فارس وأخذ حور وغادرا
اقتربت الساعه إلى منتصف الليل ..فلم تشعر بنفسها حتى نامت حور كالطفله فى السيارة
كان فارس ينظر إليها وهو يبتسم ..فلم يرى فى حياته جمال ورقه بهذا الشكل ..حتى وصل أمام الفيلا ..
فتح السيارة وحملها كالطفله المدلله لأبيها
ودخل بها الفيلا
كان جميع الخدم نائمين ..ولا يوجد احد منهم كى يرتب حجرة لها
فحملها إلى حجرته ووضعها في سريره
رغبته بها جعلته لم يتحمل النظر لها اكثر من ذلك
فخاف عليها من نفسه ...
فأخذ منوم حتى لا يتهور ونام بجانبها ....
عند ولاء
ولاء : يا ترى فيكى ايه يا حور ..اتاخرتى اوووى
وظلت تتصل على رقم حور ..ولكن فون حور كان خارج الخدمه لانتهاء الشحن به
ولاء : معقول تعبت ..كانت تشعر بالقلق ..ولا تدرى ماذا تفعل ....
فى المطبخ عند أميرة
تقوم أميرة بتحضير البيتزا ويساعدها مراد بكل حب ...ليأتى بعض الدقيق على انفها يقترب منها مراد ويزيح بيديه بعض الخصلات المتمرده من شعرها ..ثم يمسح عن انفها الدقيق
تقف أميرة متسمرة من لمساته
ثم تتحدث بصوت متقطع
أميرة : اللى بيحصل دا غلط
مراد : ايه الغلط يا أميرة
أميرة : انا ست وانت راجل ..ما ينفعش نكون لوحدنا
مراد : تتجوزينى يا أميرة
أميرة : اتجوزك !!!
مراد : ايوا يا أميرة ..انتى لسه صغيرة ..وبنتك ماشاء الله كبرت وهيبقي ليها حياتها ..وانا زى ما انتى شايفه ..عايش وحيد ..
وافقى يا أميرة وتعالى نكمل عمرنا سوا
أميرة : انت عايز الناس يقولوا عليا ايه ..انى استغليت عطفك علينا
مراد : انا ماليش دعوة بالناس ..انا معجب بيكى واتمنى انك توافقى
أميرة : بس .. ليقاطعها مراد
مراد : مابسش ...قولى موافقه ..واوعدك هعوضك عن الدنيا كلها
أميرة : اخاف من كلام الناس ..وبنتى تزعل منى
مراد : مش عايزك تخافى من اى حاجه في الدنيا طول ما انا عايش ..وبنتك هتتمنى ليكى الخير
قولى موافقه ومن الصبح هيكون المأذون هنا
أميرة : طب سيبنى اتكلم مع بنتى الاول
مراد بفرحه : افهم من كدا أن دى موافقه مبدئيه
أميرة بخجل : يوووه وبعدين معاك
مراد : بحبك ...وهسيبك دلوقتى وبكرة الصبح هجيلك اسمع رايك ..وتركها وغادر
لتقف أميرة وهى تنظر إلى ظله الذى يختفى
أميرة : مش انت لوحدك اللى محتاجنى ..انا كمان محتجالك يا مراااد
يمر الليل على ابطالنا ليأتى الصباح حيث تشرق الشمس وتدخل من النافذه
تفتح حور عينيها ببطئ لتجد نفسها فى أحضان ..
#حور_والأفاعى بقلم #منال_عباس
سكريبت 13
بعد مرور الليل على ابطالنا يأتى الصباح المشرق
حيث تدخل الشمس من النافذه ..تفتح حور عينيها
ببطئ لتجد نفسها فى أحضان فارس..
تبتعد حور بسرعه ...ليستيقظ فارس
حور بخضه : احنا هنا سوا ازاى ..احنا اتفقنا ..ليضع فارس يده على فمها ويبتسم
فارس : أهدى يا بنتى هتفضحينا ...كل الحكايه انك كنتى نائمه والوقت متأخر ومفيش حد يجهز ليكى الاوضه ...ما تقلقيش أنا نمت جنبك زى اختك بالظبط وغمز لها بعينه ...
ابتسمت له حور لطريقته
فارس : بس قوليلى يا حور ...
حور : نعم
فارس : انتى حلوة اوووى كدا ليه ...اول مرة افتح عنيا وأشوف القمر جنبي
حور بكسوف : وبعدين معاك بقي .. ويلا قوم أخرج علشان اغير هدومى..
فارس : ماشي يا حور ..طب مش محتاجه مساعده كدا ولا كدا
لتضحك حور وتقوم وتجذبه لخارج الغرفه وتغلق الباب وقلبها ينتفض من الفرحه ..فوجود ذلك الفارس يجعلها تشعر بالسعادة ..
وفجأة تذكرت ولاء
حور : اوبس ...ولاء ...زمانها قلقانه .وفونى على الحظ كان فصل .. وقررت وضع الفون على الشاحن حتى تنتهى من أخذ شاور سريع ...
خرجت حور من الحمام وهى تلف شعرها الطويل بالمنشفه وترتدى برنس الحمام فكانت تبدو قمه فى الجمال ..جلست على حافه السرير وامسكت الفون واتصلت على ولاء
ولاء : الو ...اخيرا يا حور قلقتينى عليكى
حور : حقك عليا ..حصل حاجات كتير ...عمرى ما توقعتها ...
ولاء : خير حبيبتي ..انتى كويسه ؟
حور : اطمنى حبيبتى ..انا كويسه ...
ولاء : الحمد لله ..المهم انتى فين ؟
ارتبكت حور ..لسماعها صوت فارس ينادى عليها
حور : هقفل دلوقتى واكلمك تانى ..سلامى للوجى وأغلقت الهاتف...
وقامت بفتح الباب ..لتجد فارس معه ترابيزة عليها الإفطار
حور : مين حضر الفطار دا كله
فارس : اكيد مش انا
حور : ما انا بقول كدا برضو
نظر فارس وخصلات من شعرها ينزل منها الماء على وجهها فكانت تبدو مثيرة ..
فارس وهو يبلع ريقه ..يلا نفطر الأكل دا بدل ما أكلك وانتى حلوة كدا ..
حور بضحك : يلا بينا
جلسا سويا وتناولا الإفطار فكان فارس يتحدث بكلمات تضحكها كثيرا ..فقلبه يسعد بضحكاتها الجميله ...
حور : هقوم بقي علشان اغير هدومى علشان اروح البيت ابدل الملابس بملابس تناسب الجامعه
فارس : اوك ..يلا بينا
حور : يلا بينا ازاى ..هو انت مش عندك شغل
فارس : انتى اهم يا حور ويلا علشان ما نتأخرش
وتركها وخرج
حور بتنهيده : معقول الاقى الاهتمام ومن مين منك انت يا فارس ..اى بنت تتمنى كلمه منك ...
قامت وارتدت ملابسها ونزلت للاسفل
اخذها فارس فى سيارته وقاد إلى محل سكنها
حيث صعدت حور بسرعه واستبدلت ملابسها ووضعت القليل من مساحيق التجميل ونزلت للاسفل.وجدت فارس فى انتظارها
نظر لها فارس بانبهار
فارس : ايه الجمال دا
حور : انت مبالغ اوووى ..بقي كل البنات اللى بتشوفها هنا وتقولى كدا ..
فارس : لا فى فرق كبير انتى جمالك طبيعى غير روحك الحلوة وتواضعك يا حور
ابتسمت له حور
حور : طب يلا بينا .وانطلق بها الى الجامعه ..
فارس : هتخلصى امتى علشان اجيلك
حور : مفيش داعى تتعب نفسك ..انا هاخد تاكسي علشان اروح الشغل
فارس : احنا قولنا ايه فى موضوع الشغل دا
حور : ادينى بس يومين أرتب معاها على ما تلاقى بديل عنى
فارس : اوك تمام ..بس يومين مش اكتر يا حور
حور : اتفقنا
ودعها فارس وغادر إلى عمله
اما حور فدخلت الجامعه ..
عند أميرة
تستيقظ أميرة على صوت رنين الهاتف
أميرة : الو
مراد : صباح الخير على اجمل أميرة فى الدنيا
أميرة : صباح الخير مراد باشا
مراد : ايه باشا دى ..قولى مراد بس يا أميرة
أميرة بخجل : ما يصحش ..
مراد. : ازعل منك كدا ...اسمى مراد ..اسمى ايه ؟
أميرة بخجل وصوت هادئ : مراد
مراد : الله ..اول مرة اعرف ان اسمى حلو كدا
اميرة : وبعدين معاك
مراد : اعمل ايه ..انتى جننتينى ..المهم قوليلى عملتى ايه فى موضوعنا
أميرة : هو انا لحقت
مراد : كنت عارف ..وعلشان كدا انا هرتب للموضوع بطريقه تانيه ..
المهم جهزى نفسك هفوت عليكى كمان ساعه
أميرة : ليه ؟؟
مراد : كدا هتحرقي المفاجئة
أميرة : قولى بجد فى ايه
مراد : هاخدك علشان اعملك باسبور للسفر
أميرة : سفر !!! سفر فين
مراد : انا سهل اسافر اى دوله وهعملك جواز السفر وهكتبلك انك السكرتيرة ليا علشان نقدر نسافر زيارة ل كندا ..مش عايزة تزورى حور
أميرة بفرحه : ياريت نفسي طبعا
مراد : طيب اعملى حسابك هجهز الورق وكل حاجه ونسافر بعد يومين ..وهناك ناخد رأى الاولاد وافسحك شويه
أميرة وقد شعرت كم عوضها الله بوجود مراد فى حياتها شكرته ..انا بجد مش عارفه اشكرك ازاي
مراد : انك تكملى حياتك معايا يا أميرة
أميرة : ربنا يقدم اللى فيه الخير
مراد : أن شاء الله ..اسيبك تجهزى وهعدى عليكى بعد ساعه ..
أميرة : توصل بالسلامه .وأغلقت الهاتف وهى سعيده بكل ما يحدث معها ...
عند ولاء
تجلس ولاء وهى تطعم ابنتها ..ليرن جرس الباب
ولاء بفرحه اكيد دى حور وقامت بسرعه بفتح الباب
لتجد جاكلين وباسل
ولاء بخيبه امل : اتفضلوا
جاكلين : مالك خاسه اوووى ليه كدا
ولاء : تعبانه شويه
باسل : لا شدى حيلك ..انتى الفترة دى ضيعتى على نفسك عمولات كتيرة ...
ولاء : نصيب بقي ..المهم تشربوا ايه
باسل : احنا عايزينك فى شغل جديد ..واظن سهل تنفذيه ..
ولاء : شغل ايه ....
باسل : فارس
ولاء بمقاطعه : ماله فارس ..فى ايه
جاكلين : أهدى كدا واسمعى بس الحكايه
كل الحكايه .أن فى بنت مصريه ظهرت الفترة دى ..وشكل فارس مشغول بيها غير اى واحده قربت منه
ولاء : وانا ايه دخلى فى حاجه زى دى
جاكلين وهى تنظر إلى لوجى : دخلك كتير
عايزينك تطفشي البنت دى وتعرفيها أن لو قربت من فارس مصيرها هيبقي زيك ..هياخدك لحم ويرميكى عضم ..
ولاء : انتم عايزينى استغل بنتى ..علشان خاطركم
باسل : ما كله بحسابه ...
ولاء : انت عارف .أن موضوع بنتى مش عايزة حد يعرفه ..فكروا فى اى طريقه غير كدا
ثم هيفرق معاكوا ايه أن كان فارس بيحب البنت دى ولا لأ ..
جاكلين : سحر ..عايزة فارس ليها .وهتدفع كتير
ولاء : مش هقدر ....فارس لو عرف هياخد منى البنت ارجوكم ابعدونى عن الموضوع دا
...
جاكلين : خلاص ما تقلقيش ..ثم غمزت إلى باسل واكملت حديثها
خلاص يا باسل ..ولاء برضو صديقتنا ..ومش هنجبرها على حاجه ...
باسل : طب حضرى الفطار انا جعان ولا انتى بخيله ..
ولاء : لا ازاى .دقائق والفطار يكون جاهز ودخلت لتحضيره ....
جاكلين : ايه رايك هنتصرف ازاى
باسل بصوت منخفض : ايه رايك وأخرج زجاجه منوم
جاكلين : فهمتك .
باسل : المهم البنت تبقي معانا النهارده ..ونخلص الموضوع دا باقصى سرعه قبل ما سحر ترجع
جاكلين :, تعجبنى
بعد دقائق تحضر ولاء الإفطار على المائده وتدعوهم لتناوله
جاكلين : ممكن تجيبيلى مياه
ولاء : حاضر
وضع باسل المنوم على طبق ولاء وجلس بسرعه
عادت ولاء ومعها المياه
وجلسوا لتناول الإفطار وبعد دقائق
راحت ولاء فى النوم على المائده
حملت جاكلين لوجى وغادرت هى وباسل
وبينما هما فى الاسفل وذهبا للسيارة
كانت حور قد اقتربت من العمارة ورأت لوجى مع ذلك الشخصين ..
استغربت حور ..وظنت أن ولاء أحضرت أسرة لرعايه ابنتها ..قررت الصعود الى ولاء لشرح لها ما حدث...
صعدت إلى الأعلى لتجد الباب مفتوح ....
#حور_والأفاعى بقلم #منال_عباس
سكريبت 14
عند وصول حور بالقرب من العمارة ..شاهدت لوجى مع شخصين ..استغربت حور وظنت أن ولاء أحضرت أسرة لرعايه ابنتها ..قررت الصعود إلى ولاء لشرح لها ما حدث ..صعدت إلى الأعلى لتجد الباب مفتوح..
دخلت الشقه وهى تنادى على ولاء ..وجدتها نائمه ورأسها فوق مائده الطعام ...استغربت منظرها
نادت عليها كثيرا ..ولكنها لم تستيقظ .. انقبض قلبها وبدأت تشعر أن هناك شئ غير مظبوط
فكرت فى فارس
فاتصلت عليه على الفور
فارس : حور حبيبتى ..ازيك
حور وصوتها يرتجف من الخوف : الحقنى يا فارس
فارس بخضه : مالك يا حور فى ايه
حور : مش عارفه اشرح ليك ...تعالى بسرعه ليا على العنوان دا ........
فارس : دا عنوان ولاء ..!! انتى عندك بتعملى ايه
حور : لما هتيجى هتعرف كل حاجه المهم ما تتأخرش..
فارس : مسافه السكه واكون عندك واغلق الهاتف
حاولت حور عده مرة أن تيقظ ولاء دون جدوى
عند يمنى
مروان : حمدالله على سلامتك حبيبتي اخيرا خرجتى من المستشفى ونورتى بيتك
يمنى : الله يسلمك حبيبي...
مروان : عايزك توعدينى مهما يحصل بينا من مشاكل ما تكرريش اللى حصل دا انا كنت هموت عليكى...
يمنى : بعد الشر ..واسفه أنى اتصرفت كدا ...كنت حاسه ان الدنيا سودا فى وشي ...
مروان : معلش ..المهم دا وعد يا يمنى
يمنى : وعد ..أن شاء الله
هناء : يلا يا ولاد الغدا جاهز و طارق منتظركم
مروان : حاضر يا عمتو جايين وراكم
أمسك مروان بيد يمنى ونزلوا للاسفل
جلس الجميع على مائده الغداء
طارق : نورتى مكانك يا يمنى
يمنى : ميرسي يا خالو منور بوجودك
طارق : يلا كدا شدى حيلك عايزين نفرح بيكم
مروان : ايوا يا بابا قولها
هناء : ربنا يسعدكم حبايبي
الجميع : يارب
عند أميرة
كانت أميرة مع مراد حيث انتهوا من إجراءات الباسبور ....وأخذها مراد وتجولوا فى المولات وتناولوا الغداء واستكملوا التجول وشراء هدايا كثيرة لأميرة حيث الوقت الساعه العاشرة مساءا
( طبعا هناك فرق توقيت بين كندا ومصر فى مصر بعد العشاء بساعات أما فى كندا بالقرب من العصر )
أميرة : بجد مش عارفه اشكرك ازاي يا مراد
مراد : ما تقوليش كدا يا اميرة احنا واحد
ويلا يا أميرتى اختارى المكان اللى يعجبك نسهر فيه شويه
أميرة : انا من الصبح معاك ما زهقتش منى
مراد : ازهق منك انتى !!! دا انا بعد الوقت بالدقائق والثوانى ومنتظر اللحظه اللى تكونى معايا فيها ديما
شعرت أميرة بصدق مشاعره وابتسمت له
أميرة : هانت يا مراد
مراد : طمنتى قلبي ربنا يسعد قلبك ...
عند حور
يصل فارس الى حور ووجدها تجلس جانب ولاء وتبكى ...
فارس : مالك يا حور قلقتينى ...قامت حور بسرعه
وارتمت فى حضنه وهى تنتحب من البكاء
ضمها إليه فارس كى تهدأ واجلسها بجانبه ..وهو ينظر إلى ولاء ..حيث بدأت تحرك راسها
فارس فهمينى فى ايه ..وايه علاقتك بولاء
بدأت حور تقص كل شئ عليه منذ أن تعرفت على ولاء إلى أن رأت الأشخاص ياخذون لوجى وحاله ولاء تلك ولكنها خبأت عليه قصه لوجى حيث وعدت ولاء بالاحتفاظ بسرها
قام فارس واقترب من ولاء
فارس هاتى مياه يا حور هى بدأت تفوق
أحضرت حور الماء
حيث مسح فارس على وجهها بالماء ..بدأت ولاء فى الاستفاقه
ولاء وهى تنظر حولها : هما فين
ثم نظرت الى حور وفارس
ولاء : فارس !!! انت هنا من امتى ..ونظرت إلى حور بنظرات تساؤل خوفا أن يكون علم بقصه لوجى
طمأنتها حور بنظراتها ...
ثم تحدثت حور
حور : انتى ايه اللى حصل ليكى
جيت لقيت الباب مفتوح ..وانتى نايمه ..وكمان شوفت لوجى واحد وواحده نازلين بيها ..
ولاء بخضه : لوجى بنتى ..اخدوها ازاى
وتذكرت حديثهم وطلبهم للماء ..
ولاء بصريخ : دول كدا خطفوا بنتى
فارس : هما مين
ولاء ببكاء وانهيار : باسل وجاكلين
حور : ايوا صح البنت اللى اخدتها دى انا شوفتها قبل كدا ...اللى كانت فى حفله الزفاف رزان ومنذر يا فارس..
فارس : جاكلين !! طب وهى هتخطف بنتك ليه ..وانتم اصحاب
ولاء ببكاء وانهيار وقله حيله : انا اسفه يا فارس
حاولت ادارى عنك طول الفترة دى ...
وقصت له كل ما حدث منذ ذلك اليوم وان لوجى تكون ابنته ..
كان فارس يستمع فى ذهول ...ثم أكملت عن خطه كل من باسل وجاكلين عن ابعاد البنت المصريه عنه من أجل سحر
حور بخجل : انا البنت المصريه اللى يقصدوها
ولاء باستغراب : انتى يا حور !!!!
فارس : كل دا يحصل وانا معرفش حاجه !!
كدا انتى اكدتى شكوكى تجاه جاكلين .. وخصوصا انها كانت السبب فى أن يمنى انتحرت لولا أن مروان لحقها فى الوقت المناسب
ولاء ببكاء : ارجوك يا فارس ساعدنى ورجع ليا بنتى ..انا ماليش غيرها ..هموت لو جرى ليها حاجه
فارس : اطمنى يا ولاء...هرجعها وما تنسيش أنها بنتى انا كمان ...المكان هنا بقي مش امان
يلا تعالى انتى وحور عندى وانا هتصرف
أخذهم فارس بسيارته إلى الفيلا ...
فارس : مهما اتاخر عنكم محدش يخرج من هنا فاهمين
ردت كلاهما : فاااهمين
قاد فارس سيارته بسرعه وهو يفكر كيف يستعيد ابنته ..ويعاقب ذلك الشخصين بل الثلاثه كيف لهم أن يفكروا فى أذيه له ...حتى وصل إلى الطريقه التى من خلالها سينال منهم ....
وصل إلى الاستديو حيث كانت تعيش حور فقد أخذ منها نسخه من المفاتيح كى يأخذ كل مقتنياتها لتعيش معه بالفيلا واغلق كل الانوار وجلس فى انتظارهم ..كما خطط لذلك ..
وبالفعل بعد مرور نصف ساعة سمع صوت الجرس ..
قام ببطئ وفتح الباب
وجد أمامه جاكلين وباسل ومعهم الطفله
انصدمت جاكلين لوجوده
فارس : اتفضلوا
باسل وهو يحاول أن يفر فهو اصغر من أن يواجه ذلك الفارس
باسل : انا وصلتك يا جاكى ..هروح انا المشوار بتاعى
ليمسك بيده فارس
فارس : ازاى تبقى أمام شقه حبيبتى وما تشربش حاجه وادخلهم الاثنان عنوة..
جلست جاكلين تفرك فى يديها ..فلا تدرى ماذا تقول
فارس : هه انا موجود اهو قولوا كنتم جايين هنا ليه ..
جاكلين : دا ولاء طلبت مننا نيجى ل حور
باسل : ايوا صح ولاء طلبت مننا كدا
فارس : تيجوا لحور علشان ايه ؟؟
جاكلين : لا كنا هنسألها عن حاجات فى الجامعه
وكنا هنعمل معاها ديييل شغل وكدا
فارس : ومين البنت الصغيرة دى
جاكلين : دى ..دى ....
فارس : دى بنت ولاء اللى انتم خاطفينها مش كدا ؟
باسل بارتباك : ايه الكلام دا ..انا ماليش دعوة ..
انا لازم امشى ..
جاكلين : تمشي فين وتسيبنى لوحدى
باسل : دى مشكلتك انتى انا مالى بيها
جاكلين : كداب ..احنا كنا سوا فيها ..
أخرج فارس مسدسه من جيبه : لو ما نطقتش انت وهى ايه الحكايه ..هفرغ دا فى راسك انت وهى
جاكلين بخوف : انا هقول كل حاجه ارجوك اسمعنى
وقصت كل شئ واتفاقها مع سحر ..واتفاقها مع باسل بأبعاد حور عنه بتلك الطريقه
واعترفت باختطافها بمساعدة باسل تلك الطفله
ابتسم فارس لاعترافهم بكل سهوله
فارس بضحكه بسخريه : كدا انا عملت اللى عليا
ليخرج ظباط الشرطه من الحمام والمطبخ حيث تم تسجيل كل اعترافتهم بالكامل
قام ضابط الشرطه بالقبض على جاكلين وباسل ...
جاكلين : حرام عليكم انا مظلومه
منك لله يا فارس ..ضيعت مستقبلى ..والله لاخليك تندم على كدا
اخذهم الضابط وغادروا..
حمل فارس لوجى لأول مرة واحتضنها
فارس : معقول ليا بنت جميله زيك وما اعرفش
نامت الطفله على كتفه ..حملها فارس واغلق المكان وغادر...
عند حور
كانت ولاء منهارة .. وخائفة على ابنتها أن يكون أصابها مكروه..
جلست حور تهدئها ...
حور : اطمنى ..أن شاء الله فارس هيرجعها بالسلامه ..
ولاء : انا خايفه من عقاب فارس ليا يا حور
حور : اطمنى فارس قلبه ابيض ومستحيل يحرمك من بنتك ...
ولاء : ارجوكى يا حور .بحق صداقتنا خلى فارس يجيبلى بنتى ..انا هموت
حور : أهدى حبيبتى ..أن شاء الله هترجع بالسلامه
وفجأة عاد فارس وهو يحمل ابنته النائمه على كتفه ..
ولاء : لوجى حبيبتى .......
#حور_والأفاعى بقلم #منال_عباس
سكريبت 15
بينما تجلس ولاء وحور فى قلق على لوجى
ولاء : ارجوكى يا حور بحق صداقتنا خلى فارس يجيبلى بنتى ..انا هموت....
حور :, أهدى حبيبتى ..أن شاء الله هترجع بالسلامه ..
وفجأة يعود فارس وهو يحمل ابنته النائمه على كتفه ..
ولاء : لوجى حبيبتى وتجرى عليه لكى تأخذها
ولكن فارس ينظر إليها نظره اوقفتها
فارس : ابعدى ..شاركتى معاهم فى خداعى ...ازاى متخيله انى اسيب ليكى بنتى تربيها وانتى بالاخلاق دى ....
ولاء ببكاء : ارجوك يا فارس انا غلطت ...بس انا ماليش غيرها ..ارجوكى ما تحرمنيش منها ..
كانت حور تقف مصدومه ..من قسوة فارس ..
فارس : امشي اخرجى برا بيتى ..انتى ما تستاهليش تكونى ام ...
جلست ولاء على ركبتيها
ولاء : ابوس رجليك الا بنتى احكم عليا اى حكم الا انك تحرمنى منها ...سيبنى اعيش معاها الايام اللى باقيه ليا فى الدنيا ..
ونظرت إلى حور بتوسل كى تساعدها ..
حور : فارس ارجوك مهما كان غلطها فهى ام ومش هى لوحدها غلطت ..انت كمان غلطت لما قربت ليها وهى مش زوجه ليك ..حرام تنسب الغلط كله عليها ..
نظر فارس الى حور ..ف لأول مرة في حياته يواجهه أحد بخطأه ..
فارس بهدوء أعطى الطفله الى حور وتحدث بجديه
فارس : مفيش خروج من هنا الا باذنى وتركهم وصعد إلى الأعلى
ولاء : اشكرك يا حور انك اتدخلتى
وأخذت الطفله تحتضنها وتقبلها فى سائر جسدها ....
حور : ربنا ما يفرقكم من بعض ..يلا تعالى اختارى حجرة علشان تقعدى فيها مع بنتك ..خلينا نتلاشي عصبيه فارس ..
ولاء : حاضر وصعدت معها واختارت حجرة قريبه من حجرة فارس ...
ذهبت حور للاطمئنان على فارس ...
تركت الباب فلم تسمع اى رد ..قلقت عليه وقامت بفتح الباب بسرعه لتجد فارس يقف عارى الصدر ..
حور بخجل : اسفه ..قلقت احسن تكون ولم تكمل كلمتها ليقترب منها فارس ويجذبها إليها ..بقوة
حيث تألمت حور من جذبه إليها ..
رفع فارس وجهها إليه وقبلها قبله طويله وعنيفه ..كانت حور تضربه بكلتا يديها وتحاول الابتعاد عنه ولكنه كان يمسكها من خصرها بكل قوته ....حتى شعر بدماء شفتيها بين شفتيه
ترك شفتيه ورفع وجهها ليجد عينيها مليئه بالدموع
فارس وعيونه الحمراء : دا عقاب اللى يقف فى وشي يا حور ..انتى فاهمه ..ما اتخلقش اللى يقول لفارس ..انت غلطان ...
حور ببكاء : خلاص ..انا ماشيه ..ابعد عنى وعن طريقى ..فكرتك انسان ..لكن انت عمرك ما هتتغير
انت وحش ...
فارس : نامى يا حور ..بدل ما ادفنك مكانك ..
حور : انت فاكرها سايبه ولا ايه ..
وذهبت باتجاه الباب لكى تغادر ..ليسبقها فارس ويغلق الباب ...
فارس وهو ينظر إلى وجهها وعينيها الحمراء من البكاء ..شعر بوخزه فى قلبه من مظهرها ..
فارس : بلاش تكونى عنيده وقت غضبي يا حور
نظرت له حور : انت عايز منى ايه
فارس : عايزك يا حور .افهمى ..انا بحبك ..بحبك فاهمه يعنى ايه بحبك ..يعنى مقدرش اعيش من غيرك ...مش كل شويه تقولى هتبعدى ..لان دا مش هيحصل غير بموتى
لتنطق حور بسرعه : بعد الشر عليك
فارس بابتسامه : بتحبينى يا حور
خجلت حور من نفسها .فهى أمام ذلك الفارس تنسي الدنيا بأكملها
فارس : بسألك يا حور بتحبينى ؟؟؟
نظرت له حور ثم أغمضت عينيها وارتمت بين أحضانه ...
ليحملها فارس ويلف بها فى الحجرة
فارس : بعشقك ...انا كدا مش هتحمل..لازم نتجوز بسرعه ...ابتسمت له حور
حور : انا هخرج اختار حجرة ليا
ومفيش قرب تانى قبل الزواج ..
فارس : ربنا يصبرنى
وفجأة يسمعان صوت ارتطام بالأرض مع صوت صريخ الطفله ..
جرى الاثنين الى غرفه ولاء
حيث وجدوا ولاء ممده على الأرض وبجانبها الطفله تصرخ ...
حور بخضه : ولاء حبيبتى ..فيكى ايه ولكنها كانت فاقده الوعى
حور : ارجوك يا فارس ..اتصرف ..
حاول فارس عدة مرات افاقتها دون جدوى
فارس : لازم نروح المستشفى ..احملى الطفله وانا هحملها ..وقام برفع ولاء
ونزلوا جميعا الى الاسفل ..حيث وضعها فارس فى كنبه السيارة الخلفيه
وجلست حور بجانبه وهى تحمل الطفله
قاد فارس السيارة بسرعه إلى أقرب مستشفى
طلب فارس فى الاستقبال دكتور بسرعه
حيث اخذها الممرضات ووضعها فى حجرة للكشف عليها ..
وقف فارس بالخارج ينظر إلى حور التى تحمل طفلته ..وتعاملها بحب وود
فارس فى نفسها : كان نفسي البنت دى تكون منك انتى يا حور ..وتكون بنتى الشرعيه ..عندك حق يا حور انا كمان غلطت ...وشعر بالندم على ما كان يفعله ..انا مش عارف انا كنت عايش كدا ازاى !
يارب سامحنى ..و لاول مرة تنزل دموع الندم من عيني الفارس ..
بعد مرور أكثر من ساعه ..
يخرج الطبيب
ليقترب منه حور وفارس
فارس : خير يا دكتور مالها ولاء
الطبيب : يؤسفنى أن أبلغكم أن مدام ولاء حالتها متأخرة جدا
حور بصدمه : ليه هى مالها
الطبيب : مدام ولاء مريضه سرطان الدم ...فى المراحل الاخيره ..وانتشر المرض في سائر جسدها
فارس : مفيش اى علاج انا مستعد اسفرها فى اى مكان ..
الطبيب : للاسف ..دى مجرد ساعات بتقضيها
حور ببكاء وهى تحتضن تلك الطفله المسكينه : يا حبيبتي يا ولاء
تركهم الطبيب وغادر
حور : ارجوك يا فارس ليا عندك طلب
فارس : قولى يا حور
حور : اعقد القران على ولاء ..علشان خاطر الطفله المسكينه ..تكتبها باسمك وتعيش كرامتها محفوظه
نظر فارس الى حور : كيف إلى تلك الحور فى عمرها الصغير ذلك أن تفكر وكأنها سيده لها الخبرة فى الحياة ..
فارس : انتى طيبه اوووى يا حور ..وانا فعلا غلطت زى ما انتى قولتى ..ادعيلى يا حور بقلبك الطيب أن ربنا يسامحنى
حور : أن شاء الله ربنا رحيم يا فارس ..المهم انك تتوب لوجه الله وارضاءه
فارس : ونعم بالله ...يارب سامحنى...
حور : هدخل ل ولاء علشان اكون جنبها ..وانت يا فارس حاول تلاقى مأذون
فارس : هحاول اروح اى مركز اسلامى وان شاء الله خير اطمنى يا حور ...
حور : ربنا يكتبلك الخير ديما
غادر فارس للبحث عن مأذون
اما حور فقد دخلت الى ولاء
حيث وجدتها تحت جهاز التنفس
حور : سلامتك يا حبيبتي ..أن شاء الله تقومى بالسلامه
رفعت ولاء جهاز التنفس وتحدثت بصعوبه
ولاء : انتى طيبه يا حور ..وانا عارفه أن ايامى معدوده ...مش هوصيكى يا حور على بنتى ...ربنا وضعك فى طريقى علشان خاطرها ..
حور : ما تتكلميش يا ولاء علشان ما تتعبيش
وان شاء الله هتخفى وتكونى كويسه ...
واطمنى بنتك فى عنيا ...
ولاء : اعتبريها بنتك وربيها يا حور ...واحكى ليها عنى ..وعرفيها انى كنت بحبها اوووى
كانت حور تستمع إليها والدموع تنهمر من عينيها
حور : علشان خاطرى ..حطى جهاز التنفس
ولاء : حاضر يا حور ...
عند فارس
قام فارس بالبحث فى عده مراكز اسلاميه حتى وجد أحد الشيوخ وقص عليه قصته مع ولاء
الشيخ : خير ما هتعمل يا ابنى ...وربنا يتقبل توبتك ويسامحك ويسامحها ..
الشيخ :هتصل على صديقى هنا مأذون يحضر بسرعه ..خير البر عاجله
اتصل فارس على مروان
مروان : ازيك يا فارس
فارس : الحمد لله ..فى حاجات كتير حصلت المهم
هحكيلك بعدين ..عايزك تجيلى على عنوان المستشفى دا
مروان : قلقتنى فى ايه
فارس : اطمن ..مفيش وقت احكيلك ..تعالى هناك وهفهمك ..
مروان : مسافه السكه..واغلق الهاتف
يمنى : ماله فارس يا مروان ..حور فيها حاجه
مروان : انا مش فاهم حاجه ...لما ارجع احكيلك اللى حصل
يمنى : اجى معاك
مروان : مفيش داعى ..لو احتجت هتصل عليكى ..ويلا سلام علشان ما اتاخرش عليه وتركها وغادر ذهابا إلى المستشفى
بعد مرور بعض الوقت
تجمع الجميع الشيخ والمأذون وفارس ومروان
طرق فارس الباب ودخلوا جميعا
حيث ازدادت حاله ولاء سوءا ...
طلب فارس من المأذون بعقد قرانه على ولاء
وقف مروان مصدوما ..لما يراه .ونظر إلى حور الباكيه وهى تحتضن ابنه ولاء ...
قام المأذون بعقد القران
وقال جملته بارك الله لكما وبارك عليكما وجمع بينكما في خير
رفعت ولاء نظرها ونظرت إلى الجميع ثم أوقفت عينيها على ابنتها وابتسمت لها ثم ......
#حور_والأفاعى بقلم #منال_عباس
سكريبت 16
بعد أن عقد المأذون القران ..وقال المأذون جملته بارك الله لكما وبارك عليكما وجمع بينكما في خير..
رفعت ولاء نظرها ونظرت إلى الجميع ثم أوقفت عينيها على ابنتها وابتسمت لها ثم أغمضت عينيها فى هدوء ...اقترب فارس منها وامسك يدها فلم يجد نبض ..استدعى الطبيب بسرعه
حضر الطبيب واخبرهم أنها فارقت الحياة
انهارت حور من البكاء وهى تحتضن تلك الطفله المسكينه...
مروان : لا اله الا الله ...البقاء لله يا فارس
فارس : ونعم بالله ...أستاذنكم اروح اجهز إجراءات الدفن ....
مروان : خلى كل حاجه فى الصباح افضل يا فارس
على ما نبلغ أصحابنا والكل يحضر الجنازة ...
فارس : تمام
أمر الطبيب بوضع ولاء فى ثلاجه الموتى لحين دفنها ...
أخذ فارس حور وهى تنتحب من البكاء وحمل عنها الطفله كى يغادروا ...
غادر مروان هو الآخر وهو حزين على ولاء ..فهو يعلم كم كانت طيبه ولكن الصحبه التى كانت حولها كانت سيئه ....
عند يمنى
كانت يمنى تجلس فى البلكونه منتظرة عودة مروان
فكانت تشعر أن هناك سوء قد حدث
عاد مروان ...فنزلت له يمنى بسرعه
يمنى : فى ايه يا مروان ..اتأخرت اوووى قلقتنى
مروان : تعالى نقعد بس وانا احكيلك كل حاجه
وأخذها من يدها وجلسوا بالصالون
بدأ مروان يقص عليها كل ما حدث وعلمه ..وانتهى الأمر بوفاة ولاء
يمنى متأثرة بما سمعت ..جلست تبكى
مروان : أهدى حبيبتى ...ربنا يرحمها ..
يمنى : يارب ..بس دا حمل كبير اوووى على حور ..ازاى هتتحمل تربيه طفله ..مع دراستها
مروان : الحقيقه حور دى أثبتت للجميع انها بنت حلال ..وأد المسئوليه ..ربنا يقدرها ...
يمنى : يارب
مروان : يلا قومى نستريح علشان من الصبح نروح الجنازة ...دخل طارق عليهم
طارق : جنازة !! مين توفى يا مروان
قص مروان لولاده قصه مرض ولاء ..حيث توفيت بالمستشفى..
طارق : لا حول ولا قوه الا بالله العلي العظيم
ربنا يرحمها ..أن شاء الله اكون معاكم فى الجنازة
قبل ما اسافر
مروان : تسافر !!!
طارق : ايوا فى شغل مهم فى مصر هسافر اخلصه وارجع تانى يوم اطمن ...ميعاد فرحك اخر الاسبوع مفيش تغيير ...انا بس جيت اعرفك أنى مسافر بعد الضهر بكرة ..
يمنى : تروح وترجع بالسلامه يا خالو
طارق : الله يسلمك حبيبتي
مروان : تمام ترجع بالسلامه ..يلا علشان الكل يلحق يستريح ..حيث ذهب كل فرد إلى غرفته ....
عند فارس
وصل فارس الى الفيلا ...أخذ حور الى حجرتها
حور : هات البنت معايا
فارس : هتتعبك يا حور ..انا هخلى الداده تعتنى بيها ..على ما اجيب ليها مربيه
حور : انت بتقول ايه يا فارس ..لوجى انا بحبها وانا اللى هعتنى بيها وأربيها ..انا وعدت ولاء ..ثم دى بنتك يعنى حته منك ...ازاى تخلى حد غيرى يربيها
فارس بحب : انتى كل يوم تثبتيلى انك أعظم بنت قابلتها فى حياتى ...بجد يا حور ربنا بعتك ليا علشان تنشلينى من الظلام اللى كنت فيه واقترب منها واحتضنها ..بادلته حور نفس المشاعر دون خوف ..لقد أصبحت تشعر بالأمان بين ذراعى ذلك الفارس ...
أمر فارس الخدم بإحضار عشاء خفيف لهم
حور : ماليش نفس يا فارس
فارس : ما ينفعش أنتى ما اكلتيش حاجه من الصبح ..وجلس يطعمها بيديه ...
حتى انتهوا من تناول العشاء ..
استيقظت الطفله ..وبدأت فى البكاء ..حملتها حور واحضرت الحليب فى البيبي رونه وجلست تطعمها حتى نامت مرة أخرى .كان فارس ينظر على حور بحب واحترام وتقدير لما تفعله من أجل ابنته
فارس : انا هروح اوضتى وان احتجتى اى حاجه
اتصلى عليا ..
حور : تمام ..تصبح على خير
فارس : وانتى من أهلى
وخرج واغلق الباب وراءه....
فى صباح يوم جديد
يستيقظ فارس مبكرا ..يأخذ شاور ويستبدل ملابسه ببدله سوداء .من أجل الجنازة ..ويذهب إلى حجرة حور ..يطرق الباب ويدخل
ليجد حور غارقه فى النوم وهى تحتضن الطفله النائمه فى حضنها ..
جلس فارس ينظر إليهما ..ويفكر فى الايام القادمه
شعر بالحب تجاه تلك الطفله ..واستغرب نفسه لم يفكر ابدا ..أن يكون اب فى يوم من الايام
تذكر والده ..وقرر عند عودته من الجنازة ..أن يتصل به ويخبر بقصه ابنته ...
بدأت حور تستيقظ وفتحت عينيها لتجد فارس يجلس أمامها ويبدو عليه أنه يفكر في أمر ما ..
اعتدلت حور فى السرير
حور بصوت منخفض من أجل ألا تستيقظ الطفله
حور : صباح الخير
فارس بانتباه : صباح الخير حبيبتى ..نمتى كويس ؟
حور : ايوا الحمد لله
فارس: جيت لقيتك نايمه ما حبيتش اقلقك ..
حور : ولا يهمك ..هقوم اخد شاور واكون جاهزة علشان الجنازة ..كويس أنى جيبت ملابس سوداء
فارس : لو مش قادرة خليكى يا حور ..كفايه تعبك مع لوجى ..
حور : ازاى يا فارس ..ولاء الله يرحمها كانت صديقتى ..ولازم احضر الجنازة ..
فارس : اللى تشوفيه حبيبتى .هنزل انتظرك تحت
وهبعت الداده تقعد مع لوجى على ما نرجع
حور : تمام كدا ..
نزل فارس الى الاسفل .وأخبر الخادمه عن خدمه لوجى واطعامها
الخادمه:. yes sir
انتهت حور من أخذ الشاور واستبدلت ملابسها
واوصت الخادمه بأن تهتم ب لوجى إلى حين عودتها ..قبلت الطفله ونزلت للاسفل
وجدت فارس فى انتظارها ..
فارس : أفطرى يا حور قبل ما نخرج
حور : انا مش جعانه يا فارس
فارس : على الأقل اشربي اللبن دا
وجلس بجانبها حتى انتهت من تناول الحليب
وأخذها وغادروا إلى المستشفى
بدأوا فى انتهاء المراسم لعمليه الدفن
وصل مروان ووالده ويمنى ووالدتها
يمنى وهى تحتضن حور
يمنى : اسفه يا حور ما كنتش معاكى فى الموقف الصعب دا
حور : حبيبتى يا يمنى ..كفايه وجودك دلوقتى
طارق : البقاء لله يا فارس يا ابنى
فارس : ونعم بالله ..
بعد مضى وقت قليل ذهبوا جميعا بسيارتهم
إلى المدافن حيث تم دفن ولاء
وضعت حور الورد امام قبرها
حور : اطمنى يا ولاء ..بنتك هتكون بنتى ..وهنفذ وعدى ليكى وربنا شاهد عليا ...
وجلست تقرأ لها القرآن امام قبرها ..
فارس : يلا يا حور ..علشان ما نتأخرش على لوجى ..
مروان : حور هبعتلك مع يمنى كل المحاضرات
وما تقلقيش من اى ماده هجمع ليكى كل المحاضرات
شعرت حور بتغير مروان .فكان دائما يعاملها بحرص
شكرته حور ...
يمنى : حور أن احتجتى اى حاجه اتصلى عليا معاكى رقمى
حور : أن شاء الله حبيبتي ..
يستقل مروان ويمنى سيارة مروان ويذهبان إلى الجامعه لتقديم إجازة من أجل زواجهم
وإحضار المحاضرات من أصدقائه من اجل يمنى وحور ..
يمنى : انا مبسوطه انك غيرت فكرتك عن حور
مروان : الحقيقه حور انا مدين ليها بالاعتذار
ربنا يوفقها لأنها بجد تستاهل كل خير
يمنى : يعنى خلاص رضيت انها تكون صاحبتي
مروان : ايوا حبيبتى ..اطمنى
شكرته يمنى على ذلك ...
أخذ فارس حور معه فى سيارته
ووقف أمام أحد المولات
حور : وقفت هنا ليه
فارس : تعالى بس
وأخذها وصعدوا إلى أحد المحلات التجارية الشهيره بالملابس الباهظه
حور : فى ايه يا فارس انت مش شايف الاسعار المكتوبه
فارس : مفيش حاجه تغلى عليكى حبيبتى
يلا اختارى كل اللى يعجبك ..
حور : لا ..انا عندى ملابس كتير ..تعالى ناخدها من الاستوديو ..
فارس : يبقي اختار انا على زوقى ..عارف انك هتتعبينى ..واختار فارس ملابس كثيرة وانيقه
تناسب حور
حور : كتير اوووى يا فارس
فارس : مش كتير يا حور قلبى ..لو اقدر اجيب ليكى نجمه من السما هجبلك ...
ابتسمت له حور
حور : ربنا ما يحرمني منك
دفع فارس الحساب بالكريدت كارد
وطلب من حور ارتداء أحد الملابس
وكان عبارة عن دريس طويل اسود اللون
كانت حور فيه أكثر من رائعه ..
وأخذها وغادرا المكان للعودة إلى الفيلا
وصلا سويا الى الفيلا
حيث طلب فارس من الحرس بإحضار شنط الملابس للداخل
وما أن دخلوا حيث وجدوا ....
#حور_والافاعى بقلم #منال_عباس
سكريبت 17
بعد عودة فارس وحور من المول
أمر فارس الحرس بإدخال شنط الملابس إلى الداخل ..
وما أن دخلوا حيث وجدوا
مراد و أميرة بالداخل فى انتظارهم
لم تصدق حور عينيها وجريت على والدتها لتحتضنها
حور بفرحه : حبيبتى يا ماما جيتى امتى وازاى
فارس : حمدالله على السلامه
كان مراد يقف وينظر باستغراب للطفله الصغيره التى رآها منذ أن وصل
مراد : الله يسلمك يا فارس
تعالى اعرفك بطنط أميرة والدة حور
رحب فارس بأميرة
حور : ازيك يا اونكل مراد ..انا مش عارفه اشكرك ازاي على المفاجئه الحلوة دى
مراد : الحقيقه انا اللى عايز اشكرك ..علشان بسببك
قدرنا انا ووالدتك نيجى هنا نغير جو ونطمن عليكم
فارس : احنا هنفضل واقفين اتفضلوا فى الصالون
جلسوا جميعا فى الصالون
حضرت الخادمه ومعها العصائر
حور : هاتيلى لوجى يا داده لو سمحتى
الخادمه : حاضر
أميرة : لوجى مين يا حور ..انا شوفت طفله اول ما وصلنا ..دى تبقي مين
نظرت حور الى فارس ..حيث رد فارس بسرعه
دى قصه طويله ..بعد الغدا هحكى ليكم كل حاجه
مراد بقلق : ماشي يا ابنى اللى تشوفه
فارس أستاذنكم نطلع نغير هدومنا ...
مراد : اتفضلوا
صعد فارس وأخذ معه حور للأعلى
فارس : تفتكرى هيكون رد فعلهم ايه لو عرفوا اللى حصل
حور : افضل حل هو الحقيقه يا فارس . وأهلنا ناس طيبين ..والطفله ملهاش ذنب ..ولازم الكل يتقبلها
ابتسم فارس الى حور
فارس : ربنا يكملك بعقلك ..ويلا نغير هدومنا وننزل ليهم ...
حور : ايوا ..علشان كمان لوجى وحشتنى ..وذهبت واستبدلت ملابسها ب دريس ابيض من الملابس الجديده فكانت تبدو كالملاك ..
خرج فارس وشاهد حور
وقف فارس متسمرا من جمالها
فارس : انتى حلوة اوى يا حور
حور : بس بقي بتكسفنى ..يلا ننزل
فارس : يلا بينا
نزل الاثنان حيث وقف مراد
مراد : بسم الله ما شاء الله..تبارك الرحمن فيما خلق
جميله ل والدتك يا حور ..
حور : ميرسي يا اونكل
اميرة: ربنا يحفظك حبيبتى
مراد : بجد عرفت تختار يا فارس
حضرت الخادمه ومعها لوجى
جريت عليها حور بكل حب وحملتها
حور : لوجى حبيبتى ..دى ماما أميرة هتحبك اوووى وتبقي تيته..
ودا اونكل مراد جدو ..
أميرة : ايه الحكايه يا حور ..مين لوجى ..وفين أهلها ...
حور : نتغدى يا ست الكل وكل حاجه فارس هيحكيها
وبالفعل حضر الخدم الغداء وجلسوا لتناول الطعام
فى مركز الشرطه
حيث أحضرت سحر محامى ودفعت كفاله كبيرة لكل من باسل وجاكلين ..واخذتهم فى سيارتها
جاكلين : شكرا يا سحر انك خرجتينى انا كنت هموت فى الحبس
سحر : دا مش. علشان سواد عيونك انتى وهو
دا علشان الشغل اللى بينا
ثم نظرت إلى باسل وتحدثت بحده
سحر : بس دا مش معناه انى هعدى اللى حصل
بقي يا زباله انت وهى تعرفوا فارس كل حاجه بكل سهوله
باسل بتلعثم : صدقينى يا سحر مش انا ..دى ولاء
جاكلين : ايوا ولاء فعلا
سحر : الله يرحمها بقي
جاكلين : انتى قت*لت*يها !!
سحر : قت*لت مين يا مخبوله انتى
ما علينا يلا انزلوا وانتظروا منى تليفون بالليل
باسل : فى انتظارك
تركتهم وغادرت
سحر : كدا اللعب هيكون على المكشوف يا سي فارس وابتسمت بخبث .....
عند طارق
بعد أن انتهت الجنازة
ودع طارق أخته هناء ومروان ويمنى وسافر إلى القاهرة ..
طارق وهو يركب الطائرة
طارق متحدثا لنفسه : انا مش عارف ايه بس حصل فى الصفقه دى ..يارب تخلص بسرعه علشان خاطر فرح الاولاد .
عند مروان
أخذ مروان يمنى وقام بإيصال عمته الى الفيلا
ثم أخذ يمنى معه لشراء ما ينقصهم من أغراض للزواج ...
يمنى : ايه الحاجات دى كلها
مروان : عايزك تكونى احلى عروسه ...مع انك اجمل بنت فى عيونى ..فاكرة يا يمنى
فلاش باااااااك
يمنى : أونكل طارق عايزة اطلب حاجه
طارق : عيون خالو اطلبي حبيبتى
يمنى : عايزة اتجوز مروان
طارق بضحكه عاليه : بس انتى لسه عندك خمس سنين
رفعت يمنى أصابعها لتعد لرقم 5 ..ايوا صح
المهم دا وعد يا خالو
ليأتى مروان من خلفها وهو يضحك
مروان : انا موافق يا يمنى ..اكبرى انتى بس
يمنى : انا هاكل كتير واشرب اللبن علشان اكبر بسرعه ..ليضحك الجميع على براءة تلك الطفله
عودة من الفلاش
مروان : اخيرا جه اليوم اللى كبرتى فيه يا عيون مروان وبقيتى زى القمر ..
يمنى بضحك : بحبك وبموت فيك يا ميرو
مروان : الله الله ...انتى روحى يا يمنى
فاضل يومين والقمر دا يبقي ملكى
يمنى بابتسامه : هانت يا قلبي
عند رزان
رزان : منذر حبيبي
منذر : عيون وقلب منذر
رزان : تسلملى عيونك الحلوة ..كنت عايزة اعرف امتى راح ارجع الجامعه ..فايتنى كتير
منذر : زهقتى منى !!؟
رزان : انا !! انا بموت فيك ..ازاى تقول كدا ..انا بس حور وحشتنى وكنت عايزة اشوفها
منذر : خلاص حبيبتى ..ممكن تعزميها وانا هعزم فارس بيه ويحضروا على الغدا معانا بكرة
رزان : فكرة حلوة كتير ..
منذر : طب مفيش مكافئه على الفكرة الحلوة دى
رزان : تستاهل بوسه ..وقبلته من خده
منذر : بوسه بس ..انا عايز القمر كله
وحملها ودخلها بها الى حجرة النوم
هيييح عرسان بقي 🤫🤫🤫
عند حور
بعدما انتهوا من تناول الطعام
جلس الجميع وبدأ فارس فى الحديث
حيث قص كل شئ منذ معرفته ب ولاء
وظهور حور بحياته ومعرفته بالصدفه أن لديه طفله إلى أن انتهى الأمر بوفاة ولاء ..ثم أكمل
انا عارف انى غلطت غلط كبير ..والدنيا هنا كانت مخليانى بعيد عن ربنا ..بس ربنا بعت ليا حور فى الوقت المناسب ..علشان افوق من الغلط اللى كنت عايش فيه ...
ودى حكايتى وحكايه لوجى بنتى ..
وقفت أميرة
أميرة : انتى ايه رايك يا حور
حور : انا بحب فارس يا ماما وخير الخطائين التوابين ..
مراد : ربنا يكملك بعقلك يا بنتى
فرصه واحنا قاعدين قاعدة عائليه كدا
انا كمان عايز رايكم فى حاجه..
فارس : اتفضل يا بابا كلنا سامعينك
نظر مراد إلى أميرة وأخذ نفس عميق ثم تحدث
مراد : الحقيقه من فترة طويله وانا حاسس بالوحده
ومن يوم ما فارس سافر وسابنى وانا الايام بتعدى عليا بصعوبه ...لدرجه انى بقيت انتظر الموت
فارس : بعد الشر عليك
مراد : المهم ..بمرور الأيام ظهرت فى حياتى واحده
حسيت انى رجعت للحياة من جديد ..بقيت مجرد أنى اشوفها احس انى ملكت الدنيا وما فيها ..
كنت خايف اعترف ليها ..احسن اخسرها ..واخسر الاحساس الحلو اللى بحسه فى اللحظات اللى بشوفها فيها ...
فارس : الله الله يا بابا وصفك عن مشاعرك ناحيتها
جميل ...
مراد وهو ينظر إلى أميرة بكل حب
مراد : ودلوقتي انا بعترف ليها بحبي .واتمنى ترضى
وتقبل الزواج منى ...
نظرت حور إليه ونظرت إلى والدتها
ثم قالت ... .
#حور_والأفاعى بقلم #منال_عباس
سكريبت 18
وقف مراد يعترف عن كل مشاعره التى يشعر بها بكل صدق تجاه حبيبته
مراد ودلوقتي انا بعترف ليها بحبي ... واتمنى ترضى وتقبل الزواج منى ...
نظرت حور إليه ثم نظرت إلى والدتها ..لتجد والدتها تقف مرتبكه وتنظر عليها ..
حور بابتسامه : الله عليك يا اونكل مراد ..مشاعرك جميله .ثم نظرت إلى والدتها ..اعتقد صعب حد يلاقى حب زى دا ويرفضه ...مش كدا يا ماما
أميرة بخجل : صح يا حور
مراد : كلامكم دا بيشجعنى ..انى اطلب ايدك يا أميرة للزواج ...
نظرت أميرة الى حور ..التى هزت راسها بالموافقه إلى والدتها ...
أميرة : موافقه يا مراد ..مادام حور ما عندهاش مانع ..
ليبدأ فارس بالصفير والضحك
فارس : مبروك يا بابا ..وانت كمان عرفت تختار ...
ويبارك كل من فارس وحور لوالديهما بكل حب وسعاده ...يرن جرس الباب
تفتح الخادمه
فكان مروان ...
فارس : اتفضل يا مروان ..وشك ولا وش السعد
يتفاجئ مروان بوجود مراد ومعه تلك السيده
يعرفه فارس بوالدة حور
يرحب مراد بمراون
مروان : الحقيقه انا جيت اطمن عليك يا فارس انت وحور ..وفرصه أن اونكل مراد هنا ...اعزمكم يوم الخميس ..على زفافى انا ويمنى ..
يبارك له الجميع ...
مراد : ايه رايك يا فارس يكون زفافك انت وحور انتم كمان ..
فارس بفرحه : انا ماعنديش مانع ...
حور : بس انا مش جاهزة فى اى حاجه
مراد : طلباتك كلها مجابه يا بنتى
اطلبى كل اللى انتى محتاجه وهيكون تحت امرك
شكرته حور ..
مراد : وعلشان الفرحه تكمل نتجوز احنا كمان يوم الخميس يا أميرة
أميرة : يا خبر ..انت فاجئتنى ..وانا ..
مراد : انتى هتكونى جوا عنيا وما تقلقيش ..هنرتب احنا كل حاجه
مروان بفرحه : والله يا اونكل فرحتنى ..عقبال بابا هو كمان
مراد : صحيح ..اخبار طارق ايه
مروان : سافر النهارده وهيرجع بكرة أن شاء الله
مراد : يرجع بالسلامه ...
مروان : أستاذنكم علشان الحق اجهز اللى ناقصنى
وتركهم وغادر ....
عند طارق
وصل طارق مطار القاهرة ..وكان فى انتظار حقيبته
اخذها واستقل تاكسي إلى الفيلا خاصته
وبعد مرور الوقت وصل إلى الفيلا دخل بسرعه إلى الحمام وأخذ شاور واستبدل ملابسه
ثم فتح الحقيبه ليأخذ الاوراق ليذهب إلى شركته
ليتفاجئ بوجود ملابس نسائية ولم يجد الاوراق ..
جن جنونه ..فكيف حدث ذلك
لقد تم استبدال الحقائب..
جلس ..يفكر ماذا يفعل .ليس لديه اى وقت كى يضيعه ....
ليرن هاتفه برقم غريب
طارق بزهق : الو
ليأتيه صوت نسائى عذب
هيام : الو ..معايا استاذ طارق
طارق : مين حضرتك
هيام : الحقيقه ..انا كنت راجعه من السفر
و واضح أن الحقائب اتبدلت
طارق : ايوا فعلا ...
هيام : انا لقيت ورق ..ولقيت كارت باسم حضرتك وارقامك ...
طارق : كويس جدا ...حضرتك فين وانا اجيلك
هيام : دا عنوانى .......
طارق : حضرتك كدا قريبه منى .. دقائق واكون عندك
هيام : اشكرك ..وفى انتظارك ...
بعد دقائق وصل طارق إلى العنوان
استقبلته الخادمه ..
الخادمه : دقائق والهانم هتكون مع حضرتك
طارق : تمام
حضرت هيام ومعها الخادمه تحمل الحقيبه
وقف طارق ينظر إليها بانبهار
طارق وهو يمد يده : تشرفت بمعرفه حضرتك يا فندم
هيام : الشرف ليا انا ..اتفضل حضرتك اقعد اشرب حاجه
نظر طارق إلى ساعته ..ثم تحدث
طارق : الحقيقه ماعنديش وقت ..عندى شغل مهم النهارده ..
بس اسمحيلى نتقابل بكرة ونفطر سوا قال ذلك بعدما نظر ليديها ولم يجد اى خاتم يدل على زواجها ..
هيام : ماعنديش مانع
طارق : يبقى نتقابل الساعه 9 بكرة فى مطعم ........
ثم استأذن منها وغادر ...
هيام فى نفسها : ياااه يا طارق سنين كتير عدت وانت زى ما انت ...برضو ما اخدتش بالك منى ولا افتكرتنى ....
عند سحر
الو : ايوا يا سي باسل
باسل : اهلا يا سحر ...
سحر : عايزاك ضرورى ..ومفيش داعى تعرف جاكلين المرة دى ...
باسل : انا تحت أمرك ...
سحر : تجيلى حالا على العنوان دا
باسل : مسافه السكه..واغلق الهاتف
باسل فى نفسه : يا ترى بتخططى لايه يا سحر
ثم ضحك ضحكه خبيثه ...يلا اهوو كله بحسابه ...
عند حور
تجلس حور بحجرتها ومعها والدتها
أميرة : انتى متأكده من قرارك اللى اخدتيه
حور : قرار ايه
أميرة : انك تربي الطفله دى ...وتتحملى مسئوليتها
حور بابتسامه : طبعا يا ماما ...لوجى بنت جميله وملهاش ذنب ..علشان تتربي يتيمه ..واطمنى انا بحبها ...
أميرة : ربنا يقدرك يا حبيبتي ...
هاتيها اشيلها عنك شويه وهنزل تحت لعمك مراد
وانتى غيرى هدومك واستريحى شويه
حور : بس انا اخاف تتعبك
أميرة : تتعبنى ايه بقى ما انا بقيت جدتها ..واخدت الطفله بابتسامه وقبلتها ...ثم نزلت للاسفل ...
قامت حور باستبدال ملابسها بملابس أخرى واسعه
ووقفت تمشط شعرها ...
ليطرق الباب فارس
حور : ادخل
دخل فارس وجد شعرها الحريرى الطويل منسدل على ظهرها
فارس : وبعدين معاكى يا حور
حور : فى ايه ..ايه اللى حصل
فارس : بتحلوى كل شويه ليه كدا
حور : يا شيخ خضيتنى
فارس : شيخ !!! والله انتى عندك شويه مصطلحات كدا غريبه
حور وهى تمثل الزعل : عاجبك ولا مش عاجبك ؟
فارس وهو يقترب أكثر منها : دا انتى عاجبانى كلك على بعضك عجبانى ومجننانى
رفع وجهها بيديه إليه ...
فارس : بتحبينى يا حور
حور : عارف يا فارس ..انا حلمت بيك من قبل ما أشوفك
فارس : لا كدا نقعد وتحكيلى
جلسا سويا وقصت عليه حور ذلك الحلم فى أول يوم لها بكندا
حور : فاكر لما شوفتك فى المستشفى عند منذر
فارس بابتسامه : ايوا فاكر ..كنتى هتموتى وتكلمينى
حور بتكشيرة : لا مش كدا خالص ...كل الحكايه أنى كنت مستغربه ..ازاى اشوفك فى الحلم والاقيك فى الحقيقه ..
ابتسم فارس واقترب من أذنها ..
فارس : لسه ما جاوبتنيش على سؤالى
حور بكسوف : لما نتجوز
فارس : وان قولت ليكى علشان خاطرى
حور بصوت رقيق : بحبك
فارس وهو يمسك يديها : وانا بعشقك يا روح فارس ..
يرن هاتف فارس
فارس : الو
منذر : فارس بيه اخبارك
فارس : الحمد لله ..ازيك يا منذر
واخبار العروسه
منذر : فى فضل ونعمه ..كنا حابين نعزمك انت وانسه حور على العشاء النهارده ...أو الغدا بكرة
اللى يناسبكم ..
فارس : الحقيقه يا منذر ..احنا اللى هنعزمكم يوم الخميس زفافى انا وحور
منذر : يا ماشاء الله .. الف الف مبروك
فارس : الله يبارك فيك سلامى لمدام رزان ..
منذر : يوصل أن شاء الله واغلق الهاتف
يغلق فارس الهاتف ثم ينظر إلى حور لم يتحمل هذه المرة مقاومه ذلك الجمال بين يديه ليلتهم شفتيها بين شفتيه ...فى قبله طويله ...
لم تمانعه حور هذه المرة معلنه له كم هى تحبه وتشتاقه ....
عند سحر
يصل باسل عند سحر
سحر : عرفت اللى حصل
باسل : لا ...حصل ايه
سحر : فارس هيتجوز اللى اسمها حور دى ...ومش بس كدا ...كمان والده هيتجوز امها
باسل باستغراب : وانتى عرفتى منين
سحر : أن ليا عيون فى كل مكان ..المهم عايزاك تتصرف بأى طريقه ...والفرح دا ما يتعملش ...
فارس دا ليا انا وبس ..انت فاهم
باسل : طيب سيبيلى الموضوع دا وانا هتصرف
فى صباح يوم جديد فى القاهرة
حيث يجلس طارق فى انتظار ضيفته
تصل هيام وهى فى قمه أناقتها ...
يقف طارق مرحبا بها
تسلم عليه هيام ثم تجلس
طارق : الحقيقه ..انا مبسوط جدا انك حضرتى
لانى هسافر النهارده
وكنت محتاج اشوفك قبل ما اسافر
هيام : محتاج تشوفنى ؟
طارق : طبعا ...علشان اشكرك ..انتى اتقذتينى باتصالك ورجوع الحقيبه ...
هيام بخيبه امل : بس
طارق : الحقيقه مش دا بس ..حابب اتعرف عليكى اكتر ...لو مش عندك مانع ...
هيام : اتفضل ..اتعرف
طارق باستغراب لردها: هو انا اعرفك قبل كدا ؟
هيام : ليه
طارق : نظرات عنيكى ...وصوتك ..حاسس أننا اتقابلنا قبل كدا ...
هيام : فكر وانت تعرف
طارق : معقول انتى ..
سكريبت 19
كان طارق يشعر بالاستغراب لردود تلك الغريبه
طارق : هو أنا اعرفك قبل كدا ؟
هيام : ليه
طارق : نظرات عنيكى ... وصوتك ..حاسس أننا اتقابلنا قبل كدا..
هيام : فكر وانت تعرف
طارق : معقول انتى هيام جارتنا فى السكن القديم !!!!
ابتسمت هيام له
هيام : انا قولت مش هتفتكرنى ابدا
طارق : ياااه يا هيام ..دا احنا عزلنا من اكتر من 25 سنه ..لسه جميله زى ما انتى
هيام : انتم سيبتوا البيت القديم واختفيتوا واختفت اخباركم .عننا
طارق : فعلا والله مشاغل ..بس ايه اخبارك ..كنتى مسافرة فين احكيلى عنك وعن اخبارك ودنيتك ..اتجوزتى ؟ .. عندك اولاد
هيام : كنت مسافرة كندا ...ولسه راجعه زى ما انت شايف
طارق : يادى الصدف ..انا كمان كنت فى كندا وليا فيلا هناك ..واختى هناء وبنتها وابنى هناك
هيام : اخبار هناء ايه ..ما اعرفش عنها حاجه من يوم ...ثم سكتت عن الحديث وكأنها تذكرت شئ وبدأ العبوس على وجهها ...
طارق : روحتى فين ..
هيام بتنهيده : لا مفيش ...
طارق : طب جاوبي على اسئلتى لو سمحتى
هيام : لا ما اتجوزتش ..اخويا فريد اتجوز واحده كنديه ...وخلف بنت زى القمر..بس للاسف مات هو وزوجته فى حادثه ..واضطريت اسافر علشان بنت اخويا كان عندها فى الوقت دا 18 سنه ..ونظرا أنها امتلكت ميراث اخويا من شركات هناك وانا الوصيه
عليها ..اضطريت اعيش معاها هناك ..
بس للاسف البنت تعبتنى جدا ...ميولها غريبه وأفكارها صعبه ..حاولت كتير ..معاها علشان نرجع مصر ونستقر .لكنها ديما بترفض ...
طارق : ربنا يهديها
هيام : يارب
طارق : طب ناويه ترجعى كندا امتى يا هيام
هيام : ممكن يومين تلاته
طارق : يا خسارة ..كنت أتمنى ترجعى معايا انا مسافر النهارده
هيام : توصل بالسلامه
طارق : الحقيقه الخميس فرح ابنى مروان ..اتمنى تحضريه
هيام : الف الف مبروك ..هحاول ..لو قدرت احضر أن شاء الله..
طارق وهو ينظر إلى عينيها : ما اتجوزتيش ليه لحد دلوقتي يا هيام ..انتى ست جميله ..وكل اللى كان بيعرفك ..كان بيتعلق بيكى ..
هيام بتنهيده : بس للاسف اللى اتعلقت بيه كان مشغول بغيرى ...
طارق : ومين ما عندهوش نظر دا ..
هيام : خلاص يا طارق حاجه عدى عليها سنين ..
طارق : آسف ..لو كنت فكرتك بحاجه زعلتك
هيام : ولا يهمك
وبدأا فى تناول الإفطار حتى انتهوا منه ..
طارق مضطر اتركك لان طيارتى بعد ساعتين
هيام : مفيش مشكله اتفضل انت
طارق : اتفضل ايه ..لازم اوصلك الاول واطمن عليكى
هيام : ما تعطلش نفسك
طارق : لا هوصلك ..يمكن تغيرى رايك ونسافر سوا ..
ابتسمت هيام وقالت : يومين ان شاء الله وارجع
طارق أخرج كارت
طارق : دا ارقامى هناك فى كندا اتمنى تكلمينى اول ما توصلى ..
هيام : أن شاء الله
اخذها طارق وقام بتوصيلها ..ثم ودعها وذهب إلى المطار ...
فى صباح يوم جديد فى كندا
تستيقظ حور على صوت بكاء الطفله
تقوم حور بسرعه لتحملها
لوجى وهى تنظر إليها : مام .مام
ابتسمت حور لها فأول مرة تسمعها تناديها ب مام
حور : حبيبتى الجميله وبنوتى الحلوة ..انا مامى حور
لوجى : حوول ..
حور بضحكه من قلبها : حور ..
لوجى : حووول
فرحت حور ..لأنها أيقنت أن الطفله تعودت عليها وبدأت تتحدث
حور : قولى بابي
لوجى : بابب
حور : انتى قمرايه ..تعالى ننزل ونجيب اللبن لاحلى لوجى
ونزلت بالاسفل وطلبت من الخادمه إحضار الحليب للطفله
وحملتها وجلست بها فى الصالون
كانت هناك عيون تراقبها ..ولكنها لم تشعر ..
حور : انتى عارفه يا لوجى أن النهارده بالليل زفافى على بابي فارس ..انا فرحانه اوووى ..بس مش عارفه ليه قلبي مقبوض ..
ليأتى صوت فارس من ورائها ..
فارس : مالك حبيبتى ..ليه قلبك مقبوض
حور بفزع : انت جيت امتى خضتنى
فارس : لا عايزك قلبك جامد ..انتى هتكونى مرات فارس الألفى ..
أحضرت الخادمه الحليب للطفله
حور : عارف يا فارس لوجى قالت ليا النهارده مام
فارس بابتسامه : احلى مامى فى الدنيا ..يا بختك يا لوجى بتنامى فى حضنها
حور وقد احمرت وجنتيها : قليل الادب
فارس : براحتك ...كلها ساعات وهنشوف قله الادب
حور : وبعدين معاك ..
فارس : خلاص خلاص ..أهدى يا منااار
حور بضحكه : ايوا كدا ..اتعدل ..
ليضحكا سويا ..
عند يمنى
تستيقظ يمنى على صوت والدتها هناء
هناء : صباح الخير على احلى عروسه
يمنى : صباح الخير حبيبتى
هناء : يلا قومى علشان اليوم النهارده يومك يا عروسه ..وخالك راجع النهارده
على ميعاد الفرح ..عايزين نجهز احنا كل حاجه
يطرق مروان الباب
هناء : ادخل
مروان : صباح الخير
هناء ويمنى : صباح الورد
مروان : طبعا انتم عارفين أن اونكل مراد و فارس فرحهم معانا النهارده
واونكل مراد صمم أنه يعمله فى الفيلا عنده
عايزين نفطر ونبدا نروح هناك علشان نجهز معاهم
يمنى : اطمن ..مامى كانت لسه بتصحينى علشان نفس الموضوع..انا فرحانه أن فرحى انا وحور فى نفس اليوم ..
مروان : ومش فرحانه أننا هنتجوز وغمز لها
هناء : ربنا يسعدكم حبايبي..يلا بقي الفطار جاهز ونزلوا جميعا الى الاسفل ..
عند مراد
يستيقظ مراد وهو فى قمه سعادته لقد تحققت أمنيته وقبلت منه الزواج من تمناها قلبه
واخيرا فارس ابنه الوحيد قرر الزواج
مراد : الحمد لله والشكر لله
خرج مراد من حجرته ..ليرى طيف شخص يتدارى وراء ستارة إحدى البلكونات
ذهب بسرعه إلى البلكونه ولكنه لم يجد احد
استغرب ذلك وظن أنه تهيأ له ..
ذهب إلى حجرة أميرة وطرق الباب
أميرة : ادخل
دخل مراد وجدها تجلس أمام المرآة وتسرح شعرها
وما أن رأته أحضرت شال بسرعه ووضعته على شعرها ..
ابتسم مراد لحيائها
مراد : هانت يا أميرة وكلها ساعات وهتكونى مراتى وحلالى ..
أميرة بخجل : أن شاء الله
مراد : اتفضلى يا أميرة واعطاها علبه من القطيفه كانت أكثر من رائعه
أميرة : ايه دا
مراد : افتحيها وانتى تعرفي
فتحتها أميرة وجدت خاتم من الماس المرصع
أميرة : الله دا جميل اوووى
مراد : دا أقل من قيمتك يا أميرة ووضعه في اصبعها ..
مراد : الخاتم احلو اكتر فى ايديكى وامسك يدها وقبلها
أميرة : انت هديتى اللى ربنا عوضنى بيها يا مراد
مراد : ربنا عالم بحالنا حبيبتى ...
عند سحر
يأتيها اتصال من أحد الاشخاص
سحر : الو
الشخص : سحر هانم ..اطمنى نفذت كل اللى أمرتى بيه ..
سحر : المهم ..مش عايزة ولا غلطه ..المرة دى
الشخص : كله تمام وهتتاكدى بنفسك ..بالليل فى ميعاد الفرح
سحر بفرحه : كدا اقدر اقولك الشيك جاهز ..
الشخص : تمام يا فندم ..وانا ديما تحت امرك ..
عند طارق يجلس في المطار منتظر الطائرة
ليسمع المتحدث فى الميك على الركاب المتوجهين لطائرة كندا ..الذهاب الى الطائرة
يذهب طارق ..إلى الطائرة ..ويجلس فى الكرسي المحدد له ويربط حزام الأمان .ثم ينظر من شباك الطائرة ويتذكر ملامح هيام الجميله
طارق : ياريتك يا هيام كنتى سافرتى معايا
ليسمع صوت بجانبه : بجد يا طارق هيفرق يعنى معاك
طارق : اه جدا يا هيام ...ثم ينتبه أن هناك من ردت عليه ..لينظر بجانبه
#حور_والأفاعى بقلم #منال_عباس
سكريبت 20
طارق : ياريتك يا هيام كنتى سافرتى معايا ..
ليسمع صوت بجانبه : بجد يا طارق هيفرق يعنى معاك ..
طارق : اه جدا يا هيام ...ثم ينتبه أن هناك من ردت عليه لينظر بجانبه ليجدها هيام
طارق بفرحه : معقول انا مش مصدق عنيا ..
هيام بابتسامه : تفتكر فرح ابنك يا طارق مش هحضره .؟
طارق : انا بجد سعيد اوووى يا هيام ...فرصه كمان نسلى بعض ...الطريق طويل والسفر بياخد ساعات طويله ...لدرجه انى فكرت اخلص فرح مروان ..واسافر اجيلك علشان ما تسافريش لوحدك
ونسافر سوا ...
هيام باستغراب : ف طيله سنين معرفتها بطارق لم يتحدث معها ابدا بهذا الاهتمام ..نظرت إليه
لتتلاقى العيون فى صمت دام لدقائق ..خلالها نبض القلب ولمعت العيون بنظرات الهيام .....
خجلت هيام من نظرات طارق فنظرت للاسفل
ليرفع طارق وجهها بيده
طارق : هيام ..مين الشخص اللى ما اتجوزتيش علشانه طول السنين دى كلها ..
هيام بتسرع : انت ..ثم شعرت بالحرج الشديد والتفت بعيد بنظرها عنه
طارق بصوت هامس : انا يا هيام !! طب ليه ما عرفتنيش ولا حتى لمحتى بكلمه
ارجوكى يا هيام بصيلى وردى عليا
هيام بعيون تملأها الدموع
فلاش باااااااك
يلا يا هناء نروح نشوف النتيجه
هناء : انا خايفه اوووى يا هيام حاسه ان الثانويه العامه دى كابوس مش هخلص منه
هيام : ما تقوليش كدا أن شاء الله خير
ياتى طارق
طارق : صباح الخير يا بنات تعالوا اوصلكم فى طريقي
هناء : لا مفيش داعى المدرسه قريبه وهنروح مشي
مش كدا يا هيام
هيام وهى تنظر إلى طارق وقلبها ينتفض من حبه له ..اه ايوا ...
طارق : طيب سلام وتركهم وغادر ..
هناء : ادعيلى يا هيام انجح لان محمود هيكلم طارق النهارده فى الشغل علشان يخطبنى ..
هيام : الف مبروك يا حبيبتى فرحتينى وعقبال طارق ..
هناء : اطمنى عن قريب طارق كمان هيخطب
هيام بفرحه ظناا منها أنها المقصودة : مين سعيده الحظ .؟..
هناء : سهير اخت محمود .طبعا ..مفيش واحده تناسب طارق غيرها ..ويبقي زيتنا فى دقيقنا
هيام بكسرة خاطر : الف مبروك
عودة من الفلاش
هيام : وقتها عرفت انك عمرك ما فكرت فيا ..ولا حسيت بأى حاجه ناحيتى...واتمنيت ليك السعاده
ونجحنا وانت فعلا خطبت سهير وبعدها انتم عزلتم وانقطعت اخباركم ..لكن عمرى ما نسيتك
يلا سنين عدت وانت بقيت ابو العريس اهووو
طارق : ليه سكتى يا هيام ..ليه داريتى مشاعرك عنى ....كان ممكن تلمحى أو تعرفى هناء...
زواجى من سهير كان زواج تقليدى مجرد تلبيه لطلب والدتى وهناء ..انتى عارفه وقتها أن والدى كان متوفى ..وكانت اسرتى مسئوله منى ..ما فكرتش فى نفسي ..اد ما كنت بفكر فى سعادتهم ..
ياريتك قولتى يا هيام ..كانت حياتنا هتتغير ..انا ماعيشتش الحب ولا جربته ...
بس صدقينى يا هيام من لحظه ما اتقابلنا تانى وانا حاسس انى لقيت روحى
هيام : خلاص يا طارق الكلام دا فات أوانه واحنا كبرنا ...
طارق : لا يا هيام ..يمكن ربنا خلق الصدفه دى وجمعتنا من جديد ..علشان نبدأ من جديد
نتركهم شويه المشوار طويل على ما يوصلوا 🤣🤣🤣🤣
عند فارس
يصل كل من هناء ومروان ويمنى
يرحب بهم فارس ووالده ...
يمنى : اووومال فين حور
فارس : حور فوق فى اوضتها اطلعى ليها
يمنى : طب أستاذنكم وصعدت لها
جلس مروان مع فارس ومراد وهناء
هناء : الف مبروك يا مراد بيه اومال فين العروسه
مراد : تبقي أميرة والدة حور ..هنادى عليها علشان تتعرفوا ...
عند حور
تدخل لها يمنى
يمنى وهى تحتضنها : مبروك يا حور انا مش مصدقه نفسي معقول فرحنا فى نفس اليوم وكمان مروان وفارس الانتيم لبعض
حور : انا كمان مش مصدقه نفسي
يمنى : انتى بنت حلال وتستاهلى كل خير
انا طلبت اقعد معاكى ..تحت الخدم بيجهزوا الفيلا علشان الزفاف ...
سمعت كمان أن اونكل مراد هيتجوز مامتك
حور بضحكه : فعلا ..سبحان الله ..كل حاجه تمت بسرعه ...
ياتى الخدم وهو يحمل فساتين الزفاف
للفتيات
رئيسه الخدم : كمان ساعتين هيحضر الميك اب ارتيست ..
آنسه يمنى جهزنا لحضرتك الحجرة اللى جنب حجرة آنسه حور ..وهنوصل فستانك فى الحجرة دى
شكرتها يمنى ..ثم غادرت الخادمه
نظرت يمنى إلى حور وجدتها يبدو عليها العبوس
يمنى : مالك يا حور
حور : مش عارفه يا يمنى قلبي مقبوض وحاسه أن. خايفه ..
يمنى : أهدى حبيبتى ..اكيد علشان الزفاف ..وحياة جديده عليكى ..انا وضعى مختلف ..يمكن علشان
انا ومروان طول عمرنا مع بعض واتربينا سوا ...
حور : يمكن ..تعالى نتفرج على الفساتين
ذهبت الفتيات لتجد فساتين غايه في الروعه ...لكل منهما .....
مراد : اووومال طارق هيوصل امتى
فارس : هيوصل على الساعه 10 مساءا
مراد : كويس أنه هيلحق الزفاف ...
هناء : بسم الله ما شاء الله .عرفت تختار يا مراد بيه ..مدام أميرة غايه في الجمال والذوق
مراد وهو ينظر إلى أميرة بانبهار : دا رزق ربنا ليا
الحمد لله..
هناء : ربنا يبارك ...وناويين تستقروا هنا ولا فى مصر
مراد : مكان ما أميرة تقرر ..
أميرة : اى حاجه الحقيقه وجودك معايا في اى مكان يكفينى .
هناء : ربنا يسعدكم
كانت الفيلا مزدحمه بالعديد من العمال مع الخدم لتجهيزها وتعليق الزينه والانوار ..
يمر الوقت ويأتى الميك اب ارتيست للفتيات
مراد : أميرة ..اطلعى اوضتك علشان النيكل ارتيست ..
أميرة : انا كمان !!
مراد : طبعا حبيبتى ..وهتلاقى فستانك وكل حاجه هتحتاجيها ...
شكرته أميرة وصعدت معها هناء ...
كانت كل عروس تجلس بحجرتها ومعها الميكب ارتيست الخاصه بها ..
حور وهى تنظر إلى الطفله النائمه على السرير
لو سمحتى يا داده غطى لوجى كويس وعينك عليها
الداده : اطمنى يا بنتى عليها ..وافرحى اليوم يومك
انا مش هسيبها لحظه واحده
بدأت الميكب ارتيست بوضع مساحيق التجميل ل حور ...مضى أكثر من ثلاث ساعات
حتى انتهت العرائس من التجهيزات
كان كل من فارس ووالده ومروان أيضا معهم من يساعدهم حتى انتهى الجميع التجهيزات
مروان وفارس كانوا يبدوان وكأنهم كالنجوم السينمائية بملابسهم الفاخرة ...
اما مراد فقد ازداد وقارا وجمالا بتلك البدله البيضاء
حضر العديد من الضيوف لحضور حفل الزفاف
وبدأت الاغانى والرقص ..
بعد وقت قصير حضر المأذون ..وفى نفس اللحظه
وصل طارق ومعه هيام
طارق : مبروك يا مراد بجد فرحت ليك
مراد : الله يبارك فيك عقبالك يا طارق
نظر طارق على هيام الواقفه بجانبه ..اطمن عن قريب إن شاء الله ..
ثم أخذ هيام ليعرفها بمروان ابنه
مروان : حمدالله على السلامه
طارق : الله يسلمك
رحب مروان بضيفه والده واستاذنهم
حيث صعد كل عريس إلى حجرة عروسته لكى يتم عقد القران
وقف فارس متسمرا من شده جمال حور
فارس : بسم الله ما شاء الله ..انا هتجوز حوريه من الجنه ..
حور : يعنى عجبتك
فارس : قصدك هوستينى ..يلا ننزل علشان نعقد القران ..خلاص مش قادر استحمل
ابتسمت له حور حيث أمسك بيدها وخرجا من الغرفه ليجد والده يمسك بيد أميرة
ومروان بيد يمنى
بدأ كل عروسان بالنزول فى مشهد رائع
حيث الاغانى الرومانسيه الهادئه
جلس الجميع حول المأذون حيث تم عقد القران لثلاثتهم وقال المأذون بارك الله لكما وبارك عليكما وجمع بينكما في خير
ليحمل فارس حور ويلف بها من شده فرحته
اجتمع كل كابلز للرقص على الاستيدج ...
مروان وهو يحتضن يمنى بكل حب اخيرا بقيتى مراتى حبيبتى وملك ايديا
يمنى : زوجى وحبيبي وقرة عينى مروان ...
حضر كلا من رزان ومنذر وذهبا لمباركه الجميع
كانت الحفله أكثر من رائعه
حيث التقت هناء ب هيام صديقه عمرها .وجلسا يستعيدا ذكرياتهم ...
وبينما الجميع منشغل بالرقص
ذهبت الخادمه لتخبر حور أن
