رواية حور والافاعي الفصل الحادي والعشرين والثاني والعشرين والثالث والعشرون والرابع والعشرون والاخير بقلم منال عباس
 |
سكريبت 21
فى جو ملئ بالفرحه والسرور ..وبينما الجميع منشغل بالرقص ..
تأتى الخادمه لتخبر حور ...
الخادمه : حور هانم ..لوجى بتعيط اووووى وشكلها تعبانه ...
حور بخضه : ليه مالها ..انا جايه معاكى اشوفها ..
الخادمه : هى فى الجنينه كنت بمرجحها علشان تسكت ...
حور : ليه خرجتيها فى الجو دا ..كدا تتعب اكتر ومين معاها لما انتى معايا هنا
الخادمه بتلعثم : إحدى الخدم معاها
ذهبت معها إلى الخارج
وما أن وصلت لها وجدتها نائمه على المرجيحه
حور وهى تنحنى لكى تحملها
شعرت بوخزة فجأة
التفت حولها لترى ما يحدث
الخادمه لأحد الأشخاص : يلا بسرعه قبل ما حد يشوفنا ..
الشخص : يلا بسرعه السيارة واقفه برا
وهربا الاثنان ...
كانت حور تشعر بالدوار من أثر تلك الوخزة فلقد تم حقنها بأحد المواد السامه ..
حاولت حور أن تمشي إلى الداخل لتستغيث بفارس ولكنها لم تتحمل ..ووقعت فاقده للوعى.....
بينما فارس منشغل بالترحيب بالضيوف
أحد الضيوف : اومال فين عروستك يا فارس نبارك ليها ..
فارس : موجودة ثوانى
والتف بنظره بحثا عنها ولكنه لم يجدها ..
استغرب عدم وجودها وبدأ يسأل والدتها
أميرة : كانت هنا من شويه ...
ذهب ليسأل يمنى ومروان المنشغلان بالرقص
يمنى : ما شوفتهاش يا فارس
بدأ القلق يدب فى قلبه ..
بدأ الجميع يتهامس عن اختفاء العروس ...
مراد : كل واحد يدور فى مكان
أميرة بقلق : بنتى مالها ..وراحت فين
مراد : اطمنى حبيبتى ..هنلاقيها ..ممكن تكون طلعت اوضتها تعدل الميك اب
رزان : انا شوفت واحده من الخدم كلمتها ..وبعدين خرجت معاها
فارس : خرجت معاها فين
أشارت رزان إلى خارج الفيلا
ذهب فارس والجميع خلفه للبحث عنها ....
وفجأة سمع فارس صراخ طفلته
ذهب إلى مصدر الصوت
حيث وجد حور ملقاه على الأرض
وطفلته تبكى فوق المرجيحه
فارس بصدمه : حوووور
أميرة ببكاء : بنتى حبيبتى
أمسك فارس يدها وحاول افاقتها ليجد الدماء تخرج من فمها
حملت رزان الطفله
يمنى ببكاء : ارجوكم دكتور بسرعه
حملها فارس دون أى كلمه منه وأخذها فى سيارته
وقاد بسرعه إلى المستشفى
فى الاستقبال اخذها طاقم التمريض بسرعه إلى العمليات
ذهب كل من مراد وأميرة ورزان ومنذر ويمنى ومروان ...وطارق وهناء وهيام
كان الجميع يقف فى حاله من الحزن ..فلا أحد يعلم ماذا حدث ...
بعد مده طويله خرج الطبيب
فارس : طمنى يا دكتور
الطبيب : للاسف تم حقنها ب سم قوى والمصل بتاعه للاسف مش متوفر حاليا
احنا قدرنا نوقف النزيف و المريضه محتاجه نقل دم بسرعه
فارس : فصيلتها ايه
الطبيب : O
فارس : وانا كمان O
الطبيب : كويس ..نقدر ننقل ليها الدم ..بس لازم المصل باقصى سرعه لو عدى عليها اكتر من 24 ساعه بدون المصل هينتشر السم فى جميع أنحاء جسدها ..وقتها مش هنقدر نعمل اى حاجه..
فارس : قولى مكانه فين وانا هجيبه
الطبيب : الحقيقه مش موجود فى كندا ..ممكن تلاقيه فى نيو يورك فى أمريكا حيث يتم تحضيره من نوع معين من الأفاعى ...
مراد : خليك انت مع مراتك وانا هتصرف
فارس : بس ..لازم نسرع يا بابا
طارق : ادخل انت علشان نقل الدم وانا ووالدك هنتصرف ...
طارق : مروان خد يمنى وروحوا
وطلب من هيام الذهاب مع هناء هى وأميرة
أميرة :ازاى امشي واترك بنتى ...بنتى يا مراد هتروح منى ..مين عمل فيها كدا
مراد : أهدى يا أميرة ..خلاص خليكى هنا مع فارس ..ويلا يا رزان روحى مع منذر
رزان : حاضر يا اونكل ..واطمنوا على الطفله هتكون معانا على ما حور تقوم بالسلامه
شكرها مراد وقال :
ان شاء الله نطمنكم بالفون ..
غادر الجميع سوا فارس وأميرة
حيث دخل فارس لنقل الدم إلى حور
كان ينظر إليها وهى مغمضه العينين ووجهها شاحب اللون
فارس : يا ترى مين عمل فيكى كدا يا حور والله ما هسيب حقك يضيع وهنتقم من اللى عمل كدا حتى لو مين ....
كانت أميرة تجلس خارج الغرفه تبكى وتدعوا الله أن ينجى ابنتها ...
ذهبا كلا من مراد وطارق وعلاقاتهم وشهرتهم فى عالم البيزنس ..استقلوا سيارة خاصه الى امريكا
حيث وصلوا الى ولايه نيو يورك
ومنها استقلا تاكسي إلى عنوان المستشفى الذى أعطاهم إياه الطبيب
مراد متحدثا بالانجليزيه
سأل عن ذلك المصل
الطبيب : أنه غير متوفر حاليا وصعب اعطائه منه ...
مراد : سأعطيك اى مبلغ تريده مقابل أن تعطيه لى
الطبيب : هناك إجراءات طويله يجب فعلها كى أقرر صرفه لك
مراد أخرج شيك وكتب له مبلغ كبير من المال
الطبيب وهو ينظر إلى المبلغ فى ذهول
الطبيب : اوك .. موافق
اتركنى ساعه سأتصل بأحد الاخصائين هو الوحيد القادر على عمل المصل لانه يتكون من نوع فريد من الأفاعى وسوف اجهز كل شئ
طارق : ارجوك بسرعه ..الوقت مهم بالنسبه لينا ...
الطبيب : اوك سأبذل جهدى ...
عند هناء
هيام : يا ترى مين عمل فيها كدا ...شكلها طيبه
حرام بجد
هناء : فعلا بنتى يمنى ديما بتشكر فى حور ..منه لله اللى آذاها
هيام : انا هنزل هنا وهتابعك بالتليفون
هناء : الوقت اتاخر ..تعالى معايا للصبح ...
هيام : انا ساكنه قريب من هنا ..اطمنى .هجيلك الصبح علشان اطمن على حور ..
هناء : طيب حبيبتي على راحتك ..
نزلت هيام واستقلت تاكسي إلى الفيلا التى تسكن بها ....
عند فارس
انتهى من نقل الدم
الطبيب : لازم تستريح انت كمان
فارس : فى امل يا دكتور
الطبيب : لو قدرنا نوصل للمصل يبقي امل كبير...بس لازم نبلغ الشرطه ..لان دا محاوله قتل
فارس : يارب ..طبعا اكيد لازم تبلغ الشرطه ..
خرج فارس ليجد والدة حور تجلس وهى تبكى
أميرة : مين عمل فى بنتى كدا ..حور اول ما تفوق انا هاخدها مصر ..احنا كنا فى حالنا ..بنتى عمرها ما آذت حد ..
فارس : اطمنى يا طنط أن شاء الله هترجع احسن من الاول وبدأ يتذكر حديث رزان أن الخادمه تحدثت مع حور ثم ذهبت معها إلى الخارج ...
يمر الوقت ببطئ والجميع فى قلق
يمنى : انا خايفه اوووى يا مروان يحصل حاجه ل حور .مين عمل فيها كدا
مروان : ربنا يستر ..وان شاء الله ربنا هينجيها
بس بجد حاجه محيره مين عمل كدا
يمنى : انا مش عارفه ..حور بنت طيبه
تصور كان قلبها حاسس
مروان : ازاى
يمنى : لما طلعت ليها كانت خايفه ..وقالت إن قلبها مقبوض ..كأنها كانت حاسه باللى هيحصل ..
مروان : غريب بجد اللى حصل ولازم نعرف مين المسئول عن كدا ...
عند مراد وطارق
يأتى إليهم الطبيب ومعه المصل ...
مراد بفرحه : اشكرك يا دكتور ..وأخذ المصل بسرعه
استقلا هو وطارق التاكسي إلى المطار للعودة إلى كندا ....يتصل مراد على ابنه فارس
فارس بلهفه : ايوا يا بابا عملت ايه ؟
مراد : اطمن يا حبيبي ..الحمد لله قدرنا نوصل للمصل ..وان شاء الله نرجع بسرعه .
فارس : أن شاء الله
عند هيام
تصل هيام إلى الفيلا
تفتح الباب بمفتاحها فالوقت قد تأخر وجميع الخدم نائمين
صعدت إلى الأعلى ظنا منها أن ابنه أخيها ...قد نامت ...
لتسمع صوت ضحكات عاليه تأتى من غرفته ابنه أخيها ...اقتربت من الغرفه لتسمع ..دا احلى خبر سمعته فى حياتى
المتصل : كدا انا نفذت كل اللى أمرتى بيه
ابنة أخيها : طبعا واطمن من الصبح هتلاقي الشيك اتحول إلى حسابك ..
المتصل : طب والدادة هنتصرف معاها ازاى دى طالبه فلوس اكتر .وانا اقنعتها أن. هحاول اجيبلها فلوس تانى ..على ما مشيت من عندى ..
#حور_الأفاعى بقلم #منال_عباس
سكريبت 22
عند عودة هيام إلى الفيلا ..ظنت أن الجميع نائمون ..صعدت إلى حجرتها بالاعلى ..لتسمع صوت إبنه أخيها تتحدث بصوت عالى ...سمعت الحديث ولكنها لم تفهم عما تتحدث ..ولكنها أيضا شعرت أن ابنه أخيها تدبر لشئ ...
قررت العودة والذهاب لحجرتها ..دون مواجهتها ..
ثم قررت مراقبتها من بعيد دون أن تشعر ..فجميع تصرفات تلك الفتاة مريبه ....
عند فارس
يجلس فارس بالقرب من حور وهو يتأملها ودموعه تنهمر ...
فارس : حقك عليا حبيبتى انا السبب في اللى انتى فيه ..كل اللى حواليا أشرار ..انتى حياتك كانت هاديه وبسيطه..انا اللى بايديا دخلتك جحر الأفاعى
ثم أمسك بيدها ..
ياااه يا حور .گأن قلبك كان حاسس بالشر اللى منتظرك ...كنتى بتقولى قلبي مقبوض ..
وحياتك عندى يا حور مش هتهاون فى حقك ابدا
واى حد له صله باللى حصلك هياخد عقابه وزياده ...
عند مراد وطارق
بعد سفر طويل دام أكثر من ساعتين ..يصلان كليهما إلى مطار القاهرة...حيث اقترب الوقت من الصباح ...
مراد وهو ينظر إلى صديق عمره : تعبتك معايا يا طارق
طارق : ما تقولش كدا يا مراد ..احنا اصحاب واخوات ودى عشرة عمر بينا ..ربنا يطمنكم على حور
مراد : يارب ..فارس ما لحقش يفرح ...
استقلا تاكسي إلى المستشفى
وفى صباح يوم جديد ملئ بالاحزان لما حدث
يصلان إلى المستشفى
فارس بفرحه لعودتهما بهذه السرعه فقلبه كان خائف ألا يجدا ذلك المصل
مراد : فارس ..اتصل على الطبيب ..علشان المصل
فارس : حاضر
طارق : أسيبكم هروح اغير ملابسي واطمن على الاولاد وهرجع تانى ليكم
مراد : طبعا اتفضل ..وبجد شكرا ليك ...
صافحا الصديقان بعضهما البعض وغادر طارق ...
يذهب مراد لحجرة حور ..ليجد أميرة تجلس بجانبها وعيونها باكيه ...وما أن لمحته حتى قامت وارتمت فى حضنه ..وهى تبكى
مراد وهو حزين على حالتها : أهدى يا أميرة
وان شاء الله ربنا يقومها بالسلامه
والحمد لله قدرت أجيب المصل ...
أميرة : ربنا ما يحرمنا منك ..مش عارفه من غيرك كنا هنعمل ايه..
يطرق الباب ويعود فارس ومعه الطبيب
يقوم الطبيب بفحص حور ويقيس ضغط الدم
الطبيب : لازم تتحقن حالا
وقام بأخذ المصل وقام بحقنها .....
يمر الوقت والجميع فى قلق .فلازالت حور مغيبه عن الوعى ....
فارس : هى ليه ما فاقتش يا دكتور ..
الطبيب : الحقيقه تأثير السم ..كان قوى عليها ..واحنا عملنا اللى قدرنا عليه من مثبطات للسم .. دلوقتى مش قدمنا غير الانتظار ..
والحمد لله انا شايف أن نبض القلب بدأ ينتظم ...
تركهم الطبيب وغادر
فارس : اتفضل يا بابا حضرتك انت وطنط روحوا علشان تستريحوا ..حضرتك ما ارتحتش
أميرة : ازاى يا فارس أمشي واترك بنتى وهى كدا ..
مراد : ما تقلقيش يا أميرة ..واطمنى انا حجزت حجرة هنا علشان تكونى قريبه منها ..بس لازم ترتاحى شويه ..
أميرة : شكرا يا مراد
اخذها مراد وخرجا للذهاب الحجرة الأخرى....
عند رزان
رزان : صباح الخير حبيبي
منذر : صباح الخير روز
رزان : الطفله بكت كتير بالليل ..كأنها حاسه باللى حصل مع حور ..
منذر : ربنا يطمنا عليها ..كتير الواحد حزين ..
رزان : أن شاء الله تقوم بالسلامه .كلنا بندعى ليها
يلا علشان تفطر ونروح ليها المستشفى
منذر : يلا حبيبتى ....
عند طارق
يصل طارق إلى منزله وكان متعب من السفر
وجد هناء تجلس بالهووول
طارق : صباح الخير يا هناء
هناء : صباح الخير يا حبيبي حمدالله على سلامتك
طارق : الله يسلمك
هناء : مفيش جديد
طارق : الحمد لله ..قدرنا نوصل للمصل ...هستريح شويه ولما اصحى هروح ليهم ..
هناء : أن شاء الله هروح معاك
طارق : أن شاء الله..قوليلى الاولاد عاملين ايه
هناء : اللى حصل امبارح خلى الكل حزين
طارق : عندك حق ...ربنا يستر
ويتركها ويصعد إلى حجرته...
عند هيام
تستيقظ على طرق باب حجرتها
هيام : ادخل
سحر : صباح الخير يا عمتو ...حضرتك رجعتى امتى ..
هيام : رجعت بالليل ..والكل كان نايم ما حبيتش اقلقك ..
سحر : اممم .تمام
هيام : لابسه بدرى ليه كدا
سحر : عندى شغل مهم ..عارفه يا عمتو اول مرة احس ..انى مبسوطه ..
هيام : ربنا يسعدك حبيبتي ..خير حصل ايه
سحر : كان فى منافس ليا فى الشغل .بس خلاص بح ..خلصت منه
هيام باستغراب : خلصتى منه ازاى
سحر بضحكه خبيثه : خلصت منه وخلاص ..ما تاخديش فى بالك ثم تتركها وتغادر ...
هيام فى نفسها : يا ترى ايه اللى مدرياه يا سحر
ربنا يعديها على خير..وفجأة يرن هاتفها
هيام : الو
طارق : الو ..صباح الخير
هيام : طارق ..طمنى عليك ..رجعت امتى
طارق : من شويه ..ما هانش عليا انام قبل ما اسمع صوتك واطمن عليكى...
هيام : انا كويسه الحمد لله...لقيتوا المصل
طارق : ايوا الحمد لله ...
هيام : ربنا يجعل منه الشفاء
طارق : يارب ..هيام
هيام : نعم
طارق : اقدر اشوفك النهارده ..
هيام بارتباك : هو فى حاجه
طارق : حابب اشوفك ...
هيام : انا كنت هروح المستشفى بعد العصر اطمن على حور ..
طارق : كويس جدا ..نتقابل هناك . هستريح شويه واكلمك اول ما اصحى ...
هيام : أن شاء الله وأغلقت الهاتف وهى تحتضنه ..
لم تصدق نفسها بعد كل تلك السنين..تتحدث مع من أحبته ...
عند مروان
يستيقظ مروان ليجد يمنى نائمه وشعرها يغطى وجهها ..يرفعه ببطئ ..وينحنى ليقبلها ..
يمنى بخجل : صباح الخير يا ميرو
مروان بحب : احلى صباح على اجمل عروسه
صباحيه مباركه حبيبتى ..
يمنى : الله يبارك فيك
مروان : عايز بعد سنه يكون معانا احلى بيبي ولد او بنت المهم يكون شبهك
يمنى :هههه ايه السرعه دى
مروان : من حبي فيكى يا قمر. انت ...
بقولك ايه ..ما تيجى اقولك كلمه سر فى بوقك
ولم ينتظر ردها ليلتهم شفتيها فى قبله طويله ...
عند سحر
تصل سحر إلى شركتها
كان باسل فى انتظارها ومعه تلك الخادمه
وما أن راتهم سحر تضايقت ودخلت مكتبها وطلبت منهم الدخول ..
سحر : انتم ايه اللى جابكم هنا
باسل : مش موافقه بالمبلغ اللى زودته ليها ..وصممت تقابلك ..
سحر وهى تنظر بغيظ إلى تلك الخادمه : عايزة ايه تانى
الخادمه : عايزة شيك بمليون دولار
سحر : انتى اتجننتى ..
الخادمه : دا اللى عندى ..وما تنسيش أن فارس بيه
نفسه يعرف مين اللى عمل كدا فى مراته ..
وانا مجرد شاهد ..
سحر بعد تفكير : اممم اوك
خلاص هحدد ميعاد ليكى تانى ونتفق .. ودلوقتي عندى شغل ..
الخادمه : تمام ..وتركتهم وغادرت
باسل : هتديها المليون !!
سحر : الست دى طلعت مش سهله ..هرتب ظروفى وأشوف ...
باسل : المهم بسرعه ..علشان ما تقلبش علينا
سحر : ما دا اللى كان ناقص ...
باسل : امشي انا علشان شغلك ..سلام
خرج باسل من الشركه بسرعه ..ليجد الخادمه فى انتظاره ..
باسل : برافوو عليكى ...صدقتى بقي اننا نقدر نعمل مصلحه من ورا اللى حصل ..
الخادمه : دا انت طلعت داهيه ...
باسل بضحك : البيزنس علمتى كدا ...
عند فارس
يجلس فارس بجانب حور ..ثم يتذكر حديثها له
فلاش باااااااك
فارس : انا مش مصدق أن بكرة هتكونى مراتى وحبيبتى
حور بخجل : بس انا ليا طلب
فارس : اؤمرينى
حور : عايزاك تقرب من ربنا ..وتصلى فرضه
فارس : اوعدك يا حور ..انا بجد عايز اتغير ...وان شاء الله هتغير على ايديكى
عودة من الفلاش
فارس : هنفذ وعدى ليكى حبيبتى ..بس ارجعيلى
ويقوم ويتوضأ ويصلى
يسجد خاشعا إلى الله ويبكى متوسلا فى الدعاء
أن يشفى له زوجته ..
ينتهى من الصلاة ..ويمسك بالمصحف ويقرأ آيات القرآن..ليجد ......
#حور_والأفاعى بقلم #منال_عباس
سكريبت 23 قبل الاخير
بينما يوفى فارس بوعده لحور ..فتقرب إلى الله بالصلاة والدعاء وقراءة القرآن ليجد حور تحرك يدها ببطئ وتنادى بصوت منخفض
حور : فارس
ينتبه فارس لها وبكل فرحه
فارس : حور حبيبتى ..اخيرا ربنا رجعك ليا ويقوم ويحتضنها ودموعه تنزل على وجهها
حور : انا فين ؟
فارس : ما تتكلميش حبيبتى علشان ما تتعبيش
ثوانى اجيبلك الدكتور وهعرفك كل حاجه
يخرج فارس مسرعا إلى الطبيب لاحضاره ..ويتصل على والده لاخباره ما حدث
مراد : اللهم لك الحمد ..احنا جايين حالا
يأخذ مراد أميرة ويذهبا لحجرة حور..حيث حضر الطبيب ...
يقوم الطبيب بمعاينه حور وفحصها
الطبيب : حمدالله على السلامه يا مدام حور
الحمد لله عديتى مرحله الخطر ..بس لازم تقعد كام يوم تحت الملاحظه ..
حور وهى تشعر بوهن شديد : هو حصل ايه ..
الطبيب : فارس هيحكيلك ...بس لازم الشرطه
تستجوب مدام حور ..بما انها فاقت من الغيبوبه ..
مراد : اكيد يا ابنى
يخرج الطبيب لإبلاغ الشرطه ..
أميرة وهى تحتضن ابنتها : كنت هموت عليكى حبيبتى..الحمد لله والشكر لله
مراد : حمدالله على السلامه يا بنتى
تنظر لهم حور : الله يسلمك يا ماما ويسلمك يا اونكل مراد ..تبحث بعينيها للبحث عن فارس
لتجده ساجدا لله
فقد صلى فارس ركعتين شكر لله على نجاة زوجته ...وما أن انتهى
حور بفرحه : انا فرحانه اوووى انك بتصلى يا فارس
فارس : دا وعدى ليكى وصدقينى يا حور انا لقيت نفسي وانا بين ايدين ربنا ..
حور : الحمد لله يا حبيبي
يشير مراد إلى أميرة للمغادرة لتركهما بمفردهم
ويخرج كليهما ...
حور : احكيلى يا فارس ايه اللى حصل
يقص فارس كل شي حدث فى ذلك اليوم
حور : اه صحيح ..الداده جات ..ولم تكمل حديثها ...لوصول ضابط الشرطه
الضابط وهو ينظر لها بإعجاب شديد بالرغم من مرضها فلازالت جميله
الضابط : حور اسمك جميل
حور بخجل : شكرا
فارس بغيرة : لو سمحت اتفضل شوف شغلك
الضابط : انت مين ؟؟
فارس : انا فارس الألفى زوجها
الضابط وهو يبلع ريقه : اتفضلى يا مدام حور احكى لينا ايه اللى حصل يوم الحادثه..
تقص لهم حور ما حدث وخروجها للدادة من أجل لوجى ...وفجأة شعرت بوخزة فى يدها وبعدها فقدت الوعى ...
الضابط : فين الخادمه دى
فارس : الحقيقه انا انشغلت مع حور ...وماروحتش الفيلا بعدها ...
الضابط : عندك كاميرات مراقبه تغطى الفيلا
فارس : ايوا ..فى كل مكان
الضابط : يأمر بتحريز الفيديوهات لكاميرات المراقبه ... كما يأمر بضبط وإحضار الخادمه ( الدادة)
يشكرهم الضابط ويغادر
فارس : الدادة دى انا ما كنتش مطمن ليها .. وخصوصا انها جديدة وما نعرفش عنها حاجه
بس اكيد فى حد ساعدها على كدا ...
حور : معقول الست الطيبه دى تكون بالشر دا
فارس : للاسف يا حور هنا مفيش حد طيب
واطمنى حقك مش هيضيع...
عند جاكلين ..
جاكلين : قولتيلى بقي ..باسل وسحر بيبعدونى هما الاتنين ..علشان يعملوا شغل من ورايا ..كان قلبي حاسس
الخادمه بضحكه : بس انتى اذكى منهم وخليتينى انفذ كلامك وكل واحد منهم مفكر انى تحت امره ...
جاكلين : المهم نعرف نضرب ضربتنا وناخد الفلوس
وبعدها كل واحد يروح لحاله ..ثم تنهدت تنهيدة وقالت فى نفسها
فرصه أنى خلصت منك يا حور من غير ما اتعب نفسي ...واخيرا الجو بقي خالى وهتبقي ليا يا فارس ...
يمر الوقت
ويتلاقى الجميع بالمستشفى ..لرؤيه حور والاطمئنان عليها
فرح كل من رزان ومنذر عندما رأوا حور واحتضنت حور
حور : تسلميلي يا رزان ....
ياتى طارق ومعه أخته هناء وهيام
الجميع فى حاله من السرور ويهنئون حور لسلامتها ...
مراد : فرحتى بنجاتك يا حور يا بنتى بالدنيا كلها
حور : ميرسي يا اونكل ...
طارق : أن شاء الله مروان و يمنى هيحضروا بكرة علشانك ..
شكرتهم حور لاهتمامهم .....
يغادر الجميع من أجل أن تستريح حور ...
يأخذ طارق هناء وهيام إلى أحد المطاعم
هيام : الله انا بحب المكان دا اوووى يا طارق
ذوقك حلو ...
يجلس ثلاثتهم لاسترجاع ايام طفولتهم
يضحكون ضحكات من القلب ....
وفجأة تشاهد هيام سحر ابنه أخيها مع شاب
يجلسون بالقرب منها دون أن تراها سحر
سحر : بقولك ايه يا باسل ..مش حتة خادمه تتحكم فيا انا ...انا اقدر أمسحها من على وش الدنيا ..زى ما خططت ل حور
استمعت هيام لذلك وانقبض قلبها
كيف لابنه أخيها أن تكون بهذه القسوة والشر ..
شعر طارق بأن هيام يبدو عليها الحزن
طارق : مالك يا هيام
هيام : مفيش ..بس تعبانه شويه
طارق بقلق واهتمام زائد شعرت به هناء : طب تعالى نروح للدكتور. .
هيام : انا محتاجه أرجع البيت واسفه أنى بوظت ليكم اليوم
طارق : المهم راحتك يا هيام ..وضرور. تكلمينى لما ترتاحى علشان اطمن عليكى .
طارق يلا بينا وخرجوا دون أن تراهم سحر ...
بينما تتحدث سحر مع باسل
تدخل جاكلين إلى نفس المطعم
جاكلين : امم هاى شله ...يا ترى انتم مع بعض بالصدفه ولا فى شغل جديد
سحر : هاى جاكى ..بنت حلال كنا لسه بنجيب فى سيرتك
جاكلين : طب كويس انكم فاكرنى
باسل : هو احنا نقدر نستغنى
جاكى : عرفت أن يمنى اتجوزت مروان يا باسل ..قلبي معاك بقي
باسل : اه للاسف ..بس مفيش مشكله متعوضه ...
سحر : وما عرفتيش أن حور اتجوزت فارس يا جاكى ..
جاكى : اه يا سحر قلبي معاكى يا حبي ....
سحر : عادى بقي ..المهم عندنا شغل الفترة اللى جايه ...
جاكى : شغل ايه ...
نظرت سحر إلى باسل واكملت
فى واحده بتبزنى فى فلوس ..عايزاكى تتفاوضى معاها
جاكى : انا !!! وهى بتعمل ليه كدا
سحر : شغل قديم بينا ..
جاكى : تمام يا حبيبي ..ابعتيلى عنوانها والتفاصيل...
عند فارس
يتصل فارس بأحد أصدقائه ويدعى أحمد ويخبره كل ما حدث معه ومع حور ويطلب منه البحث عن الخادمه بعدما علم بهروبها من الفيلا ..ومراقبتها ...
احمد : ابعت ليا كل بياناتها اللى تعرفها وايام وهيكون عندك تقرير كامل عنها ...شكره فارس واغلق الهاتف ...
والتف ليجد حور تنظر إليه ..
فارس : حبيبتى يا حور وحشتينى ...
حور : انا خايفه يا فارس ..
فارس : من ايه يا حبيبتي
حور : من الناس اللى عملوا فيا كدا
وليه اصلا كانوا عايزين يموتونى
قام فارس باحتضانها .. ثم قرر مغادرة المستشفى
فارس : عندك حق يا حور ..مش بعيد يعرفوا انك فوقتى من الغيبوبه ويرجعوا يكرروا عملتهم الافضل نمشي من هنا ..
حور : نمشي نروح على فين ...
فارس : فى فكرة جات فى بالى ...اتمنى من خلالها نقدر نعرف مين عمل كدا ..المهم محدش يعرف انك خرجتى من المستشفى...
فارس وهو ينظر إلى عينيها : واثقه فيا يا حور
حور : اكيد يا فارس
ذهب فارس وأخبر الطبيب بخطته واتصل على الشرطه وأكد على الضابط بتنفيذ خطته ..
الضابط : تمام وخطتك كويسه ...
عند هيام
عادت هيام إلى الفيلا وجلست تنتظر سحر
إلى أن وصلت سحر
هيام : سحر ..تعالى هنا
سحر : عمتو اجلى اى حاجه لوقت تانى ..انا عندى مشاكل ...ودماغى مش ناقصه
هيام بضيق : اكيد عندك مشاكل وطبعا دا بسبب عمايلك
سحر : بتتكلمى عن ايه !!
هيام : عن اللى عملتيه فى حور ...
سحر بذهول : حووووور ....
#حور_والأفاعى بقلم #منال_عباس
سكريبت 24 .....الاخير ......
جه الوقت اللى هنودع فيه أبطالنا ...حقيقي هفتقدهم اه صحيح هما زيهم زى ابطال اى روايه ليا برتبط بيهم جدا وأوقات بكلمهم فى خيالى هتوحشونى بجد حور وفارس ..
يلا بينا نكمل النهايه .... ❤️❤️❤️
عند هيام حيث واجهت سحر
هيام بضيق : اكيد طبعا عندك مشاكل بسبب عمايلك
سحر باستغراب : بتتكلمى عن ايه !!
هيام : عن اللى عملتيه فى حور
سحر : حوووور !!! حور مين وانتى تعرفي حد اسمه حور منين ..
هيام : ردى على سؤالى ..عملتى ايه فى حور
سحر : ما عملتش حاجه ..وما اعرفش انتى بتجيبي الكلام دا منين ...
هيام : من غير لف ودوران .. انتى السبب فى قتل حور ..
سحر : انتى ليه مصممه كدا انا ما عملتش حاجه
ثم إن حور دى تهمك فى ايه ...مش خلاص ماتت وراحت فى داهيه ..
لترد هيام : الحمد لله ربنا نجاها ..حرام يا بنتى تضيعى نفسك ..هى عملت ليكى ايه
سحر بصدمه : هى لسه عايشه !!!!
وتركتها وجريت بسرعه على حجرتها ...
سحر بعصبيه وتكسير فى كل شئ أمامها ..بقي كدا يا باسل ال*كل*ب ضحكت عليا وقولت أنها ماتت
سحر : حسابك معايا عسير ...
عند فارس
يأخذ حور فى أحد الأماكن بعيدا عن المستشفى ولا يدرى أحد بأنهم غادروا سوا الطبيب والشرطه ...
حور : احنا رايحين فين يا فارس
فارس : دا شاليه خاص بيا محدش يعرف طريقه اطمنى ..
حور : اوك حبيبي
يصلان إلى الشاليه
يقوم فارس بفتح باب السيارة لحور
ويحملها بين يديه كالعصفورة ..تحتضنه حور .فبقربه ودفئ صدره تشعر بالأمان ..يدخل فارس بها الى الشاليه...
نظرت إليه حور بإعجاب شديد ..
حور : الله يا فارس دا جميل اوووى
واحتضنته أكثر ...فارس ..مفيش حاجه فى الدنيا اجمل منك يا حور قلبي ...
ووضعها برفق فى السرير ...وكأنها طفله يخاف عليها أن تتأذى ...
اتصل فارس على الماركت وطلب منه بيتزا واغراض كثيرة من أجله هو وحور
وبعد وقت قصير وصل الدليفرى
حور : انا اللى هحضر الأكل هيعجبك اوووى
فارس : انتى ايه ....انتى تقعدى كدا زى الملكه وانا هعمل كل حاجه ..ارجوكى يا حور حافظى على نفسك علشان خاطرى
وذهب إلى المطبخ وأحضر البيتزا والعصائر الفريش
وجلس بجانب حور يطعمها بيديه وهو ينظر إلى ملامحها التى اشتاق إليها...
حور : كفايه يا فارس انا شبعت اوووى
فارس : علشان خاطرى كلى دى كمان ..
حور : انا بحبك اووى يا فارس
فارس : بجد يا حور ! يعنى مش زعلانه منى
حور : وهزعل منك ليه يا فارس
فارس : انتى حياتك كانت هاديه وبقربك منى كنتى هتضيعى منى
حور : بس انا بحبك اووى ..انت فارس احلامى
اقترب منها فارس أكثر ولم يستطع هذه المرة أن يتمالك أعصابه ...ليلتهم شفتيها فى قبله طويله ليشبع من شهد شفتيها لتتجرأ يديه إلى سائر جسدها ..لتسلم له حور جسدها بكل حب وامان فهى أيضا تشتاقه ...
لتصبح حور زوجه ل فارس ....
بعدما انتهى
فارس : آسف حبيبتى ..انا تعبتك ..ماكنش لازم اعمل كدا وانتى لسه تعبانه
لتضع حور يدها على فمه
حور : ما تتأسفش يا فارس ..دا حقك وانا كمان كنت مشتاقه ليك ..
عند سحر
تتصل سحر ب باسل
سحر : تعالى ليا حالا
باسل : فى ايه يا سحر
سحر : حور ما ممتتش يا سي باسل ..ولسه عايشه
انت قولت أن كلها ساعات وتموت وطلعت لسه عايشه ..
باسل بقلق : ازاى دا ..دى لو فاقت هنروح كلنا فى داهيه ...
سحر : يبقي تتصرف يا سي باسل
باسل : لا المرة دى لازم تكونى معايا ..
سحر : ابعتلى عنوان المستشفى
باسل : العنوان .......نتقابل هناك
واغلق الهاتف معها
باسل : اوووف مشاكلك مش هنخلص منها ابدا ...
يتصل باسل على الخادمه
حيث تجلس الخادمه مع جاكلين
جاكلين ردى بسرعه وافتحى الاسبيكر
الخادمه : الو
باسل : حور طلعت لسه عايشه ...وسحر شكلها مش هتدفع اى حاجه
الخادمه : ازاى دا ...انا جازفت بنفسي ...وانت اللى حقنت حور ..انا عايزة فلوسي ..
باسل : احنا رايحين دلوقتى المستشفى ل حور
بس انا مش مطمن ل سحر ..حبيت اعرفك علشان لو حصل اى حاجه وسحر لعبت بينا ..
الخادمه : احنا مش هنخلص من الموضوع دا
باسل : اما نشوف واغلق الهاتف
جاكلين : ازاى حور لسه عايشه وهى واخده سم مميت ..انا حاسه أنهم بيكدبوا علينا
الخادمه : طب رايك ايه
جاكلين قومى نلبس ملابس ونحاول نتخفى فيها ونروح بنفسنا المستشفى ونشوف فى ايه ..
بعد مرور بعض الوقت يتجمع الجميع فى المستشفى
باسل وسحر
تمثل سحر بأنها زوجه باسل ومريضه
يأخذها الأطباء للفحص ..
وبعد المعاينة
الطبيب : من امتى وانتى بتشتكى من الالم دا
سحر باستغراب لاهتمام الطبيب فهى تدعى أنها مريضه ولا تتألم كى يسألها هكذا
سحر : مش ديما
الطبيب : لازم تقعدى معانا يومين لعمل بعض التحاليل والأشعة
سحر : تمام ..
يخرج الطبيب ويبدأ باسل وسحر بالبحث عن حجرة حور حتى يجداها ....
كانت جاكلين والخادمه أيضا فى المستشفى يراقبون كل شئ ...
وصلا سحر وباسل إلى حجرة حور حيث وجدوا
حور نائمه ..
سحر : اووومال فين فارس
باسل : احنا جايين علشان حور ..اخلصي شوفى هتعملى ايه ..
سحر : اقفل الباب وافصل الأجهزة عنها وانا هخنقها بايديا
باسل : يلا بسرعه قبل ما حد يشوفنا
ويبدأن فى تنفيذ خطتهم
ليجدوا فجأة الشرطه تدخل
فكل شئ كان مصور
سحر : فى ايه احنا ما عملناش حاجه
لتجد فجأة أحد الضباط يقوم من السرير
الضابط : كنتى عايزة تخنقينى وبصمات ايديكى على رقبتى وكله متصور
باسل : منك لله يا سحر .بسببك ضيعتى مستقبلى
يتم القبض أيضا على جاكلين والخادمه
حيث يعترف الجميع على الاخر
فجميعهم أفاعى لا أمان لهم ...
يتصل الضابط لاخبار فارس بنجاح خطته
يشكره فارس ...ويذهب إلى حور
فارس : حبيبتى دلوقتى انتى فى آمان
حور : اى وقت انت معايا فيه هو الامان....
فارس : عايزك تظبطى نفسك وتلبسي الفستان اللى هتلاقيه فى الدولاب
حور : والفستان دا جيبته منين
فارس : بلاش الظن ..انا كنت محضر المكان هنا علشان شهر العسل وكنت عامله مفاجئه ليكى بس حصل اللى حصل
المهم : هسيبك ساعه تكونى جهزتى نفسك ..مش اكتر من ساعه يا حور
حور : تسيبنى ..كدا هخاف اقعد لوحدى
فارس : اطمنى حبيبتى ...واقفلى على نفسك ..وانا مش هتاخر عليكى ..
حور : أمرى لله وتركها فارس وغادر
تمر الساعه بسرعه وتتزين حور وترتدى الفستان كما طلب منها فارس
وفجأة يقطع النور ويصبح المكان مظلم
حور بخوف : فارس ..ارجوك تعالى انا خايفه اوووى
وتبدأ حور بخوف بالبحث عن شئ تضيئه
لتسمع حور صوت باب يفتح
حور بخوف أكثر : مين فتح الباب لتشهق حيث وجدت يد وضعت على كتفها وفجأة يعود النور
لتجد الجميع حولها والدتها ومراد
ويمنى ومروان ورزان ومنذر والطفله لوجى
طارق وهناء ومعهم هيام ...حيث ذهبت هيام واخبرت طارق كل شئ عن سحر
وطلبها طارق للزواج ..ووافقت
حور بفرحه انا مش مصدقه عنيا. .انتم جيتوا ازاى وعرفتوا مكانى ..
ينظر الجميع إلى فارس ..
فذلك الفارس بطل أحلامها ...حقق حلمها وجمع حولها احبائها
يشغل فارس أغنيه سهر الليالي
حيث يتراقص الجميع على انغام صوت فيروز
تحتضن حور لوجى وهى تتراقص مع فارس
لتبدأ حياتهم الزوجيه بحب بعيدا عن الأفاعى
*""""" تمت """""*
