رواية رفيقة السفر الفصل الاول والثاني والثالث والرابع والخامس والسادس والسابع والاخير بقلم سيد احمد الشاذلي
رواية رفيقة السفر الفصل الاول والثاني والثالث والرابع والخامس والسادس والسابع والاخير بقلم سيد احمد الشاذلي
الجزء الاول
والتقيا فى طريق لم يعلم كل منهم نهايته
ايه كانت #اجمل وارق #النساء التى راءها سعيد فى حياته
كانت ذاهبه الى محطة القطار لتتوجه الى مدينة الاسكندريه
على #شباك_التذاكر كانت تقف ايه لتقطع تذكرة السفر
وبعد ان اخذت التذكره
واذا بسعيد يقف ليقطع التذكره
محصل شباك التذاكر /_لوسمحت شوفلى فكه
سيد /_أنا مامعيش فكه!!!
المحصل /_وانا هعمل لحضرتك ايه اجيبلك #فكه منين؟
سعيد /_القطر هيفوتنى
المحصل /_ده مش شغلى حضرتك
ايه لفت الموقف انتباهها فاخرجت #النقود من حقيبتها
واعطت للمحصل تمن التذكره
المحصل /&وانتى ايه ذنب حضرتك تدفعى ليه ؟
ايه /_مش مشكلة حضرتك انا هدفع له
المحصل/_ماشى اتفضلى التذكره اهه
ايه اتفضل ياستاذ التذكره
سعيد /_ثانيه واحده هفك واجيب تمن التذكره لحضرتك
ايه /_لا مافيش داعى أنا #مسامحه
سعيد /_هو حضرتك رايحه فين ؟
ايه /_رايحه اسكندريه
سعيد /_وأنا كمان رايح اسكندريه
#ايه /_طيب يلا بينا واضح إن القطر واقف فى المهم لمحطه
سعيد وايه اتجهوا للقطار وركبوا سواء
سعيد قعد ايه وقعد قصادها عمال يبص فى ملامحها #سعيد حبها من اول نظره شافها فيها
حس انه يعرفها من سنين
ايه كانت محبه جدا للقراءه مسكت كتاب وقعدت تقراء فيه كانت بتقراء كتاب الحب الاول
سعيد /_بتقرى ايه؟
ايه /_الحب الاول روايه جميله جدا
سعيد /_واضح انك محبه للقراءه جدا
أيه /_فعلا انا من #عشاق_القراءه
الكمسرى تذاكر ياستاذه تذاكر ياستاذ
الكمسرى بص فى التذكره
الكمسرى /_هو حضرتك رايحه فين؟
ايه /_أنا بتكلمنى أنا؟
الكمسرى /_ايوه حضرتك رايحه فين ؟
ايه /_رايحه اسكندريه
الكمسرى /_بس القطر ده رايح #القاهره مش اسكندريه
ايه /_ازاي؟
الكمسرى /_تقدرى حضرتك تنزلى المحطه الجايه وتاخدى قطر اسكندريه الساعه 2
ايه /_ياخبر ابيض وانا هستنى الوقت ده كله؟
الكمسرى /_مش احسن ماحضرتك تروحى القاهره وترجعى تانى
ايه وسعيد نزلوا #المحطه_الجايه
ايه /_ههه ياخبر ابيض احنا ركبنا ازاي القطر الغلط
سعيد /_مش عارف والله
ايه /_😂😂😂 ايه واضح اننا احنا الاتنين توهنا وعقلنا سرح
سعيد /_محصل التذاكر نرفزنى وخلانى مش شايف ادامى ولاعارف افكر
ايه /_يلا حصل خير
سعيد /_ايه رايك بقى طالما القطر هيتاخر ننزل نجيب اكل وميه
ايه /_هو فيه حد ليه نفس ياكل دلوقتي
سعيد /_يعني هنعمل ايه نفضل صايمين علشان ركبنا قطر غلط
ايه /_لا ياعم مش هنصوم ولا حاجه يلا بينا
نزلت ايه مع سعيد يجيبوا #سندوتشات وميه
سعيد /_تحبى تاكلى ايه
ايه /_اي حاجه
سعيد جاب السندوتشات ورجعوا قعدوا على #المحطه
ايه /_اوعى القطر يفوتنا واحنا قاعدين كده
سعيد /_اكيد لما القطر يجي هيزمر وهنعرف
ايه /_واضح كده اننا هنقضيها فى القطارات طول اليوم
سعيد /_ليه كده؟
ايه /_يعني عاجبك اللى حصل
سعيد /_خير
ايه /_انت مسافر اسكندريه فسحه ولارايح تعمل ايه ؟
سعيد /_رايح اشتغل
ايه /_انت بتشتغل ايه؟
سعيد /_أنا لسه رايح ادور على شغل
ايه /_وياترى بقى ممكن تشتغل ايه فى #اسكندريه؟
سعيد /_هشتغل اي حاجه علشان اعرف اعيش؟
ايه /_انت معاك شهادات ؟
سعيد /_ايوه معايا شهادات
ايه/_شهادات ايه؟
سعيد/_كلية تجاره قسم اداره اعمال
ايه/_وازاي تروح تشتغل #اي_حاجه وانت معاك شهاده زي دى؟
سعيد /_هو فيه حد فى بلدنا بيشتغل بشهادته أنا زيي زي شباب كتير فى سنى معاهم شهادات متعلقه ومتبروزه على الحيطان وبس
ايه /_ليه مادورتش على #شغل بشهادتك فى اي #شركه ولا فى اي حته؟
سعيد /_دورت كتير قوى بس #مافيش_فايده
ايه /_وعلشان كده رايح تدور على اي شغلانه
سعيد /_اكيد طبعا ماهو لو ماشتغلتش مش هلاقى اكل ولاهعرف #اعيش
ايه /_ياه للدرجه دى
سعيد /_ايوه ياستاذه ماحنا فى زمن كل حاجه فيه بالقرش #الشهاده مالهاش قيمه دلوقتي
ايه /_عارف انت ربنا بيحبك قوى واللى حصل النهارده بارادة ربنا اننا نتقابل ونتكلم وكل ده يحصل
سعيد /_ليه
ايه /_أنا عندى #مكتب_محاسبات صغير على ادى كده ايه رايك تيجي تشتغل معايا
سعيد /_أنا ليه #الشرف طبعا
سعيد /_واضح إن القطر جه
ايه /_ياخوفى مايكونش هو
سعيد /_لا ماتقلقيش لايلدغ المؤمن من جحر مرتين ههه
أنا هسال الاول
بس ايه اللي حصل
الجزء الثاني
#رفيقة_السفر
سعيد اول ماشاف القطر راح يسال واحد القطر ده رايح اسكندريه
لا ياستاذ قطر اسكندريه اللى بعد ده على طول
ايه وسعيد فضلوا قاعدين مستنيين القطر
سعيد /_واضح إن القدر بيحاول يقربنا اكتر واكتر
ايه /_عارف عمرى ماتحطيت فى موقف زي ده فى حياتى واضح إن ربنا ليه اراده فى حاجه عايزها تتم
سعيد /_فعلاً ربنا مابيعملش للانسان حاجه وحشه ابدا
ايه /_القطر هييجى امته ؟
سعيد /_هروح اسأل محصل التذاكر
ايه /_وهتسيبنى لوحدى مش خايف حد يضايقنى
سعيد /_خلاص تعالى معايا
ايه /_احسن برضو
سعيد /_وايه راحوا يسالوا المحصل
المحصل /_ربع ساعه والقطر جاي
سعيد فضل يبص للمحصل قوى
ايه /_ايه بتبصله ليه كده؟
سعيد /_كنت عايز اقوله خليه يتاخر كمان شويه
ايه /_واضح انك مجنون
سعيد /_مافيش واحد فى الدنيا يشوف جمالك ومايتجنش اعذرينى
ايه /_أنا بقى اجن منك
سعيد وايه فضلوا يتمشوا على المحطه
ايه /_انا عايزه ميه
سعيد /_تعالى ننزل نجيب ميه سواء
ايه /_طيب افرض القطر جه
سعيد /_خلاص اروح أنا اجيب ميه وارجع
ايه /_طيب لو القطر جه
سعيد /_لوجه اركبى وتوصلى بالسلامه
ايه /_يبقى الرحله مالهاش طعم وهحس انى كنت السبب فى انك ماتلحقش القطر
سعيد /وأنا استحاله انى اتاخر عليكى وهنزل اجيب ميه علشان ماتفضليش عطشانه طول الرحله
سعيد نزل يجيب ميه وخمس دقايق ورجع
ايه لما مسكت الازازه وشربت
ايه / عارف كنت عطشانه قوى
سعيد /_احنا الاتنين كنا عطشانين جدا
ايه /_القطر وصل
سعيد /_نسال الاول
ايه /_هنركب القطر ومطرح مايودينا يودينا
سعيد وايه راحوا ناحية الباب علشان يركبوا سعيد شاف كلمتين مكتوبين على الباب
سعيد /_بصى ياايه شوفى مكتوب ايه؟
ايه /_ايه ده ❤(اهلا بكم فى قطار الحب) ❤
سعيد وايه الاتنين ضحكوا
ايه /_واضح إن القطر ده مش رايح اسكندريه
سعيد /_امال رأيح فين ؟
ايه /_#شاطى_الغرام
سعيد وايه ضحكوا
سعيد سال واحد من الركاب القطر ده رايح اسكندريه
الراكب /_ايوه إن شاءلله
سعيد شاف واحد جاي يقعد جنب ايه
سعيد /_ياستاذ الكرسى ده بتاعى
الراكب /_يعنى مكتوب باسمك ولايه مش فاهم؟
سعيد /_دى المدام ياستاذ وأنا قاعد جنبها يعنى مايصحش كده
الراكب /_أنا مش قايم من مكانى
ايه /_خلاص ياحبيبي أنا اللى هقوم
قامت ايه من مكانها وراحت هي وسعيد فى مكان تانى وقعدوا جنب بعض
ايه /_بقولك انت لما توصل هتروح فين هتقعد عند حد ولاهتدور على سكن
سعيد /_اكيد هدور على سكن
ايه /_ده رقم تليفونى وده عنوان المكتب الحضور الساعه 8 صباحا
سعيد /_تمام أنا مش عارف اقولك ايه؟
ايه /_على ايه أنا محتاجه حد معايا فى المكتب يعنى مش بعطف عليك ولا حاجه وانت بشهادتك هيكون عندك خبره فى شغلنا
سعيد /_تمام
وتمر محطه تلو الاخرى وقد وصل القطار الى محطة الاسكندريه
سعيد /_حمدالله على السلامه
ايه /_الله يسلمك
نزل سعيد وايه من القطر
ايه/_ أنا هاخد تاكسى يوصلنى للبيت تيجي اوصلك فى طريقى؟
سعيد /_أنا هدور على اي سكن قريب هنا واسال
ايه /_خلاص نتقابل فى المكتب بكره باذن الله
سعيد /_تمام
ايه ركبت تاكسى وراحت على شقتها وسعيد راح يدور على سكن يسكن فيه
سعيد بعد مالف يدور لقى اوضه صغيره وايجارها بسيط
سعيد دخل علشان ينام بس مش عارف ينام
لانه شايف صورة ايه ادامه وشايف ضحكتها وابتسامتها بس بعد التفكير غلبه النوم ونام
واليوم التانى راح المكتب
بس ايه اللي حصل
الجزء الثالث
#رفيقة_السفر
فى اليوم التالى
ذهب سعيد الى عنوان المكتب
سعيد/_سلام عليكم
السكرتيره /و؏ٌٍـلًِيٌِگِـٍٍّّـًـًٍ(🌹)ٌٍـٌٍـًٌٍم السـ͜(🤝)ـلاﺂ͘م وݛحـٍّْـٍّْ⁽😘₎ـٍّْمهہ الًـًٍٍۖـٍۖ(☝)ٍۖـًٍٍٍّـًٍلۖهًٍۖۂ وبـۗـۗـۗـۗـۗـۗركۧۧـ(ۗ😇)ـۗـۗاتهۂ
سعيد /_الاستاذه ايه موجوده
السكرتيره /_لسه ماجاتش يافندم
سعيد /_تمام أنا
السكرتيره /_ممكن حضرتك تدينى اسم حضرتك يافندم وتقدر تستناها
سعيد /_ياستاذه أنا جاي اشتغل في المكتب هنا مع الاستاذه ايه
السكرتيره /_ماعندناش شغل يافندم
سعيد /_دى الاستاذه اللى
الأستاذ ايه وصلت
السكرتيره /_اذيك ياستاذه حمد لله على السلامه
ايه /_الله يسلمك
ايه دخلت مكتبها وقعدت
ايه /_فيه حد سأل عليه
السكرتيره /_لا يافندم
ايه /_تمام تقدرى تتفضلى
السكرتيره طلعت شافت سعيد لسه واقف
السكرتيره /_ياستاذ بقول لحضرتك مافيش عندنا شغل سعيد /_طيب ممكن تدخلى للاستاذه وتقولى لها فيه واحد اسمه سعيد بره وعايز يقابل حضرتك
السكرتيره /_ممكن تستنى خمس دقايق
السكرتيره واقفه على مكتبها
استاذه ايه فتحت باب مكتبها شافت سعيد
ايه /_اتفضل ياستاذ سعيد
سعيد /_متشكر يافندم
دخل سعيد مع الاستاذه ايه المكتب
ايه /_ايه لقيت سكن
سعيد /_ايوه لقيت اوضه صغيره
ايه /_تمام
السكرتيره خبطت على الباب ودخلت
ايه /خدى الاستاذ سعيد هيمسك الشغل اللى كان ماسكه استاذ ناصر
السكرتيره /_تمام
سعيد راح مع السكرتيره ايه عماله تبص لسعيد وكانها بتشوفه لاول مره
سعيد استلم الشغل وبقى بييجى فى الميعاد
وتمر الايام يوم وراء التانى وسعيد شغال فى المكتب
ايه قاعده فى مكتبها سعيد مش قادر يخبى حبه جواه قرر يعترف لايه بحبه
استاذن ودخل على ايه مكتبها
سعيد /_استاذه ايه أنا عايز اتكلم مع حضرتك
ايه /_خير ياسعيد
سعيد /_كل خير بإذن الله
سعيد جه يتكلم لقى بنت صغيره عندها ست سنين داخله المكتب مع والدها
ايه اول ماشافت البنت جريت واخدتها فى حضنها
البنت واحشتينى ياماما
سعيد استغرب قوى
سعيد استاذن يافندم
وخرج سعيد قعد على مكتبه وبقى يكلم نفسه
ماما ازاي مين البنت دي وبتقولها ياماما ليه هي ايه متجوزه ؟
سعيد بقى مصدوم
وجه الميعاد والكل مشى وراح سعيد السكن وقعد يفكر ازاي الاستاذه ايه متجوزه وانا ماعرفش ومخلفه كمان
بس فى اليوم التالى
سعيد راح المكتب
ايه ندهت على سعيد
ايه /_كنت عايز تقول ايه ياسعيد امبارح ؟
سعيد /_خلاص مالوش لزوم ياستاذه
ايه /_ليه مالوش لزوم فيه ايه؟
سعيد /_فيه حاجات كتيره قوى جوايا كنت هعترفلك بيها بس خلاص ماعدش ينفع
ايه /_بتحبنى ياسعيد واتعلقت بيه؟
سعيد /_بحبك وبس انا حبيتك من اول نظره شفتك فيها من اول كلمه اتكلمتها معاكى بس ازاي ماحسيتش ولاعرفت انك متجوزه انت ميبانش عليكى خالص انك متجوزه
ايه /_فيه حاجات كتيره ياسعيد انت لسه ماتعرفهاش عنى بكره الايام تعرفها ليك لوحدها ومسير الوقت يقربنا من بعض اكتر
سعيد /_بس انا حبيتك بجد من كل قلبى
ايه /_وأنا كمان اتعلقت بيك قوى وكاننا احنا الاتنين روح واحده
عارف انا حسيت دلوقتي الكلمه اللى كانت مكتوبه على باب القطر واحنا بنركب اهلا بكم في قطار الحب وكاننا احنا الاتنين على موعد من الحب
بس ايه اللي حصل
الجزء الرابع
#رفيقة_السفر
بعد ماسعيد اعترف لحبه للاستاذه ايه
ايه /_عارف ياسعيد أنا اتعلقت بيك من يوم ماشفتك حاولت #اكدب_نفسي وامنع نفسى بس ماقدرتش
#سعيد /&الحب عمره مابيتدارى ولانعرف نمنع نفسنا منه الحب ده قدر
ايه /_عارفه ياسعيد أنه قدر بس عارف اوقات كتير بسأل نفسى انت عملت فيه ايه حاسه كانى #بنت_مراهقه حبت من اول نظره
سعيد /_عارفه ياايه احلى ايام حياتى راحت منى وكنت فقدت الامل فى الدنيا كلها وحاولت اهرب من كل حاجه لحد ماشفتك
ايه /_ياسعيد كل واحد فينا مر بظروف صعبه فى حياته بس فينا اللي بيتحمل ويستحمل لانه مضطر وفينا اللى بيلعن اليوم اللي اتولد فيه
سعيد /_أنا #لعنت_كل_يوم في حياتي #الف_مره بس لما شفتك ياايه حسيت إن الدنيا نادت عليه من جديد وكانها فتحت لى دراعتها اول ماشفتك كنت فاكرك #بنت_بنوت او #ست_مطلقه بس لما عرفت انك متجوزه اتصدمت خفت حاولت ارجع بس ماقدرتش حاولت ابعد بس ماعرفتش لقيت #مشاعرى وخدانى وسيقانى وبتخلينى اعترف ليكى بكل #حاجه_جوايا
ايه /_حسيت بكل كلمه من غير ماتقولها ياسعيد وعلشان كده كنت خايفه عليك خايفه انك تتعلق بيه وتتمنى انك تكون جنبى
سعيد /_ وايه اخرة خوفنا لوخفنا مش هنعيش؟
ايه /_عارفه إن الخوف بيدمر اي شيء جوانا بس نصيبنا كده هنعمل ايه غصب عننا
سعيد/_فعلاً #النصيب بس فى ايدينا نغير حاجات كتير قوى
ايه /_نغير ازاي
سعيد /_نكون مع بعض أنا وانتى ياايه
ايه /_ياسعيد أنا نفسى اكون جنبك #طول_العمر بس انت عندك اطفال وزوجه وانا عندي طفله هي كل حياتى
سعيد /_فعلا عندي #اطفال وزوجه بس زوجه #مش_حاسه بيا مش حاسه باي حاجه خالص
أيه/_ أنا ست زي اي ست ياسعيد ست زي مراتك يعني مافيش فرق بينى وبين زوجتك
سعيد /_لا فيه فرق كبير قوى بينكم انتى لوزي مراتى ماكنتش حبيتك ولاقلبى دق بحبك الستات مش كلها زي بعضها ياحبيبتي
ايه /_الستات فعلاً مش زي بعض بس #صدقنى هييجى اليوم اللي تزهق منى وتدور على غيري نفسى اسالك سؤال بجد؟ ليه حبتني واشمعنا أنا دونا عن #ستات_الكون كله؟
سعيد /_الحب مايعرفش ليه وازاي بس هقولك ايه الفرق اللى لقيته فيكى ومالقيتهوش فى اي #ست_تانيه
انك فهمتينى من غير ماتكلم
حسيتى بيه من غير ماقول كلمه واحده انتى احتويتى #قلبى_ومشاعرى وكل حاجه حلوه فيه بعكس زوجتى اللى دمرت كل شيء حلو جوايا
ايه /_مش يمكن تكون ظالمها ؟
سعيد /_يمكن اكتر انسان اتظلم فى الدنيا كلها هو انا اكتر انسان شاف المرار واتحمل الويل هو انا
صدقينى اليوم اللي قابلتك فيه كنت #هربان_من_كل_حاجه فى حياتى هربان حتى من نفسى علشان مالقيتش اللى بدور عليه فى زوجه وام لاولادى
ايه /_ممكن افهم ممكن تتكلم؟
سعيد /_لوفهمتى صدقيني مش هترضى انك تفكرى فى #انسان زيي انسان حطمته الظروف والايام حطمته زوجه متسلطه ربنا #مسلط عليها لسانها لاهل عرفوا يربوا ولاعارفين يرجعوها عن اخطاءها اللى كل يوم بتزيد وبتتكرر
ايه /_ممكن تقولى فيك ايه وليه مافكرتش تطلقها وتعيش حياتك؟
سعيد /_مين قالك اني مافكرتش أنا فكرت #مره ومليون مره انى اطلق بس انتى #عارفه الكلام اللي بيتقال فى #حالة_الطلاق
استحمل يابنى وتعالى على نفسك علشان عيالك
هتطلقها وتجيب مرات اب لعيالك ياترى هتربيهم ازاي
كل #ام اولى انها تربّى ولادها
معلش يمكن محسودين ولاشيطان دخل بينكم
بص لعيالك دول علشان مايتربوش بعيد عن امهم
وبستحمل وكل اسبوع والتانى #مشاكل في مشاكل كرهت نفسي وحياتى
ايه /_وليه جيت على نفسك كل ده؟
سعيد /_مافيش حاجه تكسر الراجل غير ولاده وزي مانتى استحملتى #جوزك علشان خاطر بنتك أنا استحملت علشان خاطر اولادى
ايه /_بس انا غيرك ياسعيد أنا ست ضعيفه وخايفه انى احمل لقب #مطلقه فى مجتمع مابيرحمش لكن انت #راجل
ومافيش حد هيلومك على قرارك
سعيد /_واضح انك #مش_عايشه_معانا ياايه؟
ايه /_ومين قالك اني عايشه اصلا
سعيد /_عارفه فى #الزمن ده #ألف_واحد هيتكلم لوماتكلموش فى وشك هيتكلموا فى ضهرك
ايه /_وتستحمل كل اللى انت فيه علشان كلام الناس وخوفك من كلامهم ؟
سعيد /_لا مش خايف من #كلام_الناس خايف على ولادى خايف انهم يلومونى انى حرمتهم من امهم خايف يقولوا عاش لنفسه وفكر فى نفسه وحرمنا اننا نتربى معاه هو وامنا وعلشان كده كنت بدى #الفرصه جايز #الامور تتحسن
ايه /_وايه اتغير وايه اللى اتحسن وياترى الفرصه كانت بتيجي بفايده ؟
سعيد /_للاسف #مافيش_حاجه_اتغيرت
أنا اللى تعبت وكل يوم بيعدى عليه مبقاش عارف مصيرى ايه ياترى مصيرى الموت ولا السجن
ايه /_ليه الموت وليه السجن ايه اللي هيوصلك ليهم؟
سعيد /_بقت اخاف مراتى بلسانها واسلوبها وطريقتها توصلنى لحاله من الجنون وادمر نفسى واقتلها بايديه اوييجى اليوم اللي انام فيه #زعلان_على_نفسي ولادى يصحوا #الصبح يلاقونى ميت
ايه /_ياه للدرجه دى
سعيد /_عارفه ياايه انتى خرجتى #حاجات من جوايا وكانك بتفتحى #جرح كبير مالوش اخر
ايه /_معلش غصب عنى بس انت كده جوازك ده #انتحار مش حياه
سعيد / أنا عايش #ميت علشان كده سبت الدنيا كلها وهربت هربت علشان اقدر اكمل حياتى إذا كان فى العمر بقيه
الجزء الخامس
#رفيقة_السفر
ايه فتحت #جرح سعيد وسعيد كان بيتكلم وبيتنهد والدموع فى عينيه #ظاهره
ايه قربت على سعيد وحاططت ايديها على راسه وقربت منه أنا مش عارفه ازاي #راجل زيك يستحمل انه ييجى على نفسه ويدمر روحه بالطريقه دى علشان ايه واضح انك انسان #صبور جدا ياما #مجنون و #مش_فارق معاك حياتك
سعيد /_هي فين حياتى انا #ماعدش_ليه_وجود فى الحياه كانى #نكره_موجوده فى حياة كل اللى حواليه موجود علشان اشتغل وبس علشان اكلهم واصرف عليهم بقيت مجرد #آله بتشتغل علشان #الفلوس وبس اله من غير #روح_مش #حاسه_بحاجه ولابطعم اي حاجه
أيه /_ابوس ايدك بلاش تبكى أنا اول مره اشوف راجل بيبكى
سعيد /_خلينى ابكى يمكن بكايه يخرج كل #اللى_جوايا وارتاح
ايه /_بكاء الراجل #ضعف ياسعيد
سعيد /_ومن امته فيه حاجه تقوينى انا #ضهرى_مكسور وبيتى بيتدمر #زوجه كل يوم #تسيب_ولادها وتمشى وفى الاخر انا اللى #بدفع_التمن أنا واولادى
ايه /_علشان خاطري ممكن تهدى شويه وايه رايك نخرج تعزمنى على #حاجه_النهارده
سعيد /_أنا طول عمرى هادى
ايه /_ممكن تقوم تغسل وشك علشان ماينفعش كده
سعيد /_حاضر
وقام سعيد غسل وشه ورجع
سعيد /_ #ممكن_طلب ياايه؟
ايه /_طلب أيه؟
سعيد /_اوعدينى انك ماتتخليش عنى
ايه /_انت ياسعيد لومحتاجنى فى حياتك واحد فى #المليون أنا محتاجه ليك اكتر عارف انا بشكر القدر اللى جمعنا سواء
ايه وسعيد خرجوا من المكتب
سعيد /_ #محتاج_اهرب_من_كل_حاجه وابعد عن #العالم كله
أيه/_هتبعد وتسيبنى ياسعيد؟
سعيد /_ #خايف ياايه اصحى فى يوم الاقى نفسي بحلم خايف اصحى فى يوم الاقى كل اللى انا كنت فيه #مجرد_خيال
ايه /_هات ايدك ياسعيد حطها عليه كده
سعيد حط ايديه على ايه
ايه /_ايه أنا #حقيقه_ولاوهم ولامجرد خيال زي مابتقول
سعيد /_انتى #الحقيقه_الوحيده_فى_حياتى
ايه /_بص بقى من النهارده مافيش حاجه هتفرقنى عنك ابدا
سعيد /_عارفه انا محتاج لك #ام واخت #وحبيبه وصديقه وعشيقه بتمناك تكومى كل دول واكتر
أيه/_وأنا ياسعيد هكون ليك حبيبه وقت ماتكون محتاج الحب
ام وقت ماتكون محتاج الحنان
اخت لما تكون عايزانى
صديقه وقت ماتحتاج تفضفض وتتكلم
عشيقه هكون ليك كل ليله زي ماتتمنانى وزي مانت عايز
سعيد /_بجد ياايه
ايه /_انت شاكك ياسعيد فى كلامى ؟
سعيد /_لا مش شاكك أنا بحبك ياايه
ايه /_وأنا بحبك ياسعيد بحبك اوى
سعيد /_هاتى ايديكى
أيه /_هتعمل بيهم أيه؟
سعيد /_هبوسهم
ايه /_هتبوس ايدى ازاي وانت فى قلبى
سعيد /_أنا مش عايز ابوس ايدك بس انا عايز ابوس رجلك والتراب اللى بتمشى عليه
ايه /_اعقل يامجنون
سعيد /_أنا فعلا مجنون بس مجنون بيكي انتى وبس
ايه /_عارف ياسعيد لو الست فينا لقيت حد بيحبها زي مانت بتحبنى كده استحاله تبعد عنه أبداً أنت زي مانت كنت كاره حياتك أنا كمان فيه جوايا حاجات كتيره قوى هحكيها ليك
سعيد /_ايه أنا عايز اروح اشوف اولادى
ايه /_انت بتستاذن منى علشان تروح لولادك
سعيد /_ايوه لازم استاذن مش انتى مديرتى فى المكتب
ايه /_وانت مدير قلبى
سعيد /_يومين وهرجع على طول
ايه /_بس تكلمنى كل دقيقه
سعيد /_هكلمك لان اليوم اللى مش هسمع صوتك فيه هحس انى ميت
ايه /_بعيد #الشر عنك ياحبيبي
سعيد /_ربنا يخليكي ليا يارب
ايه /_خلى بالك اوعى تركب قطار الحب اويكون ليك رفيقة سفر غيرى
سعيد /_مافيش واحده في الدنيا كلها ممكن تاخد مكانك في قلبي
#يلا_بينا
الجزء السادس
#رفيقة_السفر
سعيد رجع البلد يشوف اولاده
سعيد اول ماوصل البيت
الاولاد كانوا فرحانين جدا بوجوده جنبهم لكن مراته كانت بتدور على أي مشاكل وخلاص
ايمان /_ايه هو أنت روحت وقلت عدولى مش عارف إن وراك عيال وكل _به خشب عايزين مصاريف
سعيد /_ليه هو انا هروح اضرب الارض تطلع فلوس وبعدين مالفلوس اللى كانت معايا مانا سايبهالك
ايمان /_ليه هو انت مش عايش فى الدنيا ولايه كل حاجه ولعت ياخويا والفلوس اللى انت اديتهالى استلفت عليها علشان ناكل ونشرب
سعيد /_استلفتى كمان انتى كده عايزه بنك
ايمان /_بقولك ايه انا ماباخدش حاجه اوديها فى بيت ابويا كله لعيالك
سعيد /_حاضر ياست الكل خدى فلوس اهه
ايمان /_طيب دول هدفع الكهرباء ولا الميه ولا اسدد الفلوس اللي عليه ولاهناكل بيهم
سعيد /_وأنا اعمل ايه اللى ربنا بعته ليه اديتهولك
ايمان /_خلاص اقعد ياخويا وشوف المصاريف بنصرفها في ايه ؟
سعيد /_أنا جاي يومين وراجع وحياة ابوكى بطلى شويه
ايمان /_هو انت مش عايزنى اعرفك اللى عليه ولايه هسدد منين ولاهعمل منين مش بعرفك
سعيد /_أنا رأيح اشوف اخواتى
ايمان /&اخواتك هو فيه حد منهم فكر يبص على عيالك وانت مش هنا وانت جاي تجرى عليهم وتدور
سعيد /_معلش بس انا الكبير والمفروض أنا اللى اسأل وادور
ايمان /_روح براحتك دلوقتي بكره تشكى وتبكى من اللى بيعملوه فيك
سعيد /_دول اخواتى وأنا حر معاهم سمعتى
ايمان /_اخواتك مين يابواخوات
سعيد /_انتى عايزانى ليه اقاطع اخواتى عايزانى ليه ماطمنش عليهم بييجوا ياخدوا منك حاجه
ايمان /_هو انت حيلتك حاجه علشان ياخدوها ايش ياخد الريح من البلاط باخويا
سعيد ساب مراته ومشى راح يبص على اخواته وقعد معاهم شويه وهو راجع اتصل بايه بس ايه مارديتش
رجع بيته
ايمان /_جاي مكشر من عند اخواتك ليه ؟
سعيد /_اطلعى من مخى علشان ماتبقاش ليله زفت أنا مش طايق نفسى
ايمان /_يبقى اخواتك قلبوك عليه وهتبقى ليله سوده حاكم أنا عارفاهم مش صافيين لحد ابدا بيكرهوا اي حد وبيخانقوا دبان وشهم
سعيد ضربها بالقلم انتى ماتتكلميش على اهلى كده تانى مفهوم
ايمان /_لاهلى ولازمالك أنت بتضربني يعني انت جاي من السفر بدل ماتطمن علينا جاي تضربنى
سعيد /_خلاص بقى اسكتى افصلى انتى ايه ربنا مسلط عليكى لسانك ومسلط عليكى نفسك
ايمان /_لا اخواتك هما اللي متسلطين عليه ومسلطينك
سعيد /_أنا هروح ازفت انام فى اوضه تانيه علشان ارتاح من زنك
وراح سعيد قعد فى الاوضه التانيه وكلم ايه وفضلوا يتكلموا مع بعض
الساعه 12 بعد نص الليل
ايمان سمعت صوت سعيد صاحى فضلت تنفخ وتزعق مانت من حقك تسهر هو انت خاسس عليك حاجه مانت التليفون واخد كل وقتك احنا بقينا عايشين للتليفون وبس
سعيد اتنرفز لما سمعها بتزعق فى نص الليل راح مزعق لها لسانها طول سعيد ضربها وساب لها الشقه ونزل قعد فى اوضه تانيه
سعيد بقى مش طايق نفسه وقاعد بيكلم نفسه ومخنوق والساعه 2ونص كانت الدموع فى عينيه مسك تليفونه ورن على ايه
ايه /_واضح ياسعيد انك حسيت بيه علشان كده رنيت
سعيد /_فيه ايه ياايه؟
ايه /_سمعت صوت خبط بره وكاىن حد بيفتح الباب
سعيد /_اهدى كده وماتخافيش ياحبيبتي
ايه /_علشان خاطري خليك معايا ياسعيد أنا خايفه خليك معايا لحد مانام
سعيد /_أنا معاكى
سعيد فضل يهدى فى ايه ويطمنها لحد ماخلاص ايه جالها النوم
سعيد قفل مع ايه وفضل قاعد
بس الصبح مراته اخذت بعضها ومشيت وسابت البيت وسابت له اولاده
سعيد كان اب وام لولاده بنت مريضه وطفل محتاج رعايه
ايه كلمته
ايه حست بصوت سعيد متغير سالته مالك ياسعيد فيك ايه؟
سعيد /_أنا تعبت ياايه تعبت بجد مابقيتش عارف اعمل ايه ولايه ؟
ايه /_مالك ياسعيد فيه ايه قولى
سعيد /_أنا مارضيتش اقلقك امبارح أنا متخانق انا والمدام وسابت البيت ومشيت
ايه فضلت تهدى سعيد وتكلمه
وقفلت معاه
بس سعيد واضح انه هيفضل عايش في عذاب
سعيد قاعد فى البيت مش طايق نفسه حاول يتكلم مع ايه بس ايه ماكانتش بترد وفضل وراها لحد ماردت وعرف منها انها تعبانه
وبقى يستنى منها مكالمه تطمنه عليها
سعيد تعب من كتر الرن على ايه وايه مابتردش
سعيد بقى عامل زي المجنون ومش عارف يعمل ايه يسيب عياله ويسافر ولايقعد معاهم ولايوديهم فين وفضل سعيد قاعد مع اولاده لحد ماربنا شفى بنته
بس سعيد مش عارف يوصل لايه ولاعارف يتكلم معاها
فكتب رساله الى ايه
ايتها الرفيقه اين انتي فقد انتبانى شعور بالياس والاحباط
ايتها الصديقه اين انتي فانا احتاجك بجوارى فى كل وقت وحين
ايتها الام طفلك يحتاج اليكى فقد قتلتنى وحدتى بدونك
ايتها العاشقه
لم اعد يمكنني الصمود وحدى لم اعد احتمل الحياه فقد مات كل شيء بداخلي ولم تبقى الا صورتك معى هي ماتجعلنى اتنفس الصعداء وتصبرنى على فراقك
وبعد يومين اتى الرد الى سعيد
ايه /_أنا اسفه جدا فقد كنت سببا فيما حدث لك ولكن ليس بيدى فانا اتمنى ان اراك فى كل صباح ومساء واتمنى ان اتحدث اليك ومعك ولكن المرض جعلنى ابتعد
ولم اتمكن من الاتصال بك او اخبارك حتى لاتنفجع ولايحدث لك مكروه فانا اعلم كم تحبنى ولايمكنك تحمل رؤيتى مريضه انا احبك من كل قلبى
وبعد ان علم سعيد بماحدث لايه
اصبح لايطيق نفسه فاصبح كالمجنون لا يعلم ماذا يفعل
وفؤجى سعيد بمايدق بابه من احد اقاربه
سعيد /_تعالي يافتحى
فتحى /_ياسعيد انت مزعل مراتك ليه؟
قص سعيد على فتحى ماحدث من زوجته
فتحى /_مراتك طالبه الطلاق وانت وعيالك هتتبهدلوا
سعيد /_ يعني هو فيه بهدله اكتر من اللى عايش فيها يافتحى ياخويا
فتحى /_أنا جيت ابلغك واعرفك عدى امورك ياسعيد علشان خاطر عيالك
سعيد /_امال مين خلاني استحمل كل السنين اللي فاتت دى ومين اللى خلانى استحمل لسانها الطويل وقلة ادبها مش عيالى عملت علشان خاطر عيالى الف مره طيب وأنا فين من كل ده أنا بموت الف مره ومره فى اليوم وماحدش بيحس باللى أنا فيه
فتحى /_انت استحملت من الاول يبقى لازم تستحمل للاخر
سعيد /_استحمل استحمل هو انا ايه مش بشر امال فين اهلها اللى عاملين نفسهم رجاله وبيقولوا بنتهم متربيه
فين يافتحى ماعدتش قادر استحمل ولاتحمل خلاص فاض بيه انا التراكمات زادت جوايا لحد مالكيل طفح
فتحى /_يبقى يابن الناس تحل امورك بالراحه
سعيد /_هتيجي منين الراحه دى أنا خلاص مافيش حاجه فى حياتى فيها راحه نهائي حتى موضوع الطلاق هيتحل بمشكله
فتحى /_خلاص سيبها لحد ماتتعلم الادب عند اهلها
سعيد /_بلاش نضحك على نفسنا يافتحى ديل الكلب عمره مهايتعدل ابدا ودي طبعها الاسود مش هيتغير ابدا
الجزء السابع والمحطه الاخيره
#رفيقة_السفر
سعيد بعد مامراته سابت البيت وعرف انها طلبت #الطلاق من واحد قريبه
وبقى كل همه عياله وبس ومابيفكرش فى اي حاجه غيرهم
راح لاهل مراته واتفق معاهم على الطلاق
ايمان /_اهم شيء نخلص وبس واعمل حسابك إن ولادك مش هاخدهم ربيهم انت بمعرفتك
سعيد /_مافيش مشكله ولادى معايا
ايمان /_ورينى هتربيهم ازاي
سعيد /_مالوش لزوم الكلام احنا خلاص كل واحد فينا هيروح لحاله
ايمان /_بس دول ولادى ولازم اطمن عليهم واعرف اذا كنت هتتجوز ولا لا ؟
سعيد /_أنا هعيش على #ذكرى كل يوم اسود عشته معاكى انتى مالك اتجوز ولا لا
انتى خلاص ماعدش حاجه تربطنى بيكى ولابعيالك الام اللى ترمي ولادها متبقاش ام
الام اللى تسيب بنتها بتموت وماتدورش عليها ميتقالش عليها ام ولاهما دلوقتى بقوا اولادك علشان هتطلقى
ايمان /_ اشبع بيهم وانا هروح اتجوز واعيش حياتى
سعيد /_ربنا يسهلك
سعيد طلق مراته بعد ماخلاص فاض بيه وزهق وماكانش فيه امل انهم يكملوا مع بعض
فتحى /_ربنا يعوض صبرك الايام اللي فاتت على خير ويعوضك احسن منها
سعيد /_العوض الحمدلله اننا خلصنا على خير
فتحى /_هتعمل ايه فى ولادك ياسعيد ؟
سعيد /_هسيبهم مع جدتهم واشتغل
فتحى /_ربنا يسهلك الحال وباذن الله شهرين كده ولاحاجه ونشوفلك #بنت_حلال وتتجوز
سعيد /_اتجوز ايه يافتحى سيبنى بالله عليك اشم نفسي شويه وارتاح
وبعد ماسعيد ساب اولاده مع جدتهم وسافر #اسكندريه
ايه /_حمد لله على السلامه؟
سعيد /_ليه ماكنتيش بتردى عليا
ايه /_انت ماتعرفش ايه اللي حصل لى جوزى شافنى وأنا بكلمك وعمل مشكله
سعيد /_وبعدين يعني ماعرفتش تكلمينى وتطمنى عليه وانتى عارفه الظروف اللي بمر بيها؟
ايه /_صحيح أنت عملت ايه؟
سعيد /_عملت ايه #سؤال_جه_متاخر_قوى فين وعودك ليه انى لما احتاجلك هلاقيكى جنبى؟
ايه /_انت عندك ظروف وانا عندي ظروف مش انت لوحدك اوعى تفتكر انى كنتى عارفه اعيش وأنا بعيد عنك اوعايشه مبسوطه
سعيد /_أنا بحبك وانتى عارفه بكده كويس واللى بيحب بيكون جنب اللى بيحبه فى كل اوقاته وقت فرحه وحزنه انما انتى كنتى معايا فى وقت فرحى وبس وسيبتنى وانا بغرق كنت محتاج لك محتاج كلامك اللى كان بيصبرنى على كل اللى أنا فيه
ايه /_ #رجع_الايام ورجعنى بنت وكنت حبنى وانا بنت ومش فى #عصمة_راجل وانا كنت هكون جنبك
رجعنى عزباء وانا كنت هتمناك فى كل ثانيه وكل دقيقه
عارف احنا الاتنين ياسعيد
قابلنا بعض فى الوقت الغلط و دايما #الحاجات_الجميله مابتجيش غير فى الاوقات الغلط مابتجيش غير بعد مانكون خلاص فقدنا الامل فى الدنيا ومبقناش طايقينها ولاطايقين نعيشها
سعيد /_أنا عارف ان حبنا كان غلط ومايصحش انه يكون ولايستمر فى يوم من الايام بس ظروفنا جمعتنا ببعض وقربتنا ببعض وكنا قلب واحد
ايه /_ايوه قلب واحد بس جسمين اتنين قلبى معاك وجسمى مع راجل تانى وانت كمان قلبك معايا وجسمك مع مراتك
سعيد /_هي فين #مراتى مراتى انا طلقتها
ايه /_ليه كده ؟
سعيد /_ غريبه بتسالى ليه طلقتها علشان ارتاح من اللى كنت فيه أنا تعبت واكون ليكى
ايه /'ازاي هتكون ليه وانا متجوزه وبنام فى #حضن_راجل تانى
سعيد /_تطلقى ونتجوز
ايه /_اتطلق انت فاكر #جوزى هيطلقنى كده بسهوله ياسعيد انت طيب قوى
سعيد /_يعنى ايه يعني أنا وانتى عمرنا مهانكون لبعض ؟
ايه /ايوه ياسعيد عمرنا مهانكون لبعض ودى الحقيقه اللى احنا عارفينها احنا الاتنين من يوم ماقلوبنا اتعلقت ببعض
سعيد /_انتى مابتحبنيش
ايه /_بلاش تتهمنى انى مابحبكش ياسعيد لانك عارف ومتاكد انى بحبك
سعيد /_امال ليه مش هتكونى ليه وانتى فى ايديكى انك تطلبى الطلاق وتخلص عدتك ونتجوز ؟
ايه /ممكن تسمعنى ياسعيد
سعيد /_اسمع ايه ماعدش #الكلام يجي بفايده
ايه /_اسمعنى
عارف الست فينا لما قلبها يتفتح وتحب انسان من قلبها بجد بتبقى عايزه تعمل #المستحيل علشان تكون معاه وجنبه
سعيد /_وده اللي انتى بتعمليه دلوقتي صح ؟
ايه /_لا ياسعيد مش ده اللي بعمله عايزنى اترمى فى حضنك واكون عشيقتك ونعيش مع بعض فى الحرام عايزنى اخون حبي ليك وامشى فى طريق الندم والغلط
سعيد /_ومين قالك انى هرضى انك تعملى كده اوانا اعمل حاجه زي دي معاكى أنا حبيتك واتمنيتك اتمنيتك ليه كنت فاكر انك لما تعرفى انى مابقيتش مرتبط هتفكرى فى حريتك ونكون لبعض بس واضح انى كنت #مغفل_كبير وخدعت نفسى وصدقت انك هتكونى ليه ومعايا
ايه /_عمرك ماكنت مغفل ياسعيد لانى والله العظيم حبيتك من كل قلبي بس احنا حبنا #محكوم_عليه_بالاعدام من قبل مايتولد حبنا برغم انه أطهر حب وماخلناش نغلط ولانفكر فى شهواتنا ونكون مع بعض فى #السرير علشان نتمتع بجسم بعض
حبنا #حب_منتهى_الصلاحيه
سعيد /_غريبه جدا ازاي حب #منتهى_الصلاحيه هو الحب ليه تاريخ انتهاء كمان ؟
ايه /_الحب ليه #تاريخ_ميلاد بس ياسعيد بس الحب اللى فى قلوبنا هيعيش بس مش هينفع نكون لبعض أبداً
والله بجد انا بتمناك كل لحظه بتمر عليه لان الانسان اللي يصبر ويتحمل العيشه اللى انت كنت فيها دى لما قلبه بيتفتح ويحب بيكون بيحب بجد وصادق فى مشاعره
لوحد تانى مكانك كان كره صنف #الستات كلهم ولاعمره كان بص للحب والكلام ده
سعيد /_عارفه ياريتنى ماكنت ركبت معاكى القطر ولاعرفتك واضح ان القطر غير مساره وطريقه وماوصلش للمحطه الاخيره
ايه /_القطر ماغيرش مساره ياسعيد احنا اللى ركبنا #القطر_الغلط فى الوقت الغلط وبرغم ان كان كل حاجه فى حياتنا غلط اتقابلنا فى الوقت #الغلط وسيبنا مشاعرنا تاخدنا وتسوقنا وراءها نصيبنا ياسعيد اننا نتقابل نصيبنا اننا نكون مع بعض في وقت مش بتاعنا
حبينا بعض من كل قلوبنا
والحقيقه إن الحب مالوش دعوه بحالاتنا الاجتماعيه
مالوش دعوه متجوزين ولامطلقين ولاعذاب الحب هو الحب والمشاعر هي نفس المشاعر
بس للاسف #المشاعر الجميله دي هتفضل فى قلوبنا وبس
سعيد /_وايه لزمة الحب لو مش هنكون لبعض ؟
ايه /_الحب قوانى وقواك ياسعيد خلانا عندنا امل فى بكره خلانا عشنا بعد ماكنا فقدنا حياتنا خلانا نحب حياتنا وبنتمنى نكملها
عارف ياسعيد انا كنت ليك حبيبه وعشيقه حبيبه فى الحقيقه وعشيقه فى الخيال كنت بحلم بيك انك فى حضنى كنت بطبطب عليك وعلى وجعك كنت بمسح دمعتك وانت بتشكى وتبكى بس كان لازم افوق من خيالى لان الخيال ممكن يتحول لدمار وندمر نفسنا احنا الاتنين
مش هلاقى فى حياتى انسان زيك ابدا ولاهحب حد فى حياتى زي ماحبيتك بس عايزه اقولك حاجه اخيره ياريت تسمعها منى
أنا هسافر ياسعيد هسافر بره مصر
سعيد /_هتسافرى ازاي وتسيبينى ؟
ايه /_هسافر علشان اهرب من حياتى ومن جوزى ومن حياتى كلها هسافر لشغل
وانت هتكون مكاني هنا فى المكتب وتمسك الشغل
سعيد /_خلاص ياايه ماعدش ينفع أنا لازم ارجع وادور لام تربى عيالى وتكون ليه زوجه واكون جنبهم وهشتغل اي حاجه وانتى سافرى واهربي زي مانا هربت من حياتى فى يوم من الايام وكان مصيرى انى اقابلك واركب معاكى الغلط
سافرى وعيشى حياتك وانا هرجع وهعيش على ذكرى حبنا وهفضل فاكرك يايه مش هنساكى لانك استحاله تتنسى ولافيه انسانه هتاخد مكانك في يوم من الايام وحبك هيفضل عايش جوايا ويوم ماحن ليكى واشتاق هقف على محطة القطر وافتكر كل اللى فات بس ماعدش ينفع انى اركب القطر خلاص لان القطر عمره ماوصلنا للمحطه الاخيره اللى المفروض نوصلها
ايه /اعذرنى ياسعيد
سعيد بتنهيده
اكيد عاذرك ياستاذه ايه
ايه /_استاذه ماشى ياسعيد خلى بالك من نفسك
سعيد /_انتى اللى تخلى بالك من نفسك يايه
ومشى سعيد وفضلت ايه قاعده مكانها مش قادره تتحرك
سعيد عاش على ذكرى حبه لايه
وايه عاشت على ذكرى حبها لسعيد
وظلت ايه (رفيقة السفر) فى قلب سعيد
التقيا ولم يعلم كل منهم ماذا ستكون النهايه
ووصلنا معا الى نهاية القصه
دوما #قطار_الواقع يصل بنا الى محطات لم تكن فى الحسبان ولم نخطط لها #فى_يوم_من_الايام
تحياتى لكم جميعا
