رواية شمسي البارت الحادي عشر والثاني عشر والثالث عشر والنهايه بقلم يارا عبد السلام

 رواية شمسي البارت الحادي عشر والثاني عشر والثالث عشر والنهايه بقلم يارا عبد السلام

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

رواية شمسي الفصل الحادي عشر والثاني عشر والثالث عشر والنهايه بقلم يارا عبد السلام

رواية شمسي البارت الحادي عشر والثاني عشر والثالث عشر والنهايه بقلم يارا عبد السلام

البارت_الحادى_عشر

_مامتك كانت بتتصل بيكي من الصبح علشان تقولك ان باباكى تعبان في المستشفى

شمس بدموع:اي بابا خدنى يا عز عنده بسرعه..

عز بصلها بشفقه وحزن عليها وعلى دموعها اللي منشفتش من وقت ما سمعت الخبر دا..

وصلو المستشفى ودخلت بسرعه وبقت تسأل كل اللي رايح واللى جاى كانت شبه فاقده لوعيها كانت عوزا تشوف باباها وبس ملهاش غيره بعد وفاة والدتها كان احن عليها من اي حد وكان بيساعدها دائما وعمره ما فشل أنه يكون ليها الاب المثالي..

وصلت عند الأوضه اللي كان فيها شافت امها واقفه وبتعيط بحرقه شمس قربت منها وحضنتها وعيطوا سوا .

_ابوكى تعبان اووي يا شمس الدكتور بيقول أنه محتاج يركب دعامه في القلب علشان كان داخل على جلطه وبيقول أن لازم نعمل العمليه دي خلال ٢٤ساعه انا خايفه اووي يا شمس

شمس:فين الدكتور..

_جوا معاه يا بنتى..

شمس وقفت وعز قرب منها وحط أيده على كتفها يواسيها شمس اترمت في حضنه وقال بدموع:مش هقدر اخسره أنا مليش غيره 

عز غمض عينيه بتوتر وقلبه دق!!لاول مرة يحس بقربها منه اول مره يشوف شمس البنت القويه بالضعف دا اول مره يحس بهزيمتها طبطب عليها وضمها ليه..

عز:صدقيني هيبقى كويس متخافيش أنا معاكى ومش هسيبك وهنقله على أفضل مستشفى وهيتعالج فيها ويعمل العمليه وهيبقى كويس اهم حاجه انتى متعيطيش..

الدكتور خرج وعز وشمس قربه منه 

شمس:بابا كويس يا دكتور..

_للاسف الحاله متطمنش احنا عاوزين نعمل العمليه في خلال ساعات من دلوقتي

عز:طيب احنا عاوزين ننقله من هنا

_للاسف مش هينفع لأن حالته مش مستحمله يتنقل مكان تاني ..

متقلقش احنا هنجيب اكبر دكتور يعمله العمليه وان شاء الله هيبقى كويس 

عز:طيب يا دكتور ابدا في الاجراءات من دلوقتي..

_تمام ..عن اذنكوا..

الدكتور مشي وشمس بصت لعز وعز حط أيده على كتفها:متقلقيش يا شمس هيبقى كويس مش عاوزك تخافى أنا معاكى..

شمس هزت راسها ومتكلمتش وراحت وقفت جنب امها..

عز بصلها بحزن ووقف مكانه ...

كان كل شويه يخطف نظره ليها وكأنه بحمد ربنا انها لسه معاه وممشيتش وسابته!

بيعترف أنه غلطان بيعترف أنه أول مره يحس بالإحساس دا بيعترف أنه حقيقي معجب بيها!لا دا بدأ يحبها.!!.

اليوم عدى والدكتور بدأ يعمل العمليه والكل كان متوتر وشمس كانت دموعها نازله على وشها وبتدعى بخوف خايفه تخسره خايفه تفتقد أهم شخص في حياتها خايفه تحس بالخذلان ممكن وجوده في الدنيا اللي مخليها مستمره ..

عدت ساعات ومفيش اي خبر كانت الأجواء كلها توتر وخوف ووجع ودموع ..

الدكتور خرج واتنهد بارتياح: الحمدلله العمليه نجحت والمريض هيفوق كمان شويه وهيفضل ٢٤ساعه تحت الملاحظه وان شاء الله هيكون كويس ..

شمس ابتسمت وبصت لعز بابتسامه وقربت منه وقالت:شكرا يا عز على وقفتك جنبي الفلوس اللي دفعتها هردهالك قريب

عز :فلوس اي وهبل اي انتى مراتى يا شمس وابوكى زي ابويا بالظبط 

شمس :مراتك!

عز اتوتر :ايوا مراتى يا شمس ...

في الوقت دا في حد قرب منهم..

_ازيك يا شمس عامله اي 

شمس بصت لمصدر الصوت كان شاب وسيم شمس ابتسمت بفرحه..

وقربت منه وسلمت عليه:فرج عامل اي..

_لسه فاكرة الاسم دا..

_اومال هوا فرج يتنسى دحيح الدفعه المنقذ بتاعنا ايام الامتحانات..

_ياااه فين الايام دي يا شمس والله الواحد مفتقدها

كانت بتتكلم معاه بتلقائيه مش واخده بالها من اللى واقف بغضب وتقريبا ودانه بدأت تطلع دخان اول مره يحس بالغيره كدا ...

قرب منهم:مش تعرفينا يا شمس بالاستاذ..

شمس بصتله بابتسامه:دا فرج اقصد الاستاذ الدكتور فرج علشان بقى معيد في الجامعه..

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

فرج ابتسم ومد أيده لعز:مسميش فرج والله اسمي عمار بس علشان كنت دحيح الدفعه طلعوا عليا الاسم دا ..

عز ابتسم ببرود :اهلا..

عمار :احم مش تعرفينا يا شمس..

شمس لسه هتتكلم عز قاطعها وقال:عز الهواري صاحب شركات الهواري وجوز شمس وحاوط شمس بايديه وقربها منه...

عمار اتوتر وبص لشمس :الف مبروك يا شمس آسف مكنتش اعرف

شمس:الله يبارك فيك يا فرج عقبالك الموضوع جه فجأه كدا وان شاء الله هينتهى قريب وبصت لعز بغيظ من كلامه ..

عز وهوا بيجز على سنانه:يلا يا شمس علشان نشوف بابا..

فرج يصلها واستأذن ومشي..

شمس بغضب:اقدر اعرف اي اللي أنت قولته وعملته دا..

عز ببرود : عملت اي هوا أنا كدبت لما قولت أنك مراتى..

_كنت مراتك لكن خلاص كل اللي كان بينا بح زي ما انت قولت والصفقه انتهت..

عز بغيره:انتى مراتى يا شمس وهتفضلي مراتى ومفيش حاجه هتنتهى ومش هطلقك انتى فاهمه..

شمس:هتطلقنى غصب عنك يا عز علشان انا مش هعيش مع واحد زيك...

عز:بتحلمى يا شمس النجوم اقرب ليكي من انى اطلقك وابقى اشوفك يا شمس واقفه مع حد ولا بتتكلمى مع حد بالمياصه اللي كنتي بتتكلمى بيها مع سي فرج بتاعك دا انتى فاهمه...

وسابها ومشي..

شمس ابتسمت بخبث وفرحه:اااااه بدأ يغير عز ابن فريال خلاص بدأ يغير بدأ يفرض سلطته عليا يغير ..

سقفت بسعاده :ولسه يا عز أما وريتك الصبر بس لازم اخليك تعترف ...

خرجت راحت تشوفه راح فين..

شافته قاعد في الكافيه وفي بنات واقفه بتبص عليه وبتتغزل فيه ...

قربت منه بغضب وكان حاطط رجل على رجل..

_انت فرحان كدا ..

عز بصلها باستغراب :مش فاهم قصدك اي..

شمس بغيظ:عجبك البنات اللي واقفه دي ..

عز بصلها بخبث:أنا مالى هم اللي واقفين والصراحه شكلهم معجبين فسبيهم بقى..

شمس:والله يا عز لو مقومتش من قدامهم لهرتكب جريمه وهتبقى انت السبب..

عز قام وقرب منها ومسك ايديها وشدها وراحوا بعيد عن الأنظار ..

عز قرب منها:ها بقى عوزا اي واي اللى جابك ورايا..

_انت انت يعنى عاجبك اللي بيحصل دا..

عز يصلها بخبث:اممم وانتى مالك أنا حر مش انتى طالبه الطلاق

شمس:دي قلة ادب يعنى دا إلى أقصده أنهم بنات مش متربيه ..

عز:وهم مزعلينك في اي..

شمس اتوترت :على فكره بقى انت رخم ها..

زقته وسابته ومشيت..

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

كانت ماشيه في الطرقه بعصبية لقت اللي بيشدها في اوضه وصرخت ..

لكن انصدمت لما لقته واقف قدامها وقريب منها ..

_عز انت بتعمل اي

عز بخبث:شكلك زعلانه وانا مبحبش مراتى تبقى زعلانه فعاوز اصالحك..

شمس:ازاي يعنى ابعد يا عز..

عز:لا 

شمس:حد ممكن يشوفنا

عز قرب منها :مش هبعد يا شمس

قلبها بدأ يدق من نطقه لاسمها اتوترت من قربه ليها غمضت عينيها بتوتر من قربه ليها 

عز:شمس متبعديش يمكن قربك هوا سبب نجاتى...

شمس بصتله بدموع متناسية كل اللي عمله فيها..

ولسه هتتكلم تليفون عز رن 

عز استغرب من النمره الغريبه دي.:الو..

_ههههه انت مفكر انك هتخلص منى بسهوله دا بعدك

عز بصدمه:حمزه!!

#شمسي 

#البارت_الثانى_عشر

عز استغرب من النمره الغريبه دي.:الو..

_ههههه انت مفكر انك هتخلص منى بسهوله دا بعدك

عز بصدمه:حمزه!!

حمزة:هههههه هوا أنا يا حبيب اخوك كنت عاوز بس اقولك خاف على السنيوره اللي معاك وخاف على امك واهلها علشان انت اللي ابتديت في اللعبه دي وعليا وعلى اعدائي سلام يا صاحبي..

قفل السكه وعز كان مصدوم ومتوتر كان فاهم أن اللعبه خلصت بس لا دي بدأت بص لشمس اللي كانت مصدومه من وقت ما سمعت اسم حمزة ..

شمس:حمزة!!!هوا مش اتسجن..

عز:حمزه هرب يا شمس وشكله ناوي على تقيل 

شمس:طيب وانا مالي اي دخلنى في حوارك معاه

عز:علشان انتى الحوار يا شمس وحمزه راجع المرة دي وهدفه انتى علشان صدتيه ومعملتيش اللي في دماغه..

شمس بشجاعه:عادي انا مش بخاف يعمل اللي يعمله مش بتهدد..

عز يصلها باستغراب وقرب منها:انتى شكلك قلبك جايبك وموافقه عادي أنه يخطفك أو يعمل فيكي حاجه..

شمس وقفت بشجاعه واتكلمت بدون وعى:اسكوزمي يعنى اسكوزمي أنا محدش يخطفنى الا انت يا شبح امال اي هى الدنيا سايبه هم مش عارفين أنا مين ومرات مين..

عز:يعنى انتى عوزا تتخطفى بس انا اللي اخطفك صح!

شمس ابتسمت بتوتر :اي يا باشا هتعمل اي يعنى هتخطفنى!!على فكره انا عيله وبرجع في كلامى ها...

عز قرب منها وهى كانت متوتره وباصه في عينيه بتوهان هى كدا كدا بتغرق فيهم ..

فجاه لقت حاجه بتتخبط على راسها وأغمى عليها وشالها عز وخرج بيها وحطها في العربيه ومشي ...

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

عند حمزه 

كان قاعد ومبتسم بخبث وكانت قدامه فريال مربوطه..

فريال بدموع:اي يا حمزه اللي انت عامله فيا دا دانا بعتبرك زي ابنى هانت عليك العشره والعيش والملح..

حمزة:ابنك اللي بدا واستحملى بقى نتيجة عمله

فريال:كله من البنت الجربوعه اللي اتجوزها أنا هدمرها بس أخرج من هنا..

حمزة بخبث:متقلقيش هى هتيجي لحد عندي ..

فريال :يا ابنى طيب فكنى انت عارف انى ست كبيره ومش قد المرمطه دي وبعدين مش دي اللي تخسرك صديق عمرك وصديق الطفوله مش كدا يا ابنى ..

حمزه:بقولك اي خلاص بقى فكك من الكلام الفكسان دا ابنك اللي بدا اللعبه من زمان وانا اللي هنهيها ودلوقتي..

عند عز 

وصل بشمس لمكان مهجور وقف عند بيت وخبط على الباب فتحتله ست عجوزه...

عز:ازيك يا تيته...

الجده:تو ما افتكرتنى يا عز نسيت ستك يا واد دانا اللي مربياك..

عز قرب منها وباس ايديها وخدعته دمعه ونزلت من عينيه :انتى يا تيته اللي رفضتي تعيشي معانا بعد وفاة بابا وكمان رافضه تاخدي فلوس ورافضه اشتريلك حتى شقه وتكونى قريبه منى..

_دي مش فلوس ابوك يا ابنى دي فلوس فريال ابوك طول عمره عايش فقير واتجوزته بنت البندر وخدته ولبسته بدله وابوها شغله عنده اشتروه يا ابنى بالفلوس وابوك للاسف كان موافق ....

عز:بس بابا اللي تعب علشان يكبر الشركه دي وليه أسهم كتير بتاعته وماما مساهمتش بحاجه هى اه كل حاجه باسمها بس مشتغلتش ولا تعبت زي ابويا..

_بيدي الحلق للي بلا ودان يا ابنى ابوك اختار يكون شغال عندها وانا عمري ما كنت اخلى فريال تشتريني بفلوس زي ابوك أنا عندي كرامه وغير كدا أنا وهى مش بنستوي في حلة واحده فمريحه دماغى وساكنه بعيد ...

ها مقولتليش اي سبب الزياره الجميله دي...

عز يصلها بتوتر وراح ناحية العربيه وجاب شمس وهوا شايلها ومغمى عليها..

الجده:وه مين دي يا ولدي اوعى تكون خاطفها.

عز :لا يا جدتى دي شمس مراتى والحكايه طويله محتاجه قاعده..

عز دخل وحط شمس على الكنبه وقعد حكى كل حاجه لجدته..

جدته كانت مصدومه من كلامه

_والله يا ابنى حكايتكوا انتو الأغنيا ولا المسلسلات والله 

شمس بعد ما فاقت :عندك حق والله يا حجه أنا غلطانه انى واقفت اتجوز الشخص المنبوذ من العالم دا..

عز يصلها واستغرب كلامها التلقائي دي حتى مصرختش ولا اتصدمت من الوضع اللي شافت نفسها فيه لا دي نايمه على الكنبه زي ما هى وبتتكلم عادي!!

عز:متنكريش انك بتحبيني

شمس وقفت على الكنبه:نعم يا عووووومررر حب اي يا ابو حب انت ناسي أن جوازنا مصلحه اصلا وصفقه وكان في فلوس وانت مش راضي تطلقنى علشان تديهالى ولا هات فلوسي احسن اشتكيك لجدتك واقولها انك بتعذبني..

عز برق بصدمه من طريقتها والجده كانت بتضحك 

_الله يا عز دي لذيذه اووي سيبها تقعد معايا اهى تدي حس للمكان..

شمس :حس اي يا حاجه هوا أنا تليفزيون خلي حفيدك الغنى دا يجيبلك راديوا..

عز:شمس انزلى من على الكنبه واهدى بلاش جنانك دا..

شمس بتأثر:اه مهو أنا بقيت مجنونه من وقت ما اتجوزتك منك لله يا عز يا ابن ام عز اشوف فيك يوم يا بعيد علشان انت السبب في كل دا ياريتنى ما كنت لفت نظرك وافضلت احبك من بعيد لبعيد أنا غلطانه أنا كان مالى بيك كنت اتجوزت حسنين ابن المعلم جعفر احسن على الأقل كان جزار قد الدنيا ويأكلنى لحمه أما من وقت ما اتجوزتك وانا  خسيت النص ..يا شيخ منك لله..

الجده بتأثر ودموع:اخس عليك يا عز انت تاعب البنيه كدا..

عز بصدمه:يا تيته دي بتهزر وبتمثل وبعدين يا هانم مين حسنين دا افوق بس من اللي أنا فيه واروقك

شمس:اه سيب الموضوع الاساسي وأمسك في الفرعيات هوا مش احنا كدا كدا هنطلق..

عز قرب منها:دا بعدك يا هانم 

شمس:مليش دعوة أنا عوزا اتطلق عوزا انضم لجروب المطلقات على الفيس بوك واكتب اللي باعنا خسر دلعنا..

عز وسته كانوا بصين ليها ببلاهه مش فاهمين حاجه لحد ما قطع الصمت صوت تليفون عز على نفس الرقم 

فتح الخط بعصبيه

_انت مفكر انك لما تهرب بيها مش هعرف اخليك تجيبها لحد عندي..

عز :ازاي يعنى يا ابنى انت اهبل حمزه متخلنيش اقلبها عليك..

حمزة بضحك:خلاص يبقى انت مستغنى عن فريال هانم..

_ماما!!!

حمزه:ايوا امك معايا قدامك ٢٤ساعه لو منفذتش اللي أنا عاوزه أو تقول على ماما الله يرحمها ويحسن إليها

عز:عاوز اي 

_شمس

عز بصدمه: اي!!!

#شمسي 

#البارت_الثالث_عشر

_عاوز شمس

عز بعصبية:انت اتجننت شمس مراتى حمزه اعقل كدا مش عاوز اتحول عليك انا صبرت كتير هتيجي عند شمس واستوب مفيش الكلام دا..

حمزه بخبث:عادي يعنى يا عز مجتش على المره دي منا طول عمري باخد اللى انت مستخدمه بس المره دي الكلام بجد يا عز مش هزار ..

عز:انت أحقر انسان أنا شفته في حياتى اسم صاحب عندك رخيص وملهوش تمن قدام مصلحتك واغراضك الدنيئه..

_خلصت محاضرة الاخلاق بتاعتك يلا بقى فكر كدا قدامك للصبح وافتكر كويس شمس قدام امك يا عز واختار امك ولا شمس سلام..

قفل السكه وعز بص لشمس اللي كانت واقفه مصدومه ورجليها مش شايلاها...

_هوا ازاي بيساومك عليا هوا مش عارف انى مراتك وحرام اللي بيعمله دا ازاي يقول كدا اصلا ...

عز كان ساكت

شمس:عز انت هتعمل اللي هوا عاوزه دا هتوديني ليه قربت منه:رد عليا انت هتعمل اللي هوا بيقول عليه دا.

قربت ايديها من وشه وبصت في عينيه:هتتخلى عنى يا عز ..

عز بصلها لاول مره بدموع وهى كمان دمعت ولقت نفسها بتترمى في حضنه وبتعيط بحرقه وهوا ضمها ليه بقوه محسوش بنفسهم ولا بالوقت ولا بالجده اللي قاعده وشايفاهم وبصالهم بحب ...

شمس:انت مش هتسيبني يا عز أنا عارفه مش هتفرط فيا مش هترميني أنا بحبك يا عز وانت مش هتقدر تكسر قلبي اللي حبك دا...

عز غمض عينيه بقوه مش مستحمل دلوقتي هوا في موقف صعب بين أمه والبنت اللي قلبه دق ليها..

عز بعدها عنه ومسح دموعها بايديه:مش بحب اشوف دموعك يا شمس وعاوز اقولك أنا مش هقدر اتخلى أو اسيب البنت اللي كانت السبب انى اتخطى كل حاجه وارجع اشوف الدنيا جميله من تاني البنت اللي قلبي غصب عنه دق ليها البنت اللي في عيونى اجمل بنت عالكوكب الجدعه صاحبة الدم الخفيف والضحكه الحلوة اللي خلتنى احبها غصب عنى والله غصب عنى ..

شمس ابتسمت من بين دموعها:انت حقيقي بتقول الكلام دا ليا انا مش مصدقه ..

عز:عمري ما كنت اتخيل انى اغير على بنت او يبقى هاممنى حد انتى السبب انى غرت عليكي ومش هستحمل أن حد تاني غيري يلمسك أو يشوف ضحكتك يا شمس شمس أنا بحبك..

شمس:وشمس بتموت فيك والله ..

ابتسم ولسه هيقرب منها سمع صوت جدته...

_احممممم نحن هنا 

عز ابتسم وشمس

عز:آسف يا جدتى الكلام خدنا..

جدته قامت وقربت منه وربطت على كتفه:عشت وشفت يا ابنى حفيدي قلبه دق وبيحب بتفكرني بجدك وكلامه كانت بيقولى نفس الكلام دا كان حنين اووي وبيحبنى وعمره ما نزل دمعتى على خدى بقالي اربعين سنه عايشه على زكراه جدك واحشني اووي وكل لما اشوفك احس انى شايفاه نفس الشكل والطبع وكل حاجه ربنا يرحمه ...

عز مال على جدته وباس ايديها:ربنا يديمك يا جدتى حسك في الدنيا وان شاء الله لحد ما تشوفي ولادى..

_لي يبني كنت اطاطا خلاص يبنى أنا في العد التنازلي ومستنيه الموت في اي لحظه وساعتها هتبقى اجمل لحظه  علشان هروح لكل اللي بحبهم وبيحبونى..

يلا يا ولاد ادخلوا ريحوا شويه والصبح يفرجها ربنا..

عز افتكر حمزه:حمزه والله لاندمه على اللي عمله دا وبكرا هيشوف...

شمس:أنا عارفه حمزه هيقع ازاي ..

عز والجده:ازاي..

شمس:بصوا....

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

في صباح يوم جديد..

عز صحى من النوم وكانت شمس نايمه جنبه ...

بصلها بسرحان وهيام وحب:مش عارف ازاي كنت بفكر اسيبك أو فكرت اصلا انى اجرحك أو ارفض حبك ليا انا كنت غبي معاكي اووي يا شمس بس صدقيني هخلص من الزفت دا وافضي واعوضك عن كل اللي شوفتيه بسببي ...

شمس فتحت عينيها وبصتله:بتبص على اي

عز:على القمر..

شمس ابتسمت بكسوف :طيب وهوا فين القمر دا..

عز:اهو قدامى انتى القمر ولسه هيقرب منها ..سمع صوت جدته..

$يلا يا ولاد علشان الفطار..

عز همس:تيته بتيجي في وقت مش مناسب خالص..

شمس بضحك:بالعكس

عز برفعة حاجب:بقى كدا ماشي يا ست شمس افضالك بس..

وهمس :وانا مش هخرجك من حضنى ابدا 

شمس اتكسفت وقامت :انت انت قليل الادب هه..

ضحك على هبلها وكسوفها وجنانها...

بعد شويه فطروا وبداوا في خطتهم...

شمس مسكت تليفون عز واتصلت بحمزه ..

كان بيرن لحد ما سمعت صوت الناحية التانيه

حمزه:ها فكرت..

_انا أنا شمس يا حمزه 

_شمس!!

_انا سمعت كل حاجه امبارح وانا موافقه اكون معاك بس تسيب ام عز هى ملهاش ذنب قولى العنوان وانا هيجيلك أنا كدا كدا مش بحب عز وجوازنا انتهى فمفيش حاجه ازعل عليها..أنا دلوقتي سرقت تليفون عز من وراه وهوا في الحمام ..

_واى يخليني اصدقك

_انى اتصلت بيك وقولت الكلام دا مثلا 

_ما انتى رفضتيني قبل كدا

شمس:كنت بتقل عليك انت مش عارف

حمزه ابتسم بخبث:طيب شويه وهتصل بيكي على التليفون بتاعك سلام يا حلوة..

شمس بصت على التليفون بقرف وعز كانت عروقه بارزه من الغضب..

عز:أنا مش عارف اي خلانى اسمع كلامك أنا ازاي هسيبك ليه كدا مش هقدر بجد 

شمس:هي ساعه واحده يا عز متقلقش عليا بس لازم نعمل كدا علشان امك متتأذيش صدقنى أنا مش هخليه يقرب منى ولا يلمسني متقلقش مراتك راجل

عز:مش مستحمل الفكره من الأساس بصي ألغى خطتك أنا مش موافق...

شمس :شوقى يا تيته أقنعى حفيدك بقى..

_يا ابنى هى لازم تعمل كدا علشان تتخلصوا من حمزه وشره متقلقش شمس ميخافش عليها..

عز غمض عينيه واتنهد:خلاص بس تليفونك متسبيهوش انتى فاهمه..

شمس :حاضر..

بعد شويه حمزه اتصل بشمس وعرفها المكان وراحت تقابله في المكان اللي المفروض تقابله فيه ..

حمزه بخبث: عين العقل اللي عملتيه دا يا حلوة ولسه هيقرب منها..

_لا لما عز يطلقنى وأشوف أمه برا خالص هبقى افكر..

حمزه:حقك ..

وطلع بيها على مكان شبه مهجور ودخل بيها ..

_فين فريال..

_لي

_كنت كنت عوزا اشمت فيها بس عادى..

_تعالى..

خدها ودخلوا اوضه وكانت فريال قاعده ..

شمس اتخضت لما شافتها وحاولت تمسك نفسها وبعدين بصتلها :خرجها بقى من هنا..

حمزه :عيونى بس لما عز يطلقك الاول..

هتصل بيه واجيبه يطلقك يا حلوة..

شمس اتوترت وشافته بيتصل بعز وبالفعل طلب منه أنه يجي ...

شمس استغلت انشغاله وقربت من فريال وبدأت تفكها وفريال كانت مستغربه هى بتعمل كدا لى..

فجأه حمزه دخل ..

_انتى بتعملى اي ..

شمس:أنا أنا..

_اه أنا فهمت الخطه انتى بتشتغليني

قرب منها وشدها من دراعها وخرجها برا ودخلها اوضه تانيه وقفل الباب..

شمس بدموع:انت عاوز اي هتعمل اي..

حمزه بخبث:هعمل اللي نفسي اعمل من وقت ما شفتك..

قرب منها 

شمس:عز عز عز انت اتأخرت لي..

حمزه:اصرخى شكله باعك يا حلوة وقرب منها وهى زقته بعيد ووقفت على السرير..

ومسكت الاباجورة:لو قربتلى هكسرها على دماغك..

حمزه:هههههه تصدقى خفت تؤ انتى اجبن من كدا خلى الموضوع يبقى برضاكى بدل ما يكون غصب عنك..

_انت مفكر انى يتهدد لا فوق انت أجبن من انك تعمل اي حاجه ..

في الوقت دا عز وصل ومعاه الشرطه..ودخلوا بكل حرص ..

حمزه:أنا هوريكي الجبان دا هيعمل اي..

وقرب منها ومسكها وبدا أنه يعتدي عليها وهى تصوت وعز وصل في الوقت دا وكسر الباب ودخل ومسك حمزه وضربه جامد..

لحد ما العساكر جت وكلبشته..

شمس جريت على عز واترمت في حضنه بخوف ..

_ك ك كان عاوز ...

_شششششششش متخافيش أنا جنبك بس أهدى

بدأ يطبطب عليها بحنان وأمه جت عليهم وهى باصه في الارض بندم..

فريال:شمس..

شمس بصتلها

_شكرا انك ساعدتيني وخاطرتى بحياتك علشانى أنا اسفه يا بنتى على اللي عملته معاكى..

شمس بصت لعز وعز ابتسم لانه فاهم دماغ شمس اللي قربت من فريال وحطت ايديها على جبينها وكأنها بتقيس الحراره:لا لا مش سخنه وحطت ايديها على جبينها :ولا أنا سخنه وبيتهيألى

عز ضحك وفريال كمان..

شمس:اسكت يا عز امك اعتذرت تؤ متحصلش دي الا بمعجزه الاهيه يا عم..

فريال ضحكت وعز كمان اللي قرب منهم هم الاتنين وحوطهم:أنا دلوقتي عرفت نقطة ضعفى..

فريال وشمس ابتسموا وهم الاتنين في وقت واحد باسوه من خده...

عز:استنوا النهايه مش دلوقتي لسه ناقص بارت كمان ..هتوحشونى..

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#النهايه

#شمسي 

بعد مرور سنه  ..

كان  قدام اوضة العمليات رايح جاي بتوتر سامع صريخها ووجعها وقلبه بيتقطع معاها كانت بتولد طفله اللي كان الرابط الوحيد لحبهم اللي وصلوا ليه بعد تعب وزعل ومعاناة ...

الممرضه خرجت وهى مبتسمه..

_الف مبروك يا عز بيه المدام ولدت بالسلامه توأم زي القمر ..

عز بفرحه:بجد توأم وطلع من جيبه مبلغ وعطاهولها بفرحه ..

_شمس كويسه

_كويسه الحمد لله يا فندم شويه وهننقلها اوضه عاديه..

في الوقت دا جاله اتصال فتح بفرحه لاسم المتصل اللي كانت أمه..

_باركيلي يا امى شمس ولدت توأم..

فريال:مبروك يا حبيبي كنت بدعيلكوا دائما ربنا يسعدكوا ويرزقكوا الذريه الصالحه وانا هنا في المكان الجميل دا ..

عز:عاملين اي يا امى وعمى وطنط سميرة ..

فريال:كويسين يا حبيبي بيسلموا عليكوا ابقى طمني على شمس

عز:هترجعوا امتى..

_كمان اسبوع مع اننا مش عاوزين نسيب المكان الجميل دا والكعبه ونيجي 

عز:أن شاء الله مش اخر مره يا امي المره الجايه هيكون كلنا سوا..

في الوقت دا خرجت شمس من العمليات وكانت مجهده جدا لانها كانت بتولد طبيعي عز قرب منها وباس جيبينها:حمد الله على السلامه يا حبيبتي 

شمس بابتسامه مجهده:الله يا يسلمك يا حبيبي..

دخلت الأوضة وهوا معاها وقعد قصادها ومسك ايديها...

_عدي سنه يا شمس واحنا مع بعض اول مره كنت احس فيها بمعنى الحب الحقيقي وانا معاكى مش عارف لى أنا كنت غبي ومكنتش شايف حبك دا ليا...

شمس ابتسمت بحب:حبي ليك اللي خلاك تحبنى أنا مكنتش زعلانه انك بعيد عنى انا كنت زعلانه انك مكنتش حاسس بيا وكل اللي مرينا بيه هوا اللي اثبتلك حبي واهوا دلوقتي بقينا اب وام..

عز قرب منها وضمها ليه بحب:وانا بحبك وهفضل احبك طول العمر

شمس:قد البحر 

_قد البحر يا اجمل وردة ...

في الوقت دا دخلت الممرضه وهى شايله التوام 

عز وشمس بصولهم بحب ..

وعز قام وكبر في اذن كل واحد فيهم ...

شمس بابتسامه:هتسميهم اي..

عز :اللي على اليمين اللي شبهك دا وواخد كل ملامحك يبقى يحيي والتاني اللي واخد منى ومنك يبقى ياسين ..

شمس:الاسمين اجمل من بعض

عز بغمزه:انتى اجمل يا شمسي..

عدى خمس سنين...

 شمس كانت قاعده بتتفرج على التليفزيون مع فريال وياسين جه عليها

 ‏ياسين:مامى مامى يحيي خد اللعبه بتاعتى ومث راضي يديهالى أنا مليش دعوة عاوز لعبتى..

 ‏شمس بصيتله بقلة حيلة علشان دي عاشر مره يجي يشتكى من يحيي لنفس السبب..

 ‏شمس قامت :ماشي يا يحىى مش عارفه اتفرج على المسلسل بسببك

 ‏وبصت لفريال:والنبي يا ماما ابقى قوليلي هيحصل اي علشان عيال ابنك مش مهنيني على حاجه..

 ‏فريال ضحكت وشمس دخلت وشافت يحىى قاعد وحاطط رجل على رجل وبيمثل أنه ظابط..

 ‏يحيي:ها يبنى هتقول الحقيقه ولا اخليك تقولها بطريقتى..

 ‏شمس جت من وراه وهى ماسكه الشبشب:لا أنا اللى هقولهالك بطريقتى..

 ‏يحيي اتخض ووقف مكانه بعصبية:أنا مش قولتلك يا عسكري متدخلش حد عليا طول منا شغال حتى لو امي

 ‏شمس قربت منه ومسكته من التيشرت بتاعه:انت بتقول الكلام دا لمين ياض ..

 ‏يحىى بتوتر:طبعا مش ليكي انتى يا ست الكل يا قمر انتى...

 ‏شمس:ثبتنى ثبتنى بتاخد اللعبه بتاعت اخوك لي..

 ‏يحيي:يا ماما هوا مش راضي يلعب معايا مش عاوز يكون هوا المجرم ..

 ‏شمس بشهقه:بعد الشر عنكوا وقربت منهم وضمتهم

 ‏يحيي مش عوزاك مهما اتقدم بيك العمر أو لما تكون ظابط تظلم حد أو تزعل حد منك حتى لو ظالم والإنسان اللي بيعمل حاجه غلط مش مجرم هوا بيكون ضحيه لحاجات كتير اووي وحشه فمش عوزاك تكون انت والدنيا عليه فاهم كلامى يا حبيبي

 يحيي:فاهم يا ماما ..

 ‏شمس بصت لياسين:وانت يا سي ياسين عاوز تكون اي..

 ‏_دكتور وافتح مستشفى كبيره اووي واعالج فيها الفقراء واكون مشهور يا ماما ...

 ‏شمس ابتسمت بحب ليهم وضمتهم بحنان:أن شاء الله ربنا هيحقق احلامكوا وتكونوا خير الذريه ..

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

عز وصل ودخل يدور عليهم لقاهم هم التلاته بيلعبوا سوا..

شمس:على فكره انتو الاتنين بتخموا ومش لاعبه..

ياسين:يا ماما انتى اللي مش عارفه تلعبي بقى..

شمس بشر ومسكته من التيشرت بتاعه:مين دي يلا اللى مش بتعرف تلعب دانا ياما كسبت العيال في الكوتشينه هى جديده عليا واه كنت بلعب بنك الحظ وياخد كل الفلوس منهم ..

عز:بالسرقه طبعا..

شمس بتذمر:يعنى أنا حراميه يا عز..

عز:اه حراميه..

وقرب منها وهمس:ايوا حراميه علشان سرقتي قلبي..

ابتسمت ويحيي صفر:ايوا بقى يا بابا يا جامد..

عز بصله:مش عارف لي حاسس انك جاي غلطه تركيبتك غريبه يا يحيي

_لي بس كدا يا برنس 

_برنس..

عز بص لشمس:أنا عرفت الواد دا اتعلم الكلام دا من مين

شمس ببراءه:من مين

_منك يا حياتى..

شمس ضحكت :الله مش ابنى وشبهى كمان 

عز:مهى دي المصيبه ...أنا جعان الاكل جاهز..

شمس:هوا..

شمس دخلت وعز ابتسم ودخل وراها المطبخ وحاوطها بايده وباسها من خدها..

شمس:عز..

_مسلمتش عليكي لما جيت ولازم أصبح عليكي وامسي عليكي دي الأصول..

شمس ضحكت وهوا كمان

يحيي:انتو بتعملوا اي..

عز اتوتر وشمس بعدت:يا فضحتى

عز:كنت بحط لماما قطره..

يحيي بخبث:في المطبخ برضو..

عز بصله بصدمه وشمس صحكت وقرب منه وشاله:انت اي معجون في ميه عفاريت..

يحيي:سيب الجاكيت بتاعى أنا برضو في يوم من الايام هكون ظابط

_بقى انت عندك خمس سنين

_مش عاجبك ولا اي..

شمس:يلا الاكل جاهز يلا يا ماما..

الكل اتجمع في جو عائلى لطيف وطبعا مخلتش من المشاكسات اللي بينهم..

في المساء..

كان واقفه قدام المرايا وبتسرح شعرها ..

لقت اللي بيحاوطها بايديه وبيطبع بوسه على رقبتها..

شمس ابتسمت 

عز:وحشتيني

شمس:انت اكتر

شمس:النهارده مش بيفكرك بحاجه..

عز:امممم النهارده قابلت الورده اللي خطفت قلبي..

شمس بفرحه:انت فاكر التاريخ يا عز..

_مقدرش أنساه يا قلب عز...

اترمت في حضنه بسعاده وهوا ضمها ليه بحب...

_بحبك

_وانا بموت فيكي..

"ستجمعنا الصدف حتى لو كانت بورده "

تمت

بداية الروايه من أولها ادخلوا هنا

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️