رواية شمسي البارت السادس والسابع والثامن والتاسع والعاشر بقلم يارا عبد السلام

 رواية شمسي البارت السادس والسابع والثامن والتاسع والعاشر بقلم يارا عبد السلام

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

رواية شمسي الفصل السادس والسابع والثامن والتاسع والعاشر بقلم يارا عبد السلام

رواية شمسي البارت السادس والسابع والثامن والتاسع والعاشر بقلم يارا عبد السلام

البارت_السادس 

_هقولك أنا تعمل اي ..

وهوب جابتها من شعرها 

امبارح سكت علشان كنا جوا الشركه ومكان محترم وكدا لكن احنا برا الشركه وهخلى مصر كلها تتفرج عليكي ..

تعاليلي بقى...

ونزلت فيها ضر،ب 

امن الشركه كله أتدخل كان من الصعب أنهم يسلكوا اميرة من ايد شمس اللي كانت بتضرب فيها بكل قوتها وكأنها بتطلع عليها كل دمعه نزلت من عينيها بسببها امبارح...

عز جه في الوقت دا واستغرب التجمع اللي كان موجود وموظفين الشركه اللي سابوا شغلهم وخرجوا يشوفوا المعركه دي اللي كانت كلها لصالح شمس طبعا ...

زعق :اي المهرجان دا في اي 

احد الموظفين:حرم سعادتك ماسكه اميرة هانم بتضربها يا فندم..

عز انصدم مش معقول وصلت بشمس لحد هنا انها تعمل كدا وقدام الشركه 

اتعصب منها جدا وبعدين زعق بعلوا صوته وقال:شمسسس

شمس سابت اميره وبصتله وقامت ونفضت هدومها بكبرياء وربعت ايديها على صدرها ووقفت بتحدي..

أميرة كانت بتعيط من الضرب شكلها بقى شبه مشوه دا غير الكدمات اللي كانت في جسمها كله..

اميره بعياط:عجبك كدا يا عز مراتك المتوحشه دي أنا هروح اعمل محضر فيها وهقول لبابي...

عز خاف لوهله على شمس وقرب من اميره وحاول يهديها

_تعالى بس يا اميره جوا وانا هتكفل باي حاجه انتى عوزاها بس ممكن تهدي

شمس بصتله بغل :هوا اي اللي تعملها كل اللي هى عوزاه

عز وقفها بعصبية:ممكن تسكتى مش عاوز اسمع صوتك نهائي وبص للموظفين:كل واحد فيكوا على شغله وهعرفكوا ازاي وقفتكوا دي يلاااا..

الكل خاف ودخل واتبقى شمس واميره وعز ...

اللي مثل على اميره الخوف عليها بإتقان:يلا يا اميره تعالى معايا اخلى الدكتور يشوفك ...

وبص لشمس:وانتى على البيت مش عاوز اشوف وشك النهارده...

شمس سكتت وخدت شنطتها من على الأرض ومشيت 

ركبت تاكسي لكن مطلعتش علي البيت زي ما طلب منها راحت لمكان تاني..

وصلت بيتها المكان اللي بترتاح فيه وسط عيلتها...

امها فتحت الباب وشمس رمت نفسها في حضنها اكتر مكان بترتاح فيه ..

_شمس مالك يا بنتى

_مفيش يا ماما انتى وحشتيني بس

_طب تعالى يا حبيبتي ادخلى جوزك مجاش معاكى لي

_اصل اصله في الشركه يا ماما ووراه شغل وانتو وحشتونى..

_طيب تعالى يا حبيبتي ..

شمس دخلت وقعدت وامها قعدت جنبها:ها عامله اي مع جوزك كويسين ولا لا

_ايوا كويسين جدا وعز بيحبنى اووي يا ماما ومش بيخليني زعلانه ابدا 

_الحمد لله يا بنتى دا من دعواتى ليكى ليل نهار ربنا يجعله ليكى خير الزوج والونس

_يارب يا ماما..

_هقوم بقى احضر الغدا 

_متتعبيش نفسك يا ماما

_يا بت يا عبيطه هوا انتى يعنى بتيجي كل يوم هقوم اعملك الاكله اللي بتحبيها

_مكرونه بيشاميل صح

_صح..

_ايوا بقى يا سوسو دلعيني

امها وقفت مره واحده وكأنها افتكرت حاجه ..

_اي دا مش انتو المفروض مسافرين ودا كان سبب استعجال جوزك على الجواز..

شمس اتوترت مكنتش متوقعه سؤال زي دا من امها

_اصل اصل اااه الشغل اتأجل شهر كمان اسكتى يا ماما بعد ما جهزنا كل حاجه الصفقه اتأجلت...

_اه ماشي يا حبيبتي ربنا يسعدكوا يارب ويرزق جوزك من حيث لا يحتسب..

_اللهم امين..

هقوم معاكى احضر الغدا بقى..

دخلت معاها وبدأوا يحضروا الغدا..

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

عند عز بعد ما الدكتور فحص اميره واتطمن عليها ..

أميرة:علشان خاطرك بس يا عز مش هعملها حاجه أنا مش عارفه انت اتجوزتها ازاي دي ولا لي..

عز قرب منها:غلطه وندمان عليها دلوقتي عاوز اسيبها زهقت منها 

اميره:وهتعمل اي بعدها..

عز بخبث:هرجعلك طبعا مش انتى عوزا كدا..

اميره قربت منه بدلع:ايوا طبعا عوزا كدا يا حبيبي..

عز:انتى اللي حبيبي ..

_شوفت يا عز عرفت انك بتلف لفتك وترجعلى لازم تعرف يا حبيبي انى دائما أنا التوب

_طبعا يا حياتى..

يلا بقى قومى علشان اوصلك..

قامت وعز معاها وخرجوا من الشركه وركبت معاه ووصلها...

_عاوز حاجه.

_سلامتك يا روحى 

اميره قربت منه وباسته من خده ونزلت من العربيه ..

عز يصلها بقرف ومسح مكان بوستها...

وطلع على البيت..

دخل وملقاش شمس في البيت ..

اتعصب منها خرج من البيت وطلع على بيت اهلها المكان المتوقع انها تكون فيه..

كانت بترص الاكل مع امها وحضروا السفره ..

_يلا يا حاج الاكل جاهز ماتتصلي لجوزك يا بنتى يجي يتغدى معانا..

شمس اتوترت:لا أصل عز عنده شغل كتير ومش هيبقى فاضى دلوقتي

في الوقت دا الباب خبط وشمس راحت تفتح...

لقته عز

عز بعصبية:مش بتردي على تليفونك لى .

_ملكش دعوة أنا حرة

عز :شمس متخلنيش اتعصب عليكي

_اتعصب كدا ووريني هتعمل اي

_مين يا شمس

عز بخبث:دا انا يا حماتى وزق شمس ودخل..

عز :عاملين اي ..

الام:كنت لسه بجيب في سيرتك ابن حلال يا ابنى والله تعالى اقعد كل معانا..

عز:تسلم ايدك يا حماتى ولسه هيقعد

شمس وقفته:انت هتعمل اي مفيش اكل..

لقت ابوها وامها بيبصولها باستغراب

_اقصد مفيش اكل الا لما تغسل ايدك 

الام:ايوا يا ابنى روح مع مراتك توريك الحمام وتغسل ايدك

عز ابتسم بخبث:إذا كان كدا ماشي .وقام وقرب من شمس:يلا وريني الحمام فين..

شمس اتوترت وشاورتله على الاتجاه ومشيت وهوا وراها..

وقفت قدام الحمام :يلا ادخل اغسل ايدك..

عز هز رأسه ودخل غسل أيده وخرج..

_عاوز فوطه..

شمس دخلت جابتله فوطه وخرجت..

مدتله ايدها بالفوطه وهوا مسكها منها وشدها ناحيته وباسها من خدها..

كانت مصدمه وبلمه غمضت عينيها مش مستوعبه اللي حصل وان اللى عمل كدا عز فعلا ...

حست أن الأرض مش شايلاها من التوتر...

_دي شكر على اللي عملتيه في اميره النهارده 

وباسها كمان مره:ودي اعتذار منى على عصبيتي عليكي آسف يا شمس...

سابها وخرج وهى كانت مصدومه حطت ايديها على خدها وابتسمت وقالت :مهما عملت ما قدرش ازعل منك ...

خرجت وهى حاسه بسخونيه في وشها من كتر التوتر وعز لاحظ دا وابتسم شمس قعدت قدامه وهوا كل شويه يبصلها ويغمزلها وهى متجاهلاه تماما...

خلصوا اكل وعملت شاي ودخلتله في البلكونه وابوها نزل يقعد شويه على القهوه..

_اتفضل

_تسلمى

بعد وقت من الصمت :أنا مش فاهمه انت بتعمل كل دا لى..

عز :هتفهمى بعدين

شمس :ممكن اعرف انت اتجوزتنى لي وخليت الموضوع كله عباره عن صفقه تنتقم بيها من حبيبتك وفي الاخر تهزقني قدامها في الرائحه والجايه وبعدين تيجي تصالحنى!هوا انت عندك توحد!!

عز:دا جزء من الخطه مش اكتر..

_يعنى أنا وسيله للانتقام..

_صح..

_يعنى انت مش حاسس باي حاجه ناحيتى

بصلها باستغراب:حاجه زي اي..

شمس بدموع: للدرجادي أنا مشاعري تافهه ومش حاسس بيها وعمال تشكلها على مزاجك للدرجادي أنا لعبه..

عز ببرود :انتى عملتى صفقه معايا والشغل والصفقات مفيهاش مشاعر يا شمس انتى مجرد وسيله وهتاخدي فلوسك لما تخلص الصفقه زي ما اتفقنا...احنا متفقناش على مشاعر ...

فجأه سمعوا صوت حاجه بتترمى على الأرض..

شمس بصدمه ودموع:ماما!!!

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي

#البارت_السابع

شمس بدموع: للدرجادي أنا مشاعري تافهه ومش حاسس بيها وعمال تشكلها على مزاجك للدرجادي أنا لعبه..

عز ببرود :انتى عملتى صفقه معايا والشغل والصفقات مفيهاش مشاعر يا شمس انتى مجرد وسيله وهتاخدي فلوسك لما تخلص الصفقه زي ما اتفقنا...احنا متفقناش على مشاعر ...

فجأه سمعوا صوت حاجه بتترمى على الأرض..

شمس بصدمه ودموع:ماما!!!

الام:اي الكلام دا يا شمس صفقة اي وانتى وسيله لايه بالظبط فهميني..

شمس قربت منها بدموع :اهدي يا ماما وانا هفهمك انتى مش فاهمه حاجه ..

الام بعصبية نوعا ما وبصت لعز :فهمني انت يا بيه بنتي وسيله لايه بالظبط وصفقة اي اللي بنتى عملاها معاك وفلوس اي اللي متفقين عليها انت واخد بنتى تعمل بيها اي بالظبط ...دخلت ضحكت علينا وخدتها من وسطنا في يوم وليله واحنا وافقنا علشان حسستونا فعلا انكوا بتحبوا بعض لكن الظاهر أن كل دا كان كدب..

شمس بدموع:يا ماما صدقيني انتى مش فاهمه حاجه ممكن تهدى وانا هفهمك...

الام سكتت وبعدين قالت:اهو هديت قوليلي بقى في اي .

شمس بصت لعز :اتكلم ..

عز اتنهد وبعدين بدأ يحكى للام كل حاجه حصلت معاه والسبب اللي خلاه يتجوز شمس..

_وعلشان شمس شخصيتها قوية فهى ساعدتنى جدا انى اقدر اخد حقى وارجوكي أنا مش عاوز اي حد يعرف الكلام دا حتى عمى وصدقيني بنتك في أمان وانا ما قربتش منها وصدقيني أنا يحترمك ويحترم عمى والظروف كان اقوى منى سامحيني..

الام استنبطت من كلامه الصدق ازاي وهى شايفه في عيون بنتها حب ليه مش هتقدر تسيب بنتها بتتعذب كدا...

الام قربت من شمس وخدت ايديها ودخلت جوا وقفلت الباب وعز استغرب وفضل واقف برا مستنى..

شمس_في اي يا ماما..

الام:بتحبيه..

شمس اتوترت وبصت الناحية التانيه:اي الكلام دا يا ماما لا طبعا ..

الام:شمس انتى بنتى لو كدبتى على الدنيا كلها هتيجي قدامى وعيونك هتفضحك وانا عارفه انك بتحبيه..

شمس عيطت وامها قربت منها وخدتها في حضنها :شوفتى انك مش هتقدري تكدبي عليا يبت أنا اه مش امك بس بحس بيكى كأنك بنتى بحس أن ربنا حرمني من الخلفه علشان يعوضني بيكي لما اتجوزت ابوكى متخبيش عليا حاجه يا شمس ..

_خايفه تقوليلي مروحش معاه وتحرميني منه ايوا يا ماما أنا بحبه بحبه من زمان اووي من قبل حتى ما يشوفنى ولا يحصل كل اللغبطه دي بس الظاهر أن اللي بنحبه مش لينا ..

الام:تصدقى انك هبله ومن حقه ميبصلكيش اصلا 

_ماما!!

_بلا ما بلا زفت هيبصلك ازاي وانتى شبه جعفر كدا وراسمه دور مش دورك يبنتي لازم تفهمي أن الراجل بيحب الست اللي بتهتم بنفسها واللى تدلع عليه واللى تهتم بيه امال أنا ربطت ابوكى ٢٠سنه ازاي بكدا..

شمس:بابا كان متجوزك وهوا مختارك لكن عز مختارنيش

_عادي نخليه يختارك

_ازاي

_لا دي عوزالها قاعده المهم اتعاملى معاه بمبدأ شوق ولا تدوق يعنى خليه يغير فاهمه..

شمس هزت راسها بغباء 

_يلا يا اخرت صبري الواد قاعد برا..

الام كشرت وخرجت كان عز قاعد وهوا متوتر ولما الام خرجت عز وقف 

الام بجديه:أنا موافقه ومش هقول لحد لما نشوف اخرتها اي اللعبه دي ...

شمس روحى هاتي شنطتك..

قربت من عز:أنا قبلت بلعبتك بس مش هقبل انك تكسر قلب بنتى اظن انت فاهم كدا كويس ..

عز هز رأسه يطمنها وشمس جت وخدها ومشيوا..

كان الصمت هوا اللي مسيطر على. العربيه الاتنين مش بيتكلموا أو مش عاوزين يتكلموا ...

وصلوا البيت وعز فتح باب الشقه واتصدم لما فتح النور وشاف أمه قاعده على الكنبه...

_ماما!!!

_مفاجأه يا حبيبي مش كدا أنا قولت انت مش بتسال قولت اجى أنا اشرفكوا شويه واقعد معاكوا ...

عز يصلها بتوتر وبص لشمس اللي كانت مش فاهمه حاجه..

عز:تقعدي معانا ازاي مش فاهم انتى مش فاكره اخر مرة عملتى اي  

فريال بخبث:يا حبيبي منا لما قعدت مع نفسي كدا قولت أن البت اميره دي متناسبكش وقولت بقى اجى اقعد مع مرات ابنى واخد عليها وتاخد عليا  دا بعد ما أنبت نفسي على اللي عملته معاها  قولت يمكن يحصل بينا وفق ولا اي يا شوشو..

شمس بتوتر:ها اااه اااه يا طنط تنوري طبعا البيت بيتك...

فريال:حاسه ان في حاجه يارب مكنش تقيله عليكوا..

شمس:لا خالص انتى تنوري في اي وقت عن اذنكوا اخد الشنط بتاعتك احطها في الأوضه الي حضرتك هتقعدي فيها

فريال:تسلمى يا مرات ابنى ..

شمس ابتسمت وخدت الشنط ودخلت كل دا تحت نظرات عز اللي مكنش فاهم تصرفات شمس ...

عز :أنا مش فاهم اي اللى ورا الزياره دي بس ياريت ميكنش في اي غرض تاني يخلينا نخسر بعض للابد يا ماما..

سابها ودخل وفريال ابتسمت بخبث ودخلت ورا شمس...

شمس كانت بترتبلها حاجتها في الدولاب..

فريال:من الواضح انك شاطره في شغل البيت انتى كنتي بتشتغلى عند مين قبل كدا..

شمس بصتلها باستغراب وردت بأدب:الواحده فينا مش محتاجه تكون شغاله خدامه علشان تهتم ببيتها وجوزها وأنها تكون شاطره في شغل البيت ..

_امال محتاجه أي مثلا طالما مش بتاخد مقابل ..

شمس :ومين قالك انى مش باخد مقابل..

فريال:ايوا هتلاقى عز بيدفعلك كتير ..

شمس:هوا اه بيدفعلى كتير بس مش فلوس..

فريال باستغراب:امال اي..

_بيدفعلى حب وحنان واهتمام ،انه يحبني ويحسسني بالدفا والأمان بس ودا كفايه عندي انى اهتم بكل تفاصيله وانى اكون ست بيت شاطره..

فريال سكتت لأنها اول مره تسمع الكلام دا وكأنها مكنتش زوجه قبل كدا ..!حست انها مهزومه قدام شمس واللعبه بالنسبة ليها خسرانه!!

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

كان عز واقف بعيد وسامع كلام شمس ومدحها ليه اللي هوا اصلا عكس كل اللي بيحصل بينهم ازاي بتقول الكلام دا وهوا لسه جارحها من شويه معقول حبها ليه غطى على كل عيوبه في لحظه كدا ...

غمض عينيه واتنهد بتعب حاسس نفسه متلغبط وحاسس أن شمس جت تغير جزء كبير من حياته...

دخلت الأوضه بتاعته وهوا كان قاعد على اللاب..

شمس:أنا مضطرة انام معاك هنا علشان امك..

عز هز رأسه من غير ما يبصلها...كان مركز في اللى كان بيعمله...

دخلت وخدت شاور وخرجت وكان شعرها مبلول وبدأت تنشفه وكان في قطرات ميه بتيجي عليه غمض عينيه بعصبية وبصلها ولسه هيزعق انصدم لما شاف شعرها وشاف شكلها وكأنها تشبه حوريه من البحر ..

فضل سرحان فيها شويه وهى مركزه وهى بتسرح شعرها..

كانت متضايقه منه علشان طويل ومش عارفه تسرحه..

شمس:فينك يا ماما انتى اللي بتساعديني في المواقف دي اجيبك منين دلوقتي..

عز وكأنه استغل الفرصه وقام من مكانه ووقف وراها .

شمس بتوتر:احم عاوز اي..

عز:هاتى هساعدك

شمس:شششكرا مش عوزا مساعده من حد..

عز:حد!أنا جوزك على فكره..

شمس سابت شعرها واللي كانت بتعمله ولفتله وضربته على صدره:هوا على مزاجك مراتك وقت ما تحب وصفقه وقت ما تحب هوا انت اشترتني...

عز بص في عينيها ومسك ايديها :ايوا انتى بتاعتى وقت ما احب ومراتى وقت ما احب وصفقه وقت ما احب وأيوا أنا اشتريتك ..

وقرب منها وممكن اخد بو*سه وادفع تمنها عادى..

شمس زقته وضربته بالقلم:انت مفكرنى زي الز*باله اللي كنت عارفها ...

عز بعصبية...!

#شمسي 

#البارت_الثامن

عز بص في عينيها ومسك ايديها :ايوا انتى بتاعتى وقت ما احب ومراتى وقت ما احب وصفقه وقت ما احب وأيوا أنا اشتريتك ..

وقرب منها وممكن اخد بو*سه وادفع تمنها عادى..

شمس زقته وضربته بالقلم:انت مفكرنى زي الز*باله اللي كنت عارفها ...

عز بعصبية:انتى بتضربيني ولسه هيقرب منها عينه جت على شباك البلكونه الي شاف من وراه خيال وعرف انها أمه وكمان عرف السبب اللي هى جايه علشانه غمض عينيه بهدوء وبص لشمس اللي كانت منكمشه على نفسها خوفا من اى رد فعل لكن استغربت لما سمعته بيقولها وكمان قرب منها ..

_انا آسف يا شمسي مكنتش اعرف انك بتغيري عليا كدا حقك عليا بصتله باستغراب ومش فاهمه هوا بيقول اي لما لقته بيغمزلها وبيبص على البلكونه بصت وعرفت أنه عمل كدا علشان أمه حست انها ارتاحت لان حماتها جت في وقت مناسب وانقذتها من بين ايديه من غير ما تعرف حبت انها تستغل الموقف وتدلع عليه زي ما امها قالتلها يمكن تجيب نتيجه..

قربت منه اكتر :انت عارف انى بحبك يا عز يا حبيبي وبدأت تدلع عليه وعز غمض عينيه وبلع ريقه بالعافيه مش عارف اي المغزى من اللي بتعمله دا ..

لكن عجبته اللعبه وحب يسايرها فيها..

حاوطها بايديه من وسطها وقربها منه اكتر وهى حست بتوتر :وانا اقدر ابعد عنك يا حياتى ..

ابتسمت بتوتر وهمست:مشيت ولا لسه..

هز رأسه بلا وهوا بيبص على البلكونه وشاف أن خيال أمه اختفى...

لكن حب قرب شمس ليه وحب كلامها ودلعها كأنه اول مره يشوفها أو ياخد باله منها..

كان بيقرب منها اكتر واكتر وشمس حست أن لعبتها قلبت ضددها..

همستله:ممكن تبعد شويه..

عز:لسه واقفه يرضيكي تاخد بالها أننا مش بنطيق بعض..

شمس بتوتر:لا ميرضنيش بس متحاولش تقرب اكتر من كدا..

عز:على اساس اني مستمتع اووي ..

شمس فجأه زقته بعيد وبصت على الشباك ملقتش حد..

شمس:انت انت كنت بتضحك عليا 

عز:عادى قولت استغل الموقف واتسلى شويه بس شكلك احمريتي كدا مش انتى اللي قربتي الاول!

شمس بتوتر:انت انت رخم وقليل الادب وانا غلطانه انى واقفه يجادل معاك..

لسه هتمشي عز وقفها ومسكها من دراعها:اوعى تفكري انى نسيت القلم هردهولك بس مش دلوقتي وساعتها هيبقى صعب اووي وافتكري كلامى ..

شمس:اللي عندك اعمله مبتهددش

وسابته وراحت على الكنبه تنام..

وهوا راح على السرير ينام ..

عز في نفسه:أنا غبي أنا غبي ولسانى دبش ومش بعرف اتكلم عمري مكنت كدا بس مش عارف لي باجى قدامها هى بالذات ويطلع دبش وبس لي مش عارف..!!

شمس في نفسها:غبيه كل خططك فاشله وبيقفشك عز عمره ما هيحبك يا شمس عز متجوزك مصلحه اشتراكى زي ما قالك ليكي انك تقضي مدتك وبس وحاولى تشوفي حياتك بقى علشان عز مش ليكي ولا عمره هيبقى ليكي!!

في صباح يوم جديد..

في الشركه..

كانت شمس بتشتغل في مكتبها بكل همه ونشاط بعد ما قررت تشوف حياتها وتتجاهل عز تماما ...

وهي بتشتغل جالها اتصال وكان من عز عاوز اوراق كانت شغاله عليها..

قامت ونفخت بضيق وكانت بتحاول متتوترش قدامه ولا تتهز..

خبطت ودخلت وهوا كان قاعد ومعاه حد ...

شمس بعمليه:الملف يا فندم

عز :تمام يا شمس تعالى اقعدي هراجعه معاكى ..

شمس قعدت قدام الشاب اللي كان قاعد واللى مشالش عينيه من على شمس وعز لاحظ دا واتضايق جدا..

احمد:اول مره اعرف انك بتشغل ناس حلوة عندك كدا يا عز طلعت شاطر..

شمس اتوترت وبصت لعز اللى رفع رأسه من الملف وبص لشمس الي كانت مستنيه منه اى رد فعل ...

احمد بص لشمس:أنا ممكن اشغلك عندى واديكي تلات اضعاف المرتب اللي بتاخديه مع عز أنا قتيل انى كل يوم اشوف العيون الحلوة دي..

شمس بصتله بصدمه وبصت لعز اللي بدا يتضايق وملامح الغضب ظهرت عليه علشان كدا استغلت كلام احمد انها تثير غيرته وتشوفه بيغير عليها ولا لا..

ابتسمت وبصت لعز:اي رايك يا استاذ عز العرض الصراحه مغري اووي وميتفوتش الصراحه..وبصت احمد:الصراحه يا استاذ الشغل مع استاذ عز متعب اووي 

احمد:احمد اسمي احمد،انا مش عارف حد يتعب القمر دا..

عز بعصبية مره واحده وخبط بايده على المكتب:احمد!!

احنا في مكان شغل مش في كافيه نتعرف فيه وكمان اللي انت عمال تتغزل فيها دي تبقى مراتى ...

احمد بصله بصدمه وبص لشمس:أنا آسف يا مدام على كلامى دا بس انا مش عارف وعز مقاليش ..

شمس ابتسمت:لا عادي ولا يهمك..

قالت كدا وقامت وهى باصه لعز بخبث وشايفه ملامح الغضب على وشه وحست بالانتصار 

كانت فرحانه اووي أنه قال قدام حد غريب انها مراته وبين غيرته قدامه قد اي هوا جميل ولطيف ولذيذ اه منك يا عز يا اللي خاطف قلبي انت ...

عز بصلها بتوعد وهى بصتله بانتصار وخرجت

احمد:أنا آسف يا عز مكنتش اعرف أنا كنت مفكر انك اتجوزت اميره لأن قبل ما اسافر كنت مرتبط بيها معرفش انك اتجوزت واحده تانيه..

عز ببرود:تمام..

في نهاية اليوم عز كان خرج من المكتب وهوا مصدع ودور بعينيه عليها علشان ياخدها ويروحوا سوا بص شافها واقفه مع موظف في الشركه هى وبنت وبيضحكوا ..

حس ان رأسه هتفور من الغليان مش عارف اي اللي بدا يحصله دا ..

قرب منها بعصبية...

عز:شمس!عاوزك..

بصتله باستغراب وقربت منه ومشيت وراه ودخلوا مكتبه..

قفل الباب 

عز بعصبية:ممكن افهم اللي بتعمليه من الصبح دا واي الغرض منه الصبح تتمرقعى مع الراجل ودلوقتي مع الموظف انتى مفكره نفسك بتعملى اي..

شمس ببراءه :مش بعمل حاجه انت فاهمني غلط 

عز :اسمعى يا شمس انتى هنا مراتى وموظفه عندي وانا مسمحش لاي حد يتكلم على مراتى كلمه دا طبعا طول فتره مانتى مراتى...

شمس:الصفقه بتاعتك قربت تخلص وهشوف حياتى فبظبط حياتى علشان ابقى فايقه كدا بعد الطلاق ولا انت مش بتحب الا نفسك !ومتقلقش أنا مش بسمح لحد يتعدى حدوده معايا أنا واحده أهلى مربيني وبفهم في الأصول كويس ومش محتاجه منك تعديل سلوك ....

عز بعصبية ومسك ايديها بعنف:صدقيني يا شمس لو شوفتك واقفه مع اي واحد في الشركه هزعلك وانا زعلى وحش وبعد كدا وسعى وطولى لبسك شويه دا مش لبس واحده محجبه ..

شمس:نعم !!!!أوسع هوا في اكتر من الدريسات !!!والبناطيل الواسعه..

_اه في الخمار وفي النقاب وانا قولت كلمه متلبسيش الوان فاتحه تاني ومشوفش على وشك حاجه تاني انتى فاهمه..

شمس بدلع:اي دا انت بتغير يا كتكوتى..

عز:شمس اتلمى وانا قولت اللي عندى وانتى حرة لو شوفتك كدا تاني او منفذتيش كلامى هتزعلى وجامد..يلا قدامى على البيت..

خرجت قدامه وكانت مبسوطه جواها أنه بدأ يغير حتى لو شويه صغننه بس بدأ يغير...

روحوا البيت ودخلوا اتفاجئوا لما شافوا أمه قاعده ومعاها ناس كتير ومعاها كاميرات .

عز أدرك أن أمه عوزا تفضحه قدام الصحافه ...

مسك ايد شمس ودخل بابتسامه ...

فريال:عز ابنى ومراته 

الكل ابتسم وبدأوا يصوروهم وهم باصين لشمس باعجاب..

وبدأوا يسألوهم عن جزء من حياتهم الشخصيه..

واحده منهم:تقدري تقوليلنا يا مدام اتعرفتي على عز بيه ازاي..

شمس ابتسمت ولسه هنتكلم لقت اللي بتقول:على شط البحر وهى بتبيع ورد صح ولا اي يا شمس

شمس بصت لمصدر الصوت لقيتها اميرة ...

عز بص لامه 

الصحفي:الكلام دا صح يا عز بيه..

بعد وقت من الصمت شمس بدأت تحس بدوخه حست أن الدنيا بتلف بيها وان الكل ضدها...

عز لسه هيتكلم شمس وقعت على الأرض وأغمى عليها..

و...

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي 

#البارت_التاسع

بعد وقت من الصمت شمس بدأت تحس بدوخه حست أن الدنيا بتلف بيها وان الكل ضدها...

عز لسه هيتكلم شمس وقعت على الأرض وأغمى عليها..

عز جري عليها وشالها ودخلها جوا وحطها على السرير وبدأ يزعق في الصحافه ويطردهم لحد ما مشيوا قفل باب الشقه وكانت أمه واقفه وجنبها اميره..

عز بعصبية:لو شمس حصلها حاجه مش هرحمك يا اميرة..

بص لامه:عاجبك اللي حصل دا يا امى 

بصلها بسخرية:متفقه معاها علشان تيجي تفضحيها انتى مفكرة انك كدا هتفوزي ..اعملى حسابك أنا بحب شمس ولا يمكن اسيبها حتى لو حكمت انى اسيب الشركة بتاعتك ...

دخل جوا وقرب من شمس اللي كانت مبتسمه وهى سامعه صوته بيزعق لاميره وأمه وقلبها دق بفرحه لما قالها أنه بيحب شمس دا حتى لو بالكدب هى راضيه بس المهم انها سمعتها منه ..

قرب منها وهى فتحت ..

عز بهمس:اي دا انتى ماغماش عليكي..

شمس :انت عاوز الصفرا دي تضحك عليا وتنتصر لا متقلقش أنا ذكية برضو..

عز ابتسم باعجاب على كلامها وقرب منها ..

_انا مش عارف امى بتعمل كل دا لى..

شمس:بسبب اميره هى السبب بس متقلقش أنا عندى الحل..

عز:اللي هوا..

شمس:هقولك..

أميرة كانت واقفه برا مع فريال 

فريال:خطتك باظت يا اميرة ومش هتعرفي تفضحيها البت دي شكلها ذكيه ومش هتقع بسهوله..

أميرة:فعلا اللي حصل دا مجاش في بالي خالص أنا متاكده انها بتمثل ..

فريال:حتى لو بتمثل محدش هيصدقك عز معاها وباين عليه أنه بيحبها ومش هيسيبها بسهوله..مصيبه لتكون حامل ..!!

أميرة:لا طبعا دول بقالهم فتره صغيرة ملحقتش..

_ربنا يستر..

عز خرج من الأوضة..

فريال قربت منه ومثلت الزعل:هى مالها يا ابنى ..

عز بصلها بخبث:زي مانتى شايفه هتصل بالدكتور يجي يشوفها..

فريال دخلت لشمس اللي كانت نايمه وممثله التعب..

بصت لفريال:تعالى يا ماما ..

فريال قربت منها :انتى عارفه لو طلعتى حامل هعمل فيكي اي همحيكي من على وش الدنيا

شمس:والله يا ماما ابنك بيحبنى ومش هيقدر يبعد عنى زي مانتى شايفه..

فريال :بت أنا عارفه انك طمعانه في فلوس قولى عوزا كام وانا اديكي وتخرجى من حياتنا خالص..

شمس بخبث:تؤ أنا بحب عز ومش هقدر ابعد عنه وزي مانتى شايفه هوا كمان بيحبنى يا ماما...

فريال :بت انتى أنا خلاص اتخنقت منك انتي فكرتى نفسك هتفضلي في العز دا على طول لا فوقى لنفسك دانتى حته بياعه في الشوارع وملكيش اي لازمه وانا اللي هعرف اخرجك من حياة ابنى ازاي انتى فاهمه...

فريال خرجت وكان عز واقف وسامع كل حاجه وحس قد اي أمه انانيه ومش عوزا الا اللي في دماغها بص لاميرة اللي كانت واقفه بخبث وقرب منها..

واتكلم بهمس:ابقى سلميلي على حبيب القلب واستنى الشبكه اللي هلبسهالكوا قريب...

اميره بلعت ريقها:اي اي الكلام دا يا عز أنا مش فاهمه حاجه

عز:هتفهمي قريب متستعجليش..

وسابها وراح يفتح الباب..

وكان الدكتور..

دخل وفحص شمس وقال الكلام اللي اتفق بيه مع عز 

الدكتور:مبروك المدام حامل في الشهر الاول ولازم الراحه التامه وعدم الإجهاد النفسي والعصبي والتغذية التامه

عز ابتسم وبص لفريال اللي ملامحها اتغيرت ٣٦٠درجه واميره اللي وشها جاب لون ولون بسبب كلام عز ...

الدكتور خرج وعز معاه ووراهم فريال واميره..

فريال بعصبية:عجبك كدا..

أميرة:البت دي مش سهله خالص يا طنط وشكلها كدا ناويه على حاجه...

فريال:اميرة انتى غبيه ومش بتسمعى الدكتور قال حامل في اكتر من كدا أنا هلم هدومى واروح بيتي أنا غلطانه انى بسمع كلام عيال زيكوا..

وبالفعل فريال دخلت ولمت هدومها وعز شافها وهى ماشيه وابتسم بخبث وبص لاميره وغمزلها وهى اتوترت ومشيت ..

وفريال خدت شنطتها ومشيت ...

عز ضحك ودخل لشمس وقرب منها بضحك

شمس:ها مشيوا..

_يخربيت دماغك انتى عارفه اللي هيحصل دا كله ازاي..

_عيب عليك ميغركش انى غلبانه كدا بس ذكيه برضو...

عز ابتسم بخبث وقرب منها:بس عجبنى حوار انك حامل دا وبفكر اخليه حقيقه..

شمس اتوترت:احم عز!انت بتقول اي ..

عز ضحك وبعد عنها هههههههه انتى مالك اتوترتي كدا أنا بهزر يلا بقى قومى مش هتفضلي نايمه كدا وانا هروح مشوار كدا مهم وهاجى بليل يلا خلي بالك من نفسك يا قطتى سلام..

عز خرج وشمس دموعها نزلت:مش عارفه هتفضل لحد امتى بتستهون بمشاعري كدا ...

عند اميرة دخلت الشقه اللي يتقابل فيها حمزه واتصلت بيه ..

_تعالى بسرعه في مصيبه..

عدى وقت وحمزه جه ..

حمزه:في اي ..

_عز

_ماله عز ..

_عارف اللي بينا

_ازاي..انتى بتهزري..

أميرة بدأت تعيط أنا خايفه اوووي ...

الباب خبط 

حمزه وقف ورا الباب:مين

_افتح بوليس....

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي

#البارت_العاشر

_عز

_ماله عز ..

_عارف اللي بينا

_ازاي..انتى بتهزري..

أميرة بدأت تعيط أنا خايفه اوووي ...

الباب خبط 

حمزه وقف ورا الباب:مين

_افتح بوليس....

حمزة فتح الباب وانصدم لما شاف الظابط والعساكر 

حمزة:في اي

الظابط:انت حمزه

حمزه بلع ريقه بتوتر وبص لاميره اللي كانت الدموع اتجمعت في عينيها بخوف ...

_مترد يا حبيب اخوك

حمزة بصدمه:عز!!!

عز ابتسم بخبث وقرب منه :ايوا يا نور عيني عز اللي انت كنت بتغفله ومكتفتش انك تاخد البنت اللي كنت هتجوزها لا كنت بتحوم على مراتى كمان بس على مين دانا المعلم يا ابنى..

حمزة بتوتر:أنا أنا مش فاهم حاجه انت بتقول اي أنا وأميرة كل اللي بينا شغل وبس و

بصله بصدمه لما عز فتح الموبايل بتاعه على فيديو ليه مع اميرة وهم في وضع مش تمام ..

حمزة:انت أنت جبت الحاجات دي منين

عز بغمزه:في اكتر من كدا تحب تشوف

حمزه بص للظابط اللي قرب منه وحط الكلابشات في أيديه:أنا معملتش حاجه..

عز:متقلقش يا حبيب اخوك مش هنساك في عيش وحلاوة..

وبص لاميرة اللي خدوها هى كمان :مبروك يا عروسه 

وغمزلها..

أميرة كانت بتعيط وحمزه كان بيحاول يفك نفسه وبيدافع عن نفسه وعز بصلهم بقرف وهوا فرحان أنه قدر يتخلص منهم ولو متسجنوش علشان العلاقه اللي بينهم في مليون حاجه تخليهم يدخلوا السجن وميطلعوش منه ..

*اوقات الخيانه بتخليك تنتقم حتى من اللى كان المفروض اقرب شخص ليك بتمحى اي زكرى جميله بينكوا بتخليك عاوز تاخد حقك وبس وبتنسى أنه حتى كان شخص عزيز عليك...

عز روح البيت وكانت شمس واقفه في المطبخ وبتعمل اكل وكانت ريحته ماليه الشقه

ابتسم ودخل المطبخ وشافها وهى واقفه بتدندن مع الاغنيه اللي مشغلاها..

قرب منها جامد وبعدين همس:شمس..

شمس اتنفضت واتخضت وكانت هتقع لولا أن ايد عز كانت لحقتها عز بصلها بابتسامه وشمس سرحت في عيونه وابتسامته اللي عمرهم ما فشلوا أنهم يسحروها..

ابتسمت بسرحان وعز خد باله ومن نظرتها ليه حس انه بيظلمها بكونه لسه مخليها معاه وعارف أنه غلط لما خلاها تتجوزه مش عارف كان اي لازمتها الخطوة دي عاوز يقرب وخايف يبعد محتار مش عاوز يظلمها ومش عاوز يجرحها فاق من شروده على صوتها..

شمس بمشاكسه: للدرجادي أنا قمر ..

عز ابتسم وبعد عنها بتوتر اول مره يحس بيه تجاهها:انتى فعلا قمر يا شمس ومفيش منك ..

شمس استغربته وقربت منه وحطت ايديها على جبينه ويتمثل انها بتقيس درجة حرارته ضحك عليها..

شمس:لا انت مش سخن امال بتقول الكلام دا لمين ..

عز:ليكي يا شمس مالك..

شمس :لا لا لا بص يابن الناس أنا مش قد الكلام دا اتفضل أخرج برا خلينى اركز في اللي بعمله..

عز:طب بسرعه بقى علشان جعان وعندي ليكي خبر حلو..

شمس ابتسمت بأمل وحست أنه خلاص بدأ يحس بيها معقول هيقولى بحبك ومش هسيبك تضيعي منى يا شمسي..

فاقت من شرودها وهى بتخلص الاكل بسرعه وبتتخيل أنه فعلا بيقولها الكلام دا ...

خلصت الاكل وحضرته على السفره وقعدت هى وهوا ..

وبدأوا ياكلوا..

عز:عمرك ما فشلتي انك تبهرينى بأكلك يا شمس حقيقي أكلك حلو تسلم ايدك ..

شمس اتكسفت:شكرا يا عز..

عز ابتسم واتنهد وقام وغمز:هستنى القهوه في البلكونه ..

شمس قامت بسعاده وحضرت القهوة بكل حب وخرجت ليه وكلها امل ..

قدمتله القهوة بابتسامه وخدها من ايديها وبادلها نفس الابتسامه وبدأ يشرب منها:الله جميله اووي ..

شمس بفضول:اي الخبر الحلو يا عز..

عز :خلاص اللعبه خلصت..

شمس ملامحها اتغيرت:ازاي مش فاهمه

عز:الموضوع كله أن اميرة وحمزه بح خلاص اتسجنوا واللعبه خلصت..

شمس اتهزت وبعدت شويه وملامحها اتحولت من السعاده للحزن ..

عز:شوفي انتى عوزا فلوسك امتى وانا هجهزهالك علشان تبدأى مشروعك وبكدا اكون وفيت بوعدي معاكى ..

شمس هزت راسها مكنتش عوزا اللعبه تخلص ومش عوزا فلوس هى عوزا تفضل معاه وبس عوزا تشوفه وتملى عينها منه هوا لى مش حاسس بيها كل دا لي حاسس بحبها لي بنظراتها بكلامها

شمس:انت انت لى انانى لى كدا يا عز لى عاوز تبعدنى لى محبتنيش هوا أنا متحبش انا مش زيها مش بنت زيها لى مش حاسس بيا لى بتتفنن انك تكسرني وتيجي عليا لي أنا حاولت كتير اقرب منك واخليك تحبنى لكن انت دائما بتمثل الجمود لى بتعمل معايا كدا كل دا علشان جيت على كرامتى وقبلت بلعبتك دي ...

عز كان سامعها وشايف نظرات عيونها وحاسس بقلبه بيتقطع مش عاوز يأذيها هوا حاليا غير صالح لاي حاجه محتاج ياخد فترة نقاهه يرتاح فيها من اي اذى شافه علشان كدا مضطر يبعد..

عز:شمس احنا الاول اتفقنا على حاجه معينه ومكنتش عارف ان اللعبه هتنتهى بالسرعه دى وحقيقي أنا آسف لو كنت اتسببت ليكي في اي جرح بس صدقيني والله مش بايدي أنا آسف عن كل اللي حصلك بسببي انا عارف انك اتجرحتى كتير بس صدقيني أنا هعوضك عن كل اللي شوفتيه في المبلغ اللي هتاخديه..

شمس بصتله بجمود:مش عوزا حاجه منك أشبع بيهم يا عز ياريت الفلوس تنفعك وتعرف تصنعلك ناس بتحبك بدون تكاليف..

سابته وخرجت وهى دموعها على خدها حاسه نفسها مهزومه ومكسوره لمت هدومها وخرجت من الاوضه عز قرب منها:احم استنى هوصلك..

شمس :لا مش بركب مع حد غريب وياريت تبعتلى ورقة طلاقى في اقرب وقت..

عز اتعصب مش عارف لي ممكن من فكرة أنه يطلقها وتبقى لحد غيره ..

عز:ومالك مستعجله كدا

_مش دا اتفاقنا ولا اي يا عز بيه ولا الاتفاق بيجي عليا أنا ويتلغى وياريت بسرعه علشان اشوف حياتى زي مانت هتشوفها والحمد لله انها جت على قد كدا..

قربت من الباب ولسه هتفتحه لقت اللي مسك ايديها:انتي قصدك اي بتشوفي حياتك دي ..

شمس:انى اتجوز مثلا بس واحد يحبنى ويقدرني وميستهونش بيا ولا بمشاعري...

عز:مفيش خروج من هنا يا شمس..

شمس:ازاي يعنى وبعدين انت ملكش حكم عليا اللعبه خلاص خلصت والاتفاق والصفقه خلصت معاها ...

عز:قولتلك لا مش هتخرجى 

شمس بدموع:هوا انت لى بتعمل كدا هوا انت اشترتني بفلوسك 

عز:اه اشتريتك ومش هتخرجى من هنا الا بأمر منى 

شمس :وانا مش موافقه ابعد عنى خليني امشى..

عز بغضب:شمس انتى مش هتخرجى من هنا ومش هطلقك..

شمس بصتله باستغراب:أنا مش فاهمه انت عاوز اي انت انسان مريض ..وسع كدا خلينى امشي أنا لا يمكن اعيش مع واحد انانى زيك ..

عز بغضب ولسه هيقرب منها التليفون بتاعه رن..

عز:ايوا تمام جايين حالا..

شمس :في اي

عز:فين تليفونك

شمس:احم بايظ وفاصل شحن..

_مامتك كانت بتتصل بيكي من الصبح علشان تقولك ان باباكى تعبان في المستشفى

شمس بدموع:اي...

التكملة والنهايه اضغطوا هنا

بداية الروايه من أولها ادخلوا هنا

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️