رواية شمسي البارت الاول والتاني والتالت والرابع والخامس بقلم يارا عبد السلام

رواية شمسي البارت الاول والتاني والتالت والرابع والخامس بقلم يارا عبد السلام 

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

رواية شمسي البارت الاول والتاني والتالت والرابع والخامس بقلم يارا عبد السلام 

رواية شمسي البارت الاول والتاني والتالت والرابع والخامس بقلم يارا عبد السلام 

البارت_الاول

_يعنى اي مش هتتجوزها انت بتهزر دانتوا فرحكوا بكرا اودي وشى فين من الناس واهلها انت مفكر أن بنات الناس لعبه ...!

اتكلم ببرود:قولتلك اللي عندى انا مش هتجوزها ولو سمحتى يا ماما اقفلى على الموضوع دا علشان انا مخنوق ومش طايق حد يتكلم معايا في الموضوع دا ..

_يا ابنى طيب اقول للناس اي أودى وشي فين من الناس دول جهزوا كل حاجه استهدى بالله كدا يمكن في شيطان دخل بينكوا ،مش دي اختيارك من الاول فين الحب راح فجأه كدا ...

قرب من الكرسي وقعد كان حاسس انه مخنوق غمض عينيه واتنهد بتعب ،امه قربت منه وحطت ايديها على كتفه بدموع..

_عز يا حبيبي انا عارفه انك مضغوط في الشغل الايام اللي فاتت دي وعارفه أن حصل مشاكل كتير اووي بس اميره ذنبها اي تكسر قلبها وفرحتها المفروض انك تكون مبسوط وبتجهز لفرحك أنت لي عامل في نفسك كدا.. لى..!!

_انا قولت اللي عندي ومفيش فرح ومش هتجوزها

الام اتعصبت كنوع من الخوف على ابنها وكمان خوف من الناس!!

_هتتجوزها يا عز وغصب عنها مش هتهد كل اللي ابوك بناه في سنين في لحظة طيش وعصبيه ولو ماتجوزتهاش هحرمك من كل حاجه ومتنساش أن كل حاجه مكتوبه باسمي ..

بصلها بصدمه وهوا مش مستوعب اللي بتقوله:انتي بتهدديني يا ماما ..

_لو انت شايفه تهديد ف اعتبره تهديد واختار بقى ...

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

قام وقف وخرج من غير ما يكلمها ولا يرد عليها..

ركب عربيته وهوا نفسه يصرخ بأعلى صوته قلبه بيوجعه..

*معقول بعد. كل الحب دا يا اميرة تعملى فيا كدا تخونيني هه عوزا تتجوزيني وتفضلي معاه للدرجادي شايفه حبي ليكي رخيص كدا تمام انتى هتشوفي اللي هعمله...

ساق عربيته وراح عند البحر وفضل قاعد كتير يفكر في المشكله دي فتح موبايله على الصور والفيديوهات اللي كانت بتجمعها هى وشخص تاني يعرفه جيدا الا وهوا صديق عمره!!

اتنهد بتعب مش عاوز ياخد خطوة يندم عليها بعد كدا قطع تفكيره صوت تخبيط على الازاز بتاع العربيه..

فتح الازاز ولقاها بنت وكانت مبتسمه ابتسامه جميله..

_مساءوو يا هندسه

عز بصلها باستغراب وبص للورد اللي في ايديها ...

عز باستغراب:نعم !!

_بص من غير كلام باين عليك مهموم وزعلان اعتقد المزه اللي مزعلاك علشان كدا خد وردة سودا تعاقبها بيها علشان متزعلكش تاني وخد وردة حمرا علشان تصالحها بيها علشان انت زعلتها بالورد السودا 

عز كان باصصلها ومش مركز في كلامها بيفكر بس ازاي ينتقم من اللي خانوه..

فاق من شروده على صوت البنت دي :ها يا هندسه هتاخد أنهى ورده..

عز ابتسم بخبث وخرج من العربيه ووقف قدام البنت بتقييم ...

كانت بنت لا يتعدى طولها ال١٥٠ جميله في ملامحها جميله بصلها بتقييم

_اسمك اي..

_اسمي شمس وبعدين بصتله باستغراب من نظراته ليها..

هوا بتسأل عن أسمى لي ....اااااهه انت طلعت منهم انت مفكرني بنت من الشارع لا فوق كدا لنفسك دانا شمس اللي محدش هنا ولا في اي منطقه يقدر يقف قصادى ...

عز بصلها باشمئزاز:انتى هبله!!هوا انا ابصلك يا عقلة الأصبع انتى ،انتي شوفتي نفسك في مرايا بيتكوا قبل متيجي ولا انتوا اصلا معندكوش مرايا ...

_لا بقولك اي اقف معووج واتكلم عدل يا عنيا وبطل شغل الغرور دا علشان مش بيأكل عيش وطالما مش هتشتري ورد كنت قول من الاول بدل قلة القيمه دي عن اذنك يا هندسه..وبصتله تاني:على فكره اللي بتتريق عليها دي معاها كليه السن وكنت من الاوائل اربع سنين بس الظروف هى اللي خلتنى اتحط في الموقف دا مع واحد زيك..

كانت شمس لسه هتمشي لكن صوت عز وقفها..

_استنى ..

_نعم

_بصي أنا مش عاوز منك حاجه بس عاوزك تساعديني..

_ازاي يعنى..

_تعالى نقعد في حته وانا هحكيلك..

هزت راسها وقدمت عند البحر وقعدت على صخره وعز راح وقعد جنبها..

_ها احكى وانجز في الحوار علشان معنديش وقت وانت عارف طبعا أن الوقت من ذهب..

_ههه عارف..

بص يستى..

وبدأ يحكيلها عن خيانة حبيبته مع صاحب عمره وكل اللي حصل وضغط أمه عليه أنه يتجوزها والا هتحرمه من كل حاجه..

_بس يستى ..

_وانا اي دخلنى في الموضوع متروح تواجهها أو قول لامك وبدل ما هى واقفه ضدك هتبقى معاك..

_بصي أنا مهما عملوا فيا عمري ما هفضحهم بس انا عاوز ادوقها من نفس الكاس اللي دوقتهولي ولما شوفتك جاتلى الفكره

_ازاي يعنى!

_احم انك تتجوزيني

_اي!!

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي

#البارت_الثانى

_احم انك تتجوزيني

_اي!!

انت بتقول اي..ولسه هتقوم..وقفها..

_لو سمحتى افهميني أنا مش قصدي اي حاجه وحشه والجواز دا هيبقى سوري كدا وكدا يعنى وانا مستعد اديكي اي مقابل بس توافقي واعرف اخد حقى منهم ...

شمس سكتت شويه تفكر ..

عز استغل تفكيرها وحب أنه يغريها اكتر على اعتبار أنها بنت فقيره:هديكي الفلوس اللي تعملى بيها المشروع الخاص بيكي وهتكونى ملكة نفسك بعيدا عن المرمطه دي ها اي رايك..

شمس عيونها لمعت وافتكرت حلمها انها عوزا تفتح محل ورد كبير غمضت عينيها واتنهدت ...

_طيب الجواز دا هيستمر قد اي بقى أن شاء الله..

عز بابتسامه جميله:تلات شهور وبعدها هتكونى حرة ها موافقه..

شمس سكتت بخوف وهزت راسها بايوا:بس بشرط تتقدملى رسمي علشان بابا وماما ميشكوش في حاجه ..

_تمام وانا موافق..

وبعدين بصتله بتوتر:احم متبقاش تقولهم بقى على الطريقه اللي قابلتنى بيها وقولهم انك مديري في الشغل لان لو بابا عرف اللي بعمله دا ممكن يوأدني..

عز ابتسم:اممم يعنى حضرتك خارجه من وراهم ومش شبح اسكندريه ولا حاجه

شمس:لا لا دا كان شو عادي أنا اصلا محدش يعرفنى ...

عز ضحك على كلامها..

_اصلا..

_جرا اي يا هندسه متخليناش نخبط في الحلل احنا اه جامدين بس بكيفنا

عز قام وقف وهوا بيضحك وغمزلها:لما نشوف..

يلا بقى علشان هحكيلك الخطه واي اللي هيتم بالظبط..

ركب العربيه وهى جنبه وطلع على بيتها واتقدم ليها رسمي زي ما طلبت وعرفوا اهلها أنه مديرها وعارفها من وقت ما اشتغلت عنده فمش محتاجين فتره خطوبه علشان يتعرفوا فيها..

_بس يبنى بكرا مش بدري اووي

_يا عمى أنا عاوز شمس بشنطة هدومها يعنى مفيش اي حجه للتأجيل غير كدا احنا عارفين بعض

شمس أكدت كلامه:ايوا يا بابا احنا عارفين بعض وأستاذ عز اقصد عز بيسافر كتير فكان محتاجنى معاه مش كدا يا عز

._ايوا لانها دائما بترفض علشان انتو بتبقوا خايفين عليها..

الام:وافق بقى يا ابو شمس انت مش شايفهم فرحانين ازاي..

الاب هز رأسه بماشي لكن بتردد :ماشي يا ابنى على خيرة الله ...

الام زغرطت وعز بص لشمس وغمزلها وهى معطتهوش اهتمام وبصت الناحية التانيه..

تاني يوم ..

كانت في غرفه جميله جدا واقفه بنت جميله ولابسه فستان فرح..

_ما شاء الله زي القمر يا اميرة.

_تسلميلي يا طنط ..طنط هوا فين عز مشوفتهوش من امبارح وبكلمه مش بيرد هوا في حاجه مزعلاه..

الام بتوتر:لا يا حبيبتي دا كان عنده ضغوط في الشغل انتى عارفه بقى أنه هياخد اجازه وغير كدا هوا بيحب الشغل جدا وهوا لسه مكلمنى وقايلى أنه في الطريق..

أميرة ابتسمت ليها وبعدين بدأت تحط اللمسات الأخيرة بفرحه ..

كان سايق العربيه وهى قاعده جنبه ..

_احنا رايحين فين 

_رايحين فرحى

شمس باستغراب:فرحك ازاي يعنى مش فاهمه..

عز ابتسم وبدأ يحكيلها أن أمه مهما عمل ورفض صممت انها تعمل الفرح ومتعرفش أنه مجهزلها المفاجأة دي..

شمس:دانت دماغك دي متكلفه صحيح تعليم لغات مش زينا حكومى ..

عز يصلها بغرور وكمل سواقه...

وصل الفيلا بتاعتهم اللي كانت متجهزه على أعلى مستوى وكان الكل متجمع وأصحابه كلهم قرب منه شاب وهوا مبتسم ..

_عامل اي يا عز فينك مشوفتكش بقالى يومين ومش بتيجي الشركه..

_معلش يا صاحبي كنت تعبان شويه ومحتاج اراجع اللي فاتنى انت عارف بقى انى داخل على مسئوليات ولازم اعرف اي ليا واي عليا..

حمزه بصله باستغراب وخوف من الثقه اللي عز بيتكلم بيها دي..

_الف مبروك يا صاحبي وبص لشمس:مين دي سكرتيره جديده ولا جايبها تساعد طنط..

شمس كانت لسه هترد وتهب فيه عز وقفها ورد مكانها..

_هتعرف كمان شويه يا حمزه متستعجلش أنا محضرلكوا مفاجاه حلوة اووي النهارده..

عن اذنك أنا رايح لعروستي..

عز قرب من أمه اللي كانت فرحانه أنه مخذلهاش وبعد شويه من الانتظار كانت أميرة نازله في ايد ابوها ومبتسمه بسعاده..

عز قرب بابتسامه واميره قربت منه 

عز :تعالى اعرفك على حد مهم لازم تعرفيه علشان تتعودي على وجوده

اميره باستغراب:مين..

عز قرب من شمس ومسك ايديها قدام الكل :احب اعرفكم يا جماعه دي شمس مراتى ...

وبص لاميره:هتكون ضرتك يا اميرة مش تسلمى عليها..

اميره بصتله باستغراب ودموع وصرخت:انت بتهزر يا عز صح قول انك بتهزر أنا عارفه انك بتحب تعمل مقالب فيا صح..

_لا يا حبيبتي مش بهزر شمس تبقى مراتى ...

اميره بصت لشمس بعصبية وقربت منها:بقى انت تسيبني وتتجوز الجربوعه دي انا كنت مفكراها الخدامه..

شمس وقد فاض بها الكيل:نعم يا عنيا خدامة مين دي اللي بتتكلمى عنها وبعدين أنا يوم ما اخدم اخدمك انتى يا انثى الغراب انتى ،انتى مفكرة نفسك حلوه دانتى نفخ يا به يا صدمانه يا عدمانه ياللي العشرة منك ميساووش في سوق الحريم ربع جنيه..

اميره بصدمه:انتى بتقوليلي أنا الكلام دا يا بيئه انتى..

_لا يحبيبتي البيئه دي اللي معرفتش تربيكي

عز قرب من شمس :شمس!..اهدي واسكتى بقى..

_انت مش شايف كلامها عامل ازاي..

اميره:لا وانتى عندك دم اوووي يا خطافة الرجاله ،،شكلك مخلياه يتجوزك غصب عنه ,غير كدا أن اهلك ما عرفوش يربوكى..

_لا بقى أنا تستحمل اي حاجه في الدنيا غير اهانه أهلى فتعاليلي بقى يا حلوة اعرفك اهلى ربونى ازاى..

قربت شمس من اميره وجابتها من شعرها..و...

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي

#البارت_التالت

قربت شمس من اميره وجابتها من شعرها.وبوظتلها شكلها والميكب وكان الكل واقف مستغرب اللي بيحصل وبدأت الهمهمات والكلام الجانبي وحمزه واقف مستغرب اللي بيحصل وعز كان باصصله بخبث ودارى ابتسامته وحاول يبعد شمس عن اميره اللي كانت في حاله لا يرثى لها وكانت بتعيط..

ابو اميرة:أنا مش هسكت عن اللي حصل دا وحسابك معايا يا عز على كسرة قلب بنتى دي ..

عز بصله ببرود وبعدين الاب خد بنته ومشي وبدأت الناس تمشي ومتبقاش إلا أهل البيت ومعاهم حمزه ..

الام بزعيق:عجبك اللي عملته دا انت والشرشوحه اللي انت جايبها دي انت مفكر أن الفيلم دا دخل عليا وانى مش فاهمه اللي بيدور في دماغك..

عز ببرود:افهمى اللي تفهميه وبص لحمزه لما هتعرفي أنا عملت كدا لى وجهة نظرك هتتغير يا امى ومعاملتك مش هتكون كدا علشان انا راجل وعارف اي الأنسب ليا ومين لا وأميرة مكنتش الأنسب ليا وانتى هددتيني فخليت عدم الموافقه يبقى من عندهم هم حتى لو بفضيحه..

_انت مفكر أن صورك بكرا مش هتكون في الجرائد ابن المرحوم محمد اسماعيل الرجل الأعمال المعروف يتزوج من بنت من الشارع وتاركا صاحبة الحسب والنسب ومش بس كدا بفضيحه ومع ضرب الشرشوحه لاميرة بنت اكبر رجل اعمال في البلد ...

هودى وشي فين من الناس ...

عز يصلها ببرود وقرب من شمس ومسك ايديها وطلع ...

الام:عجبك اللي حصل دا يا حمزه عقل صاحبك وخليه يطلق الشرشوحه دي..

حمزه:انتى عارفه يا طنط أن عز كل قراراته من دماغه ومش بيسمع لحد بس هحاول ..

عن اذنك بقى هروح ..

_ربنا يحفظك يا ابنى عاقل ومتربي..

حمزه ابتسم وخرج واتحولت ابتسامته لخبث:امممم حلوة شمس برضو مش بطاله ونوع جديد وانا بحب كل الجديد .

عند عز وشمس..

عز بعصبية:عجبك اللي حصل دا..

شمس بابتسامه:ها اي رايك ظبطهالك والله لو قعدت تنتقم منها سنه مش هتبقى بالشكل اللي أنا خليتها عليه النهارده أنا مفيش منى اتنين..

عز:لا لو في اتنين الدنيا هتخرب كفايه واحده منك على البشريه علشان مش ناقصه ...

_تسلم يا غالى..

المهم أنا هنام فين بقى..

_على الكنبه طبعا..

_اي قلة الذوق دي يعنى أنا انام على الكنبه وانت على السرير ينفع كدا..

_لى هوا انتى عوزاني أنا انام على الكنبه هوا انتى مفكرة نفسك مين..

شمس بصتله بصه معرفهاش..

_لا مش مفكرة نفسي حاجه أنا مين اصلا جنبك يا باشا أنا اسفه...

دخلت الحمام وقفلت الباب ودموعها نزلت غصب عنها :كنتي منتظره منه أي مثلا انتى لازم تعيشي هنا الفتره اللي انتو متفقين عليها في صمت وملكيش دعوة بيه انتى اصلا مكانك مش هنا..

مسحت دموعها وخرجت ..

كان هوا غير وقعد على السرير بصلها وهوا عاوز يعتذر على كلامه بس كبرياءه كان منعه..

وقفت قدام المرايا وخلعت الحجاب الي كان مغطى شعرها وفردت شعرها وراها وجابت بيجامه من شنطتها ودخلت تلبسها...

كل دا تحت نظرات عز المتفحصه ليها واللى اتفاجئت من جمالها وجمال شعرها وقد اي الحجاب بيداري جمال كتير حفاظا عليهم من الفتن ..

بعد شويه خرجت وهي لابسه البيجامه وكانت بنص كم ..

كان شكلها طفولى اووي وكانت جميله لحد كبير..

عز بتوتر:خدى البطانيه دي والمخده..

قربت خدت المخده بس 

_مش هتاخدي البطانيه

_لا مش بحبها..

وقربت من الكنبه ونامت ..

عز كان سرحان فيها لكن افتكر اللي اميرة عملته وحمزه فيه اتنهد بضيق وقام ودخل البراندا كان تعبان من جواه مش من السهل على اي حد أنه يتخان ويتخذل ومن مين من اقرب الناس ليه..

شمس كانت مرقباه ومراقبه كل تحركاته كانت حاسه بيه وبتعبه مش عارفه لي حست بالشفقه تجاهه لكن طبعا مش هتقوم تواسيه خوفا على كرامتها!..

في الصباح ..

شمس صحيت قبل الكل علشان متعوده على كدا قامت اتوضت وصلت ولبست ووقفت في البراندا شويه وشافت الجنايني وهوا بيسقى الزرع والورد ابتسمت ونزلت بسرعه..

_صباح الخير..

_صباح الفل يا بنتى 

شمس بابتسامه هاديه:ممكن أسقى الزرع معاك 

_طبعا يا بنتى بس دا مش هيبقى تعب ليكي

_لا بالعكس هكون مبسوطه..

هز رأسه وبدأت شمس تسقى الزرع بكل حب ..

كان في عيون مراقباها في صمت وابتسم على ابتسامتها حس بحاجه غريبه وابتسم ودخل..

شمس طلعت وهوا كان واقف بيظبط البدله وخارج..

_احم انت هتخرج..

_ايوا رايح الشغل 

شمس:طيب كنت عوزا اطلب منك طلب..

_اتفضلي

_احم كنت عوزا اشتغل لانى مش هعرف اقعد في البيت مش متعوده وكمان الصراحه خايفه من امك 

عز ضحك:هوا انتى حد يقدر يجي ناحيتك دانتى ما شاء الله عندك لسان طولك 

شمس:امممم مش لسانى دا اللي خلصك من الجوازه امبارح ولا نسيت..المهم موافق تشغلنى معاك ولا اروح ابيع ورد..

عز:اعتبره تهديد

_ايوا هيبقى شكلك وحش اووي وانت مراتك بتشتغل بياعة ورد..

عز بصلها بغيظ:طيب يا شمس أجهزى علشان هخدك معايا يلا..

شمس فرحت جدا ونزلت تحت تستناه بحماس..

كانت أمه قاعده على الكرسي وماسكه جريده بتقلب فيها بصت لشمس باشمئزاز..

شمس:صباح الخير يا ماما

فريال بصتلها باشمئزاز:ماما !بقولك اي يا بت انتى أنا مش عوزا اشوف وشك طول منا هنا لحد ما اشوفلك طريقه اخرجك بيها من هنا يعنى متحلميش تعيشي هنا كتير ماشي يا شاطره..

شمس :حاضر يا ماما اللي تشوفيه 

انتى برضو زي امي وانا واجب اسمع كلامك...

فريال وقفت:يعنى قصدك اي انتى مجنونه !

_يعنى أنا امى مجنونه...

_ايوا ومش متربيه ومعرفتش تربيكي لانك لو كنتي متربيه مكنتيش توافقي تتجوزي واحد أهله مش معاه ..

شمس:انتى لولا أنك ست كبيرة كنت عرفتك مقامك كويس وعرفتك ازاي تتكلمى عن أهلى علشان أهلى احسن من ناس كتير متعرفش الأصول..

فريال قربت منها:انتى بنت مش متربيه وانا هربيكي وهوب نزلت على وشها بالقلم..

_ماماااااا..

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي

#البارت_الرابع

فريال قربت منها:انتى بنت مش متربيه وانا هربيكي وهوب نزلت على وشها بالقلم..

_ماماااااا..

كان صوت عز اللي هز جدران البيت كله نزل بعصبية وهوا مش عارف يقول اي مع الاسف اللى قدامه دي أمه وميقدرش يتكلم معاها..

شمس كانت حاطه ايديها على خدها وهى حاسه بالاهانه وحاسه انها عوزا تعيط أو نفسها تعيط بصت لعز اللي كان واقف ومش عارف يقول اي اصل رد فعله هيكون غير متوقع لو هى مش أمه لكن دي أمه وميقدرش يرفع عينيه فيها ...

قرب من شمس ومسك ايديها وشدها وخرج على برا 

عز:أنا آسف يا شمس آسف بجد مش عارف اقولك اي..

شمس:أنا أول مره في حياتى حد يمد أيده عليا اول مره احس انى بتهان ومش عارفه اخد حقى مش خوف لانى عمري مبخاف بس احترام ليها علشان هى ست كبيره وغير كدا هى في مقام أمى بس لفتره مؤقته وانا نفسي الفتره دي تخلص النهارده قبل بكرا علشان انت حوراتك كترت وشكل موضوعك كبير وامك ست مش سهله يا عز

عز بأسف:عندك حق بس صدقيني هعوضك وهعملك اللي انتى عوزاه بس أنا عاوزك تهدي واحنا مش هنيجي هنا تاني ..

_ازاي يعنى

_عادى هنعيش في شقتى طالما مراتى بتتهان هنا ووقتها أنا عارف ان ماما اللي هتتصل بيا..

شمس قلبها دق من ذكره للقب مراتى مش عارف لى رجعت لوعيها لما سمعته بيقول :يلا هنطلع الاول على الشركه وبعدها نطلع على بيتى

.هزت راسها وركبت جنبه وهى بتحاول تنظم ضربات قلبها قد اي هوا لطيف وجميل مختلف تماما عن الصور اللي كانت بتشوفهاله..

_تعرف ان الشركه بتاعتكوا دي كانت حلم ليا انى اشتغل فيها...

عز يصلها باستغراب:وانتى عرفتي شركتنا منين..

شمس اتوترت ومكنتش عارفه تقول اي :هوا محدش يعرف شركات محمد اسماعيل للاستيراد والتصدير دا حتى عيب يا شيخ ..

عز يصلها وابتسم ومش عارف لي مصدقهاش وحس أن وراها حكايه كبيره ولازم يعرفها...

وصلوا الشركه وشمس اتفاجئت لما شافت حمزه هناك شغال معاهم وعز عرفها على الشركه كلها وخدها معاه المكتب..

حمزه كانت عينيه مش نازله من على شمس كان بيتفحصها بتمعن وكان عز ملاحظ دا واتضايق جدا لما شافه داخل خارج على مكتبه.

حمزه:اهلا بيكي يا شمس هانم في شركتنا المتواضعة ...

شمس اكتفت بابتسامه بس لانها لاحظت من نظراته حاجه غريبه

وعز بصله بقر،ف حاول يداريه:فى حاجه يا حمزه انت معندكش شغل ولا اي..

حمزه اتوتر:أنا اه لا دانا عندي شغل كتير عن اذنكوا..

حمزه خرج ..

عز بص لشمس:الواد دا عاوزك تتجنبيه نهائي مشوفكيش واقفه معاه ..

شمس بصتله بضحك وغمزتله:لي غيران عليا ولا اي اححم أنا عارفه انى حلوة ومسمسمه ويتغار عليا..

_لا يا حلوة أنا خايف عليكي بس..

_لا متخافش وهمست:الصراحه الشركه دي فيها مزز حلوة شكلى مش هطلع بمصلحه بس لا وبعريس كمان ..

عز مش عارف لي حس بالغيره عليها فعلا لما ذكرت انها ممكن تكون مع حد تاني او ملك لحد تاني يصلها بعصبية:انتى مفكره انك جايه كازينوا هنا جايه تقابلى فيه فتى احلامك..

قومى يلا علشان اوديكي شغلك..

قام وقف وهى وقفت ولسه هتمشي لف وبصلها:أياكى يا شمس ثم أياكى اشوفك واقفه مع اي راجل ومتفكريش انى غيران لا متنسيش أنك مراتى فاهمه

شمس ابتسمت باستفزاز وهزت راسها وهوا مشي وهى وراه..

شمس اشتغلت في مكتب الترجمه واتعرفت على كل اللي كانوا هناك وحبوها وبدأت تتعلم وتشتغل ...

عدي اسبوع وشمس وعز مفيش بينهم جديد كانوا بيتعاملوا كأصحاب مش اكتر كانوا عايشين مع بعض في نفس البيت بس كل.واحد في اوضه كانت بتجمعهم البلكونه بليل مع كوباية النسكافيه بلبن اللي اكتشفت أنه عاشق للنسكافيه بلبن زيها بالظبط كانت حكاويهم مش بتخلص وكان بينهم كلام كتير مش بينتهى غير النظرات اللي كان ليها الف معنى ومعنى ...

عز كان حاسس أنه خلاص مش عاوز ينتقم كان حاسس أنه لقى نصه التاني لكن كان بيتردد ويرجع يقول إنه مستحيل يستسلم..

في يوم كان في اجتماع مهم 

عز دخل ووراه شمس والسكرتيره وشمس اتفاجئت لما شافت اميره قاعده وسط اللي قاعدين..

شمس انصدمت كان نفسها تقولها:هل انتى معندكيش كرامه ايها الصعلوكه 

بصت لعز اللي ابتسم ليها بخبث عرفت وقتها أن دي خطه من عز قلبها وجعها وحست أن ممكن في يوم يرجعوا لبعض خصوصا أنها ملاحظه نظرات اميرة لعز الي كانت هتاكله بعنيها دا غير نظراتها ليها اللي كانت كلها احت*قار

عز :طبعا احنا كلنا عارفين احنا مجتمعين هنا لى..علشان في صفقه كبيره هتتم بينا وبين شركات المغربي..

الكل هز رأسه وبداوا يتناقشوا في بعض الأمور وكان شمس عوزا تجيب اميره من شعرها اللي فرحانه بيه دا لكن حاولت تمسك نفسها علشان متفقدش أعصابها..

الاجتماع خلص وكانت اميره بتبص لشمس بخبث وشمس كانت مستغربه وجودها لأن اميره مش جايه تبع الشركه بتاعت والدها وعرفت أن والدها لغى الشراكه اللي كانت بتربطه بعز !!

شمس خرجت لما شافت عز واميره واقفين يضحكوا مع بعض!!

حمزه جه من وراها..

_انا عارف انك متضايقه بس هم كدا بيتخانقووا كتير ويرجعوا تاني اصلهم بيحبوا بعض جدا وشكل عز كدا هيرجعلها قريب. وانتى هيستغنى عن خدماتك،انتى عوزا اللي يقدرك والصراحة عز شكله مش عاوزك اساسا مش عارف أنه معاه كنز..

شمس حست لوهله أن كلامه حقيقي لكن رجعت لوعيها وبصتله بعصبية:وانت مالك انت شاغل نفسك لى لاحظ انك بتتكلم عن صاحبك أو المفروض اللي بتعتبره صاحبك ولو اتكلمت اي كلمه معايا تانى هقول لعز على الكلام اللي بتقوله دي ومتنساش انى مراته وانا لا يمكن اخون مهما حصل..

وبعدين بصتله بقرف ومشيت وسابته..

راحت قعدت في الكافتيريا وكانت حاسه بصداع رهيب طلبت قهوة وقعدت تشربها كانت حاسه انها عوزا تعيط كانت حاسه بالانهيار قلبها واجعها كل لما تحس أو تتخيل أن ممكن عز يرجع لاميره..!

شافتهم وهى ماشيه جنبه ورايجين تجاه المكتب بتاعه..

كانت حاسه بالفضول والغيره و دا اللي خلاها تقوم من مكانها وتروح تجاه المكتب 

اللي اصلا السكرتيره منعتها من الدخول!!

_ممنوع دخول الموظفين في اجتماع مهم 

شمس:انتى مش عارفه انى مرات مديرك ولا اي وسعى كدا

_قولتلك ممنوع وعز بيه اللي قالي كدا

_بقولك اي اخفى من وشي علشان مطلعش عفاريتي عليكي والعب في وشك الحلو دا البخت 

زقتها وفتحت الباب وانصدمت من اللي شافته!!

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️

#شمسي

#البارت_الخامس

_قولتلك ممنوع وعز بيه اللي قالي كدا

_بقولك اي اخفى من وشي علشان مطلعش عفاريتي عليكي والعب في وشك الحلو دا البخت 

زقتها وفتحت الباب وانصدمت من اللي شافته!!

كانت أميرة قريبه من عز بطريقه مش لطيفه وبعدت عنه لما الباب اتفتح بسرعه وعز اتعصب وقام وقف ..

وبص لشمس بعصبية:انتى متخلفه ازاى تدخلى كدا..

شمس:أنا من حقى ادخل في اي وقت بس للاسف مكنتش اتوقع انى هشوف المنظر دا..

عز:منظر اي اللي شوفتيه انتى متخلفه دا شغل كنا بندرس اوراق الصفقه الجديده..

شمس مثلت الحزن:اممممم طيب انا اسفه يا استاذ عز ظلمتك أنا عارفه انك رجل اعمال وبتهتم بشغلك وبموظفينك واللي شغالين معاك وبصت لاميره:هى شكلك وانت شكلها وللاسف متفرقوش حاجه عن بعض وبصتله بدموع ومشيت برا الشركه ..

عز حس انه مخنوق مش عارف لي دموعها وجعتله قلبه ومعناه اي انى شبهها اميره خانتني لانى كنت بحبها بس شمس جوازنا اتفاق مش من حقها تقولى كدا!!

فاق من شروده على صوت اميره اللي كانت بتقول بدلع:متزعلش يا عز هى اللي خسرانه وبعدين هى مش شبهك خالص وبيئه اووي مش دي اللي تسيبني وتروحلها يا عز..

بصلها وهوا نفسه يديها قلم ويواجهها بحقيقتها بس هوا بيخططلها في حاجه متخرجش منها..!

_عندك حق يا اميره أنا غلطت لما اتجوزتها أنا بفكر ارجعلك انتى..

اميره فرحت :بجد يا عز 

_اممم بجد يا قلب عز

_طيب هنتجوز امتى

_قريب يا حبيبتي قريب اووي...

دخلت الشقه وغمضت عينيها بتعب دموعها نزلت رغم عنها حست بالانهيار حست أن قلبها هيخرج من مكانه نفسها تصرخ باعلى صوتها هى عارفه ان دا كله خطه من عز لكن متعرفش لي حست أنه بيخونها حست بوجع قلبها لما شافته معاها معقول دا كله مش حاسس بيها ولا بحبها ليه للدرجادي هى شفافه ومش شايفها بتحبه من زمان اووي من وقت ما كان بييجي يقعد على البحر لوحده كانت بتتابع كل تفصيله فيه من بعيد كانت نفسها يشوفها كان نفسها في نظره منه كانت متابعاه ومتابعه كل تحركاته وخروجاته وعلاقاته كانت عارفه كل حاجه عنه مش كل حاجه اوووي بس كانت بتراقبه طول فتره وجوده..

*كنت حاسه أنه مش هيبصلي ولا هيهتم لوجودي اصلا رغم وجودي في كل مكان هوا موجود فيه لكن الصدفه جمعتني بيه ودلوقتي خلتنى مراته مراته بس على ورق وبس عباره عن صفقه هتنتهي بعد تلات شهور أنا عارفه انى مش في دماغه ولا فارقاله اصلا لانى لو فارقاله كان خرج ورايا أو حاول يبررلى لكن أنا هفضل في نظره البنت الفقيره بياعة الورد اللي بيعطف عليها...

دخلت المطبخ وحسيت بالجوع فتحت المطبخ وطلعت اي حاجه وكل حاجه بتتعمل اكل ايوا ايوا بالظبط أنا البنت اللي لما بتتضايق بتفش غلها في الاكل!

بعد ساعه من معاناة الطبخ كان قدامها على السفره كل ما لذ وطاب وكانت قاعده بتاكل بشراهه..

عز دخل واتفاجئ من المنظر هوا حس انه هيبجى يلاقيها حابسه نفسها ورافضه الاكل والشرب ومنهاره!

ومشغله اغنية سميره سعيد ..(واديني سبته)

وبصتله بعتاب وهوا حس انه زعلها أوووي ..

قرب منها:ممكن اكل معاكى..

كانت بتدندن مع الاغنيه ومش مركزه معاه ومش عوزا تحنله ولا تبص لعينيه اللي بتضعف قدامها دي!..

عز قعد :طيب شكرا يا ستى..

ولسه هيمد أيده على الاكل مسكت أيده:ايدك يابا لتوحشك انت عارف انا خدت قد اي علشان اعمله مش بسهوله تدوقه ها روح للعقربه بتاعتك خليها تعملك..

عز بصلها وحس بغيرتها وهى كمان بصتله وحست أنها هتسرح في عينيه..

قامت من قدامه:بص انت متكلمنيش ومتبصليش ومش عوزا اختلط بيك نهائي لحد ما التلات شهور دول يخلصوا واعرف اشوف حياتى تمام..

وانا بدعى أن ربنا يرزقنى بواحد يراعى ربنا فيا مش واحد خاين زيك..

عز حس بفوران في دماغه وقرب منها ومسك دراعها بغل

_قصدك اي بواحد وقصدك اي انك تشوفي حياتك ها انطقى..

شمس عينيها دمعت :عز شيل ايدك بتوجعنى 

_لا مش هشيلها وابقى اسمعك تقولى الكلام دا قدامى تاني يا شمس فاهمه 

شمس انهارت :لا مش فاهمه وانا مش ملزمه انى اسمع كلامك ولا انفذه احنا مش متجوزين وانا مش مراتك واللى بينا كله اتفاق على ورق واللى شوفته النهارده وضحلى كل دا انت شخص انانى وخاين ومش حاسس بيا ولا بمشاعري ولا عامل تقدير ليا واخدنى كاستبن لمسيرة انتقامك علشان كدا مش عوزاك تتحكم فيا ولا تديني اي أوامر طول فتره الصفقه دي انت فاهم انت يا بشمهندش...

زقت أيده وبصتله بقرف ودخلت الاوضه بتاعتها وبدأت تعيط لحد ما راحت في النوم...

وهوا كان قاعد برا بيأنب نفسه على كل كلمه قالها وهوا حقيقي شاف الحب ليه في عينيها ومش عارف يعمل اي ولا يتصرف ازاي تايه ومش عارف يثق في حد ولا يحب حد تاني..

في الوقت دا جاله اشعار على التليفون وفتحه وشافه وابتسم بخبث ..

في مكان ما ..

في احدي الشقق كانت نايمه في حضنه وبيضحكوا سوا..

_انت بقى مشوفتش شكلها لما شافتنى معاه مسكينه متعرفش أن عز بيلف لفته ويرجعلى أنا بس علشان هوا بيحبنى وميقدرش يستغنى عنى..

حمزه وهوا بينفخ السيجارة وبيفتكر طريقه كلام شمس معاه:المهم انتى لازم ترجعيله وتخليهم يسيبوا بعض وتط"لق منه وانتى طبعا عارفه هتعملى دا ازاي وكمان الصفقه بتاعت الشركه اللي بتشتغلي فيها اعملى اي حاجه علشان عز ميعرفش انها تبعنا وتخرب كل حاجه احنا لازم نخليه يعلن إفلاسه فاهمه...

_لا متقلقش من الصبح هطلع على طنط فريال حبيبة قلبي..

حمزه بصلها بخبث:والله انتى اللي حبيبة قلبي وقرب منها

كان قاعد مبتسم بخبث وكل حاجه قدامه متصوره صوت وصورة ...

_اجهزوا علشان الكلبشات مستنياكوا يا حلوين ...

تاني يوم ..

شمس نزلت قبل عز من غير متستناه زي كل يوم بعد ما علاقتهم اتحولت لصداقه رجعت تاني لدرجه الصفر ...

نزلت من التاكسي عند باب الشركه ولسه هتدخل لقت اللي بينده عليها..

_ليكي عين تيجي هنا بعد اللي عملتيه امبارح وكمان اللي شوفتيه

شمس بصتلها بلا مبالاة ولسه هتدخل اميره وقفتها تاني:هوا انتى متعرفيش أن أنا وعز هنرجع تاني ولا اي 

شمس بصتلها بسخريه:وهمستلها:مهوا دا المتوقع من واحده رخي"صه زيك اي الجديد..

_انتى قصدك اي 

_والله اللي على راسه بطحه يحسس عليها اسيبك بقى تفكري انتى عملتى اي رخيص علشان يتقالك كدا بس خلى بالك انتى لو مش واخده بالك يبقى معندكيش دم أنا زي اختك وبنصحك برضو ...

_انتى واحده مهز"قه

_وواجب الاخت لما تتشتم تعمل اي ..

اميره بصتلها باستغراب 

_هقولك أنا تعمل اي ..

وهوب جابتها من شعرها 

امبارح سكت علشان كنا جوا الشركه ومكان محترم وكدا لكن احنا برا الشركه وهخلى مصر كلها تتفرج عليكي ..

تعاليلي بقى...

ونزلت فيها ضر،ب ووو

تكملة الرواية من هنا

❤️💙❤️💙❤️💙❤️💙❤️💙❤️💙

الصفحه الرئيسيه للروايات الكامله اضغطوا هنا  

❤️💙❤️💙❤️💙❤️💙❤️