جميع الروايات كامله

 رواية شرسه ولكن الفصل الحادي عشر والثاني عشر والثالث عشر والرابع عشر والخامس عشر بقلم لولو طارق 

رواية شرسه ولكن البارت الحادي عشر والثاني عشر والثالث عشر والرابع عشر والخامس عشر بقلم لولو طارق 

رواية شرسه ولكن الفصل الحادي عشر والثاني عشر والثالث عشر والرابع عشر والخامس عشر بقلم لولو طارق 

شرسه ولكن ! 11 و12

*************

اللَّهُمَّ لَكَ أَسْلَمْتُ وَبِكَ آمَنْتُ، وَعَلَيْكَ تَوَكَّلْتُ وَإِلَيْكَ أَنَبْتُ وَبِكَ خَاصَمْتُ، اللَّهُمَّ إِنِّي أَعُوذُ بِعِزَّتِكَ لَا إِلَهَ إِلَّا أَنْتَ أَنْ تُضِلَّنيِ، أَنْتَ الْحَيُّ الَّذِي لَا يَمُوتُ وَالْجِنُّ وَالْإِنْسُ يَمُوتُونَ

💗💗💗💗💙💙💙💙💙💚💚💚💚💚

سلوى بدء يبان على وشها التوتر جااامد وورد لاحظت وعشان هى عارفه كل حاجه قررت تتدخل بطريقتها 

ورد : اوعى تجولى يا خيتى ان هاد الرخيم  اللى عا يزمجرك  كل شوووى 

نوجا : بيزمجرها ازاى وزقت سلوى ما تنطقى 

سلوى : اه .. يا ماما قصدها بيعكاسنى 

ورد بتضحك وبتهز راسها : ايه بيساكعها أما نوجا 

نور : 😂😂😂 وشدت التليفون ومحى مبتسم .. وردت .. ايوا يا وحش .. بص بقى قبل وصلة قلة الادب وطول النهار ترن ترن .. وطول الليل زن زن .. لم نفسك وقول اتلمت بدال ما تتجرجر على القسم وتبقى فضحتك فيس ابوكيه بجلال وانت عارف ما بيصدقو ماشى  وقفلت فى وشه وزقت التليفون لسلوى .. كدا مش ها تسمعى صوته بيرن تااانى 

سلوى بخيبة أمل : الحمد لله البركه فيكى يا راجل العيله 

نور وهى بتاكل : اى خدمه كل أمحى خلينا ننزل 

محى : انا مش عارف ايه اللى جاب محى هنا وسمع كلامك ليه 

نور : يعنى أكسرك وما اوجبش معاك كمان 

محى : دا اسمه كلام دا حتى حرام 

************

سيف نزل التليفون مع على ودنه وبيكلم نفسه : ايه الشخصيه المتحوله دى .. هى كام واحده فى بعض .. وخبطه على الباب .. ادخل 

مامته بأبتسامه : انا قولت انت ها تريح قبل ما تنزل النبطشيه باليل 

سيف بنفس الابتسامه : كنت لسا ها انام .. اتفضلى يا أمى 

ساميه : اخرج يعنى وبتلف بجسمها ناحية الباب .  

سيف مسك ايديها وشدها قعدها على السرير .. وحط راسه على رجلها وبيكلمها .. عايز اتكلم معاكى شويه من كتر ما انا مشغول مقصر معاكى ومع بابا 

ساميه بتمسد على راسه : ولا مقصر ولا حاجه الله يكون فى عونك .. بس كنت عايزاك فى موضوع مهم 

سيف : خير 

ساميه : ان شاء الله خيررر .. انت فاضى أمتى 

سيف بيضم حواحبه وابتسم : مش مرتاح لفاضى امتى .. بس ممكن بكرا بعد الغدا  ماعنديش نبطشيه 

ساميه : طيب حلووو قوى اصل كلمت طنط منيره  عشان نروح نتقدم لصافى بنتها 

سيف اتعدل : ازاى من غير ما تاخدى رأيى

ساميه : عشان انت مكبر دماغك 

سيف بيشاور على نفسه : انا مكبر دماغى اتقدمت لكام واحده .. وكل واحده تقولك ظابط لا .. و مره اصل مش ها نقدر عليه .. ومره اصلهم بيغيبو عن بيتهم وبيتنقلو من مكان لمكان .. ومره عشان الا بنسمعه عنهم ومره عشان متبقاش ارمله .. ايه بقى 

ساميه : طنط منيره على علم بكل دا و هى وصافى موافقين وانت عارف ان صافى ها تموت عليك .. ما بيترمى تحت رجلك كتيررر وبترفضهم برضو 

سيف : انتى بلسانك قولتى بيترمو تحت رجلى  . يعنى مرخصين نفسهم ولو قولت لواحده فيهم ها نأضيها مع بعض ها توافق .  فين الثقه اللى ممكن احطها فى واحده زى دى وامانها على بيتى فى غيابى 

ساميه : يا حبيبى البنات مش معنى انها تحبك تبقى بالسوء دا .. هو مين له سلطان على قلبه .  يعنى ابوك مش واثق فيااا وانا اللى طلبت منه  يتجوزنى .  انت شايفنى وحشه قوى كدا يا سيف 

سيف مسك ايديها باسها : اسف ما اقصدش والله .. بس انتو جيل واحنا دلوقتى جيل يا أمى .. انتو كنتو بتتكسفو من خيالكم ولو عملتى كدا عملتى عشان حبتيه ما طلبتيش تكلميه ولا تمشى معاه ولا تتعرفو على بعض ولا الكلام الخايب الا بشوفه واسمعه كل يوم فى محاضر وغيره .. انتى جبتيها صريحه وقولتيلو بحبك ولو عايزنى تعالا اتقدملى كانو  كلمتين كملتو حياتكم بيهم على نضافه ونور وعشان تبقى عارفه يوم ما افكر أميل لواحده  قلبى انا اللى يدق الاول

ساميه : مش ها انكر ان فى اختلاف وانى عملت كدا بدافع حبى لابوك وخوفت اكون لحد غيره بس عمرى ما اتخطيت حدود الادب .. عمتا لو عايز تكسفنى يبقى تلغى المشوار ومش ها ازعل منك مش يمكن قلبك يدق لها لما تقرب 

سيف بحيره وبينفخ بديق : ها اروح بس فهميها انها قاعده عاديه ويا يحصل نصيب يا لاء 

ساميه : اوكى موافقه يا عنيد .. وسابته وخرجت .. مسك التليفون وبص فيه على رقم سلوى .. وبعدين فتح الصور على صوره لها وبيكلمها .  انتى حكايتك ايه وعلى ايه انا مشدود ليكى  والمشكله صافى دى كمان ودول ما بيصدقووو بكرا ها الاقى الكل بيباركلى على ايه مش عارف وربنا ما مرتاح  رجع للارقاام تانى ومتردد يتصل والا لاء  

***************

نور ماسكه محى وخارجه وهو بيبص لورد ومن خجلها ونظراته الجريئه دخلت على جوا جرى ووراها سلوى .. مد ايده وسلم : شكرا ليكى يا نوجا .. كدا بقينا حبايب واصحاب وبعتذر مره تانيه 

نوجااا بصدر رحب : تشرف فى اى وقت بس اعرف الاول البيت فيه بنات واوعا تزعل الاصول ما تزعلش 

محى بابتسامه : ماشى  ..  واتحرك ونزل مع نور ..واول ما ركبت طلعت سجاره وبتعزم عليه وهو خدها وولعت له ولنفسها وبتسوق 

محى : يابنتى مش لايق عليكى الجو دا .. فعلا لما بتعامل معاكى بحس انك صاحبى 

نور بتنفخ السجاره : وماله احسن بردو عشان دماغك ما تروحش لبعيد .. 

محى : هو اللى يعرفك دماغه تروح فى حته 

نور بصتاله : تعرف انى ارتحتلك قوى يا محى زى ما تكون اخويا ابن امى وابويا 

محى ابتسم وبثقه : عارف .. عارف .. انا اتحب من اول نظره واتكلم  جد .. ناويه تعملى ايه مع ورد انا عرفت ان القبيله بتاعتها عامله مشاكل جااامده 

نور : ها اتصرف وها اطلع لها شهادة ميلاد واعلمها 

محى : قشطه هو دا الكلام الا يفتح النفس 

نور بتبص له بنص عين ؛ ايه الفرحه الغريبه دى 

محى : مبسوط ان الكسر جه بفايده .. بحسب ها ترجعيها تااانى 

نور : ابدا ليه أفرض عليها عيشه هى مش عايزاها  و وصلته البيت واشترت اكل جاااهز عشان عارفه  انه لوحده طلعته معاااه من على الباب ونزلت .. ركبت عربيتها وراحت على الفيلا عند والدها .. 

أحلام بتريقه : اهلا .. اهلا .  اهلا .  بالى فاكره بيت ابوها تكيه .. تخرج وقت ما تحب وترجع وقت ما تحب 

نور : اديكى قولتى بيت ابويااا .. ايه دخلك انتى 

احلام : ليه ماهو بيت جوزى وبتتكا على جوزى قوى .. وانا فى مقام أمك وكل الهلمه دى لابنى من بعده 

نور بعصبيه مكتومه قربت على احلام وبصوت هامس : قطع لسانك .. امى مفيش حد عندى لا فى مقامها ولا زيها فاهمه .. واطلعى من نفوخى عشان انا مش طيقاكى وانتى عارفه ومش ها اعمل حساب لحد لو وقعتى تحت ايدى  وسابتها وطالعه على السلم طلعت وراها جرى ومسكتها من ايديها 

احلام : أما انك قليلة الادب وماشوفتيش تربيه .. قولتهالك وبقولهالك ها افضل وراكى لحد ما اكسر رجلك واحرم عليكى دخول البيت دا تاااانى وابقى ورينى ها تعملى ايه وبتريقه يا راجل العيله

نور بعصبيه بتنطر ايديها : بتحلمى وانا ها افوقك من الحلم دا صدقينى الا زيك مكانهم فى أقرب صندوق زباله بس الصبر حلو .. احلام لما سمعت نحنحة حمدى وهو داخل وقعت نفسها على السلم .  وفى داخلة حمدى جرى عليها وهى بتصوت ونور واقفه شايفه المشهد كله فى صمت سابتهم وطلعت كملت طريقها للاوضه .. من غير اهتمام 

أحلام بعياااط : اه يا حمدى .. الحقنى يا حبيبى شايف بنتك عملت فيا ايه .. عايزا تموتنى .. نور زقتنى من على السلم عشان بقولها ايه يا حبيبتى ما وحشتكيش انا زى امك .. شتمتنى ووقعتنى يا حمدى اهئ اهئ .. يارب مليش غيرك 

حمدى شالها نيمها على الكنبه : خلاص معلش يا احلام حقك عليااا .. 

احلام : لحد امتى ها تشيل شيلتها انا اتحملت كتيرر يا راجل 

حمدى بعصبيه : اعمل ايه يعنى اقتلها واخلص منها 

احلام : دا بدال ما تديها قلمين تشفى غللى .. اه يا راسى  وجسمى كله .. اعمل اللى قولتلك عليه بنتك ها تبيعك وتبيعنا احنا كمان .. إلغى التوكيل قبل اى حاجه 

نور نازله من فوق بعد ما سمعت كل حاجه وبصوت عالى وبتمسك فى احلام : اه يا حربايه .. بتبخى سمك زى العاده حمدى قرب عليها وبيشدها جااامد ومازن واقف بعيد بيعيط ...

حمدى : ابعدى عنها يا نور وكفايه كدا 

نور : انا إلا كفايه .. انت بتعمل فينا كدا ليه .. دى دمرت حياتى وبتدمرك انت كمان فوق قبل فوات الاوان ويقولو عليك راجل كبير ضحكت عليه عيله من سن بنته 

حمدى رفع ايده وفضل يديها قلم ورا قلم ورا قلم وهو مش حاسس بيعمل ايه لدرجه ان مناخيرها نزفت وشافيفها اتعورت جااامد .. واحلام بتبص لها بنظرات شماته وفرح باين جوا عيونها .. وحمدى اول ما شاف الدم بهدل وشها فاااق من اللى بيعمله ونور واقفه ما بتحاولش تدافع عن نفسها بأى شئ .. عيونها الدموع متحجره فيها وبتبص لابوها اللى قتلها مرتين لا تلاته .. مره لما كانت صغيره وشافت التعذيب اللى  أمها كانت عايشه فيه عكس احلام تماما  ..و مره يوم ما لبسها لبس ولاد  ورماها وسط معدات وعمال .. ومره يوم ما اتجوز عيله من سنها عشان الولد وكأن البنت نكره ملهاش قيمه   .. جريت على براااا .. وهى مش شايفه قدامها .. وحمدى جرى وراها بس ملحقهاااش قعد على الارض بعد ما رجله خانته .. واحلام وراه وبتقومه 

احلام : قوم يا حبيبى .  كل دا يا حمدى ماكنش قصدى والله انا كنت عايزاك تفوقها مش تبهدلها .. معلش .. معلش بكرا تيجى تبوس ايدك وراسك ..هى عارفه ان لسانها طويل وان قلبك ابيض  ودخلت بيه جوووا وبتبص على ابنها اتعدل واصلب طولك عشان خاطر ابنك مازن مين ها يربيه شوف بيعيط عشان خاطر اخته وخاطرك ازاى .. تعالا يا حبيبى  تعالا ومازن قرب وحضن ابوه وابوه حضنه نام على الكنبه بإهمال وساكت تماما ومازن قاعد جمبه واحلام بتمثل الفضيله والحب كالعاده ... 

************* 

نور سايقه العربيه بجنون وصلت المقابر وقربت من قبر أمها وسط مقابر كتير عاديه وملوش حوش .. بترمى نفسها على الارض ونزلت بروكبها  واخيرا سمحت لنفسها تعيط بصوت مسموع ما بتحاولش تمسح الدم الا بينزل منها .. غابت فى دنيا تااانيه هى افتقدتها قووووى .. عياطها بيزيد ووجع قلبها بيزيد ... دايما بتحارب نفسها عشان ما تتجاوزش مع ابوها بالكلام زى ما أمها عودتها بس المواقف بتجبرها على كدا .. اخيرا صوتها طلع وبتتكلم بصوت طالع بالعافيه عيونها اتوجهت للسما .. يارب تعبت من حياااتى  ليه انا ماكنش مكانها هى .. ارتاحت وسابتنى انا بدوق العذاب والنار اللى هى داقتها .. طيب مين يحضنى ويعوضنى حضنها وبتعيط بقهر رهيب اتمكن منها ولحظه جمدت مكانها لما حست بأيد بتمسد على ضهرها بحنيه .. هى ايد أمها وهى طريقة أمها اللى فقدتها من زمن  لفت بخوف واتصدمت لما شافت ست كبيره متبهدله ملامحه هاديه الست شدتها فى حضنها رغم بهدلتها ونور استجابت حضنتها بقوه غريبه عكس اللى هى شايفها وبصوت هااامس 

الست : يا بنتى يا حبيبتى .. مين إلا عمل فيكى كدا 

نور بعياط وغابت فى دنيتها من جديد  : بابا يا ماما .. بيعذبنى انتى ليه سايبنى معاااه ما تاخدينى خلينى جمبك وفى حضنك فاكره اول مره قصيتى فيها شعرى وقولتيلى خليكى ضهر ابوكى انا بقيت ضهره وهو قطمنى وكسر كل الحلو الا جوايا  

الست : يا قلبى عليكى وعلى إلا جرا فيكى .. وبتمسد عليها وبتمشى ايديها على شعرها بحنيه تكفى بلد .. انا جمبك مش ها أسيبك تااانى .. خلاص لقيتك 

نور حست بدوخه وعيونها غربت وايديها ارتخت وهى فى حضن الست .. واغمى عليها .. والست بدأت تصرخ جااامد ومخبيه نور فى حضنها كانها بنتها بجد .. ناس من الا موجوده قربو عليها وخرجو برا المكان بيها وغسلو وشها من الدم وفاقت وهى لسا ماسكه فى الست زى الاطفال ... خدتها وركبت العربيه وركبت الست اللى ما تعرفش عنها اى شئ جمبها وماشيه بهدوء وساكته ما تعرفش هى راحه فين والا بتعمل ايه .. وصلت لحصنها زى عادتها وماسكه ايد الست وبترن جرس نوجااا .. ونوجا هى اللى فتحت 

نوجا بشهقه وشدت نور ومش واخده بالها من اللى معاها : مين عمل كدا .. انطقى يا بت .. ابوكى بردو والا فى ايه وبصريخ .. انطقى ها تموتينى بقهرى عليكى وجعتى قلبى يابنت رباب 

نور اترمت فى حضنها وبعياااط جااامد لدرجه انها مبتاخدش نفسها : اه يا خالتووووو .. ااااه أمتا ارتاااح من عيشتى الا بقت شبه البركان .. اااه لو حد يخلصنى او يبعدنى عن هنا 

سلوى جريت عليها وبتعيط زى عادتها  وورد بتمسد على شعرها بحزن وبينها وبين نفسها .. هى ما تستاهلش تعيس تعيسه كدا .. 

نوجاااا : بس يا نونتى .. بس وبتزق سلوى اجرى هاتى علبه الاساعافات واعملى كوبايه ميه بسكر  

سلوى بتلف وبتجرى خبطت فى الست جااامد : اه اسفه وباستغراب مين حضرتك 

الست بتشاور على نور : انا امها 

سلوى تنحت : نعم ونوجا وورد بصولها  

نوجا : مين دى 

سلوى ؛ بتقول انها أم نور 

نوجااا : نعم ياختى 

الست بحلفان : والله أمها اسأليها وبتقرب على نور تعالى يا حبيبتى وقوليلهم انى أمك .. خلاص انا مش ها ابعد عنك تااانى 

نور باستغراب وكلهم متنحين 

نوجا : ايه الفلم الهندى دا يا ست انتى 

نور بصوت ضعيف : اه افتكرت انا جبتها معايا .. دخليها جوا  يا خالتى 

نوجا بصوت عالى : اتجننتى يا بنت اختى كل مجيه بمصيبه فى ايدك مش كفايه الابيحصلك .. قوليلى ها يحصل فيكى ايه تانى 

نور بتعب : انا ماعرفش عنها حاجه .. ودموعها نزلت بس اول مره احس ان جمبى أمى  لما خدتنى فى حضنها يا خالتى 

نوجا : اخص عليكى يا نونه للدرجه دى عمرك ما حستيها معايااا 

نور : لا والله ابدا .. طيب نتكلم بعدين نفهم حكايتها ايه يمكن محتاجه مساعده وبتمسح دموعها ودخلت غلست وشها الوارم واحمر جدا وطلعت تااانى لهم  

نوجا بتبص لنور : ها تفضلى لامتى بتفكرى فى كل الا حواليكى ومش مهم نفسك .. نهايته .. اتفضلى يا حاجه .. بس دى متبهدله على الاخر .. انتى مين وحكايتك ايه 

الست : انا امها كانت تايهه منى وبدور عليها لحد ما لقتها 

نور لفت ايديها على كتفها بدون احراج او قرف منها .. وقعدت جمبها وبدأت تحكيلها ايه اللى جمعهم ببعض .. والست عيطت وتقول انا أمك 

نوجاااا قالت للبنات تعمل أكل وتطلع لها جلبيه وهدوم من هدومها عشان يحموها عشان شكلها وريحتها صعبه قوووى وفعلا دخلوها الحمام  ... وهى فى الحمام ورد صممت ان هى تحميها وتغير لها وتاخد ثوابها نوجا قاااعده مع نووور برا 

نوجا واخده نور فى حضنها وبتعمل كمدات ميه صاقعه على وشها .. يا حبيبتى افردى حراميه او وراها حاجه 

نور : بذمتك يا خالتى دا منظر واحده حراميه او حتى بتعرف تعمل حاجه 

نوجا : انا عارفه بقى ماهو بعميلك كدا هاتلمى جمهوريه مصر العربيه فى الشقه هنااا .. وها تنقلى الخريطه والطرق من الشوارع لشقتنا 

نور ابتسمت : انتى قلبك كبيررر وتستحملى فى ناس خلاص فاض بيها وما بتستحملش لو اتخلينا عنهم ممكن يموتو بحصرتهم زى أمى ما حصل فيها يرضيكى واحنا ولايااا ملناش غير بعض  

نوجا خدت نفس : ربنا يسترها علينا ويطلعو كويسين بس دا ما يمنعش انك غلطانه .. احكيلى ايه حصل تانى معاكى وليه ابوكى عمل كدا 

نور دموعها نزلت تااانى بدون ارده مجرد ما بتفتكر اى شئ : احلام عملتلو مسح ذرى ومصدقها .. تعرفى انا مش خايفه غير عليه ولا زعلانه غير عليه .. عايزاه يلغى التوكيل العام وبتقولى تانى ها افضل وراكى لحد ما اطردك ها تفضل وراه لحد ما تبيعه شقى عمره وتسيبه وتتجوز 

نوجاااا بشر : يا مين يلايمنى عليها اجيبها من شعرها واحطها تحت رجلى .. الصبر يا بنتى اصبر على جارك السووو يا يرحل ها تجيلو مصيبه تاخده 

نور : ادينا صابرين وخرجت الست بشكل مختلف وابتسامه على وشها قربت على نور حضنتها وقاعده ماسكه فيها 

نور : اسمك ايه 

الست بتوهان  : ما اعرفش .. مش فاكره 

نور : طيب ازاى فاكره انى بنتك 

الست : انا حبيتك وارتحتالك وفى حاجه قالتلى دى بنتك خديها فى حضنك .. بصى انتى شبهى والله بنتى وبضعف وتوهان او زى بنتى 

نور بأبتسامة حب  :  ياريتنى شبه القمر دا هو انا اطول ابقى بنتك .. طيب مش فاكره حصل معاكى ايه 

الست : بدأت تحكى على كل حاجه فاكرها .. وهما قاعدين بيسمعو لها باهتمام والبنات بدأت تخرج الاكل الا جهزوه .. ونور بتاكل الست بايديها وزعلت انها جعانه جدا واستغبت الناس اللى سايبنها كدا  

********* 

حازم : كاونه كلت دماغى 

كاونه : عجبتنى يا بش 

حازم : ايه بش دى كمان 

كاونه : بش .. مهندز .. استنى كدا شكل فى ترحيله جديده ..داخله علينا 

حازم بعدم اهتمام : يدخلو يخرجو مش ها تفرق  

سامى داخل ومعاه اتنين كمان والعسكرى بنبرة تحذيريه : مش عايز اسمع نفسكم ..  وبيكلم سنتى وكاونه .. متوصى عليهم فى الخدمه يا رجاله 

كاونه بضحكه وبيدعك ايده فى بعض : شكلنا ها نروق والا ايه .. تعالا يالا منك له 

حازم رفع راسه وبصلهم وقام من مكانه راح ناحيتهم وكاونه بيمسكه 

💗💗💗💙💙💙

بقلم : لبنى طارق 

💗💗💗💙💙💚💚💚

شرسه ولكن ! 12 

*************

اللَّهُمَّ اجْعَلْ لِي فِي قَلْبِي نُورًا، وَفِي لِسَانِي نُورًا، وَفِي سَمْعِي نُورًا، وَفِي بَصَرِي نُورًا، وَمِنْ فَوْقِي نُورًا، وَمِنْ تَحْتِي نُورًا، وَعَنْ يَمِينِي نُورًا، وَعَنْ شِمَالِي نُورًا، وَمِنْ بَيْنِ يَدَيَّ نُورًا، وَمِنْ خَلْفِي نُورًا، وَاجْعَلْ فِي نَفْسِي نُورًا، وَأَعْظِمْ لِي نُورًا

💗💗💗💗💗💙💙💙💙💙💚💚💚💚

حازم بيشاور على نفسه : بقى انا اتفقت معاااك انى اسرق هو انا اعرفك اصلا يالا

سامى : ايوا انت ها تنكر من اولها عشان تلبسنى الليله 

حازم بحالة هياج وعصبيه ضرب سامى كذا ضربه ورا بعضه فى وشه ومسك فى راقبته عارف انا مين والكل بيشهدلى بايه يا كلب  سمعتى الا انت ضيعتها بعشره من عينتك .. مش ها اسيبك غير لما اطلع روحك فى ايدى .. 

كاونه : اهدى وانا ها اريحك دا متوصى عليه 

سامى بخنقه وصوت مش طالع : الحقوونى وزق حااازم جاامد لدرجه انه وقعه واقعه جااامده 

كاونه : لا دانت كدا جبته لنفسه .. وبدء يضربه بوحشيه لدرجة ان الاتنين اللى معااه خافو وقعدو جمب بعض .. 

سنتى بيرمى السيجاره الا معاااه سيبهولى يا كاونه .. اريحلك ايدك شويه 

كاونه : مين اللى وزك على البشمهندز حازم ياد 

سامى بعياااط وبيحاول يحمى وشه : محدش هو خطط واحنا نفذنا .. 

حازم اداله بالرجل :  كداب ومش ها اسيبك يا حرامى غير وانت بتقول الحقيقه .. عملتلك ايه عشان تتهمنى تهمه زى دى 

سنتى ادله بالرجل تااانى .. ما تنطق ياد دا وقعتك هنا سودا وبموتك 

الاتنين اللى مع سامى جريو على باب الحجز وبيخبطو  جااامد الحقونا .. الحقونااا 

سنتى مسكهم من قفاهم وهما رفعو ايديهم بخوف .. وبيقولو ورا بعض والله ما نعرف حاجه  والله سامى قال لنا المهندس اتفق معاه واحنا نفذنا .. حتى صورناهم وهو بياخد منه الفلوس وبيتفق 

سنتى زقهم بقوته وقعهم على وشهم وبغمزه للعيال اللى معاه ظبطوهم 

سامى : انا ها اوديكو فى داهيه 

كاونه : قاعد فوقيه وبيضربه بالقلم هو فى داهيه اكتر من شوفتك الو... .. اعترف 

سامى بعند : اللى عندى قولته 

كاونه ضربه بالقلم تااانى .. دا انا ها اتسلى عليك طول الليل يا خفيف ..  وحالة هرج حصلت جوا الزنازنه .. والظابط الموجود نزل الحجز .. وبدء يزعق فيهم كلهم وبيزعق للعسكرى 

الظابط : ايه حكايتهم دول 

العسكرى بيأدى التحيه : ما بيبطلوش سعتك 

الظابط راح لكاونه وسنتى وحازم وبيبص لحازم من فوق لتحت : انت بقى الفتوه الجديد مع كاونه وسنتى هنا 

حازم : انا مش فتوه انا مرمى هنا ظلم وبيشاور على سامى .. دا تهمنى فى قضيه انا برئ منها 

الظابط بيشاور على نفسه : احنا نقول انت برئ وإلا لاء انما تبلطج ها اديلك فوق دماغك 

حازم شد مع الظابط : ماحدش يقدر طول ما انا هنا ومش مثبوت عليا تهمه يعملى حاجه  والا ها اكتب فيك شكوى 

الظابط شده جااامد : طيب انا عايزك تكتب  صبحى 

العسكرى : تمام يا فندم 

الظابط : اسحبلى التلاته دول فى الانفراضى فوووق ... وانا ها اخليك هنا زيك زى اى حيطه موجوده لا قيمه ولا لازمه 

حازم قرب عليه وهو طالع من الزنازنه وبتحدى : ها نشوف .. وطلع هو وكاونه وسنتى زنزانه انفراضى .. وقعدو على الارض والظابط منع يدخل لهم اى حاجه 

**************

فى مشهد تااانى مختلف .. البنات فى الاوضه ورد وسلوى جمب بعض ولابسين كاش مايوه ..  ونور كمان لابسه زيهم .. وقاعده على الارض بعد ما خدت شاور والست ماسكه فرشه شعر بتسرح لها شعرها ونور حاسه احساس مختلف .. مبسوطه  والدنيا لاول مره بتحضنها وتطبطب عليها .  لاول مره تحس بانوثتها ومستمتعه بكل لحظه ..  لمت لها شعرها وحضنت راس نور بايديها وباستها .. ونور طلعت جمبها على السرير بفرحه رهيبه واتقلبت طفله .. وبتنام فى حضنها .. والست بتمسد على عليها ونظرات كلها حنان وأمان مليه عيونها 

نور بابتسامه وصوت واطى : اختارى اسم اناديكى بيه 

الست : قوليلى ماما 

نور : ماما ايه .. ايه رأيك فى زينب 

الست بأبتسامه : ادام انتى اللى مختاره يبقى جميل 

نور : لازم اصورك وانزل الصور على الفيس عشان اهلك يتعرفو عليكى 

الست بخوف : عايزا افضل معاكى حتى لو انتى متعرفنيش .. خلينى جمبك انا مش فاكره حد 

نور : ها افضل جمبك ومش ها اسيبك ابدا .. بس لازم اهلك يعرفو اكيد ميتين من القلق عليكى 

الست برفض : لا .. لو عايزانى امشى قولى 

نور : ابدا ابدا .. خلاص براحتك .. ودفست راسها فى حضنها .. ونااامت بعمق وراحه لاول مره كلهم ريحو برغم لسا بدرى على النوم 

****************

.. وبعد مرور الوقت .. سيف بيدخل مكتبه يستلم النبطشيه بتاعته 

سيف دخل مكتبه  : هااا يا بنى ايه الجديد 

صبحى : نقلنا سامى والوالدين  للزنزانه إلا فيها المهندس .. واول ما شافه ضربه وقاله ( وقص عليه كل ما حدث ) .. وحضرة الظابط محمود أمر بنقل المهندس وسنتى وكاونه الانفراضى وشدو مع بعض 

حازم : ما قولتوش ان دا طلبى ليه يا صبحى 

صبحى : يا فندم انت عارف ان حضرة الظابط ما بيقبلش كلام من حد  والمهندس رد عليه كلمه بكلمه وخلاص حطه فى دماغه 

سيف : ماشى روح انت  اه بقولك 

صبحى : تمام يا فندم 

سيف : جبت أكل للمهندس زى ما طلبت 

صبحى : محمود باشا مانع عنهم حتى الميه يشربوها 

سيف : صبحى الكلام اللى قولته يتنفذ دى قضيتى ما تخصش محمود روح هاات اكل بقاله يومين مكلش ومحدش بيجيلو  وخليه بعيد عن سامى خلاص كنت عايز اعرف حاجه وعرفتها 

صبحى : تمام يا فندم .. بس 

سيف : ما بسش محمود مشى ولو قال حاجه انا موجود اتفضل 

صبحى خرج من هناااا ... وسيف طلع تليفونه بيبص فى الساعه وعايز يتصل على سلوى ومتردد .. استحوذت على تفكيره وبدء يسئل عليها وعلى اخلاقها .. وفى الاخر قرر يتصل .. رنه والتانيه .. والتالته .. سلوى بنوم وبهمس جننه اكتر 

سلوى : الووو ... مين 

سيف : احممم .. انا سيف 

سلوى بنفس الهمس : النمره غلط يا سيف وقفلت فى وشه 

سيف بينفخ  : يخربيت جنانك .. شكلها نايمه .. اتصل تانى ما انا لازم اكلمها  قبل مقابلة بكرا ودلوقتى الدنيا رايقه ..  واتصل تااانى وردت 

سلوى بزهق : مين 

سيف بنبره حاده : ممكن تفوقى عايز اكلمك وبطلى شغل العيال دا انتى مش صغيره مش كل ما اتصل تقفلى فى وشى 

سلوى اتعدلت وافتكرته : أنت 

سيف ابتسم ورجع لهدوئه : ايوا انا  

سلوى : عايز ايه مش قولتلك النمره غلط يا سيف 

سيف بيتكلم بتريقه  : النمره صح يا سلوى  وعايز اكلمك او اقابلك ينفع 

سلوى بحمقه : اه يا قليل الادب وقفلت فى وشه 

😂😂😂 

سيف بغيظ بيبص للتليفون بيقفل صوابعه على بعض كانه عايز يضربها .. والله ما طبيعيه .. ولو انتى مجنونه انا أجن منك ويا انا يا أنتى  وبعت لها رساله .. لو ما اتصلتيش واتكلمتى معايا عدل  بكرا هاتلاقينى جايلك وانتى إلا جبتيه لنفسك .. 

سلوى قاعده متوتره .. والتليفون رن برساله .. وفتحتها وشهقت بصوت واطى وحاطه ايديها على بوئها .. وبتقول 

سلوى : اعمل ايه يارب .. اعمل ايه .. مش ها اعبره دا أمى ممكن تقتلنى لو عرفت .. وبتردد اعرف عايز ايه واقفل فى وشه .. وبتشاور بصباعها توء توء توء .. عيب يا سلوى .. اهربى احسن قبل ما نوجا تكتشف وتبقى مصيبه وطبت فوق دماااغك وبتلف بعيونها لقتهم كلهم فى سابع نومه .. نفسها تحكى لنور مش عارفه .. ولا فى فرصه .. استسلمت للنوم ونامت وتجاهلت رسالة سيف برغم ان الوقت لسا بدرى جدا بس حالة هدوء ماليه المكانه وسكانه كل حته فيه

سيف قاعد ومنتظر ترن او حتى ترد برساله مفيش وقرر ينفذ إلا فى دماغه .. جاب ملف قضية حازم وبدء يقراها تااانى ويركز على حاجات معينه لانه واثق من براءة حازم بس كل شئ ضده خصوصا انه ساب موقع الشغل ونزل على القاهره والتصوير  ومفيش محامى اتدخل له .. والموضوع عايز وقت .. وقرر يستخدم اسلوب الضغط والترهيب ويعمل محاوله اخيره ....  طلب يجيبو سامى من الحجز .. واول ما سامى دخل سيف وقف .. 

سيف بنبره حاااده : قرب يالا 

سامى بخوف وعياط ؛ عايزين تعملو فيا ايه تااانى مش كفايه الا بيحصلى 

سيف : انشف كدا لسا التقيل جاااى وراا لو فضلت تكدب .. خلاص انا عرفت ان المهندس ملوش فى اللعبه دى  وانت ها تشيل الليله لوحدك لما اخلى الاتنين الا معاك ينكرو صلتهم بالموضوع هما كمان ويبقى كدا العدل 

سامى : لا مش ها اشيلها لوحدى .. انا مليش فيها 

سيف : مين بقى ها تتكلم  على طول .. لالا شكلك حابب البهدله وبيرفع صوبعين .. هما يومين اتنين اسيب كاونه وسنتى عليك ها يخلوك تقر بكل بلاويك تمام يا سااامى .. وبينادى بصوت عالى صبحى .. صبحى .. اسحب الواد دا فى الانفرادى مع كاونه وسنتى ونزل المهندس تحت 

سامى بهستريه وعياط : ارجوك يا باشا واترمى تحت رجل سيف وسيف زقه جااامد .. عايز تعرف ايه 

سيف رفع ايديه الاتنين : حلووو قوى كدا .. الحكايه من اولها وليه عملت كداااا .. عشان يا حلو وراك بلاوووى وايام هنا طويله 

سامى بينهج : ممكن اشرب 

سيف : مش قبل ما اسمع وعلى حسب .. قولت الحقيقه كان به .. ما قولتش استحمل ما يجرالك  

سامى : ها اقول يا باشا كل حاجه .. الحكايه بدأت لما   ( وقص له كل شئ ) وسيف قاااعد بيسمع ومصدوم من كل الكلام .. 

************* 

أحلام : بقولك خرج ولسا ما رجعش .. اعمل ايه انا زهقت من الراجل دا هو وبنته .. ها افضل فى الهم دا لحد أمتى وشبابى بيروح معاه يوم بعد يوم يا أما 

أمها : انتى هبله يابت .. فات الكتيرر ما باقى إلا القليل .. اسمعينى كويس .. البسى قميص حلو ويغريه كدا واتزوقى وخليكى برنسيسه واول ما يوصل خوديه فى حضنك واتحايلى عليه تروحى لل ما تتسمى بنته عشان تصالحيها اصل زعله مأثر فيكى .. فاهمه 

أحلام : يوووواه .. حرام عليكى ما كفايه الا خدته غير ابنى وإلا ها يورثه هو ها يعيش اد ايه يعنى بكرا يغور

أمها : لا مش كفايه يا غبيه ها تصحى فى يوم وليله تلاقى البت دى كتبت لنفسها كل أملاكه باسمها ما رقبت جوزك الحلو فى ايديها 

أحلام : اه يا أما .. اه نفسى أقطعها بسنانى بنت اد الخله وعامله فيها السبع رجاله فى بعض .  وعندها بلاوى متلته على قلبها وقلب ابوها 

أمها : اتصرفى بقى يا خايبه وخليه يلغى التوكيل ويكتب املاكه بأسمك وأسم ابنه 

أحلام بتلوى شفايفها : اكتر من كدا لو جبل كان اتهد عليه صحه يهده البعيد ولا فى العشرين 

أمها ضحكت ضحكه رقيعه ؛ جاتك ايه يا احلام .. ها اقفل انا واسيبك تتشقلبى  

أحلام : لو اتشقلبت اكتر من كدا ها اتقلب قرد وها تجبونى من على شجر الموزز 

أمها : 😂😂😂 سلام يا فقريه وقفلت واحلام بتنفذ وبس 

 *********** 

انتهى اليوم الطويل  على الكل .. وابتدى يوم جديد لهم يا ترى ها يحصل ايه وسامى قال ايه لسيف صدمه 

**********

محى عايز يتقلب فى السرير مش قادر رجله شاده عليه جدا .. مسك تليفونه وبيستنجد بحد بس أفتكر انه ملوش اصحاب للاسف .. طول عمره ما كانش له صداقه دايمه مجرد زمايل عمل والوحيد الا ارتحاله محبوس ... جاب رقم نور واتصل عليها .. ما ردتش .. اتصل تانى .. وردت اخيرا 

نور : محى خير فى حاجه 

محى : اسف يا نور انا عاملك ازعااج 

نور : ولا ازعاج ولا حاجه محتاج حاجه 

محى : تعبان قوى  ومش قادر اتحمل .. بيتهيئلى رجلى فيها حاجه مش طبيعيه .. ممكن تجيلى 

نور لسا ها تقول جايلك افتكرت وحطت ايديها على وشها .. ازاى تنزل كدا 

محى : شكلى دايقتك وتقلت عليكى 

نور : لا يا محى انت اخويااا تقل براحتك .. انا جايلك 

محى : ما تجيبى ورد معاكى 

نور بمكر : عنيه انت تأمر 

محى : الهى يخليهملك 

نور : 😂😂😂 ويخليهملك انت كمان .. وقفلت وراحت على السرير وبتصحى ورد براحه .. ورد .. ورد 

ورد فتحت عنيها : فيكى شى خيتى 

نور : لا  مفيش .. وبتشاور .. وبهمس تعالى ورايا .. وورد قامت وراحت ورا نور .. فى مينت تلبسى وتجهزى عشان نازلين انا وانتى 

ورد : كيف .. وليش  

نور : هى فيها كيف وليش .. بس ها اقولك محى بيموت وها نروح ندفنه 

ورد بخضه : يبى يبى يبى .. عينى عليك وعلى شبابك يا جدع .. 

نور : اخلصى يا ورد .. بقولك بيفرفر  

ورد دخلت جرى لبست عبايه كبيره جدا وشال كبير وحطاها على وشها .. وطالعه ونور كمان لبست بس لاول مره تلبس طرحه وربطتها بطريقه عشاوئيه وقربتها على خدودها جااامد لانها مش طايقه تحط كريم او ميكب على وشها ونزلت ركبيت عربيتها واتحركت راحت على محى وهى راحه جابت ورد .. وطلعت .. وقفت على السلم  وطلبت من ورد تنزل درجتين .. وضربت الجرس وانتظرت لحد ما محى فتح .. محى بيمد راسه لبرا .. ايه جايه لوحدك .. نور دخلتله .. وفى ايديها الورد 

نور : لا 

محى : إمال ايه 

نور : حبتلك الورد .. اهوو  مش دا طلبك 

محى بخيبة أمل قعد على الكنبه .. كان نفسه يشوفها : هاتى يا ستى شكرا 

نور بمكر : هو مش عاجبك 

محى بعصبيه خفيفه : أكله يعنى يا نور عشان يعجبنى 

نور : وماله دا بيقولو له فوايد كتيرر .. وبيحطوه فى الاكل 

محى : اه دا اكل على الريحه .. انا تعبان يا نور .. تعبان وبعدين انتبه لوشها وللطرحه .. ايه دا 

نور : هااا .. ولا حاجه وقعت على السلم 

محى : مين ضربك .. مين الحيوان الا عمل كدا 

نور بتتوه على الموضوع وخرجت .. وبتجيب ورد .. تعالى دا بيخرف وبيفرفر ياعينى .. ودخلت جرى .. وورد ماسكه الشال ورافعه لفوووق وداخله على الاوضه على طول .. 

نور : خدى هنا قطر داخل ومحى قاعد مسبهل ومتنح .. ونور بتشاور على راس محى الا باينه من الكنبه .. اهوووو 

ورد بتخبطه على كتفه وبتتكلم بصوت مش مفهوم .. يبى يبى يبى .. عينى عليك يا محى وعلى شبابك  ونور واقفه هلكانه من الضحك ..

محى فارد ايده : انا ها أموت وإلا إيه .. فى ايه يا نور ومين الخيمه دى 

نور : 😂😂😂 ورد 

ورد : يبى عليك وبتزق راسه لساك بيك نفس يا محى 

محى : يالهوى .. انتى عايزانى اموت الهى يجيلك حول مبكر يا ورد يابنت أم ورد 

ورد لفت وبعصبيه : هاااى عملت رجال  أما انك رجال ناجص ومكير 

محى بيشاور بصباعه : ترجمى عشان انا مش قادر اقوم اخدها سوبلكس واعدل بوئها المعوج 

ورد بتشده من صدره جااامد وبتهز فيه : انى تعملى ابلكسه يا محى 

نور شدتها وهى بتضحك : خلاص يا ورد امسحيها فيااا 

ورد بتهز راسها : لا خيتى .. لا .. وفينه جولتى بيرفرف وما ادرك ايش فين خيتى زى الجرد بسبع ترواح 

محى : بتقررر عليا .. بتقر علياااا .. اه .. اه  قومينى انا رجلى بتتقطع مش فايقلها دلوقت

نور : قوم ها تنزل كدا 

محى : مش ها ينفع انزل غير كدا .. خلصى .. ونزلو راحو لدكتور عظام وشاف الاشاعه وطلب يعمل اشاعه تااانى وماسك الاتنين وقرب منهم 

نور : خير يا دكتور 

الدكتور : انتى مراته .. هو اللى عمل فى وشك كدا .. على فكره انتى ممكن تحبسيه 

محى : ايه يا دكتور .. انا مدايقك فى حاجه .. انا جاى اتعالج والا اتحبس 

نور : لا مش هو يا دكتور ومش جوزى 

الدكتور : انتى مراته وبيبص لورد 

محى : انت بتتعرف علينا .. ما تقولى رجلى فيها ايه 😂😂😂

الدكتور : اه سورى .. بص كدا ورفع الاشاعتين .. شايف دى قبل ما تتجبس الكسر هنا مش عدل العضمه مقطومه من النص ولها بوذ المفروص الدكتور يرد العضمه مكانها عشان تلحم صح هو ردها بس مش رد كامل ودا اللى تاعبك وكمان كانت ها تلحم على وضعها دا وتعمل أوصر فى عضمه الساق وتعرج لان ها يبقى عندك رجل أقصر من رجل .. 

محى : طيب ها اعمل ايه دلوقتى 

الدكتور : ها نفك الجبس وها ارد العضمه مكانها تااانى ونرجع نجبس  وكلم المساعدين وقام وبدئت رحلة محى من جديد وألم لا يطاااق وصريخه مسمع نور ودا زعلها أكتر لانها السبب وورد ملامحها باين عليها الخوف عليه جدا .. خلص وطلع تااانى بتعب ونور بتمسد على كتفه .. والدكتور بيتكلم .. 

الدكتور : انهارده بس ها تتعب جدا وتفضلو جمبه لو سخن تديلو من دا وبيكتب اسم البرشام .. اهتمو بالاكل لانه كبيررر فى السن والكسر دا ها ياخد وقت .. واه هاتو رجول الفراخ مع بصل كتير وطمام وتغلى لحد ما تتهرى ويشرب شربتها كل يوم مفيده جدا والكسر ها يلحم اسرع .. وانتى 

نور : نعم .. الكريم دا تجبيه وتدهنى وشك واعملى فيه محضر 

محى بتعب : فى ايه يا عم انت هو ماله مش طايقنى كدا ليه 😂😂 

الدكتور : قوم ياله وانشف شويه .. ونزلو وهما بيضحكو ومستغربين الدكتور .. 

محى : ما خلاص بقى .. انا مش ناقصكو .. ايه الدكتور دا دا ناقص يرمينى من الشباك وبيلف صباعه فى الهوا لا وبردو يحبسنى .. 

نور : هههههههه انت بركه  وورد ساكته وبتبص لمحى 

محى : مالك يا ورد 

ورد : الف سلامه عليك كيف ما بتجولو 

نور : يا حنين 

محى ابتسم : شكرا يا ورد  

نور : مين ها يبات معاك

محى : معايا ربنا 

ورد بجراءه : انا خيتى راح اجعد جاره 

محى اتصدم ونور : اوبااااا كدا خطر ومفيناش من الكلام دا 

محى : لا يا ورد عشان محدش يقول عليكى كلمه 

ورد : كيف وانت بهى الحاله .. ما بيهمنى 

نور : بس 

ورد بتصميم : خيتى انا كبيره وبعرف احافظ على شرفى هيك اتعلمت وانا بالصحرا لا حيطه ولا باب .. ما بالك وانا فى وسطيكم .. انظرى لحالة الرجال ما بيعرف حتى يساعد حاله 

محى : لا ما يغركيش دا انا جن بس انتى ادم مصممه ماااشى .. ممكن يا نور 

نور : محى انت عارف انه ما ينفعش بس رأفة بوضعك دا ماشى وها اتصل عليكى 500 مره فى الدقيقه وها تلاقينى فوق راسك فى اى وقت 

ورد بفرحه : ماشى خيتى وأما نوجا 

نور : ها اعمل ايه ها اخد علقه تانيه وحسبى الله والله اعلم اوعى تسيبيه يتغرغر بيكى

محى : خافى عليا انا دى قرده

 نور : روحت محى وجابو العلاج  ورجعت هى على البيت من تااانى .. طالعه لقت فى وشها سيف وابوها  وهما واقفين مع بعض وابوها بيترجى سيف ويقوله اوعى تقول لنور حاجه 

 💗💗💙💙💚💚

بقلم : لبنى طارق 

💗💗💙💙💚💚

شرسه ولكن ! 13 

*************

اللَّهُمَّ بِعِلْمِكَ الْغَيْبَ وَقُدْرَتِكَ عَلَى الْخَلْقِ أَحْيِنِي مَا عَلِمْتَ الْحَيَاةَ خَيْرًا لِي، وَتَوَفَّنِي إِذَا عَلِمْتَ الْوَفَاةَ خَيْرًا لِي، اللَّهُمَّ وَأَسْأَلُكَ خَشْيَتَكَ فِي الْغَيْبِ وَالشَّهَادَةِ، وَأَسْأَلُكَ كَلِمَةَ الْحَقِّ فِي الرِّضَا وَالْغَضَبِ، وَأَسْأَلُكَ الْقَصْدَ فِي الْفَقْرِ وَالْغِنَى، وَأَسْأَلُكَ نَعِيمًا لَا يَنْفَدُ، وَأَسْأَلُكَ قُرَّةَ عَيْنٍ لَا تَنْقَطِعُ، وَأَسْأَلُكَ الرِّضَاءَ بَعْدَ الْقَضَاءِ، وَأَسْأَلُكَ بَرْدَ الْعَيْشِ بَعْدَ الْمَوْتِ، وَأَسْأَلُكَ لَذَّةَ النَّظَرِ إِلَى وَجْهِكَ وَالشَّوْقَ إِلَى لِقَائِكَ فِي غَيْرِ ضَرَّاءَ مُضِرَّةٍ وَلَا فِتْنَةٍ مُضِلَّةٍ، اللَّهُمَّ زَيِّنَّا بِزِينَةِ الْإِيمَانِ، وَاجْعَلْنَا هُدَاةً مُهْتَدِينَ

💗💗💗💗💗💙💙💙💙💙💚💚💚💚

نور طلعت وبتقرب وقلبها بيدق بشده مش عارفه اذا كان ممكن تتحمل حاجه تانيه من ناحية ابوها والا لاء .. معقول متورط فى حاجه .. بقت قصادهم وعيونها فى عيون ابوها ومسهمه   

سيف : ايه الاصابات دى مين الهمجى الا عمل كدا 

حمدى عيونه بعدت عن عيون نور ولف وشه بإحراج من نفسه ما اتصورش انه اتغابى على بنته بالشكل دا .. وسيف بعد نظاراتهم لبعض فهم .. 

نور بجمود : مش مهم مين عمل كدا المهم عايزا اعرف فى ايه وليه واقفين هنا ومش عايزنى اعرف ايه بالظبط 

سيف : ها تعرفى لما تيجى معايا على القسم .. وانت كمان اتفضل قدامى وكويس انى قابلتك هنا وبيكلم حمدى برسميه جدا 

نور بقلق على ابوها : احنا متهمين وإلا ايه 

سيف : والدك هو المتهم مش انتى .. اتفضلو لانك طرف فى الموضوع  والباب اتفتح وكانت سلوى لما سمعت صوت نور والجدال لبست اسدال وخارجه .. واول ما شافت سيف شهقت .. وسيف شبح ابتسامه ظهرت على وشه وعيونه ما اترفعتش عنها

سلوى : نور .. عمو حمدى واقفين كدا ليه 

نور : مفيش يا سلوى ادخلى جوا 

سلوى  ونظرها متعلق بسيف وخايفه يكون ها ينفذ تهديده لها وبتتكلم بصوت مهزوز: مش ها تدخلو 

نور : لا احنا رايحين القسم عشان فى تحقيقات .  ابقى بلغى نوجا إن شاء الله لو مفيش حاجه ها ارجع على طول 

سلوى : يعنى ايه لو مفيش حاجه  وورد مش لقياها ودموعها نزلت والرعب ملاها من كل حاجه .. مش عارفه انا قلقت  عليكو قوى ها اقول لماما ايه 

نور قربت عليها وحضنتها وبتمسد عليها : ورد معايا يا قلبى ما تقلقيش كنتى نايمه وصعبتى عليا وما صحتكيش المهم ها انزل دلوقتى ولما اجى نتكلم تمام  ياله ادخلى .. سيف واقف نظره وقلبه اتعلقو بواحده شبه الاطفال فى برائتهم .. معقول لسا فى بنات كدا .. طول الطريق وهو ماشى بيفكر فيها وبيلوم نفسه .. دى زى ما بيقولو عليها خااام ورقيقه جدا .. مش مصدق ومش قادر يصبر عايز يقرب ويكلمها ويفهمها عن قرب  .. وصلو القسم ودخلو مع بعض .. وبدأت مواجهه ناريه بين الكل سببها سيف

  سيف واقف وايده الاتنين على المكتب .. وسامى وحازم وصلو المكتب هما كمان .. وحمدى واقف ونور قلبها خلاص ها يقف حاسه ان فى حاجه كبيره ومش مستوعبه تفكيرها معقول ممكن يكون هوووو ؟! 

سيف : طبعا يا انسه نور انتى المقصوده من دا كله فى البدايه عشان كدا ابوكى كان بيتراجانى انى اسكت وتخرجى برا الموضوع 

حازم انتبه للكلام وبيبص على نور وحس بخنقه غير طبيعيه من منظرها وايه عمل فيها كدا معقول عايشه حياه صعبه كدا  .. اضطر يكون ساكت و مستمع وبس يمكن يفهم .. وسيف كمل كلامه 

سيف : وطبعا كان المهندس حازم برا الليله دى بس سامى دخله عشان حب يكبر الاتفاق الا بينه وبين ابوكى ويبقى الموضوع بجد ولحسابه الشخصى 

نور بصت لابوها وهو بيهرب منها .. وبعدين بصت لسيف بأستفهام  وبصوت محشرج : بمعنى 

سيف : بمعنى ان ابوكى اتفق مع سامى يعمل إلا عمله   

نور رجليها خانتها وقربت على المكتب وقعدت  على الكرسى واثار الصدمه والمفاجأه على وشها : ايه مصلحة ابويا  يسرق ماله  وايه دخلنى  

حمدى بأعتراض : انا مش حرامى .. قدرتى تطلعيها من بوئك بعد العمر دا كله .. بحسب تقطعى لسان الا يقولها علياااا وبتريقه يا سندى .. يا رجلى 

سيف باعتراض : اتفاقك دا ايه غير السرقه وبردو عايز افهم كلمتك بحمى بنتى  ؟ 

حمدى قرب على سااامى وشده بعنف : انا اتفقت معاك تضرب السواقين وإلا وهما فى الاستراحه تاخد العربيات منهم ... و يومين تلاته وترجعهم تااانى .. انطق يالا 

نور : طيب ليه .. قولى انت 

حمدى : عشان انا عايز كدا محدش يسألنى مالى وانا حر فيه.. وبيبص لسيف اتراجيتك ما تقولش قدامها .. وبهستريه  مسك سامى وانت انطق دا إلا حصل وإلا لاء 

سامى بخوف منهم كلهم هو ها يروح فين وسط دول : ايوا 

حمدى : ليه عملت كدا 

سيف : عمل كدا عشان صاحب المال سمح له بالسرقه وخطط .. سهلت له الغلط وانت مشارك معاااه ودا بأعتراف منك .. 

نور بعياااط شديد وبتوطى راسها بين رجلها لدرجه ان عروق وشها ظهرت .. وبتقول بصوت مسموع : لا .. لا .. لا .. لا  

حمدى راح قعد على روكبه قدامها وماسك راسها بيرفعها وبيحضنها ودموعه نزلت لاول مره يبان مكسور قدامها : اسمعينى عملت كدا عشانك انتى .. اوعى تقهرى نفسك .. انا مش زعلان ولو ها اتحبس ولا يهمنى  ولو ها تفهمينى كنت قولتلك  

حازم : لحظه كدا انت وبنتك ونور رفعت وشها وعيونها حمرا دم .. انا وامى إلا ما اعرفش عنها حاجه وسمعتى إلا ضاااعت وبقيت حرامى بين المهندسين .. دا مين السبب فيه ورميتى وسط مجرمين هنا الايام الا قضتها وانا كبش فدا ليكو كلكو  

سيف بيشاور على سااامى : هو السبب .. لانه طمع فى الليله وقالك ايه الفتافيت إلا ها أخدها من حمدى ..  وبيفتح ايده وبينزل براسه شويه ورفع حواجبه   .. لا اخد أكبررر واعمل فيلم كدا لو اتكشفت الاقى كبش فدا وكنت انت طبعا وبيشاور على حازم  وصورك فعلا وانت مش واخد بالك وبيفك فلوووس وهئ الفديو وكأن فى اتفاق بينكم .. ضربو السواقين وهما حاليا بين الحياه والموت وخد العربيات وكان ها يبيع كل الخامات والمعدات ويقطع العربيات ويبعها هى كمان ودى بقى ضربة العمر زى ما هئ له الشيطان إلا مش فاهمه انت وبيشاور على حمدى 

حازم : قبل اى حاجه  وجهه نظره لنور وحمدى .. انا مش مسامحك لا انت ولا بنتك إلا نطت فى حياااتى ومن وقت ما شوفتها ماشوفتش يوم عدل .. وصدقنى أمى لو جرالها حاجه ها انتقم منكم اشد انتقااام لان اظاهر كدا ان بنتك طالعلك فى كل عمايلاها كنت دايما مدايق منها بس بعد ما شفتك والله لها عذرها 

سيف ؛ ممكن تهدى 

حازم عروق وشه اتنفضت وبيتكلم بغضب مكتوم  : انت شايف ان الامر بالبساطه دى .. اقعد هااادى واتفرج على الدراما إلا بتحصل هنا كتيررر

نور قامت وبتستجمع قوتها وقربت على حازم لدرجه ان مفيش فاصل بينهم وعيونها فى عيونه : اعلى ما فى خيلك اركبه .. وابووويا مش ها يقعد ليله واحده فى الحبس  .. وبتستفزه أكتر .. هو دا مكان أمثالك والطبيعى ليك أصلا وليا الفخر انى طالعه لابويااا لو دا ها يدايق انسان مريض زيك 

حازم بدء يتعصب جااامد وسيف وقف بينهم 

سيف بتحذير : انسه نور احترمى المكان إلا انتى فيه وياريت  تلتزمى حدودك 

نور : حضرتك سمعه الكلام دا قبل ما تسمعهولى 

حازم : انتى واحده راسها ناشفه وها يجى اليوم وأكسر دماغك الف حته واعرفك ان فى فرق بين الراجل وبين إلا زيك .. واعلمك تتكلمى ازاى وبيهز راسه دا وعد افتكريه عشان ها أكون كابوس حتى فى أحلامك يا نور 

نور ضحكت بسخريه من كلامه وسقفت وبتشاور بصباعها : فاكره ومستنيه اوعا انت تنسى وبغمزه اوكى  وحازم نفسه يطولها وصلته  لمرحله فعلا انه عايز يكسر دماغها 

حمدى اتدخل هو كمان  : انت فاكر نفسك مين عشان تتكلم على بنتى كدا 

سيف ضرب بايده بقوه على المكتب وبتحذير : قسما بالله لو نفذ صبرى لارميكم كلكم فى الحبس انا بعرف اتمالك نفسى كويس بس لو استمرت المهزله دى ها اوريكو ال عمركو ما شفتوه .. ممكن تقعدى 

نور : انا عايزا اعمل تليفون 

سيف شاور بعصبيه بايده على برا : اتفضلى .. 

نور خرجت وبتحاول تمسك نفسها من العياط واتصلت على المحامى ووصل بعد ربع ساعه وهما فى جدال بينهم ومازال التحقيق مستمر .. وبعد فتره كبيره تم اخلاء سبيل حازم  .. واخلاء سبيل حمدى  بعد ما اتدخل المحامى وقال هو حر فى ماله وبرر انه عمل كدا عشان  فى مشاكل فى فرق السعر وانه كان ها يبلغ الشركه ويبلغو السواقين يروحو وما اتوقعش ابدا ان ممكن سامى يخطط للسرقه والقتل ابدا  واعتراف سامى على نفسه اكد دا ...  وخرجو كلهم وسيف حاول يساعد حازم فى موضوع والدته بس للاسف ما وصلش لحاجه .. 

**************

حازم وصل الشقه وبيدور عل  والدته فى كل الاوض وقعد فى الاخر مسك صوره بتجمعهم ببعض ودموعه نزلت لوحدها وكانها كان نار محبوسه جووواه نفخ كذا مره ورا بعض وبيكلم نفسه : يارب تكونى بخيررر اوعى تسيبينى .. انتى عارفه انى من غيرك ولا حاجه يا أمى .. الدنيا عندى فى كفه وانتى فى كفه .. وبيرفع راسه يارب تكونى بخير يارب .. ونزل ما فكرش ياكل ولا يغير خد صوره وراح كل الاماكن وبيسئل عليها فص ملح وداب .. رجع الشقه خد شاور وغير هدومه وقعد مهموم وفى جبل على صدره مش قااادر يتنفس .. فتح الفيس ونزل صورتها وبدء يعلن عن اختفائها على صفحته هو .. بيتصل على رامز ما بيردش عليه ولاحظ الموضوع دا لانه اتصل قبل كدا .. وقال يمكن عنده ظروف ومش عارف يرد  دخل اوضتها ونفض السرير تنفيضه سريعه ونااام عليه وغرق فى النوم 

*********************

سيف روح البيت عشان ما يزعلش أمه  دخل سلم على والدته ووالده.. 

ساميه : ايه التأخير دا يا سيف .. طنط منيره وصافى اتصلو علينا كتيررر يابنى 

سيف بيبص لابوه : ماتنقذنى يا باشا من الخروجه دى 

ساميه بتزقه على اوضته : ادخل غير بلاااش دلع .. 

خالد قرب عليها : إلا ها تعمليه ها يزعله مننا هو مش عيل صغير 

منيره : اسكت انت يا خالد واطلع منها .. ابنك غلبنى ونفسى أفرح بيه بكرا يعرف اننا عملنا الصح 

خالد : افرحى يا منيره بس مش بالطريقه دى .. وبعد شويه خرج سيف اخر شياكه وريحة برفانه ماليه الشقه .. ساميه قربت بفرحه حضنته وباسته وبتقول الله أكبر .. الله أكبر 

سيف : 😂😂😂 هى مالها كدا ياحج وبيشاور على نفسه مش جديد عليا يعنى الشياكه

خالد : ههههههه مبسوطه بيك ولسا ها تبسطك 

سيف خد ابوه تحت دراعه  وبهمس : بالله عليك الحوار تدبيسه والا غدا وقعده 

ساميه من وراهم  : كفايه رغى اتفضل انت وهو قدامى .. ونزلو وصلو شقة منيره .. رن الجرس ومنيره فتحت وبعد ما رحبت بيهم والابسامه ماليه وشها ..وشكلها ما ريحش سيف ابدا حتى مامته متزوقه زياده غير الطبيعى .. واول ما صافى خرجت احساسه انه بيدبس بقى يقين لانها بتقابلهم بفستان سواريه .. وقفت سلمت عليهم وبعدين قربت من سيف قوووى وحطت ايديها فى ايده وشدته وراحت قعدت على الكنبه 

صافى بفرحه : اخيرا يا سيف .. انا مبسوطه قوووى 

سيف سحب ايده منها : يارب دايما بس ليه دا كله 

صااافى بدلع : انت بتهزر بقى .. دا اجمل يوم فى عمررى .. والا ايه يا ماما 

منيره : طبعا يا حبيبتى  .. وبتبص لخالد وساميه تحبو نقرى الفاتحه ويلبسو الدبل قبل الغدا وإلا بعده والكلام نزل زى الصاعقه على سيف وبيبص لوالدته ووالده بمعنى ايه الكلام دا .. 

ساميه بهروب من سيف طلعت علبه فيها خاتم ودبله لصافى ودبله لسيف .. بصى يا منيره ذوق سيف يجنن ازاى  .. يلبسو الدبل الاول ويتغدو براحتهم مع بعض 

منيره بفرحه : الله على الجمال .. بصى يا صافى 

صافى ماسكه فى دراع سيف : الاجمل يا مامى انى ها ارتبط بسيف هو اغلى عندى من كل دا .. 

خالد زق سيف فى رجله وبيرفع ايده : الفاتحه للنبى .. وقرو الفاتحه ماعدا سيف إلا قاعد يتفرج عليهم بصدمه وصمت 

منيره : ياله يا حبيبى 

صافى باستغراب : مالك يا سيف انت مدايق والا ايه 

سيف : ها .. لا ابدا .. ومسك الدبله ما قدرش يحرج امه وابوه  ولبسها لصافى وبعدين الخاتم .. وجت تلبسه الدبله خدها ولبسها هووو وقاام مره واحده بعد اذنكم وريااا مشوار مهم 

منيره : مش ها تتغدى مع عروستك يا بنى 

سيف : اسف يا طنط فى مشوار ضرورى والله  وسابهم ومشى تحت اسغراب صافى ومنيره وقلق خالد وساميه من رد فعله 

*******************

ورد واقفه فى المطبخ وبتعمل أكل زى اللى اتعلمته مع نوجااا وسلوى .. خلصته ودخلت لمحى الاوضه وقبل ما تدخل خبطت 

محى : ادخلى يا ورد .. ودخلت ووشها فى الارض وحطت الصنيه قدامه .. شكرا ياورد مش عارف اقولك ايه 

ورد : لا تحكى ولا تشكرنى على واجب بيناتنا .. اتفضل انا مابعرف اعمل اكتر من هيك  لأكلكم 

محى بص للصنيه وضحك : المفروض ان دى بطاطس 

ورد بأبتسامه : ايه شو رايك 

محى : تسلم ايدك رغم انى مش مرتحالها  

ورد : مد يدك بلا دلع ماسخ .. حمرت إلك فلاليفله .. وهاد بيض 

محى تنح : دا بيض .. دا معجنه وربنا   ما عرفته انتى عملتى فيه ايه 

ورد :  جلبته وضليت اجلب بس ما عطرت بالدهن  فا عملته بالزيته 

محى : ههههههه .. طيب ها اكل بس بشرط .. تاكلى معايا انا معنديش استعداد يجيلى تلبك معوى لوحدى .. اقعدى هنا 

ورد : بأكل بعد ما بتاكل 

محى : عيب يا ورد اقعدى وقولى بسم الله .. وقعدت باحراج وبتاكل 

محى : قوليلى مبسوطه هنااا .. والا عيشتك الاول أحلى 

ورد بحيره : ما بعرف .. بس اتوحشت الخيل جوى والحريه فى ارض لا تجيب اولها من أخرها بعيونك .. وبتحرك ايديها يمين وشمال .. هاى عيشه وهاااى عيشه والفرق بناتهم متل السما والجرض  

محى : طيب انتى نفسك تكملى هنا والا ترجعى  تااانى 

ورد : ما بدى ارجع وبدى ارجع .. انا ها الحين مخربطه ما بعرف  بدى ايش .. صعيب عليك تهجر أهلك وناسك وما تحن ولا تشتاج إلهم 

محى : عارفه كل كلمه انا حاسس بيكى فيها .. لانى اول مره سيبت اهلى واترميت فى الصحرا  شغل كان احساسى وحش قوووى مهما كان حوالكى ناس كتير  بتحسى بالوحده .. الغربه فى كل الاحوال سواء جوا البلد او برا صعبه .. بس دلوقتى 

ورد ابتسمت : ايش احساسك ها الحين بعد ما اتعودتت

محى ضحك : جبله .. تسمعى عنهم .. انا بقيت زيهم وامى كانت تعيط وتتصل خمس تلاف مره دلوقتى بتتصل كل اسبوع تشوفنى عايش والا ميت هههههه امى وابويا بقو جاحدين وبيعيط عياط مصطنع 

ورد : ما تزعل  واضح عليك إكتير  .. تاركين هالبيت الواسع وبتضل انت لحالك برغم حالتك هاااى وما حدا فيهم سائل بيك يا جلبى عليك 

محى بأستعباط بيقرب يحط راسه على صدرها وبيهز راسه : ايوا انا محدش حاسس بيااا يا قلبك وطيابته 

ورد زقت راسه وقااامت : جنيت يا محى .. راح اضربك وأكسر راسك هاااى مليها شووو وبتخبطه على راسه تعابين وعجارب  وشالت الصنيه وسابته ودخلت المطبخ 

محى : أما انك عقربه صحيح انا إلا راسى مليانه تعابين وعقارب وإلا لسانك .. لسانك دا يتفاتلو بلاااد يا ام العيون فتاكه  .. مالك يا ورد قولتيلى ماحدش سائل فيك قولتلك اه .. تقومى انتى كمان تقلديهم عينى عليك يا محى وبيعلى صوته  وعلى بختك المعقرب 

ورد دخلت عليه : مابدى اسمع صوتك واتحشم  وبتحذير وبتهز صباعها .. فاهم وإلا مو فاهم 

محى بمكر : مو فاهم

ورد : ايش يعنى ما راح تتحشم وتصير مأدب يا محى 

محى : بقولك ايه تعالى اقعدى وبطلى تقفيل مخك عايز اتكلم معاكى وبيرفع ايده مش ها ادايقك اهووو 

ورد قعدت بعيد عنه بشويه : سامعتك جول 

محى : ها تتعلمى والا ها تستلمى وتكبرى دماغك

ورد سرحت وكانها شايفه دنيا بعيده عنها بتتمنى وبتتخيل وبدأت تتكلم : من زمان كتير بدى هالدنيااا والعلام واصير متل ما اسمع عنكم حلم بعيد عنى ولما يجرب ابعد عنه ليش وبفرحه فى عيونها بتعرف سلوتى بتعلمنى كيف اجرى وأكتب فرحت كتيررر وراح اكون اد حالى وضحكت متلك يا محى 

محى عيونه بتضحك قبل شفايفه :  بحب انا روح التحدى والعزيمه برافووو عليكى انا لو قاعد اجازه وتمام كنت ساعدتك على فكره 

ورد مدت شفايفها وبكشره خفيفه على وشها : إبتفتكر راح أكمل  

محى : انا متاكد انك ها تكملى وها تبقى حاجه كبيره إلا لو قيبلتك قفشوكى وقعتك ها تبقى ماندله ها نجيبك اشلاء بعد ما يفجروكى 

ورد ضربته على ايده : بتخوفنى ليش والله اتركك وارحل من هون وزعلت وكشرت خالص 

محى ابتسم : دا انا اقتلهم لو فكرو يجو جمبك مجانين هما والا ايه 

ورد ابتسمت : ايه والله 

محى بيغنى لها واتنحنح الاول وهى بصتله باهتمام : تقدر تطير  من غير جناحات وإياك  تقول ما خلاص الوقت فااات شوف الجايات وانسى الرايحات حبة طموح وها تعمل معجزات ... هو طموحك وانسى كل الا ممكن يعطلك وانتى تبقى انسانه جديد زى ما كنتى بتتمنى وحافظى على كيانك 

ورد : طيوب كتير انت يا محى 

محى شد ايديها : طب ايه بقى خليكى حلوه 

ورد شدت ايديها ومسكته من شعره : كيف بتعامل مع هاى الدماغ الفلاتنه والله بجتلك 

محى : شعرى نعكشتيه يا اشواك الخريف  ولسا ها يتكلم سمع حد بيفتح الباب .. وظهر صوت أمه وابوووه 

💗💗💙💙💚💚

بقلم : لبنى طارق 

💗💗💙💙💚💚

شرسه ولكن ! 14

************

اللَّهُمَّ إِنِّي أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ، لَا أُحْصِي ثَنَاءً عَلَيْكَ، أَنْتَ كَمَا أَثْنَيْتَ عَلَى نَفْسِكَ

اللَّهُمَّ إِنِّي أَعُوذُ بِكَ مِنْ جَهْدِ الْبَلَاءِ وَدَرَكِ الشَّقَاءِ وَسُوءِ الْقَضَاءِ وَشَمَاتَةِ الْأَعْدَاءِ

💗💗💗💗💗💙💙💙💙💙💚💚💚💚

ورد : يا فضاحتى .. يا فضاحتى .. اعمل ايش يا محى وجعتك ماندله يا ورد عايفهموكى كيف ما بدهم يا ورد 

محى بيشاور بايده : انزلى تحت السرير بسرعه 

ورد : ادخل كيف النمل ما بيدخل جحره يا ابو عجل تاخين  .. ادخل إمنين 

محى ضرب اورته بايده : اخ صحيح ها تنزلى تحته ازاى مش كانو سابو السراير زى ما هى اهو لها عوزه .. اجرى على الدولاب استخبى فيه فى ام الليله دى  وورد جريت دخلت الدولاب وقفلت على نفسها .. ابوه وامه دخلو اوضته لما لقو نور الشقه منور ونور اوضته 

أمه بشهقه وبتخبط على صدرها وقربت قعدت جمب محى : يا حبيبى مين إلا عمل فيك كدا 

ابوه : مالك يا محى وقعت من فوق الكوبرى والا ايه يابنى 

محى عيونه على الدولاب وشايف الباب بتاع الدولاب بيتحرك .. فا اتكلم بصوت عالى : اه .. وقعت وبيبص لامه وبصعبنيه .. اتكسرت يا ماما .. اتكسرت 

أمه : قلب أمك يا حبيبى 

محى : خرجونى برا الاوضه دى تعبت منها  وانا تعبااان .. لا انا سخن حتى شوفو 

ابوه قرب عليه وحط ايده على اورته وضربه ضربه خفيفه : دا انت متلج .. سخن فين 

محى : يبقى بخرف .. وبيعيط بإصطناع : شكلى  ها اموت يا ماما  ودى تخاريفه

امه : بعد الشر يا محى يا ابن عمرى اوعى تقول كدا  .. سنده معايا يا راجل نخرجه برا الاوضه  صحيح كاتمه عليه .. وبيقومه ومسندينه الاتنين .. والدولاب اتفتح و ورد وقعت على وشها فى الارض مغمى عليها لانها ما بتتحملش الاماكن المغلقه .. وابو محى وامه سابوه مره واحده وقع جمبها لما اختل توازنه لانه كان ساند ومحمل عليهم .. وواقفين فى حالة ذهول .. محى بيوطى براسه ومقرب ناحيه راس ورد وبيغمض عين وبيفتح التانيه.. موتى وودتينى فى داهيه يا ناصحه يا ذكية عصرك واوانك طب اصبرى لحد ما اخرجهم   ورد انتى يابت وبيزقها بايده

ابوه : انت بتجيب بنات الشقه يا محى ومأضيها  وانا مستحمل وبوذى فى بوذ أمك لما جابتلى لومباااجووو وصداع نصفى 

امه بتشاور على نفسها  : انا جبتلك لومباجو يا محمود.. وكمان صداع نصفى .. وانت جبتلى ايه هاااا .. أعدلك 

محمود  : جبتلك ايه .. السعد والهنااا وستتك فى بيت 3 مطارح وصاله ومهندس اد الحيطه وبنت تتشرح لها القلوب يا فوزيه 

فوزيه : اه ومين إلا فضل جمبك لحد ما عملت دا كله والا عيالك انت الا حملت وخلفت وربيت وجريت واسكت يا واد واسكتى يابت وذاكر يا منيل وذاكرى يا زفتة الطين .. انت 

ورد فاااقت واتعدلت وماسكه دماغها وقاعده جمبه محى على الارض .. 

محى بيشاور وبيضحك : ابويا وأمى .. ريحى شويه لسا بدرى على الخناقه ما تخلص اصل انتى عارفه التعليم طولة باله لازم يعيروكى من يوم اتولدى لحد ما سيبتلهم البيت ومشيتى وممكن بعده 

ورد : عجلهم إصغير وانا اجول طالع لمين يا ابو عجل تخين  

محى : اصبرى وانتى تعرفى انى سيد العاقلين .. وابوه انتبه هو وامه لورد ولفو الاتنين وبيبص لهم  .. محى بيضحك وبيشاور على ورد .. اعرفكم ورد

  

محمود بابتسامه ومد ايده : اهلا يا ورده فى البستان .. وجودك هنااا ياحبيبتى اسمه جنان .. جايه منين وبيشاور بايده على برا وراحه لفين يا نور العين 😂😂

محى ضحك بصوت عالى ولف براسه لورد : ابويا شاعر العاميه محمود عبدالله مرزوق على الله  

ورد اتعدلت ومدت ايديها : أهلا يا عمى ومراحب ... وراحه لأم محى اهلا يا خاله كيفك .. وفوزيه مش عايزا تمد ايديها .. ورد شدتها وسلمت عليها إكده السلام يا خاله اكده

فوزيه : مين دى يا محى .. دانهارك مش ها يعدى يابن  محمود 

محمود : ابنى لوحدى دا يا فوزيه ما انتى كنتى حامل فيه من شويه .. خلفتك السودا وبيشاور على محى إلا جايبلنا العار 

😂😂😂 

ورد : يا خاله .. يا خاله 

فوزيه : اوعى كدا .. انت عايز ايه دلوقت يا حودا 

ورد : يا عمى .. ياعمى 

محمود : لو سمحتى ما تدخليش بينا يا ورد وبيزقها ناحية محى .. روحى للفاشل ابنى وسيبينى لمراتى ..

 

ورد لفت لمحى وبصوت عالى : جوم من الجرض أما انكم عيله طاجه صحيح 

محى : لا يا ورد انا ما اسمحلكيش ابدااااا .. هاااتى ايدك .. وورد سندته .. ياله نخلع بقى  وطلعو على الصاله وقعدو على الكنبه وبعد ما ابوه وأمه خلصو خناق طلعولهم .. 

ورد ؛ جولتلك اضرب لنور رنه خليها تاااجى تاخدنى 

محى : انا ضربت التليفون قدامك كام مره 

ورد : كاتير 

محى : جت 

ورد : لاه 

محى : يبقى اعمل ايه تانى 

ورد : يابو مخ تخين .. اضرب الرنه عشان تاااجى تاخدنى .. هو انا جولتلك اضرب التليفونه

محى : طب التليفون ها اعرف اضرب أمه .. انما الرنه ها اضربها ازاى يا ام مخ أتخن  وبيزق راسها بايده فكرى 

فوزيه : مين دى يا محى لا وقاعده وواخده راحتها ولا كأن البيت بيتها 

محى : ماهو يا ماما انا بحاول اوضحلك ولسا ما كملش 

محمود : انت اتجوزت من ورانا يا محى اعترف .. اتجوزت صح 

محى : يا بابا انا عايز اقول 

فوزيه : يا مصيبتى .. اتجوزت يا محى  وجايبها هنا بكل بجاحه .. وانتى 

ورد : نعم يا خاله 

فوزيه قربت عليها وبتشوح فى وشها وورد بترجع براسها لورا : خاله ايه وزفت ايه .. هان عليكى نفسك يا منيله .. بكرا يرميكى ويدور على غيرك مش رخصتى نفسك 

محى بصريخ : يووووواه .. فى ايه ادونا فرصه نتكلم .. نرد .. نقول حاجه للاخر انتو بتسئلو وتجاوبو على نفسكم ... انا ما اتجوزتش يا ماما .. انا ما اتجوزتش يا بابا .. دى ورد كانت هنا عشان  كنت تعبان وهى بتساعدنى مش اكتر .. هى مين وتبع مين قصه طويله عريضه مش وقتها .. خلاص

  

فوزيه : ما كلمتنيش قولتلى ليه وانا اجيلك ينفع انت وهى كدا لوحدكم الناس تقول عليا ايه 

ورد : خافى من ربك جبل كلام الخلج ياخاله .. وانا اخاف ربنا ما يهمنى حدا خجله ما دام هو يعلم الحجيجه

فوزيه : اصمالله عليكى يا ام لسانين  

محى : ماما ارجوكى هى مقالتش حاجه غلط ثم كمان   انا بقالى كام يوم ما اتصلتش بيكى 

فوزيه بعدم تذكير : مش فاكره 3 او 4 تيام 

محى : طيب انتو اصلا مش فاكرين انا اتصلت امتى ولا مهتمين عايزنى ازعجكم ليه بقى 

محمود  قعد جمب محى : معلش يابنى اختك كانت تعبانه واتلاهينا فيها والله 

محى : مش ها تفرق يا بابا .. اساسا بأختى من غيرها بقى الموضوع عااادى.. والصراحه زميل ليا وورد ونور تعبو معايا كتير .. وانا لسا مش مرتاح وتعبان جدا فوق ما تتخيل ولولا انى بتحمل كنت صرخت باعلى صوت وعيطت زى العيال 

فوزيه بزعل : انت زعلان منى يا محى 

محى بصلها وابتسم : انا اقدر يا زوزو .. تعالى وحشتينى انتى ومحمود .. وقربت عليه حضنته جااامد ومحى واخدها تحت دراعه .. زقته بخفه وبهمس 

فوزيه : مش ها تبطل شقاوه .. انت سيبت مصر وهاجرت برا وإلا ايه 

محى بنفس الهمس  : هههههههههه .. ايوا كفايه عليكو كدا هناااا 

محمود : وانتى منين يا ورد 

ورد : من قابيلة الهاشيمه  

محمود : بدو صح 

ورد : ايه يا عمى  

محمود  : وانتى ايه جابك هنا ليكى قرايب 

ورد وطت راسها وبصوت مكسور : أنا ما إلى حدا لا هون ولا إهناك .. يتيمة الاهل والجيره بس إلى ربنا وهاد احلى شى بالوجود 

محمود : كلنا أهلك يا بنتى .. ومتعلمه يا ورد 

ورد : لا ما عنا علام .. عنا قابيل بيتعلمو  احنا صعيب من شان بنتنجل من مطرح لمطرح وجوا بالصحارى

محى : ايه يا بابا خف شويه  على البنيه 

محمود : بندردش .. ما تقومى يا فوزيه غيرى وحضرى لقمه نأكلها انتى وورد 

فوزيه والحوار كله مش عاجبها وبصت لابنها ولجوزها وقااامت ... وبعد وقت نور عدت على ورد خدتها وروحت بعد ما محى اتصل عليها ورفضت تطلع عنده ..  

*****************

سيف فضل يلف بعربيته لحد ما وصل عند بيت سلوى وواقف بالعربيه .. ساعه عدت وهو زى ما هو واقف ما اتحركش  مخنوق ومدايق من كل إلا حصل إلا منعه ياخد موقف فى ساعتها خوفه انه يصغر ابوه وامه قدام اى حد مهما كان  .. بيدعى ربنا يشوفها ويكلمها عشان يعرف راسه من رجله ويحط النقط على الحروف .. ما بيطقش حاجه اسمها صافى وتدبيسه لازم يخلص منها 

سلوى نازله من فوق وماشيه على الرصيف ونظرها فى الارض وماشيه بالخطوه السريعه  ومش واخده بالها من سيف .. 

سيف اتحرك بعربيته : وبهمس هى راحه فين دى .. قرب منها  .. بسبس .. ومره يصفر وسلوى ما بصتش ناحيته ولا شافت مين ودا فرحه جدا  وهى اول ما حست بحاجه مش طبيعيه مدت خطوتها بسرعه .. وهو مكمل .. لما لاقها ها تلف .. سلوى 

سلوى لفت بوشها بتبص له وجسمها اتنفض اول ما شافته وبتقول بصوت هااامس يالهوووى 

سيف : ايه ها تفضلى باصه كتيرر تعالى اركبى اوديكى مشوارك ونتكلم 

سلوى بحده : لا 

سيف وقف العربيه ولسا ها يفتح الباب وينزل جريت على الباب قفلته .. وبترجى وخوف : والنبى ما تنزل 

سيف : 😂😂يابنتى بطلى شغل العيال الصغيره دا وببيزق الباب وهى تسند عليه بوسطها  وتزقه تقفله تااانى 

سلوى : خليك وأمشى 

سيف : والله ما ها أمشى من غير ما نتكلم .. لفى واركبى وابعدى عن الباب عشان لو زقته ها تقعى 

سلوى بصوت رفيع : مش ها ابعد .. الله يخليك أمشى 

سيف بيقلدها وبيضحك : مش ها أمشى .  الله يخليكى اركبى والله ما ها أكلك وها ارجعك كامله مش ناقصه حته .. وبيزق الباب وهى لسا سانده عليه وتزقه  . وسابته مره واحده وطلعت تجرى وهو نزل جرى وراها  ومسكها من دراعها وبيرجعها معاه تااانى .. تعالى جننتينى دا البنات بتتمنى  تكلمنى  اول مره اقابل واحده بتهرب من نفسها 

سلوى بخوف ورعشه : سيبنى يا قليل الادب ... سيبنى وبتهديد والله أضربك 

سيف بحده مزيفه : هشششش ما اسمعش صوتك فاهمه تضربى مين انتى هبله وبيأمرها اركبى  

سلوى بعياط : مش عايزا 

سيف فتح الباب وركبها : انا بعزم عليكى بالمون .. لو الشارع فى حد كان زمانهم اتلمو علينا  وركب جمبها وطلع بالعربيه بسرعه جداااا .. بيبص عليها لاقها مغمضه عيونها وانكمشت فى نفسها .. خرج برا المنطقه ولسا مكمل بعربيته وبدء يهدى بالعربيه شويه وطول الوقت  بيراقبها بنظراته من الوقت للتانى .. وقف على جمب الطريق وبهمس .. ممكن تفتحى عيونك 

سلوى فتحت عيونها براحه وبتبص حواليها وعلت صوتها 

سلوى : اعااااا خطفتنى يا سيف .. خطفتنى .. اهئ اهئ .. انا عايزا اروح أمى ها تضربنى 

سيف تنح : أمك ها تضربك .. سلوى انتى عندك كام سنه 

سلوى بعياط : 25 سنه وبتبص له وبتتشنهف .. ليه انت بتخطفهم بالسن 

سيف : 😂😂 انتى الوحيده إلا بتعرفى تضحكينى من قلبى .. انتى بجد .. يعنى المفروض انك انسه وكدا 

سلوى بتبص على نفسها وبتحلف : وربنا انسه   

سيف بهيام : وأحلى انسه كمان بس تبطلى شغل عيال 

سلوى : طب روحنى 

سيف : ها اروحك والله بس نتفق 

سلوى : اتفاق ايه 

سيف : نتكلم شويه ويبقى فى مكلمات بينا  اوك عشان محتاجك قوى الفتره دى تبقى جمبى عايز افهمك

سلوى بتهز راسها باعتراض : لا 

سيف : ليه طيب فهمينى انتى مش عايزا تكلمينى ليه 

سلوى : عشان ماما قالتلى إلا تكلم شباب تبقى قليلة الادب مش متربيه وبتجيب لاهلها الكلام

سيف هز راسه : تمام ماااشى .. طيب بالنسبه لنور بنت خالتك 

سلوى برقت عيونها وبصاله وفاتحه بوئها : انت عرفت انها بتكلم هانى وبتحبه وعايز يتجوزها 

سيف ضحك بصوت عالى وبيضرب ايده على بعض .. .. انتى مشكله .. فضحتى البنيه فى ثانيه 

سلوى : ايه دا انت ما تعرفش 

سيف : لا ما أعرفش بس خلاص عرفت 

سلوى : أمال مالها نور 

سيف مكمل ضحك : انتى خليتى مالها .. ما علينا انا قصدى انها بتتعامل مع رجاله وبتقف وسطهم وبتعمل شغل كبير تبقى قليلة الادب  

سلوى : لا طبعا انت بتقول ايه نور مش كدا الشغل حاجه وانها تكلم وسكتت 

سيف : كملى سكتى عشان هى بتحب وبتتكلم عادى بس فى فرق اكيد عامله حدود لنفسها الدنيا مش سايبه عندها صح وإلا غلطان

سلوى : صح 

سيف : تمام كدا اتفقنا .. انا عايز اقرب منك واعرفك أكتر .. هى دى كل الحكايه وبردو محتاج احس انك جمبى   وصلت 

سلوى : طيب وماما 

سيف بحيره : انا اسف يا سلوووى هو انتى بتمثلى الادب عشان مامتك .. لو انتى كدا ها تصدمينى فيكى .. المؤدبه وإلا عندها مبادئ هى كدا بمامتها او من غير مامتها 

سلوى ببرائه : ماما ها تزعل منى انا وعدتها انى عمرى ما اكلم شباب ابدا حتى لما كنت فى الكليه وسكتت مره واحده 

سيف بأستفسار : ايه حصل حاجه فى الكليه 

سلوى : تخيل  ماليش لا اصحاب بنات ولا ولاد  

سيف بعصبيه : وجايه تتفاجئ دلوقتى ... انتى فعلا انسانه غريبه جدا 

سلوى بزعل بان على وشها : انا عايزا اروح .. روحنى ارجوك 

سيف بحنيه وبيحاول يقرب ويفهم هى مالها ؛ ايه إلا دايقك كدا قوليلى وافتحيلى قلبك صدقينى مش ها تندمى .. 

سلوى بعياط : مش ها اتكلم وبتهز راسها  وحطت ايديها الاتنين على وشها  سيبنى فى حالى انا مش عايزا اعرفكم .. 

سيف لف بجسمه لها ومسك ايديها الاتنين ونزلهم وطلع منديل وبيمسح دموعها ولسا ماسك ايد من ايديها .. شكلك عانيتى كتير فى حياتك .. قربى منى ومش ها تندمى دا وعد وبيتكى  على ايديها شويه وكأنه بيطمنها 

سلوى بصاله وساكته وعيونهم اتقابلت لاول مره بنظره طويله  سيف حس انها بتخطفه لدنيا مختلفه بعيده عن كل إلا يعرفهم او عرفهم اخيرا صوته الهامس طلع واتكلم بنظرة محب : تعرفى ان كل ما ابص فى عيونك بشوفنى اسير جواها مسجون مملوكش اخرج ولا اتحرر عملتى فيا ايه وليه مشدود ليكى قوى  رفع ايده بتلقائيه إلا ماسكه ايديها وبيقربها من شافيفه .. وهى مغيبه معاااه .. ولسا بيقرب ايديها لشافيفه وعيونه متعلقه بعيونها .. ومره واحده حس بخبطه كبيره والاتنين من رد فعل الخبطه خبطو فى الطبلوه بتاع العربيه وسلوى فى اللحظه دى  فاقت و شدت ايديها من سيف .. وسيف بيبص لورا وفتح الباب  بعصبيه ونزل .. اتخانق هو وصاحب العربيه التانيه 

سلوى بتبص عليهم : ياربى .. ياربى .. ها يضربه وها نروح القسم   اهرب فين وعماله تلف بعيونها .. اروح فين يارب 

 سيف ركب تااانى وبيتكلم بعصبيه .. راجل بجح وماعندوش دم .. بيخبطنى وبيزعق كمان   عارفه انتى لو مش معايا كنت عرفت وسكت .. ايه دا هى راحت فين دى كمان ونزل بيبص على الطريق مش شايف حد .. ركب العربيه تااانى ولف بجسمه بيبص ورا .. لقاها نايمه فى دواسة العربيه من ورا .. حط روكبه على الكرسى وميل بجسمه وماسكها من كتافها .. وبيقومها 

سلوى رفعت راسها : ضربوك والا لسا  سيبنى استخبى لحد ما يخلصو ضرب 

سيف : 😂😂😂 والله ها تجننينى معاكى .  اتعدلى انتى جبانه كدا ليه .. بتخافى من خيالك 

سلوى اتعدلت وبتنزل ايد سيف .. وسيف نزل ايديها وشدها عليه جااامد .. 

سيف : بطلى خوف وجبن انتى ها تبقى معايا وجمبى وماينفعش خالص تفضلى مرعوبه كدا من اى حاجه وكل حاجه 

سلوى بتهز راسها : حاضر 

سيف سابها واتعدل خلاص مش قادر يتمالك نفسه فى وجودها  .. وبيكلمها رسمى .. اطلعى اركبى قدام  .. ونزلت وركبت جمبه وهو ساق العربيه وراجع بيها  

سيف : كنتى راحه فين 

سلوى : كنت راحه الصيدليه 

سيف : ليه تعبانه من حاجه 

سلوى : روحت كشفت عشان طالعلى تحت عينى نفاخيخ 

سيف ضم حواجبه وابتسم : نفاخيخ ازاى 

سلوى بتشاور تحت عيونها : قصدى نخافيف .. لا لا .. خنافيف توء اسمها ايه اتلخبطت وكانها افتكرت .. اه نخانيخ .. لا 

سيف : اسكتى .. لاء اخرسى .. لا ما اسمعش صوتك .. المهم عايزا تروحى الصيدليه عشان الخفافيش إلا طالعه فى وشك  

سلوى : لا نفاخيش  

سيف : وانتى روحتى لدكتور نفاخيش واالا دكتور نخافيف

سلوى : دكتورة جلديه 

سيف : أمسكى فيها بقى .. جلديه ليه 

سلوى : اصلى بقوم من النوم بلاقى  وبتعمل علامه  كوره بصوابعها  نوفخه هنا وبتشاور على جفون عيونها  ونوفخه هنااا 

سيف : هههههههههه نفافيخ  وبيكمل ضحك جفونك منفخه يعنى .. طيب هى مستهله ما كلنا بنقوم من النوم  كدا  بس انتو بتحبكوها حبتين 

سلوى : انا بدايق من شكلها .. فا كشفت عشان تروح اصلها بقت تطول عندى 

سيف بغمزه : احبك وانتى واخده بالك من نفسك .. ووقف هاتى الروشته 

سلوى : انا ها انزل اجيب 

سيف : هاتى يا سلوى وياريت تسمعى الكلام .. هاتى .. ومد ايده خد الروشته ونزل جاب لها العلاج وركب تانى وصلها ولف روح وهو سعيد جدا ومبسوط عكس ما كان 

****************

نور وقفت قدام البيت بالعربيه لقت هانى منتظرها نزلت قربت عليه وورد واقفه مستنياها ومن غير سلام  : ايه جابك هنا يا هانى 

هانى : ايه دا يا نور .. مين ضربك 

نور : مالكش دعوه 

هانى : ابوكى صح .. انا مش عارف الراجل دا جنسه ايه 

نور بتحذير : قولتلك لما تتكلم على ابووويا .. وحط تحت ابويا دى الف خط تتكلم بأدبك فاهم .  ايه جابك 

هانى : ماشى يا نور انا ها اصبر لحد ما تبقى بتاعتى وفى بيتى .. انا عايز خالتك عشان مش قادر اصبر أكتر من كدا 

نور : ليه ان شاء الله ها تعمل ايه ها تتجوزنى غصب عن ابويا 

هانى : يمكن تأثر عليه مش بقول غصب انا بقيت معيد فى الكليه وبشتغل 

نور : ولو قولتك اصبر .. وانا مش فايقه للكلام دا .. ممكن نأجل كلامنا وقت تانى 

هااانى : يعنى ايه خدى هنا ومسكها من دراعها .. انا عايزك انتى فاهمه يعنى ايه .. يعنى خلاص فاض بيا 

نور زقت ايده بعنف وبتحذير ولهجه شديده : قولتلك قبل كدا لو ايدك اتمدت عليااا ها اقطعهالك ياهانى .. اتفضل أمشى 

نور : خلاص ما تقلبيش وشك .. انتى عارفه ان زعلك غالى عليا .. بس المره دى مش ها أسمع كلامك وسابها وطلع على فووووق ورن الجرس ونوجا فتحت لقت هانى فى وشها ونور وراه 

نوجا بتبص لفوق : كدا كتير يارب  اخلع ام الباب دا يمكن اتنحس .. كتير والله عمايلهم .. ايه يا نور 

نور :  والله مليش يد فيها 

نوجا : نعم .. عايز ايه ومين حضرتك 

هانى مد ايده وابتسم : اعرفك انا هااانى .. ممكن اتكلم معاكى شويه 

نوجا : اتكلم يا هااانى اتفضل 

نور بتخن صوتها  : خالتى طريق الله يسترك ودخلو ورا بعض ووراها ورد ونوجا مسكتها من قفاها وسحبتها على جوا 

نوحا : كنتى فين يا مقصوفة الرقبه .. هاااا 

ورد بتتصنع  البراءه : اما نوجااا  والله كنت بعمل عمل خيرى ثواب اما نوجااا اتركه يضيع لحاله

نوجا بتهز ايديها وبتلوى شافيفها : لا يتفقع مرارتى انا واتفلق انا كله إلا خيرى  دخلتى فى خيرى من دلوقتى .. بكرا تسيبى خيرى وتجرى على عمرو اديب .. على جوا لما اشوف المصيبه إلا برا وبعدين اشوف خيرى دا طلعلنا منين  .. وداخله لهم وقعدت .. تشرب ايه 

هانى : كان نفسى اشرب شربات 

نوجا : حيلك وواحده واحده  وعايز تشرب شربات على مين ان شاء الله 

هانى بص لنور : لنور ان شاء الله بس تقنعى ابوهاااا .. وجرس الباب مع كلمة ابوها رن .. ونور فتحت الباب واتفاجئت بابوها قدامها 

نوجا : كملت  اطربقت على دماغك يا نوجا ونور اول ما شافته قربت عليه

حمدى : انا بكلمك بتسيبينى وتمشى يا نور 

نور : ممكن بلاش نفتح مواضيع ملهاش لازمه دلوقتى 

حمدى : ليه ان شاء الله .. وعشان ايه ها تفضلى لحد أمتى بتتهمنى بكل الوحش فى حياتك وحيات امك .. وانتبه لهانى وقرب عليه ومسكه من قميصه .. انت ايه جابك هنا يا واد انت .. 

هانى : عمى اسمعنى انا عايز اتقدم لنور 

حمدى ضربه فى صدره وهو بيتكلم ونور بتحاول تبعده : نور دى ابعد من نجوم السماااا عشان اديها لواحد فاشل زيك 

نور : وانا عايزاه .. ولازم توافق على جوازنا 

حمدى : انتى عايزانى اوفق على دا  . داصايع وفاشل 

نور : هانى بقى معيد  دلوقتى وبيشتغل ناقصه ايه تااانى 

حمدى : ناقصه كتير يا ست نور .. ناقصه يكون راجل 

نور بتلقح كلامها : وهو عشان يبقى راجل لازم يكون هجمى وايده طويله وبيدوس على الناس من غير رحمه .. دا بيحبنى وعايزنى وها يصونى 

هانى : والله ها اشيلها فى عنيه يا عمى 

حمدى : ما تقولش يا عمى يا واد انت .. واه يا ست نور انا بحب ال الراجل الهمجى دا مش راجل ومش ها يطول ضفرك .. دا لا عنده دم ولا أخلاق وبيحب فلوسك انتى ما تساويش عنده 

نور بتحدى : صوابعك مش زى بعضها .. وها اتجوزه وادينى بقولك عشان يبقى برضاك 

حمدى بعنف شد هااانى وجره على برا  : مفيش جواز  لو شوفتك فى مكان بنتى فيه ها اكسرك واقطع رجلك وقفل الباب فى وشه .. 

نور بعصبيه وعياط : كفايه بقى .. انت عايز منى ايه تانى وبتعمل كدا ليه 

نوجا : فى ايه يا حمدى هى فرجة الناس علينا كل شويه عجبتك ودى طريقه تتعامل بيها ما كفايه بقى 

حمدى : فاتحه بيتك لواد صايع يا نوجا وبتسمعى كلامها والله لو خدتها من هنا ما ها تشوفيها تااانى

 

نور بتريقه  : ليه ها تتفق على خطفى زى العربيات ولما انت متفق مع زفت الطين سامى سايب المهندس يشيل الليله ليه مش حرام عليك حياته وسمعته وأمه بتعمل كدا ليه وعايز توصل لإيه

حمدى : انا ما اعرفش ان سامى ها يعمل كدا ولا اتخيلت انه عملها ولا قصدى أورط المهندس فيها افهمى بقى ابوكى مش وحش لو اتعلمتى الاخلاق يبقى اتعلمتيها منى بس انتى لازم تتظبطى خلاص محدش همك بقيتى زى القطر بيشيل كل الا قدامه متخلنيش احرمك من كل حاجه افعالك بقت تخوفنى 

 نور : إلغى التوكيل لو خايف منى واكتب املاكك بأسم مراتك الحلوه وابنك انا مش عايزا من فلوسك قرش واحد إلا كل شويه تهددنى بيها  .. احنا إلا بنعمل الفلوس مش هى إلا بتعملنا 

حمدى بأسف : يا خسارة تربيتى ليكى يا نور .. يا خساره .  كلهم كانو عندهم حق لما قالولى تربيتك كلها غلط فى غلط .. كنت بفتخر بيكى واقول بثقه ابنى وسندى ماعرفش ان ها يجى اليوم وتبقى عله وتكسرينى قدام الكل وتوقفيلى على الوحده .. وان كان على التوكيل ها اوقفه يانور  رغم ان عمرى ما دورت وراكى ولا اعرف حتى عندى ايه بس خلاص مش ها تاخدى مليم واحد  طول ما انا عايش وإلا كنت ها اعمله من وراكى ها اعمله قدامك وغصب عنك  انتى مش ها تنزلى شغل تااانى ليا انتهت  

نور بتحدى أكبر وعداوه غير حقيقه : انا مش محتاجه لفلوسك .. وها اشتغل وها اسحب الشغل من تحت ايدك عشان تعرف انت وبتشاور عليه قيمتى ايه ووصلت لفين .. انا عندى إلا يكفينى ويشغلنى ويوقفنى على رجلى 

حمدى بضحكه : منين يا حصره .. كله فى حسابى ومفيش مليم ها يطلع ليكى 

نور  : انت متخيل ان تعبى وفلوسى ها اسيبه كدا عااادى .. روح كفايه عليك أحلام وابنها .. انا خلاص ها اعيش مع نوجا هناااا وها اروح اخد حاجتى من الفيلاااا كلها وحاجة أمى 

نوجا بصريخ : يالهوووى .. انتو جرالكو ايه .  مالك يا نور فوقى لنفسك وانت يا حمدى دى بنتك يا راجل .. دى نور 

حمدى : انا ماعنديش بنات من انهارده وسابهم ونزل على طول  .. وطول الطريق يعيط زى الاطفااال ..راح لقبر مراته وقعد فى الضلمه قدامه وبيعيط زى ما بنته بتعمل ... ليه كدا دانا حبيتك وانتى عارفه قسيتى بنتك عليااا قوووى خلتيها كرهتنى .. كرهت ابوها إلا حبها بجنون لدرجه انى ماكنتش اقدر اروح مكان من غير ما تكون على كتفى .. طول عمرى شايلها ويوم ما تكبر ترمينى هي .. يااااه على القسوه .. امال اخوها ها تعمل فيه ايه  من بعدى هو عشان اتجوزت تعمل كدا مليتى دماغها وحسستيها ان الرجاله شياطين الله يسامحك وقام وهو هموم الدنيا فوف كتافه مش فاهم ولا عارف ايه سبب كل الا هو فيه 

................ 

زينب واقفه سامعه كل حاجه .. قربت من نووور إلا نوجا مش قادره عليها .. انهارت لدرجه ان خلاص مش شايفه حد ولا سامعه حد قمة الوجع والظلم هى بتعيشه لوحدها .. وصلت لمرحله لا ابوها قادر يفهمها ولا هى قادره وكل شئ ماشى عكس التيار و عكس رغبتها .. حضنتها زينب وحضنها الوحيد إلا نور بتوه فيه وبتحس بريحة وحنية امها بتسحبها من دومتها  وبتستسلم بسرعه غريبه.. خدتها ودخلت السرير .. ونيمتها فى حضنها .. ونوجا عملت بخور .. وورد تبخر ونوحا تقرى قرأن .. وبعد شويه سلوى جت وقعدت جمبهم بصمت وتأخيرها عدى مرور الكرام بسبب إلا حصل لنور .. 

زينب بتمسد على ضهر نور ونور دافنه راسها فى صدرها ودموعها بتنزل : حبيبتى ماتزعليش نفسك كله ها يتصلح ان شاء الله يابنتى 

نور بعياط : هو فى شئ بعد كسره بيتصلح .. ابويا خطف حياتى وحيات أمى من قبلى وبيرميهم فى حجر واحده ما تستاهلش .. ليه الدنيا داخله معايا دور عند وطول الوقت بتقولى ها اجيب بوذك الارض.. ليه يا ماما زينب 

زينب : استغفرى ربك  كله خير 

نوجا : انتى مصممه تعملى فى نفسك كدا .. قولتلك كتير قربى من ابوكى زى الاول وحاولى تفهميه كل إلا بيحصل براحه .. بس انتى العند والكبر ماليكى يابنت رباب 

نور : انا فهمته كام مره وعرفته عمايل مراته .. حتى ابنها علمته الكدب 

نوجا : طريقتك السبب وعصيبتك الزياده بس ها اقول ايه بعد ما هديتى كل حاجه وبتقدمى تعبك وتعب ابوكى وامك على طبق من دهب للما تتسمى احلام

نور بالا مبلاه : ولا يفرق معايا خلاص ها احارب ليه وعشان مين اذا كان هو بيقول انتى مش بنتى وبيسحب كل حاجه وبعياط أكتر .. أقفلو الموضوع دا ... وورد وسلوى متفرجين قلوبهم بتتقطع عليها ومفيش فى ايديهم حاجه

******

مر أكتر من اسبوعين والوضع زى ما هووو  عند الكل .. وحمدى نفذ كلامه وسحب كل شئ من تحت ايد نور واستغرب انها ما خدتش مليم وبالعكس فلوسه زادت الضعف .. ونور بتظبط حالها وبتعيد حسابتها من اوا وجديد وزينب بقت شئ اساسى فى حياتها فعلا أم بمعنى الكلمه وكان ربنا بيعوض نور بيها عن شئ خسرته فى حياتها الوحيده الا مدت ايديها وسحبتها من بحر غريق الكل فيه خاف يمد ايده او مجبر لانه مش عارف ... اما ورد ما بتبطلش تفكير فى محى وبتكتم مشاعرها عشان عارفه ان فى فرق كبير بينهم  .. سلوى بقى بطلت تنزل من البيت خالص ولايمكن ترد على سيف خوفها وجبنها دايما متملكين منها وسيف ها يتجنن عليها وها يتجنن من صااافى إلا بقت شبه اللزقه وبيحاول يعمل اى مشكله عشان يفركش مش عارف يخلص منها بتلزق اكتر وامه بتساعدها دايما  .. وطول الفتره دى متجنب الكلام مع امه وابوه ... أما حازم حالته بقت صعبه جدا وربى دقنه وزهد كل حاجه امه فص ملح وداب  .. رجع شغله غصب عنه وروحه وكيانه مع أمه إلا فقدها ومش عارف هى فين ..وكمان صاحبه إلا بطل يرد عليه او يسئل فيه مبقاش فاهم ليه الدنيا مره واحده قفلت ببانها فى وشه كدا  ... 

*********** 

مهندس حازم .. يا بشمهندس 

حازم : ايوا جايلك .. وبينزل من جمب العمال وبيلف ورق فى ايده .. نعم يا هوارى 

هوارى : فى قرار بجمع كل المهندسين فى الكبينه جوا 

حازم : خير فى حاجه وإلا ايه 

هوارى : تقريبا كدا الشغل ها يقف .. وحازم وباااقى المهندسين دخلو الكبينه والمسئول عن المشروع بيتكلم واسمه محمد 

محمد : اهلا يا بشهندسين  

كلهم : اهلا بيك 

محمد : ان شاء الله من بكرا ها نوقف شغل .. ها نخلص كل الجزء إلا شغالين فيه حاليا الاول 

حازم : خير فى حاجه وإلا ايه 

محمد ؛ فى خلاف مع المقاول لان الخامات الجديده إلا جايبها مخالفه للاتفاق وغالبا ها يتسحب منه المشروع وها يتسلم لغيره ان شاء الله من الوقت دا لحد ما يستلم غيره انتو فى اجازه رسمى .. ومشيو كلهم ..  وحازم خرج وبيتصل على محى زى عادته وبيطمن عليه زى كل يوم .. 

محى : كنت لسا ها أكلمك والله 

حازم : تسلم يا غالى عامل ايه دلوقتى 

محى : بخير الحمد لله .. ربنا يهونها وافك الجبس عشان اتخنقت من القاااعده 

حازم : ان شاء الله يا حبيبى .. انا ها انزل اجازه واجيلك 

محى : منتظرك .. فى حد كلمنى على الصفحه إلا عملتها عشان ندور على والدتك .. وقالى انه شافها فى ال____ قريب من الملف كدا 

حازم عيونه لمعت بالدموع : بجد يا محى 

محى : اه والله وخدت نمرته وقالى قابلنى بكرا وانا قولتلو ماشى عشان يودينى المكان إلا كانت فيه 

حازم بأمل : الحمدلله .. ان شاء الله ها اكون عندك بكرا ها احاول اخلع من انهارده 

محى : خليك ولو فى جديد ها اقولك 

حازم بالهفه : لاء اخلينى ايه دى أمى يا محى أمى 

محى بزعل : ربنا يطمنك عليها يارب .. وقفل معاااه ورقم غريب رن عليه رد :  الووو .. الووو  .. الوووو .. مين .. مين معايااا مش سامع كويس 

💗💗💙💙💚💚

بقلم : لبنى طارق 

💗💗💙💙💚💚

شرسه ولكن ! 15 

**************

اللَّهُمَّ لَكَ أَسْلَمْتُ وَبِكَ آمَنْتُ، وَعَلَيْكَ تَوَكَّلْتُ وَإِلَيْكَ أَنَبْتُ وَبِكَ خَاصَمْتُ، اللَّهُمَّ إِنِّي أَعُوذُ بِعِزَّتِكَ لَا إِلَهَ إِلَّا أَنْتَ أَنْ تُضِلَّنيِ، أَنْتَ الْحَيُّ الَّذِي لَا يَمُوتُ وَالْجِنُّ وَالْإِنْسُ يَمُوتُونَ

اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ وَتَحَوُّلِ عَافِيَتِكَ وَفُجَاءَةِ نِقْمَتِكَ وَجَمِيعِ سَخَطِكَ.

💗💗💗💙💙💙💙💙💚💚💚💚💚💚

محى : الووو على صوتك يا إلا بتتكلم 

فوزيه بتحط قدامه كوباية شاااى وبتلف ايديه وبتتكلم بصوت واطى مين 

محى هز كتافه : ماعرفش مش سامع حاجه .. وسابته وخرجت .. والخط قفل ..  واتصل تانى فى ساعتها .. 

محى : ها ترد والا بتضيع وقتى ووقتك 

ورد بصوت محشرج : محى كيفك 

محى بيفرك فى راسه من ورا وبيقول بصوت هااامس : كيفك .. دى ورد وبصوت اعلى ايوا هى ورد 

ورد ابتسمت : ما بتعرف صوتى 

محى : معلش وبيقلدها  اصل التليفونه عندنا ساعات بيستهبل ويسمعنا صوتك غلط .. عامله ايه اخيرا افتكرتينى وسئلتى عليااا 

ورد : نور جابتلى هاد التليفونه جولت اضربلك رنه 

محى : اضربى ان شالله تضربيه بالجزمه .. بس اسمع صوت ابو العيون فتاكه 

ورد : اتحشم يا محى ما بتخجل ما بيك فايده.. كيفك هالحين انشالله بخير 

محى : الحمد لله انا كنت بخير وبعد ما ضربتى الرنه بقيت بخير اكتر .. وبجراءه .. اسمى دا ايه يا وردتى  حب والا إعجاب وإلا عشق وهيام  

ورد : ولا هاد ولا هاد ولا هاد 

محى بخضه مصطنعه : لهووى ولا هاد ولا هااد .. اوعى يكون اكتر من كدا مش حلو علشانك  

ورد : ماعندى حدا اضربله رنه جولت لنور تعطينى رجمك بالتيفونه وعرفتنى كيف بتصل  وجولت نعرف احوالك وكيف سيرت هالحين غلطانه متل ما بتجولو يا محى وكمان .. قاطعها  

محى بفرحه ظاهره فى كلامه : الهى انضرب بدال الرنه لو قولتها .. انتى ما تعرفيش انا مبسوط اد ايه والله ياريت اسمع صوتك كل يوم وكل لحظه وكل دقيقه 

ورد :  بتعرف انك جطيع يا محى 

محى باستغراب : جطيع طرق يعنى والا ايه .. بلطجى  تقصدى كدا يا ورد 

ورد بتاكيد : ايه بلطجى كلام  .. اسمع راح أجول إيش و رد  كل شوى تجاطعنى .. كل شوي 

محى ببراءه مزيفه : انا ظلمانى وفهمانى غلط  اؤمورى 

ورد : تركت شى حاداك .. 

محى : ايه هو 

ورد : عجدى فرط بالمطبخ وتركته بأنيه صغيره  تحت  المطبخ خبيتها لحين يخلص الوكل 

محى : اه قلبى صدمتينى وانا إلا فاكر ان المكالمه ليااا طلعتى ناسيه عقد ... وبيهز راسه اخص عليه .. اخص عليه .. اخص عليه  

ورد : راح اجفل الرنه بوشك 

محى ابتسم ؛ لا كله إلا الرنه .. وبهمس وصاحبة الرنه  .. ها اسمع صوتك تااانى والا ايه الحكايه

ورد : ما راح تسمعه .. جيبلى العجد ما تنسا ابعتلى اياه مع نور 

محى : انا ما بشوفش نور خالص اخرها مكالمه تتطمن عليا وتقفل .. وان كان على العقد فى الحفظ والصون لحد ما نتقابل ان شاء الله .. واوعى تحرمينى من صوتك يا وردتى .. ها ابقى مبسوط لو سمعته 

ورد بعصبيه : جولتلك اتحشم يا جليل الادب ..  راح اجفل الرنه بوشك هه وقفلت الخط 

محى بيهز ايده وبيضحك : يا احلى جفله وبيقلد عبدالفتاح القصرى .. عملت كونتكت وقلبى اتخطف  .. والله البت دى جاامده وعيونها وبيعمل علامه العيون بصوابعه على الهوا ..  سحرررر 

فوزيه : بتكلم مين يا محى ومبسوط كدا ليه 

محى ديق عيونه : مش ملاحظه يا زوزو انك بقالى اسبوع كدا والا حاجه حطانى فى دماغك ومش مديانى فرصه اتنفس فيها 

فوزيه قعدت جمبه ومسكت خدوده الاتنين وبتقرص وتشدهم عليها : بلاش اخد بالى من ابنى واحافظ عليه والا كبرت عليا وعامل فيها مهندس 

محى بينزل ايد امه بوجع : اه يا ماما ارحمينى من أم الحركه دى بتوجعلى خدودى 

محمود : صوتك عالى ليه يا شقى 

فوزيه : يرضيك يا حودا بيزعقلى لا وكمان مش عايز يقولى وبتعلى صوتها بيكلم مين البيه 

محمود بيشهق ومبرق : صحيح دا يا محى 

محى : انت بتغرق يا بابا ... ما تهدو انتو الاتنين عليااا .. وبص لامه بذمتك انا عملت فيكى حاجه ويرضيك يا حودا قفشتنى فى وضع مخلل يا فوزيه كنت بتكلم فى التليفون .. تليفون عادى يعنى 

فوزيه : اهوووو شوفت ابنك وعمايله دا اميره اختك كانت بلسم ما حسناش بيها ليه انت مغلبنى كدا 

محى : هى اميره ابو شنب .. دى بنت فى فرق يا بشر 

محمود ضربه على راسه : ما تلم لسانك وتريح امك ما انت لو واد كدا محترم ومابتجبش بنات لا وكمان عيونها حلوه فى الشقه هنا كانت سابتك فى حالك يا خلفة العار

محى ضحك : عجبتك عيونها يا حودا 

محمود : يالهوووى يلا فتاكه تقولش مرسومه لا وكلامها ايوووه 

فوزيه واقفه بصالهم الاتنين ومحمود خد باله فا اتنحنح وضرب على كتف محى : طيب يا حبيبى اسمع كلام ماما عشان عيب اروح انا بقى وخرج وفوزيه خرجت وراه 

محى بيخبط ايد على ايد : الله يسامحك ويغفرلك يا حودا زمانها بتجهز الشنط السودا 

****************

نور بعد ما الامور اتأزمت بينها وبين ابوها جدا قررت تشتغل لحسابها وتبتدى المشوار مع نفسها وبحر العلاقااات والمعرفه بينها وبين الناس فى الشغل ها يخدمها ويسهل لها كتير  .. هربت لأكتر مكان بترتاح فيه حى شعبى قديم جدااا وصلت بعربيتها ونزلت قدام بيت دورين بس .. سلمت على أهل الحاره وطلعت فوووق .. رغم ان البيت قديم ومهجور بس نضيف جدا .. فتحت الشقه ودخلت صور أمها فى كل مكان وابوها .. بس أمها أكتر .. قعدت على الكنبه بإهمال وفردت رجليها وضهرها ونامت وباصه للسقف فضلت وقت على دا الحال ورجعت بذاكرتها لورا لما كانت عندها 6 سنين 

فلااااش باااك 

*********** 

نور بطفوليه : ماما انا نفسى شعرى يكبر وابقى بنت زيك وببقى عندى شعر طويل 

أمها بتسرح شعرها : بكرا يكبر ويبقى طويل .. وانتى بنت جميله بشعر او من غيره 

نور ضمت حواجبها على بعض : بابا بيقول انتى ابنى نور مش بنتى .. قوليله انا مابحبش اروح معاه الشغل وعايزا اكون بنت زى اصاحبى 

أمها بزعل بتحاول تدرايه : اخص عليكى يا نور المفروض انتى ضهر ابوكى وسنده اوعى تزعليه ابدا .. وبكرا تفهمى هو بيقولك ليه كدا 

نور : حاضر يا ماما وحضنت بطنها الكبيره بايديها : انتى أمتى تجيبى اخت العب معاها بقى 

أمها بالهفه وخوف : لالا لا .. اوعى تقولى اخت ادعى ربنا يكون ولد وينزل حى .. جدك مبهدلنا يانور عايز ولد هو وابوكى نفسه يجيب ولد عشان ابوه يفرح ويلاقى إلا يشيل اسمه من بعده 

نور بعدم فهم وبراءه : مش مهم .  المهم يبقى ليا حد العب معاه 

أمها حضنتها جااامد وباستها وبعدين بدات تزغزغ فيها : انا اهووو ها العب معاكى .. وبتجرى وراها وهى بتجرى حمدى دخل .. وبصوته كله .. 

اتجننتى يا رباب.. انتى عايزا تموتى إلا فى بطنك زى إلا قبله  

رباب وقفت مره واحده وبخوف : لا والله يا ابو نور .. انا كنت بفرح بنتك 

حمدى : أمتى اسمع ابنك .. ابنك .. أمتى نفسى تجيبلى الولد بقى اصحابى كلهم عندهم ولاد .. ولاد عمامى  . ابويا ها يتجنن انتى عارفه انى وحيد ابويااا وامى 

رباب : ربنا يرضيك ان شاء الله يا حمدى ويبقى عندك بدال الولد عشره .

حمدى : يارب يسمع منك بس إظاهر مش مكتوبه منك مفيش ولد بيعيش معاكى 

رباب بهروب : احضرلك الغدا اكيد جاااى جعان

حمدى بيتمطع : تعبان وجعان نوم واكل بسرعه ياله .. ودخلت رباب المطبخ رافعه راسها لفوق ودموعها نازله ونور واقفه تبص عليها من بعيد  .. ورباب بتمشى ايديها على بطنها وبتدعى ربنا .. خايفه جوزها يتجوز زى ما ابوه ما بيقوله هو وامه  ومصممين على كدا ..  حبها له حاجز لأى واحده ممكن تعيش بنهم الاتنين وتعمل حاجز وفروقات كتير 

بااااك 

******

نور فاقت من ذكريات بتدايقها جدا  وبعدين قااامت دخلت اوضة نوم امها وفتحت البوم لها وقاعده تتفرج عليه وهى لسا بيبى ... وفى حضن أمها .. ولما كبرت شويه وامها حامل وباين على وشها التعب .. وهى أكبر شويه وبردو امها حامل وجسمها ضعيف جدا .. كل مرحله شايفه بطن امها كبيره والحزن والهم إلا باين عليها يكفو بلد .. وبتفكر ياترى امى حملت كام مره عشان ترضى ابويا وجدى وجدتى  .. كام مره جت على نفسها وصحتها إلا بسبب حالتها النفسيه والتهديد دايما بالجواز عليها خصوصا من جدى  سائت كتيررر .. نفخت بديق وولعت سجاره وشربتها سابت الألبوم بصمت يشبه حياتها من برا وبركان يشبه حياتها من جوا .. طلعت تاانى شالت الفرش إلا على الكنبه وفتحت خزنه جوا الكنبه وبطولها وطلعت مبلغ كبير منها وقفلت على الباقى حطتهم فى شنطه سودا بلاستك ونزلت بعد ما قفلت الشقه والبيت كله .. لفت على تجااار كتير بتتعامل معاهم وبتعمل اتفاقات جديديه .. وبدأت تجمع عمال وتتفق معاهم ان يبقى فى  شغل بينهم فى الوقت إلا ها تحتاجهم تلاقيهم   .. وهى فى عربيتها مروحه اتصلت على هااانى .. عامل ايه 

هانى : وحش من غيرك امتى توافقى بقى 

نور : كل حاجه ولها وقتها ما تستعجلش 

هانى : ادينى مستنى .. عملتى ايه مع ابوكى 

نور بهروب : ولا حاجه زى ما احنا مفيش جديد 

هانى : ليعند معاكى ويحرمك من فلوسه بجد

نور : وايه يعنى انت يهمك دا فى ايه 

هانى  : ولا حاجه يا حبيبتى انا عامل عليكى شقى عمرك وتعبك وزعلك 

نور : لو عمل كدا علاقتنا ها تتغير 

هااانى : ابدا ابدا .. انا معاكى لحد ما تزهقى منى 

نور بابتسامه : تمام .. احنا مع بعض على الحلوه والمره زى ما اتفقنا 

هااانى : حبيبتى ها اقفل دلوقتى سلام وقفل فى وشها 

نور بصت للتليفون وبتضحك : مجنون كل شويه بحال .. روحت وطلعت على فوووق سلمت على نوجااا وباستها ودخلت لزينب الأم  إللى عوضتها عن كتير قوووى فى فتره قصيره 

زينب : عملتى زى ما قولتلك 

نور وطت على ايديها باستها : كله تمام يا ست الكل وحطت راسها على صدرها وزينب بتضمها .  

زينب : روحتى لكام واحد 

نور : كتير الحمد لله الفلوس كفت ناس كتير محتاجه وحاسه انى مبسوطه خصوصا بوجودك فى حياااتى 

زينب خدت نفس طويل : لولا كلامكم يا نور كنت قولت ان انتى بنتى إلا خلفتها .. حاسه ان فى حاجه كبيره بتربطنا ببعض .. 

نور : ها تصدقينى لو قولتلك دا نفس احساسى انا عندى استعداد اخبيكى عن الدنيا بحالها عشان محدش ياخدك منى مش عايزاكى تضيعى تانى منى بقيت خايفه يطلعلك أهل مش ها أستحمل 

زينب بنظرة مليانه حب وعطف وامومه : محدش يقدر انا جمبك ومش عايزا اعرف انا مين عشانك انتى .. وضمتها تااانى 

نور بصت لسلوى إلا قاعده على سريرها وباين عليها القلق والتوتر وساكته .. وقامت راحت لها وزينب طلعت تقعد مع نوجااا برا  وورد انضمت للبنات وجايبه اطباق فيها لب .. 

نور : مالك يا سلوتى 

سلوى بزعل : زعلانه منك ..  انتى ناسينى خالص 

نور فردت ايدها : على يدك .. مضروبه على يدك .. متبهدله على يدك .. بعيط على يدك .. اتحرمت من ابويا وفلوسه على يدك 

سلوى : نور انا محتجالك انتى عارفه انى ما بعملش حاجه غير لما اخد رأيك فيها 

نور بتبص لتليفون سلوى : الكلام له علاقه بالرقم إلا نازل زن ورن ليل ونهار 

سلوى هزت راسها بمعنى اه : هو وخلاص ها اتجنن مش عارفه اعمل معاه ايه ومش عارفه انا عايزا ايه 

ورد بتاكل لب : ايه راحت تجن وتجننى معاها .. جولتلها اجفلى الرنه بوشه وما تردى .. وهى عملت هيك وبردك مو مبطل خيتى 

نور بغمزه لورد : انت على الخط ياسطى  .. وبتضحك وبتضرب سلوى  قفلتى الرنه فى وشه وقفلتى الواد منك .. ماعلينا هو مين وحكايته ايه بس بشويش عشان نوجا وانا جدتى مش خالصه 

سلوى قعدت قدامها وربعت وبتحكى لنور كل حاجه حصلت من يوم ما دخل الشقه عندهم  .. هى دى كل الحكايه 

نور بتضحك من قلبها وبصوت مقطع : سيف .. الظابط وبتحط ايديها على اكتافها ابو دبوره ونسر وبغمزه وكاااب .. وبتهزر وبترفع ايديها لفوق وتهزها احنا معاه ضد الأرهااب 

سلوى : يوووواه انتى بتتريقى يا نور .. اعمل ايه 

ورد : ههههههههه نور جنت هى التانيه 

نور : ما اتوقعتش الصراحه .. بس ايه وقعتى واقفه يابنت نوجااا الواد له هيبه تودى فى داهيه ههههه لو عملتى حاجه ها يعلقك 

سلوى : نور اتعدلى .. اصلا انا خايفه منه انتى بتخوفينى اكتر  

نور بتفكير : بصى يا سلوتى .. هو بيحبك 

سلوى بحيره : مش عارفه 

نور : كلامه وافعاله بيقولو كدا .. بس حاسس انك هبله فا بيتاكد الهبل دا طبيعى والا صناعى 😂😂😂

سلوى : تفتكرى 

ورد : 😂😂😂 تصدجى اوجات باحتار  فيكى واجول انك خيه لمحى يا ام عجل تخين متله

نور : هى بردو .. الله يابنات اخر زمن  ما علينا ..  يعنى لو هايموت عليكى كدا ماجاش اتقدم ليه 

سلوى بحيره :  مش عارفه بردو  

نور : بجد انتى تفقعى المراره كل حاجه مابتعرفيش ومش فاهمه وحاجه اخر نيله .. اتدردحى شويه 

سلوى بتذمر : هو انا باخد رايك عشان تقولى كدا .  اعمل معاااه ايه 

نور : لو عايزك يتقدم انا مستغربه اصلا ازاى سيف يحبك انتى 

سلوى بزعل : ليه انا وحشه ومش أد مقامه 

نور : سلوتى الجميله بتفهمنى غلط 

ورد : كلامك متل الدبش 

نور بصت لورد  : انتى إلا بتقولى كدا .. طب اركنى .. بقولك ايه انا طبعا مش قصدى إلا فهمتيه ابدا .. مستغربه لان الظباط عمتا بيحبو الشخصيات الشديده والقويه عكسك تماما .. انا خايفه عليكى ما تستحمليش طبعه .. فهمتى 

سلوى كشرت : يعنى ابوكى والا جوز ماما كانو ظباط 

نور سرحت وبتنهيده : على رأيك كلهم طينه واحده وفى الاول والاخر رجاله الجبروت فى دمهم .. ماتزعليش يا سلوتى انا مدب وباعتراف صريح وواضح من الكل  .. المهم انتى عايزا ايه 

سلوى بحيره : خايفه يا نور .. ودا بيقولى كلمينى ونتعرف وحاجات كدا غريبه 

نور بتديق عنيها : غريبه .. دخلتى فى غريبه يالعبك .. ههههه بقولك ايه .. انتى تكلمه وتقوليله عايز ايه من الاخر 

سلوى : حاضر ومسكت التليفون وبتتصل 

نور قفلت بسرعه : مجنونه يابت انتى ها تكلميه دلوقتى 

سلوى : أمال امتى 

نور : فى وقت كدا ما يكنش البيت ملغم ونوجا برااا دا لو قفشتك وربنا تاخدى علقة موووت 

سلوى : اه صح 

ورد : نور .. بدى اشور متل سلوتى 

نور رفعت ايديها وبتتكلم بشويش : البنات ضاااعت بين رجول الذئاب البشريه  مالك انتى التانيه 

ورد : حتى لو كان بودى شى ما راح يصير انا مو متلكم خيتى  ما أتعلمت ولا عشت متلكم ولا إلى أهل هووون ..وبزعل.. يعنى راح أعيش كدبه كبيره لو فكرت فى حدا 

نور مسكت ايديها : انتى زينا ومننا وها تعيشى احسن من اى وقت .. خليكى واثقه فى نفسك بلاش ثقتك المهزوزه دايما .. وبمكر قلبك دق ورق لمين يا وردتى قول يا متقال 

ورد بأبتسامه : لابو مخ تخين .. بس هو بعيد كتير ولسا مكملتش 

نور : بقولك ايه انا مبحبش الجو دا .. ها تتعلمى وهايبقى ليكى ورق رسمى وانا ماشيلك فى الاجراءت حاليااا .. وهو اى ان كان مين لو شاريكى وبيحبك تعليمك وانتى ايه وبنت مين  ها يبقى اخر همه 

سلوى بتحذير : اوعى تعيشها الوهم يانور .. مجتمعنا صعب ومتطلباته اصعب كله دلوقتى بيفكر فى ام عياله تعلمها ايه و بنت مين 

نور اتعدلت وبتتناقش بجديه هى وسلوى وورد قاعده تسمعهم ومستغربه ان دا كله جواهم ... 

نور : الراجل بالنسبالى يا سلوى راجل من كله مش مش مشاعر وحب وبس لا هو دايما الأيد إلا بتشدك معاه لقدام .. بيعلى بيعليكى معاااه بيوصلك لمرحله انتى وهو فعلا واحد مفيش فرق مهما كان انتى مين وتعليمك ايه ..  يا العكس ويوقعك ويتلذذ دايما انك أقل منه ويعيش دور الضحيه ودا فى قاموسى مش راجل ..  هاتيلى بنت يوم ما تحب مابتركنش  كل الفروق على جمب وتعمل المستحيل عشان يبقى حبيبها أحسن من اى حد 

سلوى بمهاجمه : كدب .. كله كدب .. افتكرى جوز امى اونكل سعيد عمل ايه فيها .. عاش دور الحب واتجوزها ولمجرد انها اقل منه فى التعليم والمستوى الأجتماعى اهانها وبهدلها هو واهله  وبردو بسبب الغيره .. لحد دلوقتى نوجا عايشه بعقدة الذنب .. هو إلا انا فيه مش بسبب الحب وبسبب انانية الراجل دا فضل يحارب ماما حتى بعد ما انفصلت عنه ومن كتر خوفها منه وتهديده لها انها لو مرجعتلوش بعد وافاة بابا بأنه يخطفنى  وصلها انها طول الوقت قافله عليا ومعيشانى فى قلق وخوف .. انتى لاى راجل مش أكتر من حب تملك ولعبه وقت ما يزهق  مش يرميكى وبتشاور بايديها لا .. يعذبك ويهينك ويجيب بوذك الارض وبعدين يرميكى طول ما انتى مش قويه ومش قده .. ولما تحلى فى عينه مره تانيه عشان بقيتى لغيره بردو ها يرجع لاذيتك وبهدلتك لو ما خضعتيش له وادى النتيجه قدامك وبتشاور على نفسها   اتحرمت انى اعيش حياتى زيك او زى اقل واحده بأقل حقوق .  اتحرمت اعتمد على نفسى ودايما تابعه لغيرى ومستنيه رأى إلا حواليا 

نور : غبيه يا سلوى لو فضلتى جوا فراغ كبير بانتيه لنفسك وبتبنى اوهااام .. انتى طبعك جبان ودايما بتخافى تاخدى قرارات ومتردده فى حياااتك .. بس تفتكرى رغم انى عكسك عايشه حياااتى هزت راسها بنفى لاء .. انا حالتى ووضعى اصعب منكم انتو الاتنين  لانى كل لحظه بعيشها بشوف ظلم جديد ونوعه مختلف من اقرب الناس .. كفايه ان يبقى ليكى اخ من ام عقربه ومحرومه من ابوكى وحياتك وشقى عمرك اه حفظت جزء منه بس تعب امى وانا وابويا بتتهنى بيهم واحده ولا تسوى قمة الظلم 

ورد : يبى .. يبى .. يبى .. هاد كله بجلوبكم والله عامرنه ومليانه  جاسيه(قاسيه) .. الحمد لله ما طلعلت بهالدنيا  لوحيدى .. فى كتير يارب وراح نسميها جوضة المتاعيس .. 

سلوى ونور ضحكو وورد ضحكت معاهم وبدئو يضربو فى بعض بهزار وقضو باااقى الوقت بلطف وكملو سهرتهم وطلعو لنوجا وزينب 

نوجا بتذكير : بت ياورد كل ما افتكر اسئلك انسى ألا كنتى فين لما قولتيلى انك بتعملى عمل خيرى من فتره كدا 

نور بصت لورد بقلق وورد بصت لها نفس البصه وبصوت مهزوز 

ورد : أما نوجا ما بحب أجول على خيرى 

نوجا بصوت عالى شويه : لا كله إلا خيرى نفسى اعرفه 

زينب : 😂😂😂 قولى يمكن نعمل زيك ادام خيرى ياورد وعشان بردو نوجهك صح يابنتى انتى فى مجتمع ودنيا  جديده عليكى 

نوجا : تصدقى مش ها اسيبك غير ما اعرف حكاية خيرى دا ايه انطقى يابت 

نور بتضحك بترقب : خالتى اعملك شاى والا قهوه 

نوجا ديقت عيونها : يبقى الطبخه اطبخت بينكم وقامت من مكانها ومسكت ورد من ايديها وورد بترفع ايد عند وشها بخوف وابتسمت ابتسامه صفرا وسلوى طارت على باب الاوضه : كنتى فين يا ورد 

ورد بصعبنيه وصوت مكسور : اما نوجا والله العظيم ما راح اعمل هالعمل الخيرى مره تانى 

نوجا : عارفه لو ما نطقتيش ها اهرى كبدك اه منا ها اربيكم انتم التلاته ويوم ما تطلعو من البيت دا ها يقولو نوجا ربت الله يكرمها انطقى بتهزها جااامد .

ورد : اعاااا اهئ اهئ والله ماراح اعملها .. كنت بداوى هالمحى التعبان 

نوجا شهقت جااامد ونور برقت وبترجع وبتتسحب على طراطيف صوابعها وداخله على الاوضه : بيتى فى بيت شاب يا مقصوفه الرقبه قاعد مع الواد فى بيته وقلعت الشبشب ونشنته على نور وجه فى راسها 

نور حطت ايديها على راسها وبتتنطط جااامد وبصوت رفيع  : انا مالى بقى 

نوجا نامت فوق ورد وبتضربها  وقامت جريت ورا نور وجابتها جمب ورد وسلوى اختفت وزينب فصلت بينهم وبتترجى نوجا تسيبهم  وسابتهم 

ورد جمب نور على الارض وشعرهم منكوش وشكلهم خارجين من حرب .. 

زينب : عيب يا ورد كان ممكن يجيب ممرض معاه يا حبيبتى انتى لاء البنت لازم تكون عزيزه وغاليه 

نوجا : دى ما حصلتش بكيزه مش عزيزه .. وانتى يا هانم بتشجعيها بدال ما تقولى لها لاء ها تحميها ازاى  جايبها تبهدليها هنا 

نور : ورد ما يتخافش عليها يا خالتى 

زينب : لا يا نور لا يابنتى ..  كلكم يتخاف عليكم نرمى نفسنا وسط النار ونقول ما يتخافش علينا ولو اتحرقنا منها نقول ياريت إلا جرى ما كان غلطانه والغلط راكبكم انتو الاتنين 

ورد بعياط : والله ما راح اعمل هيك مره تانى .. ابوه لهالمحى وإمه لما رأونى ادايجو وهالحرمه إمه كانت تزغورلى هيك وبتقلب عيونها 

نوجا : يالهوى يالهوى .. كمان ابوه وامه شافوكى اه لو قومت ها أكلك بسنانى اكل لقوكى فى وضع كدا والا كدا 

نور حطت ايديها على بوء ورد : كفايه الله يسترك نوجا مش مضمونه وانا جدتى نحست يا بشر 

وبتشدها قووومى وقامووو جريو على الاوضه وقفلو الباب عليهم 

وزينب بتضحك من قلبها وبتزغد نوجا ونوجا ضحكت بس بتكتم ضحكتها 

نوجا : ها يجننونى ياختى والله 

زينب : خفى عليهم مش ها تبقى انتى والزمن .. ثم كمان هما عيال كل شويه تضربيهم فهميهم بالسانك

نوجا  : هههههههه انا اتربيت كدا وبربيهم كدا بس هما عارفين انى بحبهم والله وكمان جايبه شبشب فل خفيف وبتلوى شافيفها امال لو كانو انضربو من امى و شبشب الرزعه بتاع زمان والا يالهووووى قرصتها ماكنتش قرصه القرصه بالدم يا زينب 

زينب : ربنا يحميهم ويهديهم 

*************** 

أحلام بزهق : وبعدين معاك ها تفضل قاعد وحاطت ايدك على خدك كدا ما تتحرك ياراجل شوف شغلك 

حمدى : أحلام مش عايز وش وابعدى عنى 

أحلام : وبعدين بعد ما ابعد .. بنتك كوشت على كل حاجه وانت قاعد القاعده دى من امتى يا  حمدى 

حمدى بصوت عالى : بنتى .. بنتى .. خلاص بنتى سحبت منها التوكيل وحرمتها من كل حاجه عايزا ايه تااانى 

احلام بفرحه غير ظاهره : ليه كدا وشغلك مش تصبر لما تظبط حالك بدال قعدتك  

حمدى : ماله شغلى انا اكتع قدامك برتب امورى وها اعرفها انى مش محتاجها 

احلام : ياريته مازن كبير كان بقى ضهرك وسندك ولاكنت عيشت اللحظه دى فى حياتك ابدا .. لما بنتك من حتت مشكله صغيره تكبر المواضيع وتتخلى عنك عشان تعرف انى عندى حق   .. اوعى تزعل نفسك يابو مازن خده علمه والواد نبيه وها يتعلم بسرعه .. اقولك خدنى انا بدال نور 

حمدى : اتجننتى والا ايه اخدك فين وليه 

احلام : ما نور بنت اشمعنا انا 

حمدى : فى فرق السما والارض بينكم .. ونور بميت راجل من صغرها مرميه وسط العمال .. انتى بقى وبيشدها من هدومها ها تروحى تتمرقعى قدامهم كدا 

احلام بمكر : خلاص انا عارفه انك بتموت من الغيره عليا عشان صغيره .. خلى ابنك تحت دراعك وعلمه زى ما علمت نور خلاص 

حمدى : ربنا يسهل انا ها اقوم انام وسابها وطالع وهى بتبرطم .. مفيش وراه غير الاكل والنوم دى حاجه تقرف امتى ربنا يخلصنى منك انت والحيزبونه بنتك انعوره هانم 

**************

سيف بيلم حاجته من على المكتب وقايم .. خرج على طول وركب عربيته ومروح وطول الطريق بيفكر فى سلوووى ما اتخيلش انها برغم ضعفها وخوفها إلا باين عليها قوووى انها تكون عنيده كدا واستاذه فى التجاهل .. جننته واجبرته انه يفكر فيها ليل ونهار .. اتفصل تفكيره برنه من التليفون وبص على الشاشه اول ما شاف اسمها نفخ بديق وخبط بايده على الدريكسيون .. وبيتكلم بصوت مسموع : وبعدين فى اللازقه بغرا دى يارب .. رد ببرود .  الووو 

صافى برقه وسهوكه : حبيبى وحشتنى موووت ها اشوفك أمتى ياقلبى  

سيف : انا مش فاضى الصراحه ويادوب بروح انام شويه واقوم أكمل شغل 

صافى بزعل : ايه يا سيف اخص عليك مفيش وحشتينى ياقلبى .. عامله ايه وبتخن صوتها مش فاضى الصراحه قفلتنى 

سيف فى سره : يارب دايما تتقفلى ماتلاقى إلا يعبرك .. احممم معلش يا صافى فى فون مهم ومضطر أقفل سلام وقفل فى وشها .. وبينفخ جااامد اخ .. اخ منك يا امى ومن إلا عملتيه فياااا  اخ  .. رفع تليفونه وبيتصل على مطعم .. ايوا يا حبيبى خلصتها .. طيب انا فى الطريق ليك جهز بقى بسرعه عشان اتغدى واروح تعبان وعايز انام .. ماشى سلام .. وراح المطعم اتغدى  وبعدها روح وامه ابوه بيحاولو يكلموه او حتى ياكل معاهم مش قابل تماما .. دخل وقفل على نفسه باب الاوضه بعد ما خد الشاور بتاعه وقاعد على السرير  ريح ضهره وبيفتكر سلوى وساذجتها وابتسم ابتسامه عريضه .. مش متخيل ان فى بنت على نياتها قوووى كدا بالنسباله انقرضو من زمن فااات .. اتصل تااانى وبينه وبين نفسه قرر انه اخر مره يتصل لو فضلت على الوضع دا معاااه مابتردش ومتجاهله اتصاله .. وردت وقلبه ها ينط من مكانه من كتر ماهو بيدق .. مش مصدق  ..  

سيف بصوت واطى : اخيرا ردتى عليااا 

سلوى بصوت نعسان : مين انت 

سيف ابتسم تلقائى : انتى على طول نايمه على نفسك تعرفى نفسى اشوف شكلك دلوقت  وحشتينى يا سلوى وعايز اشوفك 

سلوى : انا مش عايزا 

سيف نبرة صوته عليته سنه بسيطه : ليه كدا ..  احساس وحش قوووى لما تبقى بتهتمى بشخص جدا ونفسك تقربى وهو بيبعد عنك من غير سبب وسايبك كدا متعلقه 

سلوى : انا ماوعدتكش بحاجه

سيف برد سريع : عيونك وعدتنى .. لخبطتك معايااا ووشك إلا مع كل كلمه بيخجل ويبان عليكى الكسوف وعدنى  

سلوى باحراج : انا ها اقفل 

سيف بترجى : ارجوكى يا سلوى محتاجلك ومحتاج اقرب والله مابلعب بيكى افهمينى وحاولى تقربى انتى كمان 

سلوى ماقدرتش تسمع اى كلمه زياده وبدون سابق انذار قفلت الخط فى وشه ودا دايق سيف جدااا وقرر برغم حبه وتفكيره فيها إنه يبعد وينساها ملوش لزوم يرمى نفسه على حد مش عايزه وبيتجاهل كل حاجه لسا كان بيقولها احساس وحش نتجاهل حد بيهتم وعايز يقرب طب ليه متجاهل صافى معقول سلوى شيفانى زى ما انا شايف صافى لا الانسحاب اكرملى وقفل الموضوع بينه وبين نفسه 

******************

حازم وصل فى وقت متاخر ونزل على طول على بيت محى وبيرن الجرس ومحى هو إلا فتح وهو بيتعكز على عكاز .. وسلم على حازم بحراره .. 

محى بابتسامه : ياااه والله ليك وحشه 

حازم : حبيبى وانت كمان مفيش جديد 

محى : على معادنا بكرا ان شاء الله زى ما اتفقنا انا والراجل 

حازم : ان شاء الله 

محى : عامل ايه فى الشغل 

حازم : تعبان يامحى من نظرات الاتهام وطول الوقت الهمز عليك حتى المهندسين مش سالم منهم لو ها اقول العمال مش فاهمين كمان المهندسين 

محى : ما تزعلش يا صاحبى هو لسان الناس بيبطل كلام 

حازم : حاجه تحرق الدم لو لقتهم بيبعدو عنك وكانك  عدوه 

محى : والله كل حاجه بتاخد وقتها وتتنسى وياما بنسمع 

حازم ابتسم : تعرف من راخامتك فى الاول ماكنتش طايقك بس ما اتخيلتش انك جدع كدا 

محى : 😂😂😂 مش بقولك ما بنسلمش من لسان ولا قلوب إلا زيك 

حازم ابتسم : اهووو بيترد وبيفتح ايده على اخرها بس على أكبر .. انا ها اقوم عشان الوقت متاخر وانت بتقول ان والدك ووالدتك رجعو 

محى : استنى ها احضر شنطتى واجى اقعد معااك 

حاازم : وابوك وامك 

محى : عااادى يابنى هما عارفين ان ابنهم مابيتهدش فى حته .. ودخل جهز شنتطه وبلغ ابوه وامه وراح مع حازم شقته وما اتوقعش كمية الحزن إلا عايش فيها حازم من يوم ما فقد والدته .. 

محى : ايه يابنى مابتجبش حد يروق الشقه 

حازم ابتسامته كلها الم : نجيه تيجى بالسلامه ان شاء الله وهى تجيب إلا تحب تروقها ليها لماستها الخاصه 

محى حط ايده على كتفه وهو قاعد جمبه وبيشده عليه ربنا يطمنك يا صاحبى 

حازم ابتسملو وبصله بصه مش مفهومه 

محى باحراج : اوعى تكون معجب اه مش ناقصه اصلى 

حازم رفع حواجبه لفوق واتكلم بجديه : تعرف ان صاحب عمرى ومع بعص طول الوقت بيتهرب منى من ساعة ماعرف انى محبوس وما بيردش عليا من وقتها .. 

محى : الصديق وقت الضيق حتى لو صاحب عمرك .. إلا ما يقفش فى محنتك ما يلزمكش فى فرحتك وشد ودنه ودى حلقه فى ودنتك 

حازم بينزل ايده وضحك و هز راسه وبيدعك وشه بايده وراسه جااامد .. اه يا محى دماغى مصدعه بشكل 

محى : قوم نفض السرير خلينا ننام عشان نروح مشوارنا الصبح .. 

حازم : هو انا كل ما اشوف وشك تشغلنى .. قام نفض السرير .. ومحى صمم ينام جمب حازم .. وطبيعته بيتقلب كتيررر .. وكل ما حازم يروح فى النوم محى يفوقه .. 

حازم بزهق وصوت عالى : فى ايه يا محى 

محى فتح عيونه وابتسم عشان عارف ان نومه وحش : ايه يا حازم حازم .. مالك ما تلم الليله ونااام بقى 

حازم : مش معقول يا جدع مكسور ونايم جمبى زى المأطوره على السرير .. ارحم امى 

محى ضحك بصوت عالى : نصيبك يا جدع نام نام نوم الصديق  بيجلب الحبيب وبيعمل ذبيب  

حازم ضحك وهو ملوش نفس : بيجلب الحبيب وبيرد المطلقه 

محى : 😂😂😂 نام يا جدع قال مطلقه قال .. نام الله يسترك ..وكملو نوم شبه الحرب بينهم لحد الصبح  ونزلو بعد ما كلمو الراجل إلا اتفق مع محى على المعاد  واتقابلو معاااه فى منطقه معروفه بالنسبه لهم ... 

الراجل : هنااا يا باشا كانت مع واحده فى محل الخضار الكبير  دا وبعدها خدتها فى عربيه ومشيت 

محى : أنت متاكد 

الراجل : اه والله شوفتها ومتاكد ان هى حتى عيونها زى عيونك بالظبط يا باشا 

حازم بيقرب التليفون بتاعه : دى صورتها 

الراجل بتاكيد : ايوا هى 

محى : طيب إلا كانت معاها شكلها ايه 

الراجل : هى بت صغيره فى السن وبدء يقول مواصفات البنت وبعدها دخلو المحل يسئلو عليها .. وبردو طلبو يشوفو الكاميرات إلا تخص اليوم دا والوقت إلا كانت فيه والناس اصحاب المحل وافقو من باب المساعده .. فرغو الكاميرات واتفاجئو بالشافوه .. وطلعو ورا بعض وركبو ومشيو بعد ما شكرو الراجل وحازم عنده أمل كبير انه يلاقى أمه وترجع له من تااانى .. وصلو بيت وطلعين مع بعض ..

محى : حازم ارجوك اتمالك نفسك 

حازم : محى اطمن على امى ومش مهم اى حاجه .. وواقفين يرنو الجرس واول ما الباب اتفتح حازم دخل هجم على جوا  وهو ومحى وقفو متنحين لما شافو  نور نايمه على رجل نجيه ونجيه بتمشى ايديها بحب على راسها وبتوطى تبوسها 

حازم بصوت عالى وفرحه  : أمى 

كلهم لفو بصدمه للاتنين إلا واقفين  جوا شقتهم  وحازم كل كيانه اتشقلب فى اللحظه الغريبه إلا بيعشها دى ... ورد فعل نور كان غير متوقع 

 💃💃💃💃

💗💗💗💙💙💚💚

بقلم : لبنى طارق

لتكملة الروايه اضغطوا هنا

تعديل المقال