رواية شرسه ولكن الفصل السادس والسابع والثامن والتاسع والعاشر بقلم لولو طارق
رواية شرسه ولكن البارت السادس والسابع والثامن والتاسع والعاشر بقلم لولو طارق
 |
رواية شرسه ولكن الفصل السادس والسابع والثامن والتاسع والعاشر بقلم لولو طارق
شرسه ولكن ! 6
رب اجعل أيامنا كلها سعادة رب بدد الأحزان وأبرئ الأسقام وابسط الأرزاق وحسن الأخلاق وانشر الرحمات وامح السيئات تباركت يا رب البريات يا رب الأرض والسماوات
💗💗💗💗💗💙💙💙💙💙💚💚💚💚
ورد بتغمض عين وتفتح التانيه وبتبص على محى الا مرمى على الارض وحازم جمبه وبيشيله من قدام العربيه بعد ما نور خبطته
نور بخضه نازله جرى على محى وسابت نور العربيه مفتوح عشان ينور المكان : جرالك ايه يا محى رد عليا
حازم : يا شيخه ما شوفش وشك إلا بمصيبه ارحمينا من طلعتك البهيه
نور بعصبيه : تصدق انا بدئت اتشائم من مقابلتك السودا .. القلوب عند بعضها يا جدع
حازم قلب شفايفه وبيبص لها بقرف : جدع
محى بيتوجع بصوت عالى : اه .. الله يخربيتكم بموت ياديوك رومى مش لأقيه الا يلمها وانتو بتتخانقووو .. الله يرحمك يا محى يا حبيبى بين الاتنين دول وبيشاور على نور وحازم
نور زقته فى راسه : ما انت زى القرد اهوو يا محى
حازم زق محى من الناحيه التانيه فى راسه : هو فين القرد كمان طلعتى عديمة الاحساس المفروض تساويه بالارض عشان تحسى انك عملتى حاجه
ورد مطلعه راسها ونص جسمها من شباك العربيه ومره تنقل نظرها على نور ومره على حازم ومره على محى الا متكوم على الارض بينازع بصوت عالى
محى بيرفع راسه لفووق : اه يارب خلصنى منهم ومن وقعتهم السودا قومونى يا كلاب وبعدين اتخانقو رجلى حاسس انها اتقطعت
حازم بعصبيه بقى بيشوف نور ما يحسش هو بيقول ايه ولا بيعمل ايه : اهبب فيك ايه دلوقتى والا اروح فين قولتلك اتنيل ارجع
محى مسك دراعه وبيعيط عياط مصطنع : انا استاهل ضربى بالمركوب على رأى أم عيون دوبلى انى جريت وراك .. الشهامه مودينى فى داهيه يا عدامة الشهامه
ورد نزلت وبعدت حازم ونور بايديها والاتنين باصين لها باستغراب ووطت على محى اللى اول مره يشوف وشها بس عرفها من عيونها وبتقومه : جوم هادول فاضين يتركوك ويتعاركووو ومابيعرفو ايش بيك الله بيكون بعونك خيى
محى بيهز راسه : اه مايعرفو ايش بيك أمحى
ورد قومته وهو محمل عليها ولفف ايده على راقبتها : بتعرف تسوج والا ما بتعرف من شان نلحجك وإلا بعملك لابخه يا خيى
محى بيهز راسه وبيبصلها وبيعيط عياط مصطنع جااامد وبيضم شافيفه على بعض وبيبص لنور وحازم الا واقفين ساكتين : ها تعملى لابخه .. انا ناقص لابخه يارب
ورد باندهاش : ايش بيك مو عجبتك اللبخه بمجوتها والا تسوج
محى : ها اسوق ازاى وانا متنيل مخبوط فى رجلى وبيحرك راسه يمين وشمال وبيعلى صوته رجلى رجلى
ورد ضربته على كتفه و بتفكير : صحيح كيف يا وجه البوم راح تسوج وانت بهى الحاله وبتشاور بصباعها على راسها فكر جبل ما تنطج
محى : حاضر ها افكر منا غبى ووقعت فى شلة اغبيه
نور : تعالى دخليه فى الكنبه الا ورا دى عشان يفرد رجله ها اسوق انا روحت فين يعنى ودخلوه الاتنين ونور ركبت قدام وجمبها ورد
محى بيكلم نور : ايه راحه فين حازم يجى معايا
نور : ناديله مش شايف اول ما ركبت العربيه شال شنتطه وماشى عم الحمقى
محى : حازم .. حازم
حازم : نعم عايز ايه .. فكر فى نفسك وفى الا عملته الهانم فيك انا قولت هاتتسب فى قتلكم كلكم
نور بصوت هامس وبتجز على سنانها : وبعدين فى الغبى دا ياربى
محى : انا مش ها امشى من هنا غير وانت معايااا .. اركب عيب تسيبنى كدا وكمان مع بنتين ها يدوخو معايا
حازم : راح ناحية كرسى القياده وبيشاور بايده : اتفضلى انزلى وهاتى المفاتيح
نور رفعت حاجب وبعجرفه : نعم بقى حضرتك .. بص يا بنى ادم انت انا استحملتلك كتيرر .. لحد هنا ولاء
محى : ارجوكى يا يا نور انا تعبان .دا طبعه حتى معانا عشان خاطرى
نور نزلت وبتزقه : عشان خاطر المسكين دا مش عشانك فاهم
حازم بابتسامة نصر : اه فاهم .. ياله اتكلى
نور : انزلى يا ورد جمب محى وورد نزلت وركبت ورا ونور جمب حازم قدام .. بعد ما حط شنتطه .. اتحرك بالعربيه .. ومندمج فى السواقه
محى بيبص لورد وباستعباط بيمسك فى ايديها : اه .. تعبان قووووى قوى
ورد زقته : راح اضربك كف اتحشم
محى : اتحشم ازاى وانتى جمبى ههههههه
ورد : بدك اطلجك طلجتين
محى : مش لما تتجوزينى الاول تبقى تتطلجينى .. وبعدين لف لها بجسمه انتو عندكو الستات هى اللى بتطلج الرجاله
ورد بنفى : لاه .. كلنا حتى لصغار عنا
محى : هههههههه بالصلاه على النبى اى حد بيطلق عااادى كدا .. يعنى واحد عايز يخلص من مراته ابنه يرمى عليها يمين الطلاق ماهى زاطت
نور ابتسمت وحازم ابتسم غصب عنه ..
ورد ضمت حواجبها : ابتفهم كيف انت .. ابنطلجك ونجتلك بتفرفر كيف الفروج
محى : اهااااااا بفرفر تدينى طلقه وبيفرد ايديه لورا وافرفر .. وبيهز راسه ومبتسم . اه يا شقيه وانا اللى فاكرك حاطه عينك عليا
ورد : جولتلك اتحشم
نور بتطلع علبة السجاير وبتتكلم : شيفاك الحمد لله خفيت وبقيت زى الفل كان فى واحد رجله مقطوعه من شويه
محى : اهووو بلهى نفسى فى الكلام لانى فعلا مش متحمل واجعها بس وضعها كدا ريحنى شويه
نور هزت راسها وبتحط السجاره فى بوئها وبتولعها .. وحازم لف راسه لها وفرمل مره واحده
نور : ايه دا براحه فى ايه
حازم شد السجاره المولعه ورماها : فى دى بجد انا مش طايقك ومش عارف انا قاعد فى مكان انا وانتى ازاى لوحدنا
نور بعصبيه شديده : انا أستحملتك واستحملت قلة ذوقك كتيررر بس انت زودتها قوووى .. ما تخليك فى حالك والناس فى حالها ياخى وبتلف ايديها فى الهوا والا انت لازم تبقى فى حال كل الناس محشور فى اى حاجه
محى : والله العظيم يا حازم انا تعبان بجد ومش مستحمل .. رجلى فيها حاجه ارحمونى بقى سيبها فى حالها اعمل نفسك مش واخد بالك
حازم : كمل الطريق وبيحاول يكتم غيظه منها مش مستوعب فكره انها تشرب سجاير كمان ونور بعند وزهق طلعت سجاره تانيه وبتشربها وبتنفخ السجاره زيها زى الرجاله بالظبط .. اتحولت من ملامح انثى رقيقه لملامح راجل وافعاله .. واخيرا بعد وقت وصل اقرب مستشفى بعد ما سئلو طول الطريق .. ودخلو محى يكشف ... بعد الكشف عمل اشعه وطلع فى كسر فى رجله وها تتجبس لمدة شهر .. خلصو الجبس وخد مسكن قوووى وجابو العلاج وطلعو قدام المستشفى
نور : ما تركبو
محى : انتى ها ترجعى الاستراحه تانى
نور : لا طبعا والا معايا دى وبتشاور على ورد اخاف اسيبها حد يعمل فيها حاجه
محى : طيب احنا لازم نرجع الاستراحه عشان شغلنا الصبح
نور : اركب معايا يا محى وانزل القاهره انت مش ها ينفع تنزل الشغل مجرد ما مفعول المسكن يروح ها تخبط راسك فى الحيط من الوجع
حازم : ومين الا ها يعملو اجازه ويبلغ با الا حصل
نور : انا ها اخلص الموضوع دا فى حاجه عايزها من السكن
محى : لا الحمد لله لبست هدوم الخروج وفيها كل حاجتى وان كان على الهدوم عندى فى القاهره غيرها .. وبيكلم حازم .. بس انت ها تيجى معايا وابقى ارجع بعد بكرا
حازم : خلفتك ونسيتك يابنى انت ماسك فيا زى العيل الصغير كدا ليه
محى : ما انت سبب كل الا بيجرلى وبيقرب منه وبهمس .. ابوس ايدك لتشيل اتنين تلاته فى الطريق
حازم بيتنهد بصوت عالى وقبل عشان خايف عليهم كلهم خصوصا فى وجود ورد ومن تهور نور : اتفضل .. وراح على العربيه ركب فى كرسى السواقه على طول بعد ما ركبو محى الاول وورد خدت مكنها جمب محى ونور ركبت جمب حازم وهى مش طايقه نفسها وبتحاول تدارى عشان خاطر محى واحساسها بالذنب ناحيته .. طول الطريق نور ساكته تماما وحازم الا دماغه صدعت من قلة النوم .. ومحى ورا بيشاكس فى ورد
محى : أفهم طيب اللبخه دى عباره عن ايه كنتى ها تلبوخينى ازاى
ورد : راح جولك .. بتعرف لية الكبش بنجيبها وبنتركها على نار هاديه كيف الشمع لجل ما تسيل وبندلك مكان الوجع ونكبسها بالطحين
محى : وتطبخوها وبالف هنا وشفاااا
حازم ونور : 😂😂😂😂😂
ورد ضربته تانى على كتفه : كل شى مزح يا رجال
محى : انا اسف .. خلاص انا فهمت .. اى كبش معدى من قدامى ها اديلو نص واقطع ليته 😂😂😂
ورد بتبصله وكاتمه الضحكه
محى : اه ماهى بلطجه بقى بعد ما اقطع ليته اسيح دهنته وادعك بيها رجلى واجيب شويه دقيق وافرد بالنشابه وتدخل الفرن على طول وبيعلى صوته عقبال لابختك يا اللى فى بالى
حازم ضحك بصوت عالى لدرجه ان نور بصتاله واستغربت وبيبص لمحى فى المرايه : اخرس
محى : حاضر المهم نكمل كلامنا ..
ورد بتخبطه على بوئه : اجفل هاااى .. ما ريدك تتكلم .
محى : انتى زعلتى وربنا بهزر .. انا عارف ان عندكم احسن طب وعلاج طبيعى بس صعب الا بتقوليه الصراحه
ورد : عندينا اشيا كثيره .. وهيك بنتعالج بنربطها بطريجتنا وبعدها بتصير جرد تتنطط مع شوربة المجادم
محى : ايوا عارفها بتاعت فيلم كابتن زيزو .. شوربة المجادم اللى تقولو عليها كاوارع
ورد بتهز راسها بتاكيد : ايه صح بتصير تفهمنى
محى مبتسم : ما يغركيش انا واد جن وحافظ كل الأفلام 😂😂😂
ورد : ماشاالله عليك واصمالله .. وحطيت ايديها على راسها اه تعبت .. والاتنين فصلو وورد نامت ماحستش بنفسها .. راسها نزلت على كتف محى .. ومحى زايط فى الزيطه ولف ايده حوالين راقبتها أل يعنى عشان ما تتعبش ومبتسم وفرحان وناسى وجعه تماما ... وبعد وقت استسلم هو كمان للنوم ..
نور : تحب اسوق بدالك عشان تريح
حازم : لا شكرا
نور : براحتك وتليفونها رن وطلعته وبترد عليه وولعت سجاره وحازم ها يطق بيكره السجاير وشربها وهى مش مديه لنفسها فرصه .. نور بابتسامه وبهمس ايه الا مصحيك لدلوقت يا وحش
هانى : مش قادر انام من غير ما أسمع صوتك .. خدتى معاد من ابوكى والا لسا
نور ضحكت : رفضك قبل ما تيجى يافقر
هانى : ها نعمل ايه .. بموت عليكى من ايام الكليه ولما اصارحك بعد ما لقيت شغل وانتى تحبينى تقوليلى رافضك .. طبعا عشان الفرق المادى الا بينا
نور : انت ها تفكر فى الفروق من دلوقت .. يابنى بقولك مش طايقك بس مش عشانك .. عشان انا عايزاك فهمت لمجرد انى قولت عايزا اتجوزك تبقا مرفوض قبل ما تدخل البيت
هانى : انا مش قادر اصبر أكتر من كدا .. ومش لسا ها اتحايل واجرى ورا ابوكى دا كمان
نور : قسما بالله لو سمعتك بتتكلم على ابويا بالاسلوب دا تانى ما ها تشوف وشى حتى لو بموت فيك فاهم
هانى : انتى حيرتينى فى امرك .. اذا كان انتى بتقولى نور قاطعته
نور : انا اتكلم زى ما انا عايزا .. مجرد بوضحلك الصوره واجبهالك على بلاطه .. انما تنسى نفسك لا لكل شئ حدود
هانى : خلاص يا حب يابت انتى فى الحته الشمال
نور : ايوا كدا اتعدل .. انا على الطريق مسافره وراجعه القاهره بكرا نتكلم .. سلام يا وحش
هانى : سلام يا قلبى
حازم بتريقه : اسف انى بتدخل فى حيات الناس .. بس قسما بالله انا لو واحده بحبها بتكلمنى بالاسلوب دا لاقطم رقبتها وارميها .. الحاجه الوحيده الا احترمتها فى كلامك ان محدش يعدى حدوده على والدك غير كدا لاء لا أسلوب ولا منطق يقول انك بنت فوقى لنفسك لوجه الله
نور ببرود : الاسلوب والمنطق دا سيبته للرجاله إلا زيك تمام يا وحش ركز فى طريقك بقى
حازم بتريقه : حاضر يا معلم .. وبعد وقت وهدوء تام .. نور رجعت راسها لورا وناامت هى كمان .. وحازم بيجاهد مع نفسه شغل السى دى بتاع العربيه واتفاجئ ان كل الاغانى مهرجانات .. وقف عند استراحه فاتحه .. وطلب قهوه وخدها وبيشربها فى العربيه وهو سايق مر وقت كبيرررررررر واخيرا وصلو بالسلامه. وفى اوا دخلته للقاهره قبل مطب فرمل جاااامد وكلهم قااامو مفزوعين
حازم : ههههههههه تعيشو وتاخدو غيرها حمدالله على السلامه .. بيتك فين يا باشا
محى بيحضن ورد : نامى .. نامى لسا بدرى ملكيش دعوه بيه
ورد بصوت عالى ؛ جولتلك اتحشم .. افسح شوى ليش لازج فينى ما بتخجل
محى بيهز راسه بنفى : لاء ما بخجل
حازم : محى ساكن فين واحترم نفسك شويه
محى : ساكن فى ال...... عارفها
حازم : ايوا عارفها
نور : انت قريب من منطقة خالتى اللى انا رايحه لها على فكره
محى بيبص لورد : بجد يعنى ها تجيبى ورد وتيجى تزورينى
نور ابتسمت : لو وافقت ورد وماله عشان اكسرلك رجلك التانيه ان شاء الله
ورد : عيب يا خيتى نتضايف عند شاب عوذابى
محى : عندنا مش عيب اسمعى منى مشى أمورك
حازم : بيرد على ورد .. انتى كدا تمام ما تسمعيش كلامه وبيبص لمحى فى المرايه اتهد بقى ... وقفلو الكلام ووصل محى وسنده ونزل شنتطه ونور مشيت بالعربيه بعد ما عرضت توصله وهو رفض
محى طالع على السلم وحازم سانده
محى : فيها ايه كانت وصلتك
حازم : التكاسى ماليه البلد .. انت الدور الكام
محى : التانى .. خد المفتاح اهووو
حازم : مفيش حد عايش معاك
محى : لا ابويا وأمى بيزورو اختى وقاعدين معاها شويه فا البيت فاضى .. ايه رايك تبات معاااايا انا محتاج حد معاياااا
حازم : تحس يا جدع انى قلبت على الداده دودى مره واحده معاااك
محى : الناس لبعضها يا جدع واحنا عشرة سرير واحد من اول يوم لحقت تنسى
حازم : عشره مهببه فوق دماغك
محى : تشكرات .. تشكرات وحازم فتح الباب .. ومحى بيشاور بايده .. اتفضل يا باشا نورتنا والله
**************
سلوى بصوت هامس فى التليفون : انتى فين دلوقتى
نور : انا داخله عليكو ايه خالتى شكلها كدا تنشنت وها نلبس فى الحيطه
سلوى : ههههههه مش ها تلبسى فى الحيطه انما ها تلبسى فى خالتك نوجاااا
نور : والعمل يا أم العوريف
سلوى بتخن صوتها : اهربى
نور : 😂😂😂😂 انا مش عارفه ليه بسألك .. اطلعى افتحى الباب واستنى على السلم برا
سلوى : ماشى .. وطلعت استنت برا قدام الباب .. ونور طالعه معاها ورد بعد ما وصلت
نور بتشاور بايديها وبهمس : بسسسس هى فين
سلوى بصوت واطى : جوا فى المطبخ
نور : تمام .. وبتشد ورد الا خايفه تطلع من رد فعلهم وداخلين يتسحبو ورا بعض فى الشقه وقفلو الباب براحه .. وداخلين على اوضه سلوى فى خارجة نوجا من المطبخ
نوجااااا والبنات اول ما شافوها صرخو بصوت عالى : اعاااااااااا ...
نوجا قلعت الشبشب وطارت ورا سلوى ونور وورد بتجرى وراهم وخلاص : شوفتو عفريت اسفوخس عليكو بنات اخر زمن
نور بتنط على الكنبه ونازله من الناحيه التانيه : اهدى يا خالتى انتى على طول متعصبه كدا
نوجا : جاتك خوت يا نوررر .. انا قولت يارب بنتى مجنونه وبنت اختى عاقله وبترفع صوبعين قدام عيونها.. يقوم الاتنين يطلعو أجن من بعض يارب
ورد رفعت صوبعين وبتحول .. نوجا قربت عليها ضربتها على ايديها .. مين دى كمان
ورد بخضه : اعاااا .. ما تهدى يا عجربه انتى
نوجاااا شهقت جااامد ومبرقه ونور بتلوى شافيفها وسلوى استخبت ورا نور .. عقربه لما تلوشك يابعيده .. وبتشاور عليها هى دى الا هربتوها وبتبتسم ابتسامه صفرا باين عليها من نفس العينه السودا وبتشاور على نور وسلوى
نور بترفع ايديها وبتحلف : وربنا يا خالتى ولا ليكى عليااا حلفان ما اعرف انها ولسا مكملتش
نوجاااا : انها ايه لما عقاربها وجايه تسيبهم عليااا
ورد : كدرتينى يا حرمه ..الله يعينهم عليكى
سلوى ضربت نور برجلها : روحنا فى داهيه اكتميها والا اقتليها
نور بتوتر : ورد سفت 😂😂😂
نوجا بتلف ايديها ورافعه راسها لفوووق : يالهوى .. يالهوى .. يالهووى وقعدت على الكنبه وبتعيط عياط مصطنع .. اتبهدلتى يا نوجا على اخر الزمن من حتت بنت اد بنتك .. خلاص لا فى حيااا ولا ادب ياربى ماتمرش تربيتى فيكى يا نور وبهدلتينى
نور راحت قعدت جمبها وبتطبط عليها : حقك عليا يا خالتى .. معلش دى غلبانه وهبله
نوجا رفعت ايديها الا فيها الشبشب وبعلو صوتها : وانا أهبل منها ونامت فوق نور وبتضربها بالشبشب وكل ما سلوى تقرب تحوش عنها تاخد ضربه وكل ما ورد تقرب تاخد ضربتين .. لحد ما اترمو التلاته جمب بعض فى الارض ومنظرهم لا يسر عدو ولا حبيب 😂😂 ونوجااا قاعده قدامهم
نور بتمشى ايديها على جسمها ؛ حرام عليكى يا خالتى .. ايدك تقيله
سلوى : اهئ .. اهئ .. اهئ
ورد بتبص لها نظرات مش مفهومه وبصوت عالى : ايدك تجيله يا خاله .. لستنا صغار جدامك ابتضربى بالمركوب
نوجا بتبص لنور : ايه حكايتكم من طقطق لسلام عليكووو وبعدين نشوف حكاية المركوب دا ايه
نور : قصت لها كل ما حدث .. بس يرضيكى تشوف المر اللى انتى شوفتيه مع واحد ما بتحبهوش واطلقتى واتبهدلتى رغم ان فى فى قصه حب بس اتبخرت ولما اتجوزتى ابو سلوى بردو ماسبهوش فى حاله لحد ما الراجل مات بحصرته مابالك بدى وبتخبط ورد على كتفها تعمل ايه وهى مش طايقه ونفسها تخرج للدنيا تتعلم ويبقى لها اسم وكيان
نوجااا بزعل : لا ما يرضينيش ابدا .. تعالى ياحبيبتى فى حضن نوجااا أمك
نور بتزق ورد : قومى لتقلب علينا تااانى
ورد قامت اترمت فى حضنها : اه يا خاله
نوجا ضربتها على كتفها : خاله مين يا بت .. انا ماما نوجا فاهمه قولى يا ماما نوجا واعدلى لسانك لاعدله بطريقتى
ورد ابتسمت وحضنتها بجد : أما نوجا ... ونور وسلوى طارو على الاوضه ورا بعض وسابو ورد
**********
مر اليوم بسلام وكل ابطالنا نااامو كانهم مانموش من زمن .. ماعدا محى الا بيتألم طول ما هو نايم وحازم كل ما يحس بيه تعبان قوى يديلو مسكن ..
صحيووو على اذان المغرب فى يومهم الجديد الا نامو فيه الصبح من التعب والسفرر..
*******
حازم : محى انا جهزتلك الاكل وكله تمام ها اروح اسلم على أمى وارجعلك ابات معاك واسافر الصبح
محى بتعب : ماشى ياحازم ما تتأخرش عليا
حازم : مالك يابنى .. انت بتتعب اكتر
محى : مش عارف تقريبا كدا الحقنه الا خدتها فى المستشفى كانت قويه جدا وماحستش بدا كله . شوف يمكن كتبولى واحده زيها اخدها
حازم فتح شنطة العلاج : اهه فى علبة حقن اقوم اديلك واحده عشان ما تتعبش اكتر
محى قام وجهز نفسه وكل ما حازم يقرب من منه يصوت بصوت عالى
حازم قرب من ودنه : ماتهدى يا قطه .. ماعرفش انك جبانه كدا دى حقنه شكه يعنى
محى ماسك دراع حازم جااامد ومغمض عيونه : بخاف قوى منهم .. بالله عليك ارشقها وخلصنى
حازم : 😂😂😂 لا انا ها ارشقها وأجرى .. وادالو الحقنه
محى بعصبيه : خلص بقى شكلك ما بتعرفش
حازم : الحقنه انت خدتها
محى بيلف وبيبص عليه : احلف وقول وربنا
حازم ابتسم : وربنا يا جبان
محى ضحك : ياجدددع وربنا انت تتحب من اول نظره
حازم غمز له : أحيات العشره الا مكملتش اسبوووع وانت كمان .. سلام يا وحش
محى قعد : ماتتأخرش عليااا ... وبيقولها بطريقه فؤاد المهندس
حازم رد عليه بطريقه محمود الجندى : عينياااااااا .. ونزل راح لوالدته الا وحشته جدا .. دخل من الباب بينادى عليها بصوت عاااالى .. وهى طلعت جرى حضنته .. وبتمسد على ضهره ..
نجيه : يا حبيبى .. يا حبيبى .. حمدالله على السلامه
حازم : الله يسلمك يا أمى ووطى على ايديها باسها وباس مقدمة راسها .. وقعدو وبيتكلم بابتسامه ماليه وشه .. عامله ايه يا حبيبتى
نجيه : الحمد لله على كل الا يجيبه ربنا ... فين شنطتك
حازم : انا مسافر تااانى وقولت اجى اسلم عليكى واشوفك محتاجه حاجه والا لاء
نجيه : يا حبيبى كل الا محتاجه من الدنيا تكون انت فيها بخيررر
حازم : مالك يا نجنج حاسس ان فى حاجه مدايقكى
نجيه : والله يا حازم كنت نايمه وشوفت منام وحش .. ودخلتك عليااا فرحتنى يابنى خوفت يكون فيك حاجه
حازم قعد جمبها على الارض وحط راسه على رجلها : انا جمبك وبخيررر ياحبيبتى مهما حصلى اوعى تشيل هم ابدا
نجيه بتمسد على شعره وهو ماسك ايديها بيبوسها : ربنا ينجيك يا ابنى خلى بالك على نفسك وابعد عن اى سكه مشبوهه
حازم : حدالله بينى وبين الحرام .. اكلها بعيش وملح ولا أمد ايدى على إللى مش ليا
نجيه : ربنا يبارك فيك والاتنين نظرهم راح للباب وصوت الخبط شديد جدا عليه
حازم بأستغراب : مستنيه حد
نجيه : لا مين ها يجى ويرزع على الباب بعد العشا كدا
حازم قام فتح الباب ونحيه قلبها وروحها بتتسحب .. حاسه بحاجه وقلقانه وعلامة الاستفهام والقلق بانت على وشهم الاتنين لما حازم فتح واتفاجئ بالشرطه قدامه
حازم : خيررر .. بتسألو على حد
الظابط : انت حازم سامى عبدالله
حازم بتاكيد : ايوا انا
الظابط : معانا أمر بضبطك واحضارك وبيشاور بايده وبنبره حاده اتفضل معانا ولما امه مسكت فيه شدوه بالقوه
💗💗💗💙💙💚💚
بقلم : لبنى طارق
💗💗💙💙💚💚
شرسه ولكن ؟ 7
**************
رَبِّ اغْفِرْ لِي خَطِيئَتِي وَجَهْلِي وَإِسْرَافِي فِي أَمْرِي كُلِّهِ وَمَا أَنْتَ أَعْلَمُ بِهِ مِنِّي، اللَّهُمَّ اغْفِرْ لِي خَطَايَايَ وَعَمْدِي وَجَهْلِي وَهَزْلِي، وَكُلُّ ذَلِكَ عِنْدِي، اللَّهُمَّ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ أَنْتَ الْمُقَدِّمُ وَأَنْتَ الْمُؤَخِّرُ وَأَنْتَ عَلَى كُلِّ شَيْءٍ قَدِيرٌ
💗💗💗💗💗💙💙💙💙💙💚💚💚💚
حازم بعنف بيشد ايده من الظابط : كلمنى وفهمنى فى ايه دا مش اسلوب وانا ها انزل معاك
نجيه بعياااط : ابوس ايدك يابنى سيبه وفهمنى
حازم بعصبيه اكتر : تبوسى ايد مين
الظابط : احنا ها نقف نتحايل على بعض ونتسامر وإلا ايه .. ممكن تتفضل قدامى وكل حاجه ها تعرفها فى التحقيق
حازم مسك ايد أمه باسها وبأبتسامه : متقلقيش ان شاء الله مفيش حاجه .. كلمى رامز يعدى عليكى
نجيه بعياط أكتر وهما بيشدوه وبينزلو معاهم .. قعدت وبتخبط على رجلها وبنار قايده جواها مش عايزا تهدى : يا حبيبى انا حاسه والله حاسه بكل دا .. يارب استرها يارب وجريت لبست العبايه ونزلت مش شايفه قدامها .. بتجرى وسط العربيات بعزم ما فيها وقفت قدام تاكسى الا فرمل على اخر لحظه
سواق التاكسى : مش تحاسبى يا ست وبعدين ندخل فى سين وجيم ويجيبو الحق علينا
نجيه : بلهفه قربت عليه .. معلش يابنى .. ارجوك ودينى القسم
سواق التاكسى : قسم ايه الله يخربيتكم انا عملتلك حاجه
نجيه : لا فهمت غلط وعيطت ابنى خادوه وماعرفش خادوه ليه .. ودينى وها اديلك إلا أنت عايزه
سواق التاكسى : لو مؤاخده ياما ما تزعليش انا زى ابنك .. اركبى يا حاجه وركبت نجيه وبتلف من قسم لقسم تدور عليه
**********
حمدى بيخبط على شقه نوجاااا
نوجا : طيب يا اللى على الباب .. فى ايه وفتحت . .. اهلا اهلا براحه طيب ها تهد علينا البيت
حمدى : فين نور يا نوجا
نوجا : نايمه جوا .. ايه جاى تتخانق معاها زى عوايدك طبعا
حمدى : نوجا ما تعصبنيش انا مش عارف انتى مش طيقانى ليه كدا
نوجا : ادخل يا حمدى انت على الباب وسابته ودخلت وبتصحى نور .. نور .. انتى يا بت
نور بنوم : نعم يا خالتى سيبينى شويه كمان
نوجا : كان بودى .. بس ابوكى برا
نور اتعدلت مره واحده ؛ هو عرف منين انى هنا
نوجا : ودى عايزا كلام من المخبرين الا ممشيهم وراكى .. وبتبص على ورد الا بتتعدل .. اتخمدى انتى ماتقميش الا الصبح
ورد نااامت تااانى وبتقول بنوم : حاضر يا خاله
نوجا بنفاذ صبر ؛ جاتكو خوت كلكم .. هى المشرحه ناقصه قتله ياربى .. نهايته قدامى .. ونور قايمه وطالعه على برا
حمدى : حمدالله على السلامه
نور : الله يسلمك يا حج .. خيررر
حمدى : خيررر انتى .. اخرتها معاكى ايه سايبه الدنيا تضرب تقلب وحاجتنا تتسرق .. وبتجرى ورا بنت بدويه احنا ناقصين مشاكل مع البدو كمان بسببك
نور بتشاور بصباعها على صدرها : هو انا للدرجه دى عملالك مشاكل ومش ملاحق عليا
حمدى : اه مش ملاحق .. تنكرى ان كل يوم والتانى عامله مشاكل مع أحلام .. وعامله مشاكل مع المهندس حازم .. واهو مشاكل كمان مع البدو
نور بعصبيه : وانت ممشى ورايا مخبرين محدش فيهم فهمك مين اللى بيبتدى بالمشاكل الاول معاااايا ... والعقربه الا اسمها احلام دى على أى اساس مصدقها .. هى الا بتعمل مصايب معايا وعايزا تطفشنى من جنتك وبتنطر ايديها جنتك الا انا مش عايزاها اصلا اشبع بيها وبمراتك وابنك
حمدى قرب عليها بعنف وبصوت عالى صحى البنات وخرج نوجا الا ماسكه نفسها وضربها بالقلم جاااامد ومسكها من شعرها بيشدها بعنف منه .. انا شكلى قصرت فى تربيتك وعايزا تتربى يا بنت ال
نوجا : لحد هنا ومش عايزا ربع كلمه وشدت نور لحضنها وحضنتها جاامد ونور منهاره .. انت ايه يا راجل انت اعمى البصر والبصيره .. واحلام مين دى الا جاى تضرب بنتك عشانها .. بنتك الا قلبت كيانها ودمرت حياتها وراميها بين الرجاله ومعدات وحياه مش بتاعتها وياريتك سايبها فى حالها
حمدى : بنتى وانا حر فيها يا نوجا ملكيش فيه واوعى تنسى ان السبب من الاول رباب امها .. وبيبص لنور .. انا طول عمرى بقول خلفت راجل مش بنت أمنتك على مالى وحالى خلاص بقيت عدوك ومش طايقه جنتى .. كل دا عشان اتجوزت وجبت الواد الا نفسى فيه .. اخوكى يا نور واحلام زى أمك
نور بمهاجمه : مفيش واحده زى أمى ... امى دى اشرف ست مش ست مايصه أمى استحملت الفقر والهم وفضلت جمبك لحد ما ربنا كرمك شافت يوم حلووو بتشاور بصباعها لاء ابدا .. اهانه وذل وقرف وبتقول حاضر وطيب ونعم .. حمل ورا حمل ورا حمل لحد ما صحتها راحت وماتت .. لما جريت ورا واحده من دور عيالك واتجوزتها ماتقدرش تقولها تلت التلاته كام .. اللى بتتنعم فى خير الست الا استحملت وحطت القرش على القرش عشان تبقى حمدى بيه وتحكم وتتحكم بنتك الا احلام خلتها عدوتك هى سبب انك واقف على رجلك وبيدخلك ملاين وكل يوم من موقع لموقع وشغل ومناقصات اد كدا وبتفتع دراعها على اخرهم والسبب العبدلله وبتشاور على نفسها . ناس تبنى وتدوق المرررر وناس تترفه وتعيش على قفا الكل
حمدى بان على وشه الزعل : كل دا فى قلبك .. وبيبص لنوجا كله منك يا نوجا فضلتى وراها لحد ما كرهتيها فياااا .. للدرجه دى انا كنت وحش مع اختك .. للدرجه دى كنت تاعبها ومدوقها المر
نوجا : ايوا يا حمدى افتكر كدا وارجع بذاكرتك لورا .. افتكر كام مره مديت ايدك على اختى وجت تعيط وتتقهر لوحدها فى اوضه مقفول عليها عشان محدش يحس بيها .. كام مره كسرت خاطرها عشان بتخلف بنات وبيموتو .. كام مره سيبتها من غير فلوووس ولا سائل فيها وكل ما تكلمها تقول لها عيشى على قدك ومن يوم ما اتجوزتك اتبهدلت واتمرمطت ودبلت .. وردتنا المفتحه دبلت وراحت وانت السبب .. بنتك دى انا ما بتكلمش معاها عليك لا بخير ولا شرررر .. بس كفايه بقى .. روحت جبت عيله تحكم وتتحكم عشان الواد جبت عقربه كل يوم والتانى تسمم جسم بنتك بالمشاكل والكلام .. وجاى تقول نور هى الا بتعمل مشاكل ههههه ضحكتنى والله
حمدى ضحك بسخريه : ياااه دانا شيطان رجيم وانا مش عارف ..وبينطر راسه براحتك يا بنتى اعملى الا على كيفك وبتحدى وانا كمان ها اعمل اللى على كيفى .. واه قبل ما أمشى بص بصه سريعه على ورد .. الواد الا عايزا تتجوزيه ها اقولهالك تااانى مش ها يشوف ضافرك ومش ها تلوى دراعى وبيشاور على ورد لا ببدو ولا بشغل ليا وبالاذن وسابهم ومشى .. ونور قعدت على الكنبه وسلوى وورد جمبها وبدأت تعيط بقهرررر وبطريقه وجعتهم كلهم وبقو يعيطو على عياطها
نوجا بعياط : يا حبيبتى اوعى تقهرى نفسك كدا يجرالك حاجه يا نونتى .
نور : تعبت يا خالتى .. تعبت هو بيعمل معايا كدا ليه .. دانا مرميه تحت رجله ارجل من اى راجل كان جابه .. ذنبى ايه ان امى جابتنى بنت . ورفعت راسها ودموعها نازله يارب انا مش عارفه هو بيعاقبنى على ايه بخاف ازعله عشان خاطرك بس مقدرتش اكتم فى نفسى اكتر من كدا .. والله بحبه بس تعبت وبتبص لهم واحده واحده وكلهم بيعيطو .. انا تعبت فااااض بيا اعملو اى حاجه تريحنى
سلوى حضنتها من ناحيه وورد من ناحيه وبيحاولو يهدوها
************
حازم قاعد قدام مكتب الظابط وبيبصلو : افهم انا موجود هنا ليه
الظابط مسك ورقه قدامه : امر بضبطتك واحضارك بعد ثبوت تورطك فى سرقه خامات ومعدات تخص المقاول حمدى عبدالغنى زاهر وتقدر قيمه المسروقات بمليون ونص
حازم ضحك وبيشاور على نفسه : انا ها أسرق وحمدى دا مش المقاول الا ماسك المشروع الا انا شغال فيه
الظابط : ايوا هو
حازم : هو تهمنى التهمه دى على أى أساس
الظابط : مش هو الا تهمك .. فى تلاته سواقين لعربيات النقل التقيل الا كانت بتنقل لكم معدات وحديد وخامات انضربو على طريق ال... امبارح الساعه 2 .. والتلاته بعد ما فاقو فى المستشفى تم استجوابهم وفيهم واحد شاف وش شخص من الا اعتدى عليهم وبعد التحريات عنه طلع المدعو سامى واعترف ان أنت إلا أتفقت معاهم يعملو كدا بمقابل مدى كبير هو وإلا نفذو معاه
حازم ضم حواجبه على بعض باستغراب : انا ماعرفش لا حاجه عن الواقعه دى ولا إللى انت بتتكلم عليه ولا ليا اى صله بالموضوع
الظابط : افتح المحضر . واكتب .. فى يوم الثلاثاء الموافق 3/١ الساعه وبيبص فى ساعته التاسعه مساءا تم ضبط واحضار حازم سامى عبدالله أحد المهندسين المسئولين عن مشروع ال____
بعد ان تم البلاغ بواقعه سرقة معدات وحديد وخامات تقدر ثمنها بمليون ونص المليون جنيه مصرى من المدعو حمدى زاهر وذلك بعد ان تم القبض على المشتبه بهم واعترفو بارتكابهم الجريمه بعد ان تقاضو مبلغ مالى من المهندس المسؤل والذى سايتم استجوابه ألأن أمام معاون مباحث دائرة قسم ____ وهو وبيشاور على نفسه النقيب سيف خالد المنياوى وبأمر ضبط وإحضار من النيابه العامه
س .. ماهو قولك فى المنسوب إليك باتهماك بسرقه كل ما هو المذكور أعلاه وهو ____ ___
وبيبص له بعد ما خلص كلام
ج : حازم ماعرفش اى حاجه عن المسروقات ولا الناس إلا ادعت انى اتفقت معاهم
س : لماذا تم اتهامك من قبل المتهمين
ج : حازم مش عارف ممكن عشان انا لسا جديد فا خدونى كبش فدا لهم
س : كنت فين الساعه الساعه 1 بعد منتصف الليل وليه سايب مكانك هناك ونزلت القاهره بدون علم حد
ج : كنت مع محى زميلى حصلت مشاده بينى وبين نور بنت المقاول فى مكان استراحتنا وسيبت المكان وقص كل ما حدث بس ما جبش سيرة ورد خالص وقال ان هو و نور حصلت بينهم مشاده وهو ما بيرتاحش لها وفضل يسيب المكان ويرجع يقعد فى شغله وسط العمال ..
س : ليه مبلغتوش اى جهه مختصه باإلا لحصل
ج : الوقت كان متأخر جدا والسفر طويل وهو أصر انى افضل جمبه عشان كدا سافرت والمفروض تكون هى بلغت باإلاحصل عدم تواجدنا انا والمهندس محى فى موقع الشغل ..
وفضل التحقيق شغال اكتر من ساعتين متواصلين
اثناء التحقيق .. استنا يابنى ما تكتبش حاجه .. وبيبص لحازم تحب تشرب ايه يا بشمهندس
حازم : اذا سمحت فنجان قهوه مظبوط
سيف داس على زرار قدامه دخل العسكرى وبيبص للكاتب الا جمبه وانت يا على
على : زيكم يا باشا
سيف : 3 قهوه مظبوط يابنى
العسكرى : تمام يا فندم وخرج وقفل الباب وراه
سيف : اسمحلى ادردش معاك بشكل ودى خارج التحقيق عشان القضيه مش سهله يا بشمهندس خصوصا ان فى اجماع على كلام الولاد اللى نفذت .. ومقدمين مقطع متصور ليك وانت بتدي واحد فيهم فلوس وواقف تتكلم معااااه
حازم بصدمه : انا .. محصلش
سيف : لا افتكر انا عايز اخدمك عشان من تعاملى مع الناس والمجرمين فا بعرف افرق بين المجرم والحرامى والناس الا فعلا ممكن تكون كبش فدا ليهم .. شاكك فى حد مثلا .. ممكن يكون المهندس الا كنت معاه وبنت المقاول عملو التمثليه دى عشان لو حصل اى شئ يبقى هما فى الامان واتفقو مع العيال دى يقولو كدا او تكون مشترك معاهم بسبب ديقه ماليه ليك
حازم بنفى : لا يمكن يكون دا حصل .. المهندس محى انسان محترم وما يعملش كدا .. ونور هى بنت المقاول ها تستفيد ايه المال مالها وما اعتقدتش انها تعمل كدا بردو وبغض النظر عن سوء التفاهم الا بينى وبينها .. الكل بيشكر فيها
سيف بيبص له : انت كدا بتثبتها على نفسك
حازم : انا واثق انى برئ وان ربنا ها يظهر برأتى من التهمه القذره دى وصدقنى مش قلقان ابدا
العسكرى دخل وقدم القهوه وخرج
سيف : اتفضل يا بشمهندس واتمنى فعلا تكون زى ما بتقول .. وبيشربو القهوه .. افتكر اى شئ حتى لو بسيط من امبارح الساعه 8 لحد وقتنا دا وقولى عليه او قبل كدا وخصوصا الولاد الا بتقول انهم مصورين الا حصل وانت بتتفق مع واحد فيهم ... وبص فى ورقه قدامه اسمه سامى
حازم : ها احاول .. اى حاجه ها افتكرها مش ها اتردد انى اقولها ... وبعد وقت كبيررر من التحقيق معاه ووقت كبير حازم نزلو الحجز .
******
سواق التاكسى : احنا بنلف بقالنا 3 ساعات يا حاجه .. ومش لاقين ابنك دا
نجيه بعياط : طيب دا اخر واحد ها نروحه .. ياله يابنى ووصلو القسم ودخلت وسئلت وعرفت انه موجود فى القسم وتم حجزه .. ودخلوها للنقيب سيف بعد محيالات .. وقعدت قدامه بتعيط جااامد
سيف قام وقعد قدامها ونادا على العسكرى يجيب لها لمون .. وجبالها
سيف : ممكن تهدى يا حاجه
نجيه بعياط وشنهفه : ابنى واخدينه وحبستوه ليه دا محترم وعمره ما عمل حاجه كدا والا كدا .. متربى وعارف الحلال والحرام
سيف : والله هو باين عليه .. موضوع بسيط نثبت برائته وها يخرج ان شاء الله ووعد مش ها اسيبه لو هو برئ فعلا
نجيه بتخبط على صدرها : قولى ابنى تهمته بايه
سيف بأسف باين على وشه : تهمته سرقه وشروع فى قتل 3 سواقين بالاتفاق
نجيه شهقت و برقت جاااامد ونفورة دموع نازله من عيونها وخبطت على رجليها جااامد وبتشاور بايديها لا .. لا ابنى ما يعملش كدا .. ابن الاصول ما يعملهاش والله صدقنى وبتوطى على ايد الظابط تبوووس ايده
سيف شد ايده : استغفر الله اترمت على رجله وسيف بيقومها
نجيه : عشان خاطرى اعتبرنى زى أمك واعملو اى حاجه دا أغلب من الغلب ومليش غيره . انا اتكفى على ابنى من بعد ابوه وابعده عن اللى اخلاقهم وحشه واعلمه الاخلاق والدين قبل التعليم نفسه وانت تقولى سرق وقتل .. لا مش ابنى الايعمل كدا مش هووو
سيف : اسمعينى واهدى يا أمى .. دلوقتى لازم تقوميله محامى شاطر واللى عليا واقدر اعمله والله ها أعمله
نجيه بترجى : طيب اشوفه .. اطمن قلبى وأكد لنفسى انه لايمكن يعملها
سيف : رغم انه ممنوع دلوقتى بس ها اطمنك عليه حاضررر وطلب احضاره من الحجز .. وفعلا جااابوه واول ما شاف امه حضنها جااامد فى وجود ظابط تااانى مع سيف
نجيه ماسكه وش حازم : قولى انك متعملهاش يابن بطنى وقلبى
حازم : والله يا أمى لا عملتها ولا عمرى اعملها اطمنى وامسحى دموعك
نجيه بعياط : مطمنه ادام قولتلى انك متعملهاش
حازم بزعل : عندك شك
نجيه بنفى وبتهز راسها : ابدا .. ابدا .. وبصت لسيف سمعت هو لا يمكن يعملها
حازم حضنها جاااامد اهدى وعشان خاطرى اطمنى وخلى بالك على نفسك هى مسئلة وقت وها اخرج ان شاء الله
نجيه حاااضر يا حبيبى حاضر .. ونزلو حازم الحجز تااانى ونجيه خرجت
الظابط : ايه الا بتعمله دا يا منياوى
سيف : ايه يا محمود
محمود : مش عارف .. قولتلك ابعد مشاعرك عن الشغل
سيف : مشاعرى بعيده عن الشغل والمهندس محبوس ايه بقى معترض على ايه
محمود : واحد سرق وكان ها يقتل . جايبلى امه وبتتسامر معاها ومتعاطف معاه وشويه شويه ها تنيمه فى مكتبك
سيف : هى ذنبها ايه انت عارف يعنى ايه أم بتتألم ومحروقه على ابنها وكمان لحد دلوقتى ما اتثبتش انه هو الا عمل كدا وشكله فعلا برئ
محمود : يا حبيبى يا رايق .. خدنى واحده واحده
سيف ضحك : اه انت عايزا تودى اى حد فى داهيه اهى قضيه والسلام
محمود : يابنى تلت تربعهم بيتمسكنو وبعد ما يطلعو عنينا تحريات وغيره يطلعو ولاد 60 فى 70
سيف : انت قولتها تلت تربعهم يعنى لو فى واحد بس مظلوم انا ماعنديش استعداد اشيل ذنبه وصلت يا وحش
محمود : وصلت خليك انت كدا كل قضيه تمسكها تقعد فيها سنه ها تفضل محلك سرررر .. لا ها تروح ولا تيجى .. المفروض تيك ترك وتخلص
سيف باعتراض : ابدا . انا اقسمت انى ما اجيش على حق مظلوم .. ولحد ما اعرف هو مظلوم والا ظالم مش ها اتخذ اى اجراء ضده يأزيه ولا يمكن اكسف وأهين والدته واذلها
محمود : معاك ربنا يا ابو قلب حنين بالاذن عندى ضبط واحضار وهما يومين وبيرفع صوبعين وتكون القضيه خلصت
سيف ابتسم : الله يكون فى عون الا بيقعو فى ايدك
محمود بيشاور على نفسه : وفى عونى انا كمان من الاشكال دى ومن منك وخرج ..
*******
نجيه خارجه قدام القسم تايهه وبتكلم نفسها ونازله على السلم مش باصه على حاجه وفجأه حصلت حاله هرج ومرج فى المكان واصوات الناس عليت
💗💗💗💙💙💚💚
بقلم : لبنى طارق
💗💗💙💙💙💚
شرسه ولكن ! 8
************
اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ
💗💗💗💗💙💙💙💙💙💚💚💚💚💚
العساكر وبعض الناس ملمومه على ام حازم لما وقعت من طولها على السلم ونزلت كام درجه على راسها مباشرا .. واحد من الناس الا واقفه قدام القسم هاتوها فى العربيه معايا الحقها فى أى مستشفى العساكر شالوها قدام بعض وركبوها العربيه والراجل مشى بيها بسرعه ..
سواق التاكسى واقف برا المكان .. ولما اتاخرت بيكلم نفسه : أمشى والا ادخل لها اخد اجرتى دول تلت ساعات ونص وانا بلف بيها .. وبيوطى لقى البوك بتاعها واقع فى الدواسه مسكه وفتحه ..الله دا بتاع الست .. ادخل لها حرام ست كبيره ومش وش بهدله .. ودخل سئل عليها
العسكرى بحيره : مين انت عمال توصفلى واحده وانا واقف داخل عليا ميت الف وش واحد وواحده ها افتكر مين والا مين
السواق : طيب دخلنى للظابط هى اكيد عنده
العسكرى : هى سايبه يا جدع انت والا الظابط دا فاضيلك ادخل اقوله واحد جاى يسئل على واحده عندك مش عارف شكلها ايه
السواق : يا جدع اسمع الكلام دا حاجتها معايا
العسكرى : أما انك راجل غبى طيب ما تفتح الحاجه وتشوف اسمها فى البطاقه
السواق ابتسم : انت صح صحيح يا جدعااان الحكومه مفتحه والشعب نايم فى البلاله
العسكرى شد منه البوك : هات شكلك راجل دماغك فاضيه ودخل للظابط وحكالو إلا حصل وادالو البوك وسيف فتح البوك ومن اسمها وشكلها الا فى صور صغيره لها ولحازم موجوده جوا البوك عرف انها أم حازم وأمر العسكرى يدخل السواق
السواق رافع ايده بالتحيه : باشااا لو مؤاخده سعتك
سيف بيشاور على الكرسى : اتفضل
السواق بضحكه على شفافيه : يزيد فضلك .. انا قولت عيب وما يصحش دى امانه بردو
سيف : هى المفروض خرجت من نص ساعه .. ازاى ماقابلتهاش
السواق : والله ما قابلتها ولا خدت اجرتى يا باشا ومستنى تخرجلى برا على الناصيه ما جتش سعتك
سيف : حسابك كام وانا ها ابعت انا حاجتها دى بمعرفتى وياريت الناس كلها أمينه زيك
السواق رفع ايده بالتحيه تااانى : احنا نقدر نحاسب الحكومه سعتك دا حتى عيب على الشعب
سيف ابتسم : لا حقك تاخده يا سيدى .. حسابك كام وبيطلع فلوس من جيبه
السواق : خلى طيب يا باشا .. ادام مصمم 200 جنيه سعتك عشان خاطر الحكومه والله
سيف : اتفضل واداله الفلوس والراجل مشى وبيكلم العسكرى .. خد البوك دا وتروح العنوان الا ها اكتبهولك فى الورقه وتوديه للحاجه نجيه تمام .. وأدى يا سيدى حق الموصلات
العسكرى ادى التحيه : تمام يا فندم .. وخرج .. راح العنوان وسئل ملقاش حد هناااك وبعد وقت رجع لسيف تانى وحكاله
سيف بحيره : ها تكون راحت فين يعنى . وخرج وسئل العساكر بنفسه برا وقالولو على الا حصل وعمل اتصالات كتيررر عشان يعرف فى اى مستشفى وسئل على كل الحالات الا دخلت مفيش لها اى اثر
*************
أحلام : انا عايزا افهم مالك مدايق ومتعصب ليه قولى يا حبيبى انا مراتك حبيبتك
حمدى : يوووواه ابعدى عنى السعادى
أحلام : لا مش ها أسيبك وها تقولى وإلا والله أسيبلك البيت واخد ابنى وما تشوفش وشنا تااانى هنا بطل تركنى على الرف يا حمدى
حمدى : انتى عايزا ايه
احلام : قولى مالك وايه الا مدايقك كدا .. اكيد نور
حمدى : ايوا هى نور ارتحتى
احلام : انا سترك وغطاك يا راجل فهمنى ما يفهمش للست إلا الست اللى زيها هو انا يعنى ها أضرها وبتزقه زقات خفيفه فى كتفه وبتتكلم ورا بعض قول .. قول
حمدى : قص كل شئ لأحلام .. بس اصدقك والا اصدقها
أحلام بصعابنيه : طيب انا كدابه يا حبيبى .. هات ابنك اسأله .. يا مازن .. يا مازن
مازن : نعم يا ماما
حمدى : روح يابنى ايه الا بتعمليه دا يا احلام
احلام شدت مازن جااامد وبصتله : قول يا حبيبى اختك حبيبتك بتعمل ايه معانا وابوك مش موجود
مازن : انا قولت يا ماما .. ما بتحبناش وعايزاكى تمشى
احلام بصوت عالى : وايه تااانى .. فاكر لما قالت انا ها اخليكو تشحتو
مازن : اه يا بابا .. ها ترمينا فى الشارع وتاخد كل فلوسك وانا وماما نشحت
احلام : روح يا حبيبى .. انا بقول لبابا عشان يفهم نور انها غلط ونحب بعض
مازن : ايوا انا عارف
حمدى حضنه وباسه .. روح يا حبيبى
احلام : ايه رايك بقى .. ها تسمع منى .. مش انا الا جبتلك قرار الواد اللى اسمه هااانى وطلع واد حرامى وبتاع بنات .. يعنى لو انا بكرها كنت دبستها فيه وخلاص
حمدى هز راسه : حصل واتاكدت بنفسى
احلام : بنتك قويه .. والبت القويه عايزا الا يكسر عنيها عشان تفضل تحت طوعك
حمدى : ها اعمل ايه تانى
احلام : أكسر للبنت ضلع يا راجل شد عليها اوعى تصعب عليك تضيع منك اسألنى انا مش كنت بنت زيها وشايفه نفسى وكفايه عليها شغل بقى
حمدى : ومين يمسك شغلى يا ام العوريف
احلام : زى ما علمت بنتك ابنك اهوو دا راجلك وسندك علمه وان الاوان ترجع تقف اسد وسط العمال وملك زمانك وشبلك واقف جمبك
حمدى قام طلع اوضته وهو ساكت وكلام احلام طول الوقت بيرن فى دماغه والحيره اتملكت منه أكتر
****************
نور قاعده منطويه على نفسها فى الاوضه ومش عايزا تكلم حد ابدا
ورد بحزن : خيتى والله زعلت وبدى ارحل انا سبب لكل العراك معكى
نور بابتسامه بتمسد على كتف ورد : اوعى تقولى كدا دا الطبيعى فى حياااتى دا صفر على الشمال من الا بيحصلى
سلوى : ايوا طبيعى انتى بس عشان اول مره تحضرى لها موقف فا فاكره انه بسببك لا يا حبيبتى بنت خالتى منحوسه من صغرها 500 مره قولتلها اهربى وها اهرب معاكى مابتسمعش منى
ورد : ايه اهروبى وكلنا راح نهرب معكى
نور ضحكت بصوت عالى وبتضرب كف على كف وبتبص لسلوى : انتى عدوى ومصيبه البت لسا هاربنه امبارح وعايزا تهرب تااانى .. هروب جماعى بقياده سلوى بنت خالتى
الاتنين ضحكووو
ورد : اتبسمى وجهك متل البدر ماشاالله عليكى
نور بغمزه : انا بردو اللى زى البدر .. دا محى . محى اندب على بوذه ومبطلش معاكسه فيك يا جميل
سلوووى نطت فى وسطهم : لحقتى ياورده من تحت تبن يبقى عندك محى . اشمعنا انا ياربى واحده عندها محى وواحده عندها هانى وواحده عندها نوجااا فاضل لها تكه وتقيم عليه الحد .. مين محى دا يابت منك لها
نور : دا بشمهندس معايا فى الشغل يا ستى ..كان ها يجيلو هبل ومش على بعضه خالص من ساعة ما شافها وضربته بالمركوب
ورد بتضرب ايديها على بعض : شو راح يعمل بواحده بدويه متلى .. لا اتعلمت ولا شافت علام وهاد المهم عنديكم بغير العزوه والاهل وينهم انا لحالى مجطوعه .. ما تفكرى هاد مثل نجوم السما بعيد على والمحى هاد حلو كتيررر كتير
سلوى : ههههه كمان طلع حلو نعلمك ونظبطك يا بيضه تعرفى انا ممكن يغمى عليا لو واحد عاكسنى بخاف قووى منهم
ورد : بعبع والا إيش جمدى جلبك واعطيهم بالمركوب بيتحشمووو ما بتعطيهم بيتزغللو
نور ركبتها الهوا وبصوت عالى نوعا ما : اه منك انت يا اكبر زغلول وسطنا .. سيبك من مراكيبك وزغليلك دلوقت ها نبتدى بالهدوم عايزين تشكيله حلوه تتظبطى بيها طبعا انا عارفه ذوقك
سلوى : ملكيش دعوه بالبس نور وشكلها دى قربت تكتب فى البطاقه ذكر ويطلع لها شنب يقف عليه الصقر خليكى انثى يا وردتى
نور بتهز راسها بتاكيد : ايوا يا وردتها اوعى تكونى زيى ابدا ما انصحكيش خليكى زى الهبله دى الا بتخاف من خيالها بس الانوثه بتطفح منها طاغيه فى حياتها
نوجا دخلت عليهم : بتتفقو على مين
نور : عليكى يا قمرررر .. ايه رايك بكرا ننزل نجيب هدوم لورد على ذوقك
نوجا : لو على ذوقى مااااشى بشرط
نور : اؤمورى
نوجااا : انا وانتى وورد البت دى وبتشاور على سلوى لا بتعصبنى
نور مسكت بوء سلوى : موافقين
ورد بتضحك : إيه موافجين
سلوى ضربتهم : فى ثانيه بعتونى طب والله منا راحه انا خساره فيكو اصلا
**************
حازم فى الحجز قاااعد يفكر فى كل الا بيحصل معقول يكون حد من المهندسين الا عمل كدا وبيخلص منه .. والا والد نور او نور نفسها .. طيب مين دول الا مصورنى .. وازاى وانا اصلا متاكد ان مفيش حاجه تيدنى انا عملتها .. وطلب يروح لسيف تااانى .. وفعلا طلعوه من الحجز لسيف
سيف : ها يا بشمهندس افتكرت حاجه
حازم : لاء بس كنت عايز اشوف الفديووو ممكن عايز اعرف مين
سيف : لما الاحراز والمتهمين يوصلو هنااا اكيد طبعا ها تشوفه لانه جزء مهم فى القضيه
حازم : طيب مش المفروض نور ومحى يتحقق معاهم بردو ويتاخد اقوالهم هما ها يأكدو انى كنت معاهم
سيف : اكيد ها ناخد اقوالهم .. وان شاء الله بكرا يطلع امر ضبط واحضرهم وانا ها اجيبهم بنفسى
حازم : طيب صور الولاد اللى قالت الكلام دا اشوفها انا مش عارف مين بيتهمنى
سيف : بكرا ان شاء الله الصوره ها تتضح قدامك وقدامنا وها تواجهم كلهم .. ما تستعجلش يا بشمهندس
حازم خد باله من بوك والدته : مش دا بوك والدتى .. هى نسيته
سيف : للاسف يا حازم حصل حاجه كدا انا عارف انها ها تدايقك ... وقص عليه كل ما حدث
حازم وطى راسه بين ايديه بخنقه ودموعه نزلت وبيتكلم بعصبيه مكتومه : انا ها افضل متكتف كدا وأمى ماعرفش هى جرالها ايه ولا مين خدها انا هنا فى تهمه زور وظلم
سيف : انا أمرت بتفريغ الكاميرات وها اعرف مين الا خدها ما تقلقش
حازم : ممكن اعمل تليفون
سيف : اتفضل ..
حازم بالهفه بعد ما ضرب الرقم واتصل ... الووو ايوا يا رامز .. انت فين .. فين طيب ماشى .. لا مفيش اى حاجه .. مع السلامه وقفل
سيف : لحد ما القضيه تتفهم ويتضح مين بالظبط المتورط انا تحت امرك وزى اخوك اطلب اللى انت عايزه
حازم : انت مش مقصر معايا ومدينى اكتر من حقى .. بس كنت عايز حد يروح البلد يمكن تكون سافرت عند خلانى
سيف : مش معاك رقمهم
حازم : معايا بس مش عايز حد يعرف حاجه انت عارف العيار اللى ما يصبش يدوش ودى سمعتى والناس ما بتصدق كلمه
سيف : طيب ادينى الرقم لو حافظه وانا ها اتصرف
حازم كتبلو الارقام الا حافظها كلها ورجع تاااانى لحبسه واحساسه انه متكتف ومتقيد مش قادر يعمل حاجه بيزيد واللى كمل عليه أمه ودى اكتر حاجه وجعته .. بيموت 100 مره كل ما الهواجس تيجى على باله بأنه حصل لها ضرر .. وبيلوم نفسه على حاجه هو معملهاش وبيحمل نفسه المسئوليه لو جرا لها حاجه شبح نور طول الوقت بيتطارده شايفها مدانه قدامه من الوقت الا دخلت حياته وهى حياته بقت صعبه وملعبكه وبيدفع تمن حاجه هو مش قادر يفسرها ايه بالظبط وياترى ها يفضل كدا والا ايه ؟
**********
انتهى اليوم وابتدى يوم جديد ياترى مختلف على حازم وإلا أزمته إلا مش عارف سببها ها تزيد ... نور ها تتصرف ازاى بعد الازمه الجديده بينها وبين ابوها وحيات ورد ها تتغير وها تستجيب للتغير والا لاء
*************
نور : ياله يا خالتى جهزت انا وورد وانتى لسا
نوجا : ياله انا كمان جهزت اهوووو .. وبتبص لسلوى الا ضاربه بوذ .. تخلصى باقى الاكل على ما أجى ومسكت شفايفها افردى دا انتى ماشيك لاخمه عامله زى العيال بجرى وراكى من هنا لهنا
سلوى : حاضر فهمت حاجه تانى عايزين تدايقونى بيها
نور قربت باستها وسلوى ابتسمت : سلام يا قطه اجبلك اتنين كاش مايوه من الا انتى لابساه دا ها توديه فين تااانى بعد فوق الركبه
سلوى بضحكه : نونه تلاته يا حبيبتى .. عايزا بينك ولبنى واصفر
نور : اصفررر .. يع عليكى وعلى ذوقك
ورد بفرحه : انا بدى من هيك ..وماسكه الكاش مااايوه بتاع سلوى بايديها معى مصارى إكتيره
نور بتنطر ايديها : البت ضاااعت بسببك وداخله فى سكه الانحراف والكاش مايوه
نوجاااا : هههههههه .. يعينى على البنات .. غلابه والله بيفرحو باى حاجه .. ربنا يقدرنى واقدر ألمكو .. قدامى يابت منك لها .. ونزلو وسابو سلوى لوحدها .. دخلت المطبخ ورفعت شعرها بطريقه عشاوئيه وبتغنى وترقص وهى قدام البوتاجز
سلوى بتتحرك بوسطها يمين وشمال وبترفع المعلقه الا بتقلب بيهاوتنزلها وترفعها وتقول : ماشيه السنيوره كدا كدا اهووو .. وبتلف براسها عايزالها صوره كدا كدا اهووو وبتبص فى حلة الرز الا بتعملها وكملت بصت فى العدسه كدا كدا اهووو راحت محروقه وشهقت جااامد وجريت جابت ميه وزودت الحله بعد ما حطت الرز
**************
محى : اه .. انت روحت فين يا حازم انا تعبان قوووى محدش حاسس بيا .. وبيتصل تانى على حازم .. تليفونه مقفول .. لحقت تزهق منى وتخلع .. والجرس رن ومحى بيحاول يقوم مش قااادر .. اتسند وقام بالعافيه وبيفتح الباب على أمل انه يكون حازم واتفاجئ بالشرطه
النقيب سيف : محى محمود
محى بخضه : ايوا انا
سيف : ممكن تتفضل معانا
محى : ليه والله ما عملت حاجه
سيف : ابدا تحقيق صغير كدا وها نروحك تااانى
محى بتعب : ما ينفعش هنا .. انا تعبان جدا ومش قادر احمل على رجلى والمفروض اخد حقنه ومخدتهاش
سيف للاسف مش ها ينفع .. تعالا ونشوف موضوع الحقنه دا ممكن نجبلك مسكن ..
محى : طيب ممكن تجيبلى حاجتى من على الكمود جوا والمفتاح
سيف دخل بكل راحبة صدر جابلو الحاجه وسنده هو والعسكرى الا طلع معاه ونزلو وركبه قدام جمبه
سيف ؛ اسف يا بشمهندس تعبتك بس غصب عننا
محى وهو قاعد جمبه فى العربيه من قدام : ولا يهمك بس افهم فى ايه ... وسيف قاله مختصر للموضوع كله
سيف : دلوقتى ها نروح لبيت الانسه نور عشان اخدها هى كمان لانكو التلاته مشتبه فيكو بعد اختفائكو مع بعض وبدون اى اتصالات بينكم وبين ادراة المشروع
محى : يعنى ها اتحبس
سيف : لا ها ناخد اقولكم وممكن يتم استدعائكم فى اى وقت
محى انتبه للطريق : نور عند خالتها .. والطريق مش من هنا
سيف : متاكد
محى : ايوووا .. هى قالت يوم ما كنا مع بعض ان خالتها ساكنه فى شارع ال_____ وقريب من هنا فى عمارة المحمدى
سيف : لف يابنى .. ووصلو المنطقه وسئلو وسيف طلع لوحده رفض ان حد من العساكر تطلع معاااه عشان الشوشره وبيرن الجرس
سلوى بعد ما خلصت الاكل ماسكه تليفونها وفاتحه اليوتيوب على فيلم قديم بتتفرج عليه وقاعده على الكنبه .. قايمه تفتح ورمت التليفون وهو مفتوح على الكنبه وبتكلم نفسها ..
سلوى بصوت مسموع : انا مش عارفه ما انتو معاكو مفتاااح ما تفتحو بيه لحقتو تروحو وترجعو وفتحت الباب وتنحت وفاتحه بوئها وسيف واقف يبص لها من فوق لتحت و ما بيعملش اى رد فعل شكلها لجمه مكانه
سلوى بقت شبه الشريط الا سف وبتتكلم بسرعه ورفعت ايديها لفوق وكانها بتسلم نفسها وسيف تنح أكتر : والله انا بريئه .. انا قولت لها اهربى انتى بس هى هربت ورد مش انا اللى قولت يرضيك يعنى اروح فيها انا وعيونها غربت يمين وشمال وفقدت الوعى وسيف جرى عليها ومسكها قبل ما تقع .. زق الباب برجله قفله وداخل بيها وهى فى حضنه وماسكها بايد وبيخبط على وشها بالايد التانيه ..
سيف : انسه ... يا انسه ونيمها على الكنبه وبيعلى صوته محدش هنااا يا جماعه دخل اوضه يدور على برفن لان واضح انها لوحدها
سلوى بتفتح عيونها بتقل وبتدور على الا كان معاها من شويه : اه وحطت ايديها على صدرها الحمد لله كان حلم بس فظيع كنت ها اتكلبش كلبوش شكلى نمت والا إيه وداخله على الاوضه وسيف خارج ومعاه ازازة برفن صغيره جدا فى ايده
سلوى اتنطرت وكانها اتكهربت : اعاااااا
سيف حط ايده على بوئها والبرفن من لخبطته معاها حطه فى جيبه ومسكها بالايد التانيه : ما تهدى بقى انتى لابسك عفريت وبيحضر اول ما تشوفى وشى وبيتكلم بتحذير ها اشيل ايدى وعلى الله تصرخى فاهمه .. وبيشيل ايده وهى لسا فى حضنه
سلوى بعياط : انت ها تقبض عليااا ليه .. انا عملتلك حاجه وبتعلى صوتها وبتخنه شويه حرام عليك .. حرام عليك .. انت ماعندكش اخوات ماعندكش قرايب ماعندكش دم
سيف : انتى هبله .. انا قبضت عليكى والا جيت جمبك هو انا لحقت اقول او اعمل حاجه نازله اعترافات لوحدك امال لو خدتك القسم ها تقولى انا الا وقعت البرجين انتى مين انتى
سلوى : انا سلوى .. والله منا الا وقعتهم والله وسيف رفع حواجبه الاتنين باندهاش سلوى طيب مصدقنى انا كنت ها اهرب بس هما قالولى لاء .. مش كنت هربت ياربى
سيف بعصبيه : هما مين الا بيقولو وتهربى من ايه
سلوى : نور وورد .. اصل انا ونور ها نهرب .. ونور قبل ما نهرب هربت ورد .. فا قولت نهرب كلنا مع بعض احسن فهمت
سيف بيهز راسه وبينطر ايد على برا : مش ها تهربى الشارع معاكى بالمره
سلوى بعياط مصطنع ورافعه صباع قدام بقها : والله لاء ما قولتلهمش .. هما عايزين يهربو وبترفع كتافها براحتهم
سيف حط ايده على بوئها تانى : فين نور واركنى الهروب الجماعى دلوقتى .. هربت لوحدها
سلوى هزت راسها بنفى وسيف شال ايده : هى خرجت تجيب هدوم لورد وهاتجيبلى كاااش مايوه زى دا وماسكه بايديها وبتبعد عن سيف الا ماسك فيها وسابها اول ما بعدت وبمجرد ما بصت على نفسها رفعت راسها وبصت لسيف ومبرقه وصوتت .. اعااااا
سيف بنفاذ صبر مسكها جااامد وشدها عليه ومقرب من وشها والتوتر باين على وشه وبهمس .. انتى مجنونه صح .. روشتينى من ساعة ما دخلت .. ما تهدى والا اديكى بالروسيه انيمك فيها شهر وبيهزها بعصبيه انتى فاهمه والله شكلى ها اعملها معاكى واخدك زى ما انتى كدا القسم
سلوى من خوفها وكلامه اغمى عليها تااانى .. وسيف شالها دخلها الاوضه الا واقف على بابها نيمها على سرير من الاتنين الا فى الاوضه وهو بينيمها قرب بوشه قوووى و كله متوتر من المجنونه الا قدامه شال الكوبرته الا على السرير وغطاها بيها وقرب عند وشها وابتسم وبهمس مجنونه وهربانه منها .. خرج بسرعه سمع صوت تليفونها شغال على الكنبه على فيلم قديم ليلى مراد ابتسم بمكر ومسكه قلب فيه شويه وبعدها خرج برا الشقه كلها ونزل بسرعه وركب جمب محى
محى : ايه مش فوق
سيف بتوهان : هااا
محى : نور مش فوق
سيف هز راسه وبيحاول يستجمع نفسه : لا مش فوق
محى : انا معايا رقمها .. اتصل عليها
سيف : ياريت
محى : اتصل على نور وردت عليه .. ايوا يا نور عامله ايه
نور : انت الا عامل ايه دلوقتى
محى بتعب : الحمد لله .. بقولك ايه تعاليلى على قسم ايه وبيكلم سيف
سيف : قسم ال_______
نور بقلق : فى حاجه والا ايه
محى : لا بخصوص حاجتكم الا اتسرقت حازم مقبوض عليه من امبارح وانا كمان ها يستجوبونى ومش عارف ظروفى ايه
نور : دا بجد دا .. اخ انا نسيت ابلغ انكو معايا وحصل اللى حصل .. طيب تمام انا جيالك وقفلت ووصلو القسم .. وقدام القسم اتقابلو مع نور .. وقربت على محى سندته يابنى انت تعبان قوووى
محى واقف وسيف كان دخل لان حد طلب يكلمه .. انا مش قادر فعلا عايز اخبط دماغى فى الحيط من الوجع .. خدت مسكن وان شاء الله يعمل معايا اى حاجه
نور : وصاحبك حابسينه ليه
محى : والله ما اعرف النقيب سيف ما اتكلمش وقالى الموضوع ايه بالظبط ياله .. وبيصفر للعسكرى وجه سنده مع نور ودخلو مكتب سيف ..
سيف قام سلم عليها وقعد تااانى وبيتكلم بجديه : انسه نور حمدى
نور : ايوا انا
سيف : اول امبارح كنتى فعلا مع المهندس محى والمهندس حازم .. ووصلتو القاهره مع بعض هنااا
نور : ايوا حصل
سيف بيبص فى ملف قدامه : المعلومات الا عندى بتقول المفروض انك بتستنى وصول الشحنات الجديده وبتسلميها بنفسك او بتوصلى اى خامه بنفسك للمشروع وبتسلميه بردو
نور : ايوا بس امبارح حصل ظرف طارئ اضطريت انى اسافر ..
سيف : ايه هو وايه السبب ان البدو ضربو نار عليكم الساعه___ فى الاستراحه
نور بتوتر : تقريبا كانو بيدور على واحده ضايعه منهم والمهندس حازم نزل واتعامل معاهم عشان عرفت بعد كدا انه لقى حصانين وهو بيتمشى وكان رابطهم وحاطت لهم ميه .. فا دا اللى خلى البدو اعتدو علينا
سيف بص لمحى : وانت ايه معلوماتك
محى بص لنور وبصوت مهزوز : كل الا قالته نور هو الا حصل سيف فهم من صوتهم المهزوز وربط بين كلام سلوى على ورد ونور و حس ان فى حاجه مش مظبوطه رغم ان كلام حازم ونور ومحى واحد : طيب ايه سبب نزولك القاهره المفاجئ
نور : انا و المهندس حازم شدينا مع بعض عشان كان بيدايقنى بالكلام على شكلى وكدا .. للاسف كان رد فعلى غبى شويه وهو ساب الاستراحه ومشى ومحى نزل وراه وانا قولت اروح ألحقه فا خبطت محى بدون قصد واتجبس واصريت انه ينزل القاهره عشان لو فضل فى الصحرا ومحدش جمبه ها يتعب .. وهو صمم ان حازم يسوق بدالى عشان ما يحصلش حاجه لحد او خايف من سواقتى
سيف : محى شكيت فى سلوك المهندس حازم
محى ؛ لا ابدا عجبنى شخصيته جدا وواضح انه محترم فى شغله برغم انه لسا اول اسبوع .. بس بيهتم بالشغل جدا وملوش فى التهريج اثناء الشغل بالذات
سيف : ايه علاقته بالعامل سامى عبد العظيم محمد
محى : هو لسا ملوش اى علاقه مع اى حد .. بس كان بيكلمهم ويتعامل معاهم ويشجعهم على الشغل
سيف : طيب سامى دا انسان كويس والا صدر منه اى شئ مش تمام فى حق اى حد
محى : سامى حصل منه تجاوز مره واتنين وتلاته .. وكان بيسرق من المونه ونور سامحته عشان بيته وعياله
سيف بص لنور : فعلا الكلام دا
نور : ايوا وحذرته وكنت مقرره انه لو عمل اى شئ تانى ها ابلغ عنه .. بس ممكن افهم ليه حازم محبوس هو لسا معندوش اى علم بأى شئ يخص الخامات وخلافه
سيف قص عليهم كل ما حدث : بس دى كل الحكايه هو بالذات ليه عشان فى شهود عليه وأدله ضده فامحبوس .. اما انتووو ها يتحقق معاكو ولو ثبت تورط حد فيكو ها يتحبس هو كمان لان فى شروع فى قتل 3 سواقين غير السرقه
محى : لايمكن .. الفتره الا قعدها ما يلحقش يخطط لدا كله وكمان انا زى ضله لا اتفق ولا كان بيقعد مع العمال .. مجرد بيتابع الشغل وبيشوف الجديد فى حاجه والا لاء
سيف : للاسف الأحراز اللى وصلت والفديو الا بينه وبين سامى بيقول غير كدا
نور : كل شئ جايز
سيف دخل العسكرى : هات المهندس حازم من الحجز يابنى .. والعسكرى جابه وفتح باب المكتب .. ونور وجهت نظرها عليه وهو داخل رافع راسه برغم الكلبش الا فى ايده ولسا العسكرى ها يقفل الباب سمعت صوت قوامها من مكانها والكل اتلفت للبيتكلم
💗💗💙💙💙💚💚
بقلم : لبنى طارق
💗💗💙💙💚💚💚
شرسه ولكن ! 9
حلقه 9 و10
*************
اللَّهُمَّ إِنِّي أَعُوذُ بِكَ مِنَ الْكَسَلِ وَالْهَرَمِ وَالْمَأْثَمِ وَالْمَغْرَمِ، وَمِنْ فِتْنَةِ الْقَبْرِ وَعَذَابِ الْقَبْرِ، وَمِنْ فِتْنَةِ النَّارِ وَعَذَابِ النَّارِ، وَمِنْ شَرِّ فِتْنَةِ الْغِنَى، وَأَعُوذُ بِكَ مِنْ فِتْنَةِ الْفَقْرِ، وَأَعُوذُ بِكَ مِنْ فِتْنَةِ الْمَسِيحِ الدَّجَّالِ، اللَّهُمَّ اغْسِلْ عَنِّي خَطَايَايَ بِمَاءِ الثَّلْجِ وَالْبَرَدِ، وَنَقِّ قَلْبِي مِنَ الْخَطَايَا كَمَا نَقَّيْتَ الثَّوْبَ الْأَبْيَضَ مِنَ الدَّنَسِ، وَبَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ
💗💗💗💗💙💙💙💙💙💚💚💚💚💚
نور قامت من مكانها وبصت لابوها وبعدين بعدت بعيونها عنه .. وهو كمان بص لها واتكلم : اسف يا حضرة الظابط .. كان فى استدعى ليا
سيف : مين حضرتك
نور بصوت محشرج : والدى
سيف : طيب تمام .. ممكن يا انسه نور تطلعى برا ومعاكى المهندس محى والعسكرى قرب ومسك محى وخارج
محى : بس انا كنت عايز اتكلم مع حازم
سيف : لسا بدرى انت موجود والانسه كمان وها تتكلمو معاه .. وخرجو وحازم قعد بعد ما فكو من ايده الكلبشات وحمدى قدامه ..
حمدى وجه نظره لحازم : ماكنش العشم يا بشمهندس والله .. انا قولت مفيش زيك تطلع حرامى وبتمد ايدك على مال الناس وكمان عايزا تضيع 3 بيوت غير المشاكل مع نور وانا ساكت
حازم بعصبيه : انا مش عايز غلط يا راجل انت .. واتكلم بأدب
سيف : اهدى يا حازم كلم حمدى بتحذير بعد اذنك ما تتكلمش غير بإذنى
حمدى : انا ها أحترم سعتك ووجودك بس مش اكتر من كدا
حازم بيلف راسه بغيظ وبيبص لسيف الا قاعد بارد جدا ..
سيف : ايه علاقتك بالمهندس حازم يا حج حمدى وليه ساب المشروع هنا وسافر فى مشروع ال____
حمدى : قص كل ما حدث بينه وبين حازم وليه مشى وساب المشروع الا كان شغال فيه الاول
سيف : يعنى المهندس حازم اخلاقه كويسه وعنده امانه فى الشغل وانت بتشهد بدا
حمدى : للامانه اه راجل عشره على عشره ولو الناس كلها كانت شهدت ضده انا وبيحط ايده على صدره اشهد فى صفه .. بس اتفاجئت باإلاحصل وانه كمان متصور
سيف : عرفت منين انه متصور
حمدى : من راجل من رجلتى الابيتابعو الشغل ما ابنى نور .. قالى على كل الا حصل
سيف ضم حواجبه وحازم بصله بصه مش مفهومه
سيف : هى بنت والا ولد
حمدى : بنت بس فى الشغل ولد وراجل من ضهر راجل
سيف أستمر فى تحقيقه مع حمدى وحازم .. كلامهم كله فى صف حازم مفيش حد قال حاجه ممكن تكون شبهه له ابدا حمدى مشى من غير ما يكلم نور ربع كلمه بعد ما سيف سمحله يمشى وفضل حازم وسيف لوحدهم قبل دخول نور ومحى تانى
سيف فتح الفديو .. وبيوريه لحازم .. شوف كدا يا بشمهندس
حازم بص للفديو وبمجرد ما شافه ضحك
سيف : للدرجه دى بيضحك
حازم : ايواااا .. هو دا سامى
سيف : ايوا هووو .. ايه حكاية الفديو دا .. واضح انك واقف بتديلو فلوس وبتتكلم معاه فى حاجه
حازم : ايوا فعلا بس إلا صور الفديو دا صور بعد ما جه وقالى يا بشمهندس معاك فكة 200 قولتله اه .. وفعلا طلعت الفلوس من جيبى وادتهاله .. ومش ظاهر انا بديله كام .. لو كبرتو وعملتو زوم على ايده وهو بياخد الفلوس ها تعرفو انه مبلغ هايف لايمكن يبقى لأتفاق كبير .. وبعدين دخلنى فى كذا موضوع مره عن الشغل والهم ودا سبب وقفتنا مع بعض
سيف هز راسه : طيب ليه انت بالذات اللى عمل معاك كدا
حازم : ماعرفش يمكن عشان جديد وماعرفش طبيعته .. ودا انا مستغربه جدا
سيف : تمام يا بشمهندس كفايه كدا لان محى كان عايز يتكلم معاااك والانسه نور .. فا اسيبكم ربع ساعه مش أكتر
حازم بصوت مكسور : لسا ماعرفتش حاجه عن أمى
سيف : عرفت مين الا خدها ووقت بسيط ويكون هنااا .. وابتسم أطمن
حازم : شكرا .. الف شكر
سيف : على ايه ربنا يطمنك مفيش اغلى منهم فى حياتنا .. وخرج ودخل محى ونور لحازم
*************
ورد بفرحه داخله الشقه ومعاها نوجااا وفى ايديهم شنط كتيرررر وبتنادى على سلوى ما بتردش .. دخلت الاوضه عليها لقتها نايمه على السرير ..
ورد : نعسانه دلوجت .. جومى يا سلوتى شوفى كل حاجه جبناها .. وبتزق فيها لقت جسمها مخشب .. نادت بأعلى صوت ونوجا دخلت عليها وهى بتجرى وقالعه نص هدومها وبترمى الهدوم الا فى ايديها على الارض
نوجا : ايه فى ايه
ورد : ماعرفش .. خيتى ما بترد وبتهز فيها لحظه وقامت تجرى تجيب بصل
نوجا بعياط وبتتدعك فى ايديها : سلوى .. يا قمرى قومى يا ساسو .. وبتخبط على وشها .. مالك يا قلبى .. وعيطت اكتر واعصابها سابت .. اوعى تحرقى قلبى عليكى انتى ايدك متلجه كدا ليه
ورد قربت وبتشممها البصل وبتدوس بضوافرها على ودنها
سلوى اتعدلت : اعااا .. اعااا مش انا .. مش انا والله ما انا
نوجا بتمسد عليها وحضنتها : مالك يابنتى مالك
سلوى فاقت من صدمتها : ماما .. هو انتى والا فى حد تانى وبتلف براسها يمين وشمال
نوجا : انا ماما .. انا اهدى ونيمتها وورد جمبها .. فى ايه مالك وخايفه كدا ليه
سلوى : ها يدينى بالروسيه ويحبسنى كان عايز ياخدنى القسم كدا اعاااا .. اهئ اهئ ومسكت فى ورد ها يحبسنى الجاحد
نوجااا بصوت عالى شويه : هو مين يابت
سلوى بتبص حواليها وعدلت راسها وساندها بايديها : وبصوت هامس امها وورد قربو عليها .. هو مش هنا
ورد بتهز راسها بنفى : لا مو هون
نوجا : مين يابنت المجنونه .. جننتينى وطيرتى البرج الا فاضل فى نفوخى .. وبتبص للسما .. مش عارفه طالعه لمين دى يارب هبله وعندها عته مبكر ابوها كان طيب وخواف بس مش اهبل
سلوى بنفس الهمس : الظابط كان هنا صدقينى
ورد شهقت جااامد وضربت على صدرها وبتضرب على رجلها : اتجفشتى يا رود .. عاتروحى فطيس ياورد .. عايرحلوكى يارود
نوجااا بتخن صوتها وقامت من مكانها : جايبينك من ليبيا يا عين أمك عشان يرحلوكى ورفعت راسها لفوق عايجننوكى يا نوجا عايطيرو البرج الا فاضل يا نوجا وسابتهم وخرجت وهى عماله تكلم نفسها
سلوى بتبص على برا ومسكت ايد ورد : مشيت
ورد : ايه مشت .. امك اخلاجها صعيبه خيتى وبتشاور على رقبتها خلجها ديج
سلوى : هى كدا من زمان من ساعة ما بابا جابها هنا .. المهم انتى لازم تهربى الظابط كان هنا وبتشاور بايديها على الاوضه .. واكيد عرف كل حاجه وها يقفشنا احنا التلاته
ورد : خيتى ابتتكلمى جد .. وكيف دخل لهون وعرف ايش
سلوى : بتنطر ايديها عرف كله منا قولتله ان نور هربتك وقصت كل شئ لورد
ورد : يبى ..يبى .. يبى . وضربتها على كتفها كيف تتركيه يطلع فيكى وانتى هيكى .. عيب خيتى .. عيب الله موجود ما تعطى حد نظره مو من حجه لو عندينا بيجتلوكى
سلوى مدت شافيفها لقدام : والله كنت فاكره ان انتو ونسيت نفسى ودموعها نزلت انا لاخمه قوى يا ورد وبخاف وكمان اغمى عليااا وافتكرتو حلم بس مطلعش حلم .. ريحته ماليه الاوضه والشقه كلها .. مش شامه
ورد بترفع ايديها عند وشها وهى لسا فى ايديها البصله : يااااه دا ريحته مصننه وصعيبه كيف طايجهاااا سلوتى
سلوى شدت البصله منها : ما لازم تبقى مصننه ومفحفحه .. ودى ايه بقى ازازه البرفن بتاعت ساعتك
ورد ضحكت جاااامد هى وسلوى وبتهز راسها : ايه خيتى .. وانا بجول ريحته جلبت نفخومى البعيد وبريد انام ..
سلوى : هى نور فين
ورد : تركتنا انا وأما نوجا وجالت فى شى مهم راح تجضيه لاول
سلوى : ماشى شويه واكلمها بقى
******************
محى دخل هو ونور المكتب بعد ما سيف خرج هو والكاتب الا بيكتب التحقيق معاهم ..
محى : محنه وها تعدى ان شاء الله يا حازم
حازم هز راسه وملامح الزعل باينه على وشه بس مش على نفسه عل والدته الا ما يعرفش عنها حاجه : ان شاء الله يا محى .. بس كان نفسى اسألك سامى الا تهمنى التهمه دى اخلاقه ايه وليه عمل كدا لو تعرفه يعنى
محى : اعرفه طبعا وشكله كدا حب يضرب ضربه كبيره بعد ما نور سامحته اكتر من مره ووقعك انت فيها وماعرفش فديو ايه الا ماسكه عليك عشان يأمن نفسه وياخد حكم مخفف لو اتمسك اكيد دا تفكيرى ووجهة نظرى فى الموضوع دا
حازم بص لنور بشررر
نور بتلف أيديها فى الهوا : ايه فى ايه تانى .. اوعى تقول انى انا الا عملت دا كله
حازم : لو انسان بالاخلاق دى وانتى عارفه انه كدا وتسبيه يبقى انتى اكيد السبب .. زى فكرة الموظفين المرتشين الا موجودين فى كل مكان .. لما دا يديلو راشوه ودا ودا عشان يخلصو نفسهم يبقى هما فاسدين زيهم وساعدو الفاسد على انه يستقوى على غيره وغيره لحد ما بقت حاجه مفروضه علينا كلنا انما لو رفضنا ووقفنا ضدهم واتعاقب غيره ها يخاف ويرجع
نور بمهاجمه : انت كل ما تشوف وشى تدينى قصيده فى الاخلاق ... واه انا سامحته عشان بيته وعياله وعشان ما يسرقش وراه كوم لحم حتى لو بيغلط ها يشيلو ذنبه طول العمر لان الا زيك ما بيرحموش
حازم : إلا زيى شيفانى ايه ماشى ادبح فى الناس يا ست القديسه سامحتيه وسرق .. وسامحتيه وسرق .. وسرق تالت ورابع .. يبقى اخلاقه كدا ومش ها يتغيررر ولازم يتعاقب
نور وقفت وبمدايقه فى حازم : انت بتبرر ايه هاااا ما ممكن تكون مشترك معاااه فعلا بدليل ان الادله كلها ضدك .. والمهندسين الا هناك ومحى اهووو مفيش حد فيهم زيك .. يعنى من الاخر راسك عليها بطحه وبتحاول تداريها
حازم جز على سنانه وقام وقف والشر بيطير من عيونه عليها : انا لو مش متربى كنت عرفتك مقامك وفرمتك بين ايدى .. بس للاسف الست الا بسببك وبسبب رميتى هنا ظلم ووقعت من طولها وماعرفش عنها حاجه ربتنى وقالتلى اوعا تمد ايدك على بنت ولا وليه يابنى عشان ها يقعدلك فى حياتك كلها .. امشى من هنا وبجد مش عايز اشوف وشك تااانى اتجنبينى
نور شدت الشنطه من على الكرسى بغيظ : ولا انا عايز اشوف وشك ولا ها اموت من غير سعتك .. ولو انت مظلوم بتمنالك تخرج غير كدا تستحق اى شئ فى الدنيااا عشان انت انسان متسلط ومريض نفسى وسابته وخرجت
محى : حازم ما تزعلش منها .. بس هى مش بالوحاشه دى وانت على طول تهاجمها
حازم قعد قدام محى : سيبك منها ومنى لانى مش طايقها كل ما احاول اصفى من ناحيتها ماعرفش ايه الا بيحصل وحط ايده على رجل محى .. عامل ايه انهارده
محى : تعبان قوووى فوق ما تتخيل ولا كانها متجبسه للاسف
حازم : الف سلامه عليك معلش يمكن عشان فى الاول .. ممكن اتعبك معايا فى حاجه يا محى لان مفيش حد يساعدنى صاحبى رامز فى اجازه ومسافر
محى : اؤمورنى
حازم : الأمر لله .. جاب ورقه فاضيه من على مكتب سيف والقلم وكتب عنوانه ورقم التليفون .. دا عنوانى ورقم التليفون بتاع البيت .. ارجوك تبعت حد يطمنى على والدتى من ساعة ما جتلى هنا ما روحتش .. النقيب سيف مش مقصر وقالى انه عرف مين خدها بس طمنى ارجوك الحبسه والتكتيفه الا انا فيها ها تجننى ولو رجعت تابعها ان شالله بالتليفون الوحده مع الا بيحصلى اكيد ها يتعبوها
محى خد الورقه وسيف دخل : حاضر عنيه لحظات وخرج لنور .. والعسكرى خد حازم وكلبش ايده تحت نظرات نور الا واقفه برا .. ونزل بيه الحجز
نور ماسكه محى وخارجه وبعصبيه : انسان مش محترم ومتكبر
حازم : تخيلى نفسك بين يوم وليله لابسه قضيه انتى مظلومه وبريئه منها واحنا عارفين ومتاكدين لانه فعلا طول الوقت معانا وملحقش يعمل اى حاجه ولا يتعرف على الزفت سامى وبالعقل كدا يا نور يومين تلاته وها يطلب منه يقتل ويسرق
نور ركبته العربيه معاااها : عارفه وحاسه انه مظلوم .. بس لسانه متبرى منه يا محى وشويه شويه وبتهز راسها بعصبيه كل ما يشوفنى ها يقولى خبى وشك وشك بيلبش جدتى
محى ضحك بصوت عالى : ايوا صح وربنا بيتخيلكو كدا ادخليلو بماسك يمكن يتغير وياستى معلش نستحمل بعض .. بصى طالب منى ايه دا امه ما روحتش من امبارح وعايزنى اروح اسئل عليها واطمنه
نور بحيره وزعل خدت الورقه : ماشى سيب الموضوع دا عليه بس ما تقولوش .. وطلعت بالعربيه بسرعه جدا
محى : انتى راحه فين
نور : عند خالتى عشان اغديك معااانا
محى بأبتسامه : شالله يخليهملك .. مش عارف انا بتكعبل فى شوية ناااس .. فله .. فله
نور بتحذير : مش عايزا قلة ادب خالتى خلقها فى مناخيرها .. يعنى ممكن تنضرب ومش لوحدك كلنا
محى بقلق : لا كفايه انتى والا عملتيه .. كمان خالتك ها تختمها
نور بابتسامه : خالتى دى اطيب قلب فى الدنيااا .. بحبها فوق ما تتخيل .. تعرف لما امك تروح منك وتفقد كل شئ ومتلاقيش حضن وتكون دى حضنك وامانك .. فى عز الجفا الا مالى حياتك دى بتطبط وتدلع .. هى بتقلب اه .. بس قلبتها قلبة أمومه وحب وخوف مش رخامه.. غير كدا ممكن انام فى حضنها تلت تيام ما أحسش لا بوقت ولا بناس
محى : يا زيدى يا زيدى .. ربنا بيعوض يا ست نور ..وربنا ما يحرمك منها قولى أمين
نور : أمين
****************
سيف قاعد فى المكتب وبيحط ايده فى جيبه واستغرب .. ايه دا وانا بقول فى حاجه غريبه فى جيبى وانسى بسبب الدوشه الا انا فيها .. وبيطلعها لاقها البرفن بتاع سلوى وانفجر فى الضحك لدرجة ان عيونه دمعت .. وبيكلم نفسه وبيمسح عيونه
سيف : كلت دماغى وروشتنى لدرجة انى خدت البرفن من غير ما اخد باااالى .. طلع تليفونه وبيتصل وماسك البرفن بيلعب بيه وبيقربها على مناخيره يشمها .. وبصوت هااادى ومتمكن : عامله ايه دلوقت وفوقتى أمتى
سلوى تنحت وبصت للتليفون وبعدين بترد بصوت ضعيف وورد بتحط ودنها جمب السماعه : مين
سيف : انا الحلم والطيف الا دخل حياتك بدون استأذن .. كنت سايبك بتطلعى فى الروح فوقتى والحمد لله
سلوى بعدت التليفون عنها وبتكلم ورد بخوف : دا هو يا ورد.. شكله عفريت مش ظابط بيجى فى اى مكان
سيف سمعها لانه مركز قوووى وابتسم واول ما قربت التليفون منها وها تتكلم : طيب بذمتك فى عفريت بيتكلم فى التليفون دا عفريت الكترونى بقى اكيد دا الطرف التالت إلا جنن مصر
سلوى بخوف : امال انت ايه وجبت نمرتى ازاى
سيف : ها اكلمك باليل لما اروح واقولك اتفقنا
سلوى نزلت التليفون تااانى وبتكلم ورد : دا عايز يكلمنى .. اقوله ايه
ورده : اضربيه كف وجوليله يا جليل الادب اتحشم واجفلى فى وشه
سلوى مسكت التليفون وبتتكلم بثقه وجديه : وادى كف يا جليل الادب اتحشم هه وقفلت فى وشه
سيف ضم حواجبه بأستغراب وماسك التليفون قدام عيوانه بيبص فيه وبيلف صباعه فى الهوا مع كل كلمه بيقولها : كف .. ياجليل الادب ...و اتحشم وهه .. حصلت هه .. بوئها اتعوج من اول مكالمه والا ايه وضحك أكترررر ودخل عليه محمود زميله
محمود : ايه ياعم صوت ضحكك جايب اخر الطرقه فرحنا فى أم المبنى الغم دا
سيف : لا ابدا .. وبيضحك وبيخبط ايده على بعض
محمود ضحك هو كمان : طب فى ايه ومسك ازازة البرفن الا سيف حطها على المكتب قدامه وبيشمها ..وبغمزه حريمى يانمس بوند من أمتى دا
سيف : من انهارده
محمود : ايوا يا عم دى لعبت
سيف ضحك : لا هربت .. تحب تهرب معانا يا جليل الادب 😂😂
محمود : عمك اسمه رجب 😂😂😂
سيف بيغير الموضوع : عملت ايه فى القضيه الا فى ايدك
محمود : كله تمام وخلصت وبيشاور على نفسه احنا ناااس افعال لا اقوال خليك انت جمب قضيتك لما تعفن
سيف : مش مهم .. المهم انى مظلمش حد
محمود : يابنى لو مظلوم ها يخرج
سيف : اه بعد ايه بقى لما اهلووو يصرفو الا وراهم وقداهم على المحامين .. والجرى وراهم من قسم لقسم وسجن لسجن .. غير البهدله ولو مظلوم يطلعلك كاره نفسه وبلده وعلمته الاجرام وسط المجرمين . ويبقى احنا بنخلق العداوه بايدينا بينا وبين الناس
محمود : كله بيستفيد من كله يا صاحبى دى سنة الحياه امال كلن ها نشتغل ازاى .. وخبط بايده على المكتب وقام .. ها اطير انااا اقفل القضيه .. وانت وبيغمز له خليك فى العينه الا فى ايدك يا بوند زمانك.. وسابه وخرج وسيف بيبص عليه لحد ما خرج .. رجع بضهره لورا و ايده على راسه من ورا .. وبيتنهد وبيقول .. يارب ما تطلع مجنونه ويبقى مقلب بس ها يبقى حلو ولذيذ
**************
محى طلع هو ونور ونور قعدته على كنبة الانتريه ودخلت لخالتها جوووا بعد ما لقت الدنيا فاضيه تماما ...
ورد خارجه من المطبخ وفى ايديها طبق ومركزه فيه وماشيه مش واخده بالها من الا قاعد على الكنبه
💗💗💙💙💚💚
بقلم لبنى طارق
💗💗💙💙💚💚
شرسه ولكن ! 10
**************
اللَّهُمَّ رَبَّ السَّمَوَاتِ وَرَبَّ الْأَرْضِ وَرَبَّ الْعَرْشِ الْعَظِيمِ، رَبَّنَا وَرَبَّ كُلِّ شَيْءٍ، فَالِقَ الْحَبِّ وَالنَّوَى وَمُنْزِلَ التَّوْرَاةِ وَالْإِنْجِيلِ وَالْفُرْقَانِ، أَعُوذُ بِكَ مِنْ شَرِّ كُلِّ شَيْءٍ أَنْتَ آخِذٌ بِنَاصِيَتهِِ، اللَّهُمَّ أَنْتَ الْأوََّلُ فَلَيْسَ قَبْلَكَ شَيْءٌ، وَأَنْتَ الْآخِرُ فَلَيْسَ بَعْدَكَ شَيْءٌ، وَأَنْتَ الظَّاهِرُ فَلَيْسَ فَوْقَكَ شَيْءٌ، وَأَنْتَ الْبَاطِنُ فَلَيْسَ دُونَكَ شَيْءٌ، اقْضِ عَنَّا الدَّيْنَ وَأَغْنِنَا مِنَ الْفَقْرِ
💗💗💗💗💙💙💙💙💙💚💚💚💚💚
تفاعل كبير ورايكم يا حلوين هنااا ومتابعه ليا 👉💃💃💃
ورد ماشيه مش واخده بالها من قاااعد وفارد رجله ومركزه فى الطبق اللى فى ايديها ..
ورد : اعااااا ووقعت على رجل محى وطبق البلح طار منها فى الهوا ..
محى بصريخ وبألم : اه .. اه ... اه وماسك رجله رجلى اتقطمت
ورد ضربته وبشهقه : انس والا جن والا مارد
محى : جن لما يلغبطك ها تجيبو اجلى .. ايه اللى بيجرالك دا يا محى .. نيله عليك وعلى ايامك اللى بقت شبه ابو رجل مسلوخه يا محى
ورد : ها تندب يا ابو عجل تخين
نوجا خارجه من الاوضه جرى ونور مالحقتش تقول لها حاجه وبشهقه كبيره وخضه وبتشاور على محى : ايه اللى جاب دا هناااا
نور بترفع ايديها : ماهو يا خاتى كنت لسا ومكملتش
محى : اه رجلى .. رجلى يابشر ورفع راسه لفوق يارب من بيدعى عليا يارب
نوجااا : انت مين يا عم وايه الا جابك انت ورجلك هنا
ورد بتتعدل وبتلم البلح
محى : سيبك من البلح يا طفسه وشوفى عملتى فيا ايه وبيبص لنوجا نصيبى رامنى فى سكتكم
ورد لفت وبصتله بشررر وبتتكلم بعصبيه : ما تنفرزنيش عليك يا محى 😂😂😂
محى بعياط مصطنع : ما تنفرزنيش مين يا مصيبتى السودا اه يانى يا أما 😂😂😂
نوجاااا رفعت ايديها لفوق : اتنفرزو عليكى ساعة واتفضو اسمها ما تنرفزنيش وبعلو صوتها مين دا يا ولاد ستين فى سبعين
سلوى واقفه تراقب من بعيد ومش قادره تقرب بتخاف من رد فعل أمها
نور مسكت نوجا : ماهو كنت عايزا اقولك ان فى واحد جاااى معااايا برا
نوجاااا بصويت : يالهووووى .. حصلت يا نور تجيبى رجاله معاكى البيت
نور بتشاور بايديها وبترجع بضهرها لورا : افهمى بس يا خالتى وبتزق بايديها لقدام وبعدين هاجمى زى العاصفه
نوجااا قلعت الشبشب : بطلت افهم يا قلب خالتك وبتجرى وراها ونور بتلف حوالين محى ومحى بيحاول يدارى رجله ..
نوجا مسكت نور وبتضربها
محى : ياطنط فى سوء تفاهم
نوجا ضربته : انت تخرس خالص .. طنط مين دانت اكبر من ابويااا يا عديم السنس .. الله يرحمك يابا علمتنا الادب والاخلاق والفضيله مش بنات اخر زمن
محى بهمس : سنس مين خالتى .. وبيعلى صوته يا طنط ارجوكى
نوجا : اتنططو عليك يا بعيد .. وبتشاور عليه مين دا يابت
ورد : يا أما نوجا هاد محى مانه غريب
نور مسكتها : يا نوجا اسمعى وبعدين اطلقى دفاعتك المرئيه والغير مرئيه .😂😂
نوجا : لا دا انا اطلق دفاعتى😂😂 الاول وبعدين اسمعك
نور : عيب يا نوجااا ضيعتى منظرى قدام الراجل .. دا المهندس محى اللى انا كسرته
نوجا بتشاور عل نفسها : وانا بقى كملت عليه وبتضرب الشبشب فى الهوا وضربته
محى : الله وكيل انتووو عيله مفتريه وما ينفعكوش غير حازم الله يمسيه بالخير
نور : أموووحى لمها الله يسترك
محى بوجع ضرب على بوئه : حاااضر اهو لمتها
نور : الراجل ها يتغدى معانا ونضايفه فيها حاجه
نوجا : مش تقولى قبل ما تيجى .. البيت كله بنات مش مسترجلين زيك
محى : هو انا كلتكو . والا قادر اقوم .. نور انا تعبت روحينى
نوجا قربت عليه وبتحذير ومحى بيرجع لورا براسه : تمشى مين وبنت اختى جايبك تتضايف وتتغدى .. فاكرنا ايه ناس بخيله يا محى
محى بيهز راسه بخوف : لا
نوجا : يبقى تسكت خالص
محى بيشاور على بوئه : سكت خلاص
نوجا بتشاور بايديها : قدامى على المطبخ انتى وهى
محى قاااعد مسبهل من اللى حصل كله معقول فى حد بيتعامل كدا .. عااادى وشويه ينقل رجله بايده تعبته خصوصا بعد ما ورد وقعت عليهااااا ...
************
سيف بيتكلم فى التليفون : هااا يابنى عملت ايه لقيته
المتكلم : ايوووا يا فندم 10 دقايق ان شاء الله ونبقى عندك
سيف : طيب انجز وبيبص فى ساعته .. عايز اروح يا ممدوح
ممدوح : عنيه يا باشااا وقفل .. وبعد وقت وصل ممدوح ومعاه واحد ودخل تمام يا فندم
سيف بيشاور بايده للواقف مخضوض : اتفضل اقعد
الشاب قعد : انا مش عارف انا هنا ليه
سيف : ها اقولك حالا اسمك عادل
عادل هز راسه بمعنى اه : ايوا عادل
سيف : طيب ياعادل معلش على الخضه بس فى حاجه حصلت كدا ولازم نستفسر منك
عادل : اؤمورنى يا باشا
سيف : الأمر لله وحده .. كان فى واحده ست كبيره اغمى عليها ووقعت هنا قدام القسم
عادل : ايوا وخدتها فى عربيتى اوديها اى مستشفى بس فاقت وطلبت تنزل من العربيه .. قولتلها يا حاجه اطمن عليكى انتى زى أمى رفضتت وصممت تنزل وكان باين على وشها الخوف .. فا خوفت لتقول انى خاطفها ونزلتها
سيف : نزلتها فين لانها مارجعتش البيت من الوقت الا كانت معاك
عادل : انا كنت ماشى من طريق ال____ ورايح مستشفى ال___ فى سوبر ماركت على الطريق قبل المستشفى بشويه مفيش غيره فى المنطه دى .. نزلت قدامه
سيف : ماشى يا عادل ها اتاكد من كلامك وممكن اطلب مساعدتك يعنى الامر ما يسلمش لان مفيش اجراء قانونى او محضر فا الامر ودى بينا
عادل : انا تحت أمرك فى اى وقت .
سيف بابتسامه : تسلم تقدر تتفضل وقام هو كمان جهز نفسه وطالع من مكتبه والعساكر بتأدى التحيه .. اتحرك بعربيته ومشى لحد السوبر ماركت اللى عادل قال عليه .. وبصوت عالى شويه السلام عليكم
الكاشير وعليكم السلام وجمبه كرسى فااضى
سيف بيشاور على الكرسى : ممكن اقعد جمبك واخد من وقتك دقيقه اعرفك بنفسى الاول النقيب سيف
الشاب : اتفضل يا فندم
سيف خبط على كتفه : تسلم .. حبيبى كان فى خدمه شخصيه الماركت هنا فى كاميرات
الشاب : ايوا
سيف : كنت عايز اشوف التسجيل ليوم 3/1 لو أمكن
الشاب : محمد يا محمد
محمد : ايوااا
الشاب : سعيد جوا فى غرفة المراقبه
محمد : ايوا
الشاب : طيب خد الباشا دخله جوا وقول لسعيد يوريه الا هو عايزه
محمد : تعالا يا باشا .. وسيف دخل جوا وفعلا جابلو تسجيلات اليوم دا وفى الوقت الا طلبه وسيف حدد التوقيت بالتقريب لحد ما ظهر مشهد نزول نجيه من العربيه زى ما قال عادل .. وسيف خد نسخه من الفديو على تليفونه وخرج للشاب تانى لانه ظهر وهى واقفه تكلمه وقعد معاه وشغلو الفديوو وبيشاور على نجيه
سيف : شايف الست دى كنت عايز اعرف راحت فين وكانت بتقولك ايه
الشاب : هى نزلت من العربيه دى وبعدين لقتها قربت عليا وبتقولى انا جعانه وشكلها مخضوضه والعبايه بتاعتها كانت متبهدله .. جبتلها تاكل وقولت لها عايز حاجه تانيه .. قالتلى عايزا اروح .. قولتلها طيب انتى منين وابعت حد يوديكى او اركبك تاكسى .. قالتلى مش عارفه وبيشاور على كرسى برا السوبر ماركت فى الجمب .. قعدت هنا ودخلت احاسب زباين خرجت ملقتهاش والله يا باشا
سيف قام ؛ ماشى يا حبيبى وطلع كارت دا رقمى لو عرفت اى حاجه كلمنى
الشاب : حاضر يا باشا عنيه .. وسيف قام ركب عربيته ومشى وطول الطريق بيفكر فى اللى حصل وكلام الشاب اللى بياكد انها فقدت الذاكره او الخابطه اثرت عليها بس راحت فين ؟
*************
حازم جوا الحجز مركز نظره لواحد وبعدين اتكلم : نفسى اعرف انا مدايقك فى ايه .. انا قاعد فى حالى ما تبعد يا عم انت
الولد بصوت تخين وبيهز راسه : ها تنسى نفسك يا روح مامى .. شكلك لسا سنه اولى ومش عارف بتكلم مين هناااا .. الحجز دا تحت سيطرة العبد لله ولولا سيف باشا موصى عليك كنت ظبطك وبيلف ايده فى الهوا فا فوق يا حيلتها وتعالا معايا سكه أحسلك
حازم بنفاذ صبر : سكه فى ايه يابنى
الولد بيقلب شفايفه : ابنك مين يا كتوموتو .. انت جاااى فى ايه يالا
حازم قام وبعد عنه وقعد بعيد والشاب رايح وراه بشر واحد مسكه وقرب على ودنه .. سيف باشا مابيرحمش حلو حلو بس يكفيك ربنا شر قلبته لم نفسك يا سنتى
سنتى : هو انا مناعنى عنه غير سيف باشا يا كاونه
كاونه بيخبطه على صدره : طيب فكك منه واقعد وراح قعد جمب حازم وبيمد ايده : محسوبك كاونه
حازم بخنقه مد ايده : اهلا يا سيدى
كاونه : طيب نتعرف طيب شكلك كدا مالكش فى الجو دا ... والحجز المره دى كله سوابق اسمع منى عيال كلها ملطوطه ولابط .. فا خليك مع العبد لله وبيشاور على نفسه .. اسم الكريم ايه بقى
حازم باستسلام : اسمى حازم
كاونه : جاى فى ايه يا باشا
حازم بيضحك بسخريه : سرقه خامات ومعدات بمليون ونص
كاونه برق ومد شافيفه : يابن اللاعيبه .. عملتها ازاى دى .. صحيح مش بالشكل يا جدعااان
حازم لف بجسمه لكاونه : ها تصدقنى لو قولتلك انى ما سارقتش حاجه
كاونه : صادق يا اخويااا بس قولى على الخطه
حازم ضحك : دمك خفيف يا كاونه .. لا ومصدقنى وها تبصم بالعشره
كاونه حط ايده على صدره وبابتسامه : محسوبك انضف قلب سعتك وبصدق اى حد على طول .. المهم فضفض ونشوف ايه الصغرات ياباشا اللى ها نطلعك منها
حازم ضحك بصوت عاااالى : لا وكمان محامى
كاونه : قانونجى قديم .. احكى احكى بما انك فكيت وارتحتلى مش بقولك قلبى ابيض
حازم بدء يحكيلو على كل اللى حصل معاااه : بس يا سيدى ايه المخرج القانوجى بقى
كاونه ضحك : يا باشا فركة كعب وها تخرج بس لو مؤاخده اتعلم عليك
حازم : يعنى ايه
كاونه : يعنى ها تبقى لبانه فى بوء اللى يسوى واللى ما يسواش سعتك وهنا بقى المشكله .. متأخذنيش سمعتك اتوسخت
حازم بحزن شديد هو عارف ان كلام كاونه صح والناس ما بتصدق ولما يخرج ها يخرس كام لسان وها يبعد كام عين عنه..
كاونه : لا ما تشلش الهم كدا ياما بتدق على الراس طبول .. بقولك ايه الناس زى ما بتتكلم بسرعه بتنسى بسرعه المشكله وبيلف ايده فى الهوا فى البارتيته اللى حواليك ويا سلام لو فيهم واحد بيحبك حبيتين زياده ها تسمع وتشوف احلى كلام ..
حازم بينطر ايده : مش ها تفرق .. انا مش مدايقنى ولا واجع قلبى يا كاونه غير أمى مليش غيرها من بعد ابويا وهى رافضتت تتجوز وتسيبنى وربتنى وطول الوقت بتعلمنى كل حاجه واى حاجه وبيقول بعمق .. اه يا كاونه لو شوفتها دلوقتى ها اترمى تحت رجليها ابوسها واقول لها حقك عليا انى بهدلتك وعيشتك يوم زى دا بسببى .. لو اشوف الكلب دا ها اقطم راقبته عشانها مش عشانى .. لو جرا لها حاجه ها انتقم منهم كلهم وها اعرفهم ازاى يعيشونى ايام زى دى
كاونه ابتسم : بدأت اصدقك صحيح .. كله إلا الأم اسألنى سعتك انا ريحت أمى راحه لا قبلها ولا بعدها
حازم بأهتمام : شكلك كنت بااار بأمك يا كاونه وبتحبها
كاونه : كنت بااار بيها بس هى فهمانى غلط كان لازم تفرق بين حبى لها كا كاونه .. وتعصبى عليها كا كاونه الشقى حبيتين
حازم بيبص له بنص عين : عملت ايه فى أمك يا كاونه
كاونه رفع ايده وبصوت تخين : والله منا الا عملت دا قضا ربنا .. وبيهز راسه ايوا اسمع منى الموت دا قضا ربنا والا لاء
حازم : قضا ربنا
كاونه بيمشى ايد فى الهوا على برا : اهى ماتت قضاء وقدر .. جالها جلطه من عميلى السودا سامحها يارب كان لازم تبقى مؤمنه وتفهم ان ابنها ميأوس منه
حازم تنح وباصص وساكت
كاونه بيزقه وبيضحك : ما تكتمش فى نفسيتك لتروح مننا انت كمان قضاء وقدر يا جدع
حازم بصوت عالى : يخربيتك يا كاونه موت امك بحصرتها وبتقول قضاء وقدر
كاونه : لا كله إلا أمى .. دى أما إسعاد مرات ابويا فضلت وراها لحد ما جبتلها جلطه وماتت .. امى بقى ابويا اللى جلطها وماتت بردو .. ياجدع يفضلو يقولو الست بتستحمل و بتتحمل وما بياخدوش فى ايد الراجل غلوه وبيتكلو
حازم ضحك غصب عنه : والله انت مشكله
كاونه بحماس : طيب عشان خاطر ضحتك لازم كل ولاد ال..... دول وبيشاور على اللى فى الزنزانه يعرفو قيمه الام .. وقام وقف قوم ياد منك له ورفع ايده لسنتى عمنااا براحتك يا حته .. اقفو جمب بعض زى فريق الكرار
واحد من اللى واقفين : ها نقف كرار ازاى يا معلم بالجمب وإلا وشنا فى وش بعض
كاونه : وشك للحيط وقفاك ليااا يا روح أمك .. ردو بصوت عااالى ست الحبايب يا حبيبه
المسجونين : يا حبيبه
كاونه : يا أغلى من روحى ودمى قول يا لا
الولاد : يا اغلى من روحى ودمى
كاونه : يا حنينه وكله طيبه .. ياما استحملتى وبيجعر يا أماااا
كلهم وحازم فطسان على روحه من الضحك هو وسنتى : يا أماااا
كاونه : اقعد يا كلب منك له .. مفيش أغلى من الام يالا فاهم .
واحد من المسجونين : هو عيد الأم انهارده يا معلم كاونه والا ايه
كاونه : لا عيد الشرطه ومين اللى ربت الشرطه
واحد من االلى قاعدين الداخليه
كاونه : الأم يا حمااار هى الا ربتهم .. انت طالع شيطانى يالا وإلا كلنا لينا أم
كلهم : كلنا لينا أم
كاونه : يبقى اى عيد .. هو عيد للام بتفرح بينا وبتتبسط ابسطوها الله يغمكم ويغم معرفتكم السودا ورجع قعد جمب حازم ... شوفت كلنا هنا بنحب الام حتى فى عيد الشرطه
حازم بيطبط عليه : ربنا يكتر من امثالك
كاونه : خلينا فى الجد .. انت تشوف الباشا سيف ها يقولك ايه لو ملقاش الست الوالده جبلى كل الاخبار وانا اخلى حبايبى يقلبو عليها البلد ويجيبوها من تحت طقاطيق الارض تمام
حازم : يرد عليا بس يا كاونه وانا اعمل اى حاجه عشان أطمن عليها بس
*****************
كلهم قاااعدين على السفره ومحى بعد ما خد مسكن تااانى وبيحاول يدارى المه .. وورد قاعده قدامه ونور جمبه وسلوى جمب نوجااا ..
نور : انطلق يامحى البيت بيتك . اوعى تتكسف
محى : هو فى حد بيتكسف قدام الجمبرى والسمك .. ناولينى يا نووور
نور حطت قدامه وبياكل بشوق ونور بتاكل زيه والتلاته وقفو اكل وبيتفرجو عليهم بسبب الاصوات اللى عملنها فى الاكل
محى بيرفع راسه وبينزلها وبعدين رفعها تااانى بإحراج لما لاقهم مركزين معاه هو ونور : احممم . اصلى وبيزق نور فى رجلها
نور : ايه يا محى ما تاكل يا جدع وسيبنى أكل
نوجااا : اتفجعتى يابت ما تهدى
نور بعتت بوسه فى الهوا لنوجا : حبيبتى يا نوجااا كلى وخليكى فى نفسك بس ناولينى طبق الجمبرى الا قدامك دا .. اه وشوية رز وكمان سلطه
نوجا : اتلمى يا نووور
نور : ناولينى يا نوووجا يا ام قلب كبيررر
نوجا بتناولها وبتكمل اكل وتحط قدام محى إلا وقف اكل وبيبص عليهم
ورد : ابتاكل بأخر زادك يا محى
محى ابتسم : جعااان يا ورد ما كلتش من امبارح
ورد بتوطى صوتها : عيب يا خى احنا ضيوف عنديهم يجولو ايه طفيس راح أعطيك واكل وانت راحل من هون
نوجا : ما اديلو عفش البيت بالمره
ورد : أما نوجا نحنا ما نترك خوتنا جوعااا .. اديلا كيسه وهو ماشى ياكل حرام اما نوجا
محى بيبص لورد : كيس زباله دا والا ايه
نوجااا : اه يارب .. تلت مصايب يارب وبتشاور على محى وتهمه
محى ابتسم : تعيشى يا خالتى
نوجااا : كل
محى : لا خلاص شبعت تسلم ايديكو انتو عايزين بعد الحفله دى أكل
نوجااا : بقولك كل
محى حط وشه فى الطبق وبيقول : حاضر وبيزق نور
نور بهمس : عااادى يا محى زى امك يا جدع الا يجى هنا ما يدققش
سلوى حاطه التليفون على السفره جمبها .. ورن مره واحده وكان سيف وبتبص للتليفون بتوتر
نوجا : مين يا سلوى
سلوى بارتباك : هاااا
نوجا : مين ماتنطقى وكلهم سابو الاكل وبيبصو لسلوى اللى وشها جاب ميت لون
💗💗💙💙💚💚
بقلم : لبنى طارق
💗💗💙💙💚💚
