جميع الروايات كامله

رواية شرسه ولكن البارت السادس عشر والسابع عشر والثامن عشر والتاسع عشر والعشرون بقلم لولو طارق 

رواية شرسه ولكن الفصل السادس عشر والسابع عشر والثامن عشر والتاسع عشر والعشرون بقلم لولو طارق 

رواية شرسه ولكن البارت السادس عشر والسابع عشر والثامن عشر والتاسع عشر والعشرون بقلم لولو طارق 

 شرسه ولكن ! 16 

*************

اللَّهُمَّ رَبَّ جَبْرَائِيلَ وَمِيكَائِيلَ وَإِسْرَافِيلَ، فَاطِرَ السَّمَوَاتِ وَالأَرْضِ، عَالِمَ الْغَيْبِ وَالشَّهَادَةِ، أَنْتَ تَحْكُمُ بَيْنَ عِبَادِكَ فِيمَا كَانُوا فِيهِ يَخْتَلِفُونَ، اهْدِنِي لِمَا اخْتُلِفَ فِيهِ مِنَ الْحَقِّ بِإِذْنِكَ، إِنَّكَ تَهْدِي مَنْ تَشَاءُ إِلَى صِرَاطٍ مُسْتَقِيمٍ

اللَّهُمَّ إِنِّي أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ، لَا أُحْصِي ثَنَاءً عَلَيْكَ، أَنْتَ كَمَا أَثْنَيْتَ عَلَى نَفْسِكَ.

💗💗💗💗💙💙💙💙💙💚💚💚💚💚

حازم واقف مكانه جااامد ومشاعره متلخبطه من المنظر كله ما استوعبش ابدا ان ممكن يكون حقيقه .. نور وفى حضن امى كأنها بنتها .. هى دى امى ؟! فى حاجه غلط وليه قاعده مفيش اى رد فعل تجاهى ولا خدتنى فى حضنها زى عادتها .. وكمان بعد إلا حصل المفروض تجرى عليااا فاق من افكاره على صوت نور ونوجا إلا واقفين بيزعقووو ايه دخلكم هنااا 

حازم بتوهان : يعنى ايه .. انتو كمان مش عايزنا نيجى 

نور زقته بايديها فى كتفه : مجنون انت .. ولو انت مجنون جرالك ايه اتعديت منه انت التانى وبتبص لمحى 

محى : نور انتى فاهمه غلط اصل طنط وبيشاور عل  نجيه 

حازم بصوت عالى : انت ها تبرر لها وزقها ودخل لامه إلا قاعده مستغربه كل إلا بيحصل مع العيله دى كل يوم والتانى فضايح وزعيق وبهدله .. ومش شايفه سبب لدا كله 

نوجا مسكت حااازم : تعالا هنا لو ما اتعلمتش تحترم حرمة البيوت اعلمهالك 

حازم بعصبيه : بصى انا اسف .. بس لما شوفت المخلوقه دى وبيشاور على نور معاها أمى فى الكاميرات اتجننت لانها سبب كل المصايب اللى بقت تحصلى فى حياتى وعندى استعداد اخنقها   .. بعد اذنك ودخل لامه وقعد قدامها فى الارض ومسك ايديها الاتنين بيبوسهم بجنون وبيحضنها ويبوس وشها .. انا اسف يا امى اكيد زعلانه منى عشان كدا مش عايزا تقابلينى زى عادتك.. قومى معايااا واخر مره تحصل انا برئ والله وخرجت قدامك اهووو تعالى وحشتينى يا أمى وحشتينى ياااه كنت بموت لما احس انى خلاص خسرتك ومش ها اشوفك تانى نورى بيتك وحياتى .. ونجيه تايهه ومش فاهمه ولا فاكره حاجه .. 

نور بمهاجمه وبموقف الكل استغربه بتشد حازم : اقوم اطلع برا .. لو فاكر انك ها تاخد أمى منى تااانى يبقى بتحلم .. محدش ها ياخدها منى انت فاهم 

حازم : ابعدى .. امك ايه شكلك واحده مهبوله و عقلك مش طبيعى 

نور مسكت حازم هبشته فى رقبته ومحى قرب ونوجااا بتحضنها جاامد 

محى : نور دى أمه 

نور بعياط ونوجا بتشدها وفى لحظه شايفه امها وهما بياخدوها منها غصب عنها وهى منهاره وبتضرب كل الا حواليها وبصوت عالى : كدابين دى أمى انا .. هى خدتنى فى حضنها وضمتنى وقالتلى انى بنتها .. انتو ايه ما بتزهقوش من ظلمكم ليااا .. ما بتتعبوش من جرح ورا جرح  فيااااا .. دى أمى ومحدش ها يقدر ياخدها وبعدوانيه اكتر فاهمين 

نجيه قربت على نور حضنتها بقوووتها  وبتخبيها منهم كلهم وخدتها ودخلت الاوضه .. وحازم دموعه غلبته لما شاف أمه واخده نور فى حضنها وبعدت عنه  .  وواقف مصدوم وحاسس انه مش قادر ياخد نفسه 

نوجا بعياااط مسكت ايد حازم : معلش يابنى  اعذرها والله لو عرفت إلا بيحصل فيها ها تعذرها 

محى : نوجا هى طنط نجيه مالها 

نوجا باستغراب : نجيه مين 

محى : إلا مع نور هى ماقالتش أسمها 

نوجا هزت راسها بنفى : يابنى احنا مانعرفش مالها عندها زهامير وإلا فاقده الذاكره هى ماتعرفش حاجه عن نفسها ولا أهلها 

حازم نزل جرررى ودموعه بتسبقه ومحى نازل وراه وبيقولهم ها ارجع وقت تااانى افهم إلا حصل .. ونزل ولقى حازم قاااعد فى عربيته واول ما محى ركب حازم مشى على طول .. وصلو الشقه من غيررر كلام .. ودخل قعد على الكنبه  

محى بتعب ؛ نااوى على ايه تصرفك غريب قوووى 

حازم حط راسه بين ايديه وبصوت موجوع : تخيل يوم ما تلاقى أمك إلا هى أغلى من حياااتك تلاقيها فقدت الذاكره وكمان فى بديل ليك .. دموعه نزلت يعنى ابقى قدامها ولا كأنها شايفنى ولا تعرفنى وكأنك انسان غريب عليها .. احساس وحش قوووى يا محى .. وإلا دايقنى وتعبنى أكتر انها مع المغروره إلا أسمها نور  وبغل الود ودى اطبق فى زماره رقبتها واطلع روحها واخلص من كابوسها إلا بيلاحقنى فى كل مكان 

محى : انت بتكره نور للدرجه دى 

حازم بيرفع ايد لفوق : لو فى أعلى من الكره  يبقى دا شعورى من ناحيتها ..

محى : يا ساتر يارب والله نور يابنى انسانه تتحب ماتتكرهش ابدا .. هى ما صعبتش عليك يا حازم انا قلبى وجعنى قوى عليها ..  ما علينا ليه سيبت أمك عندهم 

حازم بحيره : انا مش عارف اتعاطف معاها مش عارف . ازاى اخد موقف دلوقت  أنت ما شوفتش إلا حصل عايزنى اخدها غصب مش افهم حصل فيها ايه والا ازود الطين بله 

محى هز راسه بفهم : معاااك حق .. قوم عشان نعمل لقمه ناكلها جعااان 

حازم قااام : تعالا غير الاول  .. وهو قايم حس بحرقان فى رقبته .. حط ايده مكان ما نور هبشته ودخل الحمام بيبص فى المرايه  وبيمشى ايده على مكان الهبشه براحه وبيرجع المشهد اللى حصل قدامه .. قاعدة نور فى حضن أمه واهتمام أمه بيها وهى ضماها زى ما كانت بتعمل معاه بالظبط .. رد فعل نور إلا سايب علامه مش ها ينساه حتى لو اثرها اختفى من رقبته  بس خلاص علم جووواه ومش فاهم ايه سبب لخبطة حياتها بالشكل دا والعدوانيه إلا بتتعامل بيها معاااه وهو كمان  

***********

نور بتصرخ بجنون .. وماسكه نجيه وبدون وعى وترجى فى نفس الوقت  اوعى تسيبنى .. هو للدرجه دى الناس بستكتر الفرح عليااا .. وعيونها مليانه دموع وبتبص لنجيه كأنها بتبص لأمها واتكلمت بألم فاكره لما قولتى خليكى ضهر ابوكى وسنده وبدال ما تلوميه على إلا بيعمله فيا شجعتيه وسيبتينى بين العمال بشعرى القصير حطت ايد على شعرها ودموعها زادت انا شعرى لسا قصير عشان ارضيكى وما أحرمش أبويا ان يكون له ولد وبصوت ضعيف وطت على ايد نجيه .. بس هو حرمنى أستكتر عليا أحب ويبقلى بيت وعيال يقولوله يا جدو .. أستكتر عليااا أعيش مرتاحه .. لا لا مش هو مراته .  ايوا مراته .. وانفصلت عن الواقع وبتحكى كل إلا جواها وبتلوم نجيه كأنها بتلوم أمها 

نوجا مسكتها وضربتها بالقلم : فوقى وبطلى تقهرى نفسك . .. ارحمى نفسك يابنت رباب .. دى مش أمك  .. أمك ماتت وارتاحت وسابتنا احنا فى المرار 

نور بصت لهم بتوهان وبتستوعب الموقف كله وعيونها غربت ووقعت اغمى عليها .. سلوى قعدت بعيد وانكمشت وبتعيط بصوت مسموع وورد جريت تشيلها مع نوووجا ونجيه إلا بسبب نور دموعهم بتغلبهم طول الوقت  وبيفوقو فيها .. بس للاسف فضلت تنام وتهرب منهم كلهم

 

نجيه بعياااط : ليه يا نوجا .. ليه سيبيها انا امها خليها تخرج إلا جوها وتنطر قهرها وغلبها علينا 

نوجا : لاء كفايه إلا هى فيه ... ها تفضل تعانى طول حياتها تتمسك بدا ودا وفى الاخر يتخلو عنها ويخرجو من حياتها .. بنت أختى قويه وها تقف على رجليها وتعدى لبر الأمان ان شاء الله .. انا واثقه فى عدل ربنا ناسين والا ايه ..  ان بعد العسر يسر بإذن الله  وها يجى يوم الدنيا ها تفرد ايديها وتحضنها وتديها الامان إلا خدته منها سنين 

نجيه : انا لاء مش زيهم ... ها افضل جمبها 

نوجا : وابنك ها تتخلى عن ابنك 

نجيه : أنا ملياش ولاد غير نور ما اعرفوش ومش فاكراه والله ما فاكراه 

ورد : أما نوجا بكفايه مانها ناجصه  الخاله فيها إلا بيكفيها وبزياده 

نوجا بصوت عالى : انا تعبت .. تعبت واتخنقت من حياتى وحياتكم نفسى ينصلح حالكم .. وسابتهم وداخله اوضتها وهى بتقول ارحمنا يارب وارفع مقتك وغضبك عناااا يارب  ... 

ورد بصت لنجيه وبتواسيها : ما تزعلى يا خاله اعصابها تعبانه شوى 

نجيه : مازعلتش يابنتى .. ربنا يطمنا عليكو .. روحى لسلوى هديها .. وخديها فى حضنك البنت دى بتصعب عليااا بتخاف من كل حاجه 

ورد راحت لسلوى : ناجصاكى انتى التانيه 

سلوى بعياط : نور ها يجرالها حاجه .. انا خايفه عليها 

ورد : نور جويه وبتعرف أتخطى كل الصعايب خيتى .. فزى من مطرحك وبيكفى ضعف وبكى 

سلوى بتمسح دموعها  : ايه فزى .. يعنى ايه 

ورد بتزقها : فزى اجده .. جومى يعنى  

سلوى بإستفسار : هو انا فعلا ماعنديش شخصيه وضعيفه زى ما نور قالت يا ورد 

ورد : بحج وحجيجى .. انتى أكتر من هيك ... ليش ما طالعه لنور جويه بحالها برغم كل البلاوى هاااى  

سلوى بصت لورد وافتكرت كل كلام نور معاها طول الوقت انها معدومة الشخصيه ومابتعرفش تاخد قرار حتى فى ابسط أمورها .. وقاامت ورا ورد يجهزو الاكل وكل المعتاد عليه فى يومهم .. ما بطلتش تفكير حتى فى كلام سيف انها طفله ولازم تكبر .. مر الوقت  لأخر النهار  .. لبست هدومها ودخلت لامها استأذنتها تنزل تأضى كام طلب .. ماشيه فى طريقها وفى لحظه خدت قرار  ومش عارفه ايه مصيره واذا كان صح وإلا غلط . .. 

*************

سيف راكب البوكس وداخل على القسم نزل وصفر .. 

محمود من بعيد وبصوت عالى : طالع مأموريه وجاااى سلام مؤقت 

سيف : نزل العيال يابنى وبيشاور لمحمود بالسلامه يا  وحش 

وداخل القسم بالخطوه السريعه والعساكر ماسكه شابين ظاهر على وشهم الاجرام .. دخلو كلهم المكتب  وواقف سيف بيتكلم بصوت عالى ونبره حاااده .. ايه وداكو هناك ياد منك له 

العسكرى زقهم على بعض : رد على الباشا يالا 

واحد منهم بصوت تخين وغير واعى : ها ارد اهووو .. وبيزق زميله ايه جابك هنا يلا 

الولد التانى : منا زيك مش عارف ايه جابنى .. انت عارف 

العسكرى قرب عل  كل واحد وادله بالقلم  : اتعدل يا روح امك انت وهو  بدال ما تتظبطو 

سيف بنفاذ صبر : شكلهم واخدين برشااام مش شايف منظرهم .. ولا ها نطلع بمعلومه 

سلوى داخله القسم وماشيه تتلفت بخوف وعيونها بتتحرك حركه لا ارديه يمين وشمال وفى كل اتجاااه وكل ما حد يقرب منها تصرخ وتبعد .. واحد من العساكر .. انت جايه لمين هنا 

سلوى بتبلع ريقها وبصوت طالع بالعافيه : سيف 

العسكرى : مين 

سلوى : الظابط سيف 

العسكرى : اخر مكتب فى الطرقه دى على ايدك اليمين 

سلوى بتهز راسها : شكرا وداخله جرى وصلت الاوضه ماكنش واقف عليها حد وكرسى العسكرى فاضى فتحت ودخلت على طول وهى داخله العسكرى كان بيزق العيال البلطجيه عشان يطلعهم برا وواحد منهم اترمى على سلوى  

سلوى بصريخ وزقته ونازله ضرب فيهم بالشنطه هما والعسكرى : اعااااا .. طخ .. اعاااااا 

سيف واقف مش مستوعب ايه جاب دى هنا والا بيتهيئله .. العسكرى مسكها من قفاها وبيهزها : انتى مين يا بت 

سلوى ضربته بالشنطه فى دماغه مش مدياله فرصه : تك بنتوت .. سيبنى يا قليل الادب 

سيف : سيبها يا صبحى واخرج بالعيال دى على الحجز 

سلوى ضربته تااانى : بيقولك سيبها يا صبحى سيبها 

سيف مسكها وبيشدها يبعدها عن صبحى : خلاص سابك بطلى ضرب 

سلوى : هو إلا ضرب الاول 

سيف : هو الراجل كلمك ما واقف ساكت اهووو .. وبيرفع راسه لفوق وينزلها فى حركه سريعه روح يا صبحى 

صبحى : تمام يا فندم .

عيل من العيال البلطجيه : ولا القاعده شكلها ها تطرى جايبلنا مززز 

العيل التانى : حته ايه ولا كل الحتت 

سيف بعصبيه : ما تتحرك يا صبحى احنا ها نهرج هنا 

صبحى شدهم طلعهم وسيف بيتريق : ايه جابك هنااا وبيتريق يا حته ولا كل الحتت 

سلوى بخوف : عشان تعرف انى مش طفله وبتهز ايديها جاامد قدام وشه  وبعرف أعمل كل حاجه وكمان باخد قراراتى لوحدى 

سيف ابتسم غصب عنه : انتى داخله تتغيرى وتعملى ثوره فى القسم .. وبيلف وشه وبيقول بهمس  مجنونه 

سلوى قربت عليه وبتتكلم بسرعه وبصوت خافت : سيف انا خايفه يا سيف أهرب 

سيف : صبرنى يارب نفسى اعرف انتى طول الوقت بتهربى من ايه   

سلوى هزت راسها : وحيات ابوك خرجنى من هنا وخلينى أمشى ومش ها اهرب 

سيف ضحك بصوت عالى : وشال حاجته من على المكتب وبيشاور قدامى 

سلوى : لا انت قدامى وانا وراك 

سيف : زى ما تحبى ياله  .. وخارج وسلوى وراه وكلم صبحى وهو طالع من الحجز .. لو فى حاجه رن عليااا انا جمب القسم 

صبحى : تمام يا باشا .. وخرجو الاتنين وكل ما سيف يقرب منها تبعد مسافه عنه 

سيف : وبعدين معاكى خليكى ماشيه جمبى عشان محدش يدايقك 

سلوى قربت شويه صغيره .. ومشيت بهدوء .. وصلو كوفى شوب وقعدها وقعد قدامها وهو من جواه فرحان جدا وفى نفس الوقت استغبى تفكيرها وساذجتها انها تجيلو القسم .. 

سيف : تحبى تشربى ايه 

سلوى : اى مشروب فيه شيكولاته 

سيف ابتسم : مش بقول طفله  وشاور .. لو سمحت  هوت شوكليت  ونسكافيه 

الجارسون : تمام يا فندم تأمرو بأى حاجه تانيه 

سيف : ميه لو سمحت .. وبعدين بص لسلوى .. بس ايه سبب قرارك المفاجئ والخطوه الجريئه دى 

سلوى بتفرك فى ايديها وسيف متابع كل حركاتها بعيونه 

سلوى : انا .. انا وعيطت 

سيف بنفاذ صبر : انتى كل كلمه تعيطى  مش معقول كدا

سلوى : اهئ اهئ .. انا خايفه 

سيف بيحاول يطمنها : من ايه فهمينى وضعك عشان أفهمك وبص لها وانتظر لحد ما الجارسون  نزل المشروبات على الترابيزه  وخد نفس .. ها تتكلمى والا ها نفضل فى علاقه مبهمه لا عارفين ها نستمر والا نفركش ولا فاهمين حاجه 

سلوى بتمسح دموعها بايديها وسيف طلع منديل وقرب يمسح دموعها خدت المنديل ومسحت هى  ..  سيف 

سيف برد سريع : عيونه 

سلوى بكسوف : أنت عايز منى ايه 

سيف : انتى حاسه بايه من ناحيتى واللى عايزه قولته قبل كدا وكلامى ما اتغيرش  

سلوى بتردد : خايفه استمر وتجرحنى  

سيف : بتقدمى الجرح قبل ما تعرفينى .. انا كلى وسكت وجت على باله صافى ماقدرش يكمل ويقول انا كلى ليكى لو قررتى تفتحى قلبك ليااا .. ها يقولها ازاى وهو مرتبط اصلا بغيرها بس دا اسمه ارتباط هو ملوش ذنب ولا كان أختياره 

سلوى : سكت ليه 

سيف : بصى يا سلوى عشان اكون واضح معاكى من البدايه .. فى حاجه فى حياااتى يوم ما أخلص منها ها اصارحك بيها غير كدا انا عايزك ومحتاجك ومحتاج طيبتك دى تكون فى حياااتى .. انا انسان طول الوقت فى ضعوط واتهامات وكلام من ناااس كتير واولهم نظرتكم لينا فيها ظلم كبيررر لانها نظره عامه وكأننا بشر من كوكب وانتو من كوكب .. عايز اتخلص من دا كله وارميه فى حضن حد ماعندوش خبث زيك مش ها اقول بحبك ومتيم بس ما انكرش انى ليل مع نهار بفكر فيكى لما كلتى دماغى 

سلوى ابتسمت بأمل جديد فى حياتها  ودا طمنها : ليك اخوات 

سيف برغم انه عارف كل حاجه عنها بس عايز يسمع منها وسايبها تسأله عشان هو يسألها براحته : اه اخ كبير وانتى ظروف حياتك ايه .. ليكى اخوات والا لاء

سلوى : انا وحيده بس انا ونور متربين مع بعض .. هو مش بعض قوى لان عمو حمدى طول الوقت كان بياخدها الشغل معاه .. بس مليش صاحبه غيرها 

سيف : ليه منطويه على نفسك كدا

سلوى : انا كبرت على كدا طول الوقت ماما بتخاف عليا وبتخوفنى من كل حاجه من صغرى عشان ما أعملش حاجه من وراها بس شكله اتقلب لجبن ملازمنى طول الوقت

سيف بتفهم ومحاولش يضغط عليها فا سئل سؤال عادى : بابكى فين 

سلوى بزعل : راح زى الا راحووو .. كان عندى 7 سنين ولسا فاكره كل حاجه عملها ليا ولأمى كان انسان جميل قوووى وحنين وبيخاف علينا من الهوا الطاير .. لحد مافى يوم صحيت على صريخ ماما وحزنها ومن الوقت دا الفرح بيعدى علينا زى الضيف   

سيف نزل راسه يشوف وشها إلا مواطياااه وابتسم .. انا جمبك ايه رايك نفرح مع بعض 

سلوى باحراج : سيف عايزا اسئلك سؤال محيرنى 

سيف : انا ليه بتكلم عن علاقه مش ارتباط بيكى 

سلوى عدلت وشها مره واحده : انت عرفت منين انى ها اسألك كدا

سيف : عادى شغلتى  اركز على إلا قدامى واوصل ممكن يفكر فى ايه او رد فعله ايه .. بس ها اجاوبك انا قولتك فى حاجه ها اخلص منها وساعتها انا ها اخد خطوه جد بينا مش طالب اكتر من اننا نتكلم عشان نعرف دماغ بعض انا صعب شويه فى اختيارى يا سلوى وعندى دايما احساس او هاجس انى مش ها الاقى إلا تفهمنى . 

سلوى بتقوم : انا اتاخرت لازم أمشى 

سيف : استنى انتى غريبه ليه كدا احنا مخلصناش كلام 

سلوى : نكمل بقى فون سلام 

سيف قام خرج وراها بعد ما حاسب جاب عربيته وقرب منها على الطريق : اركبى 

سلوى بلهوجه : لا انا ها اركب تاكسى 

سيف بنبره حاده : اسمعى الكلام ما تعصبنيش عليكى .. وسلوى ركبت ووصلها على الناصيه ونزلت جرى روحت 

************

أحلام : مش معنى انى ساكته بقالى فتره يبقى نسيتك  انت ماتعرفش  وجودك بنسبالى ايه 

مجهول : عايز اعرف وافهم يا أحلام .. انا ايه كل حاجه انتى عايزها نفذتها ايه تااانى 

أحلام : هو مش دا لمصلحتى ومصلحتك يا حبيبى .. انت عارف انى عايشه مع الكوبه دا هو وبنته بالعافيه ومستحمله عشان فقرك أمى لايمكن توافق بيك فهمت والا اقول تانى 

مجهول : انا فاهم وعارف بس خلاص بقى كفايه  اخلعى باللى معاكى 

أحلام : هههههههههه  دا نقطه فى بحر فلوسه انت غبى ليه كدا ثم كمان احنا بقالنا سنين  مع بعض ايه الجديد يعنى .. أمشى بقى قبل ما يجى زى القضا المستعجل ونروح فى داهيه  ياله ياله وقولتلك ما تجيش هنااا لنا شقه نتقابل فيها  

مجهول : وحشتينى اعمل ايه تعالى طيب فى حضنى وشدها فى حضنه وقرب من شافيفها وباسها بعد عنها وبيمشى شفافيه على خدودها وقرب من ودنها ها توحشينى قوووى 

أحلام بتوهان : وانت كماان أمتى نفضل مع بعض على طول ياله قوووم .. بعد ما مشى قعدت على سريرها وبتفكر فى نور .. وممكن تعمل فيها ايه .. قررت تروح لها عند خالتها عشان تعرفها ان هى إلا كان مصيرها الشااارع اتشيكت ولبست لبس ملفت للنظر ومكياخ صارخ على وشها ونزلت تتمختر وابتسامة النصر على وشها  .. 

**************

حازم قاااعد قصاد محى : بتفكر فى ايه 

محى ابتسم : ورد 

حازم رفع حاجب : ورد بتاعتنا 

محى : اه هى بتاعتنا صح وبيبص لحازم هى بقت تخصنا كلنا صح 

حازم : ورد بنت بسيطه يا محى مش حمل تفكيرك 

محى : مش مرتاح يا حازم وعايز اتكلم وخايف من إلا ممكن يحصل 

حازم : اوعى تقولى بحبها 

محى : بحبها ومش قادر انكر مش بس كدا عايز اتجوزها 

حازم ابتسم : واهلك وتعليمك ومكانتك 

محى : إلا علمنى طول السنين دى يخلينى اعلمها هى كمان ومش ها تبقى اقل منى ..الاعتراض على ايه انها بدويه .. ملهم مش بنى ادمين زينا البنت عندها طموح واستعداد ليه ما نساعدهاش

حازم : لا زينا ونص .. بس حياتهم وطباعهم غيررر انت ممكن ما تتحملش ظروف عيشتها والفرق بينكم و ابوك وأمك ها يوافقو تلاقيهم ليل نهار بيفكرو امتى تتجوز الدكتوره بنت الحسب والنسب 

محى : دى انانيه يا حازم لو فضلنا نختار على حسب التعليم والحسب والنسب .. ممكن اتجوز الدكتور وما اطقش عيشتها ولا اتحملها ولا اتحمل طلباتها ولا هى تتحملنى ولا تفهمنى.. وممكن اتجوز ورد وابقى سيد الرجاله وليا قيمتى ودا مش تقليل للدكاتره او المكانه العلميه لانهة ملهاش علاقه بالراحه النفسيه ولا الحياه الزوجيه

حازم بحيره : انت ها تقلب الدنيا مع أهلك مش متصور انت بتعمل ايه وما تستسهلش الامور وتمشيها على مزاجك

محى : بحبها يا حازم ومقتنع بيها ونور ها تعمل لها ورق وبطاقه وكل إلا ممكن تحتاجه وبدئو يعلموها القرايه والكتابه .  

حازم : إلا تشوفه يا محى .  وانت جاهز للجواز 

محى : للاسف لاء بس انا عارف لو قولت لورد ها نتجوز على وضع شقتى كدا ها تقبل لانها على المحاره 

حازم : دا استغلال يا محى جوازه ببلاش زى ما بيقولو 

محى : انت أكتر واحد يا حازم عارف احنا طالع عنينا اد ايه على كام ملطوووش يا دوب عايز تلحق نفسك بيهم .. مش ها اكدب واقول انى دلوقتى ها اقدر اجبلها عفش مودرن واظبط الشقه على احدث تيراز واتجوز فى قاعه فرح خرافيه وشبكه بأد كدا .. انا ها أعرض عليها نطلع ونكبر واحنا مع بعض نتعب شويه بس الفرق هى تاخد بأيدى والمتاح ها أعمله ولها حرية الاختيار 

حازم مسد على ضهره : انت نضيف ياااد وحبيتك والله .. هديتى ليك لو الجوازه تمت توضيب الشقه على حسابى 

محى بعزة نفس : ما استغناش عنك يا حبيبى بس انا حابب اتعب فيها اهم حاجه انت تفضل جمبى وتدعمنى مش بالفلوس .. وجودك كفايه وكمان انا عامل جمعيه ومعايا قرش على جمب يمشو أمورى 

حازم : معاك ان شاء الله انت طلعت اجدع من صاحب عمرى الا اختفى زى السراب .. وبردو هديتكم عندى .. ها تيجى معااايا 

محى بفرحه : أكيد لازق

حازم بغمزه وبيعلى صوته : والله وجود أمى عندهم مفرحك 

محى بيضحك : الصراحه اه .. ها اشوف وردتى ..وانت ملكش ورده كدا ولا كدا 

حازم مال على جمبه : ولا كدا .. أمى بكل الورود فى حياااتى .. قوم معاك نمرة حد فيهم غير نور 

محى ابتسم : نمرة ورد 

حازم ضحك وبصوت عالى : هالله دى لعبت 

محى بيشاور على قلبه وبيضحك هو كمان : وعششت .. واتصل على ورد .. وبيتنحنح وأول ما ردت : ورد وردتى كيفك 

ورد ابتسمت : أبخير الحمد لله .. كيفك انت 

محى : الحمد لله .. كنت عايز اسألك على حاجه 

ورد : جول سامعتك 

محى : مين إلا سماعنى 

ورد : أنى سامعتك .. بيك ايه يا محى 

محى : ولا حاجه يا ورد ما تعليش صوتك عليااا يابت بدال ما اجيلك والله العظيم 

حازم زقه فى رجله وبيقوله ما تخلص والا اقولك شد التليفون واتكلم هو : انا حازم يا ورد اسف انى خدت التليفون 

ورد : لاه ولا يهمك كنت راح اجفل الرنه بوشه 

حازم : لا على ايه قلبك ابيض ومحى لازق فيه وبيقوله بتقولك ايه .. وحازم بعد عنه وقااام بعيد عايز اعرف امى جت عندكم ازاى ومالها 

ورد : راح اطمن جلبك .. واجولك .. من ياجى 20 يوم نور شدت مع بيها وجالت انها راحت المجابر لجل ما تطلع كل ياإلا بجلبها جدام جبر أمها ..  وعطرت بالخاله زينب وجابتها عندينا وكانت حالتها حاله 

حازم : زينب دى مين قصدك امى والا مين 

ورد : ايه هى .. نور ياإلا سمتها هيك أسم .. وبعدين جعدنا معاها عشان نعرف إحكايتها وجالت لنا 

فلاااااش باااك 

*********** 

نجيه فى عربيه ماسكه راسها وبتتوجع واتعدلت لقت نفسها فى عربيه مع واحد ما تعرفوش .. انت مين 

الراجل : كويس انك فوقتى يا حجه انا كنت رايح اوديكى مستشفى بعد ما وقعتى قدام القسم 

نجيه : قسم ايه .. انا مش فاكره حاجه وبتتالم من راسها جااامد 

الراجل : قسم ال___  كنتى هناك ووقعتى ها اوديكى مستشفى يمكن الخبطه اثرت عليكى  

نجيه بأسرار : نزلنى هنا يابنى 

الراجل : يا حجه ما تخافيش انا معاكى 

نجيه : لا نزلنى .. نزلنى .. وفعلا نزلها قدام سوبر ماركت .. دخلت السوبر ماركت طلبت ميه واكل ..  ولما اصحاب السوبر ماركت شافو تعبها وحالتها  ادوها الميه والاكل وطلعو لها كرسى قعدت عليه برا .. قعدت شويه وقامت مشيت مش عارفه تروح فين ولا تعمل ايه مش فاكره اى حاجه  فضلت الف فى الشارع .. واروح جوامع ولما يخرجونى انام قدام الجامع من التعب  .. مش عارفه كام يوم بليله عدو عليا وانا كدا رجلى خدتنى للمقابر فى اليوم الا نور كانت موجوده فيه .. وانا جوا سمعت صوت عياطها وحاجه فى نفسى قالتلى قومى خدى بنتك فى حضنك وطمنيها .  .. ومن ساعتها وانا حاسه ان نور حته منى 

************* 

بااااك 

*****

حازم رفع راسه وغمض عيونه مش مستوعب ان امه كانت مشرده فى الشارع .. ونور هى إلا انقذتها معقول كل الناس سابتها وسابت ست كبيره تترمى فى الارض وتروح مقابر من غير ما حد يحاول يساعدها .. وبعدين يا ورد 

ورد : هاى كل شى جالته الخاله .. ونور يا جلبى من حرمانها والجسوه يإلا عايشه بيها  ما جدراش تتحمل وجع وبعاد حادا بيحبها وبيعوضها عن امها الخاله طول الوجت مخداها بحضنها 

حازم : يعنى أمى مش فاكرانى 

ورد : مابتعرف ولا بتشوف غير نور .. والله هى هون مرتاحه اخر راحه ما تجلج عليها وهى بوسطينا ونور ماخده بالها منيها علاخر  

حازم : ماشى يا ورد .. بلغى طنط انى ها اجيب دكتور وجاااى  يكشف عليها هى نور كشفت عليها 

ورد : حاولت تاخد الخاله من شان تتطمن والخاله ما جبلت.. راح اجولها انك جاى بتنورنا وقفلت مع حازم ودخلت بلغتهم كانت سلوى رجعت ونور صحيت واستوعبت هى عملت ايه .. وكلهم قاعدين منتظرين حازم والدكتور .. جرس الباب رن .. ونور صممت تقوم تستقبلهم .. واول ما فتحت بعلو صوتها : أهلا 

💗💗💙💙💚💚

بقلم : لبنى طارق 

💗💗💙💙💚

ياله كله يصلى على الحبيب محمد بنية الفرج اوعو تكسلووو .. ورايكم يا حلوين .. 

شرسه ولكن ! 17 

*************

لَا إلَه إلّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلُّ شَيْءِ قَدِيرِ.

سُبْحَانَ الْلَّهِ، وَالْحَمْدُ لِلَّهِ، وَلَا إِلَهَ إِلَّا الْلَّهُ، وَالْلَّهُ أَكْبَرُ

💗💗💗💙💙💙💙💙💚💚💚💚💚

نور بصوت عالى : أهلا 

أحلام زقتها بايديها : وسعى كدا مالك واقفه وسدا الباب  وضحكت .. عامله ايه وبتوطى صوتها وبمرقعه فى الكلمه .. يا نونا 

نوجا قربت عليها : ايه إلا جابك يا أحلام 

أحلام بتكشر : اخص عليكى يا نوجا مش واجب اجى ابارك لنور وبتعلى صوتها بنت جوزى .. جوزى حبيبى بعد ما لغى التوكيل واتبرى منها وبقت فى الشارع 

نوجا ؛ قطع لسانك يا حربايه .. مين دى إلا فى الشارع  .. بنت اختى قاعده معززه مكرمه فى بيتها ومسيرها ترجع كل شئ زى ما كان وتبقى انتى  فى الشارع عشان دا مكانك سامعه يا احلام اوعى تفرحى عشان ها تفوقى على كابوس 

أحلام ضحكت بصوت عالى 

ورد : هاااى مرت بيها لنور 

سلوى بغل : ايوا هى أم الغول او ام اربعه واربعين زى ما تحبى 

ورد : الجوى عليه ربنا وربنا بيسلط عليه إلا أجوى منه وبتشمر ايديها  اتركيها للأجوى منيها وبتشاور على نفسها 

سلوى بدهشه : ها تعملى ايه 

ورد : ها اعرفها مجامها بت المركوب 

سلوى شهقت شهقه صناعيه  : طيب وخبطت على كتافها ربنا معاكى 

 وقربت من احلام وبتلف حواليها ونور ونوجا وسلوى   بيتفرجو ومبتسمين ..

 احلام : ايه دى ابعدى كدا 

ورد رفعت راسها مره واحده وبتبص لنور ونوجا : فى حاجه بتسرسرع يا خاله .. سامعتيها 

نوجا : سمعتها سمعت الرعد إلا ما تتسمى 

نور بالا مبلاااه : خلصتى يا أحلام 

أحلام : لا لسااا ..طول ما انا عايشه ها افضل احرق دمك واعرفك انك منفوخه على الفاضى وابوكى طول الوقت ها يبيعك ولسا ودا وعد منى يا نور .. وبغل ها تشوفى 

ورد : الهى يحرجك هو انتى يإلا بتسرسعى وجرفانا .. ومسكتها تعالى وبصباعها بتلخبط المكياااج على وشها .. صبه اسمنته على خلجتك وطالعه تتمرجعى زى الافاعى بالشارع وبصت لنور عطاينى مركوبى 

نور ضحكت : دى عايزا فنطاس مراكيب يا ورد عشان تترجم 

أحلام بتشد نفسها وبتقول : يا مامى ناس بيئه

نوجا : مامى مين يابنت تفيده الله يرحم ابوكى  لما كان بيبيع زعازيع القصب على ناصية شارعنا 

ورد بتشدها تطلعها برا : اتزعزعى جدامى

أحلام : انتى بتسلطى المقاطيع بتوعك عليا يا نوجا 

نوجا : قطيعه تقطعك .. والله ما حصل وبتبص لنور ببراءه انا سلطت عليها حد يابنتى 

نور ضحكت : ابدا يا نوجاااا الهى تتقلب قلبة قلاب التريلا وهو بينزل الرمل ما تلاقى حد يعدلها ما حصل 

ورد مسكتها بعنف وبتنزل راسها وتطلعها بسرعه : ها اجسمك نصين وما حدا راح يلحقك منى .. اتطرجى يابت 

احلام بعند وبتحاول تمسك نفسها : مش ماشيه واوعى كدا فاكرنى ايه انا ما بخافش 

 ورد قلعت الشبب وطارت وراها : جبتيه لنفسك واحلام جريت على الباب وبتنزل ورد بصوت عالى لو شوفت خلجتك راح انطرك من هاد الشباك يا ام جرس   اطرجى طريجك معجرب وقفلت الباب وكلهم انفجرو فى الضحك .. 

نور : مش عارفه تديها مركوبين تلاته دى ما بتجيش بالكلام

ورد : كان بودى بتتعوض خيتى .. أما نوجا 

نوجا : أما نوجا ها تسيبكم وتهرب 

سلوى بفرحه وهزار : اهرب معاكى .. وانفجرو فى الضحك تااانى

نوجا لفت ايديها حوالين رقبة نور وضمتها لصدرها : عامله ايه دلوقتى يا نونه

نور ابتسمت : الحمد لله ياخالتى كل ما الدنيا تدوس عليااا كل ما افوق لنفسى اكتر بش مشتقاله اشوفها بتضحك فى وشى 

نوجا ابتسمت : ها تضحك وتفرد ايديها وتاخدك بالحضن صدقينى اوعى تنسى يا حبيبتى ( إن بعد العسر يسر ) اضحكى فوكيها يا نونه والبنات اتلمت عليها وبيزغزغو فيها جامد  ونجيه كانت نايمه مريحه وقامت على صوت ضحكهم .. 

حازم طالع على السلم واحلام نازله تجرى وخبطت فيه ومن منظرها اتخض ووقف تنح لها  .. وبعدين خبطت محى كان ها يقع والدكتور لحقه هو حازم ... 

محى بيشاور بصباعه : شوفت القطر كان معدى من هنااا .. مالها دى داس عليها القطر 

حازم والدكتور : 😂😂😂😂 

حازم : اطلع يابنى شكلك موعود كانت ها تكسر إلا باقى  فيك 

محى : انا مرزق سبحان الله امى قالتلى روح  ربنا يفتحها فى وشك يابنى وماحددتش يتفتح ايه بالظبط .. الحمد لله انا اتفحلى طاقه القدر 

الدكتور ضحك جااامد : باين عليك  .. وطلعو فوق ورنو الجرس ونور هى إلا فتحت .. شاورت على جوا ببرود عكس إلا جواها اتفضلو اهلا وسهلا .. الدكتور دخل ووراه محى مبتسم 

نور : ايه يا محى داخل فرح 

محى : 😂😂😂 ودخل 

 حازم كان اخر واحد وقفو الاتنين قصاد بعض وعيون نور جت على الهبشه وغمضت عيونها لحظه وفتحتها تااانى وبصوت طالع بالعافيه

نور : أنا إلا عملت كدا 

حازم حط ايده على رقبته ورد بصوت واطى جدا : ايوا

نور : انا أسفه 

حازم باستغراب : ولا يهمك ممكن ادخل 

نور شاورت لجوا : اتفضل .. ودخلو وهى راحت لنجيه وقعدت جمبها ولفت ايديها حوالين راقبتها وبتضمها بحب حقيقى حازم حسه فى كل تصرف منها تجاه أمه .. ماما زينب  دا دكتور جاى يكشف عليكى .. ودا ابنك حازم 

نجيه بصت فى عيون نور وشافت فى عيونها مليانه دموع واقفه زى الحجر كل تفكيرها فى نور وبس .. انا كويسه ومكملتش 

نور ابتسمت : انتى لازم تتعالجى ابنك محتاجك وانتى بردو 

نجيه : وانتى 

نور بمشاكسه : خلاص انتى دخلتى هنا وبتشاور على قلبها .. وها اجيبك لو روحتى اخر الدنيااا بصى كدا وبتشاور على ورد .. من جنانى جبتها من وسط قبيلتها واهى عايشه معانا  

الدكتور : بما انك انتى المقربه لها حاليا ممكن تلبسيها وننزل لانها محتاجه فحوصات معينه واشاعه قبل الكشف وإضطريت انى أجى  مع حازم عشان ما يزعلش منى وتقديرا لحالة طنط 

نور : خلاص ماااشى وقومتها والبنات دخلو معاها معادا ورد بتقدم لهم عصير 

نوجا : نورتونا والله 

كلهم : بنورك .. 

محى وهو بياخد العصير غمز غمزه خفيفه و ورد لحظتها وهمس  : وردتى تسلم ايدك 

ورد بتعدى من قدامه وتعمدت تدوس على رجله السليمه : اشرب يا محى 

محى حط الكوبابه على الترابيزه وبيتوجع : اه محى شبع منك ومن عميلك السودا يا شهر طوبه

حازم بيحاول يمسك نفسه .. وبيبص للدكتور : اشرب يا كريم

كريم ابتسم وقرب من حازم : مين التحفه دا 

حازم : لم نفسك واشرب وانت ساكت .. 

نوجا ؛ عامل ايه يا محى 

محى :  الحمد لله  بخير 

نوجا : الحمد لله .. حازم صح 

حازم بتاكيد وابتسامه : ايوا 

نوجا : عشان خاطرى ماتحرمش نور من أمك .. ما صدقت انها ارتحت لحد 

حازم : أطمن عليها واى حاجه أمى تطلبها انا مش ها اعارضها إلا يهمنى راحتها وبس .. وكمان انا طول الوقت مسافر وهى لوحدها تاكدى انى مش ها امانع ابدا 

نوجا : ربنا يرضيك يابنى وما يكسر قلبك .. فى مثل بيقولك جبر الخواطر على الله .. وانت ما تعرفش ها تعمل ايه لليتيمه الغلبانه دى 

حازم بحيره من كلامهم كلهم فى حق نور .. ويتمها اثر فيه نوعا ما واكتفى بكلمتين وسكت : ربنا معاها  .. وبعد لحظااات نور خارجه لابسه و معاها نجيه ملبساها عبايه جديده ومهتمه بمظهرها جدا  

نجيه : انا جاهزه 

حازم قرب منها ونور حاولت تبعد بس نجيه مسكت فيها .. مسك وش أمه بين ايديه وبيبص فى عيونها إلا تشبه عيونه كتيررر .. وبيتكلم بألم : معقول يا امى مش فاكرانى ولا حاسه بأى احساس ناحيتى 

نجيه بلخبطه وشعور قربه عن اى حد مختلف : انا يابنى وكأن الكلمه طلعت من بوئها هدت الجبل إلا قدامها وانهار ودخل كله جوا حضنها وهى ماسكه نور .. ونور وجهت نظرها لحازم وضعفه فى حضن أمه وحست باليتم أكتر بتجاهد مع نفسها انها خلاص ها تتحرم من الست إلا فعلا حضنها وحنيتها لا تقاوم   اى حد ينسى نفسه وهمومه واعباء الدنيا وهو مستخبى بين ضلوعها .. بدئت تسيب ايد نور لا ارادى وبتبادل حازم حضنه ... ودموع نور نزلت بصمت وكلهم باصين لهم والدكتور مركز قوى فى رد فعل نجيه ... 

محى بيحاول يفوق حازم عشان خاطر نووور إلا لمس وجعها جدا .. وقرب من حازم وبيشده يبعده عن نجيه : انت نسيت اننا نازلين .. حازم اتعدل وبيحرك راسه  لا ياله يا امى وبيمسك ايد نجيه ونور بتتحرك قدامهم نجيه مسكت ايديها وكلمت حازم .. اسبقونا انتو احنا ها ننزل وراكو ..  وهما نازلين محى وهو نازل طول الوقت بيخطف نظرات متبادله بينه وبين ورد .. بعد وقت  وصلو المستشفى وبدئو يعملو لها فحوصات واشاعه وكشف شامل   وبعد وقت كبير وتعب لنجيه لانها بتعانى دايما من صداع قوى جدا .. نامت فى اوضه غصب عنها ونور نايمه فى حضنها .. ومحى قاعد برا .. وحازم معاهم فى الاوضه .. والدكتور منتظر الاشاعه فى اوضة الكشف .. 

حازم باحراج : انا ها استنى برا 

نور هزت راسها : وانا ها احاول اخرج من جمبها عشان تنام براحتها 

حازم بتسرع : لا خليكى جمبها .. بعد اذنك 

نور بعد ما خرج باصه ناحية الباب  وبتتريق على حازم وبتخن صوتها  : خليكى جمبها .. مستنيه منك الاذن انا .. بردو سمج ورخم وتنح وبصت لنجيه وهى نايمه وابتسمت  لو مؤاخذه يا نجنج .. مش عارفه اقبله ولا طايقه .. بس انتى حاجه وهو حاجه وضمت راسها قوووى ونجيه ابتسمت وهى مغمضه عيونها وبتسمع بصمت  

****************

صافى بشويش  : طنط ساميه هو فين 

ساميه بتشاور على اوضته : يدوب لسا داخل ينام شويه 

صافى : بعد اذنك ادخله 

ساميه : بلاش يا صافى عيب يابنتى وكمان ابنى ها يدايق من حركه زى دى 

صافى بنفى : ما تقلقيش يا طنط ثم كمان هو انا داخله اعمل ايه حضرتك موجوده انا بحاول معاااه لانه جاف جدا ومش مدينى فرصه اقرب منه وباستها فى خدها بعد اذنك وفتحت الباب بشويش ودخلت  سيف حس بإلا دخل وفاكر امه ونزل تليفونه تحت المخده وغمض عيونه .. صافى قربت منه وقعدت جمبه على السرير وقربت منه ومن ريحة البرفن سيف اتعدل مره واحده  

سيف بنبره حاده : ايه دخلك هنااا .. وبيشد التيشرت من على الكمود جمبه يلبسه..

صافى قربت وهو مديها ضهره  وحضنته وحطت راسها على ضهره  ومشبكه ايديها الاتنين فى بعض على وسطه من قدام : وحشتنى .. وانت ولا انت هنااا .. فى ايه يا سيف 

سيف بياخد نفسه وبينزل التيشرت وبيبعد ايديها  : صافى شكلك وحش قوووى وخوصا لو حد دخل علينااا انتى فى اوضتى وعلى سرير وبتقربى بجراءه 

صافى ضمت شافيفها وبدلع وتكشيره مصطنعه : مش خطيبى وحبيبى .. 

سيف نزل من على السرير وماشى فى اتجاه الباب  .. وصافى قامت لحقته ووقف قدامه : وسعى خلينى اخرج وبيخبطها على راسها براحه وخرجى الكلام الفارغ والافكار الغريبه من دماغك 

صافى : افهم بقى حبك كلام فارغ والا قربى منك افكار غريبه 

سيف رفع صباعين : الاتنين .. اقولك خرجنى انا من دماغك وتليفونه رن وبص ناحيه التليفون 

صافى بتشاور : رد مستنى ايه 

سيف بثبات وعدم اهتمام : مستنى تخرجى .. اتفضلى بقى

صافى بتذمر : مش قبل ما اعرف مين بيكلمك  

سيف : صافى دا حاجه تخصنى انا لوحدى .. عمرى سألتك مين كلمك او اهتميت بالا يخصك 

صافى : نفسى .. نفسى تهتم وتغير وتدور ورايا وتقولى عملتى ايه وبتعملى ايه .. 

سيف ضحك ضحكه خفيفه : انتو عالم غريبه الراجل يسيبكم براحتكم مش عاجبكم .. يغير تتخنقو وتشتكو فى كل الاحوال مش ها تفرق كله محصل بعضه .. ممكن تخرجى لانى بريح ساعتين تالته وبنزل شغلى 

صافى : اهو التليفون رن تااانى.. ها اشوف مين واخرج وراحه ناحية التليفون سيف مسكها من ايديها وخرجها برا اوضته وقفل على نفسه وهو مخنوق ومدايق جداااا وصافى برا الاوضه بتعيط وساميه واخدها فى حضنها وبتطبط عليها .. قفل تليفونه خالص .. ولام نفسه على طريقته بس هو ما بيحبش الطريقه دى وخصوصا لو من صااافى هو مش طايق وجودهاااا اصلا .. خرج برا وكانت لسا ها تمشى ولمجرد انه بيجبر خاطرها .. 

سيف : صااافى 

صافى لفت بفرحه وساميه ابتسمت : كنت عارفه انى مش ها اهون عليك 

سيف ابتسم : تعالى انا اسف .. اتفضلى فى الانتريه 

صافى دخلت وقربت بفرحه منه ولسا ها تمسك ايده بصلها بتحذير 

صافى : خلاص ما تقلبش وابتسمت وقعدت 

ساميه : اجهزلكو الغدا 

سيف : انا متغدى الحمد لله 

ساميه : وبعدين معاك اتغدى مع خاطبتك والكلمه نزلت على سيف لجمته رفع وشه لامه وبصلها بلوم وعتاااب هو متجنبه من  اللحظه إلا دبسوه فى صافى  .. 

سيف : صافى موجوده غديها .. تسمحيلى يا صااافى انا تعبان جدا ومش قادر اقعد واسف مره تانيه وياريت ما تكرريش إلا عملتيه وسابهم وقام .. صافى بتدبدب فى الارض : شايفه يا طنط .. ايه حيطه ما بيحسش 

ساميه : احنا قولنا ايه براحه عليه احنا اتفقنا نحطه قدام الامر الواقع ودا كفايه واحده .. واحده  

صافى رفعت حاجب : وماله انا وراه مش ها اسيبه  بموت فيه يا طنط وها اصبر عشانه 

ساميه ابتسمت : ربنا يريح قلبك .. وبتنهيده وقلبه هو كمان ..  

سيف دخل اوضته وقفل على نفسه .. مسك تليفونه فتحه والرسايل انهالت عليه واول ما شاف رقمها انها حاولت الاتصال بيه ابتسم وجاااب صورة سلوى وبيمشى ايده على التليفون وبهمس : كان نفسى تكونى مكان صااافى كنت ها أخبكى فى قلبى .. عندى استعداد اتقبل منك اى حاجه وكل حاجه بس من غيرك لاء يا سلوتى .. واتصل عليها .. ماردتش  واتصل تااانى بس ماقدرتش وردت عليه .. سيف بصوت هااادى وهمس : زعلتى 

سلوى ابتسمت ولخبطه فى كلامها : ها .. اصلى كنت بطمن .. لا بس قولت اكلمك عشان ما تزعلش فا انت بقى ما ردتش عليا وقفلت التليفون 

سيف : تعرفى انك وحشتينى الحبه الصغيرين دول ونفسى اخدك فى حضنى وأسمعك بكل لخبطتك وطفولتك دى 

سلوى باحراج : انا ها اقفل اصل 

سيف : هشششش سيبينى اسمعك .. اتكلمى يا سلوى احكيلى اى حاجه .. عايز انام وانتى بتتكلمى 

سلوى بتاخد نفس وبتردد : سيف 

سيف : عيونه 

سلوى : هو انت يعنى .. الصراحه عايزا اعرف بتتكلم كدا ليه 

سيف ضحك من قلبه : مش بقولك انتى بتضحكينى من قلبى ..  أكتشفت دلوقتى ومن اللحظه دى انى بعشقك يا سلوى واتاكدت انك مختلفه ومش موجود منك كتيررر .. عشان كدا انا عندى شوق رهيب ليكى ونفسى اجى اخدك من ايدك واكتب الكتاب واحبسك عندى .. فى بيتى وقبل بيتى احبسك جوا قلبى .. 

سلوى بفرحه غير طبيعيه من كلام سيف إلا عمرها ما سمعته من حد قبله  : هو انت بتكلم بنات 

سيف : 😂😂 انتى رهيبه .. انا بكلم بنات وستات بعدد شعر راسك انا ظابط شرطه وفى المباحث عارفه يعنى ايه 

سلوى : لا مش عارفه 

سيف : يعنى إحتكاك بالناس طول الوقت ووراد يكون ليا علاقات كتير وطبعا مش زى علاقتى بيكى اوكى 

سلوى برقه : اوكى .. ممكن اقفل 

سيف : مش عايزا تتكلمى معايا شويه 

سلوى : منا اتكلمت كتيررر .. وكمان محرجه منك وعشان ماما 

سيف : ماشى يا سلوتى .. ها انام شويه وانزل شغلى تانى بتسهرى والا بتروحى فى سابع نومه 

سلوى : مليش كتلوج معين ماشيه عليه ساعات كدا وساعات كدا .. ياله بااااى 

سيف بأبتسامه : باااى يا قلبى خلى بالك من نفسك لا إله إلا الله 

سلوى : محمد رسول الله وقفلت وحاضنه التليفون .. وورد واقفه تأمن الطريق لها واول ما خلصت دخلت لها على طول 

************

نور خارجه من الاوضه براحه عشان ما تصحيش نجيه .. وطلعت فى الطرقه ونازله جرى خرجت برا المستشفى وواقفه فى الشارع بتولع سجاره .. وحازم واقف فى شباك الطرقه وشافها وواقف يراقبها من بعيد .. بتشرب السجاره بالهفه وكأنها طوق نجاه لهاااا  .

محى قرب عليه ولمح نور وحط ايده على كتف حازم : ها تفضل واقف كدا كتير 

حازم : عادى يعنى بدال القاعده بزهق منها 

محى : هى نور بتعمل ايه تحت 

حازم بتريقه : بتاخد المسكن بتاعها .. انا مش فاهملها الصراحه 

محى : بكرا تفهم وتعرف 

حازم : مش مهم .. ها يفرق فى ايه .. واضح من تصرافتها انها انسانه مستهتره بصحتها .. ومتسرعه فى قرارتها .. وعايشه دور الرجوله بزياده  .. هى حابه دا 

محى : الله أعلم .. ماعرفش ظروفها بالظبط عشان احكم عليها .. ومفيش أكتر من تعامل الشغل وبالنسبالى فوق الرائعه وتعبى اثبت دا وكمان واضح انها بتمر بظروف صاعبه ودا شوفناه فيها فى اخر خناقه بينك وبينها 

حازم : هى سبب كسرك فا اكيد احساس بالذنب من ناحيتك يخليها تتعامل بجدعنه معاك 

محى : ما اعتقدش .. وحتى لو زى ما بتقول دا يثبت معدنها الاصيل على فكره 

حازم عيونه عليها خلصت السيجاره وداخله تااانى : عارف يا محى كل ما اشوفها ماسكه سجاره  بحس انى قرفان ونفسى اديها 100 قلم .. والله يابنى لا المنظر العام ولا صحيااا حلووو .. ليه وعشان ايه مخلوقه بريئه ولطيفه فى كل حاجه حتى لما ربنا سمها قال الانثى .. انثى اسم فى منتها الرقه بيضيعوه وبيضيعو انوثنتهم وجمالهم كدا بالبساطه دى 

محى بحيره : انت بتدقق فى تفاصيل رهيبه 

حازم لف له : ها أسالك سؤال وتجاوب بأمانه 

محى : اسئل 

حازم : لو ورد بجمالها إلا انت شايفه دا مسكت سجاره ولعتها وخدت نفس زيها زى الرجاله او ها نروح بعيد ليه زيك كدا .. ها تحس بايه 

محى بتفكيررر : بيقل نص جمالها مع او نفس ها يتبخر زيه زى دخان السجاره بالظبط 

حازم : بس كدا .. هو دا إلا عاوز اوصله .. فهمتنى 

محى : فاهمك بس ليه الراجل لما يبقى فى ايده سجاره صنفوه انه كدا جذاب  

حازم بهجوم : مين صنف وفين الجذابيه .. عارف ضحكو عليك فقالو هو دا  .. دمرو صحتنا وقالو المدخن جذاب .. دمرو صحتنا وقال السهر للاذكياء ..  دمرو صحتنا وعلو قيمة المواد الغذائيه المصنعه ونزلو بقيمة المواد الطبيعه الارض واول ما ابتدو ابتدو بأهم حاجه فى حياتنا الدهون 

محى اسبهل : الدهون 

حازم ضحك : اه الدهون .. عشان يروجو للسمنه الصناعيه والمهدرجه دمرو قيمة الزبده البلدى وطلع بدال الواحد الف يقنعك ويقنع غيرك بالزيت والسمنه الخفيفه وفى لمح البصر فى حياتنا اختفت الطبيعه وانتشر الصناعى .. وبعدها على طول بعد ما كانت الناس زى الجبل دلوقتى صغير كبير بقى بيعانى من امراض القلب وانسداد الشراين  تفتكر ليه  قرب بوشه عشان كذبو عليك فقالو يا محى 

محى ابتسم : كدا ها ندخل المطبخ بعد ما كنا بنتكلم فى السجاير .. وان شاء الله لو شوفت فوزيه بتطبخ ها تتدخل تدخل فورى حازم وقاصى للغايه 

حازم ضحك واول ما شاف نور داخله عليهم اختفت الضحكه وبص بعيد عنها .. 

نور : محى عايزاك 

محى قرب عليها 

نور مسكته من دراعه وراحه ناحيه الكراسى وبتقعده الاول وبعدين هى قعدت .. ولاحظت ان حازم بيبص لها بغيظ وتجاهلته تماما  اتنحنحت : محى ممكن اطلب منك طلب 

محى : نور ادخلى فى الموضوع على طول مش واخد عليكى كدا 

نور : اصل الموضوع دا بالذات يخص حياتك ومستقبلك 

محى : يالهوى رفدونى .. وبيعيط عياط مصطنع ضعت يا محى واتبخر مستقبلك زى دخان السجاره 

نور تنحت وضربته فى كتفه : انت عندك استعداد رهيب للندب .. ما تهدى يا محى واسمعنى مين جاب سيرة الرفد 

محى ؛ الحمد لله يارب لسا ما اتردفتش .. امال فى ايه وقعتى الشبكه عندى 

نور : 😂😂 هى واقعه لوحدها يا محى .. من الاخر تتجوز ورد 

محى شرق وكح وحازم متابعه ومستغرب من رد افعاله ونفسه يعرف بيتكلمو فى ايه ونور بتخبطه على ضهره : حرام عليكى يا نور ها تموتينى 

نور : هههههه ابو لمس .. اهدى و رد عليا وسايبه وقايمه 

محى : خدى هنا بتتكلمى جد 

نور قعدت تانى : ايوا يا محى  انت الوحيد إلا عارف ظروفها وحاسه انك ميال لها .. فا ليه لا 

محى : طيب وشهادة ميلادها وتعليمها 

نور لفت بجسمها له وبحماس : يعنى ماعندكش مانع 

محى ابتسم : ياريت انا بتمنانها .. بس خايف من إلا ممكن يحصل 

نور : محى اوعى تصدمنى فيك .. اتمسك بيها وخد انت بايديها والله لو لفيت الدنيا مش ها تلاقى زيها جدعه فوق ما تتخيل .. عارف لمجرد انهة شافتنى مره مدايقه بقت تمشيلى مسافه اد ايه بالخيل عشان تقابلنى وتتطمن عليااا وتفضل جمبى ..  وسيبك من دا كله استاذه يا محى فى ركوب الخيل وترويضه .. تخيل بقى مع المبنى ادمين 

محى : هههههههه انا كدا ها ادخل الأصطبل مش ها ادخل دنيا 

نور : هههههه وبصوت حنون جدا .. ورد حبيتك واتعلقت بيك  وملهاش أهل .. ها تقبل تكون اهلها ودنيتها .. انا كل يوم الدنيا بتودينى وتجيبنى وظروفى صاعبه وخايفه حد يلعب بعقلها  وان كان على شهادة الميلاد والتعليم .. محلوله كلمت حدا مهم جدا  فوق ما تتخيل عشان نخلص اجراءت شهاده الميلاد والتعليم وها نعلمها وتمتحن ابتدائيه على  طول واعداديه وتدخل ثانوى عشان ما يضعش من عمرها عمر تانى 

محى بدون تردد : انا متاكد انها ه تبقى حاجه كبيره يا نور بس ابويا وأمى 

نور خبطته على كتفه وهى بتقوم : مهمتك دى يا وحش وها تبين حبك الحقيقى لها .. انا داخله لماما وسابته ودخلت الاوضه وكلمة ماما رنت فى ودان حازم إلا قرب من محى وفضوله خلاه سئله ومحى قال لحازم كل إلا قالته نور 

حازم بيمط شافيفه لقدام وميل راسه سنه صغيره  : اهى جتلك على طبق من دهب ها تحافظ عليها والا تلعب بيها وتقضى يومين 

محى : انا ممكن اهزر من هناااا للصبح عااادى بس لايمكن العب ببنات الناس ابدا لان ليا أخت اخاف عليها واخاف يترد فيها 

حازم ضمه بايد وبيشده عليه جااامد : جدع يابنى كل يوم بتثبت انك محترم .. والدكتور قرب عليه وفى ايده الاشاعه .. 

كريم : كل اللازم اتعمل الحمد لله يعنى تقدر تاخدها وتروح 

حازم : ايه مش ها تقولى عندها ايه يا كريم 

كريم : رفع الاشاعه .. اكيد ها اقولك وها اكتب لها علاج كمان ..  حالة مامتك محتاجه حد طول الوقت يطمنها  ويحسسها بالامان .. رفع الاشاعه .. الحمد لله الخبطه مأثرتش بأى شئ 

محى : امال ايه السبب انها ناسيه كل حاجه 

كريم : فى نوع نادر من فقدان الذاكره ما بيبقاش بسبب خبطات .. لانه ناتج عن عنف او صدمه شديده اتعرض لها المريض  وتحليله بالظبط  كالتالى فتح تليفونه وجاب تقرير مفصل عنه قرو اول الكلام (رجع نوع آخر نادر من فقدان الذاكرة، يسمى فقدان الذاكرة التفارقي (نفسي المنشأ)، إلى صدمة انفعالية أو رضح، مثل أن يقع الشخص ضحية لجريمة عنف. في هذا الاضطراب، قد يفقد الفرد الذكريات الشخصية ومعلومات السيرة الذاتية، ولكن عادة ما يستمر ذلك مدة قصيرة فقط) 

حازم بعد ما قرى هز راسه وافتكر قهرها الشديد فى القسم عليه ودموعها وراسها إلا مسكتها اكتر من مره .. واتاكد انه هو السبب وحزنه زاد اضعاف لانه محمل نفسه المسئوليه كامله ... 

كريم : هاااى روحت فين ان شاء الله الموضوع بسيط ما تقلقش 

حازم : طيب اعمل ايه دلوقتى يا كريم .. انا حكتلك  كل حاجه وهى ماسكه فى البنت إلا جوا معاها ومش فاكرنى وغير كدا دى بقالها فتره كبيره كدا 

محمود : احمد ربنا انه مش دايم .. الفتره إلا ممكن تفقد الذاكره فيها مش محدده عل  حسب الراحه النفسيه لها 

حازم : اوديها لدكتور نفسى 

محمود : مامتك ما اتعرضتش للعنف .. انت دكتورها الحالى طمنها انك جمبها لان مسئلة انها فقدتك كانت صاعبه جدا عليها وطبعا الخبطه رغم انها بسيطه بس ساهمت بنسبه مش كبيره فا قررت تهرب من الواقع 

حازم : يعنى اروحها معايا 

كريم : يكون أفضل لها .. انت اجازه 

حازم : ايوا بس ممكن بكرا يقولوى ارجع 

محى : لو قالولك انا ها اروح انا واسد بدالك 

حازم بياخد نفس بصوت مسموع كانوع من الحيره والقلق : تمام .. انا ها اتصرف انا ماعنديش اغلى من أمى .. ودخل الاوضه وحاولو معاها عشان تروح معاااه وبعد مناهدات من الكل وافقت بشرط وجود نور .. ونور فعلا راحت معاها عشان تطمنها واول ما نامت مشيت على طول  .. روحت بيتها .. اليوم عدى بسلااام ونور طول الليل مانمتش فعلا افتقدت حضن نجيه ودموعها نازله لانها حست باليتم مره تانيه .. .. بدء النهار يشقشق من تااانى ونور ونوجا وسلوى وورد قااامو على صوت خبط شديد على الباب وبيجرو ورا بعض وهما حاسين ان عمرهم ما ها يرتاااحو ابدا وسلوى قدمت فتحت بسرعه 

💚💚💙💙💗💗

بقلم : لبنى طارق 

💚💚💙💙💙

اللهم صلى عليك يا حبيبى يا رسول الله

شرسه ولكن ! 18

*************

اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ.

💚💚💚💚💚💙💙💙💙💗💗💗💗💗 

سلوى فتحت الباب وكلهم واقفين مخضوضين جدااا ونور قربت وبأستفهام : ايه جابك فى الوقت دا .. ماما جرالها حاجه 

حازم بنهجه : هى مش هنااا 

نور بقلق : لاء انت خدتها معاك وروحتووو مع بعض وانا كنت معاااكو حصل حاجه فى ايه قلقتنى 

حازم بان على وشه الخوووف وخنقه فى صوته : مش لاقيها فى البيت طلبت تنام لوحدها فى الاوضه وسيبتها براحتها قلقت وقومت اطمن عليها ملقتهاااش كل إلا جه فى دماااغى انتى 

نور بصت فى الساعه : ها تكون راحت فين الساعه 3 

نوجااا : انتووو ها ترغوو روح شوف نجيه راحت فين لتضيع يا حازم دى مش فاكره حاجه يابنى 

حازم بيتحرك ينزل 

نور : حازم استنى لو سمحت ثانيه واحده دخلت جوا جابت عابيه لبستها وواقفت قدامه وهو واقف ما بيتحركش وعيونه على نوووور إلا أستغرب شكلها جدا ... هاااا  ياله ننزل مع بعض

حازم : تنزلى فين انتى عارفه الساعه كام انا ها ادور عليها 

نوجا : الوقت متاخر يا نور 

نور بحده : ريحو نفسكو معاياا وبتكلم حازم بعصبيه مكتومه مش عايز تاخدنى معاك ها انزل لوحدى وها اقولك شكرا لخداماتك وسابته وما ادتش فرصه لحد ونزلت جرى ونوجا قالت لحازم وراها يابنى وخلى بالك منها وفعلا نزل وراها 

حازم : نور استنى 

نور : ها اركب معاك والا فى عربيتى 

حازم شاور على عربيته : اتفضلى .. ركب وهى ركبت جمبه واتحركو وخرجو من الشارع كله .. 

نور : محى فين 

حازم : بعد رجوع والدتى أصر انه يروح 

نور بتخبط على ايد حازم بتلقائيه : أستنا يا حازم أستنا لف ورا التاكسى دا وقفه ماما فيه 

حازم بيصفر لسواق التاكسى ولف وراه والسواق وقف ... ونور نزلت هى وحازم ورا بعض .  

السواق : فى ايه يا جماعه 

حازم : إلا معاك دى أمى 

السواق : والله يا باشا بقالى ساعه ونص بلف بيها مش عارف هى عايزا تروح فين وفين وفين لما أفتكرت اسم المنطقه بتاعتها ولولا انها ست كبيره ماكنتش لفيت بيها  

حازم طلع فلوس حاسب السواق : شكرا يا أسطى تعبناك معاك .. ونزل أمه مع نووور .. ونور حضنتها ونجيه بادلتها الحضن جامد 

نجيه : اخيرا وصلتلك كنت خايفه اتوه تانى وما اشوفكيش 

نور بتمشى ايديها على ضهرها : يا حبيبتى يا ماما انا جمبك اوعى تمشى تانى  فى اى مكان 

حازم واقف حزين جدا شعور ان أمه ما بقتش أمه وبعدت عنه بدء يتملك منه وبردو نور  هى إلا واقفه فى كل حاجه حلوه بيتمناها او تخصه بتخطف كل شئ بسهوله .. شغله  .راحته .. سمعته .. والاهم أمه .. 

نور : حازم مالك 

حازم بنفى : مفيش .. وبص لوالدته .. قلقتينى عليكى لو كنتى قولتى انك عايزا نور ها ارجعك لها ومش ها ازعل ابدا انا ما يهمنيش غير انك تبقى بخيرر 

نجيه وعيونها متعلقه بنور والابتسامه ماليه وشها يعنى مش ها تحرمنى وتاخدنى منها تانى

حازم بقهر جوا قلبه : ابدا ولاحظ نظرات نور إلا مسكت نجيه ركبتها عربية حازم وقبل ما يركب وقفته 

نور : ممكن كلمه 

حازم بالا مبلاه : اتفضلى 

نور بصت فى عيونه : انا عارفه احساسك دلوقتى شكله ايه 

حازم ضحك بأستهزاء : يا سلااام فجأتينى الصراحه وانتى بقى جبتى التايهه تعرفى انى كرهتك اكتر ما بكرهك 

نور ابتسمت بوجع : عارفه  ومتاكده بعد إلا حصل انك مش طايقنى لانى جربت ان يبقى فى ايدى حاجه ملكى وتخصنى وحبها يبقى من نوع مميز وخاص وحد تانى يجى بكل سهوله ويخطفها منى .. انا عايشه معانتك قوووى .. انا اتسرق منى حب وحصن  ابووويا وفقدت حضن أمى وانت اتسرق منك حب أمك وفقدت أمان وحصن أبوك .. هنا العدل خد حقه بس انا مليش يد وعيونها ملتها الدموع وبصت لنجيه .. تعرف ان ربنا بعتهالى فى وقت كنت خلاص ها أستسلم للموت .. هى سبب مش أكتر فى حياااتى بيعوضنى وبيملا فراااغ كبير انت لسا ما وصلتش له وبتمنى عمرك ما توصله يا حازم مهما كانت نظرتك ليااا او نظرتى ليك .. 

حازم اتنهد وبحيره مش عارف يرد يقول ايه هى قالت كل حاجه بالمختصر : وبيشاور على نفسه .. انا مليش ذنب فى أى حاجه بتحصل فى حياتك ليه انا اتمرمط وافقد أمى وسمعتى تضيع بسببك وبسبب ابوكى انتو بقيتو عقبه فى حياتى مش قادر اتخلص منها ودايما شئ بيمنعى اخد حقى 

نور ابتسمت بوجع : نحس والا بيقرب منى بيتنحس زيى وأكتر .. بس بردو مفيش فى ايدى حاجه وعمرى ما اتعمدت أضرك بأى شكل 

حازم رافض اى تبرير يخطف راحته  والهدوء إلا كان عايش فيه وقطع الكلام : ممكن نمشى الوقت اتاخر ووالدتى مش ها تتحمل 

نور بترجى : سيبها تعيش معانا وتعالا الوقت إلا يعجبك شوفها واطمن عليها 

حازم : للاسف يا نور انا مجبر على دا فى الوقت الحالى لانى راجع شغلى فى أى  وقت وما اقدرش اسيبها تروح هنا او هنا وتضيع منى تانى 

نور بفرحه غير طبيعيه : طب ياله نروح ياله ادام انت وافقت ..  واتحرك بعربيته ومشاعره بتناقده فى كل شئ إحتار يكره نور والا ممكن يشوف فيها جانب تانى زى إلا الناس بتحكى وبتتحاكى عنه وصلهم ورجع شقته وللفراغ الكبير إلا أمه اتسببت فيه وافتكر كلام نوووور ونام على الكنبه بهدومه سرحان فيها وفى تصرفاتها كلها ومن تعبه راح فى النوم ... الصبح شقشق وفاقت معاااه عصافير بتزقزق مع اشجار بتتمايل على نسمات الهوا بدلع وخفه .. وجرس تليفون حازم رن وبيرد بنوم  . ايوااا  . امتى  .. حاضر ها اجهز نفسى وأجى بكرا ان شاااء الله .. تمام .. سلااام رمى التليفون على الترابيزه وكمل نوووم تااانى وهو زهقااان وقرفان من كل حاجه حتى شغله ... 

**************** 

محى قاااعد يفطر مع ابوه وأمه وعمال يتكلم فى أى كلام مش عارف يقول ايه ومره واحده .. ماما .. بابا انا عايز اتجوز ورد .. 

فوزيه كانت بتأكل واللقمه وقفت فى زورها ومحمود جوزها وبيخبط على ضهرها ومحى بيناولها الميه 

محمود : يادى المصيبه فوزيه ها تروح منى بسببك يا زفت 

محى : ماما اشربى 

فوزيه ؛ كح .. كح .. كح .. ووشها إحمر وبتكبب فى وش محى بايديها 

محى : ياماما اشربى ..وبعدين خمسى  فى وشى 

فوزيه فين وفين على ماعرفت تشرب وتاخد نفسها وبصوت طالع بالعافيه : بتقول مين 

محى بصوت محشرج : ورد 

محمود : البنت إلا كانت معاك هنااا 

محى : اه هى 

فوزيه : لا والف لاء اتجننت يا محى ربيتك وعلمتك وبقيت مهندس عشان تتجوز بدويه ماتعرفش حتى تفك الخط 

محمود : شكلها كدا هربت منك 

محى : انا بحبها وعايزها 

فوزيه : حب وايه وكلام فارغ ايه وبصت لمحمود .. ابنك اتجنن .. قولى مين أهلها .. طيب لما عيالك تكبر وعايزين يروحو مدرسه المدرسه ها تقبلهم وأمهم جاهله وملهاش أصل ولا فصل .. لو حابو يدخلو شرطه او جيش ها تعمل ايه والا تجيب ملف لأهلها وبيانتهم منين هاتجنى على احلام عيالك 

محى ؛ دخلوتنى فى خلفه ومدارس من دلوقتى انا عايز ورد وها تتعلم ويبقى لها شهاده ميلاد وكل المطلوب ومفيش حاجه ها تمنعها تبقى زيها زى أى حد 

محمود : يا سلااام بالبساطه دى والناس وشكلك قدامهم  قوم وشيل الموضوع دا من دماغك وريح نفسك لو عملت ايه لا انا ها اوافق ولا امك  مستقبلك كله ها تضيعه فى غمضة عين .. قوم 

محى : انا ها تجوزها سواء وافقتو او لاء بعد اذنكم وسابهم ودخل اوضته .. وابوه وأمه باصين لبعض بذهول اول مره ابنهم يقولهم لاء على حاجه 

************

حمدى : بتقول مين  وضحك .. انت بتتكلم جد يا كامل 

كامل : ايوا بتكلم جد انا فاهم انك عارف كل حاجه واستغربت قوووى 

حمدى : انا لغيت توكيل نور وهى دلوقتى شغاله لحسابها 

كامل : تصدق انك راجل غبى 

حمدى بنبرة صوت عاليه : كامل 

كامل : كامل ايه وزفت ايه .. مشيت كلام مراتك بنت امبااارح تصدق لو نور قطمت وسطك تبقى تستاهل يا ابو مخ تخين

حمدى : مش ها تقدر نور معهاش فلوس تكمل 

كامل بعند : والله الفلوس إلا ها تحتاجها لأديهالها عند فيك انت بالذات وقبلت على نفسك تاخد تعبها وشقى السنين دى كلها بالبساطه دى 

حمدى : تعب وشقى السنين انا الاساس فيه وانا إلا خليت لها اسم وشنه ورنه  ومتنساش يا كامل أنت ومالك لأبيك 

كامل : مش لما تبقى اب .. بالسلامه عشان مش طايقك وقفل 

حمدى بص فى التليفون وابتسم وبص لمراته إلا نازله من فوق على سنجة عشره : راحه فين 

أحلام : ها اروح لماما شويه .. ممكن يا قلبى 

حمدى : انت استأذنتى قبل ما تلبسى بس ماااشى روحى ومتتأخريش 

احلام : لا مش ها اتاخر خالص .. مازن ها يقعد معااك .. ممكن بقى تدينى عشرتلاف جنيه 

حمدى : ليه كل الملبغ دا 

أحلام : ماما محتاجه شويه طلبات وانا كمان عندك مانع 

حمدى ابتسم : عنيه ليكى ولأمك ... اتفضلى معنى كدا كل الفلوس إلا فى الفيزا خلصت 

أحلام قربت بدلع عليه وقعدت على رجله : كلها وحياتك يا حمودى 

حمدى : من بكرا ها تكون على اخرها حاجه تانيه يا ست أحلام 

أحلام : قلب أحلام وروحها والدنيااا كلها ما اتحرمش منك .. أعمل حسابك ها تدفع فلوس المدرسه لمازن بكرا 

حمدى : انا مش عارف يا احلام انتى مداخله مدرسه غاليه قوووى حرام 

أحلام بهجوم : خساره فى ابنك لو ماكنش هو يتنعم فى خيرك  وفى حياتك يبقى فايدتك ايه 

حمدى : ما نور اتعلمت فى مدرسه عاديه وطالعه تشرح القلب 

أحلام بمكر : بأمارة ما رمتلك الجمل وبتحاربك 

حمدى : نور ما بتحاربنيش انا إلا حرمتها وفى نظرها دلوقتى بحاربها 

أحلام : إلا عملته صح اوعى تلوم نفسك بنتك غلطانه  ولازم حد يقف لها فى غلطاها حتى روحت لها يا حمودى عشان ما تزعلش وتفتكر ان قلبى جاحد عليها تخيل كانت عايزا تضربنى هى وخالتها العقربه نوجا وبنت كدا شكلها غريب 

حمدى نفخ : انتى مالك ومال نوجا وبتروحى ليه ماكنتيش روحتى 

أحلام : خلاص يا قلبى مش ها اروح تانى بس اوعى تغلط نفسك ابدا 

حمدى بغلب ؛ مبقتش فاهم مين غلط ومين صح نهايته قومى ومتتأخريش 

أحلام قااامت : عنيه حاضر .. سلااااام  وخرجت بسرعه اتكلمت فى التليفون وطلبت من عاشقها يقابلها 

**************** 

حازم : ايوا يا محى انا ها اروح لخالة نور اطمن على أمى واسيب لهم ملبغ واقضى اليوم معاها واروح باليل عشان بكرا مسافر الشغل ان شاء الله

محى ؛ استنا خدنى معاااك .. وكمان ها ارجع الشغل 

حازم ؛ مالك يالا وشغل ايه وانت رجلك كدا 

محى : ها افك الجبس انهارده ان شاء الله .. ما علينااا ها تروح دلوقتى حالا 

حازم : ايوا مش عارف اقعد فى البيت وهى مش موجوده انا اتصلت بلغت نور وقالتلى تعالا 

محى بهزار : الله نور واتصلت الموضوع اتطور ودخل فى الغريق يا حازم حازم

حازم : هههههههه بتحلم انا والكائن دا لايمكن نجتمع ابدا فى مكان ونبقى مرتاحين .. ما علينا ها اعدى عليك سلاااام ... ونزل قابل محى وخده ووصل عند البيت طلعو ونوجا رحبت بيهم  ودخلو جوااا قعدو  .. لحظات والجرس رن تانى وكان سيف  .. وقف اتكلم مع نور على الباب ونور دخلته مع حازم ومحى وسلمو على بعض ودخلت للبنات جرى .. 

نور : انتو يا جزم العيال براااا كلهم وبتلف ايديها فى الهوا .. الشقه ها تنفجر بينا كلنا ونوجا ها تضربنا بالاربيجيه 

سلوى بأستفهام : عيال مين 

نور بمكر وابتسامه : سيوفه حبيب هارتى وبصت لورد ومحى حبيب الجلب وابتسمت أكتر والمصيبه إلا طبت على حيااتى ولازقت حازم 

سلوى بارتباك : ماما .. نوجا يا نور .. هو سيف جاى يقول لماما معقول 

نور بغمزه : لا هو جاى يتلكك فيااا وبيقولى كنت عايزا اسئلك بشكل ودى عن طبيعه ابوكى عشان القضيه فا شاورتله على جوا وقولته اتفضل واسئل براحتك وما صدق مالحمتش طيفه وهو داخل 

سلوى خدت نفسها وحطت ايديها على صدرها براحه  : اه الحمد لله 

ورد واقفه سرحانه ومبتسمه وبتتهز يمين وشمال بجسمها .. نور قربت عليها وجمب ودنها وبهمس مهى برا خلل يا وردتى 

ورد بأبتسامة هيااام : اتركيه ما راح أطلع 

نور بغمزه : متأكده انا قلبى بيقول غير كدا 

ورد بتهز راسها : ايه متأكده .. وينها الست نجيه 

نور : اول ما عرفت ان حازم برا طارت عليه وباعتنى .. اروح لنوجا وبعدين سيف باشا وخبطت سلوى فى كتفها والضحكه على وشها ..  سيف يابت اتلحلحى .. اقولك اهربى  

سلوى : لا مش ها أخرج انا كمان لازم أفضل هنااا 

نور : انا عملت إلا عليا  وقولتلكم .. انا خارجه سلاااامات وخرجت لهم  .. ماما أجبلك حاجه تشربيها مع حازم 

نجيه بصت لنور : هو مش ها يتغدى 

نور ابتسمت : أكيد ها نغديه احنا نقدر نعمل غير كدا عشان خاطرك يا جميل 

حازم : لا شكرا انا ها اخد ماما ونتغدى برا 

محى ضربه فى رجله : ليه نعك برا ماله الغدا هناااا 

نور بهزار : أنت بالذات مش ها تتغدى يا محى .. سيف باشا ها يتغدى معانا وحازم وانا ها أطلبلك حالا يجى ياخدك حالا 

محى : يعنى مش اوبر ولا كريم لازم حالا 

كلهم بصاله وضحكوووو 

نوجا : بس يابت أنتى .. روحى اجرى هاتى العصير .. كلهم هايتغدو ماحدش ها يخرج من غير واجبه وزياده

نور رفعت ايديها : أطير أنا الحكومه صدرت منها الاوامر 

سيف : معلش إعفينى أنا ... هما كام سؤال لنور وأمشى 

نوجا : والله ابدا ..

سيف استسلم بسرعه لانه نفسه يشوفها يطمن عليها عن قرب فا ابتسم وقبل .. وكلم حازم : فرحتلك ان الحمد لله الحاجه بخيرر ولقيتها 

حازم : الحمد لله كان فاضلى على الجنان شعره 

سيف : إحمد ربك انها كانت مع نور بس ازى كل صوارها إلا ماليه الفيس دى محدش فيكو شافها 

نوجا : احنا كنا فى ايه والا ايه دا كل يوم مشكله وهم ونور والبنات ماعرفش كان مالهم كدا  

سيف : ياله الحمد لله حصل خير أهم حاجه النتيجه ..وعيون محى وسيف بتلف فى المكان كل واحد عايز يلمح إلا يخصه ماعدا حازم مشغول مع أمه وبيحاول يقرب منها وحاسس انها مستجيبه معاه ودا مفرحه جدا .. 

نور طلعت العصير وقاعدين كلهم مع بعض وفجأه ورد خرجت ودخلت المطبخ ومحى وشه نور وابتسم .. وبعدها سلوى وسيف قاعد ومركز معاها قوى .. ونور متابعه الاتنين .. الجرس رن ونوجا فتحت لقت هانى ومعاه بوكيه ورد 

نوجا : ينيلك ايه دا وايه جابك هنا 

هانى بأبتسامه عريضه : جاى أطلب ايد نور 

نوجا : تانى يا واد انت .. ماكفكش إلا حصل 

هانى : إسمعينى يا خالتى وبعدين ارفضى ادينى فرصه على الاقل تقنعى ابوها 

نوجا بنها وبين بنفسها : ابوها عايز الا يقنعه ان دى بنته وبتنهيده شاورت على جوا اتفضل 

هانى دخل بسعاده غير طبيعيه واتفاجئ با إلا قاعدين بص لنوجا لان مفيش غيرها هى ونجيه وحازم ومحى وسيف موجهين نظرهم له وللورد وبعدين اتكلم .. مين دول 

نوجا : اتفضل وبعدين تعرف مين دول .. وقعدو شاورت دا المهندس حازم والمهندس محى والنقيب سيف هما مين بعدين مش وقته 

هانى هز راسه : اهلا 

كلهم ردو بنفس واحد ومن غير نفس : وسهلا .. 

نور طالعه من المطبخ اتفاجئت بهانى والورد .. هانى لسا ها يقوووم نوجا بتحذير : أقعد .. وقعد براحه وكلمت نور ادخلى ساعدى اخواتك 

فى اللحظه دى سيف ارتاح ومحى وفهمو ان دا يخص نور وحازم قاااعد بيدرس الشخصيه إلا ممكن ترتبط بواحده زى نور فى صمت 

نور بأبتسامه : حاضر يا خالتى دخلت المطبخ وبتنطر ايديها كذا نطره ورا بعض وبصوت هامس : كملت وها تتطربق فوق دماغنااا 

ورد : ليش .. شو فى 

نور ضحكت وبتكتم ضحكتها : الواد هانى برا 

سلوى : ههههههههههه طب اهرب انا ولسا خارجه نور مسكتها من ضهرها .. 

نور : اترزى هنا راحه فين مين ها يعمل الاكل 

سلوى بقلق : انا خايفه 

نور : انا ها اموت من الخوف حاسه ان نوجا ها تشغل اسلاحتها الفتاكه كلها وها تستفرد بينا واحده واحده .. 

ورد : يبى .. يبى .. يبى .. ما بتتفاهم وهى جاعده ومحاوطها ألغام من كل ناحيه وجعتنا واجعه منك ليها 

نور رفعت ايديها الاتنين : بالصلاه على النبى احنا وقعنا فى حقل ألغااام استرها يارب ايه اليوم العجيب الغريب دا  ... والبنات كل شويه بحجه شكل وواحده تخرج والتانيه تدخل ورايحين جاين .. رايحين جاين لما روشو الشباب ومخلينهم مش قادرين يمسكو نفسهم من الضحك  ... اخيرا خلصو الغدا وخرجوه على السفره ونوجا منعت خروجهم برا الاوضه وهانى قاعد وحالة استفهام كبيره من وجود الشباب دى هناا .. 

حازم خد مامته على جمب ومسك ايديها باسها : حبيبتى انا مسافر الصبح ان شاء الله ممكن اتصل اتطمن عليكى على طول والا دا يدايقك 

نجيه : لا ابدا اتصل وقت ما تحب واعذرنى لو مش فاكره حاجه يابنى 

حازم بحب دخل حضنها : عاذرك يا أمى وبراحتك مع اول اجازه ها انزلك على طول خلى بالك من نفسك

نجيه بتبادله شعوره إلا هى تايهه ومحتاره فيه : وأنت كمان خلى بالك عل  نفسك 

حازم طلع مبلغ من جيبه : خدى يا أمى عشان لو احتاجتى اى حاجه 

نجيه : نور بتجبلى كل حاجه 

حازم حاول ما يتعصبش ويسيطر على نفسه : معلش دول من ابنك حبيبك اوعى تكسفينى 

نجيه مدت ايديها بتردد وخدتهم  : تسلم يابنى ..

سيف : ممكن اقوم أغسل ايدى 

نوجااا : طبعا .. اتفضل 

سيف : شاوريلى بس وخليكى مرتاحه 

نوجا : اخر الطرقه دى 

سيف : شكرا وقاام يدور على سلوى بعد ما دخلت قدامه من الطرقه وما طلعتش تااانى .. اتنحنح وهو داخل وبص على المطبخ لقاها مستخبيه ورا حيطة المطبخ وجسمها بيتنفض دخل لها فى لمح البصر ووقف قدامها وعيونه كلها شوووق ولهفه عليها .. وبهمس .. وحشتينى 

سلوى برعشه وخوف ووشها إحمر جدا : اطلع برا 

سيف : مش طالع قبل ما تقوليها وانت كمان وحشتنى يا سيف 

سلوى لمحت حد داخل عليها وقبل ما تنطق كانت وقعت فى الارض مغمى عليها 

نور : يالهوووى وبهمس ايه جابك هنااا وبتقرب على سلوى وسيف بارتباك 

سيف : كنت داخل اغسل ايدى .. مالها قرايبتك 

نور : الحوض هنااا وبتشاور اخر الطرقه مش هنااا وبتشاور على سلوى 

سيف : مش وقته يا نووور مالها كدا 

نور : ما تقلقش هى كويسه أكيد دايقتها لو سمحت يا سيف روح لو خالتى شافتك ها تشرب من دمك ومش ها يهمها حد 

سيف : مش قبل ما أطمن عليها 

نور هزت سلوى بعنف : ااتزفتى فوقى ها تودينا ورا الشمس 

سيف بعصبيه مكتومه : براحه عليها 

سلوى بعياط اول ما فاقت : والله ما عملت حاجه والله ما انا 

نور : انا إلا عملت .. انا إلا أستاهل يارب .. ياسيف روح 

سيف خرج وهو مدايق جدا وبيحاول يبان طبيعى 

نور مسكت سلوى وبتغسل لها وشها : انتى ايه مش عارفه تمسكى نفسك 

سلوى : خوفت يا نور دا جرئ قوووى وانا بخاف 

نور بتخن صوتها وبتتريق عليها وضربتها على راسها : وانا بخاااف .. شايفه بعبع  موقف مش لطيف قدامك اتعاملى دانتى اى حد يثبتك بعصاية مقاشه .. قدامى على الاوضه .. خدتها ودخلت الاوضه بيها 

ورد : سلوتى شو بيكى 

سلوى بعياط : مفيش .. مفيش ابعدو عنى 

نور : يا حبيبتى مش قصدى ازعلك والله 

سلوى بتعيط أكتر : أنا زعلانه من نفسى .. ليه مش جريئه زيكم وبخاف من خيالى .. يقول عليا ايه دلوقتى 

نور : ها يقول ايه يعنى متربيه .. هو انتى لازم تبقى مقطعه السمكه وديلها عشان تعجبى .. بكرا تتعلمى ازاى تتعاملى مع اى حد مش عيب ولا جريمه 

ورد : جلبه دج بحبك وانتى هيك وماراح يبعد خيتى ما بيجدر 

نور بمكر وبتهز راسها : ليه يا وردتى مش هايقدر يبعد 

ورد ابتسمت : من شان طب ووجع فى خيتك ما بيده  راح يموت عشقااا ويستسلم قهرا 

سلوى ضحكت هى ونور بعد ما كانت بتعيط وورد شاركتهم 

نور : اه يا نمس انت وعامله فيها بريئه 

ورد بهيام : الحب بيعلمك كيف تتكلمى وتجولى يا إلا بعمرك ما جولتيه 

نور زقت سلوى فى راسها : امال مالها دى مبلطه فى الخط ليه

سلوى بصت لها مره واحده : انا عمرى ما شفتك بتتكلمى عن الحب زى ورد يا نور ابدا 

نور طلعت سجاره وبتشربها : حب ايه وكلام فارغ ايه هانى دا انا ها اتجوزه عند فى ابويا ولما ابويااا يوافق ها ارفض اتجوزه 

ورد : ايش هالجنان .. وايش ذنب هالشاب 

نور بتنفخ الدخان وسلوى بتهوى بايديها عشان يبعد عن وشها : ذنبه انه وقح وكداب ومايفرقش عن الرجاله النص كم فى شئ 

سلوى : ازاى يعنى وامتى كنتى بتتكلمى كدا 

نور : من دلوقتى يا سلوى .. بقولكم ايه كبرو دماغووو بلا هانى بلا زفت .. احنا ها نفضل محبوسين كدا .. انا طالعه وبتغمز لسيف عشان اشوفه عايزنى فى ايه 

سلوى بالهفه : قوليله اوعى يزعل منى 

نور طفت السجاره وحطت ايديها الاتنين على قلبها : اه يزعل منك .. الواد هايموت عشقا واستسلم قهرا خلااااص هههههه .. بالاذن .. ورجعت .. اه تحبى اقول حاجه لمحى يا وردتى 

ورد ابتسمت بخجل : كان بودى أجول بس مو من حجى إظاهر انى راح أكتفى بايا إلا بجلبى .. ياريت ماعرفته ولا شفته 

نور بحزن عليها وعلى وضعها وبتفكر يا ترى هى ظلمتها لما جابتها تعيش وسطيهم وردت بعند : انتى هبله وانا اهووو وانتى اهووو  لو ما جه راكع 

ورد بتحاول تدارى واجعها : ولو ما أجى ماراح ازعل  وبريد له كل الخيررر من جلبى 

نور : اسيبكم بقى مع بعض تندبووو حظكو واطلع اطلع عينهم كلهم بالسلامه .. وخرجت وسيف قاعد على أعصابه عايزها بس تقرب .. وفعلا قربت عليه 

سيف : ممكن يا نور نقعد مع بعض شويه 

نور : ممكن طبعااا تعالا هنااا بعيد عنهم .. وهانى ها يتجنن ويقوم من مكانه يسئلهم ايه الجنان دا وفى ايه .. 

سيف : سلوى عامله ايه 

نور قررت تلعب شويه : عرفت اسمها منين 

سيف رفع حاجب : شخصيه زى سلوى أكيد مش ها تخبى عليكى حاجه فا لو ناويه تلاعبينى بقولك وفرى تعبك 

نور : طيب من غير لعب .. عايز منها ايه 

سيف : سؤال غبى من واحده زيك 

نور : لا سؤال صريح .. سلوى ملهاش فى اللف والدوران وشغل الحب والمقابلات .. انت بقى قصدك ايه من التليفونات والمقابلات هى مش قدك سيف 

سيف :  انتى شيفانى جزار قدامك والا صياد قاعد يصتاد من هنا شويه وهنا شويه 

نور : لو انت مش كدا ماجتش اتقدمت لها على طول ليه 

سيف : ليا عذرى وظروفى يا ست نووور وانا ما بلعبش ببنات الناس وسلوى فى عنيه فى اى تحقيق تانى 

نور : لا من غير تحقيقات دا حتى عيب فى وجودك أخد دورك .. ابعد عن سلوى لحد ما تقرر 

سيف : مش ها أبعد وانا مقرر ها اتجوزها ان شاء الله بس فى الوقت المناسب وياريت تقفلى الموضوع دا 

نور : فهمنى وبعدين نقفله 

سيف بنفاذ صبر : قولت مش وقته فى الوقت المناسب ها تعرفى كل حاجه 

نور استسلمت لما حست ان سيف بيتكلم من قلبه وفى حاجه مناعه فعلااا : طيب ماله ابويااا 

سيف : ابوكى مفهوش حاجه .. انا جاى اتلكك وبما انك على علم بكل حاجه الا جابنى سلوى وبس 

نور ابتسمت : كدا خطر يا حضرة الظابط خالتى بتقلب لفك مفترس 

سيف : ههههههه بغرور مصطنع .. انا قدها ما تقلقيش عليااا 

نور قامت : أنت حر  

سيف قااام وقرب منهم وجمبه نور : طيب انا لازم أمشى لانى اتاخرت جدا .. واتشرفت بمعرفتك يا نوجا 

نوجا : الشرف ليا يا حبيبى بيتى مفتوح ليكم كلكم فى اى وقت كلكم ولادى 

حازم قااام بعد ما حضن أمه وباسها ومحى معاه  : طيب نستأذن إحنا كمان 

نوجا ؛ كلكم مره واحده طيب شرفتنا والله يا هانى 

هانى بيرفع ايده : يا طنط انا 

نوجا : ايه انا عارفه انك مستعجل وبتفتح الباب حمدى وقف فى وشها ... وبصوت هامس يادى المصيبه على دا باب وعلى سنينه😂😂😂

💚💚💚💙💙💗

بقلم : لبنى طارق 

💚💚💙💙

صلو على النبى الأمين محمد رسول العالمين 😍😍😍

شرسه ولكن ! 19 

**************

اللَّهُمَّ إِنِّي أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ، لَا أُحْصِي ثَنَاءً عَلَيْكَ، أَنْتَ كَمَا أَثْنَيْتَ عَلَى نَفْسِكَ

اللَّهُمَّ إِنِّي أَعُوذُ بِكَ مِنْ جَهْدِ الْبَلَاءِ وَدَرَكِ الشَّقَاءِ وَسُوءِ الْقَضَاءِ وَشَمَاتَةِ الْأَعْدَاءِ

💚💚💚💚💚💚💙💙💙💙💗💗💗💗

حمدى : الله .. الله انتى فاتحه شقتك اليومين دول ايه بالظبط يا نوجا 

نوجاا : وبعدين معاااك يا حمدى  اعرف انت بتقول ايه ولمين قبل ما تغلط 

حمدى بيشاور بايده : دول كلهم بيعملو ايه هنا عشان ما أغلطش مع ست البرنسيسه وأنت وشد هانى انا قولتلك كام مره ما أشوفش خلقتك ونور انساها لانها ابعد من نجوم السمااا 

هانى بخوف : ياعمى انا داخل البيت من بابه 

حمدى : هو فين البيت .. هااا التكيه إلا مفتوحه لكل من  ولسا ما كملش

حازم : بعد اذنك وصفو خلافاتكم مع بعض وبيبص لمحى وسيف ياله احنا 

حمدى : إيه يا بشمهندس مش مالى عينك والا بتتحامى فى حضرة الظابط وفاكرنى بخاف 

نوجا : يادى النيله عليك وعلى دماغك وتفكيرك .. ارحمنا من الفضايح كل يوم والتانى عيب عليك عمايلك دا انت راجلنا

حازم قرب على حمدى : انا ساكتلك وأستحملت كل إلا عملته وماقدمتش بلاغ فيك بسبب إلا حصلى وانت راجل ماعندكش  دم ولا بتحس 

نور بعصبيه : انت مين أنت عشان تكلم ابويا بالطريقه دى .. اتفضل من هنااا 

حازم بصوت عالى : اه نسيتك مانتى زى ابوكى بالظبط ما تفرقيش عنه حاجه 

محى : حازم ارجوك ياله نمشى 

سيف : حازم مفيش لزوم للكلام والخناق 

حازم : انت مش سامعهم 

سيف مسك ايده وشده ونزل ووراه محى وهما لسا على السلم 

حمدى مسك فى رقبته هانى وضربه كذا ضربه ورا بعض ونوجا ونور بيحوشو مش قااادرين عليه ابدا .. هانى سلك نفسه ونزل جرى وخبط حااازم جاامد والتلاته واقفين مكانهم .. وبعد شويه سمعو صويت نوجااا وهى بتقوله حرام عليك  وحازم طلع جرى  خوف على أمه ووراه سيف ومحى أخر واحد بسبب رجله 

حمدى ماسك نور بيضربها وبصوت عالى : لو فاهمه انك بقاعدتك هنا خرجتى عن طوعى وها تقفى ليااا راس براس .. يبقى أكسر دماغك قبل ما تتكبر عليااا يا بنت أمك 

نور : اضرب .. كل ما تشوفنى أضربنى خلاص مش ها ارجع نور بنتك بتاعت زمااان 

نوجا بعياط : كفايه حرام عليك .. انت لو لاقيها فى الشارع ها تحبها وتصونها يا راجل 

حمدى : البركه فيكى وفى كلامك 

حازم قرب عليه وبعصبيه شده بعيد عن نور : أنت راجل همجى وعايز إلا يقفلك 

حمدى بيبص له من فوق لتحت : وانت إلا ها تقفلى 

حازم : أقف لعشره زيك 

سيف : أنت عايز ايه يا راجل أنت داخل طايح فى الكل .. حتى بنتك انا عرفت مين كان ضاربها المره إلا فاتت أكيد أنت 

حمدى : بنتى وبربيها ايه دخلكم 

نور بعياط واحساس بالذول والاهانه قدام الكل قعدت على الارض وحطت ايديها على راسها وبصويت : كفايه .. كفايه .. اخرجو برا كلكم .. انا بكرهكو .. بكرهكو 

نجيه بعد ما كانت بتبعد حمدى عن نور هى كمان  جريت عليها وسلوى على حمدى وورد على نور 

سلوى بعياط هيستيرى : دى بنتك .. انت لايمكن تكون أب هى ذنبها ايه فى كل الكره إلا جواك عشان اتولدت بنت 

حمدى : انا يا سلوى بكره بنتى .. وولد ايه إلا ممكن يخلينى أكره بنتى  عمايلاها دى ايه عندكو والا هى بريئه 

سلوى :  هى بتلحق تعمل حاجه .. كل يوم اهانه وضرب دى كبرت .. كبرت عملت منها مسخ مش بنى ادم لا معاك سايبها فى حالها ولا بعيده سايبها ليه ياعمو  ليه .. ليه حنيتك وفلوسك يروحو لواحده غريبه لمجرد انها جابتلك الولد وطول الوقت بتكرهك فى نور هى عايزا فلوسك وبس   .. ليه تنسا المرمطه وتنطتها من بلد لبلد ووقفتها وسط عمال وتتفق على مناقصات عشان تكبرك .. ليه دا كله ادينى مبرر 

سيف واقف مصدوم ومش عارف فرحان ان سلوى ظهرت بقوتها أخيرا ومحى عيونه دمعت على نور وقاعد جمبها على الارض بيحاولو يهدوها .. حازم نفسه يطبق فى زمارة رقبة أبوها  وواقف ساكت .. ونوجا ماسكه دماغها حاسه انه ها يجرالها حاجه .. 

حمدى : ها اقولك مين السبب فى دا كله أمك وبيشاور على نوجا .. أمك السبب 

نوجا زقت حمدى : أطلع برا وبطل ترمى غلطك علينا .. ياله كلكو برا وبتطلع فيهم والجيران اتجمعت  

واحد من الجيران : هو كل يوم زعيق وخناق يا ست نوجا 

واحده من الجيران : لا ورجاله خارجه ورجاله طالعه 

نوجا : قطع لسانك يا سميره .. انتى وهما انا وبناتى اشرف من الشرف .. انا هنا فى بيتى واى حاجه تحصل ما تخصش حد 

واحد تانى : ازاى يعنى .. احنا عارفين نرتاح فى بيوتنا بسببكم .. وسبب مشاكلك 

سيف : ياله انتو وهما من هنااا والا ها يتكلم ودينى لاحبسه 

واحد من الحيران : وانت مين عشان تحبسنا 

سيف : انا النقيب سيف وطلع الكارنيه .. اتفضلو ياله .. وكل واحد رجع مكانه  من سكات ونوجا قفلت الباب وقعدت جمب الباب وبتعيط بصوت مسموع :  يارب خد بايدينااا يارب .. يارب وبتقول يارب وبس ..  

حمدى نزل جرى ركب العربيه ومشى  

سيف : لا حول ولا قوة إلا بالله 

محى : ايه الراجل دا لايمكن يكون بنى ادم 

حازم : انا قلقان حاسس ان ها يحصل حاجه .. انا طالع لهم 

سيف مسكه من ايده : بلاااش يا حازم هما فى وضع مش حلو وعيب لما بنت عروسه تنضرب قدامنا واحنا نفضل موجودين كدا بنكسرها أكتر ماهى مكسوره 

حازم : وأمى 

سيف : انا مش مطمن غير ان أمك معاهم  .. بكرا ان شاء الله تتطمن عليها 

محى : كلام سيف صح يا حازم .. ياله واحنا مطرودين وحالتنا بالبله

سيف ابتسم : ايه رايكم بمناسبه الصحابيه بينااا ورفع التكليف اعزمكم على اتنين قهوه ونتكلم مع بعض شويه عشان عندى احساس ان ربنا ها يجمعنا كلنا على قلب رجل واحد 

محى : 😂😂😂 الراجل دا احساسه فى محله والا ايه يا حازم وبيزقه حازم هاااى وصلت لفين 

سيف : ياله يابنى 

حازم : ياله ومشيو التلاته مع بعض راحو كافيه  وقعدو  و اتعرفو واتكلمووو كتيررى وقربو من بعض  أكتر  

حازم ؛ كاونه عامل ايه 

سيف : هههههه كل دماغك انا عارفه وحافظه  لسا زى ما هووو 

حازم : ها يخرج والا ها يطول 

سيف : محتاج حد يدفعله كفاله خمس تلاف عشان يخرج .. كان متخانق ومكسر محل 

حازم : انا ها ادفعاله وخرجه يا سيف 

محى : مين دا ان شاء الله 

حازم : دا كان مسجون معايااا فى تفس الزنزانه 

محى : وانت عايز تخرجه ليه

حازم : وقف جمبى كتير طول الحبس فا ها ارد لو جزء بسيط 

سيف ضحك جااامد : أنت نكته .. الا زى كاونه اصلا دى طبيعته 

حازم : مش مهم المهم يخرج وربنا يصلح حاله 

سيف رفع ايده الاتنين : قول يارب .. 

وبعد وقت محى روح مع حازم بعد قراره انه ها يرجع الشغل معاه .. وسيف بيته وطول الوقت بيتجاهل تليفونات خاطيبته .. وقافل على نفسه رافض الكلام مع ابوه وأمه 

**************

مر أسبوع كامل بعد رجوع حازم ومحى الشغل والامور ماشيه هاديه نوعااا ما .. ونور عدت إلا حصل زى كل مره وبتحاول دايما تبان قويه وشرسه .. وسيف يوميا بيكلم سلوى وبيقرب منها أكتر لدرجه انه يومه مايحسش بيه من غير من يلمحها او يكلمها وهى كمان .. أما ورد مركزه فى التعليم قوى ومابتردش على محى فى التليفون ابدا ونجيه وضعها مستقر وبدء يمر عليها لمحات من الماضى ومش قادره تجمع او تفتكر ايه بالظبط .. 

حمدى طول الوقت بيلوم نفسه ليه دايما كل ما يروح لبنته بدال ما يقربها منه يبعدها ويعاديها أكتر .. هى عملتله ايه وليه بيكره نوجا كدا بينتقم من نوجا فى نور ودا إلا الكل مش فاهمه ؟ 

أما أحلام مراته بتخطط ازاى تسيطر عليه وهو بيخبط يمين وشمال ودايما مخليه مازن معاه فى كل مكان بيروحه او شغل عشان يتعلم  

***********

حازم وسط العمال فى موقع الشغل وواقف فوق الكوبرى ومحى تحت .. لابس الخوذه وفى ايده روسومات هندسيه بيبص عليها ويعاين  وواقف يكلم واحد من المهندسين الجداد ..  نظره راح لعربيه تريلا كبيره جدا محمله أسمنت وحد واقف فوقها بثبات ... العربيه قربت وبتلف من تحت الكوبرى وحازم جرى ناحيه السور لما شاف نور هى إلا واقفه فوووق .. ابتسم من قوتها الغريبه وازاى بتقدر تعدى اى شئ فى حياتها بسهوله وللحظه خاف تقع لو وقعت ها تتكسر ميت حته وبصوت مسموع : يخربيت جنانك 

نور فوق العربيه واقفه على الأسمنت وزانقه راجليها بين الحبال المربوطه حطت صوباعين فى بوئها وبتصفر جااامد واتنين من إلا بينقلو اخبارها لابوها بصو لها من فوق الكوبرى وبتوصل الرساله مباشره وصريحه .. ضحكت وخبطت على صدرها وبعلو صوتها : ولا يا حموووووو .. بتشاور على نفسها انا التمساحه يالااا ورفعت علامة النصر زيها زى إلا بيحارب .. بس يا ترى بتحارب مين ابوها ؟ 

حازم : عامر هى نور ايه جابها تانى 

عامر : ههههههه سحبت المقاوله بتاعت المشروع من ابوها لحسابها بنت اللاعيبه بعد ما حصل مشاكل معاه على الخامات 

حازم عيونه ظهرت فيها لمعه ومش قادر يرفع نظره عنها ابدا .. 

نور بعد ما العربيه ما وقفت مسكت فى الحبال وبتنزل من الجمب بخفه رهيبه ولا كأنها بنت ابدا .. 

محى : نور .. التمساحه 

نور ضحكت من قلبها وسلمت عليه : أمحى ليك وحشه فينك يا راجل 

محى : موجود بس انتو إلا منفضين ليااا .. وبالهفه ورد ما بتردش عليااا ليه 

نور : عشان ما تتعلقش بأمل كداب يا محى .. أسكت 

محى : ايه 

نور : ورد بقى أسمها ورد محمد الشامى رسمى اى خدمه اتسجلت وطلع لها شهادة ميلاااد وعمرها المثبوت حاليااا 20 سنه  

محى : ازاى بالسرعه دى 

نور : واحد عاملى خدمه وادها ورق يخص بنوته أختفت من 15 سنه من أهلها .. ابوها وأمها ماتو من زعلهم عليها  واخوها هاجر من 10 سنين لما فقد الأمل انه يلاقى أخته ومارجعش من الوقت دا  

محى ؛ كدا تزوير يا نور ولو أخو البنت ظهر .. ولو مات والمفروص انها تورث فيه ولو اهل بنت طلع عندهم فلوس .. لا لا انا مش مرتاح للموضوع دا .

نور : محى انت عارف عشان نثبت ورد ايه المطلوب .. طب عارف ها ياخد وقت اد ايه طبعا مش عارف احنا مش ها نضر حد 

محى : البنت لو ظهرت ورد ها تتحبس 

نور : كانت ظهرت طول السنين إلا فاتت .. او حتى اخوها رجع يا محى إلا بيفقد الأمل خصوصا فى بلدنا عمره ما بيرجع ريح نفسك .. ودا ها يخدمها فى التعليم جدا ها ننجز ونقول لظروف او اى اختراع كانت تايهه مخطوفه وبتدور على أهلها لو حد من عيلة البنت اتكلم 

محى بقلق : لا مش مرتاح للموضوع دا والDNA 

نور : سيبها على الله مين وفين إلا ها يجى يعمل الDNA 

محى : والبنت كمان اسمها ورد 

نور : لحسن حظها والصدف .. اه اسمها ورد شوفت يا عم .. افرح يا محى واتبسط 

محى : ربنا يستر يا نور بس عملتى كدا ازاى 

نور : محى العلاقات والفلوس بيعملووو اى حاجه تتخيلها انت مش عايش معانا والا ايه انا لو عايزا اشترى لها شهاده من بكرا ها اشترى بس هى عايزا تتعلم بجد فا نسهلها عشان عمرها ما يضعش على الفاضى 

محى هز راسه : ولوانى مش مطمن بس ياله زى ما تيجى بقى 

 .. بس ليه ما بتردش عليااا 

نور ابتسمت : جبتلها قرار اننا نمتحنها ابتدائيه على طول فا مركزه وبتذاكر .. وكمان بردو ها تمتحن اعداديه بردو على طول لو نجحت وطلعت تمام عشان تعرفو قيمتى يا كلابه لا وواخده الموضوع جد جدى 

محى بفرحه : ابوسك والا أعمل ايه يا وش السعد 

نور رجعت براسها لورا ورفعت صباعها : أبعد يا امحى ولمها .. وضربته على اورته سلام يا وحش  

وسابته وبتلف على العربيات المحمله حديد وأسمنت وخلافه وبتباشر شغلها بهمه ونشاط .. واحد من إلا نور وجهت لهم الكلام اتصل بوالدها 

مجهول : ايوا يا حمدى بيه .. وصلت وشاورت لنا كمان يعنى عارفانا 

حمدى : مش مهم يا سامح .. خليك جمبها ومراقبها زى ضلها انت عارف اخاف يجرلها حاجه 

سامح : أمرك يا باشااا فى عنيه والله 

حمدى : تسلم .. ياله سلام وقفل معاه وسامح طول الوقت مركز مع نورر وبينقل كل تحركاتها مهما كانت عاديه او بسيطه ..  ووصل بحمدى الامر انه يطلب منه يراقب بنته حتى وهى فى سكانها 

**************** 

ورد قاعده بتذاكر وجمبها سلوى بتساعدها ... بتخليها تقرى وتكتب 

سلوى : ماشاء الله يا ورد انتى بتتقدمى بسرعه 

ورد بأمل : راح انافس هالمحى بيوم من الايااام وما راح أجبل إنه يعايرنى بجهلى 

سلوى بأبتسامه : بحب فيكى روح التحدى  وتليفونها رن برقم سيف ووشها جاب الوان 

ورد ضحكت بصوت عالى : أعشج بيكى روح الجبن .. ما تردى على الرجال اتفلج رن 

سلوى : عايز يقابلنى وانا رافضه .. مش ردا عليه 

ورد : ليش ما بدك خايفه تجابليه 

سلوى اتنهدت وبتفرك فى ايديها : انا بقيت بحبه قوووى يا ورد فوق ما تتخيلى ومش فاهمه خالص .. عارفه إلا هو عاوزنى ومش عاوزنى  حاسه ان فى حاجه ملخبطاه تجاهى 

ورد : ما بيحبك هاد الشعور يا إلا واصالك  

سلوى : ها أكدب عليكى لو قولت كدا بس فى حاجه واقفه بينااا .. دايما متحفز خايف من حاجه 

ورد تيلفونها رن وكان محى وبلخبطه : عم يتصل .. عم يتصل 

سلوى بقلق : جاب نمرتك منين يادى المصيبه دا ظابط يجيب أى حد صح 

ورد بعصبيه مصطنعه : شوهالغبااا .. محى بيتصل فينى مو سيف  .. شو راح أعمل 

سلوى : ردى عليه بقى كفايه كدا 

ورد بتبص على باب الاوضه : طيب أوجفيلى زى ما بسوى معك 

سلوى قاامت من جمبها وواقفه تراقب .. وورد ردت 

ورد بتتصنع الجديه : ايش يا محى ليش بترن على 

محى بزعل : كل دا يا ورد مطنشانى ولا سئله فيااا .. والله كنت ها ازعل 

ورد بتشوح بايديها : اتفلج يا محى 

محى تنح وبرق : اتفلق يا ام لسان متبرى منك 

ورد بتهز راسها  بتأكيد : ايه اتفلج .. انت ما سأل فينى ما بتجرى وراى 

محى ديق عيونه وبيرد بهمس : انا إلا مش سأل فيكى .. طلع عندك حول يا ورد .. وبعصبيه ها اجرى وراكى ازى وانا رجلى مكسوره وقاعد جمب الخناشير دى كلها فى اخر الدنيااا شيفانى قنفد  

ورد : أستعمل مخك يا محى وأعرف كيف راح تجرى وراى 

محى : ههههههههه .. مخى ضد الأستعمال ملوش زى .. هو انا لو بستعمل مخى كنت طبيت من نظره عين يا هبله 

ورد بزعل : بعرف انى مو من مجامك ولا متعلمه  متلك وراح تعايرنى وتتمجلت على 

محى : حبيبى فهمتينى غلط والله .. انتى ها تبتدى الحساسيه إلا ملهاش معنى من دلوقتى .. وعد عليا يا ورد لأخليكى أحسن من اى حد وتتعلمى وتدخلى أحسن كليه  .. انتى فى عينى احسن من كل البنات وستهم وتاج راسهم  ومش عايز اى حاجه تانيه ولا فارق معايا حاجه من إلا فى دماغك وعامله حواجز بينا بسببها كفابه أدبك واخلاقك ومخك الكبير 

ورد بفرحه وأمل أكبر واكبر قدام عيونها : بتدوخنى بكلامك يا محى 

محى ضحك : ياريتنى موجود معاكى كنت شيلتك 

ورد قلبت وتخنت صوتها : اتشليت يا محى .. اتحشم  وإلا بكسر راسك 

محى : الله .. الله .. أما انك قلابه صحيح 

ورد ؛ جلابه كيف يا محى 

محى ميل على جمبه : كدا اهوووو 😂😂😂 .. مبروك يا وردتى على الشهاده 

ورد ابتسمت : الله بيبارك بعمرك 

محى : الله يا ورد أحلى دعوه دى والا ايه   .. بقولك 

ورد : جول بدى أجفل الرنه بوشك 

محى : لازم تقفليها فى وشى .. اقفليها بعد ما أخلص طيب 

ورد : هههههه بحب أجفلها بوشك يا محى 

محى بفرحه : لهوى على محى وسنينه الجميله .. المورده .. ما علينا قبل ما نتشتم .. تتجوزينى 

ورد بارتباك : ايش تجول انت 

محى : فى ايه ياورد .. هو انا بحدفك بالطوب .. بقولك تتجوزينى .. عايز اتجوزك يابت 

ورد فاقت من احلاامها وفرحتها : وأهلك يا محى 

محى : اكدب عليكى والا اتكلم بصراحه يا ورد .. لو على اهلى يبقى عمرنا ما نتجوز .. 

ورد : وكيف راح تتجوزنى غصب عنيهم .. هما ما بدهم ورد راح تفرض عليهم العيشه معى 

محى : انا عندى شقتى ومش ها تقعدى معاهم ها تصبرى عليا شويه ونتجوز بعفش بسيط وبعد كدا ها اجبلك كل إلا بتتمنيه .. بس انا عايزك جمبى  نحط ايدينا فى ايد بعض ونطلع واحده واحده 

ورد : انا لو راح أعيش بعشه معك يا محى ولا بيهمنى .. راح أكمل وأشيلك فوج راسى طول العمر .. ما أريد ابتدى الحيات معاك وأهلك بيرفضونى ونظرتهم إيلى جوليله

محى : لما يعرفوكى ويقربو منك وتبقى أمر واقع ها يحبوكى يا ورد .. لما يبقى ليا حته منك بتجمعنااا غصب عنهم ها يوافقو ويرحبو بوجودك معاهم 

ورد : اتركنى هالحين راح أفكر 

محى : اعرفى انك لو رفضتى يبقى بتقتلينى بالحيااا ها استنا تقوليلى انا موافقه يا محى .. سلام وقفل 

ورد بغيظ وبتديق عيونها : جفل  بوشى الرنه جبل ما اجفلها بوشه هالمحى  المكيرر إكتير .. ولقته بيتصل وبيضحك 

محى : انا اسف يا قلبى .. مش ها تقفلى فى وشى الرنه 

ورد ابتسمت ابتسامه عريضه  وبإستهبال : خلاص يامحى انت بتجفل الرنه .. انا بجفلها مافى فرج 

محى : قلب محى وعقله ولسا ما كملش  والخط قفل فى وشه وكمل ضحك مع نفسه 

ورد بتسقف : جفلت بوشه الرنه بتستاهل والله

سلوى : خلصتى 

ورد : ايه  تعى 

سلوى قعدت جمبها وورد بتحكى لها على كل حاجه 

ورد : شو جولتى 

سلوى : هو كلامه صح .. انتى دلوقتى سيبتى اهلك وجيتى هنااا ومحى عارف بكل دا وهو انسب واحد خصوصا انه بيحبك يبقى توافقى 

ورد بحيره : واهله 

سلوى : هو ادرى واحد بأهله .. أكسبيهم لصفك وحببيهم فيكى بعد الجواز 

ورد : راح أفكر وأشور نور بالاول واما نوجا واما نجيه 

سلوى : تاخدى راى الشارع يا ورد 

ورد : 😂😂😂😂 هلا انتو اهلى وما راح أعمل شئ بدون معرفتكم 

*************** 

مر اليوم سريعااا ونور راحت الاستراحه هى والمهندسين .. وبيحاولو يزيلو تعب اليوم كله .. 

نور دخلت الشقه بتاعتها وقفلت الباب برجلها وكملت على الحمام على طول ... وحازم بيساعد محى لانه تعب جدا وأرهق رجليه فى المشى فى الموقع . 

محى : بس كدا تمام قوى طلعلى بجامه بقى يا حازم وهاتهلى هنا واقفل باب الحمام عليااا 

حازم : انا مش عارف ايه جابك .. جاى تقرفنى يا محى 

محى : 😂😂😂 انت حظك فى القرف الدوبل الصراحه .. معلش خليها عليك 

حازم : ماهى عليااا يا سيدى وخرج من الحمام جابله هدومه والفوطه ووادهم ... طلع على الاوضه وقلع التيشرت والفنله وفضل بصدره عريان .. وبيكلم نفسه ... اروح اجهز لقمه على ما محى يخلص .. لان عماد ومحمود ايدينا منهم والقبر .. وفعلا راح المطبخ وقف عمل أكل سريع وخرج سمع صوت كلب على السلم فتح الباب عشان ينزله تحت وما يلمش كلاب تانيه فى الببيت لاقاااه واقف على باب نور إلا مفتوح نص فاتحه والكلب مدخل راسه منه بيستعد لدخول شقتها .. 

حازم طلع جرى وبيقول بصوت عالى : هششش .. والكلب خاف ونزل جرى .. خبط كذا خبطه على باب نور محدش رد .. خاف يكون فى كلب تانى دخل الشقه .. فا دخل ونسى انه قالع التيشرت .. وبينادى .. نور .. يا نور .. راح ناحية الاوضه بقلق ها تكون راحت فين وبيرجع بضهره ولف فجأه خبط نور جاامد كان ها يوقعها وهى خارجه بالفوطه من الحمام مسكها وحضنها بين ايديه والاتنين عيونهم اتقابلت فى نظره طويل ساعد عليها صمت الشقه والمكان ... بس ما يعرفوش ان النظره دى والوضع دا ها يكون سبب فى اذيه كبيره لهم هما الاتنين بسبب إلا واقف يتلصص ويراقب نور من بعيد وبعد وضعها دا لقط كام صوره لها هى وحازم فى حضن بعض بمنظر غير لائق يوحى لأى حد بأى شئ مش تمام

نور بعدت عن حازم ووشها أحمر وبلجلجه فى الكلام وصوت طالع بالعافيه : اخرج برا ومره واحده برقت عيونها جااامد وشهقت وحطت ايديها على بوئها 

💚💚💚💙💙💗

بقلم : لبنى طارق 

💚💚💙💙

صلو على الشفيع على النبى الأمين محمد رسول العالمين 😍😍😍

شرسه ولكن ! 20 

*************

اللَّهُمَّ رَبَّ جَبْرَائِيلَ وَمِيكَائِيلَ وَإِسْرَافِيلَ، فَاطِرَ السَّمَوَاتِ وَالأَرْضِ، عَالِمَ الْغَيْبِ وَالشَّهَادَةِ، أَنْتَ تَحْكُمُ بَيْنَ عِبَادِكَ فِيمَا كَانُوا فِيهِ يَخْتَلِفُونَ، اهْدِنِي لِمَا اخْتُلِفَ فِيهِ مِنَ الْحَقِّ بِإِذْنِكَ، إِنَّكَ تَهْدِي مَنْ تَشَاءُ إِلَى صِرَاطٍ مُسْتَقِيمٍ

اللَّهُمَّ إِنِّي أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ، لَا أُحْصِي ثَنَاءً عَلَيْكَ، أَنْتَ كَمَا أَثْنَيْتَ عَلَى نَفْسِكَ

💚💚💚💚💚💙💙💙💙💙💙💗💗💗

حازم بأستغراب  : ايه فى ايه لبسك عفريت 

نور بحده : ايه جابك هنااا يا سافل  وبتبص على جسمه وعلى نفسها .. ورفعت ايديها ادته بالقلم فجأه .. اخرج برا يا وقح 

حازم مسك ايديها الاتنين ورجع بيها لورا ورفع ايديها على الحيطه .. وبهمس كله غيظ وعصبيه مكتومه : انتى لو مش بنت كنت قطعت ايدك .. انسانه متسرعه وغبيه فى كل قرار بتاخديه وبصلها من فوق لتحت .. مش انتى إلا تهز فيا شعره واجرى وراها لو دا إلا فى دماغك انتى زيك زيى فى نظرى ورمى ايديها  وبعد عنها مشى على طول دخل شقته وقفل الباب جااامد ..  ونور جريت قفلت بابها وقعدت على الكنبه بتستجمع نفسها .. وبتنهج بصوت عالى جدا وبدء يبان عليها التوتر .. مشت صوابعها بين خصلات شعرها وبترجع بيهم لورا ..  وبغيظ وهى بتهز رجلها 

نور : انسان متخلف .. بقى انا ما أهزش فيك شعره .. وهزت راسها .. لا أستنى انت إلا هزيت شعرى كله يا متخلف انا مش عارفه انت ازاى أبن ماما نجيه .. ازاى الست الجميله دى جابت الغبى دا .. ماهو انتى كمان زودتيها يا نور بتضربيه بالقلم ليه  وبزهق اوووف .. اوووف على دى حياه انا عيشاها اعمل ايه ليه متكحله مع الكل وعشان ايه  ودخلت اوضتها تلبس هدومها وتستعد تعمل أكل لنفسها على العكس حازم دخل الاوضه وهو مخنوق ومش طايق نفسه  

محى خارج من الحمام : مالك يا حازم 

حازم  : مفيش وسع كدا وشد الفوطه ودخل الحمام ومحى واقف متنح 

محى بهمس : يارب ميكنش نور يارب انا شبعت منهم الاتنين  وحسبى الله والله أعلم .. ديوك رومى ملهاش حل  بص يامحى روح قلب رزقك فى المطبخ وأخلع انت لحد ما يطلع على الاقل يكون عندك طاقه ..  ودخل المطبخ .. وحازم بعد فتره خرج من الحمام بعد ما هدى شويه وحاطت الفوطه على راسه وبينشف شعره جااامد .. نزل الفوطه ولبس تيشرت ابيض مجسم على بنطلون اسود ... وخرج رايح المطبخ عشان يأكل من أكله لقى التلاته واقفين على الصنيه 

عماد : هههههه حماتك بتكرهك يا جدع مش عارف وبيضرب محى تزود شويه عشان صاااحبك 

محمود : الحمد لله .. اروح اريح انا بقى 

عماد : خدنى معاك وساب حازم ومحى مع بعض .. محى وهو فى بوئه الاكل بيبص لحازم وبيضحك .. 

حازم : هههه .. انت إلا عامل الأكل  وبيرفع ايده على بوئه بحركه دائريه وكلته 

محى : ههههههه هو انت إلا عامله 

حازم : تخيل يا جدع وربنا انا 

محى : تسلم ايدك يا صاحبى .. اسيبك بقى تعد فى حسناتك لوحدك وبيزغزغه بايده .. اه يا نمس يا ابووو حسنات 

حازم مسكه : لا اسيبك انا عشر دقايق تعد فى الطباااق وتعملى أكله حلوه من ايدك وبيزغزغه  وبيضحك براخمه زيه عشان تشاركنى الحسنات يا نمس .. وسابه وخرج 

محى بعصبيه مزيفه : ماهما  طرشووو معايااا ليه ما يعدوش حسنات هما كمان معايا الله .. الله 

حازم خارج مبتسم واول ما افتكر إلا حصل بينه وبين نور كشر .. سمع خبطه على الباب راح فتح اول ما شافها كشر وبيرجع تانى .. 

نور وهى ماسكه طبق ومغطياه : حازم .. لو سمحت 

حازم خبط ايد على ايد : نعم عايزا ايه 

نور باحراج : انا اسفه انى ضربتك 

حازم رفع حواجبه الاتنين : والله .. انا مش فاهمك احترت فى تركيبتك  هو انتى كل عمايلك كدا تغلطى وتعتذرى عادى الدنيا حلوه 

نور بهجوم : انا بعتذر  عن الضرب .. بس ايه جاابك شقتى ما دى مش حلوه منك بردو 

حازم : لا مش قابل اعتذارك يا نور ومش ها اقولك ايه جابنى شقتك لان فعلا خيرا تعمل وبيشاور عليها شرا تلقى  اناديلك محى والا خلاص كدا 

نور بصعبنيه : حازم متأزمش الامور بينا على طول  انا مش فاهمه احنا الاتنين جايه معانا عكس ليه وعشان ايه

حازم تنح وبيشاور على نفسه : انا إلا بأزم الامور .. انا  استويت منك ومن ابوكى وعمرى ما كنت متسامح كدا مع حد بيجى عليااا 

نور بديقه : خلاص يا حازم بقى انا جايه اعتذر  ومتنساش ان أمك عندى وبشر مزيف وبين ايدى  وبهزار وبتديق عنيها والله ما تشوفها تانى يا جدع 

حازم كان ها يبتسم وبيحاول يمسك نفسه

نور  ضحكت : والله كنت ها تضحك خلاص بقى المسامح كريم على رأى جورج  

حازم ابتسم اخيرا : خلاص ماااشى وبيهز راسه هزه خفيفه عشان امى مش عشانك انتى  

نور بأبتسامه تجنن : ماشى يا وحش 

حازك بهمس : وحش .. طيب يا نور اتكلى .

نور : لا أستنا خد انا عملت غدا ودا الهدنه بينا وبتديله الطبق وحازم من جوعه بيمد ايده ياخد الطبق نور شدته تانى .. وبتديق عنيها الاتنين مش قبل ما تقولى كنت بتعمل ايه عندى لاول 

حازم ضحك بصوت عالى وبيفرك فى راسه من ورا ومش واخد باله هو ونور ان عماد ومحمود ومحى واقفين وراهم .. يا ستى سمعت صوت كلب بفتح الباب لقيته داخل شقتك لان الباب كان مفتوح ودا سبب وجودى عندك  بشوفك موجوده والا لاء 

نور  شهقت : يالهوووى كلب 

حازم : ايه بتخافى منهم 

نور بنفى بتهز راسها : لا خالص والله العظيم ولا يهزو فيا شعره وابتسمت ومدت ايديها  خد بقى خلينى اروح انام 

حازم مد ايده : تسلمى وبيفتح الغطا .. ايه دا وبصوت عالى غدا اندومى 

نور ضحكت بصوت عالى وسابته وهى ماشيه : حاجه كدا على الماشى تتعوض مره تانيه .. سبحان الله كل واحد بياخد على اد نيته

حازم بصوت واطى  : مجنونه  وبيلف اتصدم لما لاقى التلاته وراه والتلاته نايمين على كتف بعض ومبتسمين ... 

محى قرب منه ونتش الطبق وبيحاول يجرى كان حازم لحقه ومسكه من قفاااه : تعالا هنااا .. بتاعك دا 

محى : ولا بتاعك يبقى انا أكله 

حازم : لا بعينك والله رغم انى عمرى ما كلته بس عشان خاطرك ها أكله 

محمود وهو مبتسم : هههههه عشان خاطر الحبايب 

عماد : دى شكلها والعه والليله خطر والا ايه 

حازم : ايه يا خفيف منك له .. وانت هااات وخد الطبق ودخل الاوضه وبيحاول يأكله وبيعافر مع نفسه ومن جوعه كاله ونااام محسش بنفسه 

************* 

سامح رجع المكان إلا بيبات فيه مع العمال  وقاعد مسهم .. قرب زميله ..

زميله : انت جيت أمتى يالا 

سامح ساكت ما بيردش 

زميله خبطه فى ضهره : الا واكل عقلك 

سامح : هاااه فى ايه يا على 

على : بقولك جيت امتى ومالك مسهم كدا 

سامح : روحت ورا نور بعد ما خلصت شغل وعلى ما وصلت وطلعت اتاكد انها موجوده فى الشقه  مش زى عوايدها بتدخل جوا فى الصحرا وشوفت مصيبه مش عارف ابلغ حمدى بيه ازاى 

على : شوفت ايه يا جدع قلقتنى 

سامح مد ايده بالتليفون بص كدا على الصور دى لقيت شقتها مفتوحه والهانم فى حضن البشمهندس وهما .. استغفر الله 

على خد التليفون بالهفه وفتح الصور واتفاجئ بالشافه لانهم عارفين نور دى مش اخلاقها ابدا ... ضحك بأستهزاء واتكلم بطريقه مبتزله : النسوان كلها عايزا قطع رقبتها ما بيصدقووو تلف ضهرك ليهم وتلاقيهم من حضن دا لدا  هى مش بتتخاتق مع ابوها عشان بتحب واد تانى .. وبيشاور على الصور امال ايه لحقت لفت على المهندس حازم 

سامح بحيره : مش عارف يا على أعمل ايه اسكت والا ابعت لابوها الصور انت عارف ابوها لايمكن يصدقنى لو قولتله عشان كدا صورتهم 

على : ودا أسمه كلام لازم تبعتها طبعا من امتى بنخبى عليه كل تحركاتها .. يوم ما هربت البت البدويه قولناله ومخبناش عليه بردو  احنا بنفذ وبس 

سامح : على رايك ها ننفذ وبس وقام دخل الحمام وعلى بيقلب فى الصور كل شويه ... نفخ بصوت مسموع وقااام يجيب حاحه يأكلها واحد من العمال دخل ومسك تليفون سامح المفتوح على الصور .. وقلب فيهم وبيلوى فى شفايفه .. فتح البلتوث وبعت الصور لنفسه وحط التليفون مكانه وخرج برا المكان بسرعه قبل ما على وسامح يشوفه 

************** 

ساميه بتتكلم مع جوزها قبل ما سيف يخرج من اوضته وينزل : وبعدين يا خالد فى ابنك 

خالد : انا قولتلك بلاش تفرضى حاجه عليه ما سمعتيش كلامى ومشيتى ورا صاحبتك 

ساميه : والا حصل حصل وانا متاكده انه مش ها يلاحقى حد يحبه زى ما البنت بتحبه يا خالد 

خالد قام دخل اوضته : انتى حره انا مليش دعوه .. وقفل الباب وراه ... وبعدين بصت لسيف اول ما خرج من اوضته 

ساميه : انت نازل بردو 

سيف : لازم انزل انتى عارفه طبيعه شغلى 

ساميه : أنت فاهم انا بتكلم عن ايه .. كل دا يا سيف عشان حطيت رجلك على الطريق الصح 

سيف باعتراض : الطريق الغلط .. انا مش عيل صغير عشان تجبرونى على الجواز من واحده انا ما برتحلاهاش أصلا .. 

ساميه : مالها قولى عيب واحد فيها بتحبك وبتتمنالك الرضا ترضى وبنت صاحبتى 

سيف : صاحبتك عل  عينى وعلى راسى يا أمى .. بس مش على حسابى وحساب راحتى .. انا شاب ومن حقى اختاار .. انتو قلبتو الموازين البنت بقى لها حق الاختيار وانا لاء 

ساميه : قرب منها يا سيف واديها فرصه وانا متاكده انك ها تحبها بس جرب يابنى 

سيف بنفاذ صبر : مش ها أحبها .. ومش ها اعرف أحبها وطلع الدبله من جيبه اتفضلى يا أمى زى ما دبستينى حلينى منها لانى مهما اهشها ما بتتهشش لازقه

ساميه بصتاله وعيطت قوووى : كدا يا سيف عايز تحرج أمك مع صاحبة عمرها وعيطت أكتر 

سيف : يا أمى .. يا أمى حرام عليكى ليه بتعملى فيا كدا صاحبتك والا ابنك ومسك الدبله طلعلها قدام وشه .. دى إلا ها تريحك وتريح صاحبتك اهه لبسها بس من فضلك سيبينى براحتى ومحدش له دعوه بيا ومحدش يزعل بقى  .. نزل ورزع الباب وراه خايف احلامه وحبه إلا دور عليه سنين وسنين يضيع بسبب خطوه هو ملوش اى ذنب فيها طول الطريق بيحاول يكلم سلوى ما بتردش .. بعت لها رساله تهديد لان دى الطريقه الوحيده إلا بيقدر يأثر عليها بيها لو ما نزلتيش حالا انا ها اطلعلك والا يحصل يحصل وأول ما الرساله وصلت لسلوى .. قامت جرى بصت من البلكونه وفعلا لقيته واقف مستنى تحت البيت .. شاور لها وهى دخلت جرى .. لبست واستأذنت من مامتها ونزلت ..  مشيت لاول الشارع وبعدين ركبت معاه ..

سيفه زى الأعصار فى وش سلوى : لازم اهدد واتحايل عشان تردى وتقبلى تقابلينى .. ايه مش عايزانى قوليها من دلوقتى ما تتعبنيش ولا تتعبى نفسك 

سلوى حطت ايديها على وشها وعيطت جااامد 

سيف اول ما عيطت خبط الدركسيون بايده جااامد لدرجه فزعتها وبيكمل : عياط .. عياط .. عياط .. كفايه انا مش بعامل طفله 

سلوى بتفتح العربيه ولسا ها تنزل .. سيف مسك ايديها وشدها عليها ونام بجسمه كله عليها ومسك الباب قفله اتعدل نص عدله ومسك وشها بين بين ايديه وبيمسح دموعها .. وعيونه بعيونها ..  وبهمس كله شوق لها ..  ما تزعليش منى يا سلوى انا محتاجك قوووى وتعبان فى بعدك عنى .. قرب بشفايفه وهى تايهه وجسمها بيتنفض ودا جننه أكتر .. وبيمشى شفايفه على وشها .. وبيبوسها برقه وبهمس .. بحبك وحبك بقى شبه الجنون فى حياتى .. مش قادر اعيش ولا أفكر ولا أشوف شغلى بسببك .. وقرب من شفايفها وصوت انفاسهم عليت وصدرها بيطلع وينزل بسرعه شديده .. وهو اندمج لدرجة انه نسى انه فى العربيه نفسه فيها حبيبته ومراته .. اتفاجئ بحاجز بين شفايفه وشفايفها وكانت ايديها وبضعف وخوف 

سلوى : ابعد عنى 

سيف : مش قادر ابعد .. مجرد انى ممكن أخسرك بحس انى مجنون .. ارجوكى سيبينى 

سلوى : ارجوك انت .. انا مش قليله الادب ولا بعمل حاجه من ورا أمى مش دا جذاتها بعد تعبها فيااا وتربيتها اتعلمت اعمل حاجات غلط كتير بسببك

سيف خد نفس طويل وضم راسها فى حضنه جااامد وبعد عنها .. حط راسه على الدركسيون وهو قاااعد واحساسه بالخنقه بيزيد 

سلوى بصوت ضعيف وخوف عليه : مالك يا سيف 

سيف بيهز راسه : ولا حاجه .. انا اسف يا سلوى وسامحينى على كل حاجه .. انزلى روحى 

سلوى عيطت تانى  

سيف اتعدل ومسك ايديها : ابوس ايدك بلاش عياط .. بلاش انزلى يا سلوى دلوقتى لازم امشى عشان ما تزعليش منى

سلوى شدت ايديها منه  : لا مش نازله يا سيف لازم افهم كل حاجه.. ليه على طول فى حاجز بينا وسبب كل أفعالك إلا انا ما بقتش فاهمها ولا عارفها 

سيف : انا نفسى مش عارف غير حاجه واحده انى بحبك وبعشقك لدرجة الجنون لو حسيت انى ممكن افقدك او تكونى لغيرى 

سلوى : على فكره انا ما بعملش زى البنات واضغط عليك واقولك انا جالى عريس ورفضت عشان خاطرك فا ليه الكلام دا  ... بس حاجه واحده انا من حقى أفهم 

سيف مسك دماغه وغمض عيونه جاااامد : ممكن تدينى فرصه لبليل وها افهمك كل حاجه واحنا بنتكلم مع بعض 

سلوى : هو انت رايح الشغل والا مروح 

سيف : راجع الشغل روحت عشان ارتاح وانام بس إظاهر ان كل حاجه بقت مخصمانى حتى النوم  ... ياله يا سلوى انزلى ارجوكى 

سلوى بتردد بتفتح باب العربيه ونزلت وسيف طلع بسرعه لدرجة ان سلوى وقفت مكانها ما قدرتش تتحرك 

***************** 

أحلام واقفه فى اوضه فى شقه غير بيتها خالص ... وبتلبس وبتتكلم مع عاشقها إلا جه من وراها وبيحضنها 

مجهول : اوعى تتأخرى المره الجايه 

أحلام : توء مفيش مره جايه لمده اسبوع 

مجهول : ليه يا حوحو .. انا بستنى اليوم يعدى عشان اشوفك فى اليوم إلا بعده ونطفى الاشواق يا جميل 

أحلا : انا نفسى يبقى على طول وارتاح من الراجل دا هو وبنته بس أعمل ايه أمى وانت مش شاغلين بالكم غير بالفلوس 

مجهول : يا احلام الفلوس هى إلا مروقه حياتنا ومخلياكى البرنسيسه أحلام صح والا غلط 

أحلام : انا برنسيسه فى كل حالاتى يا حبيبى 

مجهول : طيب يا ست البرنسيسه ها تقدرى تعشى فى مستوى أقل من دلوقتى 

احلام لفت وحاوطت رقبته بايديها : لو معاك انا موافقه 

مجهول : وانا مش ها اوافق تتمرطى وجمالك دا واهتمامك يروح نصبر لحد ما نضرب ضربتنا وتقنعى الراجل دا يكتب كل حاجه بأسم مازن او أسمك خلاص فاضل على الخلو تكه بعد ما حكيتلى على الاحصل كله غير كدا كنت قولتلك كفايه ويغور زى ما قولتهالك قبل كدا 

أحلام : موت يا حمار ... دا راجل كهين ومش سهل .. بس انا وراه لحد ما انفضه واخلص عليه ما تتخيلش بكرهه اد ايه هو وبنته العقربه إلا أسمها نور 

مجهول : سيبك منها دى طلعت منفخوه على الفاضى .. الراجل حرمها من كل حاجه وسابت الجمل بما حمل ما فكرتش حتى تقولو حقى 

أحلام : ودا مجننى أكتر وحاسه انها بتدبر حاجه .. وازاى سحبت المقاوله من ابوها وهى مفلسه الموضوع فيه إنا 

مجهول : ولا إنا ولا حاجه أكيد شغاله مع التجار إلا كانت بتتعامل معاهم شغل  أجل 

أحلام : انا وراها لحد ما أجيب قررها ..  ياله باااى اصله زمانه قاعد بمازن ومستنينى 

مجهول : باى يا قلبى خلى بالك على نفسك وها استنا 

أحلام ضحكت بمرقعه : خليك مستنى باى يا بيبى وخرجت على طول روحت وكان حمدى فى استقبالها ... 

حمدى : كنتى فين يا أحلام 

أحلام : مالك يا حمدى سخن عليا ليه كدا 

حمدى شدها من دراعها : بقولك كنتى فين انا كلمت أمك وقالتلى انك ما روحتلهاش انهارده 

أحلام بارتباك : هااااا ... هههه اخص عليك يا حمدى .. انا زهقت من قاعدة البيت واروح اقعد عند ماما فا قولت الف بالعربيه شويه وقربت عليه وبتلعب فى رقبته ما انت مشغول وكمان مازن بقى ماسك فيك أعمل ايه طيب .. هو فين الوحش دا مبقاش سائل فيا 

حمدى : اتغدى ونام ... قدامى وما تتكرش تانى عشان ما أقلبش عليكى فاهمه 

أحلام : فاهمه يا قلبى ياله اكيد جعان ومستنينى 

حمدى : كلت تصبيره مع مازن 

احلام : لحظات يا قلبى وناكل مع بعض وضحكت وقربت منه اصل الاكل معاك حاجه تانيه 

حمدى بأبتسامه : منا عارف عشان كدا انا بستنى رجوعك ياله انجزى 

***************** 

سيف وصل مكتبه وبعد لحظات طلب من العسكرى يجيب كاونه من الحجز وفعلا جابه 

كاونه : باشااا 

سيف : انت ها تتعرض على النيابه انهارده وها يتم اخلاء سبيلك بعد ما حازم دفعلك الكفاله زى ما قولتلك ... ياريت ما شوفش وشك هنا تانى يا كاونه وتمشى عدل 

كاونه بأبتسامه : أمر الحكومه فوق راسى يا باشا .. بس مش اعرف حازم باشا فين عشان أشكره بنفسى 

سيف : دا رقم تليفونه .. اتصل واشكره زى ما انت عايز ... اتفضل وكاونه خد الرقم وسيف شاور للعسكرى وهو ماسك دماغه ياخد كاونه يرجعه الحجز ... وبعد لحظات اتفاجئ بخطيبته قدامه  ولسا ها ينطق ويقولها ايه جابك  والصدمه لجمته لما سلوى دخلت والاتنين جمب بعض 

💚💚💙💙💗

بقلم : لبنى طارق 

💚💚💙💙

صلو على النبى الأمين رسولنا الكريم محمد شفيع الامه

لتكملة الروايه اضغطوا هنا

تعديل المقال