 |
خادمة بقصر أبي
الفصل السادس والسابع والثامن والتاسع والعاشر
بقلم زهرة عصام
كامله على مدونة النجم المتوهج للروايات
خادمة بقصر أبي ٦
بعد كام يوم
فتون : مامتي يا فطوم انتي فين عندي ليكي خبر جنان
فاطمة: إيه الهيصة اللي إنتي عملاها دي
فتون بفرح : حلم بنتك بيتحقق يا فطوم أنا بنجح و لسه هنجح وعدتك وعد و أنا أد الوعد دا
فاطمة بتوجس : وعد اية
فتون بشرود : وعدتك إن زي ما هانوكي زمان زي ما اذوني زمان هرجع حقنا هخليهم يجيحوا لحد عندي زي ما رمونا في اوضة الكـ ' ـلاب هخليهم يشوفوا إحنا بقينا ايه بنت الخدامة اللي مكنتش عجباهم بقت من أصحاب الشريكات
فاطمة: انتي لسه فاكره يا فتون ارمي بقي ورا ظهرك و امشي كملي في طريقك انتي ناجحة و ربنا عوضك خير مش هناذي حد يا فتون
فتون هزت راسها بالرفض و شمرت اديها و قالت: لو انتي نسيتي أنا مش هنسي يا أمي العلامة دي قادرة تفكرني بكل حاجة دخلت جابت مذكرات من اوضيتها و قالت: مش ساعة ما اتعلمت اكتب و أنا كتبت كل حاجه في المذكرات دي معاملة مني و ولادها ومعاملة سالم اللي مكنش بيشوفنا غير عبيد عنده معاملة محمود اللي كان سعات بيبقي حنين و سعات بيعمل عبيط انا مش ناسية حاجة كل حاجة عملوها مكتوبة هنا كتبت عشان لما انسي اقرأ و افتكرها من تاني أنا مش ضعيفة ولا هاذي حد مجرد ما يجو يتحايلوا عليا بس إني أقبل اشتغل معاهم دا يبقي في حد ذاته إنتصار ليا
فاطمة بخوف: عشان خاطري ابعدي عنهم أنا مش مستعدة اخسرك يا فتون مش هستحمل ابدا انتي اللي بقيالي يا بنتي
فتون حضنتها و هي بتقول: متقلقيش يا بطوط إنتي عارفة بنتك كويس محدش يقدر يمس منها شعرة و بصراحة ليهم مني شكر
فاطمة باستغراب: شكر ؟!
فتون هزت رأسها بنعم : شكر لولا اللي عملوه معانا لولا إني كتبت كل حاجه مكنتش هعرف أوصل للي وصلتله دا لولا إصراري إني اثبت ان بنت الخدامة هتبقي اشطر و انتجح من ولاد الزوات مكنتش هوصل لكدا
فاطمة بخوف: ناوية على إيه يا فتون
فتون: كل خير يا أمي كل خير و بصت ليها أوي و قالت: جهزي شنطتك بقي عشان هننزل اسكندرية بكره أشوف الفرع اللي هناك و طبعا هتيجي معايا
فاطمة: اسكندرية اشمعني اسكندريه يا فتون
فتون ببراءة: أنسب مكان كان هناك يا أمي يلا بس
فاطمة: ربنا يستر يا بنت فاطمة
------
عمران: يعني ايه اللي بتقوله دا يا سليم
سليم : زي ما سمعت يا عمران هيعملوا فرع هنا في اسكندرية دا الافتتاح بتاعة بعد اسبوع يا ابني بقولك صاحب الشركة ناوي يكتسح السوق
عمران حط ايدة على وشة بغيظ و قال: الشركة دي قامت امتي أصلا فجأة كدا لقيناها موجودة في السوق
سليم اتنهد و قال : الشركة لسه جديده بس ضربت مره واحده سنتين بقت من أكبر الشركات للدعايا و التصميم
عمران: نفسي اعرف صاحب الشركة دي عملها إزاي ابن الصر'مة دا
سليم: ذكاء بيقولوا عنه ذكي جداً و بيدرس كل حاجه قبل ما يعملها
عمران: يبقي مفيش قدامنا غير إننا ننتظر و نتشارك معاه هما التصميم و الدعايا و إحنا التنفيذ بس تفتكر هيرضي
سليم بتكبر: أكيد هيرضي انت مش عارف إن شركتنا مازلت التوب بعد دا كله برضوا
عمران: الأيام الجاية هتبقي عنت يا سليم
------
سالم قاعد على مكتبة و ساند عليه و مغمض عينه
محمود دخل و قال: تعرف صاحب شركة الخليل الدعايا و التصميم
سالم بصله باهتمام و قال: ليه بتسال أنا أول مرة أسمع عن اسم الشركة دي أصلا
محمود قعد و اتنهد بضيق: الشركة بتكبر بسرعة رهيبة مقرها الأساسي في القاهرة لكن هيتم افتتاح فرع هنا في اسكندرية لو الوضع استمر كدا إحنا تبقي راحت علينا
سالم بصدمة: و سليم و عمران النويهي شريكة هيسكتوا عن المهزلة دي ؟
محمود: بيحاولوا يشوفوا طريقة يتشاركوا مع بعض فيها انت عارف إن مقر شريكاتنا هي اللي سليم و عمران بيدروها يعني الخبطة فيها بفورة
سالم بعصبية: يعني ايه يعني خلاص كدا مفيش أمل غير الشراكة
محمود: و يا عالم هيوافقوا وإلا لا اتمني يوافقوا
------
فتون : سالي انا سيبالك الشركة تحت قيادك الفترة اللي هبقي فيها في اسكندرية كل حاجه أول بأول توصلني على الايميل بتاعي هشتغل معاكم من هناك
سالي : اعتبرية حصل يا معلمة
فتون نفخت و قالت: نفسي أعرف جايبة اللغة دي منين يا بنتي إنتي في شركة محترمة
سالي : بلا شركة بلا بتنجان بقي انا مش عارفه كان ايه اللي رماني على المر دا ما كنت عايشة ملكة زماني مستنية قرة عيني انا اللي وقفت و قولت لازم أشتغل و اعتمد على نفسي و شوحت بايدي كدهون
فتون بضحك : طبعاً مش عاوزه تبقي اندبتت استرونج ومن
سالي: مين دي انا ابدا دا الست ملهاش غير بيت جوزها
فتون : طيب يا ستي ربنا يرزقك بابن الحلال انا هطير عشان زمان بطوط مستنياني
فتون أخدت فاطمة و سافرت اسكندريه اللي أول ما وصلت ليها الدموع لمعت في عنيها و افتكرت اللي عملوه فيها أخواتها و مرات أبوها و اللي المفروض يكون سند ليها
فتون : وصلنا يا بطوط و انتي طبعاً عارفة أول حاجة هعملها فهوصلك و اطير على النادي اعمل اشتراك فيه
فاطمة: عارفه يا قلب فاطمة انك بتحبي الرياضة جدا ربنا ينورلك طريقة يا قلب امك
فتون وصلت فاطمة للبيت بتاعهم اللي كان عبارة عن فيلا صغيرة على قدهم و باست اديها و طارت بعربيتها على النادي عملت اشتراك و غيرت و راحت تجري شوية لكن و هي بتجري ماخدتش بالها و خبطت في حد
- ايه دا انتي اتجننتي وإلا اتعميتي عشان تخبطي فيا كدا ؟!
فتون بغضب .....
خادمة بقصر أبي ٧
- ايه دا انتي اتجننتي وإلا اتعميتي عشان تخبطي فيا كدا ؟!
فتون بغضب : والله مش أنا اللي ماشية بصة في الموبايل يعني الغلط من عندك و بتبجحي كمان
- انتي إزاي تتكلمي معايا كدا انتي مش عارفه أنا مين وإلا اية مش عارفه النادي إزاي يدخل اشكالك دي هنا
فتون ببرود : زي ما دخل اشكالك برضوا
شاهي اتعفرتت و زعقت بصوت عالي جمع الناس حواليهم
شاهي: إنتي واحدة مش متربيه على فكره انتي ازي تتكلمي معايا كدا انا شاهي محمود النمر واحدة زيك تتكلم معاها كدا
فتون اتصدمت منها و لكن رجعت لبرودها تاني و قالت: حصلنا القرف منشرفناش
شاهي جت تمد ايديها عليها فتون مسكتها جامد
فتون بنظرة تحدي: جربي تعملها تاني لو عاوزه تقعدي شهر في الجبس
شاهي اترفزت و قالت بصوت عالي: فين الأمن انتوا ازي تسمحوا للزبالة دي تدخل هنا هو النادي بقي بيلم وإلا اية
فتون رفعت حاجب ليها و قالت: والله انا داخلة بفلوسي و هو فعلاً النادي بيلم من زمان مش عملتي كارنية عضوية فيه
شاهي لسة هتتكلم لقت اللي واقف جمبها و بيقول في حاجة يا شاهي
شاهي بهدوء: أهلا عمران و بصت على فتون و كملت مفيش حاجه غير إن واحدة محتاجة تتعلم الأدب
فتون رفعت حاجبها و ضحكت ببرود و قالت: اممم صح أصل في أهالي مكنتش فاضيه تربي عيالها و سيباهم كدا حتي مهتموش يعلموهم أمور دينهم مش هدخل معاكي في جدال أصل مستويا عالي أوي صعب توصليله تكير يا قطة
فتون حثت بنصر لما قالت ليها الكلمتين دول و لقت تمشي شاهي مسكت اديها و كانت هتضر'بها بالقلم فتون في حركة سريعة مسكت اديها و ردت ليها القلم قدام الكل
صحاب شاهي كانوا واقفين و شهقوا من الصدمة و حطوا اديهم على بوقعم
فتون قالت ليها بصوت سمع الكل : قولتلك عديها لو عاوزه تندمي شكلك عاوزه رباية لو فاضية كنت عملتها دي أقل حاجة عندي
عمران اتصدم من اللي حصل و أطر إن هو يدخل عشان خاطر سليم و الشراكة اللي بينهم
عمران وقف قدام فتون و قال بأمر: اعتذري ليها دلوقتي عن اللي حصل و اطلبي السماح منها أنا ممديتش ايدي على واحده ست قبل كدا لكن مستعد أعملها صدقيني
فتون بحاجب مرفوع و ببرود : مين الشبح اللي عامل نفسه محامي دفاع
عمران: عمران النويهي و بقولك اعتذري على اللي حصل دلوقتي
فتون : حصلنا القرف و بقولك متدخلش عشان مش انا اللي اعتذر لوحدة زي دي
عمران: انتي مين انتي عشان تتكبري علينا بالطريقة دي دا أنا افعصك بجذمتي يا بت
فتون بابتسامة جانبية: هستني أشوف هتفعصني إزاي و بالمناسبة لو الغلظ عندي كنت اعتذرت محدش كبير على الاعتذار و يا سيادة المحامي ابقي نقي الأشكال اللي تدافع عنها بعد كدا تكير و جت تمشي عمران مسك اديها و رجعها تاني
فتون علامات الغضب بدأت تظهر عليها اتكلمت بهدوء و قالت: سيب ايدي و اعتذر و أنا هعديها كأن مفيش حاجة حصلت
عمران بسخرية: أنا أعتذر ليك انتي
فتون : انت اللي أخترت و في لحظة كان واقع على الأرض بيصرخ من وجع دراعة فتون ميلت عليه و قالت: متستهونش بـ قوه خصمك كنت اعتذرت من الأول روح جبس دراعك أسبوع أنا اكتفيت بشرخ بس المرة الجاية هتبقي كسر و سابه و مشيت و هي على وشها إبتسامة انتصار و بتحط النظارة على وشها
الأمن اخدوا عمران جبسوا دراعة اللي اكتشف أنه فعلاً شرخ
الدكتور: بس اللي كسر دراعك دا حد متخصص لانه عارف بيعمل اية كويس
عمران بانتباه: إزاي يعني
الدكتور: هو عارف الأماكن اللي بيضر.ب فيها بالظبط و مقدار الضغط عليها فهي مقصودة
عمران سرح في كلام الدكتور و دماغة عمالة تودي و تجيب عن هوية البنت دي و إزاي مش هاممها حد كدا
الدكتور خلص لف الجبس و قال: الف سلامة يا عمران بيه هيتفك بعد أسبوع باذن الله
عمران أخد صدمة تانية إنها قالتله حبس دراعك أسبوع معناها أنها عارفة مدي قوه الشرخ اللي اتسبيت فيه نفخ بغيظ و مسك جاكيت البدلة و مشي
......
فتون داخلة الفيلا بمزاج عالي أوي و بتغني طالعة في دماغي نروق شوية عدي عليك و نحتفل
فاطمة: لا دا انتي مزاجك عالي أوي النهارده يا فتون ممكن أعرف سر الابتسامة دي ؟
فتون بضحكة: أول إنتصار يا بطوط
فاطمة بتوجس: إنتصار اية أنا سيباكي راحة النادي
فتون اتنهدت و حكت ليها اللي حصل
فاطمة بصدمة: كسر'تي للراجل دراعة يا قادره
فتون بلا مبالاة: هو اللي مسك ايدي يا بطوط غلط و أنا الصراحة كنت مستنياه يغلط محامي الست
فاطمة قلقت عليها و قالت: ابعدي عنهم يا فتون مش عاوزه مشاكل خليكي في حالك يا بنتي
فتون بضيق: ماما انا كنت ماشية في حالي انا أصلا معرفش شكلهم رفضت أشوف صور ليهم في السوشيال قولت الإضاءة بتبقي أحلي لما نتقابل وش لوش مش ذنبي أنهم معرفوش يربوا انا اهو بقولك اي حد هيدسلي على طرف هشوف شغلي معاه و قامت و سابتها
فاطمة: ربنا يهديكي يا بنتي اومال لو عرفتي أنهم اخواتك هتعملي اية
-----+
سليم بغضب : مين بنت الكـ' ـلب اللي عملت فيكي كدا أنا مش هسكت دا أنا هطربقها فوق دماغ أهلها بنت **** دي
خادمة بقصر أبي ٨
سليم بغضب : مين بنت الكـ' ـلب اللي عملت فيكي كدا أنا مش هسكت دا أنا هطربقها فوق دماغ أهلها بنت **** دي
شاهي بسهوكة و دموع مزيفة:- ضر'بتي قدام النادي كله يا سليم و لما عمران ادخل قالت علية محامي الست
سليم بصدمة: هو عمران كان هناك و ادخل
شاهي هزت راسها و قالت: و المفترية كسرت ليه دراعة
سليم بصدمة أكبر: لا متبالغيش يا شاهي
شاهي بدموع مصطنعة: منظري قدام الناس اية دلوقتي يا سليم بعد ما انضر'بت كدا
سليم قرب منها و حضنها و قال : متقلقيش يا حبيبتي أنا هطلع عين اللي خلفوها بس اعرفلها طريق بس
محمود دخل و شاف شاهي بتعيط و سليم حاضينها اتخض و جري عليها و قال: مالك يا قلب أبوكي اية اللى حصلك
شاهي حكيتله على اللي حصل في دخلت سالم
سالم بعصبية: نعم مدت اديها عليكي و انتي سكتي ليها انا ليا شغل مع النادي دا إن ما قفلته مبقاش انا
محمود بهدوء: بس حضرتك برضوا مسمعتش الحوار من الأول شاهي هي اللي غلطت في البنت الأول و دا ما كان إلا رد فعل على اللي حصل
شاهي : بابي انت معاها وإلا معايا
محمود: أنا لأ معاكي ولا معاها أنا مع الحق
سالم : ولو برضوا متوصلش أنها تمد ايديها عليها و بعدين أنا حفيدتي تعمل اللي هي عاوزاه
سليم باس على رأس شاهي و قال: متقلقيش يا حبيبتي كل حاجه هتتحل و أنا مش ههدي غير و أنا ملبسها قضية توديها ورا الشمس عشان تبقي تعرف هي بتتعامل مع مين كويس أوي
........
فتون : و زي ما اتفقنا صورتي متظهرش في الحدث ولا اسمي
- طبعاً يا فندم تؤمري
فتون : خلال ساعة أشوف الخبر مسمع في كل وسائل الإعلام
- تمام حضرتك
فتون قفلت معاه و قالت: أول ضربة ليكم يا ولاد النمر أنا مكنتش ناوية على شر لكن عارفه أنكم مش هتسكتم و خصوصاً سالم كان لازم اسبقم بخطوه كلها ساعة و تبقي سيرتكم على كل لسان
و فعلاً خلال ساعة كان الخبر نازل و عامل ضجة كبيرة أوي و تصدر محرك البحث
تعرضت الآنسة شاهي محمود النمر ابنة رجل الأعمال محمود النمر و شقيقة رجل الأعمال سليم النمر إلي الضر'ب أمام الملأ و قد وردتنا إخبارية و عند سؤال المارة قد تبين وقاحة ابن رجل الأعمال مع بنت عادية لم تتقبل الإهانة منها و ردتها لها
فتون بضحك : البس يا معلم و لسة اللي جاي أحلي
فاطمة كانت ماسكة تليفونها و قابلها الخبر و نازل بصور شاهي و مقطع فيديو صغير وقت ما كانت شاهي بتنضر'ب بالقلم
فاطمة بحدة: فتون خدي هنا
فتون خرجت ببرود عشان عارفه اللي أمها هتعملة
فتون : نعم يا ماما
فاطمة: حطت التليفون قدام عنيها و قالت: انتي اللي ورا الخبر دا جابوا كل اللي حصل معادا صورتك ولا حتي اسمك مش معقول هشيلوا صورتك كدا منهم لنفسهم
فتون : اممم ايوة أنا اللي عملت كدا
فاطمة بزعيق: ليييه يا بنتي لية تعملي كدا و تشوهي سمعت البنت
فتون بسخرية: اشوهه سمعت اية يا امي اعملي سيرش على اسمها في جوجل هتلاقي صورها في الكباريهات مسمعة يعني مش أنا اللي اشوه سمعت بنت عشان انتقم منها هي سمعتها متشوهه جاهزة و بعدين الجريدة بتاعتي متشتغلش وإلا اية
فاطمة باستغراب: إنتي بتتكلمي حد كباريهات ؟ هو محمود مكنش فاضي للدرجة دي يربي بنته
فتون : اممم ملناش دعوه يا محي
فاطمة: اوعدني متاذيش حد يا فتون انتي عمرك ما كنتي كدا اية اللى جرالك
فتون : امممم يمكن مثلاً قرأت المذكرات من جديد يمكن مثلا افتكرت الموقف اللي ذلتني فيه و قالتلي بنت الخدامة قدام صحابها في عيد ميلادها و خلت الكل يضحك عليا أنا منستش حاجة و قولت هرد لكل واحد كل حاجه عملها فيا إحنا كنا صغيرين لكن ردي عليهم هيبقي دلوقتي
فاطمة: لا يا فتون لا يا بنتي عشان خاطري هعمل كل اللي إنتي عاوزاه لكن متبقيش كدا
فتون حضنت فاطمة و قالت: مكنتش ناوية على أذية يا أمي لكنها هي اللي بدأت و الاستاذ التاني عام على عومها لمجرد إنه صاحب أخوها حتي مستناش يعرف اية اللى حصل هما مش اغبية و زمانهم عرفوا إن ليا يد في اللي حصل و صدقيني انا مش خايفه من حد منهم
فاطمة بدموع: تيجي نرجع اسكندريه
فتون : مش قبل ما اخلص شغلي انا مش هكش عشان شوية عيال أنا جاية هنا اشتغل اشتغل و بس كون إن فيه ناس متربتش اعترضت طريقي هدوسهم و مش هيبقي ليهم دية عندي
سابت أمها و دخلت اوضيتها تعيد حسابتها من تاني
-----
شاهي شافت الأخبار رمت التلفون بغل و قالت: الله في سماه ما سيباها في حالها و هخليكي تندمي على الساعة اللي ظهرتي قدامي و حطت ايديها في عيونها لحد ما دمعت و خرجت لسليم بتعيط
شاهي: مش مكفيها فضحتي في النادي يا سليم نزلت الخبر على السوشيال ميديا العالم كله شافني و أنا بنضر'ب المشكلة إن التصوير جاي من وراها يعني مش ظاهر وشها انا اللي ظاهرة بس
سالم بغضب لـ سليم تجيبلي البنت دي من تحت الأرض و حضن شاهي و قالت: هجبهالك تاخدي حقك منها يا شاهي ولا تزعلي نفسك يا قلب جدو
سليم مسك موبايلة بغيظ و كلم عمران
..........
عمران: ينهار منيل دا البت دي ناوية على خراب بيتها دا كدا بتتحدي عيلة النمر رسمي بس باين عليها قوية و محدش قدها آه لو حد يجبهالي اكسر غرورها دا مكملش كلامة و لقي فونه بيرن برقم سليم
عمران: أيوة يا سليم
سليم : تجيبلي بنت ***** من أي داهية عاوزها حية هخليها تتمني الموت و مطلوش تجبهالي متكتفة في المخزن يا عمران
خادمة بقصر أبي ٩
سليم : تجيبلي بنت ***** من أي داهية عاوزها حية هخليها تتمني الموت و مطلوش تجبهالي متكتفة في المخزن يا عمران
عمران: اهدي بس يا سليم إحنا هنعرفها منين بس لا إسم ولا صورة ولا معانا أي حاجه تدل على هويتها
سليم : دي قاصدة تفضحنا يا عمران انت مش شايف الفيديو اللي نازل مش باين وشها نهائي
عمران بعقل : مش يمكن مش هي يا سليم اديك قولت ظاهرة من ظهرها بس دا حتي سيرتي مجاتش في الموضوع مع إني كنت هناك
سليم : انا ميهمنيش دا كله انا كل اللي يهمني سمعت اختي اللي بقت على كل لسان دي انت مش متخيل حالتها عاملة إزاي دلوقتي
عمران: الصراحة يا سليم أنا أصلاً معرفش اية اللى حصل لدى كله انا جيت لقيت شاهي ماسكة في خناقها فدخلت اسيطر على الموقف و كان دراعي الضحية
سليم حكي له كل حاجه
عمران: امم طب ما كدا الغلط من عندنا إحنا يا سليم المفروض إن شاهي كانت اعتذرت ليها
سليم : انت عاوز شاهي محمود النمر تعتذر لحتت بنت لا راحت ولا جت اعقل كلامك يا عمران
عمران: اللي عرفتة من ثقتها في نفسها و شايطة في الكل أنها اكيد مش من عيلة هينة
سليم : شوف النادي يا عمران و يا ريت بسرعة انا عاوز كل المعلومات عنها
عمران: هحاول يا سليم لكن موعدكش انت عارف إن النادي مستحيل يسرب أي معلومة حتي لو كانت عامة لأي حد حفاظاً على خصوصية الأعضاء
سليم اتعصب و قفل الخط و رمي الفون في الحيطة وقع ميت حته
-----
تاني يوم الصبح فتون لبست و نزلت تحت
فاطمة: راحة فين كدا
فتون : همر على الشركة و هعدي عليكي نروح النادي مع بعض
فاطمة: لا روحي انتي أنا حاسة إني تعبانة شوية هنام
فتون بخضة: مالك يا ماما فيكي اية تعالي نروح للدكتور
فاطمة: اهدي أنا كويسة شوية أرق بس بطلي خوفك دا بقي
فتون حضنتها و هي يتقول: مقدرش اتخيل حياتي من غيرك يا بطوط باستها من خدها و قالت لو غيرتي رأيك رني عليا
فاطمة: روحي يا فتون ربنا يجعلك في كل خطوة سلامة و يبعد عنك كل شر و يوقفلك ولاد الحلال قادر يا كريم
فتون باست على اديها و قالت الدعوة دي عندي بالدنيا يا بطوط و لبست نظارتها و خرجت بصت للحراسة اللي طلبتها و قالت اتنين منكم يخلوهم هنا و وقت ما ماما تخرج تكونوا معاها و اتنين منكم هيجوا ورايا بس متبينوش انكم حرس ليا يا حسن تمام
حسن : تمام يا آنسة فتون
فتون ركبت عربيتها و طلعت على الشركة تشوف آخر التحديثات فيها عشان تقرر معاد الافتتاح
وصلت لحد الشركة و دخلت برأس مرفوعة بصت لـ رئيس العمال و قالت: قدامك قد اية يا ريس
رئيس العمال: النهارده آخر يوم يا آنسة فتون
فتون : حلو و مسكت الفون و رنت على حد
فتون : سالي تنزلي إعلان لطلب مهندسين و خبراء تصاميم شرط أساسي الخبرة أنا بنفسي هعمل الانترفيو تأكدي على الخبرة و الموهبة آخر الأسبوع الافتتاح و ابعتيلي كل الايميلات على حسابي هشوفها بليل
سالي بعملية: تمم يا فتون ساعتين و كل حاجه تكون خلصانة
فتون : تمام و خرجت من الشركة على النادي علطول
------
فتون داخلة النادي و عمران جاي عليها ضحك فجأة و بقي يقرب و الاتنين عدو جمب بعض من غير ما حد ياخد باله من التاني
فتون دخلت قعدت على ترابيزة و البودي جارد وقفوا قريب منها شربت حاجة باردة و قامت تجري على التيراك
عمران : عاش من شافك والله يا سليم بشا
سليم : جاي أشوف مين بنت """" اللي مدت اديها على اختي
عمران: سليم حبيبي دي خناقات بنات مدخلش نفسك هتطلع انت الخسران
شاهي من وراه : لا يا عمران أنا عاوزه حقي قدام النادي كله زي ما ضربتني هضريها و اللي صور الفيديو الأول يصور الفيديو التاني
عمران: و وصلت لـ حاجة على كدا يا سليم
سليم : مدير النادي مرضاش باي معلومه الهانم مشددة على كدا محدش يعرف عنها حاجة بس انا و هي و الزمن طويل اكيد موجودة هنا و هلقيها
عمران جتله رساله على موبايلة بعد خطوة يشوفها و شاهي اللي بقت تبصلة بهيام و تقول جواها : امتي تحس بيا و تجي تخطبني يقي يا عمران انت متعرفش أنا بحبك قد اية و مستحيل اسيبك لوحدة غيري هتكون نهايتها
عمران قرب منهم تاني و حط التليفون قدام سليم و قال: شركة الخليل منزلة إعلان طالبة فية موظفين و شرط الموهبة و الخبرة تقريباً كدا الافتتاح قرب أوي يا سليم و بص لية بابتسامة و قال : اية رأيك لو تواصلنا معاهم على بعد بكرة كدا و نحدد معاد معاهم نتقابل فية تظبط الشغل و الإحتفال يبقي اتنين
سليم : فكرة كويسة ممكن تبعت ايميل للشركة في القاهرة و ناخذ منهم معاد
عمران: هعمل كدا دلوقتي و بالفعل بعت معاد للشركة
-----
سالي : الله أكبر ايش هذا ايش هذا كل دي ناس عاوزة شغل و تصاميم بجد شابو ليكي يا فتون بصت على ايميل عمران و ضحك بصوت و قالت: البس دي فتون هتفرح أوي بالخبر دا مسكت التلفون و رنت عليها
فتون بتجري و حاطة الهاند فيري في ودنها و ردت : الو
سالي : صباح الأناناس على عيون اغلي الناس
فتون : شاكلك رايقة يا سالي هاتي اللي عندك
سالي : الفار وقع في المصيدة يا برينسيسة
فتون وقفت مرة واحدة و قالت بجدية: احكي كل حاجه بالظبط
سالي : بعتوا ايميل عاوزين معاد مع الشركة فرع اسكندرية قبل الافتتاح
فتون ضحكت و قالت: حلو أوي كدا ردي عليهم بعد يومين من النهارده اكون ظبط الدنيا
سالي : حصل يا معلمة
فتون قفلت الخط و هي مبسوطة أوي لكن الفرحة اختفت من على وشها بمجرد ما لقت عمران و شاهي و معاهم شخص بيقربوا عليها عيونها دارت المكان بسرعة و اتاكدت إن الحراسة قريبة منها
فلاش باك
شاهي لقت عمران قلب القعدة شغل نفخت بضيق و قامت تتمشي لمحت فتون بتجري و مره واحده وقفت طلعت موبايلها بسرعة و رنت على سليم اللي قام مره واحده جري عليها و وراه عمران
باااك
فتون اديتهم ظهرها كأنها متعرفهمش ولا تعرف أنهم جايين عليها و مشيت براحة
سليم مسك ايديها و لفها ليه و قال بغضب : .....
خادمة بقصر أبي ١٠
فتون اديتهم ظهرها كأنها متعرفهمش ولا تعرف أنهم جايين عليها و مشيت براحة
سليم مسك ايديها و لفها ليه و قال بغضب : إنتي بقي اللي إتجرأتي و مديتي ايدك على أختي دا انتي نهار أبوكي مش فايت
عمران مسك ايده التانية و قال: اهدي يا سليم متفرجش علينا الناس
فتون ببرود و حاجب مرفوع: اممم أختك يظهر إن العيلة كلها ما شاء الله مشفتش بربع جنية رباية
الناس اتلمت و الكل طلع موبايلة و بدأت يصور فتون بسرعة حطت الكاب على رأسها و لأنها بتحبه يكون كبير فداراي وشها
ظبطته بالحبل باتعه و كل دا بايد واحدة
عمران كان هادي فملاحظ حركتها بس محبش يتكلم
سليم بعصبية: نعم يا حليتها
فتون بدأت تتعصب و مسك ايدة اللي ماسكها بيها و لفتها ورا ظهره بحركة سريعة
عمران من سرعتها رفع ايده السليمة و بقي يعد عليها الثواني بحركة غبية
سليم : انتي متخلفة إنتي متعرفيش وقعتي مع مين دا انا هطلع عين امـ ملحقش يكمل كلامه و كانت فتون ضربته في ركبته من ورا وقعته على الأرض
سليم وقع على الأرض و بيتالم بس مبينش دا
فتون تحب اكسرلك ايدك اللي مديتها عليا زي صاحبك دا وإلا اسامحك عشان مكنتش تعرف اممم انا بقول اسامحك أصل عقابك أنت بالذات هيبقي من نوع تاني
شاهي جت تمسكها من حجابها و هي بتقول بغيظ : يظهر إن مفيش حد قادر عليكي اوعي تكوني يا بت فكرانا ولاد ناس و مش هنقدرلك يا تربية الشوارع اصحي دا أنا افرمك تحت ريجيلي
فتون بحاجب مرفوع: تربية شوارع اممم اهدي على نفسك شويه لحسن خدك لسة صوابعي معلمة عليه تحبي اعلم على الخد التاني عشان ميزعلش
شاهي مسكت دراعها و لفتها ليها بعد ما فتون زقت سليم وقعته على الأرض جت تضربها بالقلم فتون مسكت اديها و بقت تبصلها في عنيها بتحدي واضح
فتون شديتها جامد و همست في ودانها تخيلي اضربك كف كمان و كل الناس دي بتصور هيبقي منظرك اية أنا هكتفي باللي هعملة بس و مسكت اديها جامد و زقتها وقعتها على سليم
سليم : آه يا بنت *** و ديني ما انا سايبك
فتون لقت كرسي قريب منهم شدته و قعدت علية و هي يتقول: مستنياك لما تقوم اديني خبر
عمران منع ضحكته تطلع و ساعد سليم أنه يقف بصعوبة عشان دراعة
شاهي وقفت بغضب و جت تتحرك ناحيتها سليم مسك اديها و قال: اهدي لتضربك تاني
عمران سمع كدا فلتت ضحكة منه مقدرش يسيطر عليها
شاهي بصتله بضيق و هو حط ايده على بوقة
سليم بغضب: يا سعد يا سعد
سعد : نعم يا بشا
سليم بتصميم: هاتلي الزبالة دي في المخزن دلوقتي
سعد: تحت أمرك يا بشا
سليم مسك ايد شاهي و مشي و عمران مشي معاهم
فتون رفعت عنيها ليهم بسخرية و قالت: اممم تعال يا سعد تعال يا عين امك
سعد كان رايح يمد ايده عليها فتون مقامتش من مكانها حتي
قبل ما ايد تتمد عليها لقي ايد مسكت ايده
سعد: ابعد إيدك أنا عاوزها هي مش عاوز مشاكل
حسن: بعد اذنك يا آنسة ممكن تقفي هناك لحظه و شاور على مكان
فتون ضحكت و قالت: ماشي يا حسن
حسن لوي ايد سعد لدرجة أنها ترقعت و شاله رماه في الهوا
سعد وقع قدام سليم و شاهي اللي صرخت من الخضة بص لوا في زهول لقي فتون بتبتسم و بتشاور بايدها بمعني هاي
سليم جز على سنانه و عمران اللي سرح في بسمتها و قال: حلوه أوي بس شرسة اكتر
فتون مشيت و وراها البودي جارد و سليم واقف هيفرقع مكانة هو عرفها خلاص و مش هيهدي غير ما يكسرها
سليم : ماشي يا بنت *** إن ما كسرتك و خليتك تيجي مزلولة ليا مبقاش أنا سليم النمر و مشي بغضب
عمران بداخلة: تكسر مين يا سليم دي تهد بلد بحالها من غير ما يتهز فيها شعره يا راجل بلا واكسة جه يمشي شاهي مسكت لديه و قالت: على فكره أنا كان ممكن اضربها بس أنا عملت حساب للرجالة اللي واقفة معاهم
عمران بسخرية: اه طبعاً مهو واضح
شاهي: انت مش مصدقني
عمران: لا إزاي مصدقك طبعاً و بص في ايده و قال: يا دوب الحق مشوار مهم جدا و سابها و مشي
شاهي دبت على الأرض برجليها و قالت بسخط و غل : برضوا مش هتبقي غير ليا يا عمران و راحت تشوف اصحابها
------- اذكروا الله ------
على ترابيزة أصحاب شاهي قاعدين يضحكوا على اللي حصل ليها بعد ما شافوا كل حاجه
- لا بس شفتي البت و هي بتوقعها على سليم بجد كان منظهرها مسخره
واحدة تانية ردت عليها و قالت: يعيني كانت عاوزة ترد كرامتها لكن خدت على دماغها
كلهم ضحكوا و قالت واحدة منهم : طب اسكتوا بقي لحسن جاية علينا
واحدة منهم قامت تقابلها و تطبطب على كتفها العاري و هي يتقول: معلش يا شاهي يومين و الناس هينسوا
شاهي: قصدك اية
واحدة تانية من صحابها اديتها التلفون لقت نفسها هي و أخوها ترند المشكلة إن لما وقعت الفستان بتاعها اللي واصل لنص فخدها اترفع شوية فبين الهدوم الداخلية ليها و الكومنتات اللي نازله عليها حاجة في منهي قلة الأدب
شاهي شهقت بصدمة و عيونها دمعت صحبتها بصدمة مصطنعة: أي دا إنتي مكنتيش تعرفي آسفة جدا يا شاهي فكرتك عارفة كل حاجه
شاهي بقت تقلب في الكومنتات بسرعة و تقرأ المكتوب عليها بسرعة لحد ما لفت انتباهها كومنت خلاها ترمي الموبايل على الترابيزة و تمشي جري
صاحبتها مسكت الفون تشوف اية المكتوب و ضحكت و قرأت بصوت عالي كومنت لواحد " اية دا الأحمر هياكل منك نار طب يا تري اللي فوق احمر برضوا وإلا دا من تحت برضوا" فتحت الردود لقت واحد كاتب " يا ريتني اعرفلها طريق مكنتش خليتها تقوم من السرير لأسبوع قدام
بقت تقرأ الكومنتات و صحابها يضحكوا جامد
----
شاهي وصلت البيت و الكحل سايح على وشها من كتر العياط دخلت جوه قابلت جدها
سالم : مالك يا حبيبه جدك فيكي اية
شاهي: انا اتفضحت يا جدوا و كله بسبب بنت الكلا"ب دي
سالم من قبل ما يعرف حتي الموضوع: اقسم بالله لكون جايبها الأرض و لاخلي سريتها على كل لسان بنت "" دي المهم مشوفش دموعك دي يا قلب جدك
هعمل معاكم اتفاق 👀
٥٠٠ لايك و الف كومنت و هكتب فصل بليل مع إن الموضوع صعب شوية مع النت عندي
