 |
خادمة بقصر أبي
بقلم زهرة عصام
الفصل الحادي عشر حتي الفصل الخامس عشر
كامله على مدونة النجم المتوهج للروايات
خادمة بقصر أبي ١١
سالم من قبل ما يعرف حتي الموضوع: اقسم بالله لكون جايبها الأرض و لاخلي سريتها على كل لسان بنت "" دي المهم مشوفش دموعك دي يا قلب جدك
محمود دخل بغضب وقال: برضوا رحتوا تعملوا مشاكل مع البنت عاجبك اللي حصلك دا كام مره اقولك على لبسك دا و أنه لازم يبقي محتشم إحنا مش عايشيين في أمريكا إحنا في مصر انزلي بقي على أرض الواقع
أمك دي أنا غلطان إني سبتها تربيكم أصلاً
شاهي نفخت بضيق و بصت ليهم و طلعت و هي بتعيط على اوضيتها
سالم بحده: أنت إزاي تكلمها كدا انت اتجننت وإلا اية يا محمود دا بدل ما تطبطب عليها و تاخدها في حضنك هو انت حيلتك غيرها
محمود: اطبطب على مين واحدة ماشية بقميص نوم في الشارع انت متخيل إن هدومها الداخلية بانت في الفيديو للاعمي دا مش عارف الناس نازلة تقول عليها اية ؟ و بعدين اية معنديش غيرها دي انت ناسي فتون وإلا اية
سالم: هي وصلت لـ كدا أكيد بسبب بنت الكلا ب دي مهي هي اللي زقتها و بعدين انت معندكش غير شاهي يا محمود بنت الخدامة دي مش بنتك انت سامع لو كنت أمرت أنهم يدورا عليهم كنت عشان اقتلهم و أصلح غلطتك
محمود متصدمش لأنه كان عارف و رد عليه ببرود و قال: بنت خدامة بقي أو بنت ذاوات برضوا مش هيغير الواقع إنها بنتي انا مستني اليوم اللي هتيجي فيه بنت الخادمة و تشوف بعينك فرق التربية بين فاطمة البنت البسيطة و مني بنت البشوات و سابه و مشي و قلبه قايد نار
محمود في نفسه: أنا كنت عارف كنت عارف إنك هتعمل كدا مكنتش مصدق وداني في الأول لما سمعتك ايوه أنا اللي امرتهم يوقفوا البحث عنهم أيوة أنا اللي فضلت بعادهم على أنهم يتخدشوا خدش بس ايوه انا اللي كنت بحبهم و ما زلت بحبهم و انا حتي مش عارف شكل بنتي بقي عامل إزاي
-----
فاطمة كانت نايمة و صحيت على صوت اشعارات كتير بتوصلها فتحته و شافت الفيديو و شافت فضيحة شاهي بعنيها حطت اديها على بوقها بصدمة و قالت بهمس: فتون بنتي
خرجت من الاوضة و بقت تدور عليها و تنادي بصوت عالي لكن ملقتهاش بصت على اوضة فتون عملاها عازلة للصوت دخلت فيها لقت فتون مشغلة سماعات الاوضة كلها علي أغنية اجنبي و بترقص بحركات هي عارفاها كويس
فاطمة: استر يا رب اية وصلك للحالة دي بس يا فتون حطت اديها على كتفها فتون لفت ليها فاطمة لقتها مغمضة عيونها و دموعها بتنزل بصمت
فتون: هما اللي بدأوا يا أمي هما اللي مش سايبني في حالي من صغري بحاول اتجنبهم و أتجنب شرهم لكن هما اللي مصريين فتحت عينيها و فاطمة اتخضتت من منظرها و فتون كملت بتصميم زمان كان هما مركز قوة وأنا ضعف دلوقتي هما مركز قوة و أنا أقوي شاورت على رأسها و قالت بعقلي و ذكائي بتوفيق ربنا و وقوفه معايا بقيت اوقي و مش هسمح لحد أنه يدوس ليا على طرق ابدا القلم قبل ما يلمسني هيكون مرددود عشرة ليهم
فاطمة كانت جاية تعاتبها لكن لما شافت منظرها اخدتها في حضنها و قالت: اهدي يا قلب امك اهدي و كل حاجه هتبقي كويسة اللي انتي عايزاه هيحصل و حقك هيرجع والله هيرجع
فتون بعدت عن أمها و دخلت اوضيتها نامت من غير ولا كلمة
فاطمة اتنهدت و قالت: ربنا يتولاكي يا بنتي و يبعدك عنك كل شر قادر يا كريم
------
عمران شاف الفيديو ولانه كان حاضر الموقف متأثرش بيه ولا شاهي صعبت عليه هو حذرها هي و سليم من الأول بس محدش سمح كلامة سرح في فتون و قال: انتي مين ؟! دخلتي حياتنا إزاي و بص على دراعة و قال: و سبتيلي ذكره حلوة
سليم شاف الفيديو و شاف الكلام المكتوب على شاهي و اتعصب و بقي يتوعد لـ فتون و قال بخبث زي ما فضحتي اختي هفضك و هخلي مصر كلها تتفرج عليكي يا بنت ****
فتون نايمة في هدوء و فجأة بدأت تعرق و هي بتقول لا أبعد عني سليم لا متـ
فاطمة دخلت تبص عليها و اتفاجئت من مناظرها صرخت و قالت : بنتي
خادمة بقصر أبي ١٢
فتون نايمة في هدوء و فجأة بدأت تعرق و هي بتقول لا أبعد عني سليم لا متـحر"قنيش
فاطمة دخلت تبص عليها و اتفاجئت من مناظرها صرخت و قالت : بنتي
فتون كان جسمها بينتفض جداً و بتخطرف فاطمة جريت عليها و هي بتمسح عرقها و بدأت تفوقها
فاطمة: فتون فوقي يا قلب امك متحرقيش قلبي عليكي يا حبيبتي فوقي و هنسيب ليهم البلد كلها و نهج
فتون بدأت تفوق بس لسة في حالة الـلا وعي بقت تخطرف مني هانم لا متضر'بنيش معملتش حاجة هي اللي جت تلعب معايا
فاطمة عيطت على حال بنتها و هي بتقول: انا آسفة حقك عليا كنت فاكره لما نروح و نبقي قدامة هيعترف بيكم لكنه طلع جبان سابك كل دا لوحدك عانيتي كتير يا عين امك و لسة بتعاني اكتر
فتون بصوت ضعيف: ماما
فاطمة بلهفة: أيوة يا حبيبتي
فتون بضعف: عاوزة ماية
فاطمة جريت جابت ماية و شريتها فتون مسكت فيها و قالت: عاوزة أنام في حضنك
فاطمة نامت جمبها و اخدتها في حضنها و طبطبت عليها
فتون نامت و هي مطمنة
------
عمران بعت فاكس ياكد معاد بعد بكرة في الاجتماع و سالي ردت عليهم و بلغت فتون
سالي: هي مبتردش ليه مش بعادة ليها استرها يا رب
-----
سالم قاعد يفكر إزاي يجيب حق شاهي من غير ما يبان في الصورة هو أصلاً ميعرفش شكل البنت بس اللي حصل لـ شاهي و سليم فضيحة للعيلة كلها إزاي بنت تعمل فيهم كدا
أما سليم فكان في عالم تاني خالص بيفكر يخلص على فتون بس عاوز يعرف عنها كل حاجه و في وسط افكارة جتله رسالة من الشخص اللي كلفه يعرف كل حاجه عن فتون
- للأسف يا سليم بيه خافية كل حاجه عن هويتها محدش عارف يوصل لمعلومة عنها مش بتعرف حد غير اللي هي عاوزاهم يعرفوها
سليم مسك التلفون و خبطة في الحيطة نزل عشر تلاف حته و قال بتصميم: برضوا وراكي وراكي لحد ما أخد حقي انا و اختي منك
---+
تاني يوم الصبح فتون صحيت مصدعة حاولت تقوم و على محاولاتها فاطمة صحيت
فاطمة بخضة:- انتي كويسة يا حبيبتي
فتون بهدوء : كويسة هقوم دلوقتي عشان عندي مقابلات شغل
فاطمة: مش مهم النهارده اجليها
فتون : مش هينفع يا أمي متخافيش عليا أنا كويسة
فاطمة: رجلي على رجلك مش هسيبك
فتون بتنهيدة: تمام يا بطوط هغير هدومي و نمشي علطول
فاطمة قامت غيرت و صلت و حضرت فطار ليهم
فتون خلصت و خفت ملامحها المرهقة بالميكب و نزلت لقت فاطمة محضرة الفطار لسة هتعترض فاطمة قالت: ولا كلمة انتي بتنسي نفسك في الشغل لازم تأكلي دلوقتي حالا وإلا مفيش خروج
فتون: اتنهدت و قعدت تفطر حاجة بسيطة خلصوا و فاطمة لمت الأطباق بسرعة و خرجوا على الشركة
---- عدي اليوم في ان فتون بتعمل مقابلات و قبلت ناس كتير منهم واللي كانت بتشوفه مش مناسب كانت بترد عليه بابتسامة و تقول: سيب رقم تليفونك و هنكلمك
عمران و سليم اللي بيجهزوا ورقهم و الشراكة اللي عاوزين يعملوها مع فتون
سالم اللي لسة بيدور على فتون عشان يرد لشاهي اعتبراها
محمود اللي الهموم ذادت عليه و هو شايف ولادة كدا و مش عارف يعملهم حاجة
البيت كله كان هادي فجأة دخلت مني و هي يتقول: سعدية سعدية
سعدية خرجت جري : أيوة يا مني هانم
مني : الشنط دي تطلعيها على اوضتي و شوفيلي شاهي فين !
سعدية: شاهي هانم في اوضيتها
مني طلعت لشاهي بسرعة و فتحت الباب لقت شاهي نايمة ولا على بالها حاجة
مني شافت كوباية ماية على الترابيزة مسكتها و رشتها على شاهي بقسوة
مني : اصحي يا هانم اصحي يا اللي فضحا'نا انا واحدة من صحابي تكلمني و تقولي لمي فضا'يح بنتك
شاهي بزهق: في اية بقي بقولك ايه يا مامي أنا أصلاً مش فايقة ممكن تسبيني في حالي و تخرجي
مني : هخرج بس لما تقوليلي مين كان السبب في الفضيـ'ـحة دي
شاهي: معرفش تقدري تسالي سليم زمانة جاب كل حاجه عنها و غطت وشها بالمخدة و نامت و هي بتقول:- اطفي النور و إنتي خارجة
مني خرجت و قفلت الباب بعنـ'ـف و دخلت اوضيتها و نامت من إرهاق السفر
محمود عرف إن مني رجعت و اضايق لانه كان مرتاح من غيرها و دخل اوضته اللي أصر أنه ينفرد بيها عن مني واللي مهتمتش لـ دا أصلا
----
تاني يوم الصبح سليم و عمران جهزوا أوراقهم و راحوا على الشركة
السكرتيرة استقبلتهم و خدتهم على اوضة الإجتماعات و هما في الطريق عمران لمح فتون ماسكة مج قهوة و ماشية ناحية مكتبها نفض دماغة و قال: اية اللى هيجبها هنا بس أكيد بتوهم
مر عشر دقائق و فتون دخلت بمج القهوة و ورقها و هي بتقول بثقة: السلام عليكم
عمران و سليم وقفوا و قالوا في صوت واحد انتي ؟!
سليم اتعصب و قال بزعيق
خادمة بقصر أبي ١٣
مر عشر دقائق و فتون دخلت بمج القهوة و ورقها و هي بتقول بثقة: السلام عليكم
عمران و سليم وقفوا و قالوا في صوت واحد انتي ؟!
سليم اتعصب و قال بزعيق :- انتي اية اللى دخلك هنا يا حيوانية انتي
فتون قعدت ببرود و شاورت ليهم يقعدوا
سليم بغضب: انتي اية معندكيش كرامة وصلت إنك تيجي ورانا الشركة دي كمان
فتون خبطت على الترابيزة و وقفت بحدة و قال بصوت عالي نسبياً: احترم المكان اللي أنت واقف فية لو مش عارف تفرق بين حياتك الخاصة و بين الشغل اتفضل بره
عمران مسك دراع سليم و قعدوا غصب عنه و قعد بهدوء
فتون أخدت نفس و قعدت مسكت التليفون و ضغطت على رقم و قالت: فاتن تعالي شوفي البشوات يشربوا اية و هاتيلي قهوه بدل اللي بردت دي
فاتن : تحت أمرك فتون هانم
فتون بصت ليهم لقت معالم الصدمة على وشهم حرفياً
فتون : اتفضلوا عرفوا بنفسكم
عمران: أحم عمران النويهي
فتون بصت لسليم اللي خد نفس و قال و هي كانت بتقول معاه في دماغها: سليم محمود النمر
فتون بصت ليهم و أخيراً نطقت: فتون مصطفى خليل صاحبة شريكات الخليل للدعايا و التصميم خير
عمران بص ليها بصدمة هو كان مفكر أنه هيتعامل مع راجل و سليم هنا فهم هي مبتخافش منهم ليه و لا بيهمها حد واحدة ناجحة و حققت لشركتها إسم و مكانة في وقت قليل بص ليها و غله بيزيد يوم بعد يوم
عمران: احم كنا حابين نعمل مع حضرتك صافقة و هي نضم فرع الشركة بتاعتكم هنا للشركة بتاعتنا
فتون بعملية: هستفيد اية و أنا شغلي حر و أضن سمعتوا عنه قبل ما تيجوا
عمران: دا حقيقي و احنا يشرفنا طبعاً إننا نتعامل معاكي شخصيا
انتوا هيبقي عليكم التصاميم و الدعايا و إحنا التنفيذ
فتون : النص بالنص
عمران بحاجب مرفوع: مش فاهم
فتون : المكسب النص بالنص و دي نسبة أنا متهاونة فيها كتير أوي و معنديش استعداد أنزل فيها أما بقي للشروط و الشرط الجزائي فدا نتفق عليه بعد ما توافقوا على النسبة.
سليم قاعد مش طايقها أصلا و عمال يفتكر إسمها سمعه فين قبل كدا بس الذاكرة مش مسعداه
عمران: بس إنتي مش شايفه إن كدا النسبة كبيرة أوي إنتي لسة في البداية و إحنا
فتون قاطعتة بابتسامة جانبية بينت الغمازة في خدها الشمال و قالت:- عمران بيه زي ما انت قولت لسة جديده بس تقريباً لو مكنتش زيارتك دي اتعمل بيتهيقلي كانت شركتكم وقعت خالص قولتلك أنا متهاونة جدا و خدوا وقتكم في التفكير
عمران أخد نفس و قال: موافق
سليم بصله بصدمة و لسه هيتكلم عمران مسك ايده من تحت الترابيزة
فتون قامت وقفت بعد ما أخدت بالها منهم و قالت: يظهر أنكم حابيين تتكلموا مع بعض هسبكم عشر دقائق
----
شاهي نزلت الشارع نظرات الناس ليها كلها استحقار سمعت واحد بيقول: بطل مصر كلها ما تيجي هبسطك أوي بدل ما الداخلي كله باين للناس كدا
شاهي دمعت و كملت مشي بسرحان
فتون وقعت العقود مع عمران و سليم و عمران أخد رقمها عشان يعزمها على حفله الشراكة
فتون : آسف لكن مش هقدر يدوب هنعمل إحتفال الإفتتاح هنا و هسافر فوراً وقتي مش ملكي للأسف
سليم بتلقيح: مش فاضيه غير في تشويه سمعت الناس بس
فتون : مش يمكن أهالي الناس دي مكانش عندها وقت تربيها و تعلمها الصح من الغلط و الحرام من الحلال
أصل اكيد مش بنات الناس المحترمة اللي تلبس هدوم فوق الركبة و كاشفة كل جسمها
سليم لسه هيتكلم فتون قاطعتة: دا مش موضوعي و أنا مليش دخل موضوعي إن اللي يدوس ليا على طرف تدوس على رقبته و بصت في الساعة و قالت: بالاذن عندي معاد دلوقتي و خرجت من اوضة الإجتماعات و على وشها ابتسامته ثقة
سليم : بص شوف عشان لما اكسرها متتكلمش
عمران: انا مفتحتش بوقي لكن انت اللي مش عارف تعمل حاجه معاها
------
مني صحيت و نزلت لقت محمود قاعد قالت بغضب :- انت قاعد هنا و سايب الفضيحة اللي إحنا فيها دي إزاي مدخلتش
محمود ببرود: عاوزة اية يا مني حلي عن رأسي مش دي تربيتك برضوا وإلا أنا غلطان
مني : مش هسيبك غير لما تشوفي حل أنا يقولولي لمي فضا'يح بنتك مش عارف منظري بقي قدام الناس إزاي
محمود: يعني دلوقتي كل اللي همك منظرك ؟ مش همك مثلاً سمعت بنتك وإلا اللي حصل
مني : كل دا هيتنسي لكن اللي من طبقتي و من متساويا مش هينسي و هيفضل ماسكها زلة عليا مسكت دراعة و بقت تهز فيه جامد و تقول: أنا عاوزة اعرف مين اللي زقها وقعها بالمنظر دا
محمود غلب فيها فبصلها جامد و ضر'بها بالقلم
-----
شاهي ماشية و بعدت مسافة كويسة مكنتش واخدة بالها من الطريق
- واد انت يلا مش دي البنت اللي طالعة ترند تيجي نتسلي شوية
- غمزلة و قال: يلا و فرصة محدش ماشي في الشارع.. الحته مقطوعة أصلا
مشيوا ناحية شاهي و ...
خادمة بقصر أبي ١٤
- واد انت يلا مش دي البنت اللي طالعة ترند تيجي نتسلي شوية
- غمزلة و قال: يلا و فرصة محدش ماشي في الشارع.. الحته مقطوعة أصلا
مشيوا ناحية شاهي وقفوا قدامها و قالوا: بهدوء كدا يا حلوة تمشي معايا بدل ما اجيبك نصين
شاهي فاقت على صوتهم بصتلهم برعب و بصت حوليها رد الراجل التاني و قال: متحاوليش مفيش حد هيسمعك هنا و شدها من شعرها
شاهي بصر'اخ سبني أبوس إيدك سبني معملتش حاجة هديك كل حاجه
- بس انا عاوز حاجه واحده بس تعرفي اية
شاهي بخوف: اية
- هنقضي معاكي ليلة فـ هتكوني متجاوبة معانا و نخلص وإلا هتعذبينا و نغتصـ'ـبك
شاهي صرخت جامد و جريت بس هو شدها من شعرها وقعها على الأرض و لسة هيروح ناحيتها لقي اللي مسك ايده كسرها
- الراجل بقي يصر'خ من الوجع بص يشوف مين اللي عمل فيه كدا لقي فتون واقفة و واخدة شاهي ورا ظهرها
فتون : هعد من واحد لـ تلاتة أشوف كلـ'ـب فيكم هنا هتكون نهايته
الرجلين بصوا لبعض و استهونوا بيها و الراجل السليم جه عليها لكن فتون مسكت ايده و قالت: هعلمك إزاي إيدك دي متتمدش على حاجه مش بتاعتك و مسكت كف ايدة لويته جامد لحد ما العظم ترقع
الراجل بقي يصر'خ من وجع ايده و فتون مكتفتش بدا بقت تضربه في وشة كانها يتتمرن مصارعة
بصت على الراجل التاني و لسة هتروح ناحيته كان جري لقت وشها للي واقع على الأرض و تفت في وشه و مسكت شاهي من دراعها بعدتها عن المكان
فتون ببرود: تاني مره تشوفي انتي ماشية فين مش هيبقي موجودة بعد كدا عشان الحقك بصت ليها لقتها منهارة و مش قادره حتي تقف أخدت نفس عميق و قالت: اركبي هوصلك
شاهي بصت ليها بتردد و فتون قالت بسخرية: مهو أنا لو عاوزه اضرك كنت سيبتك ليهم و ركبت العربية
شاهي ركبت معاها و قالت: شكراً لأني انقذتيني
فتون : مفيش داعي أي حد مكاني كان عمل كدا
صمت تام طول الطريق لحد ما فتون قالت: انتي شكلك ناوية تروحي معايا عنوان بينك
شاهي: امشي علطول فيلا سالم النمر
فتون هزت راسها و مشيت لحد الفيلا و وقفت
شاهي: تعالي ادخلي
فتون : معلش مره تانية عندي معاد
شاهي مصرتش عليها تدخل لأنها لسة في صدمة مش متخيلة لولا فتون كان اية حصلها
------- اذكروا الله
سليم و عمران في الجنينه بيخلصوا ورق عمران لمحها في العربية لكن كدب نفسة و قال تخيلات لحد ما شاف شاهي جاية عليهم متبهدلة
سليم جري عليها و قال : اية اللى عمل فيكي كدا لتكون بنت الكـ ـلب دي اللي عملت كدا
شاهي هزت رأسها و عيطت و هي بتقول: هي اللي انقذتني
عمران انتبه لجملتها و قال: مش فاهم ممكن توضحي
شاهي حكت ليهم كل اللي حصل و كبرت في نظر عمران جدا على اللي عملته و ابتسم جواه
سليم حس بندم على اللي كان هيعمله فيها و حضن شاهي جامد و هو بيقول في نفسه : لازم اعتذرلها على اللي حصل مني اتنهد عشان عارف إن الغلط من ناحيتهم الأول
------ اذكروا الله
أنا عاوزة اعرف مين اللي زقها وقعها بالمنظر دا
محمود غلب فيها فبصلها جامد و ضر'بها بالقلم و قال بغضب: اهمدي بقي في اية اللى حصل حصل و كله بسببك انتي في الآخر
مني : انت بتمد إيدك عليا على آخر الزمن
محمود: و ياريتني كنت عملتها من زمان و كمل بصرامة: من هنا و رايح مفيش خروح ولا صحابك و لا أي وسيلة من وسائل الترفيه هتفضلي هنا محبوسة زي الـ'ـكلب
مني : لا دا أنت اتجننت على الأخر انا مني على آخر الزمن تمد ايدك عليا و عاوز تحبسني في البيت بتحلم
محمود: لو رجلك عتبك بره البيت من غير اذني هتبقي طالق يا هانم و بالتلاتة و مفهاش رجعة
سليم و شاهي دخلوا على الجملة دي و سالم خرج من المكتب و الكل واقف في صمت تام
سليم و شاهي بيبصوا لبعض من غير كلام و سالم اللي خلاص أتأكد إن محمود خرج عن سيطرته و مش هيعرف يسيطر عليه ولا يهدده زي زمان
------ اذكروا الله
فتون دخلت البيت بتتسحب و وقفت ورا فاطمة و حضنتها جامد و هي بتقول: وحشتيني يا بطوط
فاطمة فرحت علشان شايفة بنتها بتوجع لطبيعتها من تاني و حمد ربها
فاطمة: وإنتي كمان وحشتيني اوي بس شكلك مبسوطه
فتون قالت: مبسوطة أوي يا ماما
فاطمة رفعت حاجب و لسة هتسال فتون كملت و قالت: و أنا راجعة من الشركة أخدت طريق غير اللي متعوده عليه و حكت ليها كل اللي حصل
فاطمة: و انتي شعورك اية يا فتون دلوقتي
فتون : بصي يا أمي مش هكدب عليكي أنا مش حاسة باي حاجه خالص لأن لو أي بنت مكانها كنت هعمل كدا برضوا و كملت بعزم : بس مش معني كدا إني أنسي اللي عملوا فيا أنا مبنياش و كله هينال جزاءه
فاطمة: كنت عارفة انك هتقولي كدا
---- اذكروا الله
الوضع ما زال صامت و محمود أخيراً اتكلم و قال: بكره تجهز حفلة للتوقيع و لازم صاحب الشركة يكون موجود مفهوم و سابهم و مشي
محمود: لازم هتتربوا من أول و جديد و إن كنت زمان سبتكم لأمكم دلوقتي هربيكم انتوا و أمكم
خادمة بقصر أبي ١٥
سليم جهز حفلة كبيرة و عزم كل رجال الأعمال و عزم فتون اللي قابلت دعوته بالرفض متحججه أنها هتسافر القاهره
سليم : مينفعش لازم تيجي عشان الحفلة معمولة على شرفك أظنك عارفة العنوان
فتون مركزه في ورق قدامها و بتقول: اممم
سليم : احم حابب اشكرك على اللي عملتية مع شاهي جميلك دا مش هنساه ابدا
فتون : معملتش حاجة أي حد مكاني كان عمل كدا
سليم : شكراً مره تانية هستناكي بليل في الحفلة
فتون : اوكي و قفلت الخط و هي بتضحك بخبث و تقول: دي هتكون ضربة ليكم يا عيلة النمر صبراً
فتون خرجت من المكتب لقت فاطمة بتتفرج على التليفزيون
فتون قعدت جمبها و هي بتقول: بطوط
فاطمة: بطوط عاوزة اية من الآخر يا فتون
فتون : عيلة النمر عاملين حفلة على شرفي هتيجي معايا
فاطمة بخوف: انتي عاوزه تروحي هناك لية يا فتون لا متروحيش
فتون بشك : في اية يا ماما انتي خايفة كدا لية هو في حاجة أنا معرفهاش
فاطمة بتوتر: ها هيكون فية اية يعني يا فتون مفيش حاجة
فتون بشك أكبر: اتمني
فاطمة خلاص هتنهار بس قررت تعرف فتون كل حاجه بدل ما تعرف من بره
فاطمة قامت دخلت اوضيتها جابت ورقة و اديتها لفتون و قالت: افتحيها
فتون : في اية يا امي بس
فاطمة بصرامة افتحيها
فتون فتحت الورقة و اتصدمت من إنها قسيمة الجواز بتاع أمها اتصدمت اكتر لما شافت إسم محمود
فتون : يعني اية يعني انتي اتجوزتي محمود بعد موت بابا طب لية معرفش و لية مش عايشة معاه و هو اتجوزك لية ماما انا مش فاهمة حاجة
فاطمة بتماسك: ابوكي ميبقاش مصطفي خليل أبوكي يبقي محمود سالم النمر
فتون وقفت مرة واحدة و بصت لـ فاطمة و قالت بصوت مهزوز: انتي بتهزري صح قولي كلام غير دا قولي اللي المفروض أبويا كنا بنتعامل قدامة زي الخدامين و مدافعش عننا انتي لية مش مسجلاني باسمة أصلاً ؟ لية محدش يعرف أنه اويا
فاطمة خلاص جمودها اتبخر و قعدت على الكنبة و هي بتقول: كله من مرات أبويا و اخواتي هما اللي رخصوني بس غصب عني حبيته و هو مقدرش حبي لية داس عليا باو'سخ جذمة عنده يا فتون
فتون بصت ليها بجنون لقت قدامها فازة مسكتها و رزعتها في الحيطة و بصت لـ فاطمة اللي باصلها بقلق و قالت بحزم : عاوزة أعرف كل حاجه
فاطمة هزت دماغها و قالت: هقولك كل حاجه و حكت ليها من أول ما مرات أبوها جوزتها ليه و أخواتها اللي محدش فيهم ادخل بالعكس كانوا مايدين الموضوع عاوزين يخلصوا منها بأي طريقة
حكتها عن حنية محمود معاها و معاملتة الكويسة لحد ما حملت فيها
فاطمة بصتاها و قالت: ساعتها خدني من ايدي و وداني عند دكتور عشان أجهض بس انا رفضت بكل قوتي و دافعت عنك فضلت مو.تي على إني انزلك برضوا قسي عليا و مرجعش في قرارة غير لما الدكتور قالة خطر على حياتي و هيدخل في سين و جيم
طول فتره حملي سايبني و مبيسالش عني يدوب بيبعت الفلوس بس و يوم ما أتصلت أشتكي لأخواتي قالولي ملناش دعوه اهم حاجة متعتبيش البيت تاني
ولدتك و كنتي النور اللي دخل حياتي و عشان مراتة و عياله و أبوه اللي واقف في صف مراتة علطول معترفش بيكي و اداكي إسمة اتفاجئت بيه كتابك بإسم حد تاني و سابنا و مشي تاني
اترجيته عشان خاطرك انتي قبل خاطري إني أشتغل عنده خدامة و وافق كنت بتزل قدامة و مكنش بيفتح بوقة بحرف انا آسفة يا بنتي مكنتش يوم اتمني ليكي أب كدا ولا حياة كدا
فتون كانت دموعها نازله على اللي أمها شافته و على حالها بصت لأمها و باست على رجليها
فاطمة بصراخ: بتعملي اية يا فتون
فتون : انا آسفة يا أمي آسفة انك اتعرضتي لكل دا و إنتي لوحدك آسفة على كل حاجه
فاطمة: يعني مش هتسبيني و تروحي لية يا فتون
فتون بتصميم: لو آخر يوم في عمري و هنروح انا و إنتي الحفلة عاوزاهم يشوفوا الخداميين وصلوا لاية اللي استعر منها بقت اية
فاطمة بقلق: يا فتون
فتون بتصميم: خلص الكلام و سابتها و دخلت اوضة الرقص بتاعتها
----------
سليم قال لـ عمران على الحفلة اللي فرح أوي أنه هيشوف فتون فيها
عمران: بقيت بفرح أوي لما اشوفك اسمك فتني زي ما شكلك فتني يا فتون بص لـ نفسه في المرايا و قال: مع إن لقائنا كان غريب لكن مش عارف حاسس لية إن قصتنا لسة طويلة
-----
مني راحة جاية تشتم في محمود و بتقول: انا يحلف عليا بالطلاق و كمان يمنعني أخرج لية فاكر نفسه سي السيد الله يرحم ايام ما كان مبيفتحش بوقه بحرف عشان أبوه ماشي يا محمود أما وريتك ميبقاش أنا
----
شاهي قاعدة في اوضيتها دموعها نازلة و بتراجع حسابتها من تاني
شاهي: انا لازم اتغير و اللي هيغيرني هو عمران نتجوز و ابدأ معاه حياة جديدة بعيد عن دوشة العالم كله
بصت لـ صوته و قالت: أنا بحبك و محبتش حد غير يا عمران ولازم هنتجوز
