جميع الروايات كامله

خدامه بقصر أبي

الفصل الاول والتاني والتالت والرابع والخامس

بقلم زهره عصام

كامله على مدونة النجم المتوهج للروايات

الفصل الاول 

أبوس إيدك خليني جنبك حتي لو هشتغل خدامة المهم البنت تتربي قدام عينك

- مينفعش يا فاطمة إنتي عاوزة تفضحيني قدام الكل

فاطمة بصدمة: جوازك مني بقي فضيحة يا محمود ؟ طب كنت حطيني في حساباتك اتجوزتني ليه طلما مستعر مني .. خليتني أخلف منك ليه ؟ 

محمود بجمود: كانت غلطة و هفضل أدفع ثمنها طول عمري

فاطمة: غلطة ؟ جوزنا كان غلطة و البنت مصيرها ايه قولي لا راضي تعترف بيها ولا تكتبها باسمك المفروض أعمل فيها ايه ا'قتلها

محمود بهلع: لا إنتي بتقولي ايه انتي لو فكرتي تيجي نحية بنتي أنا هفرمك انتي فاهمة ؟ 

انتي هتيجي تعيشي في القصر خدامة و دي بنتك انا متجوز و عندي عيال و مراتي لو شمت بس خبر إني اتجوزت عليها هتفتح عليا أبواب جهنم

فاطمة: روح يا شيخ الله يسامحك انا حبيتك من كل قلبي و انت مرمط فيا بقيت إنت و الزمن عليا .. هشتغل خدامة يا محمود عشان خاطر بنتي مش اكتر تكون جمب أبوها حتي لو مش معترف بيها و مسجلها بإسم حد تاني مش عاوزاه في يوم تجيب الحق عليا في أي حاجة 

محمود بغيظ: ماشي يا فاطمة اتفضلي و هاتي فتون معاكي

فاطمة شالت فتون و محمود كان هياخدها منها فرجعت لورا و قالت: مش من حقك من ساعة ما سجلتها بإسم حد تاني من ساعة ما اتخليت عنها و عني فقد الحق دا يا محمود بيه 

محمود بألم: هتحرميني منها يا فاطمة

فاطمة: عندك اللي هيعوضك لكن أنا معنديش غيرها و كملت بوجه خالي من التعابير اتفضل و أنا هحصلك بتاكسي مهو أصل الخدمة مينفعش تركب مع البيه في عربيته

محمود : إنتي لسه مراتي على فكره

فاطمة: لو تقدر تقولها للكل لو تقدر تقف في وش أبوك و مراتك و تقولها بعلو صوتك إني مراتك و دي بنتك و كملت بسخرية انت أخترت المال و السلطة على حساب بنتي السبب الوحيد اللي مش هيخليني أطلق منك و اخدها و امشي هو إنك عارف إن مرات أبويا مقوية أخواتي عليا و مقسية قلوبهم يلا يا محمود بيه

محمود في نفسه: سامحيني يا فاطمة والله ما في ايدي حاجة انا بحبك بس بحب الفلوس اكتر مهو محدش هيكره الفلوس

-------- اذكروا الله --------- 

محمود دخل القصر و معاه فاطمة اللي حاضنة بنتها أوي كانها بتتحامي فيها بصت لمحمود و دمعة من عنيها فرت منها فجأ لقت اللي بيجري عليه و بيحضنه و بيقول بصوت طفولي بابا جه 

بصت للولد و بصت لبنتها بحسرة و متكلمتش

محمود بفرحة: سليم حبيبي عامل ايه 

سليم : انت اتاخرت أوي المره دي يا بابا جبت معاك حاجة حلوه ليا و لـ شاهي

محمود: جبت ليك لوحدك شاهي مش بتعرف تاكل لسه فين جدو

سليم : جدو جوه مستنيك

محمود دخل و فاطمة وراه لقي أبوه قاعد و ملامح الحده على وشه

محمود باس على ايده والده و قال: اذيك يا حاج

سالم : لسه فيا الصحة يا محمود و بص على فاطمة و جابها من فوق لتحت و قال بصرامة: مين دي

محمود بلع ريقة بصعوبة و قال: دي دي الخدامة الجديدة

فاطمة غمضت عنيها و دمعة من عنيها نزلت مسحتها بسرعة كانها بتحاول ترتب على قلبها النار اللي فيه 

سالم: إحنا مش محتاجين خدامين جداد مشي يا بنتي من هنا الله يسهلك 

فاطمة في نفسها: هروح فين أنا و بنتي لو رجعت بيت أبويا مراته و اخواتي مش عارف هيعملوا فيا إيه

محمود : هي مش خدامة بمعني خدامة يا بابا دي هتبقي الدادة لسليم و شاهي انت عارف إن مدام مني مش فاضية تربي و البنت محتاجة لبن طبيعي فـ فاطمة هترضعها طبيعي مع بنتها

الكلام نزل على ودان فاطمة زي الرصاص بقي هي هتربي و ترضع بنت ضرتها اللي جوزها اتخلي عنها عشان خاطرها يلا سخرية القدر 

سالم بص لفاطمة من فوق لتحت و قام وقف و بقي يدور حوليها و قال بقسوة: تمام تربيهم و أول ما يشدو حيلهم هتمشي من هنا و منشوفش وشك تاني هتقعد في الاوضة اللي بره في الجنينه جمب اوضة الكلـ.ـب 

فتون بدأت تعيط كأنها حاسة بظلمها هي و امها محمود خدها وداها الاوضة و كان لسه هيتكلم فاطمة شاوتله يسكت و اديته ظهرها

محمود بص عليها بحزن و مشي فاطمة بصت عليه و هو ماشي من ظهره و قالت : بنتي اللي مرديتش تعترف بيها دي صدقني هتحتاجها في يوم و هترفضك زي ما رفضتنا

قعدت ترضع بنتها و تمسح دموعها 

بعد ست سنين..

فتون و شاهي بيلعبوا في الجنينه و مني أول ما شافتهم اتعفرتت و جريت عليهم 

مسكت فنون و ضر.بتها بالقلم و قالت:-

انتي متلعبيش مع بنتي إنتي هنا خدامة انتي و أمك يعني تخدمي بنتي مش تلعبي معاها

فتون جريت حضنت أمها اللي سمعت كلام و نزل على قلبها زي الملح على الجرح

فاطمة: حسبي الله ونعم الوكيل في يا مرات أبويا انتي السبب في دا كله 

فلاش باك...

قومي يلا عريسك مستني تحت هتوافقي تتجوزية و ياخدك و تغوري من هنا مش عاوزه أشوف وشك هنا تاني 

فاطمة بصدمة: ....

خادمة بقصر أبي ٢

قومي يلا عريسك مستني تحت هتوافقي تتجوزية و ياخدك و تغوري من هنا مش عاوزه أشوف وشك هنا تاني 

فاطمة بصدمة: عريس ايه و جواز إيه يا مرات أبويا إنتي واعية للكلام اللي بقولية دا 

- واعية يختي الراجل ميعبوش حاجة أخلصي كتب كتابك دلوقتي

فاطمة: لا اللي بيحصل دا هبل فين أخواتي يشوفوا أكيد مش هيوافقوا على المهزلة دي 

فاطمة طلعت على باب الاوضة و نادت بعلو صوتها: يا عمرو يا عمرو عوزاك ثواني

عمرو طلع و قال: في إيه يا فاطمة و ايه صوتك العالي دا مش عارفه إن فيه ضيوف تحت

فاطمة: عمرو كويس إنك جيت اتفضل شوف الست والدتك بتقول ايه عريس ايه و جواز مين انتوا محدش عرفني ليه هو ايه اللي تيجي تقولي كتب كتابك دلوقتي

عمرو بهدوء: بصي يا فاطمة من الآخر كدا الراجل اللي تحت دا جمايلة مغرقانا شافك صدفه عجبتيه و اتقدم و أنا وافقت و مش قولت ليكي عشان عارف إنك هترفضي و من الآخر انا محتاج الشقة هتجوز فيها

فاطمة بصدمة: على حسابي و أخوك التاني موافق على كدا ؟! 

عمور بسخرية: مدحت لا دا أول ما سمع إن في عريس غني متقدم ليكي قال على البركة اهو مش هنتعب في فلوس جهاز ولا هندفع حاجة

فاطمة: انتوا بتبعوني كدا يا عمرو هي دي وصية بابا ليكم

سحر: يلا يا بت بلاش دلع بنات مرئ بلا وصية بابا بلا وصية ماما اتفضلي اجهزي و انزلي تحت الراجل قاعد مستني و حسك عينك يحس بحاجة

فاطمة بدموع: مش مسمحاكم انتوا بتكرشوني من ملك بابا يا عمرو

عمرو: يووووه بقي مش هنخلص من اليوم دا 

سحر مسكت فاطمة من شعرها و جرتها على جوه و قالت: يمين بعظيم لو ما لبستي و نزلتي دلوقتي لكون قتلا.كي عملتها قبل كدا و مستعدة أعملها تاني و سابتها و مشيت 

فاطمة اتصدمت من كلامها عن الـ. ـقتل كانها بتتكلم عن فرخة مش روح لبست و نزلت لقت شاب تلاتيني وسيم قاعد و قدامة المأذون

محمود بابتسامة: اذيك يا فاطمة

فاطمة بسخرية: كويسه

مدحت: ابدأ يا شيخنا يلا 

المأذون كتب الكتاب و بص لفاطمة و قال امضي هنا يا بنتي 

فاطمة مسكت القلم كانها بتمضي على ورقة إعد.امها مش جوازها

محمود: مش يلا بقي يا فاطمة علي بيتنا

فاطمة بجهل : بيت ايه هو مش المفروض فيه فرح و قاعة و معازيم

محمود بجمود: انتوا معرفتوهاش وإلا ايه 

سحر : تعيشي و تاخدي غيرها يا قطة العريس متجوز و مخلف مش عاوزه اشوف وشك هنا تاني و خدي شنطة هدومك أهي

فاطمة وقفت قدام أخواتها و قالت: بابا لو كان عايش دلوقتي و شافكم و انتوا بتعملوا فيا كدا كان قتـ'ـلكم و انا مش مسامحة يا عمرو و افتكر إنك جيت على يتيمة و بصت لمدحت و قالت: يا اللي المفروض تعوضني عن حنان أبويا بعتني عشان تاخد ورثي كنت قولي كنت اتناول لك بيه كنت عاوزه حضنك مش عاوزه ورث بصت لمحمود اللي أتأثر بدموعها و شال شنطتها و خرج وراها

بااك

فتون: ماما انا بكره مدام مني دي كل شويه تزعقلي و كمان ضربتني النهارده أنا والله مش عملت ليها حاجة كنت بلعب مع شاهي

فاطمة طبطبت عليها و قالت: معلش يا قلب امك استحملي شوية كمان و هنمشي من البيت دا خالص 

فتون : لا يا ماما انا بحب عمو محمود و سليم هما دول بيحبوني و بيجبولي كل حاجه حلوة لكن مدام منى دي وحشة زي ساحرة شريرة

الباب خبط و دخل سليم و هو معاه شكولاتة و قال: تعالي العبي معايا يا فتون

فتون: لا عشان مدام مني هتضر'بني تاني  

سليم : انا آسف يا دادة فاطمة علي اللي ماما عملته تلقيها كانت متعصبة بس 

فاطمة: أنت ملكش دخل يا حبيبي باللي هي بتعمله تعال العب معاها هنا و متخرجوش من الاوضة دي 

فاطمة خرجت و سابتهم مسكت تليفونها و اتصلت على محمود

محمود: عارف هتقولي ايه قوليلي بايدي ايه أعمله

فاطمة: بايدك كتير أوي انت سبتها تمد اديها على بنتي و انت واقف تتفرج لو كانت شاهي كنت عملت ايه هي مش دي بنتك و دي بنتك 

محمود: اقصري الشر يا فاطمة و انا هراضي فتون 

فاطمة بسخرية: معلش ما فتون بنت الخدامة تاخد على دماغها و تسكت لكن شاهي و سليم ولاد بنت الزوات لكن لا يا محمود حق بنتي يرجعلها وإلا 

محمود بغضب : انتي بتهدديني

فاطمة لسه هترد عليه سمعت صراخ فتون جاي من الاوضة

فاطمة جريت تشوف فيه ايه و اتصدمت لما لقت ..

لاف و عشر كومنتات 🙃

خادمة بقصر أبي ٣

محمود بغضب : انتي بتهدديني

فاطمة لسه هترد عليه سمعت صراخ فتون حاي من الاوضة

فاطمة جريت تشوف فيه ايه و اتصدمت لما لقت فتون دراعها محر'وق

فاطمة بصراخ:- بنتي و بصت لسليم و قالت: لي كدا يا سليم أختك يا حبيبي تعمل فيها كدا

فتون كان بتصرخ من الوجع راحت عن فاطمة و قالت: ماما واوا سليم 

فاطمة حضنت فتون و اخدتها و خطت دراعها تحت الماية الساقعة

سليم بصلها بغضب و سابهم و مشي 

محمود علي الخط بيزعق و بيقول: الو فاطمة فتون مالها فاطمة ردي عليا

فتون بتعيط و بتقول: ماما مش عملت حاجه سليم حط معلقه على نار و حطها على ايدي سليم وحش مش بحبه

فاطمة: اهدي يا فتون اهدي يا قلب ماما

التلفون فجأة رن بصت لقت محمود اللي بيرن ردت بغضب و قالت : مراتك و إبنك عاوزين من بنتي ايه أفهم عيلة صغيرة عملت فيكم ايه والله العظيم يا محمود لو مجبتش حق بنتي منهم لهندمك العمر كله 

محمود بغضب: انتي بتهدديني يا فاطمة متخلنيش أجي اكـ.ـسر دماغك دي استهدي بالله عيل و غلط عيال مع بعض

فاطمة بتهكم: عيال مع بعض ؟ بنتي لما ضربت شاهي و راحت اشتكت لـ مامتها و مني هانم ضربت البنت فاكرها يا محمود مقولتش عيال مع بعض ليه ؟ 

محمود بلع ريقة بصعوبة و قال: خلاص بقي يا فاطمة إنتي عارفه إن لو أنا اتكلمت ايه اللي هيحصل عديها و خدي البنت للمستشفى

فاطمة بتوعد: طيب يا محمود و لكن ورحمت أبويا و أمي لهخليك تندم العمر كله صبرا و قفلت في وشه الخط 

محمود: اااه يا فاطمة غصب عني والله لكني مش هقدر أواجه حد بجوازي منك كدا هتحرم من الميراث ابوايا طول عمره كلامه واحد و هو النسب يرفعك مكانة مش يهدمك ولا يقلل منك 

---- 

فاطمة أخدت فتون و راحت لسالم خبطت و دخلت 

فاطمة: مساء الخير يا سالم بيه

سالم بجمود: مساء الخير يا فاطمة خير

فاطمة: سالم بيه بص كدا على فتون متربيه تحت عينك من و هي لسه في اللفة يرضيك سليم بشا يعمل في دراعها كدا 

مني هانم ضر"بتها عشان كانت بتلعب مع شاهي و أنا طبطبت عليها و قولت ليها متلعبش معاهم تاني سليم بيه يجي لحد الاوضة و يحر'ق اديها كدا 

سالم : سليم هو اللي عمل كدا انتي بتستهبيلي يا فاطمة دا عيل لسه مكملش ١٣ سنين هيعمل كدا إزاي

فاطمة: والله يا سالم بيه زي ما بقول لحضرتك كدا أنا رضعت شاهي مع فتون و ربيت سليم لكن بنتي يعملوا فيها كدا 

سالم بغضب: سليم سليم تعال هنا 

سليم جه و وقف قدام سالم و هو مش خايف كأنه بيتحداه

سالم : أنت اللي عملت كدا في فتون يا سليم

سليم: ايوه انا عشان متلعبش مع شاهي تاني و مامي بتيجي تضربنا إحنا الاتنين

شاهي هانم البدوي تلعب مع بنت الشغالة عندهم

سالم بص لـ سليم بفخر بس محبش يبين دا إن هو ماشي على خطاه بص لفاطمة و قال: طب روحي انتي وانا هبعت معاكي السواق تودوها المستشفى

فاطمة بصت لبنتها بحسرة و اخدتها و مشيت بصت على الاوضة اللي كانت فيها و خدت القرار خلاص دخلت لمت حاجتها هي و فتون و مسكت الخط اللي في التلفون و كسرتة و قالت: من النهارده مفيش محمود ولا عيلة البدوي دي خالص في فتون محمد عدوي بصت لفتون و قالت: رحلتنا هتكملها مع بعض يا قلب امك و زي ما جه علينا هحرمه منك لانه ميستتهلش إنك تكوني بنته 

فتون كانت لسه بتعيط فاطمة أخدت اديها و قالت: تعالي يا حبيبتي

أخدت فلوس مرتبها طول الست سنين دول كانت بتحوشهم عشان يوم زي دا و من حظها إن المرتب كان كبير فعمل معاها مبلغ 

أخدت فتون و خرجت من البوابة و دموعها على خدها لقت فتون بتطبطب عليها و بتقول: متزعليش يا ماما انا مش هسيبك أبدا أبدا

......

سالم: بص يا سليم اللي عملته دا غلط مينفعش تحر' ق حد و خصوصاً لو عيلة صغيرة انت تزعقلها و تخوفها بس لكن مينفعش اللي عملته دا ماشي يا حبيبي

سليم: مامي اللي قالت ليا اعمل كدا يا جدوا وإلا هتحر'قتي أنا و شاهي

سالم: امممم ماشي يا سليم امشي أنت دلوقتي بمجرد ما سليم خرج سالم قال: حسابك زاد أوي يا مني لكن صبراً

------ 

محمود جايب هدايا لـ فتون و دخل الاوضة عندهم لكن ملقاش حد بص على الدولاب المفتوح صدفة ملقاش هدومهم اتجنن و جاي يخرج داس على بقايا الخط مسكة و اتصدم جري على القصر و هو بيقول: فاطمة فاطمة إنتي فين لا متعمليش فيا كدا و صرخ صرخة جمعت القصر كله : بنتااااااي

مش عارفه الفصل قد ايه لأن كتبته في النوت فمجبش عدد الكلمات المره الجايه هكتب على الواتباد باذن الله 😃

خادمة بقصر أبي ٤

محمود بصراخ: بنتااااااي و وقع على الأرض بانهيار 

سالم خرج من المكتب بسرعة و جري عليه و هو بيقول: في إيه يا محمود ايه اللي حصل

محمود بانهيار: خدتها و مشيت يا بابا فشلت إني أكون أب ليها حرمتني من بنتي بقيت عمري بتعاقبني عشان معترفتش بيها قدام الكل 

سالم مش فاهم حاجة بصله و قال: هي مين دي مني خدت شاهي و مشيت بس سليم قالي انها فوق و نادي بصوت عالي: شاهي 

شاهي نزلت و هي ماسكة عروسة و بصتلهم ببراءة و قالت: نعم يا جدو

سالم بص لمحمود و قال: ما بنتك قدامك أهي يا محمود في ايه لـ دا كله 

محمود هز رأسه برفض و قال: مش دي فتون بنتي.. بنتي انا من صلبي يا بابا فاطمة تبقي مراتي

مني سمعت الكلمتين دول من فوق نزلت جري و هي متعصبة و قالت: انت بتقول ايه يا محمود اتجوزت عليا حتت خدامة انت بتستهبل دا هطربقها فوق دماغ الكل انا مني هانم المحمدي تتجوز عليا حتت خدامة

محمود وقف في وشها بشراسة و قال: اياكي تغلطي فيها هي مش خدامة قبلت الوضع دا عشان خاطر بنتها تتربي قدام أبوها كان عندها أمل إني أكتبها على أسمي و أعترف بيها قدام الكل لكني كنت جبان خفت من أبويا خفت أنه يعمل زي ما جدي عمل في عمتي اللي حبت بجد عارفة عمل ايه كرشها من البيت و ماتت بحسرتها خفت عليهم من نفسي و منكم

سالم وقف في وش محمود و ضر'به بالقلم و قال: و لسه جاي دلوقتي تتكلم اتجوزت و خلفت و اتبريت من بنتك و لسه جاي تقول كنت قولتلي لحقت المصيبة دي قبل ما تحصل

كلم حد من الحرس و قاله : تقب و تغطس و تجبلي فاطمة من تحت الأرض حتي لو هتدور في البلد كلها سامعني

- تحت أمرك يا فندم

مني بصدمة: عمي انت بتقول ايه انت هترضي إن الخدامة دي تكون هنا هتساوي مني هانم بحتت خدامة لا راحت ولا جت 

محمود بصلها بغضب و سالم اتكي على ايده بشدة و قال: انا صحيح عمري ما اقبل بحد أقل من مستوانا لكن دي لحمنا اللي مهاها و اكيد مش هسيب لحمنا بعيد عنا عاوزة هي تبقي معانا لكن هتموت خدامة هنا مش عاوزه تغور في ستين داهيه لكن من غير البنت 

سليم كان واقف مصدوم من اللي سمعه يعني اللي جه عليها و حر'قها تبقي أخته يعني فاطمة اخدتها و سابت البيت بسببه بص لـ أمه بعتاب و كره هي السبب في أنه عمل كدا هي السبب في كل حاجه هي عمرها ما كانت أم ليهم فاطمة اديتهم حنان و عاملتهم زي ولادها دا رضعت شاهي مع فتون يعني أخوات من ناحيتين

مني قالت بغضب: يعني ايه يعني الناس تقول عليا ايه متجوز عليكي خدامة هواجه صحابي أنا إزاي دلوقتي كويس أنها غارت وإلا كنت قتلـ 'ـتها فيها ناكرة الجميل تربية الشوارع دي هي و بنتها

شاهي اتخضت و ارتعشت من جواه من غل أمها و حقدها على فتون صاحبتها

شاهي ببراءة راحت استخبت ورا ظهر سليم اللي خباها وراه و مكمل الحوار

الكل شاف البنت بتجري و تستخبي في ظهر أخوها و شافوا مني سابت البيت و خرجت و هي بتزعق

محمود شافهم كدا راح ليهم و قال: بصوا يا ولاد فتون اختكم بس هي راحت مع مامتها انا عاوز منكم تحبوها زي ما بتحبوا بعض عشان لما ترجع تحبكم انتوا كمان 

سليم هز رأسه و سرح في شئ

فلاش باك

كانوا قاعدين على السفرة بياكلوا و فتون جت ليهم مني أول ما شافتها زعقت ليها جماد و قالت:- انتي يا بنت الخدامة انتي راحة فين شيفاكي بتتمشي في القصر زي ما يكون بتاع أهلك انتي مكانك في المطبخ انتي فاهمه

فتون الدموع اتجمهت في عينيها و مني بصت ليها بخبث و جابت طبق حطيته على الأرض فيه أكل و قالت: اقعدي كلي يا خدامة أصل دا اصلكم عمرك ما تبصي لـ اسيادك أبدا

بااك 

سليم فاق على عياط شاهي لفلها و طبطب عليها و خدها و طلع فوق

----------- 

فاطمة أخدت فتون و سافرت سابت ليهم المحافظة كلها زلت على اسكندريه و بصت حوليها بجهل مش عارفه تروح فين و تيجي منين

فتون كانت اديها محطوط عليها مرهم حروق و شاش و كانت بتبكي لأن الجرح لسه حي 

فتون في نفسها: أنا مش هنسي إنك عملت فيا كدا يا سليم عمري في حياتي ما هسامحك و هكون شاطرة و ابقي اغني منك و برضوا مش هتساعدني و بصت لـ أمها فجأة و قالت حاجة خلت فاطمة تأن من الألم و تبص ليها بشفقة و اعتذار

خادمة بقصر أبي ٥

فتون : هو بابا فين ليه مش معانا اشمعني شاهي عندها بابا وأنا لا

فاطمة قلبها بقي يأن من الوجع جرحها اللي بتحاول تلمه بقي أعمق كأن الدنيا مصره تحط ملح على جرحها مسحت دموعها و نزلت على ركبها لحد بنتها و قالت: بص يا فتون عوزاكي تخلي الكلمتين دول معاكي دايما رفعت صباعها للسما و قالت: بابا فوق هنا شايفنا و هبيجي يزورنا بليل بس إحنا اللي مش شايفينة ولا ينفع نشوفه

فتون: و ليه مهو عمو محمود بنشوفه و بيجيب كل حاجه لـ سليم و شاهي يا ماما 

فاطمة بألم: علشان ربنا بيحبنا فـ حطنا أنا و إنتي في إختبار أخد مننا باباه عشان يعرف هننجح في الامتحان وإلا محتاجين حد يغششنا

فتون مفهمتش حاجة بس محبتش تجادل قالت: أنا عاوزه أنام دلوقتي 

فاطمة كان معاها مبلغ كويس غير دهبها اللي معاها ورث والدتها مرضيتش تسيبه لمرات أبوها و قالت: يمكن ينفع في يوم من الأيام

فاطمة في الطريق مش لقيا حد يساعدها مشت و هي ماسكة ايد فتون كويس خايفة عليها من الزمن دخلت في شوارع هي أول مره تشوفها أصلاً شافت بالصدفة إعلان إيجار مكتوب على جدار بيت بصتله بتركيز و ابتسمت بصت لبنتها و قالت: أنا و إنتي علي الله رزقنا يا بنتي دخلت البيت اللي كان عبارة عن اوضتين و صالة و مطبخ و حمام حمدت ربها على دي نعمة بصت للفلوس معاها و قالت: مشروع صغير نكسب منه قوت يومنا و مسكت الدهب و قالت: هسيبه ليكي يا فتون و ربنا يقدرني و أسعدك و مخلكيش محتاجة لحد أبدا

-------

محمود قاعد مخنوق مش عارف يعمل ايه مقدرش النعمة اللي في ايدة لحد ما زالت من ادية و رجع يبكي عليها دم 

محمود: عارف إني ظلمتك و جيت عليكي كتير يا فاطمة يمكن من كتر ما كنتي بتهدديني إنك هتمشي انا كبرت دماغي و قولت: كلمتين بتقولهم و خلاص لكني معملتش حساب اليوم اللي هيتنفذ فيه الحكم وجعه صعب أوي استقويت عليكي يا فاطمة و ظلمت فتون أوي كمان كنت خايف و مفيش في ايدي حاجة ارجعولي و كل حاجه هتتصلح والله العظيم هحاول أصلح كل حاجه بس ارجعولي

فلاش باك

فتون بتعيط و راحه لـ فاطمة بيتهم اللي في الجنينه محمود كان داخل و شافها فقلبه رق ليها وقفها و نزل لمستواها و قال : بتعيطي ليه يا فتون

فتون بعياط: شاهي ضربتني و قالت إنتي بنت خدامة عندهم و مش ينفع ألعب معاها و سليم شد شعري عشان مش بيحبني و أنا كمان مش بحبه 

محمود بحنان: حقك عليا أنا يا فتون متزعليش يا حبيبتي

فتون بعياط: طنط مني قالت بنت حر'ام مش ليها أب مش تلعب مع ولادي

محمود كتم غضبه جواه و قال: مين قال كدا طب تيجي نتفق اتفاق لما نبقي لوحدنا تقوليلي بابا اتفقنا

فتون مسحت دموعها ببراءة و قالت بضحكة جميلة: بجد أنت هتكون بابا 

محمود : أيوة طبعاً دا انا ينولني شرف إني أكون أب ليكي يا بندقة

فتون : اسمي فتون يا بابا

محمود أول ما سمعها منها غمض عيونه كأنه بيرددها جواه فتح و بصلها و قال: لا بندقة لجل عيونك اللي شبه حبات البندق دول

باااك

محمود: فصبراً على ضعف أهلك روحي و صبراً على حياة اخترتها بيدي رغم تحذيرها المستمر

------ 

فات ١٥ سنة على اليوم دا كانت فيهم فاطمة الأم و الأب لـ فتون اشتغلت كل حاجه مكنتش بتنام كانت عاوزة توفر لـ بنتها حياة مش أقل من حياة محمود و ولادة

كانت الصبح بتطبخ في بيتها و بتستقبل اوردارات و الظهر كانت بتشتغل بشهادتها و بتدي دروس لأطفال المنطقة و بليل واقفة في محل ملابس للسيدات

ابتدت تكسب من شغلها و تحوش و تعلم بنتها لحد ما بقت في أعلي مكانة

في شقته فاخرة في القاهرة

صحيت من النوم على المنبه صلت و لبست هدومها اللي هي عبارة عن دريس لحد الركبة و تحته بنطلون و زينت وشها بحجاب بسيط خلاها في ابهي صورة ليها خرجت تتسحب على المطبخ و حطت ايديها على أمها من جمبها و هي يتقول:- أركب الهوا

فاطمة: يا بنتي إنتي مش هتعقلي ابدا بقي 

فتون أخدت قطعه خيار و بدأت تأكل فيها و هي يتقول: تؤ يا بطوط إنتي عارفة إني معاكي ببقي حاجة تانية خالص مالص فتون مصطفى خليل صاحبة أكبر شركة للتصميم و الدعايا اللي أكبر رجال الأعمال تتمني تتعاقد معاها بتيجي جمبك انتي و تقلب بطة بلدي 

فاطمة: مش ناويه بقي تعقلي و تتجوزي يا فتون

فتون: شوفي يا أمي أنا عوزاكي تشيلي الفكرة دي من دماغك دلوقتي خالص انتي عارفه إني محتاجة أركز في شغلي اكتر و إن في فرع جديد هيتفتح قريب في اسكندرية و أنا الصراحة حاطة تركيزي على النقطة دي مش عاوزه حاجه تعطلني

فاطمة بلعت ريقها بصعوبة و شرد و هي يتقول ببطئ : اسكندرية

.......

دخل شركتة و هو متعصب جدا و قال: اجتماع لـ مجلس إدارة الشركة دلوقتي حالا و كمان شركة النمر تكلمي سليم يجي دلوقتي حالا إحنا بنقع

بعد أقل من ساعة الكل كان في قاعة الاجتماعات

عمران بعصبية: عاوز أعرف إيه اللي بيحصل دا إزاي محدش راضي يستلم الطلبية الجديدة و بيقولوا متقلدة و معدتش موضة دا بالنسبة للـملابس و الاحذية اما بالنسبة لقطع الغيار فـ دي لوحدها موال

سليم : في شركة جديدة ظهرت من كام شهر مكتسحة الكل يظهر إن صاحبها مركز أوي

عمران: عاوز كل المعلومات عن الشركه دي و أنا هتصرف

سليم : قصدك نتصرف أنت ناسي إننا شركاء وإلا ايه 

عمران: مش ناسي لكن حابب افهم دماغهم الأول قبل ما نقرر هنعمل اية معاهم دي التصاميم بتاعتهم بتنطليب كل ما تخلص يا سليم لازم اتصرف لازم 

------- 

كانت قاعدة في النادي بتضحك مع صحابها و قالت: فكرتني ببنت الشغالة اللي كانت عندي وانا صغيرة كنت بعمل فيها عمايل لا و سليم حر'قها مره 

- بجد طب و كان ايه رد فعلهم 

شاهي ببرود : طفشوا قالتها و صوت صحكتها سمع النادي كله 

----- 

فتون بصت لـ علامة بنية في ايدها و قالت: و حيات كل دمعة نزلت مني و حيات أمي اللي هنتوها و هنتوني لادفعكم حق كل دا يا ولاد النمر أنا منستش حاجة و كل يوم الجرح دا بيفكرني بيكم صبراً هخليكم تيجوا لحد عندي برجليكم صبرا

تكملة الرواية من هنا

تعديل المقال