 |
رواية طفلة هزت كيان فرعون الحلقة الأولى حتي الحلقه الخامسه
كامله على مدونة النجم المتوهج للروايات
😘😘
فرعون : هو انتي كل لما تحملي تجيبي ليا بنت انا قرفت منك كانت جوازة زفت
اسماء: هو بإيدي يعني مالها البنات عشان معانا واحدة وحامل في التانية يبقي جوازة زفت احمد ربنا علي النعمه اللي انت فيها دي
فرعون بغضب: انتي بتردي عليا الظاهر انتي نسيتي نفسك انتي بتتكلمي مع فرعون
اسماء بخوف: انا هروح اشوف حماتي تحت كانت عوزاني
صفاء أم فرعون: صوتكوا جايب لآخر الدنيا ليه
اسماء بعياط : ي ماما دا بيعيرني عشان خلفتي كلها بنات
صفاء: الحق عليكي دا بدل ما تجيبي حتة واد يورث اللي وراه جايبة له العار ومخلفة بنات
اسماء: وهو يعني انا قولت لاء علي الولد مش كفاية لحد حالا بنته بقي عندها سنتين ومش متقبلها ولا حتي بيلعب معاها ولا كإنها موجودة
صفاء: قومي ي حبيبتي لمي هدومك وروحي عند بيت اهلك ارتاحي وتعالي
اسماء: دا يقتلني فيها فرعون رافض حاجة زي دي
صفاء: وانا أمه وبقولك روحي
اسماء: طيب ي ماما
اللهم صلي وسلم وبارك على سيدنا ونبينا محمد
بتصحي بطلتنا نور الجميلة ذات العيون السوداء الواسعه والجسم الممشوق
نور لقت صوت تخبيط وتكسير خافت علي امها قامت من مكانها لتجد اخوها عصام يتشاجر مع والدتها عفاف
عفاف : يبني حرام عليك من ساعه ابوك لما اتوفي وانت مزهقني في عيشتي صاحب البيت كل يوم والتاني عمال يطلب إيجار البيت وانت ولا هنا
عصام باستفزاز: اعمل اي
نور: انزل اشتغل ي عصام ساعد ماما شوية
عصام : وهو انا كنت بكلمك عشان تتكلمي انتي ونزل فيها ضرب
عفاف بتحوش ومش قادرة عليه
عصام : كتك القرف عيلة مقرفة بدل ما تقولي هنزل اشتغل بتقوليلي انزل ليه عشان اصرف علي اتنين ملهمش لازمه
عفاف بتاخد بنتها في حضنها
نور بعياط : هو اخويا بيعمل كدا ليه انا مش بحبه
عفاف : ربنا يهديه ي نور مقدرش ادعي عليه مهما كان دا ابني قلبي يوجعني عليه
في قصر فرعون
اسماء لمت شنطة فيها بعض الملابس واخدت بنتها ونزلت
اسماء: ي ماما ماما
صفاء: خير
اسماء: انا خايفه لفرعون يتخانق او يزعل وساعتها انا اللي هدمر فيها
صفاء: متقلقيش يلا روحي
اسماء: طيب سلام
وخرجت اسماء من قصر الرعب كما يطلق عليه أبناء البلد
صفاء رفعت الهاتف : الو فينك ي ابني تعالي شوف آخرة اختيارك
فرعون : في اي
صفاء: مراتك لمت هدومها واخدت البنت ومشيت وبتقول انا مستحيل ارجع للبيت القرف دا تاني
فرعون : اسماء مستحيل تعمل كدا وهي عارفه انه عقابها الموت ومحدش يقدر يقف قدامي
صفاء: معرفش بقي اللي حصل دا انت اللي سيبت ليها الحبل من الاول
فرعون قفل السكة في وشها ورمي التليفون علي الارض
فرعون: دا انا هوريكي انا ازاي تعملي حركة زي دي فيا ي اسماء
صفاء بخبث: ها هتنفذ امتي
رامي: حالا اهو سلام
رجع فرعون القصر وكان في قمه غضبه لدرجة ان الخدم اترعبوا
فرعون لصفاء: هتندمها والله وهقتلها
صفاء وهي بتسجل كلامه علي الفون : اهدي ي حبيبي دي مراتك ام عيالك
وقفلت التسجيل بحركة سريعه
جاء تليفون لفرعون و……….
رواية طفلة هزت كيان فرعون الحلقة الثانية
😘😘
فرعون لصفاء: هتندم والله هقتلها
صفاء وهي بتسجل كلامه علي الفون : اهدي ي حبيبي دي مراتك ام عيالك
وقفلت التسجيل بحركة سريعه
جاء تليفون لفرعون و بيرد عليه
فرعون : ايوا مين
شخص : مراتك ماتت هي وطفلة
معاها في حدثه
للحظة فرعون حس انه ضعيف واستجمع كل قوته وذهب لمكان الحادثة لقي فعلا ماتت ومعاها بنته واللي كانت في بطنه
الشرطي: انت شاكك في حد عمل كدا
فرعون : لاء وعاوز اخلص عشان اعمل تصريح دفنه ليهم ممكن
الشرطي: ممكن طبعا بعد الإجراءات
وتمت دفنتهم ورجع لبيته وجد نساء كثيرة مع صفاء للعزاء
اتجه للجناح الخاص بيه
ودخل ونظر لصورتهما
فرعون : انا كنت قاسي عليكي بس كنت بحاول امنع اي حد يزعلك ربنا يرحمك يلا يجي غيرك مش مشكلة ونام ولا كإن حصل حاجة خالص
نور : ماما ماما لقيت شغل في كافيه كبير اوي
عفاف: لا مفيش شغل ليكي
نور: بس انا عاوزة انزل مش عشان مقصره معايا بس انا حابة دا
عصام : اه انزلي اعملي حاجة تفيدينا بيها
عفاف: اتكسف علي دمك بدل ما تنزل انت وتساعدنا
نور: ي ماما وافقي
عفاف: ومذكرتك ي نور
نور : انا هذاكر وهحاول اوفق بينهم وفضلت كتير تقنع فيها
عفاف : طيب ي نور
نور : انتي احلي ماما علي فكرة وحضنتها
عصام : محدش هيخسرها غيرك انتي ودلعك فيها دا
نور : هو انا عملت اي عشان ادلع
عصام قايم يضربها: عفاف مسكته جامد : انت معندكش دم وكمان قليل الادب امشي برا من البيت
عصام: انتي بتخرجيني عشان البت دي طيب ماشي والله لخليها تندم علي اللي بتعمله
عفاف رزعت الباب في وشه
نور: ليه ي ماما عملتي كدا في اخويا
عفاف : اسكتي انتي كمان ودخلت غرفتها تبكي علي حالها
اشتغلت نور في الكافيه وكانت بتتعب بس مخبية دا كله
في يوم كانت مصدعه من قلة النوم
ودخل فرعون الكافيه دا بهيبته وحاشيته
جة اشربها انجز
الجرسون لانه عارف فرعون كان ماشي متلخبط من الخوف: ن نور نور
نور بتعب : نعم
الجرسون : هاتي حاجة للباشا يشربها
نور : طيب واخدت وقت لحد ما طلعت وطالعه مش شايفه قدامها كويس
نور وضعت المشروب علي المنضدة ومشيت
فرعون وقف مرة واحدة وبصوت جمهوري: لما يكون كافيه كبير معروف بيدخل فيه كبار البلد يكون الخدمه دي فيها خدمه زباله كدا
نور : انت فرحان بصوتك ولا اي اتنيل وطي صوتك مالها الخدمه كنت عاوز تطفح حاجة جبتهالك لعندك اي المشكلة فين
فرعون : انتي متعرفيش انا بسبب كلامك دا ممكن اخليكي تبوسي رجلي
نور : ولا مليون واحد زيك يخلوني اعمل كدا مع واحد قليل الرباية
صاحب الكافيه طلع بسرعه علي الصوت : انا اسف ي فندم دي متعرفش حضرتك مين
ثم وجه كلامه لنور : انتي مرفوضة اطلعي برا
نور بدموع : مرفوضة؟؟ طب ليه
صاحب الكافيه : مش عاوز نقاش كتير يلا برا
نور : طب انا اشتغلت فترة عاوزة حسابها
صاحب الكافيه: مفيش ليكي عندي حاجة
نور وهي ماشية بدموع في عيونها : حسبي الله ونعم الوكيل فيكوا عالم جعانه
وخرجت واتجهت الي طريقها لم تعرف ماذا تقول لوالدتها
صاحب الكافيهة: اتفضل ي فرعون انا اسف
فرعون لسه باصص علي خيالها : عاوز كل المعلومات عنها
صاحب البار : دي بنت ابوها متوفي محتاجة شغل اخوها عاطل وقاعدين بالايجار ومديونين بس هي طيبة جدا ووووو
لم يكمل حديثه ونظر له فرعون نظرة اخرسته مما كان يود قوله
دخلت نور بيتها : ست الحبايب
عفاف وهي في المطبخ: تعالي ي حبيبتي
نور: الله الله دا الملوخية جايبة اخر الشارع
عفاف: ي بت وضحكت
بس انتي مالك كدا وشك مش كويس
نور وهي بتحط معاها الأكل: ولا حاجة بس انا حسيت نفسي هتعب في المكان دا فسبت الشغل وهشوف غيره احسن
عفاف: بس انتي متعمليش كدا مقابل اصرارك علي الشغل دا
نور : يلا بس نتغدي شوية الملوخية دول ونسيبنا من موضوع الشغل دا
وهما بيتغدوا لقوا صوت الجرس
نور فتحت ووجدت أمامها……..
رواية طفلة هزت كيان فرعون الحلقة الثالثة
😘😘
نور ؛ يلا بس نتغدي شوية الملوخية دول ونسيبنا من موضوع الشغل دا
وهما بيتغدوا لقوا صوت الجرس
نور فتحت ووجدت أمامها صاحب البيت
نور: اتفضل ي عمي حمدي
حمدي: مفيش ولا سلام ولا كلام فين الفلوس
نور: اخر الاسبوع دا هكون جبت ليك كل الفلوس بتاع حضرتك
عفاف: اصبر علينا شوية ي استاذ حمدي والله احنا مش نسين بس معاش ابوها يدوب الاكل والله وبيخلص قبل الشهر بمدة
حمدي: والله انا مليش دعوة بالكلام دا كله انا ليا إيجار وأنتوا ليكوا الشقه تدفعوا الايجار تقعدوا في الشقه
عفاف : حاضر ي استاذ حمدي حاضر
حمدي وهو نازل: والله دي بقت شغلانه تقرف
(ماذا قال يونس وهو في بطن الحوت ؟ لا اله الا انت اني كنت من الظالمين )
صفاء : انت مش هتشوفلك واحدة تتجوزها
فرعون وهو بيعد فلوس والسيجار في فمه : وماله عشان اجيبها زي اللي فاتت كرهتيني فيها
صفاء بخبث: انا يبني اخص عليك انا مستحيل اعمل كدا هي اللي مكنتش بتحب بيتها وجوزها
فرعون : عندك كلمة حلوة قوليلها معندكيش اسكتي
صفاء: طيب حاضر يبني ربنا يرحمها
فرعون : مش عاوز اصلا اتجوز تاني مببقاش فاضي ولا ليها ولا لغيرها
صفاء : يحوستي وتضحك البلد علينا تبقي فرعون بيهيبتك وجبروتك ومعندكش حتت عيل يشيل اسمك والناس تاكل في لحمك
فرعون : بقولك اي ي حجة لما اعوز اتجوز هقولك
ولقي تليفونه رن
عادل: ايوا ي فرعون احنا وصلنا لبيت البت اسمها نور
فرعون : اطلع علي صاحب العمارة ونفذ
كلامي
عادل : تمام ي باشا
عادل طلع لصاحب العمارة
حمدي : اهلا وسهلا خير يباشا
عادل : الشقه اللي في الدور التالت محتاجها
حمدي: بس فيها ناس مأجرينها و…
عادل بمقاطعه: وانا عاوزها مش للايجار لاء للشراء
حمدي بفرح : بس هتبقي غاليه اوي عليك بلاشها
عادل : ها كام
حمدي: مليون الا ربع
عادل : مليون من عندي وتكون خلال ٢٤ ساعه متسجلة بالاسم ليا
حمدي: بس كدا عنيا ليك اصلا من يومهم والسكان دول فقر ومعاملتهم زفت
عادل : خلاص انا مبحبش الكلام كتير بكرة تكون الشقه ملك ليا فاهم وسابه ونزل
حمدي طلع جري علي الشقه وخبط
عفاف: حاضر حاضر
حمدي: بقولك اي انتي وبنتك الشقه تتخلي النهاردة مش هستحمل اكتر من كدا يلا شوفلكوا داهيه غير هنا
نور : ازاي بس ي عمي حمدي هنروح فين وهنودي حاجتنا فين احنا ملناش مكان غير هنا
حمدي: في واحد عرض عليا مبلغ كويس وطالب الشقه
عفاف: بس من الأصول تعرفنا قبلها بكتير ي استاذ حمدي مش تطلب مننا نخلي البيت من يوم وليله
حمدي: أصول اي يا ام أصول هو انتوا تعرفوا اصلا حاجة عن الاصول اخلصوا بدل ما اجيب البوليس
ونزل تحت
عفاف بعياط : ابوكي من ساعه ما مات والدنيا جاية عليا اوي والحمل زاد
نور : الصبح انا هتكلم مع صاحب الشقه يمكن يكون كويس وناخد فترة نشوف شقه
غيرها او نأجرها منه
عفاف : مش هيرضي انتي مشوفتيش لهفه حمدي الكلب علي الفلوس ازاي
نور : متقلقيش ي ست الكل كل حاجة هتتحل
صفاء لرامي : تسلم ايدك
رامي : كله بتمنه بس مش حرام عليكي تموتي البت وعيالها فرعون لو عرف هيطربق الدنيا علي دماغنا
صفاء: والله كل واحد يخاف علي نفسه بقي
رامي: من يومك ومبعرفش اسلك معاكي في كلمه يعني انا اخاف علي نفسي حاضر ي صفاء هانم
صفاء: عوزين نشوف عروسة لفرعون
بس تكون خبيثة تجيب العيل
وناخد انا وهي كل اللي وراه كله
رامي: لو مكنتيش خالتي كنت انا بلغت فيكي
صفاء: امك رميتك وانت حتة لحمة ي حبيبي وانا اللي ربيتك
رامي: ربتيني تربية سوء طالع زي خالتي
صفاء: مالها خالتك ي عنيا تمشي في اجدها مكان تقول اتهدي ي ارض ما عليكي قدي
عدي الليل ونور وعفاف منموش من القلق
الصبح جت عربية واقفه قدام العمارة ونزل منها عادل
عادل : ها السكان مشيوا
حمدي: اكيد انا هطلع اشوفهم اهو
بعد شوية حمدي ماسك نور من دراعها وعفاف بالأيد التانيه وبيرميهم برا العمارة قدام الناس كلها
عفاف : لو سمحت ممكن تسيب لينا وقت نشوف مكان غيره
عادل بغرور: معنديش وقت ي حجة
نور بترجي: طب احنا ملناش مكان ومنعرفش غير المكان دا
عادل : متتكلميش كتير
عفاف: طب ناخد منها إيجار حتي والله مفيش حل عندنا واحنا نعمله
نور : طب استني علينا يومين بس والنبي
عادل: دي أوامر ولازم تتنفذ
عفاف: طب احنا ممكن نكلم اللي أمرك ونتفاهم معاه يمكن يقول استنوا يومين نشوف مكان
نور : انا هاجي معاك واكلمه
عادل: تمام تعالي
عفاف: هاجي معاكي
عادل: لاء خليكي هي اللي هتيجي
نور:متقلقيش ي ماما انا مش هتأخر هرجع علي طول
فعلا عادل خد نور وطلع علي قصر الرعب قصر فرعون
عادل : ادخلي
نور: ينهر جمال القصر شكله تحفه من برا
عادل : انجزي ورايا
دخلت اتخنقت اترعبت من شكل القصر من جوا كله شكله يخوف
نور : ي ماما هو انا دخلت المقابر ولا اي
فرعون بصوت عالي : ايوا انتي في المقابر بس حية مموتيش
نور بصدمه لعادل: مين اللي جاب البتاع دا هنا
عادل : دا فرعون صاحب الشقه اللي انتوا فيها
نور : مش ممكن
فرعون : انا هرميكي رمية الكلاب انتي وامك عشان تعرفي تتعاملي مع أسيادك بعد كدا ازاي
نور : انا عاوزة امشي من هنا وشقتك خلاص ٢٤ ساعه هتكون فاضية مش عاوزة حاجة منك
فرعون : ههههههه دخول الحمام مش زي خروجه
نور: تقصد اي
فرعون: لازم اخد حقي منك الاول
نور: منا قولتلك اهو هغور من وشك
فرعون شاور لعادل يخرج
نور بتردد: ي عم أقف خودني معاك
فرعون وهو بيقفل الباب وبيفك زراير القميص بتاعه
نور برعب : انت انت هتعمل اي
فرعون بخبث: ولا حاجة هاخد اعز ما تملكي عشان بعد كدا تشوفيني تترمي تحت رجلي
نور حاولت تخرج لكن فرعون كان متحكم فيها و……..
رواية طفلة هزت كيان فرعون الحلقة الرابعة
😘😘
نور حاولت تخرج لكن فرعون كان متحكم فيها ومسك دراعها
فرعون: متخلقش اللي يطول لسانه عليا
نور بغيظ وخوف: وانت لو راجل مش هتستضعف واحدة زايي وتاخد الشقه منها وتتهجم عليها
فرعون : انا اعمل اللي عاوزة محدش يحاسبني
نور وهي بتجري: اللي زيك لازم يتمسحوا من علي وش الارض
فرعون واقف مكانه : مهما تجري وتحاولي تهربي مش هتعرفي غيرك كان اشطر
نور وقفت قصاده بكل قوتها: لو كنت اعرف ان شغلي في الكافيه هيخليني اقابلك مكنتش روحت هنا بس انت بتستخدم نفوذك وقوتك علينا احنا الغلابة
فرعون : اخرسي بقي عشان متندميش ورماها علي الارض
نور بوجع: أهلي هيحاسبوك علي كدا
فرعون : هههههههه اهلك بجد هما فين
اخوكي اللي ملوش كبير ولا له لازمه واللي عاطل
ولا امك اللي بقت رجليها والقبر
نور حست بإهانه كبيرة : ما انت نفوذك عمتك عن حقيقتك اكيد الاول مكنتش ولا حاجة ولا هتبقي حاجة طول ما انت كدا
فرعون خدها كف محترم علي وشها
ونزل لمستواها: تعرفي انتي لسانك طويل ومراتي مكنتش تقدر تقيم عنيها فيا اللي كانت بتترعب مني
ولا الناس اللي في البلد لما تعرف إن فرعون ماشي فيها بتهرب من قدامي تيجي انتي حتت واحدة لسه متطلعتيش علي وش الدنيا تردي عليا الكلمة بكلمه
نور : جرب امشي وسط الناس وانت متمتلكش قوتك ونفوذك هياكلوك عشان اكيد ظلمتهم لدرجة انهم بيهربوا منك لكن مش خوف منك كشخصك
فرعون : انتي هتحققي معايا يروح امك
نور بغضب: متجيش سيرة امي علي لسانك الزفر دا
فرعون خبطها كف كمان ونزل وسابها فوق
صفاء: انت ي ابني
فرعون غضبان : نعم .
صفاء: مين اللي جبتها فوق دي
فرعون نظر ليها بعيون غيظ : من امتي وانتي بتسالي علي حاجة
صفاء بخوف: لا لا مفيش ي حبيبي ولا كإني اتكلمت
******إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا💞»
عفاف فضلت قلقانه علي نور مرجعتش وسمعت صوت جريت تشوف مين لقت عصام
عصام : هو انتوا مفكرين انكوا طلعتوني برا يبقي مش جاي تاني
عفاف: اختك ي ابني طلعت من الصبح ومجتش
عصام : هتلاقيها علي حل شعرها
عفاف: قطع لسانك دي كانت مع الراجل اللي اشتري الشقه وراحت عنده عشان تحاول معاه يسيب لينا وقت نعزل ونشوف غيرها
عصام: اعمل اي يعني
عفاف بحزن: تعالي معايا نروح ليهم
بعد محاولات من عفاف لعصام للذهاب معاها وافق
عصام : المكان فين
عفاف: معرفش بس اللي اعرفه ان عادل اكيد سايب عنوانه مع حمدي بتاع الشقه
عصام : طيب هسأله حاضر
عفاف: يلا يا ابني ربنا يهديك
وفعلا عرفوا العنوان من حمدي وطلع عنوان قصر فرعون
بقلم مروة موسي
دخلوا القصر واتخضوا من منظره
عفاف : بسم الله الرحمن الرحيم هو البيت دا محدش موجود فيه ولا اي
عصام : دا مكتوم ومقفول ومفيش ولا شباك ولا ستارة مفتوحين
عادل : اهلا بيكوا خير
عفاف: بنتي ي فندم مرجعتش
عادل : اها هي مع الباشا موجودة
عصام:طب عاوزينها ومش عاوزين حاجة وهنفضي الشقه وهنمشي
فرعون من فوق وهو نازل بكل جبروته وشموخه : بنتكوا مين
اه تقصدوا اللي اسمها نور
عفاف: ايوا هي جت ليك عشان تترجاك تصبر علينا في الشقه ومن ساعتها مرجعتش
فرعون وهو قاعد : اللي بيدخل القصر دا بيبقي بتاعي
عفاف وعصام : يعني اي
فرعون : يعنوا تنسوا ان ليكوا بنت اسمها نور اصلا
عصام : انت سامع نفسك بتقول أي انا هبلغ الشرطة
فرعون : الباب يفوت جمل يلا برا
وطلعوا طبعا بعد عياط كتير من
عفاف في الطريق
عصام : والله تستاهل البت نور دي اصلا رخمة ومش بطقها
عفاف بعياط : دي اختك يبني حرام عليك
انت هتعمل اي في الوقعه الهباب دي شكله واصل اوي الراجل دا
عصام ببرود : ولا حاجة هبلغ البوليس وهما يتصرفوا
وفعلا بلغ الشرطة وتاني يوم الشرطة كانت في قصر فرعون
ومعاهم عفاف وعصام
فرعون : خير في حاجة
الظابط : لا مفيش ي باشا والله معرفش أن الواد دا (عصام) هيجيبنا لهنا اسف ي باشا
عصام : انت جاي تجيب حقنا ولا جاي تخاف هنا
فرعون : طيب يلا لم الناس دي واتكل علي الله
وفعلا ذهبت الشرطة من المكان
عفاف: يباشا احنا معملناش حاجة عشان تاخد البت عندك
عصام : انت …
فرعون قام من مكانه واتكلم بفحيح الافاعي: انت اللي تسمعني عشان مرمكش ورا الشمس
انا هنا محدش يقدر يقولي لاء علي حاجة ومش بتهدد وانا سايبك من امبارح تتكلم وساكت واقدر احبسك حالا بقضية متطلعش منها لكن انك تعمل راسك برأس فرعون دي محصلتش ومش هتحصل فاهمني يعاطل
عصام خاف من كلامه ومن نظراته خصوصا انه متمكن: ف فا هم
نور من فوق : ماما ونزلت جري
فرعون مسكها من ايديها قبل ما تروح لعفاف : اقفي هنا
نور : سبني ارجوك بقي
عفاف : احنا معملناش حاجة ليك ولو علي الشقه هنسيبها حالا بس سيبنا وسيب بنتي ترجع معايا
فرعون : اتكلوا علي الله والشقه طول ما البت دي هنا اقعدوا فيها
عادل : يلا برا بالذوق بقي عشان منرميش حد فيكوا برا
نور بدموع : ماما متسبنيش عصام اتصرف
عصام : انا هتصرف اكيد في حل
فرعون بخبث: تبيع اختك الليلة دي بكام
نور بصدمه
فرعون الحلقة الخامسة
فرعون بخبث: تبيع اختك الليلة دي بكام
نور بصدمه ونظرت لعصام لانه كلب فلوس وممكن يبيع اخته فعلا
عفاف بصدمه : يعني اي
عادل بابتسامه علي جمب : يعني الباشا يقضي معاها الليلة دي بكام
عفاف بتحط ايديها علي قلبها وبتصرخ: بنتي
فرعون : ها هتسعروها ولا اسعرها انا
عصام بطمع: اللي انت شايفه
نور انصدمت من اخوها وكذلك عفاف هما عارفين انه كلب فلوس بس مش لدرجة اخته
فرعون: ٥٠ الف حلو ليكوا وهي والفلوس هتكون في بيتكوا بكرة وأمر عادل بأنه يخرجهم
وخرجوا بالعافيه وعصام الفلوس عمت عيونه وخايف من تهديد فرعون له
صفاء: سمعت وشوفت اللي انا شوفته
رامي: ايوا ي خالتي سمعت بس البت طيبة شكلها وأمها مش عارفه تعمل اي
صفاء: احنا هنصطاد في الماية العكرة ي حبيب خالتك
بدل ما يقضي ليله معاها تبقي اكتر
رامي: البت شكلها عجبتك
صفاء: اهي اللي زي دي ملهاش ولا سند ولا حد يقف لينا علي حاجة لها
فرعون سحب نور لحد جناحة
نور جسمها بيترعش والدموع في عنيها: ابوس ايدك سبني والله مش هقف في طريقك تاني
فرعون وهو بيصب خمرة : مهو دا علام ليكي عشان تفضلي فكراني ومتنسيش فرعون وجبروته
نور اترمت تحت رجله : هتدمرني وترتاح بعد كدا صح
لكن بعد النهاردة كدا هكون بموت بالبطئ
فرعون نزل لمستواها وحط عيونه في عيونها وهي خافت من نظراته : دا المطلوب اني اموتك بالبطئ عشان فكرتي بس تقفي في طريقي
مد لها كأس من الخمر لتشربه
نور بكل قوتها مسكته ورمته في وشه وجريت لكن هو كان اسرع منها مسكها من شعرها
فرعون بغضب: الظاهر ان الكلام مش نافع معاكي وضربها جامد لحد ما بقت شبه مغمي عليها وفمها ينزف بالدماء ومبقتش حاسه بنفسها خالص
صفاء: سامع ي واد ي زفت شكل فرعون زهق
رامي: انا قلبي وجعني علي البت دي اوي
صفاء: ألف سلامه من وجع قلب يخويا وجعك من اي علي اساس اول واحدة تيجي هنا كان متجوز وبيدخل حريم قدام عيون مراته البيت
رامي: مش عارف بس حاسس اني عارف البت دي
صفاء: عارفها منين بس اسكت انت وخلينا نفكر في حاجة تفضل معانا هنا وتساعدنا في موضوع فرعون
رامي: دي بعد الليلة اللي هيقضيها معاها دي هتكون عاوزة تنتقم منه وتشفي غليلها منه ومش هيكفيها انها تخسره فلوسه
صفاء: جدع عشان كدا مش عاوزين نضيعها من ايدينا ونستغل الفرصة
رامي: اللي عاوز اعرفه فرعون شغال اي
صفاء: دي الحاجة اللي عاوزة اعرفها بردوا محدش يعرف عن فرعون حاجة خالص ولا يقدر حد يعرف حاجة
رامي: طيب يلا ننام تصبحي علي خير
عفاف طول الطريق تصرخ موجوعه علي بنتها وتدعي علي عصام ورفضت انه يدخل البيت ورمت كل حاجة تخصه علي السلم
عدي الليل ونور بدأت تحس بنفسها لقت نفسها علي سرير خافت خافت علي نفسها وخافت تفتح عيونها تلاقي نفسها في وضع مش كويس لكن كانت لا حول ولا قوة بها
استجمعت قوتها وفتحت عيونها لقت نفسها بدون ملابس والملاية عليها قعدت وغطت نفسها والدموع من عيونها جفت ووجدت بعض قطرات الدماء علي الفراش
حست انها كدا خلاص فرعون ساب بصمته عليها والبصمة دي عار ليها
لقت فرعون طالع من الحمام وبينشف شعره ووقف قدام المراية يكمل لبسه وسرح شعره وكان بيصفر في الغرفة ووقف قدامها وكانت شبه سرحانه في موقفها ورمي علي وشها فلوس ونزل وسابها
البريئة فضلت كتير لحد ما فاقت من سرحانها وانهارت وحاولت تقوم تلبس ولبست بالعافية وبتحاول تقف علي رجليها شبه مشلولة وبتنزل لكن فقدت الوعي ووقعت من علي السلم
صفاء كانت قاعدة تحت : يالهوي الحقوني حد يلحقني
الخدم كلها جريت عليها : وحاولت تشيلها
رامي: انا هطلب دكتور
صفاء بذكاء :لاء علي المستشفي
رامي : بس دي ….
صفاء بمقاطعه: هتفهم بعدين
وخدوها علي المستشفي وصفاء اتصلت بفرعون
فرعون : ايوا خير
صفاء : خير ي ابني انا لقيت بس واحدة معرفهاش نازلة من فوق ووقعت من علي السلم وهي حالا في المستشفي
فرعون بغضب: انتوا مين اللي خلاكوا تعملوا كدا انا هولع فيكوا كلكوا وقفل السكة
اتصل بعادل وكلمه وقاله يجيله علي المستشفي
فرعون طلع علي المستشفي دخل وسأل علي الاسم وطلع ليها ولقي رامي واتنين من الخدم معاه ومكنتش صفاء معاهم لأنها فاهمه هي بتعمل اي
فرعون: رامي انت اللي جبتها هنا
رامي : لاء يباشا دا صفاء هانم اللي أمرتني بكدا
فرعون : طول عمرك دلدول ليها اخفي امشي وخود الاتنين دول معاك
عادل طلع له واداله ورقه ولقي الدكتور خارج
فرعون : هتخرج امتي
الدكتور : دي حالة لازم يبلغ عنها البوليس لأنها منهارة ومفيش اي مهدأ جايب نتيجة ومن كلامها بتقول اغتصبني اغتصبني وبتعيط وهتموت مننا
فرعون مسك الدكتور من هدومه و.. ….
تعليقات
إرسال تعليق