 |
بقلم نهي الحفناوي
الفصل التانى&التالت& الرابع
كامله على مدونة النجم المتوهج للروايات
"الفصل التانى"
*فى بيت عاطف*
"سبوع نغم"
_ اسمعى كلام أمك ومتسمعيش كلام أبوكى، اسمع كلام أمك ومتسمعيش كلام أبوكى
*عاطف شاف أحمد واقف زعلان*
عاطف: مالك يا إحمد واقف زعلان ليه
أحمد: علشان هما بيقولوا لنغم تسمع كلام الناس تلها ومش راضى حد يقول تسمع كلام أحمد
عاطف: بس كدا تعالى معايا، ايوة اقعد هنا بقى على الكرسى وأنا أجبهالك بحالها تسمع كلامك
* أحمد ضحك وعاطف راح جاب نغم وحطها على رِجل أحمد، اضحك بقى يا عم أحمدعلشان أصورك معاها*
أحمد: الله الكاميرا حلوة علمنى عليها ياعمو عاطف علشان أقعد أتصور كتير انا ونغم
عاطف: ماشى وانا موافق اعتبر الكاميرا بتاعتك، ومش كدا بس الصور الى تصورها تبقى هاتها وأنا أحمضهالك
أحمد: وأنا مش هكسرها ومش هخلى حد يلعب بيها
"بعد مرور سبع سنين"
نغم: أحمد عاوزة ألعب معاك كورة
أحمد: مينفعش يانغم البنات مش بتلعب كورة، هو انت ولد، روحى العبى مع صحابك
نغم: مش راضين يلعبونى معاهم،علشان ضيعت العروسة بتاعتى وهما لازم يخلوا كل حد يبعب يكون عنده عروسة
عمر: يلا يا أحمد شوط انت هتفضل تتكلم هنخسر
اخلص
أحمد: بصى يانغم أقولك فكرة علشان متبقيش لوحدك وتزهقى اقعدى سقفى وشجعينى علشان أجيب جون
نغم: يعنى بردو مش فاهمة أقول ايه
أحمد: مش عارف يانغم قولى أى حاجه بقى وروحى بقى علشان العب
نغم: أحمد هات جون،يا أحمد هات جون
* أحمد وقع،ونغم طلعت تجرى عليه والعيال الى بيلعبوا معاه*
نغم: معلش معلش
أحمد: متخافيش مفيش حاجه انت بتعيطى ليه
نغم: علشان رجلك بتجيب دم كتير
عمر*صاحب أحمد*: قوم يلا روح وانا كمان مش هلعب هجى معاك
أحمد: انا خايف اروح ماما تزعق،علشان قالتلى متلعبش كورة وانا مسمعتش الكلام
نغم: هقولها انا الى وقعتك علشان متزعقلش
أحمد: لا متقوليش كدا علشان عمو عاطف ميضربكيش
عمر: احنا نروح الصيدليه عند بابا وهو يعملهالك يلا بينا
* فى الصيدلية*
عمر: بابا تعال شوف أحمد علشان واحنا بنلعب وقع
الدكتور ماهر: ورينى كدا، مش تحاسب يا أحمد، بس مين الكتكوتة الى بتعيط دى
أحمد: خلاص يا نغم اسكتى قولتلك مفيش حاجة
الدكتور ماهر: انت بتعيطى ليه هو هيبقى كويس خلاص احنا حطينا شاش وقطن والموضوع خلص
نغم: يعنى أحمد مش هيموت ياعمو
* الدكتور ضحك* لا مش هيموت ياعمو متخافيش
عمر: شكرا يابابا احنا هنمشى بقى
الدكتور ماهر: خلوا بالكوا من نفسكوا
* فى الشارع*
عمر: اوعى كدا انت ماشية معانا ليه يلا روحى العبى مع البنات، وملكيش دعوة بصاحبى تانى
أحمد: بس ياعمر متقولش كدا نغم صحبتنا متقولش كدا
عمر: لا انت لو مكنتش بتبصلها وانت بتلعب مكنتش وقعت وخسرنا، انا اصلا مش بحب البت دى
* نغم بتعيط* انا مش عملت حاجة يا أحمد انا كنت بشجعك زى ما قولتلى
أحمد: خلاص متعتيطيش
نغم: انت هتخاصمنى ومش هتخلينى ألعب معاك
أحمد: متخافيش، ويلا اطلعى بقى علشان مامتك متقلقش عليكى
*نغم طلعت بيتها وعمر طلع البيت مع أحمد*
ليلى"أم أحمد": فى ايه مانتوا متجوش كدا مع بعض غير لما تبقوا عملين مصيبة خير يا أستاذ أحمد، ومخبى رجلك كدا ليه، ورينى
أحمد: مفيش يا ماما،اوعى كدا أاااااااه بتوجعينى
ليلى : كورة تانى يا أحمد انا مش قولت بلاش زفت كورة تانى
عمر: معلش يا طنط هدى كنا بنلعب ونغ * أحمد وقف عمر علشان ميتكلمش*
هدى: انا عارفة انت مش هتسكت غير لما أخد الكورة دى واقطعها وارميها،كام مرة قولتلك كورة لا * دخلت جابت السكينة وبوظت الكورة*، يلا اتفضل ادخل على أوضتك
* أحمد دخل الأوضة بيعيط وعمر دخل معاه*
عمر: معلش يا أحمد متزعلش هخلى بابا يجيبلى واحدة وأقوله انى ضيعتها وأديهالك متزعلش، كل من الزفته الى اسمها نغم
أحمد: متشتمهاش يا عمر
* أحمد وعمر طلعوا يقفوا فى البلكونة، ولقوا نغم واقفة بتبص على بلكونة أحمد*
عمر: يارب تكونى مبسوطة يانغم،طنط هدى قطعت الكورة لأحمد، وأحمد زعلان
نغم: معلش يا أحمد هخلى بابا يجبلك واحدة مش تزعل
*عاطف أبو نغم بينده عليها، دخلت وقفلت البلكونة،*
عاطف: ازيك ياحلوة عاملة ايه،سمعتى كلام ماما ولا دوختيها
هدى: هى طلعو من الشارع غير دلوقت الأستاذة ليل نهار شبطانة وبتلعب فى الشارع
علطف: تلعب براحتها ياستى، اتفضلى ياست نغم جبتلك الحلويات الى بتحبيها والچيلى كولا
نغم: جبت مصاصة بالفراولة
عاطف: أيوة ياستى وجبت اتنين كمان زى ماقولتى
واحدة ليكى وواحدة لماما
نغم: لا يابابا دى لأحمد هو بيحبها
عاطف: ماشى ياستى،المهم دلوقت انا قررت أجبلك عروسة بدل الى ضيعتيها وعلشان تلعبى بيها فى العيد
نغم: انا مش عاوزة عروسة ينفع أغير يابابا
عاطف: ينفع طبعا بس انت بتحبى العرايس وكنتى بتعيطى علشان أجبلك واحدة
نغم: ايوة بس انا مش عاوزة عروسة، انا عاوزة كورة
عاطف: بس الكورة للولاد يانغم
نغم: وفى بنات بتلعب كورة ياباباانا عاوزة كورة
عاطف: زى ماتحبى ياستى انت الى هتلعبى مش أنا
* فى بيت أحمد*
عبير: يابابا لو سمحت أنا عاوز أشتكيلك من أحمد
على: عمل ايه أحمد
عبير:مش بيرضى يدينى الفلوس بتاعتى وبياخد مصروفى كل مرة وبيقولى وقع منى،وأقوله هات أمسكة يقولى لا انا الراجل
على: صح الكلام دا يا أحمد * أحمد بص فى الأرض ووشه احمر ومكسوف* أنا أسف يابابا
على: ليه كدا يا أحمد ياحبيبى هو أنا حَرمك من حاجة،ليه مش بتدى أختك مصروفها
أحمد: بصراحة يابابا أنا بحوش علشان العيد،
على:طب ما أنا بديك مصروف فى العيد
أحمد: انا اسف يابابا
على: متعملش كدا تانى يا أحمد علشان المرة الجاية هتتعاقب واتفضل روح على أوضتك هات الفلوس الى أخدتها من أختك
* أحمد دخل الأ ضة مضايق وجاب الفلوس، اتفضل يابابا، ودخل الأوضة تانى*
أحمد: بيكلم نفسة "كدا مش هعرف أشتريها أعمل إيه"
* على دخل عليه الأوضة لقاه مضايق"
على: اولا انت مشيت قبل ماقولك امشى،ثانيا الى انت عملته دا صح،ينفع تاخد فلوس مش فلوسك
احمد: انا قولت اسف
على: وعلشان انت اعترفت بغلطك هات الى انت عاوز تجيبة الفلوس اهى بس متكررهاش،
*أحمد باس أبوة وقاله، شكرا يا أحسن أب فى الدنيا *
*يوم العيد*
عمر: انت رايح فين يا أحمد استنى هجى معاك، وايه الفلوس دى كلها أكيد هتجيب كورة ومسدس طلق
احمد: لا هجيب عروسة لنغم،ومش عاوزك تقول لحد دا سر بينا
عمر: عروسة ايه انت اهبل تعالى نشترى كورة بدل الى باظت ونجيب كاكولا وحجات حلوة
احمد: انا قولتلها هجبلها عروسة وبابا قالى مفيش راجل بيرجع فى كلامه يلا بقى قبل محد ياخدها
* عمر وأحمد راحوا المحل يشتروا العروسة*
صاحب المحل: اجيب مسدي طلق ولا بندقيه
عمر: عاوزين عروسة
* صاحب المحل ضحك،بس انتوا صغيرين على العروسة،مش اما تكبروا الأول *
عمر: لا ياعمو صاحبى احمد قصد على ة العروسة الى متعلقة دى
صاحب المحل: بس العروسة دى للبنات انتوا عاوزينها ليه
أحمد: احنا عاوزينها اتفضل الفلوس اهى
صاحب المحل: فاضل خمسة جنية
أحمد: مش معايا غير دول * احمد بص لعمر*
عمر: لا احنا هنجيب بمصروفى شبسى وكاكولا
احمد: مش احنا صحاب وانت لازم تساعد صاحبك
عمر: اتفضل ياعم
صاحب المحل: اتفضلوا العروسة أهى
* احمد وعمر مشيوا من المحل وشافوا نغم جاية من بعيد *
عمر: الرخمة جات أهى
احمد: متقولش كدا علشان متزعلش
نغم: غمض عينك انا عملالك مفجأة يا أحمد.
احمد: مفجأة ايه
نغم: غمض بس
عمر: غمض ياعم اما نشوفها جايبة ايه
نغم: امسك
* احمد فرح، الله كورة بس انت جبتيها منين*
نغم: قولت لبابا انا مش عاوزة عروسة، أنا عاوزة كورة وهو وافق،بس ايه الكيس الكبير الى فى إيدك دا
احمد: وانا كمان عملتلك مفجأة، امسكى جبتلك عروسة بدل الى ضاعت خلى بالك منها بقى ومتضيعهاش،
نغم: انا فرحانة دى أحلى من بتاعتى انا مش هضيعها ومش هخلى حد يلعب بيها
عمر: يلا ياعم علشان نلحق سباق العَجل،روح هات عجلتك ويلا
نغم: هو انت هتسوق عجلة يا أحمد، ينفع أجى معاك
عمر: هو انتى كل حاجه تشيطى زى العيال الصغيرة،لا مينفعش،علشان انت معندكيش عَجلة،وبلا روحى العبى بقى * نغم مشيت زعلانة*
احمد: تعالى يانغم
عمر: تيجى فين معندهاش عجلة
أحمد: هتركب ورايا
عمر: كدا هتخسر، واحنا الاتنين أسرع ناس وبنفوز دايما
احمد: مش مشكله،المهم نغم متزعلش،انا اتفقت مع عمو عاطف انى أخلى بالى منها ومش هخليها تعيط ولا تزعل
عمر: انت رخمة
نغم: انت الى رخم ومتشتمش
عمر: لبانة لازقة
نغم: ابو شعر منكوش
احمد: خلاص انتوا الاتنين علشان منتأخرش على السباق
* فى السباق*
كله راكب عجلته، وأحمد واخد نغم وراه واستعدوا والكل بيسابق، أحمد أول واحد وبعده عمر، وقبل خط النهاية بشويه،نغم عروستها وقعت ونطتت علشان تجبها، ووقعت،واحمد وقف علشان يشوف نغم
نغم: روح انت علشان تكسب مفضلش غير شويه روح
عمر: يلا يا احمد يلا هنخسر
نغم: علشان خاطرى روح لازم تكسب
* احمد استنى نغم على ماجابت العروسة بتاعتها، وركبت وراه وسابق،بس بقى فى المركز التالت وعمر الأول*
عمر: مش قولتلك اللبانة دى هتخسرنا انت مش بتسمع الكلام
احمد: مش مشكلة انت الأول يعنى محدش كسبنا
عمر: كان فاضل شوية وزياد يجيبك وسعتها كنت هضرب اللبانة دى
احمد: خلاص ياعمر، انت كويسة يانغم
نغم: اه بس انا قولتلك انى هاخد بالى من العروسة،ولما وقعت منى نزلت اجبها علشان محدش يدوس عليها وتتكسر
احمد: مش مشكلة المهم انت كويسة، بس نفَضى هدومك من التراب علشان طنط هدى متزعقلكيش
*استلموا الجوايز ، واتصورا واحمد اتصور هو ونغم، وهو وعمر*
* فى بيت عاطف، على وهدى والعيال بيعيدوا عندهم*
على: كل سنة وانت طيب يا عاطف،
عاطف: وانت طيب ياعلى، كنت عاوزك فى موضوع
على: موضوع ايه
عاطف: جاتلى إيعارة برة مصر وهسافر،اهو ألحق اعمل قرشين فى الوقت دا
على: ليه كدا،ماكلنا مع بعض، انا مقدرش اقف فى طريقك بس يعز علينا فراقكوا
عاطف: وانا والله بس هعمل ايه، ان شاءالله احاول انزل كل أجازة،ولو معرفتش يبقى خير بس انت أكيد متتنسيش ياعلى
على: ربنا يوفقك ياعطف
* أحمد قاعد زعلان*
عاطف: مالك يا احمد زعلان ليه مش بتاكل شيكولاته ليه انت زعلان
احمد: هو انت هتسافر بجد
عاطف: ايوة يا احمد
احمد: وهتاخد طنط هدى ونغم
عاطف: اه مينفعش أسيبهم
احمد: طب مين هيخاد باله منهم وانت فى الشغل
هدى: قوله يا احمد قوله
احمد:ينفع تخليهم وانا هاخد بالى منهم واجبلهم كل حاحة،وهخلى بالى من نغم وأوديها المدرسة معايا ومش هخلى حد يضربها
عاطف:مش هينفع يا أحمد، بس متخافش هننزل كل اجازة
* فى المطار*
* سلموا على بعض*
أحمد: مع السلامة يانغم،خلى بالك من نفسك
نغم: وانت كمان ومتلعبش كورة كتير علشان متتعورش،وانا هخلى العروسة معايا وهنيمها جنبى
احمد: انا هصوركوا قبل متمشى
نغم: يلا وانا موافقة
*احمد صورهم، وصور صورة لنغم
احمد:عمو عاطف صورنى انا ونغم
عاطف: حاضر ياعم،احمد خلى بالك من الكاميرا بتاعتى اوعى حد ياخدها منك
.على: يلا ياعاطف احسن تتأخر على ميعاد الطيارة، مع السلامة
*بعد مرور عشر سنوات*
عمر بيخبط على باب احمد
ليلى: اتفضل ياعمر يالى عامل دوشة، بجهزلكوا الفطار اهوا تروحوا تصلوا العيد وتيجوا على طول
عمر: الاستاذ طبعا صاحى وواقف فى البلكونة، انا داخل اشوفه
*عمر دخل لقى احمد واقف بيبص على بلكونة نغم*
عمر: انت ياعم الرومانسى،يلا علشان منتأخرش على صلاة العيد، امك مجهزة الفطار يلا،وطبعا علشان نروح مشوار العروسة بتاع كل عيد
احمد: دا اهم منك انت شخصيا
* صلوا العيد، وراحوا المحل اشتروا العروسة*
عمر: طبعا هاخد البلوة دى اعينها عندى
احمد: اكيد مش محتاجة كلام، كفايه المرة الى فاتت امى قفشتنى وافتكرتنى متوحد وقولتلها انى جايبها لهنا بنت اختى عبير علشان تسكت
عمر: انت تحب وانا أشيل، ماشى ياعم الله يسهله
أحمد: تفتكر ياعمر نغم دلوقت شكلها دلوقت عامل ازاى
عمر: انت محولتش تبحث على صفحتها على الفيس
احمد: انت اهبل اكيد طبعا، بس المشكلة فيه كتير ومش عارف الاقيها، ياترى ممكن تكون فكرانى
عمر: حلو حب الطفولة دا، اشمعنى أنا كنت معجب بواحدة كل اما تشوفنى تقولى تبدل ساندوتش البانية بااتنين حلاوة
* احمد ضحك وقاله يلا ياعم احسن امى هتقلق دلوقت وتقول رحنا فين يلا*
احمد: ماما معلش هاتى الفطار فى البلكونة
* احمد وعمر واقفين لاقوا فى ناس بتنضف بيت نغم*
احمد: ماااامااا يا مااما
هدى: يابنى بعمل الفطار اهو اصبر شويه
عمر: ايه ياعم فى ايه
احمد: استنى بس، هو ايه دا ياماما والناس دى يتعمل ايه عند عم عاطف هو فى حد اشترى البيت
هدى: اه لنا نسيت أقولك، عمك عاطف كلم أبوك وقاله انه جاى العيد دا، وانا مس هقدر انضف البيت فبعت ناس تنضفه
احمد: انت بتكلمى بجد ولا زى كل عيد،ماهوا كل مرة بيقولوا هينزلوا ومش بينزلوا
هدى: ادينا نضفنا البيت جم جم،مجوش يبقى خلاص
________________________________________
الفصل التالت
#أسميتها_نغم
عمر: انت هتفضل كدا واقف تبص على البلكونة، بتقولك ممكن يجوا وممكن لا، يلا ياعم ننزل الكافية، العيال مستنينا هناك
أحمد: لا أنا هنام كنت سهران امبارح ومطبق ساعة كدا ولا حاجة وبعدين ابقى رن عليا
عمر: خلاص ياعم انا هروح انام شويه وأجيلك
* عمر مشى وأحمد دخل نام*
أحمد: ايه الصوت دا، مين بيحدف طوب فى البلكونة * أحمد طلع البلكونة يشوف ايه، لقى نغم واقفة وعمالة تشاورله،*
نغم: ازيك يا أحمد عامل ايه
أحمد* بصلها واتصدم وابتسم وهو بيتكلم نغم عاملة ايه
نغم: انا كويسة
احمد: انا قولت مش هتفتكرينى
نغم: لا طبعا انا عمرى منسيتك والعروسة الى جبتهالى لسة معايا
أحمد: وانا كمان الكورة بتاعتك معايا استنى هدخل أجبهالك، عَينها فى حته محدش يعرف طريقها علشان محدش ياخدها هدخل أجبهالك أهو
= خالو يا خالو، اصحى ياخالو، خالو ياخالو
أحمد: نغم استنى بس
= يا خالو اصحى بقى * أحمد صحى من النوم *
احمد: ايه دا انتوا جيتوا
هنا: اه جينا علشان العيد
احمد: بدرى كدا، زيارة ولا إقامة
هنا: أقولك يا خالو بس متقولش انى قولت
أحمد: احكى ياسوسة
هنا: ماما اتخنقت مع بابا وقالتله انا عند بيت ابويا والى عاوزنى يجيلى
احمد: الله يعنى مطولين، وطبعا الحلوة أمك هتقولك عاوزة أوضتى علشان تاخد راحتها
هنا: أنا ماليش دعوة فين عيديتى
احمد: عيدية ايه داانت معاكى فلوس أكتر منى دا انتى الى تدينى العدية.
هَنا: بجد ياخالو يعنى انت كمان عاوز عيدية زينا كدا ياحرام علشان مش معاك فلوس
أحمد: عيدية ايه دا أنا عاوز قرض، يلا قومى اما اشوف امك، هى الساعة كام دلوقت
هنا: مش عارفة
* أحمد بص فى الموبايل يالهوى الساعة ستة هقوم أشوف عمر وننزل الكافية، احمد طلع برة ولقى أختة قعدة مع أمة عمالة تتكلم*
أحمد: إزيك ياعبير عاملة ايه
عبير: الحمد لله ان شآءالله العيد الجاى تكون مع عروستك
أحمد: اه ادعيلى
عبير: طبعا عرفت انى هقضى كام يوم هنا
احمد: عرفت ياعبير اسلكى شوية دا جوزك غلبان انا مش عارف مستحملك ازاى الله يكون فى عونك يا معتز
عبير: شايفة ياماما ابنك بيقول ايه، إلا عُمرك مقولتلى كلمة فتحت نفسى
أحمد: وكلمة خسيتى الى هدخل بسببها النار دى إيه
عبير: انا عاوزة رقم الواى فاى قبل متنزل
أحمد: نسيته، روَحى معتز لسه شاحنة جديد
عبير: ماشى يا أحمد ومتنساش تبقى تروح الأوضة التانية علشان هنام فى أوضتى
أحمد: ماشى ياختى
* أحمد راح الكافيه ولقى عمر قاعد هناك بيلعب بليستيشن *
احمد: يتعمل ايه
عمر: بلعب باليه هاها ها
احمد: خفة يالا * احمد بيكلم عمر وعمر قاعد على بيلعب بليستيشن مع واحد ومركز*
عمر: تلعب
احمد: مابلاش علشان بتخسر
عمر: قوم اانت يا يوسف، اقعد يابرنس
احمد:*قعد يلعب وبيتكلم هو وعمر*: هنعمل ايه
عمر: فى ايه
أحمد: شوط يمين استنى، فى الشغل انت مش قولت هننزل شغل
عمر: ما قولتلك تعالى نشتغل مع ابويا فى الصيدلية مرضتش
أحمد: صيدلية ايه انا بتخنق من ريحة الأدوية أصلا،
عمر: عملت ايه فى موضوع الشركة
احمد: قدمت التصاميم بتاعتنا والصور ومستنى رد
عمر: مفيش اى مناسبة جديدة ولا حاجة،
احمد: خطوبتك بقى ان شاءالله
عمر: متفكرنيش احسن دى بتجى على السيرة
احمد: هتعمل ايه صحيح
عمر: ابويا رأسه والف سيف انى لازم اتجوزها وكل دا علشان ابوها الى خو جوز خالتى يدخل معاه شريك، وخالتى مش سيبا امى زن، ةامى مبتبطلش اتجوز بنت خالتك ملكش غير بت خالتك وحورات فكسانة،انا مش عارفة هما شايفين فيا ايه
احمد: وانت عاوز ايه
عمر: انا عاوز ابويا يغيرلى الاب توب فوافقت ان اروح اقرأ فاتحة
احمد: وهى وافقت عليك دا انت صايع ولسه مخلصتش كلية
عمر: ودا على اساس انى قاعد مع دحيح الدفعة انت نسيت اننا زمله ولا ايه
احمد: مش قصدى بس انا مروحتش اتقدمت لحد
عمر: ماانا كنت فاكر انها هترفض، لفيتها ماسكة فيا ومكلبشة،
احمد: انت بتحبها
عمر: مش عارف بصراحة، هى طيبة وكويسة وكل حاحة،بس عندها مشكلة واحدة
احمد: مشكلة ايه
عمر: عاوزانى أكلمها لوحدها
أحمد.ضحك: وحياة امك
عمر: دا غير ذكائها الى عدى ليڤل الوحش
احمد: انت بتتقل عليها كدا ليها
عمر: ياعم انا صايع ومش بتاع جواز ومش عاوز اشيل مسؤلية،وهما مصدقوا لقونى،
احمد: طب قابل ياعم جون،علشان لما أقولك هكسبك متتكلمش
عمر: الدراع بايظ
احمد: كل مرة تقول كدا
عمر: نلعب جيم كمان
احمد: لا أنا زهقت هروح بقى
عمر: مالك.كدا مش على بعضك انت لحقت، ولا شكل البلكونة هتتفتح المرة دى
احمد: تفتكر ياض ياعمر انها فكرانى وفاكرة ايام زمان، ولا شكلها نسيتنى ولا ايه
عمر: من حكم خبراتى السابقة احب أقولك انها هيكون عندها زهايمر ولا فكراك ولا فاكرة حاجة وكل دا كلام فاضى
احمد: وانت عرفت منين
عمر: بتنبأ يا أخى انت مش قولتلى أفكر
احمد: ممكن متشغلش مخك تانى وقوم يالا نروح
عمر: متنساش عندنا فرح بكرة علشان السيشن ياحلو، وانا اتفقت مع فريق تصميم علشان الديزاين وكدا كدا خلصت شغل الدعاوى بتاعت الفرح ويعتها للعريس
احمد: والله كنت نسيت
عمر: كنت عارف، وقوم بقى علشان الواد زياد الرخم جه أهو وهيتانح وانا وحياة امى هعوره
احمد: طب استنى علشان جاى يسلم علينا مينفعش نقوم استنى
زياد: ازيك يا احمد،ازيك يا زياد عاملين ايه
عمر: أحسن منك * احمد خبط عمر بالرجل وضحك لزياد وسلم عليه*
احمد: ازيك يا دكتور زياد عامل ايه
زياد: الحمد لله بخير اه صحيح انتوا فى سنة كام
عمر: ولا انت هتصيع، انت كل اما تشوفنا تقولنا انتوا فى سنة كام * بيتكلم وهو بيتعوج ببقه* اهدى كدا مالك،عِرفنا انك دكتور فى ايه
زياد: سورى يا عمر سورى يا احمد انت عارف ان الدكاترة بتنسى وكدا
احمد: اه الله يكون فى عونك يا دكتور معلش،احنا فى سنة تانية تجارة اه كليه الشعب زى ماهتقول، ومفروض نكون خلصنا من زمان بس احنا مستهترين ومش بنذاكر ادعلنا بقى
عمر: يلا يا احمد علشان متأخرين،اصل عندنا مذاكرة ماانت عارف يازياد لازم نذاكر علشان قسم العيون من مجموع عالى
زياد: انت بتتريق
عمر: فى ايه مالك انا تجارة وهتخصص عيون متخافش مش هقطع عليك،وبعدين احنا رجال اعمال لينا كرير مش بناخد المصروف من بابى
* أحمد واقف فطسان على روحة من الضحك وشد عمر ومشيوا وطلعوا برة الكافيه،وعمال يضحك*
احمد: يخربيتك كسفت الولا
عمر: عيل رخم وانا مش بطيقة من زمان كل اما يشوفنا انتوا فى سنة كام *بتكلم وهو بيتريق على طريقة زياد وهو بيسأل*
احمد: ماعنده حق يا عمر هو احنا مش هنذاكر بقى
عمر: انا عندى استعداد أفضى حمام سباحة بمعلقة بس مذاكرش
احمد: اهو زياد دا عنده حق ان كل اما يشوفنا يزل فينا
عمر: انا مش عارف انا ليه مدخلتش صيدلة كان زمانى ماسك صيدلية أبويا
احمد: صيدلة ايه انت هتصيع يالا، هو مجموعك دا يدخلك صيدلة
عمر: هما عشرين فى المية بس فى ايه وكنت لحقت صيدلة
احمد: طب يالا يا اخويا
عمر: وبعدين مش انت الى عاملتلى فيها نجيب ساوريس وقولتلى ندخل تجارة ياعمر، اقولك تجارة صعبة يا احمد تقولى هننجح ونفتح شركة، وخلتنى اتخيل انى سارى عربى
احمد: وانا كنت قولتلك اتهبب تعالى معايا
عمر: ماهو انا كنت هروح فين،وبعدين انا وراك وراك
احمد: احنا ممكن نكون محسودين ياعمر،علشان كدا مبننجحش
عمر: ايه الجهل دا يا أحمد حسد ايه،انت بتؤمن يالحجات دى،احنا معمولنا عمل
* احمد وعمر ضحكوا، وعمر داخل بيته واحمد كمل طريقه ومشى ولما وصل البيت بص عند بلكونة نغم، لقى بنوته واقفة،نزل عينه بسرعة واتكسف وطلع البيت جرى*
هدى: فى ايه يا أحمد مالك حد كان بيجرى وراك
احمد: لا لا مفيش
هدى: ووشك احمر كدا ليه
احمد: مفيش ياماما، بس هو اصل هو
هدى: ايه يابنى فى ايه بتتكلم كدا ليه متقول عاوز ايه
احمد: انا لقيت فى بنت واقفة فى البلكونة عند عمو عاطف
هدى: تقصد نغم اه هما جم ونغم بقت زى القمر كبرت خالص ماشاء الله عليها وبقت عسل احنا كنا لسة عندهم دلوقت وعلى فكرة سألوا عليك،بس انت مكنتش هنا
احمد: بيكلم نفسه الله يخربيتك ياعمر، قعدت ترغى وعطلتنى*
هدى: بتقول ايه
احمد: طب و و
هدى: ايه يابنى عاوز ايه
احمد: هما جم ليه
هظى: اه بيقولوا نغم هتقدم.فى كلية الصيدلة وهيجوا يقعدوا هنا
احمد: بجد،
هدى: ايه سرحان فى ايه
احمد: مفيش انا داخل، هى عبير فين مش عاملة دوشة، هى ولا عيالها
هدى: كانت واقفة دلوقت فى البلكونة كانت بتكلم نغم،
* أحمد داخل البلكونة لقى عبير واقفة بتكلم نغم*
عبير: تعالى يا احمد سلم على نغم
* أحمد دخل عينه فى الأرض ومكسوف وكان بيبص ببطء كدا ورافع عينه وبص لنغم *
احمد: ازيك.
نغم: الله يسلمك ازيك يا أحمد.
عبير:* ايه الكسوف دا قالتها بصوت واطى أحمد بس الى سمع * : نغم كانت بتسألنى على الواى فاى بس انا قولتلها معرفوش وانت ناسيه
احمد: انت عاوزة الواى فاى*بيتكلم ويبص فى الأرض*
نغم: اصل لسه جاين وبابا على مايقدم على واحد وكدا وكنت محتاحة نت ضرورى وحاولت اجدد الباقة بس قالولى ان المحالات قافلة علشان العيد
احمد: عادى ولا يهمك، ثوانى هكتبهولك
عبير: سبحان الله هى الذاكرة رجعت مش كنت ناسيه
* أحمد خبطها فى ايدها وعبير قالت اه بصوت عالى*
نغم: مالك ياعبير فى حاجه
عبير: لا مفيش متقلقيش، وتعالى بقى علشان احمد يكتبلك الواى فاى، بسرعة احسن بينسى
* عبير واحمد دخلوا من البلكونة، ومستنين نغم*
عبير: بقى كدا يا أحمد دا انا اختك حتى بتقولى ناسى الواى فاى
احمد: ياست الذاكرة بترجعلى بليل
عبير: يبقى تكتبهولى
احمد: فى المشمش
عبير: اما تجى نغم اقولها الحوار دا
احمد: ليه كدا يا عبير دا انا بحبك
عبير: يبقى تكتبهولى
احمد: اكتبهولك ماشى
* الباب خبط وهَنا فتحت الباب ليها ودخلت*
هدى: اتفضلى يانغم تعالى
نغم: اسفة ياطنط انا جيت بس علشان احمد يحطلى الواى فاى عبير الى قالتلى
هدى: ولا يهمك ياقلبى هنديلك احمد اهو، يا احمد يا احمد
* احمد وعبير جوة فى الأوضه*
احمد: لو سمعت صوتك وحياة أمى لوريكى
عبير: اكتبلى الواى فاى وملكش دعوة
احمد: طب اطلعى
عبير: هى عاوزاك انت هى عاوزانى انا،ولا انت خايف،مكسوفة يابطة
احمد: لا بس اطلعى بس قدامى اخلصى
* احمد طالع واقف ورا عبير وبص لنغم*
نغم: اتفضل الموب اهو
احمد:* خد الموب وهو باص فى الأرض وكتبلها الرقم*
نغم: ماشى شكرا
* احمد خلص ودخل أوضته*
احمدبيكلم نفسه: انا مش عارق قلبى بيدق كتير كدا ليه يالهوى انا حاسس ان قلبى هيوقف
*عبير دخلت الأوضة لأحمد*
عبير: انت دخلت تجرى ليه
احمد: مشيت
عبير: اه مشيت، وبتقولك ان عمك عاطف عزمنا بكرة على الغدا
احمد: بجد
عبير: وانا ههزر ليه
احمد: ماشى
* موب احمد بيرن،عمر الى بيتصل*
احمد: جات جات جاااات يا عمر
عمر: هى ايه الى جات
احمد: نغم يالا ركز شويه
عمر: بجد طب والله كويس طلعت فكراك
احمد: مش عارف بس هى اتكلمت معايا عادى مش عارف هى فاكرة لما كنا صغيرين ولا ايه
عمر: بكرة نعرف
احمد: بس معرفش ايه الى حصلى، مكسوف ابصلها وحاطط عينى فى الأض، ولما بشوفها قلبى بيدق بسرعة،جات عندنا خمس دقاقيق كنت حاسس انى هموت،دققتين وكنت هتفضح سبتهم ودخلت جوه
عمر: وعاملى فيها شبح
احمد: شبح ايه دا انا طلعت فانلة
عمر: متنساش يافانلة الفرح بتاع بكرة
احمد: يانهاااااار
عمر: فى ايه مش انا قايلك لما كنا مع بعض
احمد: نسيت ومعزومين بكرة عندهم وهشوفها وهنقضى اليوم واتكلم معاها بس انت طلعت زى البومة.
عمر: البس ياحلو وطبعا مينفعش منروحش الفرح دا احنا متفقين وواخدين عربون
احمد: عمر مش احنا صحاب والصاحب لازم يساعد صاحبه
عمر: متثبتنيش،مينفعش انت الى بتعرف تصور،انا بطلع الناس محروقين وانت عارف،انا أخر اصمم كارت دعوة اصمم ديزاينات بس،
احمد: غور يالا،اما اشوف هعمل ايه سلام
________________________________
الفصل الرابع
#أسميتها_نغم
عمر: مالك ياعم أحمد الناس لو شافوك. كدا هيقولوا انك. جاى غصب عنك، وبالراحة على الكاميرة انت كدا مش بتمسحها انت كدا هتكسرها
أحمد: تقولى نفسك فيه يا إحمد أقولك نفسى أديك فى وشك ياعمر
عمر: وانا مالى ياعم مش دا شغل، يعنى انت عاوز تروح تاكل وانا البس هنا، والناس الى دافعة فلوس دى،ذنبها ايه
أحمد: اه ياخويا ما انا عارف يلا، أصل الشغل مقطع بعضه
عمر: اه يحبيبى الكلاب تعوى والقافلة تسير
أحمد: ولا فيه كلاب بتعوى ولا قافله بتسير وعايشلى فى دور هتلر وان ليك أعداء،وانت أصلا عبيط وأمك عارفة انك عبيط
عمر: اسكت يا عدو النجاح يا حرامى التفاح يامعفن
احمد: طب اسكت بقى علشان العريس جاى، ومسمعش صوتك علشان مش طايقك ياعمر ونفسى اخبطك بالكاميرة الى فى ايدى دى
_ ازيك ياهندسة عاوزك تعملى شغل عالى انا اصلا سامع انك بتعمل شغل عالى، وبعدين دا حب الطفولة عاوز الصور تبقى عظمة
أحمد: لا متخافش، طبعا هظبطلك الصور، بس والله بجد حب طفولة
_ اه والله، كنا مع بعض فى المدرسة، وفضلت وراها لحد موفقت، مكنتش بتطقنى وانا قولتلها وراكى وراكى لحد ماوفقت، طب بعد إذنك بقى هروح أشوفها بدل متقلبها نكد. وتقولى انت سايبنى
أحمد: ماشى يامعلم وانا جاى وراك اهو، هظبط بس الكاميرة وأجى
* عمر واقف ورا وباصص لأحمد وهو بيتريق عليه*
ايه يا أحمد شايفك هديت يعنى وبتمسح الكاميرة بحنية، وشايفك كدا عاوز تاخد العريس بالحضن،
أحمد: طب ماطلعت سهله أهى والناس بتجوز الناس الى بتحبها
عمر: عقبالك يا خويا،اخلص بقى قوم صور
أحمد: الحق مَى جات هى اتأخرت كدا ليه اصلا
عمر: اه ياخويا قوم انت صور وسبنى هنا، لو سمعت صويت، ابقى تعالى حوشنى يمكن تلاقيها بتعضنى دى مفترية وتعملها
* أحمد بيضحك وقام خاد الكاميرة وخبط على ضهر عمر وهو قاعد على الكرسى، ربنا معاك، إجمد كدا، وانا اوعدك لو سمعت صوت ولقيتها بتتخانق ولا أعرفك*
عمر: حبيبى تسلم،* عمر باصص ل مَى، واحمد سلم عليها وهو ماشى علشان يروح يصور، ازيك يامى اتأخرت كدا ليه معلش هروح أصور وأجيلك*
مى: ولا يهمك ياأحمد، ايه يا أستاذ عمر فينك
عمر: موجود يامى يعنى هكون فين
مى: أومال مبتسألش ليه
عمر: معنديش أسئلة
مى: بطل تستظرف شوية، وبعدين ايه السجاير الى بتشربها دى، ترضى أنا أشرب سجاير
عمر: والله لو مش من علبتى عادى
مى: هتيجى تقابل بابا امتى
عمر: وأقابله ليه،
مى: علشان تقرأ الفاتحة انت نسيت،هى طنط لمياء مقالتلكش هى وعمو ماهر
عمر: قالولى وبعدين انا مبعملش حاجة كدا،دا انا كل خطواتى مدروسة
مى: بس غلط
عمر: اه بس مدروسة مليش دعوة
* أحمد جه يقعد مع مى وعمر على التربيذة*
عمر: ايه ياكوتش خلصلت ولا ايه
أحمد:اه الحمد لله سيشن كان حلو جدا والعريس والعروسة فرحانين كدا،ربنا يسعدهم
عمر: شايفك مبسوط يعنى وبتعامل الكابلز دا معاملة خاصة ولا أكنه من بقيت أهلك،
مى: انت تعرفهم ولا ايه أحمد
عمر: وانت مالك بتسأليه ليه
مى: انت مالك انت، انا بسأل أحمد
عمر: متسأليهوش علشان بغير
مى: بجد ياعمر بتغير عليا
عمر: لا بغير على صاحبى
أحمد: بس بااااس انتوا الاتنين علشان صدعت،انتوا الاتنين مينفعش تقعدوا فى مكان غير لما تفضحونا
مى: انا خلاص خلصت شغلى وظبط بقيت التيم وقبضته فلوسه وكله تمام
عمر: انا ماخدتش حاجة
أحمد: مديتهوش ليه
مى: هياخدهم يصرفهم واحنا داخلين على مصاريف جواز والبيه بيقولى عاوز يبنى نفسة ومش عاوز حاجة من فلوس ابوه،فأنا قولت أحوشله
عمر: هاتى يابتى فلوسى لاروح أقول لأمى
مى: اتلهى دى هى الى قيلالى
عمر: عحبك. كدا يا أحمد
أحمد: بصراااحة أه
عمر: طب هات ميتين جينه سلف
احمد: ماتديله فلوسه يا مى فى ايه * قعدوا يضحكوا التلاته*
أحمد: مى بما انك بنت وكدا كنت عاوز أسألك سؤال
مى: اتفضل يا أحمد فى حاجه ولا ايه.
أحمد: انت كبنت ممكن تنسى حد حبيته
مى: لا طبعا مفيش حد بيحب بينسى
أحمد: لا اصل انت مش فاهمة هو حب طفولة
مى: اه دا عادى الواحد يا احمد وهو صغير بيحب اى حد وكدا وبيروح لحاله الحب بيدأ لما الواحد بيعقل
أحمد: طب اشمعنى أنا منستهاش
عمر: يعنى انت حبيتى حد غيرى يا مى وانت صغيرة وعندك خمس سنين
مى: اه لما كنت فى حضانة كنت بحب الولد الصغير الى بيقعد جنبى دا ،كان بيجبلى لبان وبسكوت
عمر: يعنى خونتينى، مفيش جواز
احمد: استهدى بالله يا عمر
عمر: بس يا أحمد دى خانتى وهى عندها خمس سنين علشان لبان وبسكوت،أأمنها إزاى على الببسى الى هحطه فى التلاجة
مى: سيبك يابنى من الأهطل دا احكيلى انت شكلك واقع اوى ياعم أحمد
* أحمد حكالها كل حاجه*
مى: ياااه ولسة بتحبها
احمد: جدااا يا مى،والحيوان دا، مخلنيش اتغدى معاهم النهاردا ودى الفرصة الوحيدة الى كان ممكن اعرف بيها لسه فكرانى ولا لا
مى: طب مااحنا ممكن نعرف حاحة زى كدا،
عمر: ازى يا فلحوسة زمانك احكى
مى: اسألها انت مش بتقول بتوقف فى البلكونة الى قصادك
احمد: انت هبلة،دا انا لما بشوفها قلبى بيوقف ومبعملش حاحة غير انى بطلع اجرى استخبى منها كأنى عامل عاملة،ومبقاش عارف أبصبها مع انى هموت وأبصلها
مى: طب هتعمل ايه
احمد: مش عارف
مى: طب هتفضل تحبها كدا من غير متتكلم
احمد: انا خايف،وخطوصا لما عرفت انها دخلت صيدلة،يعنى دلوقت اكيد شيفانى فاشل وصايع
مى: لا لو بتحبك مش هيفرق معاها كدا
احمد: بيتكلم وهو متأثر وزعلان،: بس أكيد أبوها يامى هيفرق معاه، وانا اصلا مش عارف هى دلوقت فكرانى ولا ايه
عمر: طب انا جاتلى فكرة، مى تصاحبها وتجرجرها فى الكلام ونعرف
مى: انت عبيط وانا هصحبها ازاى، اكيد جاية من برة ملهاش دعوة بحد
أحمد: بس هو احنا مش كدا نبقى حرام علينا بنتجسس على خصوصيتها
مى: وهى اكيد لو عرفت حاجة زى كدا هتضايق منى
عمر: احنا بنعمل ايه احنا هنوفق راسين فى الحلال
مى: ياخويا اتنيل مش لما نوفق راسى انا وانت
عمر: ان شاء الله فى المشمش * قالها فى سره *
مى: وبالمرة أعزمها على خطوبتى
عمر: ايه دا انت هتتخطبى الف مبروك يامى فرحتلك بس مين العريس
مى: انت تخيل
عمر: بسم الله مشاء الله، هو انا كبرت وكمان بقيت عريس
مى: اه
عمر: منكوا لله كلكوا،عاوزين تحرمونى من عزوبيتى وان راجل صايع اد الدنيا وتشيلونى مسؤليه،وانا اصلا شايل نفسى بالعافيه منكوا لله
أحمد: بصى يا مى انا جاتلى فكرة علشان تتعرفى على نغم، احنا نستغل وجود اختى عبير هنا،ونخليها تعرفك عليها،وعبير كدا كدا هتمشى وانت بقى تصاحبيها وتخرجوا، وتعرفيها البلد وكدا وابقى اطمن عليها منك
مى: اشطا اتفقنا
احمد: يلا بقى نلم العدة وكل حاجه ونروح*
* فى بيت أحمد*
* أحمد اول ما دخل شاف حمزة بن عبير بيلعب فى الصاله*
احمد: ايه دا أومال ماما فين ياحمزة وتيتا
حمزة: دوة ياخالو
احمد: وانت بتعمل ايه اختك هَنا، فين
حمزة: دوة تلة دوة يقصد* جوة كلة * حمزة عندة تلت سنين
احمد: ياعبير يااااعبير
عبير: ايه ايييييه بتنادى على عيلة تايهة
احمد: عاوزك
عبير: هتموتى ياسوسو وتعرفى ايه الى حصل
احمد: اه سألت عليا
عبير: ولا فكراك أصلا
احمد: خالص
عبير: اه،ابوها سأل عليك وكان عاوز يشوفك لما كبرت وبقت بغل بقى شكلك عامل ايه
ااحمد: بغل ايه الهباب الى بتقوليه دا،
عبير: سورى يابيبى، لما بقيت شاب أمور وحليوة وطويل وبدقن
احمد: اخلصى ياعبير قال ايه
عبير: سال عليك وعرف انك فى تجارة وشكله اضايق كدا، علشان امك سيحتلك وقالت انك سقيط اد الدنيا
احمد: امك دى مبتسترش، طب ونغم رد فعلها كان ايه
عبير: مش عارفة هى لما بتجى سيرتك بتتكسف كدا ومبتتكلمش، بس ايه انا قولتلها انك صايع وبتاع بنات وبتشرب سجاير،
احمد: قولتلها دا كله
عبير: أكدب يعنى،يرضيك اختك تكدب يعنى ياميدو
* أحمد بيجرى ورا عبير فى الشقة،وعبير وقفت على الكنبة وبتصوت*
عبير: الحقينى يمااااماااا ياباااباااا، هيسقطنى،هيسقطنى
احمد: دا انا هخليكى تولدى دلوقت، انت مش فى الخامس هوريكى انا صايع وبتاع بنات
*امهم جااات، فى ايه يا أحمد انت صغير*
احمد: سبينى ياماما، سبينى،شوفى دا حتى عيالك محدش جه يشوفك وانت بتصوتى ،حمزة ربنا يكمله بعقلة قاعد.قدام الكرتون،وهَنا بتلعب على التابلت،العيال مصدقوا،اكيد بتكهربيهم فى البيت
* الباب بيرن، عاطف ومعتز طالعين*
ليلى: ازيك يامعتز عامل ايه، ايه دا يا عاطف انتوا كنتوا مع بعض
عاطف: لا احنااتقبلنا على السلم * حمزة وهنا جريوا علشان يحضنوا باباهم، وعبير دخلت جوة، وأحمد دخل وراها*
أحمد: مينفعش ياعبير دخلتى ليه؛ على فكرة الى برة دا جوزك مش خطيبك،
عبير: انا اصلا اخترت غلط
احمد: احلى حاجه إن الستات فى مصر بتكتشف انها اختارت غلط بعد العيل التالت، مش دا معتز،الى كان الحب والموب والأسد والدب
عبير: كان زمااان،دلوقتى اتغير،تخيل يا احمد بيزعق فيا كل دا علشان معملتش أكل والواد حمزة الصغير،ضيعله ورق القضيه وانا لسه بتكلم وأقوله هنطلع مصيف زعقلى الأستاذ المحامى المحترم
أحمد: والله محترم أنا لو منه كنت ولعتى فيكى، مصيف ايه،وانت وعيالك مطلعين عينه،انت وعيالك يحبسوكى فى الأدغال، يلا اطلعى واتهدى شويه،معتز بيحبك.انت والعيال وميقدرش يستغنى عنك
عبير: مش طالعه
احمد: خليكى قعدة لحد ان شاءالله مافى واحدة تعرف انك. مطلعة عينه وتتجوزة وتتشَردى انت والعيال، وابقى شوفى مين هيطلعك مصيف
عبير: لا استنى هجى معاااك، مع انى عارفة انك بتوزعنى، علشان تاخد الأوضة، بس انت أقعتنى ،هاخد العيال وامشى
* عبير واحمد طلعوا وسلموا على معتز*
معتز: جبتلك الشيكولاته الى بتحبيها * عبير خدتها منه وضحكت*
احمد: شيكولاته ايه يا معتز دى تكرملشها خمسة جنية هتفرح أكتر * كل الى واقف ضحك*
عاطف: بلا ياعبير جهزى شنطتك علشان تروحى انت والعيال
ليلى: ربنا يصلحلكوا الحال
* احمد افتكر ان كدا عبير هتمشى ومش هتخلى مى تتعرف على نغم*
احمد: لا متمشيش * كله بصله واستغرب*
عبير: فى ايه انت مش قولتلى واحدة هتلوف عليه *بتتكلم بصوت واطى*
احمد: اتقلى ياخايبة
عاطف: فى ايه يا احمد مش عاوزها تمشى ليه
احمد: لا يابابا مقصدش اصل العيال هيوحشونى وملحقتش اقعد معاهم علشان شغل وكدا
معتز: ان شآءالله هيجوا تانى،اناعندى سفر اخر الأسبوع وهيجوا علشان يقعدوا معاكوا،علشان هخاف اسبهم.فى الشقة لوحدهم
احمد: طب امشى ياعبير
عبير: والعيال الى واحشينك ياخالوا
احمد: ماانتوا هتيجوا بقى أخر الأسبوع
عاطف: يلا بقى علشان تتعشى معاناقبل متمشوا
*عبير مشيت،وأحمد دخل وقف فى البلكونة لقى نغم واقفة،أول ماشفها،شاورلها بسرعة، وهى شاورتله ودخل جوة يجرى *
هو ايه الى انا بعمله دا، انا مش عارف ايه الى بيحصلى لما بشوفها بتوتر كدا ليه،وخايف، انا زهقت، انا هطلع تانى وعادى
* احمد طلع لقى نغم دخلت، اضايق وقال ماهو انا لازم أعرف انت فكرانى ولا لا*
متنسوش لايك وكومنت
_________________________________________
استنوا الفصل الخامس
نهى_الحفناوى
تعليقات
إرسال تعليق