أسميتها_نغم
الفصل الخامس&السادس& السابع
بقلم نهي الحفناوي
كامله على مدونة النجم المتوهج
"فى بيت عمر"
أحمد: عمر. فين ياطنط.
_نايم ادخل صَاحيه، بس مش عوايدك يا أحمد تجى بدرى كدا
أحمد: علشان هنروح الجامعة
_ بجد ايه النشاط دا ربنا يهديكوا
*أحمد. دخل أوضة عمر علشان يصحية، وعمر نايم ومتغطى*
أحمد: اصحى ياعمر، اصحى بقى، ياااااعمر، اصحى علشان. مجبش ماية وأحميك وانت نايم
عمر: عاوز ايه، هى الساعة كام دلوقت
احمد: الساعة سابعة، واخلص بقى
عمر: اعمل ايه الساعة سبعة مش فاهم،
احمد: انا مش عارف أجبهالك ازاى، بس انا قررت نروح الجامعة
* عمر شد الغطا من عليه وقعد على السرير وقاله*
ناااعم. ياخويا، جامعة ايه الى احنا هروحها واحنا من امتى بنروح الجامعة، احنا بنروح على الامتحانات بس
احمد: لا انا قررت نذاكر وننجح
*عمر نام تانى واتغطى*
احمد: ياعمر قوم بقى
عمر: انا كنت سهران وعاوز اكمل نوم
احمد: يابنى قوم بقى،وبطل الكسل والإكتئاب دا هنذاكر وهننجح
عمر: لا مش هننجح
احمد: ياعم بطل بؤس بقى،اخر العتمة نور
عمر: حلو طفيه بقى علشان عاوز أنام
احمد: اخلص بقى ياعمر
عمر: مش جاااى،روح انت
*فى الجامعة*
* أحمد وعمر ماشين فى الجامعة*
احمد: لازم نشوف حد يعرفنا حوار الدكاترة والحضور وكل حاجه
عمر: انت بتتكلم بجد احنا هنذاكر ولا ايه
احمد: اه، واخلص بقى علشان نروح نشوف الكتب والورق الى هنجيبة
عمر: انا عاوز اناااااام
احمد: تفتكر هى جات الجامعة
عمر: هى مين
احمد: اصحى كداااا وركز معايا،هتكون مين نغم يابنى
* عمر رجع لورا كدا وباص لأحمد وعلى صوته*
ايوة بقى ياخويا قولى كدا، انت جاى هنا علشان تشوف الدكتورة بتاعتك، وانا ذنب امى ايه اصحى من النوم ليه
احمد: وطى صوتك الله يخربيتك هتفضحنا
عمر: يعنى انت تحب وانا أصحى من النوم،هو دا العدل ياحكومة
احمد: لازم نذاكر ياعمر،مش يمكن لما انجح واتغير،ابوها يشوفنى كويس ويبقى عندى الجرأة انى اقولها انى بحبها واطلب إيدها
عمر: انا أول مرة أشوفك كدا،بس انت عارف انا معاك فى اى حاجة هتعملها
احمد: هتعمل ايه انت كمان فى حوار مى
عمر: هنروح نقرأ الفاتحة بعد بكرة بقى هعمل ايه
احمد: انت غريب اوى ياعمر،يعنى انت بتحب مى وهى بتحبك واهلها موافقين عليك،وانت الى مش عاوز تروح علشان شايف نفسك.مش قادر تشيل المسؤليه،اومال اعمل ايه انا بحبها،ومش عارف هى فكرانى اصلا ولا لا
عمر: ربنا يقدملك الى فيه الخير يا صاحبى
احمد: يلا بقى نروح نحضر المحاضرة علشان نجيب الكتب قبل منمشى
* فى بيت أحمد*
أحمد: ايه يالولا،ريحة الأكل الى تجنن دى
ليلى: اه هو انا مقولتلكش،النهاردا عزمين عمك عاطف
احمد: عمو عاطف بس
ليلى: لا يا احمد يعنى هنسيب مراته وبنته
احمد: بيتكلم وهو مبسوط،يعنى نغم هتيجى
ليلى: مش عارفة،بس ابوك.قال لازم.نرد العزومة
احمد: طب عملتى مكرونة باشميل
ليلى: لا بس عملت أكل كتير
احمد: لا اعمليها،نغم بتحبها،فاكرة ياماما لما كانت بتيجى عندنا وهى صغيرة،ودايما كانت بتقولك انك بتعملى مكرونة الباشميل احلى من مامتها
ليلى: اه هى اصلا كانت بتحب أكلى كله، بس مش هنلحق
احمد: هساعدك وهتخلصى بسرعة
ليلى: احمد ابنى انا الى مبيشلش كوباية من مكانها،هيساعدنى علشان نعمل مكرونه،عجيبة
أحمد: يلا بقى ياماما علشان منتأخرش
*احمد عمل المكرونة،ودخل أوضته وبيتصل على عمر*
أحمد: الو ايوة ياعمر
عمر: ايه ياعم احمد فى ايه، وبتتكلم وانت مبسوط كدا ليه
احمد: روحت لقيت ابويا عازمهم وهيجوا عندنا
عمر: طب حلو،حاول تكلمها بقى وتعرف اى حاجه
احمد: انا مش عارف ألبس ايه
عمر: متلبس اى حاجةياعم فى ايه واجمد كدا
احمد: لا انا عاوز البس طقم.حلو
عمر: انت حلو فى اى حاجة
احمد: مس وقته تطبيل اخلص، ألبس القميص الأسود.على البنطلون الأسود،ولا ألبس التسشرت النبيتى، ولا ألبس التيشرت التانى الى جبناة مع بعض ولا البس ايه
عمر: ايه ياعم الحيرة دى إلبس اى حاجه
احمد: طب افتح واتس هقيس وأوريك وأحلى طقم قولى عليه
عمر: اشطا
* ليلى دخلت لقيت أحمد مبهدل الأوضة والهدوم كلها على الأرض*
ليلى: ايه يابنى في ايه،انت كنت بتتخانق
احمد اتوتر وحط ايدة على راسة، مفيش ياماما، بدور على حاجة،روحى بس كملى اكل وشوفى،وراكى ايه
*أحمد اختار طقم، وطلع يكلم مامته*
احمد: ايه رأيك.فى الطقم دا
ليلى: حلو يا احمد انت اصلا قمر
احمد: عمر بردو قالى حلو، طب ايه ياماما خلصتى كل حاجة
ليلى: اه وزمانهم على وصول
احمد: جبتى مانجة
ليلى: مانجة ايه بقى مش لازم،فى موز وابوك جايب خوخ وتفاح وهو جاى
احمد: ازاى يا ماما،مجبتيش مانجة، نغم بتعشق المانجة،ممكن تزعل دلوقت
ليلى: هتزعل ليه مرة تانية بقى
احمد: طب انا نازل
ليلى: ابوك على وصول وهما كمان جاين دلوقت، يجوا ميلقوكش،
احمد: مش هتتأخر،لو حد.سأل عليا، متقوليش حاجة قوللهم جاى فى الطريق، يلا بقى علشان متأخرش
* أحمد نزل يجيب المانجة، وهو طالع على السلم لاقى نغم وعيلتها طالعة، اتكسف وقف لحد مادخلوا وبعدين طلع وراهم*
على: ايه يا احمد كنت فين،مرضيوش ياكلوا الا ماتيجى
احمد: انا اسف،هغسل ايدى واجى
* احمد سلم عليهم كلك،ولما جه يسلم على نغم.سلم عليها وهو باصص فى الأرض*
عاطف: ماشاء الله كبرت يا أحمد،كنت سايبك.لسة صغير،فاكر لما كنت بتعملها عليا
هدى "أم.نغم": خلاص بقى متكسفوش
عاطف: ابوك قالى انك بتتدرس فى تجارة
احمد:*اتوتر واتلغبط*،اه بدرس فى تجارة
عاطف: كنت فاكر هرجع الاقيك فى طب زى ماقولتلك زمان
ليلى: ايه هنقعد نتكلم ولا ايه الإكل هيبرد.، دا انا عملتلك يانغم المكرونة الى يتحبيها وأحمد ابنى هو الى ساعدنى فيها
* خلصوا أكل وطلعوا كلك، يقعدوا فى البلكونة *
ليلى: عملتلكوا الشاى
عاطف: تسلم إيدك
عاطف وعَلى قاعدين يلعبوا طاولة على التربيذة، وهدى وليلى قعدين بتفرجوا على التلفزيون، ونغم واقفة فى البلكونة، وأحمد جابلها عصير ورايح علشان يقدمهولها*
أحمد: اتفضلى عارف ان ملكيش فى الشاى قوى،داعصير مانجة
نغم: شكرا، بس انا بحب المانجة أكلها
احمد: انا عارف،ثوانى* دخل المطبخ جابلها طبق فيه مانجة متقطعة وشوكة* اتفضلى
نغم: بجد شكراااااا اوى يا احمد انا بحب المانجة جدا
احمد: بيتكلم وهو باصص فى الأرض،انا عارف بس قولت اجبلك عصير الأول،يمكن مبقتيش تحبيها
نغم: لا الى بيحب حاجة بيفضل يحبها،مش معنى انى سافرت انى هغير كل الى كنت بعملو
احمد: بجد، يعنى انت فاكرة كل الى حصل قبل متسافرى
نعم: ايوة يابنى طبعا،انا سافرت بس مش فقدت الذاكرة
احمد: لا بس ااقصد انك كنت صعيرة
نغم: ايوة بس مش صغيرة أوى لسه فاكرة كل حاجة،طب أقولك، فاكرة انك كنت بتحب الكورة جدا، وكنت بتلعبنى معاك،وفاكرة المصاصة الى بالفراولة الى انت بتحبها،والعروسة الى انت جبتهاالى، هى اه ضاعت بس غصب عنى
أحمد: باصلها تااانى يانغم * احمد ونغم ضحكوا*
نغم:مش قولتلك انى متغيرتش لسه بضيع حجاتى، وفاكرة،عمر صاحبك، كان بيحبك وبيكرهنى
* نغم بتحكى وأحمد مركز معاها ومندمج*
نعم: مش قولتلك فاكرة،هو اه اكيد انت فاكر أكتر علشان انت أكبر بس انا فاكرة حجااات كتير
أحمد: لا كنت فاكرك نسيتى بس طلعتى مش ناسية
*نغم واقفة بتبص من البلكونة،وبصت لأحمد،وبتقوله، انا فاكرة كنت دايما اقف فى البلكونة أكلمك كتير ونتفق اننا هننزل نلعب،ويوم العيد ننزل مع بعض،بس على فكرة انا اضيقت منك*
احمد: بصلها وهو مستغرب،لية انا عملت ايه
نغم: كل متشوفنى بتحط عينك فى الأرض وتتطلع تجرى،بحس انى مضيقاك مع انى معملتلكش حاجة
احمد: لا والله مقصدش،بس انا بخاف تتكسفى او كدا، ومبحبش احرجك،او اضايقك
نغم: ببقى لسة هقولك ازيك بلاقيك طلعت تجرى،كأنك مخاصمنى ومش عاوز تشوفنى
أحمد: أنا دا أنا * عاطف قطع كلامه وبينادى على نغم *
عاطف: تعالى شوفى أبوكى وهو كاسب عمك على،علشان أقولك يا على مبتعرفش تلعب مبتصدقنيش
على: دا حظ
عاطف: انا على طول بكسبك معروفة يعنى ، شوف ابوك يا احمد
على: نلعب تانى
عاطف: لا بقى الوقت اتأخر وعلشان نغم عندها جامعة الصبح،وتذاكر المادة الى مضيقاها دى
* عاطف بيكلم على وأحمد راح لنغم، ايه الى مضايقك*
نغم: مادة كدا مش فاهمة منها حاجة صعبة والدكتورة مش راضيه تدينا الماتريال
أحمد: خير متقلقيش،ذاكرى انت بس واعملى الى عليكى
نغم: وانت كمان لازم تذاكر وتنجح علشان تتخرج بقى
احمد: ان شاءالله،انا حاطط الموضوع فى دماغى،حتى حضرت النهاردة وناوى أحضر كل يوم ورينا يقدم الى فيه الخير
نغم: ان شاءالله هتنجح وتتخرج وتتجوز بقى
احمد: اتجوز فى حد يرضى بإنسان فاشل زى كدا
نغم: اه الى بيحبك هيرضى،وبعدين انت مش فاشل،انت قوتحرافر شاطر ،بكرة تاخد فرصتك وتبقى حاجة كبيرة،وابقى افتكرنى
احمد: هو انا أقدر أنساكى * عاطف نده على نغم،يلا نغم علشان منتأخر
* أحمد دخل أوضته فرحااان وعمال يغنى
_______________________________________
#أسميتها_نغم
الفصل السادس
أحمد: ألو أيوة يا عمر، انزل استنانى فى الكافيه، وانا شويه وهجيلك،، ومتنساش تجيب الكُتب معاك
عمر: تمام انا هنزل دلوقت
*فى الكافيه*
*عمر قاعد يلعب على الموب بتاعة وفى بنت جات تكلمه*
_ حضرتك عمر صاحب أحمد على الفوتجرافر
* عمر بيتكلم بصوت واطى، كدا يا أحمد مصاحب من ورايا *
_ أفندم حضرتَك بتقول حاجة
عمر: لا لا ولا حاجة، ايوة انا احمد صاحب فوتجرافر، انا على إحمد، خو أنا بقول ايه ايوة انا عمر،
_ انا مخطوبة وفرحنا كمان أسبوع
* عمر بيقول يخربيتك يا أحمد هتتجوز من ورايا*
_ هو حضرتك بتقول ايه علشان مش فاهمة حاحة،هو حضرتك باصص فى الموب ومش مركز معايا ليه *عمر بعت على جروب صحابة،ان أحمد خطب من وراهم*
عمر: ولا حاجة كملى كملى، وادى التليفون قفلته ، كملى يامرات الغالى
_ هو حضرتك تعرف خطيبى
عمر: أومال من أيام ماكان لسه بيسنن وبيطلعلة أسنان
_ بس هو مش من هنا خالص
عمر: اه اه هو قالك كدا، وقالك ايه كمان،المهم اسمك ايه بس علشان مينفعش كدا مبقاش عارف مرات أخويا
_ أنا إسمى مروة، أنا بكلم أحمد وهو مش بيرد، معرفش ليه
عمر: اه تلاقية ياعينى بيجمع حق الشبكة
_ طب انا محتجاه يصورنى فى سيشن فرحى،
عمر: لا هى صعبة دى ،بس هنحاول، هيكون عريس ويصور ازاى يا مروة
_ ايه دا هو هيتجوز
عمر: اه مش انت العروسة انت بتنسى ولا ايه
مروة: أنسى ايه بقولك يصورلى سيشن فرحى، انت بتقول ابه
عمر: يا نهار اسود، انت كان قصدك.كدا
مروة: ايوة وجيت الكافيه،عرفت من صاحبتى ان هو بيقى هنا ودا مكانه ،وهى قالتلى انه بيصور حلو،فكلمته مش راضى يرد،وعرفت انه واخد اجازة الفترة دى،فاالى بيشتغل هنا قالى انك صاحبة وبتشتغل معاه ،جيتلك علشان تتوسطلى عنده
عمر: مقولتيش كدا من الأول ليه
مروة: انا بقول لحضرتك كدا من الصبح،انت الى فهمت غلط
عمر: معلش حصل سوء تفاهم، المهم انا هكلمهولك حاضر متقلقيش * عمر قاعد مع مروة بيتفق على التفاصيل، ومى دخلت ولقيتهم قعدين مع بعض*
مى: ايه دا انت بتعمل ايه، بتخونى فى الكافية بتاعنا وعلى ترابيذتنا
عمر: قومى يامروة نقعد على ترابيذة تانية
عمر: طب اقعدى وهفهمك، متخافيش يا أستاذة مروة مبتعضش
مى: مش هتقولها انا مين
عمر: مى،
مى: بس كدا
عمر: قرئين فاتحة، ونفسى أطلقها
مى: مين دى وقاعد عمال بتكلمها ومندمج بعنى،إلا عمرك مكلمتنى
عمر: ماانا بغير عليكى من كل الرجالة حتى من نفسى،فياريت متكلمنيش تانى
مروة: استأذن انا بقى،وان شاء الله على اتفقنا فرصة سعيدة،*مروة مشيت وهى مستغربة الى بيحصل بين مى وعمر *
عمر: ضحكتى علينا الناس منك لله يا قادرة
مى: مبتردش ليه لما بكلمك امبارح
عمر: ماانا رديت
،مى: رديت بعدها بساعة، لسه فاكر ترد،
عمر: والله فتحت المسدچ بالغلط
مى: اه قول كدا
عمر: وبعدين ايه التخلف دا، بكلمك ماسنجر هو ايه الى تعالى واتس
مى: اه ماالخناقة كانت محتاجة إستيكار
عمر: اهو انا نمت
مى: انت مش ناوى تظبط نومك دا بقى
عمر: قال يعنى عارف أظبط حاحة فى حياتى علشان اظبط نومى، المهم.كنت جاية ليه
مى: كنت جاية أقولك،هتجى علشان نقرأ الفاتحة امتى، بما انك ميتردش على الرسايل
عمر: أهلى مش موافقين
مى: أهلك مين
عمر: مراتى وعيالى
مى: انت هتستعبط،
عمر: بقولك اهلى هيكونوا مين أبويا وأمى مثلا ، كل يوم بتثبتلى ان فصوص مخك.دى فصوص توم
مى: انت هتصيع عليا امك مكلمانى النهاردة وقالتلى شوفوا انتوا فاضين امتى علشان نجى
عمر: ما انا عارف انك نازلة زن زن فوق ودان امى، مبيعديش يوم الا متكلميها، وإيه مواعيد ثابتة،عاملة زى المضاد الحيوى
مى: طنط دى حببتى
عمر: ماشى ياختى
مى: هتيجى امتى
عمر: لما أنجح
مى: دا كدا احنا مش هنتخطب خالص
عمر: انا واخد عهد على نفسى،مش هتجوز الا اما انجح
مى: ياعم وانا راضيه بيك وانت ساقط
عمر: ياستى وانا مش راضى،ينفع أقول لعيالى ان أبوكوا ساقط
مى: هو مينفعش، بس انت فعلا ساقط ياعمر،احنا هنكدب
* أحمد جه ولقاهم قعدين*
أحمد: ايه بتعملوا ايه،جبت الكتب
عمر: اه
مى: انتوا هتذاكروا
احمد: اه
عمر: بتقولها ليه
مى: اما نشوف أخرتك ايه
عمر: طب يلا قومى بقى شوفى وراكى ايه،متعلطيش زوجك المستقبلى عن مذاكرته، والا هتكونى سبب فى رسوبى وأنا بتلكك ،والتأخير مش فى مصلحتك،وأنا نفسى اتأخر علشان فى مصلحتى أنا
مى: انا هقوم اهو يكش تذاكر بقى
* مى قامت، واحمد وعمر قعدين علشان يذاكروا*
احمد: بص احنا هنبص على المنهج نظرة سريعة كدا، وبعدين نشوف فهمنا ايه
عمر: انت بتتكلم بجد ولا ايه،احنا فعلا هنذاكر
احمد: اه يا عمر واخلص بقى * عمر واحمد كل واحد باصص فى الكتاب، عمر سرح.وبعدين بيقول لأحمد*
عمر: انا عاوزة أسألك سؤال يا أحمد
احمد: إنت لحقت تذاكر علشان تسأل،عاوز ايه
عمر: لا هو مش فى المذاكرة بس هو جه على بالى دلوقت
احمد: اخلص ياعمر خلينا نذاكر
عمر: هو ازاى الخوخ فاكهة صيفى مع انه لابس قطيفة
احمد: تعرف تتنيل تذاكر وتسيبك من العبط الى فى مخك دا،خلينا نشوف هنفهم ايه من المنهج
عمر: كل الى فهمته من المنهج انى فى ورطة
أحمد: اخلص ياعم
عمر: انا مش عاوز أذاكر يا عم،حنطونى كدا وخلونى عبرة للأجيال القادمة
احمد: اخلص بقى خلينا،نعرف نلم حاجة، وفكرنى أبقى أقولك حاجة
عمر لا قول دلوقت،
احمد: تموت فى المياعة،كل دا علشان متذاكرش
عمر: اه اخلص كنت عاوز ايه
احمد: نغم
عمر: تانى يا روميو مالها ياخويا
احمد: فى مادة كدا مش فهماها، وهى مضابقة
عمر: والمفروض اروح أشرحلها ولا ايه
احمد:اتنيل انت عارف تذاكر الى عليك
عمر: طب ماشى انت عاوز ايه
احمد: الواد ذياد فكرت انه يشرحلها، بس بعد التاتش الأخير مش عارف هيرضى ولا لا
عمر: اكيد مش طايقنا، بس هو بيشرح كورسات، او على الأقل عارف مين الى بيشرح
احمد: تفتكر هيساعدنا
عمر: يبقى يقول لا كدا ويشوف هيحصله ايه
احمد: كنت بكلمك الصبح،كنت بتتخانق مع امك ليه
عمر: بفضل أعملها كل حاجة،وفى الأخر تقولى ربنا مايحوجنى ليك
احمد: يا غم خف شوية وبطل رخامة معاها، كلنت بتزعقلك ليه
عمر: قاعد بفطر وبقولها هنتغدى ايه صوتت فى وشى
احمد: انت اصلا رخم يا عمر * أحمد بيبص فى الموب بتاعة ايه الرسايل دى كلها* مبروك يا احمد،مبروك،انا مش فاهم حاجة
* عمر قام وقف، وقال لأحمد بص انا هحكيلك بس من غير ماتضرب *
احمد: اخلص يابنى فى ايه، انت الى هتقرأ الفاتحة،الناس بتباركلى ليه، انت عملت ايه
* عمر حكى الى حصل، وقاله ان فهم الموضوع غلط وبعت على الجروب *
احمد: نعم ياروح امك.، وانا هخبى عليك حاجة زى كدا
عمر: انا قولت انك عاملى مفجأة
احمد: دا انا هطلع روحك* امى بتتصل ليه، أحمد بيكلم أمه فى الموب*
_ اهدى بس يا ماما، محصلش حاجة * قفلت فى وشة الموب*
عمر: فى ايه
احمد: شوف غبائك عمل ايه،امى زعلانة،وصحابى هناك وعملين فرح مااناخطبت بقى،وامى مضايقة علشان خطبت من غير مقولها، منك لله يا عمر
عمر: وهتعمل ايه،
احمد: هتيجى معايا يا حلو تصلح الى هببته
"فى بيت أحمد، بيخبط على الباب مامته فاتحتله،ومشيت ومكلمتوش وهى ماشيه مدياله ضهرها قالتله: صحابك جوا مستنينك"
عمر: ايه طنط فى ايه
ليلى: ينفع كدا الى صاحبك عامل يا عمر
عمر: لا مينفعش انا زعقتله
احمد: متهزرش واخلص علشان هخبطك بالفازة دى،انت شكلك نفسك تخيط دماغك
*عاطف جاى من الأوضة*
عاطف: كدا يا احمد يابنى، يعنى انا وماما كنا هنكرهلك الخير
عمر: قوله يا عمى قوله،دا الى مالوش خير فى اهله
على: على العموم يابنى صحابك جوا
احمد: يابابا انت فاهم.الموضوع غلط،انت عارف عمر بيحب يهزر
على: اومال ايه الصح يابنى
احمد: متحكى يا زفت * بيتكلم وهو متعصب*
* عمر حكى الى حصل *
على: معلش يا احمد احنا فهمنا غلط،لقينا صحابك داخلين علينا،وبيقولوا كدا واحنا مش فاهمبن حاجة
ليلى: كنت عارفة يا احمد ان مهونش عليك تعمل فيا كدا،ماشى ياعمر انا زعلانة منك
عمر: سيبك انت من الكلام دا،المهم انت طابخة ايه
ليلى: عاملة مكرونة باشميل
عمر: اعملى حسابى * أحمد شده من ايده، انت لسة هترغى،تعالى نشوف العيال الى جوه دى،*
* احمد اول مدخل،العيال بصوت عالى قعدوا يغنوا،ويقولوا العريس العريس ويغنوا اغانى تانية*
احمد: ثوااااانى يا جماااعة، أولاً منورين ياشباب
محمد: كدا يابرنس طب كنت اعزمنا
احمد: يا شباب انتوا فهمتوا غلط ماانتوا عارفين عمر، احكى يا خويا
عمر: انا هفضل كل ماحد يقابلنى هحكى،انا حاسس ان ماما وبحكى حكاية قبل النوم
احمد: اخلص يا نيلة * عمر حكالهم الى حصل*
عمر: اه انا الى عملت كدا متيتغربوش
مالك: معلش بقى على الحوار دا احنا قولنا نجى نبارك
احمد: لا ياجدعان فى ايه
كريم: طب يلا جماعة، احنا رايحين الكافيه،تيجوا
احمد: لا شويه كدا وخبقى اجى وراكوا
* الشباب مشيت مبقاش غير عمر*
احمد: تعرف انانفسى اعمل فيك ايه
عمر: مش عارف ومش عاوز أعرف، امك هتجيب الباشميل امتى انا جعان
احمد: ليك نفس تاكل بعد الى هببته
عمر: انت الى مقولتليش انك مش هتشتغل تانى، والبت بتقولى انت مش راضى ترد عليها،
احمد: وانا من امتى خبيت عليك حاجه يابنى اكيد لو فى حاجة ببنى وبينها هعرفك،وبعدين انا مش قايلك ان احنا مش هنشتغل الفترة دى،علشان الامتحانات قربت
عمر: ماانا افتكرتك بتهزر،كل مرة بنقول هنذاكر ومبنذاكرش
احمد: طب اتنيل * أحمد طلع البلكونة ييشرب سجارة، ولسه بيدخن لقى نغم فى وشة، نغم شاورتلة وهى مصدومة*
نغم: انت بتشرب سجاير
احمد: اه،لا اه،اقصد سعات يعنى
نغم: اه نسيت أقولك مبروك على الخطوبة،كنت بذاكر فى البلكونة،وسمعت دوشة، ولقيت صحابك بيغنولك،* مامت نغم ندهت عليها،: خاااصر ياماما جاية اهو،نغم سابت أحمدودخلت*
* احمد دخل مصدوم من الىنغم قالته،ومن انها شافته وهو بيشرب سجاير ، دخل الأوضة لقى عمر ماسك طبق المكرونة وبياكل*
عمر: امك دى رايقة بتعمل بشاميل انما ايه عظمة
احمد: دا انا هطفحوهلك دلوقت
عمر: فى ايه ياعم مالك
احمد: شافتنى وانا بشرب سجاير
عمر: هى مين دى
احمد: نغم يا زفت
عمر: متشوفك،هى هتقول للأبلة عليك،مالك كدا
أحمد: الله يخربيتك يا عمر، وكمان قالتلى مبروك
عمر: على ايه
احمد: سمعت العيال وهى بتغنى يا خويا
عمر: وانا مالى فى دى بقى انا مقولتش حاجة
احمد: فكر معايا هنتيل نعمل ايه؛ طب الخطوبة وهنقولها انه غباءك، انما السجاير هتقول عليا ايه دلوقت
عمر: متشتمش
احمد: طب هقولها ايه على السجاير دى فكر معااايا
___________________
#الفصل_السابع
# أسميتها_نغم
أحمد: صباح الخير يا ماما
ليلى: صباح الخير يا أحمد، يعنى صاحى بدرى مش عوايدك
احمد: مش جايلى نوم وعندى محاضرة وقولت أنزل أذكر فى الكلية
ليلى: ليه بس فيه ايه مش جتيلك نوم ليه اقعد بس افطر الأول معايا، بدل ما أفطر لوحدى
أحمد: ماشى هو بابا نازل
ليلى: بيخلص شوية حجات فى المكتب جوة وهينزل يبقى ياخدك. معاه فى سكته
أحمد: بقولك يا ماما هو لو فى حد عاوز يكلم حد بس خايف ان الحد دا يكون مش عاوز يكلمة أو هو تقبل عليه، يعمل ايه
ليلى: انا مش فاهمة حاجة، انت بتقول ايه
احمد: طب هقولك حاجه تانية، هو لو حد خد عنك صورة وحشة وانت عاوزة تصلحيها تعملى ايه
ليلى: هروح اتكلم معاه وأفهمه
احمد: طب مانا قولتلك مش هينفع علشان انا خايف أحس انى تقيل عليها
ليلى: ايوة بقى هى مين دى بقى الى انت خايف تحس انك تقيل عليها
احمد: لا مش انا لا،هى بصراحة مشكلة واحد.صاحبى،وانا مش عارف اساعده
ليلى:طب متفهمنى براحة، مش يمكن أساعدك
احمد: بجد يا ماما
ليلى: قول
احمد: هو بيحبها أوى أوى، بس مش عارف يقولها، خايف انها تكون مش بتحبه،او شايفاه حد وحش، هو مش وحش،هو اتغير علشانها، بس مش عارف يكلمها، هو مش شايف حد غيرها، واكتر حاحة تفرحه،انها تكون بتحبه،حتى لو ربع الحب الى هو بيحبهولها * أحمد بيتكلم وهو مبتسم وسرحان فى نغم*
ليلى: طب ميقولها
أحمد: المشكلة،انه فاشل فى حياته،وهى شاطرة أوى، وهو من حبه فيها مش عاوز يقولها،خايف عليها من إحباطة ويأسة،عاوز يساعدها من بعيد،عاوز يتغير علشانها،هى تستاهل كل خير،لما بيشوفها يينَزل عينه على طول،رغم انه نفسه يفضل بصللها،بس بيخاف عينه تفضحه، هو بيحبها أوى اوى
ليلى: ياااه هى لو سمعت منه الكلام دا،اكيد هتحبه
احمد:يعنى ممكن تحبنى
ليلى: هتحبك ليه،مش هى دى الى بيحبها صاحبك
احمد: اه اه لا مقصدش لا، قصدى هتحب صاحبى،انا نازل علشان اتأخرت عندى محاضرة * بتكلم وهو متلغبط فى الكلام،علشان حس انه أمة عرفت انه كان بيكلمها عنه هو مش صاحبه *
احمد: انا نازل أستنى بابا تحت أما يخلص خلية ينزل
* أحمد نزل،وهو طالع من البوابة،قبل نغم وهى طالعة، شاورتله*
نغم: صباح الخير
أحمد: صباح النور، رايحة الجامعة* بيتكلم وهو باصص فى الأرض*
نغم: ايوة عندى سكشن بدرى،انت كمان عندك بدرى
احمد: لا بس مجاليش نوم،فقولت اصحى اروح اذاكر فى الجامعة،
نغم: اه اكيد بعد احتفال صحابك امبارح
احمد: لا لا انت فهمت غلط،لا لا انا مش خطبت
نغم: ازاى يعنى
احمد: الموضع كلة سوء تفاهم* احمد حكلها الى عمر عمله *
نغم: بجد * قعدت تضحك جامد
احمد: اه والله فضحنى
نغم: بشرة خير،بكرة تخطب
احمد: وانت كمان بكر تتخطبى
نغم: بابا شرط علشا مفيش ارتباط فى الجامعة وشويه حجات كدا
أحمد: بابا نازل دلوقت يوصلنى ممكن تجى معانا
نغم: لا علشان متعبوش
احمد: هو هيفرح لما يعرف انك. جاية معانا
نغم: تمام بس انا بس كنت عاملة على تعبه
احمد: اه صحيح عملتى ايه فى المادة الصعبة،الى كانت عندك
نغم: لسه مش عارفة أعمل،ايه،اتفقت مع واحدة صحبتى هتجى تذاكر معايا،هعمل ايه
احمد: وانا بشوف واحد صاحبى بيدى كورسات ممكن يساعدك
نغم: بجد يا أحمد * بتتكلم وهى إيدها على بؤها وفرحانة
احمد: اه بجد للدرجادى المادة دى مديقاكى
نغم: اه جدا والامتحانات قربت ومش عارفة اعمل ايه ونفسى اخلصها
احمد: متقلقيش
نغم: طب تمام وشكرا جدا يا احمد معلش تعبتك معايا
احمد.: متقوليش كدا،انت تعبانى من ساعت مكنا صغيرين ولا انت نسيتى
نغم: لا طبعا منستش،
احمد: سجلى رقمى بقى علشان لو احتجتى حاجة
نغم: تمام * طلعت الموب وادتة لأحمد يسجل، احمد مسك الموب لقى خلفية العروسة لعبة*
احمد: لسه بتحبى العرايس
نغم: جدا،انت لسة فاكر
احمد: عمرى ما أنسى * نغم اتوترت وخدت منه الموب*
نغم:اسمك ايه بقى على الفيس علشان كمان أضيفك
أحمد: احمد على، هتلاقينى على طول
نغم: ايه الثقة دى
احمد: ولا ثقة ولا حاجة،علشان بس عندى متابعبن كتير علشان التصوير وكدا،
نغم: لسه بتصور وحش ولا اتعلمت
احمد: لا اتعلمت طبعا،اكيد فى مرة هصورك
نغم: هستنى،ومتكونش بتضحك عليا
احمد: لا اكيد،
نغم: هو انا لو عاوزة اروح معرض الكتاب،اركب ايه من الجامعة،علشان مش هعرف اروح
احمد: ايه دا انت رايحة معرض الكتاب،انا كمان هروح انا وعمر ومى كنا متفقين لو كدا تعالى معانا* أحمد كدب عليها علشان يروح معاها*
نغم: هتروحو امتى
احمد: انت عاوزة تروحى امتى
نغم: لو ممكن بكرة
احمد: تمام اتفقنا
*على أبو أحمد نزل *
على: صباح الخير يا نغم
نغم: صباح الخير يا عمو على
احمد: نغم مكنتش عاوزة تجى معانا وبتقول انها هتتعبك يابابا
نغم: لا لا مش قصدى
على: كدا يا نغم هو انا مش زى بابا ولا ايه،
نغم: مش قصدى
على: دا انت زى احمد وعبير وعيب تقولى كدا، انت تيجى تصحينى من النوم وانزلك مخصوص طبعا
نغم: تسلم يا عمو شكرا
على: يلا اركبوا بقى علشان متتأخروش
* على وصلهم كل واحد على جامعته وراح هو على شغلة*
*فى الجامعة، عمر قاعد على سلم الجامعة نايم على الكتب مستنى أحمد لحد ميجى*
أحمد: عمروه اصحى اصحى
عمر: ارحم امى بقى انت عاوز تجى الجامعة انا مالى ذنب امى ايه اصحى كل يوم كدا واتبهدل، وبعدين مالك كدا بتضحك كدا ليه بكلمك بقالى ساعة
أحمد: فرحان ياعمر، فرحان
عمر: اعرب ماتحتة خط ولا ايه، ماانافهمت انك فرحان، فرحان ليه، حد يجى المخروبة دى ويفرح
احمد: بس لو جاى مع حد كدا لازم تكون فرحان
عمر: ايه دا نغم جات معاك * أحمد حكاله الى حصل، وقاله على موضوع معرض الكتاب*
عمر: معرض الكتاب ايه الى هنروحه، انت بتفهم حاجة فى الكتب ولا تعرف حاجة، وكمان مى هتيجى
احمد: احنا مش صحاب، اتصرف
عمر: انا بحس انك بتذلنى، ماشى هجى معاك، انا مش عارف الأماكن الى بقيت تودهالى دى، انا حاسس بكرة هتقولى يلا نعمل رحلة للأهرمات
احمد: تصدق فكرة، هى من زمان بعيدة عن البلد واكيد نفسها تشوفها
عمر: بهزر ياعم بهزر،
احمد: لا انا عاوزك تشغل دماغك كدا
عمر: يعنى هتروح معرض الكتاب
احمد: هى بتحب الكتب وكدا ونفسها تروح
عمر: تصدق يا ياواد يا أحمد انا كان نفسى أعمل كتاب وأنزاه فى المعرض وأكون كاتب ناجح واحكى فيه عن نجاحى وإنجازاتى
احمد: نجاح وانجازات ايه الى هتكتبهم فى الكتاب انت هتستعبط، وبعدين هتكتبلهم ايه فى الكتاب
عمر: هكتبلهم إزاى بدأت من الصفر وإزاى بقيت تحتة
احمد: اتنيل *بيكلم وهو بيضحك*
عمر: لا وكمان نفسى الكتاب ينجح وأهدى النجاح دا لحببتى وصاحبتى وخطيبتى
احمد: هى مين دى
همر: كل واحدة فيهم. عارفة نفسها
احمد: يكش مى تسمعك علشان تخلى سنتك سودة، المهم شوفت حوار زياد
عمر: اه زياد هيكون فى الكافية النهاردا، علشان تتفق معاه على حوار الكورس
احمد: هتيجى معايا
عمر: لا انا مبطقش الواد دا وهو مبيطقنيش
احمد: ياعم هو انا بقولك هخطبهولك، بقولك هتيجى معايا
عمر: ماشى، ولو اتكلم كلمة ضايقتنى هفتحلك دماغه
احمد: خد الورق دا كان نازل فى المكتبة، فية ملخصات، الامتحانات قربت وعاوزبن ننجح
عمر: هات ياعم
احمد: يلا نحضر المحاضرة، علشان نلحق نروح الكافية ونلحق زياد
* احمد وعمر خلصوا محاضرتهم وراحوا الكافية*
عمر: الضاكتور زياض هناك اهو*بيتكلم وخو بيتريق عليه*
احمد: اهدى بقى علشان لو سمعك مش هيرضى يكلمنا
عمر: ماشى اما اشوف اخرتك ايه،
احمد: ازيك. يازياد
زياد: ازيك يا احمد عامل ايه
احمد: الحمد لله، بقولك. مستنى حد، كنت عاوز اقعد معاك شوية
زياد: اتفضل ياعم انت هتستأذن، ايه ياعمر مالك متتكلمش يعنى
عمر: ماانا ماسك. نفسى علشان لما بتكلم انت بتزعل
زياد: انا مش عارف ليه حاسس انك مش طايقنى
عمر: طب أعملك ايه علشان تتأكد
احمد: بيهزر انت عارف عمر بيحب يهزر * احمد ظرب عمر فى رجلة وهو قاعد على الكرسى*
عمر: اه بتوجع
زياد: على فكرة يا عمر انا زعلان منك من أخر مرة لما قعدت تتريق عليا
عمر: اتفلق
زياد: اتكلم بأسلوب أحسن من كدا
عمر: ممكن بعد إذنك تتفلق
احمد: خلاااص ياعمر اهدى، بقولك يا زياد، كنا عاوزين نعرف ايه الكورسات الى ببتاخد فى صيدلة ومواعيدها وكدا ومين بيدى
زياد: ليه
عمر: اصل والله احنا مش مرتاحين فى تجارة قولنا نشوف الجو فى صيدلة اخبارة ايه
زياد: بتكلم. بجد
احمد: مفيش ياعم، نغم بنت عمو عاطف هى فى صيدلة وكانت بدور على كورسات وكدا، وانا قولت مفيس غير زياد يفيدنا فى الموضوع
زياد: انت جيت للرجل الصح فى المكان الصح
عمر: يخربيت غتتاتك* بيتكلم فى سره*
احمد: انا عارف
زياد: خلاص هبعتلك على الواتس، اصلا فى مراجعة اليومين دول اناعاملها انا ودكتور زميلى هنخلص فيها المنهج، علشان الامتحانات قربت، هبعتلك كل التفاصيل على الواتس،
احمد: تماما يادوك تسلم
زياد: صحيح انتوا عملتوا ايه فى الكليه، لسه بردو مخلصتوش
احمد: اه ادعيلنا قربنا اهو فاضل السنة دى وان شاء الله سنة كمان
زياد: يعنى متأكد يعنى
احمد: مااحنا خلاص بقى هنتلم ونذاكر علشان نخلص
زياد: اه لازم تذاكروا علشان تخلصوا بقى ونلاقيلكوا بت الحلال، صحيح انا سمعت انك هتخطب ياعمر ابقى اعزمنى بقى
عمر: لا *طلعله لسانة ووقفل عينه، علشان يضايقه*
احمد: لا قصده عاملها على الضيق وكدا
زياد: بس مش تتخرج الأول وبعدين تخطب
عمر: هما عاوزينى كدا فاشل انا عاجبهم،
زياد: يعم مبروك
عمر: بقولك با ضاكتور عندى استشارة كدا بما انك ضاكتور معرفش ازاى بس يلا
زياد: قول ياعم، رغم ان الاستشارة بفلوش بس يلا
عمر: انا كل مباكل فم المعزة بيجوعنى متعرفش من ايه
زياد: فم المعزة
عمر: اه فم المعزة، مخدتوش فى السكشن ولا ايه، شكلك كنت بتغيب فى محاضرات فم المعزة، ابقى روح ذاكر
زياد: فم المعزة ايه سبع سنين فى طب عمرى ماسمعت فم المعزة دى، انت شكلك بتتريق،
عمر: روح ذاكر محاضرة فم المعزة، علشان انا همتحنك بكرة يلا يا احمد علشان نسيبة يذاكر
* احمد وعمر خرجوا من الكافية واحمد ميت على روحة من الضحك ومش قادر يمسك نفسة*
عمر: علشان اقولك مبرتحش للواد دا، قال ايه لازم نذاكر علشان نتجوز، شويه كمان وكنت همسك فى رقابتة مش هسيبه، كان نفسى أعضه مش عارف ايه الى سكتنى
احمد: ايه فم المعزة دا ياعمر
عمر: انا قولته اضايقه، ماهو مبيبطلش رخامة
احمد: المهم متنساش بكرة مشوار المعرض وقول ل مى
عمر: ماشى ياعم
* فى بيت أحمد*
أحمد: ياماما يا ماما
* عبير طلعت من الأوضة وهى بتضحك *
احمد: اعوذ بالله من الخبث والخبائث انتوا بتطلعوا امتى
عبير: هو انت معرفتش، مش معتز كان قايلك اننا هنجى نقعد شويه علشان هو مسافر، وايه جبتلك هنا وحمزة معايا وهنعملك احلى واجب، واه نقلتلك حجاتك علشان اقعد فى الأوضة بتاعتى
احمد: مش عاوزة تغيرى الإقامة بالمرة وتجيب كمان أبو العيال، واطلع انا وامك وابوكى ونسبلك البيت
عبير: لا لا متقولش كدا يا حمادة، البيت بيتكوا طبعا
احمد: ماما فين
عبير: نزلت تقعد. مع طنك هدى ام نغم
احمد: بجد فى حاجة ولا ايه
عبير: عادى هو لازم يكون فى حاجة، اتنين صحاب رايحين يقعدوا مع بعض
احمد: انا داخل انام ولو سمعت صوتك انت وعيالك هرحلك على بيتك بالشبشب ياعبير وغورى بقى
عبير: شايف ياحمزة شايفة يا هنا خالو القاسى بيعمل فينا ايه
احمد: اوعى يابت كدا وانت شبة عبير اخت البرنس وشكلك هتخربيها وتاخدى أوضتى ماانا عارفك هتموتى وتعبيها فى شنطة وتاخديها معاكى بيتك
*أحمد راح يفتح التلاجة*
احمد: يا عبير يا عبير
عبير: ايه عاوز ايه
احمد: البسسى الى فى التلاجة راح فين
عبير: راح مشوار وراجع
احمد: ياعبير الاخوات سند. لبعض فعيب أوى لما سند يحط حاحة فى التلاجة ويجى سند تانى يلهفها لمى نفسك
عبير: قول انك مش طايقنى وعاوزنى اخد العيال وامشى، بس دا بعينك ياحبيب اختك، وممكن لو عجبتنى الإقامة أفضل هنا لحد ما أولد
احمد: انا داخل انام،
*فى بيت عمر*
ماهر"أبو عمر": هتعمل ايه ياعمر أبو مى بيكلمنى وعاوزين نحدد ميعاد علشان قراءة الفاتحة
عمر: بعد الامتحانات، هو احنا مش اتفقنا
ماهر: ناوى على ايه
عمر: خطوبة، ومش هتحوز الا اما اتخرج
ماهر: يابنى ماشقتك موجودة وانا هساعدك لحد متوقف على رجلك وكدا كدا انت بتشتغل، منعجل بالفرح وبلاش لما تتخرج دى، علشان احنا فقدنا الأمل فيك
عمر: هو انت متعرفش قوليله ياماما
مامت عمر: اه عمر الله اكبر بقى يذاكر، وشكله كدا هينجح
ماهر: طب ياريت ياخويا
عمر: بذاكر جامد اوى وبتعب وعلشان كدا لازم حضرتك تدينى فلوس
ماهر: هتعمل ايه بيهم
عمر: هحشش يعنى يابايا محتاجهم، علشان بنت اختك ياست ماما مخلصة على فلوسى اول بأول قال ايه بتحوشهملى
ماهر: مش ناوى الأجازة دى بقى تنزل الصيدليه تساعدنى ولا ايه
عمر: ان شاء الله الله قول يارب
ماهر: مباخدش منك عقاد نافع، قومى حطى الأ كل خلينا نتغدى قبل ماابنك. دا يشلنى
عمر: طابخة ايه ياماما
ماما: سمك ياحبيبى
عمر: ياماما السمك. دا كائن لطيف وجميل فياريت نسيبة يعوم
ماما: ماانت لو بتاكل السمك كان زمانك دلوقت بقيت دكتور ولا حتى خلصت كليتك الى مش راضى تاخدها دى
عمر: لا والله يعنى كل الناس الى بتنجح دى كانوا ياكلوا سمك، الله عليكى يا ام عمر، وان شاء الله ام عمر سابت المطبخ وعملت الدراسة العظيمة دى امتى
ماما: انت عملت أكبر غلطة فى حياتك انك مش بتاكل سمك ياعمر
عمر: طب مفيش مكفأة
ماهر: مش بقولك مش هتخلصى فيه ابنى وانا عارفه
عمر: قولتلك ميت مرة السمك مش باكله أغنهالك، وانت بتحبى تعملية بحس انك بتتلذذى لما تعملى حاجة تضايقنى
ماهر: بقولك قومى حطى الاكل دا هيفضل يتكلم مش هيفصل
* فى بيت نغم*
ليلى: يا نغم يا نغم.، تعالى كلمى صاحبتك
نغم: اذيك ياروان عاملة ايه
روان: تمام الحمد لله، عاوزين نخلص بسرعة هلشان متأخرش
نغم: ان شاء الله مش هنتأحر، ماما جهزتلنا قعدة فى البلكونة فى الطرواة علشان الحر وكدا
* روان ونغم قعدوا على تربيزة بيذاكروا قعدين قصاد بعض، وفجأة أحمد طلع كان بيكلم فى الموب، وشاور لنغم ودخل بسرعة*
روان: مين الواد المحترم دا
نغم: دا احمد بن عمو عاطف جارنا
روان: الواد دا شكله بيحبك او على الأقل معجب بيكى
نغم: اكيد لا انت بتقولى ايه
ؤوان: اصلة الدقيقة الى وقفها بصلك كدا كأة بيسرق، ودخل جوا على طول ماكان ممكن يكمل كلام، ولما تلتقى حد بيحب حد بيخاف انه يكشفة وبكرة تقولى روان قالت
نغم: لا لا مااعتقدش خالص، دا انا لو روحت زيارة عندهم. هو مبيقاش موجود كأنة بيتعمد دا، ودايما وهو بيكلمنى عينه فى الأرض كأنه مضايق منى، وبعدين لا لا انت بتقولى ايه
روان: هو الواد دا فى ايه
نغم: تجارة سنة تالته
روان: هو لسة فى الجامعه
نغم: مفروض يكون خلص بس هو كان بيسقط وكدا
روان: وطبعا باباكى مش هيرضى يجوز بنته الدكتورة اى حد، على العموم انا موجودة معجبكيش ابعتيه
نغم: انا بقول يلا نذاكر بقى علسان متتأخريش
استنوا الفصل الثامن ومتنسوش التفاعل علشان أنزل الجديد بسرعة 😉
__________________________
تعليقات
إرسال تعليق